ਸਾਹਿਤ

ਸੁਪਨੇ

ਭਾਵੇ ਚਾਵਾਂ ਨੂੰ ਹੈ ਜੰਗ ਲੱਗਾ

ਪਰ ਸੁਪਨਿਆਂ ਵਿੱਚ ਵੀ ਫਿਕਰਾਂ ਨੇ

ਕਈਆਂ ਲਈ ਆਪਾਂ ਚੰਗੇ ਮੱਖੂ ਵਾਲਿਆਂ

ਕਇਆਂ ਲਈਆਂ ਤਾਂ ਕਿੱਕਰਾਂ ਨੇ

ਫਿਕਰ ਨਾ ਕਰ ਬਾਪੂ

ਇੱਕ ਦਿਨ ਮਿਸਾਲ ਬਣੋਨੀ ਮਿੱਤਰਾਂ ਨੇ

ਮਿਸਾਲ ਬਣੋਨੀ ਮਿੱਤਰਾਂ ਨੇ

ਕਰ ਕੇ ਸੋਚ ਨੂੰ ਵੱਡਾ, ਨਿੱਤ ਮੈਂ ਸੁਪਨੇ ਬੁਣਦਾ ਹਾਂ

ਪੰਛਿਆਂ ਦੇ ਆਲਣਾ ਬਣਾਉਣ ਵਾਂਗ ਤਿੱਲਾਂ ਤਿੱਲਾਂ ਤੁਣਦਾਂ ਹਾਂ

ਹਟਦਾ ਨਹੀਂ ਜੋ ਪਿੱਛੇ ਉਹ ਦੇਨ ਤੋਂ ਮਾਲਕ

ਅੱਲਹਾ ਰੱਬ ਅਖਵਾਉਂਦਾ ਹੈ

ਕਈ ਵਾਰ ਤਾਂ ਕਹਿਣ ਸਿਆਣੇ ਬਿਨ ਸਾਹਾਂ ਦੇ

ਸਰੀਰ ਚਲਾਉਂਦਾ ਹੈ

ਬਿਨ ਸਾਹਾਂ ਦੇ ਸਰੀਰ ਚਲਾਉਂਦਾ ਹੈ

ਅਮਨਦੀਪ ਸਿੰਘ

(ਸਹਾਇਕ ਪ੍ਰੋਫੈਸਰ)

ਆਈ.ਐਸ.ਐਫ.ਕਾਲਜ ਮੋਗਾ ।

ਮੋਬਾ: 94654-23413

ਦੇਸ਼ ਦਾ ਰਾਸ਼ਟਰੀ ਖੇਡ ਦਿਵਸ ‘ਹਾਕੀ ਦੇ ਜਾਦੂਗਰ’ ਮੇਜਰ ਧਿਆਨ ਚੰਦ ਦੀ ਜਨਮ ਮਿਤੀ 29 ਅਗਸਤ ਨੂੰ ਮਨਾਇਆ ਜਾਂਦਾ ਹੈ। ਰਾਸ਼ਟਰੀ ਖੇਡ ਦਿਵਸ ਤੇ ਰਾਸ਼ਟਰਪਤੀ ਦੁਆਰਾ ਰਾਸ਼ਟਰੀ ਖੇਡ ਪੁਰਸਕਾਰ ਦਿੱਤੇ ਜਾਂਦੇ ਹਨ ਜਿਨ੍ਹਾਂ ਵਿੱਚ ਰਾਜੀਵ ਗਾਂਧੀ ਖੇਡ ਰਤਨ, ਧਿਆਨਚੰਦ ਪੁਰਸਕਾਰ ਅਤੇ ਦ੍ਰੋਣਾਚਾਰੀਆ ਪੁਰਸਕਾਰ ਆਦਿ ਸ਼ਾਮਿਲ ਹਨ।

ਮੇਜਰ ਧਿਆਨ ਚੰਦ ਭਾਰਤ ਅਤੇ ਦੁਨੀਆਂ ਦੀ ਹਾਕੀ ਵਿੱਚ ਇੱਕ ਮਹਾਨ ਖਿਡਾਰੀ ਦਾ ਖਿਤਾਬ ਰੱਖਦਾ ਹੈ, ਫੁੱਟਬਾਲ ਵਿੱਚ ਪੇਲੇ ਅਤੇ ਕ੍ਰਿਕਟ ਵਿੱਚ ਬ੍ਰੈਡਮੈਨ ਦੇ ਵਾਂਗ ਹਾਕੀ ਵਿੱਚ ਧਿਆਨ ਚੰਦ ਦਾ ਨਾਂ ਆਉਂਦਾ ਹੈ। ਧਿਆਨ ਚੰਦ ਨੂੰ ਹਾਕੀ ਅਤੇ ਗੇਂਦ ਤੇ ਸਹੀ ਨਿਯੰਤ੍ਰਣ ਰੱਖਣ ਦੀ ਕਲਾ ਕਾਰਨ ਹੀ ਹਾਕੀ ਵਿਜਾਰਡ ਦੇ ਖਿਤਾਬ ਨਾਲ ਨਵਾਜਿਆ ਗਿਆ।

ਧਿਆਨ ਚੰਦ ਦਾ ਜਨਮ 29 ਅਗਸਤ 1905 ਈ. ਨੂੰ ਉੱਤਰ ਪ੍ਰਦੇਸ਼ ਦੇ ਇਲਾਹਾਬਾਦ ਜ਼ਿਲ੍ਹੇ ਵਿੱਚ ਸਾਧਾਰਨ ਰਾਜਪੂਤ ਪਰਿਵਾਰ ਵਿੱਚ ਹੋਇਆ ਸੀ। ਉਹ 1922 ਈ. ਵਿੱਚ ਭਾਰਤੀ ਫੌਜ ਵਿੱਚ ਭਰਤੀ ਹੋ ਗਏ ਅਤੇ 1926 ਈ. ਵਿੱਚ ਉਹ ਫੌਜ ਦੀ ਹਾਕੀ ਟੀਮ ਦੇ ਮੈਂਬਰ ਦੇ ਤੌਰ ਤੇ ਨਿਊਜ਼ਲੈਂਡ ਦੇ ਦੌਰੇ ਤੇ ਗਏ। ਇਸ ਟੀਮ ਨੇ ਸਾਰੇ ਮੈਚ ਜਿੱਤੇ ਅਤੇ ਧਿਆਨ ਚੰਦ ਦੀ ਚੋਣ ਭਾਰਤੀ ਹਾਕੀ ਟੀਮ ਲਈ ਹੋਈ। ਧਿਆਨ ਚੰਦ ਨੂੰ 1928 ਈ. ਦੀਆਂ ਉਲੰਪਿਕ ਖੇਡਾਂ ਖੇਡਣ ਦਾ ਮੌਕਾ ਮਿਲਿਆ ਅਤੇ ਭਾਰਤ ਨੇ ਆਸਟਰੀਆ ਨੂੰ 6-0, ਬੈਲਜੀਅਮ ਨੂੰ 9-0, ਡੈਨਮਾਰਕ ਨੂੰ 5-0, ਸਵਿੱਟਜ਼ਰਲੈਂਡ ਨੂੰ 6-0 ਨਾਲ ਹਰਾ ਕੇ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ ਅਤੇ ਨੀਦਰਲੈਂਡ ਨੂੰ 3-0 ਨਾਲ ਹਰਾ ਕੇ ਭਾਰਤੀ ਹਾਕੀ ਨੂੰ ਉਲੰਪਿਕ ਦਾ ਪਹਿਲਾ ਸੋਨ ਪਦਕ ਮਿਲਿਆ ਅਤੇ ਟੂਰਨਾਮੈਂਟ ਵਿੱਚ ਧਿਆਨ ਚੰਦ ਨੇ 14 ਗੋਲ ਕੀਤੇ। ਮੇਜਰ ਧਿਆਨ ਚੰਦ ਨੇ ਭਾਰਤੀ ਹਾਕੀ ਟੀਮ ਵੱਲੋਂ ਖੇਡਦਿਆਂ ਐਮਸਟਰਡਮ (ਨੀਦਰਲੈਂਡ) 1928 ਈ., ਲਾੱਸ ਏਂਜਲਸ (ਯੂ.ਐੱਸ.ਏ.) 1932 ਈ. ਅਤੇ ਬਰਲਿਨ (ਜਰਮਨੀ) 1936 ਈ. ਲਗਾਤਾਰ ਤਿੰਨ ਉਲੰਪਿਕ ਖੇਡਾਂ ਵਿੱਚ ਸੋਨ ਤਮਗਾ ਭਾਰਤੀ ਹਾਕੀ ਦੀ ਝੋਲੀ ਪਾਉਣ ਵਿੱਚ ਅਹਿਮ ਯੋਗਦਾਨ ਪਾਇਆ। 1936 ਈ. ਦੇ ਬਰਲਿਨ ਉਲੰਪਿਕ ਵਿੱਚ ਭਾਰਤੀ ਹਾਕੀ ਟੀਮ ਦੀ ਕਪਤਾਨੀ ਵੀ ਧਿਆਨ ਚੰਦ ਨੇ ਕੀਤੀ।

ਮੇਜਰ ਧਿਆਨ ਚੰਦ ਨੇ 1926 ਤੋਂ 1948 ਤੱਕ ਆਪਣੇ ਖੇਡ ਕਰੀਅਰ ਵਿੱਚ 400 ਗੋਲ ਕੀਤੇ। ਮੇਜਰ ਧਿਆਨ ਚੰਦ ਨੇ 1948 ਈ. ਵਿੱਚ ਹਾਕੀ ਤੋਂ ਸੰਨਿਆਸ ਲੈ ਲਿਆ ਸੀ। ਧਿਆਨ ਚੰਦ 1956 ਈ. ਵਿੱਚ ਭਾਰਤੀ ਫੌਜ ਤੋਂ ਮੇਜਰ ਦੇ ਰੈਂਕ ਨਾਲ ਰਿਟਾਇਰ ਹੋਏ। ਭਾਰਤ ਸਰਕਾਰ ਨੇ ਉਹਨਾਂ ਨੂੰ 1956 ਈ. ਵਿੱਚ ਦੇਸ਼ ਦਾ ਤੀਜਾ ਸਰਵਉੱਚ ਨਾਗਰਿਕ ਸਨਮਾਨ ਪਦਮ ਭੂਸ਼ਣ ਦੇ ਕੇ ਸਨਮਾਨਿਤ ਕੀਤਾ। ਮੇਜਰ ਧਿਆਨ ਚੰਦ ਦੀ 3 ਦਸੰਬਰ 1979 ਈ. ਨੂੰ ਕੈਂਸਰ ਦੇ ਕਾਰਨ ਮੌਤ ਹੋ ਗਈ।

ਜਦੋਂ ਮੇਜਰ ਧਿਆਨ ਚੰਦ ਮੈਦਾਨ ਵਿੱਚ ਖੇਡਦੇ ਸੀ ਤਾਂ ਐਦਾਂ ਲੱਗਦਾ ਸੀ ਕਿ ਕੋਈ ਜਾਦੂ ਕਰ ਰਿਹਾ ਹੈ ਅਤੇ ਵਿਰੋਧੀ ਟੀਮ ਨੂੰ ਗੋਲ ਕਰੀਂ ਜਾਂਦੇ ਸੀ, ਇਸੇ ਕਰਕੇ ਉਹਨਾਂ ਨੂੰ ‘ਹਾਕੀ ਦਾ ਜਾਦੂਗਰ’ ਕਿਹਾ ਜਾਂਦਾ ਹੈ। ਹਾਲੈਂਡ ਦੇ ਇੱਕ ਮੈਚ ਦੇ ਦੌਰਾਨ ਹਾਕੀ ਵਿੱਚ ਚੁੰਬਕ ਹੋਣ ਦੇ ਸ਼ੱਕ ਕਾਰਨ ਉਹਨਾਂ ਦੀ ਹਾਕੀ ਸਟਿੱਕ ਤੋੜ ਕੇ ਵੇਖੀ ਗਈ। ਜਾਪਾਨ ਦੇ ਇੱਕ ਮੈਚ ਦੇ ਦੌਰਾਨ ਉਹਨਾਂ ਦੀ ਸਟਿੱਕ ਵਿੱਚ ਗੂੰਦ ਲੱਗੇ ਹੋਣ ਦੀ ਗੱਲ ਕਹੀ ਗਈ।

ਜਰਮਨੀ ਵਰਗੀ ਦੁਨੀਆਂ ਦੀ ਸਿਰੇ ਦੀ ਹਾਕੀ ਟੀਮ ਨੂੰ 1936 ਈ. ਦੀਆਂ ਉਲੰਪਿਕ ਖੇਡਾਂ ਦੇ ਫਾਇਨਲ ਵਿੱਚ ਭਾਰਤ ਨੇ 8-1 ਨਾਲ ਹਰਾਕੇ, ਧਿਆਨ ਚੰਦ ਨੇ ਆਪਣੀ ਖੇਡ ਦਾ ਹਿਟਲਰ ਨੂੰ ਮੁਰੀਦ ਬਣਾ ਲਿਆ ਸੀ। ਹਿਟਲਰ ਨੇ ਧਿਆਨ ਚੰਦ ਨੂੰ ਜਰਮਨੀ ਤਰਫ਼ੋਂ ਖੇਡਣ ਦੀ ਅਤੇ ਜਰਮਨੀ ਫੌਜ ਵਿੱਚ ਉੱਚ ਪੱਧਰੀ ਨੌਕਰੀ ਦੀ ਪੇਸ਼ਕਸ਼ ਕੀਤੀ ਸੀ ਪਰੰਤੂ ਧਿਆਨ ਚੰਦ ਨੇ ਹਿਟਲਰ ਦੀ ਪੇਸ਼ਕਸ਼ ਠੁਕਰਾ ਦਿੱਤੀ ਸੀ ਅਤੇ ਆਪਣੀ ਜਨਮ ਭੂਮੀ ਲਈ ਖੇਡਣ ਵਿੱਚ ਮਾਣ ਮਹਿਸੂਸ ਕੀਤਾ।

ਖੇਡਾਂ ਵਿੱਚ ਭਾਰਤ ਦੀ ਵਧੀਆ ਕਾਰਗੁਜ਼ਾਰੀ ਲਈ ਜ਼ਰੂਰੀ ਹੈ ਕਿ ਕਿਸੇ ਇੱਕ ਖੇਡ ਦੀ ਥਾਂ ਬਾਕੀ ਖੇਡਾਂ ਨੂੰ ਨਜਰਅੰਦਾਜ ਨਹੀਂ ਕਰਨਾ ਚਾਹੀਦਾ ਕਿਉਂਕਿ ਇਹ ਦੇਸ਼ ਹਿੱਤ ਵਿੱਚ ਨਹੀਂ ਹੈ। ਸਮੇਂ ਦੀ ਜਰੂਰਤ ਹੈ ਕਿ ਦੇਸ਼ ਵਿੱਚ ਵੱਖੋ ਵੱਖਰੀਆਂ ਖੇਡਾਂ ਦੇ ਖਿਡਾਰੀਆਂ ਲਈ ਚੰਗੀਆਂ ਖੇਡ ਸਹੂਲਤਾਂ ਦਿੱਤੀਆਂ ਜਾਣ ਤਾਂ ਜੋ ਸਾਡੇ ਦੇਸ਼ ਦੇ ਖਿਡਾਰੀ ਅੰਤਰਰਾਸ਼ਟਰੀ ਮੁਕਾਬਲਿਆਂ ਵਿੱਚ ਭਾਰਤ ਦਾ ਤਿਰੰਗਾ ਲਹਿਰਾ ਸਕਣ।

ਗੋਬਿੰਦਰ ਸਿੰਘ ਢੀਂਡਸਾ

ਪਿੰਡ ਤੇ ਡਾਕ. ਬਰੜ੍ਹਵਾਲ

ਤਹਿ. ਧੂਰੀ (ਸੰਗਰੂਰ)

ਈਮੇਲ – bardwal.gobinder@gmail.com

''ਤਾਂਘ''
ਜਿੰਦਗੀ ਵਿੱਚ ਹਾਰੇ ਹੋਏ ਇਨਸਾਨ ਦੀ ਸਾਰ ਲੈਣ ਲਈ ਕੋਈ ਤਿਆਰ ਨਹੀਂ , ਸਗੋਂ ਉਸ ਨੂੰ ਮਜ਼ਾਕ ਦਾ ਪਾਤਰ ਬਣਾਇਆ ਜਾਂਦਾ ਹੈ । ਇਸ ਕਰਕੇ ਉਸ ਦੁਆਰਾ ਕੀਤੇ ਹੋਏ ਕੰਮਾ ਦਾ ਅਪਮਾਨ ਕੀਤਾ ਜਾਂਦਾ ਹੈ , ਜਰਾ ਸੋਚੋ ਉਸ ਨੇ ਕੋਸ਼ਿਸ਼ ਤਾਂ ਕੀਤੀ ਕੁਝ ਨਵਾਂ ਅਤੇ ਨਵੇਕਲਾ ਕਰਨ ਦੀ ।ਅਕਸਰ ਦਿਖਾਵਾ ਕਰਨ ਵਾਲੇ ਖੁਦ ਕਿਸੇ ਗਿਣਤੀ ਵਿੱਚ ਨਹੀਂ ਆਉਂਦੇ ਅਜਿਹੇ ਲੋਕਾ ਨੂੰ ਸਮਾਜ ਵਿੱਚ ਵੀ ਕੋਈ ਮੂੰਹ ਲਾ ਕੇ ਬਹੁਤ ਰਾਜੀ ਨਹੀਂ ਹੁੰਦਾ ।ਹਰ ਕੋਈ ਆਪਣੇ ਹਿਸਾਬ ਤਰੀਕੇ ਨਾਲ ਜਿੰਦਗੀ ਬਤੀਤ ਕਰ ਰਿਹਾ ਹੈ ।ਕਿਸੇ ਬਾਰੇ ਨੁਕਤਾ ਚੀਣੀ ਕਰਨਾ ਕੋਈ ਹੱਕ ਨਹੀਂ ਜੇਕਰ ਕਿਸੇ ਦਾ ਮਨੋਬਲ ਵਧਾ ਨਹੀਂ ਸਕਦੇ ਤਾਂ ਘਟਾਉਣ ਵੱਲ ਵੀ ਨਾ ਆਈਏ।ਆਪਣੇ ਅੰਦਰ ਝਾਤ ਮਾਰਨ ਦੀ ਲੋੜ ਹੈ ਕਿ ਅਸੀਂ ਕਿਸੇ ਨੂੰ ਕਿਸ ਤਰ੍ਹਾ ਦੀ ਸਲਾਹ ਦਿੰਦੇ ਹਾਂ , ਆਤਮ ਵਿਸ਼ਵਾਸ਼ ਘਟਾਉਣ ਜਾ ਵਧਾਉਣ ਲਈ ਜਵਾਬ ਖੁਦ ਹੀ ਮਿਲ ਜਾਣਗੇ । ਕਿਸੇ ਨੂੰ ਦਿੱਤੀ ਹੋਈ ਚੰਗੀ ਸਲਾਹ ਇਨਸਾਨ ਦੀ ਜਿੰਦਗੀ ਬਦਲ ਦਿੰਦੀ ਹੈ ।

