ਤਾਜਾ ਮੌਸਮ ✍️ ਸਲੇਮਪੁਰੀ ਦੀ ਚੂੰਢੀ 

ਤਾਜਾ ਮੌਸਮ -

ਵਰਖਾ! 

ਮੌਸਮ ਵਿਭਾਗ ਤੋਂ ਕੱਲ੍ਹ ਸ਼ਾਮ ਨੂੰ ਮਿਲੀ ਜਾਣਕਾਰੀ ਅਨੁਸਾਰ 5 ਤੋਂ 7 ਮਾਰਚ ਦੌਰਾਨ ਖਿੱਤੇ ਪੰਜਾਬ ਚ  ਭਾਰੀ ਬਾਰਿਸ਼ ਪਵੇਗੀ। 

ਪਹਿਲਾਂ ਦੱਸੇ ਮੁਤਾਬਿਕ ਮਾਰਚ ਦਾ ਪਹਿਲਾ ਤੇ ਤਕੜਾ ਪੱਛਮੀ ਸਿਸਟਮ ਕੱਲ੍ਹ ਸਵੇਰ ਪਾਕਿ ਚ ਦਸਤਕ ਦੇ ਦੇਵੇਗਾ ਤੇ ਪੰਜਾਬ ਚ ਟੁੱਟਵੀਂ ਬੱਦਲਵਾਹੀ ਨਾਲ 2-3 ਥਾਈਂ ਕਿਣਮਿਣ ਜਾਂ ਹਲਕੀ ਹਲਚਲ ਵੇਖੀ ਜਾਵੇਗੀ । ਪੰਜਾਬ ਚ ਇਸਦਾ ਮੁੱਖ ਅਸਰ ਪਰਸੋਂ ਸ਼ੁਰੂ ਹੋ ਜਾਵੇਗਾ 5-6 ਮਾਰਚ ਖਿੱਤੇ ਪੰਜਾਬ ਚ ਲਗਾਤਾਰ ਵੱਖੋ-ਵੱਖ ਖੇਤਰਾਂ ਚ ਵਗਦੀਆਂ ਠੰਡੀਆਂ ਤੇਜ਼ ਪੂਰਬੀ ਹਵਾਵਾਂ ਨਾਲ ਰੁਕ-ਰੁਕ ਗਰਜ-ਚਮਕ ਨਾਲ ਬਾਰਿਸ਼ ਦੇ ਤੇਜ਼ ਛਰਾਟਿਆਂ ਦੀ ਉਮੀਦ ਹੈ ।7 ਮਾਰਚ ਤੱਕ ਪੰਜਾਬ ਚ ਟੁੱਟਵੀਂ ਕਾਰਵਾਈ ਬਣੀ ਰਹੇਗੀ। ਸਪੈਲ ਦੌਰਾਨ ਪੰਜਾਬ ਦੇ ਜਿਆਦਾਤਰ ਖੇਤਰਾਂ ਚ ਦਿਨ ਦਾ ਪਾਰਾ 15-20°c ਰਹਿਣ ਤੇ ਦਿਨ ਵੇਲੇ ਮੁੜ ਚੰਗੀ ਠੰਡ ਮਹਿਸੂਸ ਹੋਵੇਗੀ।

ਗੜ੍ਹੇਮਾਰੀ- ਇਸ ਸਪੈਲ ਦੌਰਾਨ ਗੜ੍ਹੇਮਾਰੀ ਆਮ ਵੇਖੀ ਜਾਵੇਗੀ ਪਰ ਪੰਜਾਬ ਚ ਜਿਆਦਾਤਰ ਥਾਂਈ ਗੜ੍ਹਿਆਂ ਦਾ ਆਕਾਰ ਬਰੀਕ ਤੇ ਛੋਟਾ ਹੀ ਰਹੇਗਾ। ਹਰਿਆਣਾ ਤੇ ਰਾਜਸਥਾਨ ਚ ਗੜ੍ਹੇਮਾਰੀ ਜਿਆਦਾ ਮਾਰੂ ਰਹੇਗੀ।

