ਯੁ.ਕੇ.

ਜਸਵੰਤ ਸਿੰਘ ਕੰਵਲ ਦਾ ਜਨਮ ਪਿੰਡ ਢੁੱਡੀਕੇ (ਜ਼ਿਲਾ ਮੋਗਾ) ਵਿਖੇ ਸ੍ਰੀ ਮਾਹਲਾ ਸਿੰਘ ਦੇ ਘਰ ਹੋਇਆ। 1943 ਵਿੱਚ ਜਸਵੰਤ ਸਿੰਘ ਕੰਵਲ ਦਾ ਵਿਆਹ ਮੁਖਤਿਆਰ ਕੌਰ ਨਾਲ ਹੋਇਆ। ਉਨ੍ਹਾਂ ਦੇ ਘਰ ਚਾਰ ਧੀਆਂ ਤੇ ਇੱਕ ਪੁੱਤਰ ਨੇ ਜਨਮ ਲਿਆ। ਤਿੰਨ ਧੀਆਂ ਰੱਬ ਨੂੰ ਪਿਆਰੀਆਂ ਹੋ ਚੁੱਕੀਆਂ ਹਨ। ਪੁੱਤਰ ਸਰਬਜੀਤ ਸਿੰਘ ਦੋ ਖੂਬਸੂਰਤ ਬੇਟਿਆਂ ਦਾ ਪਿਤਾ ਹੈ।ਕੰਵਲ ਹੁਰਾਂ ਨੇ ਆਪਣੀ ਮੁਢਲੀ ਵਿਦਿਆ ਆਪਣੇ ਪਿੰਡ ਦੇ ਸਕੂਲ ਤੋਂ ਹੀ ਪ੍ਰਾਪਤ ਕੀਤੀ। ਉਨ੍ਹਾਂ ਨੇ ਦਸਵੀਂ ਦੀ ਜਮਾਤ ਪਾਸ ਨਹੀਂ ਕੀਤੀ ਪਰ ਗਿਆਨੀ ਜ਼ਰੂਰ ਕੀਤੀ ਹੋਈ ਸੀ।ਉਨ੍ਹਾਂ ਦੇ ਕਹਿਣ ਮੁਤਾਬਕ ਉਨ੍ਹਾਂ ਨੂੰ ਲਿਖਣ ਦੀ ਚੇਟਕ ਮਲਾਇਆ ਦੇ ਜੰਗਲਾਂ ਵਿੱਚ ਘੁੰਮਦਿਆਂ ਲੱਗੀ। ਉਹ ਆਪਣੀ ਲਿਖਣ ਕਲਾ ਨੂੰ ਮਲਾਇਆ ਦੀ ਸੌਗਾਤ ਆਖਦੇ ਸਨ।ਉਨ੍ਹਾਂ ਦਾ ਪਹਿਲਾ ਪਿਆਰ ਇੱਕ ਚੀਨੀ ਮੁਟਿਆਰ ਸੀ, ਜੋ ਉਨ੍ਹਾਂ ਨਾਲ ਵਿਆਹ ਤਾਂ ਕਰਵਾਉਣਾ ਚਾਹੁੰਦੀ ਸੀ ਪਰ ਆਪਣਾ ਦੇਸ਼ ਨਹੀਂ ਸੀ ਛੱਡਣਾ ਚਾਹੁੰਦੀ। ਇਸੇ ਤਰ੍ਹਾਂ ਕੰਵਲ ਹੁਰੀਂ ਵੀ ਉਥੇ ਪੱਕੇ ਤੌਰ 'ਤੇ ਰਹਿਣਾ ਨਹੀਂ ਸੀ ਚਾਹੁੰਦੇ। ਉਨ੍ਹਾਂ ਦੇ ਰਿਸ਼ਤੇ ਦਾ ਅੰਤ ਇਥੇ ਹੀ ਹੋ ਗਿਆ। ਉਨ੍ਹਾਂ ਰੋਜ਼ੀ ਰੋਟੀ ਦੀ ਖਾਤਰ ਮਲਾਇਆ ਵਿੱਚ ਚੌਕੀਦਾਰੀ ਵੀ ਕੀਤੀ ਤੇ ਆਪਣੇ ਪਿੰਡ ਦਿਆਂ ਖੇਤਾਂ ਵਿੱਚ ਆਪਣੇ ਛੋਟੇ ਭਰਾ ਨਾਲ ਹਲ ਵੀ ਵਾਹਿਆ। ਇਹ ਉਨ੍ਹਾਂ ਦਾ ਸੁਭਾਗ ਸੀ ਕਿ ਸ਼੍ਰੋਮਣੀ ਕਮੇਟੀ ਦੇ ਪ੍ਰਬੰਧ ਅਧੀਨ ਹੀ ਉਨ੍ਹਾਂ ਨੂੰ ਗੁਰੂ ਰਾਮਦਾਸ ਦੀ ਨਗਰੀ ਵਿੱਚ ਕਲਰਕੀ ਦੀ ਨੌਕਰੀ ਮਿਲ ਗਈ। ਉਥੇ ਹੀ ਰਹਿਣਾ, ਖਾਣਾ ਪੀਣਾ ਤੇ ਸਾਹਿਤਕ ਭੁੱਖ ਪੂਰੀ ਕਰਨ ਲਈ ਉਹ ਬਾਕੀ ਬਚਦਾ ਸਮਾਂ ਸ਼੍ਰੋਮਣੀ ਕਮੇਟੀ ਦੀ ਲਾਇਬਰੇਰੀ ਵਿੱਚ ਬਿਤਾਉਂਦੇ। ਇਥੇ ਹੀ ਉਨ੍ਹਾਂ ਨੂੰ ਦੁਨੀਆਂ ਦੀਆਂ ਸਭ ਤੋਂ ਵਧੀਆ ਕਿਤਾਬਾਂ, ਨਾਵਲ ਤੇ ਕਹਾਣੀਆਂ ਪੜ੍ਹੀਆਂ। ‘‘ਜੀਵਨ ਕਣੀਆਂ ਦੇ ਪਬਲਿਸ਼ਰ ਨੇ ਹੀ ਉਨ੍ਹਾਂ ਨੂੰ ਨਾਵਲ ਲਿਖਣ ਵੱਲ ਪ੍ਰੇਰਿਤ ਕੀਤਾ। ਜਸਵੰਤ ਸਿੰਘ ਕੰਵਲ ਦਾ ਸਭ ਤੋਂ ਪਹਿਲਾ ਨਾਵਲ ‘ਸੱਚ ਨੂੰ ਫਾਂਸੀ' 1944 ਵਿੱਚ ਪਾਠਕਾਂ ਦੇ ਹੱਥਾਂ ਵਿੱਚ ਆਇਆ। ਤੇ ਉਸ ਤੋਂ ਬਾਅਦ ਵਿੱਚ ਉਹ ਦਿਨ ਵੀ ਆਏ ਜਦ ਪਾਠਕ ਕੰਵਲ ਦੇ ਨਾਵਲ ਦੀ ਇੰਤਜ਼ਾਰ ਕਰਿਆ ਕਰਦੇ ਸਨ।ਕੰਵਲ ਦਾ ਸਾਹਿਤਕ ਸਫਰ ਮਲਾਇਆ ਵਿੱਚ ਸ਼ੁਰੂ ਹੋਇਆ ਤੇ ਪੰਜਾਬ ਵਿੱਚ ਪ੍ਰਵਾਨ ਚੜ੍ਹਿਆ। ਅਸੀਂ ਵੀ ਸਕੂਲ ਵਿੱਚ ਪੜ੍ਹਦੇ ਸਮੇਂ ਹੀ ਕੰਵਲ ਜੀ ਦੇ ਸਾਰੇ ਨਾਵਲ ਪੜ੍ਹ ਲਏ ਸਨ। ਲੁਧਿਆਣੇ ਜਾਂਦੇ ਸਮੇਂ ਬੱਦੋਵਾਲ, ਲਲਤੋਂ ਨੂੰ ਦੇਖ ਕੇ ਅਤੇ ਸਿਵਲ ਲਾਈਨਜ ਨੂੰ ਦੇਖ ਕੇ ਕੰਵਲ ਜੀ ਦੇ ਪਾਤਰਾਂ ਦੀ ਯਾਦ ਆ ਜਾਂਦੀ ਸੀ।ਆਜ਼ਾਦੀ ਤੋਂ ਪਹਿਲਾਂ ਲਿਖਣਾ ਸ਼ੁਰੂ ਕਰਨ ਵਾਲੇ ਇਸ ਲੇਖਕ ਨੇ ਅੰਗਰੇਜ਼ਾਂ ਦਾ ਰਾਜ ਵੀ ਦੇਖਿਆ ਤੇ ਆਜ਼ਾਦੀ ਤੋਂ ਬਾਅਦ ਕਈ ਰੰਗਾਂ ਦੀਆਂ ਸਰਕਾਰਾਂ ਵੀ।ਜ਼ਿੰਦਗੀ 'ਚ ਕਈ ਉਤਰਾਅ ਚੜ੍ਹਾਅ ਦੇਖਣ ਤੋਂ ਇਲਾਵਾ ਉਨ੍ਹਾਂ ਨੇ ਪੰਜਾਬ ਅੰਦਰ ਸਮੇਂ-ਸਮੇਂ 'ਤੇ ਰਹਿਣ ਵਾਲੀ ਉਥਲ-ਪੁਥਲ ਵੀ ਦੇਖੀ।

