ਲੁਧਿਆਣਾ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਪਦਮ ਸ੍ਰੀ ਕੌਮ ਦੇ ਮਹਾਨ ਹੀਰੇ ਸਿੱਖ ਕੌਮ ਦੀ ਸ਼ਾਂਨ ਭਾਈ ਨਿਰਮਲ ਸਿੰਘ ਜੀ ਦਾ ਵਿਛੋੜਾ ਨਾ ਹੀ ਭੁਲਣ ਯੋਗ ਪਰ ਜੇ ਭਾਈ ਸਾਹਿਬ ਦੀ ਕਾਲ ਰਿਕਾਉਡ ਸੁਣ ਕੇ ਦਿਲ ਦੱੁਖੀ ਹੋਇਆ ਡਿਊਟੀ ਡਾਕਟਰਾਂ ਦੀ ਲਾਪਰਵਾਹੀ ਕਾਰਨ ਇਹ ਦੁਖਾਂਤ ਵਾਪਰਿਆ ਭਾਈ ਸਾਹਿਬ ਖੁਦ ਕਹਿ ਰਹੇ ਹਨ ਮੇਰਾ ਇਲਾਜ ਨਹੀ ਹੋ ਰਿਹਾ।ਜੇਕਰ ਮਹਾਨ ਆਗੂਆਂ ਨਾਲ ਇਹ ਹੋ ਰਿਹਾ ਤਾਂ ਆਮ ਆਦਮੀ ਦਾ ਕੀ ਬਣੇਗਾ।ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਗੁਰਮਤਿ ਗੰ੍ਰਥੀ ਰਾਗੀ ਢਾਡੀ ਇੰਟਰਨੈਸ਼ਨਲ ਪ੍ਰਚਾਰਕ ਸਭਾ ਰਜਿ. ਦੇ ਪ੍ਰਧਾਨ ਭਾਈ ਪਿਰਤ ਪਾਲ ਸਿੰਘ ਪਾਰਸ ਨੇ ਕੀਤੇ।ਉਨ੍ਹਾਂ ਕਿਹਾ ਕਿ ਮੌਜੂਦਾ ਡਾਕਟਰਾਂ ਅਤੇ ਹਰਪਾਲ ਸਿੰਘ ਵਰਗੇ ਲਾਹਨਤੀ ਜਿੰਨ੍ਹਾਂ ਨੇ ਭਾਈ ਸਾਹਿਬ ਦੇ ਸੰਸਕਾਰ ਦਾ ਵਿਰੋਧ ਕੀਤਾ ਅਤੇ ਭਾਈ ਸਾਹਿਬ ਦੀ ਦੇਹ ਨੂੰ ਰੋਲਿਆ ੳਨ੍ਹਾਂ ਤੇ ਕਾਨੂੰਨੀ ਕਰਵਾਈ ਕੀਤੀ ਜਾਵੇ ਅਤੇ ਪੰਥਕ ਜੱਥੇਬੰਦੀਆਂ ਰਾਗੀ ਢਾਡੀ ਪ੍ਰਚਾਰਕ ਸੰਤ ਸਮਾਜ ਵੇਰਕਾ ਪਿੰਡ ਦਾ ਬਾਈਕਾਟ ਕਰਨ ਇਸ ਮੌਕੇ ਬਲਜਿੰਦਰ ਸਿੰਘ ਦੀਵਾਨਾ,ਭਾਈ ਗੁਰਚਰਨ ਸਿੰਘ ਦਲੇਰ,ਭਾਈ ਬੱਗਾ ਸਿੰਘ ਜਗਰਾਉ,ਭਾਈ ਬੱਗਾ ਸਿੰਘ ਨਾਨਕਸਰ,ਰਾਜਪਾਲ ਸਿੰਘ ਰੋਸ਼ਨ,ਭਾਈ ਭਗਵੰਤ ਸਿੰਘ ਗਾਲਿਬ,ਭਾਈ ਗੁਰਮੇਲ ਸਿੰਘ ਬੰਸੀ,ਭਾਈ ਜਸਵਿੰਦਰ ਸਿੰਘ ਖਾਲਸਾ,ਭਾਈ ਜੀਵਨ ਸਿੰਘ ਵੀਲਾ,ਭਾਈ ਹਰਦੀਪ ਸਿੰਘ ਖੁਸ਼ਦਿਲ,ਭਾਈ ਉਕਾਂਰ ਸਿੰਘ,ਭਾਈ ਤਰਸੇਮ ਸਿੰਘ ਭਰੋਵਾਲ, ਭਾਈ ਅਮਨਦੀਪ ਸਿੰਘ ਡਾਗੀਆਂ,ਭਾਈ ਮੋਤੀ ਸਿੰਘ,ਭਾਈ ਅਵਤਾਰ ਸਿੰਘ ਤਾਰੀ ਰਾਮਗੜ੍ਹ,ਭਾਈ ਭੋਲਾ ਸਿੰਘ,ਭਾਈ ਪਰਮਵੀਰ ਸਿੰਘ,ਭਾਈ ਅਵਤਾਰ ਸਿੰਘ ਰਾਜੂ,ਭਾਈ ਸਤਨਾਮ ਸਿੰਘ,ਭਾਈ ਸੁਖਜੀਵਨ ਸਿੰਘ ਰਾਜੂ ਨੇ ਦੱੁਖ ਪਰਗਟ ਕੀਤਾ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ) ਪੰਥ ਦੇ ਮਹਾਨ ਕੀਰਤਨੀਏ ਤੇ ਭਾਰਤ ਸਰਕਾਰ ਵੱਲੋ ਪਦਮ ਸ੍ਰੀ ਨਾਲ ਸਨਮਾਨਿਤ ਪੰਥ ਪ੍ਰਸਿੱਧ ਰਾਗੀ ਭਾਈ ਨਿਰਮਲ ਸਿੰਘ ਖਾਲਸਾ ਦੇ ਬੇਵਕਤੀ ਵਿਛੋੜੇ ਤੇ ਸ਼੍ਰੋਮਣੀ ਗੁਰਮਤਿ ਗ੍ਰੰਥੀ ਸਭਾਂ ਪੰਜਾਬ ਵੱਲੋ ਗਹਿਰੇ ਦੱੁਖ ਦਾ ਪ੍ਰਗਟਾਵਾ ਕੀਤਾ ਹੈ।ਸ਼੍ਰੋਮਣੀ ਗੁਰਮਤਿ ਗ੍ਰੰਥੀ ਸਭਾ ਪੰਜਾਬ(ਜਗਰਾਉ) ਦੇ ਪ੍ਰਧਾਨ ਭਾਈ ਸੁਖਦੇਵ ਸਿੰਘ ਨਸਰਾਲੀ ਨੇ ਆਖਿਆ ਕਿ ਪੰਜ ਤਖਤਾਂ ਤੇ ਕੀਰਤਨ ਦੀ ਸੇਵਾ ਕਰਨ ਵਾਲੇ ਤੇ ਲੰਬਾ ਸਮਾਂ ਗੁਰੂ ਰਾਮਦਾਸ ਸਾਹਿਬ ਦੇ ਦਰਬਾਰ ਵਿੱਚ ਬਤੌਰ ਹਜੂਰੀ ਰਾਗੀ ਵਜੋ ਵਜੋ ਕੀਰਤਨ ਕਰਨ ਵਾਲੇ ਭਾਈ ਖਾਲਸਾ ਦਾ ਵਿਛੋੜਾ ਅਸਹਿ ਹੈ।ਉਨ੍ਹਾਂ ਦੀ ਮਧੁਰ ਤੇ ਸੁਰੀਲੀ ਅਵਾਜ਼ ਸਾਡੇ ਜੀਵਨ ਵਿਚ ਇਕ ਅਲੌਕਿਕ ਆਨੰਦ ਭਰ ਦਿੰਦੀ।ਜਿਸ ਤੋ ਸਾਰੇ ਸੰਸਾਰ ਦੇ ੋਿਸੱਖ ਵਾਂਜੇ ਹੋ ਗਏ ਹਨ।