ਲੁਧਿਆਣਾ

 ਜਗਰਾਉਂ ,ਦਸੰਬਰ 2020(ਮੋਹਿਤ ਗੋਇਲ/ ਕੁਲਦੀਪ ਸਿੰਘ ਕੋਮਲ)

ਕਿਸਾਨ ਜਥੇਬੰਦੀਆਂ ਜਿਥੇ ਕੜਕਦੀ ਠੰਡ ਵਿੱਚ ਸੰਘਰਸ਼ ਕਰ ਰਹੀਆਂ ਹਨ ਉਥੇ ਦਾਨੀ ਸੱਜਣ ਵੀ ਦਿਲ ਖੋਲ੍ਹ ਕੇ ਇਸ ਸੰਘਰਸ਼ ਵਿੱਚ ਉਹਨਾਂ ਦਾ ਸਾਥ ਦੇਣ ਵਿਚ ਕੋਈ ਕਸਰ ਨਹੀਂ ਛੱਡ ਰਹੇ। ਇਸ ਦੀ ਮਸਾਲ  ਕਰਨਲ ਕਰਤਾਰ ਸਿੰਘ ਅਤੇ ਉਨ੍ਹਾਂ ਦੇ ਪਰਿਵਾਰ ਵਾਲਿਆਂ ਨੇ ਕਿਸਾਨ ਅੰਦੋਲਨ ਵਿਚ ਹਿੱਸਾ ਲੈ ਰਹੇ ਕਿਸਾਨਾਂ ਵਾਸਤੇ 100ਟੈਂਟ ਦਿੱਤਾ ਗਿਆ ਹੈ ਅਤੇ ਬਲਜੀਤ ਸਿੰਘ ਬੱਬੀ ਕਨੇਡਾ ਵਲੋਂ  65ਗੱਦੇ ਦਿਤੇ ਗਏ ਹਨ। ਇਸ ਦੀ ਜਾਣਕਾਰੀ  ਪ੍ਰਧਾਨ ਚਮਕੌਰ ਸਿੰਘ ਡੱਲਾ, ਪ੍ਰਧਾਨ ਮਲਕੀਤ ਸਿੰਘ ਹਠੂਰ, ਅਤੇ ਮਾ ਜਗਤਾਰ ਸਿੰਘ ਦੇਹੜਕਾ ਦਵਾਰਾ ਦਿਤੀ ਗਈ। ਇਸ ਮੌਕੇ ਤੇ ਸ ਚੰਦ ਸਿੰਘ ਡੱਲਾ, ਪਰਵਿੰਦਰ ਸਿੰਘ, ਪਰਮਿੰਦਰ ਸਿੰਘ ਬਿਜਲੀ ਵਾਲੇ ਸ਼ੈਰੀ ਡੱਲਾ, ਬੇਅੰਤ ਸਿੰਘ, ਸੁਖਰਾਜ ਸਿੰਘ, ਗੁਰਪਿੰਦਰ ਸਿੰਘ, ਸੁੱਖੀ ਡੱਲਾ, ਗੁਰਚਰਨ ਸਿੰਘ, ਜਗਦੀਪ ਸਿੰਘ, ਹਰਦੀਪ ਰਾਏ, ਸਿਮਰਨ ਸਿੱਧੂ ਆਦਿ ਵੀ ਦਿੱਲੀ ਕਿਸਾਨ ਸੰਘਰਸ਼ ਵਿੱਚ ਆਪਣਾ ਯੋਗਦਾਨ ਪਾ ਰਹੇ ਹਨ, ਤੇ ਕੇਂਦਰ ਸਰਕਾਰ ਦੇ ਖਿਲਾਫ ਪਿਛਲੇ ਲੰਮੇ ਸਮੇਂ ਤੋਂ ਸ਼ਾਂਤਮਈ ਢੰਗ ਨਾਲ ਇਸ ਅੰਦੋਲਨ ਦਾ ਹਿੱਸਾ ਬਣ ਰਹੇ ਹਨ।

ਜਗਰਾਉਂ ਦਸੰਬਰ2020(ਮੋਹਿਤ ਗੋਇਲ ਕੁਲਦੀਪ ਸਿੰਘ ਕੋਮਲ) ਅੱਜ ਜਗਰਾਉਂ ਵਿਖੇ ਕਿਸਾਨ ਅੰਦੋਲਨ ਦੇ ਹੱਕ ਵਿੱਚ ਅਤੇ ਕੇਂਦਰ ਸਰਕਾਰ ਦੇ ਖਿਲਾਫ ਰੋਸ ਮਾਰਚ ਕੱਢਿਆ ਗਿਆ ਜਿਸ ਵਿਚ ਸ਼ਹਿਰ ਦੇ ਦੁਕਾਨਦਾਰ ਵੀਰ ਸੈਂਕੜੇ ਦੀ ਗਿਣਤੀ ਵਿਚ ਕੇਂਦਰ ਸਰਕਾਰ ਦੇ ਖਿਲਾਫ ਨਾਅਰੇਬਾਜ਼ੀ ਕਰਦੇ ਹੋਏ ਮੇਨ ਬਾਜ਼ਾਰ ਤੋਂ ਲੇ ਕੇ ਝਾਂਸੀ ਰਾਣੀ ਚੋਂਕ ਤੱਕ ਪਹੁੰਚੇ ਅਤੇ ਉਥੇ ਪਹੁੰਚ ਕੇ ਕਿਸਾਨ ਅੰਦੋਲਨ ਵਿਚ ਸ਼ਹੀਦ ਹੋਏ ਕਿਸਾਨਾਂ ਨੂੰ ਸ਼ਰਧਾਂਜਲੀ ਦਿੱਤੀ ਮੋਮਬੱਤੀਆਂ ਜਗਾ ਕੇ ਉਨ੍ਹਾਂ ਨੂੰ ਯਾਦ ਕਰਦਿਆਂ ਕਿਹਾ ਕਿ ਕੇਂਦਰ ਹੋਰ ਕਿਨ੍ਹੇ ਕਿਸਾਨਾਂ ਦਾ ਬਲੀਦਾਨ ਮੰਗਦੀ ਹੈ , ਉਨ੍ਹਾਂ ਕੇਂਦਰ ਸਰਕਾਰ ਨੂੰ ਇਹ ਵੀ ਕਿਹਾ ਕਿ ਜਲਦ ਤੋਂ ਜਲਦ ਕਾਲੇ ਕਾਨੂੰਨਾਂ ਨੂੰ ਵਾਪਸ ਲਿਆ ਜਾਵੇ ਤਾਂ ਜੋ ਕਿਸਾਨ ਠੰਡ ਵਿੱਚ ਸੰਘਰਸ਼ ਤੋਂ ਵਾਪਸ ਆਉਣ।

ਬਿਹਲਾ ਸਕੂਲ ਨੂੰ ਪਹਿਲ ਪੰਜਾਬ ਦਾ ਪਹਿਲਾ ਸਮਰਾਟ ਸਕੂਲ ਅਤੇ ਹੁਣ ਪੰਜਾਬ ਦਾ ਪਹਿਲਾ ਕਿੰਡਰਗਾਰਡਨ ਤਿਆਰ ਕਰਨ ਦਾ ਮਿਲਿਆ ਮਾਣ

ਮਹਿਲ ਕਲਾਂ /ਬਰਨਾਲਾ -ਦਸੰਬਰ 2020 - (ਗੁਰਸੇਵਕ ਸਿੰਘ ਸੋਹੀ)-ਜ਼ਿਲ੍ਹਾ ਸਿੱਖਿਆ ਅਫਸਰ (ਐ,ਸਿੱ ) ਬਰਨਾਲਾ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਬਰਨਾਲਾ ਜ਼ਿਲਾ ਦੇ ਸਕੂਲ ਇੰਚਾਰਜਾਂ ਅਤੇ ਪ੍ਰੀ-ਪ੍ਰਾਇਮਰੀ ਇੰਚਾਰਜ ਅਧਿਆਪਕਾਂ ਸਵੈ-ਇੱਛਾਂ ਨਾਲ ਸ.