ਲੁਧਿਆਣਾ

ਗੁਰੂਸਰ ਸੁਧਾਰ 30 ਜੂਨ (ਜਗਰੂਪ ਸਿੰਘ ਸੁਧਾਰ) ਦਿੱਲੀ ਬਾਰਡਰ ਤੇ ਹਰਿਆਣਾ ਵਾਸੀ ਇੱਕ ਵਿਅਕਤੀ ਵੱਲੋਂ ਅਪਣੇ ਆਪ ਨੂੰ ਅੱਗ ਲਗਾਕੇ ਕਿਸਾਨੀ ਧਰਨੇ ਨੂੰ ਬਦਨਾਮ ਅਤੇ ਢਾਹ ਲਾਉਣ ਦੀ ਕੋਸ਼ਿਸ਼ ਕਰਨ ਵਾਲੇ ਦੇ ਮਨਸੂਬਿਆਂ ਨੂੰ ਆਪਣੀ ਸੂਝਬੂਝ ਨਾਲ ਫੇਲ ਕਰਨ ਵਾਲੇ ਪਿੰਡ ਹਲਵਾਰਾ ਵਾਸੀ ਨੌਜਵਾਨ ਸਰਬਜੀਤ ਸਿੰਘ ਪਾਰਸ ਦਾ ਕਿਸਾਨ ਜੱਥੇਬੰਦੀ ਭਾਰਤੀ ਕਿਸਾਨ ਯੂਨੀਅਨ ਏਕਤਾ (ਡਕੌਂਦਾ) ਇਕਾਈ ਹਲਵਾਰਾ ਵੱਲੋਂ ਸਨਮਾਨ ਕੀਤਾ ਕੀਤਾ।ਸਰਬਜੀਤ ਸਿੰਘ ਪਾਰਸ ਨੇ ਦੱਸਿਆ ਕਿ 16 ਜੂਨ 2021 ਸੂਬਾ ਹਰਿਆਣਾ ਦੇ ਪਿੰਡ ਕਸ਼ਾਰ ਨਜਦੀਕ ਬਹਾਦਰਗੜ੍ਹ ਦਾ ਮੁਕੇਸ਼ ਕੁਮਾਰ ਨਾਮੀ 40 ਸਾਲਾ ਵਿਅਕਤੀ ਨੇ ਰਾਤ ਦੇ ਸਮੇਂ ਕਿਸਾਨ ਧਰਨੇ ਵਿੱਚ ਪਹੁੰਚਕੇ ਅਪਣੇ ਉਪਰ ਤੇਲ ਪਾਕੇ ਅੱਗ ਲਾ ਲਈ ਤੇ ਉਹ ਕਿਸਾਨਾਂ ਨੂੰ ਫਸਾਉਣਾ ਚਾਹੁੰਦਾ ਸੀ।ਜਿਸਦੀ ਮੌਕੇ ਤੇ ਇੱਕ ਵਿਡੀਓ ਵੀ ਬਣਾਈ ਗਈ ਜਿਸ ਵਿੱਚ ਪਹਿਲਾਂ ਉਸਨੇ ਕਿਹਾ ਕਿ ਉਹ ਆਪਣੇ ਪਰਿਵਾਰ ਤੋਂ ਪਰੇਸ਼ਾਨ ਹੋ ਅਪਣੇ ਆਪ ਨੂੰ ਅੱਗ ਲਾ ਰਿਹਾ ਹੈ।ਪਰ ਥਾਣੇ ਜਾ ਉਸਨੇ ਹੋਰ ਕਹਾਣੀ ਬਣਾ ਸਾਰਾ ਇਲਜਾਮ ਕਿਸਾਨਾਂ ਤੇ ਲਾ ਰਿਹਾ ਸੀ ਪਰ ਵਿਡੀਓ ਨੂੰ ਸਾਹਮਣੇ ਰੱਖ ਉਸਦੇ ਕਿਸਾਨੀ ਮੋਰਚੇ ਨੂੰ ਢਾਹ ਲਾਉਣ ਦੇ ਮਨਸੂਬੇ ਫੇਲ ਕਰ ਦਿੱਤੇ।