ਲੁਧਿਆਣਾ

ਫੋਟੋ 21 ਏ. ਡੱਲਾ ਪਾਉਣੀ ਹੈ।

ਕਾਉਂਕੇ ਕਲਾਂ 21 ਮਈ ( ਜਸਵੰਤ ਸਿੰਘ ਸਹੋਤਾ) ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਵੱਲੋ ਜੋ ਬੀਤੇ ਦਿਨੀ ਸਰਕਾਰ ਧਾਰਮਿਕ ਅਸਥਾਨਾ ਦਾ ਸੋਨਾ ਤੇ ਨਕਦੀ ਆਪਣੇ ਕਬਜੇ ਵਿੱਚ ਲੈ ਕੇ ਲੋਕਾ ਦੀ ਭਲਾਈ ਲਈ ਲਈ ਖਰਚਾ ਕਰਨ ਵਾਲਾ ਵਿਵਾਦਿਤ ਬਿਆਨ ਦਿੱਤਾ ਸੀ ਉਸ ਨੂੰ ਲ਼ੈ ਕੇ ਵਿਵਾਦ ਦਿਨੋ ਦਿਨ ਵਧ ਰਿਹਾ ਹੈ।ਅੱਜ ਸ੍ਰੋਮਣੀ ਅਕਾਲੀ ਦਲ (ਅ) ਪਾਰਟੀ ਦੇ ਜਿਲਾ ਪ੍ਰਧਾਨ ਜੱਥੇਦਾਰ ਤ੍ਰਲੋਕ ਸਿੰਘ ਡੱਲਾ ਤੇ ਉਨਾ ਦੇ ਆਗੂਆਂ ਨੇ ਵੀ ਸਿਰਸਾ ਦੇ ਦਿੱਤੇ ਬਿਆਨ ਦਾ ਨੋਟਿਸ ਲੈਂਦਿਆਂ ਕਿਹਾ ਕਿ ਜੋ ਬੀਤੇ ਦਿਨੀ ਅਮਰੀਕਾ ਦੇ ਗੁਰਦੁਆਰਾ ਸਾਹਿਬ ਦੀਆਂ ਪ੍ਰਬੰਧਕ ਕਮੇਟੀਆਂ ਵੱਲੋ ਸਿਰਸਾ ਦਾ ਮੁਕੰਮਲ ਬਾਈਕਾਟ ਕਰਨ ਦਾ ਐਲਾਨ ਕੀਤਾ ਗਿਆਂ ਹੈ ਉਸ ਦੀ ਤਰਜ ਤੇ ਦੇਸ ਦੀਆਂ ਵੱਖ ਵੱਖ ਗੁਰਦੁਆਰਾ ਸਾਹਿਬ ਦੀਆਂ ਕਮੇਟੀਆਂ ਵੀ ਸਿਰਸਾ ਦਾ ਮੁਕੰਮਲ ਬਾਈਕਾਟ ਕਰਨ ਦਾ ਮਤਾ ਅਮਲ ਵਿੱਚ ਲਿਆਉਣ।ਉਨਾ ਕਿਹਾ ਕਿ ਗੁਰਦੁਆਰਾ ਸਾਹਿਬ ਦਾ ਪੈਸਾ ਤੇ ਸੋਨਾ ਸੰਗਤਾ ਦੀ ਸਰਧਾ ਤੇ ਸਤਿਕਾਰ ਦਾ ਪ੍ਰਮਾਣ ਹੈ ਜਿਸ ਨੂੰ ਕਿਸੇ ਵੀ ਕੀਮਤ ਤੇ ਹਿੰਦੂਤਵੀ ਹੱਥਾਂ ਵਿੱਚ ਨਹੀ ਜਾਣ ਦਿਤਾ ਜਾਵੇਗਾ ਤੇ ਅੱਜ ਵੀ ਸਿੱਖ ਸੰਗਤਾਂ ਤਾਂ ਜਮੀਰ ਜਿੰਦਾ ਹੈ ਜਿਸ ਲਈ ਉਹ ਕਿਸੇ ਵੀ ਤਰਾਂ ਦੀ ਕੌਮ ਹਿੱਤ ਕੁਰਬਾਨੀ ਦੇਣ ਲਈ ਤਿਆਰ ਹੈ।