ਯੁ.ਕੇ.

ਹਸਪਤਾਲ ਬਨਾਮ ਰੱਬ ਦਾ ਘਰ!

ਸੰਸਾਰ ਵਿੱਚ ਫੈਲੇ ਨਾਮੁਰਾਦ ਰੋਗ ਕੋਰੋਨਾ ਵਾਇਰਸ ਨੇ ਜਿਥੇ ਸਮੁੱਚੇ ਸੰਸਾਰ  ਖਾਸ ਕਰਕੇ ਭਾਰਤ ਦੇ ਲੋਕਾਂ ਨੂੰ ਆਪਣੇ ਦਿਮਾਗ ਉਪਰ ਪਏ ਅੰਧਵਿਸ਼ਵਾਸਾਂ ਅਤੇ ਵਹਿਮਾਂ ਭਰਮਾਂ ਦੇ ਪਰਦੇ ਨੂੰ ਉਤਾਰ ਕੇ ਵਿਗਿਆਨਿਕ ਸੋਚ ਦੇ ਧਾਰਨੀ ਬਣਨ ਲਈ ਜਾਗਰੂਕ ਕੀਤਾ ਹੈ, ਉਥੇ ਮਨੁੱਖ ਦੁਆਰਾ ਬਣਾਏ ਰੱਬ ਦੇ ਘਰਾਂ ਪ੍ਰਤੀ  ਅੰਨ੍ਹੀ ਸ਼ਰਧਾ ਨੂੰ ਵੀ ਝੰਜੋੜ ਕੇ ਰੱਖ ਦਿੱਤਾ ਹੈ। ਅਸੀਂ ' ਧਰਮ ਨੂੰ ਖਤਰਾ' ਦੀ ਆੜ ਹੇਠ ਸੜਕਾਂ, ਪੁੱਲਾਂ ਦੇ ਉਤੇ /ਥੱਲੇ, ਸਰਕਾਰੀ ਪਾਰਕਾਂ, ਸਰਕਾਰੀ ਜਮੀਨਾਂ ਅਤੇ ਝਗੜੇ ਵਾਲੀਆਂ ਥਾਵਾਂ 'ਤੇ ਰਾਤੋ-ਰਾਤ ਰੱਬ ਦਾ ਘਰ ਉਸਾਰ ਕੇ ਬੈਠ ਜਾਂਦੇ ਹਨ। ਰੱਬ ਦਾ ਘਰ ਉਸਾਰਨ 'ਤੇ ਰੋਕਣ ਲਈ ਆਮ ਅਤੇ ਪੁਲਿਸ ਪ੍ਰਸ਼ਾਸ਼ਨ ਚੁੱਪੀ ਧਾਰ ਲੈਂਦਾ ਹੈ। ਥਾਂ ਥਾਂ 'ਤੇ ਰੱਬ ਦਾ ਘਰ ਉਸਾਰਨ ਪਿਛੇ ਦੇਸ਼ ਦੇ ਨੇਤਾਵਾਂ ਅਤੇ ਸ਼ੈਤਾਨ ਲੋਕਾਂ ਦਾ ਹੱਥ ਹੁੰਦਾ ਹੈ, ਜਿਹੜੇ ਲੋਕਾਂ ਨੂੰ ਧਰਮ ਅਤੇ ਰੱਬ ਦੇ ਨਾਉਂ 'ਤੇ ਉਲਝਾਕੇ ਆਪਣਾ ਉੱਲੂ ਸਿੱਧਾ ਰੱਖਦੇ ਹਨ।

ਖੈਰ, ਗੱਲ ਕੋਰੋਨਾ ਵਾਇਰਸ ਦੀ ਚੱਲ ਰਹੀ ਹੈ ਕਿ ਜਿਹੜੇ ਰੱਬ ਦੇ ਘਰਾਂ ਵਿਚ ਜਾ ਕੇ ਅਸੀਂ ਆਪਣੀ ਅਤੇ ਆਪਣੇ ਪਰਿਵਾਰ ਲਈ ਸਰੀਰਕ ਅਤੇ ਮਾਨਸਿਕ ਸਿਹਤਮੰਦੀ ਅਤੇ ਲੰਬੀ ਉਮਰ ਦੀ ਕਾਮਨਾ ਕਰਦੇ ਹਾਂ, ਅੱਜ ਉਨ੍ਹਾਂ ਰੱਬ ਦੇ ਘਰਾਂ ਨੂੰ ਕੋਰੋਨਾ ਨੇ ਤਾਲੇ ਲਗਵਾ ਕੇ ਰੱਖ ਦਿੱਤੇ ਹਨ। ਰੱਬ ਦੇ ਘਰਾਂ ਵਿਚ ਪਈਆਂ ਮੂਰਤੀਆਂ ਦੇ ਮੂੰਹਾਂ ਉਪਰ ਵੀ ਪੱਟੀਆਂ ਬੰਨ੍ਹ ਕੇ ਰੱਖ ਦਿੱਤੀਆਂ ਹਨ, ਉਹ ਤਾਂ ਪਹਿਲਾਂ ਵੀ ਚੁੱਪ ਹੀ ਸਨ।

ਰੱਬ ਦੇ ਘਰਾਂ ਵਿਚ ਬੈਠੇ ਰੱਬ ਨੂੰ ਮਿਲਾਉਣ ਵਾਲੇ ਵੀ ਆਪਣੇ ਭਗਤਾਂ ਨੂੰ ਦੂਰ ਹੋ ਗੱਲ ਕਰਨ ਲਈ ਆਖ ਰਹੇ ਹਨ। 

ਸਾਡੇ ਦੇਸ਼ ਵਿਚ ਇਸ ਵੇਲੇ ਜਿੰਨੇ ਰੱਬ ਦੇ ਘਰ ਹਨ, ਦੇ ਮੁਕਾਬਲੇ ਹਸਪਤਾਲਾਂ ਦੀ ਗਿਣਤੀ ਆਟੇ ਵਿਚ ਲੂਣ ਸਮਾਨ ਵੀ ਨਹੀਂ। ਅੱਜ ਦੇਸ਼ ਦੇ ਲੋਕਾਂ ਦਾ ਮੂੰਹ ਰੱਬ ਦੇ ਘਰਾਂ ਵਲ ਨਹੀਂ ਬਲਕਿ ਹਸਪਤਾਲਾਂ ਵਲ ਹੈ। ਅੱਜ ਦੇਸ਼ ਦੇ ਲੋਕ ਇਸ ਗੱਲ ਨੂੰ ਲੈ ਕੇ ਸੋਚਣ ਲਈ ਮਜਬੂਰ ਹਨ ਕਿ ਦੇਸ਼ ਨੂੰ ਰੱਬ ਦੇ ਘਰਾਂ ਦੀ ਨਹੀਂ ਬਲਕਿ ਹਸਪਤਾਲਾਂ ਦੀ ਲੋੜ ਹੈ। ਸਮਾਜ ਦੇ ਉਹ ਲੋਕ ਜਿਹੜੇ ਬੇਈਮਾਨੀ ਨਾਲ ਪੈਸੇ ਕਮਾਉਂਦੇ ਹਨ, ਉਹ ਰੱਬ ਨੂੰ ਖੁਸ਼ ਕਰਨ ਲਈ ਬੇਈਮਾਨੀ ਨਾਲ ਕੀਤੀ ਕਮਾਈ ਦਾ ਕੁੱਝ ਹਿੱਸਾ ਜਾਂ ਦਸਵੰਧ ਹਸਪਤਾਲਾਂ/ਸਕੂਲਾਂ ਉਪਰ ਖਰਚ ਕਰਨ ਦੀ ਬਜਾਏ ਰੱਬ ਦੇ ਘਰ ਨੂੰ ਦਾਨ ਕਰ ਕੇ ਖੁਸ਼ ਹੋ ਜਾਂਦੇ ਹਨ, ਪਰ ਅੱਜ ਉਨ੍ਹਾਂ ਲੋਕਾਂ ਨੂੰ ਵੀ ਗਿਆਨ ਹੋ ਜਾਣਾ ਚਾਹੀਦਾ ਹੈ ਕਿ ਦੇਸ਼ ਵਿਚ ਰੱਬ ਦੇ ਘਰਾਂ ਦੀ ਬਜਾਏ ਹਸਪਤਾਲਾਂ ਦੀ ਲੋੜ ਹੈ। ਅੱਜ ਕੋਰੋਨਾ ਵਾਇਰਸ ਤੋਂ ਬਚਾਉਣ ਲਈ ਡਾਕਟਰ ਅਤੇ ਨਰਸਾਂ ਅੱਗੇ ਆਏ ਹਨ, ਰੱਬ ਨਾਲ ਗੱਲਾਂ ਕਰਵਾਉਣ ਵਾਲੇ ਸਾਰੇ ਭਗਤ ਖੁਦ ਆਪਣੀ ਖੈਰ ਲੱਭਦੇ ਹੋਏ ਆਮ ਲੋਕਾਂ ਤੋਂ ਬੇਮੁੱਖ ਹੋ ਗਏ ਹਨ। ਰੱਬ ਦਾ ਘਰ ਪਾਖੰਡੀਆਂ ਵਲੋਂ ਲੋਕਾਂ ਨੂੰ ਮੂਰਖ ਬਣਾ ਕੇ  ਲੁੱਟਣ ਦਾ ਇਕ ਵੱਡਾ ਸਾਧਨ ਹੈ। ਅੱਜ ਸਾਡੀ ਜਾਨ ਬਚਾਉਣ ਲਈ 'ਰੱਬ ਦਾ ਘਰ' ਨਹੀਂ ਬਲਕਿ ਡਾਕਟਰੀ-ਵਿਗਿਆਨ ਦੇ ਅਧਾਰਿਤ ਸਥਾਪਿਤ 'ਹਸਪਤਾਲ' ਹੀ ਕੰਮ ਆ ਰਹੇ ਹਨ।

-ਸੁਖਦੇਵ ਸਲੇਮਪੁਰੀ

09780620233

ਇਸ ਵੇਲੇ ਭਾਰਤ ਸਰਕਾਰ ਇਸ ਗੱਲ ਨੂੰ ਲੈ ਕੇ ਬਹੁਤ ਚਿੰਤਤ ਹੈ ਕਿ ਦੇਸ਼ ਵਿਚ ਵਿਲੱਖਣ ਮਹਾਨਤਾ ਪ੍ਰਾਪਤ ਨਦੀ ਗੰਗਾ  ਦੀ ਸਫਾਈ ਹੋ ਜਾਵੇ ਤਾਂ ਜੋ ਇਸ ਨਦੀ ਦੀ ਪਵਿੱਤਰਤਾ ਬਹਾਲ ਰੱਖੀ ਜਾ ਸਕੇ। ਇਸ ਸਾਲ ਦੇ ਪਹਿਲੇ ਮਹੀਨੇ ਹੋਈਆਂ ਦਿੱਲੀ ਚੋਣਾਂ ਦੌਰਾਨ ਸਾਰੀਆਂ ਸਿਆਸੀ ਪਾਰਟੀਆਂ ਵਲੋਂ ਇਸ ਨਦੀ ਦੀ ਸਫਾਈ ਨੂੰ ਲੈ ਕੇ ਇੱਕ ਦੂਜੇ ਉਪਰ ਸ਼ਬਦੀ ਹਮਲੇ ਵੀ ਕੀਤੇ ਗਏ। ਦੇਸ਼ ਦੇ ਬੁੱਧੀਜੀਵੀਆਂ ਦਾ ਕਹਿਣਾ ਹੈ ਕਿ ਗੰਗਾ ਦੀ ਸਫਾਈ ਨੂੰ ਲੈ ਕੇ ਬਹੁਤ ਪ੍ਰਚਾਰ ਕੀਤਾ ਜਾ ਰਿਹਾ ਹੈ, ਪਰ ਸਫਾਈ ਕਦੋਂ ਹੋਵੇਗੀ ਦੇ ਬਾਰੇ ਅਜੇ ਸਪੱਸ਼ਟ ਨਹੀਂ ਹੈ, ਪਰ  ਦੇਸ਼ ਦੀਆਂ  ਬੈਂਕਾਂ ਵਿਚ ਸਫਾਈ ਦਾ ਕੰਮ ਪੂਰੇ ਜੋਰਾਂ ਸ਼ੋਰਾਂ ਨਾਲ ਤੇਜ ਗਤੀ ਨਾਲ ਨਿਰੰਤਰ ਜਾਰੀ ਹੈ। ਦੇਸ਼ ਦੇ  ਬੁੱਧੀਜੀਵੀ ਵਰਗ ਦਾ ਕਹਿਣਾ ਹੈ ਕਿ ਪਵਿੱਤਰ ਗੰਗਾ ਦੀ ਸਫਾਈ ਹੋਵੇ ਜਾਂ ਨਾ ਹੋਵੇ, ਪਰ ਉਸ ਨਾਲੋਂ ਪਹਿਲਾਂ ਦੇਸ਼ ਦੀਆਂ ਬੈਂਕਾਂ ਵਿਚ ਪਏ ਗੰਦੇ, ਫਟੇ ਪੁਰਾਣੇ ਅਤੇ ਗਲਤ ਢੰਗ ਤਰੀਕਿਆਂ ਨਾਲ ਕਮਾ ਕੇ ਜਮਾਂ ਕਰਵਾਏ ਨੋਟਾਂ ਦੀ ਸਫਾਈ ਪੱਕੀ ਹੈ। ਕੁਝ ਲੋਕਾਂ ਦਾ ਇਹ ਵੀ ਕਹਿਣਾ ਹੈ ਕਿ ਲੁਧਿਆਣਾ ਸ਼ਹਿਰ ਵਿੱਚੋਂ ਦੀ ਵਹਿੰਦੇ ਬੁੱਢਾ ਦਰਿਆ ਦੀ ਸਫਾਈ ਨੂੰ ਲੈ ਕੇ ਵੀ ਗੰਗਾ ਦੀ ਸਫਾਈ ਦੀ ਤਰ੍ਹਾਂ ਬਹੁਤ ਉੱਚੀ ਉੱਚੀ ਰੌਲਾ ਪਾਇਆ ਜਾ ਰਿਹਾ ਹੈ, ਜਿਸ ਕਰਕੇ ਕਈ ਦਹਾਕਿਆਂ ਤੋਂ ਸਫਾਈ ਦਾ ਕੰਮ  ਜਾਰੀ ਹੈ, ਪੂਰਾ ਨਹੀਂ ਹੋ ਸਕਿਆ, ਪਰ ਇਸ ਦੇ ਐਨ ਉਲਟ ਬੈਕਾਂ ਦੀ ਸਫਾਈ ਦਾ ਕੰਮ ਬਹੁਤ ਹੀ ਸ਼ਾਂਤਮਈ ਢੰਗ ਨਾਲ ਬਿਨਾਂ ਕਿਸੇ ਕਾਂਵਾਂ ਰੌਲੀ ਤੋਂ ਬਹੁਤ ਹੀ ਸੁਲਝੀ ਹੋਈ ਵਿਉਂਤਬੰਦੀ ਨਾਲ ਸਫਲਤਾਪੂਰਵਕ ਆਪਣੀ ਗਤੀ  ਨਾਲ ਆਪਣੀ ਮੰਜ਼ਿਲ ਵੱਲ ਵਧ  ਰਿਹਾ ਹੈ । 

