ਪੰਜਾਬ

ਲੜੀ ਨੰਬਰ.1

1200ਈ. ਦੇ ਲਗਭਗ ਰਿਗਵੈਦਿਕ ਕਾਲ ਦੀ ਸਮਾਪਤੀ ਹੋ ਗਈ ਅਤੇ ਉੱਤਰ ਵੈਦਿਕ ਕਾਲ ਆਰੰਭ ਹੋਇਆ।ਇਸ ਕਾਲ ਵਿੱਚ ਆਰੀਆ ਨੇ ਵੇਦਾਂ, ਬ੍ਰਾਹਮਣ ਗ੍ਰੰਥਾਂ, ਉਪਨਿਸ਼ਦ ਆਦਿ ਕਈ ਗ੍ਰੰਥਾਂ ਦੀ ਰਚਨਾ ਹੋਈ ਜਿਸਨੇ ਲੋਕਾਂ ਦੇ ਸਮਾਜਿਕ, ਧਾਰਮਿਕ, ਰਾਜਨੀਤਕ, ਆਰਥਿਕ ਜੀਵਨ ਵਿੱਚ ਤਬਦੀਲੀਆਂ ਕੀਤੀਆਂ।ਇਹ ਕਾਲ ਰਿਗਵੈਦਿਕ ਕਾਲ ਨਾਲੋਂ ਜਿਆਦਾ ਉੱਨਤ ਹੋਇਆ।
 ਵੇਦ ਵੈਦਿਕ ਸਾਹਿਤ ਦਾ ਸਭ ਤੋਂ ਵੱਡਾ ਅੰਗ ਵੇਦ ਸਨ। ਜਿਨ੍ਹਾਂ ਦੀ ਗਿਣਤੀ ਚਾਰ ਸੀ- ਰਿਗਵੇਦ, ਯਜੁਰਵੇਦ, ਸਾਮਵੇਦ ਅਤੇ ਅਥਰਵਵੇਦ ਆਦਿ। ਇਨ੍ਹਾਂ ਨੂੰ ਸੰਹਿਤਾ ਵੀ ਕਿਹਾ ਜਾਂਦਾ ਸੀ। ਵੇਦ ਦਾ ਅਰਥ ਗਿਆਨ। ਇਨ੍ਹਾਂ ਤੋਂ ਸਾਨੂੰ ਪ੍ਰਾਚੀਨ ਸਮੇਂ ਦੀ ਕਾਫ਼ੀ ਜਾਣਕਾਰੀ ਮਿਲਦੀ ਹੈ।ਵੇਦ ਹਿੰਦੂਆਂ ਦੇ ਪਵਿੱਤਰ ਗ੍ਰੰਥ ਮੰਨੇ ਜਾਂਦੇ ਸਨ। ਇਨ੍ਹਾਂ ਨੂੰ ਸੰਸਕ੍ਰਿਤ ਸਾਹਿਤ ਦੀ ਜਨਨੀ ਵੀ ਕਿਹਾ ਜਾਂਦਾ ਹੈ ਅਤੇ ਹਿੰਦੂ ਸਮਾਜ ਦੀ ਆਤਮਾ ਕਿਹਾ ਜਾਂਦਾ ਹੈ।
 ਬ੍ਰਾਹਮਣ ਗ੍ਰੰਥ ਇਨ੍ਹਾਂ ਗ੍ਰੰਥਾਂ ਦੀ ਰਚਨਾ ਵੇਦਾਂ ਤੋਂ ਬਾਅਦ ਹੋਈ। ਇਨ੍ਹਾਂ ਵਿੱਚ ਯੱਗਾਂ ਦੇ ਕਰਮਕਾਂਡ ਅਤੇ ਰਾਜਿਆ ਤੇ ਰਿਸ਼ੀਆਂ ਦੀਆ ਕਥਾਵਾਂ ਸਨ।ਹਰ ਇਕ ਵੇਦ ਦੇ ਆਪਣੇ ਆਪਣੇ ਬ੍ਰਾਹਮਣ ਸਨ। ਬ੍ਰਾਹਮਣਾਂ ਦੇ ਅਧਿਐਨ ਤੋਂ ਸਾਨੂੰ ਨਾ ਸਿਰਫ ਯੱਗਾਂ ਦੀ ਵਿਧੀ ਬਾਰੇ ਸਗੋਂ ਸਮਕਾਲੀ ਇਤਿਹਾਸ ਬਾਰੇ ਵੀ ਜਾਣਕਾਰੀ ਮਿਲਦੀ ਹੈ। ਬ੍ਰਾਹਮਣ ਗ੍ਰੰਥ ਕਰੂ - ਪੰਚਾਲ ਆਰੀਆ ਸੰਸਕ੍ਰਿਤੀ ਉੱਤੇ ਬਹੁਮੁੱਲਾ ਚਾਨਣ ਪਾਉਂਦੇ ਸਨ।
 ਉਪਨਿਸ਼ਦ ਉਪਨਿਸ਼ਦ ਅਧਿਆਤਮਕ ਵਿਦਿਆ ਸਬੰਧੀ ਪੁਸਤਕਾਂ ਸਨ। ਇਨ੍ਹਾਂ ਵਿੱਚ ਜੀਵ ਸ਼੍ਰਿਸ਼ਟੀ ਅਤੇ ਰੱਬ ਬਾਰੇ ਵਿਚਾਰ ਪ੍ਰਗਟ ਕੀਤੇ ਗਏ ਸਨ।ਇਹ ਗਿਆਨ ਪ੍ਰਧਾਨ ਗ੍ਰੰਥ ਸਨ। ਇਨ੍ਹਾਂ ਦੀ ਗਿਣਤੀ 108ਦੇ ਲਗਭਗ ਹੈ। ਇਨ੍ਹਾਂ ਵਿੱਚ ਉੱਚ ਕੋਟੀ ਦੇ ਦਾਰਸ਼ਨਿਕ ਵਿਚਾਰ ਦਿੱਤੇ ਗਏ ਸਨ।
 ਸੂਤਰ ਗ੍ਰੰਥ ਇਨ੍ਹਾਂ ਗ੍ਰੰਥਾਂ ਵਿੱਚ ਵਾਕ ਛੋਟੇ ਸਨ ਪਰ ਅਰਥ ਅਤੇ ਭਾਵ ਉੱਚੇ ਪ੍ਰਗਟ ਹੁੰਦੇ ਸਨ।ਇਸਦੇ ਚਾਰ ਭਾਗ ਸਨ - ਸ੍ਰੋਤ ਸੂਤਰ, ਗ੍ਰਹਿ ਸੂਤਰ, ਧਰਮ ਸੂਤਰ ਅਤੇ ਸ਼ੁਲਵ ਸੂਤਰ ਆਦਿ।
 ਵੇਦਾਂਗ ਵੇਦਾਂ ਦੇ ਅਰਥਾਂ ਨੂੰ ਸਮਝਣ ਅਤੇ ਸਪੱਸ਼ਟ ਕਰਨ ਲਈ ਅਨੇਕ ਸੂਤਰ ਲਿਖੇ ਗਏ ਜੋ ਵੇਦਾਂਗ  ਨਾਂ ਨਾਲ ਪ੍ਰਸਿੱਧ ਹੋਏ। ਵੇਦਾਂਗਾ ਦੀ ਗਿਣਤੀ ਛੇ ਸੀ - ਛੰਦ, ਸ਼ਿਕਸ਼ਾ, ਵਿਆਕਰਨ, ਨਿਰੁਕਤ, ਕਲਪ ਅਤੇ ਜੋਤਿਸ਼ ਆਦਿ। ਵਿਆਕਰਣ ਨੂੰ ਵੇਦਾਂ ਦਾ ਮੂੰਹ ਕਿਹਾ ਜਾਂਦਾ ਹੈ, ਜੋਤਿਸ਼ ਨੂੰ ਨੇਤਰ, ਨਿਰੁਕਤ ਨੂੰ ਕੰਨ, ਕਲਪ ਨੂੰ ਹੱਥ, ਸਿੱਖਿਆ ਨੂੰ ਨੱਕ ਅਤੇ ਛੰਦ ਨੂੰ ਪੈਰ ਆਦਿ।
 ਦਰਸ਼ਨ ਸ਼ਾਸ਼ਤਰ ਇਸ ਅਧਿਆਤਮਕ ਗਿਆਨ ਨੂੰ ਛੇ ਭਾਗਾਂ ਵਿੱਚ ਵੰਡਿਆ ਗਿਆ ਹੈ- ਕਪਿਲ ਦਾ ਸਾਂਖਯ ਸ਼ਾਸ਼ਤਰ, ਪਤੰਜਲੀ ਦਾ ਯੋਗ ਸ਼ਾਸ਼ਤਰ, ਗੌਤਮ ਦਾ ਨਿਆਇ ਸ਼ਾਸ਼ਤਰ, ਕਣਾਦ ਦਾ ਵੈਸ਼ੇਸ਼ਿਕ ਸ਼ਾਸ਼ਤਰ, ਜੈਮਨੀ ਦਾ ਪੂਰਵ ਮੀਮਾਂਸਾ ਅਤੇ ਵਿਆਸ ਦਾ ਉਤੱਰ ਮੀਮਾਂਸਾ ਆਦਿ।ਇਹ ਸਭ ਵਿਦਵਾਨ ਵੇਦਾਂ ਨੂੰ ਆਪਣੇ ਸਿਧਾਤਾਂ ਦਾ ਮੂਲ ਆਧਾਰ ਮੰਨਦੇ ਸਨ।
