ਲੁਧਿਆਣਾ

ਜਗਰਾਓਂ, 16 ਜੁਲਾਈ (ਅਮਿਤ ਖੰਨਾ)   ਕੋਰੋਨਾ ਵਾਇਰਸ ਜਿਹੀ ਭਿਆਨਕ ਮਹਾਮਾਰੀ ਨੇ ਲਪੇਟ ਚ ਲਏ ਹਰ ਇਕ ਵਰਗ ਨੂੰ ਝੰਜੋੜ ਕੇ ਰੱਖ ਦਿੱਤਾ। ਹੁਣ ਇਸ ਦੇ ਖ਼ਤਰਨਾਕ ਚੱਕਰਵਿਊ ਚੋਂ ਬਾਹਰ ਨਿਕਲਣ ਤੇ ਮਹੌਲ ਆਮ ਸੁਖਾਵਾ ਹੋ ਰਿਹਾ ਹੈ। ਅਜਿਹੇ ਵਿੱਚ ਹੁਣ ਪੰਜਾਬ ਸਰਕਾਰ ਨੂੰ ਵਿਦਿਆਰਥੀਆਂ ਦੇ ਭਵਿੱਖ ਪ੍ਰਤੀ ਫ਼ਿਕਰਮੰਦ ਹੋਣਾ ਚਾਹੀਦਾ ਹੈ। ਇਨਾਂ• ਸ਼ਬਦਾਂ ਦਾ ਪ੍ਰਗਟਾਵਾ ਫੈੱਡਰੇਸ਼ਨ ਆਫ ਪੰਜਾਬ ਸਕੂਲ ਦੇ ਆਗੂ ਅਤੇ ਐੱਮਐੱਲਡੀ ਸਕੂਲ ਤਲਵੰਡੀ ਕਲਾ ਦੇ ਪਿੰ੍ਸੀਪਲ ਬਲਦੇਵ ਬਾਵਾ ਨੇ ਕੀਤਾ। ਉਨਾਂ• ਕਿਹਾ ਕਿ ਹਰਿਆਣਾ ਸਰਕਾਰ ਨੇ 16 ਜੁਲਾਈ ਤੋਂ 9 ਵੀ ਤੋਂ ਲੈ ਕੇ 12 ਤਕ ਤੇ 23 ਜੁਲਾਈ ਤੋਂ 6 ਤੋਂ ਲੈ ਕੇ 8 ਵੀ ਤਕ ਦੀਆਂ ਕਲਾਸਾਂ ਲਈ ਸਕੂਲ ਖੋਲ•ਣ ਦਾ ਹੁਕਮ ਜਾਰੀ ਕਰ ਦਿੱਤਾ ਹੈ। ਅਜਿਹੇ ਵਿੱਚ ਹੁਣ ਪੰਜਾਬ ਸਰਕਾਰ ਨੂੰ ਵੀ ਸਕੂਲ ਖੋਲ•ਣ ਦਾ ਫੈਸਲਾ ਲੈਂਦਿਆਂ ਤਰੀਕਾ ਜਾਰੀ ਕਰਨੀਆਂ ਚਾਹੀਦੀਆਂ ਹਨ, ਕਿੳਂੁਕਿ ਸਕੂਲ ਬੰਦ ਕਾਰਨ ਵਿਦਿਆਰਥੀਆਂ ਦਾ ਸਿਰਫ ਪੜ•ਾਈ ਪੱਖੋ ਹੀ ਨੁਕਸਾਨ ਨਹੀ ਹੋ ਰਿਹਾ, ਬਲਕਿ ਸਰੀਰਕ, ਮਾਨਸਿਕ ਨੁਕਸਾਨ ਵੀ ਝੱਲ ਰਹੇ ਹਨ। ਇਸ ਤੋਂ ਵੱਡੀ ਫਿਕਰ ਦੀ ਗੱਲ ਇਹ ਹੈ ਕਿ ਆਉਣ ਲਾਈਨ ਕਲਾਸਾਂ ਰਾਹੀ ਜਿਥੇ ਉਹ ਸਕੂਲੀ ਡਿਸਿਪਲਿਨ ਤੋਂ ਦੂਰ ਹੋਣ ਦੇ ਨਾਲ-ਨਾਲ ਸਿਹਤ ਪੱਖੋ ਜਿਨਾਂ• ਵਿੱਚ ਅੱਖਾਂ ਤੇ ਭਾਰੀ ਅਸਰ ਪੈ ਰਿਹਾ ਹੈ। ਇਨਾਂ• ਸਾਰੀਆਂ ਮੁਸ਼ਕਿਲਾਂ ਨੂੰ ਦੇਖਦਿਆ ਪੰਜਾਬ ਸਰਕਾਰ ਨੂੰ ਤੁਰੰਤ ਸਿਖਿਆ ਦੇ ਮੰਦਰ ਖੋਲ•ਣ ਦੇ ਨਿਰਦੇਸ਼ ਜਾਰੀ ਕਰਨੇ ਚਾਹੀਦੇ ਹਨ। ਜਿੱਥੋਂ ਤਕ ਰਹੀ ਕੋਵਿਡ ਦੇ ਖਤਰੇ ਦੀ ਗੱਲ ਤਾਂ ਘਰਾਂ ਨਾਲੋਂ ਸਕੂਲਾਂ ਵਿੱਚ ਵਿਦਿਆਰਥੀ ਵੱਧ ਸੁਰੱਖਿਅਤ ਹਨ।

ਜਗਰਾਓਂ 15  ਜੁਲਾਈ ( ਅਮਿਤ ਖੰਨਾ )ਤਹਿਸੀਲ ਜਗਰਾਉ ਵਿਖੇ    ਅੱਜ ਰੋਜ ਦੀ ਰੈਵਨਿਊ ਪਟਵਾਰ ਯੂਨੀਅਨ ਜਗਰਾਉ ਵੱਲੋ ਪੰਜਾਬ ਬਾਡੀ ਦੇ ਆਦੇਸ਼ ਮੁਤਾਬਿਕ  ਪੰਜਾਬ ਸਰਕਾਰ ਦੀਆ ਮੁਲਾਜਮ ਮਾਰੂ ਨੀਤੀਆ ਵਿਰੁੱਧ ਰੋਸ ਪ੍ਰਦਰਸ਼ਨ ਕੀਤਾ ਗਿਆ।ਇਸ ਦੋਰਾਨ ਤਹਿਸੀਲ ਪ੍ਰਧਾਨ ਅਨਿਤ ਮਲਿਕ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਪੰਜਾਬ ਬਾਡੀ ਦੇ ਨਿਰਦੇਸ਼ ਮੁਤਾਬਿਕ ਪਟਵਾਰੀਆ ਅਤੇ ਕਾਨੂੰਗੋ ਵੱਲੋ ਮਿਤੀ 21-06-2021 ਤੋ ਪੂਰੇ ਪੰਜਾਬ ਵਿੱਚ ਦੇ ਵਾਧੂ ਸਰਕਲਾ ਦਾ ਚਾਰਜ ਛੱਡ ਦਿੱਤਾ ਗਿਆ ਸੀ ਜਿਸ ਕਾਰਨ ਤਹਿਸੀਲ ਜਗਰਾਉ ਦੇ ਲਗਭਗ 152 ਪਿੰਡ ਪਟਵਾਰੀਆ ਤੋ ਵਾਂਝੇ ਹੋ ਗਏ ਹਨ ,ਅਤੇ ਲੋਕਾ ਨੂੰ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ । ਪਰ ਸਰਕਾਰ ਵੱਲੋ ਲਗਭਗ 27 ਦਿਨਾ ਦਾ ਸਮਾ ਬੀਤ ਜਾਣ ਦੇ ਬਾਵਜੂਦ ਵੀ ਪਟਵਾਰੀਆ ਅਤੇ ਕਾਨੂੰਗੋਆ ਦੀਆ ਮੰਗਾ ਵੱਲ ਕੋਈ ਧਿਆਨ ਨਹੀ ਦਿੱਤਾ ਗਿਆ ਜਿਸ ਕਾਰਨ ਇਸ ਸੰਘਰਸ ਨੂੰ ਹੋਰ ਤੇਜ ਕਰਦੇ ਗਏ ਮਿਤੀ 15-07-2021 ਤੋ ਹਰ ਵੀਰਵਾਰ ਤੇ ਸੁੱਕਰਵਾਰ ਨੂੰ ਪਟਵਾਰੀਆ ਅਤੇ ਕਾਨੂੰਗੋਆ ਵੱਲੋ 11 ਵੱਜੇ ਤੋ 2 ਵੱਜੇ ਤਕ ਧਰਨੇ ਦਿੱਤੇ ਜਾਣਗੇ । ਇਸ ਦੌਰਾਨ ਸੁਖਵਿੰਦਰ ਸਿੰਘ ਜਰਨਲ ਸਕੱਤਰ ਜਗਰਾਉ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਸਾਡੀਆ ਮੰਗਾ ਜਿਵੇ ਕਿ 2016 ਵਿਚ ਭਰਤੀ ਨਵੇ ਪਟਵਾਰੀਆ ਦੇ ਟ੍ਰੇਨਿੰਗ ਸਮੇ ਨੂੰ ਪਰਖਕਾਲ ਸਮੇ ਵਿੱਚ ਸਾਮਲ ਕਰਨਾ ,ਜੂਨੀਅਰ ਸੀਨੀਅਰ ਸਕੇਲ ਖਤਮ ਕਰਨਾ, ਪੁਰਾਣੀ ਪੈਨਸ਼ਨ ਸਕੀਮ ਬਹਾਲ ਕਰਨਾ, ਨਵੀ ਭਰਤੀ ਕਰਨੀ ਆਦਿ ਸ਼ਾਮਿਲ ਹਨ। ਯੂਨੀਅਨ ਵੱਲੋ ਸਰਕਾਰ ਤੋ ਮੰਗ ਕੀਤੀ ਗਈ ਕਿ ਇਹਨਾ ਮੰਗਾ ਨੂੰ ਜਲਦ ਤੋ ਜਲਦ ਪੂਰਾ ਕੀਤਾ ਜਾਵੇ ਤਾ ਜੋ ਲੋਕਾ ਨੂੰ ਖੱਜਲ ਖੁਆਰ ਹੋਣ ਤੋ ਬਚਾਇਆ ਜਾ ਸਕੇ

         ਜਗਰਾਉਂ (ਅਮਿਤ ਖੰਨਾ ,ਪੱਪੂ ) ਲੁਧਿਆਣਾ ਜ਼ਿਲ੍ਹਾ   ਦਿਹਾਤੀ ਦੇ ਐੱਸਐੱਸਪੀ ਚਰਨਜੀਤ ਸਿੰਘ ਸੋਹਲ ਵੱਲੋਂ ਜ਼ਿਲ੍ਹੇ ਦੇ ਥਾਣੇ ਦਾਖਾ, ਰਾਏਕੋਟ ਦੇ ਮੁਖੀਆਂ ਸਮੇਤ 8 ਇੰਸਪੈਕਟਰਾਂ ਅਤੇ ਸਬ ਇੰਸਪੈਕਟਰਾਂ ਦੇ ਤਬਾਦਲੇ ਦੇ ਹੁਕਮ ਜਾਰੀ ਕੀਤੇ। ਐੱਸਐੱਸਪੀ ਵੱਲੋਂ ਜਾਰੀ ਕੀਤੇ ਇਨਾਂ੍ਹ ਹੁਕਮਾਂ ਅਨੁਸਾਰ ਪੁਲਿਸ ਲਾਈਨ ਦੇ ਰਿਜ਼ਰਵ ਇੰਸਪੈਕਟਰ ਜਗਜੀਤ ਸਿੰਘ ਨੂੰ ਐੱਸਐੱਚਓ ਥਾਣਾ ਦਾਖਾ ਤੇ ਥਾਣਾ ਦਾਖਾ ਦੇ ਪਹਿਲੇ ਮੁਖੀ ਇੰਸਪੈਕਟਰ ਪੇ੍ਮ ਸਿੰਘ ਨੂੰ ਪੁਲਿਸ ਲਾਇਨ ਲਗਾਇਆ ਗਿਆ।ਥਾਣਾ ਦਾਖਾ ਦੇ ਨਵਨਿਯੁਕਤ ਥਾਣਾ ਮੁਖੀ ਇੰਸਪੈਕਟਰ ਜਗਜੀਤ ਸਿੰਘ ਨੇ ਬਾਅਦ ਦੁਪਹਿਰ ਆਪਣਾ ਅਹੁਦਾ ਸੰਭਾਲਿਆ। ਇਸ ਮੌਕੇ ਥਾਣੇ ਦੇ ਸਟਾਫ ਤੋਂ ਇਲਾਵਾ ਇਲਾਕੇ ਦੀਆਂ ਸ਼ਖ਼ਸੀਅਤਾਂ ਨੇ ਉਨਾਂ੍ਹ ਦਾ ਸਵਾਗਤ ਕੀਤਾ। ਇਥੇ ਵਰਣਨਯੋਗ ਹੈ ਕਿ ਇੰਸਪੈਕਟਰ ਜਗਜੀਤ ਸਿੰਘ ਇਸ ਤੋਂ ਪਹਿਲਾ ਥਾਣਾ ਸਦਰ ਜਗਰਾਓਂ, ਥਾਣਾ ਸਿਟੀ ਜਗਰਾਓਂ ਤੇ ਥਾਣਾ ਸਿਧਵਾਂਬੇਟ ਵਿਖੇ ਬਤੌਰ ਐੱਸਐੱਚਓ ਸੇਵਾਵਾਂ ਨਿਭਾਅ ਚੁੱਕੇ ਹਨ।