ਬੁਧੀਜੀਵੀਆਂ ਦਾ ਕਹਿਣਾ ਹੈ ਕਿ ਆਪਣੇ ਹੱਥਾਂ ਨੂੰ ਬਿਨਾਂ ਗੰਦੇ ਹੋਣ ਤੋਂ ਬਚਾਉਂਦਿਆਂ ਅਤੇ ਹੱਥ ਦੀ ਸਫਾਈ ਵਿਖਾਉਂਦਿਆਂ  ਸਤਿਕਾਰਯੋਗ ਵਿਜੇ ਮਾਲਿਆ ਜੀ, ਸਤਿਕਾਰਯੋਗ ਨੀਰਵ ਮੋਦੀ ਜੀ  ਸਤਿਕਾਰਯੋਗ ਮੇਹੁਲ ਚੌਕਸੀ  ਅਤੇ ਸਤਿਕਾਰਯੋਗ ਰਾਣਾ ਕਪੂਰ ਸਮੇਤ ਲਗਭਗ 30 ਦੇ ਕਰੀਬ ਵੱਖ ਵੱਖ ਸਖਸ਼ੀਅਤਾਂ ਹਨ, ਜਿਨ੍ਹਾਂ ਵਲੋਂ  ਬੈਂਕਾਂ ਦੀ ਸਫਲਤਾਪੂਰਵਕ ਵਿਉਂਤਬੰਦੀ ਨਾਲ ਸਫਾਈ ਕਰਕੇ ਵਿਖਾਉਂਦਿਆਂ ਨਵਾਂ ਰਿਕਾਰਡ ਬਣਾਇਆ ਹੈ ਅਤੇ ਲਗਭਗ 10 ਲੱਖ ਕਰੋੜ ਰੁਪਏ ਜੋ ਵੱਖ ਬੈਂਕਾਂ ਦੇ ਲਾਕਰਾਂ ਵਿਚ ਪਏ ਵਾਧੂ ਭਾਰ ਬਣੇ ਹੋਏ ਸਨ, ਦੀ ਸਫਾਈ ਕਰਕੇ ਦੇਸ਼ ਦੇ ਵੱਡੇ ਅਤੇ ਸੱਚੇ ਸੁੱਚੇ ਦੇਸ਼ ਭਗਤ ਬਣਨ ਦਾ ਮਾਣ ਪ੍ਰਾਪਤ ਕੀਤਾ ਹੈ।  ਦੇਸ਼ ਦੇ ਲੋਕਾਂ ਦੀ ਸਮੂਹਿਕ ਮੰਗ ਹੈ ਕਿ ਇੰਨਾ ਦੇਸ਼ ਭਗਤਾਂ ਨੂੰ ਦੇਸ਼ ਦਾ ਸਰਵਸ੍ਰੇਸ਼ਠ ਪੁਰਸਕਾਰ 'ਭਾਰਤ ਰਤਨ' ਦੇ ਕੇ ਸਨਮਾਨਿਤ ਕੀਤਾ ਜਾਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਹੋਰ ਵੀ ਜਿਹੜੀਆਂ ਜਿਹੜੀਆਂ ਸਤਿਕਾਰਤ ਸਖਸ਼ੀਅਤਾਂ ਬੈਂਕਾਂ ਦੀ ਸਫਾਈ ਦੇ ਕਾਰਜ ਵਿਚ ਸੇਵਾਵਾਂ ਨਿਭਾਅ ਰਹੀਆਂ ਹਨ, ਨੂੰ ਕੌਮੀ ਪੁਰਸਕਾਰ ਦੇ ਕੇ ਸਨਮਾਨਿਤ ਕਰਨਾ ਬਹੁਤ ਜਰੂਰੀ ਹੈ ਤਾਂ ਜੋ ਆਉਣ ਵਾਲੀਆਂ ਪੀੜ੍ਹੀਆਂ ਉਨ੍ਹਾਂ ਤੋਂ ਸੇਧ ਲੈ ਕੇ ਦੇਸ਼ ਦੀਆਂ ਸਮੂਹ ਬੈਂਕਾਂ, ਬੀਮਾ ਕੰਪਨੀਆਂ ਅਤੇ ਵਿੱਤੀ ਅਦਾਰਿਆਂ ਦੀ ਸਫਾਈ ਦਾ ਸ਼ੁਭ ਕਾਰਜ ਨਿਰੰਤਰ ਜਾਰੀ ਰੱਖ ਸਕਣ। 