 ਪੁਰਾਣ ਇਹ ਹਿੰਦੂਆਂ ਦੇ ਪ੍ਰਾਚੀਨ ਗ੍ਰੰਥ ਸਨ। ਜਿਨ੍ਹਾਂ ਦੀ ਗਿਣਤੀ 18ਹੈ।ਪਰ ਇਨ੍ਹਾਂ ਵਿਚੋਂ ਮਤਸਯ, ਵਾਯੂ, ਬ੍ਰਹਮ, ਵਿਸ਼ਨੂੰ, ਗਰੁੜ, ਮਾਰਕੰਡੇਯ ਅਤੇ ਭਾਗਵਤ ਵਿਸ਼ੇਸ਼ ਰੂਪ ਵਿੱਚ ਉਪਯੋਗੀ ਸਨ। ਇਨ੍ਹਾਂ ਤੋਂ ਸਾਨੂੰ ਪ੍ਰਾਚੀਨ ਸਮੇਂ ਦੀ ਕਾਫ਼ੀ ਜਾਣਕਾਰੀ ਮਿਲਦੀ ਹੈ।ਇਸ ਤੋਂ ਇਲਾਵਾ ਇਨ੍ਹਾਂ ਵਿੱਚ ਸੰਸਾਰ ਦੀ ਉਤਪੱਤੀ, ਦੇਵਤਿਆਂ ਅਤੇ ਉਸ ਸਮੇਂ ਦੇ ਰਾਜ ਵੰਸ਼ ਬਾਰੇ ਬਿਰਤਾਂਤ ਦਿੱਤਾ ਗਿਆ ਹੈ।
 ਮਹਾਂਕਾਵਿ- ਰਾਮਾਇਣ ਅਤੇ ਮਹਾਂਭਾਰਤ ਵੈਦਿਕ ਕਾਲ ਵਿੱਚ ਰਚੇ ਗਏ ਦੋ ਪ੍ਰਸਿੱਧ ਮਹਾਂਕਾਵਿ ਵਿਸ਼ਾਲ ਆਕਾਰ ਵਾਲੇ ਸਨ। ਇਨ੍ਹਾਂ ਤੋਂ ਸਾਨੂੰ ਪ੍ਰਾਚੀਨ ਸਮੇਂ ਦੀ ਮਹੱਤਵਪੂਰਨ ਜਾਣਕਾਰੀ ਮਿਲਦੀ ਹੈ।
 ਰਾਮਾਇਣ ਦੀ ਰਚਨਾ ਮਹਾਂਰਿਸ਼ੀ ਬਾਲਮੀਕੀ ਨੇ ਕੀਤੀ। ਇਸ ਵਿੱਚ 48000 ਪੰਕਤੀਆਂ ਅਤੇ 24000ਸ਼ਲੋਕ ਸਨ। ਇਸਤੋਂ ਸਾਨੂੰ ਮਹਾਰਾਜਾ ਰਾਮ ਚੰਦਰ ਜੀ ਦੇ ਜੀਵਨ ਬਾਰੇ, ਵਿਆਹ, ਬਣਵਾਸ, ਰਾਵਣ ਨਾਲ ਯੁੱਧ ਆਦਿ ਬਾਰੇ ਜਾਣਕਾਰੀ ਮਿਲਦੀ ਹੈ।
 ਮਹਾਂਭਾਰਤ ਇਹ ਰਾਮਾਇਣ ਤੋਂ ਵੀ ਵੱਡਾ ਮਹਾਂਕਾਵਿ ਹੈ।ਇਸਦੀ ਰਚਨਾ ਰਿਸ਼ੀ ਵੇਦ ਵਿਆਸ ਜੀ ਨੇ ਕੀਤੀ। ਇਸ ਵਿੱਚ ਇਕ ਲੱਖ ਤੋਂ ਵੀ ਵੱਧ ਸ਼ਲੋਕ ਸਨ।ਇਸ ਨੂੰ 18 ਅਧਿਆਇਆ ਵਿੱਚ ਵੰਡਿਆ ਗਿਆ ਹੈ।ਇਸ ਤੋਂ ਸਾਨੂੰ ਕੌਰਵਾਂ ਅਤੇ ਪਾਂਡਵਾ ਦੇ ਯੁੱਧ ਬਾਰੇ ਜਾਣਕਾਰੀ ਮਿਲਦੀ ਹੈ ਅਤੇ ਕ੍ਰਿਸ਼ਨ ਜੀ ਨੇ ਜੋ ਗਿਆਨ ਅਰਜੁਨ ਨੂੰ ਦਿੱਤਾ ਸੀ ਉਸ ਬਾਰੇ ਵੀ ਜਾਣਕਾਰੀ ਮਿਲਦੀ ਹੈ।
(ਬਾਕੀ ਵੇਰਵਾ ਅਗਲੇ ਅੰਕ ਵਿੱਚ)
ਪੂਜਾ 9815591967

ਟਰੈਕਟਰ ਸਮੇਤ,ਮੁੰਡਿਆਂਣੀ ਤੇ ਪੰਡੋਰੀ ਪਿੰਡ ਫਰੀ ਕਰਵਾਏ
ਮੁੱਲਾਂਪੁਰ ਦਾਖਾ,20 ਜੂਨ((ਸਤਵਿੰਦਰ ਸਿੰਘ ਗਿੱਲ) ਦਸਮੇਸ਼ ਕਿਸਾਨ ਮਜ਼ਦੂਰ ਯੂਨੀਅਨ ਜ਼ਿਲ੍ਹਾ ਲੁਧਿਆਣਾ ਦੀ ਰਹਿਨੁਮਾਈ ਹੇਠ ਚੱਲੇ ਦੋ ਰੋਜ਼ਾ ਚੌਂਕੀਮਾਨ ਟੋਲ ਜ਼ਬਰ ਕਾਂਡ ਵਿਰੋਧੀ ਹੱਕੀ ਘੋਲ ਦੀ ਅੱਜ ਉਦੋਂ ਵੱਡੀ ਜਿੱਤ  ਹੋਈ ਜਦੋਂ ਜਥੇਬੰਦੀ ਦੇ ਨੁਮਾਇੰਦਿਆਂ  , ਪੁਲੀਸ ਪ੍ਰਸ਼ਾਸਨ ਤੇ ਚੌਕੀਮਾਨ ਟੋਲ ਕੰਪਨੀ ਦੀ ਮੈਨੇਜਮੈਂਟ ਵਿਚਕਾਰ ਡੀ. ਐੱਸ. ਪੀ. ਦਫਤਰ ਮੁੱਲਾਂਪੁਰ ਵਿਖੇ ਨਿੱਗਰ ਸਮਝੌਤਾ ਸਿਰੇ ਚੜ੍ਹ ਗਿਆ ।
ਜਥੇਬੰਦੀ ਦੇ ਵਫਦ ਚ  ਪ੍ਰਧਾਨ ਗੁਰਦਿਆਲ ਸਿੰਘ ਤਲਵੰਡੀ ,  ਸਕੱਤਰ ਜਸਦੇਵ ਸਿੰਘ ਲਲਤੋਂ, ਖਜ਼ਾਨਚੀ ਨੰਬਰਦਾਰ ਮਨਮੋਹਣ ਸਿੰਘ ਪੰਡੋਰੀ , ਸੁਰਜੀਤ ਸਿੰਘ ਸਵੱਦੀ, ਗੁਰਮੇਲ ਸਿੰਘ ਸਵੱਦੀ ,  ਉਜਾਗਰ ਸਿੰਘ ਬੱਦੋਵਾਲ , ਹਰਦੇਵ ਸਿੰਘ ਮੁੱਲਾਂਪੁਰ ਉਚੇਚੇ ਤੌਰ ਤੇ ਸ਼ਾਮਲ  ਹੋਏ ।  ਪ੍ਰਸ਼ਾਸਨ ਵੱਲੋਂ ਅਗਵਾਈ ਐਸ .ਪੀ. ਹੈੱਡਕੁਆਟਰ ਸ.ਪ੍ਰਿਥੀਪਾਲ ਸਿੰਘ ,  ਡੀ. ਐਸ. ਪੀ .ਮੁਲਾਂਪੁਰ ਦਾਖਾ ਜਤਿੰਦਰਜੀਤ ਸਿੰਘ ਨੇ ਕੀਤੀ  ।  ਟੌਲ ਕੰਪਨੀ ਵੱਲੋਂ ਮੈਨੇਜਰ ਆਯੂਸ਼ ਜੈਪਾਲ ,  ਮਨਦੀਪ ਸਿੰਘ ਆਦਿ ਹਾਜ਼ਰ ਹੋਏ ।
ਲਿਖਤੀ ਸਮਝੌਤੇ ਵਿੱਚ ਪੀਡ਼ਤ ਟਰੈਕਟਰ ਟਰਾਲੀ ਚਾਲਕ ਬਲਵੀਰ ਸਿੰਘ ਦੇ ਗ਼ਰੀਬ ਮਜ਼ਦੂਰ ਪਰਿਵਾਰ ਨੂੰ ਇਲਾਜ ਦੇ ਖਰਚੇ ਸਮੇਤ ਕੁੱਲ ਸਾਢੇ ਪੰਜ ਲੱਖ ਰੁਪਏ ਦਾ ਨਗਦ ਮੁਆਵਜ਼ਾ ਦੇਣਾ  , ਹਮਲਾਵਰ ਗੁੰਡਾ ਮੁਲਾਜ਼ਮਾਂ ਵੱਲੋਂ  ਬਾਕਾਇਦਾ ਲਿਖਤੀ ਮੁਆਫ਼ੀ ਮੰਗਣਾ ਤੇ ਅੱਗੇ ਨੂੰ ਸਹੀ ਮਨੁੱਖੀ ਵਰਤਾਓ ਦਾ  ਯਕੀਨ ਦੁਆਉਣਾ ਟਰੈਕਟਰ ਟਰਾਲੀ ਤੂੜੀ ਵਾਲੀ ਸਮੇਤ ਹਰ ਤਰ੍ਹਾਂ ਦੀ ਟਰਾਲੀ ਨੂੰ ਟੋਲ ਮੁਕਤ ਕਰਵਾਉਣਾ  , ਵਾਜਬ ਦੂਰੀ ਵਾਲੇ ਪਿੰਡ ਪੰਡੋਰੀ ਤੇ ਮੰਡਿਆਣੀ ਨੂੰ ਟੋਲ ਫਰੀ ਸੂਚੀ ਵਿੱਚ ਸ਼ਾਮਲ ਕਰਵਾਉਣਾ  - ਦਰਜ ਕਰਵਾਇਆ ਗਿਆ ।