ਪੰਜਾਬ

ਸਿੱਧਵਾ ਬੇਟ  ( ਪ ਪ )  ਪ੍ਰੈਸ਼ ਕਲੱਬ ਪੰਜਾਬ ਦੇ ਪ੍ਰਧਾਨ ਰਣਜੀਤ ਸਿੰਘ ਰਾਣਾ ਦੀ ਭਰਪੂਰ ਅਗਵਾਈ ਵਿੱਚ ਸੈਕਟਰੀ ਨਸੀਬ ਸਿੰਘ ਵਿਰਕ (ਪੱਤਰਕਾਰ ਅਤੇ ਸੈਕਟਰੀ ਪ੍ਰੈਸ਼ ਕਲੱਬ ਪੰਜਾਬ) ਦੇ ਦਿਸ਼ਾ ਨਿਰਦੇਸ਼ਾ ਹੇਠ ਪੱਤਰਕਾਰ ਭਾਈਚਾਰੇ ਦੀ ਇੱਕ ਭਰਵੀਂ ਮੀਟਿੰਗ ਹੋਈ ਜਿਸ ਵਿੱਚ ਪ੍ਰੈਸ਼ ਕਲੱਬ ਦੇ ਅਹੁਦੇਦਾਰਾਂ ਨੂੰ ਸੰਬੋਧਤ ਕਰਦਿਆ ਪ੍ਰਧਾਨ ਰਣਜੀਤ ਸਿੰਘ ਰਾਣਾ ਨੇ ਕਿਹਾ ਪ੍ਰੈਸ਼ ਕਲੱਬ ਪੰਜਾਬ ਦੇ ਯਤਨਾਂ ਸਦਕਾ ਸਾਡੇ ਪੱਤਰਕਾਰ ਡਾਕਟਰ ਮਨਜੀਤ ਸਿੰਘ ਲੀਲ਼੍ਹਾਂ ਵੱਲੋਂ ਆਪਣੇ ਪੁੱਤਰਾਂ ਅਤੇ ਨੂੰਹ ਦੀ ਹੋਈ ਕੁੱਟ ਸਬੰਧੀ ਇੱਕ ਦਰਖਾਸਤ ਸਬੰਧਤ ਪੁਲਸ ਅਧਿਕਾਰੀਆ ਨੂੰ ਦਿੱਤੀ ਹੋਈ ਸੀ ਜਿਸ ਤੇ ਅਮਲ ਕਰਦੇ ਹੋਏ ਉੱਚ ਅਧਿਕਾਰੀਆ ਨੇ ਦੋਸ਼ੀਆ ਤੇ ਕਾਰਵਾਈ ਕਰਦੇ ਹੋਏ ਐਫ ਆਈ ਆਰ 201 ਤਹਿਤ ਧਾਰਾ 341,295-ਏ, 149, 120ਬੀ  ਦਾ ਮਾਮਲਾ ਦਰਜ ਕਰਕੇ ਡਾਕਟਰ ਮਨਜੀਤ ਸਿੰਘ ਦੇ ਪਰਿਵਾਰ ਨੂੰ ਇਨਸਾਫ ਦਿੱਤਾ ਹੈ । ਇਸ ਸਮੇਂ ਉਹਨਾ ਕਿਹਾ ਕਿ ਅਸੀ ਡਾਕਟਰ ਮਨਜੀਤ ਸਿੰਘ ਲੀਲਾਂ ਦੇ ਨਾਲ ਚਟਾਨ ਵਾਂਗ ਖੜ੍ਹੇ ਸੀ ਅਤੇ ਸਦਾ ਖੜ੍ਹੇ ਰਹਾਂਗੇ। ਇਸ ਸਮੇਂ ਦਰਜ ਹੋਏ ਮਾਮਲੇ ਵਿੱਚ ਅਜੇ ਤੱਕ ਦੋਸ਼ੀਆਂ ਦੀਆਂ ਗ੍ਰਿਫਤਾਰੀਆ ਨਾ ਪੈਣ ਕਰਕੇ ਇੱਕ ਵਫਦ ਸਬੰਧਤ ਡੀ ਐਸ ਪੀ ਸਾਬ੍ਹ ਨੂੰ ਮਿਲਿਆ  ਅਗਲੇਰੀ ਕਾਰਵਾਈ ਲਈ ਬੇਨਤੀ ਕੀਤੀ । ਇਸ ਮਸਲੇ ਨੁੰ ਧਿਆਨ ਨਾਲ ਸੁਣਦੇ ਹੋਏ ਡੀ ਐਸ ਪੀ ਸੁਖਵਿੰਦਰ ਸਿੰਘ ਵਿਰਕ ਨੇ ਸਬੰਧਤ ਐਸ ਐਚ ਉ ਸਾਬ੍ਹ ਨੂੰ ਦੋਸੀਆਂ ਨੂੰ ਹਿਰਾਸਤ ਵਿੱਚ ਲੈਣ ਦੇ ਆਦੇਸ਼ ਜਾਰੀ ਕੀਤੇ । ਇਸ ਸਮੇਂ ਇੱਕਤਰ ਹੋਏ ਪੱਤਰਕਾਰਾਂ ਚ ਪੱਤਰਕਾਰ ਨਸੀਬ ਸਿੰਘ ਵਿਰਕ,ਮਨਜੀਤ ਸਿੰਘ ਗਿੱਲ, ਬੂਟਾ ਸਿੰਘ ਗਾਲਿਬ ਅਤੇ ਦਲਜੀਤ ਸਿੰਘ ਮਿਸਾਲ ਆਦਿ ਹਾਜਰ ਸਨ ।

ਕੈਪਸ਼ਨ- ਪ੍ਰੂੈਸ਼ ਕਲੱਬ ਪੰਜਾਬ ਦੀ ਮੀਟਿੰਗ ਦੌਰਾਨ ਇੱਕਤਰ ਹੋਇਆ ਪੱਤਰਕਾਰ ਭਾਈਚਾਰਾ

   ਇਹ ਕਿੱਦਾਂ ਦਾ ਬਦਲਾਅ ਹੋਣ ਹੁਣ ਸਿੱਖ ਕੌਮ ਦੇ ਹੱਕੀ ਮੰਗਾਂ ਲਈ, ਰੋਸ ਮਾਰਚ ਨੂੰ ਪੁਲਿਸ ਨਾਕਾ ਲਾ ਕੇ ਰੋਕਿਆ ਕਰੇਗੀ  

