ਲੁਧਿਆਣਾ

ਹਠੂਰ,2020 ਅਪ੍ਰੈਲ-(ਕੌਸ਼ਲ ਮੱਲ੍ਹਾ)-

ਇਲਾਕੇ ਦੇ ਉੱਘੇ ਸਮਾਜ ਸੇਵਕ ਅਮਰਜੀਤ ਸਿੰਘ ਚਾਹਿਲ ਕੈਨੇਡਾ,ਸਿਮਰਨਜੀਤ ਕੌਰ ਚਾਹਿਲ ਕੈਨੇਡਾ ਅਤੇ ਕੁਲਦੀਪ ਕੌਰ ਚਾਹਿਲ ਕੈਨੇਡਾ ਵੱਲੋ ਪਿੰਡ ਰਣਧੀਰ ਗੜ੍ਹ ਦੇ 70 ਲੋੜਵੰਦ ਪਰਿਵਾਰਾਂ ਨੂੰ ਕੋਰੋਨਾ ਵਾਇਰਸ ਦੇ ਕਾਰਨ ਆਈ ਮੰਦੀ ਨੂੰ ਮੁੱਖ ਰੱਖਦਿਆ ਸਹਾਇਤਾ ਰਾਸ਼ੀ ਦਿੱਤੀ ਗਈ।ਇਸ ਮੌਕੇ ਗੱਲਬਾਤ ਕਰਦਿਆ ਸਮਾਜ ਸੇਵਕ ਅਮਰਜੀਤ ਸਿੰਘ ਚਾਹਿਲ ਕੈਨੇਡਾ ਅਤੇ ਕੈਪਟਨ ਬਲੌਰ ਸਿੰਘ ਸਾਬਕਾ ਸਰਪੰਚ ਭੰਮੀਪੁਰਾ ਨੇ ਦੱਸਿਆ ਕਿ ਕੁਝ ਦਿਨ ਪਹਿਲਾ ਚਾਹਿਲ ਪਰਿਵਾਰ ਵੱਲੋਂ ਲੋੜਵੰਦ ਪਰਿਵਾਰਾ ਨੂੰ ਘਰ ਦਾ ਰਾਸ਼ਨ ਵੰਡਿਆ ਗਿਆ ਸੀ ਅਤੇ ਹੁਣ ਪਿੰਡ ਰਣਧੀਰ ਗੜ੍ਹ ਦੇ 70 ਪਰਿਵਾਰਾ ਨੂੰ 500-500 ਰੁਪਏ ਸਹਾਇਤਾ ਰਾਸ਼ੀ ਭੇਂਟ ਕੀਤੀ ਗਈ ਹੈ, ਜਿਸ ਦੀ ਕੁੱਲ ਰਾਸ਼ੀ 35 ਹਜ਼ਾਰ ਰੁਪਏ ਬਣਦੀ ਹੈ।ਉਨ੍ਹਾ ਕਿਹਾ ਕਿ ਇਹ ਸੇਵਾ ਕਰਫਿਊ ਦੇ ਦਿਨਾ ਵਿਚ ਜਾਰੀ ਰਹੇਗੀ।ਇਥੇ ਇਹ ਵੀ ਗੱਲ ਵਰਨਯੋਗ ਹੈ ਕਿ ਚਾਹਿਲ ਪਰਿਵਾਰ ਵੱਲੋਂ ਪਿੰਡ ਰਣਧੀਰ ਗੜ੍ਹ ਦੇ ਵਿਕਾਸ ਕਾਰਜਾ ਲਈ ਪਹਿਲਾ ਵੀ ਆਪਣਾ ਯੋਗਦਾਨ ਦਿੱਤਾ ਗਿਆ ਹੈ।ਅੰਤ ਵਿਚ ਕੈਪਟਨ ਬਲੌਰ ਸਿੰਘ ਸਾਬਕਾ ਸਰਪੰਚ ਨੇ ਸਮੂਹ ਚਾਹਿਲ ਪਰਿਵਾਰ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਉਨ੍ਹਾ ਨਾਲ ਬਲਰਾਜ ਸਿੰਘ ਚਾਹਿਲ, ਬਲਵਿੰਦਰ ਕੌਰ ਚਾਹਿਲ,ਭਾਈ ਕਮਲਜੀਤ ਸਿੰਘ ਰਸੂਲਪੁਰ,ਜਸਵਿੰਦਰ ਸਿੰਘ ਹਾਂਸ,ਕਬੱਡੀ ਖਿਡਾਰੀ ਗੋਰੀ ਭੰਮੀਪੁਰਾ,ਸਰਪੰਚ ਸਰਬਜੀਤ ਕੌਰ,ਸਮਾਜ ਸੇਵੀ ਕਰਮਜੀਤ ਸਿੰਘ,ਪ੍ਰਧਾਨ ਬਲਵਿੰਦਰ ਸਿੰਘ,ਰਵਿੰਦਰ ਸਿੰਘ,ਸੁਖਵਿੰਦਰ ਸਿੰਘ,ਬੇਅੰਤ ਸਿੰਘ,ਰਣਜੀਤ ਸਿੰਘ,ਧਰਮਿੰਦਰ ਸਿੰਘ,ਅਮਨਦੀਪ ਸਿੰਘ,ਸੁਰਤੇਜ ਸਿੰਘ,ਪ੍ਰਿਤਪਾਲ ਸਿੰਘ ਆਦਿ ਹਾਜ਼ਰ ਸਨ।

ਫੋਟੋ ਕੈਪਸਨ:-ਸਮਾਜ ਸੇਵਕ ਅਮਰਜੀਤ ਸਿੰਘ ਚਾਹਿਲ ਕੈਨੇਡਾ ਅਤੇ ਕੈਪਟਨ ਬਲੌਰ ਸਿੰਘ ਸਾਬਕਾ ਸਰਪੰਚ ਲੋੜਵੰਦ ਪਰਿਵਾਰਾ ਨੂੰ ਦਿੱਤੀ ਸਹਾਇਤਾ ਰਾਸ਼ੀ ਦਿੰਦੇ ਹੋਏ।

ਲੁਧਿਆਣਾ,ਅਪ੍ਰੈਲ 2020 (ਇਕਬਾਲ ਸਿੰਘ ਰਸੂਲਪੁਰ/ਸੱਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ)

ਪੰਜਾਬ 'ਚ ਕੋਰੋਨਾ ਨਾਲ ਦੋ ਹੋਰ ਮਰੀਜ਼ਾਂ ਦੀ ਮੌਤ ਹੋ ਗਈ ਹੈ। ਜਲੰਧਰ 'ਚ ਇਕ ਕਾਂਗਰਸੀ ਨੇਤਾ ਦੇ ਪਿਤਾ ਨੇ ਵੀਰਵਾਰ ਨੂੰ ਦਮ ਤੋੜ ਦਿੱਤਾ ਜਦਕਿ ਲੁਧਿਆਣਾ ਦੇ ਫੋਰਟਿਸ ਹਸਪਤਾਲ 'ਚ ਮੰਗਲਵਾਰ ਦੇਰ ਰਾਤ ਦਮ ਤੋੜਨ ਵਾਲੀ ਬਰਨਾਲਾ ਦੀ ਔਰਤ ਦੀ ਰਿਪੋਰਟ ਪਾਜ਼ੀਟਿਵ ਆਈ ਹੈ। ਇਸ ਤਰ੍ਹਾਂ ਸੂਬੇ 'ਚ ਕੋਰੋਨਾ ਨਾਲ ਕੁੱਲ 11 ਲੋਕ ਦਮ ਤੋੜ ਚੁੱਕੇ ਹਨ। ਵੀਰਵਾਰ ਨੂੰ ਕੁੱਲ 15 ਪਾਜ਼ੀਟਿਵ ਕੇਸ ਪਾਏ ਗਏ, ਜਿਨ੍ਹਾਂ 'ਚ ਅੱਠ ਤਬਲੀਗੀ ਜਮਾਤ ਤੋਂ ਪਰਤੇ ਲੋਕਾਂ ਦੇ ਸੰਪਰਕ 'ਚ ਆਏ ਸਨ। ਸੂਬੇ 'ਚ ਕੁੱਲ ਪਾਜ਼ੀਟਿਵ ਕੇਸਾਂ ਦੀ ਗਿਣਤੀ 130 ਹੋ ਗਈ ਹੈ।

ਸੰਗਰੂਰ 'ਚ ਪਹਿਲਾ ਪਾਜ਼ੀਟਿਵ ਕੇਸ ਮਿਲਣ ਤੋਂ ਬਾਅਦ ਸੂਬੇ ਦੇ 22 ਜ਼ਿਲ੍ਹਿਆਂ 'ਚੋਂ 17 ਕੋਰੋਨਾ ਪ੍ਰਭਾਵਿਤ ਹੋ ਗਏ ਹਨ। ਹੁਣ ਸਿਰਫ਼ ਫਿਰੋਜ਼ਪੁਰ, ਫਾਜ਼ਿਲਕਾ, ਬਠਿੰਡਾ, ਤਰਨਤਾਰਨ ਤੇ ਗੁਰਦਾਸਪੁਰ ਜ਼ਿਲ੍ਹੇ ਬਚੇ ਹਨ, ਜਿੱਥੇ ਕੋਈ ਪਾਜ਼ੀਟਿਵ ਕੇਸ ਨਹੀਂ ਹੈ। ਨਵੇਂ ਕੇਸਾਂ 'ਚ ਸੰਗਰੂਰ ਤੋਂ ਇਲਾਵਾ ਛੇ ਮਾਨਸਾ, ਤਿੰਨ ਜਲੰਧਰ, ਦੋ ਲੁਧਿਆਣਾ ਤੇ ਇਕ-ਇਕ ਅੰਮ੍ਰਿਤਸਰ, ਮੋਹਾਲੀ ਤੇ ਬਰਨਾਲਾ ਤੋਂ ਹਨ। ਸੂਬੇ 'ਚ ਹੁਣ ਤਕ 18 ਲੋਕ ਠੀਕ ਹੋ ਚੁੱਕੇ ਹਨ। ਜਲੰਧਰ ਦੇ ਕਾਂਗਰਸੀ ਨੇਤਾ ਦੀਪਕ ਦੇ ਪਿਤਾ ਪ੍ਰਵੀਨ ਕੁਮਾਰ ਦੀ ਰਿਪੋਰਟ ਬੁੱਧਵਾਰ ਨੂੰ ਪਾਜ਼ੀਟਿਵ ਆਈ ਸੀ, ਜਿਨ੍ਹਾਂ ਦੀ ਵੀਰਵਾਰ ਨੂੰ ਮੌਤ ਹੋ ਗਈ। ਦੀਪਕ ਕਾਂਗਰਸੀ ਵਿਧਾਇਕ ਬਾਵਾ ਹੈਨਰੀ ਦੇ ਕਰੀਬੀ ਸਨ ਤੇ ਕਰਫਿਊ 'ਚ ਰਾਸ਼ਨ ਵੀ ਵੰਡ ਰਹੇ ਸਨ। ਬਾਵਾ ਸਮੇਤ ਕੁਝ ਹੋਰ ਨੇਤਾ ਸੈਲਫ ਹੋਮ ਕੁਆਰੰਟਾਈਨ 'ਚ ਚਲੇ ਗਏ ਹਨ। ਲੁਧਿਆਣਾ ਦੇ ਫੋਰਟਿਸ ਹਸਪਤਾਲ 'ਚ ਮੰਗਲਵਾਰ ਦੇਰ ਰਾਤ ਦਮ ਤੋੜਨ ਵਾਲੀ ਬਰਨਾਲਾ ਦੀ 55 ਸਾਲਾ ਔਰਤ ਪਾਜ਼ੀਟਿਵ ਨਿਕਲੀ ਹੈ। ਉਸਨੂੰ ਛੇ ਅਪ੍ਰੈਲ ਨੂੰ ਸਾਹ ਚੜ੍ਹਨ ਤੇ ਛਾਤੀ 'ਚ ਦਰਦ ਦੀ ਸ਼ਿਕਾਇਤ 'ਤੇ ਦਾਖ਼ਲ ਕਰਾਇਆ ਗਿਆ ਸੀ। 

