ਸਾਹਿਤ

ਵੰਡ ਰਹੇ ਨੇ ਮਹਿਕਾਂ ਖਿੜਦੇ ਫੁੱਲ,

ਇਹਨਾਂ ਨੂੰ ਤੋੜਨ ਦੀ ਕਰਿਉ ਨਾ ਭੁੱਲ।

ਜਿਹੜਾ ਮਾਂ-ਪਿਉ ਦਾ ਕਰਦੈ ਸਤਿਕਾਰ,

ਇੱਥੇ ਕੋਈ ਨਾ ਉਸ ਪੁੱਤ ਦੇ ਤੁੱਲ।

ਹੁਸਨਾਂ ਦੇ ਗੁਲਸ਼ਨ ਦਾ ਕੁੱਝ ਨ੍ਹੀ ਬੱਚਦਾ,

ਜੇ ਹਿਜਰਾਂ ਦੀ ਨ੍ਹੇਰੀ ਜਾਵੇ ਝੁੱਲ।

ਹੁਣ ਉਹ ਬਹੁਤ ਰਹੇ ਨੇ ਯਾਰੋ ਪੱਛਤਾ,

ਰੁੱਖ ਪੁੱਟਣ ਦੀ ਜਿਹਨਾਂ ਕੀਤੀ ਭੁੱਲ।

ਇੱਥੇ ਹੁੰਦਾ ਨਾ ਕੋਈ ਬੀਮਾਰ,

ਚੰਗੀ ਸਿਹਤ ਜੇ ਵਿੱਕਦੀ ਹੁੰਦੀ ਮੁੱਲ।

ਉਹਨਾਂ ਔਖੇ ਵੇਲੇ ਹੋਣਾ ਔਖੇ,

ਜੋ ਖਰਚ ਬੈਠੇ ਆਪਣੀ ਪੂੰਜੀ ਕੁੱਲ।

ਸਾਡੇ ਪਿੰਡ 'ਚ ਰਹਿੰਦੇ ਨੇ ਨਾਸ਼ੁਕਰੇ,

ਉਹਨਾਂ ਨੇ ਕੀ ਪਾਣਾ ਸਾਡਾ ਮੁੱਲ।

ਮਹਿੰਦਰ ਸਿੰਘ ਮਾਨ

ਸਲੋਹ ਰੋਡ

ਚੈਨਲਾਂ ਵਾਲੀ ਕੋਠੀ

ਨਵਾਂ ਸ਼ਹਿਰ-9915803554

ਰਾਤੀਂ ਪਿੰਡ ਦੀ ਯਾਦ,

ਖ਼ਾਬ ਵਿੱਚ ਪੁੱਛ ਬੈਠੀ,

ਕਹਿੰਦੀ ਮੇਰੀ

ਯਾਦ ਨਹੀਂ ਆਉਂਦੀ

ਮੈਂ ਕਿਹਾ ਆਉਂਦੀ ਐ,

ਪਰ ਕਦੇ ਕਦੇ,

ਕਹਿੰਦੀ ਛੱਪੜ ਕੰਢੇ ਬੋਹੜ ਉੱਤੇ

ਹੁਣ ਦਿਲ ਨਹੀਂ ਕਰਦਾ,

ਪੀਂਘ ਪੁਲਾਂਘਾਂ ਖੇਡਣ ਦਾ

ਮੈਂ ਕਿਹਾ ਕਰਦਾ ਹੈ

ਪਰ ਕਦੇ ਕਦੇ,

ਬੇਬੇ ਦੀਆਂ ਗਾਲ਼ਾਂ

ਬਾਪੂ ਦੀਆਂ ਝਿੜਕਾਂ

ਭੈਣ ਦਾ ਲਾਡ

ਸਮਝ ਹੁਣ ਆਉਂਦਾ,

ਮੈਂ ਕਿਹਾ ਆਉਂਦਾ

ਪਰ ਕਦੇ ਕਦੇ ,

ਕਹਿੰਦੀ ਉਹ ਕਮਲੀ ਵੀ ਯਾਦ ਹੈ,

ਜੋ ਕਦੇ ਚੋਰੀ ਤੱਕੀ ਸੀ,

ਤੇਰੇ ਭੋਲੇਪਣ ਤੇ,

ਜੋ ਥੋੜ੍ਹਾ ਜਿਹਾ ਹੱਸੀ ਸੀ,

ਮੈਂ ਕਿਹਾ ਯਾਦ ਹੈ

ਪਰ ਕਦੇ ਕਦੇ

ਫਿਰ ਮੈਂ ਸਮਝਾਇਆ ਕਮਲੀ ਨੂੰ,