ਪ੍ਰਿੰਸੀਪਲ ਸਰਵਣ ਸਿੰਘ ਨੇ ਕੰਵਲ ਵਾਰੇ ਲਿਖਦਿਆਂ ਬਿੱਲਕੁਲ ਠੀਕ ਕਿਹਾ:-

“ਜੇ ਸੰਤ ਸਿੰਘ ਸੇਖੋਂ ਪੰਜਾਬੀ ਸਾਹਿਤ ਦਾ ਬੋਹੜ ਸੀ ਤਾਂ ਜਸਵੰਤ ਸਿੰਘ ਕੰਵਲ ਸਰੂ ਦਾ ਰੁੱਖ ਹੈ। ਉਹ ਵਗਦੀਆਂ ਹਵਾਵਾਂ ਨਾਲ ਸਰੂ ਵਾਂਗ ਝੂਮਦੈ। ਕਦੇ ਖੱਬੇ ਲਹਿਰਾਉਂਦੈ, ਕਦੇ ਸੱਜੇ ਤੇ ਕਦੇ ਗੁਲਾਈ ਵਿਚ ਘੁੰਮਦੈ। ਉਹਦਾ ਤਣਾ ਮਜ਼ਬੂਤ ਹੈ ਤੇ ਜੜ੍ਹਾਂ ਡੂੰਘੀਆਂ ਜਿਸ ਕਰਕੇ ਵਾਵਰੋਲੇ ਤਾਂ ਕੀ, ਝੱਖੜ ਤੂਫ਼ਾਨ ਵੀ ਉਸ ਨੂੰ ਧਰਤੀ ਤੋਂ ਨਹੀਂ ਹਿਲਾ ਸਕੇ।”

ਪੰਜਾਬੀ ਦੇ ਕੁਝ ਸਾਹਿਤਕਾਰ ਵਿਦੇਸ਼ੀ ਧਾਰਨਾਵਾਂ ਅਤੇ ਵਾਦਾਂ ਤੋਂ ਏਨੇ ਪ੍ਰਭਾਵਿਤ ਹੁੰਦੇ ਰਹੇ ਹਨ ਕਿ ਆਪਣੇ ਲੋਕਾਂ ਤੋਂ ਹੀ ਟੁੱਟ ਗਏ। ਖੱਬੇ ਪੱਖ ਜਾਂ ਸੱਜੇ ਪੱਖ ਨਾਲ ਇਸ ਹੱਦ ਤੱਕ ਜੁੜ ਗਏ ਕਿ ਆਪਣੇ ਲੋਕਾਂ ਦਾ ਪੱਖ ਪੂਰਨੋ ਹੀ ਹੱਟ ਗਏ।

