ਜਗਰਾਓਂ, ਅਕਤੂਬਰ 2020 -(ਮੋਹਿਤ ਗੋਇਲ)-

ਲੋਕ ਸਭਾ ਮੈਂਬਰ ਰਵਨੀਤ ਸਿੰਘ ਬਿੱਟੂ ਖ਼ਿਲਾਫ਼ ਕਾਰਵਾਈ ਕਰਨ ਦੀ ਮੰਗ ਨੂੰ ਲੈ ਕੇ ਭਾਜਪਾ ਜ਼ਿਲ੍ਹਾ ਜਗਰਾਓਂ ਦਿਹਾਤੀ ਵੱਲੋਂ ਐੱਸਐੱਸਪੀ ਚਰਨਜੀਤ ਸਿੰਘ ਸੋਹਲ ਨੂੰ ਦਰਖਾਸਤ ਦਿੱਤੀ। ਭਾਜਪਾ ਦੇ ਸੂਬਾ ਪ੍ਰਧਾਨ ਅਸ਼ਵਨੀ ਸ਼ਰਮਾ ਨੂੰ ਸ਼ਰੇਆਮ ਜਾਨ ਤੋਂ ਮਾਰਨ ਦੀ ਧਮਕੀ ਦੇਣ, ਪਾਰਟੀ ਵਰਕਰਾਂ ਖ਼ਿਲਾਫ਼ ਲੋਕਾਂ ਨੂੰ ਭੜਕਾਉਣ ਅਤੇ ਸੂਬੇ ਦੀ ਸ਼ਾਂਤੀ ਭੰਗ ਕਰਨ ਦੇ ਦੋਸ਼ ਲਗਾਉਂਦਿਆਂ ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਗੌਰਵ ਖੁੱਲਰ ਨੇ ਕਿਹਾ ਕਿ ਐੱਮਪੀ ਬਿੱਟੂ ਨੇ ਉਕਤ ਜਾਨਲੇਵਾ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ ਤਾਂ ਉਨ੍ਹਾਂ 'ਤੇ ਤੁਰੰਤ ਕਾਰਵਾਈ ਹੋਣੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਕਿ ਬਿੱਟੂ ਨੇ ਐੱਮਪੀ ਬਣਨ 'ਤੇ ਜੋ ਸਹੁੰ ਚੁੱਕੀ ਸੀ ਉਸ ਦੀ ਉਨ੍ਹਾਂ ਨੇ ਉਲੰਘਣਾ ਕੀਤੀ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਲੋਕਾਂ ਨੂੰ ਹਿੰਸਾ ਕਰਨ ਲਈ ਉਕਸਾਉਣ ਲਈ ਜ਼ਿੰਮੇਵਾਰ ਰਵਨੀਤ ਬਿੱਟੂ ਖ਼ਿਲਾਫ਼ ਮਾਮਲਾ ਦਰਜ ਕਰ ਕੇ ਗਿ੍ਫ਼ਤਾਰ ਕੀਤਾ ਜਾਣਾ ਚਾਹੀਦਾ ਹੈ। ਇਸ ਮੌਕੇ ਪਾਰਟੀ ਦੇ ਸੂਬਾ ਕਾਰਜਕਾਰਨੀ ਮੈਂਬਰ ਡਾ: ਰਾਜਿੰਦਰ ਸ਼ਰਮਾ ਤੇ ਦਵਿੰਦਰਜੀਤ ਸਿੰਘ ਸਿੱਧੂ, ਜਗਦੀਸ਼ ਓਹਰੀ, ਐਡਵੋਕੇਟ ਵਿਵੇਕ ਭਾਰਦਵਾਜ, ਯੁਵਾ ਮੋਰਚਾ ਦੇ ਜ਼ਿਲ੍ਹਾ ਪ੍ਰਧਾਨ ਅਮਿੱਤ ਸਿੰਘਲ, ਮੰਡਲ ਪ੍ਰਧਾਨ ਹਨੀ ਗੋਇਲ, ਅੰਕੁਸ਼ ਧੀਰ, ਲੀਗਲ ਸੈੱਲ ਦੇ ਅਭਿਸ਼ੇਕ ਗਰਗ, ਇੰਦਰਜੀਤ ਸਿੰਘ ਆਦਿ ਹਾਜ਼ਰ ਸਨ।

(ਫ਼ੋਟੋ-ਪਿੰਡ ਰਸੂਲਪੁਰ (ਮੱਲ੍ਹਾ) ਦੀ ਦਾਣਾ ਮੰਡੀ ਵਿਚ ਬਾਹਰਲੇ ਸੂਬੇ ਦਾ ਝੋਨਾ ਪਹੁੰਚਣ ਦੇ ਵਿਰੋਧ ਵਿਚ ਕਿਰਤੀ ਕਿਸਾਨ ਯੂਨੀਅਨ ਦੇ ਸੀਨੀਅਰ ਆਗੂ ਗੁਰਚਰਨ ਸਿੰਘ ਰਸੂਲਪੁਰ ਅਤੇ ਅਵਤਾਰ ਸਿੰਘ ਤਾਰੀ ਦੀ ਅਗਵਾਈ ਹੇਠ ਰਸੂਲਪੁਰ ਦੀ ਦਾਣ  )

ਹਠੂਰ/ਲੁਧਿਆਣਾ ,  ਅਕਤੂਬਰ  2020-( ਕੌਸ਼ਲ ਮੱਲ੍ਹਾ / ਮਨਜਿੰਦਰ ਗਿੱਲ)

 ਪਿੰਡ ਰਸੂਲਪੁਰ (ਮੱਲ੍ਹਾ) ਦੀ ਦਾਣਾ ਮੰਡੀ ਵਿਚ ਬਾਹਰਲੇ ਸੂਬੇ ਦਾ ਝੋਨਾ ਪਹੁੰਚਣ ਦੇ ਵਿਰੋਧ ਵਿਚ ਕਿਰਤੀ ਕਿਸਾਨ ਯੂਨੀਅਨ ਦੇ ਸੀਨੀਅਰ ਆਗੂ ਗੁਰਚਰਨ ਸਿੰਘ ਰਸੂਲਪੁਰ ਅਤੇ ਅਵਤਾਰ ਸਿੰਘ ਤਾਰੀ ਦੀ ਅਗਵਾਈ ਹੇਠ ਰਸੂਲਪੁਰ ਦੀ ਦਾਣਾ ਮੰਡੀ ਵਿਚ ਰੋਸ ਪ੍ਰਦਰਸ਼ਨ ਕੀਤਾ ਗਿਆ। ਇਸ ਰੋਸ ਪ੍ਰਦਰਸ਼ਨ ਵਿਚ ਕਿਸਾਨਾਂ ਅਤੇ ਮਜਦੂਰਾਂ ਨੇ ਵੱਡੀ ਗਿਣਤੀ ਵਿਚ ਸ਼ਮੂਲੀਅਤ ਕੀਤੀ। ਇਸ ਰੋਸ ਪ੍ਰਦਰਸਨ ਨੂੰ ਸੰਬੋਧਨ ਕਰਦਿਆ ਬੁਲਾਰਿਆਂ ਨੇ ਕਿਹਾ ਕਿ ਕੁਝ ਲਾਲਚੀ ਆੜ੍ਹਤੀਏ ਕਿਸਾਨਾਂ ਦੇ ਸੰਘਰਸ ਨਾਲ ਦਗਾ ਕਮਾ ਰਹੇ ਹਨ ਅਤੇ ਜੋ ਵਧੇਰੇ ਮੁਨਾਫਾ ਕਮਾਉਣ ਦੇ ਚੱਕਰ ਵਿਚ ਯੂਪੀ ਅਤੇ ਬਿਹਾਰ ਵਰਗੇ ਸੂਬਿਆਂ ਵਿਚੋ ਸਸਤੇ ਰੇਟ ਤੇ ਝੋਨਾ ਖਰੀਦ ਕੇੇ ਪਿੰਡਾਂ ਵਿਚ ਰਾਤ ਸਮੇਂ ਸਰਕਾਰੀ ਰੇਟ 1888 ਰੁਪਏ ਪ੍ਰਤੀ ਕੁਇੰਟਲ ਵੇਚ ਰਹੇ ਹਨ, ਉਨ੍ਹਾਂ ਦਾ ਉਹ ਸਖਤ ਵਿਰੋਧ ਕਰਦੇ ਹਨ।