ਸਰਾਭਾ ਪੰਥਕ ਮੋਰਚੇ ਦੀ ਅਹਿਮ ਮੀਟਿੰਗ 2 ਸਤੰਬਰ ਨੂੰ  

ਸਰਾਭਾ  (ਸਤਵਿੰਦਰ ਗਿੱਲ) ਗ਼ਦਰ ਪਾਰਟੀ ਦੇ ਨਾਇਕ ਬਾਲਾ ਜਰਨੈਲ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਜੀ ਦੇ ਜੱਦੀ ਪਿੰਡ ਸਰਾਭਾ ਵਿਖੇ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਪੰਥਕ ਮੋਰਚਾ ਭੁੱਖ ਹਡ਼ਤਾਲ ਦੇ 192ਵਾਂ ਦਿਨ ਪੂਰਾ ਹੋਇਆ। ਰੋਜ਼ਾਨਾ ਪਹਿਰੇਦਾਰ ਦੇ ਮੁੱਖ ਸੰਪਾਦਕ ਸ. ਜਸਪਾਲ ਸਿੰਘ ਹੇਰਾਂ ਦੀ ਸਰਪ੍ਰਸਤੀ ਹੇਠ ਚੱਲ ਰਹੇ ਮੋਰਚੇ 'ਚ ਅੱਜ ਸਹਿਯੋਗੀ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਜੀ ਦੇ ਨਾਨਕੇ ਪਿੰਡ ਮਹੋਲੀ ਖੁਰਦ ਤੋਂ ਬਾਬਾ ਬੰਤ ਸਿੰਘ ਮਹੌਲੀ ਖੁਰਦ, ਕੁਲਵਿੰਦਰ ਸਿੰਘ ਮਹੋਲੀ ਖੁਰਦ,ਬੀਬੀ ਮਨਜੀਤ ਕੌਰ ਟੂਸੇ,ਸੁਰਜੀਤ ਕੌਰ ਟੂਸੇ,ਨਛੱਤਰ ਕੌਰ ਟੂਸੇ, ਰਾਜਵਿੰਦਰ ਕੌਰ ਟੂਸੇ,ਪ੍ਰੀਤਮ ਕੌਰ ਟੂਸੇ, ਕਮਲ ਕੌਰ ਕੁਲਵਿੰਦਰ ਸਿੰਘ ਮਹੋਲੀ ਖੁਰਦ ਆਦਿ ਬਲਦੇਵ ਸਿੰਘ ਦੇਵ ਸਰਾਭਾ ਨਾਲ ਭੁੱਖ ਹਡ਼ਤਾਲ ਤੇ ਬੈਠੇ। ਪੱਤਰਕਾਰਾਂ ਨਾਲ ਗੱਲਬਾਤ ਸਾਂਝੀ ਕਰਦਿਆਂ ਬਲਦੇਵ ਸਿੰਘ ਦੇਵ ਸਰਾਭਾ ਨੇ ਆਖਿਆ ਕਿ ਅੱਜ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਚੱਲ ਰਿਹਾ ਪੰਥਕ ਮੋਰਚਾ ਭੁੱਖ ਹਡ਼ਤਾਲ ਸਥਾਨ ਤੋਂ ਭਾਈਬਾਲਾ ਚੌਕ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਭਗਤ ਪਾਰਕ ਤੱਕ ਰੋਸ ਮਾਰਚ ਕੱਢਿਆ ਗਿਆ ।ਜੋ ਸਾਹਿਬ ਸ੍ਰੀ ਗੁਰੂ ਹਰਗੋਬਿੰਦ ਸਾਹਿਬ ਮਹਾਰਾਜ ਜੀ ਦੇਾਪ ਬੰਦੀਛੋੜ ਸਤਿਗੁਰੂ ਦੇ ਚਰਨਾਂ ਵਿੱਚ ਅਰਦਾਸ ਬੇਨਤੀ ਕਰਕੇ ਚਾਲੇ ਪਾਏ ਗਏ।ਰੋਸ ਮਾਰਚ ਵੱਖ ਵੱਖ ਪਿੰਡਾਂ ਵਿੱਚ ਦੀ ਹੁੰਦਾ ਹੋਇਆ ਜਦੋਂ ਲਲਤੋਂ ਪਹੁੰਚਿਆ ਤਾਂ ਪੁਲਸ ਪ੍ਰਸ਼ਾਸਨ ਵੱਲੋਂ ਸੜਕ ਦੇ ਵਿਚਕਾਰ ਨਾਕਾ ਲਾ ਕੇ ਮਾਰਚ ਨੂੰ ਘੇਰ ਲਿਆ ਅਤੇ ਅੱਗੇ ਜਾਣ ਤੋਂ ਰੋਕਿਆ।ਆਗੂਆਂ ਵੱਲੋਂ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਮਾਰਗ ਦੇ ਵਿਚਕਾਰ ਕੜਾਕੇ ਦੀ ਧੁੱਪ ਵਿਚ ਬੈਠ ਕੇ ਉਸੇ ਸਥਾਨ ਤੇ ਮੋਰਚਾ ਲਗਾ ਦਿੱਤਾ।ਜਿੱਥੇ ਕੇ ਸਰਾਭਾ ਪੰਥਕ ਮੋਰਚਾ ਲੰਮੇ ਸਮੇਂ ਤੋਂ ਬੜੇ ਹੀ ਸ਼ਾਂਤਮਈ ਤਰੀਕੇ ਨਾਲ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਅਤੇ ਹੋਰ ਸਿੱਖ ਕੌਮ ਦੀਆਂ ਹੱਕੀ ਮੰਗਾਂ ਲਈ ਬੜੇ ਹੀ ਠੰਡੇ ਸੁਭਾਅ ਨਾਲ ਲੜ ਰਿਹਾ ਸੀ ਉਥੇ ਅੱਜ ਪੁਲਿਸ ਵੱਲੋਂ ਸ਼ਾਂਤਮਈ ਤਰੀਕੇ ਨਾਲ ਰੋਸ ਮਾਰਚ ਕੱਢ ਰਹੇ ਜੁਝਾਰੂਆਂ ਨੂੰ ਰੋਕ ਕੇ ਡੂਮਣੇ ਨੂੰ ਗਲ ਪਾ ਲਿਆ ।ਅੱਗਿਓਂ ਮਾਰਚ ਦੇ ਵਿਚ ਵੱਖ ਵੱਖ ਜਥੇਬੰਦੀਆਂ ਦੇ ਆਗੂਆਂ ਨੇ ਪੰਜਾਬ ਸਰਕਾਰ ਮੁਰਦਾਬਾਦ, ਪੁਲਿਸ਼   ਪ੍ਰਸ਼ਾਸਨ ਮੁਰਦਾਬਾਦ ਦੇ ਨਾਅਰਿਆਂ ਨਾਲ ਅਸਮਾਨੀ ਗੂੰਜਾਂ ਪਾ ਦਿੱਤੀਆਂ ।ਇਸ ਮੌਕੇ ਅਰਿਆਨਾ ਪਹਿਰੇਦਾਰ ਦੇ ਮੁੱਖ ਸੰਪਾਦਕ ਸਰਦਾਰ ਜਸਪਾਲ ਸਿੰਘ ਹੇਰਾਂ ਨੇ ਬੋਲਦਿਆਂ ਆਖਿਆ ਕਿ ਅਸੀਂ ਅਰਦਾਸ ਕਰਕੇ ਤੁਰੇ ਹਾਂ ਅਤੇ ਰੋਸ ਮਾਰਚ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਜੀ ਤੇ ਭਾਈ ਬਾਲਾ ਚੌਂਕ ਬੁੱਤ ਸਾਹਮਣੇ ਹੀ ਸਮਾਪਤ ਕਰਾਂਗੇ । ਜੇਕਰ ਪੁਲਸ ਪ੍ਰਸ਼ਾਸਨ ਸਾਨੂੰ ਆਗਿਆ ਨਹੀਂ ਦਿੰਦੀ ਤਾਂ ਅਸੀਂ ਭੁੱਖ ਹਡ਼ਤਾਲ ਲਲਤੋਂ ਬੱਸ ਸਟੈਂਡ ,ਚ ਹੀ ਸ਼ੁਰੂ ਕਰਾਂਗੇ ਅਤੇ ਹਰ ਰੋਜ਼ ਗਿਆਰਾਂ ਸਿੰਘ ਗ੍ਰਿਫ਼ਤਾਰੀ ਦਿਆ ਕਰਨਗੇ ਜਦੋਂ ਤਕ ਸਾਨੂੰ ਅੱਗੇ ਜਾਣ ਦੀ ਆਗਿਆ ਨਹੀਂ ਮਿਲ ਜਾਂਦੀ।