ਉਨਾ ਕਿਹਾ ਕਿ ਸਿਰਸਾ ਬਾਦਲ ਜੁੰਡਲੀ ਦਾ ਉਹ ਨੇਤਾ ਹੈ ਜੋ ਸਿੱਖ ਕੌਮ ਦੀ ਕਿਸੇ ਵੀ ਹੱਦ ਤੱਕ ਜਾ ਕੇ ਪਿੱਠ ਲਵਾਉਣ ਨੂੰ ਤਿਆਰ ਰਹਿੰਦਾ ਹੈ ਜਿਸ ਦਾ ਮਕਸਦ ਆਪਣੇ ਵਿਵਾਦਤ ਬਿਆਨਾ ਰਾਹੀ ਆਪਣੇ ਸਿੱਖ ਕੌਮ ਵਿਰੋਧੀ ਆਕਾਵਾਂ ਨੂੰ ਖੁਸ ਕਰਨਾ ਹੈ।ਉਨਾ ਕਿਹਾ ਕਿ ਸਿਰਸਾ ਅਨੁਸਾਰ ਧਾਰਮਿਕ ਅਸਥਾਨਾ ਦਾ ਪੈਸਾ ਤੇ ਸੋਨਾ ਸਰਕਾਰ ਆਪਣੇ ਹੱਥਾਂ ਵਿੱਚ ਲੈ ਕੇ ਲੋਕਾਂ ਦੇ ਭਲੇ ਲਈ ਖਰਚ ਕਰੇ ਪਰ ਸਿਰਸਾਂ ਖੁਦ ਦੱਸੇ ਕਿ ਉਨਾ ਨੇ ਦਿੱਲੀ ਵਿੱਚ ਕਿੰਨੇ ਲੋਕ ਭਲਾਈ ਕਾਰਜ ਕੀਤੇ ਹਨ ਤੇ ਉਨਾ ਤੇ ਕਿਉ ਗੁਰੂ ਦੀ ਗੋਲਕ ਦੀ ਦੁਰਵਰਤੋ ਕਰਨ ਦੇ ਇਲਜਾਮ ਲੱਗ ਰਹੇ ਹਨ।ਉਨਾ ਕਿਹਾ ਕਿ ਸਿਰਸਾ ਇਹ ਵੀ ਦੱਸਣ ਕਿ ਉਸ ਨੇ ਇਸ ਕੋਰੋਨਾ ਵਾਇਰਸ ਵਰਗੀ ਮਹਾਮਾਰੀ ਕਾਰਨ ਦੇਸ ਭਰ ਵਿੱਚ ਫੈਲੇ ਸੰਕਟ ਨੂੰ ਲੈ ਕੇ ਉਨਾ ਆਪਣੀ ਨਿੱਜੀ ਸੰਪਤੀ ਵਿੱਚੋ ਕਿੰਨੀ ਲੋੜਵੰਦਾ ਦੀ ਮੱਦਦ ਕੀਤੀ ਹੈ।ਉਨਾ ਕਿਹਾ ਕਿ ਗੁਰਦਆਰਾ ਸਾਹਿਬ ਦੀ ਸੰਪਤੀਆਂ ਤੇ ਐਸ ਕਰਨ ਵਾਲਾ ਸਿਰਸਾ ਆਪਣਾ ਜਮੀਰ ਭਗਵੀਂ ਹਿੰਦੂਤਵੀ ਜਮਾਤ ਨੂੰ ਵੇਚ ਚੱੁਕਾ ਹੈ ਜਿਸ ਦਾ ਹੁਣ ਮਕਸਦ ਗੁਰਦੁਆਰਾ ਸਾਹਿਬ ਦੀਆਂ ਸੰਪਤੀਆਂ ਤੇ ਭਗਵੀਂ ਸਰਕਾਰ ਦਾ ਕਬਜਾ ਕਰਵਾਉਣਾ ਹੈ।