ਯੁ.ਕੇ.

ਬਰਮਿੰਘਮ,ਮਈ 2020 -(ਗਿਆਨੀ ਰਾਵਿਦਾਰਪਾਲ ਸਿੰਘ )-

ਯੂ ਕੇ. ਦੇ ਸ਼ਹਿਰ ਸਮੈਦਿਕ ਵਿਖੇ ਇਕ ਪੰਜਾਬੀ ਵਿਅਕਤੀ ਜਗਦੇਵ ਸਿੰਘ ਲੱਲੀ ਦਾ ਕਤਲ ਕਰ ਦਿੱਤਾ ਗਿਆ | ਜਿਸ ਦੀ ਪਹਿਚਾਣ ਜਨਤਕ ਕਰਦਿਆਂ ਪੁਲਿਸ ਨੇ ਕਿਹਾ ਕਿ 38 ਸਾਲਾ ਜਗਦੇਵ, ਜਿਸ ਦਾ ਕੋਈ ਪੱਕਾ ਪਤਾ ਨਹੀਂ ਹੈ, ਦੇ ਸਿਰ ਅਤੇ ਚਿਹਰੇ 'ਤੇ ਗੰਭੀਰ ਸੱਟਾਂ ਲੱਗੀਆਂ ਸਨ । ਪੁਲਿਸ ਅਨੁਸਾਰ ਜਗਦੇਵ 'ਤੇ 14 ਅਪ੍ਰੈਲ ਨੂੰ ਹਮਲਾ ਕੀਤਾ ਗਿਆ ਸੀ ਤੇ ਕਿਸੇ ਵਿਅਕਤੀ ਵਲੋਂ ਸੂਚਿਤ ਕਰਨ ਬਾਅਦ ਉਸ ਨੂੰ ਜ਼ਖ਼ਮੀ ਹਾਲਤ ਵਿਚ ਸਮੈਦਿਕ ਦੀ ਟੌਲਗੇਟ ਸ਼ਾਪਿੰਗ ਸੈਂਟਰ ਦੇ ਨਜ਼ਦੀਕ ਇਕ ਗਲੀ ਵਿਚੋਂ ਸਥਾਨਿਕ ਹਸਪਤਾਲ ਲਿਜਾਇਆ ਗਿਆ ।ਜਿਥੇ ਜ਼ਖ਼ਮਾਂ ਦੀ ਤਾਬ ਨਾ ਝੱਲਦਿਆਂ ਬੀਤੇ ਸ਼ੁੱਕਰਵਾਰ ਉਸ ਦੀ ਮੌਤ ਹੋ ਗਈ । ਪੁਲਿਸ ਨੇ ਇਸ ਮਾਮਲੇ ਵਿਚ ਐਸ਼ਲੇ ਪੇਸ ਨਾਂਅ ਦੇ ਵਿਅਕਤੀ ਨੂੰ ਗਿ੍ਫ਼ਤਾਰ ਕੀਤਾ ਅਤੇ ਜਿਸ ਨੂੰ ਵੁਲਵਰਹੈਂਪਟਨ ਕਰਾਊਨ ਅਦਾਲਤ 'ਚ 25 ਮਈ ਨੂੰ ਪੇਸ਼ ਕੀਤਾ ਜਾਵੇਗਾ । ਜਗਦੇਵ ਲੱਲੀ ਪਿੱਛੇ ਪੰਜਾਬ ਦੇ ਨਕੋਦਰ ਤਹਿਸੀਲ ਦੇ ਪਿੰਡ ਟਾਹਲੀ ਨਾਲ ਸਬੰਧਿਤ ਦੱਸਿਆ ਜਾ ਰਿਹਾ ਹੈ।

ਲੰਡਨ, ਮਈ 2020 -(ਏਜੰਸੀ)-
ਬਰਤਾਨੀਆ ਵਿੱਚ ਭਾਰਤੀ ਮੂਲ ਦੇ ਵਿਅਕਤੀ ਦੇ ਕਤਲ ਮਾਮਲੇ ’ਚ ਦੋ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਬਲਜੀਤ ਸਿੰਘ (37) ਨਾਂ ਦੇ ਵਿਅਕਤੀ ਦੀ ਲਾਸ਼ ਮੈਟਰੋਪੋਲੀਟਨ ਪੁਲੀਸ ਨੂੰ 25 ਅਪਰੈਲ ਨੂੰ ਪੱਛਮੀ ਲੰਡਨ ਦੇ ਐਲੇਵੇਜ਼ ’ਚ ਮਿਲੀ ਸੀ। ਉਹ ਲੰਡਨ ਦੇ ਹਾਇਸ ਇਲਾਕੇ ਦਾ ਰਹਿਣ ਵਾਲਾ ਸੀ। ਪੁਲੀਸ ਨੇ ਦੱਸਿਆ ਕਿ ਇਸ ਕਤਲ ਮਾਮਲੇ ’ਚ ਦੋ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕਰਕੇ ਕਾਰਵਾਈ ਸ਼ੁਰੂ ਕੀਤੀ ਗਈ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਫੜੇ ਗਏ ਦੋਵਾਂ ਵਿਅਕਤੀਆਂ ਦੀ ਉਮਰ 20 ਤੇ 24 ਸਾਲ ਹੈ। ਇਨ੍ਹਾਂ ਦੋਵਾਂ ਨੂੰ ਕਤਲ ਮਾਮਲੇ ’ਚ ਸ਼ੱਕ ਦੇ ਆਧਾਰ ’ਤੇ ਫੜਿਆ ਗਿਆ ਹੈ ਤੇ ਦੋਵਾਂ ਨੂੰ ਪੱਛਮੀ ਲੰਡਨ ਥਾਣੇ ’ਚ ਹਿਰਾਸਤ ’ਚ ਰੱਖਿਆ ਹੋਇਆ ਹੈ।  