ਜਦੋਂ ਮਾਰਚ ਆਗੂਆਂ ਵੱਲੋਂ ਸਖ਼ਤੀ ਕੀਤੀ ਗਈ ਤਾਂ ਪੁਲਸ ਪ੍ਰਸ਼ਾਸਨ ਨੇ ਇਹ ਗੱਲ ਆਪਣੇ ਸੀਨੀਅਰ ਦੇ ਧਿਆਨ ਵਿਚ ਕੱਢੀ ਤਾਂ ਪੁਲਿਸ ਆਖ਼ਰ ਝੁਕਦੇ ਹੋਏ ਪੰਜ ਸਿੰਘਾਂ ਨੂੰ ਅੱਗੇ ਜਾ ਕੇ ਸਰਾਭਾ ਜੀ ਦੇ ਬੁੱਤ ਤੇ ਸ਼ਰਧਾ ਦੇ ਫੁੱਲ ਭੇਟ ਕਰਨ ਦੀ ਆਗਿਆ ਦਿੱਤੀ ਗਈ ਪਰ ਆਗੂਆਂ ਵੱਲੋਂ ਇਹ ਮੁੱਢ ਤੋਂ ਨਕਾਰ ਕੇ ਉਹਨਾਂ ਨੇ ਗਿਆਰਾਂ ਸਿੰਘ ਅੱਗੇ ਜਾਣ ਲਈ ਆਗਿਆ ਮੰਗੀ ਜਿਸ ਤੋਂ ਬਾਅਦ ਉਹ ਅੱਗੇ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਦੇ ਬੁੱਤ ਤਕ ਗਏ ਤੇ ਸ਼ਰਧਾ ਦੇ ਫੁੱਲ ਭੇਟ ਕਰਨ ਤੋਂ ਬਾਅਦ ਰੋਸ ਮਾਰਚ ਸਮਾਪਤ ਕੀਤਾ ਗਿਆ ।ਆਖਰ ਵਿੱਚ ਗਿਆਰਾਂ ਸਿੰਘ ਲਲਤੋਂ ਵਿਖੇ ਸੜਕ ਦੇ ਵਿਚਕਾਰ ਬੈਠੇ ਸਿੰਘਾਂ ਕੋਲ ਪਹੁੰਚ ਕੇ ਧਰਨਾ ਖਤਮ ਕਰਨ ਲਈ ਆਖਿਆ ਤੇ  ਇਸ ਮੌਕੇ ਬਲਦੇਵ ਸਿੰਘ ਦੇਵ ਸਰਾਭਾ ਵੱਲੋਂ ਰੋਸ ਮਾਰਚ ਚ ਆਈਆਂ ਸੰਗਤਾਂ ਦਾ ਧੰਨਵਾਦ ਕੀਤਾ ਅਤੇ ਅਤੇ ਉਨ੍ਹਾਂ ਨੇ ਆਖਿਆ ਕਿ 2 ਸਤੰਬਰ ਦਿਨ ਸ਼ੁੱਕਰਵਾਰ ਨੂੰ ਪੰਥਕ ਮੋਰਚਾ ਸਰਾਭਾ ਦੀ ਇਕ ਅਹਿਮ ਮੀਟਿੰਗ ਬੁਲਾਈ ਗਈ ।ਸੌ ਮੋਰਚਾ ਕਮੇਟੀ ਦੇ ਮੈਂਬਰ ਅਤੇ ਸਮੂਹ ਪੰਥਕ ਪਦਾਰਥੀ ਪਹੁੰਚਣ ਦੀ ਕ੍ਰਿਪਾਲਤਾ ਕਰਨ ਤਾਂ ਜੋ ਸਮੁੱਚੀ ਸਿੱਖ ਕੌਮ ਦੀਆਂ ਹੱਕੀ ਮੰਗਾਂ ਲਈ ਅਗਲੀ ਰਣਨੀਤੀ ਤਿਆਰ ਕੀਤੀ ਜਾਵੇਗੀ । ਇਸ ਮੌਕ ਸਾਬਕਾ ਸਰਪੰਚ ਜਸਬੀਰ ਸਿੰਘ ਟੂਸੇ, ਖਜਾਨਚੀ ਪਰਮਿੰਦਰ ਸਿੰਘ ਟੂਸੇ,ਜਸਵੰਤ ਸਿੰਘ ਟੂਸੇ ,ਜਸਪਾਲ ਸਿੰਘ ਸਰਾਭਾ, ਬੰਤ ਸਿੰਘ ਸਰਾਭਾ, ਸਿਕੰਦਰ ਸਿੰਘ ਸਿੱਧੂ ਰੱਤੋਵਾਲ,ਰਣਜੀਤ ਸਿੰਘ ਰੱਤੋਵਾਲ ਗੁਰਮੇਲ ਸਿੰਘ ਜੁੜਾਹਾਂ, ਦਰਸਨ ਸਿੰਘ ਰਕਬਾ,ਮੇਵਾ ਸਿੰਘ ਸਰਾਭਾ ਲਹਿਣਾ ਸਿੰਘ ਅੱਬੂਵਾਲ,ਭੋਲਾ ਸਿੰਘ ਰਕਬਾ, ਜਸਵੰਤ ਸਿੰਘ ਲੰਬੜਦਾਰ ਸ਼ੇਖ ਦੌਲਤ, ਸ਼ਮਸ਼ੇਰ ਸਿੰਘ ਸਰਪੰਚ ਸ਼ੇਖ਼ ਦੌਲਤ ਹਰਬੰਸ ਸਿੰਘ ਰਕਬਾ ਗੁਰਮੀਤ ਸਿੰਘ ਢੱਟ,ਸੁਰਿੰਦਰ ਸਿੰਘ ਰਕਬਾ ਬਲਦੇਵ ਸਿੰਘ ਰਕਬਾ,ਸੁਰਿੰਦਰ ਸਿੰਘ ਰਕਬਾ ,ਬਲਦੇਵ ਸਿੰਘ ਰਕਬਾ,ਸੁਖਦੇਵ ਸਿੰਘ ਸ਼ੇਖ ਦੌਲਤ ਨਿਰਭੈ ਸਿੰਘ ਸ਼ੇਖਦੌਲਤ ਰਣਜੀਤ ਕੌਰ ਟੂਸੇ, ਸੁਖਵਿੰਦਰ ਕੌਰ ਟੂਸੇ, ਮਨਪ੍ਰੀਤ ਕੌਰ ਰਕਬਾ, ਜਸਪਰੀਤ ਕੌਰ ਰਕਬਾ,ਜਸਵਿੰਦਰ ਕੌਰ ਰਕਬਾ, ਮਹਿੰਦਰ ਸਿੰਘ ਰਕਬਾ,ਮਨਪ੍ਰੀਤ ਕੌਰ ਭੋਰਾ ਸਾਹਿਬ ਬੁੜ੍ਹੇਲ, ਹਰਮਨਪ੍ਰੀਤ ਸਿੰਘ ਮੁੱਲਾਂਪੁਰ ਦਾਖਾ, ਦਵਿੰਦਰ ਸਿੰਘ ਭਨੋਹਡ਼,ਬੀਬੀ ਮਨਜੀਤ ਕੌਰ ਦਾਖਾ,ਗੁਰਮੁਖ ਸਿੰਘ ਮੋਰਕਰੀਮਾ, ਬਲਵੀਰ ਸਿੰਘ ਚੌਂਕੀ ਮਾਨ, ਇੰਦਰਜੀਤ ਸਿੰਘ ਪੱਬੀਆਂ, ਮੋਹਣ ਸਿੰਘ ਪੱਬੀਆਂ,ਗੁਰਵਿੰਦਰ ਸਿੰਘ ਸੇਖੋਂ ਦਾਖਾ,ਇੰਦਰਜੀਤ ਸਿੰਘ ਸਰਾਭਾ,ਨਿਰਮਲ ਸਿੰਘ ਸਰਾਭਾ ਜਸਵੰਤ ਸਿੰਘ ਕਰਨੈਲ ਸਿੰਘ, ਹਰਪ੍ਰੀਤ ਸਿੰਘ,,ਹਰਕੇਸ ਸਿੰਘ ,ਹਕੇਸ ਰਾਜ ਸਰਬਜੀਤ ਸਿੰਘ ਅਮਰ ਸਿੰਘ ਜੁੜਾਹਾਂ, ਜਗਜੀਤ ਸਿੰਘ ਜੁੜਾਹਾਂ,ਮਨ ਮਿਹਰ ਸਿੰਘ ਰੰਗੂਵਾਲ ਪਲਵਿੰਦਰ ਸਿੰਘ ਜੁੜਾਹਾਂ ਗੁਰਮੇਲ ਸਿੰਘ ਜੁੜਾਹਾਂ, ਪਰਦੀਪ ਸਿੰਘ ਜੁੜਾਹਾਂ, ਜਗਜੀਤ ਸਿੰਘ ਜੁੜਾਹਾਂ, ਲਵਪ੍ਰੀਤ ਸਿੰਘ ਜੁੜਾਹਾਂ,ਮੋਹਨ ਸਿੰਘ ਮੋਮਨਾਬਾਦੀ,ਰਾਮ ਸਿੰਘ ਦੀਪਕ, ਹਰਬੰਸ ਸਿੰਘ ਗਿੱਲ,ਹਰਪ੍ਰੀਤ ਸਿੰਘ ਭਿੰਡਰ,ਆਤਮਾ ਸਿੰਘ ਚੌਂਕੀਮਾਨ ਤਜਿੰਦਰ ਸਿੰਘ ਚੌਕੀਮਾਨ, ਦੁਮਨ ਸਿੰਘ ਅਲੀਗੜ੍ਹ, ਨਿਰਮਲ ਸਿੰਘ ਅਲੀਗੜ੍ਹ,ਜਗਰਾਜ ਸਿੰਘ ਅਲੀਗੜ੍ਹ, ਜਸਬੀਰ ਸਿੰਘ ਗੂੜ੍ਹੇ, ਸੁਖਦੇਵ ਸਿੰਘ ਜੁਗਰਾਜ ਸਿੰਘ ਅਲੀਗੜ੍ਹ, ਸੁਖਮਿੰਦਰਜੀਤ ਸਿੰਘ ਮਲਕ, ਬਹਾਦਰ ਸਿੰਘ ਪੱਬੀਆਂ, ਨਿਰਮਲ ਸਿੰਘ ਅਲੀਗੜ੍ਹ,ਬਲਜਿੰਦਰ ਸਿੰਘ ਲਲਤੋਂ ਜਸਵੰਤ ਸਿੰਘ ਲਲਤੋਂ, ਦਰਸ਼ਨ ਸਿੰਘ ਲਲਤੋਂ, ਦੇਵ ਸਿੰਘ ਲਲਤੋਂ, ਸੁਖਵਿੰਦਰ ਕੌਰ ਟੂਸੇ,ਰਣਜੀਤ ਕੌਰ ਟੂਸੇ, ਕੁਲਵਿੰਦਰ ਸਿੰਘ ਟੂਸੇ, ਰਾਜ ਸਿੰਘ ਟੂਸੇ, ਗਗਨ ਸਿੰਘ ਟੂਸੇ,ਬਲਦੇਵ ਸਿੰਘ ਈਸ਼ਨਪੁਰ,ਮੇਵਾ ਸਿੰਘ ਸਰਾਭਾ,ਮਨਦੀਪ ਸਿੰਘ ਬੱਸੀਆਂ,ਕੁਲਦੀਪ ਸਿੰਘ ਕਿਲਾ ਰਾਏਪੁਰ, ਹਰਦੀਪ ਸਿੰਘ ਦੋਲੋਂ,ਜਸਪਾਲ ਸਿੰਘ ਸਰਾਭਾ, ਬੰਤ ਸਿੰਘ ਸਰਾਭਾ,ਹਰਬੰਸ ਸਿੰਘ ਪੰਮਾ ਹਿੱਸੋਵਾਲ,ਅੱਛਰਾ ਸਿੰਘ ਸਰਾਭਾ ਆਦਿ ਹਾਜ਼ਰੀ ਭਰੀ।