ਉਨ੍ਹਾਂ ਵੇਰਕਾ ਪਿੰਡ ਦੇ ਕੁਝ ਬੇਸਮਝ ਲੋਕਾਂ ਦੀ ਨਿੰਦਿਆਂ ਕੀਤੀ ਜਿਨ੍ਹਾਂ ਨੇ ਬੇਤੁਕਾ ਫੈਸਲਾ ਕਰਕੇ ਆਪਣੇ ਮੱਥੇ ਤੇ ਕਲੰਕ ਲਗਵਾ ਲਿਆ ਹੈ।ਉਨ੍ਹਾਂ ਸ਼੍ਰੋਮਣੀ ਰਾਗੀ ਸਭਾ ਦੇ ਫੈਸਲੇ ਨੂੰ ਠੀਕ ਦੱਸਿਆ ਜਿਨ੍ਹਾਂ ਨੇ ਇਸ ਪਿੰਡ ਵਿਚ ਕਿਸੇ ਵੀ ਸਮਾਗਮ ਮੌਕੇ ਕੀਰਤਨ ਨਾ ਕਰਨ ਦਾ ਫੈਸਲਾ ਕੀਤਾ ਹੈ।ਉਨ੍ਹਾਂ ਗੁਰੂ ਚਰਨਾਂ 'ਚ ਅਰਦਾਸ ਕੀਤੀ ਕਿ ਭਾਈ ਸਾਹਿਬ ਨੂੰ ਗੁਰੂ ਸਾਹਿਬ ਆਪਣੇ ਚਰਨਾਂ ਵਿਚ ਨਿਵਾਸ ਬਖਸਣ ਤੇ ਪਿਛੇ ਪਰਿਵਾਰਾਂ ਨੂੰ ਭਾਣਾ ਮੰਨਣ ਦਾ ਬਲ ਤੇ ਸਿਹਤਯਾਬੀ ਬਖਸਣ।ਕਿਉਕਿ ਭਾਈ ਸਾਹਿਬ ਦਾ ਵਿਛੋੜਾ ਸਿੱਖ ਨੂੰ ਕਦੇ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ। ਸ੍ਰੋਮਣੀ ਗ੍ਰੰਥੀ ਸਭਾ ਪੰਜਾਬ(ਜਗਰਾਉ) ਬ ਦੇ ਮੈਬਰਾਂ ਭਾਈ ਕੁਲਦੀਪ ਸਿੰਘ ਰਣੀਆਂ,ਭਾਈ ਹੰਸ ਰਾਜ ਸਿੰਘ ਜਗਰਾਉ,ਰਾਗੀ ਭਾਈ ਕੁਲਜੀਤ ਸਿੰਘ ਭਜਨਗੜ੍ਹ,ਭਾਈ ਸਵਰਨ ਸਿੰਘ ਮਟਵਾਣੀ,ਭਾਈ ਕੁਲਦੀਪ ਸਿੰਘ ਚੂਹੜਚੱਕ,ਰਾਗੀ ਭਾਈ ਬਲਦੇਵ ਸਿੰਂਘ ਮਹਿਤਾ ਚੌਕ ਵਾਲੇ,ਰਾਗੀ ਭਾਈ ਲਖਵਿੰਦਰ ਸਿੰਘ ਲੱਖਾ ਸਲੇਮਪੁਰੀ,ਭਾਈ ਲਾਲ ਸਿੰਘ,ਭਾਈ ਨਿਰਮਲ ਸਿੰਘ,ਭਾਈ ਰਾਮ ਸਿੰਘ ਮਾਛੀਵਾੜਾ ਸਾਹਿਬ ਆਦਿ ਨੇ ਭਾਈ ਸਾਹਿਬ ਦੀ ਬੇਵਕਤੀ ਵਿਛੋੜੇ ਤੇ ਗਹਿਰੇ ਦੱੁਖ ਦਾ ਪ੍ਰਗਟਾਵਾ ਕੀਤਾ।

ਜ਼ਿਲਾ ਲੁਧਿਆਣਾ 'ਚ 2.15 ਲੱਖ ਤੋਂ ਵਧੇਰੇ ਲਾਭਪਾਤਰੀਆਂ ਨੂੰ ਹੋਵੇਗੀ ਪੈਨਸ਼ਨ ਵੰਡ