ਇਸ ਮੌਕੇ ਉਨਾ ਨਾਲ ਗੁਰਦੀਪ ਸਿੰਘ ਮੱਲਾ ,ਮਹਿੰਦਰ ਸਿੰਘ ਭੰਮੀਪੁਰਾ,ਗੁਰਦਿਆਲ ਸਿੰਘ ਡਾਗੀਆਂ,ਅਜਮੇਰ ਸਿੰਘ ਡਾਗੀਆਂ,ਬੰਤਾ ਸਿੰਘ ਡੱਲਾ,ਪਰਵਾਰ ਸਿੰਘ ਡੱਲਾ,ਸਰਦਾਰਾ ਸਿੰਘ ਕਾਉਂਕੇ ,ਗੁਰਨਾਮ ਸਿੰਘ ਡੱਲਾ,ਸਰਬਜੀਤ ਸਿੰਘ ਕਾਉਂਕੇ,ਭਾਈ ਕਰਮਜੀਤ ਸਿੰਘ ਕਾਉਂਕੇ,ਜਗਦੀਪ ਸਿੰਘ ਕਾਲਾ,ਇਕਬਾਲ ਸਿੰਘ ਅਖਾੜਾ,ਗੁਰਸੇਵਕ ਸਿੰਘ ਅਖਾੜਾ ਆਦਿ ਵੀ ਹਾਜਿਰ ਸਨ।

ਜਗਰਾਉਂ/ਰਾਏਕੋਟ(ਰਾਣਾ ਸ਼ੇਖਦੌਲਤ) ਥਾਣਾ ਸਿਟੀ ਰਾਏਕੋਟ ਅੰਦਰ ਇਕ ਪੁਲਿਸ ਮੁਲਾਜ਼ਮ ਨਾਲ ਥਾਣੇ ਵਿੱਚ ਹੀ ਹੱਥਾਂ-ਪਾਈ ਹੋਣ ਤੇ ਦੋਸ਼ੀ ਖਿਲਾਫ ਮੁੱਕਦਮਾ ਦਰਜ ਦਾ ਮਾਮਲਾ ਸਾਹਮਣੇ ਆਇਆ ਹੈ ਜਾਣਕਾਰੀ ਅਨੁਸਾਰ ਐਸ. ਆਈ ਗੁਰਤਾਰ ਸਿੰਘ ਥਾਣਾ ਸਿਟੀ ਰਾਏਕੋਟ  ਨੇ ਦੱਸਿਆ ਕਿ ਪੰਜਾਬ ਪੁਲਿਸ ਮੁਲਾਜ਼ਮ ਸਿਪਾਹੀ ਗੁਰਪ੍ਰੀਤ ਸਿੰਘ ਜੋ ਥਾਣਾ ਸਿਟੀ ਰਾਏਕੋਟ ਤਾਇਨਾਤ ਸੀ ਮਿਤੀ20-5-20 ਨੂੰ ਸਵੇਰੇ2:45 ਤੇ ਥਾਣੇ ਦਾ ਮੇਨ ਗੇਟ ਜ਼ੋਰ ਜ਼ੋਰ ਨਾਲ ਖੜਕਣ ਦੀ ਆਵਾਜ਼ ਆਈ।ਜਦੋਂ ਮੈਂ ਗੇਟ ਖੋਲ੍ਹਿਆ ਤਾਂ ਮਨਦੀਪ ਸਿੰਘ ਪੁੱਤਰ ਜੋਗਿੰਦਰ ਸਿੰਘ ਵਾਸੀ ਰਾਜ਼ੋਆਣਾ ਸੁਧਾਰ ਮੈਨੂੰ ਗਲਤ ਸ਼ਬਦਾਵਲੀ ਬੋਲਣ ਲੱਗ ਪਿਆ ਅਤੇ ਕਿਹਾ ਕਿ ਮੇਰੇ ਡੈਡੀ ਨੂੰ ਕੌਣ ਲੈ ਕੇ ਆਇਆ ਇਸ ਤੋਂ ਬਾਅਦ ਉਸ ਨੇ ਮੇਰੇ ਨਾਲ ਧੱਕਾ-ਮੁੱਕੀ ਸ਼ੁਰੂ ਕਰ ਦਿੱਤੀ ਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇਣ ਲੱਗ ਪਿਆ।ਜਦੋਂ ਨੂੰ ਦੂਜੇ ਮੁਲਾਜ਼ਮਾਂ ਨੇ ਆ ਕੇ ਉਸ ਨੂੰ ਮੌਕੇ ਤੇ ਕਾਬੂ ਕੀਤਾ।ਅਤੇ ਦੋਸ਼ੀ ਖਿਲਾਫ ਮੁਕੱਦਮਾ ਦਰਜ ਕਰ ਲਿਆ ਹੈ।

ਕਾਉਂਕੇ ਕਲਾਂ  ਮਈ 2020 ( ਜਸਵੰਤ ਸਿੰਘ ਸਹੋਤਾ)- ਪਿੰਡ ਰਸੂਲਪੁਰ ਦੇ ਕਈ ਗਰੀਬ ਲੋੜਵੰਦ ਪਰਿਵਾਰਾ ਦੇ ਨੀਲੇ ਕਾਰਡਾਂ ਵਿੱਚੋ ਨਾਂ ਕੱਟਣ ਦੇ ਖਿਲਾਫ ਰੋਸ ਵਜੋ ਗਰੀਬ ਪਰਿਵਾਰਾਂ ਨੇ ਪੰਜਾਬ ਸਰਕਾਰ ਖਿਲਾਫ ਜੰਮ ਕੇ ਨਾਅਰੇਬਾਜੀ ਕੀਤੀ ਗਈ ਜਿਸ ਵਿੱਚ ਪਿੰਡ ਦੇ ਗਰੀਬ ਲੋੜਵੰਦ ਪਰਿਵਾਰਾਂ ਤੇ ਅਤੇ ਮਜਦੂਰਾ ਨੇ ਵੱਡੀ ਗਿਣਤੀ ਵਿਚ ਸਮੂਲੀਅਤ ਕੀਤੀ।ਇਸ ਮੌਕੇ ਰੋਸ ਮੁਜਾਹਰੇ ਨੂੰ ਸੰਬੋਧਨ ਕਰਦਿਆ ਪ੍ਰਧਾਨ ਗੁਰਚਰਨ ਸਿੰਘ ਰਸੂਲਪੁਰ ਨੇ ਕਿਹਾ ਕਿ ਕੋਰੋਨਾ ਵਾਇਰਸ ਦੀ ਰੋਕਥਾਮ ਵਜੋ ਲੱਗੇ ਲਾਕਡਾਉਨ ਦੌਰਾਨ ਲੋਕਾਂ ਨੂੰ ਅਨੇਕਾ ਮੁਸਕਲਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਅਤੇ ਇਸ ਸੰਕਟ ਮਈ ਦੌਰ ਵਿਚ ਭਾਵੇ ਕੇਂਦਰ ਅਤੇ ਪੰਜਾਬ ਸਰਕਾਰ ਵੱਲੋ ਆਮ ਲੋਕਾ ਦੀ ਸਹੂਲਤ ਲਈ ਕਈ ਯੋਜਨਾਵਾ ਦੇ ਐਲਾਨ ਕੀਤੇ ਗਏ ਹਨ ਪਰ ਇਹ ਐਲਾਨ ਜਮੀਨੀ ਪੱਧਰ ਤੇ ਲਾਗੂ ਹੋਏ ਨਜਰ ਨਹੀ ਆਏ।