ਲੁਧਿਆਣਾ

ਜਗਰਾਉਂ/ਲੁਧਿਆਣਾ , ਮਈ 2020 -(ਰਾਣਾ ਸ਼ੇਖਦੌਲਤ/ਸਤਪਾਲ ਸਿੰਘ ਦੇਹੜਕਾ/  ਮਨਜਿੰਦਰ ਗਿੱਲ)-) ਜਗਰਾਉਂ ਦੇ ਇੱਕ ਪਰਿਵਾਰ ਨਾਲ ਕਨੇਡਾ ਲੈ ਜਾਣ ਦਾ ਝਾਸਾਂ ਦੇ ਕੇ 2200000 ਰੁਪਏ ਦੀ ਠੱਗੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਾਣਕਾਰੀ ਦਿੰਦੇ ਹੋਏ ਏ.ਐਸ. ਆਈ ਦਵਿੰਦਰ ਕੁਮਾਰ ਥਾਣਾ ਸਿਟੀ ਨੇ ਦੱਸਿਆ ਕਿ ਇੰਦਰਜੀਤ ਸਿੰਘ ਪੁੱਤਰ ਸਾਧੂ ਸਿੰਘ ਵਾਸੀ ਅਗਵਾੜ ਲੋਪੋ ਜਗਰਾਉਂ ਨੇ ਦਰਖਾਸਤ ਦਿੱਤੀ ਕਿ ਮੇਰੇ ਲੜਕੇ ਦਾ ਵਿਆਹ ਮਨਪ੍ਰੀਤ ਕੌਰ ਪੁੱਤਰੀ ਮਨਜੀਤ ਸਿੰਘ ਕੋਠੇ ਗੁਰੂ ਕਾ,ਭਾਈ ਭਗਤਾ,ਬਠਿੰਡਾ ਦੇ ਨਾਲ ਹੋਇਆ ਸੀ ਮਨਪ੍ਰੀਤ ਕੌਰ ਨੇ ਕਨੇਡਾ ਜਾਣ ਵਾਸਤੇ ਮੇਰੇ ਤੋਂ ਸਾਰੀ ਸਟੂਡੈਂਟਸ ਵੀਜ਼ੇ ਲਈ ਫੀਸ ਜਮ੍ਹਾਂ ਕਰਵਾ ਦਿੱਤੀ ਤੇ ਬਾਅਦ ਵਿੱਚ ਜੋ ਵੀ ਖਰਚਾ ਆਇਆ।ਮੈਂ ਹੀ ਕੀਤਾ ਸੀ ਜੋ ਕੁੱਲ ਰਕਮ 22,34,244ਰੁਪਏ ਬਣਦੀ ਹੈ ਕਨੇਡਾ ਜਾਣ ਤੋਂ ਬਾਅਦ ਉਸ ਨੇ ਸਾਡੇ ਨਾਲ ਗੱਲਬਾਤ ਕਰਨੀ ਬੰਦ ਕਰ ਦਿੱਤੀ ਜਦੋਂ ਅਸੀਂ ਪੈਸਿਆਂ ਦੀ ਮੰਗ ਕੀਤੀ ਤਾਂ ਮੇਰੇ ਰੁਪਏ ਆਪਣੇ ਘਰ ਭੇਜ ਦਿੱਤੇ ਜਦੋਂ ਮੈਨੂੰ ਲਾਰਾ ਲਾ ਦਿੰਦੀ ਸੀ ਏ.ਐਸ. ਆਈ ਦਵਿੰਦਰ ਕੁਮਾਰ ਨੇ ਦੱਸਿਆ ਕਿ ਜਦੋਂ ਮੈਂ ਇਸ ਦੀ ਤਫਤੀਸ਼ ਕਰਨ ਤੋਂ ਬਾਅਦ ਪਤਾ ਲੱਗਾ ਕਿ ਇੰਦਰਜੀਤ ਸਿੰਘ ਨਾਲ ਠੱਗੀ ਹੋਈ ਹੈ ।