ਸਾਹਿਤ

ਝੇਢਾਂ !✍️ ਸੁਖਦੇਵ ਸਲੇਮਪੁਰੀ

ਝੇਢਾਂ ! ਭਾਵੇਂ ਬੁੱਢੇ, ਭਾਵੇਂ ਮੁੰਡੇ। ਘਰਾਂ 'ਚ ਬੈਠੋ ਲਾ ਕੇ ਕੁੰਡੇ। ਨਾਗ ਦੇ ਵਾਂਗੂੰ ਫਿਰਦਾ ਡੱਸਦਾ, ਕੋਰੋਨਾ ਆਪਾਂ ਹਰਾ ਦੇਣਾ। 'ਕੱਲੇ 'ਕੱਲੇ ਹੋ ਕੇ ਆਪਾਂ ਇਸ ਨੂੰ ਮਾਰ ਮੁਕਾ ਦੇਣਾ। ਮੌਕਾ ਵੇਖੋ, ਕਰੋ ਨਾ ਝੇਢਾਂ। ਨਾ ਇੱਜੜ ਬਣਾਓ, ਵਾਂਗਰ ਭੇਡਾਂ। ਸਮਝਦਾਰੀ ਤੋਂ ਕੰਮ ਲੈਂਦਿਆਂ, ਨਵਾਂ ਇਤਿਹਾਸ ਰਚਾ ਦੇਣਾ। ਨਾਗ ਦੇ ਵਾਂਗੂੰ ਫਿਰਦਾ ਡੱਸਦਾ, ਕੋਰੋਨਾ ਆਪਾਂ ਹਰਾ ਦੇਣਾ। ਬੰਦ ਘਰਾਂ 'ਚ ਰਹਿ ਕੇ ਆਪਾਂ, ਇਸ ਨੂੰ ਮਾਰ ਮੁਕਾ ਦੇਣਾ। -ਸੁਖਦੇਵ ਸਲੇਮਪੁਰੀ

ਜ਼ਿੰਦਗੀ ਦੀ ਡੋਰ✍️ਜਸਵੰਤ ਕੌਰ ਬੈਂਸ

ਜ਼ਿੰਦਗੀ ਦੀ ਡੋਰ ਦੁਨੀਆਂ ਦਾ ਹਰ ਮਨੁੱਖ ਖੜ੍ਹਾ ਹੈ ਚੁਰੱਸਤੇ ਤੇ, ਹੱਥਾਂ ਵਿੱਚ ਲੈ ਕੇ ਪ੍ਰਸ਼ਨ ਸੂਚਕ? ਫਸਿਆ ਹੈ ਖਤਰੇ ਦੀ ਲਪੇਟ ਵਿੱਚ। ਨਹੀਂ ਸਮਝ ਆ ਰਹੀ ਉਸਨੂੰ ਦੁਨੀਆਂ ਦੀ ਇਹ ਪੇਚੀਦਾ ਉਲਝਣ। ਭਰ ਰਿਹਾ ਹੈ ਨਾਸਤਿਕ ਲੋਕਾਂ ਦੀਆਂ ਗੁਸਤਾਖ਼ੀਆਂ ਦੇ ਹਰਜਾਨੇ। ਦੁਨਿਆਵੀ ਵਸਤਾਂ ਦੀਆਂ ਚੁਕਾ ਕੇ ਚੌਗਣੀਆਂ ਕੀਮਤਾਂ। ਰੱਬ ਆਪ ਹੀ, ਅਪ੍ਰਤੱਖ ਰੂਪ ਵਿੱਚ ਦੇ ਰਿਹਾ ਹੈ ਕੋਈ ਸੰਕੇਤ। ਕਰ ਰਿਹਾ ਹੈ ਕੋਈ ਗੁੱਝਾ ਇਸ਼ਾਰਾ। ਤਾਹੀਓਂ ਮਨੁੱਖ, ਹੋ ਰਿਹਾ ਮਜਬੂਰ ਆਪਣੇ ਹੀ ਘਰ ਵਿੱਚ ਹੋਣ ਲਈ ਨਜ਼ਰਬੰਦ । ਆਵੇਗਾ ਜਰੂਰ ਉਸ ਦਸਤਾਵੇਜ਼ ਵਿੱਚ ਪਰਿਵਰਤਨ। ਰੱਖੇਗਾ ਮਹਿਫੂਜ਼ ਉਹੀ ਜਿਸਦੇ ਹੱਥਾਂ ਵਿੱਚ ਹੈ, ਸਭ ਦੀ ਜ਼ਿੰਦਗੀ ਦੀ ਡੋਰ। ਜਸਵੰਤ ਕੌਰ ਬੈਂਸ

ਕੋਰੋਨਾ ਵਾਇਰਸ

ਕੋਰੋਨਾ ਵਾਇਰਸ ਤੋਂ ਤੂੰ ਡਰਦਾ ਏਂ, ਬੇਈਮਾਨੀ ਦੇ ਵਾਇਰਸ ਤੋਂ ਵੀ ਡਰਿਆ ਕਰ! ਧਰਮ ਦਾ ਵਾਇਰਸ ਫਿਰੇੰ ਫੈਲਾਉਂਦਾ, ਨਾ ਧਰਮ ਦੇ ਨਾਂ 'ਤੇ ਲੜਿਆ ਕਰ। ਜਾਤ ਪਾਤ ਦਾ ਵਾਇਰਸ ਜਹਿਰੀ , ਊਚ ਨੀਚ ਨਾ ਕਰਿਆ ਕਰ। ਹੇਰਾਫੇਰੀ ਦਾ ਵਾਇਰਸ ਮੁਕਾਕੇ , ਇਮਾਨਦਾਰੀ ਦਾ ਪੱਲਾ ਫੜਿਆ ਕਰ। ਝੂਠ ਦਾ ਵਾਇਰਸ ਹੈ ਮੰਡਰਾਉੰਦਾ, ਕਦੀ ਸੱਚੀ ਗੱਲ ਵੀ ਕਰਿਆ ਕਰ। ਨਫਰਤ ਦਾ ਵਾਇਰਸ ਫਿਰੇੰ ਬੀਜ ਦਾ, ਕਦੀ ਪਿਆਰ ਦਾ ਅੱਖਰ ਪੜਿਆ ਕਰ। -ਸੁਖਦੇਵ ਸਲੇਮਪੁਰੀ