ਪੈਨਸ਼ਨਾਂ ਦੀ ਵੰਡ ਬੈਂਕਾਂ ਦੇ ਵਪਾਰਕ ਪ੍ਰਤੀਨਿਧ, ਡਾਕ ਕਰਮਚਾਰੀ ਅਤੇ ਆਂਗਣਵਾੜੀ ਵਰਕਰ ਕਰਨਗੇ

ਦੋ ਮਹੀਨਿਆਂ ਦੀ ਕਰੀਬ 33 ਕਰੋੜ ਰੁਪਏ ਦੀ ਰਾਸ਼ੀ ਖਾਤਿਆਂ 'ਚ ਭੇਜੀ

ਲੁਧਿਆਣਾ, ਅਪ੍ਰੈਲ 2020 - ( ਇਕਬਾਲ ਸਿੰਘ ਰਸੂਲਪੁਰ/ਮਨਜਿੰਦਰ ਗਿੱਲ )-ਕਰਫਿਊ/ਲੌਕਡਾਊਨ ਦੇ ਚੱਲਦਿਆਂ ਜ਼ਿਲਾ ਪ੍ਰਸ਼ਾਸਨ ਨੇ ਮਹੱਤਵਪੂਰਨ ਫੈਸਲਾ ਲੈਂਦੇ ਹੋਏ ਜ਼ਿਲਾ ਲੁਧਿਆਣਾ ਦੇ ਸਮਾਜਿਕ ਸੁਰੱਖਿਆ ਵਿਭਾਗ ਨਾਲ ਸਬੰਧਤ ਪੈਨਸ਼ਨ ਲਾਭਪਾਤਰੀਆਂ ਨੂੰ ਉਨਾਂ ਦੇ ਘਰਾਂ 'ਚ ਹੀ ਬੈਂਕਾਂ ਦੇ ਕੰਮ ਕਰ ਰਹੇ ਵਪਾਰਕ ਪ੍ਰਤੀਨਿਧੀਆਂ, ਡਾਕ ਕਰਮੀਆਂ ਅਤੇ ਆਂਗਣਵਾੜੀ ਵਰਕਰਾਂ ਰਾਹੀਂ ਪੈਨਸ਼ਨ ਵੰਡਾਉਣ ਦਾ ਨਿਰਣਾ ਲਿਆ ਗਿਆ ਹੈ। ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਡਿਪਟੀ ਕਮਿਸ਼ਨਰ  ਪ੍ਰਦੀਪ ਕੁਮਾਰ ਅਗਰਵਾਲ ਨੇ ਦੱਸਿਆ ਕਿ ਜ਼ਿਲਾ ਲੁਧਿਆਣਾ ਦੇ ਕੁੱਲ 2 ਲੱਖ, 15 ਹਜ਼ਾਰ 13 ਲਾਭਪਾਤਰੀਆਂ ਦੀ ਜਨਵਰੀ ਅਤੇ ਫਰਵਰੀ, 2020 (ਦੋ ਮਹੀਨੇ ਦੀ) ਦੀ ਮਹੀਨਾਵਾਰ ਪੈਨਸ਼ਨ, ਜਿਸਦੀ ਕੁੱਲ ਰਾਸ਼ੀ 32 ਕਰੋੜ, 87 ਲੱਖ 82 ਹਜ਼ਾਰ ਬਣਦੀ ਹੈ, 23 ਮਾਰਚ ਨੂੰ ਲਾਭਪਾਤਰੀਆਂ ਦੇ ਖ਼ਾਤੇ ਵਿੱਚ ਪਾ ਦਿੱਤੀ ਗਈ ਸੀ। ਕਈ ਲਾਭਪਾਤਰੀਆਂ ਨੇ ਇਹ ਪੈਨਸ਼ਨ ਬੈਂਕਾਂ ਵਿੱਚੋਂ ਕਢਵਾ ਲਈ ਸੀ ਪਰ ਵੱਡੀ ਗਿਣਤੀ ਵਿੱਚ ਲਾਭਪਾਤਰੀ ਕਰਫਿਊ/ਲੌਕਡਾਊਨ ਦੇ ਕਾਰਨ ਕਢਵਾਉਣ ਤੋਂ ਰਹਿ ਗਏ ਸਨ।

