ਲੁਧਿਆਣਾ

ਜਗਰਾਉਂ, )-ਸਾਹਿਤ ਸਭਾ ਜਗਰਾਉਂ ਦਾ ਸਾਲਾਨਾ ਸਮਾਗਮ ਪਿ੍ੰ: ਸਰਵਣ ਸਿੰਘ ਦੀ ਪ੍ਰਧਾਨਗੀ ਹੇਠ ਲਾਇਨਜ਼ ਕਲੱਬ ਜਗਰਾਉਂ ਵਿਖੇ ਕਰਵਾਇਆ ਗਿਆ | ਇਸ ਮੌਕੇ ਡਾ. ਸੁਖਦੇਵ ਸਿੰਘ ਸਿਰਸਾ ਮੱੁਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ | ਸਮਾਗਮ 'ਚ ਸਭ ਤੋਂ ਸਭਾ ਦੇ ਪ੍ਰਧਾਨ ਪ੍ਰਭਜੋਤ ਸੋਹੀ ਵਲੋਂ ਆਏ ਹੋਏ ਸਾਹਿਤਕਾਰਾਂ ਨੂੰ ਜੀ ਆਇਆਂ ਆਖਿਆ ਤੇ ਸਭਾ ਬਾਰੇ ਜਾਣਕਾਰੀ ਸਾਂਝੀ ਕੀਤੀ | ਇਸ ਮੌਕੇ ਸਭਾ ਦੇ ਮੈਂਬਰ ਗੁਰਜੀਤ ਸਹੋਤਾ ਦੀ ਕਿਤਾਬ 'ਸੁਪਨਾ ਸੁਰਖ ਸਵੇਰ ਜਿਹਾ' ਉੱਪਰ ਗੋਸ਼ਟੀ ਕਰਵਾਈ ਗਈ, ਜਿਸ 'ਚ ਪ੍ਰੋ. ਰਮਨਪ੍ਰੀਤ ਕੌਰ ਚੌਹਾਨ ਵਲੋਂ ਪਰਚਾ ਪੜਿ੍ਹਆ ਗਿਆ | ਪੇਪਰ ਬਹਿਸ 'ਚ ਪੋ੍ਰ. ਕਰਮ ਸਿੰਘ ਸੰਧੂ, ਡਾ. ਸੁਰਜੀਤ ਬਰਾੜ, ਅਵਤਾਰ ਜਗਰਾਉਂ, ਹਰਬੰਸ ਅਖਾੜਾ ਅਤੇ ਪ੍ਰਭਜੋਤ ਸੋਹੀ ਨੇ ਹਿੱਸਾ ਲਿਆ | ਇਸ ਸਮੇਂ ਸਭਾ ਵਲੋਂ ਇਸ ਵਾਰ ਪਿ੍ੰ: ਤਖਤ ਸਿੰਘ ਗ਼ਜ਼ਲ ਪੁਰਸਕਾਰ ਉਘੇ ਗਜ਼ਲਗੋ ਜਗਵਿੰਦਰ ਜੋਧਾਂ ਨੂੰ ਦਿੱਤਾ ਗਿਅ ਅਤੇ ਪ੍ਰਤਾਪ ਗਿੱਲ ਨੇ ਸਨਮਾਨ ਪੱਤਰ ਪੜ੍ਹ ਕੇ ਸੁਣਾਇਆ | ਪ੍ਰਸਿੱਧ ਲੇਖਕ ਜਸਵੰਤ ਸਿੰਘ ਕੰਵਲ ਪੁਰਸਕਾਰ ਲੇਖਕ ਸਾਂਵਲ ਧਾਮੀ ਨੂੰ ਪ੍ਰਦਾਨ ਦਿੱਤਾ ਗਿਆ, ਜਿਸ ਬਾਰੇ ਪ੍ਰੋ. ਕਰਮ ਸਿੰਘ ਸੰਧੂ ਨੇ ਜਾਣਕਾਰੀ ਦਿੱਤੀ ਤੇ ਹਰਬੰਸ ਸਿੰਘ ਅਖਾੜਾ ਵਲੋਂ ਸਨਮਾਨ ਪੱਤਰ ਪੜਿ੍ਹਆ ਗਿਆ | ਪ੍ਰੋ. ਐੱਚ. ਐੱਸ. ਡਿੰਪਲ ਨੇ ਉਕਤ ਸਨਮਾਨਿਤ ਸਾਹਿਤਕਾਰਾਂ ਦੀਆਂ ਰਚਨਾਵਾਂ ਬਾਰੇ ਸੰਖੇਪ ਜਾਣਕਾਰੀ ਦਿੱਤੀ ਗਈ | ਇਸ ਮੌਕੇ ਡਾ. ਸੁਖਦੇਵ ਸਿੰਘ ਸਿਰਸਾ ਅਤੇ ਪਿ੍ੰਸੀਪਲ ਸਰਵਣ ਸਿੰਘ ਨੇ ਵੀ ਹਾਜ਼ਰ ਸਾਹਿਤਕਾਰਾਂ ਨੂੰ ਸੰਬੋਧਨ ਕੀਤਾ | ਸਾਹਿਤ ਸਭਾ ਦੇ ਇਸ ਸਾਲਾਨਾ ਸਮਾਗਮ 'ਚ ਕੇਸਰ ਸਿੰਘ ਨੀਰ ਦੀ ਪੁਸਤਕ 'ਮਹਿਕ ਪੀੜਾਂ ਦੀ', ਹਰਪ੍ਰੀਤ ਸਿੰਘ ਅਖਾੜਾ ਦੀ ਪੁਸਤਕ 'ਜਿੰਦਗੀ', ਸੀਰਾ ਗਰੇਵਾਲ ਰੌਾਤਾ ਦੀ ਪੁਸਤਕ 'ਤੂੰ ਚਾਨਣ ਬਿਖੇਰੀ', ਜਸਵੰਤ ਰਾਊਕੇ ਦੀ ਪੁਸਤਕ 'ਰਿਸ਼ਮਾ ਦੇ ਸਿਰਨਾਵੇਂ' ਤੇ ਹਰਬੰਸ ਸਿੰਘ ਅਖਾੜਾ ਦੀ ਪੁਸਤਕ 'ਸਰਘੀ ਦੀ ਲੋਅ' ਲੋਕ ਅਰਪਣ ਕੀਤੀਆਂ ਗਈਆਂ | ਉਪਰੰਤ ਕਵੀ ਦਰਬਾਰ ਕਰਵਾਇਆ ਗਿਆ, ਜਿਸ 'ਚ ਸੁਖਵਿੰਦਰ ਸੁੱਖੀ ਸ਼ਾਂਤ, ਮਨਦੀਪ ਲੁਧਿਆਣਾ, ਪਰਮਿੰਦਰ ਅਲਬੇਲਾ, ਗੀਤ ਗੁਰਜੀਤ, ਜਗਜੀਤ ਸੰਧੂ, ਕਮਲਜੀਤ ਕੰਵਰ, ਮਨੋਜ ਫਗਵਾੜਵੀ, ਰਾਕੇਸ਼ ਤੇਜਪਾਲ ਜਾਨੀ, ਜੀ. ਐੱਸ. ਪੀਟਰ, ਸੀਰਾ ਗਰੇਵਾਲ ਰੌਾਤਾ, ਜਸਵੰਤ ਰਾਊਕੇ, ਮੇਘ ਸਿੰਘ ਜਵੰਦਾ, ਪ੍ਰਤਾਪ ਗਿੱਲ, ਹਰਪ੍ਰੀਤ ਅਖਾੜਾ, ਹਰਬੰਸ ਅਖਾੜਾ, ਹਰਕੋਮਲ ਬਰਿਆਰ, ਸਤਪਾਲ ਦੇਹੜਕਾ, ਅਵਤਾਰ ਜਗਰਾਉਂ, ਅਸ਼ੋਕ ਚਟਾਨੀ, ਸੁਖਚਰਨ ਸਿੰਘ ਸਿੱਧੂ, ਹਰਦੀਪ ਵਿਰਦੀ, ਜਗਜੀਤ ਕਾਫ਼ਿਰ, ਕੁਲਦੀਪ ਚਿਰਾਗ ਆਦਿ ਸਾਹਿਤਕਾਰਾਂ ਵਲੋਂ ਆਪੋ-ਆਪਣੀਆਂ ਰਚਨਾਵਾਂ ਦੀ ਪੇਸ਼ਕਾਰੀ ਦਿੱਤੀ | ਇਸ ਮੌਕੇ ਹਰਚੰਦ ਗਿੱਲ, ਡਾ. ਸਾਧੂ ਸਿੰਘ, ਮੇਜਰ ਸਿੰਘ ਛੀਨਾ, ਪੱਤਰਕਾਰ ਜਸਵਿੰਦਰ ਸਿੰਘ ਛਿੰਦਾ, ਰੁਪਿੰਦਰ ਕੌਰ, ਜਗਤਾਰ ਭਾਈ ਰੂਪਾ, ਮਹਿੰਦਰ ਸਿੰਘ ਰੂਮੀ, ਮਾਸਟਰ ਮਹਾਂ ਸਿੰਘ, ਨਰਿੰਦਰ ਸਿੰਘ, ਗੁਰਦੀਪ ਸਿੰਘ ਮੋਤੀ, ਰਛਪਾਲ ਸਿੰਘ ਚਕਰ, ਰਵਿੰਦਰ ਅਨਾੜੀ, ਅਰਸ਼ਦੀਪਪਾਲ ਸਿੰਘ, ਡਾ. ਦਿਲਬਾਗ ਸਿੰਘ, ਈਸ਼ਰ ਸਿੰਘ ਮੌਜੀ, ਪਰਮਜੀਤ ਸਿੰਘ ਚੂਹੜਚੱਕ ਆਦਿ ਹਾਜ਼ਰ ਸਨ |

ਮਿਲਾਨ/ਰੋਮ, 9 ਮਾਰਚ ਇਟਲੀ ਵਿੱਚ ਕਰੋਨਾਵਾਇਰਸ ਕਾਰਨ ਉਦੋਂ ਸਹਿਮ ਦਾ ਮਾਹੌਲ ਬਣ ਗਿਆ ਸੀ, ਜਦੋਂ ਕੈਦੀਆਂ ਨੂੰ ਦੂਜੀਆਂ ਜੇਲ੍ਹਾਂ ਵਿੱਚ ਤਬਦੀਲ ਕੀਤਾ ਜਾ ਰਿਹਾ ਸੀ। ਇਸ ਦੌਰਾਨ ਕੈਦੀਆਂ ਵਿਚਾਲੇ ਹੋਏ ਦੰਗੇ ’ਚ ਛੇ ਕੈਦੀਆਂ ਦੀ ਮੌਤ ਹੋ ਗਈ। ਇਟਲੀ ਦੇ ਜੇਲ੍ਹ ਪ੍ਰਸ਼ਾਸਨ ਦੇ ਮੁਖੀ ਫਰਾਂਸਕੋ ਬੇਸਨਟਿਨੀ ਨੇ ਕਿਹਾ ਕਿ ਮਦੇਨਾ ਦੇ ਉੱਤਰੀ ਸ਼ਹਿਰ ਦੀ ਜੇਲ੍ਹ ਵਿੱਚ ਤਿੰਨ ਬੰਦੀ ਮਾਰੇ ਗਏ ਅਤੇ ਤਿੰਨ ਬੰਦੀ ਉਦੋਂ ਮਾਰੇ ਜਦੋਂ ਉਨ੍ਹਾਂ ਨੂੰ ਦੂਜੀ ਜੇਲ੍ਹ ਵਿੱਚ ਤਬਦੀਲ ਕੀਤਾ ਜਾ ਰਿਹਾ ਸੀ।