ਮਸਾਂ ਡੌਕੀਆਂ ਲਾ ਕੇ ਆਇਆ ਹਾਂ,

ਮੈਕਸੀਕੋ ਦੇ ਜੰਗਲ ਪਨਾਮਾ ਅੰਦਰ,

ਸਭ ਕੁਝ ਹੀ ਦਫ਼ਨਾਇਆ ਹੈ,

ਏਸੇ ਲਈ ਕਮਲੇ ਦਿਲ ਤਾਈਂ

ਪ੍ਰਿੰਸ ਪੱਥਰ ਵਾਂਗ ਬਣਾਇਆ ਹੈ,

ਚੇਤੇ ਤਾਂ ਸਭ ਕੁਝ ਅੱਜ ਵੀ ਹੈ,

ਪਰ ਗਰਜ਼ਾਂ ਦੇ ਕਰਜ਼ਾਂ,

ਹੇਠ ਦਬਾਇਆ ਹੈ ,

ਰਣਬੀਰ ਸਿੰਘ ਪ੍ਰਿੰਸ

ਸ਼ਾਹਪੁਰ ਕਲਾਂ ਆਫ਼ਿਸਰ ਕਾਲੋਨੀ

ਸੰਗਰੂਰ 9872299613

ਕਿੱਥੇ ਰੱਖਣ ਲੁਕੋ ਕੇ ਪੁੱਤ ਮਾਂਵਾਂ,

ਕਿੱਥੇ ਰੱਖਣ, ਕਿੱਥੇ ਰੱਖਣ ਲੁਕੋ ਕੇ ਪੁੱਤ ਮਾਂਵਾਂ,

ਕਾਤਿਲ  ਹਵਾਵਾਂ ਹੋ ਗਈਆਂ,

ਨੀ ਜ਼ਿੰਦੇ ਮੇਰੀਏ,

ਕਿਵੇਂ ਮੰਨ ਲਾਂ ਹੋਣੀ ਦਾ ਲੋਕੋ ਭਾਣਾ,

ਕਿਵੇਂ ਮੰਨ ਲਾਂ, ਕਿਵੇਂ ਮੰਨ ਲਾਂ ਹੋਣੀ ਦਾ ਲੋਕੋ ਭਾਣਾ,

ਹੁੱਲੜਾਂ ਨੇ ਪੁੱਤ ਖਾ ਲਿਆ, ਫੁਕਰਿਆਂ ਪੁੱਤ ਖਾ ਲਿਆ

ਨੀ ਜ਼ਿੰਦੇ ਮੇਰੀਏ,

ਕਹਿੰਦੇ ਰੰਗਲਾ ਪੰਜਾਬ ਬਣਾਉਣਾ,

ਕਹਿੰਦੇ ਰੰਗਲਾ, ਕਹਿੰਦੇ ਰੰਗਲਾ ਪੰਜਾਬ ਬਣਾਉਣਾ,

ਖੂਨ ਦੀਆਂ ਖੇਡ ਹੋਲੀਆਂ,ਨੀ ਜ਼ਿੰਦੇ ਮੇਰੀਏ

ਖੂਨ ਦੀਆਂ ਖੇਡ ਹੋਲੀਆਂ,

ਨੀ ਜ਼ਿੰਦੇ ਮੇਰੀਏ,

ਰਣਬੀਰ ਸਿੰਘ ਪ੍ਰਿੰਸ

ਸ਼ਾਹਪੁਰ ਕਲਾਂ ਆਫ਼ਿਸਰ ਕਾਲੋਨੀ

ਸੰਗਰੂਰ 9872299613

ਜੁੱਤੇ ਲੈਂਦੇ ਮਾਹੀਆ ਮੇਰੇ , ਸੋਹਣੀ ਬਣ‌ ਫਿਰਾਂ ਮੋਰਨੀ।

ਤੁਰਦੀ ਜਾਵਾਂ ਨਾਲ ਤੇਰੇ, ਸੋਹਣੀ ਬਣ ਫਿਰਾਂ ਮੋਰਨੀ।

ਪੂਰੇ ਨਾਪੇ ਦੀ ਸੱਜਦੀ ਏ ਵਾਲੀ ।

ਪੈਰ ਚ ਪਾਈ ਜੱਚਦੀ ਏ ਵਾਲੀ।

ਕੂਚ ਕੂਚ ਮੈਂ ਅੱਡੀਆਂ , ਚਮਕਾ ਕੇ ਛੱਡੀਆਂ

ਨੱਚਦੀ ਫਿਰਾਂ ਵਿਚ ਵੇਹੜੇ।

ਸੋਹਣੀ ਬਣ......