ਹੋਲੀ! ✍️ ਸਲੇਮਪੁਰੀ ਦੀ ਚੂੰਢੀ

ਮਿੱਤਰਾ! ਸਮਝ ਨਹੀਂ ਆਉਂਦੀ ਕਿ - ਮੈਂ ਤੇਰੇ ਨਾਲ ਹੋਲੀ ਕਿਵੇਂ ਮਨਾਵਾਂ? ਤੇਰੇ ਰੰਗ ਵਿਚ ਕਿਵੇਂ ਰੰਗੀ ਜਾਵਾਂ! ਤੂੰ ਤਾਂ ਰੱਬ ਰੂਪੀ ਸੰਵਿਧਾਨ ਵਰਗੇ ਮੇਰੇ ਸਿਰ 'ਤੇ ਹੱਥ ਰੱਖ ਕੇ ਸਤਿਕਾਰ ਦੀ, ਪਿਆਰ ਦੀ, ਵਾਅਦੇ ਨਿਭਾਉਣ ਦੀ ਸਹੁੰ ਖਾ ਕੇ ਕਿੰਨੀ ਵਾਰੀ ਮੇਰੇ ਦਿਲ ਦਿੱਲੀ ਨੂੰ ਪਿਆਰ ਦੇ ਰੰਗਾਂ ਵਿੱਚ ਨਹੀਂ ਲਹੂ ਦੇ ਰੰਗਾਂ ਵਿਚ ਰੰਗਿਆ! ਤੂੰ ਮੇਰੇ ਦਿਲ ਦੀ ਬੈੰਕ ਵਿਚ ਪਿਆਰ ਦੇ ਭਰੇ ਰੰਗ-ਬਿਰੰਗੇ ਨੋਟਾਂ ਨੂੰ ਲੁੱਟ ਕੇ ਬੈਂਕ ਦੇ ਲਾਕਰਾਂ 'ਤੇ ਬਦ-ਸ਼ਗਨੀ ਦਾ ਕਾਲਾ ਰੰਗ ਮਲ ਦਿੱਤਾ ਹੈ। ਤੂੰ ਤਾਂ ਪਿਆਰ ਦੇ ਜਾਲ ਵਿਚ ਫਸਾਉਣ ਤੋਂ ਪਹਿਲਾਂ ਬਹੁਤ ਫੜ੍ਹਾਂ ਮਾਰਦਾ ਸੀ। ਤੂੰ ਤਾਂ ਚੰਦ 'ਤੇ ਜਾ ਕੇ ਪਲਾਟ ਖ੍ਰੀਦ ਕੇ ਮੈਨੂੰ ਬੰਗਲਾ ਉਸਾਰ ਕੇ ਦੇਣ ਲਈ ਵਾਅਦੇ ਕਰਦੇ ਸੀ, ਪਰ ਤੇਰੇ ਕੋਲੋਂ ਤਾਂ ਮੈਨੂੰ ਦੇਣ ਲਈ ਹੋਲੀ ਖੇਡਣ ਲਈ ਦਸ ਰੁਪਈਆਂ ਦੀ ਪਿਚਕਾਰੀ ਵੀ...

ਕੁੱਖ ਚ ਕਤਲ ✍️ ਰਜਨੀਸ਼ ਗਰਗ

ਉਹ ਪਿੰਡ ਮੇਰੇ ਦੀ ਕੁੜੀ ਵਿੱਚ ਸ਼ਹਿਰ ਦੀਆ ਗਲੀਆ ਦੇ ਕਈ ਅੱਖਾਂ ਦੇ ਬੋਝਾ ਨੂੰ ਲੈ ਕੇ ਸੀ ਚੱਲ ਰਹੀ, ਮਾਂ ਦੀ ਚੁੰਨੀ, ਪਿਉ ਦੀ ਪੱਗ ਘਰ ਦੀਆ ਮਜਬੂਰੀਆ ਨੂੰ ਰੱਖ ਦਿਮਾਗ ਚ ਮੁਸੀਬਤਾ ਆਪਣੀਆ ਨੂੰ ਸੀ ਠੱਲ ਰਹੀ, ਉਸ ਵੱਲ ਵੱਧ ਰਹੇ ਗਲਤ ਹੱਥਾ ਨੇ ਜੇ ਇੱਜਤ ਉਸਦੀ ਕਰੀ ਹੁੰਦੀ, ਫਿਰ ਸਾਇਦ ਕਦੇ ਵੀ ਧੀ ਕਿਸੇ ਦੀ ਵਿੱਚ ਕੁੱਖ ਦੇ ਨਾ ਮਰੀ ਹੁੰਦੀ । ਫਿਰ ਸਾਇਦ ਕਦੇ ਵੀ ਧੀ ਕਿਸੇ ਦੀ ਇੰਝ ਸੜਕਾ ਤੇ ਨਾ ਡਰੀ ਹੁੰਦੀ । ਕਾਲਜ ਦਾ ਸਮਾਂ ਪੂਰਾ ਕਰਕੇ ਘਰ ਆਉਣ ਵਾਲੇ ਰਾਸਤੇ ਨੂੰ ਬੱਸ ਸਫਰ ਰਾਹੀ ਖਤਮ ਕਰਦੀ ਐ, ਸਹਿਮੀ ਸਹਿਮੀ,ਪਲਕਾ ਝੁਕੀਆ ਅੱਖਾ ਦੇ ਵਿੱਚ ਅਨੇਕਾ ਸੁਪਨੇ ਸੁਪਨੇ ਆਪਣਿਆ ਨਾਲ ਲੜਦੀ ਐ, ਰਜਨੀਸ਼ ਨਜ਼ਰਾ ਜੇ ਆਪਣੀਆ ਮੈਲੀਆ ਨਾ ਹੁੰਦੀਆ ਉਹ ਵੀ ਬਹੁਤਾ ਪੜ੍ਹੀ ਹੁੰਦੀ, ਫਿਰ ਸਾਇਦ ਕਦੇ ਵੀ ਧੀ ਕਿਸੇ ਦੀ ਵਿੱਚ ਕੁੱਖ ਦੇ ਨਾ ਮਰੀ ਹੁੰਦੀ । ਫਿਰ ਸਾਇਦ...