ਇਸੇ ਦੌਰਾਨ ਇਟਲੀ ਦੇ ਸ਼ਹਿਰ ਮਿਲਾਨ ਅਤੇ ਵੈਨਿਸ ਵਿੱਚ ਐਤਵਾਰ ਨੂੰ ਕਰੋਨਾਵਾਇਰਸ ਦੀ ਦਹਿਸ਼ਤ ਕਾਰਨ ਲੋਕ ਘਰਾਂ ਵਿੱਚ ਕੈਦ ਹੋਣ ਲਈ ਮਜਬੂਰ ਹੋ ਗਏ ਹਨ। ਉਨ੍ਹਾਂ ਦਾ ਮੁਲਕ ਦੇ ਬਾਕੀਆਂ ਹਿੱਸਿਆਂ ਨਾਲੋਂ ਸੰਪਰਕ ਟੁੱਟ ਗਿਆ ਹੈ। ਸਰਕਾਰ ਨੇ ਕਰੋਨਾਵਾਇਰਸ ਦੇ ਡਰੋਂ ਲੋਕਾਂ ਨੂੰ ਘਰਾਂ ਵਿੱਚ ਹੀ ਬੰਦ ਰਹਿਣ ਲਈ ਆਖ ਦਿੱਤਾ ਹੈ। ਇਹ ਪਾਬੰਦੀ ਉੱਤਰੀ ਇਟਲੀ ਵਿੱਚ ਪੰਦਰਾਂ ਮਿਲੀਅਨ ਲੋਕਾਂ ’ਤੇ ਲਾਗੂ ਹੁੰਦੀ ਹੈ। ਇਸੇ ਦੌਰਾਨ ਕਈ ਲੋਕ ਤਾਂ ਆਪਣਾ ਬੋਰੀਆ-ਬਿਸਤਰਾ ਬੰਨ੍ਹ ਕੇ ਉਡਾਰੀ ਮਾਰ ਗਏ ਹਨ।
ਜ਼ਿਕਰਯੋਗ ਹੈ ਕਿ ਚੀਨ ਤੋਂ ਬਾਅਦ ਕਰੋਨਾਵਾਇਰਸ ਦੀ ਸਭ ਤੋਂ ਵੱਧ ਮਾਰ ਇਟਲੀ ਝੱਲ ਰਿਹਾ ਹੈ। ਇੱਥੇ ਲਾਗ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ 133 ਤੋਂ 366 ਅੱਪੜ ਗਈ ਹੈ। ਇਟਲੀ ਗ੍ਰਹਿ ਮੰਤਰਾਲੇ ਨੇ ਕਿਹਾ ਕਿ ਜਿਹੜਾ ਵਿਅਕਤੀ ਸਰਕਾਰੀ ਨੇਮਾਂ ਦੀ ਉਲੰਘਣਾ ਕਰੇਗਾ, ਉਸ ਨੂੰ ਤਿੰਨ ਮਹੀਨੇ ਦੀ ਜੇਲ੍ਹ ਦੀ ਸਜ਼ਾ ਸੁਣਾਈ ਜਾਵੇਗੀ ਅਤੇ 206 ਯੂਰੋ ਜੁਰਮਾਨਾ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਜੇਕਰ ਕਿਸੇ ਵਿਅਕਤੀ ਨੂੰ ਕੋਈ ਬੇਹੱਦ ਜ਼ਰੂਰੀ ਕੰਮ ਹੋਇਆ ਜਿਹੜਾ ਟਾਲਿਆ ਨਾ ਜਾ ਸਕਦਾ ਹੋਵੇ, ਉਸ ਨੂੰ ਐਲਾਨੀਆਂ ਜ਼ੋਨਾਂ ਵਿੱਚੋਂ ਬਾਹਰ ਜਾਣ ਦੀ ਪ੍ਰਵਾਨਗੀ ਦਿੱਤੀ ਜਾਵੇਗੀ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ,ਗੁਰਦੇਵ ਗਾਲਿਬ)ਇਥੋ ਥੋੜੀ ਦੂਰ ਪਿੰਡ ਗਾਲਿਬ ਕਲਾਂ ਵਿਖੇ ਰੰਗਲਾ ਪੰਜਾਬ ਸੱਭਿਆਚਾਰਕ ਵੈਲਫੇਅਰ ਮੰਚ ਵੱਲੋ 19ਵਾਂ ਫਰੀ ਮੈਡੀਕਲ ਚੈਕਅੱਪ ਕੈਪ ਲਗਾਇਆ ਗਿਆ।