ਸੱਸਤੀ ਹੋਵੇ ਜਾਂ ਮਹਿੰਗੀ ਚੰਨਾ ਮੇਰੇ,  ਵੇ ਚਮਚਮ ਕਰਨ ਸਿਤਾਰੇ।

ਵੇਖ ਸੜਨ  ਜੁੱਤੀ ਗਵਾਂਢੀ ਤੇਰੇ , ਵੇ ਚਮਚਮ ਕਰਨ ਸਿਤਾਰੇ।

ਗਵਾਂਢੀਆਂ ਦੇ ਦਿਲ ਸਾੜਾ ਵੇ।

ਸੋਹਣੀ ਜੁੱਤੀ ਲਿਆਂਦੇ ਹਾੜਾ ਵੇ ।

ਜੁੱਤੀ ਚੱਕ ਕੇ ਝਾੜਾਂ, ਪਾਉਣ ਘਰ ਚ ਪੁਆੜਾ ਵੇ।

ਨਜ਼ਰਾਂ ਲਾਉਣ ਆਉਣ ਨਾ ਨੇੜੇ।

ਸੋਹਣੀ ਬਣ .......

ਦਿਉਰ ਦਾ ਆਉਣਾ ਵਿਆਹ ਮੇਰੇ, ਵੇ ਝਮਝਮ‌ ਨੱਚਦੀ ਫਿਰਾਂ।

ਜੁੱਤੀ ਪਾ ਕੇ ਜਾਵਾ ਮਾਹੀਂ ਨਾਲ ਤੇਰੇ, ਵੇ ਝਮਝਮ ਨੱਚਦੀ ਫਿਰਾਂ ।

ਬੋਲੀ ਪਾ ਕੇ ਨੱਚਾਂ ਵੇ ।

ਤੇਨੂੰ ਹੀ ਮਾਹੀ ਤੱਕਾਂ ਵੇ।

ਭੋਰਾ ਵੀ ਨਾ ਥੱਕਾ, ਅੱਗ ਦੇ ਭਮੂਕੇ ਵਾਂਗ ਮੰਚਾਂ ਵੇ।

ਭਵਿਰੀ ਬਣ‌ ਅੱਗੇ ਪਿੱਛੇ ਨੱਚਾਂ ਤੇਰੇ।

ਸੋਹਣੀ ਬਣ.....

ਦਿਲ ਦੇ ਜੋਂ ਅਹਿਸਾਸ ਮੇਰੇ, ਜੀਵਨ ਭਰ ਦਾ ਤੇਰਾ ਮੇਰਾ ਸਾਥ ਵੇ।

ਜਿਉਣ ਦੀ ਆਸ ਤੇਰੇ , ਜੀਵਨ ਭਰ ਦਾ ਤੇਰਾ ਮੇਰਾ ਸਾਥ ਵੇ।

ਤੇਰੇ ਨਾਲ ਗਗਨ ਜਿਉਣਾ ਮਰਨਾ ਵੇ।

ਤੇਰੇ ਦੁੱਖ ਸੁੱਖ ਵਿੱਚ ਖੜਨਾ ਵੇ।

ਤੇਰੇ ਬਿਨਾਂ ਨਾ ਕੋਈ ਗੁਜ਼ਾਰਾ, ਰੱਬ ਵਰਗਾ ਤੇਰਾ ਸਹਾਰਾ ਵੇ।

ਜ਼ਿੰਦਗੀ ਭਰ ਰਹਾ ਨਾਲ ਤੇਰੇ।

ਸੋਹਣੀ ਬਣ....

- ਗਗਨਪ੍ਰੀਤ ਸੱਪਲ ਸੰਗਰੂਰ ਪਿੰਡ ਘਾਬਦਾਂ

ਤੂੰ ਅੰਦਰ ਮੇਰੇ,ਮੈਂ ਅੰਦਰ ਤੇਰੇ,

ਤੈਨੂੰ ਭਾਲਣ ਦਾ, ਕਿਉਂ ਝੱਲ ਕਰਾਂ?

ਕਿਉਂ ਪੂਜਾਂ,ਤੇਰੀ ਮੂਰਤ ਨੂੰ,

ਤੇਰੇ ਨਾਲ ਕਿਉਂ, ਐਸਾ ਛੱਲ ਕਰਾਂ?

ਤੂੰ ਅੰਦਰ ਮੇਰੇ,ਮੈਂ ਅੰਦਰ ਤੇਰੇ,

ਤੈਨੂੰ ਭਾਲਣ ਦਾ, ਕਿਉਂ ਝੱਲ ਕਰਾਂ????????