ਅੱਜ ਇਸੇ ਨੌਜਵਾਨ ਪਾਰਸ ਦਾ ਭਾਰਤੀ ਕਿਸਾਨ ਯੂਨੀਅਨ ਏਕਤਾ (ਡਕੌਂਦਾ) ਇਕਾਈ ਹਲਵਾਰਾ ਵੱਲੋਂ ਸਨਮਾਨ ਕੀਤਾ।ਇਸ ਮੌਕੇ ਜਤਿੰਦਰ ਸਿੰਘ ਜੋਤੀ ਪ੍ਰਧਾਨ,ਗੁਰਪ੍ਰੀਤ ਸਿੰਘ ਧਾਲੀਵਾਲ, ਮਾ.ਹਰਦੇਵ ਸਿੰਘ,ਤਲਵਿੰਦਰ ਧਾਲੀਵਾਲ,ਅਜਮੇਰ ਸਿੰਘ ਰਾਜੋਆਣਾ, ਇਕਬਾਲ ਸਿੰਘ, ਜਗਰੂਪ ਸਿੰਘ,ਕੁਲਵਿੰਦਰ ਸਿੰਘ,ਗੁਰਪਾਲ ਸਿੰਘ,ਕੁਲਦੀਪ ਸਿੰਘ,ਅਜੀਤਪਾਲ ਸਿੰਘ, ਬੂਟਾ ਸਿੰਘ,ਪਿੰਦਾ ਗੋਇਲ ਦਰਸ਼ਨ ਸਿੰਘ,ਰੁਪਿੰਦਰ ਸਿੰਘ,ਜਸਜੋਤ ਸਿੰਘ,ਕੁਲਦੀਪ ਸਿੰਘ ਆਦਿ ਸਮੇਤ ਹੋਰ ਕਿਸਾਨ ਮੌਜੂਦ ਸਨ।

ਜਗਰਾਉਂ, 29 ਜੂਨ   (ਸਤਪਾਲ ਸਿੰਘ ਦੇਹਡ਼ਕਾ) ਅੱਜ ਮਿਤੀ 29-06-2021 ਨੌੰ ਪੰਜਾਬ ਮੈਡੀਕਲ ਲੈਬਾਰਟਰੀ ਟੈਕਨੀਸ਼ੀਅਨ ਐਸੋਸੀਏਸ਼ਨ ਦੇ ਸੱਦੇ ਤੇ ਮੈਡੀਕਲ ਲੈਬ ਟੈਕਨੀਸ਼ਨ ਜ਼ਿਲ੍ਹਾ ਲੁਧਿਆਣਾ ਯੂਨਿਟ ਸਿਵਲ ਹਸਪਤਾਲ ਜਗਰਾਉਂ ਵੱਲੋਂ 9 ਤੋਂ 11 ਵਜੇ ਤੱਕ ਕੰਮ ਛੱਡੋ ਹੜਤਾਲ ਕੀਤੀ ਅਤੇ ਧਰਨਾ ਦਿੱਤਾ ਗਿਆ । ਇਸ ਸਾਰੇ ਸਮੇਂ ਦੌਰਾਨ ਐਮਰਜੈਂਸੀ ਸੇਵਾਵਾਂ ਜਾਰੀ ਰੱਖੀਆਂ ਗਈਆਂ  । ਇਸ ਸਮੇਂ ਸੁਖਵਿੰਦਰ ਸਿੰਘ ਚੇਅਰਮੈਨ ਮੈਡੀਕਲ ਲੈਬਾਰਟਰੀ ਟੈਕਨੀਸ਼ੀਅਨ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਪੰਜਾਬ ਸਰਕਾਰ ਵੱਲੋਂ 6 ਤਨਖਾਹ ਕਮਿਸ਼ਨ ਦੀ ਰਿਪੋਰਟ  ਵਿੱਚ ਮੁਲਾਜ਼ਮਾਂ ਦੀ ਤਨਖਾਹ ਵਧਾਉਣ ਦੀ ਬਜਾਏ ਘੱਟ ਕੀਤੀ ਗਈ ਹੈ। ਐਮਰਜੈਂਸੀ ਡਿਊਟੀ ਕਰਨ ਬਦਲੇ ਮਿਲਣ ਵਾਲਾ ਮੁਫਤ ਰਿਹਾਇਸ਼ੀ ਭੱਤਾ ਬੰਦ ਕਰ ਦਿੱਤਾ ਗਿਆ ਹੈ । ਉਨ੍ਹਾਂ ਸਰਕਾਰ ਤੋਂ ਮੰਗ ਕੀਤੀ ਕਿ ਠੇਕੇ ਤੇ ਕੰਮ ਕਰ ਰਹੇ ਮੁਲਾਜ਼ਮਾਂ ਨੂੰ ਪੱਕਾ ਕੀਤਾ ਜਾਵੇ ਪੁਰਾਣੀ ਪੈਨਸ਼ਨ ਬਹਾਲ ਕੀਤੀ ਜਾਵੇ। 1978 ਅਤੇ 1986 ਤੋਂ ਆ ਰਹੀ ਪੇ ਪੈਰਿਟੀ ਬਹਾਲ ਕੀਤੀ ਜਾਵੇ । ਮੁੱਢਲੀ ਯੋਗਤਾ ਬੀ ਐੱਸ ਸੀ ਐੱਮ ਐੱਲ ਟੀ ਕੀਤੀ ਜਾਵੇ  । ਅਹੁਦੇ ਦਾ ਨਾਂ ਬਦਲ ਕੇ ਟੈਕਨੀਕਲ ਅਫ਼ਸਰ ਕੀਤਾ ਜਾਵੇ  । ਜਥੇਬੰਦੀ ਨੇ ਮੰਗ ਕੀਤੀ ਹੈ ਕਿ ਪੰਜਾਬ ਸਰਕਾਰ ਸਾਡੀਆਂ ਮੰਗਾਂ ਹੱਲ ਕਰਕੇ ਨੋਟੀਫਿਕੇਸ਼ਨ ਜਾਰੀ ਕਰੇ ਨਹੀਂ ਤਾਂ ਪੰਜਾਬ ਮੈਡੀਕਲ ਲੈਬਾਰਟਰੀ ਟੈਕਨੀਸ਼ੀਅਨ ਮੀਟਿੰਗ ਕਰਕੇ  ਅਗਲਾ ਕਦਮ ਚੁੱਕਣ ਲਈ ਮਜਬੂਰ ਹੋਣਗੇ  । ਇਸ ਸਮੇਂ ਸੁਖਵਿੰਦਰ ਸਿੰਘ ਚੇਅਰਮੈਨ ਐਮਐਲਟੀ ਜ਼ਿਲ੍ਹਾ ਲੁਧਿਆਣਾ ਅਤੇ ਸੀਨੀਅਰ ਮੀਤ ਪ੍ਰਧਾਨ ਨਿਰਮਲ ਸਿੰਘ , ਜਾਇੰਟ ਸਕੱਤਰ ਗਗਨਦੀਪ ਸਿੰਘ ਹੋਰ ਮੈਡੀਕਲ ਲੈਬ ਟੈਕਨੀਸ਼ਨ ਜਸਪਾਲ ਸਿੰਘ, ਵਰਿੰਦਰ ਸਿੰਘ, ਰਘਵੀਰ ਸਿੰਘ, ਸੰਦੀਪ ਕੌਰ, ਕਿਰਨਜੀਤ ਕੌਰ, ਲਖਵੀਰ ਕੌਰ , ਪਵਨਜੀਤ ਕੌਰ ਐਸ ਟੀ ਐੱਲ ਐੱਸ, ਹਰਜੀਤ ਕੌਰ ਐੱਮ ਐੱਲ ਟੀ ਈ ਹਾਜ਼ਰ ਹੋਏ ਅਤੇ ਸਰਕਾਰ ਦਾ ਪਿੱਟ ਸਿਆਪਾ ਕੀਤਾ  । ਉਸ ਸਮੇਂ ਵਿਸ਼ੇਸ਼ ਤੌਰ ਤੇ ਡਾ ਸੁਰਿੰਦਰ ਸਿੰਘ ਨੇ ਵੀ ਸ਼ਿਰਕਤ ਕੀਤੀ  ।

