ਲੰਡਨ, ਮਈ 2020 -( ਏਜੰਸੀ)-
ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਨੇ ਆਪਣੇ ਨਵ-ਜਨਮੇ ਬੱਚੇ ਦਾ ਨਾਮ ਉਸ ਡਾਕਟਰ ਦੇ ਨਾਮ 'ਤੇ ਰੱਖਿਆ, ਜਿਸਨੇ ਇਲਾਜ ਕਰਕੇ ਕੋਰੋਨਾ ਵਾਇਰਸ ਦੇ ਸੰਕ੍ਰਮਣ ਤੋਂ ਉਸਦੀ ਜਾਨ ਬਚਾਈ। ਜਾਨਸਨ ਅਤੇ ਉਸਦੀ ਮੰਗੇਤਰ ਕੈਰੀ ਸਾਈਮੰਡਸ ਨੇ ਆਪਣੇ ਨਵ-ਜਨਮੇ ਬੇਟੇ ਦਾ ਨਾਮ ਵਿਲਫ੍ਰੇਡ ਲਾਰੀ ਨਿਕੋਲਸ ਰੱਖਿਆ ਹੈ। ਦੱਸ ਦੇਈਏ ਕਿ ਕਈ ਹਫ਼ਤਿਆਂ ਤਕ ਕੋਰੋਨਾ ਤੋਂ ਪ੍ਰਭਾਵਿਤ ਹੋਣ ਤੋਂ ਬਾਅਦ ਬੋਰਿਸ ਜਾਨਸਨ ਨੂੰ ਆਈਸੀਯੂ 'ਚ ਰੱਖਿਆ ਗਿਆ ਸੀ। ਇਸਤੋਂ ਬਾਅਦ ਜਦੋਂ ਉਹ ਇਲਾਜ ਕਰਵਾ ਕੇ ਕੰਮ 'ਤੇ ਵਾਪਸ ਆਏ ਤਾਂ ਉਸਦੇ ਕੁਝ ਦਿਨਾਂ ਬਾਅਦ ਬੁੱਧਵਾਰ ਨੂੰ ਬੋਰਿਸ ਜਾਨਸਨ ਨੂੰ ਪਿਤਾ ਬਣਨ ਦੀ ਖੁਸ਼ਖਬਰੀ ਦਿੱਤੀ।
32 ਸਾਲ ਦੀ ਸਾਈਮੰਡਸ ਨੇ ਆਪਣੇ ਬੇਟੇ ਦੀ ਤਸਵੀਰ ਇੰਸਟਾਗ੍ਰਾਮ ਅਕਾਊਂਟ 'ਤੇ ਪੋਸਟ ਕਰਦੇ ਹੋਏ ਲਿਖਿਆ, ਵਿਲਫ੍ਰੇਡ ਲਾਰੀ ਨਿਕੋਲਸ ਜਾਨਸਨ ਦਾ ਜਨਮ 29.04.20 ਨੂੰ ਸਵੇਰੇ 9 ਵਜੇ ਹੋਇਆ ਸੀ। ਉਨ੍ਹਾਂ ਨੇ ਕਿਹਾ, ਯੂਨੀਵਰਸਿਟੀ ਕਾਲੇਜ ਲੰਡਨ ਹਸਪਤਾਲ 'ਚ ਅਵਿਸ਼ਵਾਸਯੋਗ ਐੱਨਐੱਚਐੱਸ ਜਣੇਪਾ ਟੀਮ ਲਈ ਬਹੁਤ-ਬਹੁਤ ਧੰਨਵਾਦ, ਜਿਸ ਨੇ ਇੰਨੀ ਚੰਗੀ ਤਰ੍ਹਾਂ ਦੇਖਿਆ। ਮੇਰੇ ਲਈ ਇਸਤੋਂ ਜ਼ਿਆਦਾ ਹੋਰ ਕੋਈ ਖੁਸੀ ਦੀ ਗੱਲ ਨਹੀਂ ਹੋ ਸਕਦੀ। ਮੇਰਾ ਦਿਲ ਭਰ ਆਇਆ ਹੈ।
ਇਹ ਸਾਈਮੰਡਸ ਦਾ ਪਹਿਲਾਂ ਬੱਚਾ ਹੈ। ਜਦਕਿ 55 ਸਾਲਾ ਜਾਨਸਨ ਪੰਜ ਬੱਚਿਆਂ ਦੇ ਪਿਤਾ ਹਨ। ਇਨ੍ਹਾਂ 'ਚ ਉਨ੍ਹਾਂ ਦੀ ਦੂਸਰੀ ਪਤਨੀ ਮਰੀਨਾ ਵ੍ਹੀਲਰ ਦੇ ਚਾਰ ਬੱਚੇ ਸ਼ਾਮਿਲ ਹਨ। ਜਾਨਸਨ ਸਾਲ 2018 'ਚ ਮਰੀਨਾ ਤੋਂ ਅਲੱਗ ਹੋ ਗਏ ਸਨ। ਜਾਨਸਨ ਦੇ ਬੁਲਾਰੇ ਨੇ ਇਸ ਹਫ਼ਤੇ ਪੱਤਰਕਾਰਾਂ ਨੂੰ ਕਿਹਾ ਕਿ ਉਮੀਦ ਕੀਤੀ ਗਈ ਸੀ ਕਿ ਉਹ ਭਵਿੱਖ 'ਚ ਕਿਸੇ ਸਮੇਂ ਕਾਨੂੰਨੀ ਪੈਟਰਨਰੀ ਛੁੱਟੀ ਲੈਣਗੇ।
