ਲੁਧਿਆਣਾ

‘ਕਰੋਨਾ ਵਾਇਰਸ’ ਦੇ ਮੱਦੇਨਜ਼ਰ ਮਾਣਯੋਗ ਸੁਪਰੀਮ ਕੋਰਟ ਨੇ ਦਿੱਤੇ ਸੀ ਅਹਿਮ ਨਿਰਦੇਸ਼

ਜਗਰਾਓ 29 ਮਾਰਚ (ਇਕਬਾਲ ਸਿੰਘ ਰਸੂਲਪੁਰ) ਮਾਣਯੋਗ ਉੱਚ ਅਦਾਲ਼ਤ ਦੀਆਂ ਹਦਾਇਤਾਂ ਅਨੁਸਾਰ ਪੰਜਾਬ ਰਾਜ ਦੀਆਂ ਜ਼ੇਲਾਂ ‘ਚ ਬੰਦ ਹਵਾਲ਼ਾਤੀਆਂ/ਕੈਦੀਆਂ ਨੂੰ ਪੈਰੋਲ਼/ਅੰਤ੍ਰਮ ਜ਼ਮਾਨਤ ‘ਤੇ ਰਿਹਾਅ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਫਿਰੋਜ਼ਪੁਰ ਜੇਲ਼ ‘ਚ ਬੰਦ 18 ਕੈਦੀਆਂ ਅਤੇ 46 ਹਵਾਲਾਤੀਆਂ ਸਮੇਤ ਕੁੱਲ 64 ਬੰਦੀਆਂ ਨੂੰ ਪੈਰੋਲ਼/ਅੰਤ੍ਰਮ ‘ਤੇ ਰਿਹਾਅ ਕੀਤਾ ਗਿਆ ਹੈ। ਜੇਲ੍ਹ ਅਧਿਕਾਰੀਆਂ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਕੇਂਦਰੀ ਜੇਲ਼੍ਹ ਲੁਧਿਆਣਾ ਸਮੇਤ ਰਾਜ ਦੀਆਂ ਹੋਰ ਜੇਲ੍ਹਾਂ ਵਿਚੋਂ ਵੀ ਬੰਦੀ ਪੈਰੋਲ਼/ਅੰਤ੍ਰਮ ‘ਤੇ ਰਿਹਾਅ ਕੀਤੇ ਜਾ ਰਹੇ ਹਨ। ਇਸ ਸਬੰਧੀ ਮਾਣਯੋਗ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੇ ਐਡਵੋਕੇਟ ਸਤਿੰਦਰਪਾਲ ਸਿੰਘ ਧਾਲੀਵਾਲ ਦੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਮਾਣਯੋਗ ਉੱਚ ਅਦਾਲ਼ਤ ਨੇ ਦੇਸ਼ ਵਿਚ ਫੈਲ ਰਹੀ ‘ਕਰੋਨਾ ਵਾਇਰਸ’ ਬਿਮਾਰੀ ਦੇ ਫੈਲਾਅ ਦੀ ਰੋਕਥਾਮ ਨੂੰ ਮੁੱਖ ਰੱਖਦਿਆਂ ਭਾਰਤੀ ਜੇਲ਼ਾਂ ਵਿਚ ਬੰਦ 07 ਸਾਲ ਤੋਂ ਘੱਟ ਸਜ਼ਾ੍ਹ ਵਾਲੇ ਬੰਦੀਆਂ ਨੂੰ ‘ਪਰਸਨਲ਼ ਬੌਂਡ’ ਭਰਵਾ ਕੇ ਪੈਰੋਲ਼/ਅੰਤ੍ਰਮ ‘ਤੇ ਰਿਹਾਅ ਕਰਨ ਦੇ ਨਿਰਦੇਸ਼ ਜਾਰੀ ਕੀਤੇ ਸਨ। ਜਾਰੀ ਹਦਾਇਤਾਂ ;ਚ ਕਿਹਾ ਗਿਆ ਹੈ ਕਿ ਬੰਦੀਆਂ ਦੀ ਰਿਹਾਈ ਲਈ ਰਾਜ ਅਤੇ ਜਿਲ੍ਹਾ ਪੱਧਰ ‘ਤੇ ਨਿਗਰਾਨ ਕਮੇਟੀਆਂ ਬਣਾ ਕੇ ਯੋਗ ਬੰਦੀਆਂ ਨੂੰ ਰਿਹਾਅ ਕੀਤਾ ਜਾਵੇ ਤਾਂ ਕਿ ਜੇਲ਼ਾਂ੍ਹ ਵਿਚਲੀ ਭੀੜ੍ਹ ਨੂੰ ਘਟਾਇਆ ਜਾ ਸਕੇ ਅਤੇ ‘ਕਰੋਨਾ ਵਾਇਰਸ’ ਦੇ ਫੈਲਾਅ ਨੂੰ ਰੋਕਣ ਵਿਚ ਮੱਦਦ ਮਿਲ ਸਕੇ। ਹਦਾਇਤਾਂ ;ਚ ਇਹ ਵੀ ਕਿਹਾ ਗਿਆ ਹੈ ਕਿ ਵੈਸੇ ਤਾਂ ਕੈਦੀਆਂ ਜਾਂ ਹਵਾਲਾਤੀਆਂ ਦੀ ਬੈਰਕਾਂ ਵਿਚ ਰੁਟੀਨ ਦੀ ਅਦਲਾ-ਬਦਲੀ ਹੁਣ ਨਾ ਕੀਤੀ ਜਾਵੇ ਪਰ ਜੇਕਰ ਕੋਈ ਬਿਮਾਰ ਬੰਦੀ ਹੈ ਤਾਂ ਉਸ ਨੂੰ ਵੱਖਰੇ ਤੌਰ ‘ਤੇ ਤੁਰੰਤ ਇਲਾਜ਼ ਅਧੀਨ ਲਿਜ਼ਾਇਆ ਜਾਂ ਰੱਖਿਆ ਜਾਵੇ। ਇਸ ਤੋਂ ਬਿਨਾਂ੍ਹ ਹਵਾਲਾਤੀਆਂ ਦੀਆਂ ਰੁਟੀਨ ਦੀਆਂ ਅਦਾਲਤੀ ਪੇਸ਼ੀਆਂ ਨੂੰ ਵੀ ਰੋਕਣ ਅਤੇ ਜਰੂਰੀ ਹਾਲ਼ਤ ‘ਚ ਵੀਡੀਓ ਕਾਨਫਰੰਸ ਰਾਹੀ ਹੀ ਪੇਸ਼ੀ ਭੁਗਤਾਉਣ ਲਈ ਕਿਹਾ ਗਿਆ ਹੈ। ਮਾਣਯੋਗ ਉੱਚ ਅਦਾਲ਼ਤ ਨੇ ਹਦਾਇਤਾਂ ਨੂੰ ਜੇਲ਼੍ਹਾਂ ਦੇ ਕੈਦੀਆਂ ਤੇ ਹਵਾਲਾਤੀਆਂ ਸਮੇਤ ਥਾਣਿਆਂ ਦੇ ਰਿਮਾਂਡ ਅਧੀਨ ਹਵਾਲਾਤੀਆਂ ‘ਤੇ ਲਾਗੂ ਕਰਵਾਉਣ ਲਈ ਰਾਜ਼ ਪੱਧਰੀ ਇਕ ਕਮੇਟੀ ਬਣਾਉਣ ਦੇ ਅਦੇਸ਼ ਵੀ ਦਿੱਤੇ ਸਨ। ਐਡਵੋਕੇਟ ਸਿੰਘ ਨੇ ਦੱਸਿਆ ਕਿ ਇਨਾਂ ਹੁਕਮਾਂ ਨੂੰ ਲਾਗੂ ਕਰਵਾਉਣ ਲਈ 25 ਮਾਰਚ ਨੂੰ ਮਾਣਯੋਗ ਪੰਜਾਬ ਰਾਜ ਦੇ ਪ੍ਰਮੁੱਖ ਸਕੱਤਰ ਜੇਲਾਂ੍ਹ ਸ੍ਰੀ ਪ੍ਰਵੀਨ ਸਿੰਹਾਂ, ਵਧੀਕ ਡੀ.ਜੀ.ਪੀ. ਜੇਲ੍ਹਾਂ ਅਤੇ ਜਸਟਿਸ ਆਰ.ਕੇ. ਜੈਨ ਚੇਅਰਮੈਨ, ਪੰਜਾਬ ਰਾਜ ਕਾਨੂੰਨੀ ਸਰਵਿਸ ਅਥਾਰਟੀ ਦੀ ਵਿਸੇਸ਼ ਮੀਟਿੰਗ ਹੋ ਚੁੱਕੀ ਹੈ।

ਕਿਸ-ਕਿਸ ਨੂੰ ਕੀਤਾ ਜਾ ਸਕਦਾ ਰਿਹਾਅ?

