ਮਾਨਚੈਸਟਰ/ਯੂ ਕੇ, ਮਈ 2020 ( ਗਿਆਨੀ ਅਮਰੀਕ ਸਿੰਘ ਰਾਠੌਰ )- ਬੀਤੇ ਇਕ ਦਹਾਕੇ ਤੋਂ ਪੰਜਾਬ 'ਚ ਮਨੁੱਖਤਾ ਦੀ ਸੇਵਾ ਵਿੱਚ ਵੱਡਾ ਯੋਗਦਾਨ ਪਾਉਣ ਵਾਲੀ ਸਮੁੱਚੇ ਪੰਜਾਬ ਵਾਸੀਆਂ ਲਈ ਕੈਂਸਰ ਜਾਂਚ ਕੈਂਪ ਲਗਵਾ ਰਹੀ ਅਤੇ ਅੱਜ ਦੇ ਭਿਆਨਕ ਸਮੇ ਦੁਰਾਨ ਪੰਜਾਬ ਅੰਦਰ ਡਾਕਟਰ ਨਰਸ ਏਟ ਪੁਲਿਸ ਲਈ ਵੱਡੇ ਪੱਧਰ ਤੇ ਸੈਂਨਟਾਈਜਰ ਮੁਹਈਆ ਕਰਵਾਉਣ ਵਾਲੀ ਨਾਮੀ ਸਮਾਜ ਸੇਵੀ ਸੰਸਥਾ ਵਰਲਡ ਕੈਂਸਰ ਕੇਅਰ ਵਲੋਂ ਹੁਣ ਕੋਰੋਨਾ ਵਾਇਰਸ ਨਾਲ ਲੜ ਰਹੀ ਯੂ.ਕੇ. ਦੀ ਸਿਹਤ ਸੰਸਥਾ ਐਨ.ਐਚ.ਐਸ.(NHS) ਤੇ ਕੋਵਿਡ-19 ਵੈਕਸੀਨ ਨੂੰ ਬਣਾਉਣ ਵਿਚ ਜੁਟੇ ਸਾਇੰਸਦਾਨਾਂ ਨੂੰ 48 ਲੱਖ ਰੁਪਏ (51000 ਪੌਡ) ਦਾ ਸਹਿਯੋਗ ਦੇਣ ਦਾ ਐਲਾਨ ਕੀਤਾ ਗਿਆ ਹੈ । ਸੰਸਥਾ ਦੇ ਕੁਲਵੰਤ ਸਿੰਘ ਧਾਲੀਵਾਲ ਤੇ ਗੁਰਪਾਲ ਸਿੰਘ ਉੱਪਲ ਨੇ ਦੱਸਿਆ ਇਸ ਕਾਰਜ ਲਈ ਧਾਲੀਵਾਲ ਵਲੋਂ 500 ਮੀਲ ਦੌੜਨ ਦੀ ਸ਼ੁਰੂਆਤ ਕੀਤੀ ਗਈ ਹੈ ਅਤੇ ਉਹ ਮਈ-ਜੂਨ ਮਹੀਨੇ 'ਚ ਇਸ ਸੰਕਲਪ ਨੂੰ ਪੂਰਾ ਕਰ ਲੈਣਗੇ । ਯਾਦ ਰਹੇ ਡਾ ਕੁਲਵੰਤ ਸਿੰਘ ਧਾਲੀਵਾਲ ਉਹ ਇਨਸਾਨ ਹਨ ਜਿਨ੍ਹਾਂ ਆਪਣਾ ਜੀਵਨ ਹੀ ਸੱਚੀ ਸੁੱਚੀ ਮੁਨਖਤਾ ਦੀ ਸੇਵਾ ਲੇਖੇ ਲਾਇਆ ਹੋਇਆ ਹੈ।