ਪਰ ਜਸਵੰਤ ਸਿੰਘ ਕੰਵਲ ਹਮੇਸ਼ਾਂ ਆਪਣੇ ਲੋਕਾਂ ਨਾਲ ਖੜ੍ਹਾ ਰਿਹਾ। ਉਸਦੇ ਲਈ ਮਾਰਕਸਵਾਦ,ਸਮਾਜਵਾਦ ਕੁਛ ਵੀ ਮਾਅਨੇ ਨਹੀਂ ਰੱਖਦੇ ਜੇ ਪੰਜਾਬ ਦਾ ਕੁਝ ਨਹੀਂ ਸੰਵਰ ਸਕਦਾ। ਸਾਹਿਤਕਾਰ ਜਿਸ ਮਿੱਟੀ ਵਿੱਚੋਂ ਜੰਮਦਾ ਹੈ ਉਸੇ ਦੀ ਖੁਸ਼ਬੋ ਵਿਖੇਰਦਾ ਚੰਗਾ ਲੱਗਦਾ ਹੈ। ਉਸੇ ਦੇ ਦੁੱਖ ਸੁੱਖ ਹੰਢਾਉਂਦਾ ਅਤੇ ਵੰਡਾਉਂਦਾ ਹੈ। ਜਸਵੰਤ ਸਿੰਘ ਕੰਵਲ ਪੰਜਾਬ ਦੇ ਹਨੇਰਿਆਂ ਵਿੱਚੋਂ ਵੀ ਰੌਸ਼ਨੀ ਦੀ ਤਲਾਸ਼ ਕਰਦਾ ਰਿਹਾ ਅਤੇ ਸੱਜਰੇ ਸਵੇਰਿਆਂ ਦੀ ਕਾਮਨਾ ਕਰਦਾ ਰਿਹਾ। ਪਰ ਅਫ਼ਸੋਸ ਕਿ ਪੰਜਾਬ ਦੀ ਹੋਣੀ ਘੜਨ ਵਾਲੇ ਉਸਨੂੰ ਹਮੇਸ਼ਾ ਨਿਰਾਸ ਕਰਦੇ ਰਹੇ। ਪੰਜਾਬ ਦੀ ਹੋਣੀ ਲਈ ਹੇਠ ਲਿਖੀਆਂ ਸਤਰਾਂ ਕੰਵਲ ਦੀ ਆਪਣੀ ਉਸ ਮਿੱਟੀ ਲਈ ਹੂਕ ਹੈ ਜਿਸ ਵਿੱਚ ਉਹ ਸਦਾ ਲਈ ਸਮਾ ਗਿਆ ਹੈ

Leicester,February 2020-(Jan Shakti News)-

The annual @sikhyouthuk Sri Akhand paath Sahib has more activities and workshops running alongside the weekend schedule this year. A movie night with debate, a day Sikhi Camp, Museum, Activities and workshops throughout the weekend to keep you all involved so make sure you all come along help out and join in as you won’t want to miss out. (for more informision look the photo)

ਬਰਮਿੰਘਮ,ਫ਼ਰਵਰੀ 2020-(ਗਿਆਨੀ ਅਮਰੀਕ ਸਿੰਘ ਰਾਠੌਰ/ਗਿਆਨੀ ਰਵਿਦਾਰਪਾਲ ਸਿੰਘ)- 

 ਸਿਹਤ ਖੇਤਰ 'ਚ ਸਹਿਯੋਗ ਲਈ ਸ੍ਰੀ ਗੁਰੂ ਰਾਮ ਦਾਸ ਇੰਸਟੀਚਿਊਟ ਆਫ਼ ਡੈਂਟਲ ਸਾਇੰਸਜ਼ ਐਡ ਰਿਸਰਚ (ਐਸ.ਜੀ.ਆਰ.ਡੀ.) ਪੰਜਾਬ (ਭਾਰਤ) ਅਤੇ ਸਕੂਲ ਆਫ਼ ਡੈਂਟਿਸਟ੍ਰੀ, ਯੂਨੀਵਰਸਿਟੀ ਆਫ਼ ਬਰਮਿੰਘਮ (ਯੂ.ਓ.ਬੀ.) ਯੂ.ਕੇ. ਵਿਚਾਲੇ ਇਕ ਸਮਝੌਤੇ 'ਤੇ ਹਸਤਾਖ਼ਰ ਕੀਤੇ ਗਏ | ਇਸ ਸਮਝੌਤੇ ਦਾ ਮੁੱਖ ਉਦੇਸ਼ ਦੋ ਸਿੱਖਿਅਕ ਸੰਸਥਾਵਾਂ ਵਿਚਾਲੇ ਖੋਜ ਅਤੇ ਸਿੱਖਿਆ ਦੀ ਸਮਝ ਵਿਕਸਤ ਕਰਨ ਦੇ ਲਈ ਕੀਤੇ ਜਾਣ ਵਾਲੇ ਅਭਿਆਸਾਂ, ਵਿਦਿਆਰਥੀਆਂ ਅਤੇ ਕਰਮਚਾਰੀਆਂ ਦਾ ਆਦਾਨ-ਪ੍ਰਦਾਨ ਕਰਨਾ ਹੈ | ਯੂ.ਓ.ਬੀ. ਅਤੇ ਐਸ.ਜੀ.ਆਰ.ਡੀ. ਨੇ ਭਾਰਤ, ਬਰਤਾਨੀਆ ਅਤੇ ਵਿਸ਼ਵ ਪੱਧਰ 'ਤੇ ਥੋੜ੍ਹੇ ਸਮੇਂ 'ਚ ਹੀ ਵਿਦਿਆਰਥੀਆਂ ਅਤੇ ਕਰਮਚਾਰੀਆਂ ਦੀ ਆਪਸੀ ਤਾਲਮੇਲ ਨੂੰ ਵਧਾਉਣ ਲਈ ਡੈਂਟਲ ਸਾਇੰਸ ਸਬੰਧੀ ਖੋਜ ਕਾਰਜਾਂ ਨੂੰ ਉਤਸ਼ਾਹਿਤ ਕਰਨ ਦੇ ਮਕਸਦ ਨਾਲ ਮਿਲ ਕੇ ਕੰਮ ਕਰਨ ਲਈ ਸਹਿਯੋਗ ਕੀਤਾ ਹੈ, ਜਿਸ ਨਾਲ ਉਹ ਵਿਦੇਸ਼ੀ ਮੁਹਾਰਤ ਹਾਸਲ ਕਰਨ ਦੇ ਸਮਰੱਥ ਹੋਣਗੇ | ਦੋਵੇਂ ਸੰਸਥਾਵਾਂ ਸਹਿਯੋਗ ਦੇ ਤਰੀਕਿਆਂ ਦੀ ਭਾਲ ਕਰਨਗੀਆਂ ਜੋ ਆਪਸੀ ਲਾਭਕਾਰੀ ਹੋਣਗੀਆਂ |