ਜਗਰਾਓਂ, 15 ਜੁਲਾਈ (ਅਮਿਤ ਖੰਨਾ,ਪੱਪੂ )   ਸ਼ਹਿਰ ਜਗਰਾਓਂ ਵਿਚ ਜੇਕਰ ਥੋੜਾ ਵੀ ਮੀਂਹ ਪੈ ਜਾਵੇ ਤਾਂ ਕਈ ਆਮ ਇਲਾਕਿਆਂ ਵਿਚ ਕਈ ਦਿਨ ਪਾਣੀ ਖੜਾ ਰਹਿੰਦਾ ਹੈ। ਪਰ ਜੇਕਰ ਐਸਡੀਐਮ ਦਫਤਰ ਦੀ ਗੱਲ ਕਰੀਏ ਤਾਂ ਦਫਤਰ ਬਾਹਰ ਜੀਟੀ ਰੋਡ ਤੇ ਪਾਣੀ ਕਈ ਕਈ ਦਿਨ ਖੜਾ ਰਹਿੰਦਾ ਹੈ ਅਤੇ ਆਉਣ ਜਾਣ ਵਾਲੇ ਰਾਹਗੀਰਾਂ ਨੂੰ ਕਾਫੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਕਿਓਂਕਿ ਕਈ ਵਾਰ ਤਾਂ ਪਾਣੀ ਜ਼ਿਆਦਾ ਖੜਾ ਹੋਣ ਕਾਰਨ ਓਥੋਂ ਲੰਘਣ ਵਾਲੇ ਵਾਹਨ ਪਾਣੀ ਵਿਚ ਬੰਦ ਹੋ ਜਾਂਦੇ ਸਨ ਤਾਂ ਵਾਹਨ ਸਵਾਰ ਕਾਫੀ ਔਖੇ ਹੋਕੇ ਵਾਹਨ ਨੂੰ ਬਾਹਰ ਕਢਦੇ ਸਨ।ਪਰ ਹੁਣ ਇਸ ਪਰੇਸ਼ਾਨੀ ਦਾ ਹਲ ਹੋਣ ਜਾ ਰਿਹਾ ਹੈ ਕਿਓਂਕਿ ਐਸਡੀਐਮ ਨਰਿੰਦਰ ਸਿੰਘ ਧਾਲੀਵਾਲ ਵਲੋਂ ਇਸ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਇਸਦਾ ਪੱਕਾ ਹਲ ਕਰਨ ਵਲ ਕਦਮ ਵਧਾਇਆ ਗਿਆ ਹੈ। ਸੜਕ ਦੇ ਉਪਰੋਂ ਜਾਂਦੇ ਹਾਈਵੇ ਦਾ ਪਾਣੀ ਨੀਚੇ ਆ ਜਾਂਦਾ ਸੀ ਅਤੇ ਨਿਕਾਸੀ ਨਾ ਹੋਣ ਕਾਰਨ ਪਾਣੀ ਕਈ ਦਿਨ ਖੜਾ ਰਹਿੰਦਾ ਸੀ। ਪਰ ਅੱਜ ਐਸਡੀਐਮ ਧਾਲੀਵਾਲ ਵਲੋਂ ਠੇਕੇਦਾਰ ਨੂੰ ਬੁਲਾਕੇ ਇਸ ਪਰੇਸ਼ਾਨੀ ਦਾ ਪੱਕਾ ਹਲ ਕਰਨ ਸੰਬੰਧੀ ਨਿਰਦੇਸ਼ ਦਿੱਤੇ ਅਤੇ ਕਲ ਹੀ ਕੰਮ ਸ਼ੁਰੂ ਕਰਵਾ ਦਿੱਤਾ ਜਾਵੇਗਾ। ਇਸ  ਐਸਡੀਐਮ ਨਰਿੰਦਰ ਧਾਲੀਵਾਲ ਨੇ ਕਿਹਾ ਕਿ ਸ਼ਹਿਰ ਦੀ ਬੇਹਤਰੀ ਲਈ ਜੋ ਕੁਝ ਵੀ ਹੋ ਸਕਦਾ ਹੈ ਉਹ ਕਰਨਗੇ।