ਲੁਧਿਆਣਾ

ਜਗਰਾਉਂ/ ਸਿੱਧਵਾਂ ਬੇਟ( ਰਾਣਾ ਸ਼ੇਖਦੌਲਤ) ਇੱਥੋਂ ਨਜ਼ਦੀਕ ਸਿੱਧਵਾਂ ਬੇਟ ਵਿੱਚ ਰਾਤ ਨੂੰ ਚੋਰੀ ਕਰਨ ਆਏ ਚੋਰ ਦੀ ਰੌਸ਼ਨੀ ਵਿੱਚ ਪਹਿਚਾਣ ਹੋਣ ਤੋਂ ਬਾਅਦ ਮੁੱਕਦਮਾ ਦਰਜ਼ ਕਰ ਦਿੱਤਾ  ਹੈ ਏ.ਐਸ. ਆਈ ਦਲਵਿੰਦਰ ਸਿੰਘ ਨੇ ਦੱਸਿਆ ਕਿ ਮੇਰੇ ਪਾਸ ਬਲਵੀਰ ਕੌਰ ਪਤਨੀ ਆਤਮਾ ਸਿੰਘ ਨੇ ਦਰਖਾਸਤ ਸਬੰਧੀ ਦੱਸਿਆ ਕਿ ਰਾਤ ਦੇ 1:30 ਦਾ ਸਮਾਂ ਸੀ ਜਸਪ੍ਰੀਤ ਸਿੰਘ ਪੁੱਤਰ ਅਮਰ ਸਿੰਘ ਕੰਧ ਟੱਪ ਕੇ ਅੰਦਰ ਆ ਗਿਆ ਦੋ ਮੋਬਾਇਲ ਫ਼ੋਨ ਅਤੇ 7000ਨਗਦੀ ਲੈ ਕੇ ਮੇਰੇ ਕਮਰੇ ਅੰਦਰ ਗਿਆ ਤਾਂ ਮੇਰੀ ਅੱਖ ਖੁੱਲ ਗਈ ਜਦੋਂ ਮੈਂ ਲਾਈਟ ਜਗਾਈ ਤਾਂ ਜਸਪ੍ਰੀਤ ਸਿੰਘ ਪੁੱਤਰ ਅਮਰਜੀਤ ਸਿੰਘ ਵਾਸੀ ਸਿੱਧਵਾਂ ਬੇਟ ਭੱਜਦਾ ਦਖਾਈ ਦਿੱਤਾ ਅਤੇ ਇਸ ਦੀ ਤਫਤੀਸ਼ ਕਰਕੇ ਮੁੱਕਦਮਾ ਦਰਜ਼ ਕਰ ਦਿੱਤਾ।

ਬੇਟੀ 'ਤੇ ਬੁਰੀ ਨਜ਼ਰ ਰੱਖਣ ਵਾਲੇ ਨੂੰ ਮਾਂ ਬੇਟੀ ਅਤੇ ਬੇਟੇ ਨੇ ਮਿਲ ਕੇ ਉਤਾਰਿਆ ਮੌਤ ਦੇ ਘਾਟ

ਲੁਧਿਆਣਾ , ਮਈ 2020 -(ਸਤਪਾਲ ਸਿੰਘ ਦੇਹਰਕਾ/ਮਨਜਿੰਦਰ ਗਿੱਲ)-

 ਬੇਟੀ 'ਤੇ ਬੁਰੀ ਨਜ਼ਰ ਰੱਖਣ ਵਾਲੇ ਠੇਕੇਦਾਰ ਨੂੰ ਉਸਦੀ ਦੂਸਰੀ ਪਤਨੀ ਬੇਟੀ ਅਤੇ ਬੇਟੇ ਨੇ ਮੌਤ ਦੇ ਘਾਟ ਉਤਾਰ ਦਿੱਤਾ। ਠੇਕੇਦਾਰ ਦਾ ਕਤਲ ਕਰਨ ਤੋਂ ਬਾਅਦ ਤਿੰਨਾਂ ਨੇ ਖੁਦ ਥਾਣੇ ਜਾ ਕੇ ਆਪਣੇ ਆਪ ਨੂੰ ਪੁਲਸ ਦੇ ਹਵਾਲੇ ਕਰ ਦਿੱਤਾ । ਪ੍ਰਾਪਤ ਜਾਣਕਾਰੀ ਅਨੁਸਾਰ, ਰਾਜ ਕਿਸ਼ੋਰ ਉਰਫ ਕਰਨ ਠੇਕੇ 'ਤੇ ਇਮਾਰਤਾਂ ਬਣਾਉਣ ਦਾ ਕੰਮ ਕਰਦਾ ਹੈ । ਰਾਜ ਕਿਸ਼ੋਰ ਨੇ ਦੂਸਰਾ ਵਿਆਹ ਕਰਵਾਇਆ ਸੀ ਅਤੇ ਉਹ ਆਪਣੀ ਪਤਨੀ ਗੀਤਾ ਰਾਣੀ,ਬੇਟੀ ਕਿਰਨ, ਬੇਟੀ ਸ਼ਿਵਮ ਅਤੇ ਬੇਟੇ ਸੰਦੀਪ ਨਾਲ ਕਿਰਾਏ ਦੇ ਮਕਾਨ ਵਿੱਚ ਰਹਿ ਰਿਹਾ ਸੀ। ਉਸ ਦੀ ਪਹਿਲੀ ਪਤਨੀ ਦੀ ਮੌਤ ਹੋ ਚੁੱਕੀ ਹੈ ਅਤੇ ਉਸ ਤੋਂ ਉਸ ਦਾ ਇਕ ਬੇਟਾ ਇਕ ਬੇਟੀ ਵੀ ਹੋਈ ਸੀ। ਰਾਜ ਕਿਸ਼ੋਰ ਨੇ ਕੁਝ ਸਮੇਂ ਪਹਿਲਾਂ ਆਪਣੀ ਪਹਿਲੀ ਪਤਨੀ ਦੀ ਬੇਟੀ ਨਾਲ ਵੀ ਬਲਾਤਕਾਰ ਦੀ ਕੋਸ਼ਿਸ਼ ਕੀਤੀ ਸੀ ਅਤੇ ਇਸ ਸਬੰਧ ਵਿਚ ਮਾਮਲਾ ਵੀ ਦਰਜ ਹੋਇਆ ਸੀ ਜਿਸ ਵਿੱਚ ਰਾਜ ਕਿਸ਼ੋਰ ਦੀ ਗ੍ਰਿਫਤਾਰੀ ਵੀ ਹੋਈ ਸੀ ਬਾਅਦ ਵਿੱਚ ਸਮਝੌਤਾ ਹੋਣ 'ਤੇ ਉਹ ਜੇਲ੍ਹ ਵਿੱਚੋਂ ਬਾਹਰ ਆ ਗਿਆ ਪਰ ਇਸ ਦੌਰਾਨ ਉਸ ਦੀ ਬੇਟੀ ਨੇ ਖੁਦਕੁਸ਼ੀ ਕਰ ਲਈ। ਹੁਣ ਉਹ ਦੂਸਰੇ ਵਿਆਹ ਤੋਂ ਹੋਈ ਬੇਟੀ 'ਤੇ ਵੀ ਬੁਰੀ ਨਜ਼ਰ ਰੱਖਦਾ ਸੀ ਅਤੇ ਸ਼ਰਾਬ ਪੀ ਕੇ ਪਰਿਵਾਰ ਨੂੰ ਪ੍ਰੇਸ਼ਾਨ ਕਰਦਾ ਸੀ । ਪਿਛਲੇ ਤਿੰਨ ਦਿਨ ਤੋਂ ਘਰ ਵਿੱਚ ਫਿਰ ਕਲੇਸ਼ ਹੋ ਰਿਹਾ ਸੀ ਜਿਸ ਤੋਂ ਤੰਗ ਆ ਕੇ ਰਾਜ ਕਿਸ਼ੋਰ ਦੀ ਪਤਨੀ ਗੀਤਾ ਕੁਮਾਰੀ ਨੇ ਆਪਣੇ ਮਤਰੇਏ ਬੇਟੇ ਅਤੇ ਆਪਣੀ ਬੇਟੀ ਦੇ ਨਾਲ ਮਿਲ ਕੇ ਉਸ ਦੀ ਹੱਤਿਆ ਕਰ ਦਿੱਤੀ । ਹੱਤਿਆ ਕਰਨ ਦੇ ਲਈ ਬਿਜਲੀ ਦੀ ਤਾਰ ਦੇ ਨਾਲ ਗਲਾ ਘੁੱਟਿਆ ਗਿਆ । ਮਾਂ ਤੇ ਬੇਟੀ ਨੇ ਰਾਜ ਕਿਸ਼ੋਰ ਦੀਆਂ ਬਾਹਾਂ ਫੜ੍ਹੀਆਂ ਅਤੇ ਉਸੇ ਪਹਿਲੀ ਪਤਨੀ ਤੋਂ ਹੋਏ ਬੇਟੇ ਨੇ ਵਿਸ਼ਾਲ ਨੇ ਬਿਜਲੀ ਦੀ ਤਾਰ ਨੂੰ ਉਸ ਦਾ ਗਲਾ ਘੁੱਟ ਦਿੱਤਾ। ਇਹ ਜ਼ਿਕਰਯੋਗ ਹੈ ਕਿ ਉਸ ਦਾ ਬੇਟਾ ਦਿੱਲੀ ਰਹਿੰਦਾ ਸੀ ਤੇ ਉਸ ਨੂੰ ਮਿਲਣ ਆਇਆ ਸੀ ਪਰ ਜਦੋਂ ਉਸ ਨੇ ਦੇਖਿਆ ਕਿ ਉਸ ਦੇ ਪਿਓ ਦੀਆਂ ਹਰਕਤਾਂ ਪਹਿਲਾਂ ਵਾਂਗ ਹੀ ਹਨ ਅਤੇ ਉਹ ਉਸ ਦੀ ਮਤਰੇਈ ਭੈਣ 'ਤੇ ਵੀ ਬੁਰੀ ਨਜ਼ਰ ਰੱਖਦਾ ਹੈ ਤਾਂ ਉਸ ਨੂੰ ਆਪਣੀ ਸਕੀ ਭੈਣ ਦੀ ਯਾਦ ਆ ਜਾਂਦੀ ਸੀ। ਰਾਜ ਕਿਸ਼ੋਰ ਤੇ ਦੋਸ਼ ਹੈ ਕਿ ਉਸ ਵੱਲੋਂ ਆਪਣੀ ਦੂਸਰੀ ਕੁੜੀ ਦੇ ਨਾਲ ਵੀ ਬਲਾਤਕਾਰ ਦੀ ਕਈ ਵਾਰ ਕੋਸ਼ਿਸ਼ ਕੀਤੀ ਸੀ ਜਿਸ ਕਾਰਨ ਪਰਿਵਾਰ ਵੱਲੋਂ ਉਸ ਦਾ ਗਲਾ ਘੁੱਟ ਦਿੱਤਾ। ਪੁਲਿਸ ਨੇ ਇਸ ਮਾਮਲੇ ਦੇ ਵਿਚ ਰਾਜ ਕਿਸ਼ੋਰ ਦੇ ਗੁਆਂਢੀ ਦੇ ਬਿਆਨਾਂ ਦੇ ਆਧਾਰ 'ਤੇ ਅਪਰਾਧਿਕ ਮਾਮਲਾ ਦਰਜ ਕੀਤਾ ਹੈ।ਪੁਲਿਸ ਨੇ ਇਸ ਮਾਮਲੇ ਵਿੱਚ ਆਰੋਪੀ ਤਿੰਨਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਤਿੰਨਾਂ ਨੂੰ ਰਿਮਾਂਡ ਤੇ ਲੈ ਕੇ ਪੁੱਛ ਗਿੱਛ ਕੀਤੀ ਜਾਵੇਗੀ।

ਗ਼ੁਰਬਤ ਦਾ ਆਲਮ, ਪੁੱਤਰ ਦੀ ਲਾਸ਼ ਲੈਣ ਨਾ ਆ ਸਕੇ

20 ਲੱਖ ਕਰੋੜ ਦਾ ਪੈਕੇਜ, ਭਾਰਤ ਦੁਨੀਆ ਦਾ ਪਹਿਲੇ 10 ਮੁਲਕਾਂ ਵਿਚ ਗਿਣਿਆ ਜਾਣ ਵਾਲਾ ਮੁਲਕ, ਪਰ ਅੱਜ ਅਸੀਂ ਭਾਰਤ ਵਾਸੀ ਕਿਥੇ ਖੜੇ ਹਾਂ ਜਦੋ ਇਹ ਖਬਰ ਪੜੀ ਤਾ ਮਜਬੂਰਨ ਲਿਖਣਾ ਪਿਆ ਆਓ ਮਾਰੀਏ ਇਕ ਨਜਰ ...!

