ਲੁਧਿਆਣਾ

ਕਾਉਕੇ ਕਲਾਂ/ਜਗਰਾਓਂ, ਫਰਵਰੀ 2020-(ਜਸਵੰਤ ਸਿੰਘ ਸਹੋਤਾ)-

ਇੱਥੋ ਨਜਦੀਕੀ ਪੈਂਦੇ ਆਈ-ਜੋਨ ਕੰਪਿਊਟਰ ਇੰਸਟੀਚਿਊਟ ਅਗਵਾੜ ਲੋਪੋ ਦੇ ਐਮ.ਡੀ.ਬਲਵਿੰਦਰ ਸਿੰਘ ਗਿੱਲ ਨੇ ਅਮਰੀਕੀ ਫੋਜ ਵਿੱਚ ਸਿੱਖਾਂ ਨੂੰ ਸਿੱਖੀ ਸਰੂਪ ਵਿੱਚ ਡਿਊਟੀ ਕਰਨ ਦੇ ਲਏ ਗਏ ਫੈਸਲੇ ਦਾ ਸਵਾਗਤ ਕੀਤਾ ਹੈ।ਗਿੱਲ ਨੇ ਕਿਹਾ ਕਿ ਇਸ ਲਏ ਗਏ ਫੈਸਲੇ ਨਾਲ ਸਿੱਖਾਂ ਦੇ ਮਾਣ ਸਨਮਾਨ ਵਿੱਚ ਵਾਧਾ ਹੋਵੇਗਾ ।ਉਨਾ ਕਿਹਾ ਕਿ ਵਿਸਵ ਭਰ ਵਿੱਚ ਸਿੱਖਾਂ ਨੇ ਵੱਖ ਵੱਖ ਅਹੁਦਿਆ ਤੇ ਸੁਸੋਭਿਤ ਹੋ ਕੇ ਸਿੱਖ ਕੌਮ ਦਾ ਨਾਂ ਰੌਸਨ ਕੀਤਾ ਹੈ ਤੇ ਇਸ ਦੀ ਮਿਸਾਲ ਸਾਬਤ ਸਰੂਤ ਸਿੱਖ ਹਰਜੀਤ ਸਿੰਘ ਸੱਜਣ ਦਾ ਕੈਨੇਡਾ ਵਰਗੇ ਦੇਸ ਵਿੱਚ ਰੱਖਿਆ ਮੰਤਰੀ ਹੋਣਾ ਹੈ।ਉਨਾ ਕਿਹਾ ਕਿ ਧਾਰਮਿਕ ਅਜਾਦੀ ਹਰ ਕੌਮ ਦਾ ਮੂਲ ਅਧਿਕਾਰ ਹੈ ਤੇ ਸਿੱਖਾਂ ਨੂੰ ਮਿਲੀ ਅਜਾਦੀ ਘੱਟ ਗਿਣਤੀਆਂ ਲਈ ਨਵੀਂ ਦਿਸਾ ਦੇ ਆਸ ਦੀ ਨਵੀਂ ਕਿਰਨ ਹੈ ਜਿਸ ਦਾ ਹਰ ਸਿੱਖ ਨੂੰ ਮਾਣ ਮਹਿਸੂਸ ਕਰਨਾ ਚਾਹੀਦਾ ਹੈ।

ਜਗਰਾੳਂ /ਲੁਧਿਆਣਾ,ਫ਼ਰਵਰੀ 2020-( ਸਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ )-

