ਪੰਜਾਬ

ਹਠੂਰ,25 ਫਰਵਰੀ-(ਕੌਸ਼ਲ ਮੱਲ੍ਹਾ)- 5 ਜੈਬ ਫਾਊਂਡੇਸ਼ਨ ਦੀ ਸਰਪ੍ਰਸਤੀ ਵਿੱਚ ਚੱਲ ਰਹੀ ਬਾਕਸਿੰਗ ਅਕੈਡਮੀ ਚਕਰ ਨੂੰ ਫਾਊਂਡੇਸ਼ਨ ਵੱਲੋਂ ਬਾਕਸਿੰਗ ਦਾ ਸਾਮਾਨ ਦਿੱਤਾ ਗਿਆ।ਇਸ ਮੌਕੇ ਫਾਊਂਡੇਸ਼ਨ ਦੇ ਡਾਇਰੈਕਟਰ ਪ੍ਰਿੰ. ਬਲਵੰਤ ਸਿੰਘ ਸੰਧੂ ਨੇ ਦੱਸਿਆ ਕਿ ਚਕਰ ਅਕੈਡਮੀ ਦੇ ਬੱਚਿਆਂ ਦੀਆਂ ਲੋੜਾਂ ਸਮਝਦੇ ਹੋਏ ਪੰੰਚਿੰਗ ਬੈਗ, ਵਾਲ ਪੈਡਾਂ, ਫੋਕਸ ਪੈਡਾਂ, ਗਲਵਜ਼, ਹੈੱਡ ਗਾਰਡ, ਸਪੀਡ ਬਾਲਾਂ, ਟਰੈਕ ਸੂਟ ਰਿੰਗ ਸੂਜ਼ ਆਦਿ ਦੇ ਨਾਲ-ਨਾਲ ਬਾਕਸਿੰਗ ਵਿੱਚ ਵਰਤੋਂ ਵਿੱਚ ਆਉਣ ਵਾਲਾ ਹਰ ਕਿਸਮ ਦਾ ਸਾਮਾਨ ਦਿੱਤਾ ਗਿਆ।ਪ੍ਰਿੰ. ਸੰਧੂ ਨੇ ਪਿੰਡ ਚਕਰ ਦੀ ਸਹਾਇਤਾ ਲਈ ਫਾਊਂਡਰ ਜਗਦੀਪ ਸਿੰਘ ਘੁੰਮਣ ਦਾ ਵਿਸ਼ੇਸ ਤੌਰ ਤੇ ਧੰਨਵਾਦ ਕੀਤਾ।5ਜੈਬ ਫਾਊਂਡੇਸ਼ਨ ਦੇ ਪ੍ਰਬੰਧਕਾਂ ਨੇ ਦੱਸਿਆ ਕਿ ਪੰਜਾਬ ਵਿੱਚ ਚੱਲ ਰਹੀਆਂ ਤਿੰਨ ਬਾਕਸਿੰਗ ਅਕੈਡਮੀਆਂ ਲਈ ਉਨ੍ਹਾਂ ਦੀ ਫਾਊਂਡੇਸ਼ਨ ਵੱਲੋਂ ਇਸ ਤਰ੍ਹਾਂ ਦੀ ਸਹਾਇਤਾ ਕੀਤੀ ਗਈ ਹੈ।ਇਸ ਮੌਕੇ ਅਕੈਡਮੀ ਦੇ ਕੋਚਾਂ ਮਿੱਤ ਸਿੰਘ ਅਤੇ ਲਵਪ੍ਰੀਤ ਕੌਰ ਨੇ 5ਜੈਬ ਫਾਊਂਡੇਸ਼ਨ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਰਛਪਾਲ ਸਿੰਘ ਸਿੱਧੂ, ਦਰਸ਼ਨ ਸਿੰਘ ਸਿੱਧੂ, ਦਰਸ਼ਨ ਸਿੰਘ ਗਿੱਲ, ਜਗਸੀਰ ਸਿੰਘ, ਅਮਰੀਕਾ ਜਸਕਿਰਨਪ੍ਰੀਤ ਸਿੰਘ ਸਿੱਧੂ, ਅਮਿਤ ਕੁਮਾਰ, ਅਤੇ ਪਿੰਡ ਦੇ ਹੋਰ ਕਈ ਪਤਵੰਤੇ ਹਾਜ਼ਰ ਸਨ।

ਫੋਟੋ ਕੈਪਸ਼ਨ:- 5ਜੈਬ ਫਾਊਂਡੇਸ਼ਨ ਦੇ ਪ੍ਰਬੰਧਕ ਬਾਕਸਿੰਗ ਦਾ ਸਮਾਨ ਵੰਡਦੇ ਹੋਏ

ਪੰਜਾਬੀ ਕੌਮ ਨੂੰ ਪਿਆ ਨਾ ਪੂਰਾ ਹੋਣ ਵਾਲਾ ਘਾਟਾ  
ਪੰਜਾਬ ਦੀ ਸੇਵਾ ਕਰਨਾ ਚਾਹੁੰਦਾ ਸੀ ਦੀਪ ਸਿੱਧੂ -ਸਿੱਖ ਵਿਦਵਾਨ
 ਕੇਸਰੀ ਰੰਗ ਚ ਰੰਗੀ ਗਈ ਧਰਤੀ ਵੀਰ  ਦੀਪ ਸਿੱਧੂ ਦੀ ਅੰਤਮ ਅਰਦਾਸ ਵੇਲੇ
 ਸਿਮਰਜੀਤ  ਸਿੰਘ  ਮਾਨ ਨੇ  ਦੀਪ ਸਿੱਧੂ ਦੀ ਧੀ ਅਤੇ ਪਰਿਵਾਰ ਨੂੰ ਸਿਰੋਪਾ ਦੇ ਕੇ ਦਿੱਤਾ ਅਸ਼ੀਰਵਾਦ