ਲੰਡਨ, ਮਈ 2020 - ( ਗਿਆਨੀ ਅਮਰੀਕ ਸਿੰਘ ਰਾਠੌਰ/ਗਿਆਨੀ ਰਾਵਿਦਾਰਪਾਲ ਸਿੰਘ)- ਬਰਤਾਨਵੀ ਸਰਕਾਰ ਵਲੋਂ ਪੰਜਾਬ 'ਚ ਫਸੇ ਪੰਜਾਬੀਆਂ ਨੂੰ ਵਾਪਸ ਯੂ.ਕੇ. ਲਿਆਉਣ ਲਈ ਭਾਵੇਂ ਚੰਗੇ ਉਪਰਾਲੇ ਕੀਤੇ ਜਾ ਰਹੇ ਹਨ, ਪਰ ਇਸ ਦੌਰਾਨ ਵੀ ਕੁਝ ਅਜਿਹੀਆਂ ਘਟਨਾਵਾਂ ਵਾਪਰ ਰਹੀਆਂ ਹਨ, ਜਿਨ੍ਹਾਂ ਬਾਰੇ ਜਾਣਕਾਰੀ ਸਾਂਝੀ ਕਰਦਿਆਂ ਬੈਡਫੋਰਡ ਦੇ ਸਾਬਕਾ ਮੇਅਰ ਬਲਵੰਤ ਸਿੰਘ ਗਿੱਲ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਘਰ ਤੋਂ ਅੰਮ੍ਰਿਤਸਰ ਤੱਕ ਆਉਣ ਲਈ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ। ਉਨ੍ਹਾਂ ਬ੍ਰਿਟਿਸ਼ ਦੂਤਾਵਾਸ ਦਿੱਲੀ ਨੂੰ ਲਿਖੇ ਪੱਤਰ ਵਿਚ ਸਾਰੀ ਵਿਥਿਆ ਸੁਣਾਉਂਦੇ ਹੋਏ ਕਿਹਾ ਕਿ ਉਸ ਨੂੰ ਨਿੱਜੀ ਟੈਕਸੀ ਰਾਹੀਂ ਹਵਾਈ ਅੱਡੇ 'ਤੇ ਪਹੁੰਚਣਾ ਪਿਆ, ਪੰਜਾਬ ਬੰਦ ਹੋਣ ਕਰਕੇ ਉਨ੍ਹਾਂ ਦੀ ਖੁਦ ਦੀ ਅਤੇ ਟੈਕਸੀ ਵਾਲੇ ਦੀ ਜਾਨ ਵੀ ਜੋਖ਼ਮ ਵਿਚ ਪਈ। ਗਿੱਲ ਨੇ ਕਿਹਾ ਕਿ ਉਨ੍ਹਾਂ ਨੂੰ ਸ਼ਾਮੀ 4 ਵਜੇ ਉਨ੍ਹਾਂ ਦੇ ਪਿੰਡ ਖੁਸ਼ਹਾਲਪੁਰ ਜ਼ਿਲ੍ਹਾ ਹੁਸ਼ਿਆਰਪੁਰ ਤੋਂ ਚੁੱਕਣਾ ਸੀ, ਪਰ ਕੋਈ ਵੀ ਨਾ ਪਹੁੰਚਿਆ ਅਤੇ ਜਦ ਵਾਰ ਵਾਰ ਫੋਨ ਕੀਤਾ ਤਾਂ ਉਨ੍ਹਾਂ ਨੂੰ 7:30 ਵਜੇ ਖੁਦ ਅੰਮ੍ਰਿਤਸਰ ਆਉਣ ਦਾ ਸੁਝਾਅ ਦਿੱਤਾ ਗਿਆ। ਪਰ ਜਦ ਉਹ ਹਵਾਈ ਅੱਡੇ 'ਤੇ ਮੁਸ਼ਕਿਲ ਨਾਲ ਪਹੁੰਚੇ ਤਾਂ ਉਨ੍ਹਾਂ ਸ਼ਾਮੀ 9:09 ਵਜੇ ਇਕ ਈਮੇਲ ਵੇਖੀ, ਜਿਸ ਵਿਚ ਉਨ੍ਹਾਂ ਤੋਂ ਪਤਾ ਪੁੱਛਿਆ ਗਿਆ ਸੀ ਤੇ ਹੋਰ ਟੈਕਸੀ ਦੇ ਪ੍ਰਬੰਧ ਕਰ ਲਏ ਜਾਣ ਬਾਰੇ ਕਿਹਾ ਗਿਆ ਸੀ। ਗਿੱਲ ਨੇ ਕਿਹਾ ਕਿ ਉਹ ਪਹਿਲਾਂ ਹੀ ਇਕ ਟਿਕਟ ਦਾ ਨੁਕਸਾਨ ਕਰਵਾ ਚੁੱਕੇ ਸਨ ਅਤੇ ਦੂਜੀ ਵਾਰ ਉਨ੍ਹਾਂ 537 ਪੌਂਡ ਦੀ ਨਵੀਂ ਟਿਕਟ ਖਰੀਦੀ। ਗਿੱਲ ਨੇ ਕਿਹਾ ਕਿ ਲੋਕ ਬਹੁਤ ਤੰਗ ਪ੍ਰੇਸ਼ਾਨ ਹਨ ਅਤੇ ਅਜਿਹੇ ਮੌਕੇ ਸਰਕਾਰ ਲੋਕਾਂ ਦੀਆਂ ਭਾਵਨਾਵਾਂ ਨੂੰ ਸਮਝੇ ਅਤੇ ਲੋਕਾਂ ਨੂੰ ਹੋਰ ਪ੍ਰੇਸ਼ਾਨ ਹੋਣ ਤੋਂ ਬਚਾਉਣ ਲਈ ਯਤਨ ਕਰੇ।  

