ਲੁਧਿਆਣਾ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਇਥੋ ਥੋੜੀ ਦੂਰ ਪਿੰਡ ਸ਼ੇਖਦੌਲਤ ਕਬੱਡੀ ਕੱਪ ਵਿਖੇ ਮਸਹੂਰ ਕਬੱਡੀ ਅੰਪਾਇਰ ਬਿੱਲਾ ਗਾਲਿਬ ਦਾ 21000 ਰੁਪਏ ਦੀ ਰਾਸ਼ੀ ਨਾਲ ਵਿਸ਼ੇਸ ਸਨਮਾਨ ਕੀਤਾ ਜਾ ਰਿਹਾ ਹੈ ।ਬਿੱਲਾ ਗਾਲਿਬ ਨੇ ਬਹੁਤ ਚਿਰ ਮਿਹਨਤ ਕਰ ਰਿਹਾ ਹੈ ਉਸ ਨੇ ਪਹਿਲਾਂ ਵੀ ਪੰਜਾਬ ਵਿਚੋ ਬਹੁਤ ਵੱਡੇ ਇਨਾਮ ਜਿੱਤੇ ਹਨ।ਇਸ ਤੇ ਪਿੰਡ ਵਾਸੀਆਂ ਨੂੰ ਬਿੱਲਾ ਗਾਲਿਬ ਤੇ ਬਹੁਤ ਵੱਡਾ ਮਾਣ ਹੈ।ਇਸ ਕਰਕੇ ਕੱਬਡੀ ਕੱਪ ਸੇਖਦੌਲਤ ਵਲੋ ਬਿੱਲਾ ਗਾਲਿਬ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਜਾ ਰਿਹਾ ਹੈ।
 

ਸਵੱਦੀ ਕਲਾਂ  18 ਫਰਵਰੀ (ਬਲਜਿੰਦਰ  ਸਿੰਘ ਵਿਰਕ) ਅੱਜ ਜਲ ਸਪਲਾਈ  ਅਤੇ ਸੈਨੀਟੇਸ਼ਨ ਇੰਪਲਾਈਜ  ਯੂਨੀਅਨ ਦੀ ਮੀਟਿੰਗ ਪ੍ਰਧਾਨ ਹਰਪਾਲ ਸਿੰਘ ਪੱਤੀ ਮੁਲਤਾਨੀ ਦੀ  ਪ੍ਰਧਾਨਗੀ ਹੇਠ ਹੋਈ । ਇਸ ਮੀਟਿੰਗ ਵਿੱਚ ਜਿਲ•ਾ ਪ੍ਰਧਾਨ ਬਲਵੀਰ ਸਿੰਘ  ਨੇ ਵਿਸ਼ੇਸ ਤੌਰ ਤੇ ਸਿਰਕਤ ਕੀਤੀ ਅਤੇ ਮੀਟਿੰਗ ਵਿੱਚ ਬਲਵੀਰ ਸਿੰਘ ਸਿੱਧਵਾਂ ਨੇ  ਪੁਲਵਾਮਾ ਵਿੱਚ ਸੀ ਆਰ ਪੀ ਐਫ ਦੇ ਕਾਫਲੇ ਤੇ ਹੋਏ  ਹਮਲੇ ਵਿੱਚ ਸਾਡੇ ਦੇਸ਼ ਦੇ 42 ਜਵਾਨ ਆਪਣੀਆ ਜਾਨਾਂ ਨਿਛਾਵਰ ਕਰ ਗਏ  ਉਹਨਾ ਦੀ ਸ਼ਹੀਦੀ ਨੂੰ  ਪ੍ਰਣਾਮ ਕਰਦਿਆਂ ਅਤੇ ਦੁੱਖਦਾਈ ਘੜੀ ਵਿੱਚ ਪੀੜਤ ਪਰਿਵਾਰਾਂ ਨਾਲ ਹਮਦਰਦੀ ਪ੍ਰਗਟਾਉਂਦਿਆਂ ਦੁਸ਼ਮਣਾ ਵੱਲੋਂ ਕੀਤੇ ਹਮਲੇ ਦੀ ਕੜੀ ਨਿੰਦਾ ਕੀਤੀ ਅਤੇ ਸਰਕਾਰ ਤੋਂ ਮੰਗ ਕੀਤੀ ਕਿ ਇਸ ਹਮਲੇ ਦਾ ਮੂੰਹ ਤੋੜ ਜੁਬਾਬ ਦਿੱਤਾ ਜਾਵੇ ਅਤੇ ਪੀੜਤ ਪਰਿਵਾਰਾਂ ਦੀ ਵਧ ਤੋਂ ਵਧ ਮਦਦ ਕੀਤੀ ਜਾਵੇ । ਇਸ ਮੌਕੇ ਜਿਲ•ਾ ਪ੍ਰਧਾਨ ਨੇ ਕਿਹਾ ਕਿ ਮੈਡਮ ਰਜ਼ੀਆ ਸੁਲਤਾਨਾ ਕੈਬਨਿਟ ਮੰਤਰੀ ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ  ਪੰਜਾਬ ਵੱਲੋਂ ਜੱਥੇਬੰਦੀ ਦੀਆਂ ਹੱਕੀ ਅਤੇ ਜਾਇਜ ਮੰਗਾਂ ਦੇ ਨਿਪਟਾਰੇ ਸਬੰਧੀ  26 ਫਰਵਰੀ ਨੂੰ ਮੀਟਿੰਗ ਬੁਲਾਈ ਗਈ  ਹੈ ਜੋ ਕਿ ਸਾਡੀ ਜਿੱਤ ਹੈ । ਇਸ ਮੀਟਿੰਗ ਨੂੰ ਬਲਵਿੰਦਰ ਸਿੱਧਵਾਂ  ਅਤੇ ਹਰਪਾਲ ਸਿੰਘ ਪੱਤੀ ਮੁਲਤਾਨੀ  ਨੇ ਵੀ ਸੰਬੋਧਨ ਕੀਤਾਂ  ਅਤੇ ਮੁਲਾਜਮਾਂ ਦਾ ਪਿੱਛਲੇ ਸਮੇਂ ਦਾ ਸਾਰਾ ਰਹਿੰਦਾ ਡੀ ਏ  ਬਕਾਇਆ ਰਿਲੀਜ ਕੀਤਾ ਜਾਵੇ । ਸੀ ਡੀ ਐਫ ਦੇ ਪੈਸੇ ਛੇਤੀ ਤੋ ਛੇਤੀ ਖਾਤਿਆਂ ਵਿੱਚ ਪਾਏ ਜਾਣ ,ਟਾਈਮ ਸਕੇਲਦਿੱਤਾ ਜਾਵੇ ,ਪੰਚਾਇਤੀ ਕਰਨ ਬੰਦ ਕੀਤਾ ਜਾਵੇ ,  ਮੁਲਾਜਮਾ ਦਾ 6162 ਦਾ ਬਕਾਇਆਂ  ਅਤੇ ਬਰਾਬਰ ਕੰਮ ਦਾ ਬਕਾਇਆ ਦਿੱਤਾ ਜਾਵੇ । ਇਸ ਸਮੇਂ ਉਹਨਾ ਨੇ  ਆਏ ਮੁਲਾਜਮਾ ਦੇ ਧਿਆਨ ਹਿੱਤ ਲਿਆਉਂਦੇ ਹੋਏ ਵਿਸ਼ੇਸ ਤੌਰ ਤੇ ਕਿਹਾ ਕਿ  ਐਕਤੀ ਵੀ 9-10-11 ਮਾਰਚ ਨੂੰ  ਲੁਧਿਆਣਾ ਦੇ ਯੂਨੀਅਨ ਦਫਤਰ ਵਿੱਚ ਆਖੰਡ ਪਾਠ ਕਰਵਾਏ ਜਾ ਰਹੇ ਹਨ ਜਿਸ ਵਿੱਚ ਸਾਰੇ ਮੁਲਾਜਮ ਹਾਜਰੀ ਭਰਨ । ਇਸ ਸਮੇਂ ਮੀਟਿੰਗ ਦੌਰਾਨ  ਜਗਮੇਲ ਸਿੰਘ ਵਿਰਕ,ਜਸਵੰਤ ਸਿੰਘ ਵਿਰਕ ,  ਸੁਖਚੈਨ ਸਿੰਘ ,ਗੁਰਜੀਤ ਸਿੰਘ ,  ਬਿਕਰ ਸਿੰਘ ,  ਬਲੀਕਰਨ ਰੂਮੀ ਸਮੇਤ ਵੱਡੀ ਗਿਣਤੀ ਚ ਮੁਲਾਜਮ ਹਾਜਰ ਸਨ ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਨਵਾਂਸ਼ਹਿਰ ਦੀ ਇੱਕ ਅਦਾਲਤ ਵੱਲੋਂ ਤਿੰਨ ਸਿੱਖ ਨੌਜਵਾਨਾਂ ਨੂੰ ਸੁਣਾਈ ਉਮਰ ਕੈਦ ਦੇ ਫੈਸਲੇ ਦੀ ਹਰ ਸੁਤੰਤਰ ਸੋਚ ਰੱਖਣ ਵਾਲੇ ਨੇ ਘੋਰ ਨਿੰਦਾ ਕੀਤੀ ਹੈ।ਮੈਂ ਵੀ ਨਿੋਜੀ ਰੂਪ ਵਿਚ ਇਸ ਸਿੱਖ ਵਿਰੋਧੀ ਫੈਸਲੇ ਦੀ ਸਖਤ ਸ਼ਬਦਾਂ ਵਿਚ ਨਿਖੇਧੀ  ਕਰਦਾ ਹਾਂ।ਸਾਹਿਤ ਰੱਖਣ ਦੇ ਦੋਸ਼ ਵਿਚ ਕਿਸੇ ਨੂੰ ਉਮਰ ਕੈਦ ਦੀ ਸਜ਼ਾਂ ਦੇਣੀ ਹਰਗਿਜ਼ ਜਾਇਜ਼ ਨਹੀਂ।ਇਹ ਸ਼ਬਦਾਂ ਦਾ ਪ੍ਰਗਟਾਵਾ ਪਿੰਡ ਗਾਲਿਬ ਰਣ ਸਿੰਘ ਦੇ ਗੁਰਦੁਆਰਾ ਸਾਹਿਬ ਦੇ ਪ੍ਰਧਾਨ ਭਾਈ ਸਰਤਾਜ ਸਿੰਘ ਨੇ ਕੀਤਾ ਹੈ।ਉਨ੍ਹਾਂ ਕਿਹਾ ਹੈ ਕਿ ਸਾਹਿਤ ਰੱਖਣਾ ਤੇ ਉਸ ਦਾ ਵਿਤਰਣ ਕਰਨਾ ਕਿਸੇ ਤਰ੍ਹਾਂ ਵੀ ਗੁਨਾਹ ਨਹੀਂ ਮੰਨਿਆਂ ਜਾ ਸਕਦਾ।ਅਦਾਲਤ ਦਾ ਫੈਸਲਾ ਸਿੱਖ ਵਿਰੋਧੀ ਮਾਨਸਿਕਤਾ ਨੂੰ ਪ੍ਰਭਾਸ਼ਿਤ ਕਰਦਾ ਹੈ ਅਤੇ ਇਸ ਨਾਲ ਸਿੱਖਾਂ ਨੂੰ ਆਪਣੇ ਦੇਸ਼ ਅੰਦਰ ਬੇਗਾਨਿਆਂ ਵਾਲਾ ਅਹਿਸਾਸ ਕਰਵਾਇਆਂ ਗਿਆ ਹੈ।ਭਾਈ ਸਰਤਾਜ ਸਿੰਘ ਨੇ ਕਿਹਾ ਸਿੱਖਾਂ ਨੇ ਦੇਸ਼ਾਂ ਲਈ ਸਦਾ ਅੱਗੇ ਹੋ ਕੇ ਲੜਾਈ ਲੜੀ ਪਰ ਇਵਜਾਨੇ ਵਿਚ ਇਨ੍ਹਾਂ ਨੂੰ ਹਮੇਸ਼ਾਂ ਬੇਇਨਸਾਫੀ ਹੀ ਮਿਲੀ ਹੈ।1947 ਵਿਚ ਦੇਸ਼ ਵੰਡ ਸਮੇਂ ਵੀ ਸਿੱਖਾਂ ਨਾਲ ਇਨਸਾਫ ਨਾ ਹੋਇਆ।ਸਗੋਂ ਦੇਸ਼ ਦੇ ਗ੍ਰਹਿ ਮੰਤਰੀ ਨੇ ਤਾਂ ਇਥੋਂ ਤੱਕ ਆਖ ਦਿੱਤਾ ਕਿ ਸਿੱਖ ਜੁਰਾਇਮ ਪੇਸ਼ਾ ਕੌਮ ਹੈ।