ਅੰਗਿਆਰ✍️ਜਸਵੰਤ ਕੌਰ ਬੈਂਸ

ਅੰਗਿਆਰ ਕਾਸ਼ ਜੇ ਆ ਜਾਂਦਾ, ਉਹ ਰਾਹ ਵਿੱਚ ਆਏ ਤੁਫਾਨਾਂ ਨੂੰ, ਚੀਰ ਕੇ। ਜਾਂ ਫਿਰ ਪਹਾੜਾਂ ਤੇ ਨਦੀਆਂ ਨੂੰ ਪਾਰ ਕਰਦਾ ਹੋਇਆ। ਸਮੁੰਦਰੀ ਪਾਣੀਆਂ ਨੂੰ ਤੈਰਦੇ ਹੋਏ, ਅੱਗ ਦਾ ਦਰਿਆ, ਕਰ ਲੈਂਦਾ ਪਾਰ। ਪਹੁੰਚ ਜਾਂਦਾ ਇੱਕ ਵੇਰ, ਉਸ ਮੰਜ਼ਿਲ ਤੇ। ਜਿੱਥੇ ਉਡੀਕ ਸੀ ਉਹਦੇ ਆਉਣ ਦੀ। ਬੈਠੇ ਸੀ ਵਿਛਾ ਕੇ ਅੱਖਾਂ। ਨਹੀਂ ਪਹੁੰਚ ਸਕਿਆ ਗੁਲ ਬਣ ਕੇ, ਨਾ ਹੀ ਬਾਗਾਂ ਦਾ, ਫੁੱਲ ਬਣਕੇ। ਸੋਚਦੇ ਸੀ, ਸ਼ਾਇਦ ਮਾਰੂਥਲ ਦੇ ਰੇਤੇ, ਖਾ ਗਏ। ਜਾਂ ਫਿਰ, ਨਿਗਲ ਗਏ ਬੰਜਰ ਦਿਲ ਦੀ, ਧਰਤੀ ਤੇ ਸੋਚਾਂ ਦੇ ਜਲਦੇ ਹੋਏ ਭਾਬੜਾਂ ਦੇ, ਅੰਗਿਆਰ। ✍️ਜਸਵੰਤ ਕੌਰ ਬੈਂਸ

ਸਲੇਮਪੁਰੀ ਦੀ ਚੂੰਢੀ ✍️ ਦੇਸ਼ ਪ੍ਰੇਸ਼ਾਨ ਹੈ!

ਦੇਸ਼ ਪ੍ਰੇਸ਼ਾਨ ਹੈ! ਦਿੱਲੀ ਸੜ ਰਹੀ ਹੈ, ਦੇਸ਼ ਪ੍ਰੇਸ਼ਾਨ ਹੈ। ਹੱਦਾਂ 'ਤੇ ਸੁਰੱਖਿਆ , ਅੰਦਰ ਤੁਫਾਨ ਹੈ। ਲੋਕਾਂ ਨੂੰ ਲੜਾ ਰਿਹਾ, ਕੌਣ ਸ਼ੈਤਾਨ ਹੈ? ਦਿਲ ਲਹੂ ਲੁਹਾਣ ਹੋਇਆ ਖਾਮੋਸ਼ ਹੁਕਮਰਾਨ ਹੈ। ਕੌਣ ਦੇਸ਼ ਭਗਤ ਹੈ, ਕੀ ਇਸ ਦੀ ਪਛਾਣ ਹੈ? ਕੌਣ ਹੈ ਇਮਾਨਦਾਰ, ਕੌਣ ਬੇਈਮਾਨ ਹੈ। ਕੌਣ ਪਾਵੇ ਵੰਡੀਆਂ, ਇਨਸਾਨ ਤਾਂ ਇਨਸਾਨ ਹੈ। ਹੋ ਗਿਆ ਸਫੈਦ ਖੂਨ, ਜਾਨ ਬੇਜਾਨ ਹੈ। ਕੁਰਸੀਆਂ ਦੀ ਖੇਡ ਪਿਛੇ, ਰੁਲਦਾ ਈਮਾਨ ਹੈ। ਕੌਣ ਸੱਚਾ ਸੁੱਚਾ ਇਥੇ, ਕੀ ਪ੍ਰਮਾਣ ਹੈ? ਦਿੱਲੀ ਸੜ ਰਹੀ ਹੈ, ਦੇਸ਼ ਪ੍ਰੇਸ਼ਾਨ ਹੈ। ✍️ ਸੁਖਦੇਵ ਸਲੇਮਪੁਰੀ 28 ਫਰਵਰੀ, 2020

ਦਿੱਲੀ ਜਲ ਰਹੀ ਹੈ..!✍️ਸਲੇਮਪੁਰੀ ਦੀ ਚੂੰਢੀ

ਦਿੱਲੀ ਜਲ ਰਹੀ ਹੈ..! ਦਿੱਲੀ ਜਲ ਰਹੀ ਹੈ! ਦਿੱਲੀ ਜਲ ਰਹੀ ਹੈ, ਮਾਸੂਮ ਮਰ ਰਹੇ ਨੇ। ਧਰਮ ਦੇ ਠੇਕੇਦਾਰ, ਕਿਸੇ ਦੀ ਸ਼ਹਿ 'ਤੇ ਗੁੰਡਾਗਰਦੀ ਕਰ ਰਹੇ ਨੇ। ਪੁਲਿਸ ਨੇ ਵਰਦੀ ਦੀ ਲਾਜ ਨਹੀਂ ਰੱਖੀ। ਅਮਰੀਕਾ ਨੇ ਵੇਖ ਲਿਆ ਸਭ ਕੁਝ ਅੱਖੀਂ। ਘਰ ਸੜ ਰਹੇ ਨੇ। ਜਖਮੀ ਤੜਫ ਰਹੇ ਨੇ। ਲਾਸ਼ਾਂ ਨਾਲ ਹਸਪਤਾਲ ਭਰ ਰਹੇ ਨੇ। ਦੇਸ਼ ਲਈ ਮਰਨ ਵਾਲੇ ਅੱਜ ਵੀ ਦੇਸ਼ ਵਿਚ ਬਿਗਾਨਿਆਂ ਵਾਂਗ ਖੜ ਰਹੇ ਨੇ। ਇਹ ਖੇਡ ਸਿਰਫ਼ ਕੁਰਸੀਆਂ ਦੀ, ਤਾਹੀਓਂ ਆਪਣੇ ਹੀ ਆਪਣਿਆਂ ਦੀ ਹਿੱਕ 'ਤੇ ਬੰਦੂਕ ਧਰ ਰਹੇ ਨੇ। 20-20 ਵੀ '84' ਵਾਂਗ ਕਰ ਰਹੇ ਨੇ। ਘਰ ਸੜ ਰਹੇ ਨੇ। ਦੁਕਾਨਾਂ ਮੱਚ ਰਹੀਆਂ ਨੇ। ਟਾਇਰ ਮੱਚ ਰਹੇ ਨੇ। ਦਿੱਲੀ ਜਲ ਰਹੀ ਹੈ, ਮਾਸੂਮ ਮਰ ਰਹੇ ਨੇ। ਕਈ ਖੁਸ਼ੀਆਂ ਮਨਾ ਰਹੇ ਹੋਣਗੇ, ਕਈ - ਤੁਰਗਿਆਂ ਦੀਆਂ ਲਾਸ਼ਾਂ ਵੇਖ ਕੇ, ਹੌਕੇ ਭਰ ਰਹੇ ਨੇ। ਸੜਕਾਂ 'ਤੇ ਘੁੰਮਦੇ ਗੁੰਡਿਆਂ ਨੂੰ...

ਨਾ ਗੱਲ ਕੋਈ ਬਹੁਤੀ ਚੰਗੀ ਏ -✍️ਰਜਨੀਸ਼ ਗਰਗ  

ਨਾ ਗੱਲ ਕੋਈ ਬਹੁਤੀ ਚੰਗੀ ਏ ਜੱਗ ਤੇ ਜੌ ਬੀਤ ਰਹੀ ਨਾ ਗੱਲ ਕੋਈ ਚੰਗੀ ਏ ਬੇਮਤਲਬ ਹੀ ਨੇ ਲੜ ਰਹੇ ਇਕ ਦੂਜੇ ਦੀ ਕਰਦੇ ਭੰਡੀ ਏ ਕਹਿੰਦੇ ਗੀਤਕਾਰ ਬਹੁਤੀ ਲੱਚਰਤਾ ਨੇ ਫਲਾ ਰਹੇ ਬੰਦ ਕਿੳ ਨਹੀ ਕਰਦੇ ਸੁਣਨਾ ਆਪਾ ਖੁਦ ਇੰਨਾ ਨੂੰ ਚੜਾ ਰਹੇ ਨਾ ਇਸ ਤਰ੍ਹਾ ਕਦੇ ਲੱਚਰਤਾ ਦੀ ਬੰਦ ਹੋਣੀ ਮੰਡੀ ਏ ਜੱਗ ਤੇ ਜੋ ਬੀਤ ਰਹੀ ਨਾ ਗੱਲ ਕੋਈ ਬਹੁਤੀ ਚੰਗੀ ਏ ਰਾਜਨਿਤਿਕ ਲੋਕ ਆਪਾ ਨੂੰ ਲੁੱਟ ਕੇ ਖਾ ਰਹੇ ਲੋਕਾ ਦੀਆ ਵੇਚ ਘਰ ਜਮੀਨਾ ਖੁਦ ਮਹਿਲ ਉਸਾਰ ਰਹੇ ਕਿੳ ਨਹੀ ਕਰਦੇ ਇਕ ਹੋਕੇ ਵਿਰੋਧ ਇੰਨ੍ਹਾ ਦਾ ਆਈ ਆਰਥਿਕ ਮੰਦੀ ਏ ਜੱਗ ਤੇ ਜੋ ਬੀਤ ਰਹੀ ਨਾ ਗੱਲ ਕੋਈ ਬਹੁਤੀ ਚੰਗੀ ਏ ਨਸ਼ਿਆ ਦੀ ਨਾ ਗੱਲ ਕਰਦਾ ਕੋਈ ਹਿੰਦੀ ਪੰਜਾਬੀ ਪਿੱਛੇ ਪੈ ਗਏ ਨੇ ਅਣਆਈਆ ਮੌਤਾ ਨੇ ਨੋਜਵਾਨ ਮਰਨ ਲੱਗੇ ਨਸ਼ੇ ਕਈ ਘਰ ਉਜਾੜ ਕੇ ਲੈ ਗਏ ਨੇ “ਰਜਨੀਸ਼” ਨਸ਼ੇ ਦਾ ਖਾਤਮਾ ਨੇ ਕਰੇ ਕੋਈ ਇਹ ਰਾਜਨੀਤੀ...

ਜਸਵੰਤ ਕੌਰ ਬੈੰਸ,ਲਿਸਟਰ, ਯੂ ਕੇ✍️-ਅਰਮਾਨ

ਅਰਮਾਨ ਤੂਫਾਨਾਂ ਜਿਹੀ ਘਿਰੀ ਹੋਈ ਲੱਗਦੀ ਏ ਜ਼ਿੰਦਗੀ। ਸੁਣ ਰਹੀ ਏ ਆਵਾਜ਼, ਹਰ ਰੋਜ਼ ਹਵਾ ਦੇ ਸ਼ੂਕਣ ਦੀ। ਪਤਝੜ ਦੇ ਪੱਤੇ ਕਰ ਰਹੇ ਉਡੀਕ, ਕੀ ਪਤਾ, ਕਿਹੜਾ ਬਰਬਰੋਲਾ, ਕਦੋਂ ਉੜਾ ਕੇ ਲੈ ਜਾਵੇ, ਪਲਾਂ ਵਿੱਚ ਦਿਲ ਦੇ ਕੋਨੇ ਵਿੱਚ ਛਿਪੇ ਹੋਏ ਅਰਮਾਨ। ✍️ਜਸਵੰਤ ਕੌਰ ਬੈੰਸ,ਲਿਸਟਰ, ਯੂ ਕੇ

ਸਲੇਮਪੁਰੀ ਦੀ ਚੂੰਢੀ ✍️ ਦਿੱਲੀ ਦੂਰ ਹੋ ਗਈ!