ਉਨਾ ਕਿਹਾ ਕਿ ਸਰਕਾਰ ਵੱਲੋ ਪਹਿਲਾ ਹਰ ਗਰੀਬ ਲੋੜਵੰਦ ਪਰਿਵਾਰ ਨੂੰ ਕਣਕ,ਚੌਲ,ਦਾਲ,ਘਿਓ ਆਦਿ ਰਾਸਨ ਦੇਣ ਦਾ ਐਲਾਨ ਕੀਤਾ ਗਿਆ ਸੀ ਪਰ ਹੁਣ ਕੇਵਲ ਨੀਲੇ ਕਾਰਡ ਧਾਰਕਾ ਨੂੰ ਹੀ ਕਣਕ ਤੇ ਦਾਲ ਹੀ ਦਿੱਤੀ ਜਾ ਰਹੀ ਹੈ ਤੇ ਜਿਸ ਦੌਰਾਨ ਵੀ ਵੰਡ ਸਮੇ ਵੇਖਣ ਵਿੱਚ ਆਇਆਂ ਕਿ ਬਹੁਤੇ ਗਰੀਬ ਲੋੜਵੰਦ ਨੀਲੇ ਕਾਰਡ ਧਾਰਕਾ ਦੇ ਕਾਰਡਾਂ ਵਿੱਚੋ ਨਾਂ ਹੀ ਕੱਟ ਦਿੱਤੇ ਗਏ ਹਨ ਜਾਂ ਫਿਰ ਕਈ ਪਰਿਵਾਰਾ ਦੇ ਜੀਆ ਦੇ ਨਾਮ ਹੀ ਕੱਟ ਦਿੱਤੇ ਗਏ ਹਨ।ਉਨਾ ਕਿਹਾ ਕਿ ਕੱਟੇ ਗਏ ਨੀਲੇ ਕਾਰਡਾ ਦੇ ਕਈ ਵਿਅਕਤੀ ਇਸ ਸੰਕਟ ਦੀ ਘੜੀ ਵਿੱਚ ਇਸ ਮਿਲਣ ਵਾਲੀ ਸਰਕਾਰੀ ਸੂਹਲਤ ਤੋ ਬਾਂਝੇ ਹੋ ਕੇ ਰਹਿ ਗਏ ਹਨ ਜਿੰਨਾ ਦੇ ਸਬਰ ਦਾ ਅੱਜ ਬੰਨ ਟੱੁਟ ਗਿਆ ਤੇ ਜਿੰਨਾ ਮਜਬੂਰਨ ਸਰਕਾਰ ਖਿਲਾਫ ਸੰਘਰਸ ਕਰਨਾ ਪਿਆ।ਉਨਾ ਮੰਗ ਕੀਤੀ ਕਿ ਕੱਟੇ ਹੋਏ ਨੀਲੇ ਕਾਰਡ ਮੁੜ ਸੁਰੂ ਕੀਤੇ ਜਾਣ ਤੇ ਕੱਟੇ ਨੀਲੇ ਕਾਰਡ ਧਾਰਕਾ ਨੂੰ ਵੀ ਸਰਕਾਰੀ ਰਾਸਨ ਦਿੱਤਾ ਜਾਵੇ॥ਇਸ ਮੌਕੇ ਉਨ੍ਹਾ ਨਾਲ ਨਿਰਮਲ ਸਿੰਘ,ਅਵਤਾਰ ਸਿੰਘ,ਭਾਗ ਸਿੰਘ,ਕਰਮ ਸਿੰਘ,ਕਰਤਾਰ ਸਿੰਘ,ਸੁਖਮਿੰਦਰ ਸਿੰਘ,ਗਰਚਰਨ ਸਿੰਘ,ਹਰਦੇਵ ਸਿੰਘ,ਮੋਰ ਸਿੰਘ,ਗੁਰਮੇਲ ਸਿੰਘ ਆਦਿ ਵੀ ਹਾਜ਼ਰ ਸਨ।ਇਸ ਸਬੰਧੀ ਫੂਡ ਸਪਲਾਈ ਵਿਭਾਗ ਦੇ ਇਸਪੈਕਟਰ ਰੋਹਿਤ ਸ਼ਰਮਾਂ ਦਾ ਕਹਿਣਾ ਹੈ ਕਿ ਉਹ ਇਸ ਮੱੁਦੇ ਤੇ ਸੋਮਵਾਰ ਨੂੰ ਪਤਾ ਕਰਨਗੇ ।

