ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਪਿੰਡ ਗੋਬਿੰਦਗੜ੍ਹ ਵਿਖੇ ਮਨਰੇਗਾ ਮਜ਼ਦੂਰਾਂ ਦੇ ਮੇਟ ਦੇ ਮਾਮਲਾ ਨੂੰ ਲੈ ਕੇ 2 ਔਰਤਾਂ ਦੀ ਹੋਈ ਤੂੰ-ਤੂੰ,ਮੈਂ-ਮੈਂ ਦਾ ਮਾਮਲਾ ਲੜਾਈ ਤੱਕ ਪੁੱਜਣ ‘ਤੇ 4 ਖਿਲਾਫ ਮੁਕੱਦਮਾ ਦਰਜ ਕਰ ਲਿਆ ਗਿਆ ਹੈ।ਇਸ ਮੌਕੇ ਪੁਲਿਸ ਚੌਕੀ ਜਲਾਲਦੀਵਾਲ ਦੇ ਇੰਚਾਰਜ ਗੁਰਸੰਤ ਸਿੰਘ ਖਹਿਰਾ ਨੇ ਦੱਸਿਆ ਕਿ 4 ਜੁਲਾਈ 2020 ਦੀ ਸ਼ਾਮ 7 ਵਜੇ ਪਰਮਜੀਤ ਕੌਰ ਅਤੇ ਅਮਨਦੀਪ ਕੌਰ (ਮੌਜੂਦਾ ਮੇਟ)ਦੀ ਆਪਸ ਵਿਚ ਤੂੰ-ਤੰੂ,ਮੈਂ-ਮੈਂ ਹੋ ਗਈ।ਜਿਸ ਦੌਰਾਨ ਪਰਮਜੀਤ ਕੌਰ ਨੇ ਮੇਟ ਅਮਨਦੀਪ ਕੌਰ ਦੇ ਧੱਖੜ ਮਾਰ ਦਿੱਤਾ।ਜਿਸ ਦੇ ਬਾਅਦ ਮੋਹਤਵਰਾਂ ਨੇ ਦੋਵਾਂ ਨੂੰ ਛੁਡਵਾ ਕੇ ਘਰੋਂ-ਘਰੀਂ ਭੇਜ ਦਿੱਤਾ,ਜਿਸ ਦੇ ਬਾਅਦ ਮਨਰੇਗਾ ਮਜ਼ਦੂਰਾਂ ਦੇ ਪਹਿਲੇ ਮੇਟ ਉਕਾਂਰ ਸਿੰਘ ਪੁੱਤਰ ਬੱਬਰਾ ਸਿੰਘ ਜਿਸ ਨੂੰ ਪਹਿਲਾਂ ਗ੍ਰਾਮ ਪੰਚਾਇਤ ਨੇ ਸਰਵਸੰਮਤੀ ਨਾਲ ਮੇਟ ਦੇ ਅਹੁਦੇ ਤੋਂ ਹਟਾ ਦਿੱਤਾ ਸੀ ਅਤੇ ਅਮਨਦੀਪ ਕੌਰ ਪਤਨੀ ਗੁਰਸੇਵਕ ਸਿੰਘ ਨੂੰ ਉਸ ਦੀ ਜਗ੍ਹਾ ‘ਤੇ ਮੇਟਬਣਾ ਦਿੱਤਾ ਗਿਆ ਸੀ।ਜਿਸ ਤਹਿਤ ਪਰਮਜੀਤ ਕੌਰ ਅਤੇ ਉਕਾਂਰ ਸਿੰਘ ਨੇ ਰੰਜਿਸ਼ਬਾਜ਼ੀ ਤਹਿਤ ਮੋਬਾਇਲ ਫੋਨ ਕਰਕੇ ਆਪਣੇ ਧੜੇ ਦੀਆਂ ਔਰਤਾਂ ਨੂੰ ਸੱਦ ਲਿਆ।