ਤੇਰੇ ਸੰਘਰਸ਼ ਦੀ, ਜੇ ਨਾਂ ਬਾਤ ਕਰਾਂ,

ਤੇਰਾ ਕਾਫ਼ਲਾ,ਅੱਗੇ ਲਿਜਾਊ ਕਿਹੜਾ?

ਜੇ ਤੈਨੂੰ ਪੂਜਣ ਵਿੱਚ,ਗ਼ਲਤਾਨ ਰਹਾਂ,

ਤੇਰਾ ਬੇਗ਼ਮ ਪੁਰਾ, ਵਸਾਊ ਕਿਹੜਾ?

ਤੇਰੇ ਸੁਪਨੇ ਪੂਰੇ, ਦੱਸ ਕੌਣ ਕਰੂ,

ਕੀ ਮੈਂ ਢੋਂਗ ਕਰਾਂ, ਜਾਂ ਤੇਰੇ ਵੱਲ ਖੜਾਂ?

ਤੂੰ ਅੰਦਰ ਮੇਰੇ,ਮੈਂ ਅੰਦਰ ਤੇਰੇ,

ਤੈਨੂੰ ਭਾਲਣ ਦਾ, ਕਿਉਂ ਝੱਲ ਕਰਾਂ????????

ਤੇਰੇ ਲੋਕ ਨਈਂ, ਮੰਨਦੇ ਗੱਲ ਤੇਰੀ,

ਤੈਨੂੰ ਮੰਨਣ ਦੀ, ਗੱਲ ਕਰਦੇ!

ਦੁੱਖਾਂ ਭਰੀ ਕਹਾਣੀ, ਤੇਰੀ ਹੱਡ ਬੀਤੀ,

ਨਾਂ ਸੁਣਨਾਂ ਚਹੁੰਦੇ, ਨਾਂ ਗੱਲ ਕਰਦੇ!

ਤੂੰ ਆਪ ਹੀ ਦੱਸ, ਰਵਿਦਾਸ ਗੁਰੂ,

ਇਹ ਮਸਲਾ ਮੈਂ, ਕਿਵੇਂ ਹੱਲ ਕਰਾਂ?

ਤੂੰ ਅੰਦਰ ਮੇਰੇ,ਮੈਂ ਅੰਦਰ ਤੇਰੇ,

ਤੈਨੂੰ ਭਾਲਣ ਦਾ ਕਿਉਂ ਝੱਲ ਕਰਾਂ????????

ਤੂੰ ਖ਼ੁਦ ਹੀ,ਫੈਸਲਾ ਕਰ ਮੁਰਸ਼ਦ,

ਜਾਂ ਇਹ ਦੋਖੀ,ਜਾਂ ਮੈਂ ਦੋਖੀ?

ਤੇਰਾ ਮਾਰਗ,ਖੰਡੇ ਦੀ ਧਾਰ ਤਿੱਖਾ!

ਨਹੀਂ ਚੱਲਣਾ, ਚਾਹੁੰਦੇ ਇਹ ਲੋਕੀ!

ਮੈਨੂੰ ਦੋਖੀ,ਤੇਰਾ ਸਮਝਦੇ ਨੇ,

ਮੈਂ ਤੇਰੇ ਸੰਘਰਸ਼ ਦੀ,ਗੱਲ ਕਰਾਂ!

ਤੂੰ ਅੰਦਰ ਮੇਰੇ,ਮੈਂ ਅੰਦਰ ਤੇਰੇ,

ਤੈਨੂੰ ਭਾਲਣ ਦਾ ਕਿਉਂ ਝੱਲ ਕਰਾਂ????????

ਤੂੰ ਕਿਹਾ,ਪ੍ਰਾਧੀਨਤਾ ਪਾਪ ਹੈ!

ਇਹ ਸੰਦੇਸ਼,ਕਿਸੇ ਨੇ ਜਾਣਿਆ ਨਈਂ!

ਨਾਂ ਦੁੱਖ ਵਿੱਚ ਤੇਰੇ, ਸ਼ਾਮਲ ਕੋਈ!

ਕਿਸੇ ਆਪਣਾਂ, ਫਰਜ਼ ਪਛਾਣਿਆਂ ਨਈਂ!

ਬਿਪਰ ਦੇ,ਰੰਗ ਵਿੱਚ ਰੰਗਿਆਂ ਨੂੰ,

ਮੈਂ ਦੱਸ ਕਿਵੇਂ,ਤੇਰੇ ਵੱਲ ਕਰਾਂ?

ਤੂੰ ਅੰਦਰ ਮੇਰੇ, ਮੈਂ ਅੰਦਰ ਤੇਰੇ!

ਤੈਨੂੰ ਭਾਲਣ ਦਾ ਕਿਉਂ ਝੱਲ ਕਰਾਂ????????