ਲੰਡਨ, ਫ਼ਰਵਰੀ 2020-(ਗਿਆਨੀ ਰਵਿਦਾਰਪਾਲ ਸਿੰਘ)-

ਕਾਰੋਬਾਰੀ ਵਿਜੈ ਮਾਲਿਆ ਨੇ ਦਾਅਵਾ ਕੀਤਾ ਹੈ ਕਿ ਐਨਫੋਰਸਮੈਂਟ ਡਾਇਰੈਕਟੋਰੇਟ ਤੇ ਸੀਬੀਆਈ ਨੇ ਪਿਛਲੇ ਚਾਰ ਸਾਲਾਂ ਵਿੱਚ ਉਸ ਨਾਲ ਅਣਉਚਿਤ ਵਰਤਾਰਾ ਕੀਤਾ ਹੈ। ਕਿੰਗਫਿਸ਼ਰ ਏਅਰਲਾਈਨਜ਼ ਦੇ ਸਾਬਕਾ ਮਾਲਕ ਵਿਜੈ ਮਾਲਿਆ (64) ਨੇ ਬੈਂਕ ਨਾਲ 9000 ਕਰੋੜ ਰੁਪਏ ਦੀ ਧੋਖਾਧੜੀ ਤੇ ਕਾਲੇ ਧਨ ਨੂੰ ਸਫ਼ੈਦ ਕਰਨ ਦੇ ਦੋਸ਼ਾਂ ਤਹਿਤ ਭਾਰਤ ਨੂੰ ਦਿੱਤੀ ਜਾਣ ਵਾਲੀ ਉਸ ਦੀ ਸਪੁਰਦਗੀ ਖ਼ਿਲਾਫ਼ ਇੱਥੋਂ ਦੀ ਅਦਾਲਤ ’ਚ ਅਪੀਲ ਦਾਇਰ ਕੀਤੀ ਹੈ।
ਉਸ ਦੇ ਵਕੀਲਾਂ ਨੇ ਬਰਤਾਨਵੀ ਹਾਈ ਕੋਰਟ ਵਿੱਚ ਇਸ ਹਫ਼ਤੇ ਕਿਹਾ ਕਿ ਮਾਲਿਆ ਏਅਰਲਾਈਨਜ਼ ਇੰਡਸਟਰੀ ’ਤੇ ਆਏ ਸੰਕਟ ਦਾ ਸ਼ਿਕਾਰ ਹੋਇਆ ਅਤੇ ਕਿੰਗਫਿਸ਼ਰ ਏਅਰਲਾਈਨਜ਼ ਲਈ ਬੈਂਕ ਤੋਂ ਕਰਜ਼ੇ ਲੈਣ ਪਿੱਛੇ ਉਸ ਦਾ ਧੋਖਾਧੜੀ ਕਰਨ ਦਾ ਕੋਈ ਇਰਾਦਾ ਨਹੀਂ ਸੀ। ਉੱਧਰ, ਭਾਰਤ ਸਰਕਾਰ ਵੱਲੋਂ ਕੇਸ ਲੜ ਰਹੀ ਕਰਾਊਨ ਪ੍ਰੌਸਿਕਿਊਸ਼ਨ ਸਰਵਿਸ ਨੇ ਇਨ੍ਹਾਂ ਦਾਅਵਿਆਂ ’ਤੇ ਇਤਰਾਜ਼ ਦਾਇਰ ਕੀਤਾ ਅਤੇ ਜ਼ੋਰ ਦੇ ਕੇ ਕਿਹਾ ਕਿ ਪਹਿਲੀ ਨਜ਼ਰੇ ਮਾਲਿਆ ’ਤੇ ਕੇਸ ਬਣਦਾ ਹੈ ਤੇ ਉਸ ਨੂੰ ਭਾਰਤੀ ਅਦਾਲਤਾਂ ਵਿੱਚ ਜਵਾਬ ਦੇਣਾ ਹੋਵੇਗਾ।
ਵੀਰਵਾਰ ਨੂੰ ਲੰਡਨ ਦੀ ਅਦਾਲਤ ਵਿੱਚ ਉਸ ਦੀ ਅਪੀਲ ’ਤੇ ਪੂਰੀ ਹੋਈ ਤਿੰਨ ਦਿਨਾਂ ਸੁਣਵਾਈ ਤੋਂ ਬਾਅਦ ਮਾਲਿਆ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਕਿਹਾ, ‘‘ਐਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਕਰਜ਼ੇ ਨਾ ਮੋੜਨ ਸਬੰਧੀ ਬੈਂਕਾਂ ਦੀ ਸ਼ਿਕਾਇਤ ’ਤੇ ਮੇਰੀ ਸੰਪਤੀ ਜ਼ਬਤ ਕਰ ਲਈ। ਮੈਂ ਕਾਲੇ ਧਨ ਨੂੰ ਸਫ਼ੈਦ ਕਰਨ ਤੋਂ ਰੋਕਣ ਸਬੰਧੀ ਐਕਟ ਤਹਿਤ ਕੋਈ ਅਜਿਹਾ ਅਪਰਾਧ ਨਹੀਂ ਕੀਤਾ ਹੈ ਕਿ ਐਨਫੋਰਸਮੈਂਟ ਡਾਇਰੈਕਟੋਰੇਟ ਮੇਰੀਆਂ ਸੰਪਤੀਆਂ ਜ਼ਬਤ ਕਰ ਲਵੇ।’’ ਉਸ ਨੇ ਕਿਹਾ ਕਿ ਉਹ ਤਾਂ ਬੈਂਕਾਂ ਨੂੰ ਕਹਿ ਰਿਹਾ ਹੈ ਕਿ ਕ੍ਰਿਪਾ ਕਰ ਕੇ ਉਹ ਆਪਣਾ ਪੈਸਾ ਲੈਣ ਪਰ ਐਨਫੋਰਸਮੈਂਟ ਡਾਇਰੈਕਟੋਰੇਟ ਕਹਿ ਰਿਹਾ ਹੈ ਨਹੀਂ ਇਨ੍ਹਾਂ ਸੰਪਤੀਆਂ ’ਤੇ ਉਸ ਦਾ ਕਬਜ਼ਾ ਹੈ। ਇਸ ਤਰ੍ਹਾਂ ਇਕ ਪਾਸੇ ਐਨਫੋਰਸਮੈਂਟ ਡਾਇਰੈਕਟੋਰੇਟ ਤੇ ਦੂਜੇ ਪਾਸੇ ਬੈਂਕ ਇਕ ਹੀ ਸੰਪਤੀ ਲਈ ਲੜ ਰਹੇ ਹਨ। ਮਾਲਿਆ ਨੇ ਬੈਂਕਾਂ ਲਈ ਆਪਣਾ ਸੁਨੇਹਾ ਦੁਹਰਾਇਆ ਕਿ ਉਹ ਆਪਣਾ 100 ਫ਼ੀਸਦੀ ਮੂਲ ਧਨ ਵਾਪਸ ਲੈ ਲੈਣ। ਉਸ ਨੇ ਕਿਹਾ ਕਿ ਕਰਜ਼ਾ ਉਸ ਨੇ ਨਹੀਂ ਬਲਕਿ ਕਿੰਗਫਿਸ਼ਰ ਏਅਰਲਾਈਨਜ਼ ਨੇ ਲਿਆ ਸੀ। ਉਸ ਨੇ ਕਿਹਾ ਕਿ ਉਹ ਮੂਲ ਧਨ ਵਿੱਚ ਕੋਈ ਛੋਟ ਨਹੀਂ ਚਾਹੁੰਦਾ। 

