ਲੁਧਿਆਣਾ

ਪਿੰਡ ਗਾਲਿਬ ਰਣ ਸਿੰਘ ਵਿੱਚ ਪ੍ਰਧਾਨ ਮੰਤਰੀ ਯੋਜਨਾ ਸਕੀਮ ਅਧੀਨ ਵਾਲੇ ਕਿਸਾਨਾਂ ਦੇ ਫਾਰਮ ਭਰੇ ਗਏ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਅੱਜ ਪਿੰਡ ਗਾਲਿਬ ਰਣ ਸਿੰਘ ਵਿੱਚ ਪ੍ਰਧਾਨ ਮੰਤਰੀ ਯੋਜਨਾ ਸਕੀਮ ਅਧੀਨ 5 ਏਕੜ ਤੋ ਘੱਟ ਵਾਲੇ ਕਿਸਾਨਾਂ ਦੇ ਫਾਰਮ ਭਰੇ ਗਏ।ਇਸ ਪ੍ਰਧਾਨ ਮੰਤਰੀ ਸਕੀਮ ਅਧੀਨ ਹੀ ਕਿਸਾਨਾਂ ਨੂੰ ਹਰ ਸਾਲ ਦਾ 6000 ਰੁਪਏ ਬੈਕਾਂ ਰਾਹੀ ਦਿੱਤੇ ਜਾਣਗੇ।ਇਹ ਫਾਰਮ ਪਿੰਡ ਦੇ ਸਰਪੰਚ ਜਗਦੀਸ ਚੰਦ ਤੇ ਗੁਰਦੁਆਰਾ ਸਾਹਿਬ ਦੇ ਪ੍ਰਧਾਨ ਸਰਤਾਜ ਸਿੰਘ ਨੇ 5 ਏਕੜ ਤੋ ਘੱਟ ਵਾਲਿਆਂ ਕਿਸਾਨਾਂ ਦੇ ਫਾਰਮ ਭਰੇ ਗਏ।ਇਸ ਸਮੇ ਸਰਤਾਜ ਸਿੰਘ ਨੇ ਕਿਹਾ ਕਿ ਇਸ ਪ੍ਰਧਾਨ ਮੰਤਰੀ ਸਕੀਮ ਦਾ ਹਰ ਇੱਕ ਕਿਸਾਨ ਨੂੰ ਲਾਭ ਲੈਣਾ ਚਾਹੀਦਾ ਤੇ ਸਾਰੇ ਕਿਸਾਨਾਂ ਨੂੰ ਇਹ ਫਾਰਮ ਜਲਦੀ ਭਰਨੇ ਚਾਹੀਦੇ ਹਨ।ਇਸ ਸਮੇ ਸਰਪੰਚ ਜਗਦੀਸ ਚੰਦ ਨੇ ਕਿਹਾ ਕਿ ਜਿਸ ਕਿਸਾਨ ਦੇ ਫਾਰਮ ਭਰੇ ਗਏ ਉਸ ਨੂੰ ਹੀ ਪ੍ਰਧਾਨ ਮੰਤਰੀ ਸਕੀਮ ਦਾ ਲਾਭ ਮਿਲੇਗਾ।ਇਸ ਸਮੇ ਪੰਚ ਨਿਰਮਲ ਸਿੰਘ ,ਪੰਚ ਹਰਜੀਤ ਸਿੰਘ,ਪੰਚ ਜਗਸੀਰ ਸਿੰਘ,ਪੰਚ ਹਰਜੀਤ ਸਿੰਘ,ਖਜ਼ਾਨਚੀ ਕੁਲਵਿੰਦਰ ਸਿੰਘ ਛਿੰਦਾ,ਬਲਵਿੰਦਰ ਸਿੰਘ,ਮਹਿੰਦਰ ਸਿੰਘ (ਕਮੇਟੀ ਮੈਂਬਰ) ਕਰਨੈਲ ਸਿੰਘ ਕਨੇਡਾ,ਚਮਕੌਰ ਸਿੰਘ ਕਨੇਡਾ,ਡਾ.ਸੁਖਦੇਵ ਸਿੰਘ,ਹਰਜੀਤ ਸਿੰਘ,ਬਲਦੇਵ ਸਿੰਘ ਦੇਬੀ,ਗੁਰਦੀਪ ਸਿੰਘ,ਹਰਬੰਸ ਸਿੰਘ,ਬਲਵਿੰਦਰ ਸਿੰਘ,ਗੁਰਦੇਵ ਸਿੰਘ,ਉਮਾ,ਕਾਲਾ,ਅਤੇ ਹੋਰ ਕਿਸਾਨ ਹਾਜ਼ਰ ਸਨ।

150 ਤੋਂ ਵੱਧ ਕੰਪਨੀਆਂ ਵੱਲੋਂ ਨੌਜਵਾਨਾਂ ਦੀ ਨੌਕਰੀਆਂ ਲਈ ਚੋਣ

ਲੁਧਿਆਣਾ, 13 ਫਰਵਰੀ - ਜ਼ਿਲ੍ਹੇ ਦੀਆਂ ਸਾਰੀਆਂ ਸਬ-ਡਵੀਜ਼ਨਾਂ ਵਿੱਚ ਲਗਾਏ ਜਾ ਰਹੇ ਰੁਜ਼ਗਾਰ ਮੇਲੇ ਦੇ ਅੱਜ ਪਹਿਲੇ ਦਿਨ ਸਰਕਾਰੀ ਆਈਟੀਆਈ ਗਿੱਲ ਰੋਡ ਲੁਧਿਆਣਾ ਵਿਖੇ ਮੇਲੇ ’ਚ 150 ਤੋਂ ਵੱਧ ਕੰਪਨੀਆਂ ਵੱਲੋਂ ਬੇਰੁਜ਼ਗਾਰ ਨੌਜਵਾਨਾਂ ਦੀ ਚੋਣ ਕੀਤੀ ਗਈ ਅਤੇ ਅੱਜ ਮੇਲੇ ਦੌਰਾਨ ਤਕਰੀਬਨ 3 ਹਜ਼ਾਰ ਤੋਂ ਵੱਧ ਨੌਜਵਾਨਾਂ ਨੇ ਆਪਣੇ ਆਪ ਨੂੰ ਰਜਿਸਟਰ ਕੀਤਾ।
ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਘਰ-ਘਰ ਰੁਜ਼ਗਾਰ ਯੋਜਨਾ ਤਹਿਤ ਜ਼ਿਲ੍ਹੇ ਦੀਆਂ ਸਾਰੀਆਂ ਸਬ-ਡਵੀਜ਼ਨਾਂ ਵਿੱਚ ਰੁਜ਼ਗਾਰ ਮੇਲੇ ਲਗਾਏ ਜਾਣਗੇ। ਉਨ੍ਹਾਂ ਦੱਸਿਆ ਕਿ ਜ਼ਿਲ੍ਹਾ ਪ੍ਰਸ਼ਾਸਨ ਦਾ ਮੁੱਖ ਨਿਸ਼ਾਨਾ ਨੌਜਵਾਨਾਂ ਨੂੰ ਵੱਧ ਤੋਂ ਵੱਧ ਰੁਜ਼ਗਾਰ ਮੁਹੱਈਆ ਕਰਵਾਉਣਾ ਹੈ। ਉਨ੍ਹਾਂ ਦੱਸਿਆ ਕਿ 16 ਫਰਵਰੀ ਨੂੰ ਦੋ ਰੁਜ਼ਗਾਰ ਮੇਲੇ ਸੁਆਮੀ ਗੰਗਾ ਗਿਰੀ ਕਾਲਜ਼ ਗੌਂਦਵਾਲ ਨੇੜੇ ਰਾਏਕੋਟ ਅਤੇ ਇਸੇ ਦਿਨ ਸਰਕਾਰੀ ਆਈਟੀਆਈ (ਲੜਕੀਆਂ) ਸਮਰਾਲਾ ਵਿੱਚ, 17 ਫਰਵਰੀ ਨੂੰ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ (ਲੜਕੀਆਂ) ਜਗਰਾਓ ਅਤੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ (ਲੜਕੇ) ਪਾਇਲ, 22 ਨੂੰ ਗੁਲਜਾਰ ਗਰੁੱਪ ਆਫ਼ ਇੰਸਟੀਚਿਊਟ ਖੰਨਾ ਅਤੇ 22 ਨੂੰ ਹੀ ਗੌਰਮਿੰਟ ਇੰਸਟੀਚਿਊਟ ਟੈਕਸਟਾਈਲ ਕਮਿਸਟਰੀ ਐਂਡ ਨਿਟਿੰਗ ਟੈਕਨਾਲਜੀ ਰਿਸ਼ੀਨਗਰ ਲੁਧਿਆਣਾ ਵਿੱਚ ਲਾਏ ਜਾਣਗੇ। ਇਸ ਮੌਕੇ ਏਡੀਸੀ ਡਾ. ਸ਼ੇਨਾ ਅਗਰਵਾਲ, ਏਡੀਸੀ ਨੀਰੂ ਕਤਿਆਲ ਗੁਪਤਾ, ਐਸਡੀਐਮ ਦਮਨਜੀਤ ਸਿੰਘ ਆਦਿ ਮੌਜੂਦ ਸਨ।

