ਬਰਨਾਲਾ, 11ਮਾਰਚ (ਗੁਰਸੇਵਕ ਸਿੰਘ ਸੋਹੀ)- ਸਥਾਨਕ ਸਹਿਰ ਦੇ 16 ਏਕੜ ਵਿਖੇ ਅੱਜ ਯੂਨਾਈਟਡ ਵਿੰਗ ਪ੍ਰੀਮੀਅਰ ਆਈਲੈਟਸ ਇੰਸੀਚਿਊਟ ਅਤੇ ਇਮੀਗ੍ਰੇਸ਼ਨ ਸੰਸਥਾ ਦਾ ਉਦਘਾਟਨ ਵਾਈ ਐੱਸ ਸਕੂਲ ਦੇ ਚੇਅਰਮੈਨ ਦਰਸ਼ਨ ਕੁਮਾਰ ਅਤੇ ਸਟੇਟ ਐਵਾਰਡੀ ,ਸਮਾਜ ਸੇਵੀ ਭੋਲਾ ਸਿੰਘ ਵਿਰਕ ਨੇ ਕੀਤਾ । ਇਸ ਮੌਕੇ ਬੋਲਦਿਆਂ ਸੰਸਥਾ ਦੇ ਮੁਖੀ ਤੇਜ ਪ੍ਰਤਾਪ ਸਿੰਘ ਚੀਮਾ ਅਤੇ ਗੁਰਪ੍ਰੀਤ ਹੋਲੀ ਹਾਰਟ ਸਕੂਲ ਮਹਿਲ ਕਲਾਂ ਦੇ ਡਾਇਰੈਕਟਰ ਰਕੇਸ਼ ਬਾਂਸਲ ਨੇ ਕਿਹਾ ਕਿ ਸਾਡੀ ਸਭ ਤੋਂ ਪਹਿਲੀ ਕੋਸ਼ਿਸ਼ ਇਹ ਹੋਵੇਗੀ ਕਿ ਵਿਦਿਆਰਥੀਆਂ ਨੂੰ ਵਧੀਆ ਪੜ੍ਹਾਈ ਦੇ ਲਈ ਤਜਰਬੇਕਾਰ ਸਟਾਫ਼ ਦੇਣਾ ਹੈ ਤਾਂ ਜੋ ਸਾਡੀ ਸੰਸਥਾ ਤੋਂ ਬੱਚਾ ਪੜ੍ਹ ਕੇ ਉਹ ਨਵੀਆਂ ਬੁਲੰਦੀਆਂ ਨੂੰ ਛੂਹੇ ਤੇ ਆਪਣਾ ਜੀਵਨ ਪੱਧਰ ਖੁਦ ਆਪਣੇ ਦਮ ਤੇ ਉੱਚਾ ਚੁੱਕੇ। ਇਸ ਮੌਕੇ ਬਰੌਡਵੇ ਪਬਲਿਕ ਸਕੂਲ ਮਨਾਲ ਦੇ ਚੇਅਰਮੈਨ ਰਣਜੀਤ ਸਿੰਘ ਚੀਮਾ ,ਗੁਰਪ੍ਰੀਤ ਹੋਲੀ ਹਾਰਟ ਸਕੂਲ ਮਹਿਲ ਕਲਾਂ ਦੇ ਐੱਮ ਡੀ ਸੁਸ਼ੀਲ ਗੋਇਲ ,ਵਾਈ ਐਸ ਸਕੂਲ ਦੇ ਵਰੁਨ ਭਾਰਤੀ ਅਤੇ ਸੰਤ ਬਚਨਪੁਰੀ ਸਕੂਲ ਦੇ ਰਵਿੰਦਰ ਸਿੰਘ ਬਿੰਦੀ ਨੇ ਮਾਪਿਆਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਉਹ ਆਪਣੇ ਬੱਚਿਆਂ ਦੀ ਪੜ੍ਹਾਈ ਕਰਵਾਉਣ ਸਮੇਂ "ਯੂਨਾਈਟਡ ਵਿੰਗ ਪ੍ਰੀਮੀਅਰ ਆਈਲੈਟਸ ਇੰਸੀਚਿਊਟ"ਜਿਹੇ ਸੈਂਟਰਾਂ ਦੀ ਚੋਣ ਕਰਨੀ ਚਾਹੀਦੀ ਹੈ, ਜੋ ਕਿ ਸਾਡੇ ਬੱਚਿਆਂ ਨੂੰ ਸਭ ਸਹੂਲਤਾਂ ਤੇ ਖੁਦ ਮਾਨਤਾ ਪ੍ਰਾਪਤ ਹੋਵੇ , ਜਿਸ ਚ ਪੜ੍ਹ ਕੇ ਸਾਡੇ ਬੱਚੇ ਕੋਈ ਲੇਬਰ ਵਗੈਰਾ ਨਹੀਂ ਸਗੋਂ ਚੰਗੀਆਂ ਨੌਕਰੀਆਂ ਤੇ ਬਿਰਾਜਮਾਨ ਹੋ ਕੇ ਪੰਜਾਬੀਆਂ ਦੀ ਜਿੱਤ ਦੇ ਝੰਡੇ ਵਿਦੇਸ਼ਾਂ ਦੀ ਧਰਤੀ ਦੇ ਗੱਡਣ । ਇਸ ਲਈ ਬਰਨਾਲਾ ਦੇ ਵਿੱਚ ਇਹੋ ਜਿਹੇ
ਇੰਸੀਚਿਊਟ ਦੀ ਜ਼ਰੂਰਤ ਸੀ ,ਜੋ ਹੁਣ ਉਕਤ ਸੈਂਟਰ ਜ਼ਰੂਰ ਪੂਰੀ ਕਰੇਗਾ । ਇਸ ਮੌਕੇ ਸਮਾਜ ਸੇਵੀ ਦੀਪਕ ਸੋਨੀ ,
ਵੀ ਬੀ ਐਮ ਸਕੂਲ ਦੇ ਪ੍ਰਮੋਦ ਅਰੋੜਾ, ਆਰੀਆ ਭੱਟਾ ਸਕੂਲ ਦੇ ਰਾਕੇਸ਼ ਗੁਪਤਾ,ਬਾਬਾ ਗਾਂਧਾ ਸਿੰਘ ਪਬਲਿਕ ਸਕੂਲ ਦੇ ਰਣਪ੍ਰੀਤ ਸਿੰਘ ,ਜੈ ਵਾਟਿਕਾ ਪਬਲਿਕ ਸਕੂਲ ਦੇ ਰੋਹਿਤ ਬਾਂਸਲ ,ਮਦਰ ਟੀਚਰ ਸਕੂਲ ਦੇ ਕਪਿਲ ਮਿੱਤਲ ,ਐੱਸ ਡੀ ਸਕੂਲ ਕੱਟੂ ਦੇ ਭਗਵੰਤ ਸਿੰਘ ,ਗੁਰੂ ਗੋਬਿੰਦ ਸਿੰਘ ਇੰਟਰਨੈਸ਼ਨਲ ਸਕੂਲ ਭਦੌੜ ਦੇ ਦਰਸ਼ਨ ਸਿੰਘ ਚੀਮਾ ,ਪੰਜਾਬ ਪਬਲਿਕ ਸਕੂਲ ਦੇ ਏ ਐੱਸ ਚੀਮਾ ਸਮੇਤ ਵੱਡੀ ਗਿਣਤੀ ਚ ਜ਼ਿਲ੍ਹਾ ਬਰਨਾਲਾ ਦੀਆਂ ਸਨਮਾਨਯੋਗ ਸ਼ਖ਼ਸੀਅਤਾਂ ਹਾਜ਼ਰ ਸਨ ।