ਲੰਡਨ,ਫ਼ਰਵਰੀ 2020-(ਗਿਆਨੀ ਅਮਰੀਕ ਸਿੰਘ ਰਾਠੌਰ/ਗਿਆਨੀ ਰਵਿਦਾਰਪਾਲ ਸਿੰਘ)- 

ਯੂ.ਕੇ. 'ਚ ਤੇਜ਼ ਹਵਾਵਾਂ ਨੇ ਜਿਥੇ ਜਨਜੀਵਨ ਨੂੰ ਬੁਰੀ ਤਰ੍ਹਾਂ ਦੋ ਦਿਨ ਪ੍ਰਭਾਵਿਤ ਕਰਨ ਤੋਂ ਬਾਅਦ ਮੁੜ ਜਨਜੀਵਨ ਲੀਹ 'ਤੇ ਆਉਣਾ ਸ਼ੁਰੂ ਹੋ ਗਿਆ ਹੈ, ਹਵਾਈ ਉਡਾਣਾ, ਰੇਲ ਆਵਾਜਾਈ ਸ਼ੁਰੂ ਹੋ ਗਈ ਹੈ | ਉੱਥੇ ਇਸ ਹਨੇਰੀ ਦੌਰਾਨ ਬਿ੍ਟਿਸ਼ ਏਅਰਵੇਜ਼ ਦੀ ਇਕ ਉਡਾਣ ਨੇ ਨਵਾਂ ਰਿਕਾਰਡ ਬਣਾਇਆ ਹੈ | ਨਿਊਯਾਰਕ ਤੋਂ ਲੰਡਨ ਆ ਰਹੀ ਇਸ ਉਡਾਣ ਨੇ ਸਿਰਫ 4 ਘੰਟੇ 56 ਮਿੰਟ 'ਚ 3500 ਮੀਲ ਦਾ ਸਫਰ ਤੈਅ ਕੀਤਾ | ਖ਼ਬਰ ਅਨੁਸਾਰ ਨਿਊਯਾਰਕ ਦੇ ਜਾਨ ਐਫ ਕੈਨੇਡੀ ਹਵਾਈ ਅੱਡੇ ਤੋਂ ਲੰਡਨ ਦੇ ਹੀਥਰੋ ਹਵਾਈ ਅੱਡੇ ਤੱਕ ਦੇ 1290 ਕਿਲੋਮੀਟਰ ਪ੍ਰਤੀ ਘੰਟੇ ਦੇ ਹਿਸਾਬ ਨਾਲ ਆਉਣ ਵਾਲੀ ਇਸ ਉਡਾਣ ਨੂੰ ਸਿਆਰਾ ਤੂਫਾਨ ਨੇ 300 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਤੇਜ਼ ਗਤੀ ਲਈ ਮਦਦ ਕੀਤੀ | ਜਦਕਿ ਇਸ ਸਮੇਂ ਇਕ ਹੋਰ ਵਰਜ਼ਿਨ ਅਟਲਾਂਟਿਕ ਦੀ ਏ 350 ਹਵਾਈ ਜਹਾਜ਼ ਨੇ 1 ਮਿੰਟ ਜ਼ਿਆਦਾ ਸਮਾਂ ਲਿਆ, ਵਰਜ਼ਿਨ ਦੀ ਇਕ ਹੋਰ ਫਲਾਈਟ 3 ਮਿੰਟ ਦੇਰੀ ਨਾਲ ਪਹੁੰਚੀ | ਨਾਰਵਿਅਰਨ ਏਅਰਲਾਈਨਜ਼ ਦਾ ਰਿਕਾਰਡ ਤੋੜਨ ਵਾਲੀਆਂ ਇਨ੍ਹਾਂ ਤਿੰਨਾਂ ਉਡਾਣਾ 'ਚੋਂ ਬਿ੍ਟਿਸ਼ ਏਅਰਵੇਜ਼ ਦਾ ਬੋਇੰਗ 747 ਸਭ ਤੋਂ ਅੱਗੇ ਰਿਹਾ | ਜ਼ਿਕਰਯੋਗ ਹੈ ਕਿ ਨਿਊਯਾਰਕ ਤੋਂ ਲੰਡਨ ਉਡਾਣ ਸਫਰ 5 ਘੰਟੇ 13 ਮਿੰਟ ਦੇ ਲਗਭਗ ਹੈ | ਬਿ੍ਟਿਸ਼ ਏਅਰਵੇਜ਼ ਦੇ ਬੋਇੰਗ 747 'ਚ ਸਵਾਰ ਲੋਕਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਡਾਣ ਦੌਰਾਨ ਚੰਗੀ ਤਰ੍ਹਾਂ ਸੌਣ ਦਾ ਸਮਾਂ ਵੀ ਨਹੀਂ ਮਿਲਿਆ |

ਮਾਨਚੈਸਟਰ/ਲੰਡਨ, ਫ਼ਰਵਰੀ 2020-(ਗਿਆਨੀ ਅਮਰੀਕ ਸਿੰਘ ਰਾਠੌਰ)-

ਇੰਗਲੈਂਡ 'ਚ ਪਈ ਬਰਫ਼ਬਾਰੀ ਕਾਰਨ ਇਕ ਵਾਰ ਫਿਰ ਇੰਗਲੈਂਡ 'ਚ ਠੰਢ ਨੇ ਜ਼ੋਰ ਫੜ ਲਿਆ ਹੈ | ਅੱਜ ਸਰਦੀਆਂ ਦੀ ਪਹਿਲੀ ਬਰਫ਼ਬਾਰੀ ਦਾ ਜਿਥੇ ਲੋਕਾਂ ਨੇ ਅਨੰਦ ਮਾਣਿਆ ਉਥੇ ਠੰਢ ਨੇ ਇਕ ਵਾਰ ਫਿਰ ਇੰਗਲੈਂਡ ਵਾਸੀਆਂ ਨੂੰ ਠੰਢ ਤੋਂ ਬਚਣ ਲਈ ਘਰਾਂ ਅੰਦਰ ਹੀਟਰ ਲਗਾ ਕੇ ਰਹਿਣ ਨੂੰ ਮਜਬੂਰ ਕਰ ਦਿੱਤਾ | ਜ਼ਿਕਰਯੋਗ ਹੈ ਇਥੋਂ ਦੇ ਮੌਸਮ ਵਿਭਾਗ ਵਲੋਂ 2 ਦਿਨ ਪਹਿਲਾਂ ਤੋਂ ਮੌਸਮ 'ਚ ਵੱਡੀ ਤਬਦੀਲੀ ਹੋਣ ਕਾਰਨ ਭਾਰੀ ਬਰਸਾਤ ਅਤੇ ਤੇਜ਼ ਤੁਫ਼ਾਨ ਆਉਣ ਦੀ ਚਿਤਾਵਨੀ ਦਿੱਤੀ ਗਈ ਸੀ, ਪਰ ਬੀਤੇ ਦੋ ਦਿਨ ਤੋਂ ਪੈ ਰਹੀ ਹਲਕੀ ਬਰਸਾਤ ਦੇ ਨਾਲ-ਨਾਲ ਮਾਮੂਲੀ ਹਵਾਵਾਂ ਹੀ ਵਗੀਆਂ, ਪ੍ਰੰਤੂ ਅੱਜ ਮੀਂਹ ਨਾਲ ਬਰਫ਼ਬਾਰੀ ਵੀ ਹੋਣੀ ਸ਼ੁਰੂ ਹੋ ਗਈ | ਜਿਸ ਕਾਰਨ ਆਮ ਜਨਜੀਵਨ 'ਤੇ ਭਾਰੀ ਅਸਰ ਪਿਆ |

ਗੁਰੂ ਰਵਿਦਾਸ ਜੀ ਨੂੰ ਸਮਰਪਿਤ

ਹੇ ਗੁਰੂ ਰਵਿਦਾਸ!

ਤੂੰ 'ਕੱਲੇ ਨੇ

ਨਿਰਭੈ ਹੋ ਕੇ 

ਸਮਾਜ ਵਿੱਚ

ਸਮਾਜਿਕ, ਧਾਰਮਿਕ,

 ਰਾਜਨੀਤਕ, ਆਰਥਿਕ

ਬਰਾਬਰਤਾ ਲਈ

ਯੁੱਧ ਲੜਿਆ!

ਤੇ

ਸਮੇਂ ਦੇ ਹਾਕਮਾਂ ਨੂੰ

ਫਿਟਕਾਰਾਂ ਮਾਰਦਿਆਂ ਕਿਹਾ -

' ਐੱਸਾ ਚਾਹੂੰ ਰਾਜ ਮੈਂ,

ਜਹਾਂ ਮਿਲੇ ਸਬਨ ਕੋ ਅੰਨ।

ਛੋਟ ਬੜੋ ਸਭ ਸਮ ਬਸੇ,

ਰਵਿਦਾਸ ਰਹੇ ਪ੍ਰਸੰਨ।

ਹੇ ਗੁਰੂ ਰਵਿਦਾਸ!

ਗੁਰੂ ਅਰਜਨ ਦੇਵ ਜੀ ਨੇ

ਸਾਂਝੀਵਾਲਤਾ

ਕਾਇਮ ਕਰਨ ਲਈ

ਗੁਰੂ ਗ੍ਰੰਥ ਸਾਹਿਬ ਦੀ

ਸਥਾਪਨਾ ਕਰਕੇ

ਸੰਸਾਰ ਨੂੰ

ਨਵੀਂ ਸੇਧ ਪ੍ਰਦਾਨ ਕੀਤੀ।

ਪਰ-

ਅੱਜ ਗੁਰੂ ਗ੍ਰੰਥ ਸਾਹਿਬ ਨੂੰ

ਗੁਰੂ ਕਹਿਣ

ਵਾਲਿਆਂ ਵਿਚੋਂ

ਬਹੁਤਿਆਂ ਦੇ

 ਹਿਰਦਿਆਂ ਦੀ ਸ਼ੁੱਧਤਾ

 ਵਿਚ ਬਹੁਤੀ ਸ਼ੁੱਧਤਾ

ਪ੍ਰਤੀਤ ਨਹੀਂ ਹੁੰਦੀ!

ਉਹ ਤਾਂ

ਅਜੇ ਵੀ

ਮਨੂੰਵਾਦੀ ਵਿਚਾਰਧਾਰਾ

ਦਾ ਬੋਝ

 ਦਿਮਾਗ 'ਚ

ਲੈ ਕੇ ਘੁੰਮਦੇ ਨੇ।

ਇਸੇ ਕਰਕੇ

ਇਥੇ -

ਜਾਤਾਂ - ਪਾਤਾਂ, 

ਗੋਤਾਂ,

ਕਬੀਲਿਆਂ ਦੇ 

ਗੁਰਦੁਆਰੇ ਵੀ

ਵੱਖਰੇ ਨੇ!