 ਅਗਰਵਾਲ ਨੇ ਦੱਸਿਆ ਕਿ ਸ਼ਹਿਰੀ ਖੇਤਰਾਂ ਵਿੱਚ ਇਹ ਜਿੰਮੇਵਾਰੀ ਇੰਡੀਆ ਪੋਸਟ ਪੇਮੈਂਟ ਬੈਂਕ ਵੱਲੋਂ ਨਿਭਾਈ ਜਾਵੇਗੀ, ਜਦਕਿ ਪੰਜ ਬਲਾਕਾਂ ਡੇਹਲੋ, ਪੱਖੋਵਾਲ, ਰਾਏਕੋਟ, ਸੁਧਾਰ ਅਤੇ ਸਮਰਾਲਾ ਦਾ ਕੰਮ ਵੀ ਇਸ ਬੈਂਕ ਨੂੰ ਸੌਂਪਿਆ ਗਿਆ ਹੈ। ਪੇਂਡੂ ਖੇਤਰਾਂ ਵਿੱਚ ਮੁੱਖ ਤੌਰ 'ਤੇ ਪੈਨਸ਼ਨ ਵੰਡਣ ਦਾ ਕੰਮ ਬੈਂਕ ਕਸਟਮਰ ਅਕਾਂਊਟਸ (ਬੀ. ਸੀ. ਏ.) ਵੱਲੋਂ ਕਰਵਾਇਆ ਜਾਵੇਗਾ। ਬੀ. ਸੀ. ਏ. ਨੂੰ ਪੈਨਸ਼ਨ ਵੰਡਣ ਵਿੱਚ ਆਂਗਣਵਾੜੀ ਵਰਕਰਾਂ ਸਹਿਯੋਗ ਕਰਨਗੀਆਂ।

ਉਨਾਂ ਸਪੱਸ਼ਟ ਕੀਤਾ ਕਿ ਜਿਨ•ਾਂ ਪੈਨਸ਼ਨਧਾਰਕਾਂ ਨੇ ਉਕਤ ਮਹੀਨਿਆਂ ਦੀ ਪੈਨਸ਼ਨ ਪਹਿਲਾਂ ਹੀ ਬੈਂਕ ਵਿੱਚੋਂ ਡਰਾਅ ਕਰਾ ਲਈ ਸੀ, ਉਹਨਾਂ ਤੋਂ ਇਲਾਵਾ ਬਾਕੀ ਰਹਿੰਦੇ ਲਾਭਪਾਤਰੀਆਂ ਨੂੰ ਹੀ ਘਰ-ਘਰ ਪੈਨਸ਼ਨ ਵੰਡੀ ਜਾਵੇਗੀ। ਕਰਫਿਊ/ਲੌਕਡਾਊਨ ਦੀ ਸਥਿਤੀ ਤੋਂ ਬਾਅਦ ਪੈਨਸ਼ਨਧਾਰਕਾਂ ਨੂੰ ਪਹਿਲਾਂ ਦੀ ਤਰ•ਾਂ ਹੀ ਪੈਨਸ਼ਨ ਮਿਲਿਆ ਕਰੇਗੀ।

ਹਠੂਰ,ਅਪ੍ਰੈਲ 2020-(ਕੌਸ਼ਲ ਮੱਲ੍ਹਾ)-

ਉੱਘੇ ਸੰਗੀਤਕਾਰ ਜਸਵੰਤ ਭੰਮਰਾ ਦੇ ਲਾਡਲੇ ਸਗਿਰਦ ਲੋਕ ਗਾਇਕ ਹਰਪ੍ਰੀਤ ਸਿੰਘ ਦੀ ਮਿੱਠੀ ਅਵਾਜ ਵਿਚ ਗਾਇਆ ਗੀਤ ‘ਬੈਠੇ ਵਿੱਚ ਲੰਮਿਆਂ ਦੇ’ ਧਾਰਮਿਕ ਗੀਤ ਯੂ ਟਿਊਬ ਤੇ ਰਿਲੀਜ ਹੋ ਚੁੱਕਾ ਹੈ।