ਦਿੱਲੀ ਦੂਰ ਹੋ ਗਈ! ਸਾਰਾ ਦੇਸ਼ ਮੇਰਾ ਹੋ ਗਿਆ, ਮੈਨੂੰ ਗਰੂਰ ਹੋ ਗਿਆ। ਮੈਂ ਦੁਨੀਆਂ ਸਾਰੀ ਗਾਹਤੀ, ਤਾਹੀਓਂ ਮਸ਼ਹੂਰ ਹੋ ਗਿਆ। ਮੇਰਾ ਦਿਲ ਮੇਰਾ ਨਾ ਰਿਹਾ, ਮੈਥੋਂ ਕੀ ਕਸੂਰ ਹੋ ਗਿਆ। ਮੈਂ ਸਾਰੇ ਪੱਤੇ ਖੇਡ ਲਏ, ਪਰ ਦਿੱਲੀ ਤੋਂ ਦੂਰ ਹੋ ਗਿਆ। -ਸੁਖਦੇਵ ਸਲੇਮਪੁਰੀ

ਲਿਖਤ✍️ਰਜਨੀਸ਼ ਗਰਗ-ਹੁਸ਼ਿਆਰੀ ਤੇ ਸਮਝਦਾਰੀ

ਹੁਸ਼ਿਆਰੀ ਤੇ ਸਮਝਦਾਰੀ ਬਦਲਾਅ ਲਿਆ ਰਿਹਾ ਹਾਂ ਖੁਦ ਚ ਸਮਝਦਾਰੀ ਜਦੋ ਦੀ ਆਉਣ ਲੱਗੀ ਸਕੂਲਾਂ ਨਾਲੋ ਜਿਆਦਾ ਸਿੱਖ ਲਿਆ ਦੁਨੀਆਦਾਰੀ ਜਦ ਦੀ ਸਿਖਾਉਣ ਲੱਗੀ ਕਿੰਨੀ ਅਹਿਮੀਅਤ ਹੁੰਦੀ ਭਰੀ ਹੋਈ ਜੇਬਾਂ ਦੀ ਖਾਲੀ ਜੇਬ ਦੇਖ ਦੁਨੀਆਂ ਸਤਾਉਣ ਲੱਗੀ ਪਿਆਰ ਮਹੁੱਬਤ ਨਾ ਏਹ ਕੁਝ ਸਮਝਣ ਉਝ ਮਤਲਬ ਲਈ ਹੱਕ ਆਪਣਾ ਜਤਾਉਣ ਲੱਗੀ ਖਾਸ ਰਿਸ਼ਤੇ ਵਾਲੇ ਵੀ ਫੋਨ ਨਾ ਕਰਦੇ ਸੀ ਬਿਜਨਸ਼ ਪੁਜੀਸ਼ਨ ਦੇਖ ਕੇ ਦੂਰੋ ਨਮਸਤੇ ਬੁਲਾਉਣ ਲੱਗੀ ਬਦਲ ਨਹੀ ਸਕਦਾ ਦੁਨੀਆ ਦੇ ਇਸ ਵਤੀਰੇ ਨੂੰ ਰਜਨੀਸ਼ ਦੀ ਸਮਝਦਾਰੀ ਹੁਸ਼ਿਆਰੀ ਨੂੰ ਦਬਾਉਣ ਲੱਗੀ

ਸਲੇਮਪੁਰੀ ਦੀ ਚੂੰਢੀ✍️ ਗੁਰੂ ਰਵਿਦਾਸ ਜੀ ਨੂੰ ਸਮਰਪਿਤ

ਗੁਰੂ ਰਵਿਦਾਸ ਜੀ ਨੂੰ ਸਮਰਪਿਤ ਹੇ ਗੁਰੂ ਰਵਿਦਾਸ! ਤੂੰ 'ਕੱਲੇ ਨੇ ਨਿਰਭੈ ਹੋ ਕੇ ਸਮਾਜ ਵਿੱਚ ਸਮਾਜਿਕ, ਧਾਰਮਿਕ, ਰਾਜਨੀਤਕ, ਆਰਥਿਕ ਬਰਾਬਰਤਾ ਲਈ ਯੁੱਧ ਲੜਿਆ! ਤੇ ਸਮੇਂ ਦੇ ਹਾਕਮਾਂ ਨੂੰ ਫਿਟਕਾਰਾਂ ਮਾਰਦਿਆਂ ਕਿਹਾ - ' ਐੱਸਾ ਚਾਹੂੰ ਰਾਜ ਮੈਂ, ਜਹਾਂ ਮਿਲੇ ਸਬਨ ਕੋ ਅੰਨ। ਛੋਟ ਬੜੋ ਸਭ ਸਮ ਬਸੇ, ਰਵਿਦਾਸ ਰਹੇ ਪ੍ਰਸੰਨ। ਹੇ ਗੁਰੂ ਰਵਿਦਾਸ! ਗੁਰੂ ਅਰਜਨ ਦੇਵ ਜੀ ਨੇ ਸਾਂਝੀਵਾਲਤਾ ਕਾਇਮ ਕਰਨ ਲਈ ਗੁਰੂ ਗ੍ਰੰਥ ਸਾਹਿਬ ਦੀ ਸਥਾਪਨਾ ਕਰਕੇ ਸੰਸਾਰ ਨੂੰ ਨਵੀਂ ਸੇਧ ਪ੍ਰਦਾਨ ਕੀਤੀ। ਪਰ- ਅੱਜ ਗੁਰੂ ਗ੍ਰੰਥ ਸਾਹਿਬ ਨੂੰ ਗੁਰੂ ਕਹਿਣ ਵਾਲਿਆਂ ਵਿਚੋਂ ਬਹੁਤਿਆਂ ਦੇ ਹਿਰਦਿਆਂ ਦੀ ਸ਼ੁੱਧਤਾ ਵਿਚ ਬਹੁਤੀ ਸ਼ੁੱਧਤਾ ਪ੍ਰਤੀਤ ਨਹੀਂ ਹੁੰਦੀ! ਉਹ ਤਾਂ ਅਜੇ ਵੀ ਮਨੂੰਵਾਦੀ ਵਿਚਾਰਧਾਰਾ ਦਾ ਬੋਝ ਦਿਮਾਗ 'ਚ ਲੈ ਕੇ ਘੁੰਮਦੇ ਨੇ। ਇਸੇ ਕਰਕੇ ਇਥੇ - ਜਾਤਾਂ - ਪਾਤਾਂ, ਗੋਤਾਂ...

