ਲੁਧਿਆਣਾ

ਕੋਰੋਨਾ ਵਾਇਰਸ ਦੇ ਰੌਲੇ ਰੱਪੇ ‘ਚ ਜਨਤਾ ਨਾਗਰਿਕਤਾ ਸੋਧ ਕਨੂੰਨ ਸਮੇਤ ਹੋਰ ਮੱੁਦੇ ਵੀ ਭੱੁਲੀ।
 

ਕਾਉਕੇ ਕਲਾਂ, 22 ਮਾਰਚ (ਜਸਵੰਤ ਸਿੰਘ ਸਹੋਤਾ)- ਕੇਂਦਰ ਦੀ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਹਕੂਮਤ ਵੱਲੋ ਸਮੱੁਚੇ ਦੇਸ ਨੂੰ ਹਿੰਦੂ ਰਸਾਟਰਵਾਦ ਬਨਾਉਣ ਦੇ ਲਏ ਸੁਪਨੇ ਦੀ ਕੀਤੀ ਸੁਰੂਆਤ ਤਾਹਿਤ ਜੰਮੂ ਕਸਮੀਰ ਸਿੰਘ ਧਾਰਾ 370 ਹਟਾਉਣ ਤੋ ਬਾਅਦ ਨਾਗਰਿਕਤਾ ਸੋਧ ਕਾਨੂੰਨ ਪਾਸ ਕਰਵਾਉਣ ਉਪਰੰਤ ਸਮੱੁਚੇ ਦੇਸ ਵਿੱਚ ਜੋ ਹਿੰਸਕ ਹਾਲਾਤ ਬਣੇ ਹੋਏ ਸਨ ਉਸ ਤੋ ਲਗਦਾ ਮੋਦੀ ਸਰਕਾਰ ਨੂੰ ਰਾਹਤ ਮਿਲ ਗਈ ਹੈ।ਇਸ ਸਮੇ ਕੋਰੋਨਾ ਵਾਇਰਸ ਕਾਰਨ ਸਮੁੱਚੇ ਵਿਸਵ ਭਰ ਵਿੱਚ ਫੈਲੀ ਮਹਾਮਾਰੀ ਕਾਰਨ ਹਰ ਕੋਈ ਆਪਣਾ ਬਚਾਅ ਕਰ ਰਿਹਾ ਹੈ ਤੇ ਇਸ ਸਬੰਧੀ ਅੱਜ ਦੇਸ ਭਰ ਵਿੱਚ ਜਨਤਾ ਕਰਫਿਊ ਵੀ ਲਾਇਆਂ ਜਾ ਚੱੁਕਾ ਹੈ।ਕੋਰੋਨਾ ਵਾਇਰਸ ਕਾਰਨ ਅੱਜ ਹਰ ਕੋਈ ਨਾਗਰਿਕਤਾ ਸੋਧ ਕਨੂੰਨ ਸਮੇਤ ਕਾਲਾ ਧੰਨ,ਨੋਟਬੰਦੀ,ਜੀ.ਐਸ.ਟੀ.ਆਦਿ ਦੇ ਮੱੁਦੇ ਭੁੱਲ ਚੱੁਕਾ ਹੈ।ਇਸ ਤੋ ਪਹਿਲਾ ਨਾਗਰਿਕਤਾ ਸੋਧ ਕਨੂੰਨ ਨੂੰ ਲੈ ਕੇ ਦੇਸ ਭਰ ਵਿੱਚ ਰੋਸ ਪ੍ਰਦਰਸਨ ਹੋਏ ਸਨ ਤੇ ਦਿੱਲੀ ਵਿੱਚ ਹਿੰਸਕ ਹਾਲਾਤ ਵੀ ਬਣ ਗਏ ਸਨ ਜਿਸ ਵਿੱਚ 65 ਤੋ 75 ਦੇ ਕਰੀਬ ਵਿਅਕਤੀਆਂ ਦੀਆਂ ਜਾਨਾਂ ਵੀ ਇਸ ਰੋਸ ਪ੍ਰਦਰਸਨ ਦੀ ਭੇਟ ਚੜ ਗਈਆਂ ਸਨ।ਇਸ ਮਹਾਮਾਰੀ ਕਾਰਨ ਦੇਸ ਭਰ ਵਿੱਚ ਸਿਨੇਮਾ ਹਾਲ,ਮਾਲ,ਜਿੰਮ,ਸਾਪਿੰਗ ਹਾਲ,ਬੱਸਾਂ ਰੇਲ ਗੱਡੀਆਂ,ਹਵਾਈ ਉਡਾਨਾ,ਬੈਂਕ ਹਾਲ ਬੰਦ ਕਰਨ ਸਮੇਤ 20 ਵਿਅਕਤੀਆ ਦੇ ਇਕੱਠ ਤੇ ਰੋਕ ਲਾਈ ਗਈ ਹੈ ਜਿਸ ਕਾਰਨ ਕੋਈ ਵੀ ਅੱਜ ਆਪਣੇ ਬਚਾਅ ਨੂੰ ਮੱੁਖ ਰੱਖਦਿਆਂ ਕੇਂਦਰ ਸਰਕਾਰ ਖਿਲਾਫ ਰੋਸ ਪ੍ਰਦਰਸਨ ਕਰਨ ਵਾਰੇ ਸੋਚ ਵੀ ਨਹੀ ਸਕਦਾ।