ਤੇਰਾ ਨਾਮ ਹੈ,ਸੱਚੀ ਵਿਚਾਰਧਾਰਾ!

ਮੇਰੇ ਜੀਵਨ ਦੇ, ਵਿੱਚ ਵਸਦੀ ਏ!

ਬੇਗ਼ਮ ਪੁਰੇ ਦਾ,ਦਏ ਸੁਨੇਹਾ ਇਹ,

ਮੇਰੇ ਗੀਤਾਂ ਦੇ, ਵਿੱਚ ਦੱਸਦੀ ਏ!

ਤੇਰੇ ਵਿੱਚ ਅਭੇਦ, ਹਰਦਾਸਪੁਰੀ,

ਤੈਨੂੰ ਸੱਜ਼ਦਾ ਮੈਂ, ਪੱਲ ਪੱਲ ਕਰਾਂ!

ਤੂੰ ਅੰਦਰ ਮੇਰੇ,ਮੈਂ ਅੰਦਰ ਤੇਰੇ,

ਤੈਨੂੰ ਭਾਲਣ ਦਾ ਕਿਉਂ ਝੱਲ ਕਰਾਂ????????

ਫੋਨ - 00306947249768

"ਮਲਕੀਤ ਹਰਦਾਸਪੁਰੀ"