ਲੰਡਨ, ਮਈ 2020 ( ਗਿਆਨੀ ਰਾਵਿਦਾਰਪਾਲ ਸਿੰਘ )- ਬਰਤਾਨੀਆ ਦੇ ਪ੍ਰਧਾਨ ਮੰਤਰੀ ਬੌਰਿਸ ਜੌਹਨਸਨ ਨੇ ਕੋਵਿਡ-19 ਸਬੰਧੀ 'ਆਨਲਾਈਨ ਗਲੋਬਲ ਸੰਮੇਲਨ'ਦੀ ਸ਼ੁਰੂਆਤ ਕਰਦਿਆਂ ਸਾਰੇ ਦੇਸ਼ਾਂ ਨੂੰ ਅਪੀਲ ਕੀਤੀ ਕਿ ਉਹ ਕੋਰੋਨਾ ਵਾਇਰਸ ਮਹਾਂਮਾਰੀ ਖਿਲਾਫ਼ ਇਕਜੁੱਟ ਹੋ ਕੇ ਕੰਮ ਕਰਨ। 'ਕੋਰੋਨਾ ਵਾਇਰਸ ਗਲੋਬਲ ਪ੍ਰਤੀਕਿਰਿਆ ਅੰਤਰਰਾਸ਼ਟਰੀ ਸੰਕਲਪ ਸੰਮੇਲਨ' ਬਰਤਾਨੀਆ ਤੇ 8 ਹੋਰ ਦੇਸ਼ਾਂ ਤੇ ਸੰਗਠਨਾਂ ਵਲੋਂ ਕਰਵਾਇਆ ਜਾ ਰਿਹਾ ਹੈ, ਜਿਨ੍ਹਾਂ 'ਚ ਕੈਨੇਡਾ, ਜਰਮਨੀ, ਇਟਲੀ, ਜਾਪਾਨ, ਨਾਰਵੇ, ਸਾਊਦੀ ਅਰਬ ਤੇ ਯੂਰਪੀ ਕਮਿਸ਼ਨ ਸ਼ਾਮਿਲ ਹਨ। ਸੰਮੇਲਨ ਵਿਚ ਬੌਰਿਸ ਜੌਹਨਸਨ ਨੇ ਟੀਕਾ, ਜਾਂਚ ਤੇ ਇਲਾਜ ਦੀ ਸੋਧ ਲਈ 388 ਮਿਲੀਅਨ ਪੌਡ ਸਹਿਯੋਗ ਕਰਨ ਦਾ ਸੰਕਲਪ ਜਤਾਇਆ । ਉਕਤ ਰਾਸ਼ੀ ਬਰਤਾਨੀਆ ਵਲੋਂ 744 ਮਿਲੀਅਨ ਪੌਡ ਰਾਸ਼ੀ ਦੀ ਇਕ ਕਿਸ਼ਤ ਵਜੋਂ ਦਿੱਤੀ ਜਾਵੇਗੀ, ਜਦੋਂਕਿ ਕੋਰੋਨਾ ਵਾਇਰਸ ਦਾ ਟੀਕਾ ਤਿਆਰ ਕਰਨ ਲਈ 250 ਮਿਲੀਅਨ ਪੌਡ ਦੀ ਰਾਸ਼ੀ ਵੀ ਦਿੱਤੀ ਜਾ ਰਹੀ ਹੈ।ਇਹ ਕਿਸੇ ਵੀ ਦੇਸ਼ ਵਲੋਂ ਸਭ ਤੋਂ ਵੱਡਾ ਦਾਨ ਹੈ। ਯੂ. ਕੇ ਵਿਚ ਪਿਛਲੇ 24 ਘੰਟਿਆਂ 'ਚ 229 ਮੌਤਾਂ ਕੋਰੋਨਾ ਵਾਇਰਸ ਨਾਲ ਹੋਈਆਂ । 

ਲੰਡਨ ,ਮਈ 2020 -(ਏਜੰਸੀ )- ਬਰਤਾਨੀਆ ਦੇ ਸਿੱਖ ਡਾਕਟਰਾਂ ਨੇ ਜਬਰੀ ਦਾੜ੍ਹੀ ਸਾਫ਼ ਕਰਵਾਉਣ ਦੇ ਕੌਮੀ ਸਿਹਤ ਸੇਵਾ ਦੇ ਫ਼ੈਸਲੇ ਖ਼ਿਲਾਫ਼ ਮੁਹਿੰਮ ਸ਼ੁਰੂ ਕੀਤੀ ਹੈ। ਕੌਮੀ ਸਿਹਤ ਸੇਵਾ ਦੇ ਆਦੇਸ਼ ਅਨੁਸਾਰ ਵੱਖ-ਵੱਖ ਹਸਪਤਾਲਾਂ ਵਿਚ ਕੋਰੋਨਾ ਵਾਇਰਸ ਦਾ ਇਲਾਜ ਕਰ ਰਹੇ ਉਨ੍ਹਾਂ ਡਾਕਟਰਾਂ ਨੂੰ ਫਰੰਟਲਾਈਨ ਡਿਊਟੀ ਤੋਂ ਇਸ ਕਰ ਕੇ ਹਟਾ ਦਿੱਤਾ ਗਿਆ ਹੈ ਕਿ ਉਨ੍ਹਾਂ ਦਾੜ੍ਹੀ ਸਾਫ਼ ਕਰਨ ਤੋਂ ਇਨਕਾਰ ਕਰ ਦਿੱਤਾ।

ਸਿੱਖ ਡਾਕਟਰਜ਼ ਐਸੋਸੀਏਸ਼ਨ ਅਨੁਸਾਰ ਘੱਟੋ ਘੱਟ ਪੰਜ ਸਿੱਖ ਡਾਕਟਰਾਂ ਨੂੰ ਹਸਪਤਾਲਾਂ 'ਚ ਫਰੰਟਲਾਈਨ ਡਿਊਟੀ ਤੋਂ ਇਸ ਕਰ ਕੇ ਹਟਾ ਦਿੱਤਾ ਗਿਆ ਕਿਉਂਕਿ ਉਨ੍ਹਾਂ ਦਾੜ੍ਹੀ ਸਾਫ਼ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਅਜਿਹਾ ਕੌਮੀ ਸਿਹਤ ਸੇਵਾ ਦੇ ਨਵੇਂ ਕਥਿਤ 'ਫਿੱਟ ਟੈਸਟ' ਦੀ ਸ਼ਰਤ ਨੂੰ ਲੈ ਕੇ ਕੀਤਾ ਗਿਆ ਹੈ। ਸਿੱਖ ਡਾਕਟਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਡਾ. ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਇਹ ਪੰਜ ਡਾਕਟਰ ਸਾਡੇ ਸੰਪਰਕ ਵਿਚ ਹਨ ਤੇ ਮੁੱਖ ਡਿਊਟੀ ਤੋਂ ਲਾਂਭੇ ਕਰਨ 'ਤੇ ਤਣਾਅ 'ਚ ਹਨ। ਡਾ. ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਇਹ ਸਮੱਸਿਆ ਵਿਸ਼ੇਸ਼ 'ਫੇਸੀਅਲ ਪ੍ਰਰੋਟੈਕਟਿਵ ਮਾਸਕ' ਦੀ ਕਮੀ ਕਾਰਨ ਆਈ ਹੈ ਜੋਕਿ ਆਈਸੀਯੂ ਵਿਚ ਵਰਤੇ ਜਾਂਦੇ ਹਨ। ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਪੰਜਾਂ ਡਾਕਟਰਾਂ ਦੀ ਸਮੱਸਿਆ ਦਾ ਹੱਲ ਮਹਿੰਗੀ ਪੇਪਰਜ਼ ਕਿੱਟ ਨਾਲ ਕੀਤਾ ਜਾ ਰਿਹਾ ਹੈ ਕਿ ਜੋਕਿ 1000 ਪੌਂਡ 'ਚ ਮਿਲਦੀ ਹੈ ਤੇ ਦੁਬਾਰਾ ਵਰਤੀ ਜਾ ਸਕਦੀ ਹੈ। ਡਾ. ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੀ ਐਸੋਸੀਏਸ਼ਨ ਕੌਮੀ ਸਿਹਤ ਸੇਵਾ ਨਾਲ ਤਾਲਮੇਲ ਕਰ ਕੇ ਅਜਿਹੀਆਂ ਮਹਿੰਗੀਆਂ ਕਿੱਟਾਂ ਮੁਹੱਈਆ ਕਰਵਾਉਣ 'ਤੇ ਜ਼ੋਰ ਦੇ ਰਹੀ ਹੈ।