ਮੱਥਾ ਟੇਕਣ ਆਏ ਵਿਅਕਤੀ ਵੱਲੋਂ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ

ਲੁਧਿਆਣਾ, 13 ਫਰਵਰੀ - ਪਿੰਡ ਦਾਦ ’ਚ ਮੰਗਲਵਾਰ ਨੂੰ ਗੁਰਦੁਆਰਾ ਸਿੰਘ ਸਭਾ ’ਚ ਮੱਥਾ ਟੇਕਣ ਆਏ ਇੱਕ ਵਿਅਕਤੀ ਨੇ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਕਰ ਦਿੱਤੀ। ਪਵਿੱਤਰ ਗ੍ਰੰਥ ਨੂੰ ਥੱਲੇ ਸੁੱਟਣ ਮਗਰੋਂ ਮੁਲਜ਼ਮ ਨੇ ਬਿਸਤਰੇ ਨੂੰ ਵੀ ਥੱਲੇ ਸੁੱਟਿਆ। ਵਾਰਦਾਤ ਨੂੰ ਅੰਜ਼ਾਮ ਦੇਣ ਮਗਰੋਂ ਮੁਲਜ਼ਮ ਉਥੋਂ ਫ਼ਰਾਰ ਹੋ ਗਿਆ। ਜਦੋਂ ਗੁਰਦੁਆਰਾ ਸਾਹਿਬ ਦਾ ਗ੍ਰੰਥੀ ਜਲ ਸਿੰਘ ਉਥੇ ਪੁੱਜਿਆ ਤਾਂ ਅੰਦਰ ਦੀ ਹਾਲਤ ਦੇਖ ਉਨ੍ਹਾਂ ਨੇ ਕਮੇਟੀ ਮੈਂਬਰਾਂ ਨੂੰ ਸੂਚਿਤ ਕੀਤਾ। ਸੂਚਨਾ ਮਿਲਣ ਮਗਰੋਂ ਥਾਣਾ ਸਦਰ ਤੇ ਚੌਂਕੀ ਲਲਤੋਂ ਕਲਾ ਦੀ ਪੁਲੀਸ ਮੌਕੇ ’ਤੇ ਪੁੱਜ ਗਈ। ਪੁਲੀਸ ਨੇ ਪਿੰਡ ਦਾਦ ਦੀ ਪਾਲਮ ਵਿਹਾ ਵਾਸੀ ਜਲ ਸਿੰਘ ਦੀ ਸ਼ਿਕਾਇਤ ’ਤੇ ਇਸੇ ਇਲਾਕੇ ਦੇ ਰਹਿਣ ਵਾਲੇ ਗੁਰਿੰਦਰ ਸਿੰਘ (35) ਖ਼ਿਲਾਫ਼ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦਾ ਕੇਸ ਦਰਜ ਕਰ ਲਿਆ ਹੈ। ਪੁਲੀਸ ਨੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਜੇਲ੍ਹ ਭੇਜ ਦਿੱਤਾ ਹੈ।
ਜਲ ਸਿੰਘ ਵੱਲੋਂ ਪੁਲੀਸ ਕੋਲ ਦਰਜ ਕਰਵਾਈ ਸ਼ਿਕਾਇਤ ਅਨੁਸਾਰ ਉਹ ਸ੍ਰੀ ਗੁਰੂ ਸਿੰਘ ਸਭਾ ਗੁਰਦੁਆਰਾ ਸਾਹਿਬ ’ਚ ਗ੍ਰੰਥੀ ਦੀ ਡਿਊਟੀ ਕਰ ਰਿਹਾ ਹੈ। ਮੰਗਲਵਾਰ ਦੀ ਸਵੇਰੇ ਗੁਰਦੁਆਰਾ ਸਾਹਿਬ ’ਚ ਮੁਲਜ਼ਮ ਆਇਆ ਸੀ। ਮੁਲਜ਼ਮ ਨੇ ਉਥੇ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਕੀਤੀ ਤੇ ਬਿਸਤਰ ਵੀ ਥੱਲੇ ਸੁੱਟ ਦਿੱਤੇ, ਜਿਸ ਮਗਰੋਂ ਉਹ ਉਥੋਂ ਫ਼ਰਾਰ ਹੋ ਗਿਆ।
ਜਦੋਂ ਉਹ ਗੁਰਦੁਆਰਾ ਸਾਹਿਬ ਅੰਦਰ ਆਏ ਤਾਂ ਅੰਦਰ ਪਵਿੱਤਰ ਗੁਰੂ ਗ੍ਰੰਥ ਸਾਹਿਬ ਤੇ ਬਿਸਤਰੇ ਨੂੰ ਥੱਲੇ ਡਿੱਗਿਆ ਦੇਖ ਉਨ੍ਹਾਂ ਕਮੇਟੀ ਮੈਂਬਰਾਂ ਨੂੰ ਬੁਲਾ ਕੇ ਸੀਸੀਟੀਵੀ ਕੈਮਰੇ ਦੀ ਫੁਟੇਜ਼ ਚੈੱਕ ਕੀਤੀ, ਜਿਸ ’ਚ ਮੁਲਜ਼ਮ ਦੀ ਪਛਾਣ ਗੁਰਿੰਦਰ ਸਿੰਘ ਵਜੋਂ ਹੋਈ। ਪੁਲੀਸ ਨੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ।
ਜਾਂਚ ਅਧਿਕਾਰੀ ਏਐੱਸਆਈ ਅਸ਼ਵਨੀ ਕੁਮਾਰ ਨੇ ਦੱਸਿਆ ਕਿ ਮੁਲਜ਼ਮ ਤੋਂ ਪੁੱਛਗਿਛ ਕੀਤੀ ਤਾਂ ਪਹਿਲਾਂ ਉਹ ਵਾਰਦਾਤ ਨੂੰ ਅੰਜ਼ਾਮ ਦੇਣ ਤੋਂ ਮੁਕਰ ਗਿਆ ਪਰ ਬਾਅਦ ’ਚ ਮੰਨਿਆ ਤੇ ਤਰ੍ਹਾਂ-ਤਰ੍ਹਾਂ ਦੀਆਂ ਗੱਲਾਂ ਕਰਨ ਲੱਗਿਆ। ਪੁਲੀਸ ਪੁੱਛਗਿਛ ’ਚ ਪਤਾ ਲੱਗਿਆ ਕਿ ਮੁਲਜ਼ਮ ਵਿਦੇਸ਼ ’ਚ ਵੀ ਕਾਫ਼ੀ ਸਮਾਂ ਰਿਹਾ ਹੈ। ਕਰੀਬ 4 ਸਾਲ ਪਹਿਲਾਂ ਵਿਦੇਸ਼ ਤੋਂ ਉਹ ਆਇਆ ਸੀ ਤੇ ਇੱਥੇ ਲੈਮੀਨੇਸ਼ਨ ਦੀ ਦੁਕਾਨ ਚਲਾਉਂਦਾ ਹੈ। ਮੁਲਜ਼ਮ ਦਾ ਵਿਆਹ ਨਹੀਂ ਹੋਇਆ, ਉਹ ਇਹ ਦੱਸ ਰਿਹਾ ਹੈ ਕਿ ਉਹ ਦਿਮਾਗ਼ੀ ਤੌਰ ’ਤੇ ਬੀਮਾਰ ਹੈ। ਉਸ ਨੂੰ ਕੁਝ ਪਤਾ ਨਹੀਂ ਹੈ। ਪੁਲੀਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।