ਫਤਹਿਗੜ੍ਹ ਸਾਹਿਬ ( ਬਲਵੀਰ ਸਿੰਘ ਬਾਠ )ਅੱਜ ਦੀਵਾਨ ਟੋਡਰ ਮੱਲ ਹਾਲ ਦੇ ਵਿਚ ਪਿਛਲੇ ਦਿਨੀਂ ਪੰਜਾਬੀ ਸਿੱਖ ਕੌਮ ਦੇ ਨਿਧੜਕ ਕੌਮ ਦਾ ਹੀਰਾ ਯੋਧੇ  ਵੀਰ  ਦੀਪ ਸਿੱਧੂ ਦੇ ਅੰਤਮ ਅਰਦਾਸ ਵਿਚ ਲੱਖਾਂ ਹੀ ਸੰਗਤਾਂ ਨੇ ਸੇਲਜ ਅੱਖਾਂ ਨਾਲ ਅੱਜ ਉਨ੍ਹਾਂ ਨੂੰ ਅੰਤਮ ਵਿਦਾਇਗੀ ਦਿੱਤੀ  ਅੰਤਮ ਅਰਦਾਸ ਵਿਚ ਦੇਸ਼ ਅਤੇ ਵਿਦੇਸ਼ ਤੋਂ ਵੱਡੀ ਗਿਣਤੀ ਵਿਚ ਸੰਗਤਾਂ ਅਰਦਾਸ ਵਿਚ ਸ਼ਾਮਲ ਹੋਣ ਲਈ ਪਹੁੰਚੀਆਂ ਹੋਈਆਂ ਸਨ  ਇਸ ਮੌਕੇ ਸਿੱਖ   ਪੰਥ ਦੀਆਂ ਮਹਾਨ ਹਸਤੀਆਂ ਨੇ ਵੀਰ  ਦੀਪ ਸਿੱਧੂ ਨੂੰ ਸ਼ਰਧਾਂਜਲੀ ਦੇਣ ਮੌਕੇ ਕੁਝ ਬੇਚਾਰਾ ਸੰਗਤਾਂ ਨਾਲ ਸਾਂਝੀਆਂ ਕਰਦੇ ਹੋਏ ਕਿਹਾ ਕਿ ਸਿੱਖ ਕੌਮ  ਪਿਛਲੇ ਦਿਨੀਂ ਇਕ ਐਕਸੀਡੈਂਟ ਵਿਚ ਗਵਾ ਲਿਆ ਕੌਮ ਦਾ ਹੀਰਾ  ਜਿਸ ਨਾਲ ਸਿੱਖ ਕੌਮ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ  ਜਿਸ ਨੂੰ ਕਿਸੇ ਵੀ ਕੀਮਤ ਤੇ ਪੂਰਾ ਨਹੀਂ ਕੀਤਾ ਜਾ ਸਕਦਾ  ਸਿੱਖ ਵਿਦਵਾਨਾਂ ਨੇ ਬੇਰ ਦੀਪ ਸਿੱਧੂ ਦੀ ਜ਼ਿੰਦਗੀ ਬਾਰੇ ਕਈ ਡੂੰਘੀਆਂ ਵਿਚਾਰਾਂ ਕਰਦੇ ਹੋਏ ਕਿਹਾ ਕਿ ਥੋੜ੍ਹੀ ਉਮਰ ਦੇ ਵਿੱਚ ਧਰੂ ਤਾਰੇ ਵਾਂਗ ਨਾਂ ਚਮਕਾਉਣ ਵਾਲਾ  ਵੀਰ ਦੀਪ ਸਿੱਧੂ ਪੰਜਾਬ ਦੀ ਸੇਵਾ ਕਰਨਾ ਚਾਹੁੰਦਾ ਸੀ  ਪਰ ਉਸ ਅਕਾਲ ਪੁਰਖ ਵਾਹਿਗੁਰੂ ਨੂੰ ਕੁਝ ਹੋਰ ਹੀ ਮਨਜ਼ੂਰ ਸੀ ਸਾਨੂੰ ਸਾਰਿਆਂ ਨੂੰ ਉਸ ਦੇ ਭਾਣੇ ਅੰਦਰ ਰਹਿਣਾ ਪੈਂਦਾ ਹੈ  ਅੱਜ ਲੱਖਾਂ ਦੀ ਤਦਾਦ ਚ ਆਈਆਂ ਸੰਗਤਾਂ ਨੇ ਵੀਰ ਦੀਪ ਸਿੱਧੂ ਨੂੰ ਸ਼ਰਧਾਂਜਲੀ ਨਮ ਅੱਖਾਂ ਨਾਲ ਦਿੰਦੇ ਹੋਏ  ਸਿੱਖ ਕੌਮ ਦੇ ਵੀਰ  ਦੀਪ ਸਿੱਧੂ ਅਮਰ ਰਹੇ ਦੇ ਜੈਕਾਰੇ ਅਤੇ ਨਾਅਰੇ ਵੀ ਲਾਏ ਗਏ  ਨੌਜਵਾਨ ਵੀਰਾਂ ਵੱਲੋਂ ਗੁਰੂ ਕੇ ਲੰਗਰ ਅਤੇ ਮੈਡੀਕਲ ਕੈਂਪ ਸੰਗਤਾਂ ਦੀ ਸਹੂਲਤ ਨੂੰ ਮੁੱਖ ਰੱਖਦੇ ਲਾਏ ਗਏ  ਅੱਜ ਫਤਹਿਗੜ੍ਹ ਸਾਹਿਬ ਇੱਕ ਵਾਰ ਫੇਰ ਤੋਂ ਖ਼ਾਲਸਈ ਰੰਗ ਵਿੱਚ ਰੰਗਿਆ  ਗਿਆ ਅਤੇ ਦੀਪ ਸਿੱਧੂ ਨੂੰ ਕੌਮ ਦਾ ਸ਼ਹੀਦ ਐਲਾਨਦੇ ਹੋਏ  ਲੱਖਾਂ ਸੰਗਤਾਂ ਨੇ  ਨਮ ਅੱਖਾਂ ਨਾਲ ਸ਼ਰਧਾਂਜਲੀ ਭੇਟ ਕੀਤੀ