ਇਸ ਸਮੇ ਡਾਕਟਰ ਦੀ ਟੀਮ ਨੇ ਵੱਡੀ ਗਿਣਤੀ ਵਿਚ ਮਰੀਜ਼ਾਂ ਦੀ ਜਾਂਚ ਕੀਤੀ ਗਈ।ਇਸ ਸਮੇ ਸੀਨੀਅਰ ਪੱਤਰਕਾਰ ਅਤੇ ਸਾਬਕਾ ਪੰਚ ਹਰਿੰਦਰ ਸਿੰਘ ਚਾਹਲ ਤੇ ਸਮਾਜ ਸੇਵੀ ਨੇ ਕੈਪ ਦਾ ਉਦਘਾਟਨ ਕੀਤਾ।ਇਸ ਸਮੇ ਚਾਹਲ ਨੇ ਕਿਹਾ ਕਿ ਅੱਜ ਦੇ ਮਹਿੰਗਾਈ ਯੁਗ ਵਿੱਚ ਇਲਾਜ ਕਰਵਾਉਣਾ ਹਰ ਇਕ ਦੇ ਵੱਸ ਦੀ ਗੱਲ ਨਹੀ ਰਹੀ।ਅੱਜ ਕੱੱੱਲ ਤਾਂ ਟੈਸਟ ਬਹੁਤ ਮਹਿੰਗੇ ਹਨ ਗਰੀਬ ਬੰਦਾ ਤਾਂ ਉਹ ਵੀ ਨਹੀ ਕਰਵਾ ਸਕਦਾ।ਉਨਾਂ ਕਿਹਾ ਕਿ ਇਹੋ ਜਿਹੇ ਕੈਪਾਂ ਦਾ ਫਾਇਦਾ ਲੈਣਾ ਚਾਹੀਦਾ ਹੈ ਅਖੀਰ ਵਿੱਚ ਉਨ੍ਹਾਂ ਕਿਹਾ ਕਿ ਮੈ ਕੈਪ ਦੀ ਸੁੱਮਚੀ ਕੈਪ ਦੀ ਟੀਮ ਨੂੰ ਵਧਾਈ ਦਿੰਦਾ ਹਾਂ।ਇਸ ਸਮੇ ਗੁਰਬਚਨ ਸਿੰਘ ਕਲੇਰਾਂ ਨੇ ਆਏ ਹੋਏ ਅਤੇ ਜਿੰਨ੍ਹਾਂ ਨੇ ਕੈਪ ਵਿੱਚ ਸਹਿਯੋਗ ਦਿੱਤਾ ਉਨ੍ਹਾਂ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਰੰਗਲਾ ਪੰਜਾਬ ਮੰਚ ਵਲੋ ਡਾਂ.ਸਹਿਬਾਨ ਨੂੰ ਯਾਦਗਰੀ ਚਿੰਨ੍ਹਾਂ ਨਾਲ ਸਨਮਾਨਿਤ ਕੀਤਾ ਗਿਆ ਤੇ ਮਰੀਜ਼ਾ ਨੂੰ ਦਵਾਈਆਂ ਮੁਫਤ ਦਿੱਤੀਆਂ ਗਈਆਂ।ਇਸ ਸਮੇ ਰੰਗਲਾ ਪੰਜਾਬ ਮੰਚ ਦੇ ਪ੍ਰਧਾਨ ਬੂਟਾ ਸਿੰਘ ਗਾਲਿਬ,ਅਵਤਾਰ ਸਿੰਘ ਬੱਸੀਆਂ,ਦਰਸ਼ਨ ਸਿੰਘ,ਗਗਨੀ,ਹੀਰੋ ਪੱਤਰਕਾਰ,ਲਛਮਣ ਸਿੰਘ ਆਦਿ ਨੇ ਕੈਪ ਵਿਚ ਸੇਵਾਵਾਂ ਨਿਭਾਈਆਂ ਗਈਆਂ।

