ਸੰਪਾਦਕੀ

ਦੋਏ ਹੱਥ ਜੋੜ ਕਰੋ ਅਰਦਾਸ —-ਪੰਜਾਬ ਚੋਂਣਾਂ ਵਿੱਚ ਫਟਾ ਫੱਟੀ ਬਦਲਦੇ ਹਾਲਾਤਾਂ ਦੌਰਾਨ ਕਾਂਗਰਸ ਲੀਡਰਸ਼ਿਪ ਉੱਪਰ ਥੱਲੇ ਦੀ , ਦਲ ਬਦਲੂ ਸਿਆਸਤ ਦਾ ਸ਼ਿਕਾਰ ਹੋ ਕੇ ਚੰਨੀ , ਰਾਹੁਲ ਤੇ ਸੋਨੀਆਂ ਗਾਂਧੀ , ਇਸ ਪੱਖੋਂ ਬੁਖਲਾਏ ਦੇਖੇ ਜਾ ਰਹੇ ਹਨ । ਉਹ ਆਪਣੇ ਅੰਦਰਲੇ ਘਰ ਨੂੰ ਘੋਖੇ ਕੀਤੇ ਬਗੈਰ, ਪੰਜਾਬੀਅਤ ਨਾਲ ਕੀਤੇ ਧੋਖਿਆਂ ਨੂੰ ਜਨਤਕ ਕਰ ਕੇ ਸਿੱਖਾਂ ਤੇ ਪਾਏ ਕਾਂਗਰਸੀ ਦੁਖਾਂਤਾਂ ਤੇ ਕੋਈ ਭੀ ਝਾਤ ਮਾਰ ਕੇ  ਸਾਹਮਣੇ ਨਹੀਂ ਆ ਰਹੇ । ਉਲਟਾ ਇਹੀ ਦੋਸ਼ ਰਟੀ ਜਾ ਰਹੇ ਹਨ ਕਿ ਸਾਡੇ ਕਾਂਗਰਸੀ ਪਾਰਟੀ ਛੱਡ ਕੇ ਜਾ ਰਹੇ ਹਨ । ਉਨ੍ਹਾਂ ਨੇ ਪਾਰਟੀ ਛੱਡ ਕੇ ਬੀ ਜੇ ਪੀ ਅਤੇ ਕੈਪਟਨ ਦਲ ਵਿੱਚ ਗਇਆਂ ਦੀ ਇਕ ਲਿਸਟ ਭੀ ਬੜੇ ਰੋਸ ਨਾਲ ਜਨਤਕ ਕੀਤੀ ਹੈ ।ਇਹਨਾਂ ਦਾ ਰੋਣਾ , ਦਲ ਬਦਲੂ ਸਿਆਸਤ ਵਜੋਂ ਪੰਜਾਬ ਵਿੱਚ ਕੋਈ ਨਵਾਂ ਗੱਲ ਨਹੀਂ ਹੈ । ਪਰ ਅੱਜ ਦੇ ਸਮੇਂ ਦੇ ਹਾਲਾਤਾਂ ਵਿੱਚ ਪਿਛਲੇ ਦਹਾਕਿਆਂ ਵਿੱਚ ਜੋ ਬਾਦਲ ਧਿਰਾਂ ਦੇ ਨਾਲ (ਦਲ-ਖਿਚੜੀ) ਕਰਕੇ ਜੋ ਸਿੱਖਾਂ ਤੇ ਕਹਿਰ ਢਾਹੇ , ਜੂਨ 84 ਅਤੇ ਨਵੰਬਰ 84 ਇਹ ਕਾਂਗਰਸ ਦੀ ਹੀ ਦੇਣ ਹੈ। ਦਲ ਬਦਲੂ “ਢਾਂਚਾ” ਵੀ “ਅੱਧੀ ਸਦੀ “ ਵੱਧ ਤੋਂ ਚੱਲਿਆ ਆ ਰਿਹਾ ਕਾਂਗਰਸੀਆਂ ਦੀ ਹੀ ਪੈਦਾਇਸ਼ ਰਿਹਾ ਹੈ ।ਬਾਦਲ ਦਲੀਏ ਤਾਂ ਇਸੇ ਕਾਂਗਰਸੀ “ਦਲ ਬਦਲੂ” ਕਿਸਮ ਦੀ ਰਣ-ਨੀਤੀ ਵਿੱਚੋਂ ਹੀ ਜਨਮੇ ਹਨ। ਅੱਜ ਉਹਨਾਂ ਨੂੰ ਭੀ ਇਸੇ ਬੀਮਾਰੀ ਦੇ ਡੰਗ ਨੇ ਡੱਸ ਲਿਆ ਹੈ । ਦਰ ਅਸਲ ਬਾਦਲਕਿਆਂ ਨੇ ਬੇਅਦਬੀਆਂ ਦੇ ਪਾਪ ਦੀ ਵੱਡੀ ਪੰਡ ਚੁੱਕ ਕੇ ਵੀ ਢੀਠਤਾਈ ਦੀਆਂ ਹੱਦਾਂ ਪਾਰ ਕਰਦੇ ਹੋਏ , ਔਖੜ ਕਦਮਾਂ ਨਾਲ ਤੁਰਦੇ ਕਾਂਗਰਸੀਆ ਦੀ ਚਾਲੇ ਹੀ ਆਪਣੇ ਅਪਰਾਧਾਂ ਦੀ ਕੋਈ ਘੋਖ ਨਹੀਂ ਕਰ ਰਹੇ ਹਨ। ਜਿਵੇਂ ਮੈ ਲਿਖਿਆ “ਪ੍ਰਤੱਖ “ ਹੈ ਕਿ ਸੱਠਵਿਆਂ ਤੋਂ ਪਹਿਲਾਂ  ਸ੍ਰ. ਪ੍ਰਕਾਸ਼ ਸਿੰਘ ਬਾਦਲ ਕਾਂਗਰਸ ਐਮ ਐਲ ਏ ਬਤੌਰ ਪੰਜਾਬ ਅਸੈਬਲੀ ਰਾਹੀ ਜਨਮਿਆਂ , ਪਹਿਲੇ ਪੰਜ ਸਾਲ ਪੰਜਾਬ ਅਸੈਬਲੀ ਵਿੱਚ ਸਮੇਂ ਦੇ ਆਪਣੇ “ਚਾਚਾ ਨਹਿਰੂ” ਦੀ ਗੋਦ ਵਿੱਚ ਸਿਆਸੀ ਤੌਰ ਤੇ ਜੁਆਨ ਹੋਇਆ । ਅਗਲੇ ਪੰਜ ਸਾਲ ਤੋਂ ਬਾਅਦ ਉਸ ਦਾ ਉਤਾਰਾ ਅਕਾਲੀ ਦਲ ਵਿੱਚ ਪਾਇਆ ਗਿਆ । ਇਸੇ ਤਰਾਂ ਉਸੇ ਸਮੇਂ ਹੋਰ ਭੀ ਕਈ ਨੇਤੇ ਗਿਰੀ ਦੇ ਤਬਾਦਲੇ ਸਮੇਂ ਦੀ ਕਾਂਗਰਸ ਸਮੇਂ ਹੋਏ ਸਨ ।ਸ਼ਾਇਦ  ਇਸੇ ਚਿੰਤਾ ਨੂੰ ਮੁੱਖ ਰੱਖਦੇ ਉਸ  ਸਮੇਂ ਦੇ ਮਸ਼ਹੂਰ ਕਵੀ ਸ੍ਰ. ਵਿਧਾਤਾ ਸਿੰਘ ਤੀਰ ਨੇ ਦਲ ਬਦਲੂਆਂ ਬਾਰੇ ਇਕ ਲੰਬੀ ਕਵਿਤਾ ਲਿਖੀ ਸੀ— ਉਸ ਵਿੱਚੋਂ ਕੁਝ ਕੁ ਲਾਈਨਾਂ ਇਸ ਤਰਾਂ ਸਨ - “ ਗਲੀ ਦੇ ਕੁੱਤੇ ਦੀ ਅੱਖ ਸ਼ਰਮਾ ਗਈ  ,  ਟੋਲੀ ਦਲ ਬਦਲੂਆਂ ਦੀ ਜਾਂ ਆ ਗਈ “ ਜ਼ਿਹਨਾਂ ਦਾ ਪਿਛੋਕੜ ਕਹਿਰ ਭਰਿਆ ਭੀ ਹੋਵੇ , ਉਹ ਐਵੇਂ ਖਾਹ ਮਖਾਹ ਗੋਡਿਆਂ ਵਿੱਚ ਸਿਰ ਦੇ ਕੇ ਬੈਠ ਕੇ ਢੌਂਗ ਰਚਣ ਨਾਲ਼ੋਂ , ਆਪਣੇ ਕੀਤੇ ਦੇ ਲੱਛਣਾਂ ਬਾਰੇ ਸਿੱਟੇ ਖੁਦ ਹੀ ਪੈਦਾ ਕਰਨ  ਤਾਂ ਉਹਨਾਂ ਨੂੰ ਕੋਈ ਪਛਤਾਵੇ ਤੇ ਸੁਧਾਰ ਦਾ ਰਸਤਾ ਹੋ ਸਕਦਾ ਮਿਲ ਜਾਵੇ । ਕਾਂਗਰਸੀਆਂ / ਬਾਦਲਾਂ ਦੀ ਸਾਂਝੀ ਗੋਦ ਜੋ ਇਹਨਾਂ ਲਈ - ਚਾਚਾ ਨਹਿਰੂ ਤੋਂ ਇੰਦਰਾ ਤੱਕ ਨਿੱਘੀ  ਰਹੀ ਹੈ , ਉਸ ਤੋਂ ਪੈਦਾ ਹੋਏ ਸਿੱਟਿਆਂ ਦੇ ਉਤਾਰੇ ਅਤੇ ਉੱਤਰ ਪੰਜਾਬੀ ਅਤੇ ਦੇਸ਼ ਦਾ ਸ਼ਹਿਰੀ ਨਿਧੜਕ ਹੋ ਕੇ ਆਪਣੇ ਹੱਕਾਂ ਦਾ ਇਜ਼ਹਾਰ ਕਰ ਕੇ ਦੇ ਰਿਹਾ ਹੈ । ਕਾਂਗਰਸੀ/ਬਾਦਲਕਿਆਂ ਨੇ ਪੰਜਾਬੀਆ , ਖਾਸ ਕਰ ਸਿੱਖਾਂ ਅਤੇ ਕੇਂਦਰ ਦਰਮਿਆਨ ਜੋ ਦਹਾਕਿਆਂ ਤੋਂ ਜੋ ਕੰਧ ਖੜੀ ਕਰਕੇ , ਆਪਣੇ ਮੁਫ਼ਾਦ ਕਾਇਮ ਕੀਤੇ  , ਇਸ ਰਲਵੇ ਹਮਲੇ ਨਾਲ ਪੰਜਾਬ ਨੂੰ ਕੁੱਟਿਆ , ਮਾਰਿਆ , ਉਜਾੜਿਆ , ਅੱਜ ਉਸ ਸਾਰੇ ਕਾਸੇ ਦੇ ਲੇਖਾ ਚੋਖਾ ਬਰਾਬਰ ਕਰਨ ਦੇ ਹਾਲਾਤ ਪੈਦਾ ਹੋ ਰਹੇ ਹਨ । ਕਿਤਨਾ ਅਫ਼ਸੋਸ ਹੈ ਤੁਸੀਂ ਉਸ ਬੀ ਜੇ ਪੀ ਤੋਂ ਔਖੇ ਹੋ ਕੇ ਰੋ ਰਹੇ ਹੋ , ਉਹ ਵੀ ਤੁਹਾਡੇ ਉੱਪਰ ਦੱਸੇ ਆਪਣੇ ਕਾਰਨ ਹਨ । ਤੁਸੀਂ ਪੰਜਾਬ ਵਰਗੀਆਂ ਕੌਮਾਂ ਨੂੰ ਘੱਟ ਗਿਣਤੀ ਜਾਣ ਕੇ , ਦੂਜੇ ਦਰਜੇ ਦੇ ਸ਼ਹਿਰੀ ਗਰਦਾਨ ਕੇ ਜੋ ਉੱਪਰ ਦੱਸੇ ਕਾਂਢ ਵਿਤਰਾਏ , ਜੋ ਕੰਧ ਖੜੀ ਕੀਤੀ , ਉਹ ਢਹਿ ਚੁੱਕੀ ਹੈ । ਦੇਖੋ ਸ੍ਰੀ ਕਰਤਾਰ ਪੁਰ ਦਾ ਲਾਂਘਾ , ਯੂ ਪੀ ਸਰਕਾਰ ਵੱਲੋਂ ਗੁਰੂ ਤੇਗ਼ ਬਹਾਦਰ ਜੀ ਦੀ ਸ਼ਹੀਦੀ ਨੂੰ ਸਮਰਪਿਤ ਆਗਰਾ ਅਤੇ ਲਖਨਊ ਵਿਖੇ ਮਿਊਜ਼ਿਅਮ , ਰੀਸਰਚ ਸੈਟਰ ਅਤੇ ਸਟੇਟ ਵਿੱਚ ਵਿੱਦਿਅਕ ਅਦਾਰਿਆਂ ਵਿੱਚ ਉਸੇ ਆਧਾਰ ਤੇ ਤਾਲੀਮ ਲਾਗੂ ਕਰਨਾ , ਸੰਸਾਰ ਪੱਧਰ ਤੇ ਗੁਰੂ ਨਾਨਕ “ਚੇਅਰਜ” ਯੂਨੀਵਰਸਿਟੀਆਂ ਵਿੱਚ ਸਥਾਪਿਤ ਹੋਣੀਆਂ । ਤੁਸੀਂ ਤਾਂ ਸਿਖਾਂ ਵਿਰੁਧ ਜਾਤੀ ਰੰਜਨ ਜਾਰੀ ਰੱਖੀ । ਪਰਵਾਸੀ ਸਿੱਖਾਂ ਦੀਆਂ  ਕਾਲੀਆਂ ਸੂਚੀਆਂ, ਉਹਨਾਂ ਦੀਆ ਪਿਛੇ ਜਾਇਦਾਦਾਂ ਨਾਲ ਖਿਲਵਾੜ ਕੀਤੇ । ਹੁਣ ਕਾਂਗਰਸੀਆਂ ਨੇ ਕਿਸਾਨ ਸ਼ੰਗਰਸ਼ ਸਮੇਂ ਉਹਨਾਂ ਦੇ ਹਲ ਪੰਜਾਲ਼ੀ ਤੇ ਸੁਹਾਗੇ ਤੇ ਲੱਤ ਰੱਖ ਕੇ ਕਿਸਾਨਾਂ ਦੇ ਮੋਢੇ ਦਾ ਸਹਾਰਾ ਲੈਣਾ ਸ਼ੁਰੂ ਕੀਤਾ । ਕਿਸਾਨੀ ਤੋਂ ਵੀ ਇਹਨਾਂ ਦੀ ਅਣਜਾਣ ਸਿਆਸਤ ਉਹ ਕੁਝ ਹੋਇਆ , ਜਿਵੇਂ ਇਕ ਅਣਜਾਣ ਆਦਮੀ ਪੰਜਾਲ਼ੀ ਤੇ ਸੁਹਾਗੇ ਦਰਮਿਆਨ ਦੇ ਫ਼ਾਸਲੇ ਤੋਂ ਅਣਜਾਣ ਹੋਣ ਕਰਕੇ ,ਡਿਗਦਾ ਅਤੇ ਗੋਡੇ ਛਿਲਵਾ ਬੈਠਦਾ ਹੈ । ਵੈਸੇ ਵੀ ਕਾਂਗਰਸੀ ਅਤੇ ਬਾਦਲਕੇ , ਸੁਹਾਗੇ ਦੇ ਲਫਜ਼ਾਂ ਤੋਂ ਇਸ ਲਈ ਹੀ ਪ੍ਰਭਾਵਤ ਜਾਣੇ ਗਏ ਹਨ , ਕਿ ਸਮਾਜਿਕ ਜਾਨ ਜ਼ਿੰਦਗੀ ਨੂੰ ਹੀ ਸੁਹਾਗੇ ਹੇਠ ਲਿਤਾੜਨਾ । ਕਿਸਾਨੀ  ਸ਼ੰਗਰਸ਼ ਨੂੰ ਭੀ ਸਹੀ ਤੌਰ ਤੇ ਜੋ ਰਸਤਾ ਖੁਦ ਪ੍ਰਧਾਨ ਮੰਤਰੀ ਨੇ ਹੀ ਖੁਦ ਪਹਿਲ ਕਰਕੇ ਕਿਸਾਨਾਂ ਦੇ ਹੱਕ ਵਿੱਚ ਫੈਸਲਾ ਦੇ ਦਿੱਤਾ , ਭਾਰਤ ਦੇ ਪਿਛਲੇ ਇਤਿਹਾਸ ਵਿੱਚੋ ਅਨੋਖਾ ਤੇ ਸਹੀ ਹੋ ਨਿਕਲਿਆ । ਸ਼ਾਇਦ ਇਹ “ਡੁੱਲੇ ਬੇਰਾਂ ਦਾ ਅਜੇ ਕੀ ਵਿਗੜਿਆ” ਦੀ ਗਾਥਾ ਹੀ ਕਹਿ ਲਵੋ , ਪਰ ਫੈਸਲਾ ਇਕ ਸੱਚ ਵਿਚਾਰਧਾਰਾ ਦਾ ਸਿੱਟਾ ਸੀ । ਕਾਂਗਰਸ /ਬਾਦਲਕੇ ਸਿਰਫ਼ ਇਸ ਕਿਸਾਨ ਸ਼ੰਗਰਸ਼ ਵਿੱਚ ਦੁਬਿਧਾ ਗ੍ਰਹਿਸਤ ਹੋਏ , ਬਲਦੀ ਤੇ ਤੇਲ ਹੀ ਪਾਉਂਦੇ ਰਹੇ ਹਨ । ਅੱਜ ਉਸੇ ਅੱਗ ਦੇ ਧੂੰਏਂ ਵਿੱਚੋਂ ਵਿਗੜੇ ਚਿਹਰੇ ਨੂੰ ਸੁਆਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ । ਅਸੀਂ ਵੀ ਅਰਦਾਸ ਕਰਦੇ ਹਾਂ ਕਿ ਵਾਹਿਗੁਰੂ ਸੁਮੱਤ ਬਖ਼ਸ਼ੇ । ਸਰਬੱਤ ਦਾ ਭੱਲਾ ਮੰਗਦੇ ਹਾਂ । ਪਰੰਤੁ ਸਮਾਜ , ਜਨਤਕ ਸੇਵਾ ਲਈ ਬਹੁਤ ਕੁਝ ਦਰੁਸਤ ਅਤੇ ਸੁਧਾਰਨ ਦੀ ਲੋੜ ਹੈ । ਸਹੀ ਗੱਲਾਂ , ਸਹੀ ਫੈਸਲੇਆਂ ਨੂੰ ਠੀਕ ਸਮੇਂ ਮੁਤਾਬਕ ਸਹੀ ਕਹਿਣਾ , ਸਹੀ ਪੱਖੋਂ ਪਰਖ ਕਰਨੀ ਉਸ ਤੇ ਪਹਿਰਾ ਦੇਣਾ ਹੀ ਚੰਗੀ ਇਨਸਾਨੀਅਤ ਪਛਾਣ ਹੁੰਦੀ ਹੈ । ਅਜਿਹੇ ਹੀ ਫੈਸਲਿਆ ਨੂੰ ਬਿਨਾ ਕਿਸੇ ਭੇਦ ਭਾਵ ਨਾਲ ਕੰਬੂਲਣਾ ਚੰਗੇ ਸਮਾਜ ਦੀ ਸਿਰਜਣਾ ਦਾ ਧੁਰਾ ਹੁੰਦਾ ਹੈ । ਮੁੱਕਦੀ ਗੱਲ ਅਜੇ ਕੁਝ ਦਿਨ ਪਹਿਲਾਂ ਹੀ ਭਾਰਤ ਸਰਕਾਰ ਵੱਲੋਂ ਪ੍ਰਧਾਨ
ਮੰਤਰੀ ਸ੍ਰੀ ਨਰਿੰਦਰ ਮੋਦੀ ਨੇ “ਬਾਲ ਦਿਵਸ” ਦਾ ਦਿਨ ਧੰਨ ਗੁਰੂ ਗੋਬਿੰਦ ਸਿੰਘ ਜੀ ਦੀ ਛੋਟੇ ਸਾਹਿਬਜ਼ਾਦਿਆਂ ਦੀ ਸ਼ਹਾਦਤ ਨੂੰ ਪ੍ਰਣਾਮ ਕਰਦਿਆਂ ਇਸ ਦਿਹਾੜੇ ਨੂੰ “ਸਾਹਿਬਜ਼ਾਦਿਆਂ “ ਦੀ ਯਾਦ ਵਿੱਚ  “ਬਾਲ ਦਿਵਸ “ ਮਨਾਉਣ ਦਾ ਐਲਾਨ ਕੀਤਾ ਹੈ । ਅਸੀਂ ਇਸ ਸ਼ਰਧਾ ਨੂੰ ਸਿੱਖ ਇਤਿਹਾਸ ਦੇ ਵਿਰਸੇ ਦੀਆਂ ਕੁਰਬਾਨੀਆਂ ਦੇ ਮਾਣ ਅਤੇ ਸਤਿਕਾਰ ਵਜੋਂ ਭਾਰਤ ਦੇ ਪ੍ਰਧਾਨ ਮੰਤਰੀ ਜੀ ਦਾ ਦਿਲੋਂ ਸਤਿਕਾਰ ਕਰਦੇ ਹਾਂ । ਉਹਨਾਂ ਦੀ ਸਿੱਖ ਕੁਰਬਾਨੀਆਂ ਨੂੰ ਸ਼ਰਧਾ ਨਾਲ ਸਵੀਕਾਰ ਕਰਨਾ , ਵਾਹਿਗੁਰੂ ਦੇ ਚਰਨਾਂ ਵਿੱਚ ਅਰਦਾਸ ਕਰਦੇ ਹਾਂ , ਕਿ ਵਾਹਿਗੁਰੂ ਉਹਨਾਂ ਨੂੰ ਤੰਦਰੁਸਤੀ ਤੇ ਚੜਦੀ ਕਲਾ ਬਖ਼ਸ਼ੇ ।          
ਪਰਮਿੰਦਰ ਸਿੱਘ ਬਲ , ਪ੍ਰਧਾਨ ਸਿਖ ਫੈਡਰੇਸ਼ਨ ਯੂ ਕੇ
Email:psbal46@gmail.com    Mobil:07771 608363   Twitter  @Parmind91032232