ਯੂਥ ਅਕਾਲੀ ਆਗੂਆਂ ਨੇ ਮੁਲਜ਼ਮਾਂ ’ਤੇ ਜੁੱਤੀਆਂ ਸੁੱਟੀਆਂ

ਲੁਧਿਆਣਾ, 13 ਫਰਵਰੀ - ਪਿੰਡ ਈਸੇਵਾਲ ਵਿੱਚ ਲੜਕਾ ਲੜਕੀ ਨੂੰ ਅਗਵਾ ਕਰ ਕੁੱਟਮਾਰ ਕਰਨ ਮਗਰੋਂ ਲੜਕੀ ਨਾਲ ਸਮੂਹਿਕ ਜਬਰ ਜਨਾਹ ਕਰਨ ਵਾਲੇ ਤਿੰਨ ਮੁਲਜ਼ਮਾਂ ਨੂੰ ਅੱਜ ਪੁਲੀਸ ਨੇ ਜ਼ਿਲ੍ਹਾ ਲੁਧਿਆਣਾ ਦੀ ਅਦਾਲਤ ਵਿੱਚ ਪੇਸ਼ ਕੀਤਾ। ਜਿੱਥੇ ਯੂਥ ਅਕਾਲੀ ਦਲ ਦੇ ਜ਼ਿਲ੍ਹਾ ਪ੍ਰਧਾਨ ਤੇ ਉਸ ਦੇ ਸਾਥਿਆਂ ਨੇ ਪੇਸ਼ੀ ਭੁਗਤ ਕੇ ਆ ਰਹੇ ਮੁਲਜ਼ਮਾਂ ’ਤੇ ਜੁੱਤੀਆਂ ਸੁੱਟੀਆਂ। ਯੂਥ ਅਕਾਲੀ ਦਲ ਆਗੂਆਂ ਨੇ ਦੂਰੋਂ ਜੁੱਤੀਆਂ ਸੁੱਟੀਆਂ, ਜੋ ਕਿ ਮੁਲਜ਼ਮਾਂ ਨੂੰ ਲੱਗੀਆਂ ਤਾਂ ਨਹੀਂ ਪਰ ਉਥੇ ਇਸ ਘਟਨਾ ਮਗਰੋਂ ਭੱਜਦੜ ਮੱਚ ਗਈ।
ਯੂਥ ਅਕਾਲੀ ਦਲ ਦੇ ਆਗੂ ਮੁਲਜ਼ਮਾਂ ਖ਼ਿਲਾਫ਼ ਨਾਅਰੇਬਾਜ਼ੀ ਕਰਨ ਲੱਗੇ ਤੇ ਪੁਲੀਸ ਮੁਲਜ਼ਮਾਂ ਨੂੰ ਉਥੋਂ ਲੈ ਕੇ ਗੱਡੀਆਂ ਵਿੱਚ ਬਿਠਾ ਕੇ ਲੈ ਗਈ। ਇੱਥੇ ਦੱਸ ਦਈਏ ਕਿ ਯੂਥ ਅਕਾਲੀ ਦਲ ਦੇ ਪ੍ਰਧਾਨ ਮੀਤਪਾਲ ਦੁਗਰੀ ਨੇ ਸਾਬਕਾ ਪ੍ਰਧਾਨ ਰਾਜੀਵ ਗਾਂਧੀ ਦੇ ਬੁੱਤ ’ਤੇ ਕਾਲਖ ਪੋਥਣ ਤੋਂ ਬਾਅਦ ਹੁਣ ਇਹ ਨਵਾਂ ਨਵਾਂ ਕਾਰਨਾਮਾ ਕਰ ਦਿੱਤਾ ਹੈ। ਜਾਣਕਾਰੀ ਮੁਤਾਬਕ ਪਿੰਡ ਈਸੇਵਾਲ ’ਚ ਜਬਰ ਜਨਾਹ ਦੇ ਮਾਮਲੇ ’ਚ ਗ੍ਰਿਫ਼ਤਾਰ ਤਿੰਨੇ ਮੁਲਜ਼ਮਾਂ ਨੂੰ ਬੁੱਧਵਾਰ ਨੂੰ ਅਦਾਲਤ ’ਚ ਪੇਸ਼ ਕਰ ਪੁਲੀਸ ਮੁਲਾਜ਼ਮਾਂ ਬਾਹਰ ਲੈ ਕੇ ਜਾ ਰਿਹੇ ਸਨ ਤਾਂ ਉਸ ਸਮੇਂ ਮੀਤ ਪਾਲ ਦੁੱਗਰੀ ਨੇ ਆਪਣੇ ਇੱਕ ਹੋਰ ਸਾਥੀ ਦੇ ਨਾਲ ਮਿਲ ਕੇ ਜੁੱਤੀਆਂ ਨਾਲ ਮੁਲਜ਼ਮਾਂ ’ਤੇ ਹਮਲਾ ਕਰ ਦਿੱਤਾ। ਯੂਥ ਅਕਾਲੀ ਦਲ ਦੇ ਆਗੂਆਂ ਨੇ ਜਿਵੇਂ ਹੀ ਜੁੱਤੇ ਹੱਥ ’ਚ ਲੈ ਕੇ ‘ਬਲਾਤਕਾਰੀ ਮੁਰਦਾਬਾਦ’ ਦਾ ਨਾਅਰੇ ਲਾਏ ਤਾਂ ਪੁਲੀਸ ਵਾਲਿਆਂ ਨੇ ਮੁਲਜ਼ਮਾਂ ਦੀ ਸੁਰੱਖਿਆ ਵਧਾ ਦਿੱਤੀ।
ਯੂਥ ਅਕਾਲੀ ਆਗੂ ਦੁੱਗਰੀ ਬੁੱਧਵਾਰ ਨੂੰ ਚੁੱਪਚਾਪ ਅਦਾਲਤ ਕੰਪਲੈਕਸ ਦੇ ਬਾਹਰ ਖੜ੍ਹੇ ਰਹੇ। ਉਨ੍ਹਾਂ ਨਾਲ ਇੱਕ ਜਾਂ ਦੋ ਸਾਥੀ ਹੋਰ ਸਨ। ਜਿਵੇਂ ਹੀ ਪੁਲੀਸ ਮੁਲਜ਼ਮਾਂ ਨੂੰ ਅਦਾਲਤ ’ਚੋਂ ਬਾਹਰ ਲੈ ਕੇ ਆ ਰਹੀ ਸੀ, ਦੋਵੇਂ ਆਗੂ ਪੈਦਲ ਉਨ੍ਹਾਂ ਵੱਲ ਵਧੇ। ਥੋੜਾ ਨੇੜੇ ਜਾ ਕੇ ਉਨ੍ਹਾਂ ਜੁੱਤੀਆਂ ਬਾਹਰ ਕੱਢ ਲਈਆਂ ਤੇ ਮੁਰਦਾਬਾਦ ਦੇ ਨਾਅਰੇ ਲਾਉਂਦੇ ਹੋਏ ਜੁੱਤੀਆਂ ਮਾਰਨੀਆਂ ਸ਼ੁਰੂ ਕਰ ਦਿੱਤੀਆਂ। ਸੁਰੱਖਿਆ ’ਚ ਤਾਇਨਾਤ ਮੁਲਾਜ਼ਮਾਂ ਨੇ ਉਨ੍ਹਾਂ ਨੂੰ ਉਥੇ ਰੋਕ ਲਿਆ ਤੇ ਜਲਦਬਾਜ਼ੀ ’ਚ ਤਿੰਨੇ ਮੁਲਜ਼ਮਾਂ ਨੂੰ ਗੱਡੀ ’ਚ ਬਿਠਾ ਕੇ ਉਥੋਂ ਕੱਢ ਲਿਆ। ਯੂਥ ਆਗੂਆਂ ਨੇ ਕਿਹਾ ਕਿ ਇਨ੍ਹਾਂ ਮੁਲਜ਼ਮਾਂ ਮੌਤ ਦੀ ਸਜ਼ਾ ਮਿਲਣੀ ਚਾਹੀਦੀ ਹੈ।