ਦੂਜੇ ਪਾਸੇ ਅੱਜ ਸਵੇਰੇ ਦੱਸ ਵਜੇ ਤੋਂ ਢੱਟ ਸਮੇਤ ਦਰਜਨ ਤੋਂ ਉੱਪਰ ਇਲਾਕੇ ਦੇ ਪਿੰਡਾਂ ਦੇ ਕਿਸਾਨਾਂ ਮਜ਼ਦੂਰਾਂ ਨੌਜਵਾਨਾਂ ਅਤੇ ਬੀਬੀਆਂ ਨੇ ਟੋਲ ਦੇ ਕੇਂਦਰ ਵਿਚ ਲੁਧਿਆਣਾ ਫਿਰੋਜ਼ਪੁਰ ਰਾਜਮਾਰਗ ਉਪਰ ਲਗਾਤਾਰ  ਇੱਕ ਵਜੇ ਦੁਪਹਿਰ ਤੱਕ ਵਿਸ਼ਾਲ ਅਤੇ ਰੋਹ ਭਰਪੂਰ ਧਰਨਾ ਲਾਇਆ । ਧਰਨੇ ਚ ਇਨਕਲਾਬੀ ਕਵੀਸ਼ਰੀ ਜੱਥਾ ਰਸੂਲਪੁਰ ਦੇ ਕਲਾਕਾਰਾਂ ਨੇ ਕ੍ਰਾਂਤੀਕਾਰੀ ਗਾਇਕੀ ਦਾ ਰੰਗ ਬੰਨ੍ਹਿਆ । ਵੱਖ ਵੱਖ ਆਗੂਆਂ ਹਰਦੇਵ ਸਿੰਘ ਮੁੱਲਾਂਪੁਰ , ਕਾਲਾ ਡੱਬ ਮੁੱਲਾਂਪੁਰ,  ਮਨਜਿੰਦਰ ਸਿੰਘ ਮੋਰਕਰੀਮਾ , ਪਵਨਦੀਪ ਸਿੰਘ ਕੁਲਾਰ ,ਜਥੇਦਾਰ ਗੁਰਮੇਲ ਸਿੰਘ ਢੱਟ , ਅਜੀਤ ਸਿੰਘ ਕੁਲਾਰ ਤੇ ਸਕੱਤਰ ਜਸਦੇਵ ਸਿੰਘ ਲਲਤੋਂ ਨੇ  ਉਚੇਚੇ ਤੌਰ ਤੇ ਸੰਬੋਧਨ ਕਰਦਿਆਂ ਦਸਮੇਸ਼ ਕਿਸਾਨ ਮਜ਼ਦੂਰ ਯੂਨੀਅਨ ਦੀ ਅਗਵਾਈ ਵਿੱਚ ਇਲਾਕੇ ਦੇ  ਨਗਰਾਂ ਦੇ ਲੋਕਾਂ ਦਾ ਭਰਪੂਰ ਸਮਰਥਨ ਏਕੇ ਤੇ ਸੰਘਰਸ਼ ਨਾਲ  ਹੋਈ ਹੱਕੀ ਮਿਸਾਲੀ ਤੇ ਵਿਲੱਖਣ ਜਿੱਤ ਲਈ ਸਮੂਹ ਮੋਰਚਾਕਾਰੀਆਂ ਨੂੰ ਤਹਿ ਦਿਲੋਂ ਵਧਾਈ ਦਿੱਤੀ ਅਤੇ  ਏਕਤਾ ਸੰਘਰਸ਼ ਤੇ ਜਥੇਬੰਦੀ ਨੂੰ ਹੋਰ ਮਜ਼ਬੂਤ ਕਰਨ ਦਾ ਸੰਗਰਾਮੀ ਸੱਦਾ ਦਿੱਤਾ । ਅੱਗੇ ਵਾਸਤੇ ਹਰ ਤਰ੍ਹਾਂ ਦੀ ਲੁੱਟ ਤੇ ਜਬਰ ਵਿਰੁੱਧ ਮੈਦਾਨ ਚ ਯੋਧੇ ਬਣ ਕੇ ਜੂਝਣ ਲਈ ਚੌਕਸ ਤੇ ਤਿਆਰ ਬਰ ਤਿਆਰ ਰਹਿਣ ਦਾ ਹੋਕਾ ਬੁਲੰਦ ਕੀਤਾ । ਸਮੂਹ ਸੰਘਰਸ਼ਕਾਰੀਆਂ ਨੇ ਹੱਥ ਖਡ਼੍ਹੇ ਕਰਕੇ ਸ਼ਾਨਦਾਰ ਸਮਝੌਤੇ ਨੂੰ ਪ੍ਰਵਾਨਗੀ ਦਿੱਤੀ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਜਥੇਬੰਦੀ ਦੇ ਆਗੂ ਤੇ ਵਰਕਰ ਗੁਰਸੇਵਕ ਸਿੰਘ ਸੋਨੀ ਸਵੱਦੀ,  ਦਰਸ਼ਨ ਸਿੰਘ ਗੂੜ੍ਹੇ , ਤਜਿੰਦਰ ਸਿੰਘ ਵਿਰਕ ਡਾ ਗੁਰਮੇਲ ਸਿੰਘ ਕੁਲਾਰ ਅਮਰ ਸਿੰਘ ਖੰਜਰਵਾਲ ਅਵਤਾਰ ਸਿੰਘ ਤਲਵੰਡੀ , ਨਿਰਭੈ ਸਿੰਘ ਤਲਵੰਡੀ  ,ਚਰਨ ਸਿੰਘ ਤਲਵੰਡੀ, ਮਲਕੀਅਤ ਸਿੰਘ ਬੱਦੋਵਾਲ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਹੋਏ ।

ਜਗਰਾਉ 20 ਜੂਨ (ਅਮਿਤਖੰਨਾ)ਜਗਰਾਓਂ ਦੀ ਸਾਹਿਤ ਸਭਾ ਦੀ ਹੋਈ ਵਿਚ ਚੋਣ ਸਰਬਸੰਮਤੀ ਨਾਲ ਪੋ੍: ਕਰਮ ਸਿੰਘ ਸੰਧੂ ਪ੍ਰਧਾਨ ਬਣੇ। ਐਤਵਾਰ ਨੂੰ ਹੋਈ ਚੋਣ ਵਿਚ ਪ੍ਰਭਜੋਤ ਸੋਹੀ ਨੂੰ ਸਰਪ੍ਰਸਤ, ਪਿੰ੍ਸੀਪਲ ਦਲਜੀਤ ਕੌਰ ਹਠੂਰ ਨੂੰ ਸਕੱਤਰ, ਮੀਤ ਪ੍ਰਧਾਨ ਐੱਚਐੱਸ ਡਿੰਪਲ, ਖ਼ਜ਼ਾਨਚੀ ਅਵਤਾਰ ਜਗਰਾਓਂ, ਪੈੱ੍ਸ ਸਕੱਤਰ ਹਰਪ੍ਰਰੀਤ ਅਖਾੜਾ ਅਤੇ ਪੜਤਾਲ ਕਰਤਾ ਹਰਚੰਦ ਸਿੰਘ ਗਿੱਲ ਨੂੰ ਚੁਣਿਆ ਗਿਆ। ਇਸ ਸਮੇਂ ਨਵੇਂ ਪ੍ਰਧਾਨ ਪੋ੍: ਸੰਧੂ ਨੇ ਸਭਾ ਦੇ ਮੈਂਬਰਾਂ ਤੋਂ ਸਹਿਯੋਗ ਦੀ ਮੰਗ ਕਰਦਿਆਂ ਕਿਹਾ ਕਿ ਅਸੀਂ ਪੰਜਾਬੀ ਮਾਂ ਬੋਲੀ ਤੇ ਸਾਹਿਤ ਸਭਾ ਦੀ ਬਿਹਤਰੀ ਲਈ ਪੂਰੀ ਤਨਦੇਹੀ ਨਾਲ ਆਪਣੀ ਸਮਰੱਥਾ ਨਾਲ ਕੰਮ ਕਰਾਂਗੇ। ਉਨਾਂ੍ਹ ਸਭਾ ਦੇ ਸਮੂਹ ਮੈਂਬਰਾਂ ਦਾ ਨਵੀਂ ਟੀਮ 'ਚ ਵਿਸ਼ਵਾਸ ਕਰਨ ਲਈ ਧੰਨਵਾਦ ਕੀਤਾ। ਸਭਾ ਦੇ ਸਮੂਹ ਮੈਂਬਰਾਂ ਨੇ ਨਵੀਂ ਚੁਣੀ ਟੀਮ ਨੂੰ ਵਧਾਈ ਦਿੱਤੀ। ਇਸ ਮੌਕੇ ਕਵੀ ਦਰਬਾਰ ਵਿੱਚ ਅਜੀਤ ਪਿਆਸਾ, ਹਰਬੰਸ ਸਿੰਘ ਅਖਾੜਾ, ਹਰਕੋਮਲ ਬਰਿਆਰ, ਹਰਚੰਦ ਗਿੱਲ, ਅਵਤਾਰ ਜਗਰਾਓਂ, ਈਸ਼ਰ ਸਿੰਘ ਮੌਜੀ, ਐੱਚਐੱਸ ਡਿੰਪਲ, ਭੁਪਿੰਦਰ ਧਾਲੀਵਾਲ, ਦਰਸ਼ਨ ਬੋਪਾਰਾਏ, ਦਵਿੰਦਰਜੀਤ, ਹਰਪ੍ਰਰੀਤ ਅਖਾੜਾ, ਨੇ ਕਵਿਤਾਵਾਂ ਸਾਂਝੀਆਂ ਕੀਤੀਆਂ।