ਨਵੇਂ -ਨਵੇਂ ਤਜ਼ਰਬੇ ਕਰਕੇ ਅੱਗੇ ਵੱਧਣਾ ਕਾਮਯਾਬੀ ਦੇ ਸੰਕੇਤ ਹਨ, ਇਸ ਤਰ੍ਹਾ ਜਿੱਤ ਅਤੇ ਹਾਰ ਵੀ ਇਸ ਦੇ ਅੰਗ ਹਨ । ਆਪਣੇ ਆਪ ਨੂੰ ਕਮਜ਼ੋਰ ਮੰਨ ਲੈਣ ਹਾਰ ਦੀ ਪ੍ਰਮੁੱਖ ਨਿਸ਼ਾਨੀ ਹੈ, ਜਿਸ ਕਰਕੇ ਹੁਨਰ ਨੂੰ ਪਹਿਚਾਣ ਨਹੀਂ ਮਿਲ ਪਾਉਂਦੀ । ਅਕਸਰ ਕਿਹਾ ਜਾਦਾ ਹੈ ਕਿ ਇਨਸਾਨ ਵਿੱਚ ਹੁਨਰ ਤਾ ਬਹੁਤ ਹੈ, ਪਰ ਇੱਕ 'ਤਾਂਘ; ਨਹੀਂ ਰੱਖਦਾ ਅੱਗੇ ਵੱਧਣ ਲਈ। ਇਹਨਾ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ 'ਤਾਂਘ' ਸਫਲਤਾ ਦੀ ਮੁੱਢਲੀ ਇਕਾਈ ਹੈ ।

ਚੰਗੇ ਵਿਚਾਰ, ਸੁਪਨੇ ਅਤੇ ਚੰਗੀਆ ਸਿਰਜਨਾਵਾਂ ਆਪਣੇ ਆਪ ਵਿੱਚ 'ਤਾਂਘ' ਦੀਆਂ ਨਿਸ਼ਾਨੀਆ ਹਨ,'ਤਾਂਘ' ਨਾਲ ਹੀ ਉਤਸ਼ਾਹ ਉਤਪੰਨ ਹੁੰਦਾ ਹੈ, ਜੇਕਰ 'ਤਾਂਘ' ਤੇ ਆਤਮ ਵਿਸ਼ਵਾਸ਼ ਦਾ ਅਹਿਮ ਸੁਮੇਲ ਬਣ ਜਾਵੇ ਤਾਂ ਫਿਰ ਇਨਸਾਨ ਨੂੰ ਉੱਚੇ ਨੀਵੇਂ ਰਾਹਾ ਤੇ ਨਹੀਂ ਢੋਲਣ ਦੇਵੇਗਾ ਅਤੇ ਟੀਚੇ ਤੇ ਪਹੁੰਚਣ ਲਈ ਮਦਦਗਾਰ ਸਾਬਤ ਹੋਵੇਗਾ । ਮਿੱਥੇ ਹੋਏ ਟੀਚੇ ਤੇ ਪਹੁੰਚਣ ਨਾਲ ਜਿੱਥੇ ਆਦਰ ਸਤਿਕਾਰ ਮਿਲੇਗਾ, ਸਗੋਂ ਇਲਾਕੇ ਲਈ ਇੱਕ ਰੋਲ ਮਾਡਲ ਦੀ ਤਰ੍ਹਾਂ ਹੋਰ ਦੀ ਜਿੰਦਗੀ ਵੀ ਰੁਸ਼ਨਾਵੇਂਗਾ। ਭਾਵੇ ਉਸ ਨੂੰ ਦੇਖ ਕੇ ਹੋਰਨਾ ਦਾ ਮਨ ਡੋਲੇਗਾ ਨਹੀਂ ਸਗੋਂ ਤਰੱਕੀ ਦੀ ਰਾਹ ਵੱਲ ਵਧੇਗਾ।

ਮਿੱਥੇ ਹੋਏ ਟੀਚੇ ਦੀ ਗੱਲ ਕਰੀਏ ਤਾ ਨਿਯਮਿਤ ਹੋਣਾ ਵੀ ਇੱਕ ਮਹੱਤਵਪੂਰਨ ਤੱਥ ਹੈ। ਸਮੇਂ ਦਾ ਨਿਯਮਿਤ ਮਨੁੱਖ ਕੰਮ ਨੂੰ ਸਮੇਂ ਸਿਰ ਖਤਮ ਕਰਕੇ ਅਗਲੇ ਪੜਾ ਵੱਲ ਵੱਧਣ ਦੀ 'ਤਾਂਘ' ਰੱਖਦਾ ਹੈ, ਪਰ ਆਲਸੀ ਮਨੁੱਖ ਤਾਂ ਪਿਛੜੇ ਹੋਏ ਕੰਮਾ ਨੂੰ ਨਾ ਪੂਰਾ ਕਰਨ ਲਈ ਬਹਾਨੇ ਲੱਭਦਾ ਹੈ ।

ਅੱਗੇ ਵੱਧਣਾ ਤਾਂ ਵੱਧਣਾ ਹੀ ਹੈ ਰਫਤਾਰ ਐਨੀ ਮਾਇਨੇ ਨਹੀਂ ਰੱਖਦੀ ਪਰ ਇੱਕ ਰਫਤਾਰ ਤੋਂ ਅੱਗੇ ਜਾਣ ਲਈ ਯਤਨ ਕਰਦੇ ਰਹਿਣਾ ਚਾਹੀਦਾ ਹੈ । ਸੁਚਾਰੂ ਢੰਗ ਨਾਲ ਪੁੱਟੇ ਹੋਏ ਕਦਮ ਜਿੰਦਗੀ ਨੂੰ ਨਵੀਂ ਦਿਸ਼ਾ ਦਿੰਦੇ ਹਨ ।ਆਪਣੇ ਮਨੋਬਲ ਨੂੰ ਕਾਇਮ ਰੱਖ ਕੇ ਮਿੱਥੇ ਹੋਏ ਟੀਚੇ ਨੂੰ ਪੂਰਾ ਕਰਨ ਦੀ 'ਤਾਂਘ' ਨੂੰ ਲੈ ਕੇ ਜਿੰਦਗੀ ਵਿੱਚ ਬਹੁਤ ਅੱਗੇ ਵਧਿਆ ਜਾ ਸਕਦਾ ਹੈ ।