ਜਿਸ ਦੇ ਬਾਅਦ ਉਕਾਂਰ ਸਿੰਘ ਦੀ ਘਰਵਾਲੀ ਬੇਅੰਤ ਕੌਰ ਉਸਦੀ ਮਾਤਾ ਸ਼ਿੰਦਰ ਕੌਰ ਅਤੇ ਪਰਮਜੀਤ ਕੌਰ ਨੇ ਔਰਤਾਂ ਦੀ ਮਦਦ ਨਾਲ ਮੇਟ ਅਮਨਦੀਪ ਕੌਰ ਦੇ ਘਰ ਵਿਚ ਦਾਖਲ ਹੋ ਕੇ ਉਸਦੀ ਕੁੱਟਮਾਰ ਸ਼ੁਰੂ ਕਰ ਦਿੱਤੀ ਜੋ ਲੜਦੇ-ਝਗੜਦੇ ਗਲੀ ਵਿਚ ਆ ਗਏ।ਉੱਥੇਂ ਉਕਾਂਰ ਸਿੰਘ ਨੇ ਵੀ ਪੀੜਤ ਦੀ ਕੁੱਟਮਾਰ ਕੀਤੀ।ਇਸ ਝਗੜੇ ਦੌਰਾਨ ਕਿਸੇ ਵੀ ਹਥਿਆਰ ,ਸੋਟੀ ਵਗੈਰਾ ਦੀ ਕੋਈ ਵਰਤੋਂ ਨਹੀਂ ਹੋਈ ਇਹ ਝਗੜਾ ਸ਼ਿਰਫ ਕੁੱਟਮਾਰ ਤੱਕ ਹੀ ਸੀਮਤ ਰਿਹਾ।ਚੌਕੀ ਇੰਚਾਰਜ ਗੁਰਸੰਤ ਸਿੰਘ ਖਹਿਰਾ ਨੇ ਦੱਸਿਆ ਕਿ ਇਸ ‘ਤੇ ਪੁੱਜੇ ਗਏ ਜਿੰਨਾਂ ਦੋਵੇਂ ਧਿਰਾਂ ਨੂੰ ਸਾਂਤ ਕਰਵਾਇਆ।ਇਸ ਝਗੜੇ ਸਬੰਧੀ ਪੀੜ੍ਹਤ ਮੇਟ ਅਮਨਦੀਪ ਕੌਰ ਪਤਨੀ ਗੁਰਸੇਵਕ ਸਿੰਘ ਨੂੰ ਸਿਵਲ ਹਸਪਤਾਲ ਰਾਏਕੋਟ ਵਿਖੇ ਪਰਿਵਾਰਕ ਮੈਂਬਰਾਂ ਵਲੋਂ ਇਲਾਜ ਲਈ ਦਾਖਲ ਕਰਵਾਇਆ ਗਿਆ।ਉਨ੍ਹਾਂ ਦੱਸਿਆ ਕਿ ਮੈਂਡੀਕਲ ਰਿਪੋਰਟ ਦੇ ਆਧਾਰ ‘ਤੇ ਉਸ ਦੇ ਬਿਆਨਾਂ ‘ਤੇ ਉਸ ਦੇ ਬਿਆਨਾਂ ‘ਤੇ ਧਾਰਾ-452,323 ਅਤੇ 34 ਆਈ.ਪੀ.ਸੀ.ਤਹਿਤ ਮੁਕੱਦਮਾ ਦਰਜ ਕਰ ਲਿਆ ਹੈ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਕਈ ਵਿਅਕਤੀ ਅਜਿਹੇ ਹੁੰਦੇ ਹਨ ਜੋ ਜਿਉਂਦੇ ਦੀ ਉਮਰ ਭੋਗ ਕੇ ਚੱਲੇ ਜਾਂਦਾ ਹਨ ਅਤੇ ਕੋਈ ਜਿੰਦਗੀ ਵਿੱਚ ਚੰਗਾ ਕੰਮ ਨਹੀਂ ਕਰਦੇ ਪਰ ਕਈ ਇਨਸਾਨ ਅਜਿਹੇ ਵੀ ਹੁੰਦੇ ਹਨ ਜੋ ਰਹਿੰਦੀ ਦੁਨੀਆਂ ਵਿੱਚ ਆਪਣੀ ਵੱਖਰੀ ਪਹਿਚਾਣ ਬਣਾਉਣ ਵਿੱਚ ਕਾਮਯਾਬ ਹੋਣ ਕਰਕੇ ਹਮੇਸ਼ਾਂ ਲਈ ਯਾਦ ਰਹਿੰਦੇ ਹਨ ਅਜਿਹੀ ਸ਼ਖਸ਼ੀਅਤ ਦਾ ਮਾਲਿਕ ਸੀ ਜਸਪਾਲ ਸਿੰਘ ਮਿੰਟਾਂ ,ਜਿਸ ਨੇ ਪਿੰਡ ਵਿੱਚ ਹੀ ਨਹੀਂ ਸਗੋਂ ਇਲਾਕੇ ਵਿੱਚ ਯਾਰਾਂ ਦੋਸ਼ਤਾਂ ਮਿੱਤਰੋ ਦਾ ਪਿਆਰ ਖਟਿਆ।