ਸਿੱਖ ਕੌਂਸਲ ਯੂਕੇ, ਸਿੱਖ ਡਾਕਟਰਜ਼ ਐਸੋਸੀਏਸ਼ਨ ਨਾਲ ਮਿਲ ਕੇ ਕੌਮੀ ਸਿਹਤ ਸੇਵਾ ਦੇ ਚੀਫ ਐਗਜ਼ੈਕਟਿਵ ਅਫਸਰ ਸਰ ਸਿਮੋਨ ਸਟੀਵਨਜ਼ ਨਾਲ ਸੰਪਰਕ ਕਰ ਰਹੀ ਹੈ ਤਾਂਕਿ ਭਵਿੱਖ ਵਿਚ ਵਿਸ਼ੇਸ਼ ਕਿੱਟਾਂ ਦੀ ਵੱਡੀ ਮਾਤਰਾ ਵਿਚ ਖ਼ਰੀਦ ਕੀਤੀ ਜਾਵੇ ਤੇ ਸਿੱਖ ਡਾਕਟਰਾਂ ਨੂੰ ਕਿਸੇ ਕਿਸਮ ਦੀ ਮੁਸ਼ਕਲ ਪੇਸ਼ ਨਾ ਆਵੇ। ਦੱਸਣਯੋਗ ਹੈ ਕਿ ਕੋਰੋਨਾ ਵਾਇਰਸ ਮਹਾਮਾਰੀ ਦੌਰਾਨ ਬਿ੍ਟੇਨ ਦੀ ਕੌਮੀ ਸਿਹਤ ਸੇਵਾ ਫਰੰਟਲਾਈਨ 'ਤੇ ਕੰਮ ਕਰਦੇ ਡਾਕਟਰਾਂ ਨੂੰ 'ਫਿਟ ਟੈਸਟ' ਦੇ ਨਾਂ 'ਤੇ ਚਿਹਰੇ ਦੇ ਵਾਲ ਸਾਫ਼ ਕਰਵਾਉਣ ਲਈ ਕਹਿ ਰਹੀ ਹੈ।

ਉਧਰ, ਸਿੱਖ ਕੌਂਸਲ ਦਾ ਕਹਿਣਾ ਹੈ ਕਿ ਦਾੜ੍ਹੀ ਰੱਖਣਾ ਸਿੱਖ ਧਰਮ ਦੀ ਮਰਿਆਦਾ ਨਾਲ ਜੁੜਿਆ ਮੁੱਦਾ ਹੈ ਤੇ ਸਰਕਾਰ 'ਫਿੱਟ ਟੈਸਟ' ਦੇ ਨਾਂ 'ਤੇ ਕਿਸੇ ਸਿੱਖ ਡਾਕਟਰ ਨੂੰ ਦਾੜ੍ਹੀ ਦੇ ਵਾਲ ਸਾਫ਼ ਕਰਵਾਉਣ ਲਈ ਮਜਬੂਰ ਨਹੀਂ ਕਰ ਸਕਦੀ। ਕੌਮੀ ਸਿਹਤ ਸੇਵਾ ਨੇ ਇਸ ਦੌਰਾਨ ਕਿਹਾ ਹੈ ਕਿ ਉਹ ਇਸ ਮਾਮਲੇ ਵਿਚ ਢੁਕਵੇਂ ਕਦਮ ਚੁੱਕ ਰਹੀ ਹੈ। ਬਿ੍ਟੇਨ 'ਚ ਪੀਪੀਈ ਕਿੱਟਾਂ ਦੀ ਕਮੀ ਪਿਛਲੇ ਸਮੇਂ ਤੋਂ ਪਾਈ ਜਾ ਰਹੀ ਹੈ ਤੇ ਕਈ ਐੱਨਜੀਓ ਇਨ੍ਹਾਂ ਦੀ ਪੂਰਤੀ ਲਈ ਫੰਡ ਵੀ ਇਕੱਠੇ ਕਰ ਰਹੇ ਹਨ।

ਲੰਡਨ ,ਮਈ 2020 -( ਗਿਆਨੀ ਰਾਵਿਦਾਰਪਾਲ ਸਿੰਘ)- ਕੋਰੋਨਾ ਇਨਫੈਕਸ਼ਨ ਤੋਂ ਪੂਰੀ ਤਰ੍ਹਾਂ ਉਭਰ ਚੁੱਕੇ ਬਿ੍ਟੇਨ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਨੇ ਦੱਸਿਆ ਹੈ ਕਿ ਲੰਡਨ ਦੇ ਡਾਕਟਰਾਂ ਨੇ ਇਕ ਸਮੇਂ ਉਨ੍ਹਾਂ ਦੀ ਮੌਤ ਦਾ ਐਲਾਨ ਕਰਨ ਦੀ ਤਿਆਰੀ ਕਰ ਲਈ ਸੀ। 55 ਸਾਲਾ ਜੌਨਸਨ 'ਚ 26 ਮਾਰਚ ਨੂੰ ਕੋਰੋਨਾ ਇਨਫੈਕਸ਼ਨ ਦੇ ਲੱਛਣ ਦਿਖਾਈ ਦਿੱਤੇ ਸਨ। ਇਸ ਪਿੱਛੋਂ ਉਹ ਸੈਲਫ ਕੁਆਰੰਟਾਈਨ ਵਿਚ ਚਲੇ ਗਏ ਸਨ। ਹਾਲਤ ਨਾ ਸੁੁਧਰਨ 'ਤੇ ਉਨ੍ਹਾਂ ਨੂੰ ਲੰਡਨ ਦੇ ਸੇਂਟ ਥਾਮਸ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਸੀ। 12 ਅਪ੍ਰੈਲ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲਣ ਤੋਂ ਪਹਿਲੇ ਉਹ ਛੇ ਤੋਂ 9 ਅਪ੍ਰੈਲ ਤਕ ਆਈਸੀਯੂ ਵਿਚ ਰਹੇ ਸਨ। ਬਿ੍ਟੇਨ 'ਚ ਸ਼ਨਿਚਰਵਾਰ ਤਕ ਕੋਰੋਨਾ ਨਾਲ 28 ਹਜ਼ਾਰ ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।