ਜਗਰਾਉਂ/ਰਾਏਕੋਟ( ਰਾਣਾ ਸ਼ੇਖਦੌਲਤ) ਪਿੰਡ ਬੁਰਜ ਹਰੀ ਸਿੰਘ ਵਿੱਚ ਇੱਕ ਪਾਰਟੀ ਨੇ ਮਾਨਯੋਗ ਅਦਾਲਤ ਵੱਲੋਂ ਸਟੇਟ ਲੈਣ ਤੋਂ ਬਾਅਦ ਦੂਜੀ ਪਾਰਟੀ ਨੇ ਗਲਤ ਤੱਥਾਂ ਦੇ ਅਧਾਰ ਤੇ ਕਬਜਾ ਕਰ ਲਿਆ ਮੁਤਾਬਕ ਜਾਣਕਾਰੀ ਅਨੁਸਾਰ ਏ.ਐਸ.ਆਈ ਜਸਵਿੰਦਰ ਸਿੰਘ ਥਾਣਾ ਸਦਰ ਰਾਏਕੋਟ ਨੇ ਦੱਸਿਆ ਕਿ ਦਰਸ਼ਨ ਸਿੰਘ ਪੁੱਤਰ ਬਲਵੰਤ ਸਿੰਘ ਪਿੰਡ ਠੱਕਰਵਾਲ ਨੇ ਬਿਆਨ ਦਿੰਦੇ ਹੋਏ ਕਿਹਾ ਕਿ ਮੇਰੇ ਭਰਾ ਦਵਿੰਦਰ ਸਿੰਘ ਨੇ ਗੁਰਦਿਆਲ ਸਿੰਘ,ਸੁਖਵਿੰਦਰ ਸਿੰਘ ਅਤੇ ਜਸਪਾਲ ਸਿੰਘ ਵਾਸੀ ਬੁਰਜ ਹਰੀ ਸਿੰਘ ਪਾਸੋ ਮਸ਼ਤਰਕ ਖਾਤੇ ਵਿਚੋਂ 43 ਕਨਾਲਾਂ 4 ਮਰਲੇ ਦੀ ਬੈ ਦੀ ਰਜਿਸਟਰੀ ਕਰਵਾ ਲਈ ਸੀ ਪਰ 2017 ਵਿੱਚ  ਮਸਤਰਕਾ ਖਾਤਾ ਹੋਣ ਕਰਕੇ ਸਵਰਨ ਸਿੰਘ ਪੁੱਤਰ ਗੁਰਦਿਆਲ ਸਿੰਘ ਅਤੇ ਹਰਪ੍ਰੀਤ ਕੌਰ ਪੁੱਤਰੀ ਸਵਰਨ ਸਿੰਘ ਨੇ ਧੱਕੇ ਨਾਲ 7 ਕਨਾਲਾਂ ਆਪਣੀ ਜਮੀਨ ਵਿੱਚ ਰਲਾ ਲਈਆਂ ਜਦੋਂ ਬਲਕਿ ਅਸੀਂ ਪਹਿਲਾਂ ਹੀ ਮਾਨਯੋਗ ਅਦਾਲਤ ਵਿਚੋਂ ਜਗਰਾਉਂ ਕੋਰਟ ਵਿਚੋਂ ਸਟੇਟ ਦੇ ਆਡਰ ਲੈ ਲਏ ਸੀ ਇਹ ਕਾਗਜ਼ ਵੇਖ ਕੇ ਦੋਸ਼ੀਆਂ ਵਿਰੁੱਧ ਮੁੱਕਦਮਾ ਦਰਜ਼ ਕਰ ਦਿੱਤਾ ਗਿਆ ਹੈ।