ਕੁੱਝ ਲੋਕਾਂ ਦਾ ਇਹ ਵੀ ਸੁਝਾਅ ਹੈ ਕਿ ਪਿਛਲੇ ਕਈ ਦਹਾਕਿਆਂ ਤੋਂ ਗੰਗਾ ਅਤੇ ਲੁਧਿਆਣਾ ਸ਼ਹਿਰ ਦੇ ਵਿਚੋਂ ਦੀ ਵਹਿੰਦੇ ਬੁੱਢਾ ਦਰਿਆ ਦੀ ਸਫਾਈ ਨੂੰ ਲੈ ਕੇ  ਜਿਹੜੀਆਂ ਸਤਿਕਾਰਯੋਗ ਸਖਸ਼ੀਅਤਾਂ  ਸੇਵਾਵਾਂ ਨਿਭਾਅ ਰਹੀਆਂ ਹਨ ਹਨ ਜਾਂ ਨਿਭਾਅ ਚੁੱਕੀਆਂ ਹਨ, ਨੂੰ ਵੀ ਕੌਮੀ ਪੱਧਰ  ਜਾਂ ਫਿਰ ਰਾਜ ਪੱਧਰ 'ਤੇ ਜਰੂਰ ਸਨਮਾਨਿਤ ਕੀਤਾ ਜਾਣਾ ਚਾਹੀਦਾ ਹੈ, ਕਿਉਂਕਿ ਗੰਗਾ ਅਤੇ ਬੁੱਢਾ ਦਰਿਆ ਵਿਚ ਪਈ ਗੰਦਗੀ ਦੀ ਸਫਾਈ ਕਰਨਾ ਵੀ ਹਿਮਾਲਾ ਪਰਬਤ ਨੂੰ ਸਰ ਕਰਨ ਤੋਂ ਘੱਟ ਨਹੀਂ ਹੈ।

ਅੰਗਿਆਰ
ਕਾਸ਼
ਜੇ ਆ ਜਾਂਦਾ,
ਉਹ
ਰਾਹ ਵਿੱਚ ਆਏ
ਤੁਫਾਨਾਂ ਨੂੰ,
ਚੀਰ ਕੇ।
 ਜਾਂ ਫਿਰ
ਪਹਾੜਾਂ ਤੇ
ਨਦੀਆਂ ਨੂੰ ਪਾਰ
ਕਰਦਾ ਹੋਇਆ।
ਸਮੁੰਦਰੀ ਪਾਣੀਆਂ
ਨੂੰ ਤੈਰਦੇ ਹੋਏ,
ਅੱਗ ਦਾ ਦਰਿਆ,
ਕਰ ਲੈਂਦਾ ਪਾਰ।
ਪਹੁੰਚ ਜਾਂਦਾ
ਇੱਕ ਵੇਰ,
ਉਸ ਮੰਜ਼ਿਲ ਤੇ।
ਜਿੱਥੇ ਉਡੀਕ ਸੀ
ਉਹਦੇ
ਆਉਣ ਦੀ।
ਬੈਠੇ ਸੀ ਵਿਛਾ
ਕੇ ਅੱਖਾਂ।
ਨਹੀਂ ਪਹੁੰਚ ਸਕਿਆ
ਗੁਲ ਬਣ ਕੇ,
ਨਾ ਹੀ ਬਾਗਾਂ ਦਾ,
ਫੁੱਲ ਬਣਕੇ।
ਸੋਚਦੇ ਸੀ,
ਸ਼ਾਇਦ
ਮਾਰੂਥਲ ਦੇ ਰੇਤੇ,
ਖਾ ਗਏ।
ਜਾਂ ਫਿਰ,
ਨਿਗਲ ਗਏ
ਬੰਜਰ ਦਿਲ ਦੀ,
ਧਰਤੀ ਤੇ
ਸੋਚਾਂ ਦੇ ਜਲਦੇ ਹੋਏ
ਭਾਬੜਾਂ ਦੇ,
ਅੰਗਿਆਰ।

✍️ਜਸਵੰਤ ਕੌਰ ਬੈਂਸ
 

ਕੋਰੋਨਾ ਵਾਇਰਸ ਬਨਾਮ ਸਾਧ ਤੇ ਵਪਾਰੀ 

ਦੋਸਤੋ! ਇਸ ਵਿਚ ਕੋਈ ਸ਼ੱਕ ਨਹੀਂ ਹੈ ਕਿ ਅੱਜ ਭਾਰਤ ਸਮੇਤ ਸਮੁੱਚੇ ਸੰਸਾਰ ਵਿੱਚ ਨਾ ਮੁਰਾਦ ਬਿਮਾਰੀ ਕੋਰੋਨਾ ਵਾਇਰਸ ਦੇ ਕਾਲੇ ਬੱਦਲ ਮੰਡਰਾ ਰਹੇ ਹਨ। ਸਾਰੇ ਦੇਸ਼ਾਂ ਵਿਚ ਇਸ ਬਿਮਾਰੀ ਨਾਲ ਨਜਿੱਠਣ  ਲਈ ਉਥੋਂ ਦੀਆਂ ਸਰਕਾਰਾਂ ਅਤੇ ਡਾਕਟਰਾਂ ਵਲੋਂ ਡਾਕਟਰੀ ਸੇਵਾਵਾਂ ਦੇ ਨਾਲ ਨਾਲ ਅਗਾਊਂ ਬਚਾਅ ਸਬੰਧੀ ਜਾਗਰੂਕ ਕੀਤਾ ਜਾ ਰਿਹਾ ਹੈ। ਭਾਰਤ ਵਿਚ ਵੀ ਕੇਂਦਰ ਸਰਕਾਰ ਤੋਂ ਇਲਾਵਾ ਸੂਬਾ ਸਰਕਾਰਾਂ ਵਲੋਂ ਇਸ ਬਿਮਾਰੀ ਤੋਂ ਬਚਾਓ ਲਈ ਹਰ ਸੰਭਵ ਯਤਨ ਜੁਟਾਏ ਜਾ ਰਹੇ ਹਨ, ਪਰ ਇਸ ਦੇ ਨਾਲ ਨਾਲ ਸਾਡੇ ਦੇਸ਼ ਵਿਚ ਦੋ ਵਰਗ ਜਿਸ ਵਿਚ ਪਾਖੰਡੀ ਸਾਧ ਅਤੇ ਵਪਾਰੀ ਸ਼ਾਮਲ ਹਨ, ਲੋਕਾਂ ਦੀ ਮਜਬੂਰੀ ਦਾ ਫਾਇਦਾ ਉਠਾਉਣ ਲਈ ਸਰਗਰਮ ਹੋ ਰਹੇ ਹਨ। ਲਾਲਚਵੱਸ ਵਪਾਰੀਆਂ ਨੇ ' ਦਵਾਈਆਂ ਖਤਮ' ਦੇ ਨਾਉਂ ਹੇਠ ਕੀਮਤਾਂ ਵਿਚ ਕਈ ਸੈਂਕੜੇ, ਹਜਾਰ ਫੀਸਦੀ ਵਾਧਾ ਕਰਕੇ ਲੁੱਟ ਖਸੁੱਟ ਸ਼ੁਰੂ ਕਰ ਦਿੱਤੀ ਹੈ ਜਦੋਂਕਿ ਇਸ ਦੇ ਨਾਲ ਨਾਲ ਸਾਡਾ ਰੱਬ ਬਣ ਕੇ ਬੈਠੇ ਪਾਖੰਡੀ ਸਾਧਾਂ ਨੇ ਇਸ ਵਾਇਰਸ ਤੋਂ ਬਚਾਓ ਅਤੇ ਇਲਾਜ ਲਈ ਧਾਗੇ-ਤਵੀਤਾਂ ਦੀ ਦੁਕਾਨਦਾਰੀ ਸ਼ੁਰੂ ਕਰ ਦੇਣੀ ਹੈ, ਕਿਸੇ ਇਲਾਕੇ ਵਿਚ ਮੋਰ ਦੇ ਖੰਭਾਂ ਨਾਲ, ਕਿਤੇ ਪਹਾੜੀ ਮਿੱਟੀ ਨਾਲ, ਕਿਤੇ ਖੂਹ/ਨਲਕੇ/ਛੱਪੜ ਦੇ ਪਾਣੀ ਨਾਲ ਇਲਾਜ ਸ਼ੁਰੂ ਹੋਣ ਵਾਲਾ ਹੈ। ਦਰਿਆਵਾਂ /ਨਹਿਰਾਂ ਵਿਚ ਨਾਰੀਅਲ ਛੱਡੇ ਜਾਣਗੇ, ਚੌਰਾਹਿਆਂ ਵਿਚ ਟੂਣੇ ਕੀਤੇ ਜਾਣਗੇ, ਮੁਰਗਿਆਂ /ਬੱਕਰਿਆਂ ਦੀ ਬਲੀਆਂ ਦਿੱਤੀਆਂ ਜਾਣਗੀਆਂ। ਸਾਧ ਇਸ ਵਾਇਰਸ ਨੂੰ ਕੁਦਰਤ ਦੀ ਕਰੋਪੀ, ਕਿਸੇ ਕਾਲਪਨਿਕ ਦੇਵਤੇ ਦਾ ਕ੍ਰੋਧ ਦੱਸ ਕੇ ਤਰ੍ਹਾਂ ਤਰ੍ਹਾਂ ਦੇ ਮਹਿੰਗੇ ਉਪਾਅ ਦੱਸਕੇ ਕਮਾਈ ਕਰਨਗੇ।