ਲਿਖਤ✍️ਰਜਨੀਸ਼ ਗਰਗ-ਮਾਨਵਤਾ ਦੀ ਸੇਵਾ 

ਮਾਨਵਤਾ ਦੀ ਸੇਵਾ ਰੋਜ ਮੰਦਿਰਾ ਗੁਰੂਦੁਆਰਿਆ ਚ ਚੜ੍ਹਦਾ ਚੜਾਵਾ ਕਿੰਨਾ ਹੀ ਸਾਇਦ ਅੰਨੇ ਭਗਤਾ ਨੂੰ ਅਕਲ ਕਿਤੋ ਆ ਜਾਵੇ ਮਾਨਵਤਾ ਦੀ ਸੇਵਾ ਲਈ ਜੇ ਲਾਵੇ ਏਹ ਪੈਸਾ ਖੁਸ਼ਹਾਲੀ ਪੰਜਾਬ ਚ ਸਭ ਪਾਸੇ ਛਾ ਜਾਵੇ ਧਰਮਾਂ ਦੇ ਨਾਂ ਤੇ ਲੋਕ ਬਹੁਤ ਕਮਾਈਆਂ ਕਰਦੇ ਨੇ ਧਰਮਾਂ ਚ ਉਲਝੇ ਲੋਕਾ ਨੂੰ ਕੋਈ ਸੁਲਝਾ ਜਾਵੇ ਪੱਥਰਾ ਦੀਆਂ ਮੂਰਤਾ ਨੂੰ ਪਿਆਉਣ ਦੁੱਧ ਸਾਰੇ ਹੀ ਪੱਥਰਾ ਤੇ ਇਨਸਾਨਾ ਵਿੱਚ ਫਰਕ ਕੋਈ ਸਮਝਾ ਜਾਵੇ ਧੀਆਂ ਦੀ ਇੱਜਤ ਬਚਾਉਣ ਲਈ ਨਾ ਕੋਈ ਮੂਹਰੇ ਆਂਉਦਾ ਮੰਦਰਾ ਮਸਜਿਦਾ ਲਈ ਲਈ ਚਾਹੇ ਏਨ੍ਹਾ ਦੀ ਜਾਨ ਜਾਵੇ ਰਜਨੀਸ਼ ਲਿਖਣ ਤੇ ਸਮਝਾਉਣ ਦਾ ਤਾਂ ਫਾਇਦਾ ਜੇ ਧਰਮ ਦੇ ਠੇਕੇਦਾਰਾ ਨੂੰ ਪਾਈ ਲਗਾਮ ਜਾਵੇ

ਲਿਖਤ✍️ਰਜਨੀਸ਼ ਗਰਗ-ਧੀ ਤੇ ਪੁੱਤ 

ਧੀ ਤੇ ਪੁੱਤ ਪੁੱਤ ਮੋਹ ਦੇ ਵਿੱਚ ਧੀ ਨੂੰ ਅਣਗੋਲਿਆ ਕਰਦਾ ਏ, ਰੋਜ ਰੋਜ ਹੀ ਅੱਖਾ ਉਹਦੀਆ ਚ ਹੰਝੂ ਭਰਦਾ ਏ, ਧੀ ਆਪਣੀ ਦਾ ਕਦੇ ਵੀ ਮਨ ਖਿਆਲ ਨਾ ਆਉਦਾ, ਪੁੱਤ ਆਪਣੇ ਲਈ ਰੋਜ ਦੁਆਵਾ ਕਰਦਾ ਏ, ਦੋ ਬੱਚਿਆ ਵਿਚਕਾਰ ਖਿੱਚੀ ਨਹੀ ਜਾ ਲਕੀਰ ਸਕਦੀ , ਆਪਣੇ ਬੱਚਿਆ ਵਿੱਚ ਹੀ ਫਰਕ ਰੱਖ ਕੇ ਕਿੱਦਾ ਦੁਨੀਆ ਜੀਅ ਸਕਦੀ । ਪੁੱਤ ਐਸ਼ ਦੇ ਲਈ ਕਦੇ ਪੈਸੇ ਵਲੋ ਘਬਰਾਇਆ ਨਾ, ਧੀ ਅਪਣੀ ਦੇ ਹੱਥ ਚ ਕਦੇ ਪੈਸਾ ਫੜਾਇਆ ਨਾ, ਪੁੱਤ ਆਪਣੇ ਨਾਲ ਰੋਜ ਹੀ ਪਿਆਰੀਆ ਗੱਲਾ ਕਰਦਾ ਏ, ਪਰ ਧੀ ਅਪਣੀ ਨੂੰ ਕਦੇ ਵੀ ਗਲ੍ਹ ਨਾਲ ਲਾਇਆ ਨਾ, ਏਸ ਜਮਾਨੇ ਵਿੱਚ ਵੀ ਦਸੋ ਧੀ ਕਰ ਨੀ, ਕੀ ਸਕਦੀ, ਆਪਣੇ ਬੱਚਿਆ ਵਿੱਚ ਹੀ ਫਰਕ ਰੱਖ ਕੇ ਕਿੱਦਾ ਦੁਨੀਆ ਜੀਅ ਸਕਦੀ । ਪੁੱਤ ਵਿਆਹ ਕਰਵਾ ਕੇ ਭਾਵੇ ਅੱਡ ਹੋਇਆ ਏ, ਪਰ ਬਾਪ ਦੇ ਦਿਲ ਚੋ ਨਾ ਪੁੱਤ ਕੱਢ ਹੋਇਆ ਏ, ਧੀ ਕੋਲ ਰਹਿ ਕੇ ਰੋਜ ਹੀ ਸੇਵਾ ਕਰਦੀ...

ਸਲੇਮਪੁਰੀ ਦੀ ਚੂੰਢੀ -ਸਿਆਸੀ ਬੋਲੀਆਂ!

ਸਿਆਸੀ ਬੋਲੀਆਂ! ਅਕਾਲੀ ਦਲ 'ਚ ਫਸਾਦ ਜਿਹਾ ਪੈ ਗਿਆ , ਭਾਜਪਾ ਨੇ ਮੁੱਖ ਮੋੜਿਆ! ਪੰਜਾਂ ਪਾਣੀਆਂ 'ਤੇ ਪੈਰ ਨਹੀਓੰ ਲੱਗਦੇ ਸਿੱਧੂ ਨੇ ਦਿੱਲੀ ਦਰ ਮੱਲਿਆ। ਸਾਨੂੰ ਲੋੜ ਨਹੀਂ ਕਿਸੇ ਦੇ ਸੱਦੇ ਸੁੱਦੇ ਦੀ ਭੁੰਜੇ ਬਹਿ ਕੇ ਜੰਗ ਲੜਾਂਗੇ। (ਬੈਂਸ ਭਰਾ) ਸਾਰੀ ਯੂਪੀ ਨੂੰ ਕੁਚਲ ਕੇ ਰੱਖਦੂੰ, ਨਾਂ ਯੋਗੀਨਾਥ ਰੱਖਿਆ। ' ਟੈੰ' ਨਾ ਪੰਜਾਬ ਵਾਲੇ ਮੰਨਦੇ, ਕਾਨੂੰਨ ਠੁਕਰਾ ਮਾਰਿਆ। ਸਾਰੀਆਂ ਸਕੀਮਾਂ ਫੇਲ੍ਹ ਹੋ ਗਈਆਂ ਖਹਿਰਾ ਅਰਾਮ ਨਾਲ ਬਹਿ ਗਿਆ। ਬਾਬਾ 'ਬਾਦਲ' ਖਿਡਾਰੀ ਭਾਵੇਂ ਹੰਢਿਆ, ' ਆਪਣਿਆਂ' ਨੇ ਘੇਰ ਲਿਆ। ਖਜ਼ਾਨਾ ਮੰਤਰੀ ਸਕੀਮਾਂ ਰਿਹਾ ਘੜਦਾ, ਖਜ਼ਾਨਾ ਨਾ ਗਿਆ ਭਰਿਆ। - ਸੁਖਦੇਵ ਸਲੇਮਪੁਰੀ

ਗੋਬਿੰਦਰ ਸਿੰਘ ‘ਬਰੜ੍ਹਵਾਲ’-ਸਾਹਿਤਕਾਰ

ਸਾਹਿਤਕਾਰ ਮੈਂ ਪਹਿਲਾਂ ਕਦੇ ਇਸ ਤਰ੍ਹਾਂ ਕਵਿਤਾ ਪੇਸ਼ ਨਹੀਂ ਕੀਤੀ ਤੇ ਨਾਂਹੀ ਮੈਨੂੰ ਕਰਨੀ ਆਉਂਦੀ ਹੈ ਮਾਇਕ ਤੇ ਖਲ੍ਹੋ ਇਕੱਠ ਨੂੰ ਵੇਖਦਿਆਂ ਖਵਰੇ ਕਦੋਂ ਸੁਰਤ ਸੰਭਲੀ ਤੇ ਅੱਖਰਾਂ ਨੂੰ ਜੋੜ ਸ਼ਬਦ ਬਣੇ ਤੇ ਸ਼ਬਦਾਂ ਨੂੰ ਜੋੜ ਲਾਇਨਾਂ ਬਣਾ ਲਈਆਂ ਮਨੋ-ਭਾਵਾਂ ਨੂੰ ਸਮੇਟਦੀਆਂ ਇਸ਼ਕ ਦੇ ਊੜੇ ਐੜੇ ਤੋਂ ਸ਼ੁਰੂ ਹੋਈ ਙੰਙਾ ਖਾਲੀ ਤੇ ਆ ਰੁੱਕੀ ਮੇਰੀ ਟੁੱਟੀ ਭੱਜੀ ਮੇਰੇ ਵਰਗੀ ਕਵਿਤਾ ਕੋਈ ਫਾਇਦਾ ਨਹੀਂ ਵਰਕੇ ਕਾਲੇ ਕਰਿਆਂ ਦਾ ਜੇ ਲਕੀਰਾਂ ਤੇ ਜ਼ਮੀਰਾਂ ਚ ਮੇਲ ਨਾ ਹੋਵੇ ਧੌਲ ਦਾੜੀਆਂ ਬੁੱਧੀਜੀਵੀਆਂ ਕਲਮੀ ਸ਼ੇਰਾਂ ਨੂੰ ਜਾ ਕਹੋ ਇਕੱਲਿਆਂ ਸਭਾਵਾਂ ਕਰਕੇ ਲਿਖ ਕੇ ਛਪ ਕੇ ਡੰਗ ਹੀ ਟੱਪੇਗਾ ਅਮਲ ਤੋਂ ਸੱਖਣਾ ਯਥਾਰਥ ਬਦਲਣ ਵਾਲਾ ਨਹੀਂ ਪੈੱਨ ਦੀ ਨਿੱਬ ਚੋਂ ਨਿਕਲੇ ਅੱਖਰਾਂ ਨੂੰ ਲੀੜੇ ਆਪ ਪਾਉਣੇ ਲਿਖਤ ਨਾਲ ਇਨਸਾਫ਼ ਹੈ ਕਾਪੀਆਂ ਕਾਲੀਆਂ ਕਰਨ ਨਾਲੋਂ। ਗੋਬਿੰਦਰ ਸਿੰਘ ‘...

ਸਲੇਮਪੁਰੀ ਦੀ ਚੂੰਢੀ -ਆਰਤੀ !

