ਜਗਰਾਉਂ (ਰਾਣਾ ਸ਼ੇਖਦੌਲਤ) ਜਗਰਾਉਂ ਕਰਨੈਲ ਗੇਟ ਵਿੱਚ ਇੱਕ ਪਲਾਂਟ ਤੇ ਨਜਾਇਜ਼ ਕਬਜ਼ਾ ਕਰਨ ਆਏ 5 ਵਿਅਕਤੀਆਂ ਵਿਰੁੱਧ ਮੁੱਕਦਮਾ ਦਰਜ਼ ਕੀਤਾ ਗਿਆ ਮੁਤਾਬਕ ਜਾਣਕਾਰੀ ਅਨੁਸਾਰ ਏ.ਐਸ.ਆਈ ਦਰਸ਼ਨ ਸਿੰਘ ਚੌਕੀ ਬੱਸ ਸਟੈਂਡ ਨੇ ਦੱਸਿਆ ਕਿ ਵਿਨੇ ਕੱਕੜ ਪੁੱਤਰ ਪਵਨ ਕੁਮਾਰ ਵਾਸੀ ਕਰਨੈਲ ਗੇਟ ਗਲੀ ਨੰਬਰ 5 ਨੇ ਦਰਖਾਸਤ ਦਿੰਦੇ ਹੋਏ ਕਿਹਾ ਕਿ ਮੇਰਾ ਪਲਾਂਟ ਕਰਨੈਲ ਗੇਟ ਵਿੱਚ ਹੈ ਜਦੋਂ।ਮੈਂ ਅੱਜ ਆਪਣੇ ਪਲਾਂਟ ਚ ਗੇੜਾ ਮਾਰਨ ਗਿਆ ਤਾਂ ਮੇਰੇ ਪਲਾਂਟ ਵਿੱਚ 5 ਵਿਅਕਤੀ ਬੈਠੇ ਸਨ ਜੋ ਮੈਨੂੰ ਪਲਾਂਟ ਵਿੱਚ ਵੜਨ ਮੌਕੇ ਕਹਿਣ ਲੱਗੇ ਬਾਹਰ ਚਲਾ ਜਾ ਇਹ ਪਲਾਂਟ ਸਾਡਾ ਹੈ ਪਰ ਮੈਂ ਕਿਹਾ ਇਹ ਪਲਾਂਟ ਮੇਰਾ ਹੈ ਰਜਿਸਟਰੀ ਮੇਰੇ ਕੋਲ ਹੈ ਪਰ ਉਨ੍ਹਾਂ ਨੇ ਮੈਨੂੰ ਧਮਕੀਆਂ ਦਿੱਤੀਆਂ ਕਿ ਤੈਨੂੰ ਜਾਨੋਂ ਮਾਰ ਦੇਵਾਂਗੇ ।ਮੇਰੇ ਇਕੱਠ ਕਰਨ ਤੇ ਉਹ ਭੱਜ ਗਏ।ਏ.ਐਸ. ਆਈ ਦਰਸ਼ਨ ਸਿੰਘ ਨੇ ਕਿਹਾ ਕਿ ਤਫਤੀਸ਼ ਕਰਕੇ ਗੁਰਤੇਜ਼ ਸਿੰਘ ਪੁਤਰ ਮਨਜੀਤ ਸਿੰਘ ਵਾਸੀ ਅੱਡਾ ਰਾਏਕੋਟ,ਗੁਰਪ੍ਰੀਤ ਸਿੰਘ ਪੁਤਰ ਗੁਰਜੰਟ ਸਿੰਘ ਵਾਸੀ ਅੱਡਾ ਰਾਏਕੋਟ, ਜਗਜੀਤ ਸਿੰਘ ਉਰਫ ਜੱਗਾ ਪੁਤਰ ਸੰਤੋਖ ਸਿੰਘ ਵਾਸੀ ਅਮਰਗੜ੍ਹ ਕਲੇਰ, ਬਲਕਾਰ ਸਿੰਘ ਪੁੱਤਰ ਅਮਰ ਸਿੰਘ ਵਾਸੀ ਸਾਸਤਰੀ ਨਗਰ ਜਗਰਾਉਂ ਇਨ੍ਹਾਂ ਸਾਰਿਆਂ ਦੇ ਖਿਲਾਫ਼ ਮੁੱਕਦਮਾ ਦਰਜ ਕਰ ਦਿੱਤਾ ਹੈ।