ਅਮਨਦੀਪ ਸਿੰਘ

ਸ਼ਹਾਇਕ ਪ੍ਰੋਫੈਸਰ

ਆਈ.ਐਸ.ਐਫ.ਕਾਲਜ ਆਫ ਫਾਰਮੈਂਸੀ

ਮੋਗਾ।

ਸਪੰਰਕ:-94654-23413

ਲੋਕ ਸਭਾ ਚੋਣਾਂ ਵਿੱਚ ਮਿਲੀ ਨਮੋਸ਼ੀਜਨਕ ਹਾਰ ਲਈ ‘ਕਾਂਗਰਸ ਪ੍ਰਧਾਨ’ ਵਜੋਂ ਜ਼ਿੰਮੇਵਾਰੀ ਲੈਂਦਿਆਂ ਰਾਹੁਲ ਗਾਂਧੀ ਅੱਜ ਅਧਿਕਾਰਤ ਤੌਰ ’ਤੇ ਪ੍ਰਧਾਨਗੀ ਤੋਂ ਲਾਂਭੇ ਹੋ ਗਏ। ਰਾਹੁਲ ਪਿਛਲੇ ਕਈ ਦਿਨਾਂ ਤੋਂ ਅਹੁਦਾ ਛੱਡਣ ਲਈ ਬਜ਼ਿੱਦ ਸਨ, ਹਾਲਾਂਕਿ ਉਹ ਕਾਂਗਰਸ ਵਰਕਿੰਗ ਕਮੇਟੀ ਅੱਗੇ ਆਪਣਾ ਅਸਤੀਫ਼ਾ ਪਹਿਲਾਂ ਹੀ ਰੱਖ ਚੁੱਕੇ ਸਨ। ਰਾਹੁਲ ਦੇ ਇਸ ਸੱਜਰੇ ਐਲਾਨ ਨਾਲ ਨਵਾਂ ਕਾਂਗਰਸ ਪ੍ਰਧਾਨ ਥਾਪਣ ਲਈ ਰਾਹ ਪੱਧਰਾ ਹੋ ਗਿਆ ਹੈ। ਰਾਹੁਲ ਨੇ ਕਿਹਾ ਕਿ ਭਾਜਪਾ ਲਈ ਉਨ੍ਹਾਂ ਦੇ ਮਨ ’ਚ ਕੋਈ ਨਫ਼ਰਤ ਨਹੀਂ ਹੈ, ਪਰ ਉਨ੍ਹਾਂ ਦੇ ਸਰੀਰ ਦਾ ਹਰ ਕਣ(ਸੈੱਲ) ਭਾਰਤ ਪ੍ਰਤੀ ਉਨ੍ਹਾਂ(ਭਾਜਪਾ) ਦੀ ਵਿਚਾਰਧਾਰਾ ਦਾ ਵਿਰੋਧ ਕਰਦਾ ਹੈ।
ਰਾਹੁਲ ਨੇ ਅੱਜ ਇਕ ਖੁੱਲ੍ਹੀ ਚਿੱਠੀ, ਜੋ ਉਨ੍ਹਾਂ ਮਗਰੋਂ ਟਵਿੱਟਰ ’ਤੇ ਵੀ ਸਾਂਝੀ ਕੀਤੀ, ਵਿੱਚ ਕਿਹਾ ਕਿ ਹੁਣ ਉਹ ਕਾਂਗਰਸ ਦੇ ਪ੍ਰਧਾਨ ਨਹੀਂ ਹਨ। ਰਾਹੁਲ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਆਰਐਸਐਸ ਖਿਲਾਫ਼ ਛੇੜੀ ਲੜਾਈ ਵਿੱਚ ਇਕੱਲਿਆਂ ਰਹਿਣ ਦੇ ਬਾਵਜੂਦ ਉਨ੍ਹਾਂ ਨੂੰ ਇਸ ਗੱਲ ’ਤੇ ਮਾਣ ਹੈ। ਉਂਜ ਰਾਹੁਲ ਨੇ ਕਿਹਾ ਕਿ ਅਜਿਹੀ ਪਾਰਟੀ, ਜਿਸ ਦੀਆਂ ਕਦਰਾਂ ਕੀਮਤਾਂ ਤੇ ਆਦਰਸ਼ਾਂ ਨੇ ‘ਇਸ ਖੂਬਸੂਰਤ ਰਾਸ਼ਟਰ ਦੀ ਜਿੰਦ-ਜਾਨ’ ਵਜੋਂ ਸੇਵਾ ਕੀਤੀ ਹੈ, ਦੀ ਖਿਦਮਤ ਕਰਨਾ ਮਾਣ ਵਾਲੀ ਗੱਲ ਸੀ। ਮਾਈਕਰੋਬਲਾਗਿੰਗ ਸਾਈਟ ’ਤੇ ਅਸਤੀਫ਼ਾ ਪੋਸਟ ਕਰਨ ਤੋਂ ਘੰਟੇ ਕੁ ਮਗਰੋਂ ਰਾਹੁਲ ਨੇ ਆਪਣੇ ਟਵਿੱਟਰ ਪ੍ਰੋਫਾਈਲ ਤੋਂ ‘ਕਾਂਗਰਸ ਪ੍ਰਧਾਨ’ ਦਾ ਆਪਣਾ ਅਹੁਦਾ ਵੀ ਹਟਾ ਦਿੱਤਾ। ਰਾਹੁਲ ਨੇ ਪ੍ਰੋਫਾਈਲ ਵਿੱਚ ਖੁ਼ਦ ਨੂੰ ਭਾਰਤੀ ਨੈਸ਼ਨਲ ਕਾਂਗਰਸ ਦਾ ਮੈਂਬਰ ਤੇ ਸੰਸਦ ਮੈਂਬਰ ਦੱਸਿਆ। ਰਾਹੁਲ ਗਾਂਧੀ ਨੇ ਖੁੱਲ੍ਹੀ ਚਿੱਠੀ ’ਚ ਕਿਹਾ, ‘ਭਵਿੱਖ ਵਿੱਚ ਕਾਂਗਰਸ ਪਾਰਟੀ ਦੇ ਵਿਕਾਸ ਲਈ ਜਵਾਬਦੇਹੀ ਤੈਅ ਕਰਨਾ ਅਹਿਮ ਹੋਵੇਗਾ। ਇਹੀ ਵਜ੍ਹਾ ਹੈ ਕਿ ਮੈਂ ਕਾਂਗਰਸ ਪ੍ਰਧਾਨ ਵਜੋਂ ਅਸਤੀਫ਼ਾ ਦੇ ਦਿੱਤਾ ਹੈ।’ ਗਾਂਧੀ ਨੇ ਸਲਾਹ ਦਿੱਤੀ ਕਿ ਨਵੇਂ ਪਾਰਟੀ ਪ੍ਰਧਾਨ ਨੂੰ ਲੱਭਣ ਦਾ ਕੰਮ ਕਾਂਗਰਸ ਵਰਕਿੰਗ ਕਮੇਟੀ ਨੂੰ ਸੌਂਪ ਦਿੱਤਾ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਆਪਣੇ ਹੀ ਜਾਨਸ਼ੀਨ ਦੀ ਚੋਣ ਕਰਨਾ ਕਿਸੇ ਤਰ੍ਹਾਂ ਵੀ ਸਹੀ ਨਹੀਂ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਉਹ ਦੇਸ਼ ਤੇ ਪਾਰਟੀ ਵੱਲੋਂ ਦਿੱਤੇ ਪਿਆਰ ਲਈ ਹਮੇਸ਼ਾ ਉਨ੍ਹਾਂ ਦੇ ਰਿਣੀ ਰਹਿਣਗੇ। ਰਾਹੁਲ ਨੇ ਕਿਹਾ ਕਈ ਵਾਰ ਉਸ ਨੂੰ ਲੱਗਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਆਰਐਸਐਸ ਖ਼ਿਲਾਫ਼ ਵਿੱਢੀ ਲੜਾਈ ਵਿੱਚ ਉਹ ‘ਇਕੱਲਾ’ ਹੈ, ਪਰ ਉਸ ਨੂੰ ਇਸ ਗੱਲ ’ਤੇ ਮਾਣ ਹੈ। ਰਾਹੁਲ ਗਾਂਧੀ ਨੇ ਕਿਹਾ, ‘ਪਾਰਟੀ ਨੂੰ ਮੁੜ ਪੈਰਾਂ ਸਿਰ ਕਰਨ ਲਈ ਸਖ਼ਤ ਫ਼ੈਸਲਿਆਂ ਦੀ ਲੋੜ ਹੈ। 2019 ਦੀ ਨਾਕਾਮੀ ਲਈ ਵੱਡੀ ਗਿਣਤੀ ਲੋਕਾਂ ਨੂੰ ਜਵਾਬਦੇਹ ਬਣਾਉਣਾ ਹੋਵੇਗਾ। ਪਾਰਟੀ ਪ੍ਰਧਾਨ ਵਜੋਂ ਆਪਣੀ ਖੁ਼ਦ ਦੀ ਜ਼ਿੰਮੇਵਾਰੀ ਨੂੰ ਅਣਗੌਲਿਆਂ ਕਰਕੇ ਹੋਰਨਾਂ ਨੂੰ ਜਵਾਬਦੇਹ ਬਣਾਉਣਾ ਕਿਸੇ ਤਰ੍ਹਾਂ ਵੀ ਨਿਆਂਸੰਗਤ ਨਹੀਂ।’