ਬਰਫ਼ਵਾਰੀ - ਲੰਬਾ ਸਮਾਂ ਚੱਲਣ ਕਾਰਨ ਇਸ ਸਿਸਟਮ ਨਾਲ ਮਨਾਲੀ,ਡਲਹੌਜੀ,ਸ਼ਿਮਲਾ ਆਦਿ Late_season_snow ਬਰਫ਼ਵਾਰੀ ਦੀ ਉਮੀਦ ਹੈ ਦਰਮਿਆਨੀ ਉਚਾਈ ਦੇ 2500-3000 ਮੀਟਰ ਤੋਂ ਓੁੱਚੇ ਜੰਮੂ-ਕਸ਼ਮੀਰ,ਹਿਮਾਚਲ ਤੇ ਓੁੱਤਰਾਖੰਡ ਦੇ ਪਹਾੜਾਂ ਚ 1-2 ਫੁੱਟ ਭਾਰੀ ਬਰਫ਼ਵਾਰੀ ਦੀ ਆਸ ਹੈ।

ਉੰਝ  ਸਾਰੇ ਸੂਬੇ ਚ ਹੀ ਭਾਰੀ ਬਾਰਿਸ਼ ਦੀ ਆਸ ਹੈ ਪਰ  ਪਾਤੜਾਂ, ਨਾਭਾ, ਪਟਿਆਲਾ, ਅੰਬਾਲਾ ,ਸੰਗਰੂਰ , ਫ਼ਤਹਿਗੜ੍ਹ ਸਾਹਿਬ, ਦੇਵੀਗੜ੍ਹ, ਰਾਜਪੁਰਾ, ਖੰਨਾ, ਕੈਂਥਲ, ਖਮਾਣੋਂ, ਲੁਧਿਆਣਾ, ਮਾਲੇਰਕੋਟਲਾ , ਸਮਰਾਲਾ, ਰਾਏਕੋਟ, ਜਗਰਾਉਂ , ਮੋਗਾ, ਧਰਮਕੋਟ, ਜਲੰਧਰ, ਕਪੂਰਥਲਾ, ਸੁਲਤਾਨਪੁਰ ਲੋਧੀ, ਫਗਵਾੜਾ, ਨਵਾਂਸ਼ਹਿਰ, ਬਲਾਚੌਰ, ਤਰਨਤਾਰਨ ,ਅੰਮ੍ਰਿਤਸਰ , ਪਠਾਨਕੋਟ, ਗੁਰਦਾਸਪੁਰ , ਹੁਸ਼ਿਆਰਪੁਰ ,ਰੋਪੜ ,ਮੋਹਾਲੀ ਖੇਤਰਾਂ ਚ ਭਾਰੀ ਬਾਰਿਸ਼ ਦੀ ਵਧੇਰੇ ਆਸ ਹੈ।

ਹਰਿਆਣਾ ਚ ਪੰਜਾਬ ਨਾਲੋੰ ਵੀ ਤਕੜੀਆਂ ਕਾਰਵਾਈਆਂ ਦੀ ਉਮੀਦ ਹੈ।

ਪਹਿਲਾ ਦੱਸੇ ਮੁਤਾਬਿਕ ਠੰਡ ਚ ਮੁੜ ਵਾਧਾ ਵੇਖਿਆ ਜਾਵੇਗਾ। ਮਾਰਚ ਦਾ ਪਹਿਲੇ ਅੱਧ ਚ ਪਾਰਾ ਔਸਤ ਨਾਲੋੰ ਘੱਟ ਰਹੇਗਾ। ਅਗਲਾ ਪੱਛਮੀ ਸਿਸਟਮ 10-12 ਨੂੰ ਆਉੰਦਾ ਜਾਪ ਰਿਹਾ ਹੈ ਕੁਲ ਮਿਲਾ ਕੇ ਮਾਰਚ ਚ ਔਸਤ ਨਾਲੋਂ ਵਧੇਰੇ ਬਾਰਿਸ਼ ਤੇ ਪਾਰਾ ਔਸਤ ਤੇ ਔਸਤ ਨਾਲੋਂ ਰਤਾ ਘੱਟ ਹੀ ਰਹੇਗਾ।

ਧੰਨਵਾਦ ਸਹਿਤ।

✍️ ਸੁਖਦੇਵ ਸਲੇਮਪੁਰੀ