ਉਨ੍ਹਾਂ ਮੰਗ ਕੀਤੀ ਕਿ ਦੇਹੜਕਾ ਟ੍ਰੇਡਿੰਗ ਖਰੀਦ ਏਜੰਸੀ ਦੀ ਏਜੰਸੀ ਬੰਦ ਕੀਤੀ ਜਾਵੇ, ਮੰਡੀ ਵਿਚ ਆਇਆ ਝੋਨਾ ਜਬਤ ਕੀਤਾ ਜਾਵੇ ਅਤੇ ਸਬੰਧਤ ਦੋਸੀਆਂ ਖਿਲਾਫ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ। ਇਸ ਮੌਕੇ ਡਾ:ਜਰਨੈਲ ਸਿੰਘ, ਦਲੀਪ ਸਿੰਘ, ਗੁਰਚਰਨ ਸਿੰਘ, ਨਿੰਮਾ ਸਿੰਘ, ਅਜੈਬ ਸਿੰਘ, ਪਿੰਦੂ ਰਸੂਲਪੁਰ, ਅਮਰਜੀਤ ਸਿੰਘ, ਗੁਰਮੇਲ ਸਿੰਘ, ਗੁਰਪ੍ਰਰੀਤ ਸਿੰਘ, ਗੋਪੀ ਸਿੰਘ, ਹਰਦੇਵ ਸਿੰਘ, ਸੀਰਾ ਸਿੰਘ, ਰਾਮ ਸਿੰਘ, ਸੋਹਣ ਸਿੰਘ, ਮੋਹਣ ਸਿੰਘ ਹਾਜ਼ਰ ਸਨ।

ਜਗਰਾਉ,  ਅਕਤੂਬਰ 2020  ( ਕੁਲਵਿੰਦਰ ਸਿੰਘ ਚੰਦੀ ) :- ਅਗਾਂਹਵਧੂ ਕਿਸਾਨ ਅਤੇ ਵਾਤਾਵਰਣ ਪ੍ਰੇਮੀ ਹਰਦੀਪ ਸਿੰਘ ਸੋਖੋਂ ਪਿੰਡ ਭੂੰਦੜੀ ਬਲਾਕ ਸਿੱਧਵਾਂ ਬੇਟ ਜ਼ਿਲ੍ਹਾ ਲੁਧਿਆਣਾ ਦੇ ਰਹਿਣ ਵਾਲਾ ਹੈ । ਇਸ ਕਿਸਾਨ ਨੇ ਪਿਛਲੇ 8 ਸਾਲਾਂ ਤੋਂ ਫਸਲਾਂ ਦੀ ਰਹਿੰਦ - ਖੂੰਹਦ ਝੋਨੇ ਦੀ ਪਰਾਲੀ ਨੂੰ ਬਿਨ੍ਹਾਂ ਅੱਗ ਲਗਾਏ ਆਪਣੇ ਖੇਤਾਂ ਵਿੱਚ ਹੀ ਵਾਹ ਕੇ ਜ਼ਮੀਨ ਦੀ ਉਪਜਾਊ ਸ਼ਕਤੀ ਵਧਾਈ , ਕੈਮੀਕਲ ਖਾਦਾਂ ਦੀ ਵਰਤੋਂ ਘੱਟ ਕਰਕੇ ਫਸਲਾਂ ਨੂੰ ਬੀਮਾਰੀਆਂ ਤੋਂ ਬਚਾਇਆ ਅਤੇ ਚੰਗੀ ਪੈਦਾਵਾਰ ਪ੍ਰਾਪਤ ਕਰਕੇ ਇੱਕ ਚੰਗੀ ਮਿਸਾਲ ਕਾਇਮ ਕੀਤੀ ਹੈ । ਕਿਸਾਨ ਹਰਦੀਪ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਮੈਟਿਕ ਤੋਂ ਬਾਅਦ ਹੀ ਉਸਨੇ ਆਪਣੇ ਪਿਤਾ ਦੇ ਨਾਲ ਖੇਤੀਬਾੜੀ ਦੇ ਕੰਮਾਂ ਵਿੱਚ ਹੱਥ ਵਟਾਉਣ ਸ਼ੁਰੂ ਕਰ ਦਿੱਤਾ ਤੇ ਹੁਣ ਕਣਕ , ਝੋਨੇ ਦੀ ਫਸਲ ਤੋਂ ਇਲਾਵਾ ਆਲੂ ਤੇ ਮੱਕੀ ਦੀ ਵੀ ਕਾਸ਼ਤ ਕਰ ਰਿਹਾ ਹੈ । ਪੜ੍ਹਿਆ - ਲਿਖਿਆ ਹੋਣ ਕਰਕੇ ਕਿਸਾਨ ਖੇਤੀਬਾੜੀ ਵਿਭਾਗ ਦੇ ਅਧਿਕਾਰੀਆਂ ਨਾਲ ਮਿਲਵਰਤਣ ਕਰਕੇ ਵਧੀਆ ਕੁਆਲਟੀ ਦੇ ਬੀਜ , ਲੋੜ ਅਨੁਸਾਰ ਕੈਮੀਕਲਜ਼ ਖਾਦਾਂ ਦੀ ਵਰਤੋਂ ਕਰਕੇ , ਫਸਲਾਂ ਦਾ ਭਰਪੂਰ ਝਾੜ ਲੈਂਦਾ ਆ ਰਿਹਾ ਹੈ । ਅਗਾਂਹਵਧੂ ਸੋਚ ਰੱਖਣ ਵਾਲੇ ਕਿਸਾਨ ਨੇ ਦੱਸਿਆ ਕਿ ਪਿਛਲੇ ਸਾਲ ਵੀ ਉਸਨੇ ਕਣਕ ਦਾ ਝਾੜ ਪ੍ਰਤੀ ਏਕੜ 26 ਕੁਇੰਟਲ ਪ੍ਰਾਪਤ ਕੀਤਾ ਅਤੇ ਝੋਨੇ ਦੀ ਔਸਤਨ 38 ਕੁਇੰਟਲ ਪ੍ਰਤੀ ਏਕੜ ਪਿਛਲੇ ਸਾਲ ਪ੍ਰਾਪਤ ਕੀਤੀ । ਉਸਨੇ ਦੱਸਿਆ ਕਿ ਐਂਤਕੀ ਝੋਨੇ ਦੀ ਫਸਲ ਬਹੁਤ ਚੰਗੀ ਹੈ ਜਿਸਦਾ ਅੰਦਾਜ਼ਨ ਝਾੜ 38 ਤੋਂ 40 ਕੁਇੰਟਲ ਪ੍ਰਤੀ ਏਕੜ ਆਵੇਗਾ । ਐਤਕੀ ਉਸਨੇ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਦੇ ਅਧਿਕਾਰੀ ਡਾ.ਸ਼ਰਨਜੀਤ ਸਿੰਘ ਮੰਡ ਨਾਲ ਤਾਲਮੇਲ ਕਰਕੇ ਝੋਨੇ ਦੀ ਸਿੱਧੀ ਬਿਜਾਈ ਲੱਗਭਗ 6.5 ਏਕੜ ਕੀਤੀ ਹੈ , ਜਿਸ ਵਿੱਚ ਕੋਈ ਨਦੀਨ ਨਹੀ , ਫਸਲ ਇੱਕ ਸਾਰ ਹੈ ਅਤੇ ਕੋਈ ਬਿਮਾਰੀ ਵੀ ਨਹੀਂ ਪਈ । ਕਿਸਾਨ ਨੇ ਅੱਗੇ ਦੱਸਿਆ ਕਿ ਝੋਨੇ ਦੀ ਸਿੱਧੀ ਬਿਜਾਈ ਰਾਹੀ ਜਿੱਥੇ ਪਾਣੀ ਦੀ 50 ਪ੍ਰਤੀਸ਼ਤ ਬੱਚਤ ਹੋਈ , ਸਮੇਂ ਦੀ ਬੱਚਤ , ਲੇਬਰ ਦੀ ਬੱਚਤ ਦੇ ਨਾਲ - ਨਾਲ ਫਸਲ ਦਾ ਝਾੜ ਵੀ ਚੰਗਾ ਪ੍ਰਾਪਤ ਹੋਣ ਦੀ ਉਮੀਦ ਹੈ । ਕਿਸਾਨ ਨੇ ਆਪਣਾ ਨਿੱਜੀ ਤਜ਼ਰਬਾ ਸਾਂਝਾ ਕਰਦਿਆਂ ਦੱਸਿਖਿਆ ਕਿ ਖੇਤੀਬਾੜੀ ਕਿੱਤਾ ਕੋਈ ਘਾਟੇ ਵਾਲਾ ਵਣਜ ਨਹੀਂ ਹੈ , ਲੋੜ ਹੈ ਇਸ ਨੂੰ ਸਹੀ ਢੰਗ ਨਾਲ ਕਰਨ ਦੀ । ਖੇਤੀਬਾੜੀ ਵਿਭਾਗ ਦੇ ਅਧਿਕਾਰੀਆਂ ਦੇ ਨਾਲ ਤਾਲਮੇਲ ਕਰਕੇ ਲੋੜ ਤੇ ਸਿਫਾਰਸ਼ ਕੀਤੇ ਅਨੁਸਾਰ ਖਾਦ , ਬੀਜ , ਕੀੜੇਮਾਰ ਜਹਿਰਾਂ ਦੀ ਵਰਤੋਂ ਕੀਤੀ ਜਾਵੇ ਜਿਸ ਨਾਲ ਖਰਚਾ ਘੱਟਦਾ ਹੈ ਤੇ ਆਮਦਨੀ ਵੱਧਦੀ ਹੈ । ਹਰਦੀਪ ਸਿੰਘ ਦੀ 10 ਏਕੜ ਮਾਲਕੀ ਅਤੇ 25 ਏਕੜ ਠੇਕੇ ' ਤੇ ਜ਼ਮੀਨ ਲੈ ਕੇ ਖੁਦ ਆਪਣੀ ਹਾਜ਼ਰੀ ਵਿੱਚ ਲੇਬਰ ਤੋਂ ਕੰਮ ਕਰਵਾਉਦਾ ਹੈ , ਜਿਸ ਸਦਕਾ ਚੰਗਾ ਝਾੜ ਪ੍ਰਾਪਤ ਹੁੰਦਾ ਹੈ । ਹਰਦੀਪ ਸਿੰਘ ਨੇ ਕਿਹਾ ਕਿ ਫਸਲਾਂ ਦੀ ਰਹਿੰਦ - ਖੂੰਹਦ ਖੇਤਾਂ ਵਿੱਚ ਸਮੇਟਣ ਲਈ ਸਰਕਾਰ ਵੱਲੋ ਮਸ਼ੀਨਰੀ ਤੇ ਅਲੱਗ - ਅਲੱਗ ਸਮੇਂ ਦਿੱਤੀ ਗਈ ਸਬਸਿਡੀ ' ਤੇ ਮਲਚਰ , ਲੇਜ਼ਰ ਲੈਵਲਰ , ਸਟਰਾਅ ਰੀਪਰ ਪ੍ਰਾਪਤ ਕੀਤਾ । ਇਸ ਤੋਂ ਇਲਾਵਾ ਕਿਸਾਨ ਕੋਲ ਹੋਰ ਮਸ਼ੀਨਰੀ ਦੇ ਸੰਦ ਜਿਵੇਂ ਐਮ.ਬੀ. ਪਲਾਉ , ਰੋਟਾਵੇਟਰ , ਹਲ , ਟ੍ਰੈਕਟਰ ( 3 ) , ਸੁਹਾਗਾ , ਟਰਾਲੀ ਆਦਿ ਵੀ ਹਨ । ਕਿਸਾਨ ਨੇ ਦੱਸਿਆ ਕਿ ਉਹ ਝੋਨੇ ਦੀ ਕਟਾਈ ਸੁਪਰ ਐਸ.ਐਮ.ਐਸ. ਯੁਕਤ ਕੰਬਾਈਨ ਨਾਲ ਕਟਵਾਉਣ ਤੋਂ ਬਾਅਦ ਮਲਚਰ ਚਲਾ ਕੇ ਐਮ.ਬੀ.ਪਲਾਉ ਚਲਾ ਕੇ ਝੋਨੇ ਦੀ ਪਰਾਲੀ ਨੂੰ ਖੇਤਾਂ ਵਿੱਚ ਹੀ ਮਿਲਾ ਦਿੰਦਾ ਹੈ ਤੇ ਸੀਡ ਡਰਿੱਲ ਰਾਹੀ ਕਣਕ ਦੀ ਬੀਜਾਈ ਕਰਦਾ ਹੈ । ਇਸ ਪੂਰ ਪ੍ਰੋਸੈਸ ਲਈ ਡੀਜ਼ਲ ਖਰਚਾ 2000 ਤੋਂ 2200 ਰੁਪਏ ਪ੍ਰਤੀ ਏਕੜ ਆਉਂਦਾ ਹੈ । ਇਸ ਤੋਂ ਇਲਾਵਾ ਕਿਸਾਨ ਔਰਗੈਨਿਕ ਖੇਤੀ ਵੀ ਕਰਦਾ ਹੈ ਤੇ ਨਾਲ ਘਰ ਦੇ ਦੁੱਧ ਲਈ ਪਸ਼ੂ ਵੀ | ਰੱਖੇ ਹਨ । ਸਾਰਾ ਪਰਿਵਾਰ ਸਾਦਾ ਜੀਵਨ ਬਤੀਤ ਕਰਦਾ ਹੈ ਤੇ ਗੁਰਸਿੱਖੀ ਦਾ ਧਾਰਨੀ ਹੈ । ਇਹ ਕਿਸਾਨ ਭੂੰਦੜੀ ਇਲਾਕੇ ਵਿੱਚ ਹੋਰ ਕਿਸਾਨਾਂ ਲਈ ਚਾਨਣ ਮੁਨਾਰਾ ਬਣਿਆ ਹੈ ।

ਜਗਰਾਉ,  ਅਕਤੂਬਰ 2020  (ਕੁਲਵਿੰਦਰ ਸਿੰਘ ਚੰਦੀ) :- ਨੋਜਵਾਨ  ਪੀੜ੍ਹੀ ਨੂੰ ਨਸ਼ਿਆ ਤੋਂ ਦੂਰ ਰੱਖਣ ਅਤੇ ਖੇਡਾਂ ਨੂੰ ਪ੍ਰਫੁੱਲਤ ਕਰਨ ਦੇ ਮਨੋਰਥ ਨਾਲ ਨੇੜਲੇ ਪਿੰਡ ਲੀਲ੍ਹਾਂ ਮੇਘ ਸਿੰਘ ਵਿੱਚ ਅਕਾਲ ਸਹਾਇ ਸਪੋਰਟਸ ਕਲੱਬ ਵੱਲੋਂ ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਗਗਨ ਧਾਲੀਵਾਲ ਦੀ ਯਾਦ ਵਿੱਚ ਪਹਿਲਾ ਯਾਦਗਾਰੀ ਕਬੱਡੀ ਟੂਰਨਾਮੈਂਟ ਕਰਵਾਇਆ ਗਿਆ  ਜਿਸ ਵਿੱਚ ਕਬੱਡੀ 50 ਕਿਲੋ ਅਤੇ ਕਬੱਡੀ ਓਪਨ ਦੇ ਮੈਚ ਕਰਵਾਏ ਗਏ  ਟੂਰਨਾਮੈਂਟ ਦੌਰਾਨ ਕਬੱਡੀ 50 ਕਿਲੋ ਦੀਆਂ 18 ਟੀਮਾਂ ਨੇ ਹਿੱਸਾ ਲਿਆ , 50 ਕਿਲੋ ਫਾਇਨਲ ਮੈਚ ਵਿੱਚ  ਨਰੈਣਗੜ੍ਹ ਸੋਹੀਆਂ ਦਾ ਪੇਚਾ ਕੋਕਰੀ ਬੁੱਟਰਾਂ ਨਾਲ ਪੈ ਗਿਆ ਜਿਸ ਵਿੱਚ ਨਰੈਣਗੜ੍ਹ ਸੋਹੀਆ ਨੇ ਪਹਿਲਾਂ ਸਥਾਨ ਹਾਸਲ ਕਰਕੇ 50 ਕਿਲੋ ਦੀ ਟਰਾਫੀ ਆਪਣੇ ਨਾਮ ਕੀਤੀ ਜਦ ਕਿ ਕੋਕਰੀ ਬੁੱਟਰ ਦੂਸਰੇ ਸਥਾਨ ਤੇ ਰਹੀ । ਕਬੱਡੀ ਓਪਨ ਵਿਚ 8 ਟੀਮਾਂ ਨੇ ਹਿੱਸਾ ਲਿਆ। ਜਿਸ ਵਿੱਚ ਸਾਨ੍ਹਾਂ ਦੇ ਭੇੜ ਹੁੰਦੇ ਰਹੇ ਪਰ ਆਖਰ ਵਿੱਚ  ਇਸ ਟੂਰਨਾਮੈਂਟ ਦੌਰਾਨ ਮੇਜ਼ਬਾਨ ਲੀਲਾਂ ਮੇਘ ਸਿੰਘ ਕਬੱਡੀ ਓਪਨ ਵਿੱਚ ਆਪਣੀ ਵਿਰੋਧੀ ਟੀਮ ਬੁਰਜ ਲਿੱਟਾਂ ਨੂੰ ਹਰਾ ਕੇ ਪਹਿਲਾਂ ਸਥਾਨ ਹਾਸਲ ਕਰਕੇ ਆਪਣੇ ਪਿੰਡ ਦੀ ਚੜ੍ਹਤ ਬਰਕਰਾਰ ਰੱਖਦਿਆ ਇਹ ਖੇਡ ਮੇਲਾ ਆਪਣੇ ਨਾਮ ਕਰ ਲਿਆ ਜਦੋ ਕਿ ਬੁਰਜ ਲਿੱਟਾਂ ਦੂਸਰੇ ਸਥਾਨ ਤੇ ਰਹੀ। ਇਸ ਕੱਬਡੀ ਟੂਰਨਾਮੈਟ ਵਿੱਚ   ਬੈਸਟ ਰੇਡਰ ਖਿਤਾਬ ਦੀਪੂ ਲੀਲਾਂ ਅਤੇ ਬਿੱਲਾ ਹਠੂਰ ਨੇ ਆਪਣੇ ਨਾ ਕੀਤਾ । ੲੇਸੇ ਤਰ੍ਹਾਂ  ਬੈਸਟ ਜਾਫੀ ਬਾਜ਼ੀ ਲੀਲਾਂ ਅਤੇ ਪਰਜੀਤਾ ਲੀਲਾਂ ਰਹੇ ਜਿਨ੍ਹਾਂ ਨੇ ਪੂਰੇ ਖੇਡ ਮੇਲੇ ਵਿੱਚ ਆਪਣੀ ਵਧੀਆ ਪ੍ਰਫਾਮਿਸ ਦਾ ਇਜਹਾਰ ਕੀਤਾ । 

ਇਸ ਕੱਬਡੀ ਟੂਰਨਾਮੈਂਟ ਵਿੱਚ ਇਨਾਮਾਂ ਦੀ ਵੰਡ ਕਰਨ ਪੁਹੰਚੇ ਵਿਧਾਨ ਸਭਾ ਹਲਕਾ ਜਗਰਾਉਂ ਦੇ ਇੰਚਾਰਜ ਅਤੇ ਸਾਬਕਾ ਮੰਤਰੀ ਮਲਕੀਤ ਸਿੰਘ ਦਾਖਾ ਨੇ ਖਿਡਾਰੀਆ ਅਤੇ ਸਮੂੰਹ ਨਗਰ ਨਿਵਾਸੀਆ ਨੂੰ ਸਬੋਧਨ ਕਰਦਿਆ ਆਖਿਆ ਕਿ ਇਸ ਵਕਤ ਜਿਥੇ ਦੇਸ਼ ਕਰੋਨਾਂ ਵਰਗੀ ਮਹਾਮਾਰੀ ਨਾਲ ਜੂਝ ਰਿਹਾ ਹੈ ਜਿਸ ਕਾਰਨ ਨੋਜਵਾਨ ਪਿਛਲੇ ਕਰੀਬ ਸਾਲ ਭਰ ਤੋ ਖੇਡਾਂ ਨਾਲੋਂ ਕਾਫੀ ਹੋ ਗੲੇ ਸਨ ਪਰ ਵਾਹਿਗੁਰੂ ਦੀ ਕ੍ਰਿਪਾ ਸਦਕਾ ਫਿਰ ਤੋਂ ਪੰਜਾਬ ਅੰਦਰ ਖੇਡ ਟੂਰਨਾਮੈਂਟ ਸ਼ੁਰੂ ਹੋ ਗਏ ਹਨ । ਜਿਸ ਲਈ ਲੀਲ੍ਹਾ ਮੇਘ ਸਿੰਘ ਦੀ ਨੋਜਵਾਨ ਖਿਡਾਰੀ ਅਤੇ ਸਮੁੱਚੀ ਪਚਾਇਤ ਤੇ ਨਗਰ ਨਿਵਾਸੀਆ ਵਿਧਾਈ ਦੇ ਪਾਤਰ ਹਨ। ਜਿਥੇ ਉਨ੍ਹਾ ਨੋਜਵਾਨਾਂ ਨੂੰ ਨਸ਼ਿਆ ਤੋ ਦੂਰ ਰਹਿ ਕੇ ਖੇਡਾਂ ਵੱਲ ਧਿਆਨ ਦੇਣ ਬਾਰੇ ਆਖਿਆ ਉਥੇ ਹੀ  ਪਿਛਲੇ ਲੰਮੇ ਸਮੇ ਤੋ ਕੇਂਦਰ ਸਰਕਾਰ ਵੱਲੋ ਲਿਆਦੇ ਖੇਤੀ ਸਬੰਧੀ ਕਾਲੇ ਕਾਨੂੰਨਾ ਨੂੰ ਰੱਦ ਕਰਵਾਉਣ ਨੂੰ ਲੈ ਕੇ ਧਰਨਿਆ ਤੇ ਬੈਠੇ ਕਿਸਾਨਾਂ ਨਾਲ ਖੜੇ ਹੋਣ ਦੀ ਵਕਾਲਤ ਕਰਦਿਆ ਕਿਹਾ ਕਿ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ 19 ਅਕਤੂਬਰ ਨੂੰ ਵਿਧਾਨ ਸਭਾ ਦਾ ਵਿਸ਼ੇਸ਼ ਸ਼ੈਸ਼ਨ ਬਲਾ ਕੇ ਕਿਸਾਨ ਵਿਰੋਧੀ ਕਾਲੇ ਕਾਨੂੰਨਾਂ ਨੂੰ ਰੱਦ ਕਰਨ ਦਾ ਮਤਾ ਪਾਸ ਕੀਤਾ ਜਾ ਰਿਹਾ ਹੈ ਤਾ ਜੋ ਮੋਦੀ ਸਰਕਾਰ ਨੂੰ ਕਾਨੂੰਨ ਵਾਪਸ ਲੈਣ ਲਈ ਮਜਬੂਰ ਕੀਤਾ ਜਾ ਸਕੇ। 

ਟੂਰਨਾਮੈਂਟ ਵਿਚ ਗਗਨ ਧਾਲੀਵਾਲ ਦੇ ਪਿਤਾ  ਪ੍ਰਿਤਪਾਲ ਸਿੰਘ ,ਮਾਤਾ ਜੀ ,ਮਾਸੀ ਜੀ,ਅਤੇ ਮਾਮਾ ਜੀ ਤੋਂ ਇਲਾਵਾ ਸਰਪੰਚ ਵਰਕਪਾਲ ਸਿੰਘ, ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਸੁਰਿੰਦਰ ਸਿੰਘ ਸਿਧਵਾ, ਯੂਥ ਆਗੂ ਮਨੀ ਗਰਗ,  ਤਹਿਸੀਲਦਾਰ ਸਿਧਵਾ ਬੇਟ       ,ਬੀ ਡੀ ਉ ਸਿਧਵਾ ਬੇਟ ,ਪ੍ਰਧਾਨ ਨਿਸ਼ਾਨ ਸਿੰਘ ਲੀਲ੍ਹਾ   , ਡੀ ਪੀ ਈ ਕੁਲਜੀਤ ਸਿੰਘ ਧਾਲੀਵਾਲ, ਜਸਪ੍ਰੀਤ ਸਿੰਘ ਧਾਲੀਵਾਲ  ਸੋਨੂੰ ,ਦੀਪ ,ਫੌਜੀ, ਬਿੱਲਾ,ਜਸ਼ਨ,ਜੱਗਾ ,ਜੋਤੀ,  ਕਾਕਾ ਸੇਖ ਦੌਲਤ  ਆਦਿ ਹਾਜ਼ਰ ਸੀ ਟੂਰਨਾਮੈਂਟ ਦੌਰਾਨ ਰੈਫਰੀ ਦੀ ਭੂਮਿਕਾ ਬਿੱਲਾ ਗਾਲਿਬ,ਅਵਤਾਰ ਤਾਰੀ ਕਬੱਡੀ ਖਿਡਾਰੀ, ਅਤੇ ਡੀ ਪੀ ਈ ਕੁਲਜੀਤ ਸਿੰਘ ਨੇਂ ਨਿਭਾਈ 

ਗਗਨ ਦੇ ਪਿਤਾ ਜੀ ਪ੍ਰਿਤਪਾਲ ਸਿੰਘ ਨੇ ਐਲਾਨ ਕੀਤਾ ਕਿ ਗਗਨ ਦੀ ਯਾਦ ਵਿੱਚ ਹਰ ਸਾਲ ਇਸੇ ਤਰ੍ਹਾਂ ਟੂਰਨਾਮੈਂਟ ਕਰਵਾਇਆ ਜਾਵੇਗਾ ।