ਪਲੇਠੀ ਲਘੂ ਅਤੇ ਅਰਥ ਭਰਪੂਰ ਫ਼ਿਲਮ ‘ਮੁਲਾਕਾਤ’ ਨਾਲ ਚੁਫ਼ੇਰਿਓ ਕਰ ਰਿਹਾ ਹੈ ਸਲਾਹੁਤਾ , ਸਨੇਹ ਹਾਸਿਲ ।
ਪੰਜਾਬੀ ਸਿਨੇਮਾਂ ਨੂੰ ਸੋਹਣਾ ਅਤੇ ਕਹਾਣੀ, ਕੰਟੈਂਟ ਪੱਖੋਂ ਪ੍ਰਭਾਵਸ਼ਾਲੀ ਮੁਹਾਂਦਰਾ ਦੇਣ ਵਿਚ ਅੱਜਕੱਲ ਨਵੀਆਂ ਪ੍ਰਤਿਭਾਵਾਂ ਅਹਿਮ ਭੂਮਿਕਾ ਨਿਭਾ ਰਹੀਆਂ ਹਨ, ਜਿੰਨ੍ਹਾਂ ਵਿਚੋਂ ਹੀ ਆਪਣੇ ਮਾਣਮੱਤੇ ਨਾਂਅ ਦਾ ਸ਼ੁਮਾਰ ਕਰਵਾਉਣ ਵਿਚ ਸਫ਼ਲ ਰਿਹਾ ਹੈ, ਨੌਜਵਾਨ ਫ਼ਿਲਮਕਾਰ 'ਮਨਜੋਤ ਸਿੰਘ' , ਜੋ ਹਾਲ ਹੀ ਵਿਚ , ਵੱਡੇ ਪੰਜਾਬੀ , ਓਟੀਟੀ ਪਲੇਟਫਾਰਮ ਚੁਪਾਲ ਵੱਲੋਂ ਰਿਲੀਜ਼ ਕੀਤੀ ਗਈ ਆਪਣੀ ਪਲੇਠੀ ਲਘੂ ਅਤੇ ਅਰਥ ਭਰਪੂਰ ਫ਼ਿਲਮ ‘ਮੁਲਾਕਾਤ’ ਨਾਲ ਇੰਨ੍ਹੀ ਦਿਨ੍ਹੀ ਚੁਫ਼ੇਰਿਓ ਸਲਾਹੁਤਾਾ , ਸਨੇਹ ਹਾਸਿਲ ਕਰ ਰਿਹਾ ਹੈ।  
      ਪੰਜਾਬ ਦੀ ਇਤਿਹਾਸਿਕ ਅਤੇ ਧਾਰਮਿਕ ਨਗਰੀ ਵਜੋਂ ਜਾਂਣੇ ਜਾਂਦੇ 'ਸ੍ਰੀ ਅੰਮ੍ਰਿਤਸਰ ਸਾਹਿਬ', ਨਾਲ ਸਬੰਧਤ , ਇਸ ਹੋਣਹਾਰ ਨਿਰਦੇਸ਼ਕ ਨੇ 'ਮੁੰਬਈ' ਮਾਇਆ ਨਗਰੀ ਦੇ ਅਨੇਕਾਂ ਨਾਮੀਂ  ਗਿਰਾਮੀ ਫ਼ਿਲਮਕਾਰਾਂ ਦੀ ਸੋਹਬਤ ਮਾਣਨ ਅਤੇ ਉਨਾਂ ਨਾਲ ਬਤੌਰ ਅਸੋਸੀਏਟ ਨਿਰਦੇਸ਼ਕ ਕੰਮ ਕਰਨ ਦਾ ਸਿਹਰਾ ਹਾਸਿਲ ਕੀਤਾ ਹੈ। ਜਿਸ ਦੌਰਾਨ , ਕਈ ਸਾਲਾਂ ਦੇ ਤਜੁਰਬੇ ਬਾਅਦ , ਉਸ ਵੱਲੋਂ ਅਜਾਦ ਨਿਰਦੇਸ਼ਕ ਵਜੋਂ ਆਪਣੀ ਸ਼ੁਰੂਆਤ ਆਪਣੇ ਮਾਂ ਬੋਲੀ ਨਾਲ ਜੁੜੀਆਂ ਫ਼ਿਲਮਾਂ ਤੋਂ ਹੀ ਕਰਨ ਦਾ ਫ਼ੈਸਲਾ ਲਿਆ ਗਿਆ ਹੈ।
     ਪੰਜਾਬੀ ਫ਼ਿਲਮਜ਼ ਖੇਤਰ  ‘ਚ ਮਿਆਰੀ ਲੇਖਣ ਵਜੋਂ , ਨਵੇਂ ਦਿਸਹਿੱਦੇ ਸਿਰਜ਼ ਰਹੇ ‘ਪੰਜਾਬੀ ਸ਼ਕਰੀਨ’ ਮੈਗਜ਼ੀਨ ਨੂੰ ਪਿਛਲੇ ਕਈ ਵਰਿਅ੍ਹਾਂ ਤੋਂ ਸਫ਼ਲਤਾ ਪੂਰਵਕ ਸੰਚਾਲਿਤ ਕਰਦੇ ਆ ਰਹੇ ਅਤੇ ਇਸੇ ਖੇਤਰ ਵਿਚ ਵਿਲੱਖਣ ਪਹਿਚਾਣ ਅਤੇ ਵਜੂਦ ਰੱਖਦੇ, 'ਦਲਜੀਤ ਸਿੰਘ ਅਰੋੜ੍ਹਾ' ਦੇ ਪ੍ਰਤਿਭਾਸ਼ਾਲੀ ਫ਼ਰਜ਼ੰਦ 'ਮਨਜੋਤ' ਨੂੰ ਕਲਾ ਦੀ ਗੁੜਤੀ ਆਪਣੇ ਪਰਿਵਾਰ ’ਚੋ ਹੀ ਮਿਲੀ।, ਜਿਸ ਵੱਲੋਂ ਆਪਣੇ ਥੋੜ ਅਰਸੇ ਦੇ ਫ਼ਿਲਮ ਕੈਰੀਅਰ ਦੌਰਾਨ ਹੀ ਅਭਿਨੈ ਅਤੇ ਵੀਡਿਓ ਐਡੀਟਿੰਗ ’ਚ ਮੁਹਾਰਤ ਹਾਸਲ ਕਰਨ ਦਾ ਮਾਣ ,ਆਪਣੀ ਝੋਲੀ ਪਾ ਲਿਆ ਗਿਆ।
    ਉਪਰੰਤ ਪੜਾਅ ਦਰ ਪੜਾਅ , ਆਪਣੇ ਕੰਮ ਵਿਚ ਹੋਰ ਮੁਹਾਰਤ ਹਾਸਿਲ ਕਰਦਿਆਂ , ਉਸ ਵੱਲੋਂ , ਜਿੱਥੇ 2009 ਤੋਂ ਲੈ ਕੇ ਹਾਲੀਆਂ ਸਮੇਂ ਦੌਰਾਨ ਤੱਕ ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾਂ’, ਐਮ ਟੀ.ਵੀ ਦੇ ‘ਗਰਲਜ਼ ਆਨ ਟਾਪ’ ਕਲਰਜ਼ ਟੀ.ਵੀ ਦਾ ‘ਕਸਮ ਤੇਰੇ ਪਿਆਰ ਕੀ’, ਸੋਨੀ ਟੀ.ਵੀ ਦੇ ‘ਕ੍ਰਾਇਮ ਪੈਟਰੋਲ’, ਵੈਬ ਸੀਰੀਜ਼ ‘ਲਵਲੀ ਦਾ ਢਾਬਾ’ ਜਿਹੇ ਕਈ ਮਸ਼ਹੂਰ ਸੀਰਿਅਲਜ਼ ਅਤੇ ਵੈਬਸੀਰੀਜ਼ ਵਿਚ ਆਪਣੇ ਸ਼ਾਨਦਾਰ ਅਭਿਨੈ ਦੀ ਧਾਂਕ ਜਮਾਈ ਗਈ ਹੈ, ਉਥੇ ਇਸੇ ਮਹਾਨਗਰ ਅਤੇ ਪਾਲੀਵੁੱਡ ’ਚ ,ਉਸ ਨੇ 'ਫਰੀਦਾ ਜਲਾਲ' ਦੇ ਲੜੀਵਾਰ ‘ਅੰਮਾ ਜੀ ਕੀ ਗਲੀ’ ਤੋਂ ਇਲਾਵਾ  ‘ਮਨੀਬੈਨ ਡਾਟਕਾਮ’, ‘ਹਰ ਮਰਦ ਕਾ ਦਰਦ’ ਅਤੇ ਫ਼ਿਲਮਾਂ ‘ਦਿਲ ਪਰਦੇਸੀ ਹੋ ਗਿਆ’, ‘ਪਗੜੀ ਸਿੰਘ ਦਾ ਤਾਜ’, ‘ਪ੍ਰੇਸ਼ਾਨਪੁਰ’, ‘ਸੰਤਾ ਸੰਤਾ ਪ੍ਰਾਈਵੇਟ ਲਿਮਟਿਡ’, ’ਬਲੈਕੀਆ’, ‘ਸਲਿਊਟ’, ਆਦਿ ਲਈ ਅਸੋਸੀਏਟ ਨਿਰਦੇਸ਼ਕ  ਵਜੋਂ ਵੀ, ਆਪਣੀਆਂ ਅਨੂਠੀਆਂ ਨਿਰਦੇਸ਼ਨ ਸਮਰੱਥਾਵਾਂ ਦੀ ਧਾਂਕ ਜਮਾਈ ਹੈ।  ਹਿੰਦੀ ਸਿਨੇਮਾਂ ਤੋਂ ਬਾਅਦ ਪੰਜਾਬੀ ਸਿਨੇਮਾਂ ਖੇਤਰ ’ਚ ਗੂੜੀਆਂ ਪੈੜ੍ਹਾ ਸਥਾਪਿਤ ਕਰਨ ਵੱਲ ਵਧ ਰਹੇ , 'ਮਨਜੋਤ' ਵੱਲੋਂ ਹੀ ਨਿਰਦੇਸ਼ਤ ਕੀਤੀ ਗਈ ਪੰਜਾਬੀ ਫ਼ਿਲਮ ‘ਜੱਟੂ ਨਿਖੱਟੂ’ ਵੀ ਵੱਡੇ ਪਲੇਟਫਾਰਮਜ਼ ਤੇ ਜਾਰੀ ਹੋਣ ਜਾ ਰਹੀ ਹੈ। ਜਿਸ ਦਾ ਨਿਰਮਾਣ ‘ਐਮ ਐਮ ਮੂਵੀਜ਼’ ਦੇ ਬੈਨਰ ਹੇਠ ਨਾਮਵਰ ਨਿਰਮਾਤਾ 'ਮਨਮੋਹਨ ਸਿੰਘ' ਵਲੋਂ ਕੀਤਾ ਗਿਆ ਹੈ। ਫ਼ਿਲਮ ਦੀ ਕਹਾਣੀ ਵੀ 'ਮਨਮੋਹਨ ਸਿੰਘ' ਦੀ ਹੈ, ਅਤੇ ਪਟਕਥਾ-ਸੰਵਾਦ ਦੇ ਲੇਖਕ ਪ੍ਰਸਿੱਧ 'ਨਾਟਕਕਾਰ ਜਗਦੀਸ਼ ਸਚਦੇਵਾ' ਹਨ। ਆਮੀਨ
                                  ਸਿਵਨਾਥ ਦਰਦੀ
                         ਸੰਪਰਕ:- 9855155392

(ਅਮਿਤ ਖੰਨਾ  )ਲੋਕ ਸੇਵਾ ਸੋਸਾਇਟੀ ਜਗਰਾਓਂ ਵੱਲੋਂ ਐੱਸ ਪੀ ਐੱਸ ਹਾਸਪੀਟਲ ਲੁਧਿਆਣਾ ਦੇ ਸਹਿਯੋਗ ਨਾਲ ਅੱਜ ਦਿਲ, ਪੇਟ, ਜਿਗਰ, ਹੱਡੀਆਂ, ਜੋੜਾਂ ਅਤੇ ਬੱਚਿਆਂ ਦੇ ਰੋਗਾਂ ਦਾ ਮਲਟੀ ਸਪੈਸ਼ਲਿਸਟ ਮੁਫ਼ਤ ਜਾਂਚ ਕੈਂਪ ਅਰੋੜਾ ਪ੍ਰਾਪਰਟੀ ਐਡਵਾਈਜ਼ਰ ਸਾਹਮਣੇ ਰੇਲਵੇ ਸਟੇਸ਼ਨ ਜਗਰਾਓਂ ਵਿਖੇ ਲਗਾਇਆ ਗਿਆ। ਸੁਸਾਇਟੀ ਦੇ ਚੇਅਰਮੈਨ ਗੁਲਸ਼ਨ ਅਰੋੜਾ, ਪ੍ਰਧਾਨ ਪਿ੍ਰੰਸੀਪਲ ਚਰਨਜੀਤ ਸਿੰਘ ਭੰਡਾਰੀ, ਸੈਕਟਰੀ ਕੁਲਭੂਸ਼ਨ ਗੁਪਤਾ ਅਤੇ ਕੈਸ਼ੀਅਰ ਮਨੋਹਰ ਸਿੰਘ ਟੱਕਰ ਦੀ ਅਗਵਾਈ ਹੇਠ ਲਗਾਏ ਕੈਂਪ ਦਾ ਉਦਘਾਟਨ ਸਰਪ੍ਰਸਤ ਰਜਿੰਦਰ ਜੈਨ ਨੇ ਆਪਣੇ ਕਰ ਕਮਲਾਂ ਨਾਲ ਕਰਦਿਆਂ ਲੋਕ ਸੁਸਾਇਟੀ ਵੱਲੋਂ ਕੀਤੇ ਜਾ ਰਹੇ ਕੰਮਾਂ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਕਿਹਾ ਕਿ ਲੋੜਵੰਦਾਂ ਦੀ ਮਦਦ ਕਰਨਾ ਬਹੁਤ ਪੁੰਨ ਦਾ ਕੰਮ ਹੈ ਜਿਹੜਾ ਕਿ ਸੁਸਾਇਟੀ ਬਖ਼ੂਬੀ ਕਰ ਰਹੀ ਹੈ। ਕੈਂਪ ਵਿਚ ਸਤਿਗੁਰ ਪ੍ਰਤਾਪ ਸਿੰਘ ਹਸਪਤਾਲ ਲੁਧਿਆਣਾ ਤੋਂ ਬੱਚਿਆਂ ਦੀਆਂ ਬਿਮਾਰੀਆਂ ਦੇ ਮਾਹਿਰ ਡਾ ਸ਼ਗੁਨ ਵਾਲੀਆ, ਪੇਟ ਦੀਆਂ ਬਿਮਾਰੀਆਂ ਦੇ ਡਾਕਟਰ ਪੁਨੀਤ ਧੀਮਾਨ, ਹੱਡੀਆਂ ਦੀਆਂ ਬਿਮਾਰੀਆਂ ਦੇ ਮਾਹਿਰ ਡਾ ਹਰਮਨਦੀਪ ਸਿੰਘ, ਦਿਲ ਦੀਆਂ ਬਿਮਾਰੀਆਂ ਦੇ ਮਾਹਿਰ ਡਾ ਗੁਰਜਿੰਦਰ ਪਾਲ ਡਾਕਟਰਾਂ ਨੇ ਮਰੀਜ਼ਾਂ ਨੂੰ ਬਿਮਾਰੀਆਂ ਤੋਂ ਬਚਣ ਲਈ ਸਹੀ ਖਾਣਾ ਖਾਣ ਦੀ ਸਲਾਹ ਵੀ ਦਿੱਤੀ। ਕੈਂਪ ਵਿਚ ਮਰੀਜ਼ਾਂ ਨੂੰ ਦਵਾਈਆਂ ਫ਼ਰੀ ਦੇਣ ਦੇ ਨਾਲ 35 ਮਰੀਜ਼ਾਂ ਦੀ ਈ ਸੀ ਜੀ, 65 ਮਰੀਜ਼ਾਂ ਦਾ ਸ਼ੂਗਰ ਟੈੱਸਟ ਅਤੇ 78 ਮਰੀਜ਼ਾਂ ਦੀ ਬੀ ਐੱਮ ਡੀ ਟੈੱਸਟ ਵੀ ਫ਼ਰੀ ਵਿਚ ਕੀਤਾ ਗਿਆ। ਇਸ ਮੌਕੇ ਰਾਜਿੰਦਰ ਜੈਨ ਕਾਕਾ, ਲਾਕੇਸ਼ ਟੰਡਨ, ਪੀ ਆਰ ਓ ਮਨੋਜ ਗਰਗ, ਮੁਕੇਸ਼ ਗੁਪਤਾ, ਅਨਿਲ ਮਲਹੋਤਰਾ, ਵਿਨੋਦ ਬਾਂਸਲ, ਪ੍ਰਸ਼ੋਤਮ ਅਗਰਵਾਲ, ਕੈਪਟਨ ਨਰੇਸ਼ ਵਰਮਾ, ਕੰਵਲ ਕੱਕੜ, ਆਰ ਕੇ ਗੋਇਲ, ਪ੍ਰੇਮ ਬਾਂਸਲ, ਸੁਖਜਿੰਦਰ ਸਿੰਘ ਢਿੱਲੋਂ ਵਾਈਸ ਚੇਅਰਮੈਨ, ਪ੍ਰਵੀਨ ਮਿੱਤਲ, ਕਪਿਲ ਸ਼ਰਮਾ, ਪ੍ਰਾਜੈਕਟ ਕੈਸ਼ੀਅਰ ਰਾਜੀਵ ਗੁਪਤਾ, ਜਸਵੰਤ ਸਿੰਘ ਸਮੇਤ ਅਪੋਲੋ ਹਸਤਪਾਲ ਦੇ ਅਸ਼ਵਨੀ ਕੁਮਾਰ, ਅਨੀਸ਼ ਮੋਹਰੀ, ਰਜਨੀਸ਼ ਪਾਲ ਡੋਗਰਾ, ਸਲੋਨੀ, ਕਮਲਪ੍ਰੀਤ ਕੌਰ, ਮਨਪ੍ਰੀਤ ਕੌਰ ਆਦਿ ਹਾਜ਼ਰ ਸਨ।

- ਐਸ.ਐਨ.ਆਈ.ਡੀ. ਤਹਿਤ 19 ਤੋਂ 23 ਜੂਨ ਤੱਕ 0-5 ਸਾਲ ਦੇ ਬੱਚਿਆਂ ਨੂੰ ਪਿਲਾਈਆਂ ਜਾਣਗੀਆਂ ਪੋਲੀਓ ਰੋਕੂ ਬੂੰਦਾਂ - ਸਿਵਲ ਸਰਜਨ ਡਾ. ਐਸ.ਪੀ. ਸਿੰਘ