ਜਗਰਾਉਂ, 29 ਜੂਨ (  ਪੱਪੂ)  ਸਫਾਈ ਸੇਵਕਾਂ ਦੇ ਮਨਾਂ ਅੰਦਰ ਸਰਕਾਰ ਪ੍ਰਤੀ ਦਿਨੋ ਦਿਨ ਰੋਸ ਵੱਧਦਾ ਜਾ ਰਿਹਾ ਹੈ ਕਿਉਂਕਿ ਪਿਛਲੇ 48 ਦਿਨਾ ਤੋਂ ਆਪਣੀਆਂ ਜਾਇਜ ਮੰਗਾਂ ਮਨਵਾਉਣ ਲਈ ਪੱਕੇ ਕੱਚੇ ਸਫਾਈ ਸੇਵਕ ਅਤੇ ਸੀਵਰਮੈਨ ਹੜਤਾਲ ਤੇ ਬੈਠੇ ਹਨ ਪੰਜਾਬ ਦਾ ਹਰ ਸਫਾਈ ਸੇਵਕ ਰੋਹ ਨਾਲ ਭਰਿਆ ਪਿਆ ਹੈ ਸਫਾਈ ਸੇਵਕ ਯੂਨੀਅਨ ਪੰਜਾਬ ਮਿਉਂਸਪਲ ਐਕਸ਼ਨ ਕਮੇਟੀ ਵੱਲੋਂ ਵਾਰ ਵਾਰ ਸ਼ਾਤ ਮਈ ਸੰਘਰਸ਼ ਲਈ ਬੇਨਤੀ ਕੀਤੀ ਜਾ ਰਹੀ ਹੈ ਸਫਾਈ ਦਾ ਬੁਰਾ ਹਾਲ ਹੋਣ ਕਰਕੇ ਕੁੱਝ ਰਾਜਨੀਤਕ ਆਗੂਆਂ ਵੱਲੋਂ ਰਾਜਨੀਤੀ ਚਾਲਾਂ ਰਾਹੀਂ ਸਫਾਈ ਕਰਮਚਾਰੀਆਂ ਅੰਦਰ ਫੁੱਟ ਪਾਉਣ ਦੀਆਂ ਕੋਸ਼ਿਸ਼ਾਂ ਸ਼ੁਰੂ ਹੋ ਗੲੀਆਂ ਹਨ ਕਈ ਆਗੂਆਂ ਵੱਲੋਂ ਆਪਣੀ ਰਾਜਨੀਤੀ ਚਮਕਾਉਣ ਲਈ ਫੁੱਟ ਪਾਕੇ ਛੋਟੇ ਮੋਟੇ ਲਾਲਚਾਂ ਰਾਹੀਂ ਕੰਮ ਕਰਵਾਉਣ ਦੀਆਂ ਵਿਉਂਤ ਬੰਦੀਆ ਕੀਤੀਆਂ ਜਾ ਰਹੀਆਂ ਹਨ ਜਿਲਾ ਲੁਧਿਆਣਾ ਸਫਾਈ ਯੂਨੀਅਨ ਦੇ ਪ੍ਰਧਾਨ ਅਰੁਣ ਗਿੱਲ ਨੇ ਕਿਹਾ ਕਿ ਪੰਜਾਬ ਦੇ ਸਫਾਈ ਸੇਵਕ ਇਕ ਹਨ ਉਹ ਛੋਟੇ ਮੋਟੇ ਲਾਲਚਾਂ ਵਿੱਚ ਨਹੀਂ ਫਸਣਗੇ ਅਤੇ ਨਾ ਹੀ ਫੁੱਟ ਦਾ ਸ਼ਿਕਾਰ   ਹੋਣਗੇ ਉਨਾਂ ਕਿਹਾ ਕਿ ਹਮੇਸ਼ਾ ਛੋਟਾ ਲਾਲਚ ਵੱਡਾ ਨੁਕਸਾਨ ਕਰਦਾ ਹੈ ਇਸ ਲਈ ਸਫਾਈ ਸੇਵਕਾਂ ਤੇ ਸੀਵਰਮੈਨਾ ਨੂੰ ਸੁਚੇਤ ਰਹਿਣ ਦੀ ਲੋੜ ਹੈ ਸਫਾਈ ਕਰਮਚਾਰੀਆਂ ਅੰਦਰ ਰੋਹ ਦੇ ਨਾਲ ਨਾਲ ਸਹਿਰ ਅੰਦਰ ਸਫਾਈ ਨਾ ਹੋਣ ਕਰਕੇ ਅੱਗੋਂ ਬਰਸਾਤ ਦਾ ਮੌਸਮ ਆ ਰਿਹਾ ਹੈ ਜਿਸ ਕਰਕੇ ਰੋਹ ਤੇ ਗੰਦਗੀ ਕਾਰਨ ਜਵਾਲਾ ਮੁੱਖੀ ਫੱਟ ਸਕਦਾ ਹੈ ਜਿਸ ਦਾ ਖਮਿਆਜ਼ਾ ਪੰਜਾਬ ਸਰਕਾਰ ਨੂੰ ਭੁਗਤਣ ਲਈ ਤਿਆਰ ਰਹਿਣਾ ਚਾਹੀਦਾ ਹੈ ਕਿਉਂਕਿ ਸਰਕਾਰ ਜਾਣ ਬੁੱਝ ਕੇ ਤਕਰਾਰ ਵਾਲੇ ਹਾਲਾਤ ਪੈਦਾ ਕਰ ਰਹੀ ਹੈ ਜਦਕਿ ਸਫਾਈ ਕਰਮਚਾਰੀਆਂ ਤੇ ਸੀਵਰਮੈਨਾ ਦੀਆਂ ਮੰਗਾਂ ਜਾਇਜ ਹਨ ਸਰਕਾਰ ਨੂੰ ਤੁਰੰਤ ਮੰਨ ਕੇ ਪੰਜਾਬ ਅੰਦਰ ਸਫਾਈ ਪ੍ਰਤੀ ਹਾਲਾਤ ਸੁਖਾਵੇਂ ਬਣਾਉਣੇ ਚਾਹੀਦੇ ਹਨ ਇਸ ਮੌਕੇ ਸਫਾਈ ਯੂਨੀਅਨ ਦੇ ਸਰਪ੍ਰਸਤ ਸੁਤੰਤਰ ਗਿਲ ਸੈਕਟਰੀ ਰਜਿੰਦਰ ਕੁਮਾਰ ਚੇਅਰਮੈਨ ਰਾਜ ਕੁਮਾਰ ਪ੍ਰਧਾਨ ਗੋਵਰਧਨ ਸੀਵਰੇਜ ਯੂਨੀਅਨ ਦੇ ਪ੍ਰਧਾਨ ਲਖਵੀਰ ਸਿੰਘ ਰਾਜ ਕੁਮਾਰ ਅਤੇ ਸਮੂਹ ਮਿਊਂਸਪਲ ਕਾਮੇ ਹਾਜਰ ਸਨ

ਜਗਰਾਓਂ, 29 ਜੁਨ (ਅਮਿਤ ਖੰਨਾ, ) ਫੈਡਰੈਂਸ਼ਨ ਆਫ ਪ੍ਰਾਈਵੇਟ ਸਕੂਲਜ ਐਸੋਸੀਏਸ਼ਨ ਦੀ ਹੋਟਲ ਫਾਈਵ ਰਿਵਰ ਜਗਰਾਂਉ ਵਿਖੇ ਹੋਈ ਮੀਟਿੰਗ ਵਿੱਚ ਸਕੂਲਾਂ, ਅਧਿਆਪਕ ਸਾਹਿਬਾਨਾਂ ਅਤੇ ਪ੍ਰਾਈਵੇਟ ਸਕੂਲਾਂ ਵਿੱਚ ਪੜ• ਰਹੇ ਵਿਦਿਆਰਥੀਆਂ ਦੇ ਵਿੱਦਿਅਕ ਵਿਕਾਸ ਬਾਰੇ ਚਰਚਾ ਹੋਈ.ਮੀਟਿੰਗ ਦੀ ਪ੍ਰਧਾਨਗੀ ਸ. ਜਗਜੀਤ ਸਿੰਘ ਧੂਰੀ ਪ੍ਰਧਾਨ ਫੈਡਰੈਸ਼ਨ ਨੇ ਕੀਤੀ.