ਜਨਤਾ ਕਰਫਿਊ ਵਿੱਚ 31 ਮਾਰਚ ਤੱਕ ਕੀਤੇ ਵਾਧੇ ਨੂੰ ਲੈ ਕੇ ਗਰੀਬ ਵਰਗ ‘ਚ ਨਿਰਾਸਾ।

ਕਾਉਂਕੇ ਕਲਾਂ, 22 ਮਾਰਚ ( ਜਸਵੰਤ ਸਿੰਘ ਸਹੋਤਾ)-ਵਿਸਵ ਭਰ ਵਿੱਚ ਫੈਲੀ ਮਹਾਮਾਰੀ ਕੋਰੋਨਾ ਵਾਇਰਸ ਨੇ ਪੂਰੀ ਦੁਨੀਆਂ ਨੂੰ ਝੰਜੋੜ ਕੇ ਰੱਖ ਦਿਤਾ ਹੈ ਜਿਸ ਦਾ ਅਸਰ ਸਮੁੱਚੇ ਦੇਸਾਂ ਵਿੱਚ ਵੇਖਣ ਨੂੰ ਮਿਲ ਰਿਹਾ ਹੈ।ਭਾਰਤ ਸਰਕਾਰ ਤੇ ਰਾਜ ਸਰਕਾਰ ਵੱਲੋ ਵੀ ਸਾਂਝੇ ਤੌਰ ਤੇ ਇਸ ਵਾਇਰਸ ਤੋ ਬਚਣ ਲਈ ਅਭਿਆਨ ਚਲਾਏ ਗਏ ਹਨ ਜਿਸ ਤਾਹਿਤ ਸਿਨੇਮਾ ਹਾਲ,ਮਾਲ,ਜਿੰਮ,ਸਾਪਿੰਗ ਹਾਲ,ਬੱਸਾਂ ਰੇਲ ਗੱਡੀਆਂ,ਹਵਾਈ ਉਡਾਨਾ,ਬੈਂਕਟ ਹਾਲ ਬੰਦ ਕਰਨ ਸਮੇਤ 20 ਵਿਅਕਤੀਆ ਦੇ ਇਕੱਠ ਤੇ ਰੋਕ ਲਾਈ ਗਈ ਹੈ।ਇਸ ਕੋਰੋਨਾ ਵਾਇਰਸ ਤੋ ਸਿਕਾਰ ਹੋਏ ਦੇਸ ਭਰ ਵਿੱਚ 354 ਤੋ ਵੱਧ ਦੇ ਕਰੀਬ ਮਾਮਲੇ ਸਾਹਮਣੇ ਆ ਚੱੁਕੇ ਹਨ ਜਿਸ ਵਿੱਚ 21 ਤੋ ਵੱਧ ਤਾਂ ਪੰਜਾਬ ਦੇ ਹੀ ਮਾਮਲੇ ਹਨ।ਦੇਸ ਵਿੱਚ ਇਸ ਮਹਾਮਾਰੀ ਕਾਰਨ 6 ਮੌਤਾਂ ਤੇ ਪੰਜਾਬ ਵਿੱਚ ਇੱਕ ਮੌਤ ਹੋਣ ਦੀ ਪੁਸਟੀ ਹੋਈ ਹੈ।ਦੇਸ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਨਿਰਦੇਸਾ ਤੇ ਅੱਜ ਸਵੇਰੇ 7 ਵਜੇ ਤੋ ਲੈ ਕੇ ਰਾਤ 9 ਵਜੇ ਤੱਕ ਜਨਤਾ ਕਰਫਿਊ ਲਾਏ ਜਾਣ ਦਾ ਕਾਉਂਕੇ ਕਲਾਂ ਸਮੇਤ ਨਜਦੀਕੀ ਪਿੰਡਾਂ ਦੇ ਲੋਕਾ ਨੇ ਭਰਵਾਂ ਸਮਰਥਨ ਕੀਤਾ ਜਿਸ ਦੌਰਾਨ ਲੋਕੀ ਅੰਦਰੋ ਅੰਦਰੀ ਆਪਣੇ ਘਰਾਂ ਵਿੱਚ ਹੀ ਰਹੇ।