ਮੇਰੇ ਦੋਸਤੋ!

ਸਾਵਧਾਨ ਰਹਿਣਾ ਮੌਕੇ ਦਾ ਫਾਇਦਾ ਉਠਾਉਣ ਵਾਲੇ ਵਪਾਰੀਆਂ ਅਤੇ ਪਾਖੰਡੀ ਸਾਧਾਂ ਤੋਂ। ਆਪਣੇ ਦਿਮਾਗ ਦੀ ਵਰਤੋਂ ਕਰਨਾ, ਵਿਗਿਆਨਿਕ ਸੋਚ ਰੱਖਣਾ ਅਤੇ ਤਰਕ ਦੇ ਅਧਾਰਿਤ ਗੱਲ ਕਰਕੇ ਸੰਭਾਵੀ ਮਾੜੀ ਸਥਿਤੀ ਨਾਲ ਨਜਿੱਠਣ ਲਈ  ਹੌਂਸਲਾ ਬੁਲੰਦ ਰੱਖਣਾ, ਡਾਕਟਰ ਦੀ ਸਲਾਹ ਲੈਣ ਤੋਂ ਕੰਨੀ ਨਹੀਂ ਕਤਰਾਉਣੀ ਜਦਕਿ ਪਾਖੰਡੀ ਸਾਧਾਂ ਅਤੇ ਵਪਾਰੀਆਂ ਤੋਂ ਸਾਵਧਾਨ ਰਹਿਣਾ ਜਿਹੜੇ ਹਮੇਸ਼ਾ ਲੋਕਾਂ ਦੀ ਮਜਬੂਰੀ ਦਾ ਫਾਇਦਾ ਉਠਾਉਣ ਦੀ ਤਾਕ ਵਿਚ ਰਹਿੰਦੇ ਹਨ। 

ਧੰਨਵਾਦ ਸਹਿਤ

 ✍️ਸੁਖਦੇਵ ਸਲੇਮਪੁਰੀ

London,March 2020-(Amanjit Singh Khaira)-

As Parliament has formed after the 2019 General Election, MPs are now joining the new Select Committees.

After previously being member of the Housing, Communities and Local Government Select Committee, Tan Dhesi MP for Slough has been elected onto the Defence Select Committee. He becomes the first Black or Asian Minority MP to do so in its history.  

As a delegate member of NATO Parliamentary Assembly, the Armed Forces Parliamentary Scheme and the President of the National Sikh War Memorial Campaign, he has had strong involvement in defence issues since his election in 2017.

However, this will provide an opportunity for him to gain an even greater understanding of our Armed Forces and decisions made in Parliament regarding defence.

Tan Dhesi MP said:
“It is an honour to join the Defence Select Committee, after having been a member during the last 2 years of the Housing, Communities and Local Government Select Committee. I’m looking forward to learning more about our Armed Forces, to strengthen my understanding of our legislation surrounding defence and to make more informed decisions on this important issue.”