ਕਾਉਂਕੇ ਕਲਾਂ, 9 ਮਾਰਚ ( ਜਸਵੰਤ ਸਿੰਘ ਸਹੋਤਾ)-ਪਿੰਡ ਕਾਉਂਕੇ ਕਲ਼ਾਂ ਦੀਆਂ ਸੜਕਾਂ ਤੇ ਗਲੀਆਂ ਮੁਹੱਲਿਆਂ ਵਿੱਚ ਫਿਰ ਰਹੇ ਅਵਾਰਾ ਕੁੱਤਿਆਂ ਕਾਰਨ ਨਗਰ ਨਿਵਾਸੀ ਡਾਢੇ ਪ੍ਰੇਸਾਨ ਹਨ ਕਿਉਕਿ ਗਲੀਆਂ ਵਿੱਚ ਫਿਰ ਰਹੇ ਅਵਾਰਾ ਕੱਤਿਆਂ ਦੀ ਭਰਮਾਰ ਕਾਰਨ ਕਿਸੇ ਵੇਲੇ ਵੀ ਅਣਸੁਖਾਵੀ ਘਟਨਾ ਹੋਣ ਦਾ ਡਰ ਬਣਿਆ ਰਹਿੰਦਾ ਹੈ। ਕੱੁਤਿਆ ਦੇ ਵੱਡਣ ਦੀਆਂ ਘਟਨਾਵਾਂ ਅਨੇਕਾ ਵਾਰ ਘਟ ਚੱੁਕੀਆਂ ਹਨ ਪਰ ਅਜੇ ਤੱਕ ਕੱੁਤਿਆਂ ਨੂੰੰ ਕਾਬੂ ਕਰਨ ਦਾ ਉਪਰਾਲਾ ਨਹੀ ਕੀਤਾ ਗਿਆ।ਇੰਨਾ ਅਵਾਰਾ ਕੁੱਤਿਆ ਕਾਰਨ ਸੜਕਾਂ ਤੇ ਕਈ ਵਾਰ ਵਾਹਨ ਚਾਲਕ ਟਕਰਾ ਕੇ ਹਾਦਸੇ ਦਾ ਸਿਕਾਰ ਵੀ ਹੋ ਚੱੁਕੇ ਤੇ ਆਪਣਾ ਭਾਰੀ ਆਰਥਿਕ ਨੁਕਸਾਨ ਵੀ ਕਰਵਾ ਬੈਠੇ ਹਨ।ਸਾਬਕਾ ਸਰਪੰਚ ਮਨਜਿੰਦਰ ਸਿੰਘ ਮਨੀ,ਗੁਰਪ੍ਰੀਤ ਸਿੰਘ ਗੋਪੀ,ਜੱਗਾ ਸਿੰਘ ਸੇਖੋ,ਕੁਲਦੀਪ ਸਿੰਘ ਕੀਪਾ ਦਾ ਕਹਿਣਾ ਹੈ ਕਿ ਅਵਾਰਾ ਕੱੁਤਿਆਂ ਕਾਰਨ ਨਗਰ ਨਿਵਾਸੀ ਬੱਚਿਆਂ ਨੂੰ ਬਾਹਰ ਖੇਡਣ ਜਾਣ ਦੇਣ ਤੋ ਵੀ ਕੰਨੀ ਕਤਰਾਉਣ ਲੱਗੇ ਹਨ।ਇਸ ਸਮੇ ਅਵਾਰਾ ਕੱੁਤਿਆ ਦੀ ਗਿਣਤੀ ਘਟਣ ਦੀ ਥਾਂ ਦਿਨੋ ਦਿਨ ਵਧ ਰਹੀ ਹੈ ਤੇ ਉਨਾ ਮੰਗ ਕੀਤੀ ਕਿ ਇੰਨਾ ਅਵਾਰਾ ਕੁੱਤਿਆਂ ਨੂੰ ਜਲਦੀ ਕਾਬੂ ਕੀਤਾ ਜਾਵੇ।