ਬੇਜ਼ਮੀਨੇ ਕਿਸਾਨ ਮਜ਼ਦੂਰ ਕਰਜਾ ਮੁਕਤੀ ਮੋਰਚਾ ਪੰਜਾਬ ਵੱਲੋੰ ਸ਼੍ਰੋਮਣੀ ਆਕਲ਼ੀ ਦਲ ਦੇ ਪ੍ਰਧਾਨ ਸ: ਸੁਖਬੀਰ ਸਿੰਘ ਬਾਦਲ ਨੂੰ ਦਿੱਤਾ ਮੰਗ ਪੱਤਰ

ਬੇਜ਼ਮੀਨੇ ਕਸਿਾਨ ਮਜਦੂਰ ਕਰਜਾ ਮੁਕਤੀ ਮੋਰਚਾ ਪੰਜਾਬ ਦਾ ਇਕ ਵਫ਼ਦ ਕਨਵੀਨਰ ਸਤਪਾਲ ਸਿੰਘ ਦੇਹੜਕਾ ਦੀ ਅਗਵਾਈ ਵਚਿ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੇ ਪ੍ਰਧਾਨ ਸ੍ਰ. ਸੁਖਬੀਰ ਸੰਿਘ ਬਾਦਲ ਨੂੰ ਮਲਿਿਆ ਬੇਜ਼ਮੀਨੇ ਮੋਰਚੇ ਦੇ ਆਗੂਆਂ ਨੇ ਓਹਨਾ ਨੂੰ ਇਕ ਮੰਗ ਪੱਤਰ ਦੱਿਤਾ ਜਸਿ ਵਚਿ ਮੰਗ ਕੀਤੀ ਕੇ ਪੰਜਾਬ ਸਰਕਾਰ ਕੋ:ਸੋਸਾਇਟੀਆ ਅਤੇ ਦੋ ਲੱਖ ਤਕ ਢਾਈ ਏਕੜ੍ ਵਾਲੇ ਕਸਿਾਨਾਂ ਦਾ ਕਰਜ ਮਾਫ ਕਰ ਰਹੀ ਹੈ, ਏਸੇ ਤਰਜ ਤੇ ਬੇਜ਼ਮੀਨੇ ਭਾਵ ਗ਼ੈਰਕਾਸਤਕਰ ਲੋਕਾਂ ਦਾ ਕਰਜ ਵੀ ਮਾਫ ਹੋਣਾ ਚਾਹੀਦਾ ਹੈ ਜੋ ਕੇ 500ਕਰੋੜ ਦੇ ਲਗਭਗ ਹੀ ਹੈ, ਸ੍ਰ ਬਾਦਲ ਨੇ ਮੋਰਚੇ ਦੇ ਆਗੂਆਂ ਨੂੰ ਭਰੋਸਾ ਦਵਾਇਆ ਕੇ ਉਹ ਸਰਕਾਰ ਉਪਰ ਏਸ ਵਧਿਾਨ ਸਭਾ ਸ਼ੇਸ਼ਨ ਦੌਰਾਨ ਦਬਾ ਬਣੌਨ ਗੇ ਤਾ ਕੇ ਲੱਖਾਂ ਬੇਜ਼ਮੀਨੇ ਲੋਕਾਂ ਦਾ ਫਾਇਦਾ ਹੋ ਸਕੇ ਏਸ ਮੌਕੇ ਸ਼੍ਰੀ ਐਸ ਆਰ ਕਲੇਰ ਸਾਬਕਾ ਵਦਿਾਇਕ, ਬੇਜ਼ਮੀਨੇ ਮੋਰਚੇ ਦੇ ਜਨਰਲ ਸਕੱਤਰ ਤਜਿੰਦਰ ਸਿੰਘ ਜੱਸਲ, ਸਕੱਤਰ ਜਸਵੀਰ ਸਿੰਘ ਭੱਟੀ, ਪ੍ਰਧਾਨ ਬੂਟਾ ਸਿੰਘ ਗਾਲਬਿ, ਬਲਦੇਵ ਸਿੰਘ ਬੱਲੀ,ਮੋਹੰਿਦਰ ਸਿੰਘ ਹੰਿਮਤਪੁਰਾ,ਸੌਦਾਗਰ ਸਿੰਘ ਤਪੜ ਅਤੇ ਨੰਬਰਦਾਰ ਪ੍ਰੀਤਮ ਸਿੰਘ ਸੰਗਤਪੁਰਾ ਆਦਿ ਹਾਜਰ ਸਨ ।