ਦੋਸਤੋਂ ਮਨੁੱਖ ਇੱਕ ਸਮਾਜਿਕ ਪ੍ਰਾਣੀ ਹੈ ।ਸਮਾਜ ਵਿੱਚ ਰਹਿੰਦੇ ਉਹ ਅਨੇਕਾਂ ਰਿਸ਼ਤਿਆਂ ਵਿੱਚ ਵਿਚਰਦਾ ਹੈ ।ਹਰ ਇੱਕ ਰਿਸ਼ਤੇ ਦੀ ਅਲੱਗ ਅਲੱਗ ਅਹਿਮੀਅਤ ਹੁੰਦੀ ਹੈ।ਜੇਕਰ ਇੰਨਾਂ ਵੱਲ ਸਮਾਂ ਤੇ ਧਿਆਨ ਨਾ ਦਿੱਤਾ ਜਾਵੇ ਤਾ ਇਹ ਬਿਖਰਨੇ ਸ਼ੁਰੂ ਹੋ ਜਾਂਦੇ ਹਨ।ਹਰ ਇੱਕ ਰਿਸ਼ਤਾ ਸਮਾਂ ਤੇ ਧਿਆਨ ਮੰਗਦਾ ਹੈ।ਜਿਸ ਇਨਸਾਨ ਕੋਲ ਇਹ ਦੋਨੋਂ ਚੀਜ਼ਾਂ ਨਹੀਂ ਹਨ ਜਾਂ ਫਿਰ ਇਹ ਦੋਨੋਂ ਚੀਜ਼ਾਂ ਇਨਸਾਨ ਆਪਣੇ ਰਿਸ਼ਤਿਆਂ ਨੂੰ ਨਹੀਂ ਦੇ ਪਾ ਰਿਹਾ ਤਾਂ ਸਮਝੋ ਉਹ ਕਿਤੇ ਨਾ ਕਿਤੇ ਆਪਣੇਪਨ ਪਿਆਰ ਦੀ ਨਿੱਘ ਤੋਂ ਦੂਰ ਜਾ ਰਿਹਾ ਹੈ ।ਅੱਜ ਦੀ ਦੁਨੀਆਂ ਆਧੁਨਿਕ ਸਹੂਲਤਾਂ ਦੀ ਬਣ ਗਈ ਹੈ ।ਜਿਵੇਂ ਕਿ ਮੋਬਾਇਲ,ਗੇਮਾਂ,ਹੋਰ ਆਧੁਨਿਕ ਸਹੂਲਤਾਂ ਨੇ ਆਧੁਨਿਕ ਮਨੁੱਖ ਨੂੰ ਇੰਨਾਂ ਕੁ ਵਿਅਸਤ ਕਰ ਦਿੱਤਾ ਹੈ ਕਿ ਉਸ ਕੋਲ ਆਪਣਿਆਂ ਲਈ ਸਮਾਂ ਨਹੀਂ ਹੈ।ਵੈਸੇ ਵੀ ਅੱਜ ਦਾ ਮਨੁੱਖ ਆਪਣੀਆਂ ਸੁੱਖ ਸਹੂਲਤਾਂ ਲਈ ਏਨਾ ਸੁਆਰਥੀ ਹੋ ਚੁੱਕਾ ਹੈ ਕਿ ਉਸ ਕੋਲ ਆਪਣਿਆਂ ਲਈ ਸਮਾਂ ਹੋਣਾ ਦੂਰ ਦੀ ਗੱਲ ਹੈ ਉਹ ਧਿਆਨ ਵੀ ਨਹੀ ਦੇ ਪਾਉਂਦਾ ।ਉਹ ਹਰ ਰੋਜ ਦੀ ਭੱਜ ਦੌੜ ਵਿੱਚ ਆਪਣੇ ਰਿਸ਼ਤੇਦਾਰਾਂ ਵੱਲ ਬੇ ਧਿਆਨਾ ਹੋ ਜਾਂਦਾ ਹੈ ।ਮਾ-ਬਾਪ ਭੈਣ-ਭਰਾ ਪਤੀ-ਪਤਨੀ ,ਦਾਦਾ-ਦਾਦੀ ,ਧੀ-ਪੁੱਤਰ ਅਜਿਹੇ ਰਿਸ਼ਤੇ ਹਨ ਜੋ ਇੱਜ਼ਤ ਤੇ ਪਿਆਰ ਨਾਲ ਹੀ ਵੱਧਦੇ ਫੁਲਦੇ ਹਨ।ਇਹ ਰਿਸ਼ਤੇ ਸਮਾਂ ਤੇ ਧਿਆਨ ਮੰਗਦੇ ਹਨ।ਜਦੋਂ ਮਨੁੱਖ ਇੰਨਾਂ ਵੱਲ ਸਮਾਂ ਤੇ ਧਿਆਨ ਦੇਣੋ ਹੱਟ ਜਾਂਦਾ ਹੈ ਤਾਂ ਇਹ ਰਿਸ਼ਤੇ ਬਿਖਰਨੇ ਸ਼ੁਰੂ ਹੋ ਜਾਂਦੇ ਹਨ ।ਇਹਨਾਂ ਵਿੱਚਲੀ ਆਪਸੀ ਪਿਆਰ ਦੀ ਨਿੱਘ ਖ਼ਤਮ ਹੋ ਜਾਂਦੀ ਹੈ।ਮਨੁੱਖ ਆਪਣਿਆ ਤੋਂ ਦੂਰ ਹੋ ਜਾਂਦਾ ਹੈ।ਰਿਸ਼ਤਿਆਂ ਦੀ ਮਜ਼ਬੂਤ ਨੀਂਹ ਲਈ ਸਮਾਂ ਬਹੁਤ ਜ਼ਰੂਰੀ ਹੈ।ਮਾ-ਬਾਪ ਆਪਣੇ ਬੱਚਿਆ ਲਈ ਸਭ ਤੋਂ ਵੱਧ ਸਮਾਂ ਦਿੰਦੇ ਹਨ।ਤੇ ਬੁਢਾਪੇ ਵਿੱਚ ਆਸ ਕਰਦੇ ਹਨ ਉਹ ਬੱਚੇ ਉਹਨਾਂ ਨੂੰ ਸਮਾਂ ਦੇਣ ਤੇ ਧਿਆਨ ਵੀ।ਬੱਚਿਆ ਦਾ ਵੀ ਫਰਜ ਬਣਦਾ ਹੈ ਕਿ ਉਹ ਆਪਣੇ ਮਾਪਿਆਂ ਨਾਲ ਵੱਧ ਤੋ ਵੱਧ ਸਮਾਂ ਬਿਤਾਉਣ।ਪਤੀ-ਪਤਨੀ ਦਾ ਰਿਸ਼ਤਾ ਵੀ ਇੱਕ ਅਟੁੱਟ ਰਿਸ਼ਤਾ ਹੁੰਦਾ ਹੈ।ਜੇਕਰ ਪਤੀ -ਪਤਨੀ ਦੋਨੋ ਇੱਕ ਦੂਜੇ ਲਈ ਸਮਾਂ ਦਿੰਦੇ ਹਨ ਤਾ ਇਹ ਰਿਸ਼ਤਾ ਬਹੁਤ ਚੰਗੀ ਤਰਾਂ ਹੋ ਨਿਬੜਦਾ ਹੈ।ਭੈਣ ਭਰਾ ,ਧੀ-ਪੁੱਤਰ ਇਹ ਰਿਸ਼ਤੇ ਤਾ ਹੀ ਮਜ਼ਬੂਤ ਬਣਨਗੇ ਜੇਕਰ ਇਹਨਾਂ ਰਿਸ਼ਤਿਆਂ ਨੂੰ ਸਮਾਂ ਦਿੱਤਾ ਜਾਵੇ।ਮੈ ਬਹੁਤ ਰਿਸ਼ਤੇ ਆਪਣਿਆਂ ਦੇ ਪਿਆਰ ਦੀ ਘਾਟ ਕਾਰਨ ਸਮੇ ਦੀ ਘਾਟ ਕਾਰਨ ਟੁੱਟਦੇ ਦੇਖੇ ਹਨ।ਜੋ ਕਦੇ ਵੀ ਨਹੀ ਜੁੜਦੇ ।ਆਪਣਿਆਂ ਲਈ ਸਮਾਂ ਧਿਆਨ ਨਾ ਦੇਣਾ ਮਨੁੱਖ ਨੂੰ ਇਕੱਲਾ ਕਰ ਦਿੰਦਾ ਹੈ।ਆਓ ਸਾਰੇ ਆਪਣਿਆਂ ਰਿਸ਼ਤਿਆਂ ਨੂੰ ਮਜ਼ਬੂਤ ਬਣਾਉਣ ਲਈ ਸਮਾਂ ਤੇ ਧਿਆਨ ਦੇਈਏ ਤਾ ਜੋ ਟੁੱਟਦੇ ਰਿਸ਼ਤਿਆਂ ਨੂੰ ਬਚਾਇਆ ਜਾ ਸਕੇ।