ਸ. ਜਗਜੀਤ ਸਿੰਘ ਧੂਰੀ ਅਤੇ ਸਮੂਹ ਮੈਬਰਾਨ ਨੇ ਕੇਂਦਰ ਸਰਕਾਰ ਅਤੇ ਰਾਜ ਸਰਕਾਰਾਂ ਤੋਂ ਮੰਗ ਕਰਦਿਆ ਕਿਹਾ ਕਿ ਸੀ.ਬੀ.ਐਸ.ਈ ਸਮੇਤ ਸਾਰੇ ਨੈਸ਼ਨਲ ਅਤੇ ਸਟੇਟ ਬੋਰਡਾਂ ਦੇ ਕੰਪਾਰਟਮੈਂਟ ਵਾਲੇ ਵਿਦਿਆਰਥੀਆਂ ਨੂੰ ਵੀ ਰਾਹਤ ਦਿੰਦੇ ਹੋਏ ਰੈਗੂਲਰ ਬੱਚਿਆਂ ਵਾਂਗ ਪਾਸ ਕੀਤਾ ਜਾਵੇ.ਜੇਕਰ ਰੈਗੂਲਰ ਵਿਦਿਆਰਥੀਆਂ ਦੀ ਪੜ•ਾਈ ਕੋਵਿਡ ਕਾਰਨ ਪ੍ਰਭਾਵਿਤ ਹੋਈ ਹੈ ਤਾਂ ਕੰਪਾਰਟਮੈਂਟ ਵਾਲੇ ਵਿਦਿਆਰਥੀ ਵੀ ਪ੍ਰਭਾਵਿਤ ਹੋਏ ਹਨ.ਕਿਉਂਕਿ ਕੰਪਾਰਟਮੈਂਟ ਵਾਲੇ ਵਿਦਿਆਰਥੀਆਂ ਨੇ ਵੀ ਭਵਿੱਖ ਵਿੱਚ ਅੱਗੇ ਪੜ•ਾਈ ਕਰਨੀ ਹੈ ਜਾਂ ਕੰਪੀਟੀਟਵ ਐਗਜਾਮ ਦੀ ਤਿਆਰੀ ਕਰਨੀ ਹੈ.ਉਹਨਾਂ ਕਿਹਾ ਕਿ ਫੈਡਰੈਸ਼ਨ ਵਿਦਿਆਰਥੀਆਂ ਦੇ ਹਿੱਤਾ ਦੀ ਰਾਖੀ ਲਈ ਪੂਰੀ ਤਰਾਂ ਵਚਨਬੱਧ ਹੈ.ਇਸ ਮੌਕੇ ਕੋਰ ਕਮੇਟੀ ਮੈਂਬਰ ਬਲਦੇਵ ਬਾਵਾ ਨੇ ਕਿਹਾ ਕਿ ਸਕੂਲ ਬੰਦ ਹੋਣ ਕਾਰਨ ਵਿਦਿਆਰਥੀਆਂ ਦਾ ਭਵਿੱਖ ਤਬਾਹ ਹੋ ਰਿਹਾ ਹੈ.ਅਤੇ ਕਈ ਵਿਦਿਆਰਥੀ ਮਾਨਸਿਕ ਸਮੱਸਿਆਵਾ ਦਾ ਸਾਹਮਣਾ ਕਰ ਰਹੇ ਹਨ. ਜੇਕਰ ਬਾਕੀ ਸਭ ਕੁੱਝ ਖੱੁਲਾ ਹੈ ਤਾਂ ਸਕੂਲ ਵੀ ਖੋਲੇ ਜਾਣ ਤਾਂ ਜੋ ਵਿਦਿਆਰਥੀ ਆਪਣਾ ਸਿਲੇਬਸ ਪੂਰਾ ਕਰ ਸਕਣ.ਇਸ ਮੌਕੇ ਹੋਰਨਾਂ ਤੋ ਇਲਾਵਾ ਸ. ਮਨਮੋਹਣ ਸਿੰਘ ਪ੍ਰਧਾਨ ਲੁਧਿਆਣਾ, ਸ਼੍ਰੀ ਅਨਿਲ ਮਿੱਤਲ, ਸ਼੍ਰੀ ਬਲਦੇਵ ਅਰੋੜਾ, ਸ਼੍ਰੀ ਨਵਨੀਤ ਚੌਹਾਨ ਅਤੇ ਹੋਰ ਮੈਂਬਰ ਹਾਜਿਰ ਸਨ.