ਗਲਾਸਗੋ,ਮਾਰਚ 2020-(ਗਿਆਨੀ ਅਮਰੀਕ ਸਿੰਘ ਰਾਠੌਰ)-

 ਗਲਾਸਗੋ ਦੇ ਜਾਰਜ ਸਕੁਏਅਰ ਵਿਖੇ ਨਾਗਰਿਕਤਾ ਸੋਧ ਬਿੱਲ ਅਤੇ ਦਿੱਲੀ ਦੰਗਿਆਂ ਦੇ ਵਿਰੋਧ ਵਿਚ ਰੋਸ ਪ੍ਰਦਰਸ਼ਨ ਕੀਤਾ ਗਿਆ, ਜਿਸ ਦੀ ਅਗਵਾਈ ਕਾਮਰੇਡ ਪਰਮਜੀਤ ਬਾਸੀ ਨੇ ਕੀਤੀ | ਇਸ ਰੋਸ ਪ੍ਰਦਰਸ਼ਨ ਵਿਚ ਇੰਡੀਅਨ ਵਰਕਰ ਐਸੋਸੀਏਸ਼ਨ ਗਲਾਸਗੋ, ਪੰਜਾਬੀ ਸਾਹਿਤ ਸਭਾ ਗਲਾਸਗੋ, ਮਲਿਆਲੀ ਐਸੋਸੀਏਸ਼ਨ ਸਕਾਟਲੈਂਡ, ਡਾਕਟਰ ਅੰਬੇਡਕਰ ਮਿਸ਼ਨ ਸੁਸਾਇਟੀ ਸਕਾਟਲੈਂਡ, ਗੁਰੂ ਰਵਿਦਾਸ ਕਮੇਟੀ ਸਕਾਟਲੈਂਡ, ਕਮਿਊਨਿਸਟ ਪਾਰਟੀ ਸਕਾਟਲੈਂਡ ਆਦਿ ਦੇ ਨੁਮਾਇੰਦਿਆਂ ਨੇ ਹਿੱਸਾ ਲਿਆ | ਕਾਮਰੇਡ ਬਾਸੀ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਇਹ ਐਕਟ ਭਾਰਤੀ ਲੋਕ-ਤੰਤਰ, ਧਰਮ-ਨਿਰਪੱਖਤਾ ਅਤੇ ਸੰਘੀ ਢਾਂਚੇ ਉੱਪਰ ਸਿੱਧਾ ਹਮਲਾ ਹੈ | ਉਨ੍ਹਾਂ ਦਿੱਲੀ ਦੰਗਿਆਂ ਬਾਰੇ ਬੋਲਦੇ ਹੋਏ ਕਿਹਾ ਕਿ ਅਸੀਂ ਮੰਗ ਕਰਦੇ ਹਾਂ ਕਿ ਦੰਗੇ ਭੜਕਾਉਣ ਵਾਲੇ ਸ਼ਰਾਰਤੀ ਅਨਸਰਾਂ ਅਤੇ ਜਿਹੜੇ ਵੀ ਰਾਜਸੀ ਆਗੂਆਂ ਨੇ ਲੋਕਾਂ ਨੂੰ ਭੜਕਾਇਆ, ਉਨ੍ਹਾਂ ਨੂੰ ਜਲਦੀ ਤੋਂ ਜਲਦੀ ਫੜ੍ਹ ਕੇ ਸਖ਼ਤ ਸਜ਼ਾਵਾਂ ਦਿੱਤੀਆਂ ਜਾਣ ਤਾਂ ਜੋ ਮੁੜ ਕੇ ਚੁਰਾਸੀ ਜਾਂ ਗੋਧਰਾ ਕਾਂਡ ਵਰਗੇ ਕਤਲੇਆਮ ਨਾ ਵਾਪਰ ਸਕਣ | ਇਸ ਤੋਂ ਇਲਾਵਾ ਲੰਡਨ ਤੋਂ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ ਹਰਸੇਵ ਬੈਂਸ, ਸਕਾਟਿਸ਼ ਕਮਿਊਨਿਸਟ ਪਾਰਟੀ ਦੇ ਚੇਅਰਮੈਨ ਕੀਥ ਸਟੋਰਡਿੱਟ, ਪੰਜਾਬੀ ਇਤਿਹਾਸਕਾਰ ਡਾਕਟਰ ਸੁਰਜਿੰਦਰ ਸਿੰਘ, ਡਾਕਟਰ ਅਵਿਰਲ ਵਸਤਾ, ਜਸਮੀਤ ਬਿੰਦਰਾ, ਮੋਹਨ ਲਾਲ ਗਿੰਡਾ, ਇੰਦਰਜੀਤ ਲੀਡਰ, ਸੰਨੀ ਡੇਨੀਅਲ, ਤਰਲੋਚਨ ਮੁਠੱਡਾ, ਸਮਾਰਾ ਖਾਨ, ਹਰਜੀਤ ਦੁਸਾਂਝ ਅਦਿ ਨੇ ਸੰਬੋਧਨ ਕੀਤਾ |