ਮਾਤਾ ਪਾਰਵਤੀ ਦੇਵੀ ਐਜੂਕੇਸ਼ਨ ਟੱਰਸਟ ਵੱਲੋਂ ਮਾਤਾ ਪਾਰਵਤੀ ਦੇਵੀ ਦੀ ਬਾਰ੍ਹਵੀ ਬਰਸੀ ਸਮੇਂ ਅਯੋਜਤ ਵਿਿਦਆਰਥੀ ਸਹਾਇਤਾ ਸਮਾਗਮ ਸਮੇਂ ਲਗਪਗ ਤਿੰਨ ਦਰਜਨ ਸਕੂਲਾਂ ਦੇ ਅਧਿਆਪਕਾਂ ਨੂੰ ਗਰੀਬ ਅਤੇ ਲੋੜਵੰਦ ਵਿਿਦਆਰਥੀਆਂ ਦੀ ਸਹਾਇਤਾ ਕਰਨ ਲਈ ਵੱਡੇ ਪੱਧਰ ਤੇ ਵਰਦੀਆਂ, ਟਾਟ, ਦਰੀਆਂ ਅਤੇ ਕਾਪੀਆਂ ਤਕਸੀਮ  ਕੀਤੀਆ ਗਈਆ । ਸਥਾਨਕ ਨਿਊਜ ਪੇਪਰ ਏਜੰਟ ਦੇ ਭਰਾਵਾਂ ਵੱਲੋਂ ਐਂਨ.ਆਰ. ਆਈ ਵੱਡੇ ਬਰਾ ਸੁਖਦੇਵ ਰਾਜ ਸਵੀਡਨ ਨਿਵਾਸੀ ਵੱਲੋਂ ਦਿੱਤੀ ਜਾ ਰਹੀ ਆਰਥਿਕ ਮਦਦ ਨਾਲ ਹਰ ਸਾਲ ਵਾਂਗ ਕੀਤੇ ਗਏ ਇਸ ਸਮਾਗਮ ਵਿੱਚ ਬਲਾਕ ਦੇ ਅਧਿਆਪਕਾਂ ਅਤੇ ਅਧਿਆਪਕਾਵਾਂ ਵੱਲੋਂ ਭਰਵੀ ਹਾਜ਼ਰੀ ਦਿੱਤੀ। ਮਾਤਾ ਪਾਰਵਤੀ ਦੇੇਵੀ ਟਰੱਸਟ ਦੇ ਬੁਲਾਰੇ ਜੁਗਿੰਦਰ ਅਜ਼ਾਦ ਅਤੇ ਸਮੀਤ ਪਾਟਨੀ ਅਨੁਸਾਰ ਚਾਰ ਲੱਖ ਰੁਪਏ ਦੇ ਲੱਗਪਗ ਖਰਚ ਕੀਤੇ ਗਏ। 
 ਇਸ ਮੌਕੇ ਡੈਸੋਕਹੇਟਿਕ ਟੀਚਰ ਫਰੰਟ ਦੀ ਅਗਵਾਈ ਵਿੱਚ ਦੂਜੇ ਸ਼ੈਸ਼ਨ ਦੌਰਾਨ, ਮੌਜੂਦਾ ਦੌਰ ਵਿੱਚ ਅਧਿਆਪਕ ਦੀ ਦਸ਼ਾ ਅਤੇ ਦਿਸ਼ਾ ਵਿਸੇ ਉਪਰ ਡਾਕਟਰ ਕੁਲਦੀਪ ਸਿੰਘ ਨੇ ਕਿਹਾ ਕਿ ਸਾਸਕ ਵਰਗ ਕਦੇ ਵੀ ਗਰੀਬ ਲੋਕਾ ਦੀ ਸਿੱਖਿਆਂ ਪ੍ਰਤੀ ਸੰਜੀਦਾ ਨਹੀ ਹੁੰਦਾ। ਰਾਜ ਕਰ ਰਹੀ ਜਮਾਤ/ਸਰਕਾਰ ਆਪਣੀ ਹਿੱਤਾ ਅਨੁਸਾਰ ਹੀ ਸਿੱਖਿਆ ਦਾ ਅਧਿਕਾਰ ਲਾਗੂ ਕਰਦੀ ਹੈ। ਮਜ਼ਲੂਮ ਅਤੇ ਗਰੀਬ ਵਰਗ ਨੂੰ ਸਿੱਖਿਆ ਦਾ ਅਧਿਕਾਰ ਹਾਸਲ ਕਰਨ ਲਈ ਲਗਾਤਾਰ ਜੂਲਣਾ ਪੈ ਰਿਹਾ ਹੈ। ਬੁਲਾਰੇ ਨੇ ਕਿਹਾ ਅਜੌਕੇ ਦੌਰ ਵਿੱਚ ਅਧਿਆਪਕ ਵਰਗ ਤੇ ਲਾਗੂ ਕਤਿੀਆ ਜਾ ਰਹੀਆ ਸਰਕਾਰੀ ਨੀਤੀਆ ਕਾਰਨ ਪ੍ਰੇਸ਼ਾਨ ਹੈ। ਅਧਿਆਪਕਾਂ ਨੂੰ ਸੰਵੰਦਾਨਸ਼ੀਲ ਬਣਾਉਣ ਦੀ ਥਾਂ ਗੋਬਿੰਦ ਬਣਾ ਦਿੱਤਾ ਗਿਆ ਹੈ। ਵਿੱਦਿਆਰਥੀਆਂ ਦੀ ਸਖਸੀਅਤ ਨੂੰ ਬਹੁ-ਪੱਖੀ ਨਿਮਾਰਣ ਦੀ ਥਾਂ ਸੰਵੇਦਹੀਣ, ਘੋਟਾ ਲਓ ਅਤੇ ਸਿਰਫ ਪ੍ਰੀਖਿਆ ਪਾਸ ਕਰਨ ਵਾਲੇ ਅਕਿੰੜੇ ਬਣਾ ਕੇ ਰੱਖ ਦਿੱਤਾ ਗਿਆ ਹੈ ਜਿਸ ਨਾਲ ਸਮਾਜ ਵਿੱਚ ਨਵੇਂ ਸੰਕਟ ਤੇ ਮਾਰੂ ਪ੍ਰਭਾਵ ਪੈ ਰਹੇ ਹਨ। ਅਵਸਰਸਾਹੀ ਵਿਸ਼ੇਸ਼ ਕਰ ਮੌਜੂਦਾ ਸਿੱਖਿਆ ਸਕੱਤਰ ਜੈਸ-ਬੋਸ ਦਾ ਕਲਚਰ ਪੈਦਾ ਕਰਕੇ ਅਧਿਆਪਕਾਂ ਦੀ ਬੈਚੇਨੀ ਵਿੱਚ ਬਾਬਾ ਕਰਨ ਦੇ ਨਾਲ ਨਾਲ ਸਿੱਖਿਆ ਦਾ ਘਾਣ ਕਰ ਰਿਹਾ ਹੈ। ਬੁਲਾਰੇ ਦੇ ਇਸ ਗੱਲੋ ਵੀ ਚਿੰਤਾ ਜਾਹਰ ਕਰਕੇ ਤੇ ਜੋਰ ਦਿੱਤਾ। ਇਸ ਮੌਕੇ ਸਥਾਨਕ ਸਿੱਖਿਆ ਸ਼ਾਸਤਰੀ ਕਰਮ ਸਿੰਘ ਸੰਧੂ ਨੇ ਦੱਸਿਆ ਕਿ ਕਾਲਜਾ ਵਿੱਚ ਵਿਿਦਆਰਥੀਆ ਦੀ ਗਿਣਤੀ ਹਰ ਸਾਲ ਘਟਦੀ ਜਾ ਰਹੀ ਹੈ  ਬਹੁਤ ਸਾਰੇ ਕਾਲਜਾ ਵਿੱਚ ਵਿਿਦਆਰਥੀਆ ਦਾੀ ਗਿਣਤੀ ਤਿਹਾਈ ਤੱਕ ਘੱਟ ਚੁੱਕੀ ਹੈ ਸਾਡੇ ਦੇਸ਼ ਦੀ ਨੌਜਵਾਨ ਤੇ ਹੋਣਹਾਰ ਸ਼ਕਤੀ ਵਿਦੇਸ਼ਾ ਦਾ ਰੁੱਖ ਕਰ ਰਹੀ ਹੈ। ਪੀ.ਸੀ.ਐਸ ਅਧਿਕਾਰੀ ਆਰ.ਅੇਸ ਡਿੰਪਲ ਨੇ ਵਿਚਾਰ ਪ੍ਰਗਟ ਕਰਕੇ ਸਮੇ ਅਲੋਪ ਹੋ ਰਹੀਆ ਭਾਸਾਵਾਂ ਅਤੇ ਨਾਰਪੋਰੇਟ ਸੈਕਟਰ ਦੀਆ ਨੀਤਆਂ ਤੇ ਉੁਗਲ ਰੱਖੀ। ਡੀ.ਸੀ ਐਫ ਦੇ ਜਿਲ੍ਹਾ ਪ੍ਰਧਾਨ ਹਰਦੇਵ ਸਿੰਘ ਤੇ ਬ: ਪ੍ਰਧਾਨ ਮਨਜਿੰਦਰ ਸਿੰਘ ਨੇ ਪੈਦਾ ਹੋਇਆ ਚਣੌਤੀਆ ਦੀ ਮੰਗ ਦਾ ਮੁਕਾਬਲਾ ਕਰਨ ਲਈ ਦਿੜ੍ਹ ਇਰਾਦੇ ਨਾਲ ਸ਼ੰਘਰਸ਼ਾਂ ਵਿੱਚ ਸਾਮਿਲ ਹੋਣ ਲਈ ਪ੍ਰਰਿਤ ਕੀਤਾ।ਇਸ ਸਮਾਗਮ ਵਿੱਚ ਸ: ਸਰੂਪ ਸਿੰਘ ਤਤਲਾ, ਪਰਅਜੀਤ ਸਿੰਘ ਪੰਨੇਸਰ, ਚਰਨ ਸਿੰਘ ਨੂਰਪਰਾ, ਬਲਦੇਵ ਸਿੰਘ ਬੁਰਜ਼, ਦੇਵਿੰਦਰ ਸਿੰਘ ਸਿੱਧੂ, ਆਲਮ ਰਾਣਾ, ਅਸਕ ਭੰਡਾਰੀ, ਮਲਕੀਤ ਸਿੰਘ, ਜਸਵੰਤ ਸਿੰਘ ਕਲੋਰ, ਸੁਧੀਰ ਡਾਜ਼ੀ, ਗੁਰਪ੍ਰੀਤ ਸਿੰਘ ਆਦਿ ਹਾਜ਼ਰ ਸਨ। 