 ਲਾਟਰੀ ਦਾ ਕੁਝ ਹਿੱਸਾ ਕਰਾਂਗਾ ਲੋੜਵੰਦਾ ਨੂੰ ਦਾਨ - ਬਲਜਿੰਦਰ ਸਿੰਘ ਖਾਲਸਾ 

ਜੋਧਾਂ ,1 ਸਤੰਬਰ (ਦਲਜੀਤ ਸਿੰਘ ਰੰਧਾਵਾ) ਕਹਿੰਦੇ ਨੇ ਓਪਰ ਵਾਲਾ ਜਦੋਂ ਵੀ ਕਿਸੇ ਤੇ ਮੇਹਰ ਦੀ ਨਦਰ ਕਰ ਦਿੰਦਾ ਹੈ ਤਾਂ ਉਸ ਦੀਆਂ ਸਭ ਮੁਰਾਦਾਂ ਪੂਰੀਆਂ ਹੋ ਜਾਂਦੀਆਂ ਹਨ ਨਾਲ ਹੀ ਇਕ ਹੋਰ ਕਹਾਵਤ ''ਉਪਰ ਵਾਲਾ ਜਦ ਵੀ ਦਿੰਦਾ ਦਿੰਦਾ ਛੱਪੜ ਫਾੜ ਕੇ '' ਓਦੋਂ ਸੱਚ ਹੋਈ ਜਦੋਂ ਗਰੀਬ ਗੁਰਸਿੱਖ ਪਰਵਾਰ ਦੇ ਬਲਜਿੰਦਰ ਸਿੰਘ ਪੁੱਤਰ ਦਰਬਾਰਾ ਸਿੰਘ ਪਿੰਡ ਮੋਹੀ ਜਿਲ੍ਹਾ ਲੁਧਿਆਣਾ ਨੂੰ ਇਕ ਕਰੋੜ ਵੀਹ ਲੱਖ ਰੁਪਏ ਦੀ ਲਾਟਰੀ ਨਿਕਲ ਆਈ। ਇਸ ਮੌਕੇ ਬਲਜਿੰਦਰ ਸਿੰਘ ਨੇ ਪ੍ਰੈਸ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਉਹ ਪਿੰਡ ਮੋਹੀ ਦੇ ਕੈਂਪ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਅਜੀਤਸਰ ਮੋਹੀ ਵਿਖੇ ਬਤੌਰ ਸੇਵਾਦਾਰ ਦੀ ਨੌਕਰੀ ਕਰਦਾ ਹੈ ਜਿਸਦੀ ਉਮਰ 57 ਸਾਲ ਹੈ ਤੇ ਪਤਨੀ ਪਰਮਜੀਤ ਕੌਰ ਵੀ ਮਿਹਨਤ ਮਜ਼ਦੂਰੀ ਕਰਦੀ ਹੈ ਉਸਦਾ ਲੜਕਾ ਅਵਤਾਰ ਸਿੰਘ ਜੋਂ ਕੇ ਪਿੰਡ ਅੰਦਰ ਹੀ ਸੁਸਾਇਟੀ ਵਲੋਂ ਲਗਾਏ  ਪੈਟਰੋਲ ਪੰਪ ਤੇ ਤੇਲ ਪਾਉਣ ਦਾ ਕੰਮ ਕਰਦਾ ਹੈ। ਬਲਜਿੰਦਰ ਸਿੰਘ ਨੇ ਅੱਗੇ ਦੱਸਿਆ ਕਿ ਉਸਨੇ ਇਹ ਲਾਟਰੀ ਬੀਤੇ ਦਿਨੀਂ 20 ਅਗਸਤ ਨੂੰ ਮੁੱਲਾਂਪੁਰ ਤੋਂ ਗਿਆਨ ਸਿੰਘ ਨਾਮ ਦੇ ਲਾਟਰੀ ਏਜੰਟ ਤੋਂ ਪੰਜਾਬ ਸਟੇਟ ਲਾਟਰੀ ਬੰਪਰ ਦਾ 200 ਰੁਪਏ ਚ ਲਾਟਰੀ ਟਿਕਟ ਅਪਣੇ ਲੜਕੇ ਅਵਤਾਰ ਸਿੰਘ ਦੇ ਨਾਮ ਤੇ ਖਰੀਦੀਆਂ ਸੀ । ਉਨ੍ਹਾਂ ਦੱਸਿਆ ਕਿ ਜਦੋਂ ਸਾਨੂੰ ਲਾਟਰੀ ਵਾਲਿਆਂ ਦਾ ਫੋਨ ਆਇਆ ਕੇ ਤੁਹਾਨੂੰ ਇੱਕ ਕਰੋੜ ਵੀਹ ਲੱਖ ਰੁਪਏ ਦੀ ਲਾਟਰੀ ਨਿਕਲ ਆਈ ਹੈ ਤਾਂ ਉਨ੍ਹਾਂ ਦੀ ਖੁਸੀ ਦੀ ਹੱਦ ਨਾ ਰਹੀ । ਦੱਸਣਯੋਗ ਹੈ ਕਿ ਬਲਜਿੰਦਰ ਸਿੰਘ ਦਾ ਸਾਰਾ ਪਰਵਾਰ ਹੀ ਗੁਰਸਿੱਖ ਪਰਵਾਰ ਹੈ ਜੋ ਕੇ ਬਾਣੇ ਅਤੇ ਬਾਣੀ ਦਾ ਪੂਰਨ ਧਾਰਨੀ ਹਨ। ਬਲਜਿੰਦਰ ਸਿੰਘ ਨੇ ਅੱਗੇ ਦੱਸਿਆ ਕਿ ਓਹਨਾ ਨੇ ਸੰਤ ਬਾਬਾ ਨਿਹਾਲ ਸਿੰਘ ਜੀ ਮੋਹੀ ਵਾਲਿਆਂ ਦੀ ਬਹੁਤ ਸੇਵਾ ਕੀਤੀ ਹੈ ਅਤੇ ਉਨ੍ਹਾਂ ਦੇ ਬਚਨਾਂ ਮੁਤਾਬਕ ਗੁਰ ਘਰ ਵਿੱਚ ਹਰ ਵੇਲੇ ਸੇਵਾ ਅਤੇ ਸਿਮਰਨ ਕਰਦੇ ਰਹਿੰਦੇ ਹਨ। ਉਨ੍ਹਾਂ ਲਾਟਰੀ ਦੇ ਪੈਸੇ ਨਾਲ ਕੁਝ ਜ਼ਮੀਨ ਖਰੀਦਣ ਅਤੇ ਆਪਣਾ ਘਰ ਬਣਾਉਣ ਤੋ ਇਲਾਵਾ ਕੁਝ ਕੂ ਪੈਸੇ  ਲੋੜਵੰਦ ਲੋਕਾਂ ਲਈ ਦਾਨ ਦੇਣ ਦੀ ਵੀ ਗੱਲ ਆਖੀ। ਇਸ ਮੌਕੇ ਕੈਂਪ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਅਜੀਤਸਰ ਮੋਹੀ ਦੇ ਪ੍ਰਿੰਸੀਪਲ ਪਰਮਜੀਤ ਸਿੰਘ ਮੋਹੀ ,ਕਮੇਟੀ ਮੈਂਬਰ ਸੁਖਦੀਪ ਸਿੰਘ ਦੀਪਾ ਅਤੇ ਮਾਸਟਰ ਚਰਨਜੀਤ ਸਿੰਘ ਹਸਨਪੁਰ ਵਲੋਂ ਨੇ ਜਿੱਥੇ ਬਲਜਿੰਦਰ ਸਿੰਘ ਨੂੰ ਲਾਟਰੀ ਨਿਕਲਨ ਤੇ ਮੁਬਾਰਕਬਾਦ ਦਿੱਤੀ ਓਥੇ ਪਰਮਜੀਤ ਸਿੰਘ ਮੋਹੀ ਨੇ ਕਿਹਾ ਕਿ ਬਲਜਿੰਦਰ ਸਿੰਘ ਇਕ ਇਮਾਨਦਾਰ ਸੂਝਵਾਨ ਵਿਅਕਤੀ ਹਨ ਸਕੂਲ ਅਤੇ ਸਮਾਜ ਦੀ ਨਿਸ਼ਕਾਮ ਸੇਵਾ ਸਦਕਾ ਹੀ ਇਸ ਤੇ ਆਕਾਲ ਪੁਰਖ ਵਾਹਿਗੁਰੂ ਦੀ ਕਿਰਪਾ ਹੋਈ ਹੈ ।