-ਗਗਨਦੀਪ ਕੌਰ ਧਾਲੀਵਾਲ ।
9988933161

01 ਜਨਵਰੀ 1993 ਨੂੰ ਪੰਜਾਬ ਵਿੱਚ ਹੋ ਰਹੇ ਮਨੁੱਖੀ ਜ਼ਿੰਦਗੀਆਂ ਦੇ ਘਾਣ ਦੀ ਇਕ ਮੂੰਹ ਬੋਲਦੀ ਮਿਸਾਲ ਸਿੱਖ ਕੌਮ ਦੀ ਬਹੁਤ ਹੀ ਸਤਿਕਾਰਯੋਗ ਸ਼ਖਸੀਅਤ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਸਾਬਕਾ ਜਥੇਦਾਰ ਸ਼ਹੀਦ ਗੁਰਦੇਵ ਸਿੰਘ ਕਾਉਂਕੇ ਦੀ ਸ਼ਹਾਦਤ ਅੱਖਾਂ ਬੰਦ ਹੋਣ ਤੇ ਵੀ ਦਿਮਾਗ ਅਤੇ ਲਹੂ ਦੇ ਕਿਣਕੇ ਕਿਣਕੇ ਵਿੱਚ ਵਿਚਰਦੀ ਹੈ  । ਅੱਜ ਫੇਰ ਸ਼ਹੀਦ ਜਥੇਦਾਰ ਗੁਰਦੇਵ ਸਿੰਘ ਕਾਉਂਕੇ ਨੂੰ ਯਾਦ ਕਰਦਿਆਂ ਕੁਝ ਸਵਾਲ ਮਨ ਵਿੱਚ ਆਉਂਦੇ ਹਨ  । ਇਕ ਸਵਾਲ ਮੈਂ ਤੁਹਾਡੇ ਨਾਲ ਸਾਂਝਾ ਕਰਦਾ ਹਾਂ  ਤੁਸੀਂ ਜ਼ਰੂਰ ਇਸ ਨੂੰ ਵਿਚਾਰਨਾ ਕੀ ਇਹ ਸਾਡੇ ਬਜ਼ੁਰਗਾਂ ਦੀਆਂ ਸ਼ਹਾਦਤਾਂ ਇੱਕ ਸਿਧਾਂਤ ਅਤੇ ਇਕ ਜੋ ਸਿੱਖ ਕੌਮ ਦੀ ਲੜਾਈ ਸੀ ਉਸ ਲਈ ਹੋਈਆਂ ਅਤੇ ਤੁਹਾਨੂੰ ਨਹੀਂ ਲੱਗਦਾ ਕਿ ਅਸੀਂ ਉਨ੍ਹਾਂ ਸ਼ਹਾਦਤਾਂ ਨੂੰ ਆਪਣੇ ਅੰਦਰ ਤੋਂ ਵਿਸਾਰ ਚੁੱਕੇ ਹਾਂ ? ਜਿਸ ਲਈ ਉਨ੍ਹਾਂ ਬਜ਼ੁਰਗਾਂ ਨੇ ਸ਼ਹਾਦਤਾਂ ਦਿੱਤੀਆਂ ਅਸੀਂ ਉਸ ਨੂੰ ਭੁੱਲ ਚੁੱਕੇ ਹਾਂ  ? ਆਓ ਅੱਜ ਦੇ ਦਿਨ ਸਾਰੇ ਰਲ ਕੇ ਸਾਬਕਾ ਜਥੇਦਾਰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਸ਼ਹੀਦ ਗੁਰਦੇਵ ਸਿੰਘ ਕਾਉਂਕੇ ਨੂੰ ਯਾਦ ਕਰੀਏ ਤੇ ਆਪਣੀ ਸ਼ਰਧਾ ਦੇ ਫੁੱਲ ਭੇਟ ਕਰੀਏ । ਅਮਨਜੀਤ ਸਿੰਘ ਖਹਿਰਾ      

ਬੇਅਦਬੀ ਦੇ ਮਾਮਲੇ ਤੇ ਘਟੀਆ ਕਿਸਮ ਦੀ ਰਾਜਨੀਤੀ- ਬਾਰਡਰ ਤੋਂ ਉਸ ਪਾਰ ਕਿਉਂ ਤੇ ਕਿਵੇਂ —

ਸ਼ਰਾਰਤੀ ਅਤੇ ਘਟੀਆ ਕਿਸਮ ਦੇ ਲੋਕ ਭਾਵੇਂ ਪਰਦੇ ਪਿੱਛੋਂ ਕਈ ਸਾਲਾਂ ਤੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਲਈ ਜ਼ੁੰਮੇਵਾਰ ਸੁਣੇ ਗਏ ਹਨ ।ਕਾਫ਼ੀ ਦੇਰ ਬਾਅਦ ਸਿੱਖਾਂ ਦਾ ਜੋ ਸ਼ੱਕ ਸੀ ਉਹ ਉਦੋਂ ਸਹੀ ਨਿਕਲਿਆ , ਜਦ ਸ਼ਰੋਮਣੀ ਕਮੇਟੀ ਦੇ ਸਾਬਕਾ ਪ੍ਰਧਾਨ ਸ੍ਰ. ਅਵਤਾਰ ਸਿੰਘ ਮਕੜ ਨੇ ਆਪਣੀ ਜ਼ਿੰਦਗੀ ਦੇ ਅਖੀਰ ਨੇੜਲੇ ਸਮੇਂ ਵਿੱਚ ਇਕ ਵੀਡੀਓ ਇੰਟਰਵਿਊ ਵਿੱਚ ਇਸ ਗੱਲ ਦਾ ਖੁਲਾਸਾ ਕੀਤਾ ਸੀ “ਕਿ ਇਹ ਕੰਮ ਹਮੇਸ਼ਾ ਸਿਰਸਾ ਸਾਧ ਦੇ ਚੇਲਿਆਂ ਨੇ ਕੀਤਾ ਪਰ ਬਾਦਲ ਸਾਹਿਬ ਨੇ ਜਾਣਦੇ  ਹੋਏਭੀ ਕੁਝ ਨਹੀਂ ਕੀਤਾ”। ਹੁਣ ਜਿਵੇਂ ਆਮ ਹੁੰਦਾ ਹੈ ਕਿ ਕੁਝ ਹੋਵੇ ਪਰ ਓਲਾਮਾ ਹਮੇਸ਼ਾ ਸਮੇਂ ਦੀ ਸਰਕਾਰ ਤੇ । ਇਸੇ ਨੂੰ ਭਾਵਕ ਬਣਾ ਕੇ ਇਸ ਨੀਵੀਂ ਪੱਧਰ ਦੀ ਰਾਜਨੀਤੀ ਨੇ ਸ਼ਾਇਦ ਬਾਰਡਰੋਂ ਪਾਰ ਜਨਮ ਲੈਣਾ ਸ਼ੁਰੂ ਕਰ ਦਿੱਤਾ ਹੈ , ਕਿ ਜਿਵੇਂ ਹੈ ਇਹ ਵੀ ਮਸਲਾ ਹੈ ਜੇ ਕਸ਼ਮੀਰ ਮੁੱਦੇ ਨਾਲ ਰਲ਼ਾ ਦਿਉ ਤਾਂ ਵੀ ਉਲਾਂਭਾ ਤਾਂ ਸਰਕਾਰੇ ਹੀ ਜਾਵੇਗਾ । ਸਿੱਖ ਸ਼ਾਇਦ ਭੁੱਲ ਜਾਣ ਕਿ ਸਿਰਸਾ ਸਾਧ ਅਤੇ ਬਾਦਲ ਪਿਓ - ਪੁੱਤਰ ਤੇ ਨੂੰਹ ਕਿਤਨੇ ਡੂੰਗੇ ਹਮਦਰਦ ਅਤੇ ਘਿਓ - ਖਿਚੜੀ ਰਹੇ ਹਨ । ਇਹ ਵੀ ਹਵਾਲੇ ਸਾਹਮਣੇ ਆ ਚੁੱਕੇ ਹਨ ਕਿ ਸਿਰਸੇ ਸਾਧ ਦੀ ਸਵਾਂਗ ਵਾਲੀ ਪੁਸ਼ਾਕ ਭੀ ਇਸੇ ਘਿਓ - ਖਿਚੜੀ ਵਿੱਚੋਂ ਹੀ ਪੈਦਾ ਹੋਈ ਦੱਸੀ ਗਈ ਹੈ ।ਹਾਲ ਹੀ ਵਿੱਚ ਸ੍ਰੀ ਦਰਬਾਰ ਸਾਹਿਬ ਵਿਖੇ ਹੋਈ ਬੇਅਦਬੀ ਦੀ ਹੋਈ ਗੰਭੀਰ ਘਟਨਾ ਨੇ ਮੇਰੇ ਲਿਖੇ ਅਨੁਸਾਰ ਇਕ ਨਵਾਂ ਰੁਖ ਲੈ ਲਿਆ ਹੈ ।  ਯੂ ਕੇ ਵਿੱਚੋਂ ਇਕ ਬਰਿਟਿਸ਼ ਐਮ ਪੀ ਜੋ ਖੁਦ ਭੀ ਸਿੱਖ ਅਤੇ ਏਸ਼ੀਅਨ ਭਾਰਤੀ ਮੂਲ ਪਿਛੋਕੜ ਵਜੋਂ ਹੈ , ਨੇ ਤੁਰੰਤ ਹੀ ਬਿਆਨ ਦਾਗ਼ ਦਿੱਤਾ ਕਿ ਇਸ ਘਟਨਾ ਨੂੰ ਅੰਜਾਮ ਦੇਣ  ਵਾਲਾ “ ਹਿੰਦੂ ਟੈਰੋਰਿਸਟ” ਹੈ - ਪਰੰਤੂ ਜਲਦੀ ਉਸ ਦਾ ਸਾਰਿਆਂ ਪਾਸਿਆਂ ਤੋਂ ਵਿਰੋਧ ਹੋਇਆ , ਤਦ ਝੂਠ ਨੂੰ ਚੱਲਦਾ ਨਾ ਕਰ ਸਕੀ ਤੇ ਬਿਆਨ ਵਾਪਸ ਲੈਣਾ ਪਿਆ , ਖੁਦ ਹੀ ਜਾਣੇ ਕਿ ਕੀ ਭੇਦ ਜਾ ਸੁਪਨਾ ਸੀ ਕਿ ਜੋ ਪੂਰਾ ਨਾ ਹੋ ਸਕਿਆ । ਹੁਣ ਜ਼ਿਕਰ ਇਹ ਹੈ ਕਿ ਜਦ ਸਿੱਖਾਂ ਨੇ ਕਿਧਰੇ ਭੀ ਕਿਸੇ ਧਰਮ , ਸਮਾਜ , ਫ਼ਿਰਕੇ  ਤੇ ਉਂਗਲ ਨਹੀਂ ਕੀਤੀ , ਤਾਂ ਬੀਬਾ ਜੀ ਤੁਸੀਂ ਬ੍ਰਿਟਿਸ਼ ਐਮ ਪੀ , ਹੁੰਦਿਆਂ ਆਪਣੇ ਖ਼ਿੱਤੇ ਦੇ (ਜਿਉਰਿਸਡਿਕਸ਼ਨ) ਕਿਸੇ ਆਪਣੇ ਜਾਂ ਪਰਾਏ ਧਰਮ ਦੇ ਇੱਜ਼ਤ ਮਾਣ ਦਾ ਖਿਆਲ ਕਿਉਂ ਨਹੀਂ ਕੀਤਾ । ਅਸੀਂ ਸਮਝਦੇ ਹਾਂ ਕਿ ਤੁਹਾਡੇ ਖ਼ਿੱਤੇ ਵਿੱਚ ਬਾਰਡਰੋਂ ਪਾਰਲੇ ਧਾਰਮਿਕ ਵਿਰਸੇ ਦੀਆਂ ਵੋਟਾਂ ਬਹੁਤ ਹਨ , ਸਾਨੂੰ ਏਸ਼ਿਅਨ ਭਾਈਚਾਰੇ ਦੀ ਸਾਂਝ ਤੇ ਮਾਣ ਹੈ । ਪਰ ਉੱਥੇ ਸਿੱਖਾਂ ਅਤੇ ਹਿੰਦੂ ਵੋਟਾਂ ਦੀ ਗਿਣਤੀ ਭੀ ਉਸੇ ਰੇਸ਼ੋ ਹਿਸਾਬ  ਦੀ ਹੀ ਹੈ । ਕੀ ਇਹ ਬੇਅਦਬੀ ਕਾਂਢ ਕਸ਼ਮੀਰ ਮੁੱਦੇ ਤੇ ਰਲ਼ਾ ਕੇ ਸਰਕਾਰੀ ਵਿਰੋਧ ਵਜੋਂ ਮਿਲਗੋਭਾ ਕਰਨ ਦੀ ਸਾਜ਼ਿਸ਼ ਰਚੀ ਜਾ ਰਹੀ ਸੀ ? ਜਾਂ ਜਾਣ ਲਈਏ ਕਿ ਇਸ ਨੂੰ ਭੀ ਸਿਰਸੇ ਸਾਧ ਨਾਲ ਰਲ਼ਾ ਕੇ ਬਾਰਡਰ ਤੋਂ ਦੂਸਰੇ ਪਾਸਿਓਂ ਭੀ ਸ਼ਰਾਰਤ ਹੋ ਸਕਦੀ ਹੈ ?ਯੂ ਕੇ ਵਿੱਚ ਸਾਨੂੰ ਰਹਿੰਦਿਆਂ ਅੱਧੀ ਸਦੀ ਤੋਂ ਉੱਪਰ ਸਮਾਂ ਬੀਤ ਚੁੱਕਾ ਹੈ । ਅਸੀਂ ਪਿੱਛੇ ਛੱਡ ਆਪਣੇ ਮੁਲਕ ਨੂੰ ਅਤੇ ਕਈ ਪੱਖਾਂ ਤੋਂ ਵਿਦਾਇਗੀ ਦੇ ਚੁੱਕੇ ਹਾਂ । ਸਾਡਾ ਸਿੱਖ , ਮੁਸਲਮ , ਹਿੰਦੂ ਅਤੇ ਹੋਰ ਧਰਮ ਅਤੇ ਵੱਖ ਵੱਖ ਕਲਚਰ ਅਤੇ ਬੋਲੀਆਂ , ਇਕ ਨਵਾਂ ਅਖਤਿਆਰ ਕੀਤਾ ਅਤੇ ਰਚਿਆ ਗਿਆ ਬਰਿਟਿਸ਼ ਢਾਂਚਾ ਹੈ । ਏਸ਼ੀਅਨ ਭਾਈਚਾਰੇ ਵਿੱਚੋਂ ਪ੍ਰਮੁਖ ਬੋਲੀ “ਪੰਜਾਬੀ” ਹੈ । ਪਿਛਲੇ ਕਈ ਸਾਲਾ ਤੋਂ ਇਸੇ ਵਿੱਚੋਂ “ਆਲ ਪੰਜਾਬੀ ਪਾਰਲੀਮੈਂਟ ਪਾਰਟੀ” ਬਣੀ ਹੋਈ ਹੈ । ਉਹ ਕਈ ਪੱਖਾਂ ਤੋਂ ਸਮਾਜਿਕ ਭਾਈਚਾਰੇ ਲਈ ਉੱਦਮ ਕਰਕੇ ਪੰਜਾਬੀਅਤ ਦੀ ਪਛਾਣ ਬਣਦੇ ਹਨ । ਪਰੰਤੂ ਜਿਵੇਂ ਉਪਰੋਕਤ ਐਮ ਪੀ ਨੇ ਆਪਣੀ ਪਛਾਣ ਵਜੋਂ ਸ਼ੱਕ ਪੈਦਾ ਕੀਤਾ ਹੈ , ਸਾਡੀ ਜੁਮੇਵਾਰੀ ਹੋਵੇਗੀ , ਕਿ ਇਸ ਸੰਸਥਾ ਵਿੱਚ ਉਹੀ ਐਮ ਪੀ ਹਿੱਸਾ ਲੈਣ ਜੋ ਸਮਾਜਿਕ ਸਾਂਝ ਨੂੰ ਪਹਿਲ ਦਿੰਦੇ ਹੋਣ । ਅਜਿਹਾ ਨਾ ਹੋਣ ਦੀ ਸ਼ਕਲ ਵਿੱਚ ਸਾਨੂੰ ਆਪਣੇ ਬਰਿਟਿਸ਼ ਸ਼ਹਿਰੀ ਹੋਣ ਦੇ ਹਕ ਹਰ ਪਹਿਲੂ ਵਜੋਂ ਵਰਤਣੇ ਹੋਣਗੇ ।
ਪਰਮਿੰਦਰ ਸਿੰਘ ਬਲ ,ਪ੍ਰਧਾਨ  ਸਿੱਖ ਫੈਡਰੇਸ਼ਨ  ਯੂ ਕੇ । email: psbal46@gmail.com