ਲੰਡਨ,ਫ਼ਰਵਰੀ 2020-(ਗਿਆਨੀ ਅਮਰੀਕ ਸਿੰਘ ਰਾਠੌਰ/ਗਿਆਨੀ ਰਵਿਦਾਰਪਾਲ ਸਿੰਘ)- 

 ਬੀਤੇ ਵਰ੍ਹੇ ਦੇ ਸਰਕਾਰੀ ਅੰਕੜਿਆਂ ਅਨੁਸਾਰ ਯੂ. ਕੇ. ਇਕ ਵਾਰ ਫਿਰ ਸੈਰ ਸਪਾਟਾ ਅਤੇ ਸਿੱਖਿਆ ਦੇ ਖੇਤਰ 'ਚ ਵਿਦੇਸ਼ੀਆਂ ਨੂੰ ਲੁਭਾਉਣ ਵਿਚ ਕਾਮਯਾਬ ਹੋ ਰਿਹਾ ਹੈ | ਸਰਕਾਰ ਵਲੋਂ ਜਾਰੀ ਅੰਕੜਿਆਂ 'ਚ ਦੱਸਿਆ ਗਿਆ ਕਿ ਹੈ ਕਿ 2019 'ਚ 1460 ਲੱਖ ਯਾਤਰੀ (ਯੂ. ਕੇ. ਦੇ ਨਾਗਰਿਕਾਂ ਸਮੇਤ) ਯੂ. ਕੇ. ਦੇ ਹਵਾਈ ਅੱਡਿਆਂ, ਬੰਦਰਗਾਹਾਂ ਅਤੇ ਸੜਕੀ ਰਸਤਿਆਂ ਰਾਹੀਂ ਆਏ ਇਹ ਗਿਣਤੀ ਪਿਛਲੇ ਸਾਲ ਨਾਲੋਂ 2 ਫ਼ੀਸਦੀ ਵੱਧ ਰਹੀ | ਇਸ ਦੇ ਨਾਲ ਹੀ 32 ਲੱਖ ਲੋਕਾਂ ਨੂੰ ਯੂ. ਕੇ. ਨੇ ਵੀਜ਼ਾ ਦਿੱਤਾ ਜੋ ਪਿਛਲੇ ਸਾਲ ਨਾਲੋਂ 10 ਫ਼ੀਸਦੀ ਵੱਧ ਹੈ | ਜਿਨ੍ਹਾਂ 'ਚੋਂ 9 ਮਹੀਨਿਆਂ 'ਚ 76 ਫ਼ੀਸਦੀ ਨੇ ਯੂ. ਕੇ. ਦੀ ਯਾਤਰਾ ਕੀਤੀ, ਇਨ੍ਹਾਂ ਵਿਚ 9 ਫ਼ੀਸਦੀ ਵਿਦਿਆਰਥੀ (ਥੋੜ੍ਹੇ ਸਮੇਂ ਲਈ ਆਏ ਵਿਦਿਆਰਥੀ ਸ਼ਾਮਿਲ ਨਹੀਂ ਹਨ), 6 ਫ਼ੀਸਦੀ ਕੰਮ ਕਰਨ ਲਈ ਅਤੇ 2 ਫ਼ੀਸਦੀ ਪਰਿਵਾਰਕ ਕਾਰਨਾਂ ਨਾਲ ਸਬੰਧਿਤ ਹਨ | ਵਿਸ਼ਵ ਭਰ 'ਚੋਂ 28 ਲੱਖ ਲੋਕਾਂ ਨੇ ਯੂ. ਕੇ. ਲਈ ਵੀਜ਼ਾ ਅਰਜ਼ੀਆਂ ਦਿੱਤੀਆਂ, ਜਿਨ੍ਹਾਂ 'ਚੋਂ 24 ਲੱਖ ਵੀਜ਼ਾ ਦਿੱਤੇ ਗਏ, ਸਭ ਤੋਂ ਵੱਧ ਚੀਨੀਆਂ ਨੂੰ 642935 (ਪਿਛਲੇ ਸਾਲ ਨਾਲੋਂ 9 ਫ਼ੀਸਦੀ ਵੱਧ), ਭਾਰਤੀਆਂ ਨੂੰ 515026 (ਪਿਛਲੇ ਸਾਲ ਨਾਲੋਂ 8 ਫ਼ੀਸਦੀ ਵੱਧ), ਅਤੇ ਤੀਜੇ ਨੰਬਰ 'ਤੇ ਨਾਈਜੀਰੀਅਨ ਨੂੰ 89433 (ਪਿਛਲੇ ਸਾਲ ਨਾਲੋਂ 33 ਫ਼ੀਸਦੀ ਵੱਧ) ਵੀਜ਼ੇ ਜਾਰੀ ਕੀਤੇ ਗਏ | ਯੂ. ਕੇ. ਵਿਚ ਪੜ੍ਹਾਈ ਲਈ ਆਉਣ ਵਾਲੇ ਭਾਰਤੀ ਵਿਦਿਆਰਥੀਆਂ 'ਚ ਵੀ ਰਿਕਾਰਡ ਵਾਧਾ ਹੋਇਆ ਹੈ | ਅੰਕੜਿਆਂ ਅਨੁਸਾਰ ਟਿਯਰ 4 ਵਿਦਿਆਰਥੀ ਵੀਜ਼ਾ ਹਾਸਲ ਕਰਨ 'ਚ ਚੀਨ ਪਹਿਲੇ ਸਥਾਨ 'ਤੇ ਹੈ, 119972 ਚੀਨੀ ਵਿਦਿਆਰਥੀਆਂ ਨੂੰ ਯੂ. ਕੇ. ਦਾ ਵੀਜ਼ਾ ਮਿਲਿਆ ਜੋ ਬੀਤੇ ਵਰ੍ਹੇ ਤੋਂ 20 ਫ਼ੀਸਦੀ ਵੱਧ ਹੈ, ਦੂਜੇ ਨੰਬਰ ਤੇ ਭਾਰਤੀ ਵਿਦਿਆਰਥੀ ਹਨ ਜਿਨ੍ਹਾਂ ਦੀ ਗਿਣਤੀ 37540 ਹੈ ਜੋ ਬੀਤੇ ਵਰ੍ਹੇ ਤੋਂ 93 ਫ਼ੀਸਦੀ ਵੱਧ ਹੈ, 2018 ਵਿਚ 19497 ਭਾਰਤੀ ਵਿਦਿਆਰਥੀਆਂ ਨੇ ਯੂ. ਕੇ. ਦਾ ਵੀਜ਼ਾ ਹਾਸਲ ਕੀਤਾ ਸੀ, ਜਦਕਿ ਇਨ੍ਹਾਂ ਅੰਕੜਿਆਂ 'ਚ ਅਮਰੀਕਾ 14883 ਵਿਦਿਆਰਥੀ ਵੀਜ਼ਾ ਲੈਣ ਵਾਲਾ ਤੀਜੇ ਸਥਾਨ ਦਾ ਮੁਲਕ ਹੈ ਅਤੇ ਜੋ ਪਿਛਲੇ ਸਾਲ ਦੇ ਮੁਕਾਬਲੇ 1 ਫ਼ੀਸਦੀ ਘੱਟ ਹੈ | ਇਸ ਤੋਂ ਇਲਾਵਾ ਭਾਰਤੀ ਪੇਸ਼ੇਵਰ ਟਿਯਰ 2 ਹੁਨਰਮੰਦ ਵੀਜ਼ਾ ਸ਼੍ਰੇਣੀ 'ਚ ਭਾਰਤੀਆਂ ਨੂੰ ਸਭ ਤੋਂ ਵੱਧ ਵੀਜ਼ੇ ਮਿਲੇ ਹਨ ਜੋ 57000 ਹਨ, ਵਿਸ਼ਵ ਭਰ ਦੇ ਹੁਨਰਮੰਦ ਕਾਮਿਆਂ ਨੂੰ ਦਿੱਤੇ ਗਏ ਕੁੱਲ ਵੀਜ਼ਾ ਗਿਣਤੀ ਦੇ ਅੱਧ ਤੋਂ ਵੱਧ ਹੈ | ਜ਼ਿਕਰਯੋਗ ਹੈ ਕਿ 2019 ਵਿਚ ਯੂ. ਕੇ. ਦੇ ਵੀਜ਼ਾ ਲਈ ਦਿੱਤੀਆਂ 95 ਫ਼ੀਸਦੀ ਅਰਜ਼ੀਆਂ ਕਾਮਯਾਬ ਰਹੀਆਂ ਹਨ ਜੋ ਬੀਤੇ ਵਰ੍ਹੇ ਤੋਂ 5 ਫ਼ੀਸਦੀ ਵੱਧ ਹਨ |

ਦਿੱਲੀ ਜਲ ਰਹੀ ਹੈ..!

 ਦਿੱਲੀ ਜਲ ਰਹੀ ਹੈ!

ਦਿੱਲੀ ਜਲ ਰਹੀ ਹੈ,
ਮਾਸੂਮ ਮਰ ਰਹੇ ਨੇ।
ਧਰਮ ਦੇ ਠੇਕੇਦਾਰ,
ਕਿਸੇ ਦੀ ਸ਼ਹਿ 'ਤੇ
 ਗੁੰਡਾਗਰਦੀ ਕਰ ਰਹੇ ਨੇ।
ਪੁਲਿਸ ਨੇ ਵਰਦੀ ਦੀ
ਲਾਜ ਨਹੀਂ ਰੱਖੀ।
ਅਮਰੀਕਾ ਨੇ ਵੇਖ ਲਿਆ
ਸਭ ਕੁਝ ਅੱਖੀਂ। 
ਘਰ ਸੜ ਰਹੇ ਨੇ। 
ਜਖਮੀ ਤੜਫ ਰਹੇ ਨੇ। 
ਲਾਸ਼ਾਂ ਨਾਲ
ਹਸਪਤਾਲ ਭਰ ਰਹੇ ਨੇ।
ਦੇਸ਼ ਲਈ ਮਰਨ ਵਾਲੇ
ਅੱਜ ਵੀ ਦੇਸ਼ ਵਿਚ
  ਬਿਗਾਨਿਆਂ ਵਾਂਗ
ਖੜ ਰਹੇ ਨੇ।
ਇਹ ਖੇਡ ਸਿਰਫ਼
ਕੁਰਸੀਆਂ ਦੀ,
ਤਾਹੀਓਂ ਆਪਣੇ ਹੀ
ਆਪਣਿਆਂ ਦੀ ਹਿੱਕ 'ਤੇ
ਬੰਦੂਕ ਧਰ ਰਹੇ ਨੇ।
20-20 ਵੀ '84' ਵਾਂਗ
ਕਰ ਰਹੇ ਨੇ।
ਘਰ ਸੜ ਰਹੇ ਨੇ।
ਦੁਕਾਨਾਂ ਮੱਚ ਰਹੀਆਂ ਨੇ।
ਟਾਇਰ ਮੱਚ ਰਹੇ ਨੇ।
ਦਿੱਲੀ ਜਲ ਰਹੀ ਹੈ,
ਮਾਸੂਮ ਮਰ ਰਹੇ ਨੇ।
ਕਈ ਖੁਸ਼ੀਆਂ ਮਨਾ
ਰਹੇ ਹੋਣਗੇ,
ਕਈ - ਤੁਰਗਿਆਂ ਦੀਆਂ
ਲਾਸ਼ਾਂ ਵੇਖ ਕੇ,
 ਹੌਕੇ ਭਰ ਰਹੇ ਨੇ।
ਸੜਕਾਂ 'ਤੇ ਘੁੰਮਦੇ
ਗੁੰਡਿਆਂ ਨੂੰ ਵੇਖ ਕੇ,
 ਬੰਦ ਕਮਰਿਆਂ 'ਚ
ਮਜਲੂਮ ਡਰ ਰਹੇ ਨੇ।
ਅੰਗਰੇਜਾਂ ਨੂੰ
ਹਰਾਉਣ ਵਾਲੇ,
ਅੱਜ ਆਪਣਿਆਂ ਕੋਲੋਂ
ਹਰ ਰਹੇ ਨੇ!
ਦਿੱਲੀ ਜਲ ਰਹੀ ਹੈ।
ਲੋਕ ਮਰ ਰਹੇ ਨੇ!