ਇਸ ਗੀਤ ਦੇ ਗੀਤਕਾਰ ਸੁਖਦੇਵ ਸਿੰਘ ਜੱਟਪੁਰੀ ਨੇ ਦੱਸਿਆ ਕਿ ਇਸ ਗੀਤ ਵਿਚ ਸ੍ਰੀ ਗੁਰੂ ਗੋਬਿੰਦ ਸਿਂਘ ਜੀ ਸਰਸਾ ਨਦੀ ਤੇ ਪਰਿਵਾਰ ਵਿਛੋੜੇ ਪਿੱਛੋ ਮਾਛੀਵਾੜੇ,ਰਾਜੋਆਣਾ,ਹੇਰਾਂ,ਸੀਲੋਆਣੀ,ਕਮਾਲਪੁਰਾ ਆਦਿ ਪਿੰਡਾਂ ਵਿੱਚ ਦੀ ਹੁੰਦੇ ਹੋਏ ਮਾਲਵੇ ਦੇ ਇਤਿਹਾਸਿਕ ਪਿੰਡ ਲੰਮੇ-ਜੱਟਪੁਰੇ ਪਹੁੰਚੇ ਸਨ।ਜਿੱਥੇ ਰਾਏਕੋਟ ਦੇ ਨਵਾਬ ਰਾਏ ਕੱਲ੍ਹਾ ਨੇ ਗੁਰੂ ਜੀ ਨੂੰ ਮਿਲ ਕੇ ਕੋਈ ਸੇਵਾ ਲਈ ਅਰਜ ਕੀਤੀ ਸੀ ਸ਼੍ਰੀ ਗੁਰੁ ਗੋਬਿੰਦ ਸਿੰਘ ਜੀ ਦੇ ਕਹਿਣ ਤੇ ਹੀ ਰਾਏ ਕੱਲ੍ਹੇ ਨੇ ਆਪਣੇ ਅਨਿਨ ਸੇਵਕ ਨੂਰੇ ਮਾਹੀ ਨੂੰ ਸਰਹਿੰਦ ਭੇਜ ਕੇ ਛੋਟੇ ਸਾਹਿਬਜਾਦਿਆਂ ਅਤੇ ਮਾਤਾ ਗੁੱਜਰ ਕੌਰ ਜੀ ਦੀ ਸਹੀਦੀ ਦੀ ਖਬਰ ਮੰਗਵਾਈ ਸੀ ਅਤੇ ਨੂਰੇ ਮਾਹੀ ਤੋਂ ਸ਼ਹੀਦੀ ਦੀ ਖਬਰ ਸੁਣ ਕੇ ਤੀਰ ਦੀ ਨੋਕ ਨਾਲ ਕਾਹੀ ਦਾ ਬੂਟਾ ਪੁੱਟ ਕੇ ਜੁਲਮ ਦੇ ਰਾਜ ਦੀ ਜੜ੍ਹ ਪੁੱਟਣ ਦਾ ਕੌਤਕ ਲੰਮੇ ਜੱਟਪੁਰੇ ਵਿੱਚ ਰਚਾਇਆ ਸੀ।ਉਨ੍ਹਾ ਦੱਸਿਆ ਕਿ ਜੁਲਮ ਰਾਜ ਦੀ ਜੜ੍ਹ ਪੁੱਟਣ ਦਾ ਵਿਰਤਾਂਤ ਇਸ ਗੀਤ ਵਿੱਚ ਕੀਤਾ ਗਿਆ ਹੈ।ਗੀਤਕਾਰ ਸੁਖਦੇਵ ਸਿੰਘ ਜੱਟਪੁਰੀ ਅਨੁਸਾਰ ਜਿਸ ਥਾਂ ਤੇ ਜੁਲਮ ਦੀ ਜੜ੍ਹ ਪੁੱਟਣ ਦਾ ਕੌਤਕ ਰਚਾਇਆ ਗਿਆ ਸੀ ਉਸ ਥਾਂ ਤੇ ਗੁਰਦੁਆਰਾ ਸ੍ਰੀ ਗੁਰੂਸਰ ਪੰਜੂਆਣਾ ਸਾਹਿਬ ਲੰਮਾ-ਜੱਟਪੁਰਾ ਵਿਖੇ ਸੁਸੋਬਤ ਹੈ।ਉਨ੍ਹਾ ਦੱਸਿਆ ਕਿ ਇਸ ਗੀਤ ਨੂੰ ਸਿੱਖ ਸੰਗਤਾ ਵੱਲੋ ਪੂਰਨ ਸਤਿਕਾਰ ਮਿਲ ਰਿਹਾ ਹੈ।