ਅਲਵਿਦਾ ਸਾਲ 2021
- ਦੋਸਤੋ! ਸਾਲ 2021 ਨੂੰ ਅਲਵਿਦਾ ਕਹਿੰਦਿਆਂ ਮੈਂ ਉਨ੍ਹਾਂ ਖੂਬਸੂਰਤ ਦਿਲਾਂ ਦਾ ਆਪਣੇ ਦਿਲ ਦੀਆਂ ਡੂੰਘਾਈਆਂ ਵਿਚੋਂ ਧੰਨਵਾਦ ਕਰਦਾ ਹਾਂ, ਜਿਨ੍ਹਾਂ ਨੇ ਇਸ ਸਾਲ ਮੇਰੇ ਦਿਲ ਨੂੰ ਖੁਸ਼ੀਆਂ ਦਾ ਹੁਲਾਰਾ ਦਿੱਤਾ।ਮੈਂ ਉਨ੍ਹਾਂ ਦਿਲਾਂ ਦਾ ਵੀ ਰਿਣੀ ਹਾਂ, ਜਿਨ੍ਹਾਂ ਨੇ ਮੇਰੇ ਦਿਲ ਨੂੰ ਦਰਦ ਦਿੱਤਾ, ਤੇ ਦਿਲ ਦੇ ਦਰਦ ਨੂੰ ਵੰਡਾਇਆ ਵੀ, ਹੰਢਾਇਆ ਵੀ!
ਦੋਸਤੋ! ਕਿਸੇ ਦੇ ਦਿਲ ਨੂੰ ਦਰਦ ਦੇਣਾ, ਦਿਲ ਦੀਆਂ ਨਸਾਂ ਵਿਚੋਂ ਲਹੂ ਚੂਸ ਲੈਣ ਤੋਂ ਘੱਟ ਨਹੀਂ ਹੁੰਦਾ ਹੈ।ਦਿਲ ਦੇ ਧੁਰ ਅੰਦਰੋਂ ਮਿੱਠੇ ਬੋਲ ਬੋਲ ਕੇ ਤੇ ਸਹਿਯੋਗ ਦੇ ਕੇ ਕਿਸੇ ਦੇ ਦਿਲ ਦਾ ਦਰਦ ਵੰਡਾ ਕੇ ਖੁਸ਼ ਕਰ ਦੇਣਾ, ਵੀ ਤਾਂ ਲਹੂ ਵਿਚ ਵਾਧਾ ਕਰ ਦੇਣ ਬਰਾਬਰ ਹੁੰਦਾ ਹੈ, ਜਦ ਕਿ ਇਹ ਜਰੂਰੀ ਨਹੀਂ ਹੁੰਦਾ ਕਿ, ਹਸਪਤਾਲ ਵਿਚ ਜਾ ਕੇ ਲਹੂ-ਦਾਨ ਕਰਕੇ ਹੀ ਕਿਸੇ ਨੂੰ ਲਹੂ ਦਿੱਤਾ ਜਾਵੇ!
ਦਿਲਾਂ ਦੀ ਹੱਟ 'ਤੇ ਮੁਫਤ ਵਿਚ ਖੁਸ਼ੀਆਂ ਦੀ ਖੁਸ਼ਬੂ ਵੰਡਣ ਵਾਲਿਆਂ ਨੂੰ ਪਿਆਰ ਅਤੇ ਸਤਿਕਾਰ ਨਾਲ ਫੁੱਲ ਅਰਪਣ ਕਰਦਿਆਂ ਇਸ ਸਾਲ ਨੂੰ ਅਲਵਿਦਾ ਆਖਦਾ ਹਾਂ!
-ਸੁਖਦੇਵ ਸਲੇਮਪੁਰੀ
09780620233
28 ਦਸੰਬਰ, 2021.
