-ਵਾਤਾਵਰਣ ਨੂੰ ਬਚਾੳ, ਰੁੱਖ ਲਗਾਉ,
ਰੁੱਖਾਂ ਨੂੰ ਤੁਸੀਂ ਮਾਰ ਮੁਕਾਇਆ,
ਇਸ ਲਈ ਗਰਮੀ ਨੇ ਆਪਣਾ ਕਹਿਣ ਮਚਾਇਆ,
ਹੁਣ ਵੀ ਸਮਝ ਜਾਵੋ... ਇਨਸਾਨੋਂ,
ਨਹੀਂ ਤਾਂ ਦੇਣਾ ਪਉ ਕੁਰਦਤ ਨੂੰ ਲੰਬਾ ਹਰਜਾਣਾ।
ਕੁਰਦਤ ਵਸੂਲੂ ਭਾਰੀ ਜੁਰਮਾਨਾ,
ਹਰ ਇਕ ਨੂੰ ਇਹ ਗੱਲ ਸਮਝਾਉ,
ਰੁੱਖ ਲਗਾਉੁ, ਲੋਕੋਂ ਵੱਧ ਤੋ ਵੱਧ ਰੁੱਖ ਲਗਾਉ।
ਆਪਣੇ ਤਾਂ ਅਸੀਂ ਵੱਡ ਮੁਕਾਏ,
ਸੜਕਾਂ ਲਾਗੇ ਲੱਗੇ ਬੂਟਿਆ ਵੱਲ ਨਿਗਾ ਵਧਾਏ।
ਪਾਣੀ ਤਾਂ ਅਸੀਂ ਪਾ ਨਹੀ ਸਕਦੇ,
ਅੱਗ ਲਾ ਕੇ ਉਹ ਵੀ ਮਾਰ ਮੁਕਾਏ,
ਭਲਾ ਤੁਹਾਡਾ ਹੋ ਨਹੀਂ ਸਕਦਾ,
ਇਸ ਗੱਲ ਨੂੰ ਤੁਸੀਂ ਖਾਨੇ ਪਾਉ,
ਰੁੱਖ ਲਗਾਉੁ, ਲੋਕੋ ਵੱਧ ਤੋ ਵੱਧ ਰੁੱਖ ਲਗਾਉ।
ਦਰੱਖਤਾਂ ਨੂੰ ਅੱਗਾ ਲਗਾ ਕੇ,
ਠੰਡੀ ਹਵਾ ਦਾ ਕੰਮ ਮੁਕਇਆ,
ਪੈਰ ਜ਼ਮੀਨ 'ਤੇ ਰੱਖ ਨਹੀ ਹੁੰਦਾ,
ਪੈਦਲ ਚੱਲਣ ਦਾ ਕੰਮ ਮੁਕਾਇਆ,
ਰੋਟੀ ਜ਼ਮੀਨ ਉੱਤੇ ਅਸੀਂ ਪਕਾ ਸਕਦੇ ਹਾਂ,
ਸੁੱਤੀ ਹੋਈ ਜ਼ਮੀਰ ਨੂੰ ਜਗਾਉ,
ਰੁੱਖ ਲਗਾਉੁ, ਲੋਕੋਂ ਵੱਧ ਤੋ ਵੱਧ ਰੁੱਖ ਲਗਾਉ।
ਘਟਦੇ ਹੋਏ ਦਰੱਖਤਾਂ ਖ਼ਾਤਰ, ਵੱਧਦੀ ਗਰਮੀ
ਘੱਟ ਮੀਂਹ ਪੈਣ ਵਿਚ ਯੋਗਦਾਨ ਪਾਇਆ,
ਹਰੇਕ ਦੇ ਗ਼ਲਤ ਉਪਰਾਲੇ ਕਰਕੇ,
ਪਾਣੀ ਜ਼ਮੀਨ ਦਾ ਥੱਲੇ ਗਿਰਾਇਆ,
ਮੁੱਕਿਆ ਪਾਣੀ ਤਾ ਬਣੂ ਰੇਗਿਸਤਾਨ,
ਕਿਸਾਨ ਬੀਜ ਕਿੱਥੇ ਉਗਾਉ,
ਰੁੱਖ ਲਗਾਉੁ, ਲੋਕੋਂ ਵੱਧ ਤੋ ਵੱਧ ਰੁੱਖ ਲਗਾਉ।
“ਪਵਨ ਗੁਰੂ ਪਾਣੀ ਪਿਤਾ”, ਗੁਰਬਾਣੀ ਦੀ ਤੁਕ ਨੂੰ
ਅਸੀਂ ਸਮਝ ਨਾ ਪਾਇਆ,
ਮਿਲਜੁਲ ਅਸੀਂ ਸਾਰਿਆ ਨੇ,
ਇਹ ਦੋਨਾਂ ਨੂੰ ਖ਼ਰਾਬ ਬਣਾਇਆ,
ਅੱਤ ਖੁਦਾ ਦਾ ਵੈਰ ਹੁੰਦਾ ਹੈ,
ਮਨਦੀਪ ਸਿੰਘ ਨੇ ਇਹ ਕਹਿ ਕੰਮ ਮੁਕਾਇਆ,
ਸਾਰਿਆ ਨੂੰ ਮੇਰੀ ਬੇਨਤੀ ਹੈ ਜੀ,
ਹਰੇਕ ਇਕ ਇਕ ਰੱਖ ਲਗਾਉਣ ਦੀ ਉਮੀਦ ਜਗਾਉ,
ਰੁੱਖ ਲਗਾਉੁ, ਉਏ ਲੋਕੋਂ ਵੱਧ ਤੋ ਵੱਧ ਰੁੱਖ ਲਗਾਉ।
ਮਨਦੀਪ ਸਿੰਘ ਸਿੰਘਪੁਰਾ