ਸਵੇਰ ਵੇਲੇ ਬਾਹਰ ਤੁਰ ਫਿਰ ਰਹੇ ਵਿਅਕਤੀਆਂ ਨੂੰ ਪੁਲਿਸ ਨੇ ਘਰਾਂ ਵਿੱਚ ਰਹਿਣ ਤੇ ਸਰਕਾਰ ਵੱਲੋ ਅੱਜ ਦੇ ਸੰਦੇਸ ਸਬੰਧੀ ਸਮਝਾ ਕੇ ਘਰੋ ਘਰੀ ਤੋਰ ਦਿੱਤਾ।ਸਰਕਾਰ ਦੇ ਇਸ ਮਹੱਤਵਪੂਰਨ ਸੰਦੇਸ ਨੂੰ ਸਮਝਦਿਆਂ ਦੁਕਾਨਦਾਰਾ ਨੇ ਵੀ ਆਪਣੀਆਂ ਦੁਕਾਨਾਂ ਮੁਕੰਮਲ ਬੰਦ ਰੱਖੀਆਂ ਤੇ ਆਵਾਜਾਈ ਵੀ ਪੂਰੀ ਤਰਾਂ ਬੰਦ ਰਹੀ।ਸਵੇਰ ਸਮੇ ਹੀ ਸੜਕਾਂ ਤੇ ਛੰਨਾਟਾ ਵਿਖਾਈ ਦੇਣ ਲੱਗ ਪਿਆਂ ਜਿਸ ਕਾਰਨ ਮਨੱੁਖੀ ਜਨ ਜੀਵਨ ਠੱਪ ਹੋ ਕੇ ਰਹਿ ਗਿਆ, ਇਸ ਦੌਰਾਨ ਕੋਈ ਲੋੜਵੰਦ ਜਾ ਕੰਮਕਾਜੀ ਵਿਅਕਤੀ ਆ ਜਾ ਰਿਹਾਾ ਸੀ। ਬੇਸੱਕ ਅੱਜ ਦਾ ਇਹ ਜਨਤਾ ਕਰਫਿਊ ਲੋਕਾ ਦੇ ਹਿੱਤਾ ਖਾਤਿਰ ਹੀ ਸੀ ਪਰ ਇਸ ਕਾਰਨ ਰੋਜਮਰਾਂ ਦਿਹਾੜੀਦਾਰ ਕਾਮੇ ਤੇ ਮਜਦੂਰ ਵਰਗ ਦੇ ਲੋਕ ਭਾਰੀ ਪ੍ਰੇਸਾਨੀ ਦੇ ਆਲਮ ਵਿੱਚ ਵੇਖਣ ਨੂੰ ਮਿਲੇ ਜਿੰਨਾ ਦਾ ਅੱਜ ਕੰਮਕਾਜ ਠੱਪ ਹੋ ਕੇ ਰਹਿ ਗਿਆਂ।ਪੰਜਾਬ ਸਰਕਾਰ ਵੱਲੋ 31 ਮਾਰਚ ਤੱਕ ਪੰਜਾਬ ਬੰਦ ਕਰਨ ਦੇ ਲਏ ਫੈਸਲੇ ਨੂੰ ਕੇ ਮਜਦੂਰ ਵਰਗ ਵਿੱਚ ਭਾਰੀ ਨਿਰਾਸਾ ਵੇਖਣ ਨੂੰ ਮਿਲੀ ਜਿੰਨਾ ਦਾ ਇੱਕ ਦਿਨ ਦੀ ਬੰਦ ਕਾਲ ਨੇ ਹੀ ਬੁਰਾ ਹਾਲ ਕਰ ਦਿੱਤਾ ਪਰ 31 ਮਾਰਚ ਤੱਕ ਲੰਭਾ ਸਮਾ ਬਿਤਾਉਣਾ ਉਨਾ ਦੇ ਵੱਸ ਦਾ ਨਹੀ ਰਿਹਾ।ਸਾਮ ਸਮੇ ਦੁਕਾਨਾ ਮੁਕੰਮਲ ਬੰਦ ਹੋਣ ਕਾਰਨ ਲੋਕਾ ਨੂੰ ਦੱੁਧ,ਸਬਜੀਆਂ,ਦਾਲਾ ਆਦਿ ਜਰੂਰੀ ਵਸਤੂਆਂ ਲੈਣ ਦੀ ਦਿੱਕਣ ਸਤਾਉਣ ਲੱਗੀ ਜਿਸ ਕਾਰਨ ਲੋਕਾਂ ਵਿੱਚ ਇੱਕ ਤਰਾਂ ਦਾ ਹੜਕੱਪ ਹੀ ਮੱਚ ਗਿਆਂ।