ਸਲੇਮਪੁਰੀ ਦੀ ਚੂੰਢੀ - ਆਰਤੀ ! ਸੰਵਿਧਾਨ ਮੇਰਾ ਧਰਮ ਹੈ। ਸੰਵਿਧਾਨ ਮੇਰਾ ਕਰਮ ਹੈ। ਸੰਵਿਧਾਨ ਮੇਰੀ ਸ਼ਾਨ ਹੈ। ਸੰਵਿਧਾਨ ਮੇਰੀ ਜਾਨ ਹੈ। ਸੰਵਿਧਾਨ ਮੇਰਾ ਤਨ ਹੈ। ਸੰਵਿਧਾਨ ਮੇਰਾ ਮਨ ਹੈ। ਸੰਵਿਧਾਨ ਮੇਰਾ ਸੁੱਚਾ ਹੈ। ਸੰਵਿਧਾਨ ਮੇਰਾ ਉੱਚਾ ਹੈ। ਸੰਵਿਧਾਨ ਮੇਰਾ ਰੱਬ ਹੈ। ਸੰਵਿਧਾਨ ਮੇਰਾ ਜਗ ਹੈ। ਸੰਵਿਧਾਨ ਮੇਰਾ ਧਨ ਹੈ। ਸੰਵਿਧਾਨ ਮੇਰਾ ਅੰਨ ਹੈ। ਸੰਵਿਧਾਨ ਮੇਰਾ ਸਾਹ ਹੈ। ਸੰਵਿਧਾਨ ਮੇਰਾ ਰਾਹ ਹੈ। ਸੰਵਿਧਾਨ ਮੇਰਾ ਰਖਵਾਲਾ ਹੈ ਸੰਵਿਧਾਨ ਇੱਕ ਉਜਾਲਾ ਹੈ। ਸੰਵਿਧਾਨ ਮੇਰੀ ਜਿੰਦਗੀ ਹੈ। ਸੰਵਿਧਾਨ ਮੇਰੀ ਬੰਦਗੀ ਹੈ। ਸੰਵਿਧਾਨ ਭਾਈਚਾਰਾ ਹੈ। ਸੰਵਿਧਾਨ ਮੇਰਾ ਸਹਾਰਾ ਹੈ। ਸੰਵਿਧਾਨ ਪਵਿੱਤਰ ਕਿਤਾਬ ਹੈ। ਸੰਵਿਧਾਨ ਸਿਰ ਦਾ ਤਾਜ ਹੈ। ਸੰਵਿਧਾਨ ਨੂੰ ਬਚਾਉਣਾ ਹੈ। ਭਾਰਤ ਨੂੰ ਬਚਾਉਣਾ ਹੈ। - ਸੁਖਦੇਵ ਸਲੇਮਪੁਰੀ

ਸਲੇਮਪੁਰੀ ਦੀ ਚੂੰਢੀ -ਸਾਡੀ ਜੁੱਤੀ! 

ਸਲੇਮਪੁਰੀ ਦੀ ਚੂੰਢੀ -ਸਾਡੀ ਜੁੱਤੀ! ਤੂੰ ਤਾਕਤ ਨਾਲ ਸਾਨੂੰ ਨਾ ਡਰਾ। ਅਸੀਂ ਬਖਸ਼ੀ ਹੈ ਤਾਕਤ ਸਾਨੂੰ ਨਾ ਸਤਾ। ਤੈਨੂੰ ਭਰਮ ਹੈ, ਕਿ ਡਰ ਜਾਵਾਂਗੇ। ਅਸੀਂ ਡਰਾਂਗੇ ਨਹੀਂ, ਸਾਹਵੇਂ ਖੜ ਜਾਵਾਂਗੇ। ਅਸੀਂ ਬੰਜਰ ਵਿਚ ਉੱਗੇ ਅੱਕ ਹੀ ਸਹੀ। ਤੇਰੇ ਲਈ ਗਲੀਆਂ ਦੇ ਕੱਖ ਹੀ ਸਹੀ। ਤੇਰੇ ਬੋਲ, ਕੁਬੋਲ, ਬੇ-ਅਸਰ ਹੋ ਜਾਣਗੇ। ਜਿੰਨ੍ਹੇ ਕਰਾਂਗੇ ਕਤਲ, ਸੱਭ ਅਮਰ ਹੋ ਜਾਣਗੇ। ਸਾਡੇ ਨਾਲ ਰੋਜ , ਪਾਵੇਂ ਅਨੋਖੀਆਂ ਬੁਝਾਰਤਾਂ। ਤੂੰ ਬਣਕੇ ਚਲਾਕ, ਕਰੀ ਜਾਨਾ ਏ ਸ਼ਰਾਰਤਾਂ। ਤੇਰੇ ਮਿਟਾਉਣ ਤੇ, ਹੋਂਦ ਨਹੀਂ ਮਿਟੇਗੀ। ਸਾਡੀ ਟੁੱਟੀ ਜੁੱਤੀ, ਤੇਰੇ ਸਿਰ 'ਤੇ ਟਿਕੇਗੀ।

ਗੋਬਿੰਦਰ ਸਿੰਘ ਬਰੜ੍ਹਵਾਲ-ਸਿਆਸਤ

ਗੋਬਿੰਦਰ ਸਿੰਘ ਬਰੜ੍ਹਵਾਲ-ਸਿਆਸਤ ਸਿਆਸਤ ਜ਼ਰੂਰੀ ਨਹੀਂ ਲੀਡਰ ਹੀ ਕਰਨ ਅੱਜ ਕੱਲ੍ਹ ਆਪਣੇ ਵੀ ਕਰਦੇ ਨੇ ਮੌਕਾ ਤਾੜ ਕੇ ਦੋਸਤਾਂ ਦੀ ਫਹਿਰਿਸਤ ਜਿੰਨੀ ਲੰਬੀ ਹੋਵੇ ਜ਼ਰੂਰੀ ਨਹੀਂ ਨਾਲ ਖੜ੍ਹਣ ਗਏ ਔਖੇ ਵੇਲ੍ਹੇ ਜਾਂ ਇੱਧਰ ਉੱਧਰ ਖਿਸਕ ਜਾਣ ਗਏ ਅੱਖ ਬਚਾ ਕੇ ਜੇ ਚੱਲਿਆ ਏਂ ਮੱਥੇ ਤੇ ਪੱਥਰ ਖਾਵੀਂ ਝੂਠ ਦੇ ਬਾਜ਼ਾਰ ਚ ਸੱਚ ਨੂੰ ਕੌਣ ਪੁੱਛਦਾ ਕੋਈ ਨਹੀਂ ਸਗਾ ਸੱਚ ਦਾ ਵਫ਼ਾਦਾਰੀ ਦਾ ਮੁੱਲ ਹਮੇਸ਼ਾਂ ਸੁੱਖਦ ਹੋਵੇ ਜ਼ਰੂਰੀ ਨਹੀਂ ਕਈ ਵਾਰ ਦੂਸ਼ਣ ਹਿੱਸੇ ਆਂਵਦੇ ਪਾਕ ਹੁੰਦਿਆ ਵੀ ਸਿਆਸਤ ਦੇ ਦੌਰ ਚ ਖ਼ਰ੍ਹਾ ਨਹੀਂ ਹੁੰਦਾ ਬੰਦਾ ਚਾਹੇ ਵਕਤ।