ਸਵੇਰ ਸਾਰ ਹੀ ਉੱਠਦਿਆਂ,

ਰੱਬ ਦਾ ਨਾਮ ਧਿਆਇਆ ਕਰੋ।

ਬਾਹਰ ਦੀ ਨੱਠ ਭੱਜ ਤੋਂ ਪਹਿਲਾਂ,

ਅੰਦਰ ਝਾਤੀ ਲਾਇਆ ਕਰੋ।

ਝੂਠ ਪਾਪ ਦੇ ਲੱਗੇ ਜਿਹੜੇ,

ਜਾਲੇ਼ ਅੰਦਰੋਂ ਲਾਹਿਆ ਕਰੋ।

ਤਨ ਮਨ ਦੋਵੇਂ ਹੋਣ ਨਿਹਾਲ,

ਐਹੋ ਜਿਹਾ ਨ੍ਹਾਇਆ ਕਰੋ।

ਛੱਡ ਕੇ ਕਲਹਿ ਕਲੇਸ਼ ਸਾਰੇ,

ਮੁਹੱਬਤਾਂ ਦੀ ਬਾਤ ਪਾਇਆ ਕਰੋ।

ਪਾਣੀ ਵਿੱਚ ਮਧਾਣੀ ਪਾ ਪਾ,

ਖੱਟਿਆ, ਨਾ ਗਵਾਇਆ ਕਰੋ।

ਮਿੱਟੀ ਪਾਓ ਗੱਲ ਬੀਤੀ ਤੇ,

ਦਿਲ ਤੋਂ ਵੈਰ ਮਿਟਾਇਆ ਕਰੋ।

ਰੋਟੀ ਟੁੱਕ ਬਰਕਤਾਂ ਵਾਲ਼ੀ,

ਵੰਡ ਵੰਡਾਂ ਕੇ ਖਾਇਆ ਕਰੋ।

ਢਿੱਡ ਨੂੰ ਤੁੰਨੀ ਜਾਨੈ 'ਮਨਜੀਤ ',

ਰੂਹ ਨੂੰ ਵੀ ਰਜਾਇਆ ਕਰੋ।

ਸੱਚੇ ਸਾਹਿਬ ਤਾਈਂ ਚਿੱਤ ਲਾਕੇ,

ਰਹਿਮਤਾਂ ਓਹਦੀਆਂ ਪਾਇਆ ਕਰੋ।

ਮਨਜੀਤ ਕੌਰ ਧੀਮਾਨ,

ਸਪਰਿੰਗ ਡੇਲ ਪਬਲਿਕ ਸਕੂਲ, ਸ਼ੇਰਪੁਰ, ਲੁਧਿਆਣਾ ਸੰ:9464633059

ਪੈਲਸਾਂ ਚਂ ਜਾਂਦੇ ਅਸੀਂ ਸੋਹਣੇ ਕੱਪੜੇ ਪਾ ਕੇ ।

ਕਰੀਮ ਪਾਊਡਰ ਸੈਂਟ ਅਤੇ ਜੈਲ ਲਗਾ ਕੇ ।

ਟੋਹਰ ਦੀ ਕੋਈ ਕਸਰ ਨਾ ਛੱਡਦੇ ਜ਼ਰਾ ਵੀ ,

ਕੋਟ ਪੈਂਟ ਟਾਈ ਤੇ ਮਹਿੰਗੇ 2 ਬੂਟ ਪਾ ਕੇ ।

ਅਸੀਂ ਸੁੱਧ ਬੁੱਧ ਖੋਹ ਜਾਂਦੇ ਡੀ ਦੇ ਗੀਤਾਂ ਤੇ ,

ਬਸ ਦੋ ਚਾਰ ਪਟਿਆਲਾ ਸ਼ਾਹੀ ਪੈੱਗ ਲਾ ਕੇ ।

ਅਸੀਂ ਹਰ ਥਾਂ ਉੱਤੇ ਲੱਗਦੇ ਬਹੁਤ ਭੋਲੇ ਭਾਲੇ ,

ਸਾਰੇ ਕਾਰਜ ਕਰਦੇ ਵਧੀਆ ਫੋਟੋ ਖਿੱਚਵਾਕੇ ।

ਵੰਨ ਸੁਵੰਨੇ ਖਾਣੇ ਲੱਗੇ ਹੁੰਦੇ ਨੇ ਗੋਲ ਮੇਜ਼ਾਂ ਤੇ ,

ਆਪਣੀਆਂ ਪਲੇਟਾਂ ਵਿੱਚ ਬਹਿ ਜਾਂਦੇ ਪਾ ਕੇ ।

ਜਿੰਨਾ ਮਰਜ਼ੀ ਖਾਓ ਕੋਈ ਰੋਕਦਾ ਟੋਕਦਾ ਨਾ ,

ਉਨਾਂ ਨਹੀਂ ਖਾਂਦੇ ਜਿੰਨਾ ਰੱਖ ਦਿੰਦੇ ਗੁਆ ਕੇ ।

ਟਾਵਾਂ ਟਾਵਾਂ ਪਰਹੇਜ਼ ਕਰਦਾ ਜੂਠ ਛੱਡਣ ਤੋਂ ,

ਬਾਕੀ ਖੁਸ਼ ਹੁੰਦੇ ਖਾਣਾ ਡਸਟਬਿਨ ਚ ਪਾ ਕੇ ‌

ਥੋੜੀ ਬਹੁਤੀ ਸਾਰੇ ਆਪਾਂ ਸੋਚ ਵਿਚਾਰ ਕਰੀਏ ,

ਬਹੁ ਕੀਮਤੀ ਖਾਣੇ ਨੂੰ ਵੀਰੋ ਰੱਖੀਏ ਬਚਾ ਕੇ ।

ਉਨ੍ਹਾਂ ਮਾਪਿਆਂ ਦੇ ਚਾਵਾਂ ਨੂੰ ਮਹਿਸੂਸ ਕਰੀਏ ,

ਸੱਤੀ ਜਿਹਨਾਂ ਤੁਹਾਨੂੰ ਸੱਦਿਆ ਕਾਰਡ ਪਾ ਕੇ ।

ਸੱਤੀ ਉਟਾਲਾਂ ਵਾਲਾ , ਸ਼ਹੀਦ ਭਗਤ ਸਿੰਘ ਨਗਰ 90564-36733

ਗੁਰੂਆਂ-ਭਗਤਾਂ ਮਿਲ਼ ਕੇ ਲਿਖੀ ਹੈ ਵਿੱਚ ਆਪਣੀ ਗੁਰਬਾਣੀ..

ਪੰਜਾਬੀ ਮੇਰੀ ਮਾਤਰ ਭਾਸ਼ਾ ਸਭਨਾਂ ਭਾਸ਼ਾਵਾਂ ਦੀ ਰਾਣੀ....

ਝਾਂਜਰਾਂ ਇਹਦੀਆਂ ਪੈਰਾਂ'ਚ ਬਿੰਦੀ..

ਅੱਧਕ ਦਰਸ਼ਾਉਂਦੀ ਚੰਨ ਦੀ ਕਹਾਣੀ....

ਲਾਵਾਂ, ਦੁਲਾਵਾਂ ਸੋਂਹਦੀਆਂ ਮੱਥੇ ਤੇ..

ਹੋੜਾ ਕਨੌੜਾ ਉੱਡਦੇ ਵਿੱਚ ਅਸਮਾਨੀ....

ਪੰਜਾਬੀ ਮੇਰੀ ਮਾਤਰ ਭਾਸ਼ਾ ਸਭਨਾਂ ਭਾਸ਼ਾਵਾਂ ਦੀ ਰਾਣੀ....

ਸਿਹਾਰੀ ਬਿਹਾਰੀ ਭਰਨ ਬੁੱਕਲ਼ ਵਿੱਚ..

ਔਂਕੜ ਦੁਲੈਂਕੜ ਦਾ ਨਹੀਂ ਹੈ ਕੋਈ ਸਾਨੀ....