ਸਰਕਾਰ - ਕਿਸਾਨ-ਮਜਦੂਰ-ਚੋਣਾਂ
ਪੰਜਾਬ ਦੀਆਂ 32 ਕਿਸਾਨ ਜੱਥੇਬੰਦੀਆਂ ਵਿਚੋਂ 22 ਜਥੇਬੰਦੀਆਂ ਵਲੋਂ ਅਗਲੇ ਸਾਲ 2022 ਵਿਚ ਹੋਣ ਵਾਲੀਆਂ ਚੋਣਾਂ ਵਿਚ ਇਕ ਸਾਂਝਾ ਮੰਚ 'ਸੰਯੁਕਤ ਸਮਾਜ ਮੋਰਚਾ' ਬਣਾ ਕੇ ਚੋਣਾਂ ਵਿਚ ਕੁੱਦਣ ਦਾ ਫੈਸਲਾ ਕਰਦਿਆਂ  ਆਪਣੇ ਬਾਜੂ-ਬਲ ਉਪਰ ਸੂਬੇ ਦੀਆਂ ਸਾਰੀਆਂ ਦੀਆਂ ਸਾਰੀਆਂ 117 ਵਿਧਾਨ ਸਭਾ ਦੀਆਂ ਸੀਟਾਂ ਉਪਰ ਉਮੀਦਵਾਰ ਖੜ੍ਹੇ ਕਰਨ ਲਈ ਕਿਹਾ ਗਿਆ ਹੈ।  ਸੰਯੁਕਤ ਸਮਾਜ ਮੋਰਚਾ ਦੇ ਆਗੂਆਂ ਦਾ ਮੰਨਣਾ ਹੈ ਕਿ ਉਹ ਆਪਣੀ ਸਰਕਾਰ ਬਣਾਕੇ ਆਪਣੀਆਂ ਸਮੱਸਿਆਵਾਂ ਖੁਦ ਹੱਲ ਕਰ ਲੈਣ ਦੇ ਸਮਰੱਥ ਹੋ ਜਾਣਗੇ। ਉਮੀਦ ਜਤਾਈ ਜਾ ਰਹੀ ਹੈ ਕਿ ਅਜਿਹਾ ਕਰਨ ਨਾਲ ਕਿਸਾਨਾਂ ਦੀ ਆਰਥਿਕ ਹਾਲਤ ਵਿਚ ਸੁਧਾਰ ਹੋਵੇਗਾ ਅਤੇ ਕਿਸਾਨਾਂ ਵਲੋਂ ਕੀਤੀਆਂ ਜਾ ਰਹੀਆਂ ਖੁਦਕੁਸ਼ੀਆਂ ਨੂੰ ਠੱਲ੍ਹ ਪਵੇਗੀ। ਆਗੂਆਂ ਦਾ ਮੰਨਣਾ ਹੈ ਕਿ, ਜਿਸ ਤਰ੍ਹਾਂ ਮੋਰਚੇ ਵਲੋਂ ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਵਾਇਆ ਗਿਆ ਹੈ, ਉਸੇ ਤਰ੍ਹਾਂ ਹੀ ਉਹ ਦਰਪੇਸ਼ ਸਮੱਸਿਆਵਾਂ ਦਾ ਖੁਦ ਹੱਲ ਕਰਨ ਲੈਣਗੇ। ਉਮੀਦ ਹੈ ਕਿ ਕਿਸਾਨਾਂ ਦੀ ਸਰਕਾਰ ਬਣ ਜਾਣ ਪਿੱਛੋਂ ਜਿਥੇ ਕਿਸਾਨੀ ਖੁਸ਼ਹਾਲ ਹੋ ਜਾਵੇਗਾ, ਉਥੇ ਖੇਤ ਮਜ਼ਦੂਰਾਂ ਦੀ ਆਰਥਿਕ ਹਾਲਤ ਵਿਚ ਵੀ ਵੱਡਾ ਸੁਧਾਰ ਆਵੇਗਾ, ਉਨ੍ਹਾਂ ਨੂੰ ਪੂਰੀ ਮਜਦੂਰੀ ਮਿਲੇਗੀ ਅਤੇ ਫਿਰ ਸੀਰੀ ਪੁਣੇ ਦੀ ਪੀੜ੍ਹੀ ਦਰ ਪੀੜ੍ਹੀ ਤੁਰੀ ਆਉਂਦੀ ਰੀਤ ਟੁੱਟ ਜਾਵੇਗੀ। ਪਿੰਡਾਂ ਵਿਚ ਖੇਤ ਮਜ਼ਦੂਰਾਂ ਦਾ ਆਏ ਦਿਨ ਹੋ ਰਿਹਾ ਬਾਈਕਾਟ ਖਤਮ ਹੋ ਜਾਵੇਗਾ ਅਤੇ ਗੁਰਦੁਆਰਿਆਂ ਵਿਚ ਉਨ੍ਹਾਂ ਵਿਰੁੱਧ ਪਾਸ ਕੀਤੇ ਜਾਣ ਵਾਲੇ ਮਤਿਆਂ ਦੀ ਥਾਂ ਉਨ੍ਹਾਂ ਦੇ ਹੱਕਾਂ ਅਤੇ ਹਿੱਤਾਂ ਲਈ ਮਤੇ ਪਾਸ ਕੀਤੇ ਜਾਣ ਦੀ ਨਵੀਂ ਰੀਤ ਸ਼ੁਰੂ ਹੋਵੇਗੀ ਅਤੇ ਉਨ੍ਹਾਂ ਦੇ ਸਿਰੋਂ ਵੀ ਗੁਲਾਮੀ ਦਾ ਰੱਸਾ ਟੁੱਟ ਜਾਵੇਗਾ ਕਿਉਂਕਿ ਉਨ੍ਹਾਂ ਨੂੰ ਪੂਰੀ ਮਜਦੂਰੀ ਮਿਲੇਗੀ, ਜਿਸ ਪਿੱਛੋਂ ਉਨ੍ਹਾਂ ਦੀ ਆਰਥਿਕ ਹਾਲਤ ਵਿਚ ਸੁਧਾਰ ਆਵੇਗਾ। ਪਿੰਡਾਂ ਦੇ ਸਰਕਾਰੀ ਸਕੂਲਾਂ ਦੀ ਸਥਿਤੀ ਵਿਚ ਵੱਡਾ ਸੁਧਾਰ ਆਉਣ ਪਿੱਛੋਂ ਕਿਸਾਨ ਅਤੇ ਖੇਤ ਮਜ਼ਦੂਰ ਦੇ ਬੱਚੇ ਇਕੱਠੇ ਬੈਠ ਕੇ ਪੜ੍ਹਨਗੇ ਅਤੇ ਖੇਤ ਮਜ਼ਦੂਰਾਂ ਦੇ ਬੱਚਿਆਂ ਨੂੰ ਵੀ ਅਫਸਰ ਬਣਨ ਦੇ ਸੁਭਾਗੇ ਮੌਕੇ ਉਪਲੱਬਧ ਹੋਣਗੇ।  ਉਨ੍ਹਾਂ ਨੂੰ ਆਪਣੇ ਘਰ ਬਣਾਉਣ ਲਈ ਫਿਰ ਪੰਚਾਇਤੀ ਜਮੀਨ ਵਿੱਚੋਂ 4-4 ਮਰਲੇ ਦੇ ਪਲਾਟ ਲੈਣ ਲਈ ਭੀਖ ਨਹੀਂ ਮੰਗਣੀ ਪਵੇਗੀ, ਪਿੰਡਾਂ ਵਿਚ ਗੁਰਦੁਆਰੇ ਸਾਂਝੇ ਹੋ ਜਾਣਗੇ, ਮੜੀਆਂ ਇਕੱਠੀਆਂ ਹੋ ਜਾਣਗੀਆਂ। ਕੰਮੀਆਂ ਨੂੰ ਵੱਟਾਂ - ਬੰਨਿਆਂ ਤੋਂ ਰੋਕਣ ਦੀਆਂ ਘਟਨਾਵਾਂ ਵਾਪਰਨ ਤੋਂ ਠੱਲ੍ਹ ਪੈ ਜਾਵੇਗੀ। ਕਿਸਾਨ ਅਤੇ ਖੇਤ ਮਜ਼ਦੂਰ ਦੀ ਆਪਸੀ ਸਾਂਝ ਬਹੁਤ ਪੀਡੀ ਹੋ ਜਾਵੇਗੀ ਅਤੇ ਖੇਤ ਮਜ਼ਦੂਰ ਜਿਸ ਵਿਚ ਵਿਸ਼ੇਸ਼ ਤੌਰ 'ਤੇ ਮੱਜਬੀ ਸਿੱਖ /ਵਾਲਮੀਕਿ ਅਤੇ ਰਵਿਦਾਸੀਆ ਵਰਗ ਦੇ ਲੋਕ ਸ਼ਾਮਿਲ ਨਾਲ ਪੱਖਪਾਤ ਹੋਣਾ ਬੰਦ ਹੋ ਜਾਵੇਗਾ । ਇਸ ਦੇ ਨਾਲ ਨਾਲ ਹੀ ਨਸ਼ਿਆਂ ਦਾ ਦੌਰ ਖਤਮ ਹੋ ਜਾਵੇਗਾ, ਰਿਸ਼ਵਤਖੋਰੀ ਬੰਦ ਹੋ ਜਾਵੇਗੀ ਅਤੇ ਸਾਰਿਆਂ ਨੂੰ ਅੱਗੇ ਵਧਣ ਦੇ ਬਰਾਬਰ ਮੌਕੇ ਪ੍ਰਾਪਤ ਹੋਣਗੇ। ਕਿਸਾਨਾਂ ਦੀ ਹੋਂਦ ਵਿਚ ਆਈ ਨਵੀਂ ਸਿਆਸੀ ਜਥੇਬੰਦੀ 'ਸੰਯੁਕਤ ਸਮਾਜ ਮੋਰਚਾ' ਸਬੰਧੀ ਜਦੋਂ ਖੇਤ ਮਜ਼ਦੂਰਾਂ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਇੱਕ ਸਾਲ ਤੱਕ ਚੱਲੇ ਖੇਤੀ ਕਾਨੂੰਨਾਂ ਵਿਰੁੱਧ ਅੰਦੋਲਨ ਵਿੱਚ ਉਨ੍ਹਾਂ ਨੇ ਕਿਸਾਨਾਂ ਨਾਲ ਮੋਢੇ ਨਾਲ ਮੋਢਾ ਲਾ ਕੇ ਸ਼ਮੂਲੀਅਤ ਕੀਤੀ ਪਰ ਖੇਤੀ ਕਾਨੂੰਨ ਰੱਦ ਹੋਣ ਤੋਂ ਬਾਅਦ ਕਿਸਾਨ ਜਥੇਬੰਦੀਆਂ ਨੇ ਉਨ੍ਹਾਂ ਨੂੰ ਬਿਲਕੁਲ ਵਿਸਾਰ ਕੇ ਰੱਖ ਦਿੱਤਾ ਹੈ। ਖੇਤ ਮਜ਼ਦੂਰਾਂ ਨੇ ਦੱਸਿਆ ਕਿ ਉਹ ਕਿਸਾਨਾਂ ਦੇ ਹੱਕ ਵਿਚ ਦਿੱਲੀ ਬਾਰਡਰਾਂ 'ਤੇ ਜਾ ਕੇ ਧਰਨੇ ਲਗਾਉਂਦੇ ਰਹੇ ਹਨ ਜਦਕਿ ਵੱਡੀ ਗਿਣਤੀ ਵਿਚ ਖੇਤ ਮਜ਼ਦੂਰਾਂ ਨੇ ਦਿੱਲੀ ਬੈਠੇ ਕਿਸਾਨਾਂ ਦੀ ਗੈਰ ਮੌਜੂਦਗੀ ਵਿਚ ਕਿਸਾਨਾਂ ਦੀਆਂ ਫਸਲਾਂ ਪਾਲੀਆਂ ਅਤੇ ਪਸ਼ੂਆਂ ਨੂੰ ਸੰਭਾਲਿਆ। ਖੇਤ ਮਜ਼ਦੂਰ ਜਥੇਬੰਦੀਆਂ ਦੇ ਆਗੂਆਂ ਨੇ ਦੱਸਿਆ ਕਿ ਜਿਸ ਵੇਲੇ ਦਿੱਲੀ ਵਲ ਕਿਸਾਨਾਂ ਵਲੋਂ ਕੂਚ ਕੀਤਾ ਗਿਆ ਤਾਂ ਉਸ ਵੇਲੇ ਹਵਾ ਵਿਚ 'ਕਿਸਾਨ-ਮਜਦੂਰ ਏਕਤਾ' ਦੇ ਝੰਡੇ ਅਤੇ ਬੈਨਰ ਲਹਿਰਾਉਂਦੇ ਨਜ਼ਰ ਆਉਂਦੇ ਸਨ ਪਰ ਅੰਦੋਲਨ ਦੀ ਜਿੱਤ ਤੋਂ ਬਾਅਦ ਕੇਵਲ 'ਕਿਸਾਨ ਏਕਤਾ ਜਿੰਦਾਬਾਦ' ਹੀ ਨਾਅਰਿਆਂ ਵਿਚ ਸੁਣਾਈ ਦੇਣ ਲੱਗ ਪਿਆ ਹੈ, ਮਜਦੂਰ ਸ਼ਬਦ ਨੂੰ ਸੱਪ ਸੁੰਘ ਗਿਆ ਹੈ। ਮਜਦੂਰ ਜਥੇਬੰਦੀਆਂ ਨੇ ਇਸ ਗੱਲ 'ਤੇ ਵੀ ਹੈਰਾਨੀ ਪ੍ਰਗਟ ਕੀਤੀ ਹੈ ਕਿ ਜਦੋਂ 22 ਕਿਸਾਨ ਜਥੇਬੰਦੀਆਂ ਵਲੋਂ ਪੰਜਾਬ ਚੋਣਾਂ ਲੜਨ ਲਈ 'ਸੰਯੁਕਤ ਸਮਾਜ ਮੋਰਚਾ' ਬਣਾਇਆ ਤਾਂ ਕਿਸੇ ਵੀ ਖੇਤ ਮਜਦੂਰ ਜਥੇਬੰਦੀ ਨੂੰ ਮੋਰਚੇ ਵਿਚ ਸ਼ਾਮਲ ਕਰਨਾ ਤਾਂ ਦੂਰ ਦੀ ਗੱਲ, ਕਿਸੇ ਦੀ ਸਲਾਹ ਲੈਣੀ ਵੀ ਮੁਨਾਸਿਬ ਨਹੀਂ ਸਮਝਿਆ ਗਿਆ। 
-ਸੁਖਦੇਵ ਸਲੇਮਪੁਰੀ
09780620233
26 ਦਸੰਬਰ, 2021.