17 ਅਤੇ 18 ਮਾਰਚ ਨੂੰ ਚਾਰ ਜ਼ਿਲਿਆਂ ਦੇ ਨੌਜਵਾਨਾਂ ਲਈ ਐਲ. ਪੀ. ਯੂ ਵਿਖੇ ਲੱਗੇਗਾ ਹਾਈ ਐਂਡ ਮੈਗਾ ਰੋਜ਼ਗਾਰ ਮੇਲਾ

20 ਫਰਵਰੀ ਤੋਂ ਬਾਅਦ ਕਰਵਾਈ ਜਾ ਸਕੇਗੀ ਆਨਲਾਈਨ ਰਜਿਸਟ੍ਰੇਸ਼ਨ

ਫਗਵਾੜਾ,ਫਰਵਰੀ 2020-(ਹਰਜੀਤ ਸਿੰਘ ਵਿਰਕ)-

ਪੰਜਾਬ ਸਰਕਾਰ ਵੱਲੋਂ ‘ਘਰ-ਘਰ ਰੋਜ਼ਗਾਰ ਮਿਸ਼ਨ’ ਤਹਿਤ ਮਾਰਚ ਮਹੀਨੇ ਲਗਾਏ ਜਾ ਰਹੇ ਹਾਈ ਐਂਡ ਮੈਗਾ ਰੋਜ਼ਗਾਰ ਮੇਲਿਆਂ ਤਹਿਤ 17 ਅਤੇ 18 ਮਾਰਚ ਨੂੰ ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ ਫਗਵਾੜਾ ਵਿਖੇ ਹਾਈ ਐਂਡ ਮੈਗਾ ਰੋਜ਼ਗਾਰ ਮੇਲਾ ਲੱਗੇਗਾ, ਜਿਸ ਵਿਚ ਕਪੂਰਥਲਾ, ਜਲੰਧਰ, ਹੁਸ਼ਿਆਰਪੁਰ ਅਤੇ ਸ਼ਹੀਦ ਭਗਤ ਸਿੰਘ ਨਗਰ ਦੇ ਨੌਜਵਾਨ ਹਿੱਸਾ ਲੈ ਸਕਦੇ ਹਨ। ਇਹ ਪ੍ਰਗਟਾਵਾ ਡਿਪਟੀ ਕਮਿਸ਼ਨਰ ਸ੍ਰੀਮਤੀ ਦੀਪਤੀ ਉੱਪਲ ਨੇ ਅੱਜ ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ ਵਿਖੇ ਇਸ ਮੇਲੇ ਦੀਆਂ ਤਿਆਰੀਆਂ ਸਬੰਧੀ ਅਧਿਕਾਰੀਆਂ ਅਤੇ ਵਿੱਦਿਅਕ ਸੰਸਥਾਵਾਂ ਦੇ ਨੁਮਾਇੰਦਿਆਂ ਨਾਲ ਮੀਟਿੰਗ ਦੌਰਾਨ ਕੀਤਾ। ਉਨਾਂ ਦੱਸਿਆ ਕਿ ਇਸ ਮੇਲੇ ਵਿਚ ਘੱਟੋ-ਘੱਟ 60 ਫੀਸਦੀ ਅੰਕ ਪ੍ਰਾਪਤ ਕਰਨ ਵਾਲੇ ਡਿਪਲੋਮਾ/ਗ੍ਰੈਜੂਏਟ/ਪੋਸਟ ਗ੍ਰੈਜੂਏਟ ਪ੍ਰਾਰਥੀ ਭਾਗ ਲੈ ਸਕਦੇ ਹਨ, ਜਿਸ ਲਈ 20 