ਜਗਰਾਓਂ :(ਅਮਿਤ ਖੰਨਾ) ਸਾਉਣ ਮਹੀਨੇ ਦੀ ਸੰਗਰਾਂਦ ਮੌਕੇ ਸ਼ੁੱਕਰਵਾਰ ਨੂੰ ਸਥਾਨਕ ਸ਼੍ਰੀ ਰੂਪ ਸ਼ੁੱਭ ਜੈਨ ਸਾਧਨਾ ਸਥਲ ਵਿਖੇ ਸ੍ਰੀ ਰੂਪ ਚੰਦ ਜੈਨ ਸੇਵਾ ਸੁਸਾਇਟੀ ਵੱਲੋਂ ਕਰਵਾਏ 179ਵੇਂ ਸਮਾਗਮ 'ਚ 101 ਲੋੜਵੰਦਾਂ ਨੂੰ ਰਾਸ਼ਨ ਵੰਡਿਆ। ਇਸ ਮੌਕੇ ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਸਤਿੰਦਰ ਪਾਲ ਸਿੰਘ ਕਾਕਾ ਗਰੇਵਾਲ ਨੇ ਕਿਹਾ ਕਿ ਜੈਨ ਬਰਾਦਰੀ ਵੱਲੋਂ ਲੋੜਵੰਦ ਪਰਿਵਾਰਾਂ ਨੂੰ ਹਰ ਮਹੀਨੇ ਰਾਸ਼ਨ ਵੰਡਣ ਦੀ ਜਿੰਨੀ ਵੀ ਸ਼ਲਾਘਾ ਕੀਤੀ ਜਾਵੇ ਘੱਟ ਹੈ। ਇਸ ਮੌਕੇ ਮਹਾਂ ਸਾਧਵੀ ਸੁਨੀਤਾ ਤੇ ਮਹਾਂ ਸਾਧਵੀ ਸ਼ੁੱਭ ਨੇ ਪ੍ਰਵਚਨ ਕਰਦਿਆਂ ਸੰਗਤਾਂ ਨੂੰ ਸਾਉਣ ਦੀ ਮਹੱਤਤਾ ਤੋਂ ਜਾਣੂ ਕਰਵਾਇਆ। ਇਸ ਮੌਕੇ ਸੁਸਾਇਟੀ ਦੇ ਚੇਅਰਮੈਨ ਰਾਕੇਸ਼ ਜੈਨ, ਪ੍ਰਧਾਨ ਰਾਜੇਸ਼ ਜੈਨ, ਮਨੀ ਗਰਗ ਜ਼ਿਲ੍ਹਾ ਯੂਥ ਕਾਂਗਰਸ ਮੀਤ ਪ੍ਰਧਾਨ, ਕਾਲਾ ਸ਼ਰਮਾ, ਉਪ ਪ੍ਰਧਾਨ ਪ੍ਰਦੀਪ ਜੈਨ, ਮਹਾਂਵੀਰ ਜੈਨ, ਕੈਸ਼ੀਅਰ ਰਜਨੀਸ਼ ਜੈਨ, ਸੰਜੀਵ ਜੈਨ, ਸ਼ਸ਼ੀ ਭੂਸ਼ਣ ਜੈਨ, ਤਰਸੇਮ ਜੈਨ, ਸ਼ਾਂਤੀ ਪਾਲ ਜੈਨ, ਮੋਨੂੰ ਜੈਨ, ਰਾਜਨ ਜੈਨ, ਅਭਿਨੰਦਨ ਜੈਨ, ਮੋਹਿਤ ਜੈਨ, ਪ੍ਰਮੋਦ ਜੈਨ, ਕੰਚਨ ਗੁਪਤਾ, ਨਵੀਨ ਗੋਇਲ ਆਦਿ ਹਾਜ਼ਰ ਸਨ।