ਹਿੰਦੂ ਕੈਂਡੀਡੇਟਾ ਦੀ ਆਵਾਜ਼ ਨੂੰ ਦਬਾਇਆ ਜਾ ਰਿਹਾ ਹੈ 2022 ਦੇ ਸ਼ੁਰੂ ਵਿੱਚ ਹੀ ਪੰਜਾਬ ਵਿੱਚ ਨਵੀਂ ਸਰਕਾਰ ਬਨਾਉਣ ਲਈ ਪੰਜਾਬ ਵਿਧਾਨ ਸਭਾ ਦੀਆਂ ਚੋਣਾਂ ਹੋਣ ਜਾ ਰਹੀਆਂ ਹਨ, ਇਹਣਾ ਹੋਣ ਵਾਲੀਆਂ ਚੋਣਾਂ ਵਿੱਚ ਵਿਧਾਨ ਸਭਾ ਹਲਕਾ ਬਰਨਾਲਾ ਤੋਂ ਕਾਂਗਰਸ ਪਾਰਟੀ ਦਾ 10 ਕੈਂਡੀਡੇਟਾ ਨੇ ਟਿਕਟ ਲੈਣ ਲਈ ਅਰਜ਼ੀ ਪੱਤਰ ਪੰਜਾਬ ਪ੍ਰਦੇਸ਼ ਕਾਂਗਰਸ ਪਾਰਟੀ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਨੂੰ ਦਿੱਤੀਆਂ ਹਨ, ਪੰਜਾਬ ਕਾਂਗਰਸ ਪਾਰਟੀ ਦੀ ਸਕਰੀਨਿੰਗ ਟੀਮ ਇਹਣਾ ਅਰਜ਼ੀ ਪੱਤਰਾਂ ਨੂੰ ਕਾਂਗਰਸ ਪਾਰਟੀ ਦੀ ਹਾਈਕਮਾਂਡ ਕੋਲ ਦਿੱਲੀ ਭੇਜ ਦਿੰਦੀ ਹੈ, ਫਿਰ ਟਿਕਟ ਮਿਲਣ ਵਾਲੇ ਕੈਂਡੀਡੇਟ ਨੂੰ ਕਾਂਗਰਸ ਪਾਰਟੀ ਦੀ ਹਾਈਕਮਾਂਡ ਨੇ ਅਪਣੀ ਮੋਹਰ ਲਗਾਕੇ ਮੰਨਜ਼ੂਰੀ ਦੇਣੀ ਹੁੰਦੀ ਹੈ, ਇਸ ਲਈ ਕਾਂਗਰਸ ਪਾਰਟੀ ਦੀ ਹਾਈਕਮਾਂਡ ਅਪਣੇ ਔਬਜਰਬਰ ਨੁਮਾਇੰਦਿਆਂ ਨੂੰ ਭੇਜ ਦੀ ਹੈ, ਕਾਂਗਰਸ ਪਾਰਟੀ ਦਾ ਟਿਕਟ ਲੈਣ ਵਾਲੇ ਕੈਂਡੀਡੇਟਾ ਨੂੰ ਉਹਨਾਂ ਦੀ ਯੋਗਤਾ ਵਾਰੇ ਪੁੱਛਣ ਲਈ, ਵੈਸੇ ਕਾਂਗਰਸ ਪਾਰਟੀ ਅਪਣੇ ਹੋਰ ਸਰਕਾਰੀ, ਅਰਦ ਸਰਕਾਰੀ, ਆਦਿ ਆਦਿ ਅਦਾਰਿਆਂ ਤੋਂ ਵੀ C I D ਕੈਂਡੀਡੇਟਾ ਵਾਰੇ ਵੀ ਲੈਂਦੀ ਰਹਿੰਦੀ ਹੈ, ਹਲਕਾ ਵਿਧਾਨ ਸਭਾ ਬਰਨਾਲਾ ਤੋਂ ਅਸੀਂ ਚਾਰ 4 ਹਿੰਦੂ ਕੈਂਡੀਡੇਟਾ ਵਿੱਚੋਂ ਨੰਬਰ 1 ਪੰਜਾਬ ਪ੍ਰਦੇਸ਼ ਕਾਂਗਰਸ ਪਾਰਟੀ ਦਾ ਬਾਬਾ ਬੋਹੜ ਸਾਰਿਆਂ ਨਾਲੋਂ ਪੁਰਾਣਾਂ ਸੀਨੀਅਰ ਕੱਟਰ ਟੱਕਸਾਲੀ ਵਫ਼ਾਦਾਰ  ਤੁਜਰਬੇਕਾਰ ਕਾਂਗਰਸ ਪਾਰਟੀ ਵਿੱਚ ਸਾਰਿਆਂ ਝੱਖੜ ਹਨੇਰੀਆਂ ਨੂੰ ਸਹਾਰਦਾ ਹੋਇਆ ਬ੍ਰਦਾਸ਼ਤ ਕਰਦਾ ਹੋਇਆ, ਅਪਣੀ ਖੁਦ ਦੀ ਅਤੇ ਅਪਣੇ ਪਰਿਵਾਰ ਦੀ ਜਾਣ ਦੀ ਪ੍ਰਵਾਹ ਨਾ ਕਰਦਾ ਹੋਇਆ, ਕਾਂਗਰਸ ਪਾਰਟੀ ਵੱਲੋਂ ਅਤੇ ਕਾਂਗਰਸ ਪਾਰਟੀ ਦੀਆਂ ਸਰਕਾਰਾਂ ਵਲੋਂ ਖਤਰਨਾਕ ਗੁਪਤ ਮਿਸ਼ਨ *Dangerous secret mission ਵਿੱਚ ਕੰਮ ਕਰਦਾ ਰਿਹਾ ਅਤੇ ਕਾਂਗਰਸ ਪਾਰਟੀ ਨੂੰ ਬੇਪਨਾਹ ਮੁੱਹਬਤ ਕਰਨ ਵਾਲਾ ਕਾਂਗਰਸ ਪਾਰਟੀ ਦੇ ਸੰਗਠਨ ਨੂੰ ਮਜ਼ਬੂਤ ਰੱਖਣ ਦੇ ਨਾਲ ਨਾਲ ਕਾਂਗਰਸ ਪਾਰਟੀ ਦੀ ਮਾਲੀ ਹਾਲਤ ਨੂੰ ਬਹੁਤ ਸੁਦ੍ਰਿੜ ਮਜ਼ਬੂਤ ਰੱਖਣ ਵਾਲਾ ਕਾਂਗਰਸ ਪਾਰਟੀ ਦਾ ਅਤੇ ਲੋਕਾਂ ਦਾ  ਹਰਮਨ ਪਿਆਰਾ ਮੈਂ ਖੁਦ ਹਾਂ 1 ਪੰਡਿਤ ਰਮੇਸ਼ ਕੁਮਾਰ ਭਟਾਰਾ ਬਰਨਾਲਾ ਜੱਥੇਬੰਦ ਸਕੱਤਰ ਪੰਜਾਬ ਪ੍ਰਦੇਸ਼ ਕਾਂਗਰਸ ਪਾਰਟੀ, 2 ਬਰਨਾਲਾ ਵਿਧਾਨ ਸਭਾ ਤੋਂ ਸਾਬਕਾ ਕੈਂਡੀਡੇਟ ਰਿਹਾ ਹਰਦੀਪ ਗੋਇਲ ਧਨੌਲਾ, 3 ਮਹੇਸ਼ ਕੁਮਾਰ ਲੋਟਾ ਜੋ ਲਗਾਤਾਰ 20 ਸਾਲਾਂ ਤੋਂ ਬਰਨਾਲਾ ਨਗਰਪਾਲਿਕਾ ਦਾ MC ਰਿਹਾ ਹੈ, 4 ਅਸ਼ੀਸ਼ ਮਿੱਤਲ IAS  ਸਪੁੱਤਰ ਸ਼੍ਰੀ ਜਗਦੀਸ਼ ਮਿੱਤਲ IPS, ਅਸੀਂ ਉਪਰਲੇ 3 ਕੈਂਡੀਡੇਟ CASTLE ਮੈਰਿਜ ਪੈਲੇਸ ਬਰਨਾਲਾ ਵਿੱਚ ਕਾਂਗਰਸ ਪਾਰਟੀ ਦੇ ਵਰਕਰਾਂ ਦਾ ਇਕੱਠ ਹੋਇਆ ਜਿਸ ਵਿੱਚ ਕਾਂਗਰਸ ਪਾਰਟੀ ਦੇ 3 ਔਬਜਰਬਰ ਦਿੱਲੀ ਤੋਂ ਆਏ ਸਨ, ਉਹਨਾਂ ਵਿੱਚ ਇੱਕ ਔਬਜਰਬਰ ਨੇ ਸਟੇਜ ਸੰਭਾਲੀ ਬਾਕੀ 2 ਔਬਜਰਬਰ ਵੀ ਸਾਡੇ ਨਾਲ ਸਟੇਜ ਤੇ  ਲੱਗੇ ਹੋਏ ਸੋਫੀਆ ਤੇ ਬੈਠੇ ਸਨ, ਸਟੇਜ ਤੇ ਲੱਗੇ ਲਾਊਡਸਪੀਕਰ ਵਿੱਚ ਕਾਂਗਰਸ ਪਾਰਟੀ ਦੇ ਵਰਕਰਾਂ ਨੂੰ ਸੰਬੋਧਨ ਕਰਨ ਲਈ ਅਤੇ ਅਪਣੀ ਕਾਂਗਰਸ ਪਾਰਟੀ ਦੀ ਹਾਈਕਮਾਂਡ ਦਿੱਲੀ ਵਲੋਂ ਭੇਜੇ ਗਏ ਇਹਨਾਂ ਤਿੰਨਾਂ  ਔਬਜਰਬਰਾ ਨੂੰ ਇਹ ਦੱਸਣ ਲਈ ਕਿ, ਪੰਜਾਬ ਵਿੱਚ ਕਾਂਗਰਸ ਪਾਰਟੀ ਨੂੰ ਅਸੀਂ ਕਿਵੇਂ ਮਜ਼ਬੂਤ ਰੱਖਿਆ ਹੈ ਅਤੇ ਕਿਵੇਂ ਮਜ਼ਬੂਤ ਰਖਦੇ ਹੋਏ ਪੰਜਾਬ ਦੇ ਲੋਕਾਂ ਦੀ ਭਲਾਈ ਲਈ ਕਿਵੇਂ ਕਿਵੇਂ ਕੰਮ ਕਰਾਂਗੇ ਲਈ ਸਾਨੂੰ ਸਟੇਜ ਤੋਂ ਮਾਇਕ ਤੇ ਬੋਲਣਾ ਚਾਹੀਦਾ ਹੈ, ਇਹ ਅਸੀਂ ਤਿੰਨਾਂ ਕੈਂਡੀਡੇਟਾ ਨੇ ਇੱਕਠੇ ਹੋਕੇ ਇਹਨਾਂ ਤਿੰਨਾਂ ਔਬਜਰਬਰਾ ਨੂੰ ਕਿਹਾ ਲੇਕਿਨ ਇਹਨਾਂ ਔਬਜਰਬਰਾ ਨੇ 2 ਹੀ ਕੈਂਡੀਡੇਟਾ ਹਲਕਾ ਇੰਚਾਰਜ ਬਰਨਾਲਾ ਕੇਵਲ ਸਿੰਘ ਢਿੱਲੋਂ ਅਤੇ ਕੁਲਦੀਪ ਸਿੰਘ ਕਾਲਾ ਢਿੱਲੋਂ ਨੂੰ ਹੀ ਸਟੇਜ ਤੇ ਲੱਗੇ ਲਾਊਡਸਪੀਕਰ ਵਿੱਚ ਕਾਂਗਰਸ ਪਾਰਟੀ ਦੇ ਵਰਕਰਾਂ ਸਾਹਮਣੇ ਬੋਲਣ ਦਿੱਤਾ, ਲੇਕਿਨ, ਸਾਨੁੰ ਸਮਾਂ ਨਹੀਂ ਦਿੱਤਾ, ਮੈਂ ਏਥੇ ਇੱਕ ਗੱਲ ਸਾਫ਼ ਕਰ ਦਿੰਦਾ ਹਾਂ ਕਿ, ਸਾਡੇ ਵਿੱਚ ਕੋਈ ਜ਼ਾਤ ਪਾਤ ਫਿਰਕਾਪ੍ਰਸਤੀ ਨਹੀਂ ਹੈ, ਮੈਂਨੂੰ ਜਾਤ ਪਾਤ ਫਿਰਕਾਪ੍ਰਸਤੀ ਦੀ ਪਹਿਲੀ ਸੱਟ 1986 ਵਿੱਚ ਲੱਗੀ ਸੀ, ਜਦੋਂ ਪੰਜਾਬ ਯੂਥ ਕਾਂਗਰਸ ਪਾਰਟੀ ਦਾ ਪ੍ਰਧਾਨ ਮੈਨੂੰ ਨਹੀਂ ਬਨਾਇਆ ਸੀ, ਮੈਨੂੰ, ਮੇਰੇ ਮੁੰਹ ਤੇ ਹੀ ਉਸ ਵਕ਼ਤ ਦੇ ਆਲ ਇੰਡੀਆ ਯੂਥ ਕਾਂਗਰਸ ਪਾਰਟੀ ਦੇ ਪ੍ਰਧਾਨ ਮੁਕਲ ਵਾਸਨਿਕ ਨੇ ਮੈਨੂੰ ਇਹ ਕਿਹ ਸੀ, ਮੇਰੇ ਦੇਸ਼ ਕੇ ਕ੍ਰਮਠ ਯੋਧਾ ਨੌਜਵਾਨ ਰਮੇਸ਼ ਕੁਮਾਰ ਭਟਾਰਾ ਜੀ ਤੁਸੀਂ ਹਿੰਦੂ ਹੋ, ਕਾਂਗਰਸ ਪਾਰਟੀ ਕੀ ਹਾਈਕਮਾਂਡ ਕਿਸੇ ਸਿੱਖ ਨੌਜਵਾਨ ਨੂੰ ਪੰਜਾਬ ਯੂਥ ਕਾਂਗਰਸ ਪਾਰਟੀ ਦਾ ਪ੍ਰਧਾਨ ਬਨਾਉਣਾ ਚਾਹੁੰਦੀ ਹੈ, ਉਸ ਵਕ਼ਤ ਓਥੇ ਕੀ ਕਿ ਹੋਇਆ ਸੀ, ਇਹ ਇੱਕ ਹਕ਼ੀਕ਼ਤ ਭਰੀ ਲੰਮੀ ਸਟੋਰੀ ਹੈ, ਜਿਸ ਨੂੰ ਮੈਂ ਪਹਿਲਾਂ ਵਾਰ-ਵਾਰ ਲਿਖ ਚੁਕਿਆ ਹਾਂ ਹੁਣੇ ਜਿਹੇ ਕੁੱਝ ਸਮਾਂ ਪਹਿਲਾਂ ਹੀ ਆਏ ਕਿਹ ਲਵੋ ਕਿ, ਚਾਰ ਦਿਨ ਪਹਿਲਾਂ ਹੀ, ਕੈਪਟਨ ਅਮਰਿੰਦਰ ਸਿੰਘ ਜੀ ਮੁੱਖ ਮੰਤਰੀ ਪੰਜਾਬ ਨੂੰ ਹਟਾਉਣ ਤੋਂ ਬਾਅਦ ਪੰਜਾਬ ਦਾ ਨਵਾਂ ਮੁੱਖ ਮੰਤਰੀ ਬਨਾਉਣ ਲਈ ਪੰਜਾਬ ਵਿਧਾਨ ਸਭਾ ਵਿੱਚ ਕਾਂਗਰਸ ਪਾਰਟੀ ਦੇ ਵਰਤਮਾਨ ਮੌਜੂਦਾ 77 MLA ਆਂ ਵਿੱਚੋਂ 44 MLA ਆਂ ਨੇ ਸ਼੍ਰੀ ਸੁਨੀਲ ਜਾਖੜ ਦੇ ਹੱਕ ਵਿੱਚ ਵੋਟਾਂ ਪਾਈਆਂ ਸਨ ਕਿ, ਪੰਜਾਬ ਦਾ ਮੁੱਖ ਮੰਤਰੀ ਸੁਨੀਲ ਜਾਖੜ ਨੂੰ ਬਨਾਇਆ ਜਾਵੇ, ਲੇਕਿਨ, ਕਾਂਗਰਸ ਪਾਰਟੀ ਦੀ ਹਾਈਕਮਾਂਡ ਵਿੱਚ ਬੈਠੀ ਪੰਜਾਬ ਦੇ ਹਿੰਦੂਆਂ ਦੀ ਕਾਤਲ ਨੇਤ੍ਰੀ ਅੰਬੀਕਾ ਸੋਨੀ ਨੇ ਸ਼ਰੇਆਮ ਦੇਸ਼ ਦੇ ਟੇਲੀਵਿਜਨ ਚੈਨਲਾਂ ਤੇ ਬੋਲਕੇ  ਕਾਂਗਰਸ ਪਾਰਟੀ ਦੀ ਹਾਈਕਮਾਂਡ  ਨੂੰ ਗੱਲਤ ਸਲਾਹ ਮਸ਼ਵਰਾ ਦੇਕੇ ਫਿਰਕਾਪ੍ਰਸਤੀ ਦੀ ਇਹ ਜ਼ਹਿਰ ਘੋਲੀ ਸੀ ਇਹ ਕਿਹਕੇ ਪੰਜਾਬ ਦਾ ਮੁੱਖ ਮੰਤਰੀ ਸਿੱਖ ਬਣੇਂ, ਹਿੰਦੂ ਨਹੀਂ, ਮੈਂ ਇਹ ਦਾਵੇ ਨਾਲ ਕਹਿੰਦਾ ਹਾਂ, ਕਿ, ਪੰਜਾਬ ਵਿੱਚ ਫਿਰਕਾਪ੍ਰਸਤੀ ਦੀ ਇਹ  ਦਲੀਲ ਗੱਲ਼ਤ ਹੈ ਦੁੱਖ ਦਾਈ ਹੈ ਬਹੁਤ ਬਹੁਤ ਖਤਰਨਾਕ ਹੈ, ਚੰਗਾ ਭਾਈ ਤੰਦਰੁਸਤ ਰਹੋ ਖੁਸ਼ ਰਹੋ ਚੜਦੀ ਕਲਾ ਵਿੱਚ ਰਹੋ ਜਿਉਂਦੇ ਵਸਦੇ ਰਹੋ, ਮੈਂ ਹਾਂ ਸਾਰੀ ਕਾਇਨਾਤ ਦਾ ਸ਼ੁਭਚਿੰਤਕ ਪੰਡਿਤ ਰਮੇਸ਼ ਕੁਮਾਰ ਭਟਾਰਾ ਬਰਨਾਲਾ ਪੰਜਾਬ ਭਾਰਤ 9815318924