ਮਾਨਸਾ ਦੇ ਬੁਢਲਾਡਾ 'ਚ ਵੀਰਵਾਰ ਨੂੰ ਛੇ ਲੋਕਾਂ ਦੀ ਰਿਪੋਰਟ ਪਾਜ਼ੀਟਿਵ ਆਈ। ਮੁਸਲਮਾਨ ਪਰਿਵਾਰਾਂ ਦੇ ਇਹ ਲੋਕ ਦਿੱਲੀ ਦੇ ਨਿਜ਼ਾਮੁਦੀਨ ਤੋਂ ਪਰਤੇ ਤਬਲੀਗੀ ਜਮਾਤ ਦੇ ਲੋਕਾਂ ਦੇ ਸੰਪਰਕ 'ਚ ਆਏ ਸਨ। ਇਨ੍ਹਾਂ 'ਚ ਤਿੰਨ ਔਰਤਾਂ, ਇਕ ਮਰਦ ਤੇ ਦੋ 14 ਸਾਲਾ ਤੇ 12 ਸਾਲਾ ਲੜਕੇ ਹਨ। ਲੁਧਿਆਣਾ 'ਚ ਜਮਾਤੀਆਂ ਦੇ ਸੰਪਰਕ 'ਚ ਆਉਣ ਨਾਲ ਦੋ ਲੋਕ ਪਾਜ਼ੀਟਿਵ ਪਾਏ ਗਏ ਹਨ। ਸੂਬੇ 'ਚ ਜਮਾਤੀ ਜਾਂ ਉਨ੍ਹਾਂ ਦੇ ਸੰਪਰਕ 'ਚ ਆਉਣ ਨਾਲ ਕੁੱਲ ਪਾਜ਼ੀਟਿਵ 26 ਹੋ ਗਏ ਹਨ।

ਅੰਮ੍ਰਿਤਸਰ ਦੇ ਜੰਡਿਆਲਾ ਗੁਰੂ ਦਾ 24 ਸਾਲਾ ਨੌਜਵਾਨ ਪਾਜ਼ੀਟਿਵ ਪਾਇਆ ਗਿਆ ਹੈ। ਉਹ 19 ਮਾਰਚ ਨੂੰ ਇੰਗਲੈਂਡ ਤੋਂ ਪਰਤਿਆ ਸੀ। ਸੱਤ ਅਪ੍ਰੈਲ ਨੂੰ ਹਾਲਤ ਵਿਗੜਨ 'ਤੇ ਹਸਪਤਾਲ 'ਚ ਦਾਖਲ ਕਰਾਇਆ ਗਿਆ ਸੀ। ਉਸਦੇ ਪਿਤਾ ਵੈਰੋਵਾਲ ਰੋਡ ਜੰਡਿਆਲਾ ਗੁਰੂ 'ਚ ਡੇਅਰੀ ਚਲਾਉਂਦੇ ਹਨ, ਜਿੱਥੇ ਲੋਕਾਂ ਦਾ ਇਕੱਠ ਰਹਿੰਦਾ ਸੀ। ਹੁਣ ਲੋਕਾਂ ਦੀ ਭਾਲ ਕਰ ਕੇ ਸੈਂਪਲ ਲਏ ਜਾ ਰਹੇ ਹਨ।

