ਪੋਟਿਆਂ ਤੇ ਰਹੇ ਸੀ ਦਿਨ ਗਿਣ
ਚਿਰਾਂ ਦੇ ਉਡੀਕਦੇ ਆ ਗਿਆ ਦਿਨ
ਉੱਜੜ ਜਾਂਦੇ ਘਰ ਬੁੱਝ ਜਾਂਦੇ ਨੇ ਚਿਰਾਗ
ਦਾਰੂ ਦੇ ਸ਼ੌਕੀਨ ਫੇਰ ਗਾਉਂਦੇ ਇਹਦੇ ਰਾਗ
ਸਸਤੀ ਦੇ ਲਾਲਚ ਚ ਜਿੰਦ ਹੋਵੇ ਬਰਵਾਦ
ਟੱਬਰ ਦਾ ਹਾਲ ਵੀ ਰੱਖਣਾ ਤੁਸੀਂ ਯਾਦ
ਧੀਆਂ ਪੁੱਤ ਕਿੰਨੇ ਵਾਸਤੇ ਨੇ ਪਾਉਂਦੇ
ਪਾਪਾ ਠੇਕੇ ਤੇ ਨਾ ਜਾਵੀਂ ਬੜਾ ਸਮਝਾਉਂਦੇ
ਰੰਗਲੀ ਜਵਾਨੀ ਹੋਵੇ ਨਸ਼ੇ ਦਾ ਸ਼ਿਕਾਰ
ਚਿਹਰਿਆਂ ਦੇ ਰੰਗ ਵਾਲੀ ਉੱਡਗੀ ਬਹਾਰ
ਹੋ ਕੇ ਨਸ਼ਿਆਂ ਚ ਟੱਲੀ ਪੈ ਜਾਵੇ ਸਿਆਪਾ
ਘਰ ਮਸੂਮ ਬੱਚੇ ਰੋ ਰੋ ਗਵਾ ਲੈਂਦੇ ਆਪਾਂ
ਉਹਨਾਂ ਮਾਪਿਆਂ ਨੂੰ ਪੁੱਛੋ ਪੁੱਤ ਸ਼ਰਾਬ ਖਾਏ
ਨਿਆਣੇ ਉਡੀਕ ਦੇ ਪਾਪਾ ਮੁੜ ਨਹੀਂ ਆਏ
ਅਜੇ ਵੀ ਵਕਤ ਜਾਈਏ ਅਸੀਂ ਜਾਗ
ਮੋਤ ਵਰਗੇ ਨਸੇ ਨੂੰ ਦਿਉ ਹੁਣ ਤਿਆਗ
ਅਸ਼ੋਕ ਬ੍ਰਾਹਮਣ ਮਾਜਰਾ ਪਟਿਆਲਾ