ਸੋਨੂੰ ਸੂਦ ਨੂੰ , ਭਾਰਤ ਮਾਂ ਦਾ ਪੁੱਤ ਕਹਿਣਾ , ਕੋਈ ਅਤਿਕਥਨੀ ਨਹੀਂ 

   'ਪੰਜਾਬ ਦਾ ਪੁੱਤ' , 'ਗਰੀਬਾਂ ਦਾ ਮਸੀਹਾ' , 'ਮੁਕਤੀਦਾਤਾ , 'ਅਸਲ ਹੀਰੋ', ਹੋਰ ਅਜਿਹੇ ਕਈ ਨਾਵਾਂ ਨਾਲ ਜਾਣਿਆ ਜਾਂਦਾ ਹੈ , ਬਾਲੀਵੁੱਡ ਅਭਿਨੇਤਾ , 'ਸੋਨੂੰ ਸੂਦ' ਨੂੰ  । ਪੰਜਾਬ ਦੇ , ਬਹੁਤ ਸਾਰੇ ਅਭਿਨੇਤਾ ਨੇ , ਬਾਲੀਵੁੱਡ ਅਭਿਨੈ ਕਰ ਵਾਹ ਵਾਹ ਖੱਟੀ ਹੋਵੇਗੀ । ਪਰ 'ਸੋਨੂੰ ਸੂਦ' ਨੇ , ਅਸਲ ਲੋਕਾਂ ਦਾ ਹੀਰੋ ਬਣ ਦਿਖਾਇਆ । ਜਿਥੇ ਕਿਤੇ ਵੀ , ਸੋਨੂੰ ਸੂਦ ਦੀ ਜ਼ਰੂਰਤ ਹੁੰਦੀ ਹੈ , ਮਸੀਹਾ ਬਣ ਖੜ੍ਹਾ ਹੋ ਜਾਂਦਾ ਹੈ । ਦੇਸ਼ ਦਾ 'ਆਂਧਰਾ ਪ੍ਰਦੇਸ਼' ਹੋਵੇ , ਜਾਂ ਫਿਰ 'ਤਾਮਿਲਨਾਡੂ' , ਜਿਥੇ ਕਿਤੇ ਵੀ ਲੋੜਵੰਦ ਦੀ ਆਵਾਜ਼ , 'ਸੋਨੂੰ ਸੂਦ' ਦੇ ਕੰਨਾਂ ਚ , ਪੈਂਦੀ , 'ਸੋਨੂੰ ਸੂਦ' ,ਆਪ ਜਾਂ 'ਸੂਦ ਚੈਰੀਟੇਬਲ ਟੀਮ' ਪਹੁੰਚ ਜਾਂਦੀ ।

               'ਕਰੋਨਾ ਕਾਲ' ਸਮੇਂ , ਜਦੋਂ ਲੋਕ ਘਰਾਂ ਵਿਚ ਬੰਦ ਸਨ । ਉਸ 'ਸੋਨੂੰ ਸੂਦ' ਆਪ ਤੇ ਏਨਾਂ ਦੀ 'ਚੈਰੀਟੇਬਲ ਟੀਮ' ਨੇ , ਭੁੱਖੇ ਪਿਆਸੇ , ਲੋਕਾਂ ਦੀ ਸਾਰ ਲਈ । ਲੋਕਾਂ ਨੂੰ ਘਰਾਂ ਤੱਕ ਪਹੁਚਾਉਣ ਦਾ , ਮਰੀਜ਼ਾਂ ਨੂੰ ਦਵਾਈਆਂ , ਆਕਸੀਜਨ , ਐਂਬੂਲੈਂਸਾਂ , ਆਈ ਸੀ ਯੂ ਬੈੱਡ ,ਵੈਟੀਲੇਟਰ , ਇਥੋਂ ਤੱਕ ਕਿ ਓਨਾਂ ਸੰਸਕਾਰ ਦਾ ਪ੍ਰਬੰਧ ਕੀਤਾ । ਜੋ ਕੰਮ ਸਰਕਾਰ ਦੇ , ਓਹ ਬਹੁਤ , ਸਾਰੇ ਕੰਮ 'ਸੋਨੂੰ ਸੂਦ' ਦੀ 'ਚੈਰੀਟੇਬਲ ਟੀਮ' ਨੇ ਕੀਤੇ । ਓਨਾਂ 'ਅਸਲ ਹੀਰੋ' ਦਾ ਅਭਿਨੈ ਕੀਤਾ । ਵਿਦੇਸ਼ਾਂ ਚ ਫਸੇ ਲੋਕਾਂ ਨੂੰ ਵੀ 'ਸੋਨੂੰ ਸੂਦ' ਦੇਸ਼ ਪਹੁੰਚਾਇਆ । ਪੰਜਾਬ ਦੇ ਮੋਗਾ ਜ਼ਿਲ੍ਹੇ ਦੇ ਜੰਮਪਲ ਬਾਲੀਵੁੱਡ ਸਟਾਰ 'ਸੋਨੂੰ ਸੂਦ' ਲਈ , ਨਾ ਤਾਂ 'ਕੇਂਦਰ ਸਰਕਾਰ' ਨੇ , ਨਾ ਹੀ 'ਪੰਜਾਬ ਸਰਕਾਰ' ਨੇ ਸਨਮਾਨ ਰੱਖਿਆ । ਅੱਜ ਦੀ ਨੌਜਵਾਨ ਪੀੜ੍ਹੀ ਲਈ , 'ਸੋਨੂੰ ਸੂਦ' ਰਾਹ ਦਸੇਰਾ ਹਨ । 