ਪ.ਸ.ਸ ਬੀਹਲਾ ਵਿਜ਼ਿਟ ਕੀਤਾ ਗਿਆ ਜਿੱਥੇ ਜ਼ਿਕਰਯੋਗ ਹੈ ਕਿ ਸ.ਪ.ਸ.ਸ ਬੀਹਲਾ ਵਿਖੇ ਪੰਜਾਬ ਦਾ ਪਹਿਲਾ ਸਮਰਾਟ ਕਿੰਡਰਗਾਰਡਨ ਤਿਆਰ ਕੀਤਾ ਗਿਆ ਹੈ।ਏਸ ਕਿੰਡਰ ਗਾਰਡਨ ਦੀ ਵੀਡੀਓ ਸਿੱਖਿਆ ਵਿਭਾਗ ਵੱਲੋਂ ਮਾਡਲ ਕਿੰਡਰ ਗਾਰਡਨ ਦੇ ਰੂਪ ਵਿਚ ਪੂਰੇ ਪੰਜਾਬ ਦੇ ਸਕੂਲ ਦੇ ਮੁਖੀਆਂ ਅਤੇ ਬਾਕੀ ਅਧਿਆਪਕਾਂ ਨੂੰ ਦਿਖਾਈ ਗਈ।ਇਹ ਵੀਡੀਓ ਨੈਸ਼ਨਲ ਅਤੇ ਇੰਟਰਨੈਸ਼ਨਲ ਪੱਧਰ ਤੇ ਵਾਇਰਲ ਹੋਈ ਹੈ।ਇਸ ਲਈ ਆਓ ਬੀਹਲਾ   ਚੱਲੀਏ"ਤਹਿਤ ਅਧਿਆਪਕਾਂ ਨੂੰ ਪ੍ਰੇਰਤ ਕਰਨ ਅਤੇ ਨਵੀਂ ਜਾਣਕਾਰੀ ਦੇਣ ਲਈ ਬੀਹਲਾ ਸਕੂਲ ਦਾ ਵਿਜ਼ਿਟ ਕਰਵਾਇਆ ਗਿਆ। ਸਾਰੇ ਅਧਿਆਪਕਾਂ ਨੇ ਬੀਹਲਾ ਸਕੂਲ ਦਾ ਵਿਜ਼ਿਟ ਕਰਕੇ ਖ਼ੁਸ਼ੀ ਅਤੇ ਮਾਣ ਮਹਿਸੂਸ ਕੀਤਾ।ਜਿੱਥੇ ਅਧਿਆਪਕਾਂ ਨਾਲ ਪ੍ਰੀ ਪ੍ਰਾਇਮਰੀ ਸਿੱਖਿਆ ਦੀ ਮਜ਼ਬੂਤੀ ਲਈ ਅਤੇ ਵੱਖ-ਵੱਖ ਤਰ੍ਹਾਂ ਦੀਆਂ ਗਤੀਵਿਧੀਆਂ ਲਈ ਸਮਰਾਟ  ਕਿੰਡਰਗਾਰਟਨ ਤਿਆਰ ਲਈ ਚਰਚਾ ਕੀਤੀ।ਇਸ ਸਮੇਂ ਪਡ਼੍ਹੋ ਪੰਜਾਬ- ਪਡ਼੍ਹਾਓ ਪੰਜਾਬ ਜ਼ਿਲ੍ਹਾ ਕੋਆਡੀਨੇਟਰ ਸ.ਕੁਲਦੀਪ ਸਿੰਘ ਭੁੱਲਰ.ਮੈਡਮ ਊਸ਼ਾ ਭਾਰੀ.ਨਰਿੰਦਰ ਸ਼ਰਮਾ ਜੀ.ਅਤੇ ਹਿੱਡ ਟੀਚਰ ਸ.ਹਰਪ੍ਰੀਤ ਸਿੰਘ ਦੀਵਾਨਾ ਵੱਲੋਂ ਅਧਿਆਪਕਾਂ ਨਾਲ ਸਿੱਖਿਆ ਦੀ ਗੁਣਵੱਤਾ ਲਈ ਵਿਚਾਰਾਂ ਕੀਤੀਆਂ।