ਤਜਿਸੀਲ ਜਗਰਾਉਂ ਦੇ ਬਲਾਕ ਸਿੱਧਵਾਂ ਬੇਟ ਦੇ ਪਿੰਡ ਮੰਡ ਦਿਹਾੜੇ ਦੇ ਸਰਪੰਚ ਬਲਜੀਤ ਕੌਰ ਮਹੇਮੜ੍ਹੇ ਦੀ ਕੁੱਖੋ ਵਿੱਚ 01/07/1995 ਨੂੰ ਪਿਤਾ ਬਲਵਿੰਦਰ ਸਿੰਘ ਦੇ ਘਰ ਪੈਦਾ ਹੋਇਆਂ ਜਸਪਾਲ ਸਿੰਘ ਮਿੰਟਾਂ 4 ਜੁਲਾਈ ਦੁਪਹਿਰ 2 ਕੁਵਜੇ ਇਸ ਦੁਨੀਆਂ ਨੂੰ ਅਲਵਿਦਾ ਕਹਿ ਗਿਆ।ਉਸ ਦਸੇ ਅਤੀ ਨਜ਼ਦੀਕੀ ਤੇਜਿੰਦਰਪਾਲ ਸਿੰਘ ਨੇ ਦੱਸਿਆ ਕਿ ਮਿੰਟਾਂ ਧਰਮਕੋਟ ਦੇ ਏ ਡੀ ਕਾਲਜ਼ ਵਿਿਦਆਰਥੀ ਜਥੇਬੰਦੀ ਦਾ ਪ੍ਰਧਾਨ ਸੀ ਅਤੇ ਸਾਰੇ ਧਰਮਾਂ ਦੇ ਵਿਿਦਆਰਥੀਆਂ ਨੂੰ ਪਿਆਰ ਕਰਨ ਵਾਲਾ ਵਿਅਕਤੀ ਵੀ ਸੀ।ਉਸ ਦੇ ਚਾਚੇ ਸੁਖਵਿੰਦਰ ਸਿੰਘ ਸੁੱਖਾ ਨੇ ਦੱਸਿਆ ਕਿ ਮਿੰਟਾਂ ਪੜਾਈ ਕਰਨ ਦੇ ਨਾਲ-ਨਾਲ 70 ਏਕੜ ਫਸ਼ਲ ਦੀ ਵਾਹੀ ਕਰਦਾ ਸੀ।ਦਾਦਾ ਨਿਹਾਲ ਸਿੰਘ ਨੇ ਦੱਸਿਜ਼ਆ ਕਿ ਉਨ੍ਹਾਂ ਦੇ ਪੋਤਰੇ ਜਸਪਾਲ ਸਿੰਘ ਮਿੰਟਾਂ ਦੀ ਆਤਮਿਕ ਸਾਂਤੀ ਲਈ ਰੱਖੋ ਗਏ ਸਾਹਿਜ ਪਾਠ ਸਾਹਿਬ ਜੀ ਦਾ ਭੋਗ ਮਿਤੀ 13 ਜੁਲਾਈ 2020 ਦਿਨ ਸੋਮਵਾਰ ਨੂੰ ਉਨ੍ਹਾਂ ਦੇ ਨਿਵਾਸ ਸਥਾਨ ਪਿੰਡ ਮਹੇਮੜ੍ਹੇ (ਮੰਡ ਤਿਹਾੜਾ)ਵਿਖੇ ਦੁਪਹਿਰ 12 ਵਜੇ ਤੋਂ 1 ਵਜੇ ਤੱਕ ਪਵੇਗਾ।ਜਿੱਥੇ ਕੀਰਤਨ ਅਰਦਾਸ ਅਤੇ ਵਿਛੜੀ ਹੋਈ ਰੂਹ ਨੂੰ ਸ਼ਰਧਾਜਲੀ ਅਰਪਿਤ ਕੀਤੀ ਜਾਵੇਗੀ।