     30 ਜੁਲਾਈ 1973 ਨੂੰ ਪੰਜਾਬ ਦੇ ਜ਼ਿਲ੍ਹਾ 'ਮੋਗਾ' ਦੇ , 'ਸ੍ਰੀ ਸ਼ਕਤੀ ਸੂਦ' ਦੇ ਘਰ , ਮਾਤਾ ਪ੍ਰਫੈਸਰ 'ਸਰੋਜ ਸੂਦ' ਜੀ ਕੁੱਖੋਂ ਜਨਮ ਲਿਆ । ਜਨਮ ਤੋਂ ਬਾਅਦ , ਓਨਾਂ ਪੜਾਈ ਨਾਗਪੁਰ ਵਿਚ ਪੂਰੀ ਕੀਤੀ । ਆਪਣੀ 'ਇੰਜਨੀਅਰ ਦੀ ਪੜ੍ਹਾਈ ਖ਼ਤਮ ਕਰਨ ਬਾਅਦ , ਓਨਾਂ 'ਮਾਡਲਿੰਗ' ਵੱਲ ਪੈਰ ਧਰਿਆ । ਸੋਨੂੰ ਸੂਦ , 'ਮਿਸਟਰ ਇੰਡੀਆ' ਵਿੱਚ 'ਮੁਕਾਬਲੇਬਾਜ਼' ਰਹੇ ।

      ਸੋਨੂੰ ਸੂਦ ਨੇ , ਅਭਿਨੈ ਦੀ ਸ਼ੁਰੂਆਤ 1999 ਦੀ ਤਾਮਿਲ ਫਿਲਮ 'ਕਲਾਝਾਗਰ' ਨਾਲ ਕੀਤੀ । 'ਸਾਊਥ' ਦੀਆਂ ਫਿਲਮਾਂ ਕਰਦੇ , 'ਸੋਨੂੰ ਸੂਦ' ਨੇ ਆਪਣੀ ਪਹਿਲੀ ਹਿੰਦੀ ਫਿਲਮ 2002 'ਸ਼ਹੀਦੇ ਏ ਆਜ਼ਮ' ਚ , 'ਸ਼ਹੀਦ ਭਗਤ ਸਿੰਘ' ਦਾ ਅਭਿਨੈ ਕਰ , ਦਰਸ਼ਕਾਂ ਦੇ ਦਿਲ ਤੇ ਛਾਪ ਛੱਡੀ । ਇਸ ਤੋਂ ਬਹੁਤ ਸਾਰੀਆਂ ਫਿਲਮਾਂ ਕਰ , ਨਾਮਣਾ ਖੱਟਿਆ , ਆਪਣੀ ਵੱਖਰੀ ਛਾਪ ਛੱਡੀ । ਹਰ ਕਿਰਦਾਰ ਨੂੰ , ਦਿਲੋਂ ਨਿਭਾ ਦਰਸ਼ਕਾਂ ਦਾ , "ਮਣਾਂ ਮੂੰਹੀਂ ਪਿਆਰ ਲਿਆਂ" । '2010' ਵਿਚ ਰੀਲੀਜ਼ ਹੋਈ , ਫਿਲਮ 'ਦਬੰਗ' ਚ, ਨੈਗੇਟਿਵ ਕਿਰਦਾਰ ਅਦਾ ਕਰ , 'ਆਈਫਾ ਅਵਾਰਡ' ਹਾਸਲ ਕੀਤਾ । ਸੋਨੂੰ ਸੂਦ , ਬਾਲੀਵੁੱਡ , ਟਾਲੀਵੁੱਡ ,ਕਾਲੀਵੁੱਡ ਤਿੰਨਾਂ ਚ ਕੰਮ ਕਰ ਚੁੱਕੇ ਹਨ । 'ਸੋਨੂੰ ਸੂਦ' ਨੇ , ਆਪਣੇ ਕੈਰੀਅਰ ਦੌਰਾਨ , ਤਾਮਿਲ , ਤੇਗਲੂ , ਕੰਨੜ, ਹਿੰਦੀ ਤੇ ਪੰਜਾਬੀ ਆਦਿ ਭਾਸ਼ਾਵਾਂ ਚ , ਫਿਲਮਾਂ ਕੀਤੀਆਂ ।

    ਬਾਲੀਵੁੱਡ ਸਟਾਰ 'ਸੋਨੂੰ ਸੂਦ' ਦਾ ਵਿਆਹ 1996 ਵਿਚ 'ਸੋਨਾਲੀ' ਨਾਲ ਹੋਇਆ । 'ਸੋਨੂੰ ਸੂਦ' ਦੀ ਪਤਨੀ 'ਸੋਨਾਲੀ' 'ਲਾਈਮਲਾਈਟ' ਤੋਂ ਦੂਰ ਰਹਿੰਦੀ ਹੈ । ਪਰ ਕਈ ਵਾਰ ਉਹ 'ਸੋਨੂੰ ਸੂਦ' ਨਾਲ ਈਵੈਂਟ ਚ , ਨਜ਼ਰ ਆ ਚੁੱਕੀ ਹੈ । 'ਸੋਨੂੰ ਸੂਦ' ਤੇ ਸੋਨਾਲੀ ਦੇ ਦੋ ਬੇਟੇ 'ਇਸ਼ਾਂਤ' ਤੇ 'ਅਯਾਨ ਸੂਦ'  ਹਨ । ਜੋ ਅੱਜਕਲ੍ਹ ਮੁੰਬਈ ਵਿਚ ਰਹਿ ਰਹੇ ਹਨ । ਸੋਨੂੰ ਸੂਦ ਦੀ ਵੱਡੀ ਭੈਣ 'ਮੋਨਿਕਾ ਸ਼ਰਮਾ' 'ਅਮਰੀਕਾ' ਤੇ ਛੋਟੀ ਭੈਣ 'ਮਾਲਵਿਕਾ ਸੱਚਰ' ਮੋਗਾ ਵਿੱਚ ਰਹਿੰਦੇ ਹਨ ।

   2022 ਦੀਆਂ , ਵਿਧਾਨ ਸਭਾ ਚੋਣਾਂ ਵਿੱਚ , 'ਸੋਨੂੰ ਸੂਦ' ਦੀ ਛੋਟੀ ਭੈਣ 'ਮਾਲਵਿਕਾ ਸੱਚਰ' ਮੋਗਾ ਜ਼ਿਲ੍ਹੇ ਤੋਂ ਚੋਣ ਲੜਨਗੇ । ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ 'ਸੋਨੂੰ ਸੂਦ' ਤੇ ਓਨਾਂ ਦੀ ਛੋਟੀ ਭੈਣ 'ਮਾਲਵਿਕਾ' ਨੇ ਦੱਸਿਆ, ਇਹ ਚੋਣਾਂ , "ਲੋਕਾਂ ਦੀ ਸੇਵਾ ਲੜ ਰਹੇ ਹਾਂ" । ਪੱਤਰਕਾਰਾਂ ਨੇ 'ਸੋਨੂੰ ਸੂਦ' ਨੂੰ ਸਵਾਲ ਕੀਤਾ । ਤੁਸੀਂ ਕਿਉਂ ਨਹੀਂ ,ਚੋਣ ਲੜ ਰਹੇ ? ਓਨਾਂ ਕਿਹਾ , ਹਾਲੇ ਮੇਰਾ ਫ਼ਿਲਮਾਂ ਵਿੱਚ ਬਹੁਤ ਕੁਝ ਕਰਨਾ ਬਾਕੀ ਹੈ । ਅਸੀਂ ਕਿਸੇ ਦੇ ਵਿਰੋਧੀ ਨਹੀਂ , ਮੇਰੀ ਛੋਟੀ ਭੈਣ 'ਮਾਲਵਿਕਾ' ਰਾਜਨੀਤੀ ਆ ਕੇ , ਲੋਕ ਸੇਵਾ ਕਰਨਾ ਚਾਹੁੰਦੀ ਹੈ । 

   ਪਰ ਲੋਕ 'ਸੋਨੂੰ ਸੂਦ' 'ਪ੍ਰਧਾਨ ਮੰਤਰੀ' ਦੇ ਰੂਪ ਚ ਦੇਖਣਾ ਚਾਹੁੰਦੇ ਹਨ । ਬਹੁਤ ਸਾਰੇ 'ਐਪਸ' ਤੇ ਇਹੋ ਅਵਾਜ਼ ਹੈ । ਪੂਰੇ ਦੇਸ਼ ਦੀਆਂ ਦੁਆਵਾਂ 'ਸੋਨੂੰ ਸੂਦ' ਨਾਲ ਹੈ । 'ਸੋਨੂੰ ਸੂਦ' 'ਲੋਕਾਂ ਦਾ ਮਸੀਹਾ' ਬਣ ਨਾਲ-ਨਾਲ ਚਲਦਾ ਰਹੇ । 

                                           ਸ਼ਿਵਨਾਥ ਦਰਦੀ

                                  ਸੰਪਰਕ :- 9855155392

(ਮੈਂ ਤਾਂ ਉਨਾਂ ਦੇ ਗਲੇ ਵਿੱਚ ਘੰਟੇ ਬੰਨ੍ਹ ਦਿੱਤੇ, ਜੋ ਖੁਦ ਨੂੰ ਸ਼ੇਰ ਦੱਸਦੇ ਸਨ, ਨਵਜੋਤ ਸਿੰਘ ਸਿੱਧੂ ਨੇ ਇਹ ਵੀ ਕਿਹਾ ਹੈ, ਬਿੱਲੀ ਦੇ ਗਲੇ ਵਿੱਚ ਘੰਟੀ ਮੈਂ ਹੀ ਬਨੁੰਗਾਂ) ਦਬੰਗ, ਸੰਤ ਸਰੂਪ, ਅਰਫ਼ਣ ਮੌਲਾ, ਨੇਕ ਦਿਲ ਇਨਸਾਨ, ਨਵਜੋਤ ਸਿੰਘ ਸਿੱਧੂ ਐਮ ਐਲ ਏ ਪ੍ਰਧਾਨ ਪੰਜਾਬ ਪ੍ਰਦੇਸ਼ ਕਾਂਗਰਸ ਪਾਰਟੀ ਨੂੰ ਮੈਂ ਨੇਕ ਨੀਅਤ ਨਾਲ ਕਹਿੰਦਾ ਹਾਂ, ਕਿ ਨਵਜੋਤ ਸਿੰਘ ਸਿੱਧੂ ਤੂੰ ਵਰਤਿਆ ਗਿਆ ਮੇਰੇ ਯਾਰ ਜਦੋਂ ਮੈਂ, ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੂੰ ਇੱਕ ਟੇਲੀਵਿਜਨ ਤੇ ਇੱਕ ਇੰਟਰਵਿਊ ਵਿੱਚ ਇਹ ਕਹਿੰਦੇ ਸੁਣਿਆ ਦੇਖਿਆ, ਕਿ ਕੈਪਟਨ ਅਮਰਿੰਦਰ ਸਿੰਘ ਸਾਬਕਾ ਮੁੱਖ ਮੰਤਰੀ ਪੰਜਾਬ ਕਾਂਗਰਸ ਪਾਰਟੀ ਦੇ ਵਰਕਰਾਂ ਨੇਤਾਵਾਂ ਨੂੰ ਨਹੀਂ ਮਿਲ਼ਦਾ ਸੀ, ਨਾ ਹੀ, ਫੂਨ ਚੁੱਕ ਦਾ ਸੀ, ਏਥੋਂ ਤੱਕ ,ਰਾਹੁਲ ਗਾਂਧੀ ਦਾ ਫੂਨ ਵੀ ਨਹੀਂ ਚੁੱਕ ਦਾ ਸੀ ਮੈਂ ਇਹ ਸ਼ਬਦ ਸੁਣਨ ਸਾਰ ਹੀ ਸਮਝ ਗਿਆ ਸੀ, ਕਿ ਨਵਜੋਤ ਸਿੰਘ ਸਿੱਧੂ ਤਾਂ ਵਰਤਿਆ ਗਿਆ, ਮੇਰੀ ਕਾਂਗਰਸ ਪਾਰਟੀ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਜੀ ਕਾਂਗਰਸ ਪਾਰਟੀ ਦਾ ਛੋਟਾ ਬਡ਼ਾ ਮੇਰੇ ਵਰਗਾਂ ਅਸਲੀ ਕਾਂਗਰਸੀ ਵਰਕਰ  ਤੜਫ਼ ਰਿਹਾ ਹੈ, ਇਸ ਸਮੇਂ ਕਾਂਗਰਸ ਪਾਰਟੀ ਦਾ ਡਿਗ ਰਹੇ ਗ੍ਰਾਫ ਨੂੰ ਦੇਖਦੇ ਹੋਏ,  ਮੈਨੂੰ ਆਏਂ ਲਗਦਾ ਹੈ, ਜਿਵੇਂ 2007 ਵਿੱਚ ਕਾਂਗਰਸ ਪਾਰਟੀ ਨੇ ਚਾਂਦੀ ਦੇ ਥਾਲ ਵਿੱਚ ਰਖਕੇ ਪੰਜਾਬ ਦੇ ਰਾਜਭਾਗ ਵਾਲੀ ਕੁਰਸੀ ਅਕਾਲੀ ਦਲ ਨੂੰ ਦੇ ਦਿੱਤੀ ਸੀ, ਉਹਨਾਂ ਲਗਾਤਾਰ 10 ਸਾਲ 2017 ਤੱਕ ਪੰਜਾਬ ਉੱਪਰ ਹਕੂਮਤ ਕਿਤੀ ਸੀ, ਠੀਕ ਹੁਣ ਫੇਰ 2022 ਵਿੱਚ ਉਹੀ ਗੱਲਤੀ ਮੇਰੀ ਕਾਂਗਰਸ ਪਾਰਟੀ ਸੋਨੇ ਦੇ ਥਾਲ ਵਿੱਚ ਰਖਕੇ ਪੰਜਾਬ ਤੇ ਰਾਜ ਭਾਗ ਕਰਨ ਵਾਲ਼ੀ ਕੁਰਸੀ ਪੰਜਾਬ ਦੀ ਆਮ ਆਦਮੀ ਨੂੰ ਦੇਣ ਜਾਂ ਰਹੀਂ ਹੈ ? ਸੰਭਾਲੋ ਅਪਣੇ ਆਪ ਨੂੰ ਅਤੇ ਪੰਜਾਬ ਕਾਂਗਰਸ ਪਾਰਟੀ ਨੂੰ, ਮੁੱਖ ਮੰਤਰੀ ਪੰਜਾਬ ਚਰਨਜੀਤ ਸਿੰਘ ਚੰਨੀ ਚੰਗੇਰੇ ਕੰਮ ਕਰਨ ਕਰਕੇ ਹੀ, ਲੋਕ ਪ੍ਰਿਆ ਹੋ ਰਹੇ ਹਨ, ਮੇਰੀ ਨੇਕ ਨੀਅਤ ਨਾਲ ਸਲਾਹ ਹੈ ਤੁਹਾਨੂੰ ਸਾਰਿਆਂ ਕਾਂਗਰਸ ਪਾਰਟੀ ਦੇ ਨੇਤਾਵਾਂ ਲੀਡਰਾਂ ਨੂੰ  ਕਿ, ਪੰਜਾਬ ਵਿੱਚ ਕਾਂਗਰਸ ਪਾਰਟੀ ਨੂੰ ਮਜ਼ਬੂਤ ਰੱਖਣ ਵਾਲੀ ਗੱਲ ਕਰੋ ਅਤੇ 2022 ਦੀਆਂ ਚੋਣਾਂ ਨੂੰ ਜਿਤਕੇ, ਪੰਜਾਬ ਵਿੱਚ ਕਾਂਗਰਸ ਪਾਰਟੀ ਦੀ ਸਰਕਾਰ ਨੂੰ ਬਨਾਕੇ, ਪੰਜਾਬ ਦੇ ਲੋਕਾਂ ਦੀ ਸੇਵਾ ਕਰੋ,ਪੰਡਿਤ ਰਮੇਸ਼ ਕੁਮਾਰ ਭਟਾਰਾ ਬਰਨਾਲਾ ਜੱਥੇਬੰਦ ਸਕੱਤਰ ਪੰਜਾਬ ਪ੍ਰਦੇਸ਼ ਕਾਂਗਰਸ ਪਾਰਟੀ 9815318924