ਸਰਪੰਚ ਜਗਜੀਤ ਸਿੰਘ ਪਿੰਡ ਕਾਉਂਕੇ ਕਲਾਂ,ਸਰਪੰਚ ਦਰਸਨ ਸਿੰਘ ਬਿੱਲੂ ਪਿੰਡ ਡਾਗੀਆਂ, ਸਮਾਜ ਸੇਵੀ ਆਗੂ ਗੁਰਮੇਲ ਸਿੰਘ ਦੋਹਾ ਕਤਰ ਵਾਲੇ ਤੇ ਸਰਪੰਚ ਬੀਬੀ ਬਲਜਿੰਦਰ ਕੌਰ ਪਿੰਡ ਭੰਮੀਪੁਰਾ ਕਲਾਂ,ਸਰਪੰਚ ਬੀਬੀ ਜਸਵਿੰਦਰ ਕੌਰ ਪਿੰਡ ਡੱਲਾ ਵੱਲੋ ਅੱਜ ਆਪਣੇ ਆਪਣੇ ਪਿੰਡਾਂ ਵਿੱਚ ਲੋਕਾਂ ਵੱਲੋ ਇਸ ਜਨਤਾ ਕਰਫਿਊ ਦੇ ਮੱਦੇਨਜਰ ਦਿੱਤੇ ਸਮਰਥਨਾਂ ਦਾ ਸਵਾਗਤ ਕੀਤਾ।ਉਨਾ ਕਿਹਾ ਕਿ ਕੋਰੋਨਾ ਵਾਇਰਾਸ ਦੇ ਮੱਦੇਨਜਰ ਦੇਸ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋ ਅੱਜ ਜਨਤਾ ਕਰਫਿਊ ਲਾਉਣ ਦਾ ਜੋ ਕਦਮ ਚੱੁਕਿਆਂ ਗਿਆਂ ਹੈ ਉਸ ਦਾ ਇੱਕ ਜਿੰਮੇਵਾਰ ਨਾਗਰਿਕ ਹੋਣ ਦੇ ਨਾਤੇ ਸਾਨੂੰ ਆਪਣੇ ਸਾਰੇ ਦੇਸ ਵਾਸੀਆਂ ਦੀ ਸੁਰੱਖਿਆਂ ਲਈ ਨਿਰਧਾਰਤ ਨਿਯਮਾ ਦੀ ਪਾਲਣਾ ਕਰਨ ਦੀ ਲੋੜ ਸੀ।ਉਨਾ ਕਿਹਾ ਕਿ ਇਸ ਮਹਾਮਾਰੀ ਤੋ ਘਬਰਾਉਣ ਦੀ ਥਾਂ ਸੁਚੇਤ ਹੋਣ ਦੀ ਲੋੜ ਹੈ ਜਿਸ ਤਾਹਿਤ ਸਾਨੂੰ ਵੱਧ ਤੋ ਵੱਧ ਘਰ ਰਹਿਣ ਚਾਹੀਦਾ ਹੈ,ਘੱਟ ਬਾਹਰ ਨਿਕਲਣਾ ਚਾਹੀਦਾ ,ਭੀੜ ਭੜੱਕੇ ਵੱਲੀ ਥਾਂ ਤੇ ਜਾਣ ਤੋ ਗੁਰੇਜ ਕਰਨ,ਮੂੰਹ ਉਪਰ ਮਾਸਕ ਲਾ ਕੇ ਰੱਖਣ,ਵਾਰ ਵਾਰ ਸਾਬਣ ਨਾਲ ਹੱਥ ਧੋਣ,ਹੱਥਾਂ ਉਪਰ ਸੈਨੇਟਾਈਜਰ ਲਾਉਣ ਤੇ ਵਾਇਰਸਗ੍ਰਸਤ ਵਿਅਕਤੀ ਤੋ ਦੂਰ ਰਹਿਣ ਦੇ ਨਿਰਦੇਸਾ ਦਾ ਸਹੀ ਪਾਲਣ ਕਰਕੇ ਇਸ ਮਹਾਮਾਰੀ ਦਾ ਡਟ ਕੇ ਮੁਕਾਬਲਾ ਕੀਤਾ ਜਾ ਸਕਦਾ ਹੈ।

ਜਗਰਾਓਂ/ਲੁਧਿਆਣਾ,ਮਾਰਚ 2020-( ਮਨਜਿੰਦਰ ਗਿੱਲ )-