ਅਮਨਜੀਤ ਸਿੰਘ ਖਹਿਰਾ

ਅੱਜ ਦੀ ਗਾਇਕੀ ਚ ਲੱਚਰਤਾ ਫੈਲਾਉਣ ਵਾਲੇ ਪੰਜਾਬੀ ਗਾਇਕਾ ਦੀ ਕੋਈ ਥੋੜ ਨਹੀ ਅੱਜ ਹਰ ਪਾਸੇ ਪੰਜਾਬ,ਪੰਜਾਬੀਅਤ ਅਤੇ ਮਾਂ ਬੋਲੀ ਪੰਜਾਬੀ ਨੂੰ ਸਾਡੇ ਕਈ ਕਲਾਕਾਰ ਗੰਦਲਾ ਕਰਨ ਲੱਗੇ ਹੋਏ ਹਨ ਤਾਂ ਕਿ ਉਹ ਲੱਚਰਤਾ ਦਾ ਸਹਾਰਾ ਲੈਕੇ ਆਪਣੀ ਵੱਖਰੀ ਪਛਾਣ ਬਣਾ ਸਕਣ ਪਰ ਕਿਸੇ ਨੇ ਸੱਚ ਹੀ ਬਿਆਨ ਕੀਤਾ ਹੈ ਕਿ ਕਾਮਯਾਬੀ ਵੀ ਉਸ ਦੇ ਹੀ ਕਦਮ ਚੁੰਮਦੀ ਹੈ ਜਿਸ ਤੇ ਕੁਦਰਤ ਮੇਹਰਬਾਨ ਹੋਵੇ ਅਜਿਹੀ ਹੀ ਕਿਸਮਤ ਲੈਕੇ ਪੈਦਾ ਹੋਇਆ ਪੰਜਾਬ ਦੀ ਧਰਤੀ ਦੇ ਨਾਮੀ ਜਿਲ੍ਹੇ ਲੁਧਿਆਣਾ ਦੀ ਗੋਦ ਚ ਵਸੇ ਪਿੰਡ ਗੁੜੇ ਦਾ ਜੰਮਪਲ ਜਸਪਾਲ ਮਾਨ ਜਿਸ ਨੇ ਹੁਣ ਤੱਕ ਆਪਣੀ ਸਾਫ ਸੁਥਰੀ ਗਾਇਕੀ ਦਾ ਸਹਾਰਾ ਲੈਕੇ ਹੀ ਆਪਣੇ ਨਾਮ ਦਾ ਲੋਹਾ ਮਨਵਾਇਆ ਹੈ । ਅੱਜ ਵੀ ਪੰਜਾਬੀ ਗਾਇਕੀ ਨੂੰ ਪਿਆਰ ਕਰਨ ਵਾਲੇ ਸਰੋਤੇ ਜਿੱਥੇ ਗਾਇਕੀ ਜਸਪਾਲ ਮਾਨ ਦੇ ਫੈਨ ਹਨ ਉੱਥੇ ਹੀ ਜਸਪਾਲ ਮਾਨ ਦੀ ਗਾਇਕੀ ਦੀ ਫੁਲਵਾੜੀ ਚ ਪਰੋਏ ਗੀਤਾ ਦੇ ਸਿਰਜਨਹਾਰ ਗੀਤਕਾਰ ਗੁਰਵਿੰਦਰ ਮੱਦੋਕੇ , ਗੀਤਕਾਰ ਸੁਰਜੀਤ ਸੰਧੂ ਅਜੀਤਵਾਲ ,ਗੈਰੀ ਟਰੰਟੋ ਹਠੂਰ, ਗੀਤਕਾਰ ਬਾਲੀ ਬੱਸੀਆ,ਬਲਵੀਰ ਬੋਪਰਾਏ , ਲਖਵਿੰਦਰ ਮਾਨ ਮਰ੍ਹਾੜਾ , ਗੁਰਵਿੰਦਰ ਬਰਾੜ, ਨਾਗੀ ਢੁੱਡੀਕੇ, ਰਾਜ ਜਗਰਾਉ , ਪਾਲੀ ਮੁੱਲਾਂਪੁਰ, ਮਹਿੰਦਰ ਸਿਰਸੜੀ ,ਮਨਦੀਪ ਲੀਲ੍ਹਾ , ਗੁਰਤੇਜ

ਉਘੋਕੇ , ਕਾਲਾ ਤੋਗਾਵਾਲ , ਲਾਡਾ ਪ੍ਰਦੇਸ਼ੀ, ਜੱਸਾ ਸਿੱਧਵਾ , ਰਾਜ ਸੁੱਖਰਾਜ , ਨੇਕ ਕੋਟਲਾ , ਦੀਪ ਸੁਧਾਰ ਵਾਲਾ, ਚੰਨੀ ਰੁੜਕਾ ,ਸਵ: ਬਲਜੀਤ ਲੀਹਾਂ,ਪੰਮਾ ਚੰਦੜ ਦੀ ਕਲਮ ਦੇ ਰਚੇ ਗੀਤਾ ਦੇ ਵੀ ਕਾਇਲ ਹਨ । ਹੀਰਾ ਸੰਗੀਤਕਾਰ, ਸੁਰਿੰਦਰ ਬਚਨ ,ਸੁਨੀਲ ਕਲਿਆਣ , ਜੱਸੀ ਬ੍ਰਦਰਜ਼ , ਵਿਕਟਰ ਕਬੋਜ਼, ਨਿੰਮਾ ਵਿਰਕ , ਸਾਰਖ ਥਿੰਦੂ , ਸੁਨੀਲ ਸੁਧਾਰ ,ਤੇਵਵੰਤ ਕਿੱਟੂ , ਦਵਿੰਦਰ ਕੈਂਥ, ਲਲਿਤ ਦਿਲਦਾਰ, ਮਿਊਜਿਕ ਐਮਪੇਅਰ ਪੰਜਾਬੀ ਸਰੋਤਿਆ ਦੇ ਦਿਲਾਂ ਤੇ ਰਾਜ ਕਰਨ ਵਾਲੇ ਜਸਪਾਲ ਮਾਨ ਦੇ ਮਿਉਜਿਕ ਸੇਧ ਹਨ । ਜਸਪਾਲ ਮਾਨ ਨੇ ਹੁਣ ਤੱਕ ਜਿੱਥੇ ਪੰਜਾਬ ਦੇ ਮੇਲਿਆ ਚ ਆਪਣੀ ਬੁਲੰਦ ਅਵਾਜ਼ ਨਾਲ ਸਰੋਤਿਆ ਨੂੰ ਆਪਣੇ ਵੱਲ ਅਕਰਸ਼ਿਤ ਕੀਤਾ ਹੈ ਉੱਥ ਹੀ ਇੰਗਲੈਡ, ਨਿਊਜੀਲੈਂਡ, ਕਨੈਡਾ , ਸਿੰਘਾਪੁਰ, ਮਲੇਸ਼ੀਆ ਵਿੱਚ ਵੀ ਆਪਣੇ ਸੋਅ ਲਗਾਕੇ ਪੰਜਾਬੀ ਐਨ ਆਰ ਆਈਜ਼ ਨੂੰ ਆਪਣੇ ਨਾਲ ਲਗਾਵ ਬਣਾਉਣ ਲਈ ਮਜਬੂਰ ਕਰ ਚੁੱਕ ਹੈ । ਅੱਜ ਵੀ ਜਸਪਾਲ ਮਾਨ ਦੇ ਗਾਏ ਗੀਤ ਕਬੱਡੀ ਦਾ ਖਿਡਾਰੀ , ਮਿੱਠੀਆ ਗੱਲਾਂ , ਦਿਲਦਾਰਾਂ , ਡੇਂਜਰਸ ਜੱਟ, ਵੀਹ ਕਿੱਲਿਆ ਦਾ ਟੱਕ , ਜੱਟ ਕਣਕ ਬੀਜਦਾ , ਬਰਥਡੇ, ਕਾਲੀ ਔਡੀ , ਕਾਰਾਂ ਤੇ ਮੋਬਾਇਲ , ਸਰਪੰਚੀ ਅਤੇ ਨੀ ਤੂੰ ਤੋਹਫੇ ਮੰਗਦੀ ਮੰਗਦੀ ਨੇ ਜੱਟ ਨੂੰ ਮੰਗਣ ਲਾਤਾ ਵਰਗੇ ਗੀਤ ਗੀਤ ਗਾਇਕਾ ਮਿਸ ਪੂਜਾ , ਸੰਦੇਸ਼ ਕੁਮਾਰੀ , ਮਿਸ ਪ੍ਰੀਤ ਲਾਲੀ , ਰਜੀਆ ਢਿੱਲੋਂ ਜਸਵਿੰਦਰ ਜੀਤੂ , ਖੁਸ਼ਦੀਪ ਖੁਸੀ ਨਾਲ ਗਾਕੇ ਸਰੋਤਿਆਂ ਦੇ ਦਿਲਾ ਚ ਆਪਣੀ ਵੱਖਰੀ ਪਛਾਣ ਬਣਾਈ ਹੈ । ਹੁਣ ਭੱਵਿਖ ਚ ਪੰਜਾਬੀ ਸਰੋਤਿਆਂ ਦੀ ਪੂਰਜ਼ੋਰ ਮੰਗ ਤੇ ਮਾਨ ਰੱਬ ਰੱਖੇ ਸੁੱਖ ਗੋਰੀਏ ਅਤੇ ਸਰਾਫਤ ਗੀਤ ਜਿਸ ਨੂੰ ਕਲਮਬੰਧ ਕੀਤਾ ਹੈ ਗੀਤਕਾਰ ਸੇਮਾ ਤਲਵੰਡੀ ਨੇ ਜਲਦ ਸਰੋਤਿਆਂ ਦੀ ਝੋਲੀ ਪਾਏਗਾ । ਇਸ ਸਮੇਂ ਪੰਜਾਬੀ ਦਿਲਾਂ ਦੀ ਧੜਕਣ ਜਸਪਾਲ ਮਾਨ ਨੇ ਕਿਹਾ ਕਿ ਜਿੱਥੇ ਮੇਰੇ ਪਰਿਵਾਰ ਨੇ ਮੈਨੂੰ ਇਹ ਮੁਕਾਮ ਹਾਸਲ ਕਰਨ ਚ ਮੇਰੀ ਹਰ ਮਦਦ ਕੀਤੀ ਹੈ ਉੱਥੇ ਹੀ ਮੇਰੇ ਨਗਰ ਗੁੜੇ ਦੇ ਹਰ ਨਿਵਾਸੀ ਨੇ ਮੈਨੂੰ ਅਸ਼ੀਸਾਂ ,ਦਲੇਰੀਆ ਅਤੇ ਯੋਜਨਾਵਾਂ ਨਾਲ ਮੇਰਾ ਸਾਥ ਦਿੱਤਾ ਹੈ ਜਿਸ ਤੇ ਮੈਂ ਆਪਣੇ ਨਗਰ ਦਾ ਸਦਾ ਰਿਣੀ ਰਹਾਂਗਾ ।