ਜਬਰ ਜਨਾਹ ਦੇ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕਰਕੇ ਸ਼ਖਤ ਸਜ਼ਾ ਦਿੱਤੀ ਜਾਵੇ:ਵਿਧਾਇਕ ਸਰਬਜੀਤ ਕੌਰ ਮਾਣੂੰਕੇ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਹਲਕਾ ਜਗਰਾਉ ਦੀ ਵਿਧਾਇਕ ਬੀਬੀ ਸਰਬਜੀਤ ਕੌਰ ਮਾਣੂੰਕੇ ਨੇ ਜਨ ਸ਼ਕਤੀ ਦੇ ਪੱਤਰਕਾਰ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਈਸੇਵਾਲ ਵਿਖੇ ਇਕ ਲੜਕੀ ਨਾਲ ਸਮੂਹਿਕ ਜਬਰ ਜਨਾਹ ਦੀ ਅਸੀ ਸਖਤ ਸਬਦਾਂ ਵਿੱਚ ਨਿਖੇਧੀ ਕਰਦੇ ਹਾਂ।ਵਿਧਾਇਕ ਨੇ ਕਿਹਾ ਕਿ ਪੰਜਾਬ ਅੰਦਰ ਔਰਤਾਂ ਦੀ ਸੁਰੱਖਿਆ ਪੂਰੀ ਤਰ੍ਹਾਂ ਖਤਰੇ ਵਿੱਚ ਹੈ।ਉਨਾਂ ਕਿਹਾ ਅੱਜ ਕਿਸੇ ਵੀ ਇੱਕਲੀ ਔਰਤ ਨੂੰ ਬਾਹਰ ਨਿੱਕਲ ਮੁਸ਼ਕਲ ਹੋ ਗਿਆ ਹੈ।ਬੀਬੀ ਮਾਣੰੂਕੇ ਨੇ ਕਿਹਾ ਕਿ ਪੰਜਾਬ ਅੰਦਰ ਅਮਨ-ਕਾਨੂੰਨ ਦੀ ਹਾਲਤ ਪੂਰੀ ਤਰ੍ਹਾਂ ਵਿਗੜ ਗਈ ਹੈ ਅਤੇ ਗੰੁਡਾ ਅਨਸਰ ਸ਼ਰੇਆਮ ਵਰਦਾਤਾਂ ਨੂੰ ਅੰਜਾਮ ਦੇ ਰਹੇ ਹਨ।ਇਸ ਬੀਬੀ ਮਾਣੰੂਕੇ ਨੇ ਕਿਹਾ ਕਿ ਸੂਬੇ 'ਚ ਕਾਂਗਰਸ ਸਰਕਾਰ ਬਣਨ ਤੋ ਬਾਅਦ ਕਾਨੂੰਨ ਦੀ ਹਾਲਤ ਖਰਾਬ ਹੈ ਉਨ੍ਹਾਂ ਕਿਹਾ ਇਸ ਮਾਮਲੇ ਦਾ ਅਸਰ ਲੋਕਾਂ ਸਭਾ ਚੋਣਾਂ ਤੇ ਪੈ ਸਕਦਾ ਹੈ।ਉਨ੍ਹਾਂ ਕਿਹਾ ਕਿ ਪੁਲਿਸ ਤਰੰੁਤ ਦੋਸ਼ੀਆਂ ਗ੍ਰਿਫਾਤਾਰ ਕਰਕੇ ਸ਼ਖਤ ਤੋ ਸਖਤ ਸ਼ਜਾ ਦਿੱਤੀ ਜਾਵੇ।

ਸੂਰਮੇ ਕੌਮ ਦਾ ਸਰਮਾਇਆ ੱਹੁੰਦੇ ਹਨ:ਭਾਈ ਪਿਰਤਪਾਲ ਸਿੰਘ ਪਾਰਸ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਇਥੋ ਥੋੜੀ ਦੂਰ ਪਿੰਡ ਸਲੇਮਪੁਰਾ ਵਿਖੇ ਗੁਰਦੁਆਰਾ ਸ਼ਹੀਦ ਬਾਬਾ ਜੀਵਨ ਸਿੰਘ ਜੀ ਅਤੇ ਸ਼ੋ੍ਰਮਣੀ ਭਗਤ ਰਵਿਦਾਸ ਜੀ ੍ਰਮਹਾਰਾਜ ਦੇ ਜਨਮ ਦਿਹਾੜੇ ਮੌਕੇ ਨਗਰ ਕੀਰਤਨ ਸਜਾਇਆ ਗਿਆ ਜਿਸ ਵਿੱਚ ਪੰਥ ਦੇ ਮਹਾਨ ਪ੍ਰਚਾਰਕ ਭਾਈ ਪਿਰਤਪਾਲ ਸਿੰਘ ਪਾਰਸ ਦੇ ਇੰਟਰਨੈਸ਼ਨਲ ਢਾਡੀ ਜੱਥੇ ਨੇ ਜੋਸੀਲੀਆਂ ਵਾਰਾਂ ਰਾਹੀ ਸੰਗਤਾਂ ਨੂੰ ਨਿਹਾਲ ਕੀਤਾ।ਭਾਈ ਪਾਰਸ ਨੇ ਕਿਹਾ ਕਿ ਭਗਤ ਯੋਧੇ ਸੂਰਮੇ ਕੌਮ ਦਾ ਸਰਮਾਇਆ ਹੁੰਦੇ ਹਨ ਤੇ ਕੌਮ ਕੁਰਬਾਨੀਆਂ ਨਾਲ ਜਿਉਂਦੀ ਹੈ ਭਾਈ ਪਾਰਸ ਨੇ ਕਿਹਾ ਕਿ ਗੁਰੂ ਸਹਿਬਾਨਾਂ ਅਤੇ ਭਗਤ ਸੂਰਮਿਆਂ ਨੇ ਆਪਾ ਵਾਰ ਕੇ ਸਾਨੂੰ ਜੀਵਨ ਜਾਂਚ ਦਸੀ ਹੈ ਸਾਨੂੰ ਹਮੇਸ਼ਾ ਹੀ ਉਹਨਾਂ ਦੇ ਪਾਏ ਪੂਰਨਿਆਂ ਤੇ ਚਲਣਾ ਚਾਹੀਦਾ ਹੈ ਇਸ ਸਮੇ ਬਲਵੰਤ ਸਿੰਘ ਸਿੱਧੂ,ਕਰਮ ਸਿੰਘ ਕੋਮਲ,ਦਲਜੀਤ ਸਿੰਘ ਅੱਬੂਵਾਲ,ਰਾਜਵਿੰਦਰ ਸਿੰਘ ਹੈਪੀ,ਗਿਆਨੀ ਤਰਸੇਮ ਸਿੰਘ ਸਿੱਧਵਾਂ,ਜਗਤਾਰ ਸਿੰਘ ਮੰਡਆਣੀ,ਪ੍ਰਧਾਨ ਪ੍ਰਤੀਮ ਸਿੰਘ,ਸੱੁਖਾ ਸਿੰਘ ਚੌਧਰੀ ਆਦਿ ਤੇ ਬਹੁਤ ਸਾਰੀਆਂ ਸੰਗਤਾਂ ਹਾਜ਼ਰ ਸਨ।