ਜਗਰਾਓਂ ਵਿਖੇ ਕੋਰੋਨਾ ਵਾਇਰਸ ਦਾ ਕਹਿਰ ਹੈਂਡ ਸੈਨੀਟਾਈਜ਼ਰ ਅਤੇ ਮਾਸਕ ਵੇਚਣ ਵਾਲੇ ਦੁਕਾਨਦਾਰਾਂ ਲਈ ਲਾਹੇਵੰਦ ਸਾਬਤ ਹੋ ਰਿਹਾ ਹੈ। ਦੋਵਾਂ ਦੀ ਕਾਲਾ ਬਾਜ਼ਾਰੀ ਰਾਹੀ ਦੁਕਾਨਦਾਰ 400 ਗੁਣਾ ਵੱਧ ਰੇਟ ਵਸੂਲ ਕੇ ਮੋਟਾ ਮੁਨਾਫਾ ਕਮਾ ਰਹੇ ਹਨ। ਇਕ ਹੋਲਸੇਲਰ ਵੱਲੋਂ ਪਿਛਲੇ ਕਈ ਦਿਨਾਂ ਤੋਂ ਮਾਸਕ ਅਤੇ ਸੈਨੀਟਾਈਜ਼ਰ ਦੀ ਵੱਡੀ ਕਾਲਾ ਬਾਜ਼ਾਰੀ ਦਾ ਮਾਮਲਾ ਸਾਹਮਣੇ ਆਇਆ। ਇਸ ਚਰਚਿਤ ਹੋਲਸੇਲਰ ਕੈਮਿਸਟ ਦੁਕਾਨਦਾਰ ਦੀ ਉਚੀ ਪਹੁੰਚ ਦੇ ਬਾਵਜੂਦ ਪ੍ਰਸ਼ਾਸਨ ਨੇ ਕਾਰਵਾਈ ਲਈ ਕਮਰ ਕਸੀ। ਜਗਰਾਓਂ ਦੇ ਕਈ ਕੈਮਿਸਟ ਦੁਕਾਨਦਾਰਾਂ ਦੀ ਇਸ ਅੰਨੀ ਲੁੱਟ ਦੀ ਲੋਕਾਂ ਵੱਲੋਂ ਜਦੋਂ ਸ਼ਿਕਾਇਤਾਂ ਕੀਤੀਆਂ ਗਈਆਂ ਤਾਂ ਐੱਸ ਡੀ ਐੱਮ ਡਾ. ਬਲਜਿੰਦਰ ਸਿੰਘ ਢਿੱਲੋਂ ਅਤੇ ਤਹਿਸੀਲਦਾਰ ਮਨਮੋਹਨ ਕੁਮਾਰ ਕੌਸ਼ਿਕ, ਨਾਇਬ ਤਹਿਸੀਲਦਾਰ ਵਿਕਾਸ ਦੀਪ ਖੁਦ ਚੈਕਿੰਗ ਲਈ ਸੜਕਾਂ 'ਤੇ ਉਤਰ ਆਏ, ਜਿਸ 'ਤੇ ਥਾਣਾ ਸਿਟੀ ਦੇ ਮੁਖੀ ਇੰਸਪੈਕਟਰ ਜਗਜੀਤ ਸਿੰਘ ਵੀ ਜਾ ਪੁੱਜੇ। ਉਨ੍ਹਾਂ ਸਥਾਨਕ ਝਾਂਸੀ ਚੌਂਕ, ਰਾਏਕੋਟ ਰੋਡ ਅਤੇ ਰੇਲਵੇ ਰੋਡ ਸਮੇਤ ਹੋਰ ਬਾਜ਼ਾਰਾਂ ਵਿਚ ਕੈਮਿਸਟ ਦੀਆਂ ਦੁਕਾਨਾਂ 'ਤੇ ਚੈਕਿੰਗ ਕੀਤੀ। ਇਸ ਦੌਰਾਨ ਸਥਾਨਕ ਰੇਲਵੇ ਰੋਡ 'ਤੇ ਇਕ ਹੋਲਸੇਲਰ ਵੱਲੋਂ ਸ਼ਰੇਆਮ ਲੋਕਾਂ ਨੂੰ ਮਾਸਕ ਅਤੇ ਹੈਂਡ ਸੈਨੀਟਾਈਜਰ ਕਈ ਗੁਣਾ ਵੱਧ ਵੇਚਣ ਦਾ ਮਾਮਲਾ ਸਾਹਮਣੇ ਆਇਆ, ਜਿਸ 'ਤੇ ਐੱਸ ਡੀ ਐੱਮ ਅਤੇ ਤਹਿਸੀਲਦਾਰ ਉਕਤ ਦੁਕਾਨਦਾਰ ਦਾ ਸਾਰਾ ਰਿਕਾਰਡ ਫਰੋਲਿਆ ਅਤੇ ਕਾਲਾ ਬਾਜ਼ਾਰੀ ਦਾ ਮਾਮਲਾ ਸਾਹਮਣੇ ਆਉਣ 'ਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਨੇ ਰਿਕਾਰਡ ਵੀ ਆਪਣੇ ਮੋਬਾਈਲ ਵਿਚ ਕੈਦ ਕਰ ਲਿਆ। ਸੂਤਰਾਂ ਅਨੁਸਾਰ ਉਕਤ ਦੁਕਾਨਦਾਰ ਜੋ ਕਿ ਹੋਲਸੇਲਰ ਹੈ, ਉਹ ਰੇਟਲਰਾਂ ਨੂੰ ਹੀ ਕਈ ਸੋ ਗੁਣਾਂ ਵੱਧ ਰੇਟ ਤੇ ਮਾਸਕ ਅਤੇ ਹੈਂਡ ਸੈਨੀਟਾਈਜਰ ਸਪਲਾਈ ਕਰ ਰਿਹਾ ਸੀ, ਜਿਸ ਕਰਕੇ ਛੋਟੇ ਕੇਮਿਸਟ ਦੁਕਾਨਦਾਰ ਉਸ ਨੂੰ ਹੋਰ ਮਹਿੰਗੇ ਭਾਅ ਵੇਚਣ ਲਈ ਮਜ਼ਬੂਰ ਸਨ। ਪ੍ਰਸ਼ਾਸਨ ਦੀ ਅੱਜ ਦੀ ਛਾਪਾਮਾਰੀ ਨੇ ਕਾਲਾ ਬਾਜ਼ਾਰ ਵਾਲਿਆਂ ਨੂੰ ਭਾਜੜਾਂ ਪਾ ਦਿੱਤੀਆਂ। ਐੱਸ ਡੀ ਐੱਮ ਡਾ. ਬਲਜਿੰਦਰ ਸਿੰਘ ਢਿੱਲੋਂ ਨੇ ਕਿਹਾ ਕਿ ਉਕਤ ਮਾਮਲੇ ਵਿਚ ਜਾਂਚ ਤਹਿਸੀਲਦਾਰ ਵੱਲੋਂ ਕੀਤੀ ਜਾ ਰਹੀ ਹੈ। ਇਸ ਤੋਂ ਬਾਅਦ ਉਕਤ ਦੁਕਾਨਦਾਰ ਖਿਲਾਫ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।

150 ਵਾਲੇ ਸੈਨੀਟਾਈਜ਼ਰ ਦੇ ਵਸੂਲੇ ਜਾ ਰਹੇ 290

ਅੱਜ ਦੀ ਚੈਕਿੰਗ ਦੌਰਾਨ ਇੱਕ ਹੋਲਸੇਲਰ ਵੱਲੋਂ 150 ਰੁਪਏ ਵਾਲਾ ਸੈਨੀਟਾਈਜ਼ਰ ਸ਼ਰੇਆਮ 290 ਰੁਪਏ ਦਾ ਵੇਚਿਆ ਜਾ ਰਿਹਾ ਸੀ। ਇਹੀ ਨਹੀਂ 10 ਰੁਪਏ ਵਾਲੇ ਮਾਸਕ ਦੇ 40 ਰੁਪਏ ਵਸੂਲ ਕੇ ਅੰਨੀ ਲੁੱਟ ਕੀਤੀ ਜਾ ਰਹੀ ਸੀ। ਇਸ ਤੇ ਕਾਰਵਾਈ ਦੇ ਨਾਲ ਨਾਲ ਮੌਕੇ 'ਤੇ ਐਸਡੀਐਮ ਡਾ. ਢਿੱਲੋਂ ਅਤੇ ਕੌਸ਼ਿਕ ਨੇ ਉਕਤ ਦੁਕਾਨਦਾਰ ਦੇ ਬਾਹਰ ਰੇਟ ਲਿਸਟ ਲਗਵਾਈ।

ਜਦੋਂ 'ਸਾਬ੍ਹ' ਤੋਂ ਕੀਤੀ ਕਾਲਾਬਾਜ਼ਾਰੀ

ਅੱਜ ਦੀ ਚੈਕਿੰਗ ਮੁਹਿੰਮ ਦੌਰਾਨ ਤਹਿਸੀਲਦਾਰ ਮਨਮੋਹਨ ਕੌਸ਼ਿਕ ਜਿਉਂ ਹੀ ਸਥਾਨਕ ਰੇਲਵੇ ਰੋਡ 'ਤੇ ਚਰਚਿਤ ਹੋਲਸੇਲਰ ਦੁਕਾਨਦਾਰ ਦੇ ਸਟਾਫ਼ ਤੋਂ ਸੈਨੀਟਾਈਜ਼ਰ ਮੰਗਿਆ ਤਾਂ ਉਨ੍ਹਾਂ ਤੋਂ ਸਟਾਫ਼ ਵੱਲੋਂ ਦੱੁਗਣਾ ਭਾਅ ਮੰਗਿਆ ਤਾਂ ਉਹ ਵੀ ਹੈਰਾਨ ਹੋ ਗਏ । ਇਸ ਤੇ ਉਨ੍ਹਾਂ ਆਪਣੀ ਪਹਿਚਾਣ ਦੱਸਦਿਆਂ ਚੈਕਿੰਗ ਸ਼ੁਰੂ ਕਰ ਦਿੱਤੀ। ਕਈ ਘੰਟੇ ਚੱਲੀ ਇਸ ਚੈਕਿੰਗ ਦੌਰਾਨ ਵੱਡੀ ਕਾਲਾ ਬਾਜ਼ਾਰੀ ਦਾ ਮਾਮਲਾ ਸਾਹਮਣੇ ਆਇਆ।