ਅਖ਼ਬਾਰ 'ਦ ਸਨ' ਨਾਲ ਹੋਈ ਗੱਲਬਾਤ 'ਚ ਜੌਨਸਨ ਨੇ ਕਿਹਾ ਕਿ ਸੱਤ ਅਪ੍ਰੈਲ ਨੂੰ ਸੇਂਟ ਥਾਮਸ ਹਸਪਤਾਲ ਦੇ ਆਈਸੀਯੂ ਵਿਚ ਪੁੱਜਣ ਦੇ ਬਾਅਦ ਮੈਨੂੰ ਕਈ ਲੀਟਰ ਆਕਸੀਜਨ ਦਿੱਤੀ ਗਈ ਪ੍ਰੰਤੂ ਮੇਰੀ ਸਿਹਤ ਵਿਚ ਕੋਈ ਖ਼ਾਸ ਸੁਧਾਰ ਦਿਖਾਈ ਨਹੀਂ ਦੇ ਰਿਹਾ ਸੀ। ਮੈਂ ਇਸ ਤੋਂ ਇਨਕਾਰ ਨਹੀਂ ਕਰ ਸਕਦਾ ਕਿ ਉਹ ਕਾਫ਼ੀ ਕਠਿਨ ਸਮਾਂ ਸੀ। ਮੇਰੀ ਹਾਲਤ ਠੀਕ ਨਹੀਂ ਸੀ। ਡਾਕਟਰਾਂ ਕੋਲ ਸਾਰੇ ਤਰ੍ਹਾਂ ਦੇ ਬਦਲ ਸਨ ਕਿ ਜੇਕਰ ਕੁਝ ਗ਼ਲਤ ਹੋਇਆ ਤਾਂ ਕੀ ਕਰਨਾ ਚਾਹੀਦਾ ਹੈ ? ਜੌਨਸਨ ਦਾ ਇਹ ਇੰਟਰਵਿਊ ਉਨ੍ਹਾਂ ਦੀ ਮੰਗੇਤਰ ਕੈਰੀ ਸਾਇਮੰਡਜ਼ ਵੱਲੋਂ ਆਪਣੇ ਪੁੱਤਰ ਦੀ ਤਸਵੀਰ ਇੰਸਟਾਗ੍ਰਾਮ 'ਤੇ ਪੋਸਟ ਕਰਨ ਦੇ ੂਬਾਅਦ ਸਾਹਮਣੇ ਆਇਆ ਹੈ। ਉਸ ਦਾ ਨਾਂ ਵਿਲਫਰੈਡ ਲਾਰੀ ਨਿਕੋਲਸ ਜੌਨਸਨ ਰੱਖਿਆ ਗਿਆ ਹੈ। ਇਸ ਵਿਚ ਨਿਕੋਲਸ ਪ੍ਰਧਾਨ ਮੰਤਰੀ ਦੀ ਜਾਨ ਬਚਾਉਣ ਵਾਲੇ ਡਾਕਟਰ ਨਿਕੋਲਸ ਪ੍ਰਾਈਸ ਅਤੇ ਨਿਕੋਲਸ ਹਾਰਟ ਦੇ ਨਾਂ 'ਤੇ ਲਿਆ ਗਿਆ ਹੈ।

ਜਦੋ 50-50 ਦੀ ਸਥਿਤੀ ਸੀ ਉਸ ਸਮੇ ਬਹੁਤ ਮੁਸ਼ਕਲ ਸੀ

ਬਿ੍ਟਿਸ਼ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਇਹ ਵਿਸ਼ਵਾਸ ਕਰਨਾ ਕਾਫ਼ੀ ਮੁਸ਼ਕਲ ਸੀ ਕਿ ਕੇਵਲ ਕੁਝ ਦਿਨਾਂ ਵਿਚ ਮੇਰੀ ਹਾਲਤ ਇਸ ਕਦਰ ਵਿਗੜ ਗਈ। ਮੈਨੂੰ ਯਾਦ ਹੈ ਕਿ ਮੈਂ ਨਿਰਾਸ਼ ਮਹਿਸੂਸ ਕਰ ਰਿਹਾ ਸੀ। ਮੈਨੂੰ ਸਮਝ ਨਹੀਂ ਆ ਰਿਹਾ ਸੀ ਕਿ ਮੈਂ ਠੀਕ ਕਿਉਂ ਨਹੀਂ ਹੋ ਰਿਹਾ। ਸਭ ਤੋਂ ਬੁਰਾ ਸਮਾਂ ਤਦ ਆਇਆ ਜਦੋਂ 50-50 ਦੀ ਸਥਿਤੀ ਬਣ ਗਈ। ਉਨ੍ਹਾਂ ਨੇ ਮੇਰੇ ਵਿੰਡ ਪਾਈਪ ਦੇ ਹੇਠਾਂ ਇਕ ਟਿਊਬ ਲਗਾਈ। ਮੈਨੂੰ ਲੱਗਾ ਕਿ ਇਸ ਬਿਮਾਰੀ ਦੀ ਕੋਈ ਦਵਾਈ ਨਹੀਂ ਹੈ, ਕੋਈ ਇਲਾਜ ਨਹੀਂ ਹੈ। ਮੈਂ ਇਸ ਤੋਂ ਕਿਵੇਂ ਠੀਕ ਹੋਵਾਂਗਾ। ਮੈਂ ਕਿਸਮਤ ਵਾਲਾ ਹਾਂ ਕਿ ਇਸ ਬਿਮਾਰੀ ਤੋਂ ਠੀਕ ਹੋ ਗਿਆ ਜਦਕਿ ਕਈ ਹੋਰ ਲੋਕ ਹੁਣ ਵੀ ਪੀੜਤ ਹਨ।

ਫੋਟੋ:- ਟਰੱਸਟੀ ਸ ਦਲਜੀਤ ਸਿੰਘ ਜੌਹਲ ਅਤੇ ਸਮੂਹ ਸੇਵਾਦਾਰ ਵਾਰਿਗਟਨ ਹਸਪਤਾਲ ਵਿਖੇ ਲੰਗਰ ਪਹਚਾਉਣ ਸਮੇ