ਲੇਖਕ -ਪੱਤਰਕਾਰ ਨਸੀਬ ਸਿੰਘ ਵਿਰਕ
97816 00601,9814169915
 

ਮੁਬਈ ਬੇਸ ਇਹ ਏਰਲਾਈਨ 1993 ਵਿਚ ਸ਼ੁਰੂ ਹੋਈ ਅਤੇ 2019 ਵਿਚ ਇਸ ਦਾ ਭੋਗ ਪੈ ਗਿਆ। ਘਾਟੇ ਵਿਚ ਚੱਲ ਰਹੀ ਇਸ ਏਰਲਾਈਨ ਨੇ 400 ਕਰੋੜ ਦੀ ਮੱਦਦ ਮੰਗੀ ਸੀ ਤਾਂ ਜੋ ਏਰਲਾਈਨ ਚਾਲੂ ਰੱਖੀ ਜਾ ਸਕੇ ਪਰ ਸਰਕਾਰ ਨੇ ਨਾਹ ਕਰ ਦਿੱਤੀ ਤੇ ਇਹ ਏਰਲਾਈਨ ਬੰਦ ਹੋ ਗਈ ਤੇ 30 ਹਜਾਰ ਤੋਂ ਜਿਆਦਾ ਕਰਮਚਾਰੀ ਬੇਰੁਜਗਾਰ ਹੋ ਗਏ। ਏਅਰ ਇੰਡੀਆ ਦੇ ਹਲਾਤ ਵੀ ਕੁਝ ਅਜਿਹੇ ਹੀ ਹਨ ਜਿਹਨੂ ਸਰਕਾਰ ਨੇ ਵੇਚਣ ਦੀ ਕੋਸ਼ਿਸ਼ ਕੀਤੀ ਪਰ ਕੋਈ ਖਰੀਦਦਾਰ ਨਹੀ ਮਿਲਿਆ  ਇਸ ਏਰ੍ਲਾਈਨ ਦੇ ਬੰਦ ਹੋਣ ਕਰਕੇ ਬਹੁਤ ਸਾਰੇ ਲੋਕ ਸਰਕਾਰ ਨੂ ਕੋਸ ਰਹੇ ਨੇ ਪਰ ਮੇਰਾ  ਨਿਜੀ ਅਨੁਭਵ ਜਿਹੜਾ ਇਸ ਏਰਲਾਇਨ ਨਾਲ ਓਹ ਇਹ ਹੈ ਕਿ ਇਹ ਏਰਲਾਈੰਨ ਮਾੜੀ ਮੈਨਜਮਿੰਟ ਅਤੇ ਮਾੜੇ ਸਟਾਫ਼ ਦੀ ਵਜਾਹ ਨਾਲ ਫੇਲ ਹੋਈ ਹੈ। ਥਾਈਲੈੰਡ ਛੋਟਾ ਜਿਹਾ ਦੇਸ਼ ਹੈ ਓਸ ਦੇਸ਼ ਦੀ ਥਾਈ ਏਅਰ੍ਲੈਨ ਮੁਨਾਫ਼ੇ ਵਿਚ ਹੈ ਅਤੇ ਮਹਿੰਗੀ ਹੈ | ਸਿੰਗਾਪੁਰ ਦੀ ਸਿੰਗਾਪੁਰ ਏਅਰਲਾਈਨ ਮੁਨਾਫ਼ੇ ਵਿਚ ਹੈ। ਅਮਰੀਕਾ ਦੀਆਂ 35 ਤੋਂ ਉੱਪਰ ਏਰ੍ਲਾਇਨ ਹਨ ਜਿਹੜੀਆਂ ਸਾਰੀਆਂ ਮੁਨਾਫ਼ੇ ਵਿਚ ਹਨ। ਫੇਰ ਇਹ ਇੰਡੀਆ ਦੀਆਂ ਏਰਲਾਈਨਾ ਨੂ ਕੀ ਹੋ ਗਿਆ ?? ਕਿਓਂ ਫੇਲ ਹੋਈਆਂ  ਸਭ ਤੋਂ ਵੱਡਾ ਕਾਰਨ ਸਟਾਫ਼ ਦੀ ਮਾੜੀ ਸਰਵਿਸ ਜਿਹੜਾ ਕੋਈ ਵਿਦੇਸ਼ੀ ਇਹਨਾ ਦੇ ਜਹਾਜ ਵਿਚ ਇਕ ਵਾਰ  ਚੜ ਗਿਆ ਓਹ ਦੁਬਾਰਾ ਨਾ ਏਅਰ ਇੰਡੀਆ ਤੇ ਚੜੇ ਨਾ ਜੈਟ ਏਅਰ ਵੇਜ  ਤੇ ਚੜੇ  ਸ਼ੁਰੂ ਕਰਦੇ ਹਾਂ ਇਹਨਾ ਦੇ ਚੈਕ ਇਨ ਸਟਾਫ਼ ਤੋਂ ਜਿਥੇ ਤੁਸੀਂ ਬੋਰ੍ਡਿੰਗ ਪਾਸ ਲੈਣੇ ਹੁੰਦੇ ਨੇ ਇਹਨਾ ਦੇ ਸਟਾਫ਼ ਦੀ ਬੋਲਬਾਣੀ ਇਸ ਤਰਾਂ ਦੀ ਹੁੰਦੀ ਸੀ ਜਿਵੇ ਇਹਨਾ ਦੇ ਜਹਾਜ ਦੇ ਅਸੀਂ ਮੁਫਤ ਚੜੇ ਹੋਈਏ ਨਾ  ਕੋਈ ਸ੍ਮਾਇਲ ਨਹੀ ਭੁਸਰੀ ਢਾਂਡੀ ਵਾਂਗੂ ਝਾਕਣਾ  ਨਾ ਥੈੰਕਯੂ ਨਾ ਹੋਰ ਕੁਝ ਫੇਰ ਰਹਿਦੀ ਖੂੰਦੀ ਇਹਨਾ ਦੀਆਂ ਜਹਾਜ ਵਿਚਲੀਆਂ ਏਰਹੋਸਟਸ  ਕਢ ਦਿੰਦਿਆਂ ਸਨ। ਇਹਨਾ ਦਾ ਸਟਾਫ਼ ਇਸ ਤਰਾਂ ਦਾ ਵਰਤਾਓ ਕਰਦਾ ਸੀ ਜਿਵੇ ਸਰਕਾਰੀ ਦਫਤਰਾਂ ਵਿਚ ਸਰਕਾਰੀ ਅਧਿਕਾਰੀ ਲੋਕਾਂ ਨਾਲ ਵਰਤਾਓ ਕਰਦੇ ਨੇ  ਜਦ ਦੋ ਚਾਰ ਘੰਟੇ ਦਾ ਸਫਰ ਕਰਨਾ ਹੋਵੇ ਚੱਲ ਜਾਂਦਾ ਪਰ ਜਦੋ 10 ਘੰਟੇ ਤੋਂ ਉਪਰ ਸਫਰ ਕਰਨਾ ਹੋਵੇ ਫੇਰ ਪਤਾ ਲਗਦਾ ਸੀ ਇਹਨਾ ਦੀ ਕਿਹੋ ਜਿਹੀ  ਸਰਵਿਸ ਹੈ। ਮੈਂ ਇਕ ਵਾਰ ਇਹਨਾ ਦੇ ਜਹਾਜ ਵਿਚ ਸਫਰ ਕੀਤਾ ਮੈਂ ਪਾਣੀ ਮੰਗਿਆ ਪਾਣੀ ਲੈਣ ਗਈ ਮੁੜੀ ਹੀ ਨਹੀ  ਪਿਛੇ ਖਾਣੇ  ਵਾਲੇ ਥਾਂ ਖੜਕੇ ਸਾਰੇ ਏਰਹੋਸਟਸ ਖੱਪ ਕਰੀ ਜਾਂਦੇ ਸੀ ਯਾਤਰੀਆਂ ਵੱਲ ਧਿਆਨ ਕਿਸੇ ਦਾ ਨਹੀ ਸੀ | ਮੈਂ ਇਹਨਾ ਦੀ ਏਰਲਾਈੰਨ ਨੂ ਈਮੇਲ ਕੀਤੀ ਸ਼ਕਾਇਤ ਦੀ ਜਿਸ ਦਾ ਜਵਾਬ ਅੱਜ ਤੱਕ ਨਹੀ ਆਇਆ। ਜਿਸ ਕੋਲ ਕੋਈ ਹੋਰ ਬਦਲ ਨਹੀ ਹੁੰਦਾ ਸੀ ਓਹ ਤਾਂ ਇਹਨਾ ਦੇ ਜਹਾਜ ਵਿਚ ਦੁਬਾਰਾ ਚੜਦਾ ਸੀ ਦੂਜਾ ਨਹੀ ਅੰਤਰਰਾਸ਼ਟਰੀ ਮੁਸਾਫਰਾ ਦੇ ਘਟ ਜਾਣ ਕਾਰਨ ਇਹਨਾ ਨੂ ਘਾਟਾ ਪੈਣਾ  ਸ਼ੁਰੂ ਹੋਇਆ ਜੇਕਰ ਮੈਨ੍ਜ੍ਮੇੰਟ ਇਹਨਾ ਦੇ ਸਟਾਫ਼ ਨੂ ਖਿਚਣ ਦੀ ਕੋਸ਼ਿਸ਼ ਕਰਦੀ ਤਾਂ ਇਹਨਾ ਦੀ ਯੂਨੀਅਨ ਹੜਤਾਲ ਦੀ ਧਮਕੀ ਦਿੰਦੀ ਸੀ ਜਿਸ ਕਾਰਨ ਇਸ ਏਅਰ੍ਲੈਨ ਦਾ ਪਤਨ ਹੋ ਗਿਆ। ਜਹਾਜ ਭਾਵੇਂ ਕਿਹੋ ਜਿਹੇ ਵੀ ਹੋਣ ਪਰ ਜੇਕਰ ਸਰਵਿਸ ਮਾੜੀ ਹੈ ਫੇਰ ਨਹੀ ਅਗਲਾ ਦੁਬਾਰਾ ਚੜਦਾ। ਮੈਂ ਇਕ ਵਾਰ ਏਅਰ ਇੰਡੀਆ ਅਤੇ ਇਕ ਵਾਰ ਜੇਟ ਏਰਵੇਜ ਵਿਚ ਸਫਰ ਕੀਤਾ ਓਸ ਤੋਂ ਬਾਹਦ ਨਿਰਨਾ ਕਰ ਲਿਆ ਇਹਨਾ ਦੇ ਜਹਾਜ ਤੇ ਦੁਬਾਰਾ ਨਹੀ ਚੜਨਾ ਭਾਵੇ ਹੋਰ ਏਰਲਾਈਨ ਦੀ ਟਿਕਟ ਮਹਿੰਗੀ ਲੈਣੀ ਪਵੇ। ਹੋਇਆ ਤਾਂ ਬੁਰਾ ਪਰ ਮੈਨੂੰ ਉਹਨਾਂ ਨਾਲ ਕੋਈ ਹਮਦਰਦੀ ਨਹੀ ਜਿਹੜੇ ਕਹਿੰਦੇ ਅਸੀਂ ਬੇਰੁਜਗਾਰ ਹੋ ਗਏ ਹਾਂ। ਇਹ ਆਪਣੀਆ ਕਰਤੂਤਾਂ ਕਰਕੇ ਬੇਰੁਜਗਾਰ ਹੋਏ ਨੇ। ਜਹਾਜ ਦਾ ਸਫਰ ਬਹੁਤ ਰਿਸਕੀ ਹੁੰਦਾ ਹੈ ਚਾਰ ਪੈਸੇ ਵਧ ਖਰਚ ਲਵੋ ਪਰ ਚੰਗੀ ਏਰ੍ਲਾਈਨ ਦੀ ਟਿਕਟ ਹੀ ਖਰੀਦੋ ਜਿਸ ਦੀ ਸੇਫਟੀ ਰੇਟਿੰਗ ਵਧੀਆ ਹੋਵੇ। ਸਰਕਾਰ ਨੇ ਨਹੀਂ ਦਿੱਤਾ ਧਿਆਨ ? ਇਹ ਵੀ ਇਕ ਸਵਾਲ ਹੈ ਸਰਕਾਰ ਦਾ ਸਾਰਾ ਜ਼ੋਰ ਏਅਰ ਇੰਡੀਆ ਨੂੰ ਚਲਾਉਣ ਤੇ ਲਗਾ ਹੈ।ਓਥੇ ਵੀ ਗਰਾਉਂਡ ਸਟਾਫ ਤੋਂ ਲੱਗਕੇ ਸਭ ਪਾਸੇ ਇਹ ਹੀ ਹਾਲ ਹੈ ਅਤੇ ਇਕ ਵੱਡੀ ਸਮੱਸਿਆ ਕਦੇ ਵੀ ਅਮ੍ਰਤਿਸਰ ਤੋਂ ਚਲਣ ਵਾਲੀ ਅੰਤਰਰਾਸ਼ਟਰੀ ਫਲਾਈਟ ਦਾ ਪਤਾ ਨਹੀਂ ਕੇ ਸਮੇ ਸਿਰ ਚੱਲੂ ...!  ਮੇਰਾ ਕਹਿਣਾ ਕੇ .......ਜੇਕਰ ਏਅਰ ਇੰਡੀਆ ਲੋਕ ਨੂੰ ਸਹੂਲਤ ਨਹੀਂ ਦੀ ਸਕਦੀ ਤਾਂ ਬੰਦ ਕਰ ਦਿਤੀ ਜਾਵੇ ਅਤੇ ਹੋਰ ਵਦੇਸੀ ਕੰਪਨੀਆਂ ਨੂੰ ਮੌਕਾ ਦਿੱਤਾ ਜਾਵੇ ਆਜ਼ਾਦ ਤੋਰ ਤੇ ਕੰਮ ਕਰਨ ਦਾ ਫੇਰ ਦੇਖਣਾ ਸਰਬੰਸ ਮਿਲਦੀ ਹੈ ਜਾ ਨਹੀਂ ।