✍️ਸੁਖਦੇਵ ਸਲੇਮਪੁਰੀ

ਲੰਡਨ,ਫ਼ਰਵਰੀ 2020-(ਗਿਆਨੀ ਅਮਰੀਕ ਸਿੰਘ ਰਾਠੌਰ/ਗਿਆਨੀ ਰਵਿਦਾਰਪਾਲ ਸਿੰਘ)- 

ਇੰਗਲੈਂਡ ਦੇ ਪ੍ਰਧਾਨ ਮੰਤਰੀ ਬੌਰਿਸ ਜੌਹਨਸਨ ਅਤੇ ਉਨ੍ਹਾਂ ਦੀ ਪਹਿਲੀ ਭਾਰਤੀ ਮੂਲ ਦੀ ਪਤਨੀ ਮਰੀਨਾ ਵੀਹਲਰ ਵਿਚਕਾਰ ਤਲਾਕ ਦੀ ਸਹਿਮਤੀ ਹੋ ਗਈ ਹੈ | ਬੌਰਿਸ ਜੌਹਨਸਨ ਅਤੇ ਮਰੀਨਾ ਵੀਹਲਰ ਦੋ ਸਾਲ ਪਹਿਲਾਂ ਇਕ ਦੂਜੇ ਤੋਂ ਵੱਖ ਹੋ ਗਏ ਸਨ ਅਤੇ ਦੋਵਾਂ ਵਿਚਕਾਰ ਪੈਸੇ ਅਤੇ ਸੰਪਤੀ ਨੂੰ ਲੈ ਕੇ ਝਗੜਾ ਚੱਲ ਰਿਹਾ ਸੀ | ਜੱਜ ਗਿਬਸਨਸ ਨੇ ਅੱਜ ਮਰੀਨਾ ਵੀਹਲਰ ਨੂੰ ਤਲਾਕ ਲੈਣ ਲਈ ਅਪਲਾਈ ਕਰਨ ਲਈ ਹਾਂ ਕਰ ਦਿੱਤੀ ਹੈ | ਪ੍ਰਧਾਨ ਮੰਤਰੀ ਬੌਰਿਸ ਅਤੇ ਮਰੀਨਾ 25 ਸਾਲ ਤੋਂ ਸ਼ਾਦੀ ਬੰਦਨ ਵਿਚ ਸਨ | ਇਸ ਤੋਂ ਪਹਿਲਾਂ ਬੌਰਿਸ ਨੇ 1987 'ਚ ਅਲੈਗਰਾ ਮੌਸਟੇਅਨ ਓਵਨ ਨਾਲ ਵਿਆਹ ਕੀਤਾ ਜੋ 1993 ਤੱਕ ਚੱਲਿਆ | ਬੌਰਿਸ ਜੌਹਨਸ ਅਤੇ ਮਰੀਨਾ ਵੀਹਲਰ ਦੇ 2 ਲੜਕੇ ਅਤੇ 2 ਲੜਕੀਆਂ ਹਨ | ਮਰੀਨਾ ਵੀਹਲਰ ਜੋ ਕੈਂਸਰ ਤੋਂ ਪੜੀਤ ਸੀ ਅਤੇ ਬਾਅਦ 'ਚ ਕੈਂਸਰ ਮੁਕਤ ਹੋ ਗਈ ਸੀ | ਅੱਜ ਸੁਣਵਾਈ ਦੌਰਾਨ ਬੌਰਿਸ ਜੌਹਨਸਨ ਵਲੋਂ ਨੀਲ ਰਸਲ ਅਤੇ ਮਿਸਜ਼ ਵੀਹਲਰ ਵਲੋਂ ਲੂਸੀ ਸਟੋਨ ਕਿਊ ਸੀ ਅਦਾਲਤ 'ਚ ਪੇਸ਼ ਹੋਏ | ਜੱਜ ਗਿਬਸਨ ਨੇ ਮਿਸਜ਼ ਵੀਹਲਰ ਨੂੰ ਤਲਾਕ ਲੈਣ ਲਈ ਅਰਜ਼ੀ ਦੇਣ ਦੀ ਆਗਿਆ ਦੇ ਦਿੱਤੀ ਹੈ | ਇੰਗਲੈਂਡ ਦੇ ਨਿਯਮਾਂ ਅਨੁਸਾਰ ਮਿਸਜ਼ ਵੀਹਲਰ ਕੋਲ 12 ਮਹੀਨੇ ਦਾ ਸਮਾਂ ਹੈ | ਦੱਸਣਯੋਗ ਹੈ ਕਿ ਪ੍ਰਧਾਨ ਮੰਤਰੀ ਬੌਰਿਸ ਜੌਹਨਸਨ ਅੱਜ ਕੱਲ ਆਪਣੀ ਦੋਸਤ ਮਿਸਜ਼ ਸੇਮੰਡ ਨਾਲ ਰਹਿ ਰਹੇ ਹਨ | ਮਰੀਨਾ ਵੀਹਲਰ ਬਰਤਾਨੀਆ ਦੇ ਪ੍ਰਸਿੱਧ ਬੀ. ਬੀ. ਸੀ. ਪੱਤਰਕਾਰ ਚਾਰਲਸ ਵੀਹਲਰ ਦੀ ਬੇਟੀ ਹੈ, ਜਿਸ ਦੀ ਮਾਂ ਭਾਰਤੀ ਮੂਲ ਦੀ ਸੀ, ਜਿਸ ਦਾ ਪ੍ਰਸਿੱਧ ਪੱਤਰਕਾਰ ਖੁਸ਼ਵੰਤ ਸਿੰਘ ਨਾਲ ਵੀ ਪਰਿਵਾਰਕ ਰਿਸ਼ਤਾ ਸੀ |