ਫੋਟੋ:- ਲੰਗਰ ਦੇ ਪੈਕਟ ਤਿਆਰ ਡੱਬੀਆਂ ਵਿੱਚ

ਵਾਰਿਗਟਨ /ਯੂ ਕੇ,ਮਈ 2020 -(ਗਿਆਨੀ ਅਮਰੀਕ ਸਿੰਘ ਰਾਠੌਰ)-

ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਗੁਰਦੁਆਰਾ ਸਾਹਿਬ ਵਾਰਿਗਟਨ ਲਗਾਤਾਰ 4 ਹਫਤਿਆਂ ਤੋਂ ਸਨਿਚਰਵਾਰ ਅਤੇ ਐਤਵਾਰ ਤਕਰੀਬ 1100 ਦੇ ਕਰੀਬ ਖਾਣੇ ਦੇ ਪੈਕੇਜ ਤਿਆਰ ਕਰਕੇ ਜਿਸ ਵਿੱਚ ਸਬਜ਼ੀ, ਦਾਲ , ਚੌਲ ਅਤੇ ਫਰੂਟ ਸ਼ਾਮਿਲ ਹੈ ਵਾਰਿਗਟਨ ਅਤੇ ਹਿਲਟਨ ਰਨਕੋਰਨ ਦੇ ਹਸਪਤਾਲ ਅੰਦਰ NHS ਦੇ ਕਾਮਿਆਂ ਨੂੰ ਖਾਣਾ ਦਿੰਦਾ ਹੈ। ਸਾਡੇ ਪ੍ਰਤੀਨਿਧ ਨਾਲ ਗੱਲਬਾਤ ਕਰਦੇ ਟਰੱਸਟੀ ਸਾਹਿਬਾਨ ਨੇ ਦਸਿਆ ਕਿ ਸੰਗਤਾਂ ਦੇ ਸਹਿਯੋਗ ਨਾਲ ਚੱਲ ਰਹੀ ਇਹ ਸੇਵਾ ਵਿੱਚ ਤਕਰੀਬ ਇਸ ਹਫਤੇ 4500 ਤੋਂ ਉਪਰ ਖਾਣੇ ਦੇ ਪੈਕਟ NHS ਨੂੰ ਦਿਤੇ ਜਾ ਚੁੱਕੇ ਹਨ।ਓਹਨਾ ਅੱਗੇ ਦੱਸਿਆ ਕਿ ਬਹੁਤ ਸਾਰੀਆਂ ਸੰਗਤਾਂ ਇਸ ਵਿੱਚ ਸਾਡੀ ਮਦਦ ਕਰ ਰਹੀਆਂ ਹਨ।ਸਾਰੇ ਹੀ ਪ੍ਰਬੰਧਕ ਸਾਹਿਬਾਨ ਦੇ ਅਤਿ ਧੰਨਵਾਦੀ ਹਾਂ ਜਿਨ੍ਹਾਂ ਦੀ ਬਦੌਲਤ ਅਸੀਂ ਇਹ ਜੁਮੇਵਾਰੀ ਨਿਭਾ ਰਹੇ ਹਾਂ।ਅੱਜ ਵਾਰਿਗਟਨ ਕੌਂਸਲ ਦੇ ਪਾਰਟੀ ਮੁਖੀ ਰੁਸ ਬੋਰਡਨ ਅਤੇ ਡਿਪਟੀ ਲੀਡਰ ਕੈਥੀ ਮਿਸ਼ਲ ਨੇ ਵੀ ਲੰਗਰ ਸੇਵਾ ਵਿਚ ਹਾਜਰੀਆਂ ਭਰਿਆ ਅਤੇ ਲੰਗਰ ਬਣਾਉਣ ਵਿਚ ਮਦਦ ਕੀਤੀ ਅਤੇ ਪ੍ਰਬੰਧਕਾਂ ਦੀ ਹੌਸਲਾ ਅਫ਼ਜ਼ੀ ਵੀ ਕੀਤੀ।ਓਹਨਾ ਸਮੁੱਚੇ ਵਾਰਿਗਟਨ ਵਾਸੀਆਂ ਵਲੋਂ ਸਿੱਖ ਕਮਿਉਨਿਟੀ ਦਾ ਧੰਨਵਾਦ ਵੀ ਕੀਤਾ। ਉਸ ਸਮੇ ਰੁਸ ਬੋਰਡਨ ਨੇ ਆਖਿਆ ਕਿ ਅਸੀਂ ਸਿੱਖ ਦੇ ਅੱਜ ਇਸ ਮਹਾਮਾਰੀ ਦੁਰਾਨ ਵਾਰਿਗਟਨ ਅਤੇ ਦੁਨੀਆ ਭਰ ਵਿੱਚ ਲੰਗਰ ਸੇਵਾ ਅਤੇ ਹੋਰ ਸੇਵਾਮਾਂ ਵਿੱਚ ਦਿਤੇ ਜਾ ਰਹੇ ਯੋਗਦਾਨ ਨੂੰ ਕਦੇ ਵੀ ਨਹੀਂ ਭੁਲਾਵਾਂਗੇ।ਗੁਰਦੁਆਰਾ ਸਾਹਿਬ ਦੇ ਸਮੂਹ ਪ੍ਰਬੰਧਕ ਸਾਹਿਬਾਨ ਵਲੋਂ ਸੰਗਤਾਂ ਨੂੰ ਹੋਰ ਵੀ ਵੱਡੇ ਪੱਧਰ ਤੇ ਸੇਵਾਮਾਂ ਵਿੱਚ ਹਿਸਾ ਲੈਣ ਦੀ ਬੇਨਤੀ ਕੀਤੀ । ਉਸ ਸਮੇ ਪ੍ਰਬੰਧਕਾਂ ਵਿੱਚ ਬੇਨਤੀ ਨਿਭਾ ਰਹੇ ਸ ਪਰਮਜੀਤ ਸਿੰਘ ਸੇਖੋਂ ਪਰਿਵਾਰ,ਸ ਦਲਜੀਤ ਸਿੰਘ ਜੌਹਲ ਪਰਿਵਾਰ,ਡਾ ਕੁਲਵੰਤ ਸਿੰਘ ਧਾਲੀਵਾਲ ਪਰਿਵਾਰ,ਸ ਪੀਲੂ ਸਿੰਘ ਕਰੀ ਪਰਿਵਾਰ, ਸ ਕੁਲਦੀਪ ਸਿੰਘ ਢਿੱਲੋਂ ਪਰਿਵਾਰ, ਸ ਹਰਦੇਵ ਸਿੰਘ ਗਰੇਵਾਲ ਪਰਿਵਾਰ, ਸ ਜੀਤ ਸਿੰਘ ਤੂਰ ਪਰਿਵਾਰ, ਸ ਲਖਵੀਰ ਸਿੰਘ ਪਰਿਵਾਰ, ਸ ਪੂਰਨ ਸਿੰਘ ਢਿੱਲੋਂ ਪਰਿਵਾਰ, ਸ ਇੰਦਰਜੀਤ ਸਿੰਘ ਗਿੱਲ ਪਰਿਵਾਰ, ਸ ਇਕ਼ਬਾਲ ਸਿੰਘ ਸਿਵੀਆ ਪਰਿਵਾਰ, ਸ ਅਮਰਜੀਤ ਸਿੰਘ ਗਰੇਵਾਲ ਪਰਿਵਾਰ,ਸ ਸੰਤੋਖ ਸਿੰਘ ਸਿੱਧੂ ਪਰਿਵਾਰ,ਸ ਨਾਹਰ ਸਿੰਘ ਸਿੱਧੂ ਪਰਿਵਾਰ, ਸ਼੍ਰੀ ਕਿਨ ਪਰਿਵਾਰ,ਸ ਚਰਨ ਸਿੰਘ ਸਿੱਧੂ ਪਰਿਵਾਰ, ਸ ਮਨਦੀਪ ਸਿੰਘ ਪਰਿਵਾਰ, ਗਿਆਨੀ ਬਲਰਾਜ ਸਿੰਘ ਪਰਿਵਾਰ, ਸ ਕੁਲਦੀਪ ਸਿੰਘ ਜੌਹਲ ਪਰਿਵਾਰ , ਸ ਰਾਵਿਦਾਰਪਾਲ ਸਿੰਘ ਖਾਨੂੰਜਾਂ ਪਰਿਵਾਰ ਅਤੇ ਸਮੂਹ ਸੰਗਤ ਗੁਰਦਵਾਰਾ ਸਾਹਿਬ ਵਾਰਿਗਟਨ।