ਅਮਨਜੀਤ ਸਿੰਘ ਖਹਿਰਾ

ਆਰਟੀਕਲ

ਪੰਜਾਬੀ ਸਾਹਿਤ ਵਿੱਚ ਨਿਰੰਤਰ ਲਿਖਿਆ ਜਾ ਰਿਹਾ ਹੈ ਅਤੇ ਵਿਰਲੇ ਹੀ ਸਾਹਿਤਕਾਰ ਹਨ ਜੋ ਪਾਠਕਾਂ ਦੇ ਦਿਲਾਂ ਵਿੱਚ ਆਪਣੀ ਕਲਮ ਰਾਹੀਂ
ਜਗ੍ਹਾ ਬਣਾਉਣ ਵਿੱਚ ਕਾਮਯਾਬ ਹੁੰਦੇ ਹਨ। ਪੰਜਾਬੀ ਸਾਹਿਤ ਦੀ ਜ਼ਮੀਨ ਵਿੱਚ ਸੰਗਰੂਰ ਜ਼ਿਲ੍ਹੇ ਦੇ ਪਿੰਡ ਬਾਦਸ਼ਾਹਪੁਰ ਦਾ ਨੌਜਵਾਨ ਕਵੀ ਵੀਤ
ਬਾਦਸ਼ਾਹਪੁਰੀ ਵੀ ਕਈ ਸਾਲਾਂ ਤੋਂ ਬੀਜ ਬੋਅ ਰਿਹਾ ਹੈ, ਜੋ ਉਹਨਾਂ ਨੂੰ ਪੜ੍ਹਣ ਵਾਲਿਆਂ ਦੇ ਸਿੱਧਾ ਦਿਲ ਤੇ ਪੁੰਗਰਦੇ ਹਨ।
ਪਿਤਾ ਸ੍ਰ. ਦਲਬਾਰਾ ਸਿੰਘ ਦੇ ਘਰ ਮਾਤਾ ਪਰਮਜੀਤ ਕੌਰ ਦੀ ਕੁੱਖੋਂ 29 ਮਾਰਚ 1986 ਨੂੰ ਇੱਕ ਮੱਧਵਰਗੀ ਪਰਿਵਾਰ ਵਿੱਚ ਜਨਮੇ ਜਸਵੀਰ
ਸਿੰਘ ਖੰਗੂੜਾ (ਸ਼ੀਰਾ) ਜਾਣੀ ਵੀਤ ਬਾਦਸ਼ਾਹਪੁਰੀ ਭੈਣ ਸੰਦੀਪ ਕੌਰ ਅਤੇ ਭਰਾ ਰਣਜੀਤ ਸਿੰਘ ਤੋਂ ਵੱਡੇ ਹਨ। ਪ੍ਰਾਇਮਰੀ ਸਿੱਖਿਆ ਪਿੰਡ ਦੇ
ਸਰਕਾਰੀ ਸਕੂਲ ਅਤੇ ਅੱਗੇ ਬਾਰ੍ਹਵੀਂ ਤੱਕ ਦੀ ਪੜ੍ਹਾਈ ਨੇੜਲੇ ਪਿੰਡ ਘਨੌਰੀ ਕਲਾਂ ਤੋਂ ਪ੍ਰਾਪਤ ਕੀਤੀ। ਦੇਸ਼ ਭਗਤ ਕਾਲਜ, ਬਰੜ੍ਹਵਾਲ ਤੋਂ
ਗ੍ਰੈਜੂਏਸ਼ਨ, ਮਸਤੂਆਣਾ ਸਾਹਿਬ ਤੋਂ ਬੀ.ਐੱਡ ਕੀਤੀ। ਉਹਨਾਂ ਨੇ ਉੱਚ ਸਿੱਖਿਆ ਵਿੱਚ ਐੱਮ.ਏ.(ਰਾਜਨੀਤੀ ਸ਼ਾਸਤਰ) ਸਰਕਾਰੀ ਰਣਬੀਰ
ਕਾਲਜ, ਸੰਗਰੂਰ ਤੋਂ ਐੱਮ.ਏ. ਪੰਜਾਬੀ ਅਤੇ ਹਿਸਟਰੀ ਪ੍ਰਾਈਵੇਟ ਕੀਤੀ। ਕੁਝ ਵਰ੍ਹੇ ਪ੍ਰਾਈਵੇਟ ਸਕੂਲ ਵਿੱਚ ਬਤੌਰ ਪੰਜਾਬੀ ਅਧਿਆਪਕ ਪੜ੍ਹਾਉਂਦੇ
ਰਹੇ।
ਵੀਤ ਬਾਦਸ਼ਾਹਪਰੀ ਕਦ ਅੰਮ੍ਰਿਤਾ ਪ੍ਰੀਤਮ, ਪਾਸ਼ ਅਤੇ ਸ਼ਿਵ ਕੁਮਾਰ ਬਟਾਲਵੀ ਨੂੰ ਪੜ੍ਹਦਾ-ਪੜ੍ਹਦਾ ਅਤੇ ਦੇਬੀ ਮਖਸੂਸਪੁਰੀ, ਰਾਜ ਬਰਾੜ ਅਤੇ
ਸ਼ੀਰਾ ਜਸਵੀਰ ਨੂੰ ਸੁਣਦਾ-ਸੁਣਦਾ ਲਿਖਣ ਦੇ ਰਾਹੇ ਪੈ ਗਿਆ, ਪਤਾ ਹੀ ਨਹੀਂ ਲੱਗਿਆ। ਵੀਤ ਬਾਦਸ਼ਾਹਪੁਰੀ ਦੀ ਕਲਮ ਤੋਂ ਕਵਿਤਾ, ਗੀਤ,
ਗਜ਼ਲਾਂ ਅਤੇ ਸ਼ੇਅਰਾਂ ਦਾ ਸਿਲਸਿਲਾ ਨਿਰੰਤਰ ਚੱਲ ਰਿਹਾ ਹੈ। ਵੀਤ ਬਾਦਸ਼ਾਹਪੁਰੀ ਆਪਣੇ ਮਿੱਤਰਾਂ ਸਵਰਨ, ਸੁੱਖੀ, ਸੁਖਪਾਲ, ਰਣਜੀਤ ਸੇਠੀ,
ਜਸਵੀਰ ਕਣਕਵਾਲਾ ਅਤੇ ਭੀਮੇ ਦੀ ਹੱਲਾਸ਼ੇਰੀ ਕਰਕੇ ਆਪਣੀਆਂ ਰਚਨਾਵਾਂ ਨੂੰ ਕਿਤਾਬਾਂ ਦੇ ਰੂਪ ਵਿੱਚ ਪਾਠਕਾਂ ਦੀ ਝੋਲੀ ਪਾ ਸਕਿਆ। ਉਸ ਦੇ
ਗੀਤ ਅਤੇ ਸ਼ੇਅਰਾਂ ਨੂੰ ਸ਼ੀਰਾ ਜਸਵੀਰ ਨੇ ਆਪਣੀ ਐਲਬਮ ਸ਼ੀਰਾ ਜਸਵੀਰ ਲਾਇਵ-2 ਵਿੱਚ ਸ਼ਾਮਿਲ ਵੀ ਕੀਤਾ ਅਤੇ ਆਗਾਮੀ ਲਾਇਵ-3 ਵਿੱਚ
ਵੀ ਉਸਦੀਆਂ ਰਚਨਾਵਾਂ ਸੁਣਨ ਨੂੰ ਮਿਲਣੀਆਂ।
ਜੂਨ 2009 ਵਿੱਚ ਵੀਤ ਬਾਦਸ਼ਾਹਪੁਰੀ ਦੀ ਪਹਿਲੀ ਕਿਤਾਬ ‘ਤਾਰਿਆਂ ਤੋਂ ਪਾਰ’ ਲੋਕਗੀਤ ਪ੍ਰਕਾਸ਼ਨ ਤੋਂ ਪ੍ਰਕਾਸ਼ਿਤ ਹੋਈ, ਇਹ ਕਿਤਾਬ
ਰੁਮਾਂਸਵਾਦੀ ਪ੍ਰਵਿਰਤੀ ਕਰਕੇ ਨੌਜਵਾਨਾਂ ਦੀ ਖਿੱਚ ਦਾ ਕਾਰਨ ਬਣੀ। ਮਾਰਕਸਵਾਦ ਤੋਂ ਪ੍ਰਭਾਵਿਤ ਹੱਕਾਂ ਲਈ ਲੜਨ ਦਾ ਹੋਕਾਂ ਦਿੰਦੀ ਵੀਤ
ਬਾਦਸ਼ਾਹਪੁਰੀ ਦੀ ਦੂਜੀ ਕਿਤਾਬ ਪਾਠਕਾਂ ਦੇ ਹੱਥੀਂ ‘ਸਵੇਰਾ ਦੂਰ ਨਹੀਂ’ ਸੰਗਮ ਪਬਲੀਕੇਸ਼ਨ, ਸਮਾਣਾ ਤੋਂ ਸਾਲ 2013 ਵਿੱਚ ਆਈ।
ਰੁਮਾਂਸਵਾਦੀ ਅਤੇ ਸਮਾਜ ਸੁਧਾਰਾਂ ਦੀ ਗੱਲ ਕਰਦੀ ਵੀਤ ਬਾਦਸ਼ਾਹਪੁਰੀ ਦੀ ਤੀਜੀ ਕਿਤਾਬ ਬੰਜਰ ਗਲਤੀਆਂ 2018 ਵਿੱਚ ਅਨਹਦ
ਪਬਲੀਕੇਸ਼ਨ, ਸੰਗਰੂਰ ਤੋਂ ਪਾਠਕਾਂ ਦੀ ਕਚਹਿਰੀ ਵਿੱਚ ਹਾਜ਼ਿਰ ਹੋਈ। ‘ਬੰਜਰ ਗਲਤੀਆਂ’ ਵਿੱਚ ਕਬਿੱਤ, ਕੋਰੜਾ, ਚਪੱਈ ਅਤੇ ਦਵੱਈਆ ਛੰਦ
ਵਿੱਚ ਕੁਝ ਰਚਨਾਵਾਂ ਪੜ੍ਹਨ ਨੂੰ ਮਿਲਦੀਆਂ ਹਨ।
ਸਾਲ 2015 ਵਿੱਚ ਸਾਹਿਤ ਦੇ ਖੇਤਰ ਵਿੱਚ ਨੌਜਵਾਨ ਵੀਤ ਬਾਦਸ਼ਾਹਪੁਰੀ ਦੀ ਕਲਮ ਨੂੰ ਹੱਲਾਸ਼ੇਰੀ ਅਤੇ ਤਸਦੀਕ ਕਰਦਿਆਂ ਮਾਲਵਾ ਪਬਲਿਕ
ਲਾਇਬ੍ਰੇਰੀ, ਧੂਰੀ ਤਰਫੋਂ ਸਨਮਾਨਿਤ ਵੀ ਕੀਤਾ ਗਿਆ। ਅੱਜ ਕੱਲ੍ਹ ਵੀਤ ਬਾਦਸ਼ਾਹਪੁਰੀ ਆਪਣੇ ਪਿੰਡ ਦੇ ਇਤਿਹਾਸ ਤੇ ਕੰਮ ਕਰ ਰਿਹਾ ਹੈ ਅਤੇ
ਆਪਣੀਆਂ ਕਵਿਤਾਵਾਂ, ਗੀਤ ਅਤੇ ਗਜ਼ਲਾਂ ਨੂੰ ‘ਇੱਕ ਹੋਰ ਅਲਵਿਦਾ’ ਸਿਰਲੇਖ ਹੇਠ ਕਿਤਾਬ ਰੂਪੀ ਪਾਠਕਾਂ ਦੀ ਝੋਲੀ ਪਾਉਣ ਦੀ ਤਿਆਰੀ ਵਿੱਚ
ਹੈ। ਇਹ ਕਹਿਣਾ ਕੋਈ ਅੱਤਕੱਥਨੀ ਨਹੀਂ ਕਿ ਨੌਜਵਾਨਾਂ ਦਾ ਸਾਹਿਤ ਨਾਲ ਜੁੜ੍ਹਨਾ ਚੰਗਾ ਰੁਝਾਨ ਹੈ, ਜੋ ਕਿ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ
ਲਈ ਸੋਨੇ ਤੇ ਸੁਹਾਗੇ ਵਾਲਾ ਹੋ ਨਿਬੜੇਗਾ।
ਗੋਬਿੰਦਰ ਸਿੰਘ ‘ਬਰੜ੍ਹਵਾਲ’
ਪਿੰਡ ਤੇ ਡਾਕ. ਬਰੜ੍ਹਵਾਲ
ਤਹਿ. ਧੂਰੀ (ਸੰਗਰੂਰ)