ਲਾਕਡਾਊਨ ਦੌਰਾਨ ਆਪਣੇ ਘਰਾਂ 'ਚ ਪੁੱਜਣ ਦੀ ਜੱਦੋਜਹਿਦ ਤੇ ਰਾਹ 'ਚ ਦਮ ਤੋੜਦੇ ਲੋਕਾਂ ਦੇ ਦਰਦਨਾਕ ਮੰਜ਼ਰ 'ਚ ਨਵੀਂ ਦਾਸਤਾਨ ਉੱਤਰ ਪ੍ਰਦੇਸ਼ ਦੇ ਬਸਤੀ ਜ਼ਿਲ੍ਹੇ ਦੇ ਇਕ ਨੌਜਵਾਨ ਅਮਿ੍ਤ ਦੀ ਵੀ ਹੈ। ਅੰਮਿ੍ਤ 12 ਹਜ਼ਾਰ ਰੁਪਏ ਪ੍ਰਤੀ ਮਹੀਨੇ ਪਰਿਵਾਰ ਦਾ ਸਹਾਰਾ ਬਣਿਆ ਹੋਇਆ ਸੀ। ਘਰ ਪੁੱਜਣ ਦੌਰਾਨ ਰਾਹ 'ਚ ਉਸ ਦੀ ਮੌਤ ਹੋ ਗਈ। ਪਰਿਵਾਰ ਕੋਲ ਏਨੇ ਵੀ ਪੈਸੇ ਨਹੀਂ ਸਨ ਕਿ ਉਹ ਪੁੱਤਰ ਦੀ ਲਾਸ਼ ਸ਼ਿਵਪੁਰੀ ਲੈ ਆਉਂਦੇ। ਉਨ੍ਹਾਂ ਨੇ ਅਧਿਕਾਰੀਆਂ ਨੂੰ ਅਪੀਲ ਕੀਤੀ ਸੀ ਕਿ ਲਾਸ਼ ਕਿਸ ਤਰ੍ਹਾਂ ਭੇਜ ਦੇਣ। ਸੋਮਵਾਰ ਸ਼ਾਮ ਨੂੰ ਅੰਮਿ੍ਤ ਦੀ ਲਾਸ਼ ਉਨ੍ਹਾਂ ਦੇ ਘਰ ਲਈ ਰਵਾਨਾ ਕੀਤੀ ਗਈ।

ਦਰਅਸਲ, ਉੱਤਰ ਪ੍ਰਦੇਸ਼ ਦੇ ਬਸਤੀ ਜ਼ਿਲ੍ਹੇ 'ਚੇ ਬਰਹੂਆ ਵਾਸੀ ਅੰਮਿ੍ਤ ਦੀ 14 ਮਈ ਨੂੰ ਗੁਜਰਾਤ ਦੇ ਸੂਰਤ ਤੋਂ ਘਰ ਜਾਂਦੇ ਸਮੇਂ ਟਰੱਕ 'ਚ ਤਬੀਅਤ ਵਿਗੜ ਗਈ ਸੀ। ਦੋਸਤ ਮੁਹੰਮਦ ਕਿਊਮ ਨੇ ਕੋਰੋਨਾ ਵਰਗੇ ਲੱਛਣ ਦੇ ਬਾਵਜੂਦ ਉਸ ਦਾ ਸਾਥ ਨਹੀਂ ਛੱਡਿਆ। ਉਸ ਨੇ ਉਸ ਨੂੰ ਹਸਪਤਾਲ ਦਾਖ਼ਲ ਕਰਵਾਇਆ, ਜਿਥੇ ਸ਼ਨਿਚਰਵਾਰ ਸਵੇਰੇ ਅੰਮਿ੍ਤ ਨੇ ਦਮ ਤੋੜ ਦਿੱਤਾ। ਕੋਰੋਨਾ ਦੇ ਖ਼ਦਸ਼ੇ ਕਾਰਨ ਸੈਂਪਲ ਲਿਆ ਗਿਆ ਤੇ 