ਮੁੱਲਾਂਪੁਰ ਦਾਖਾ,,30 ਅਗਸਤ(ਸਤਵਿੰਦਰ ਸਿੰਘ ਗਿੱਲ)— ਰਾਸ਼ਟਰੀਯ ਅਲਫ਼ਸ਼ਨਖਿਅਕ ਆਰਕਸ਼ਣ ਮੋਰਚਾ ਦੇ ਪ੍ਰਧਾਨ ਪ੍ਰਵੇਸ਼ ਸਦੀਕੀ ਵਲੋ ਬੀਤੇ ਕੱਲ ਮੁਸਲਿਮ ਆਗੂ ਹਾਜੀ ਗੁਲਾਮ ਅਲੀ ਵਾਸੀ ਮੁੱਲਾਂਪੁਰ ਦਾਖਾ(ਮੁੰਡਿਆਣੀ ) ਜਿਲ੍ਹਾ ਲੁਧਿਆਣਾ ਨੂੰ ਆਲ ਇੰਡੀਆ ਗੁੱਜਰ ਸੈੱਲ ਦਾ ਪ੍ਰਧਾਨ ਨਿਯੁਕਤ ਕੀਤਾ ਅਤੇ ਵੱਡੀ ਗਿਣਤੀ ਮੁਸਲਿਮ ਆਗੂਆਂ ਦੀ ਹਾਜ਼ਰੀ ਚ ਉਸ ਨੂੰ ਨਿਯੁਕਤੀ ਪੱਤਰ ਦਿੱਤਾ। ਇਸ ਨਿਯੁਕਤੀ ਕਰਕੇ ਇਲਾਕ਼ੇ ਭਰ ਦੇ ਗੁੱਜਰ ਭਾਈਚਾਰੇ ਨੇ ਖੁਸ਼ੀ ਦਾ ਇਜ਼ਹਾਰ ਕੀਤਾ । ਇਸ ਨਿਯੁਕਤੀ ਉਪਰੰਤ ਹਾਜੀ ਗੁਲਾਮ ਅਲੀ ਵਾਸੀ ਪਿੰਡ ਮੁੰਡਿਆਣੀ ਨੇ ਜਿਥੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਹ ਗੁੱਜਰ ਮੁਸਲਿਮ ਭਾਈਚਾਰੇ ਦੀਆਂ ਸਮੱਸਿਆਂਵਾਂ ਨੂੰ ਪਹਿਲ ਦੇ ਅਧਾਰ ਤੇ ਹੱਲ ਕਰਵਾਉਣਗੇ ਉਥੇ ਉਹਨਾਂ ਨੇ ਰਾਸ਼ਟਰੀਯ ਆਰਕਸ਼ਣ ਮੋਰਚਾ ਦੇ ਪ੍ਰਧਾਨ ਪ੍ਰਵੇਸ਼ ਸਦੀਕੀ ਦਾ ਵੀ ਧੰਨਵਾਦ ਕੀਤਾ ਅਤੇ ਉਹਨਾਂ ਨੂੰ ਭਰੋਸਾ ਦਿੱਤਾ ਕਿ ਉਹ ਹਮੇਸ਼ਾਂ ਆਪਣੀ ਡਿਊਟੀ ਤਨਦੇਹੀ ਨਾਲ ਨਿਭਾਉਣਗੇ ਤੇ ਆਪਣੇ ਭਾਈਚਾਰੇ ਦੇ ਲੋਕਾਂ ਦੀਆਂ ਉਮੀਦਾਂ ਤੇ ਖਰੇ ਉਤਰਨਗੇ। ਹਾਜੀ ਗੁਲਾਮ ਅਲੀ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਹ ਸਾਰੇ ਧਰਮਾਂ ਦਾ ਪੂਰਨ ਸਤਿਕਾਰ ਕਰਦੇ ਹਨ ਤੇ ਉਹ ਸਾਰੇ ਵਰਗਾਂ ਨੂੰ ਨਾਲ ਲੈ ਕੇ ਚੱਲਣਗੇ। ਇਸ ਮੌਕੇ ਸਮੂਹ ਗੁੱਜਰ ਮੁਸਲਿਮ ਭਾਈਚਾਰੇ ਦੇ ਲੋਕਾਂ ਨੇ ਉਹਨਾਂ ਨੂੰ ਵਧਾਈ ਦਿੱਤੀ ਅਤੇ ਆਸ ਕੀਤੀ ਕਿ ਉਹ ਹਮੇਸ਼ਾਂ ਸਮਾਜ ਸੇਵਾ ਦੇ ਕੰਮਾਂ ਵਿਚ ਵਧ ਚੜ ਕੇ ਯੋਗਦਾਨ ਪਾਉਂਦੇ ਰਹਿਣਗੇ। ਉਹਨਾਂ ਇਹ ਵੀ ਕਿਹਾ ਕਿ ਉਹਨਾਂ ਦਾ ਹੈਡ ਆਫਿਸ ਮੁੱਲਾਂਪੁਰ ਦਾਖਾ ਵਿੱਚ ਹੋਵੇਗਾ ਜਿੱਥੇ ਕੋਈ ਵੀ ਉਹਨਾਂ ਨੂੰ ਆ ਕੇ ਮਿਲ ਸਕਦਾ ਹੈ।ਇਸ ਮੌਕੇ ਪੰਜਾਬ ਪ੍ਰਧਾਨ ਸਰਵਰ ਅਲੀ, ਆਗੂ ਮੇਹਰਬਾਨ ਜੀ, ਕਾਰੀ ਗਯੂਰ,ਕਾਕਾ ਦੀਨ,ਸੈਫੂਦੀਨ, ਗਨੀ ਖਾਨ,ਹਾਜੀ ਬਸ਼ੀਰ ਜਾਂਗਪੁਰ,ਮੌਲਵੀ ਮੀਆਂਦੀਨ ਅਤੇ ਸਦੀਕ ਅਲੀ ਆਦਿ ਹਾਜਰ ਸਨ।