ਇਸ ਸਮੇਂ ਸਿੱਖਿਆ ਵਿਭਾਗ ਵੱਲੋਂ ਪ੍ਰੀ ਪ੍ਰਾਇਮਰੀ ਜਮਾਤਾਂ ਨੂੰ ਭੇਜੀ 12000/- ਗਰਾਂਟ ਨੂੰ ਖ਼ਰਚਣ ਸਬੰਧੀ ਅਧਿਆਪਕਾਂ ਨੂੰ ਵੀ ਦਿਸ਼ਾ ਨਿਰਦੇਸ਼ ਦਿੱਤੇ ਗਏ।ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਐ.ਸਿੱ )  ਸ੍ਰੀਮਤੀ ਜਸਵੀਰ ਕੌਰ ਨੇ ਕਿਹਾ ਕਿ ਮੈਂ ਅੱਜ ਤਕ ਦੇ ਸਕੂਲਾਂ ਵਿੱਚ ਇਹ ਸਭ ਤੋਂ ਸੋਹਣਾ  ਸਕੂਲ ਦੇਖ ਰਹੀ ਹਾਂ।ਉਨ੍ਹਾਂ ਬਾਕੀ ਅਧਿਆਪਕਾਂ ਨੂੰ ਵੀ ਇਸ ਤਰ੍ਹਾਂ ਸਕੂਲ ਤਿਆਰ ਕਰਨ ਦੀ ਅਪੀਲ ਕੀਤੀ। ਇਸ ਸਮੇਂ ਉਪ ਜ਼ਿਲ੍ਹਾ ਸਿੱਖਿਆ ਅਫਸਰ ਸ੍ਰੀਮਤੀ ਵਸੁੰਧਰਾ ਜੀ ਅਤੇ ਬੀ.ਪੀ.ਈ.ਓ ਸ.ਜਗਤਾਰ ਸਿੰਘ ਜੀ ਨੇ ਕਿਹਾ ਕਿ ਜਿਸ ਤਰ੍ਹਾਂ ਬੀਹਲਾ ਸਕੂਲ ਨੇ ਪੂਰੇ ਪੰਜਾਬ ਵਿਚੋਂ Self made ਸਮਰਾਟ ਸਕੂਲ ਬਣਨ ਦਾ ਮਾਣ ਹਾਸਲ ਕੀਤਾ ਸੀ ਉਸੇ ਤਰ੍ਹਾਂ ਹੀ ਪੂਰੇ ਪੰਜਾਬ ਵਿੱਚ ਪਹਿਲਾ ਮਾਡਲ ਸਮਰਾਟ ਕਿੰਡਰਗਾਰਟਨ ਤਿਆਰ ਕਰਕੇ ਮਾਣ ਖੱਟਿਆ ਹੈ' ਉਨ੍ਹਾਂ ਕਿਹਾ ਕਿ ਸਾਡੇ ਪੂਰੇ ਜ਼ਿਲ੍ਹੇ ਲਈ ਮਾਣ ਵਾਲੀ ਗੱਲ ਹੈ।ਉਨ੍ਹਾਂ ਨੇ ਹਿੱਡ ਟੀਚਰ ਸ. ਹਰਪ੍ਰੀਤ ਸਿੰਘ ਦੀਵਾਨਾ ਅਤੇ ਸਮੂਹ ਸਟਾਫ ਨੂੰ ਵਧਾਈ ਦਿੱਤੀ।ਇਸ ਸਮੇਂ ਬੀ.ਐੱਮ.ਟੀ ਮਲਕੀਅਤ ਸਿੰਘ. ਹਰਜਿੰਦਰ ਸਿੰਘ.ਨਵਜੋਤ ਸਿੰਘ ਅਤੇ ਵੱਖ-ਵੱਖ ਸਕੂਲ ਦੇ ਅਧਿਆਪਕ ਹਾਜ਼ਰ।