ਕਿਸਾਨਾਂ ਦੀਆਂ ਮੀਹ ਤੇ ਗੜੇਮਾਰੀ ਨਾਲ ਤਬਾਹ ਹੋਈਆਂ ਫਸਲਾਂ ਦਾ ਕੈਪਟਨ ਸਰਕਾਰ ਜਲਦੀ ਕਿਸਾਨਾਂ ਨੂੰ ਮੁਆਵਜ਼ਾ ਦੇਵੇ:ਵਿਧਾਇਕ ਸਰਵਜੀਤ ਕੌਰ ਮਾਣੂੰਕੇ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਪੰਜਾਬ ਦੇ ਵੱਖ-ਵੱਖ ਜਿਿਲ੍ਹਆਂ ਵਿੱਚ ਭਾਰੀ ਬਾਰਿਸ ਤੇ ਗੜੇਮਾਰੀ ਨੇ ਕਿਸਾਨਾਂ ਦੀ ਫਸਲਾਂ ਤਬਾਹ ਕਰ ਦਿੱਤੀਆਂ ਹਨ ਅਤੇ ਕੈਪਟਨ ਸਰਕਾਰ ਨੂੰ ਗੜੇਮਾਰੀ ਤੇ ਬਾਰਿਸ ਤੋਂ ਪ੍ਰਭਾਵਿਤ ਕਿਸਾਨਾਂ ਦੀ ਫਸਲਾਂ ਦੀ ਬਣਦੀ ਰਾਸੀ ਮੁਆਫਜਾ ਵਜੋਂ ਦੇਣੀ ਚਾਹੀਦੀ ਹੈ।ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਹਲਕਾ ਜਗਰਾਉਂ ਵਿਧਾਇਕ ਬੀਬੀ ਸਰਵਜੀਤ ਕੌਰ ਮਾਣੂੰਕੇ ਨੇ ਆਪਣੇ ਹਲਕੇ ਦੇ ਵੱਖ-ਵੱਖ ਪਿੰਡਾਂ 'ਚ ਹੋਏ ਨੁਕਸਾਨ ਦਾ ਜਾਇਜ਼ਾਂ ਲੈਦਿਆਂ ਕਿਹਾ ਕਿ ਕਿਸਾਨਾਂ ਦੀ ਫਸਲਾਂ ਗੜੇਮਾਰੀ ਕਾਰਨ ਹੇਠਾਂ ਵਿਛ ਗਈਆਂ ਹਨ,ਇਸ ਤੋਂ ਇਲਾਵਾ ਸਬਜੀਆਂ ,ਗਰਮੀ ਲਈ ਬੀਜੀ ਪਨੀਰੀ,ਸਰੋਂ ਦੀ ਫਸਲ ,ਆਲੂਆਂ ਆਦਿ ਫਸਲਾਂ ਦਾ ਬਹੁਹ ਨੁਕਸਾਨ ਹੋਇਆ ਹੈ,ਦੂਜੇ ਪਾਸੇ ਖੇਤੀ ਮਾਹਿਰਾਂ ਨੇ ਕਣਕ ਦੀ ਫਸਲ ਵਿੱਚ ਖੜ੍ਹੇ ਪਾਣੀ ਤੇ ਫਸਲ ਨੂੰ ਪੀਲੀ ਪੈਣ ਤੇ ਝਾੜ ਬਹੁਤ ਘੱਟ ਨਿਕਲ ਲਈ ਦੱਸਕੇ ਕਿਸਾਨਾਂ ਦੇ ਚਿਹਰਿਆਂ ਤੇ ਰੋਣਕ ਉਡਾ ਦਿੱਤੀ ਹੈ।ਮਾਣੂੰਕੇ ਨੇ ਕਿਹਾ ਕਿ ਜਿੱਥੇ ਗੜੇਮਾਰੀ ਨੇ ਸਰ੍ਹੇ ਦੇ ਫੁੱਲ ਝੰਬ ਦਿੱਤੇ ਹਨ,ਉਥੇ ਆਲੂਆਂ ਦੀ ਪਟਾਈ ਲੈਣ ਹੋਣ ਤੇ ਹੇਠਾਂ ਗਲਣ ਦੀ ਸੰਭਾਵਨਾ ਜਿਆਦਾ ਹੈ।ਗਰੀਬ ਵਰਗ ਵੱਲੋਂ ਕੁਝ ਜਮੀਨਾਂ ਠੇਲੇ ਤੇ ਲੈਕੇ ਲਾਈਆਂ ਸਬਜ਼ੀਆਂ ਦੇ ਨੁਕਸਾਨ ਨੇ ਤਾਂ ਗਰੀਬ ਵਰਗ ਦੇ ਚੱਲੇ ਠੇਡੇ ਕਰ ਦਿੱਤੇ ਹਨ।ਮਾਣੂੰਕੇ ਨੇ ਕਿਹਾ ਕਿ ਭਾਵੇ ਮੁੱਖ ਮੰਤਰੀ ਰਾਜਾ ਸਾਹਿਬ ਵੱਲੋਂ ਗੜੇਮਾਰੀ ਕਾਰਨ ਹੋਏ ਨੁਕਸਾਨ ਦੀ ਗਿਰਦਾਵਰੀ ਦੇ ਹੁਕਮ ਦਿੱਤੇ ਹਨ,ਪਰ ਇਸ ਕਾਰਵਾਈ ਨੂੰ ਸਿਰਫ ਕਾਗਜੀ ਰੂਪ ਵਿੱਚ ਹੀ ਨਾ ਕੀਤਾ ਜਾਵੇ,ਸਗੋਂ ਕਰਜਿਆਂ ਤੋਂ ਪੀੜਿਤ ਕਿਸਾਨਾਂ ਦੀ ਫਸਲਾਂ ਦੇ ਮੁੱਲ ਦਾ ਬਣਦਾ ਮੁਆਫਜਾ ਜਰੂਰ ਦਿੱਤਾ ਜਾਵੇ।ਉਨ੍ਹਾਂ ਸਰਕਾਰ ਦੀ ਕਿਸਾਨਾਂ ਦੇ ਕਰਜ਼ਾ ਮੁਆਫੀ ਸਕੀਮ ਦੇ ਦਾਅਵਿਆਂ ਦੀ ਫੂਕ ਕਡਦਿਆ ਕਿਹਾ ਕਿ ਜਮੀਨੀ ਪੱਧਰ ਤੇ ਜੁੜੇ ਕਿਸਾਨਾਂ ਤੋ ਨਜਰਅੰਦਾਜ ਕਰਕੇ ਸਰਕਾਰ ਨੇ ਸਿਰਫ ਸਿਆਸੀ ਰਸੂਖ ਰੱਖਣ ਵਾਲੇ ਜਿਆਦਾਤਰ ਵੱਡੇ ਕਿਸਾਨਾਂ ਦੇ ਕਰਜੇ ਮੁਆਫ ਕੀਤੇ ਹਨ ਤੇ ਪੇਡੂ ਵਰਗ ਦੇ ਕਿਸਾਨ ਤਾਂ ਪਹਿਲਾ ਵਾਂਗ ਕਰਜਿਆਂ ਦੀ ਪੰਡ ਨਾ ਸਰਾਹਦੇ ਹੋਏ ਆਤਮ ਹੱਤਿਆਂ ਕਰ ਰਹੇ ਹਨ।