ਲੁਧਿਆਣਾ, 19 ਜੂਨ (ਰਣਜੀਤ ਸਿੱਧਵਾਂ) : ਜ਼ਿਲ੍ਹੇ ਭਰ ਵਿੱਚ 19 ਜੂਨ ਤੋ 23 ਜੂਨ, 2022 ਤੱਕ ਚੱਲਣ ਵਾਲੇ ਸਬ-ਰਾਸ਼ਟਰੀ ਟੀਕਾਕਰਨ ਦੌਰ (ਐਸ.ਐਨ.ਆਈ.ਡੀ.) ਦੀ ਸ਼ੁਰੂਆਤ ਅੱਜ ਸਿਵਲ ਸਰਜਨ ਡਾ. ਐਸ.ਪੀ ਸਿੰਘ ਵੱਲੋਂ  ਸਿਵਲ ਹਸਪਤਾਲ ਲੁਧਿਆਣਾ ਵਿਖੇ ਬੱਚਿਆ ਨੂੰ ਬੂੰਦਾਂ ਪਿਲਾਕੇ ਕੀਤੀ ਗਈ।ਇਸ ਸਬੰਧੀ ਸਿਵਲ ਸਰਜਨ ਡਾ.ਐਸ.ਪੀ. ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਿਹਤ ਵਿਭਾਗ ਵੱਲੋਂ ਮੁਕੰਮਲ ਤਿਆਰੀਆਂ ਕਰ ਲਈਆਂ ਗਈਆ ਹਨ। ਉਨ੍ਹਾਂ ਦੱਸਿਆ ਕਿ ਇਸ ਮੁਹਿੰਮ ਦੌਰਾਨ 0-5 ਸਾਲ ਤੱਕ ਦੇ ਬੱਚਿਆਂ ਨੂੰ ਪੋਲੀਓ ਦੀਆਂ ਬੂੰਦਾ ਪਿਲਾਈਆਂ ਜਾਣਗੀਆਂ । ਜਿਸਦੇ ਤਹਿਤ ਕਰੀਬ 1500 ਟੀਮਾਂ ਵੱਲੋਂ 860912 ਘਰਾਂ ਦਾ ਦੌਰਾ ਕਰਦਿਆਂ ਕਰੀਬ 352765 ਬੱਚਿਆਂ ਨੂੰ ਕਵਰ ਕੀਤਾ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਇਹ ਮੁਹਿੰਮ ਜ਼ਿਲ੍ਹੇ ਭਰ ਦੇ ਲਗਭਗ 952 ਹਾਈਰਿਸਕ ਖੇਤਰਾਂ ਵਿੱਚ ਪੰਜ ਦਿਨ ਚੱਲੇਗੀ। ਜਿਸ ਵਿੱਚ ਸ਼ਹਿਰ, ਸਾਹਨੇਵਾਲ, ਕੂੰਮਕਲਾ ਅਤੇ ਪੈਰੀ ਅਰਬਨ ਸ਼ਾਮਲ ਹਨ ਅਤੇ ਆਮ ਖੇਤਰਾਂ ਵਿਚ ਇਹ ਮੁਹਿੰਮ ਤਿੰਨ ਦਿਨ ਚੱਲੇਗੀ। ਇਸ ਮੌਕੇ ਜ਼ਿਲ੍ਹਾ ਟੀਕਾਕਰਨ ਅਫ਼ਸਰ ਡਾ. ਮਨੀਸ਼ਾ ਖੰਨਾ, ਸੀਨੀਅਰ ਮੈਡੀਕਲ ਅਫ਼ਸਰ ਡਾ. ਅਮਰਜੀਤ ਕੌਰ, ਵਿਸ਼ਵ ਸਿਹਤ ਸੰਗਠਨ ਤੋਂ ਡਾ. ਨਵੇਦਿਤਾ ਅਤੇ ਹੋਰ ਅਧਿਕਾਰੀ ਵੀ ਮੌਜੂਦ ਸਨ।

ਮੱਖੂ / ਧਰਮਕੋਟ  ,ਜੂਨ 19 (ਮਨੋਜ ਕੁਮਾਰ ਨਿੱਕੂ )ਅੱਜ ਨਾਭਾ ਸ਼ਹਿਰ ਜਿਲਾ ਪਟਿਆਲਾ ਵਿਖੇ ,ਰਾਸ਼ਟਰੀ ਮੁੱਖ ਸਚਾਲਕ ਵੀਰ ਓ, ਪੀ ਭੱਟੀ ਜੀ, ਭਾਰਤੀਏ ਵਾਲਮੀਕੀ ਧਰਮ ਸਮਾਜ ਰਜਿ:ਭਾਵਾਧਸ ਵੱਲੋ,ਵਿਜੇ ਸੱਭਰਵਾਲ ਨਾਭਾ ਜੀ ਨੂੰ ਰਾਸ਼ਟਰੀ ਸਯੁੰਕਤ ਮੰਤਰੀ ਭਾਵਾਧਸ ਭਾਰਤ ਨਿਯੁਕਤ ਕੀਤਾ ਗਿਆ
ਪੱਤਰਕਾਰਾ ਨਾਲ ਗੱਲਬਾਤ ਕਰਦਿਆਂ ਰਾਸ਼ਟਰੀ ਮੁੱਖ ਸਚਾਲਕ ਵੀਰ ਓ, ਪੀ ਭੱਟੀ ਜੀ ਨੇ ਕਿਹਾ ਕਿ ਨੌਜਵਾਨ ਬੱਚਿਆਂ ਨੂੰ ਨਸ਼ਿਆਂ ਤੋਂ ਬਚਾਉਣਾ , ਕੁਰੀਤੀਆਂ ਨੂੰ ਬੰਦ ਕਰਨਾ ਹੈ ਤੇ ਚੰੰਗੇ ਸਮਾਜ ਦੀ ਸਿਰਜਣਾ ਕਰਨਾ ਅਤੇ ਸਮਾਜ ਵਿੱਚ ਗਰੀਬ ਬੱਚਿਆਂ ਨੂੰ ਪੜ੍ਹਾਈ ਲਈ ਮੁਫਤ ਕਿਤਾਬਾਂ ਦੇਣੀਆ ਤੇ ਜ਼ਰੂਰਤਮੰਦ ਪਰਿਵਾਰਾਂ ਦੀ ਮਦਦ ਵੀ ਕੀਤੀ ਜਾਵੇਗੀ ,ਇਸੇ ਤਰ੍ਹਾਂ ਹੋਰ ਵੀ ਮਾਨਵਤਾ ਭਲਾਈ ਦੇ ਕੰਮ ਕੀਤੇ ਜਾਣਗੇ ਤੇ ਮੋਦੀ ਸਰਕਾਰ ਨੇ ਜੋ ਅਗਨੀਪਥ ਕਾਨੂੰਨ ਬਣਾਇਆ ਹੈ ਉਹ ਬਿਲਕੁਲ ਗਲਤ ਹੈ ਅਤੇ ਉਸ ਨੂੰ ਤੁਰੰਤ ਰੱਦ ਕੀਤਾ ਜਾਵੇ ,ਇਸ ਮੌਕੇ ਮਾਸਟਰ ਰਾਸ਼ਟਰੀ ਮਹਾ ਮੰਤਰੀ ਵੀਰ ਚੇਤਨ ਜੀ,ਵੀਰ ਮਲਕੀਤ ਸਿੰਘ ਮੰਡ ਸਰਾਲੀ ਮੰਡ ਪੱਟੀ, ਪੰਜਾਬ ਪ੍ਰਧਾਨ,ਵੀਰ ਪ੍ਕਾਸ਼ ਚੰਦ ਵਾਇਸ ਪ੍ਧਾਨ,ਰਾਜ ਕੁਮਾਰ ਮੱਖੂ ਉਪ ਪ੍ਰਧਾਨ ਪੰਜਾਬ,ਤਰਸੇਮ ਸਿੰਘ ਕਲੋਨੀ ਸੈਕਟਰੀ ਪੰਜਾਬ ,ਮਹਿਲਾ ਵਿੰਗ  ਜ਼ਿਲ੍ਹਾ ਪ੍ਰਧਾਨ ਪਰੀਤ ਗਿੱਲ ਫ਼ਰੀਦਕੋਟ,ਅਨੀਲ ਸਭਰਵਾਲ ਨਾਭਾ,ਸੁਖਵਿੰਦਰ ਸਿੰਘ ਖਜਾਨਚੀ ਪੰਜਾਬ,ਬਲਜੀਤ ਸਿੰਘ ਖੁੱਲਰ ਫਿਰੋਜ਼ਪੁਰ ਦਿਹਾਤੀ ਪ੍ਧਾਨ ,ਨਿਰਮਲ ਮੈਬਰ ਪੰਚਾਇਤ ਭਾਵਾਧਸ, ਐਡਵੋਕੇਟ ਗੁਰਪ੍ਰੀਤ ਸਿੰਘ ਲਵਲੀ  ਗੁਰਬਚਨ ਸਿੰਘ ਸਿੱਧੂ, ਗੰਗਾ ਰਾਮ ਜੀ ,ਅਕਾਸ਼ਦੀਪ ਸਿੰਘ, ਰਮਨਦੀਪ ਸਿੰਘ, ਖੁਸ਼ਦੀਪ ਸਿੰਘ ਅਨੀਲ ਸਭਰਵਾਲ ਨਾਭਾ ,ਨਿਰਮਲ ਨੰਬਰ ਪੰਚਾਇਤ ਭਾਵਾਧਸ ,ਅਸ਼ਵਨੀ ਕੁਮਾਰ ਫਿਰੋਜਪੁਰ ,ਵੈਦ ਰਜਿੰਦਰ ਸਿੰਘ ਪ੍ਧਾਨ,ਸੁਧੀਰ ਕੁਮਾਰ ਕਨਾਲ ਕਲੋਨੀ ਮੱਖੂ ਸ਼ਹਿਰੀ ਪ੍ਰਧਾਨ ,ਅਮਿਤ ਕੁਮਾਰ ਜਿਲਾ ਬਲਾਕ ਪ੍ਰਧਾਨ ,ਸ਼ੰਮੀ ਬਲਾਕ ਪ੍ਰਧਾਨ ਵਾਈਸ ਲਵਪ੍ਰੀਤ ਸਿੰਘ ਸੈਕਟਰੀ ਬਲਾਕ ਮੱਖੂ, ਸੁਨੀਲ ਕੁਮਾਰ ਪ੍ਧਾਨ, ਸੇਮ ਮੱਖੂ ਪ੍ਰਧਾਨ, ਕੇਵਲ ਕਿ੍ਸ਼ਨ ਲਾਡੀ ਪ੍ਧਾਨ, ਸਾਜਨ ਸਿਕਰੀ, ਪਿੰਸ  ਪ੍ਧਾਨ ਹਲਵਾਈ ਸੰਨੀ ਕੁਮਾਰ ਜੁਆਇੰਟ ਸੈਕਟਰੀ ਮੱਖੂ ਪ੍ਰਧਾਨ ,ਤੇ ਹੋਰ ਵੀ ਮੈਂਬਰ ਹਾਜਰ ਸਨ

ਗੁਰਮੁਖੀ ਦੇ ਵਾਰਿਸ, ਪੰਜਾਬੀ ਸਾਹਿਤ ਸਭਾ (ਰਜਿ.) ਪੰਜਾਬ ਵੱਲੋਂ ਚੇਅਰਮੈਨ ਸ. ਗੁਰਵੇਲ ਕੋਹਾਲ਼ਵੀ, ਪ੍ਰਧਾਨ ਕੁਲਵਿੰਦਰ ਕੋਮਲ ਦੁਬਈ ਤੇ ਸੀਨੀਅਰ ਮੀਤ ਪ੍ਰਧਾਨ ਪ੍ਰੋ. ਬੀਰ ਇੰਦਰ ਸਰਾਂ ਦੀ ਯੋਗ ਰਹਿਨੁਮਾਈ ਹੇਠ ਸ਼ਹੀਦਾਂ ਦੀ ਧਰਤੀ ਖਟਕੜ-ਕਲਾਂ (ਬੰਗਾ), ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ(ਨਵਾਂ ਸ਼ਹਿਰ) ਵਿਖੇ 51ਵਾਂ ਕਵੀ ਦਰਬਾਰ ਅਤੇ ਪੁਸਤਕ ਲੋਕ-ਅਰਪਣ ਸਮਾਰੋਹ ਕਰਵਾਇਆ ਗਿਆ । ਇਸ ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਪ੍ਰਸਿੱਧ ਸ਼੍ਰੋਮਣੀ ਕਵੀ ਡਾ. ਹਰੀ ਸਿੰਘ ਜਾਚਕ ਅਤੇ ਵਿਸ਼ੇਸ਼ ਮਹਿਮਾਨ ਨਿਰਮਲ ਕੌਰ ਕੋਟਲਾ, ਰਾਜ ਕਲਾਨੌਰ ਅਤੇ ਸ਼ਿੰਗਾਰਾਂ ਸਿੰਘ ਸਨ ।
ਪ੍ਰੋਗਰਾਮ ਦੀ ਸ਼ੁਰੂਆਤ ਵਿੱਚ ਰਵਨਜੋਤ ਕੌਰ ਰਾਵੀ ਸਿੱਧੂ ਨੇ ਮੁੱਖ ਮਹਿਮਾਨ, ਵਿਸ਼ੇਸ਼ ਮਹਿਮਾਨ ਅਤੇ ਹਾਜ਼ਰ ਕਵੀ ਸਹਿਬਾਨ ਨੂੰ 'ਜੀਓ ਆਇਆਂ' ਆਖਿਆ । ਇਸ ਸਮਾਰੋਹ ਦੌਰਾਨ ਰਵਨਜੋਤ ਕੌਰ ਰਾਵੀ ਸਿੱਧੂ ਦੀਆਂ ਦੋ ਪੁਸਤਕਾਂ ‘ ਸਹਿਕਦੀ ਵਿਰਾਸਤ ’ ਅਤੇ ‘ ਸਬਰ ’ ਲੋਕ-ਅਰਪਣ ਕੀਤੀਆਂ ਗਈਆਂ । ਸੀਨੀਅਰ ਮੀਤ ਪ੍ਰਧਾਨ ਪ੍ਰੋ. ਬੀਰ ਇੰਦਰ ਸਰਾਂ ਨੇ ਗੁਰਮੁਖੀ ਦੇ ਵਾਰਿਸ, ਪੰਜਾਬੀ ਸਾਹਿਤ ਸਭਾ(ਰਜਿ.) ਪੰਜਾਬ ਵੱਲੋਂ ਇੱਕ ਸਾਲ ਦੌਰਾਨ ਕੀਤੀਆਂ ਗਤੀਵਿਧੀਆਂ ਦੀ ਸਾਲਾਨਾ ਰਿਪੋਰਟ ਪੇਸ਼ ਕੀਤੀ ਗਈ । ਮੰਚ ਸੰਚਾਲਨ ਚੇਅਰਮੈਨ ਗੁਰਵੇਲ ਕੋਹਾਲਵੀ ਨੇ ਬਾਖੂਬੀ ਢੰਗ ਨਾਲ ਕੀਤਾ ਅਤੇ ਆਪਣੀਆਂ ਰਚਨਾਵਾਂ ਦੀ ਬਾਕਮਾਲ ਪੇਸ਼ਕਾਰੀ ਵੀ ਕੀਤੀ । ਇਸ ਮੌਕੇ ਕਲਮਾਂ ਦੇ ਰੰਗ ਸਾਹਿਤ ਸਭਾ, ਫ਼ਰੀਦਕੋਟ ਦੇ ਜਸਵੀਰ ਫ਼ੀਰਾ, ਸਿਕੰਦਰ ਚੰਦਭਾਨ ਅਤੇ ਸੁਖਜਿੰਦਰ ਮੁਹਾਰ ਦੇ ਸਹਿਯੋਗ ਨਾਲ ਪ੍ਰੋ. ਬੀਰ ਇੰਦਰ ਸਰਾਂ ਦੁਆਰਾ ਸੰਪਾਦਿਤ ਪੁਸਤਕ ‘ ਕਲਮਾਂ ਦੇ ਰੰਗ ’ ਡਾ. ਹਰੀ ਸਿੰਘ ਜਾਚਕ, ਗੁਰਵੇਲ ਕੋਹਾਲਵੀ, ਰਾਵੀ ਸਿੱਧੂ ਅਤੇ ਬਲਬੀਰ ਕੌਰ ਬੱਬੂ ਸੈਣੀ ਨੂੰ ਭੇਂਟ ਕੀਤੀ ਗਈ । ਰਾਵੀ ਸਿੱਧੂ ਨੂੰ ਪੁਸਤਕ ਰਿਲੀਜ਼ ਅਤੇ ਵਧੀਆ ਪ੍ਰਬੰਧ ਲਈ ਚੇਅਰਮੈਨ ਗੁਰਵੇਲ ਕੋਹਾਲਵੀ ਨੇ ਵਿਸ਼ੇਸ਼ ਰੂਪ ਵਿੱਚ ਸਨਮਾਨਿਤ ਕੀਤਾ ।
ਇਸ ਮੌਕੇ ਮੁੱਖ ਮਹਿਮਾਨ ਡਾ. ਹਰੀ ਸਿੰਘ ਜਾਚਕ ਅਤੇ ਵਿਸ਼ੇਸ਼ ਮਹਿਮਾਨ ਨਿਰਮਲ ਕੌਰ ਕੋਟਲਾ, ਰਾਜ ਕਲਾਨੌਰ ਅਤੇ ਸ਼ਿੰਗਾਰਾਂ ਸਿੰਘ, ਚੇਅਰਮੈਨ ਗੁਰਵੇਲ ਕੋਹਾਲਵੀ, ਸੀਨੀਅਰ ਮੀਤ ਪ੍ਰਧਾਨ ਪ੍ਰੋ. ਬੀਰ ਇੰਦਰ ਸਰਾਂ, ਮਨਜੀਤ ਕੌਰ ਬੋਲਾ, ਰਜਨੀ ਸ਼ਰਮਾ, ਬਲਬੀਰ ਕੌਰ ਬੱਬੂ ਸੈਣੀ, ਜਸਪ੍ਰੀਤ ਕੌਰ, ਕਮਲਜੀਤ ਸਿੰਘ, ਬੇਅੰਤ ਸਿੰਘ, ਸੁਖਜਿੰਦਰ ਸਿੰਘ, ਸਿਕੰਦਰ ਚੰਦਭਾਨ, ਸੁਖਜਿੰਦਰ ਮੁਹਾਰ, ਜਸਵੀਰ ਫ਼ੀਰਾ, ਆਕਾਸ਼ਦੀਪ ਸਮਾਘ, ਰਵਿੰਦਰ ਲਾਲਪੁਰੀ, ਬੂਟਾ ਕਾਹਨੇ ਕੇ, ਜਸਪ੍ਰੀਤ ਸਿੰਘ ਜੱਸੀ, ਨੂਰ ਨਵਨੂਰ, ਪਰਮਪ੍ਰੀਤ ਮੁਕਤਸਰ ਆਦਿ ਨੇ ਵਿਸ਼ੇ ਨਾਲ ਸਬੰਧਤ ਆਪਣੀਆਂ ਰਚਨਾਵਾਂ ਦੀ ਖੂਬਸੂਰਤ ਪੇਸ਼ਕਾਰੀ ਕੀਤੀ । ਸਾਰੇ ਹਾਜ਼ਰ ਕਵੀ ਸਾਹਿਬਾਨ ਨੂੰ ਸ਼ਾਨਦਾਰ ਸਨਮਾਨ ਪੱਤਰ ਵੀ ਜਾਰੀ ਕੀਤੇ ਜਾਣਗੇ । ਅੰਤ ਵਿੱਚ ਪ੍ਰੋਗਰਾਮ ਪ੍ਰਬੰਧਕ ਰਵਨਜੋਤ ਕੌਰ ਰਾਵੀ ਸਿੱਧੂ ਨੇ ਮੁੱਖ ਮਹਿਮਾਨ , ਵਿਸ਼ੇਸ਼ ਮਹਿਮਾਨਾਂ ਅਤੇ ਕਵੀ ਸਾਹਿਬਾਨ ਦਾ ਧੰਨਵਾਦ ਕੀਤਾ ।  

-ਪ੍ਰੋ. ਬੀਰ ਇੰਦਰ ਸਰਾਂ (ਸੰਪਾਦਕ, ਸੀਨੀਅਰ ਮੀਤ ਪ੍ਰਧਾਨ, ਪ੍ਰੈਸ ਸਕੱਤਰ, ਮੀਡੀਆ ਇੰਚਾਰਜ ਅਤੇ ਸਹਿ-ਪ੍ਰਬੰਧਕ) ਗੁਰਮੁਖੀ ਦੇ ਵਾਰਿਸ, ਪੰਜਾਬੀ ਸਾਹਿਤ ਸਭਾ/ ਵੈਲਫ਼ੇਅਰ ਸੁਸਾਇਟੀ (ਰਜਿ.) ਪੰਜਾਬ

ਸਰਕਾਰ ਕਿਸਾਨਾਂ ਦੀਆਂ ਮੁਸ਼ਕਿਲਾਂ ਦਾ ਫੌਰੀ ਕਰੇ ਹੱਲ-ਸੁੱਖ ਗਿੱਲ ਜਿਲ੍ਹਾ ਪ੍ਰਧਾਨ
ਧਰਮਕੋਟ /ਮੋਗਾ ,18 ਜੂਨ (ਮਨੋਜ ਕੁਮਾਰ ਨਿੱਕੂ )ਅੱਜ ਸੰਯੁਕਤ ਕਿਸਾਨ ਮੋਰਚਾ ਜਿਲ੍ਹਾ ਮੋਗਾ ਦੀਆਂ ਜਥੇਬੰਦੀਆਂ ਵੱਲੋਂ ਮੂੰਗੀ ਅਤੇ ਮੱਕੀ ਦੀ ਐਮ ਐਸ ਪੀ ਨੂੰ ਯਕੀਨੀ ਬਣਾਉਣ ਲਈ ਐਸ ਡੀ ਐਮ ਧਰਮਕੋਟ ਨੂੰ ਮੰਗ ਪੱਤਰ ਪੱਤਰ ਦਿੱਤਾ ਗਿਆ,ਇਸ ਮੌਕੇ ਸੁੱਖ ਗਿੱਲ ਤੋਤਾ ਸਿੰਘ ਵਾਲਾ ਜਿਲ੍ਹਾ ਪ੍ਰਧਾਨ ਯੂਥ ਵਿੰਗ ਬੀਕੇਯੂ ਪੰਜਾਬ ਅਤੇ ਸੂਰਤ ਸਿੰਘ ਕਾਮਰੇਡ ਨੇ ਬੋਲਦਿ ਆਂ ਕਿਹਾ ਕੇ ਅਸੀ ਸੰਯੁਕਤ ਕਿਸਾਨ ਮੋਰਚੇ ਨਾਲ ਸਬੰਧਤ ਪੰਜਾਬ ਦੀਆਂ 22 ਕਿਸਾਨ ਜਥੇਬੰਦੀਆਂ ਪੰਜਾਬ ਸਰਕਾਰ ਨੂੰ ਕਿਸਾਨਾਂ ਦੀ ਹੋ ਰਹੀ ਖੱਜਲ-ਖੁਆਰੀ ਦਾ ਤੁਰੰਤ ਹੱਲ ਕਰਨ ਲਈ ਹੇਠ ਲਿਖੀਆਂ ਮੰਗਾਂ ਨੂੰ ਫੌਰੀ ਹੱਲ ਕਰਨ ਦੀ ਮੰਗ ਕਰਦੇ ਹਾਂ।
1.ਪੰਜਾਬ ਸਰਕਾਰ ਵਲੋਂ ਮੂੰਗੀ ਦੀ ਖਰੀਦ ਕਰਨ ਦੇ ਐਲਾਨ ਨੂੰ ਮੰਡੀਆਂ ਵਿੱਚ ਕੇਂਦਰ ਵਲੋਂ ਨਿਰਧਾਰਤ ਐਮ ਐਸ ਪੀ ਅਨੁਸਾਰ ਖਰੀਦ ਕਰਕੇ ਅਮਲੀ ਜਾਮਾ ਪਹਿਨਾਇਆ ਜਾਵੇ।
2.ਮੂੰਗੀ ਦੀ ਖਰੀਦ ਸਬੰਧੀ  ਫ਼ਰਦ, ਏਕੜ ਪ੍ਰਤੀ 5 ਕੁਇੰਟਲ ਕੋਟਾ ਫਿਕਸ ਕਰਨ ਸਮੇਤ ਲਾਈਆਂ ਕਿਸਾਨ ਮਾਰੂ ਬੇਲੋੜੀਆਂ ਸ਼ਰਤਾਂ ਫੌਰੀ ਹਟਾ ਕੇ ਦਾਣਾ ਦਾਣਾ ਖਰੀਦਿਆ ਜਾਣਾ ਯਕੀਨੀ ਬਣਾਇਆ ਜਾਵੇ।
3.ਮੱਕੀ ਕਾਸ਼ਤਕਾਰਾਂ ਦੀ ਫ਼ਸਲ ਨੂੰ ਐਮ ਐਸ ਪੀ ਤੇ ਖਰੀਦ ਦੀ ਗਾਰੰਟੀ ਕੀਤੀ ਜਾਵੇ।
4.ਪੰਜਾਬ ਦੇ ਸਾਰੇ ਇਲਾਕਿਆਂ ਵਿਚ ਸੂਏ, ਕੱਸੀਆਂ ਅਤੇ ਰਜਬਾਹਿਆਂ ਨੂੰ ਸੁਚਾਰੂ ਢੰਗ ਨਾਲ ਪਾਣੀ ਛੱਡ ਕੇ ਤੁਰੰਤ ਚਲਾਇਆ ਜਾਵੇ।ਹਰ ਇਲਾਕੇ ਨੂੰ ਬੱਣਦਾ ਨਹਿਰੀ ਪਾਣੀ ਦੇਣ ਦੀ ਵਿਵਸਥਾ ਦੀ ਸਖਤੀ ਨਾਲ ਪਾਲਣਾ ਯਕੀਨੀ ਬਣਾਈ ਜਾਵੇ।
       ਪੰਜਾਬ ਸਰਕਾਰ ਵਲੋਂ ਫ਼ਸਲੀ ਵਿਭਿੰਨਤਾ ਦੇ ਪ੍ਰੋਗਰਾਮ ਨੂੰ ਮੁੱਖ ਰੱਖਦਿਆਂ ਉਪਰੋਕਤ ਮੰਗਾਂ ਨੂੰ ਪੂਰਾ ਕਰਨਾ ਬੇਹੱਦ ਜ਼ਰੂਰੀ ਹੈ ਨਹੀ ਤਾਂ ਸਰਕਾਰ ਦੇ ਫ਼ਸਲੀ ਵਿਭਿੰਨਤਾ ਦੇ ਦਾਅਵਿਆਂ ਦੀ ਭਰੋਸੇਯੋਗਤਾ ਉੱਪਰ ਗੰਭੀਰ ਸਵਾਲ ਖੜੇ ਹੋ ਜਾਣਗੇ। ਉਮੀਦ ਹੈ ਪੰਜਾਬ ਸਰਕਾਰ ਤੁਰੰਤ ਧਿਆਨ ਦੇ ਕੇ ਉਪਰੋਕਤ ਮੰਗਾਂ ਨੂੰ ਹੱਲ ਕਰੇਗੀ,ਇਸ ਮੌਕੇ ਸੰਯੁਕਤ ਕਿਸਾਨ ਮੋਰਚਾ ਚ ਸ਼ਾਮਲ ਜਥੇਬੰਦੀਆਂ ਦੇ ਆਗੂ ਸੁੱਖਾ ਸਿੰਘ ਵਿਰਕ,ਜਥੇਦਾਰ ਸਤਨਾਮ ਸਿੰਘ ਲੋਹਗੜ੍ਹ,ਫਤਿਹ ਸਿੰਘ ਭਿੰਡਰ,ਰਛਪਾਲ ਸਿੰਘ ਭਿੰਡਰ,ਜਰਨੈਲ ਸਿੰਘ ਲੋਹਗੜ੍ਹ,ਅਵਤਾਰ ਸਿੰਘ ਸੈਦਮੁਹੰਮਦ,ਜਰਨੈਲ ਸਿੰਘ ਕੋਟ ਈਸੇ ਖਾਂ,ਗੁਰਦਿਆਲ ਸਿੰਘ ਘਾਲੀ ਆਦਿ ਕਿਸਾਨ ਹਾਜਰ ਸਨ!