ਫੋਟੋ:- ਗੁਰਦੁਆਰਾ ਸਾਹਿਬ ਲੰਗਰ ਦੀ ਪੈਕਿੰਗ ਕਰਦੇ ਹੋਏ ਪ੍ਰਬੰਧਕ

ਫੋਟੋ:- ਰੁਸ ਬੋਰਡਨ ਅਤੇ  ਮਿਸ਼ਲ ਆਪਣੇ ਲਈ ਲੰਗਰ ਲੈਦੇ ਹੋਏ

ਫੋਟੋ:- ਪੁਲਿਸ ਨੂੰ ਲੰਗਰ ਦੇਣ ਸਮੇਂ ਪ੍ਰਬੰਧਕ, ਰੁਸ ਬੋਰਡਨ,ਦਲਜੀਤ ਸਿੰਘ ਜੌਹਲ,ਕਿਨ ਅਤੇ ਪੁਲਿਸ ਅਫਸਰ

ਫੋਟੋ:- ਰਸੋਈ ਵਿੱਚ ਲੰਗਰ ਦੀ ਤਿਆਰੀ ਸਮੇ ਰਸ ਬੋਰਡਨ,ਮਿਸ਼ਲ, ਸ ਕੁਲਦੀਪ ਸਿੰਘ ਢਿੱਲੋਂ,ਬੀਬੀ ਬਲਬੀਰ ਕੌਰ ਢਿੱਲੋਂ।​

ਫੋਟੋ:- ਪੁਲਿਸ ਨਊ ਲੰਗਰ ਭੇਜਣ ਸਮੇ ਸ ਪੀਲੂ ਸਿੰਘ ਕਰੀ ਅਤੇ ਪੁਲਿਸ ਅਫਸਰ

ਪੰਜਾਬ ਤੋਂ 9 ਮਾਰਚ ਨੂੰ ਛੁਟਿਆ ਕੱਟ ਕੇ ਗਿਆ ਸੀ ਵਾਪਸ

ਲੰਡਨ(ਯੂ ਕੇ)ਜਗਰਾਓਂ/ਲੁਧਿਆਣਾ,ਮਈ 2020-(ਗਿਆਨੀ ਰਾਵਿਦਾਰਪਾਲ ਸਿੰਘ/ਮਨਜਿੰਦਰ ਗਿੱਲ)-

ਇੰਗਲੈਂਡ ਦੇ ਸ਼ਹਿਰ ਲੰਡਨ ਦਾ ਵਾਸੀ ਸ ਇੰਦਰਜੀਤ ਸਿੰਘ ਹਾਸ (66 ਸਾਲ ) ਪੁੱਤਰ ਸੂਬੇਦਾਰ ਮਹਿੰਦਰ ਸਿੰਘ ਹਾਸ ਨਾਮੀ ਪਰਿਵਾਰ ਦਾ ਬੇਟਾ ਅਤੇ ਸ ਪਰਮਜੀਤ ਸਿੰਘ ਹਾਸ ਕਨੇਡਾ , ਸ ਜਗਜੀਤ ਸਿੰਘ ਹਾਸ ਕਨੇਡਾ ਦਾ ਭਾਈ ਦੋ ਬੱਚਿਆਂ ਦਾ ਬਾਪ ਕੋਰੋਨਾ ਵਾਇਰਸ ਦੀ ਭਿਆਨਕ ਬਿਮਾਰੀ ਨਾਲ ਡੇਢ ਮਹੀਨੇ ਤੋਂ ਲੜਦਾ ਲੜਦਾ ਕੱਲ ਆਪਣੇ ਸਵਾਸਾਂ ਦੀ ਪੂੰਜੀ ਮੁਕਾਕੇ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਆਖ ਗਿਆ ਹੈ। ਸ ਪਰਮਜੀਤ ਸਿੰਘ ਹਾਸ ਜੋ ਆਪਣੇ ਪਿੰਡ ਸੁਜਾਪੁਰ (ਜਗਰਾਓਂ) ਤੋਂ ਪ੍ਰੈਸ ਨਾਲ ਜਾਣਕਾਰੀ ਸਾਜੀ ਕਰਦੇ ਦਸਿਆ ਕਿ ਸ ਇੰਦਰਜੀਤ ਸਿੰਘ ਸਕੂਲ ਤੋਂ ਲੱਗਕੇ ਕਾਲਜ ਤੱਕ ਇੱਕ ਬਹੁਤ ਹੀ ਹੋਣਹਾਰ ਖਿਡਾਰੀ ਰਿਹਾ।ਪਿੰਡ ਦੇ ਸਕੂਲ ਤੋਂ ਦੱਸਵੀ ਤੱਕ ਦੀ ਪੜ੍ਹਾਈ ਕੀਤੀ ਅਤੇ ਹਾਕੀ ਵਿੱਚ ਬਹੁਤ ਨਿਮਾਣਾ ਖੱਟਿਆ।ਅਗਲੀ ਪੜ੍ਹਾਈ ਖਾਲਸਾ ਕਾਲਜ ਸੁਧਾਰ ਤੋਂ ਕੀਤੀ । ਕਾਲਜ ਦੀ ਪੜ੍ਹਾਈ ਦੇ ਸਮੇ ਕਬੱਡੀ ਦੇ ਨਾਲ ਨਾਲ ਭਾਰ ਚੁੱਕਣ ਅਤੇ ਗੋਲਾ ਸੁੱਟਣ ਵਿੱਚ ਅਨੇਕ ਮੈਡਲ ਪ੍ਰਾਪਤ ਕੀਤੇ।1975 ਵਿੱਚ ਵਿਆਹ ਲਈ ਇੰਗਲੈਂਡ ਚਲਾ ਗਿਆ ਜਿੱਥੇ ਸ ਅਜੀਤ ਸਿੰਘ ਢੰਡਾਰੀ ਖੁਰਧ ਦੀ ਬੇਟੀ ਨਾਲ ਵਿਆਹ ਤੋਂ ਬਾਅਦ ਪੱਕੇ ਤੌਰ ਤੇ ਓਥੇ ਹੀ ਆਪਣੇ ਕੰਮ ਵਿੱਚ ਸਖਤ ਮੇਹਨਤ ਕਰੇ । ਇਕ ਚੰਗੇ ਸਮਾਜ ਸੇਵੀ ਅਤੇ ਅਗਾਂਹ ਵਾਧੂ ਪੀਵਰ ਨੂੰ ਵਿਕਸਤ ਕੀਤਾ ਅੱਜ ਕੱਲ ਸ ਇੰਦਰਜੀਤ ਸਿੰਘ ਬ੍ਰਿਟਿਸ਼ ਏਅਰਵੇਜ਼ ਵਿੱਚ ਕੰਮਕਰ ਰਿਹਾ ਸੀ। ਸ ਪਰਮਜੀਤ ਸਿੰਘ ਹਾਸ ਨੇ ਦਸਿਆ ਕਿ ਅੱਜ ਕੋਰੋਨਾ ਵਾਇਰਸ ਨੂੰ ਲੈਕੇ ਜੋ ਲਾਕਡਾਉਨ ਪੰਜਾਬ ਅਤੇ ਇੰਗਲੈਂਡ ਵਿਚ ਚੱਲ ਰਿਹਾ ਹੈ ਇਸ ਸਮੇ ਪ੍ਰੀਵਾਰ ਨਾਲ ਅਫਸੋਸ ਕਰਨ ਲਈ ਫੋਨ ਤੇ ਗੱਲਬਾਤ ਕੀਤੀ ਜਾਵੇ ਹੋਰ ਜਾਣਕਾਰੀ ਲਈ ਫੋਨ (0091-9878864335)। ਪੰਜਾਬ ਅਤੇ ਇੰਗਲੈਂਡ ਤੋਂ ਬਹੁਤ ਸਾਰੀਆਂ ਸਤਿਕਾਰਯੋਗ ਸਖਸੀਤਾਂ ਨੇ ਸ ਇੰਦਰਜੀਤ ਸਿੰਘ ਹਾਂਸ ਦੀ ਵੇਵਕਤੀ ਮੌਤ ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ।