ਪੰਜਾਬ 'ਚ ਹੁਣ ਤਕ ਦੀ ਸਥਿਤੀ

ਜ਼ਿਲ੍ਹਾ-------ਪੌਜ਼ਿਟਿਵ---------ਮੌਤ

ਮੋਹਾਲੀ--------37-------------1

ਨਵਾਂਸ਼ਹਿਰ------19--------------1

ਅੰਮ੍ਰਿਤਸਰ------11---------------2

ਜਲੰਧਰ---------11---------------1

ਲੁਧਿਆਣਾ--------10--------------2

ਮਾਨਸਾ----------11--------------0

ਹੁਸ਼ਿਆਰਪੁਰ-------7---------------1

ਪਠਾਨਕੋਟ---------7---------------1

ਮੋਗਾ-------------4---------------0

ਰੂਪਨਗਰ----------3---------------1

ਬਰਨਾਲਾ-----------2--------------1

ਫਤਹਿਗੜ੍ਹ ਸਾਹਿਬ-----2--------------0

ਫਰੀਦਕੋਟ-----------2--------------0

ਪਟਿਆਲਾ-----------1---------------0

ਕਪੂਰਥਲਾ-----------1---------------0

ਮੁਕਤਸਰ------------1---------------0

ਸੰਗਰੂਰ-------------1---------------0

ਕੁੱਲ--------------130--------------11

ਠੀਕ ਹੋਏ - 18 , ਨਵੇਂ ਕੇਸ - 15, ਮੌਜੂਦਾ ਪੌਜ਼ਿਟਿਵ - 101

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਪੂਰੇ ਸੰਸਾਰ ਵਿਚ ਕੋਵਿੱਡ-19 ਦਾ ਖਤਰਾ ਦਿਨ ਪਰ ਦਿਨ ਪਰ ਵੱਧਦਾ ਹੀ ਜਾ ਰਿਹਾ ਹੀ।ਭਾਰਤ ਦੇਸ਼ ਵਿੱਚ ਵੀ ਇਹ ਬਿਮਾਰੀ ਹੌਲੀ-ਹੌਲੀ ਕਮਿਊਨਿਟੀ ਸਪਰੈੱਡ ਦੀ ਸ਼ਕਲ ਧਾਰਨ ਕਰ ਰਹੀ ਹੈ।ਪ੍ਰਸ਼ਾਸ਼ਨ ਵਲੋਂ ਰੇਹੜੀ ਵਾਲਿਆਂ ਨੂੰ ਸਬਜ਼ੀ, ਫਲ ਅਤੇ ਹੋਰ ਜ਼ਰੂਰੀ ਸਾਮਾਨ ਵੇਚਣ ਦੀ ਮਨਜ਼ੂਰੀ ਦਿੱਤੀ ਗਈ ਹੈ,ਮਗਰ ਜ਼ਿਆਦਾਤਰ ਰੇਹੜੀ ਵਾਲਿਆਂ ਵਲੋਂ ਸਾਫ-ਸਫਾਈ ਦਾ ਕੌਈ ਧਿਆਨ ਨਹੀਂ ਰੱਖਿਆ ਜਾ ਰਿਹਾ ਹੈ।ਬਹੁਤ ਸਾਰੇ ਰੇਹੜੀ ਵਾਲਿਆਂ ਕੋਲ ਕਰਫਿਉਂ ਪਾਸ ਤੱਕ ਨਹੀਂ ਹੈ ਅਤੇ ਮਾਸਕ ਤੇ ਦਸਤਾਨੇ ਤਾਂ ਇਹ ਪਹਿਨਦੇ ਹੀ ਨਹੀਂ।ਅਕਸਰ ਦੇਖਿਆ ਜਾ ਰਿਹਾ ਹੈ ਕਿ ਜਦੋਂ ਵੀ ਇਨ੍ਹਾਂ ਤੋਂ ਕਰਫਿਊ ਪਾਸ ਜਾਂ ਆਧਾਰ ਕਾਰਡ ਪੁੱਛਿਆ ਜਾਂਦਾ ਹੈ ਤਾਂ ਜਵਾਬ ਮਿਲਦਾ ਹੈ ਕਿ ਉਹ ਤਾਂ ਘਰੇ ਹੀ ਰਹਿ ਗਿਆ ਹੈ।ਸਰਕਾਰ ਅਤੇ ਪ੍ਰਸ਼ਾਸ਼ਨ ਵੱਲੋਂ ਸ਼ੋਸ਼ਲ ਡਿਸਟੈਂਸਿੰਗ ਰੱਖਣ ਦੀ ਰੱਖਣ ਦੀ ਦੁਹਾਈ ਪਾਈ ਜਾ ਰਹੀ ਹੈ ਮਗਰ ਰੇਹੜੀ ਵਾਲਿਆਂ ਵੱਲੋਂ ਪ੍ਰਸ਼ਾਸ਼ਨ ਦੇ ਇਨ੍ਹਾਂ ਹੁਕਮਾਂ ਦੀਆਂ ਧੱਜੀਆਂ ਸ਼ਰੇ੍ਹਅਮ ਉਡਾਈਆਂ ਜਾ ਰਹੀਆਂ