ਲੁਧਿਆਣਾ, ਜੁਲਾਈ 2020 -( ਗੁਰਕੀਰਤ ਸਿੰਘ/ਗੁਰਦੇਵ ਗਾਲਿਬ/ਮਨਜਿੰਦਰ ਗਿੱਲ) ਸ਼ਹੀਦਾਂ ਦੇ ਸਿਰਤਾਜ ਪੰਜਵੇਂ ਪਾਤਸ਼ਾਹ ਸ੍ਰੀ ਗੁਰੂ ਅਰਜਨ ਦੇਵ ਜੀ ਵੱਲੋਂ ਵਸਾਏ ਪਵਿੱਤਰ ਸ਼ਹਿਰ ਸ੍ਰੀ ਦਰਬਾਰ ਸਾਹਿਬ ਦੇ ਲੰਗਰ ਲਈ ਹਲਕਾ ਆਤਮ ਨਗਰ ਅਤੇ ਹਲਕਾ ਦੱਖਣੀ ਦੀਆਂ ਸੰਗਤਾਂ ਵੱਲੋਂ 300 ਕੁਇੰਟਲ ਦਾਲ ਦੀ ਸੇਵਾ ਭੇਜੀ ਗਈ। ਲੁਧਿਆਣਾ ਇਲਾਕੇ ਦੀ ਸੰਗਤ ਵਲੋਂ ਕਣਕ ਲੈ ਕੇ ਪੁੱਜੇ ਸੀਨੀਅਰ ਅਕਾਲੀ ਆਗੂ ਅਤੇ ਸਾਬਕਾ ਮੰਤਰੀ ਪੰਜਾਬ ਜਥੇਦਾਰ ਹੀਰਾ ਸਿੰਘ ਗਾਬੜੀਆ ਨੇ ਕਿਹਾ ਕਿ ਸ੍ਰ:ਪ੍ਰਕਾਸ਼ ਸਿੰਘ ਜੀ ਬਾਦਲ ਸਰਪ੍ਰਸਤ ਅਤੇ ਸ੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸ੍ਰ:ਸੁਖਬੀਰ ਸਿੰਘ ਜੀ ਬਾਦਲ ਵੱਲੋਂ ਹੋਏ ਹੁੱਕਮ ਅਤੇ ਪ੍ਰੇਰਨਾ ਸਦਕਾ ਸੇਵਾ ਵਿੱਚ ਹਿੱਸੇ ਪਾਏ ਗਏ ਹਨ। ਜਥੇਦਾਰ ਗਾਬੜੀਆ ਅਤੇ ਉਨ੍ਹਾਂ ਨਾਲ ਆਈਆਂ ਪ੍ਰਮੁੱਖ ਸ਼ਖ਼ਸੀਅਤਾਂ ਨੂੰ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਭਾਈ ਗੋਬਿੰਦ ਸਿੰਘ ਲੌਂਗੋਵਾਲ ਨੇ ਸਨਮਾਨਿਤ ਕੀਤਾ ਅਤੇ ਉਨ੍ਹਾਂ ਦਾ ਧੰਨਵਾਦ ਕਰਦਿਆਂ ਸੰਗਤਾਂ ਨੂੰ ਅਪੀਲ ਕੀਤੀ ਕਿ ਗੁਰੂ ਕੇ ਲੰਗਰਾਂ ਲਈ ਵੱਧ ਤੋਂ ਵੱਧ ਰਸਦਾਂ ਭੇਜਣ, ਕਿਉਂਕਿ ਗੁਰੂ ਕੇ ਲੰਗਰ ਸੰਗਤਾਂ ਦੇ ਸਹਿਯੋਗ ਨਾਲ ਹੀ ਚੱਲਦੇ ਹਨ। ਇਸ ਮੌਕੇ ਜਥੇਦਾਰ ਹੀਰਾ ਸਿੰਘ ਗਾਬੜੀਆ ਨੇ ਆਖਿਆ ਕਿ ਗੁਰੂ ਘਰ ਦੀ ਸੇਵਾ ਕਰਨ ਦਾ ਸੁਭਾਗ ਵੱਡੇ ਭਾਗਾਂ ਨਾਲ ਪ੍ਰਾਪਤ ਹੁੰਦਾ ਹੈ। ਲੁਧਿਆਣਾ ਦੀਆਂ ਜਿਨ੍ਹਾਂ ਸੰਗਤਾਂ ਨੇ ਸੇਵਾ ਵਿੱਚ ਹਿੱਸਾ ਪਾਇਆ ਹੈ, ਉਹ ਬਹੁਤ ਭਾਗਸ਼ਾਲੀ ਹਨ। ਸ੍ਰੀ ਦਰਬਾਰ ਸਾਹਿਬ ਪੁੱਜਣ ਵਾਲੀ ਸੰਗਤ ਗੁਰੂ ਕੇ ਲੰਗਰ ਤੋਂ ਪ੍ਰਸ਼ਾਦਾ ਛੱਕ ਕੇ ਤ੍ਰਿਪਤ ਹੁੰਦੀ ਹੈ।ਗੁਰੂ ਕੇ ਲੰਗਰ ਸੰਗਤ ਦੇ ਸਹਿਯੋਗ ਨਾਲ ਹੀ ਚੱਲਦੇ ਹਨ। ਇਸ ਮੌਕੇ ਸੀਨੀਅਰ ਅਕਾਲੀ ਆਗੂ ਅਤੇ ਸਾਬਕਾ ਮੰਤਰੀ ਪੰਜਾਬ ਜਥੇਦਾਰ ਹੀਰਾ ਸਿੰਘ ਗਾਬੜੀਆ, ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਭਾਈ ਗੋਬਿੰਦ ਸਿੰਘ ਲੌਂਗੋਵਾਲ,ਹਲਕਾ ਆਤਮ ਨਗਰ ਦੇ  ਇੰਚਾਰਜ ਗੁਰਮੀਤ ਸਿੰਘ ਕੁਲਾਰ ਅਤੇ ਹੋਰ ਅਕਾਲੀ ਆਗੂ ਹਾਜਰ ਸਨ।

ਫੋਟੋ ਕੈਪਸ਼ਨ- - ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਦੇ ਲੰਗਰ ਲਈ ਕਣਕ ਲੈ ਕੇ ਪੁੱਜੇ ਸੀਨੀਅਰ ਅਕਾਲੀ ਆਗੂ ਅਤੇ ਸਾਬਕਾ ਮੰਤਰੀ ਪੰਜਾਬ ਜਥੇਦਾਰ ਹੀਰਾ ਸਿੰਘ ਗਾਬੜੀਆ, ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਭਾਈ ਗੋਬਿੰਦ ਸਿੰਘ ਲੌਂਗੋਵਾਲ,ਹਲਕਾ ਆਤਮ ਨਗਰ ਦੇ 

ਇੰਚਾਰਜ ਗੁਰਮੀਤ ਸਿੰਘ ਕੁਲਾਰ ਅਤੇ ਹੋਰ ਅਕਾਲੀ ਆਗੂ। 

ਕਾਉਂਕੇ ਕਲਾਂ, 2020 ਜੁਲਾਈ ( ਜਸਵੰਤ ਸਿੰਘ ਸਹੋਤਾ)-ਪੰਜਾਬ ਸਰਕਾਰ ਵੱਲੋ ਬੀਤੇ ਦਿਨੀ ਇੰਤਕਾਲ ਦੀਆਂ ਫੀਸਾਂ ਵਿੱਚ ਕੀਤਾ ਦੱੁਗਣਾ ਵਾਧਾ ਸੂਬੇ ਦੀਆਂ ਜਨਤਾ ਲਈ ਲੋਕਮਾਰੂ ਸਾਬਿਤ ਹੋਇਆ ਹੈ ਜਦਕਿ ਇਸ ਤੋ ਪਹਿਲਾ ਨੋਟਬੰਦੀ,ਜੀ.ਐਸ.ਟੀ. ਤੇ ਹੁਣ ਕੋਰੋਨਾ ਮਹਾਮਰੀ ਕਾਰਨ ਪਹਿਲਾ ਹੀ ਜਨਤਾ ਦਾ ਕਾਰੋਬਾਰ ਪੂਰੀ ਤਰਾਂ ਬਰਬਾਦ ਹੋ ਚੱੁਕਿਆ ਹੈ ਤੇ ਸਰਕਾਰ ਦੇ ਇਸ ਫੈਸਲੇ ਨੇ ਸੂਬੇ ਦੀ ਜਨਤਾ ਤੇ ਦੋਹਰੀ ਮਾਰ ਮਾਰੀ ਹੈ ਜਿਸ ਨੂੰ ਮੱੁਖ ਰੱਖਦਿਆਂ ਸਰਕਾਰ ਨੂੰ ਆਪਣਾ ਇਹ ਫੈਸਲਾ ਵਾਪਸ ਲੈਣਾ ਚਾਹੀਦਾ ਹੈ।ਇਹ ਮੰਗ ਅੱਜ ਜਗਰਾਓ ਹਲਕੇ ਦੇ ਪਿੰਡ ਕਾਉਂਕੇ ਕਲਾਂ ਦੇ ਯੂਥ ਅਕਾਲੀ ਦਲ ਦੇ ਸੀਨੀਅਰ ਆਗੂ ਜੱਗਾ ਸਿੰਘ ਸੇਖੋ ਨੇ ਕਰਦਿਆ ਕਿਹਾ ਕਿ ਪਹਿਲਾ ਹੀ ਘਟੀਆਂ ਸਰਕਾਰੀ ਨੀਤੀਆਂ ਕਾਰਨ ਜਨਤਾ ਮੰਦਹਾਲੀ ਦਾ ਜੀਵਨ ਬਸਰ ਕਰਨ ਨੂੰ ਮਜਬੂਰ ਹੈ ਤੇ ਕੈਪਟਨ ਸਰਕਾਰ ਰੋਜਾਨਾ ਮਹਾਮਾਰੀ ਦੀ ਆੜ ਹੇਠ ਜਨਤਾਂ ਤੇ ਨਵੇਂ ਟੈਕਸ ਥੋਪ ਰਹੀ ਜਿਸ ਨੂੰ ਬਰਦਾਸਤ ਕਰਨਾ ਹੁਣ ਜਨਤਾ ਦੇ ਵੱਸੋ ਬਾਹਰ ਹੈ।ਪੈਟਰੋਲ ਡੀਜਲ ਦੀਆਂ ਕੀਮਤਾਂ ਦੇ ਵਾਧੇ ਤੋ ਬਾਅਦ ਹੁਣ ਸਰਕਾਰ ਇੰਤਕਾਲ ਦੀਆਂ ਫੀਸਾਂ ਵਿੱਚ ਵਾਧਾ ਕਰ ਰਹੀ ਹੈ ਜਿਸ ਨਾਲ ਸਰਕਾਰ ਦੀ ਗਰੀਬੀ ਦੂਰ ਨਹੀ ਹੋਵੇਗੀ।ਉਨਾ ਕਿਹਾ ਕਿ ਅਕਾਲੀ ਦਲ ਹਮੇਸਾਂ ਹੀ ਸੂਬੇ ਦੀ ਜਨਤਾਂ ਦੀ ਤਰਜਮਾਨੀ ਕਰਦਾ ਆ ਰਿਹਾ ਹੈ ਤੇ ਜੇਕਰ ਸਰਕਾਰ ਨੇ ਇਹ ਫੈਸਲਾ ਨਾ ਵਾਪਸ ਲਿਆਂ ਤਾਂ ਅਕਾਲੀ ਦਲ ਸਰਕਾਰ ਖਿਲਾਫ ਸੰਘਰਸ ਕਰੇਗਾ।