ਖ਼ਬਰਾਂ ਤੋ ਬਆਦ ਵਣ ਵਿਭਾਗ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਹਰਕਤ ਵਿੱਚ ਆਉਂਦਿਆਂ ਪਿੰਡ ਸਹੌਰ ਵਿਖੇ ਪੁੱਜ ਕੇ ਸਥਿਤੀ ਦਾ ਲਿਆ ਜਾੲਿਜ਼ਾ                                             

ਮਹਿਕਮੇ ਵੱਲੋਂ ਜੰਗਲੀ ਜਾਨਵਰਾਂ ਨੂੰ ਫੜਣ ਲਈ ਪਿੰਡ ਸਹੌਰ ਵਿਖੇ ਦੋ ਪਿੰਜਰੇ ਅੱਜ ਸ਼ਾਮ ਤੱਕ ਲਗਾਏ ਜਾਣਗੇ.ਗੁਰਮੀਤ ਸਿੰਘ                                                               

ਮਹਿਲਕਲਾਂ/ਬਰਨਾਲਾ- 24 ਫਰਵਰੀ -(ਗੁਰਸੇਵਕ ਸੋਹੀ)- ਪਿਛਲੇ ਤਿੰਨ ਚਾਰ ਦਿਨਾਂ ਤੋਂ ਲਗਾਤਾਰ ਪਿੰਡ ਸਹੌਰ ਵਿਖੇ ਤੇਂਦੁਏ ਦੇ ਘੁੰਮਣ ਦੀਆਂ ਵੀਡੀਓ ਸੀਸੀ ਟੀਵੀ ਕੈਮਰਿਆਂ ਵਿਚ ਦਰਜ ਹੋਣ ਸਬੰਧੀ ਸੋਸ਼ਲ ਮੀਡੀਆ ਉੱਪਰ ਵੀਡੀਓ ਚੱਲਣ ਕਾਰਨ ਅਤੇ ਵੱਖ ਵੱਖ ਅਖ਼ਬਾਰਾਂ ਵਿੱਚ ਖ਼ਬਰਾਂ ਪ੍ਰਕਾਸ਼ਤ ਹੋਣ ਤੋਂ ਬਾਅਦ ਅੱਜ ਵਣ ਵਿਭਾਗ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਹਰਕਤ ਵਿੱਚ ਆਉਂਦਿਆਂ ਵਣ ਵਿਭਾਗ ਦੇ ਕਰਮਚਾਰੀ ਗੁਰਮੀਤ ਸਿੰਘ ਅਤੇ ਥਾਣਾ ਠੁੱਲੀਵਾਲ ਦੇ ਏਐਸਆਈ ਮਨਜੀਤ ਸਿੰਘ ਦੀ ਅਗਵਾਈ ਹੇਠ ਮਹਿਕਮੇ ਅਤੇ ਪ੍ਰਸ਼ਾਸਨ ਦੀ ਟੀਮ ਵੱਲੋਂ ਪਿੰਡ ਸਹੌਰ ਵਿਖੇ ਵਿਸ਼ੇਸ਼ ਤੌਰ ਤੇ ਪੁੱਜ ਕੇ ਗਰਾਮ ਪੰਚਾਇਤ ਦੀ ਹਾਜ਼ਰੀ ਵਿੱਚ ਸਥਿਤੀ ਦਾ ਜਾਇਜ਼ਾ ਲਿਆ ਅਤੇ ਪਿੰਡ ਵਾਸੀਆਂ ਤੋਂ ਜਾਣਕਾਰੀ ਹਾਸਲ ਕੀਤੀ ਇਸ ਮੌਕੇ ਵਣ ਵਿਭਾਗ ਦੇ ਕਰਮਚਾਰੀ ਗੁਰਮੀਤ ਸਿੰਘ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਪਿੰਡਾਂ ਦੇ ਲੋਕਾਂ ਵੱਲੋਂ ਜੰਗਲੀ ਜਾਨਵਰ ਘੁੰਮਣ ਸਬੰਧੀ ਦਿੱਤੀ ਜਾ ਰਹੀ ਜਾਣਕਾਰੀ ਤੋਂ ਬਾਅਦ ਪਹਿਲਾਂ ਪਿੰਡ ਠੀਕਰੀਵਾਲ ਵਿਖੇ ਮਹਿਕਮੇ ਵੱਲੋਂ ਇੱਕ ਪਿੰਜਰਾ ਲਗਾਇਆ ਗਿਆ ਹੈ ਅਤੇ ਹੁਣ ਪਿੰਡ ਸਹੌਰ ਵਿਖੇ ਵੀ ਦੋ ਪਿੰਜਰੇ ਅੱਜ ਸ਼ਾਮ ਤੱਕ ਸੰਗਰੂਰ ਜਾ ਬਠਿੰਡੇ ਤੋਂ ਲਿਆ ਕੇ ਲਗਾਏ ਜਾਣਗੇ ਉਨ੍ਹਾਂ ਕਿਹਾ ਕਿ ਮਹਿਕਮੇ ਵੱਲੋਂ ਆਪਣੀ ਕਾਰਵਾਈ ਪੂਰੀ ਤਰ੍ਹਾਂ ਆਰੰਭ ਕੀਤੀ ਜਾ ਚੁੱਕੀ ਹੈ ਇਸ ਮੌਕੇ ਪਿੰਡ ਦੇ ਮੋਹਤਬਾਰਾਂ ਨੇ ਕਿਹਾ ਕਿ ਤੰਦੂਆ ਦੇ ਲਗਾਤਾਰ ਘੁੰਮਣ ਕਾਰਨ ਪਿੰਡ ਵਾਸੀਆਂ ਵਿਚ ਦਹਿਸ਼ਤ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ ਕਿਉਂਕਿ ਜੰਗਲੀ ਜਾਨਵਰਾਂ ਦੇ ਘੁੰਮਣ ਕਾਰਨ ਕੋਈ ਹੋਰ ਵੱਡਾ ਨੁਕਸਾਨ ਹੋਣ ਦਾ ਡਰ ਬਣਿਆ ਹੋਇਆ ਹੈ ਉਨ੍ਹਾਂ ਮਹਿਕਮੇ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਪਾਸੋਂ ਮੰਗ ਕੀਤੀ ਕਿ ਅਜਿਹੇ ਜਾਨਵਰ ਨੂੰ ਫੜਨ ਲਈ ਢੁੱਕਵੇਂ ਪ੍ਰਬੰਧ ਕੀਤੇ ਜਾਣ ਤਾਂ ਜੋ ਕੇ ਲੋਕਾਂ ਅੰਦਰ ਪੈਦਾ ਹੋਏ ਡਰ ਦੇ ਮਾਹੌਲ ਤੋਂ ਲੋਕਾਂ ਨੂੰ ਬਾਹਰ ਕੱਢਿਆ ਜਾਵੇ। ਇਸ ਸਮੇਂ ਸਮਾਜਸੇਵੀ ਰਘੁਬੀਰ ਸਿੰਘ ਸਹੌਰ, ਪੰਚ ਰਣਜੀਤ ਸਿੰਘ, ਬਹਾਦਰ ਸਿੰਘ, ਗੁਰਪ੍ਰੀਤ ਸਿੰਘ, ਬੇਅੰਤ ਸਿੰਘ, ਸਿਮਰਜੀਤ ਸਿੰਘ, ਪਰਗਟ ਸਿੰਘ, ਦਰਸ਼ਨ ਸਿੰਘ, ਗੁਰਜੰਟ ਸਿੰਘ, ਪਰਮਜੀਤ ਸਿੰਘ ਤੋਂ ਇਲਾਵਾ ਹੋਰ ਪਿੰਡ ਵਾਸੀ ਵੀ ਹਾਜ਼ਰ ਸਨ ।