ਅਤੇ ਦੋਸ਼ੀਆਂ ਤੇ 420,406 ਦਾ ਮੁੱਕਦਮਾ ਦਰਜ ਕਰ ਦਿੱਤਾ ਹੈ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਸ੍ਰੋਮਣੀ ਗੁਰਮਤਿ ਗ੍ਰੰਥੀ ਸਭਾ ਪੰਜਾਬ ਦੇ ਪ੍ਰਚਾਰ ਸਕਤਰ ਬਾਬਾ ਹੰਸ ਰਾਜ ਸਿੰਘ ਜਗਰਾਉਂ ਨੂੰ ਉਸ ਸਮੇਂ ਗਹਿਰਾ ਸਦਮਾ ਪੁਜਾ ਜਦੋਂ ਉਨ੍ਹਾਂ ਦੇ ਮਾਤਾ ਜੀ ਪ੍ਰੀਤਮ ਕੋਰ ਪ੍ਰੀਵਾਰ ਨੂੰ ਸਦੀਵੀ ਵਿਛੋੜਾ ਦੇ ਕੇ ਗੁਰੂ ਚਰਨਾਂ ਵਿਚ ਜਾ ਬਿਰਾਜੇ।ਉਹ ਕਰੀਬ 64 ਵਰ੍ਹਿਆਂ ਦੇ ਸਨ ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਕਰ ਦਿਤਾ ਗਿਆ ਹੈ।ਉਨ੍ਹਾਂ ਦੇ ਅਕਾਲ ਚਲਾਣੇ ਤੇ ਸ੍ਰੋਮਣੀ ਗੁਰਮੀਤ ਗ੍ਰਥੀ ਸਭਾ ਪੰਜਾਬ ਦੇ ਪ੍ਰਧਾਨ ਭਾਈ ਸੁਖਦੇਵ ਸਿੰਘ ਨਸਰਾਲੀ ,ਚੇਅਰਮੈਨ ਭਾਈ ਕੁਲਦੀਪ ਸਿੰਘ ਰਣੀਆਂ ,ਚੀਵ ਜਨਰਲ ਅਵਤਾਰ ਸਿੰਘ ਰਾਜੂ,ਰਾਗੀ ਭਾਈ ਕੁਲਜੀਤ ਸਿੰਘ ਭਜਨਗੜ,ਭਾਈ ਸਤਨਾਮ ਸਿੰਘ ਦਦੇਹਰ ,ਭਾਈ ਨਿਰਮਲ ਸਿੰਘ ਖਾਲਸਾ ,ਭਾਈ ਨਰਿੰਜਣ ਸਿੰਘ ਹਾਂਸ,ਭਾਈ ਲਾਲ ਸਿੰਘ,ਭਾਈ ਜਸਵੀਰ ਸਿੰਘ ਚੋਂਕੀਮਾਨ ,ਭਾਈ ਜਸਬੀਰ ਸਿੰਘ ਬੈਰਾਗੀ,ਭਾਈ ਕੁਲਦੀਪ ਸਿੰਘ ਮਾਹਲਾ ,ਭਾਈ ਹਰੀ ਸਿੰਘ,ਭਾਈ ਬਖਸ਼ੀਸ਼ ਸਿੰਘ ਆਦਿ ਨੇ ਬਾਬਾ ਹੰਸ ਰਾਜ ਸਿੰਘ ਨਾਲ ਦੁਖ ਦਾ ਪ੍ਰਗਟਾਵਾ ਕੀਤਾ।

ਜਗਰਾਓ/ਲੁਧਿਆਣਾ, ਮਈ 2020 -(ਸਤਪਾਲ ਸਿੰਘ ਦੇਹੜਕਾ/ਚਰਨਜੀਤ ਸਿੰਘ ਚੰਨ/ਮਨਜਿੰਦਰ ਗਿੱਲ)-

ਜਗਰਾਓਂ ਸਿਵਲ ਹਸਪਤਾਲ ਵਿਖੇ ਬੀਤੀ ਦੇਰ ਰਾਤ ਰਾਜਸਥਾਨ ਤੋਂ ਪੁੱਜੇ 17 ਹੋਰ ਵਿਅਕਤੀਆਂ ਨੂੰ ਏਕਾਂਤਵਾਸ ਕਰਦਿਆਂ ਉਨ੍ਹਾਂ ਦੇ ਨੋਵਲ ਕੋਰੋਨਾ ਵਾਇਰਸ ਕੋਵਿਡ-19 ਦੀ ਜਾਂਚ ਲਈ ਸੈਂਪਲ ਲਏ ਗਏ। ਪਹਿਲਾਂ ਵੀ ਜਗਰਾਓਂ ਸਿਵਲ ਹਸਪਤਾਲ ਵਿਖੇ 5 ਮਰੀਜ਼ ਪਾਜੇਟਿਵ ਹਨ,ਜਿਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ ਅਤੇ ਚਾਰਾਂ ਦੀ ਰਿਪੋਰਟ ਦਾ ਇੰਤਜ਼ਾਰ ਹੈ। ਹੁਣ ਹਸਪਤਾਲ ਵਿਚ 5 ਪਾਜੇਟਿਵ ਸਮੇਤ 26 ਵਿਅਕਤੀ ਏਕਾਂਤਵਾਸ ਕੀਤੇ ਗਏ ਹਨ। ਇਨ੍ਹਾਂ 17 ਵਿਅਕਤੀਆਂ ਵਿਚੋਂ 16 ਪਿੰਡ ਮਾਣੂੰਕੇ ਅਤੇ 1 ਪਿੰਡ ਗਾਲਿਬ ਰਣ ਸਿੰਘ ਦਾ ਰਹਿਣ ਵਾਲਾ ਹੈ। ਪ੍ਰਰਾਪਤ ਜਾਣਕਾਰੀ ਅਨੁਸਾਰ ਬੀਤੀ ਦੇਰ ਰਾਤ ਜਗਰਾਓਂ ਵਿਖੇ ਸਰਕਾਰ ਵੱਲੋਂ ਰਾਜਸਥਾਨ 'ਚ ਫਸੇ ਉਕਤ ਪਿੰਡਾਂ ਦੇ ਵਿਅਕਤੀਆਂ ਜੋ ਕਿ ਲੇਬਰ ਦਾ ਕੰਮ ਕਰਦੇ ਹਨ, ਨੂੰ ਲਿਆਂਦਾ ਗਿਆ। ਇਨ੍ਹਾਂ 17 ਵਿਅਕਤੀਆਂ ਨੂੰ ਸਿਵਲ ਹਸਪਤਾਲ ਦੇ ਏਕਾਂਤਵਾਸ ਵਿਭਾਗ ਦੇ ਨੋਡਲ ਅਫਸਰ ਡਾ. ਸੰਗੀਨਾ ਗੁਪਤਾ ਦੀ ਅਗਵਾਈ ਹੇਠ ਅੱਜ ਸੈਂਪਲ ਲੈ ਕੇ ਜਾਂਚ ਲਈ ਭੇਜੇ ਗਏ।  

ਕਾਉਂਕੇ ਕਲਾਂ,  ਮਈ  2020 ( ਜਸਵੰਤ ਸਿੰਘ ਸਹੋਤਾ)-ਇਸ ਸਮੇ ਸੂਬੇ ਦੀਆਂ ਅਨਾਜ ਮੰਡੀਆਂ ਵਿੱਚ ਬਾਰਦਾਨੇ ਤੇ ਖਰੀਦੀ ਕਣਕ ਦੀ ਚੁਕਾਈ ਦੀਆਂ ਸਮੱਸਿਆ ਵੱਡੀ ਪੱਧਰ ਤੇ ੳੱੁਭਰ ਕੇ ਸਾਹਮਣੇ ਆ ਰਹੀਆਂ ਹਨ ਤੇ ਕਿਸਾਨ ਮਜਦੂਰ ਤੇ ਆੜਤਈਆਂ ਵਰਗ ਇੰਨਾ ਸਮੱਸਿਆਵਾਂ ਤੋ ਪੀੜਤ ਮੰਡੀਆਂ ਵਿੱਚ ਰੁਲਣ ਨੂੰ ਮਜਬੂਰ ਹੈ ਜਦਕਿ ਕੈਪਟਨ ਸਰਕਾਰ ਵੱਲੋ ਇੰਨਾ ਸਮੱਸਿਆਵਾਂ ਨੂੰ ਹੱਲ ਕਰਨ ਦੀ ਥਾਂ ਸਰਾਬ ਦੇ ਠੇਕੇ ਖੋਲਣ ਦੀ ਕਾਹਲੀ ਹੈ ਜਿਸ ਦਾ ਲਿਆਂ ਇਹ ਫੈਸਲਾ ਗੈਰ-ਜਿੰਮੇਵਾਰ ਹੈ।ਇਸ ਮੱੁਦੇ ਸਬੰਧੀ ਗੱਲਬਾਤ ਕਰਦਿਆ ਅਕਾਲੀ ਦਲ (ਅ) ਦੇ ਸੀਨੀਅਰ ਆਗੂਆਂ ਜੱਥੇਦਾਰ ਤ੍ਰਲੋਕ ਸਿੰਘ ਡੱਲਾ , ਮਹਿੰਦਰ ਸਿੰਘ ਭੰਮੀਪੁਰਾ ,ਗੁਰਦੀਪ ਸਿੰਘ ਮੱਲਾ,ਗੁਰਨਾਮ ਸਿੰਘ ਡੱਲਾ ਨੇ ਕਿਹਾ ਕਿ ਸੂਬੇ ਦੀਆਂ ਅਨਾਜ ਮੰਡੀਆਂ ਦੀ ਹਾਲਤ ਇਸ ਸਮੇ ਬਾਰਦਾਨੇ ਤੇ ਲਿਫਟਿੰਗ ਨੂੰ ਲੈ ਕੇ ਤਰਸਯੋਗ ਬਣੀ ਹੋਈ ਹੈ ਜਦਕਿ ਕੈਪਟਨ ਸਰਕਾਰ ਸਰਾਬ ਨੂੰ ਘਰ ਘਰ ਪਹਚਾਉਣ ਲਈ ਅੱਡੀ ਚੋਟੀ ਦਾ ਜੋਰ ਲਾ ਰਹੀ ਹੈ।