“ਗਲੇ ਓਹਨਾ ਦੇ ਲੱਗ ਵੇਖੋ ਜਿਹਨਾਂ ਦੇ ਬਾਹਵਾਂ ਨੀ ਹੁੰਦੀਆਂ”

ਕਿਸੇ ਨੂੰ ਗੱਲ ਲਾਉਣਾ ਸ਼ੁਰੂ ਤੋਂ ਹੀ ਇੱਕ ਆਦਰ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ| ਆਮ ਤੌਰ ਤੇ ਆਪਣੀ ਬਰਾਬਰੀ ਦੇ ਬੰਦਿਆਂ ਨੂੰ ਹੀ ਗਲ ਲਾਉਣ ਦਾ ਰਿਵਾਜ਼
ਰਿਹਾ ਹੈ| ਰਿਸ਼ਤੇਦਾਰਾਂ ਅਤੇ ਦੋਸਤਾਂ ਮਿੱਤਰਾਂ ਨੂੰ ਕਿਸੇ ਖਾਸ ਮੌਕੇ ਉੱਤੇ ਗਲ ਲਾਇਆ ਜਾਂਦਾ ਹੈ| ਪਰ ਅੱਜ ਅਸੀਂ ਜਿਸ ਗਲ ਲਾਉਣ ਦੀ ਗੱਲ ਕਰ ਰਹੇ ਹਾਂ ਉੱਥੇ
ਦਿਨ, ਤਿਓਹਾਰ, ਮੌਕੇ, ਰਿਵਾਜ਼ ਆਦਿ ਕਿਸੇ ਤਰਾਂ ਦਾ ਕੋਈ ਸੰਬੰਧ ਨਹੀਂ ਹੈ| ਗੱਲ ਸਿਰਫ ਕਿਸੇ ਨੂੰ ਆਦਰ ਸਹਿਤ ਗਲ ਲਾਉਣ ਦੀ ਹੋ ਰਹੀ ਹੈ| ਉਸ ਲਈ ਵੀ ਜੋ
ਤੁਹਾਡੇ ਲਈ ਕੁਝ ਕਰ ਸਕਦਾ ਹੈ ਅਤੇ ਉਸ ਲਈ ਵੀ ਜੋ ਤੁਹਾਡੇ ਲਈ ਕੁਝ ਵੀ ਨਹੀਂ ਕਰ ਸਕਦਾ|ਪਿਛਲੇ ਦਿਨੀ ਇੱਕ ਬਹੁਤ ਪ੍ਰਭਾਵਸਾਹਲੀ ਗੀਤ ਰਿਲੀਜ਼
ਹੋਇਆ ਹੈ| ਗੀਤ ਦਾ ਸਿਰਲੇਖ ਅੰਗਰੇਜ਼ੀ ਸ਼ਬਦ “ਇੰਬਰੇਸ” ਹੈ| ਦੇਖਿਆ ਜਾਵੇ ਪੰਜਾਬੀ ਸ਼ਬਦ ਕੋਸ਼ ਵਿਚ ਇਸ ਸ਼ਬਦ ਦੀ ਕੋਈ ਪਰਿਭਾਸ਼ਾ ਨਹੀਂ ਹੈ| ਕਿਸੇ ਨੂੰ
ਗਲਵਕੜੀ ਪਾਉਣੀ ਹੀ “ਇੰਬਰੇਸ” ਹੋਣਾ ਨਹੀਂ ਬਣਦੀ| ਗੀਤ ਦੇ ਬੋਲਾਂ ਦੇ ਹਿਸਾਬ ਦੇ ਨਾਲ ਦੇਖਿਆ ਜਾਵੇ ਤਾ ਸਾਰੀ ਕਾਇਨਾਤ ਨੂੰ ਬਾਹਾਂ ਵਿੱਚ ਘੁੱਟ ਲੈਣਾ ਹੀ
“ਇੰਬਰੇਸ” ਨੂੰ ਸ਼ਾਇਦ ਪਰਿਭਾਸ਼ਿਤ ਕਰ ਸਕਦਾ ਹੈ|
“ਗਲੇ ਓਹਨਾ ਦੇ ਲੱਗ ਵੇਖੋ ਜਿਹਨਾਂ ਦੇ ਬਾਹਵਾਂ ਨੀ ਹੁੰਦੀਆਂ”
ਇਸ ਗੀਤ ਨੂੰ ਜਿਸ ਸ਼ਿੱਦਤ ਨਾਲ ਹਰਜਿੰਦਰ ਜੋਹਲ ਨੇ ਲਿਖਿਆ ਹੈ, ਓਨੀ ਹੀ ਢੂੰਘਾਈ ਨਾਲ   ਨੇ ਗਾਇਆ ਵੀ ਹੈ| ਹਸਰਤ ਅਤੇ ਨਵਨੀਤ ਜੌੜਾ ਦੀ ਜੁਗਲਬੰਦੀ
ਨੇ ਸੰਗੀਤਕ ਧੁਨਾਂ ਸਿਰਜੀਆਂ ਹਨ| ਗੀਤ ਦੇ ਬੋਲ ਲਿਖੇ ਜਾਣ ਤੋਂ ਲੈਕੇ ਗੀਤ ਦੇ ਗਾਉਣ ਤੱਕ ਦਾ ਸਫ਼ਰ ਬਹੁਤ ਚੁਣੌਤੀ ਭਰਪੂਰ ਰਿਹਾ| ਅੱਜ ਕਲ ਚਲ ਰਹੇ ਦੌਰ ਦੇ
ਹਿਸਾਬ ਨਾਲ ਸਿਖਿਆਦਾਇਕ ਲਿਖਣਾ ਅਤੇ ਗਾਉਣਾ ਬਹੁਤ ਔਖਾ ਬਣ ਗਿਆ ਹੈ| ਫੇਰ ਗੱਲ ਆਉਂਦੀ ਹੈ ਗੀਤ ਦੇ ਫਿਲਮਾਂਕਣ ਦੀ| ਜੇ ਗੀਤ ਦਾ ਫਿਲਮਾਂਕਣ
ਉਸ ਦਰਜੇ ਦਾ ਨਾ ਹੁੰਦਾ ਤਾਂ ਗੀਤ ਦੀ ਰੂਹ ਨਾਲ ਇਨਸਾਫ ਨਹੀਂ ਸੀ ਹੋ ਸਕਣਾ| ਇਸ ਕੰਮ ਨੂੰ ਨੇਪਰੇ ਚਾੜ੍ਹਿਆ ਸੋਨੀ ਠੁੱਲ੍ਹੇਵਾਲ ਅਤੇ ਨਵੀਂ ਜੇਠੀ ਦੀ ਜੋੜੀ ਨੇ|
ਜਿਨ੍ਹਾਂ ਨੇ ਇੱਕ ਇੱਕ ਸ਼ਬਦ ਨੂੰ ਬਹੁਤ ਕਲਾਤਮਕ ਰੂਪ ਚ ਪੇਸ਼ ਕੀਤਾ| ਗੱਲ ਇਥੇ ਹੀ ਨਹੀਂ ਮੁੱਕ ਜਾਂਦੀ| ਸਾਰਾ ਕੁਝ ਤਿਆਰ ਹੋਣ ਤੋਂ ਬਾਅਦ ਗੱਲ ਆ ਜਾਂਦੀ ਹੈ
ਉਸਦੀ ਪੇਸ਼ਕਾਰੀ ਦੀ| ਗੀਤ ਦੀ ਪੇਸ਼ਕਾਰੀ ਮਨੀ ਮਨਜੋਤ ਦੀ ਹੈ ਜਿਹਨਾਂ ਨੇ ਇਸ ਤੋਂ ਪਹਿਲਾਂ ਵੀ ਕਈ ਅਰਥਪੂਰਨ ਗੀਤ ਪੇਸ਼ ਕੀਤੇ ਹਨ| ਅਖੀਰ ਇੱਕ ਇੱਕ
ਕਰਕੇ ਸਾਰੇ ਮੋਤੀ ਮਾਲਾ ਵਿੱਚ ਪਰੋਏ ਜਾਂਦੇ ਹਨ ਅਤੇ ਗੀਤ ਦੇ ਸਿਰਲੇਖ ਨੂੰ ਲੈ ਕੇ ਚਰਚਾ ਸ਼ੁਰੂ ਹੋ ਜਾਂਦੀ ਹੈ|ਅੰਗਰੇਜ਼ੀ ਭਾਸ਼ਾ ਦਾ ਸ਼ਬਦ ਹੋਣ ਦੇ ਬਾਵਜੂਦ ਵੀ ਸ਼ਬਦ
ਨਾਲ ਕੋਈ ਛੇੜ ਛੱਡ ਨਹੀਂ ਕੀਤੀ ਗਈ| ਕਿਓਂਕਿ ਆਪਣੀ ਭਾਸ਼ਾ ਵਿਚ ਓਨਾ ਭਾਵਪੂਰਨ ਸ਼ਬਦ ਨਹੀਂ ਹੈ|ਜਿਵੇਂ ਜਿਵੇਂ ਗੀਤ ਅੱਗੇ ਵਧਦਾ ਜਾਂਦਾ ਹੈ ਓਵੇਂ ਓਵੇਂ ਲੂ
ਕੰਡੇ ਖੜੇ ਹੋਣ ਲਗਦੇ ਹਨ| ਗੀਤ ਦੀ ਬੁਨਿਆਦ ਸ਼ੁਰੂ ਤੋਂ ਹੀ ਬਹੁਤ ਮਜਬੂਤ ਰਹੀ ਹੈ ਇਹਨਾਂ ਸਭ ਕਾਰਨਾਂ ਸਦਕਾ ਹੀ ਗੀਤ ਨੂੰ ਲੋਕਾਂ ਦਾ ਭਰਪੂਰ ਹੁੰਗਾਰਾ ਵੀ
ਮਿਲ ਰਿਹਾ ਹੈ| ਪੰਜਾਬੀ ਸਿਨੇਮਾ ਜਗਤ ਦੇ ਕੁਝ ਉੱਘੇ ਕਲਾਕਾਰ ਜਿਵੇਂ ਆਸ਼ੀਸ਼ ਦੁੱਗਲ, ਨਿਰਮਲ ਰਿਸ਼ੀ, ਗੁਰਪ੍ਰੀਤ ਕੌਰ ਭੰਗੂ, ਪ੍ਰਿੰਸ ਕੰਵਲਜੀਤ ਸਿੰਘ, ਰਘਵੀਰ
ਬੋਲੀ ਆਦਿ ਨੇ ਗੀਤ ਉੱਤੇ ਆਪਣੇ ਭਾਵੁਕ ਵਿਚਾਰ ਸਾਂਝੇ ਕੀਤੇ ਹਨ| ਜੋਬਨ ਸੰਧੂ, ਜਪੁਜੀ ਖੈਹਰਾ, ਕੰਵਰ ਗਰੇਵਾਲ, ਅਨੂ ਮਨੁ ਆਦਿ ਕਲਾਕਾਰਾਂ ਨੇ ਗੀਤ ਨੂੰ
ਆਪਣੇ ਆਪਣੇ ਅੰਦਾਜ਼ ਨਾਲ ਫੇਸਬੁੱਕ ਤੇ ਸਾਂਝਾ ਕੀਤਾ ਹੈ| ਪੰਜਾਬੀ ਸਾਹਿਤਿਕ ਸੂਝਵਾਨ ਜਿਵੇਂ ਗੁਰਤੇਜ ਕੋਹਾਰਵਾਲਾ, ਜਸਵੰਤ ਸਿੰਘ ਜ਼ਫ਼ਰ ਆਦਿ ਨੇ ਗੀਤ ਪ੍ਰਤੀ
ਆਪਣੀ ਸੰਵੇਦਨਾ ਪ੍ਰਗਟ ਕੀਤੀ ਹੈ|ਕਿਸੇ ਦੇ ਪ੍ਰਤੀ ਨਿਸ਼ਕਾਮ ਭਾਵਨਾ ਨਾਲ ਕੰਮ ਕਰਨ ਨੂੰ ਹੀ ਅੰਗਰੇਜ਼ੀ ਭਾਸ਼ਾ ਵਿੱਚ “ਇੰਬਰੇਸ” ਨਾਂ ਦਿੱਤਾ ਗਿਆ ਹੈ| ਅੱਜ ਕਲ
ਦੀ ਪੀੜੀ ਨੂੰ ਇਸ ਸ਼ਬਦ ਦੀ ਜ਼ਮੀਨੀ ਪੱਧਰ ਤੇ ਵਰਤੋਂ ਕਰਨੀ ਚਾਹੀਦੀ ਹੈ ਤਾਂ ਜੋ ਇੱਕ ਚੰਗਾ ਸਮਾਜ ਉਸਾਰਿਆ ਜਾ ਸਕੇ ਅਤੇ ਇਹਨਾਂ ਗੀਤਾਂ ਨੂੰ ਵੱਧ ਤੋਂ ਵੱਧ
ਪ੍ਰਵਾਨ ਕਰਨਾ ਚਾਹੀਦਾ ਹੈ ਤਾਂ ਜੋ ਹੋਰ ਵੀ ਸੂਝਵਾਨ ਲਿਖਾਰੀ ਅਤੇ ਗਾਇਕ ਹੋਰ ਵੀ ਗੀਤ ਤਿਆਰ ਕਰ ਸਕਣ|
ਹਰਜਿੰਦਰ ਸਿੰਘ ਜਵੰਦਾ