ਹਠੂਰ,24,ਫਰਵਰੀ-(ਕੌਸ਼ਲ ਮੱਲ੍ਹਾ)-ਇਲਾਕੇ ਦੇ ਖੇਤਾ ਵਿਚ ਅਵਾਰਾ ਫਿਰਦੇ ਰੋਝ ਕਿਸਾਨਾ ਲਈ ਵੱਡੀ ਸਿਰਦਰਦੀ ਬਣੇ ਹੋਏ ਹਨ।ਇਸ ਸਬੰਧੀ ਗੱਲਬਾਤ ਕਰਦਿਆ ਪਿੰਡ ਮੱਲ੍ਹਾ ਦੇ ਕਿਸਾਨ ਕਰਮਜੀਤ ਸਿੰਘ,ਦਾਰਾ ਸਿੰਘ,ਗਗਨਦੀਪ ਸਿੰਘ,ਬਲਦੀਪ ਸਿੰਘ,ਟੋਨੀ ਮੱਲ੍ਹਾ,ਰਾਜੂ ਮੱਲ੍ਹਾ,ਬਿੱਟੂ ਸਿੰਘ ਆਦਿ ਕਿਸਾਨਾ ਨੇ ਦੱਸਿਆ ਕਿ ਕਣਕ ਦੀ ਫਸਲ ਪੱਕਣ ਤੇ ਆਈ ਹੋਈ ਹੈ ਅਤੇ ਖੇਤਾ ਵਿਚ ਫਿਰਦੇ ਅਵਾਰਾ ਰੋਝਾ ਦਾ ਝੁੰਡ ਕਿਸਾਨਾ ਦੀਆ ਫਸਲਾ ਬਰਬਾਦ ਕਰ ਰਿਹਾ ਹੈ।ਉਨ੍ਹਾ ਦੱਸਿਆ ਕਿ ਇਨ੍ਹਾ ਰੋਝਾ ਦੇ ਕਾਰਨ ਕਈ ਕੀਮਤੀ ਜਾਨਾ ਵੀ ਜਾ ਚੁੱਕੀਆ ਹਨ ਕਿਉਕਿ ਰਾਤ ਸਮੇਂ ਰੋਝ ਵਾਹਨ ਦੀ ਲਾਈਟ ਦੇ ਸਾਹਮਣੇ ਅਚਾਨਕ ਆ ਖੜ੍ਹੇ ਹੁੰਦੇ ਹਨ ਜਿਸ ਕਾਰਨ ਸੜਕ ਹਾਦਸੇ ਹੋ ਰਹੇ ਹਨ।ਉਨ੍ਹਾ ਦੱਸਿਆ ਕਿ ਇਹ ਰੋਝ ਇਕੱਲੇ ਵਿਅਕਤੀ ਤੇ ਵੀ ਹਮਲਾ ਕਰ ਦਿੰਦੇ ਹਨ ਜਿਸ ਕਰਕੇ ਕਿਸਾਨ ਇਕੱਲੇ ਖੇਤਾ ਵਿਚ ਜਾਣ ਤੋ ਗੁਰੇਜ ਕਰ ਰਹੇ ਹਨ।ਉਨ੍ਹਾ ਪ੍ਰਸਾਸਨ ਤੋ ਮੰਗ ਕੀਤੀ ਕਿ ਅਵਾਰਾ ਫਿਰਦੇ ਰੋਝਾ ਨੂੰ ਕਾਬੂ ਕਰਕੇ ਕਿਸੇ ਢੁੱਕਵੀ ਜਗ੍ਹਾ ਤੇ ਛੱਡਿਆ ਜਾਵੇ।
ਫੋਟੋ ਕੈਪਸਨ:- ਖੇਤਾ ਵਿਚ ਅਵਾਰਾ ਫਿਰਦੇ ਰੋਝਾ ਦਾ ਝੁੰਡ

ਮਾਂ ਬੋਲੀ "ਪੰਜਾਬੀ" ਨੂੰ ਸਮਰਪਿਤ ਵਿਸ਼ੇਸ਼ ਗੁਰਮਤਿ ਸਮਾਗਮ   

ਗੁਰਦੁਆਰਾ ਸ੍ਰੀ ਭਜਨਗੜ੍ਹ ਸਾਹਿਬ ਮੋਤੀ ਬਾਗ ਗਲੀ ਨੰਬਰ 3 ਕੱਚਾ ਮਲਕ ਰੋਡ ਜਗਰਾਉਂ        

ਮਿਤੀ 26-02-2022 ਦਿਨ ਸ਼ਨਿੱਚਰਵਾਰ ਨੂੰ ਸ਼ਾਮ 06 ਤੋਂ ਰਾਤ 09 ਤੱਕ ਹਫਤਾਵਾਰੀ ਗੁਰਮਤਿ ਸਮਾਗਮ, ਮਾਂ ਬੋਲੀ "ਪੰਜਾਬੀ" ਨੂੰ ਸਮਰਪਿਤ ਹੋਣਗੇ।    
        ਜਿਸ ਵਿੱਚ ਕਵੀ ਦਰਬਾਰ,ਕਥਾ, ਕੀਰਤਨ, ਗੁਰਮਤਿ ਵਿਚਾਰਾਂ ਹੋਣਗੀਆਂ।

ਪੰਜਾਬ ਦੇ ਮਸ਼ਹੂਰ ਕਵੀ ਰਸ਼ਪਾਲ ਸਿੰਘ ਜੀ ਪਾਲ "ਪੰਜਾਬ ਦਾ ਰਫ਼ੀ" ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕਰਨਗੇ।

ਆਪ ਜੀ ਸਭ ਨੂੰ ਪਰਿਵਾਰ ਸਮੇਤ ਦਰਸ਼ਨ ਦੇਣ ਲਈ ਬੇਨਤੀ ਹੈ ਜੀ।
ਸਮਾਪਤੀ ਰਾਤ 09 ਤੇ ਗੁਰੂ ਦਾ ਲੰਗਰ ਅਤੁੱਟ ਵਰਤੇਗਾ ਜੀ।

ਪ੍ਰਬੰਧਕ ਸੇਵਾਦਾਰ
ਗੁਰਦੁਆਰਾ ਸ੍ਰੀ ਭਜਨਗੜ੍ਹ ਸਾਹਿਬ ਮੋਤੀ ਬਾਗ ਗਲੀ ਨੰਬਰ 3 ਕੱਚਾ ਮਲਕ ਰੋਡ ਜਗਰਾਉਂ      

(ਜਾਣਕਾਰੀ ਬਲਦੇਵ ਜਗਰਾਉਂ)

 ਗਗਨ ਕਾਲਖ ਹਮੇਸ਼ਾ ਸਮਾਜ ਸੇਵਾ ਦੇ ਕਾਰਜਾਂ ਨੂੰ ਸਮਰਪਿਤ...ਵਿਧਾਇਕ ਇਆਲੀ, ਸ਼ਿਵਾਲਿਕ, ਡਾ ਕਾਲਖ.
  