ਜਗਰਾਉਂ (ਅਮਿਤ ਖੰਨਾ, ਅਮਨਜੋਤ ) ਜਗਰਾਉਂ ਦੇ ਰਹਿਣ ਵਾਲੇ ਉੱਘੇ ਕਾਂਗਰਸੀ ਆਗੂ ਸੰਦੀਪ ਕੁਮਾਰ ਟਿੰਕਾ ਨੂੰ ਓਬੀਸੀ ਵਿਭਾਗ ਦਾ ਨੈਸ਼ਨਲ ਕੋਆਰਡੀਨੇਟਰ ਬਣਾਉਣ ਤੇ ਜਗਰਾਉਂ ਦੇ ਕਾਂਗਰਸੀ ਵਰਕਰਾਂ ਵਿੱਚ ਓਬੀਸੀ ਵਿਭਾਗ ਦੇ ਵਰਕਰਾਂ ਨੇ ਕਾਂਗਰਸ ਪਾਰਟੀ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਸੰਦੀਪ ਕੁਮਾਰ ਟਿੰਕਾ ਨੂੰ ਓਬੀਸੀ ਦੇ ਪੰਜਾਬ ਦੇ ਚੇਅਰਮੈਨ ਦੇ ਓਬੀਸੀ ਵਿਭਾਗ ਦਾ ਨੈਸ਼ਨਲ ਕੋਆਰਡੀਨੇਟਰ ਬਣਾ ਕੇ ਜੋ ਮਾਣ ਜਗਰਾਉਂ ਨੂੰ ਦਿੱਤਾ ਹੈ ਉਸ ਲਈ ਉਹ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਤੇ ਕੈਪਟਨ ਅਜੈ ਸਿੰਘ ਯਾਦਵ ਦੇ ਜਨਰਲ ਸਕੱਤਰ ਕਾਗਰਸ ਪ੍ਰਧਾਨ ਕੀ ਸੀ ਵੇਨੂ ਗੋਪਾਲ ਦਾ ਵੀ ਧੰਨਵਾਦ ਕੀਤਾ ਇਸ ਮੌਕੇ ਸੰਦੀਪ ਕੁਮਾਰ ਟਿੰਕਾ ਨੇ ਵੀ ਸਭ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਵਿਸ਼ਵਾਸ ਨਾਲ ਉਨ੍ਹਾਂ ਨੂੰ ਜ਼ਿੰਮੇਵਾਰੀ ਦਿੱਤੀ ਗਈ ਹੈ ਕਦੇ ਉਹ ਪੂਰੀ ਜ਼ਿੰਮੇਵਾਰੀ ਨੂੰ ਤਨ ਮਨ ਨਾਲ ਨਿਭਾਉਣਗੇ ਇਸ ਮੌਕੇ ਉਨ੍ਹਾਂ ਨੇ ਇਹ ਪੁੱਛਿਆ ਕਿ ਓਬੀਸੀ ਵਿਭਾਗ ਦਾ ਨੈਸ਼ਨਲ ਕੋਆਰਡੀਨੇਟਰ ਦਾ ਕੀ ਕੰਮ ਹੁੰਦਾ ਤਾਂ ਉਨ੍ਹਾਂ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਵਲੋਂ ਹਰ ਨੈਸ਼ਨਲ ਕੋਆਰਡੀਨੇਟਰ ਨੂੰ ਦੋ ਸਟੇਟਾਂ ਦੀ ਜ਼ਿੰਮੇਵਾਰੀ ਦਿੱਤੀ ਜਾਂਦੀ ਹੈ ਉਨ੍ਹਾਂ ਸਟੇਟ ਵਿੱਚ ਪਾਰਟੀ ਦੇ ਹਰ ਤਰ੍ਹਾਂ ਦਾ ਕੰਮ ਨੈਸ਼ਨਲ ਕੋਆਰਡੀਨੇਟਰ ਨੂੰ ਦੇਖਣਾ ਹੁੰਦਾ ਹੈ ਉਨ੍ਹਾਂ ਇਸ ਵਾਰ ਵੀ ਕਾਂਗਰਸ ਪਾਰਟੀ ਦੀ ਹੀ ਜ਼ਿੰਮੇਵਾਰੀ ਦੇ ਕੇ ਤਹਿ ਦਿਲੋਂ ਧੰਨਵਾਦ ਕੀਤਾ

ਜਗਰਾਉ 31 ਅਗਸਤ (ਅਮਿਤਖੰਨਾ)ਸਮਾਜ ਸੇਵੀ ਨੌਜਵਾਨਾਂ, ਜਥੇਬੰਦੀਆਂ ਤੇ ਵੱਡੀ ਗਿਣਤੀ ਵਿਚ ਸ਼ਹੀਦਾਂ ਦੀ ਸੋਚ ਨੂੰ ਸਮਰਪਿਤ ਲੋਕਾਂ ਵਲੋਂ ਮੰਗ ਕੀਤੀ ਜਾ ਰਹੀ ਹੈ ਕਿ ਜ਼ਿਲ੍ਹਾ ਲੁਧਿਆਣਾ ਦੇ ਅਧੀਨ ਪੈਂਦੇ ਪਿੰਡ ਹਲਵਾਰਾ ਵਿਖੇ ਬਣ ਰਹੇ ਏਅਰਪੋਰਟ ਦਾ ਨਾਂਅ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਦੇ ਨਾਮ 'ਤੇ ਰੱਖਿਆ ਜਾਵੇ | ਅੱਜ ਸਮਾਜ ਸੇਵੀ ਨੌਜਵਾਨ ਸੁੱਖ ਜਗਰਾਉਂ ਵਲੋਂ ਆਪਣੇ ਸਾਥੀਆਂ ਨਾਲ ਰਲ ਕੇ ਹਲਵਾਰਾ ਅੰਤਰਰਾਸ਼ਟਰੀ ਏਅਰਪੋਰਟ ਦੇ ਬੋਰਡ ਦੇ ਥੱਲੇ ਖੜ੍ਹ ਆਪਣੀ ਮੰਗ ਮਨਵਾਉਣ ਵਾਸਤੇ ਆਪਣੇ ਖ਼ੂਨ ਨਾਲ ਚਿੱਠੀ ਲਿਖ ਕੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਭੇਜੀ ਗਈ | ਪ੍ਰੈੱਸ ਨੂੰ ਜਾਣਕਾਰੀ ਦਿੰਦਿਆਂ ਨੌਜਵਾਨ ਸੁੱਖ ਜਗਰਾਉਂ ਨੇ ਦੱਸਿਆ ਕਿ ਸਾਡੀ ਇਸ ਜਾਇਜ਼ ਮੰਗ ਨੂੰ ਮੰਨਿਆ ਜਾਵੇ | ਅੱਜ ਤੋਂ ਹਰੇਕ ਮਹੀਨੇ ਇਲਾਕੇ ਦੇ ਨੌਜਵਾਨ ਲਗਾਤਾਰ ਆਪਣੇ ਖ਼ੂਨ ਨਾਲ ਚਿੱਠੀਆਂ ਲਿਖ ਕੇ ਮੁੱਖ ਮੰਤਰੀ ਨੂੰ ਭੇਜਣਗੇ | ਇਸ ਮੌਕੇ ਉਨ੍ਹਾਂ ਦੇ ਸਾਥੀ ਸੁਖਵਿੰਦਰ ਸਿੰਘ ਹਲਵਾਰਾ ਨੇ ਆਖਿਆ ਕਿ ਭਗਵੰਤ ਮਾਨ ਜਦੋਂ ਸੰਸਦ ਮੈਂਬਰ ਸਨ ਉਨ੍ਹਾਂ ਨੇ ਖੁਦ ਫ਼ੋਨ ਕਰਕੇ ਇਸ ਮਸਲੇ ਬਾਰੇ ਜਾਣਕਾਰੀ ਲਈ ਸੀ ਤੇ ਇਸ ਮਸਲੇ ਨੂੰ ਸੰਸਦ ਵਿਚ ਚੁੱਕਣ ਵਾਸਤੇ ਆਖਿਆ ਸੀ | ਅੱਜ ਮੁੱਖ ਮੰਤਰੀ ਭਗਵੰਤ ਮਾਨ ਇਸ ਸੂਬੇ ਦੇ ਮੁੱਖ ਮੰਤਰੀ ਨੇ ਉਹ ਲੋਕਾਂ ਦੀ ਇਸ ਮੰਗ ਨੂੰ ਜਲਦ ਤੋਂ ਜਲਦ ਵਿਧਾਨ ਸਭਾ ਵਿਚ ਪ੍ਰਸਤਾਵ ਦੇ ਰੂਪ ਵਿਚ ਪੇਸ਼ ਕਰਕੇ ਕੇਂਦਰ ਸਰਕਾਰ ਨੂੰ ਭੇਜਣ | ਇਸ ਮੌਕੇ ਜਥੇਦਾਰ ਜਗਦੇਵ ਸਿੰਘ, ਗੁਰਦੀਪ ਸਿੰਘ ਰਾਜੋਆਣਾ, ਗਗਨਦੀਪ ਸਿੰਘ ਰਾਜੋਆਣਾ, ਪ੍ਰੇਮ ਸਿੰਘ ਹਲਵਾਰਾ, ਸੰਤੋਖ ਸਿੰਘ ਹਲਵਾਰਾ, ਗੁਰਪ੍ਰੀਤ ਸਿੰਘ ਟੂਸਾ, ਹਰਪ੍ਰੀਤ ਸਿੰਘ ਬਿੱਲਾ ਤੇ ਹੋਰ ਇਲਾਕਾ ਨਿਵਾਸੀ ਵੱਡੀ ਗਿਣਤੀ ਵਿਚ ਮੌਜੂਦ ਰਹੇ |

