ਗਗਨ ਕਾਲਖ ਹਮੇਸ਼ਾ ਸਮਾਜ ਸੇਵਾ ਦੇ ਕਾਰਜਾਂ ਨੂੰ ਸਮਰਪਿਤ...ਵਿਧਾਇਕ ਇਆਲੀ, ਸ਼ਿਵਾਲਿਕ, ਡਾ ਕਾਲਖ.
ਮਹਿਲ ਕਲਾਂ/ਬਰਨਾਲਾ- 23 ਫਰਵਰੀ (ਗੁਰਸੇਵਕ ਸੋਹੀ) -ਉਘੇ ਸਮਾਜ ਸੇਵੀ ਤੇ ਨੌਜਵਾਨ ਆਗੂ ਮਨਿੰਦਰਜੀਤ ਸਿੰਘ ਗਗਨ ਕਾਲਖ ਵਿਆਹ ਬੰਧਨ ਦੇ ਪਵਿੱਤਰ ਰਿਸ਼ਤੇ ਵਿੱਚ ਬੱਝ ਗਏ, ਜਿੱਥੇ ਪਿੰਡ ਪੱਧਰ ਤੋ ਇਲਾਵਾ ਇਲਾਕੇ ਭਰ ਵਿੱਚ ਖੁਸੀਆਂ ਦਾ ਮਾਹੌਲ ਹੈ। ਕਿਓਂਕਿ ਗਗਨ ਕਾਲਖ ਬਹੁਤ ਹੀ ਨਰਮ ਦਿੱਲ ਤੇ ਮਿਲਾਪੜੇ ਸੁਭਾਅ ਦਾ ਨੌਜਵਾਨ ਹੈ , ਜੋ ਹਮੇਸ਼ਾ ਸਮਾਜ ਸੇਵੀ ਕੰਮਾਂ ਨੂੰ ਸਮਰਪਿਤ ਰਹਿੰਦਾ ਹੈ ।
ਇਸ ਮੌਕੇ ਜਿੱਥੇ ਪਰਿਵਾਰਕ ਰਿਸ਼ਤੇਦਾਰਾਂ ਪਿੰਡ ਵਾਸੀਆਂ ਤੇ ਐਨ ਆਰ ਆਈ ਦੋਸਤਾਂ ਨੇ ਵਿਆਹ ਪਾਰਟੀ ਦੀਆਂ, ਕਲੋਸਟਨ ਗਰੈਂਡ ਪੈਲਸ ਵਿੱਚ ਸਾਮਲ ਹੌਕੇ ਖੁਸੀਆਂ ਮਨਾਈਆਂ, ਉਥੇ ਸੁਭਾਗੀ ਜੋੜੀ ਨੂੰ ਅਸ਼ੀਰਵਾਦ ਦੇਣ ਲਈ ਵਿਧਾਇਕ ਮਨਪ੍ਰੀਤ ਸਿੰਘ ਜੀ ਇਆਲੀ ਤੇ ਵਿਧਾਇਕ ਦਰਸਨ ਸਿੰਘ ਜੀ ਸ਼ਿਵਾਲਿਕ ਵਿਸੇਸ਼ ਤੌਰ ਤੇ ਹਾਜਰ ਸਨ। ਉਹਨਾਂ ਨਾਲ ਡਾਕਟਰ ਜਸਵਿੰਦਰ ਕਾਲਖ ਜਰਨਲ ਸਕੱਤਰ ਮੈਡੀਕਲ ਪ੍ਰੈਕਟੀਸ਼ਨਰ ਪੰਜਾਬ ਤੇ ਡਾ ਭਗਵੰਤ ਬੜੂੰਦੀ ਵਾਇਸ ਚੇਅਰਮੈਨ ਲੁਧਿਆਣਾ ,ਡਾ ਯੂਨਿਸ ਦਿਓਲ ਪੱਖੋਵਾਲ ਵੀ ਉਚੇਚੇ ਤੌਰ ਤੇ ਸਮਾਰੋਹ ਵਿੱਚ ਸਾਮਲ ਸਨ।
ਆਗੂਆਂ ਨੇ ਇਸ ਮੌਕੇ ਬੋਲਦਿਆਂ ਕਿਹਾ ਕਿ ਗਗਨ ਕਾਲਖ ਅਕਾਲੀ ਦਲ ਬਾਦਲ ਹਲਕਾ ਗਿੱਲ ਦਾ ਨੌਜਵਾਨ ਆਗੂ ਹੈ, ਪਰ ਪਾਰਟੀਬਾਜ਼ੀ ਤੋ ਉਪਰ ਉਠ ਕੇ ਹਮੇਸ਼ਾ ਸਮਾਜ ਸੇਵਾ ਨੂੰ ਸਮਰਪਿਤ ਰਹਿੰਦਾ ਹੈ। ਇਸ ਮੌਕੇ ਵੱਖ ਵੱਖ ਸਿਆਸੀ ਪਾਰਟੀਆਂ ਇਲਾਕੇ ਭਰ ਦੇ ਪੰਚ, ਸਰਪੰਚ, ਚੇਅਰਮੈਨ ਤੇ ਜਥੇਬੰਦੀਆਂ ਦੇ ਨੁਮਾਇੰਦਿਆਂ ਤੋ ਇਲਾਵਾ ਸਮੂਹ ਨਗਰ ਨਿਵਾਸੀ ਪਰਿਵਾਰਕ , ਐਨ ਆਰ ਆਈ ਰਿਸ਼ਤੇਦਾਰ ਤੇ ਦੋਸਤ ਹਾਜਰ ਸਨ।
ਉੱਘੇ ਪੰਜਾਬੀ ਫਿਲਮ ਐਕਟਰ ਰਾਜਵੀਰ ਜਵੰਦਾ ਤੇ ਐਲੀ ਮਾਂਗਟ ਨੇ ਵਿਆਹ ਪਾਰਟੀ ਵਿੱਚ ਸਾਮਲ ਸਾਰਿਆਂ ਨੂੰ ਆਪਣੀ ਕਲਾ ਰਾਹੀਂ ਝੂਮਣ ਲਾ ਦਿੱਤਾ।