ਮਹਿਲ ਕਲਾਂ/ਬਰਨਾਲਾ- 23 ਫਰਵਰੀ (ਗੁਰਸੇਵਕ ਸੋਹੀ) -ਉਘੇ ਸਮਾਜ ਸੇਵੀ ਤੇ ਨੌਜਵਾਨ ਆਗੂ ਮਨਿੰਦਰਜੀਤ ਸਿੰਘ ਗਗਨ   ਕਾਲਖ ਵਿਆਹ ਬੰਧਨ ਦੇ ਪਵਿੱਤਰ ਰਿਸ਼ਤੇ  ਵਿੱਚ ਬੱਝ ਗਏ, ਜਿੱਥੇ ਪਿੰਡ ਪੱਧਰ ਤੋ ਇਲਾਵਾ ਇਲਾਕੇ ਭਰ ਵਿੱਚ ਖੁਸੀਆਂ ਦਾ ਮਾਹੌਲ ਹੈ। ਕਿਓਂਕਿ ਗਗਨ ਕਾਲਖ  ਬਹੁਤ ਹੀ ਨਰਮ ਦਿੱਲ ਤੇ ਮਿਲਾਪੜੇ ਸੁਭਾਅ ਦਾ ਨੌਜਵਾਨ ਹੈ , ਜੋ ਹਮੇਸ਼ਾ ਸਮਾਜ ਸੇਵੀ ਕੰਮਾਂ ਨੂੰ ਸਮਰਪਿਤ ਰਹਿੰਦਾ ਹੈ ।
  ਇਸ ਮੌਕੇ ਜਿੱਥੇ ਪਰਿਵਾਰਕ ਰਿਸ਼ਤੇਦਾਰਾਂ ਪਿੰਡ ਵਾਸੀਆਂ ਤੇ ਐਨ ਆਰ ਆਈ ਦੋਸਤਾਂ ਨੇ ਵਿਆਹ ਪਾਰਟੀ ਦੀਆਂ, ਕਲੋਸਟਨ ਗਰੈਂਡ ਪੈਲਸ  ਵਿੱਚ ਸਾਮਲ ਹੌਕੇ  ਖੁਸੀਆਂ ਮਨਾਈਆਂ, ਉਥੇ  ਸੁਭਾਗੀ  ਜੋੜੀ ਨੂੰ ਅਸ਼ੀਰਵਾਦ ਦੇਣ ਲਈ ਵਿਧਾਇਕ ਮਨਪ੍ਰੀਤ ਸਿੰਘ ਜੀ ਇਆਲੀ ਤੇ ਵਿਧਾਇਕ  ਦਰਸਨ ਸਿੰਘ ਜੀ ਸ਼ਿਵਾਲਿਕ ਵਿਸੇਸ਼ ਤੌਰ ਤੇ ਹਾਜਰ ਸਨ। ਉਹਨਾਂ ਨਾਲ ਡਾਕਟਰ ਜਸਵਿੰਦਰ ਕਾਲਖ ਜਰਨਲ ਸਕੱਤਰ ਮੈਡੀਕਲ ਪ੍ਰੈਕਟੀਸ਼ਨਰ ਪੰਜਾਬ ਤੇ ਡਾ ਭਗਵੰਤ ਬੜੂੰਦੀ ਵਾਇਸ ਚੇਅਰਮੈਨ ਲੁਧਿਆਣਾ ,ਡਾ  ਯੂਨਿਸ ਦਿਓਲ ਪੱਖੋਵਾਲ ਵੀ ਉਚੇਚੇ ਤੌਰ ਤੇ  ਸਮਾਰੋਹ ਵਿੱਚ ਸਾਮਲ ਸਨ।
  ਆਗੂਆਂ ਨੇ ਇਸ ਮੌਕੇ ਬੋਲਦਿਆਂ ਕਿਹਾ  ਕਿ ਗਗਨ ਕਾਲਖ ਅਕਾਲੀ ਦਲ ਬਾਦਲ ਹਲਕਾ ਗਿੱਲ ਦਾ ਨੌਜਵਾਨ ਆਗੂ ਹੈ, ਪਰ ਪਾਰਟੀਬਾਜ਼ੀ ਤੋ ਉਪਰ ਉਠ ਕੇ ਹਮੇਸ਼ਾ ਸਮਾਜ ਸੇਵਾ ਨੂੰ ਸਮਰਪਿਤ ਰਹਿੰਦਾ ਹੈ। ਇਸ ਮੌਕੇ ਵੱਖ ਵੱਖ ਸਿਆਸੀ ਪਾਰਟੀਆਂ ਇਲਾਕੇ ਭਰ ਦੇ ਪੰਚ, ਸਰਪੰਚ, ਚੇਅਰਮੈਨ ਤੇ ਜਥੇਬੰਦੀਆਂ ਦੇ ਨੁਮਾਇੰਦਿਆਂ ਤੋ ਇਲਾਵਾ ਸਮੂਹ ਨਗਰ ਨਿਵਾਸੀ  ਪਰਿਵਾਰਕ , ਐਨ ਆਰ ਆਈ ਰਿਸ਼ਤੇਦਾਰ ਤੇ ਦੋਸਤ ਹਾਜਰ ਸਨ। 
  ਉੱਘੇ ਪੰਜਾਬੀ ਫਿਲਮ ਐਕਟਰ ਰਾਜਵੀਰ  ਜਵੰਦਾ ਤੇ ਐਲੀ ਮਾਂਗਟ ਨੇ ਵਿਆਹ ਪਾਰਟੀ ਵਿੱਚ ਸਾਮਲ ਸਾਰਿਆਂ ਨੂੰ ਆਪਣੀ ਕਲਾ ਰਾਹੀਂ ਝੂਮਣ ਲਾ ਦਿੱਤਾ।