(ਫੋਟੋ-ਐੱਮ ਪੀ ਤਨਮਨਜੀਤ ਸਿੰਘ ਢੇਸੀ ਵੀਡਿਓ ਰਾਹੀਂ ਜਾਣ ਕਾਰੀ ਦਿਦੇ ਹੋਏ)

ਮਾਨਚੈਸਟਰ, ਮਈ 2020 -( ਅਮਰਜੀਤ ਸਿੰਘ ਗਰੇਵਾਲ)-ਬ੍ਰਿਟਿਸ਼ ਹਾਈ ਕਮਿਸ਼ਨ ਨੇ ਪੰਜਾਬ 'ਚ ਫਸੇ ਯੂ.ਕੇ. ਦੇ ਨਾਗਰਿਕਾਂ ਦੀ ਗਿਣਤੀ ਜ਼ਿਆਦਾ ਹੋਣ ਕਾਰਨ ਕੁਝ ਹੋਰ ਹਵਾਈ ਉਡਾਨਾਂ ਚਲਾਉਣ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਹੁਣ 11 ਮਈ ਤੱਕ ਹਰ ਰੋਜ਼ ਹਵਾਈ ਉਡਾਨਾਂ ਚੱਲਣਗੀਆਂ। ਹੁਣ 1 ਮਈ ਤੋਂ ਚਾਲੂ ਹੋਇਆ ਉਡਾਣਾਂ 11 ਮਈ ਤੱਕ ਰੋਜ਼ਾਨਾ ਅੰਮ੍ਰਿਤਸਰ ਤੋਂ ਲੰਡਨ ਲਈ ਚੱਲਣਗੀਆਂ। ਬ੍ਰਿਟਿਸ਼ ਹਾਈ ਕਮਿਸ਼ਨ ਕੋਲ ਪੰਜਾਬ 'ਚ ਫਸੇ ਯੂ.ਕੇ. ਦੇ ਨਾਗਰਿਕਾਂ ਦੇ ਰਜਿਸਟਰ ਹੋਣ ਦੀ ਗਿਣਤੀ ਜ਼ਿਆਦਾ ਹੋਣ ਕਾਰਨ, ਉਨ੍ਹਾਂ ਦੀ ਮੰਗ ਨੂੰ ਮੁੱਖ ਰੱਖਦਿਆਂ ਵਿਦੇਸ਼ ਸਕੱਤਰ ਵਲੋਂ ਇਹ ਹਵਾਈ ਉਡਾਨਾਂ ਚਲਾਉਣ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਇਸ ਦੀ ਜਾਣਕਾਰੀ ਸਾਜੀ ਕਰਦੇ ਐਮ ਪੀ ਤਨਮਨਜੀਤ ਸਿੰਘ ਢੇਸੀ ਨੇ ਦਸਿਆ ਕਿ ਇਸ ਤੋਂ ਬਾਦ ਵੀ ਬਹੁਤ ਸਾਰੇ ਲੋਕ ਜੋ ਯੂ ਕੇ ਪਾਸ ਪੋਰਟ ਹੋਲਡਰ ਨਹੀਂ ਹਨ ਪਰ ਪੱਕੇ ਤੌਰ ਤੇ ਯੂ ਕੇ ਦੇ ਵਾਸੀ ਹਨ ਉਹ ਵੀ ਬਹੁਤ ਸਾਰੇ ਭਾਰਤ ਗਏ ਹੋਏ ਹਨ।ਜਿਨ੍ਹਾਂ ਨੂੰ ਸਰਕਾਰ ਵਾਪਸ ਲਿਓਨ ਲਈ ਆਪਣੀ ਪ੍ਰਕਿਰਿਆ ਨੂੰ ਤੇਜ਼ ਕਰ। ਅਸੀਂ ਉਮੀਦ ਕਰਦੇ ਹਾਂ ਕਿ ਸਾਰੇ ਹੀ ਯੂ ਕੇ ਵਸਿਆ ਨੂੰ ਜਲਦ ਵਾਪਸ ਲੈ ਆਦਾ ਜਾਵੇਗਾ।ਓਹਨਾ ਆਪਣੀ ਗੱਲਬਾਤ ਦੀ ਵੀਡੀਓ ਵੀ ਜਾਰੀ ਕੀਤੀ ਜੋ ਤੁਸੀਂ ਹੇਠਾਂ ਲਿੰਕ ਤੇ ਦੇਖ ਸਕਦੇ ਹੋ। ਇਸੇ ਤਰ੍ਹਾਂ ਅਹਿਮਦਾਬਾਦ ਤੋਂ 1, 3 ਅਤੇ 4 ਮਈ ਨੂੰ ਹਵਾਈ ਉਡਾਨਾਂ ਲੰਡਨ ਆਉਣਗੀਆਂ।