ਫਰਵਰੀ ਤੋਂ ਬਾਅਦ www.pgrkam.com ਉੱਪਰ ਆਨਲਾਈਨ ਰਜਿਸਟ੍ਰੇਸ਼ਨ ਕਰਵਾਈ ਜਾ ਸਕਦੀ ਹੈ। ਉਨਾਂ ਦੱਸਿਆ ਕਿ ਚੁਣੇ ਗਏ ਪ੍ਰਾਰਥੀਆਂ ਨੂੰ ਵੱਖ-ਵੱਖ ਕੰਪਨੀਆਂ ਵੱਲੋਂ ਘੱਟੋ-ਘੱਟ ਤਿੰਨ ਲੱਖ ਰੁਪਏ ਸਾਲਾਨਾ ਪੈਕੇਜ ਦਿੱਤਾ ਜਾਵੇਗਾ। ਉਨਾਂ ਪੜੇ-ਲਿਖੇ ਬੇਰੋਜ਼ਗਾਰ ਪ੍ਰਾਰਥੀਆਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਸੁਨਹਿਰੀ ਮੌਕੇ ਦਾ ਲਾਭ ਲੈਣ ਲਈ ਆਪਣੀ ਰਜਿਸਟ੍ਰੇਸ਼ਨ ਕਰਵਾਉਣ। ਉਨਾਂ ਵਿੱਦਿਅਕ ਸੰਸਥਾਵਾਂ ਦੇ ਨੁਮਾਇੰਦਿਆਂ ਨੂੰ ਕਿਹਾ ਕਿ ਉਹ ਇਸ ਮੇਲੇ ਵਿਚ ਵੱਧ ਤੋਂ ਵੱਧ ਯੋਗ ਪ੍ਰਾਰਥੀਆਂ ਦੀ ਸ਼ਮੂਲੀਅਤ ਯਕੀਨੀ ਬਣਾਉਣ। ਉਨਾਂ ਹਦਾਇਤ ਕੀਤੀ ਕਿ ਹਰੇਕ ਵਿੱਦਿਅਕ ਸੰਸਥਾ ਇਸ ਸਬੰਧੀ ਇਕ ਨੋਡਲ ਅਫ਼ਸਰ ਨਿਯੁਕਤ ਕਰੇ, ਜੋ ਪ੍ਰਾਰਥੀਆਂ ਦੀ ਮੋਬੀਲਾਈਜ਼ੇਸ਼ਨ ਅਤੇ ਆਨਲਾਈਨ ਰਜਿਸਟਰ ਕਰਕੇ ਜ਼ਿਲਾ ਰੋਜ਼ਗਾਰ ਅਤੇ ਕਾਰੋਬਾਰ ਬਿੳੂਰੋ ਕਪੂਰਥਲਾ ਨੂੰ ਸੂਚਨਾ ਭੇਜਣ ਲਈ ਜਿੰਮੇਵਾਰ ਹੋਣਗੇ। ਇਸ ਮੌਕੇ ਉਨਾਂ ਵੱਖ-ਵੱਖ ਵਿੱਦਿਅਕ ਅਦਾਰਿਆਂ ਅਤੇ ਕੰਪਨੀਆਂ ਦੇ ਨੁਮਾਇੰਦਿਆਂ ਤੋਂ ਰੁਜ਼ਗਾਰ ਮੇਲੇ ਸਬੰਧੀ ਸੁਝਾਅ ਵੀ ਲਏ। ਇਸ ਦੌਰਾਨ ਉਨਾਂ ਰੋਜ਼ਗਾਰ ਮੇਲੇ ਵਾਲੀ ਜਗਾ ਅਤੇ ਮੁਹੱਈਆ ਕਰਵਾਈਆਂ ਜਾਣ ਵਾਲੀਆਂ ਸਹੂਲਤਾਂ ਦਾ ਜਾਇਜ਼ਾ ਵੀ ਲਿਆ। 