ਜੱਥੇਦਾਰ ਤ੍ਰਿਲੋਚਣ ਸਿੰਘ ਵਿਰਕ (ਯੂ ਐਸ ਏ) ਦੇ ਪਰਿਵਾਰ ਨੇ ਵਿਧਵਾਂ ਜਸਪ੍ਰੀਤ ਕੌਰ ਨੂੰ ਭੇਂਟ ਕੀਤੀ ਰਾਸ਼ੀ

ਪ੍ਰਮਾਤਮਾ ਇਸ ਪੀੜਤ ਪਰਿਵਾਰ ਤੇ ਸਦਾ ਮੇਹਰ ਬਣਾਈ ਰੱਖੇ-ਦਰਸ਼ਨ ਸਿੰਘ ਵਿਰਕ

ਸਵੱਦੀ ਕਲਾਂ/ਭੂੰਦੜੀ 10 ਫਰਵਰੀ (ਨਸੀਬ ਸਿੰਘ ਵਿਰਕ,ਮਨੀ ਰਸੂਲਪੁਰੀ) ਕਸਬਾ ਸਵੱਦੀ ਕਲਾਂ ਨੇੜਲੇ ਪਿੰਡ ਭਰੋਵਾਲ ਚ ਅੱਜ ਹਲਕਾ ਦਾਖਾ ਦੇ ਪਿੰਡ ਵਿਰਕ ਦੇ ਉੱਘੇ ਸਮਾਜਸੇਵੀ ਅਤੇ ਕਿੰਗਜ ਮੇਕਰ ਦੇ ਨਾਮ ਨਾਲ ਜਾਣੇ ਜਾਂਦੇ ਜੱਥੇਦਾਰ ਤ੍ਰਿਲੋਚਣ ਸਿੰਘ ਵਿਰਕ (ਯੂ ਐਸ ਏ) ਦੇ ਵਿਸ਼ੇਸ ਉਪਰਾਲੇ ਸਦਕਾ ਉਹਨਾ ਦੇ ਪਰਿਵਾਰ ਨੇ ਨਗਰ ਭਰੋਵਾਲ ਕਲਾਂ ਦੀ ਵਿਧਵਾ ਜਸਪ੍ਰੀਤ ਕੌਰ ਪਤਨੀ ਸਵ: ਸਤਨਾਮ ਸਿੰਘ ਅਤੇ ਉਹਨਾਂ ਦੀ ਬੇਟੀਆਂ ਅਤੇ ਬੇਟੇ ਨੂੰ 25 ਹਜਾਰ ਦੀ ਰਾਸ਼ੀ ਦਿੱਤੀ ਗਈ । ਇਸ ਸਮੇਂ ਸ: ਦਰਸ਼ਨ ਸਿੰਘ ਵਿਰਕ ਨੇ ਪਰਿਵਾਰ ਨਾਲ ਦੁੱਖ ਸ਼ਾਂਝਾ ਕਰਦੇ ਹੋਏ ਪ੍ਰਮਾਤਮਾ ਅੱਗੇ ਪਰਿਵਾਰ ਤੇ ਮੇਹਰ ਬਣਾਈ ਰੱਖਣ ਦੀ ਅਰਦਾਸ ਬੇਨਤੀ ਕੀਤੀ ਅਤੇ ਵਿਸਵਾਸ ਦਵਾਇਆ ਕਿ ਅੱਗੇ ਵੀ ਔਖੇ ਸੌਖੇ ਸਮੇਂ ਉਹ ਪਰਿਵਾਰ ਨਾਲ ਇਸੇ ਤਰ•ਾ ਖੜ•ਦੇ ਰਹਿਣਗੇ । ਇਸ ਦੁੱਖ ਦੀ ਘੜੀ ਚ ਬੀਬੀ ਹਰਬੰਸ ਕੌਰ ਨੇ ਵੀ ਪਰਿਵਾਰ ਨਾਲ ਦੁੱਖ ਸ਼ਾਂਝਾ ਕੀਤਾ । ਇਸ ਸਮੇਂ ਇੰਨਾ ਦੇ ਨਾਲ ਦਵਿੰਦਰ ਸਿੰਘ ਤਤਲਾ ,ਅਰਸ਼ਪ੍ਰੀਤ ਸਿੰਘ ਤੱਤਲਾ , ਬਲਦੇਵ ਸਿੰਘ ਵਿਰਕ ਅਤੇ ਨਾਨਕੀ ਕੌਰ ਆਦਿ ਹਾਜਰ ਸਨ

ਪੱਗਾਂ ਵਾਲਾ ਪੰਜਾਬ ਸਿਰਜਣ ਲਈ ਕੀਤੇ ਉਪਰਾਲੇ ਨੂੰ ਪੈਣ ਲੱਗਾ ਬੂਰ ,ਪਟਕੇ ਬੰਨ•ਦੇ ਨਿਆਣੇ ਛੇ ਦਿਨਾ ਚ ਦਸਤਾਰਾਂ ਸਜਾਉਣ ਲੱਗੇ