"ਬਾਬਾ ਗੁਰੂ ਨਾਨਕ ਦੇਵ ਜੀ ਦੇ ਵਿਆਹ ਪੁਰਬ ਨੂੰ ਸਮਰਪਿਤ ਵਿਸ਼ੇਸ਼ ਗੁਰਮਤਿ ਸਮਾਗਮ"

ਜਗਰਾਉਂ (ਬਲਦੇਵ ਸਿੰਘ, ਸੁਨੀਲ ਕੁਮਾਰ)ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ, ਮਿਤੀ 03 ਸਤੰਬਰ 2022 ਦਿਨ ਸ਼ਨੀਵਾਰ ਨੂੰ, ਜਗਰਾਉਂ ਸੰਗਤ ਦੇ ਸਹਿਯੋਗ ਨਾਲ," ਧੰਨ ਧੰਨ ਸਾਹਿਬ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਵਿਆਹ ਪੁਰਬ ਸਮਾਗਮ", ਬੜੀ ਸ਼ਰਧਾ, ਉਤਸ਼ਾਹ ਅਤੇ ਸਤਿਕਾਰ ਨਾਲ ਗੁਰਦੁਆਰਾ ਸ੍ਰੀ ਭਜਨਗੜ੍ਹ ਸਾਹਿਬ ਮੋਤੀ ਬਾਗ ਗਲੀ ਨੰਬਰ 3 ਕੱਚਾ ਮਲਕ ਰੋਡ ਜਗਰਾਉਂ, ਵਿਖੇ ਬੜੀ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਜਾ ਰਿਹਾ ਹੈ।

ਆਪਜੀ ਸਭ ਨੂੰ ਪਰਿਵਾਰ ਸਮੇਤ ਦਰਸ਼ਨ ਦੇਣ ਲਈ ਬੇਨਤੀ ਹੈ ਜੀ।

ਪ੍ਰੋਗਰਾਮ-- ਨਗਰ ਕੀਰਤਨ/ਸ਼ਾਮਾਂ ਫੇਰੀ:-

 ਗੁਰਦੁਆਰਾ ਸ੍ਰੀ ਗੁਰੂ ਨਾਨਕ ਪੁਰਾ, ਮੋਰੀ ਗੇਟ ਜਗਰਾਉਂ ਤੋਂ,ਨਗਰ ਕੀਰਤਨ/ਸ਼ਾਮ ਫੇਰੀ,ਮਿਤੀ 03-09-2022 ਦਿਨ ਸ਼ਨੀਵਾਰ ਨੂੰ ਸ਼ਾਮ 06 ਵੱਜੇ ਅਰੰਭ ਹੋਵੇਗੀ। ਸੰਗਤਾਂ ਗੁਰੂ ਜੱਸ ਗਾਇਨ ਕਰਦੀਆਂ ਹੋਈਆਂ, ਗੁਰਦੁਆਰਾ ਸ੍ਰੀ ਗੁਰੂ ਭਜਨਗੜ੍ਹ ਸਾਹਿਬ ਮੋਤੀ ਬਾਗ ਗਲੀ ਨੰਬਰ 3 ਕੱਚਾ ਮਲਕ ਰੋਡ ਜਗਰਾਉਂ ਵਿਖੇ ਪੁੱਜਣਗੀਆਂ।

ਗੁਰਮਤਿ ਸਮਾਗਮ:- ਗੁਰਦੁਆਰਾ ਸ੍ਰੀ ਭਜਨਗੜ੍ਹ ਸਾਹਿਬ ਮੋਤੀ ਬਾਗ ਗਲੀ ਨੰਬਰ 3 ਕੱਚਾ ਮਲਕ ਰੋਡ ਜਗਰਾਉਂ ਵਿਖੇ, ਸ਼ਾਮ 06 ਤੋਂ ਰਾਤ 08-45 ਤੱਕ ਗੁਰਮਤਿ ਸਮਾਗਮ ਹੋਵੇਗਾ, ਜਿਸ ਵਿੱਚ ਕਥਾ ਕੀਰਤਨ ਅਤੇ ਗੁਰਮਤਿ ਵਿਚਾਰਾਂ ਹੋਣਗੀਆਂ।

ਸਮਾਪਤੀ ਤੇ ਗੁਰੂ ਦਾ ਲੰਗਰ ਅਤੁੱਟ ਵਰਤੇਗਾ ਜੀ।

ਬੇਨਤੀ ਕਰਤਾ:- ਪ੍ਰਬੰਧਕ ਸੇਵਾਦਾਰ ਗੁਰਦੁਆਰਾ ਸ੍ਰੀ ਭਜਨਗੜ੍ਹ ਸਾਹਿਬ ਮੋਤੀ ਬਾਗ ਗਲੀ ਨੰਬਰ 3 ਕੱਚਾ ਮਲਕ ਰੋਡ ਜਗਰਾਉਂ।

ਹਠੂਰ,31,ਅਗਸਤ-(ਕੌਸ਼ਲ ਮੱਲ੍ਹਾ)-ਕੁਝ ਮਹੀਨਿਆ ਤੋ ਫੈਲੀ ਲੰਪੀ ਸਕਿਨ ਬਿਮਾਰੀ ਨਾਲ ਹਜ਼ਾਰਾ ਪਸੂ ਮੌਤ ਦੇ ਮੂੰਹ ਵਿਚ ਜਾ ਚੁੱਕੇ ਹਨ ਅਤੇ ਮਰੇ ਹੋਏ ਪਸੂਆ ਨੂੰ ਜਮੀਨ ਹੇਠਾ ਦਬਾਉਣ ਲਈ ਪਿੰਡਾ ਦੀਆ ਗ੍ਰਾਮ ਪੰਚਾਇਤਾ ਵੱਲੋ ਪੰਜਾਬ ਸਰਕਾਰ ਦੇ ਹੁਕਮਾ ਦੀ ਪਾਲਣਾ ਕਰਦਿਆ ਸ੍ਰੀ ਗੁਰਦੁਆਰਾ ਸਾਹਿਬ ਤੋ ਅਨਾਉਸਮੈਟ ਵੀ ਕਰਵਾਈਆ ਗਈਆ ਸਨ ਪਰ ਫਿਰ ਵੀ ਕੁਝ ਲੋਕ ਰਾਤ ਸਮੇਂ ਮਰੇ ਹੋਏ ਪਸੂਆ ਨੂੰ ਖੱਲੇ੍ਹ ਅਸਮਾਨ ਹੇਠ ਜਾਂ ਨਹਿਰਾ ਵਿਚ ਸੁੱਟ ਰਹੇ ਹਨ ਜੋ ਬਹੁਤ ਹੀ ਮੰਦਭਾਗੀ ਗੱਲ ਹੈ।ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਡਾ:ਜਰਨੈਲ ਸਿੰਘ ਰਸੂਲਪੁਰ,ਤਰਕਸੀਲ ਆਗੂ ਗੁਰਮੀਤ ਸਿੰਘ ਮੱਲ੍ਹਾ,ਲਖਵੀਰ ਸਿੰਘ ਮੱਲ੍ਹਾ,ਪੀਤਾ ਮਾਣੂੰਕੇ,ਰਾਜੂ ਮਾਣੂੰਕੇ ਨੇ ਕਿਹਾ ਕਿ ਪਿੰਡ ਮੱਲ੍ਹਾ ਦੀ ਹੱਡਾਰੋੜੀ ਪਿੰਡ ਰਸੂਲਪੁਰ ਰੋਡ ਤੇ ਬਣੀ ਹੋਈ ਹੈ, ਮਰੇ ਹੋਏ ਪਸੂ ਹੱਡਾਰੋੜੀ ਤੋ ਬਾਹਰ ਸੁੱਟੇ ਜਾਣ ਕਾਰਨ ਪਸੂਆ ਦੀ ਬਦਬੂ ਪਿੰਡ ਰਸੂਲਪੁਰ,ਮੱਲ੍ਹਾ ਅਤੇ ਰਾਹੀਗੀਰਾ ਲਈ ਵੱਡੀ ਸਮੱਸਿਆ ਬਣੀ ਹੋਈ ਸੀ।ਇਸ ਸਮੱਸਿਆ ਨੂੰ ਹੱਲ ਕਰਦਿਆ ਸਰਪੰਚ ਹਰਬੰਸ ਸਿੰਘ ਢਿੱਲੋ ਨੇ ਖੁਦ ਟੋਏ ਪੁੱਟ ਕੇ ਮਰੇ ਹੋ ਪਸੂਆ ਨੂੰ ਜਮੀਨ ਹੇਠ ਦੱਬ ਕੇ ਹੱਡਾਰੋੜੀ ਦੀ ਸਫਾਈ ਕੀਤੀ ਹੈ।ਉਨ੍ਹਾ ਸਰਪੰਚ ਹਰਬੰਸ ਸਿੰਘ ਢਿੱਲੋ ਅਤੇ ਸਮੂਹ ਗ੍ਰਾਮ ਪੰਚਾਇਤ ਮੱਲ੍ਹਾ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਪੰਚਾਇਤ ਸੈਕਟਰੀ ਨਿਰਮਲ ਸਿੰਘ ਨੇ ਦੱਸਿਆ ਕਿ ਪਿੰਡ ਮੱਲ੍ਹਾ ਦੀ ਹੱਡਾਰੋੜੀ ਵਿਚ ਪਿੰਡ ਰਸੂਲਪੁਰ ਦੇ ਲੋਕ ਰਾਤ ਸਮੇਂ ਪਸੂ ਸੁੱਟ ਜਾਦੇ ਹਨ ਅਤੇ ਅੱਜ ਪਿੰਡ ਦੇ ਗੁਰਦੁਆਰਾ ਸਾਹਿਬ ਤੋ ਦੁਆਰਾ ਅਨਾਊਸਮੈਟ ਕਰਵਾਈ ਗਈ ਹੈ ਕਿ ਜੇਕਰ ਕੋਈ ਵਿਅਕਤੀ ਪਿੰਡ ਮੱਲ੍ਹਾ ਦੀ ਹੱਡਾਰੋੜੀ ਵਿਚ ਪਸੂ ਸੁੱਟਦਾ ਫੜਿਆ ਗਿਆ ਤਾਂ ਉਸ ਵਿਅਕਤੀ ਦੇ ਖਿਲਾਫ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।ਇਸ ਮੌਕੇ ਉਨ੍ਹਾ ਨਾਲ ਭੋਲਾ ਸਿੰਘ,ਦਵਿੰਦਰਪਾਲ ਸਰਮਾਂ,ਲਖਵੀਰ ਸਿੰਘ,ਕਾਕਾ ਸਿੰਘ,ਕਰਤਾਰ ਸਿੰਘ ਆਦਿ ਹਾਜ਼ਰ ਸਨ।
ਫੋਟੋ ਕੈਪਸ਼ਨ:-ਗਰਾਮ ਪੰਚਾਇਤ ਮੱਲ੍ਹਾ ਦਾ ਧੰਨਵਾਦ ਕਰਦੇ ਹੋਏ ਲੋਕ।