ਮੌਤ ਤੋਂ ਬਾਅਦ ਸੰਸਕਾਰ ਲਈ ਪੈਦਾ ਕੀਤੇ ਭਰਮ ਭੁਲੇਖੇ ਦੂਰ ਕਰਨ ਲਈ ਦੇਹੜਕਾ ਨੇ ਕੀਤਾ ਆਪਣੇ ਆਪ ਨੂੰ ਹਾਜਰ

ਜਗਰਾਓਂ/ਲੁਧਿਆਣਾ, ਅਪ੍ਰੈਲ 2020 -(ਮਨਜਿੰਦਰ ਗਿੱਲ )-

ਪੰਜਾਬ ਵਿਚ ਕੋਰੋਨਾ ਦੀ ਬਿਮਾਰੀ ਨਾਲ ਪੀੜ੍ਹਤ ਹੋ ਕੇ ਮਰੇ ਮਾਪਿਆਂ ਦਾ ਅੰਤਿਮ ਸੰਸਕਾਰ ਕਰਨ ਤੋਂ ਮੁਨਕਰ ਹੋਏ ਉਨ੍ਹਾਂ ਦੇ ਪਰਿਵਾਰਿਕ ਮੈਂਬਰਾਂ ਦੇ ਵਤੀਰੇ ਦੀ ਜਦੋਂ ਚੁਫੇਰੇ ਚਰਚਾ ਹੋ ਰਹੀ ਹੈ, ਉਸ ਸਮੇਂ ਜਗਰਾਉਂ ਦੇ ਇਕ ਸਮਾਜ ਸੇਵੀ ਨੇ ਅੱਗੇ ਆਉਂਦਿਆਂ ਰਾਜ ਸਰਕਾਰ ਨੂੰ ਇਕ ਚਿੱਠੀ ਭੇਜ ਕੇ ਕਿਹਾ ਕਿ ਪ੍ਰਮਾਤਮਾ ਕਰੇ ਕੋਰੋਨਾ ਤੋਂ ਪੀੜ੍ਹਤ ਹੋਰ ਕੋਈ ਲਾਸ਼ ਨਾ ਹੀ ਬਣੇ ਤੇ ਜੇਕਰ ਇਸ ਦੌਰਾਨ ਕੋਈ ਮਰੀਜ਼ ਦਮ ਤੋੜਦਾ ਹੈ ਤਾਂ ਉਹ ਅੱਗੇ ਹੋ ਕੇ ਸਸਕਾਰ ਦੀ ਸੇਵਾ ਕਰਨ ਲਈ ਤਿਆਰ ਹੈ । ਇਥੇ ਜਿਕਰਯੋਗ ਹੈ ਕਿ ਜਨ ਸ਼ਕਤੀ ਅਦਾਰੇ ਦੇ ਐਂਕਰ ਅਤੇ ਮਿਸ਼ਨ ਗਰੀਨ ਪੰਜਾਬ ਦੇ ਕੋਆਰਡੀਨੇਟਰ ਸੱਤਪਾਲ ਸਿੰਘ ਦੇਹੜਕਾ ਜਿਹੜੇ ਕਿ ਤਕਰੀਬਨ 15 ਦਿਨ ਤੋਂ ਜਗਰਾਉਂ ਇਲਾਕੇ ਪਿੰਡਾਂ ਤੇ ਸ਼ਹਿਰ 'ਚ ਕੋਰੋਨਾ ਤੋਂ ਬਚਾਓ ਲਈ ਆਪਣੀ ਪੱਧਰ 'ਤੇ ਇਕ ਮੁਹਿੰਮ ਚਲਾ ਰਹੇ ਹਨ ਤੇ ਹੁਣ ਤੱਕ ਉਹ ਆਪਣੀ ਗੱਡੀ 'ਤੇ ਕੋਰੋਨਾ ਤੋਂ ਬਚਾਓ ਦੀਆਂ ਸਾਵਧਾਨੀਆਂ ਦੇ ਬੈਨਰ ਲਗਾ ਕੇ ਪੰਜਾਬ ਸਰਕਾਰ ਵਲੋਂ ਜਾਰੀ ਆਡੀਓ ਨੂੰ ਆਪਣੇ ਗੱਡੀ ਦੇ ਸਪੀਕਰ 'ਤੇ ਚਲਾ ਕੇ ਪਿੰਡਾਂ ਦੀਆਂ ਸੱਥਾਂ ਤੇ ਹੋਰ ਥਾਵਾਂ 'ਤੇ ਲਗਾਤਾਰ ਪ੍ਰਚਾਰ ਕਰਦੇ ਆ ਰਹੇ ਹਨ ਤੇ ਇਥੋਂ ਦੀਆਂ ਸਮਾਜ ਸੇਵੀ ਸੰਸਥਾਵਾਂ ਨਾਲ ਜੁੜ ਕੇ ਲੋੜਵੰਦਾਂ ਦੇ ਘਰਾਂ ਤੱਕ ਰਾਸ਼ਨ ਵੀ ਪਹੁੰਚਾ ਰਹੇ ਹਨ । ਉਨ੍ਹਾਂ ਵਲੋਂ ਹੁਣ ਇਸ ਪਾਸੇ ਇਕ ਹੋਰ ਕਦਮ ਕਰਦਿਆਂ ਅੰਤਿਮ ਸੰਸਕਾਰ ਦੀ ਸੇਵਾ ਲਈ ਵੀ ਸਹਿਯੋਗ ਕਰਨ ਬਾਰੇ ਆਖਿਆ ।ਦੇਹੜਕਾ ਨੇ ਇਥੋਂ ਦੇ ਪ੍ਰਸ਼ਾਸਨਿਕ ਅਧਿਕਾਰੀ ਤਹਿਸੀਲਦਾਰ ਮਨਮੋਹਨ ਕੌਸ਼ਿਕ ਨੂੰ ਮੁੱਖ ਮੰਤਰੀ ਦੇ ਨਾਂਅ 'ਤੇ ਦਿੱਤੀ ਚਿੱਠੀ 'ਚ ਕਿਹਾ ਕਿ ਉਹ ਇਸ ਬਿਮਾਰੀ ਦੇ ਪ੍ਰਕੋਪ ਦੌਰਾਨ ਲੋਕਾਂ ਦੀ ਭਲਾਈ ਲਈ ਸਿਹਤ ਵਿਭਾਗ ਜਾਂ ਪੁਲਿਸ ਵਿਭਾਗ ਨਾਲ ਸੇਵਾਵਾਂ ਨਿਭਾਉਂਣ ਲਈ ਵੀ ਤਿਆਰ ਹੈ ।