' ਤੇ

ਮੜੀਆਂ ਚੋਂ ਵੀ

ਜਾਤ-ਪਾਤ ਦੀ

ਬਦਬੋ ਮਾਰਦੀ ਐ।

ਹੇ!

ਗੁਰੂ ਰਵਿਦਾਸ!

ਅੱਜ ਵੀ

ਸਮਾਜ ਵਿਚ

ਸਮਾਜਿਕ, ਆਰਥਿਕ

ਰਾਜਨੀਤਕ, ਧਾਰਮਿਕ

ਬਰਾਬਰਤਾ ਲਈ

ਤੇਰੀ ਵਿਚਾਰਧਾਰਾ ਦੀ

ਉਡੀਕ ਐ!

-ਸੁਖਦੇਵ ਸਲੇਮਪੁਰੀ  9/2/2020

London,February 2020-( Jan Shakti News)-

London’s Metropolitan Police are investigating after former PM David Cameron’s bodyguard reportedly left his gun in an airplane, British Airways Flight was coming from New york to London.  The Daily Mail newspaper reported that the weapon found on a trans-Atlantic flight was handed to flight attendants. The Sun reported that passports belonging to Cameron and the officer were also found. Police said the officer involved had since been removed from operational duties.

ਸੁਦੇਸ਼ ਅਮਾਨ ਜਿਸ ਕਾਨੂੰਨ ਤਹਿਤ ਰਿਹਾਅ ਹੋਇਆ ਉਹ ਸਾਬਕਾ ਪ੍ਰਧਾਨ ਮੰਤਰੀ ਟੋਨੀ ਬਲੇਅਰ ਅਤੇ ਗੋਰਡਨ ਬਰਾਊਨ ਦੀਆਂ ਸਰਕਾਰਾਂ ਮੌਕੇ ਪਾਸ ਹੋਇਆ - ਪ੍ਰੀਤੀ ਪਟੇਲ