ਨਸਿਆਂ ਦੀ ਗਿ੍ਫਤ ਵਿੱਚ ਆਏ ਨੌਜਵਾਨਾਂ ਨੂੰ ਮੁਫਤ ਦਵਾਈ ਦਿੱਤੀ

ਮਹਿਲ ਕਲਾਂ 30 ਅਗਸਤ ( ਡਾਕਟਰ ਸੁਖਵਿੰਦਰ ਸਿੰਘ ) ਮਰਹੂਮ ਪੰਡਿਤ ਭਗਵੰਤ ਰਾਜ ਸਰਮਾ ਜੀ ਨੂੰ ਸਮਰਪਿਤ ਜਨਮ ਦਿਨ ਮੌਕੇ ਗਰੇਅ ਮੈਟਰ ਆਇਲੈਟਸ ਸੰਸਥਾ ਬਰਨਾਲਾ ਵੱਲੋਂ ਧਾਰਮਿਕ ਸਮਾਗਮ ਕਰਵਾਇਆ ਗਿਆ। ਇਸ ਮੌਕੇ ਲੋਕ ਭਲਾਈ ਵੈਲਫੇਅਰ ਸੁਸਾਇਟੀ ਮਹਿਲ ਕਲਾਂ ਅਤੇ ਫਿੱਟ ਲਾਈਫ ਦਵਾਖਾਨਾ ਵੱਲੋਂ ਨਸਿਆਂ ਦੀ ਰੋਕਥਾਮ ਲਈ ਵਿਸ਼ੇਸ਼ ਕੈਪ ਲਗਾਇਆ ਗਿਆ। ਇਸ ਮੌਕੇ ਸਵ ਪੰਡਿਤ ਅਮਨਦੀਪ ਸਰਮਾ ਨੇ ਦੱਸਿਆ ਕਿ ਮੇਰੇ ਪਿਤਾ ਜੀ ਹਮੇਸ਼ਾ ਨੌਜਵਾਨਾਂ ਦਾ ਮਾਰਗ ਦਰਸਕ ਬਣਦੇ ਸਨ, ਅੱਜ ਹਜਾਰਾਂ ਨੌਜਵਾਨ ਉਹਨਾਂ ਦੀ ਪ੍ਰੇਰਨਾ ਸਦਕਾ ਦੇਸਾਂ ਵਿਦੇਸ਼ਾਂ ਵਿੱਚ ਨਾਮ ਕਮਾ ਰਹੇ ਹਨ। ਇਸ ਮੌਕੇ ਫਿੱਟ ਲਾਈਫ ਦਵਾਖਾਨਾ ਦੇ ਸੰਚਾਲਕ ਤੇ ਲੋਕ ਭਲਾਈ ਵੈਲਫੇਅਰ ਸੁਸਾਇਟੀ ਮਹਿਲ ਕਲਾਂ ਦੇ ਪ੍ਰਧਾਨ ਡਾ ਪਰਵਿੰਦਰ ਸਿੰਘ ਹਮੀਦੀ ਨੇ ਕਿਹਾ ਕਿ ਵੱਡੀ ਗਿਣਤੀ ਨੌਜਵਾਨ ਨਸਿਆਂ ਦੀ ਗਿ੍ਫਤ ਵਿੱਚ ਆ ਚੁੱਕੇ ਹਨ, ਜਿੰਨਾ ਨੂੰ ਬਾਹਰ ਕੱਢਣ ਲਈ ਯਤਨ ਜਾਰੀ ਹਨ। ਉਹਨਾਂ ਕਿਹਾ ਕਿ ਪੰਡਿਤ ਅਮਨ ਰਾਜ ਸਰਮਾ ਜੀ ਦਾ ਸਲਾਘਾਯੋਗ ਉਪਰਾਲਾ ਹੈ ਕਿ ਪਿਤਾ ਸਵ ਭਗਵੰਤ ਰਾਜ ਸਰਮਾ ਜੀ ਦੀ ਯਾਦ ਵਿੱਚ ਕੈਪ ਲਗਾਇਆ ਗਿਆ ਹੈ। ਉਹਨਾਂ ਹੋਰਨਾ ਲੋਕਾਂ ਨੂੰ ਵੀ ਅਪੀਲ ਕੀਤੀ ਕਿ ਇਸ ਤਰਾਂ ਦੇ ਸਮਾਗਮ ਹਰ ਇੱਕ ਨੂੰ ਕਰਨੇ ਚਾਹੀਦੇ ਹਨ। ਇਸ ਮੌਕੇ ਅਮਨਦੀਪ ਸਰਮਾ ਤੇ ਰਾਜੀਵ ਸਰਮਾ ਵੱਲੋਂ ਵੱਖ ਵੱਖ ਸਖਸੀਅਤਾਂ ਦਾ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਹਰਜੀਤ ਸਿੰਘ ਹੈਰੀ ਮਹਿਲ ਖੁਰਦ, ਸੁਖਮਨੀ ਬਾਜਵਾ, ਡਾ ਸੱਤਪਾਲ ਸਿੰਘ ਲੁਧਿਆਣਾ (ਜਪਾਨ ਵਾਲੇ),ਨਵਨੀਤ ਕੌਰ,ਰਮਨਦੀਪ ਕੌਰ, ਸਿਮਰਨਜੀਤ ਕੌਰ,ਅਮਨ ਕੌਰ ਢਿੱਲੋਂ, ਕਮਲਪ੍ਰੀਤ ਕੌਰ, ਸੁਖਦੀਪ ਸਿੰਘ, ਕੁਲਦੀਪ ਸਿੰਘ, ਡਾ ਅਵਤਾਰ ਸਿੰਘ ਅਠਵਾਲ (ਖੂਨਦਾਨ ਟੀਮ) ਤੇ ਆਕਾਸਦੀਪ ਸਿੰਘ ਹਾਜਰ ਸਨ।

ਜਗਜੀਤ ਸਿੰਘ ਸਾਹਨੇਵਾਲ ਪ੍ਰਧਾਨ ਅਤੇ ਮਨਦੀਪ ਸਿੰਘ ਸੇਖੋਂ ਜ਼ਿਲ੍ਹਾ ਜਨਰਲ ਸਕੱਤਰ ਬਣੇ

ਮੁੱਲਾਂਪੁਰ ਦਾਖਾ,30 ਅਗਸਤ (ਸਤਵਿੰਦਰ ਸਿੰਘ ਗਿੱਲ)ਸਕੂਲ ਸਿੱਖਿਆ ਵਿਭਾਗ ਵਿੱਚ ਸੇਵਾ ਨਿਭਾ ਰਹੇ ਸਭ ਵੱਡੇ ਮਾਸਟਰ ਕੇਡਰ ਦੀ ਮਾਸਟਰ ਕੇਡਰ ਯੂਨੀਅਨ ਪੰਜਾਬ ਦੇ ਪ੍ਰਧਾਨ ਗੁਰਪ੍ਰੀਤ ਸਿੰਘ ਰਿਆੜ ਦੀ ਅਗਵਾਈ ਵਿੱਚ ਮਾਸਟਰ ਕੇਡਰ ਯੂਨੀਅਨ ਲੁਧਿਆਣਾ ਦੀ ਜ਼ਿਲ੍ਹਾ ਇਕਾਈ ਦਾ ਪੁਨਰਗਠਨ ਕਰਨ ਲਈ ਆਮ ਇਕੱਤਰਤਾ ਹੋਈ। ਜਿਸ ਦੌਰਾਨ ਸਾਬਕਾ ਜ਼ਿਲ੍ਹਾ ਪ੍ਰਧਾਨ ਧਰਮਜੀਤ ਸਿੰਘ ਢਿੱਲੋਂ ਨੇ ਪਿਛਲੇ ਸਮੇਂ ਦੌਰਾਨ ਮਾਸਟਰ ਕੇਡਰ ਯੂਨੀਅਨ ਪੰਜਾਬ ਦੀਆਂ ਸਮੁੱਚੀਆਂ ਪ੍ਰਾਪਤੀਆਂ ਬਾਰੇ ਚਾਨਣਾ ਪਾਇਆ ਅਤੇ ਸਮੁੱਚੇ ਮਾਸਟਰ ਕੇਡਰ ਅਧਿਆਪਕਾਂ ਨੂੰ ਆਪਣੇ ਹੱਕਾਂ ਲਈ ਲਾਮਬੰਦ ਹੋਣ ਦਾ ਸੰਦੇਸ਼ ਦਿੱਤਾ।  ਇਸ ਸਮੇਂ ਯੂਨੀਅਨ ਦੇ ਪਹਿਲੇ ਜ਼ਿਲ੍ਹਾ ਅਤੇ ਵੱਖ-ਵੱਖ ਬਲਾਕਾਂ ਦੇ ਕਾਰਜਕਾਰੀ ਅਹੁਦੇਦਾਰਾਂ ਅਤੇ ਹਾਜ਼ਰ ਅਧਿਆਪਕਾਂ ਨੇ ਸਰਬਸੰਮਤੀ ਨਾਲ ਜਗਜੀਤ ਸਿੰਘ ਸਾਹਨੇਵਾਲ ਨੂੰ ਜ਼ਿਲ੍ਹਾ ਪ੍ਰਧਾਨ, ਮਨਦੀਪ ਸਿੰਘ ਸੇਖੋਂ ਨੂੰ ਜਿਲ੍ਹਾ ਜਰਨਲ ਸਕੱਤਰ ਅਤੇ  ਧਰਮਜੀਤ ਸਿੰਘ ਢਿੱਲੋਂ ਨੂੰ ਸਰਪ੍ਰਸਤ ਥਾਪਿਆ।  ਜਗਦੀਪ ਸਿੰਘ, ਦਵਿੰਦਰ ਸਿੰਘ ਗੁਰੂ ਅਤੇ ਸੁਖਵੰਤ ਸਿੰਘ ਮਾਂਗਟ ਨੂੰ ਮੁੱਖ ਸਲਾਹਕਾਰ, ਰਾਜੇਸ਼ ਕੁਮਾਰ ਵਿੱਤ ਸਕੱਤਰ ਸ਼ਹਿਰੀ, ਸਵਰਨ ਸਿੰਘ ਵਿੱਤ ਸਕੱਤਰ ਦਿਹਾਤੀ, ਮਨੋਜ ਕੁਮਾਰ ਪ੍ਰੈਸ ਸਕੱਤਰ ਸ਼ਹਿਰੀ, ਗੁਰਪ੍ਰੀਤ ਸਿੰਘ ਦਿਹਾਤੀ ਪ੍ਰੈਸ ਸਕੱਤਰ, ਹਰਪ੍ਰੀਤ ਸਿੰਘ ਮੀਡੀਆ ਕੋਆਰਡੀਨੇਟਰ, ਰਮਿੰਦਰ ਸ਼ਰਮਾ ਲੀਗਲ ਅਡਵਾਈਜ਼ਰ ਜਸਵਿੰਦਰ ਸਿੰਘ, ਨਵਦੀਪ ਸਿੰਘ, ਰਾਜਵਿੰਦਰ ਸਿੰਘ ਅਤੇ ਸੁਬੋਧ ਵਰਮਾ ਨੂੰ ਸੀਨੀਅਰ ਮੀਤ ਪ੍ਰਧਾਨ ਬਣਾਇਆ ਗਿਆ। ਇਸ ਦੇ ਨਾਲ ਜਿਲ੍ਹਾ ਕਮੇਟੀ ਮੈਂਬਰ ਮਲਕੀਤ ਸਿੰਘ ਢਿੱਲੋਂ, ਸੁਖਵਿੰਦਰ ਸਿੰਘ ਬਰਵਾਲਾ, ਗਗਨਦੀਪ ਜਮਾਲਪੁਰ, ਸੁਖਵਿੰਦਰ ਸਿੰਘ ਸਾਹਨੇਵਾਲ, ਗੁਰਦੀਪ ਸਿੰਘ,    ਵਿਸ਼ਵਇੰਦਰ ਵਿਸ਼ਿਸ਼ਟ, ਰਾਜਕੁਮਾਰ ਵੇਰਕਾ, ਪ੍ਰਭਜੋਤ ਸਿੰਘ, ਗੁਰਮੀਤ ਸਿੰਘ, ਰਾਜੇਸ਼ ਬਾਂਸਲ, ਰਾਕੇਸ਼ ਰੁਦਰਾ, ਅੰਕੁਸ਼ ਕੁਮਾਰ, ਗੁਰਬਖਸ਼ ਬੱਸੀ, ਜਗਦੀਸ਼ ਕੌਰ, ਜਸਵੀਰ ਕੌਰ, ਦਿਲਪ੍ਰੀਤ ਕੌਰ ਨੂੰ ਕਮੇਟੀ ਮੈਂਬਰ ਬਣਾਇਆ ਗਿਆ। ਇਸ ਸਮੇਂ ਯੂਨੀਅਨ ਦੇ ਮੈਂਬਰ  ਹਰਭਜਨ ਸਿੰਘ ਢਿੱਲੋਂ, ਹਰਜਿੰਦਰ ਸਿੰਘ ਖੱਖ, ਨਵਦੀਪ ਸ਼ਰਮਾ, ਹਰਵਿੰਦਰ ਸਿੰਘ ਘਮਣੇਵਾਲ, ਰਾਜ ਸੈਣੀ ਤੋਂ ਇਲਾਵਾ ਮਾਸਟਰ ਕੇਡਰ ਤੋਂ ਲੈਕਚਰਾਰ ਪ੍ਰੋਮੋਟ ਹੋਏ ਜਸਵਿੰਦਰ ਸਿੰਘ ਕੂਨਰ, ਦਵਿੰਦਰ ਸਿੰਘ ਗੁਰੂ, ਦਲਜੀਤ ਕੌਰ,  ਚਰਨਜੀਤ ਕੌਰ, ਸਤਵਿੰਦਰ ਕੌਰ, ਰਮਨ ਕੁਮਾਰ, ਮਨਦੀਪ ਸਿੰਘ, ਗੀਤਿਕਾ, ਕੁਲਜੀਤ ਕੌਰ, ਗੁਰਿੰਦਰ ਕੌਰ, ਨੀਰਜਾ, ਰਜਨੀਸ਼ ਜੈਨ, ਹਰਸ਼ਵਿੰਦਰ ਕੌਰ, ਰਵਿੰਦਰ ਕੌਰ, ਰਵੀ ਬਹਿਲ, ਕਮਲਜੀਤ ਵਰਮਾ ਵਿਸ਼ੇਸ਼ ਤੌਰ ਤੇ ਸ਼ਾਮਲ ਹੋਏ।  ਨਵੇਂ ਬਣੇ ਜਿਲ੍ਹਾ ਪ੍ਰਧਾਨ ਜਗਜੀਤ ਸਿੰਘ ਸਾਹਨੇਵਾਲ ਨੇ ਸਮੂਹ ਕਮੇਟੀ ਅਤੇ ਹਾਜ਼ਰ ਮੈਂਬਰਾਂ ਦਾ ਧੰਨਵਾਦ ਕਰਦਿਆਂ ਵਿਸ਼ਵਾਸ ਦਵਾਇਆ ਕਿ ਉਹ ਅਧਿਆਪਕਾਂ ਦੇ ਮਾਣ ਸਨਮਾਨ ਦੀ ਬਹਾਲੀ ਅਤੇ ਹੱਕੀ ਮੰਗਾਂ ਲਈ ਹਮੇਸ਼ਾ ਯਤਨ ਸ਼ੀਲ ਰਹਿਣਗੇ। ਜਨ. ਸਕੱਤਰ ਮਨਦੀਪ ਸਿੰਘ ਸੇਖੋਂ ਨੇ ਛੇਤੀ ਹੀ ਬਲਾਕ ਪੱਧਰੀ ਅਹੁਦੇਦਾਰਾਂ ਨਾਲ ਮੀਟਿੰਗ ਕਰਕੇ ਸਕੂਲਾਂ ਵਿੱਚ ਮਾਸਟਰ ਕੇਡਰ ਯੂਨੀਅਨ ਦੀ ਲਾਮਬੰਦੀ ਸ਼ੁਰੂ ਕਰਨ ਬਾਰੇ ਪੂਰੀ ਦ੍ਰਿੜਤਾ ਦਾ ਪ੍ਰਗਟਾਵਾ ਕੀਤਾ।