ਜਗਰਾਉਂ, ਦਸੰਬਰ 2020(ਮੋਹਿਤ ਗੋਇਲ/ ਕੁਲਦੀਪ ਸਿੰਘ ਕੋਮਲ)

ਅੱਜ ਜਗਰਾਉਂ ਦੇ ਪ੍ਰਮੁੱਖ ਦੁਕਾਨ ਦਾਰ ਵੀਰਾਂ ਨਾਲ ਟਰੇਫਿਕ ਸਮਸਿਆ ਦਾ ਹਲ ਕਰਨ ਲਈ ਅਤੇ ਦੁਕਾਨਾਂ ਦੇ ਬਾਹਰ ਰੱਖੇ ਗਏ ਸਮਾਨ ਜੋ ਕਿ ਆਮ ਤੋਰ ਤੇ ਦੁਕਾਨਦਾਰਾਂ ਵੱਲੋਂ ਸੜਕਾਂ ਤੇ ਆਪਣਾ ਕਾਫ਼ੀ ਸਮਾਨ ਬਾਹਰ ਪਿਆ ਜਾ ਟੰਗਿਆ ਹੁੰਦਾ ਹੈ ਜਾਂ ਫਿਰ ਆਪਣੇ ਬੋਰਡ ਸੜਕਾਂ ਤੇ ਰੱਖ ਕੇ ਕਾਫੀ ਸੜਕ ਰੋਕ ਆਮ ਲੋਕਾਂ ਦੀ ਤਕਲੀਫ ਦਾ ਕਾਰਨ ਬਣਦੇ ਹਨ , ਉਸ ਤੋਂ ਬਾਅਦ ਦੁਕਾਨ ਦੇ ਅੱਗੇ ਗਡੀਆਂ ਖੜ੍ਹਾ ਕੇ ਪੁਰੇ ਰਸਤੇ ਰੋਕ ਦਿੱਤੇ ਜਾਂਦੇ ਹਨ , ਪੁਲਿਸ ਵਲੋਂ ਉਨ੍ਹਾਂ ਨੂੰ ਤਾੜਨਾ ਕੀਤੀ ਕਿ ਉਹ ਆਪਣੇ ਸਮਾਨ ਨੂੰ ਸਿਰਫ਼ ਆਪਣੇ ਦੁਕਾਨ ਦੇ ਥੜੇ ਤੇ ਹੀ ਰੱਖਣ ਤਾਂ ਜੋ ਆਮ ਲੋਕਾਂ ਨੂੰ ਇਸ ਤਕਲੀਫ ਤੋਂ ਰਾਹਤ ਮਿਲੇ, ਇਸ ਸਮੇਂ ਤੇ ਦੁਕਾਨਦਾਰਾਂ ਨੇ ਆਪਣੀਆਂ ਤਕਲੀਫਾਂ ਵੀ ਦਸੀਆਂ। ਨਵੇਂ ਆਏ ਡੀ ਅੈਸ ਪੀ ਸਾਹਿਬ ਸ: ਦਿਲਜੀਤ ਸਿੰਘ ਹੁਣਾਂ ਨੇ ਕਿਹਾ ਕਿ ਦੁਕਾਨ ਦਾਰ ਵੀਰ ਵੀ ਪੁਲਿਸ ਤੇ ਪ੍ਰਸ਼ਾਸਨ ਦਾ ਸਾਥ ਦੇਣ ਤਾਂ ਜੋ ਮਿਲਜੁਲ ਕੇ ਸ਼ਹਿਰ ਦੀਆਂ ਸਮਸਿਆਵਾਂ ਨਾਲ ਨਿਪਟਿਆ ਜਾ ਸਕੇ। ਉਨ੍ਹਾਂ ਅੱਗੇ ਕਿਹਾ ਕਿ ਜੋ ਵੀ ਇਸ ਤੋਂ ਉਲਟ ਚਲੇਗਾ ਤਾਂ ਉਸ ਤੇ ਕਾਨੂੰਨੀ ਕਾਰਵਾਈ ਵੀ ਕੀਤੀ ਜਾਵੇਗੀ।