ਮੁੱਲਾਂਪੁਰ ਦਾਖਾ 23 ਫਰਵਰੀ ( ਸਤਵਿੰਦਰ ਸਿੰਘ ਗਿੱਲ ) ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਭੁੱਖ ਹਡ਼ਤਾਲ ਦਾ ਤੀਜਾ ਦਿਨ ਸਜ਼ਾਵਾਂ ਪੂਰੀਆਂ ਕਰ ਚੁੱਕੇ ਬੰਦੀ ਸਿੰਘਾਂ ਲਈ ਹਾਅ ਦਾ ਨਾਅਰਾ ਮਾਰਨ ਵਾਲਿਆਂ 'ਚ ਇੰਦਰਜੀਤ ਸਿੰਘ ਸਹਿਜਾਦ , ਝਲਮਣ ਸਿੰਘ ਸਰਾਭਾ ਅਮਰੀਕਾ ਵਾਲੇ,ਕੁਲਜੀਤ ਸਿੰਘ ਭੰਮਰਾ ਸਰਾਭਾ ,ਬਲੌਰ ਸਿੰਘ ਸਰਾਭਾ ,ਲਖਬੀਰ ਸਿੰਘ ਸਰਾਭਾ,ਬਲਦੇਵ ਸਿੰਘ ਦੇਵ ਸਰਾਭਾ ਆਦਿ ਮੋਰਚੇ ਤੇ ਡਟੇ ਹੋਏ ਸਨ ।  ਇਸ ਮੌਕੇ ਇੰਦਰਜੀਤ ਸਿੰਘ ਸ
ਸ਼ਹਿਜਾਦ ਨੇ ਆਖਿਆ ਕਿ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਜੀ ਦੀ ਜਨਮ ਭੂਮੀ ਜੱਦੀ ਪਿੰਡ ਸਰਾਭਾ ਵਿਖੇ ਲੱਗੇ ਮੋਰਚੇ ਚ ਸਮੂਹ ਇਨਸਾਫ਼ ਪਸੰਦ ਸਾਥੀ ਜ਼ਰੂਰ ਆਪਣੀ ਹਾਜ਼ਰੀ ਲਵਾਉਣ ਤਾਂ ਜੋ ਆਪਣੀਆਂ ਸਜ਼ਾਵਾਂ ਪੂਰੀਆਂ ਕਰ ਚੁੱਕੇ ਬੰਦੀ ਸਿੰਘਾਂ ਨੂੰ ਜਲਦ ਰਿਹਾਅ ਕਰਵਾਇਆ ਜਾ ਸਕੇ ।ਉਨ੍ਹਾਂ ਅੱਗੇ ਆਖਿਆ ਕਿ ਕਿਸੇ ਵੀ ਦੇਸ਼ ਦਾ ਕਾਨੂੰਨ ਨਹੀਂ ਕਿ ਸਜ਼ਾਵਾਂ ਪੂਰੀਆਂ ਕਰਨ ਤੋਂ ਬਾਅਦ ਵੀ ਉਨ੍ਹਾਂ ਨੂੰ ਜੇਲ੍ਹ ਤੋਂ ਰਿਹਾਅ ਨਾ ਕੀਤਾ ਜਾਵੇ ਇਹ ਘੱਟ ਗਿਣਤੀ ਕੌਮਾਂ ਅਤੇ ਬੰਦੀ ਸਿੰਘਾਂ ਨਾਲ ਅੱਤਿਆਚਾਰ ਹੈ ਜੇ ਕਰ ਉਨ੍ਹਾਂ ਵੱਲੋਂ ਕੋਈ ਕਾਨੂੰਨ ਦੇ ਉਲਟ ਕੰਮ ਕੀਤਾ ਤਾਂ ਉਨ੍ਹਾਂ ਨੂੰ ਸਜ਼ਾਵਾਂ ਮਿਲੀਆਂ ਜੋ ਬੰਦੀ ਸਿੰਘਾਂ ਵੱਲੋਂ ਭੁਗਤੀਆਂ ਵੀ ਚੁੱਕੇ ਨੇ ਉਸ ਤੋਂ ਬਾਅਦ ਵੀ ਉਨ੍ਹਾਂ ਨੂੰ ਨਹੀਂ ਰਿਹਾਅ ਕੀਤਾ ਜਾ ਰਿਹਾ । ਦੇਸ਼ ਨੂੰ ਯਾਦ ਕਰਵਾਉਣ ਲਈ ਸਭ ਤੋਂ ਵੱਧ ਕੁਰਬਾਨੀਆਂ ਦੇਣ ਵਾਲੀ ਸਿੱਖ ਕੌਮ ਦਾ ਇਹ ਕਿੱਦਾਂ ਦਾ ਸਨਮਾਨ । ਉਨ੍ਹਾਂ   ਆਖ਼ਰ ਵਿੱਚ ਆਖਿਆ ਕਿ ਸਾਨੂੰ ਸਾਰਿਆਂ ਨੂੰ ਇਕ ਮੰਚ ਤੇ ਇਕੱਠੇ ਹੋ ਕੇ ਆਵਾਜ਼ ਬੁਲੰਦ ਕਰਨੀ ਚਾਹੀਦੀ ਹੈ ਤਾਂ ਜੋ ਜਿੱਤਾਂ ਪ੍ਰਾਪਤ ਕਰ ਸਕੀਏ ਬੰਦੀ ਸਿੰਘ ਰਿਹਾਈ ਹੋ ਜਾਣ । ਇਸ ਮੌਕੇ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਲੋਕ ਭਲਾਈ ਮੰਚ ਦੇ ਸਰਪ੍ਰਸਤ  ਇੰਦਰਜੀਤ ਸਿੰਘ ਸਹਿਜਾਦ , ਸਾਬਕਾ ਸਰਪੰਚ ਜਗਤਾਰ ਸਿੰਘ ਸਰਾਭਾ ,ਬਲੌਰ ਸਿੰਘ ਸਰਾਭਾ , ਕੈਪਟਨ ਕਮਿੱਕਰ ਸਿੰਘ ਪੰਚ ਸਰਾਭਾ, ਪਹਿਲਵਾਨ ਰਣਜੀਤ ਸਿੰਘ ਲੀਲ , ਬਹਾਦਰ ਸਿੰਘ ਟੂਸਾ,ਸੁਖਪ੍ਰੀਤ ,ਸਰਾਭਾ ਭਿੰਦਾ,ਰੂਬੀ ਸਰਾਭਾ, ਸਰਾਭਾ  ਪਰਦੀਪ ਸਿੰਘ ਅੱਬੂਵਾਲ, ਚੰਦਰ ਸ਼ੇਖਰ ਮਥਰਾ ,ਸੁਭਾਸ਼ ਸ਼ਰਮਾ ,ਬਿੰਦਰ ਸਿੰਘ ਸਰਾਭਾ,ਜੱਗਧੂੜ ਸਿੰਘ ਸਰਾਭਾ   ਆਦਿ ਹਾਜ਼ਰ ਸਨ ।

ਮੁਡਿਆਂ ਨੇ ਗੁਰਦੁਆਰਾ ਸਾਹਿਬ ਦੇ ਪ੍ਰਧਾਨ ਨੂੰ ਕੀਤੀ ਗਾਲੀ-ਗਲੋਚ ਸ਼ਾਰਰਤੀ ਅਨਸਰਾਂ ਵੱਲੋਂ ਕੀਤਾ ਜਾ ਰਿਹਾ ਅਜਿਹਾ ਕੰਮ ,

ਪੱਤਰਕਾਰ ਰਣਜੀਤ ਸਿੰਘ ਰਾਣਾ

ਫੇਸਬੁੱਕ ਵੀਡੀਓ ਦੇਖਣ ਲਈ ਇਸ ਲਿੰਕ ਉਪਰ ਕਲਿੱਕ ਕਰੋ; https://fb.watch/bk_6jm4suq/

ਵਿੱਚ ਪੰਜਾਬੀ ਬੋਲਦੇ, ਗੁਰੂਆਂ ਦੀ ਬਾਣੀ ਨੂੰ
ਤਖ਼ਤ ਬੈਠਾ ਕੇ ਰੱਖਿਓ, ਪੰਜਾਬ ਦੀ ਰਾਣੀ ਨੂੰ

ਇਸ ਦੀ ਗੋਦੀ ਬੈਠੀਆਂ,ਕਈ ਹੋਰ ਭਾਸ਼ਾਵਾਂ ਵੀ
ਰਹੇ ਉੱਚਾ ਇਹਦਾ ਰੁਤਬਾ, ਸਦਾ ਕਰਾਂ ਦੁਆਵਾਂ ਜੀ
    ਭੁੱਲ ਨਾ ਜਾਇਓ ਸਾਥੀਓ, ਬਚਪਨ ਦੀ ਹਾਣੀ ਨੂੰ
    ਤਖ਼ਤ ਬੈਠਾ ਕੇ ਰੱਖਿਓ, ਪੰਜਾਬ ਦੀ ਰਾਣੀ ਨੂੰ।।

ਸਿਰ ਤੇ ਤਾਜ ਹੈ ਰੱਖਣਾ, ਮਾਂ ਬੋਲੀ ਕਹਿੰਦੇ ਨੇ
ਫਿਰ ਕਿਉਂ ਇਹਨੂੰ ਬੋਲਣ ਤੇ, ਜ਼ੁਰਮਾਨੇ ਪੈਂਦੇ ਨੇ
    ਰਲ ਕੇ ਸਾਰੇ ਰੋਕੀਏ, ਵੰਡ ਇਸ ਕਾਣੀ ਨੂੰ
    ਤਖ਼ਤ ਬੈਠਾ ਕੇ ਰੱਖਿਓ, ਪੰਜਾਬ ਦੀ ਰਾਣੀ ਨੂੰ।।

ਹਿੰਦੀ,ਅੰਗਰੇਜ਼ੀ,ਉਰਦੂ,ਅਰਬੀ, ਥੋੜੀ ਜਿਹੀ ਘੋਲਾਂ ਗੇ
ਸਮੁੰਦਰੋਂ ਪਾਰ ਵੀ ਜਾ ਕੇ, ਅਸੀਂ ਪੰਜਾਬੀ ਬੋਲਾਂਗੇ
    ਅਰਸ਼ਾਂ ਤੱਕ ਲੈ ਜਾਵਣਾ, ਪਹਿਚਾਣ ਪੁਰਾਣੀ ਨੂੰ
    ਤਖ਼ਤ ਬੈਠਾ ਕੇ ਰੱਖਿਓ, ਪੰਜਾਬ ਦੀ ਰਾਣੀ ਨੂੰ।।

ਸਾਰੇ ਜੱਗ ਤੇ ਰਾਜ ਕਰੇਗੀ, ਸਾਡੀ ਇਹ ਪੰਜਾਬੀ
ਸਾਡੇ ਸਿਰ ਦਾ ਤਾਜ ਬਣੇਗੀ, ਸਾਡੀ ਇਹ ਪੰਜਾਬੀ
    ਕੰਡੇ ਬਣ ਕੇ ਸਾਂਭਿਓ, ਫੁੱਲਾਂ ਦੀ ਟਾਹਣੀ ਨੂੰ
    ਤਖ਼ਤ ਬੈਠਾ ਕੇ ਰੱਖਿਓ, ਪੰਜਾਬ ਦੀ ਰਾਣੀ ਨੂੰ।।

ਗੁਰੂਆਂ ਦੀ ਏ ਲਾਡਲੀ, ਕਵੀਆਂ ਦਾ ਮਾਣ ਹੈ
ਇਹਦੇ ਅੱਖਰਾਂ ਵਿਚ ਮੁਹੱਬਤਾਂ,ਅੰਤਾਂ ਦਾ ਗਿਆਨ ਹੈ
    ਅਸੀਂ ਭਰਕੇ ਬੁੱਕਾਂ ਡੀਕੀਏ, ਇਸ ਵਗਦੇ ਪਾਣੀ ਨੂੰ
    ਤਖ਼ਤ ਬੈਠਾ ਕੇ ਰੱਖਿਓ, ਪੰਜਾਬ ਦੀ ਰਾਣੀ ਨੂੰ।।

ਮਾਹੀਏ,ਢੋਲੇ, ਗਿੱਧਾ, ਭੰਗੜਾ, ਸ਼ਾਨ ਪੰਜਾਬੀ ਦੀ
ਰੀਸ 'ਰਮੇਸ਼' ਨਾ ਹੋਣੀ ਕਿਸੇ ਤੋਂ, ਠਾਠ ਨਵਾਬੀ ਦੀ
    ਵਿੱਚ ਪੰਜਾਬੀ 'ਜਾਨੂੰ' ਕਹਿੰਦੇ,ਦਿਲਬਰਜਾਨੀ ਨੂੰ
    ਤਖ਼ਤ ਬੈਠਾ ਕੇ ਰੱਖਿਓ, ਪੰਜਾਬ ਦੀ ਰਾਣੀ ਨੂੰ।।
                  
                  ਲੇਖਕ-ਰਮੇਸ਼ ਕੁਮਾਰ ਜਾਨੂੰ
                 ਫੋਨ ਨੰ:-98153-20080