ਕੰਨਾ ਇਸਦਾ ਦਿਲ਼ ਹੈ ਕਹਾਉਂਦਾ..

ਟਿੱਪੀ ਵੰਡਦੀ ਮਿੱਠਾ ਪਾਣੀ....

ਪੰਜਾਬੀ ਮੇਰੀ ਮਾਤਰ ਭਾਸ਼ਾ ਸਭਨਾਂ ਭਾਸ਼ਾਵਾਂ ਦੀ ਰਾਣੀ....

ੳ ਅ ਫੁੱਲ ਜਿਵੇਂ ਸੋਹਣੇ..

ੲ ਜਿਵੇਂ ਭੋਲ਼ੀ ਕੀੜੀ..

ੜ ਨੇ ਪਕੜ ਬਣਾਈ..

ਪੈਂਤੀ ਅੱਖਰੀਂ ਸੋਂਹਦੀ ਵਿੱਚ ਗੁਰਬਾਣੀ....

ਪੰਜਾਬੀ ਮੇਰੀ ਮਾਤਰ ਭਾਸ਼ਾ ਸਭਨਾਂ ਭਾਸ਼ਾਵਾਂ ਦੀ ਰਾਣੀ....

ਲੈ ਕੇ ਸਿੱਖਿਆ ੳ ਅ ਦੀ  ਨਿੰਮੇ ਕਲ਼ਮ  ਚਲਾਈ..

ਦੇਵੇ ਦੁਹਾਈ ਬਚਾ ਲਵੋ ਮਾਂ ਬੋਲੀ , ਨਾ ਸਮਝੋ ਇਸਨੂੰ ਪਰਾਈ ....

ਮੈਂ ਕੀਤਾ ਪ੍ਰਣ ਉੱਚਾ ਚੁੱਕਣਾ ਪੰਜਾਬੀ ਸਾਹਿਤ ਨੂੰ..

ਰੋਟੀ ਬਾਅਦ ਵਿੱਚ ਹੈ ਖਾਣੀ....

ਪੰਜਾਬੀ ਸਾਡੀ ਮਾਤਰ ਭਾਸ਼ਾ ਸਭਨਾਂ ਭਾਸ਼ਾਵਾਂ ਦੀ ਰਾਣੀ....

 ਨਿਰਮਲ ਸਿੰਘ ਨਿੰਮਾ (ਸਮਾਜ ਸੇਵੀ)