ਇਸ ਮੌਕੇ ਜ਼ਿਲਾ ਰੋਜ਼ਗਾਰ ਜਨਰੇਸ਼ਨ ਤੇ ਟ੍ਰੇਨਿੰਗ ਅਫ਼ਸਰ ਸ੍ਰੀਮਤੀ ਨੀਲਮ ਮਹੇ ਨੇ ਕਿਹਾ ਕਿ ਇਸ ਸਬੰਧੀ ਵਧੇਰੇ ਜਾਣਕਾਰੀ ਲਈ ਕਪੂਰਥਲਾ ਜ਼ਿਲੇ ਨਾਲ ਸਬੰਧਤ ਉਮੀਦਵਾਰ ਜ਼ਿਲਾ ਰੋਜ਼ਗਾਰ ਅਤੇ ਕਾਰੋਬਾਰ ਬਿੳੂਰੋ ਕਪੂਰਥਲਾ, ਪੰਜਵੀ ਮੰਜ਼ਿਲ, ਜ਼ਿਲਾ ਪ੍ਰਬੰਧਕੀ ਕੰਪਲੈਕਸ ਕਪੂਰਥਲਾ ਨਾਲ ਸੰਪਰਕ ਕਰ ਸਕਦੇ ਹਨ। 

ਇਸ ਦੌਰਾਨ ‘ਐਜੂਜ਼ਫੇਰੇ’ ਰਜਿਸਟ੍ਰੇਸ਼ਨ ਚੰਡੀਗੜ ਵੱਲੋਂ ਜ਼ਿਲਾ ਰੋਜ਼ਗਾਰ ਅਤੇ ਕਾਰੋਬਾਰ ਬਿੳੂਰੋ ਕਪੂਰਥਲਾ ਵਿਚ ਸਰਕਾਰੀ ਨੌਕਰੀਆਂ ਲਈ ਮੁਕਾਬਲੇ ਦੇ ਇਮਤਿਹਾਨਾਂ ਲਈ ਸ਼ੁਰੂ ਕੀਤੇ ਜਾਣ ਵਾਲੇ ਮੁਫ਼ਤ ਟ੍ਰੇਨਿੰਗ/ਕੋਚਿੰਗ ਬਾਰੇ ਪੇਸ਼ਕਾਰੀ ਵੀ ਦਿੱਤੀ ਗਈ। 