'ਸਾਬ੍ਹਾਂ' ਦੀ ਚੈਕਿੰਗ, ਲੋਕਾਂ ਦੀਆਂ ਮੌਜਾਂ

ਐੱਸ ਡੀ ਐੱਮ, ਤਹਿਸੀਲਦਾਰ ਅਤੇ ਐਸ ਐਚ ਓ ਦੀ ਚੈਕਿੰਗ ਦੌਰਾਨ ਮੈਡੀਕਲ ਸਟੋਰਾਂ 'ਤੇ ਮਾਸਕ ਅਤੇ ਸੈਨੀਟਾਈਜਰ ਖ੍ਰੀਦਣ ਆਉਂਦੇ ਗਾਹਕਾਂ ਦੀ ਕੁਝ ਸਮੇਂ ਲਈ ਮੌਜਾਂ ਲੱਗ ਗਈਆਂ। ਕਿਉਂਕਿ ਟੀਮ ਤੋਂ ਡਰਦਿਆਂ ਇਨ੍ਹਾਂ ਦੁਕਾਨਦਾਰਾਂ ਵੱਲੋਂ ਤੈਅ ਕੀਮਤ ਹੀ ਵਸੂਲਣੀ ਪਈ।

ਜਗਰਾਉਂ, ਲੁਧਿਆਣਾ,ਮਾਰਚ 2020-( ਮਨਜਿੰਦਰ ਗਿੱਲ )-

ਨੋਬਲ ਕਰੋਨਾ ਵਾਇਰਸ ( ਕੋਵਿਡ-19) ਦੇ ਫੈਲਣ ਅਤੇ ਬਚਾਅ ਸਬੰਧੀ ਐਸ਼ਡੀਐਮ ਡਾ. ਬਲਜਿੰਦਰ ਸਿੰਘ ਢਿਲੋ ਦੀ ਅਗਵਾਈ ਵਿੱਚ ਜਗਰਾਓਂ ਪ੍ਰਸਾਸ਼ਨ ਵੱਲੋਂ ਖੁਦਾ- ਨਾ-ਖਾਸਤਾ ਇਸ ਵਾਇਰਸ ਨਾਲ ਲੋਕ ਪੀੜਤ ਹੁੰਦੇ ਹਨ ਤਾਂ ਉਨ੍ਹਾਂ ਨੂੰ ਦੇ ਇਲਾਜ ਅਤੇ ਉਨ੍ਹਾਂ ਨੂੰ ਰੱਖਣ ਲਈ ਜਗਰਾਓਂ ਹਲਕੇ ਦੇ ਸਿਧਵਾਬੇਟ , ਹਠੂਰ ਅਤੇ ਜਗਰਾਓਂ ਸ਼ਹਿਰ 'ਚ ਵੱਖ-ਵੱਖ ਥਾਵਾਂ ਦੀ ਚੋਣ ਕਰ ਲਈ ਗਈ ਹੈ। ਤਹਿਸੀਲਦਾਰ ਮਨਮੋਹਨ ਕੋਸ਼ਿਕ ਦੀ ਅਗਵਾਈ ਵਿੱਚ ਪ੍ਰਸਾਸ਼ਨਿਕ ਅਧਿਕਾਰੀਆਂ ਵੱਲੋਂ ਤੈਅ ਕੀਤੀਆਂ ਗਈਆਂ ਥਾਵਾਂ ਦਾ ਦੌਰਾ ਕੀਤਾ ਗਿਆ ਅਤੇ ਉਨ੍ਹਾਂ ਵਿੱਚ ਵਾਇਰਸ ਪੀੜਤਾਂ ਨੂੰ ਰੱਖਣ ਲਈ ਕੀਤੇ ਜਾਣ ਵਾਲੇ ਪ੍ਰਬੰਧਾਂ ਸਬੰਧੀ ਨਿਰਦੇਸ਼ ਦਿੱਤੇ ਗਏ। ਐਸਡੀਐਮ ਡਾ. ਢਿਲੋ ਅਨੁਸਾਰ ਜਗਰਾਓਂ ਵਿਖੇ ਸਿਵਲ ਹਸਪਤਾਲ ਜਗਰਾਓਂ , ਕਮਿਊਨਿਟੀ ਸੈਟਰ ਪੁਰਾਣਾ ਅੱਡਾ ਰਾਏਕੋਟ ਜਗਰਾਓਂ, ਮੁੜ ਵਸੇਵਾ ਕੇਂਦਰ ਜਗਰਾਓਂ ਅਤੇ ਪੁਰਾਣੀ ਦਾਨਾ ਮੰਡੀ ਧਰਮਸ਼ਾਲਾ 'ਤੋਂ ਇਲਾਵਾ ਸੀ ਟੀ ਯੂਨੀਵਰਸਿਟੀ ਚੋਕੀਮਾਨ, ਸਿਧਵਾਬੇਟ ਵਿਖੇ ਸਿਵਲ ਹਸਪਤਾਲ ਸਿਧਵਾਬੇਟ, ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਲੜਕੇ ਅਤੇ ਐਨਐਸ ਵਿਰਦੀ ਹਸਪਤਾਲ ਗਿਦੜਵਿੰਡੀ ਅਤੇ ਹਠੂਰ ਵਿਖੇ ਸਿਵਲ ਹਸਪਤਾਲ ਤੈਅ ਕੀਤਾ ਗਿਆ ਹੈ। ਕਿਸੇ ਵੀ ਤਰਾਂ ਦੀ ਵਾਇਰਸ ਫੈਲਣ ਮੌਕੇ ਇਨ੍ਹਾਂ ਥਾਵਾਂ 'ਤੇ ਪੀੜਤਾਂ ਨੂੰ ਮੈਡੀਕਲ ਸਹੂਲਤਾਂ ਸਮੇਤ ਠਹਿਰਾਇਆ ਜਾਵੇਗਾ।
ਦੁਕਾਨਦਾਰ ਦੁਕਾਨਾਂ ਬਾਹਰ ਲਗਾਉਣ ਰੇਟ ਲਿਸਟ
ਸ਼ਨੀਵਾਰ ਨੂੰ ਜਗਰਾਓਂ ਪ੍ਰਸ਼ਾਸਨ ਵੱਲੋਂ ਰਾਸ਼ਨ ਅਤੇ ਕੈਮਿਸਟ ਸਾਪ ਮਾਲਕਾਂ ਨੂੰ ਹਦਾਇਤ ਕੀਤੀ ਗਈ ਹੈ ਕਿ ਉਹ ਸਮਾਨ ਖਾਸਕਰ ਮਾਸਕ , ਹੈਡ ਸੈਨੀਟਈਜਰ , ਸਾਬਣ, ਆਟਾ , ਦਾਲ ਅਤੇ ਹੋਰ ਸਮਾਨ ਦੀ ਰੇਟ ਸੂਚੀ ਸਟੋਰਾਂ ਅਤੇ ਦੁਕਾਨਾਂ ਦੇ ਬਾਹਰ ਲਗਾਉਣ, ਨਾਲ ਹੀ ਹਦਾਇਤ ਕੀਤੀ ਗਈ ਕਿ ਇਨ੍ਹਾਂ ਦੀ ਕਾਲਾ ਬਜਾਰੀ ਕਰਨ ਵਾਲਿਆ ਖਿਲਾਫ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
ਚੈਕਿੰਗ ਦੌਰਾਨ ਸਕੂਲਾਂ 'ਚ ਕੰਮ ਕਰ ਰਿਹਾ ਸੀ ਸਟਾਫ
ਤਹਿਸੀਲਦਾਰ ਮਨਮੋਹਨ ਕੋਸ਼ਿਕ ਦੀ ਅਗਵਾਈ ਵਿੱਚ ਅੱਜ ਟੀਮ ਨੇ ਜਗਰਾਓਂ ਦੇ ਅਨੁਵਰਤ ਸਕੂਲ , ਤਾਰਾ ਦੇਵੀ ਸਕੂਲ, ਰੂਪ ਵਾਟੀਕਾ ਸਕੂਲ , ਵਰਿਆਮ ਸਿੰਘ ਮੈਮੋਰੀਅਲ ਸਕੂਲ 'ਚ ਅਚਾਨਕ ਚੈਕਿੰਗ ਕੀਤੀ, ਇਸ ਚੈਕਿੰਗ ਦੌਰਾਨ ਅਨੁਵਰਤ ਅਤੇ ਤਾਰਾ ਦੇਵੀ ਸਕੂਲਾਂ ਵਿੱਚ ਸਟਾਫ ਕੰਮ ਕਰਦਾ ਮਿਲਿਆ, ਜਿਸ 'ਤੇ ਸਟਾਫ ਦਾ ਕੰਮ ਬੰਦ ਕਰਵਾਇਆ ਅਤੇ ਪ੍ਰਬੰਧਕਾਂ ਨੂੰ ਅਗਲੀ ਵਾਰ ਅਜਿਹਾ ਪਾਏ ਜਾਣ 'ਤੇ ਕਾਰਵਾਈ ਦੀ ਚੇਤਾਵਨੀ ਦਿੱਤੀ।