ਲੰਡਨ ਹਮਲਾਵਰ ਨੂੰ ਇਕ ਪੰਜਾਬੀ ਨੇ ਰੋਕਣ ਦੀ ਕੀਤੀ ਸੀ ਕੋਸ਼ਿਸ਼

ਲੰਡਨ, ਫ਼ਰਵਰੀ 2020-(ਗਿਆਨੀ ਰਵਿਦਾਰਪਾਲ ਸਿੰਘ)-

 ਲੰਡਨ ਦੇ ਸਟਰੀਥਅਮ ਇਲਾਕੇ 'ਚ ਅੱਤਵਾਦੀ ਹਮਲਾ ਕਰਨ ਵਾਲੇ ਸੁਦੇਸ਼ ਅਮਾਨ ਨੂੰ ਇਕ ਪੰਜਾਬੀ ਮੂਲ ਦੇ ਵਿਅਕਤੀ ਜਗਮੋਹਨ ਸਿੰਘ ਨੇ ਰੋਕਣ ਦੀ ਕੋਸ਼ਿਸ਼ ਕੀਤੀ ਸੀ | ਸਟਰੀਥਅਮ ਹਾਈ ਰੋਡ ਸਥਿਤ ਲੋਅ ਪ੍ਰਾਈਸ ਸਟੋਰ ਦੇ ਮਾਲਕ 38 ਸਾਲਾ ਕਿਰਨਜੀਤ ਸਿੰਘ ਨੇ ਦੱਸਿਆ ਕਿ ਮੇਰੇ ਭਰਾ ਨੇ ਸੁਦੇਸ਼ ਨੂੰ ਪਹਿਚਾਣ ਲਿਆ ਸੀ ਕਿ ਉਹ ਇਕ ਹਫ਼ਤਾ ਪਹਿਲਾਂ ਵੀ ਸਟੋਰ ਵਿਚ ਆਇਆ ਸੀ ਅਤੇ ਕੁਝ ਵੀ ਨਹੀਂ ਸੀ ਖ਼ਰੀਦਿਆ | ਉਸ ਅਨੁਸਾਰ 10 ਇੰਚ ਲੰਬਾ ਰਸੋਈ 'ਚ ਵਰਤਿਆ ਜਾਣ ਵਾਲਾ ਚਾਕੂ ਸੁਦੇਸ਼ ਨੇ ਚੁੱਕ ਕੇ ਆਸੇ ਪਾਸੇ ਵੇਖ ਕੇ ਭੱਜ ਗਿਆ | ਜਗਮੋਹਨ ਨੇ ਅੱਤਵਾਦੀ ਦਾ ਮੁਕਾਬਲਾ ਇਹ ਸੋਚ ਕੇ ਕੀਤਾ ਕਿ ਉਹ ਇਕ ਸਾਮਾਨ ਚੋਰ ਹੈ | ਕਿਰਨਜੀਤ ਨੇ ਕਿਹਾ ਕਿ ਜਿਉਂ ਹੀ ਅੱਤਵਾਦੀ ਸੁਦੇਸ਼ ਬਾਹਰ ਦੌੜਿਆ ਤਾਂ ਉਸ ਨੇ ਚਾਕੂ ਨਾਲ ਇਕ ਔਰਤ ਦੀ ਪਿੱਠ 'ਤੇ ਹਮਲਾ ਕਰ ਦਿੱਤਾ | ਇਕ ਨਰਸ ਨੇ ਮੌਕੇ ਦੇ ਹਾਲਾਤ ਬਿਆਨ ਕਰਦਿਆਂ ਕਿਹਾ ਕਿ ਦੁਕਾਨਦਾਰ ਨੇ ਚਾਕੂ ਖੋਹਣ ਦੀ ਕੋਸ਼ਿਸ਼ ਕੀਤੀ ਸੀ, ਪਰ ਉਹ ਭੱਜ ਗਿਆ ਅਤੇ ਇਕ ਔਰਤ ਨੂੰ ਜ਼ਖ਼ਮੀ ਕਰ ਦਿੱਤਾ | ਜ਼ਖ਼ਮੀਆਂ 'ਚੋਂ ਇਕ ਦੀ ਹਾਲਤ ਗੰਭੀਰ ਪਰ ਖ਼ਤਰੇ ਤੋਂ ਬਾਹਰ ਹੈ | ਜਦਕਿ ਬਾਕੀ ਦੋ ਜ਼ਖ਼ਮੀਆਂ ਨੂੰ ਹਸਪਤਾਲ 'ਚੋਂ ਛੁੱਟੀ ਮਿਲ ਚੁੱਕੀ ਹੈ | ਪੁਲਿਸ ਨੇ ਇਸ ਮਾਮਲੇ 'ਚ ਕਈ ਥਾਵਾਂ 'ਤੇ ਛਾਪੇਮਾਰੀ ਕੀਤੀ ਹੈ | ਯੂ. ਕੇ. ਦੀ ਗ੍ਰਹਿ ਮੰਤਰੀ ਨੇ ਅੱਤਵਾਦ ਦੇ ਮਾਮਲਿਆਂ 'ਚ ਗਿ੍ਫ਼ਤਾਰ ਲੋਕਾਂ ਦੀ ਜਲਦੀ ਰਿਹਾਈ ਬਾਰੇ ਕਿਹਾ ਹੈ ਕਿ ਅੱਤਵਾਦੀ ਅੱਧੀ ਸਜ਼ਾ ਭੁਗਤ ਕੇ ਆਪਣੇ ਆਪ ਰਿਹਾਅ ਹੋ ਜਾਂਦੇ ਹਨ | ਅਸੀਂ ਇਸ ਬਾਰੇ 6 ਮਹੀਨਿਆਂ ਤੋਂ ਕੰਮ ਕਰ ਰਹੇ ਹਾਂ | ਅੱਤਵਾਦੀਆਂ ਨਾਲ ਨਜਿੱਠਣ ਲਈ ਨਵਾਂ ਕਾਨੂੰਨ ਲਿਆ ਰਹੇ ਹਾਂ | ਕਾਨੂੰਨੀ ਚੋਰ ਮੋਰੀਆਂ ਨੂੰ ਖ਼ਤਮ ਕਰਨ ਲਈ ਅਗਲੇ 100 ਦਿਨਾਂ 'ਚ ਨਵਾਂ ਕਾਨੂੰਨ ਲਿਆਂਦਾ ਜਾ ਰਿਹਾ ਹੈ |
ਸੁਦੇਸ਼ ਅਮਾਨ ਜਿਸ ਕਾਨੂੰਨ ਤਹਿਤ ਰਿਹਾਅ ਹੋਇਆ ਸੀ ਉਹ ਸਾਬਕਾ ਪ੍ਰਧਾਨ ਮੰਤਰੀ ਟੋਨੀ ਬਲੇਅਰ ਅਤੇ ਗੋਰਡਨ ਬਰਾਊਨ ਦੀਆਂ ਸਰਕਾਰਾਂ ਮੌਕੇ ਪਾਸ ਹੋਇਆ ਸੀ | ਪ੍ਰੀਤੀ ਪਟੇਲ ਨੇ ਕਿਹਾ ਕਿ ਸੁਦੇਸ਼ ਅਮਾਨ ਅਤੇ ਇਸ ਤੋਂ ਪਹਿਲਾਂ ਅਜਿਹਾ ਹਮਲਾ ਕਰਨ ਵਾਲਾ ਉਸਮਾਨ ਖ਼ਾਨ ਕਿਸੇ ਦੇ ਸਾਹਮਣਾ ਨਹੀਂ ਹੋਣਾ ਚਾਹੀਦਾ ਸੀ, ਉਹ ਪੈਰੋਲ ਬੋਰਡ ਰਾਹੀਂ ਨਹੀਂ ਗਿਆ, ਉਸ ਬਾਰੇ ਜ਼ਰੂਰੀ ਗੱਲਾਂ ਨੂੰ ਨਹੀਂ ਵਿਚਾਰਿਆ ਗਿਆ, ਇਨ੍ਹਾਂ ਦੋਵਾਂ ਨੂੰ ਰਿਹਾਅ ਕਰਨ ਤੋਂ ਪਹਿਲਾਂ ਨਹੀਂ ਵੇਖਿਆ ਗਿਆ ਕਿ ਉਹ ਰਿਹਾਅ ਹੋਣ ਯੋਗ ਹਨ ਜਾਂ ਨਹੀਂ | ਪ੍ਰੀਤੀ ਪਟੇਲ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਵੀ ਉਸ ਦੇ ਵਿਚਾਰਾਂ ਨਾਲ ਸਹਿਮਤ ਹਨ, ਅਸੀਂ ਇਹ ਸਭ ਬੰਦ ਕਰਨ ਜਾ ਰਹੇ ਹਾਂ ਕਿ ਬਿਨਾਂ ਕਿਸੇ ਜਾਂਚ ਪੜਤਾਲ ਦੇ ਕੋਈ ਵੀ ਆਪਣੇ ਆਪ ਰਿਹਾਅ ਨਾ ਹੋਵੇ | ਅਮਾਨ ਦੇ ਮਾਤਾ-ਪਿਤਾ ਨੇ ਕਿਹਾ ਹੈ ਕਿ ਉਹ ਇਕ ਸ਼ਾਂਤ ਸੁਭਾਅ ਵਾਲਾ ਬੱਚਾ ਸੀ, ਜਿਸ ਨੂੰ ਗੁੰਮਰਾਹ ਕੀਤਾ ਗਿਆ | 2018 'ਚ ਅਮਾਨ ਨੇ ਆਪਣੀ ਦੋਸਤ ਨੂੰ ਆਪਣੇ ਮਾਤਾ-ਪਿਤਾ ਦਾ ਸਿਰ ਕਲਮ ਕਰਨ ਲਈ ਕਿਹਾ ਸੀ ਕਿਉਂਕਿ ਉਹ ਕਾਫ਼ਰ ਸਨ | ਜਨਵਰੀ 2020 'ਚ ਉਸ ਨੇ ਇਕ ਪਰਿਵਾਰਕ ਵਟਸਅੱਪ 'ਤੇ ਇਤਰਾਜ਼ਯੋਗ ਸਮਗਰੀ ਸਾਂਝੀ ਕੀਤੀ ਸੀ |