ਇਸ ਮੌਕੇ ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਸ੍ਰੀ ਐਸ. ਪੀ ਆਂਗਰਾ, ਡਿਪਟੀ ਡਾਇਰੈਕਟਰ ਰੋਜ਼ਗਾਰ ਜਨਰੇਸ਼ਨ ਜਲੰਧਰ ਸ੍ਰੀਮਤੀ ਸੁਨੀਤਾ ਕਲਿਆਣ, ਡਿਪਟੀ ਸੀ. ਈ. ਓ ਜਲੰਧਰ ਸ੍ਰੀ ਦੀਪਕ ਭੱਲਾ, ਜੀ. ਐਮ ਇੰਡਸਟਰੀ ਸ. ਬਲਵਿੰਦਰ ਸਿੰਘ, ਇੰਡਸਟਰੀ ਅਫਸਰ ਸ੍ਰੀ ਆਈ. ਕੇ ਸ਼ਰਮਾ, ਕੈਰੀਅਰ ਕਾੳੂਂਸਲਰ ਸ੍ਰੀ ਗੌਰਵ ਕੁਮਾਰ, ਸ੍ਰੀ ਨਿਪੁੰਨ ਸਿੰਘ, ਸ੍ਰੀ ਕਿਰਨਦੀਪ ਸਿੰਘ ਤੋਂ ਇਲਾਵਾ ਵੱਖ-ਵੱਖ ਵਿੱਦਿਅਕ ਅਦਾਰਿਆਂ ਅਤੇ ਕੰਪਨੀਆਂ ਦੇ ਪ੍ਰਤੀਨਿਧੀ ਹਾਜ਼ਰ ਸਨ।  

ਕੈਪਸ਼ਨ :

-ਹਾਈ ਐਂਡ ਮੈਗਾ ਰੋਜ਼ਗਾਰ ਮੇਲੇ ਸਬੰਧੀ ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ ਡਿਪਟੀ ਕਮਿਸ਼ਨਰ ਸ੍ਰੀਮਤੀ ਦੀਪਤੀ ਉੱਪਲ। ਨਾਲ ਹਨ ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਸ੍ਰੀ ਐਸ. ਪੀ. ਆਂਗਰਾ, ਡਿਪਟੀ ਡਾਇਰੈਕਟਰ ਸ੍ਰੀਮਤੀ ਸੁਨੀਤਾ ਕਲਿਆਣ, ਜ਼ਿਲਾ ਰੋਜ਼ਗਾਰ ਜਨਰੇਸ਼ਨ ਤੇ ਟ੍ਰੇਨਿੰਗ ਅਫ਼ਸਰ ਸ੍ਰੀਮਤੀ ਨੀਲਮ ਮਹੇ ਤੇ ਹੋਰ। 

-ਹਾਈ ਐਂਡ ਮੈਗਾ ਰੋਜ਼ਗਾਰ ਮੇਲੇ ਵਾਲੇ ਜਗਾ ਦਾ ਮੁਆਇਨਾ ਕਰਦੇ ਹੋਏ ਡਿਪਟੀ ਕਮਿਸ਼ਨਰ ਸ੍ਰੀਮਤੀ ਦੀਪਤੀ ਉੱਪਲ। ਨਾਲ ਹਨ ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਸ੍ਰੀ ਐਸ. ਪੀ. ਆਂਗਰਾ, ਡਿਪਟੀ ਡਾਇਰੈਕਟਰ ਸ੍ਰੀਮਤੀ ਸੁਨੀਤਾ ਕਲਿਆਣ, ਜ਼ਿਲਾ ਰੋਜ਼ਗਾਰ ਜਨਰੇਸ਼ਨ ਤੇ ਟ੍ਰੇਨਿੰਗ ਅਫ਼ਸਰ ਸ੍ਰੀਮਤੀ ਨੀਲਮ ਮਹੇ ਤੇ ਹੋਰ।