ਜੂਨ 1984 ਵਿਚ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ 'ਤੇ ਹਮਲਾ ਅਤੇ ਨਵੰਬਰ 1984 ਵਿਚ ਸਿੱਖ ਨਸ਼ਲਕੁਸ਼ੀ ਦੇ ਮਾਨਵਤਾ ਵਿਰੋਧੀ ਕਰੂਰ ਕਾਰੇ ਦੇ ਦੋਸ਼ੀਆਂ ਨੂੰ ਤਾਂ ਅਜੇ ਤੱਕ ਸਜਾਵਾਂ ਨਹੀਂ ਦਿੱਤੀਆਂ ਗਈਆਂ ,ਪ੍ਰੰਤੂ ਸਾਹਿਤ ਰੱਖਣ ਦੇ ਦੋਸ਼ ਵਿਚ ਤਿੰਨ ਸਿੱਖਾਂ ਨੂੰ ਦੇਸ਼ਾਂ ਵਿਰੁੱਧ ਜੰਗ ਛੇੜਨ ਦਾ ਦੋਸ਼ੀ ਬਣਾ ਦਿੱਤਾ ਗਿਆ।ਉਨ੍ਹਾਂ ਕਿਹਾ ਕਿ ਇਸ ਤੋਂ ਵੱਧ ਹੈਰਾਨੀਜਨਕ ਗੱਲ ਹੋਰ ਕੀ ਹੋ ਸਕਦੀ ਹੈ ਕਿ ਅਦਾਲਤ ਵਲੋਂ ਸੁਣਾਏ ਫੈਸਲੇ ਵਿਚ ਮਹਾਨ ਆਜਾਦੀ ਘੁਲਾਟੀਏ ਭਾਈ ਰਣਧੀਰ ਸਿੰਘ ਜਿਨ੍ਹਾਂ ਨੇ ਦੇਸ਼ ਲਈ      ਸਾਲ ਜੇਲ੍ਹਾਂ ਕੱਟੀ ,ਦੇ ਸਾਹਿਤ ਨੂੰ ਵੀ ਦੇਸ਼ ਵਿਰੋਧੀ ਬਿਆਨ ਦਿੱਤਾ ਗਿਆ।ਇਹ ਫੈਸਲੇ ਸਿੱਖਾਂ ਨਾਲ ਧੱਕਾ ਹੈ।'ਮੈਂ ਇਸ ਦੀ ਨਿੰਦਾ ਕਰਦਿਆਂ ਉਸ ਕਤਾਰ ਵਿਚ ਖੜ੍ਹਦਾ ਹਾਂ ਜਿਸ ਨੇ ਇਸ ਫੈਸਲੇ ਦੇ ਵਿਰੋਧ ਵਿਚ ਹਾਅ ਦਾ ਨਾਅਰਾ ਮਾਰਿਆਂ।ਇਸ ਸਮੇ ਖਜ਼ਾਨਚੀ ਕੁਲਵਿੰਦਰ ਸਿੰਘ ਛਿੰਦਾ,ਬਲਵਿੰਦਰ ਸਿੰਘ,ਸੁਰਿੰਦਰਪਾਲ ਸਿੰਘ ਫੌਜੀ(ਕਮੇਟੀ ਮੈਂਬਰ) ਆਦਿ ਹਾਜ਼ਰ ਸਨ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਨਜਦੀਕ ਪਿੰਡ ਗਾਲਿਬ ਰਣ ਸਿੰਘ ਦੇ ਸਰਕਾਰੀ ਮਿਡਲ ਸਕੂਲ ਵਿਖੇ ਟੀਚਰ ਸਵ:ਮਾਤਾ ਕਮਲਜੀਤ ਕੌਰ ਦੀ ਯਾਦ 'ਚ ਸਮਾਗਮ ਕਰਵਾਇਆ ਗਿਆ।ਇਸ ਸਮੇ ਸਵ: ਕਮਲਜੀਤ ਕੌਰ ਦੇ ਜਨਮ ਦਿਨ ਦੀ ਯਾਦ ਵਿੱਚ ਉਨ੍ਹਾਂ ਦੇ ਪਤੀ ਸ.ਜਸਮਿੰਦਰ ਸਿੰਘ ਗਿੱਲ ਤੇ ਪਰਿਵਾਰ ਵਲੋ ਸਰਕਾਰੀ ਮਿਡਲ ਸਕੂਲ ਦੇ ਟੀਚਰਾਂ ਨੂੰ 20000 ਰੁਪਏ ਦਾ ਚੈਕ ਦਿੱਤਾ ਗਿਆ।ਇਸ ਸਮੇ ਮਾਸਟਰ ਪਰਮਿੰਦਰ ਸਿੰਘ(ਨੈਸ਼ਨਲ ਐਵਰਾਡ) ਨੇ ਕਿਹਾ ਕਿ ਅਸੀ ਜਿੰਨੇ ਵੀ ਪਿੰਡ ਦੇ ਐਨ.ਆਰ.ਆਈ ਹਨ ਅਸੀ ਸਾਰੇ ਦਾ ਧੰਨਵਾਦ ਕਰਦੇ ਹਾਂ।ਉਨ੍ਹਾਂ ਕਿਹਾ ਸਾਨੂੰ ਸਰਕਾਰ ਦਾ ਸਹਿਯੋਗ ਘੱਟ ਮਿਿਲਆ ਹੈ ਪਰ ਸਾਨੂੰ ਪਿੰਡ ਦੇ ਐਨ.ਆਰ,ਆਈ ਤੇ ਹੋਰ ਸੱਜਣਾਂ ਨੇ ਸਾਨੂੰ ਬਹੁਤ ਸਹਿਯੋਗ ਦਿੱਤਾ ਹੈ।ਮਾਸਟਰ ਜੀ ਨੇ ਕਿਹਾ ਕਿ ਸ.ਜਸਮਿੰਦਰ ਸਿੰਘ ਬੰਬੇ ਵਾਲਿਆਂ ਨੇ ਪਹਿਲਾਂ ਵੀ ਸਾਡੇ ਸਕੂਲ ਨੂੰ ਬਹੁਤ ਮੱਦਦ ਕੀਤੀ ਹੈ।ਇਸ ਸਮੇ ਜਸਮਿੰਦਰ ਸਿੰਘ ਨੇ ਆਪਣੇ ਭਾਸ਼ਣ ਦੌਰਾਨ ਬੱਚਿਆਂ ਨੂੰ ਮਨ ਲਾ ਕੇ ਪੜ੍ਹਨ ਲਈ ਪੇ੍ਰਰਿਤ ਕੀਤਾ।ਉਹਨਾਂ ਆਖਿਆ ਕਿ ਬੱਚੇ ਦੇਸ਼ ਦਾ ਸਰਮਾਇਆ ਹਨ ਅਤੇ ਪੜ ਲਿਖ ਕੇ ਬੱਚੇ ਹੀ ਦੇਸ਼ ਦੀ ਵਾਗਡੋਰ ਸਾਂਭਣ ਦੇ ਹੱਕਦਾਰ ਹਨ।ਉਨ੍ਹਾਂ ਕਿਹਾ ਕਿ ਅੱਜ ਸਰਕਾਰੀ ਸਕੂਲ ਵੀ ਮਹਿੰਗੇ ਪ੍ਰਾਈਵੇਟ ਸਕੂਲਾਂ ਦਾ ਮੁਕਾਬਲਾ ਕਰਦੇ ਹਨ,ਇਨ੍ਹਾਂ ਸਕੂਲਾਂ ਵਿੱਚ ਸਰਕਾਰ ਵੱਲੋ ਹਰ ਸਹੂਕਤ ਮੁਫਤ ਦਿੱਤੀ ਜਾਂਦੀ ਹੈ ਸਾਨੂੰ ਇਨ੍ਹਾਂ ਸਕੂਲਾਂ ਵਿਚ ਬੱਚੇ ਦਾਖਲ ਕਰਕੇ ਸਰਕਾਰੀ ਸਹੂਲਤਾਂ ਦਾ ਲਾਹਾ ਲੈਣਾ ਚਾਹੀਦਾ ਹੈ।ਪ੍ਰੋਗਰਾਮ ਦੇ ਅੰਤ ਵਿੱਚ ਸਕੂਲ ਦੇ ਹੈਡ ਟੀਚਰ ਪਿਰਤਪਾਲ ਸਿੰਘ ਨੇ ਆਏ ਹੋਏ ਮੁੱਖ ਮਹਿਮਾਨ ਤੇ ਦਾਨੀ ਸੱਜਣਾਂ ਦਾ ਧੰਨਵਾਦ ਕੀਤਾ ਅਤੇ ਆਉਣਾ ਵਾਲੇ ਸਮੇ ਵਿੱਚ ਹੋਰ ਸਹਿਯੋਗ ਦੇਣ ਲਈ ਪੇ੍ਰਰਿਤ ਕੀਤਾ।ਇਸ ਸਮੇ ਮਾਸਟਰ ਜੁਗਰਾਜ ਸਿੰਘ,ਮਾਸਟਰ ਮੋਹਣ ਸਿੰਘ,ਬਲਵਿੰਦਰ ਸਿੰਘ(ਸਕੂਲ ਕੇਮਟੀ ਚੇਅਰਮੈਨ) ਸੁਰਿੰਦਰਪਾਲ ਸਿੰਘ ਫੌਜੀ(ਸਕੂਲ ਕੇਮਟੀ ਮੈਂਬਰ) ਅਤੇ ਸਕੂਲ ਸਮੂਹ ਸਟਾਫ ਤੇ ਬੱਚੇ ਹਾਜ਼ਰ ਸਨ