ਉਨਾ ਕਿਹਾ ਕਿ ਇਸ ਸਮੇ ਸੂਬੇ ਦੀ ਜਨਤਾਂ ਨੂੰ ਕਰੋਨਾ ਵਾਇਰਸ ਕਾਰਨ ਲੱਗੇ ਲਾਕਡਾਉਨ ਦੇ ਚੱਲਦਿਆ ਦੋ ਵਕਤ ਦੀ ਰੋਟੀ ਦਾ ਫਿਕਰ ਤੇ ਜਿੰਨਾ ਲਈ ਰਾਸਨ ਤੇ ਹੋਰ ਲੋੜੀਦੀਆਂ ਸੂਹਲਤਾਂ ਦੀ ਇਸ ਸਮੇ ਪੂਰੀ ਲੋੜ ਹੈ ਜਦਕਿ ਸਰਕਾਰ ਜਨਤਾ ਨੂੰ ਸੁਹਲਤਾਂ ਦੇਣ ਦੀ ਥਾਂ ਸਰਾਬ ਮੁਹੱਈਆਂ ਕਰਵਾਉਣ ਲਈ ਉਤਾਵਲੀ ਹੈ।ਇਸ ਸਮੇ ਆਗੂਆਂ ਨੇ ਇਹ ਵੀ ਦੋਸ ਲਾਇਆ ਕਿ ਸਰਕਾਰ ਵੱਲੋ ਸੱਚਖੰਡ ਸ੍ਰੀ ਹਜੂਰ ਸਾਹਿਬ ਤੋ ਆਏ ਸਰਧਾਲੂਆਂ ਲਈ ਵੀ ਕੋਈ ਢੁਕਵੇਂ ਪ੍ਰਬੰਧ ਨਹੀ ਕੀਤੇ ਜਿਸ ਸਬੰਧੀ ਸਰਧਾਲੂਆਂ ਵਿੱਚ ਵੱਖਰੇ ਤੌਰ ਤੇ ਸਰਕਾਰ ਪ੍ਰਤੀ ਭਾਰੀ ਰੋਸ ਹੈ।ਇਸ ਸਮੇ ਉਨਾ ਕੇਂਦਰ ਦੀ ਅਗਵਾਈ ਵਾਲੀ ਮੋਦੀ ਸਰਕਾਰ ਵੱਲੋ ਤੇਲ ਕੀਮਤਾਂ ਵਿੱਚ ਕੀਤੇ ਵਾਧੇ ਦੀ ਵੀ ਨਿੰਦਾ ਕਰਦਿਆ ਕਿਹਾ ਕਿ ਇਸ ਸੰਕਟ ਸਮੇ ਸਰਕਾਰ ਨੂੰ ਚਾਹੀਦਾ ਹੈ ਕਿ ਉਹ ਲਾਕਡਾਉਨ ਤੋ ਪੀੜਤ ਜਨਤਾ ਦੀ ਮੱਦਦ ਕਰੇ ਜਦਕਿ ਕੇਂਦਰ ਸਰਕਾਰ ਇਸ ਸੰਕਟ ਸਮੇ ਜਨਤਾ ਤੇ ਹੋਰ ਬੇਲੋੜਾ ਬੋਝ ਥੋਪ ਰਹੀ ਹੈ ਜਿਸ ਨੂੰ ਬਰਦਾਸਤ ਕਰਨਾ ਇਸ ਸਮੇ ਜਨਤਾ ਦੇ ਵੱਸ ਵਿੱਚ ਨਹੀ ਹੈ।ਇਸ ਤੋ ਇਲਾਵਾ ਉਨਾ ਇਸ ਸੰਕਟ ਸਮੇ ਵੀ ਬੰਦੀ ਸਿੰਘਾਂ ਦੀ ਰਿਹਾਈ ਨਾ ਹੋਣ ਤੇ ਦੱੁਖ ਪ੍ਰਗਟ ਕੀਤਾ ਤੇ ਬਰਗਾੜੀ ਕਾਂਡ ਦੇ ਦੋਸੀ ਵਿਅਕਤੀਆਂ ਨੂੰ ਅਜੇ ਤੱਕ ਸਜਾ ਨਾ ਮਿਲਣ ਤੇ ਵੀ ਸਰਕਾਰ ਦੀ ਨਿਖੇਧੀ ਕੀਤੀ।