ਪੁਲਿਸ ਚੌਕੀ ਸਥਾਪਿਤ ਹੋਣ ਦੇ ਬਾਵਜੂਦ ਵੀ ਨਹੀਂ ਹੋ ਰਿਹਾ ਚਿੱਟਾ ਬੰਦ

ਮੋਗਾ(ਰਾਣਾ ਸ਼ੇਖਦੌਲਤ, ੳਮਕਾਰ ਦੋਲੇਵਾਲ) ਨਸਾ ਤਸਕਰੀ ਕਾਰਨ ਚਰਚਾ ਵਿੱਚ ਰਹਿਣ ਵਾਲਾ ਪਿੰਡ ਦੋਲੇਵਾਲ ,ਚ ਹਰ ਰੋਜ਼ ਚਿੱਟੇ ਕਾਰਨ ਮਿਲ ਰਹੀਆਂ ਲਾਸਾਂ ਦਾ ਸਿਲਸਿਲਾ ਜਾਰੀ ਹੈ,ਬੀਤੇ ਦਿਨੀਂ ਇਸ ਪਿੰਡ ਵਿੱਚ ਵੱਖ ਵੱਖ ਥਾਵਾਂ ਤੇ 2 ਨੋਜਵਾਨਾਂ ਦੀਆਂ ਲਾਸਾਂ ਮਿਲੀਆਂ ਜਿਨ੍ਹਾਂ ਦੀ ਪਹਿਚਾਣ ਜਸਪ੍ਰੀਤ ਸਿੰਘ(25ਸਾਲ)ਪੁੱਤਰ ਹਰਜੰਗ ਸਿੰਘ ਵਾਸੀ ਕਾਹਨ ਸਿੰਘ ਵਾਲਾ ਅਤੇ ਜਗਸੀਰ ਸਿੰਘ(38ਸਾਲ)ਪੁੱਤਰ ਤੇਜਾ ਸਿੰਘ ਵਾਸੀ ਜਲਾਲਾਬਾਦ ਵਜੋਂ ਹੋਈ ਸਨਿਚਰਵਾਰ ਸਵੇਰੇ ਕਾਹਨ ਸਿੰਘ ਵਾਲਾ ਦੇ ਨੋਜਵਾਨ ਦੇ ਪਰਿਵਾਰਕ ਮੈਂਬਰ ਪੁਲਿਸ ਚੌਕੀ ਦੋਲੇਵਾਲ ਪੁੱਜੇ,ਜਿੱਥੇ ਮਿ੍ਤਕ ਦੇ ਭਰਾ ਹਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਜਸਪ੍ਰੀਤ ਸਿੰਘ 4-5 ਮਹੀਨਿਆਂ ਤੋਂ ਭੈਣ ਕੋਲ ਜ਼ੀਰਾ ਵਿਖੇ ਰਹਿੰਦਾ ਸੀ,ਉਸਦੀ ਮੌਤ ਦਾ ਸਾਨੂੰ ਦੂਜੇ ਦਿਨ ਪਤਾ ਲੱਗਾ। ਨੋਜਵਾਨਾਂ ਦੀ ਮੌਤ ਨੂੰ ਲੈ ਕੇ ਡੀ.ਐੱਸ. ਪੀ.ਯਾਦਵਿੰਦਰ ਸਿੰਘ ਬਾਜਵਾ, ਐੱਸ ਐੱਚ ਓ ਅਮਰਜੀਤ ਸਿੰਘ ਪੁਲਿਸ ਪਾਰਟੀ ਨਾਲ ਪਹੁੰਚੇ।ਪੀੜਤ ਪਰਿਵਾਰਾਂ ਨੇ ਨਸ਼ੇ ਨੂੰ ਲੈ ਕੇ ਸਰਕਾਰ ਅਤੇ ਪੁਲਿਸ ਪ੍ਰਸਾਸਨ ਦੀ ਢਿੱਲੀ ਕਾਰਗੁਜ਼ਾਰੀ ਦੇ ਕਾਰਨ ਹੀ ਹਰ ਰੋਜ਼ ਮਾਵਾਂ ਦੇ ਪੁੱਤ ਮਰਦੇ ਹਨ। ਗੱਲ ਇਥੇ ਨਹੀਂ ਮੁੱਕਦੀ ਪਿੰਡ ਦੋਲੇਵਾਲ ਵਿੱਚ ਪੁਲਿਸ ਚੌਕੀ ਸਥਾਪਿਤ ਹੋਣ ਦੇ ਬਾਵਜੂਦ ਚਿੱਟੇ ਦੀ ਤਸਕਰੀ ਬੰਦ ਨਹੀਂ ਹੋ ਰਹੀ।ਲੋਕਾਂ ਦਾ ਪੁਲਿਸ ਪ੍ਰਤੀ ਭਾਰੀ ਰੋਸ ਰਿਹਾ