ਮੋਬਾ:9914721831

ਜੰਮਿਆਂ ਮੂੰਹ ਚੋਂ ਸ਼ਬਦ ਏ ਮਾਂ ਆਇਆ,

ਮਾਂ ਦੇ ਮੂੰਹੋਂ ਮਾਂ ਬੋਲੀ ਪੰਜਾਬ ਨਿਕਲੀ।

ਦੁਆਵਾਂ,ਲੋਰੀਆਂ, ਸੀਸਾਂ ਵਿੱਚ ਮਾਂ ਬੋਲੀ,

ਮਾਂ ਦੇ ਮੂੰਹੋਂ ਮਾਂ ਮਿੱਠੀ ਆਵਾਜ਼ ਨਿਕਲੀ।

ਜਦ ਮੈਂ ਗਿਆ ਸਕੂਲ ਉਸਤਾਦ ਕੋਲ਼ੇ,

ੳ,ਅ,ਮਾਂ ਬੋਲੀ ਦੀ ਜਾਂਚ ਸਿੱਖੀ।

ਮਾਂ ਬੋਲੀ ਦਾ ਏਨਾਂ ਸਤਿਕਾਰ ਕੀਤਾ,

ਏਸੇ ਕਰਕੇ ਨਈਂ ਇੱਕ ਵਾਰ ਵਿਸਰੀ।

ਮੈਨੂੰ ਅੱਖਾਂ ਦਿੱਤੀਆਂ ਸੋਝੀ ਦਿੱਤੀ,

ਦਿੱਤੀ ਨਜ਼ਰ ਦਰਿਸ਼ਟੀ ਮਾਂ ਬੋਲੀ।

ਹਰ ਸੁੱਖ ਸਾਂਝਾ ਮਾਂ ਬੋਲੀ ਵਿੱਚ,

ਮੇਰੇ ਦਰਦ ਦੀ ਹੂਕ ਹਰ ਯਾਦ ਨਿਕਲੀ।

ਪੈਂਤੀ ਗੁਰੂਆਂ ਗੁਰੂ ਗ੍ਰੰਥ ਅੰਦਰ,

ਮਾਂ ਬੋਲੀ ਨੂੰ ਉੱਚੀ ਥਾਂ ਦਿੱਤੀ।

ਬਾਬਾ ਬੁੱਲੇ, ਵਾਰੇਸ਼ਾਹ,ਨਜ਼ਮੀ ਦੇ,

ਉੱਤਮ ਬੋਲਾਂ ਵਿੱਚ ਨਿੱਖਰੀ।

ਮਿੱਠੀ ਬੋਲੀ ਪੰਜਾਬੀ ਏ ਸ਼ਹਿਦ ਨਾਲੋਂ,

ਪ੍ਰੇਮ ਅਦਬ ਦਾ ਜਦੋਂ ਸੁਮੇਲ ਹੁੰਦਾ।

ਪਰ ਉਪਕਾਰ, ਸੇਵਾ ਕਿੰਝ ਖੁਸ਼ੀ ਦੇਣੀ,

ਸਮਝ ਪੈਂਦੀ ਏ ਸੁਰ ਤੇ ਸਾਜ਼ ਵਿਚਲੀ।

ਸਾਹਿਤਕਾਰ ਮਹਾਂਨ ਮੁਕਤਸਰ ਤੋਂ,

ਪੜਿਆ ਪੁਰਖਿਆਂ ਦਾ ਇਤਿਹਾਸ ਸੱਚਾ।

ਘੱਲੂਘਾਰੇ ਤੇ ਇਨਕਲਾਬ ਪੜ੍ਹੇ,

ਮਾਂ ਬੋਲੀ ਬਣ ਕੇ ਇਨਕਲਾਬ ਨਿਕਲੀ।

ਮਾਂ ਬੋਲੀ ਦਾ ਕਰਨ ਸਤਿਕਾਰ ਜਿਹੜੇ,

ਮਾਂ ਬੋਲੀ ਦਾ ਰਹਿੰਦੇ ਪ੍ਰਚਾਰ ਕਰਦੇ।

ਵਾਰਸ ਮਾਂ ਦੇ ਮਹਾਂਨ ਸਪੂਤ ਹੁੰਂਦੇ,

ਮਾਂ ਬੋਲੀ ਰੱਖੀ ਏ ਜਿੰਨਾਂ ਬਹਾ ਸਿਖਰੀਂ।

ਮਾਂ ਬੋਲੀ ਦਾ ਕਰਨ ਮਿਆਰ ਨੀਵਾਂ,

ਭੈੜਾ ਬੋਲਦੇ ਕੁਫ਼ਰ ਜੋ ਤੋਲਦੇ ਨੇ।

ਸੱਚੀ ਗੱਲ ਪੱਥਰ ਤੇ ਲੀਕ ਹੁੰਦੀ,

ਦੂਜਿਆਂ ਲਈ ਜਿਵੇਂ ਦਿਲੋਂ ਦੁਆ ਨਿਕਲੀ।

ਚੰਗੀ ਸਿੱਖਿਆ ਤੇ ਸੱਚੀ ਵਿਚਾਰਧਾਰਾ,

ਮਾਂ ਬੋਲੀ ਨੇ ਪ੍ਰਦਾਨ ਕੀਤੀ।

ਸੁਗੰਧੀ ਵਿੱਚ ਹਵਾਵਾਂ ਘੋਲਦੀ ਏ,

ਬ੍ਰਹਿਮੰਡ ਵਿੱਚ ਹੋ ਆਬਾਦ ਵਿਚਰੀ।

ਊਚ-ਨੀਚ ਜਾਤਾਂ ਦੇ ਕੋਹੜ ਵਾਲਾ,

ਗੰਦ ਰਹੀ ਹਮੇਸ਼ਾ ਸਾਫ਼ ਕਰਦੀ।

ਫ਼ਰਸੇ਼ ਲਾਉਂਦੀ ਰਹੀ ਹੰਕਾਰੀਆਂ ਦੇ,

ਮਾਂ ਬੋਲੀ ਖੋਲ੍ਹ ਸ਼ੈਤਾਨਾਂ ਦੇ ਪਾਜ ਨਿਕਲੀ।

ਮੈਂ ਸਤਿਕਾਰ ਕਰਾਂ ਹਰ ਬੋਲੀ ਦਾ,

ਪਰ ਸਭ ਨਾਲੋਂ ਪੰਜਾਬੀ ਉੱਤਮ।

ਦੁਨੀਆਂ ਦੀ ਹਰ ਸ਼ੈਅ ਤੋਂ ਮਿੱਠੀ,

ਹਰਦਾਸਪੁਰੀ ਮਾਂ ਬੋਲੀ ਮਿਠੜੀ।

ਫ਼ੋਨ- 0306947249768 

"ਮਲਕੀਤ ਹਰਦਾਸਪੁਰੀ"