24 ਘੰਟੇ ਲਾਸ਼ ਹਸਪਤਾਲ 'ਚ ਰੱਖੀ ਗਈ। ਐਤਵਾਰ ਦੀ ਰਿਪੋਰਟ ਨੈਗੇਟਿਵ ਆਉਣ 'ਤੇ ਲਾਸ਼ ਘਰ ਭੇਜਣ ਲਈ ਸੂਚਨਾ ਭੇਜੀ ਤਾਂ ਗ਼ਰੀਬ ਪਰਿਵਾਰ ਕੋਲ ਏਨੇ ਪ੍ਰਬੰਧ ਨਹੀਂ ਸਨ ਕਿ ਲਾਸ਼ ਲਿਜਾ ਸਕਣ। ਉਨ੍ਹਾਂ ਨੇ ਪ੍ਰਸ਼ਾਸਨ ਨੂੰ ਅਪੀਲ ਕੀਤੀ ਕਿ ਲਾਸ਼ ਭੇਜ ਦਿੱਤੀ ਜਾਵੇ। ਪਰਿਵਾਰ ਦੀ ਅਪੀਲ ਤੋਂ ਬਾਅਦ ਸ਼ਿਵਪੁਰ ਕਲੈਕਟਰ ਅਨੁਗ੍ਹਿਆ ਪੀ ਨੇ ਉੱਤਰ ਪ੍ਰਦੇਸ਼ ਪ੍ਰਸ਼ਾਸਨ ਨਾਲ ਗੱਲ ਕੀਤੀ। ਮੱਧ ਪ੍ਰਦੇਸ਼ ਦੇ ਸ਼ਿਵਪੁਰੀ ਪ੍ਰਸ਼ਾਸਨ ਤੇ ਉੱਤਰ ਪ੍ਰਦੇਸ਼ ਦੇ ਝਾਂਸੀ ਪ੍ਰਸ਼ਾਸਨ ਵਿਚਾਲੇ ਗੱਲਬਾਤ ਦਾ ਸਿਲਸਿਲਾ ਏਨਾ ਲੰਬਾ ਚੱਲਿਆ ਕਿ ਸੋਮਵਾਰ ਸ਼ਾਮ 6.35 ਵਜੇ ਐਂਬੂਲੈਂਸ ਦਾ ਪ੍ਰਬੰਧ ਕਰ ਕੇ ਲਾਸ਼ ਰਵਾਨਾ ਕੀਤੀ ਗਈ। ਇਸ ਵਾਹਨ 'ਚ ਉਸ ਦਾ ਦੋਸਤ ਮੁਹੰਮਦ ਕਿਊਮ ਵੀ ਰਵਾਨਾ ਹੋਇਆ। ਥਾਣਾ ਇੰਚਾਰਜ ਬਾਦਾਮ ਸਿੰਘ ਯਾਦਵ ਨੇ ਦੱਸਿਆ ਕਿ ਅੰਮਿ੍ਤ ਦੇ ਪਰਿਵਾਰਕ ਮੈਂਬਰਾਂ ਨੂੰ ਬਸਤੀ ਤੋਂ ਆਉਣ ਦੀ ਆਗਿਆ ਨਹੀਂ ਮਿਲ ਰਹੀ ਸੀ। ਪਰਿਵਾਰਕ ਮੈਂਬਰਾਂ ਨੇ ਪਹਿਲਾਂ ਤਾਂ ਕਿਹਾ ਕਿ ਹੀਟ ਸਟ੍ਰੋਕ ਦੀ ਰਿਪੋਰਟ ਭੇਜ ਦਿਓ, ਹੋ ਸਕਦਾ ਹੈ, ਉਸ ਨੂੰ ਦਿਖਾਉਣ 'ਤੇ ਆਗਿਆ ਮਿਲ ਜਾਵੇ ਪਰ ਬਾਅਦ 'ਚ ਦੱਸਿਆ ਕਿ ਘਰ ਦੀ ਮਾਲੀ ਹਾਲਤ ਨਹੀਂ ਹੈ। ਇਸ ਲਈ ਤੁਸੀਂ ਪੁੱਤਰ ਦੀ ਲਾਸ਼ ਭੇਜ ਦਿਓ।

ਪਰਿਵਾਰ ਦੀ ਸਥਿਤੀ ਕਿ ਹੇ..ਪਰਿਵਾਰ 'ਚ ਮਾਪੇ, ਪੰਜ ਭੈਣਾਂ ਤੇ ਇਕ ਭਰਾ

ਸੂਰਤ 'ਚ ਵੱਖ-ਵੱਖ ਫੈਕਟਰੀਆਂ 'ਚ ਕੰਮ ਕਰਨ ਵਾਲਾ ਅੰਮਿ੍ਤ ਤੇ ਕਿਊਮ ਇਕ ਹੀ ਕਮਰੇ 'ਚ ਰਹਿੰਦੇ ਸਨ। ਕਿਊਮ ਨੇ ਦੱਸਿਆ ਕਿ ਅੰਮਿ੍ਤ ਦੇ ਪਰਿਵਾਰ 'ਚ ਮਾਤਾ-ਪਿਤਾ, ਪੰਜ ਭੈਣਾਂ ਤੇ ਇਕ ਭਰਾ ਹੈ। ਅੰਮਿ੍ਤ ਦੀ ਕਮਾਈ ਨਾਲ ਘਰ ਦਾ ਖ਼ਰਚਾ ਚੱਲਦਾ ਸੀ। ਸੂਰਤ 'ਚ ਕੱਪੜਾ ਬੁਣਨ ਬਦਲੇ ਉਸ ਨੂੰ 12 ਹਜ਼ਾਰ ਰੁਪਏ ਪ੍ਰਤੀ ਮਹੀਨੇ ਮਿਲਦੇ ਸਨ। ਇਸ ਨਾਲ ਖ਼ੁਦ ਦਾ ਖ਼ਰਚਾ ਕੱਢ ਕੇ ਬਾਕੀ ਪੈਸੇ ਉਹ ਘਰ ਭੇਜ ਦਿੰਦਾ ਸੀ।

ਬਹੁਤ ਦੁੱਖ ਹੋਇਆ ਪਰ ਅਫਸੋਸ ਸਾਡੇ ਲੀਡਰ ਸਮਜਣ ਟਾ ਬਹੁਤ ਕੁਸ ਬਦਲ ਸਕਦਾ ਹੈ..ਅਮਨਜੀਤ ਸਿੰਘ ਖਹਿਰਾ

ਮੁੱਲਾਂਪੁਰ ਦਾਖਾ/ਲੁਧਿਆਣਾ, ਮਈ 2020 -(ਇਕ਼ਬਾਲ ਸਿੰਘ ਰਸੂਲਪੁਰ/ਮਨਜਿੰਦਰ ਗਿੱਲ)-

ਆਏ ਦਿਨ ਕੁੱਝ ਮਾਪਿਆਂ ਵੱਲੋ ਆਪਣੇ ਨਵ-ਜਨਮੇ ਬੱਚਿਆਂ ਨੂੰ ਲਾਵਾਰਸ ਹਾਲਤ 'ਚ ਨਾਲ਼ੀਆਂ ਅਤੇ ਛੱਪੜਾਂ ਕਿਨਾਰੇ ਸੁੱਟਣ ਦੇ ਪ੍ਰਚੱਲਿਤ ਰੁਝਾਨ ਨੂੰ ਠੱਲ਼ ਪਾਉਣ ਲਈ ਸਰਕਾਰ ਵੱਲੋਂ ਕੁੱਝ ਹੋਰ ਮਾਪਦੰਡ ਅਪਣਾਏ ਗਏ ਹਨ ਜਿਹਨਾ ਰਾਹੀਂ ਬੱਚਿਆਂ ਦੀ ਸੰਭਾਲ ਕਰਨ ਤੋਂ ਅਸਰਮਰਥ ਮਾਪੇ ਪੈਦਾ ਹੋਣ ਵਾਲੇ ਲੜਕਾ-ਲੜਕੀ ਨੂੰ ਜਿਲ੍ਹਾ ਪ੍ਰਸ਼ਾਸਨ ਨੂੰ ਸੌਂਪ ਸਕਦੇ ਹਨ। ਉੱਕਤ ਜਾਣਕਾਰੀ ਜਗਰਾਓਂ ਦੇ ਤਹਿਸੀਲਦਾਰ ਮਨਮੋਹਨ ਕੌਸ਼ਿਕ ਨੇ ਮਾਪਿਆਂ ਵੱਲੋਂ ਆਪਣੀ ਸਹਿਮਤੀ ਨਾਲ ਮੋਹਾਲੀ ਪ੍ਰਸ਼ਾਸ਼ਨ ਨੂੰ ਸੌਂਪੀ ਨਵ-ਜਨਮੀ ਬਾਲੜੀ ਦੇ ਸਰਕਾਰੀ ਮਾਪਦੰਡਾਂ ਅਨੁਸਾਰ ਸਿਰਜੇ ਜਾਣ ਵਾਲੇ ਚੰਗੇ ਭਵਿੱਖ ਬਾਰੇ ਜਾਣੂੰ ਕਰਵਾਉਂਦਿਆਂ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਕੋਰੋਨਾ ਮਹਾਂਮਾਰੀ ਦੌਰਾਨ ਹੋਈ ਤਾਲਾਬੰਦੀ ਦੌਰਾਨ ਕਿਸੇ ਮਾਪਿਆਂ ਵੱਲੋਂ ਆਪਣੀ ਸਹਿਮਤੀ ਨਾਲ ਮੋਹਾਲੀ ਪ੍ਰਸ਼ਾਸਨ ਹਵਾਲੇ ਕੀਤੀ ਇੱਕ ਨਵ ਜਨਮੀ ਬਾਲੜੀ ਨੂੰ ਪੰਜਾਬ ਅਤੇ ਭਾਰਤ ਸਰਕਾਰ ਵੱਲੋਂ ਬੱਚਿਆਂ ਦੀ ਸੰਭਾਲ ਅਤੇ ਬੱਚੇ ਗੋਦ ਦੇਣ ਲਈ ਮਾਨਤਾ ਪ੍ਰਰਾਪਤ ਏਜੰਸੀ ਸਵਾਮੀ ਗੰਗਾ ਨੰਦ ਭੂਰੀ ਵਾਲੇ ਇੰਟਰਨੈਸ਼ਨਲ ਫਾਊਂਡੇਸ਼ਨ ਧਾਮ ਤਲਵੰਡੀ ਖੁਰਦ ਪ੍ਰਧਾਨ ਬੀਬੀ ਜਸਵੀਰ ਕੌਰ ਅਤੇ ਸਕੱਤਰ ਕੁਲਦੀਪ ਸਿੰਘ ਮਾਨ ਵੱਲੋਂ ਅਪਣਾਇਆ ਗਿਆ, ਬਾਲੜੀ ਨੂੰ ਬਾਲ ਘਰ ਲਿਆਉੁਂਦੇ ਸਮੇਂ ਰਸਤੇ 'ਚ ਸਿਹਤ ਵਿਗੜਨ ਕਾਰਨ ਅਪੋਲੋ ਹਸਪਤਾਲ ਲੁੁਧਿਆਣਾ ਵਿਖੇ ਦਾਖਲ ਕਰਵਾਇਆ ਗਿਆ ਸੀ। ਸਕੱਤਰ ਕੁਲਦੀਪ ਸਿੰਘ ਮਾਨ ਨੇ ਦੱਸਿਆ ਕਿ ਮੌਜੂਦਾ ਦੌਰ 'ਚ ਸਮਾਜ ਸੇਵੀ ਸੰਸਥਾਵਾਂ ਸਹਾਇਤਾ ਰਾਸ਼ੀ ਨਾ ਮਿਲਣ ਕਾਰਣ ਕੰਮਜੋਰ ਆਰਥਿਕਤਾ ਨਾਲ ਜੂਝ ਰਹੀਆਂ ਹੋਣ ਕਾਰਨ ਡਾ: ਮਹਿਕ ਬਾਂਸਲ ਆਈਸੀਯੂ ਮਾਹਿਰ ਨੇ ਆਪਣੇ ਵੱਲੋਂ ਕੱੁਝ ਰਾਸ਼ੀ ਜਮ੍ਹਾ ਕਰਵਾਕੇ ਇਹ ਮਾਮਲਾ ਅਪੋਲੋ ਹਸਪਤਾਲ ਦੇ ਪ੍ਰਬੰਧਕੀ ਨਿਰਦੇਸ਼ਕ ਜੈ ਸਿੰੰਘ ਅਤੇ ਮੈਡੀਕਲ ਸੁਪਰਡੈਂਟ ਡਾ: ਰਾਜੀਵ ਕੁੰਦਰਾ ਦੇ ਧਿਆਨ 'ਚ ਲਿਆਂਦਾ। ਜਿੱਥੇ ਉੱਕਤ ਸਮਾਜਸੇਵੀ ਸੰਸਥਾ ਦੇ ਕਾਰਜਾਂ ਤੋਂ ਪ੍ਰਭਾਵਿਤ ਹੋਕੇ ਅਪੋਲੋ ਹਸਪਤਾਲ ਲੁਧਿਆਣਾ ਦੇ ਮੁਖੀ, ਚੇਅਰਮੈਨ ਨਾਮਧਾਰੀ ਮੁਖੀ ਸਤਿਗੁਰੂ ਉਦੈ ਸਿੰਘ ਨੇ ਬਿਨਾਂ ਕਿਸੇ ਹੋਰ ਅਦਾਇਗੀ ਤੋਂ ਇਸ ਬਾਲੜੀ ਨੂੰ ਬਾਲ ਘਰ ਧਾਮ ਤਲਵੰਡੀ ਖੁਰਦ ਦੇ ਸਕੱਤਰ ਕੁਲਦੀਪ ਸਿੰਘ ਮਾਨ ਅਤੇ ਕੋਆਰਡੀਨੇਟਰ ਏਕਮਦੀਪ ਕੌਰ ਗਰੇਵਾਲ ਹਵਾਲੇ ਕਰਦਿਆਂ ਭਵਿੱਖ 'ਚ ਅਜਿਹੇ ਬੱਚਿਆਂ ਦੇ ਇਲਾਜ ਲਈ ਹਰ ਸੰਭਵ ਮੱਦਦ ਕਰਨ ਦਾ ਸੰਕੇਤ ਦਿੱਤਾ। ਮਾਨ ਨੇ ਦੱਸਿਆ ਬਾਲੜੀ ਦਾ ਨਾਮ 'ਅਰਜਿਵ' ਰੱਖਿਆ ਗਿਆ। ਇਸ ਮੌਕੇ ਡਾ: ਮਹਿਕ ਬਾਂਸਲ, ਡਾ: ਜਤਿੰਦਰ ਅਰੋੜਾ, ਡਾ: ਪ੍ਰਦੀਪ ਸ਼ਰਮਾ, ਕੁਸਮ ਕੌਸ਼ਿਕ, ਸਵਾਮੀ ਓਮਾ ਨੰਦ ਅਤੇ ਓਗੇ ਸਮਾਜ ਸੇਵੀ ਜੱਗੀ  ਆਦਿ ਹਾਜਰ ਸਨ।