ਸਿੱਖੀ ਸਾਡੀ ਸ਼ਾਨ-ਹਰਪ੍ਰੀਤ ਸਿੰਘ ਸਿੱਧਵਾ

ਚੌਕੀਮਾਨ 10 ਫਰਵਰੀ (ਨਸੀਬ ਸਿੰਘ ਵਿਰਕ) ਸਰਦਾਰੀਆਂ ਟ੍ਰੱਸਟ ਪੰਜਾਬ ਵੱਲੋ ਪੱਗਾਂ ਵਾਲਾ ਪੰਜਾਬ ਸਿਰਜਣ ਲਈ ਜੋ ਪਿਛਲੇ 14 ਸਾਲਾਂ ਤੋਂ ਪੰਜਾਬ ਅਤੇ ਨਾਲ ਦੇ ਸੂਬਿਆਂ ਵਿੱਚ ਟ੍ਰੱਸਟ ਦੇ ਚੇਅਰਮੈਨ ਭਾਈ ਸਤਨਾਮ ਸਿੰਘ ਦਬੜੀਖਨਾ ਦੀ ਯੋਗ ਅਗਵਾਈ ਹੇਠਾ ਦਸਤਾਰ ਸਿਖਲਾਈ ਕੈਂਪ ਅਤੇ ਦਸਤਾਰ ਮੁਕਾਬਲੇ ਕਰਵਾਏ ਜਾ ਰਹੇ ਹਨ। ਉਸ ਲੜੀ ਤਹਿਤ ਪਿੰਡ ਅੱਬੂਪੁਰਾ ਜਿਲਾ ਲੁਧਿਆਣਾ ਵਿਖੇ ਟ੍ਰੱਸਟ ਵੱਲੋ ਬਾਬਾ ਹਰਮੇਲ ਸਿੰਘ ਅੱਬੂਪੁਰਾ ਵਾਲਿਆ ਦੀ ਅਗਵਾਈ ਵਿਚ NR9 ਵੀਰਾਂ ਦੇ ਸਹਿਯੋਗ ਨਾਲ ਦਸਤਾਰ ਸਿਖਲਾਈ ਕੈਂਪ ਮਿਤੀ 3 ਫਰਵਰੀ 2019 ਤੋ 8 ਫਰਵਰੀ 2019 ਤੱਕ ਸਿਖਲਾਈ ਕੈਂਪ ਲਗਾਇਆਂ ਗਿਆ ।ਜਿਸ ਵਿੱਚ 50 ਤੋ 60 ਦੇ ਕਰੀਬ ਬੱਚਿਆ ਨੇ ਭਾਗ ਲਿਆਂ ਉਪਰੰਤ 9 ਫਰਵਰੀ ਨੂੰ ਦਸਤਾਰ ਮੁਕਾਬਲੇ ਕਰਵਾਏ ਗਏ ਜਿਸ ਵਿੱਚ ਬੜੇ ਉਤਸ਼ਾਹ ਨਾਲ ਪਿੰਡ ਦੇ ਅਤੇ ਬਹਾਰੋ ਆਏ ਬੱਚਿਆਂ ਨੇ ਭਾਗ ਲਿਆ ਮੁਕਾਬਲੇ ਵਿੱਚ ਪਹਿਲਾ ਸਥਾਨ ਤੇ ਰਹਿਣ ਵਾਲੇ ਨੌਜਵਾਨ ਨੂੰ 5100 ਦੂਸਰੇ ਸਥਾਨ ਤੇ 3100 ਤੀਸਰੇ ਸਥਾਨ ਤੇ 2100 ਚੋਥੇ ਸਥਾਨ 1100 ਦੇ ਨਗਦ ਇਨਾਮ ਅਤੇ ਟਰਾਫੀਆਂ ਬਾਕੀ ਸਾਰੇ ਨੌਜਵਾਨਾ ਨੂੰ ਸਾਰਟੀਫਿਕੇਟ ਦੇ ਸਨਮਾਨਿਤ ਕੀਤਾ ਗਿਆ । ਦਸਤਾਰਾਂ ਦੀ ਸਿਖਲਾਈ ਸਰਦਾਰੀਆ ਟ੍ਰੱਸਟ ਪੰਜਾਬ ਦੇ ਸੀਨੀਅਰ ਦਸਤਾਰ ਕੋਚ ਪ੍ਰੀਤ ਸਿੰਘ ਸਰਦੂਲਗੜ• ਨੇ ਦਿੱਤੀ ਬਾਬਾ ਹਰਮੇਲ ਸਿੰਘ ਅੱਬੂਪੁਰਾ ਵਾਲੇ, ਅਤੇ ਸਰਪੰਚ ਗੁਰਮੀਤ ਸਿੰਘ ਅਤੇ ਕਥਾ ਵਾਚਕ ਭਾਈ ਜਰਨੈਲ ਸਿੰਘ ਭੈਣੀ ਨੇ ਬੋਲਦਿਆਂ ਟ੍ਰੱਸਟ ਵੱਲੋ ਦਸਤਾਰ ਦੇ ਪ੍ਰਸਾਰ ਨੂੰ ਉੱਪਰ ਚੁੱਕਣ ਲਈ ਕੀਤੇ ਜਾ ਰਹੇ ਉਪਰਾਲਿਆਂ ਦੀ ਸ਼ਲਾਘਾ ਕੀਤੀ ਅਤੇ ਇਸ ਮੋਕੇ ਟ੍ਰੱਸਟ ਵੱਲੋ ਭਾਈ ਸਿੱਧਵਾਂ ਨੇ ਬੋਲਦਿਆਂ ਬੱਚਿਆਂ ਨੂੰ ਦਸਤਾਰ ਦੇ ਇਤਿਹਾਸ ਬਾਰੇ ਜਾਣੂ ਕਰਵਾਉਂਦਿਆਂ ਗੁਰੂਆਂ ਦੁਆਰਾ ਦੱਸੇ ਮਾਰਗ ਤੇ ਚੱਲਣ ਲਈ ਪ੍ਰੇਰਿਆ ਅਤੇ ਪਿੰਡ ਵਾਲਿਆ ਦਾ ਅਤੇ ਪਿੰਡ ਦੇ ਐਨ.ਆਰ ਆਈ ਵੀਰਾ ਦਾ ਵਿਸ਼ੇਸ਼ ਤੋਰ ਤੇ ਧੰਨਵਾਦ ਕੀਤਾ ਜਿਨਾ ਦੇ ਸਹਿਯੋਗ ਸਦਕਾ ਇਹ ਉਪਰਾਲਾ ਸਫਲ ਹੋ ਸਕਿਆਂ ਉਹਨਾ ਨੇ ਬੋਲਦਿਆਂ ਬਾਕੀ ਪਿੰਡਾਂ ਦੇ ਨੌਜਵਾਨ ਵੀਰਾਂ ਨੂੰ ਅਪੀਲ ਕੀਤੀ ਇਹ ਉਪਰਾਲੇ ਹਰ ਪਿੰਡ ਵਿੱਚ ਹੋਣੇ ਚਾਹੀਦੇ ਸਨ ਤਾ ਜੋ ਪਹਿਲਾਂ ਦੀ ਤਰਾ ਪੱਗਾਂ ਵਾਲਾ ਪੰਜਾਬ ਦੁਬਾਰਾ ਤੋ ਸਿਰਜ ਸਕੀਏ। ਇਸ ਮੋਕੇ ਨੋਨੀ ਗਰਚਾ ਕਨੇਡਾ,ਅਮਰਜੀਤ ਸਿੰਘ ਸਾਬਕਾ ਸਰਪੰਚ,ਬੂਟਾ ਸਿੰਘ ਮਨਿੰਦਰਜੀਤ ਸਿੰਘ ,ਵਰਿੰਦਰਜੀਤ ਸਿੰਘ,ਪ੍ਭਦੀਪ ਸਿੰਘ,ਭਿੰਦਰ ਸਿੰਘ,ਹਰਦੀਪ ਸਿੰਘ,ਦਵਿੰਦਰ ਸਿੰਘ ਕਾਲਿਆਂਵਾਲੀ,ਅਸਤਿੰਦਰਜੀਤ ਸਿੰਘ ਆਦਿ ਪਿੰਡ ਦੇ ਸਮੂਹ ਨੌਜਵਾਨ ਅਤੇ ਪਤਵੰਤੇ ਸੱਜਣ ਮੌਜੂਦ ਸਨ।