ਐਡਵੋਕੇਟ ਸਤਿੰਦਰਪਾਲ ਸਿੰਘ ਧਾਲੀਵਾਲ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਮਾਣਯੋਗ ਉੱਚ ਅਦਾਲ਼ਤ ਦੀਆਂ ਹਦਾਇਤਾਂ ਅਨੁਸਾਰ ਪੰਜਾਬ ਰਾਜ ਦੀਆਂ ਜ਼ੇਲਾਂ ‘ਚ ਬੰਦ 07 ਸਾਲ ਤੋਂ ਘੱਟ ਸਜ਼੍ਹਾ ਵਾਲੇ ਕੈਦੀਆਂ ਨੂੰ ਪੈਰੋਲ਼/ਅੰਤ੍ਰਮ ਜ਼ਮਾਨਤ ‘ਤੇ ਰਿਹਾਅ ਕੀਤਾ ਜਾ ਸਕਦਾ ਹੈ। ਇਸ ਇਲਾਵਾ 10 ਸਾਲ ਦੀ ਸਜ਼੍ਹਾ ਵਾਲੇ ਗੰਭੀਰ ਬਿਮਾਰੀਆਂ ਜਿਵੇਂ ਕਿ ਗਰਭਵਤੀ ਔਰਤਾਂ, ਦਿਲ਼, ਫੇਫੜੇ, ਸ਼ੂਗਰ, ਅਸਥਮਾ ਜਾਂ ਦਿਮਾਗੀ ਰੋਗਾਂ ਤੇ ਐਚ.ਆਈ.ਵੀ. ਤੋਂ ਪੀੜਤ ਜਾਂ ਫਿਰ 65 ਸਾਲ ਤੋਂ ਵਧੇਰੇ ਉਮਰ ਵਾਲੇ ਕੈਦੀ ਵੀ ਪੈਰੋਲ਼/ਅੰਤ੍ਰਮ ਜ਼ਮਾਨਤ ‘ਤੇ ਰਿਹਾਅ ਕੀਤੇ ਜਾ ਸਕਦੇ ਹਨ। ਇਸ ਦੇ ਨਾਲ-ਨਾਲ 07 ਸਾਲ਼ ਤੋਂ ਘੱਟ ਸਜ਼੍ਹਾ ਵਾਲੇ ਹਵਾਲਾਤੀਆਂ ਨੂੰ ਵੀ ‘ਪਰਸਨਲ਼ ਬੌਂਡ’ ‘ਤੇ ਪੈਰੋਲ਼/ਅੰਤ੍ਰਮ ਜ਼ਮਾਨਤ ‘ਤੇ ਰਿਹਾਅ ਕੀਤਾ ਜਾ ਸਕਦਾ ਹੈ। ਹਦਾਇਤਾਂ ਅਨੁਸਾਰ ਗੰਭੀਰ ਜ਼ੁਰਮ ਜਿਵੇਂ ਕਿ ਕਤਲ਼, ਬਲਾਤਕਾਰ, ਇਰਾਦਾ ਏ ਕਤਲ਼, ਦੇਸ਼ ਧ੍ਰੋਹੀਆਂ, ਪੋਸਕੋ ਅਧੀਨ ਬੰਦ ਕੈਦੀਆਂ ਜਾਂ ਹਵਾਲਾਤੀਆਂ ਨੂੰ ਰਿਹਾਅ ਨਹੀਂ ਕੀਤਾ ਜਾ ਸਕਦਾ।

ਬੱਧਨੀ ਕਲਾਂ- ਮਾਰਚ 2020-(ਗੁਰਸੇਵਕ ਸਿੰਘ ਸੋਹੀ)- ਡੇਰਾ ਬਾਗ਼ ਵਾਲਾ ਦੇ ਮੁੱਖ ਸੇਵਾਦਾਰ ਮਹੰਤ ਕਰਮਦਾਸ ਜੀ ਦੇ ਉਪਰਾਲੇ ਸਦਕਾ ਕਰੋਨਾ ਵਾਈਰਸ ਦੇ ਮੱਦੇ ਨਜ਼ਰ ਲਾਏ ਕਰਫਿਊ ਨੂੰ ਦੇਖਦਿਆਂ ਲਗਾਤਾਰ ਪਿੰਡ ਹਠੂਰ, ਬਿਲਾਸਪੁਰ, ਲੱਖਾ, ਅਤੇ ਹੋਰ ਥਾਵਾਂ ਤੇ ਜਾ ਕੇ ਝੁੱਗੀਆਂ ਝੌਪੜੀਆਂ ਵਾਲਿਆ ਨੂੰ ਲੰਗਰ ਦੀ ਸੇਵਾ ਕੀਤੀ ਜਾ ਰਹੀ ਹੈ। ਇਸ ਮੌਕੇ ਬੋਲਦਿਆ ਮਹੰਤ ਕਰਮ ਦਾਸ ਜੀ ਅਤੇ ਗ੍ਰੰਥੀ ਕੁਲਬਿੰਦਰ ਸਿੰਘ ਨੇ ਕਿਹਾ ਕਿ ਕਰੋਨਾ ਵਾਇਰਸ ਦੇ ਕਾਰਨ ਪੂਰੇ ਭਾਰਤ ਵਿਚ ਲਾਕਡਾਊਨ ਕੀਤਾ ਤੇ ਪੰਜਾਬ ਅੰਦਰ ਕਰਫੂ ਲਾਇਆ ਗਿਆ ਜਿਸ ਨੂੰ ਲੈ ਕੇ ਲੋੜਵੰਦ ਗਰੀਬ ਝੁੱਗੀਆਂ ਝੋਪੜੀਆਂ ਵਾਲੇ ਇੱਕ ਡੰਗ ਦੀ ਰੋਟੀ ਤੋਂ ਮੁਥਾਜ ਹੋ ਗਏ ਸਨ ਇਸ ਡੇਰੇ ਦੀ ਕਮੇਟੀ ਪਿੰਡ ਅਤੇ ਐਨ, ਆਰ, ਆਈ ਵੀਰਾਂ ਦੇ ਸਹਿਯੋਗ ਨਾਲ ਲੰਗਰ ਦੀ ਸੇਵਾ ਕੀਤੀ ਜਾ ਰਹੀ ਹੈ। ਹਰਪ੍ਰੀਤ ਸਿੰਘ ਵੱਲੋਂ ਗਿਆਰਾਂ ਹਜ਼ਾਰ ਲੰਗਰ ਦੀ ਸੇਵਾ ਲਈ ਦਿੱਤਾ ਗਿਆ। ਜਿਸ ਦਿਨ ਤੱਕ ਕਰਫੂ ਰਹੇਗਾ ਲੰਗਰ ਦੀ ਸੇਵਾ ਡੇਰੇ ਵੱਲੋਂ ਕੀਤੀ ਜਾਵੇਗੀ ਅਤੇ ਨਾਲ- ਨਾਲ ਮਹੰਤ ਕਰਮਦਾਸ ਜੀ ਆਪਣੀ ਬਣਾਈ ਹੋਈ ਗਊਸ਼ਾਲਾ ਵਿੱਚ ਗਊਆਂ ਦੀ ਸੇਵਾ ਵੀ ਕਰਦੇ ਨੇ ਇਸ ਸਮੇਂ ਉਨਾ ਨਾਲ ਸੇਵਾਦਾਰ ਕਰਮਜੀਤ ਸਿੰਘ, ਗੋਰਾ ਸਿੰਘ, ਮਿੰਟੂ ਗਿਆਨੀ, ਹਰੀ ਸਿੰਘ, ਬਿੰਦਰ ਸਿੰਘ ਆਦਿ।

ਸਿਧਵਾਂ ਬੇਟ(ਜਸਮੇਲ ਗਾਲਿਬ)ਕੋਰੋਨਾ ਵਾਇਰਸ ਦੀ ਭਿਆਨਕ ਤੋ ਬਚਾਉਣ ਲਈ ਪਿੰਡ ਬੰਗਸੀਪੁਰਾ ਵਿਖੇ ਨੌਜਵਾਨਾਂ ਵੱਲੋ ਸਪ੍ਰੇਅ ਕਰਵਾਈ ਗਈ।ਇਸ ਸਮੇ ਪ੍ਰਧਾਨ ਸੁਖਜੀਤ ਸਿੰਘ ਛੀਨਾ ਨੇ ਕਿਹਾ ਕਿ ਸਰਕਾਰ ਦੇ ਹੁਕਮਾਂ ਮੁਤਾਬਿਕ ਲੋਕਾਂ ਨੂੰ ਕੋਰੋਨਾ ਵਾਇਰਸ ਤੋ ਬਚਣ ਲਈ ਪ੍ਰਹੇਜ ਅਤੇ ਸਾਵਧਾਨੀਆਂ ਬਾਰੇ ਜਾਗਰੂਕ ਕੀਤਾ ਗਿਆ।ਉਨ੍ਹਾਂ ਕਿਹਾ ਕਿ ਔਕੇ ਸਮੇ ਵਿੱਚ ਸਰਕਾਰ ਦੀ ਅਤੇ ਗਰੀਬਾਂ ਦੀ ਜਰੂਰ ਮਦਦ ਕਰਨੀ ਚਾਹੀਦੀ ਹੈ।ਇਸ ਸਮੇ ਕੁਲਵੰਤ ਸਿੰਘ ਛੀਨਾ,ਸੁਖਵੀਰਾ,ਹਰਦੇਵ ਸਿੰਘ,ਤੇਜਪਾਲ ਸਿੰਘ,ਅਮਰੀਕ ਸਿੰਘ,ਸੰਦੀਪ ਸਿੰਘ,ਜਸਵੀਰ ਸਿੰਘ ਛੀਨਾ ਆਦਿ ਹਾਜ਼ਰ ਸਨ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਪਿੰਡ ਬੋਦਲਵਾਲਾ ਵਿਖੇ ਕੋਰੋਨਾ ਵਾਇਰਸ ਦੀ ਰੋਕਥਾਮ ਲਈ ਦਵਾਈ ਦਾ ਛਿੜਕਾ ਕੀਤਾ ਗਿਆ।ਇਸ ਮੌਕੇ ਪੰਮਾ ਬੋਦਲਵਾਲਾ ਅਤੇ ਸੰਦੀਪ ਕਮਲ ਨੇ ਦੱਸਿਆ ਕਿ ਕੋਰੋਨਾ ਵਾਇਰਸ ਦੀ ਰੋਕਥਾਮ ਲਈ ਸਰਕਾਰਾਂ ਸਮੇ-ਸਮੇ ਸਿਰ ਦੇਸ਼ ਵਾਸੀਆਂ ਨੂੰ ਬਚਾਉਣ ਲਈ ਯੋਗ ਉਪਰਾਲੇ ਕਰ ਰਹੀ ਜਿਸ ਤਹਿਤ ਬੋਦਲਵਾਲਾ ਵਿਖੇ ਵੱਖ-ਵੱਖ ਗਲੀਆਂ 'ਚ ਕੋਰੋਨਾ ਦੀ ਰੋਕਥਾਮ ਲਈ ਦਵਾਈ ਦਾ ਛਿੜਕਾ ਕੀਤਾ ਗਿਆ ਜਿਸ ਨਾਲ ਲੋਕਾਂ ਨੂੰ ਬਚਾਇਆ ਜਾ ਸਕੇ।ਇਸ ਦੌਰਾਨ ਨੌਜਵਾਨਾਂ 'ਚ ਇੱਕ ਵੱਖਰਾ ਹੀ ਜੋਸ਼ ਦੇਖਣ ਨੂੰ ਮਿਿਲਆ ਅਤੇ ਉਨ੍ਹਾਂ ਪੂਰੀ ਤਨਦੇਹੀ ਦੇ ਨਾਲ ਰਲ ਮਿਲਕੇ ਪਿੰਡ ਦੇ ਕੋਨੇ ਕੋਨੇ ਨੂੰ ਟਰੈਕਟਰ ਵਾਲੇ ਸਪਰੇਅ ਪੰਪ ਨਾਲ ਸੈਨੀਟੇਜ ਕੀਤਾ।ਇਸ ਸਮੇ ਕੁਲਦੀਪ ਸਿੰਘ ਢਿੱਲੋ,ਰਾਜੂ,ਗੁਰਪ੍ਰੀਤ,ਰਿਕੀ,ਬਿੱਟੂ,ਬਿੰਦਰ,ਬਲਜੀਤ ਸਿੰਘ,ਸੋਨੀ,ਮੰਨਾ ਆਦਿ ਹਾਣਰ ਸਨ;