ਲੁਧਿਆਣਾ

ਚੌਕੀਮਾਨ / 4 ਮਾਰਚ   (ਨਸੀਬ ਸਿੰਘ ਬਿਰਕ ) ਐਸ ਜੀ ਪੀ ਸੀ ਚੋਣਾਂ ਤੋਂ ਲੈਕੇ ਹੁਣ ਤੱਕ ਸਾਡੇ ਸੂਬੇ ਪੰਜਾਬ ਅੰਦਰ ਜਿੰਨੀਆ ਵੀ ਚੋਣਾਂ ਹੋਈਆ ਸਭ ਵਿੱਚ ਅਕਾਲੀ ਭਾਜਪਾ ਸਰਕਾਰ ਦੇ ਉਮੀਦਵਾਰਾ ਨੇ ਹੀ ਕਿਲ•ਾ ਸਰ ਕੀਤਾ ਹੈ । ਕਾਂਗਰਸ ਦਾ ਵਜੂਦ ਖਤਮ ਹੁੰਦਾ ਨਜਰ ਆ ਰਿਹਾ ਸੀ ਕਾਂਗਰਸ ਦਾ ਦਿਨ ਪ੍ਰਤੀ ਦਿਨ ਖਤਮ ਹੋਣਾ ਜਿੱਥੇ ਕਾਂਗਰਸ ਪਾਰਟੀ ਦੇ ਉੱਚ ਅਹੁਦੇਦਾਰਾ ਨੂੰ ਫਿਕਰ ਖੜਾ ਕਰ ਰਹੀ ਸੀ ਉੱਥੇ ਹੀ ਹੇਠਲੇ ਲੇਬਲ ਦੇ ਵੋਟਰਾ ਸਪੋਟਰਾ ਲਈ ਵੀ ਕਾਂਗਰਸ ਖਤਮ ਹੋਣਾ ਸਿਰਦਰਦੀ ਬਣਦਾ ਜਾਪ ਰਿਹਾ ਸੀ । ਕੌਮੀ ਪਾਰਟੀ ਕਾਂਗਰਸ ਨੂੰ ਖਤਮ ਹੁੰਦਾ ਵੇਖਕੇ ਆਪਣੇ ਆਪ ਨੂੰ ਕੱਟੜ ਕਾਂਗਰਸੀਏ ਅਖਵਾਉਣ ਵਾਲੇ ਕਈ ਕਾਂਗਰਸੀ ਲੀਡਰ ਅਤੇ ਵਰਕਰ ਅਕਾਲੀਆ ਨਾਲ ਅੰਦਰਖਾਤੇ ਗੁਪਤ ਗੂੰ ਕਰਕੇ ਅਕਾਲੀਦਲ ਦੇ ਬੇੜੇ ਵਿੱਚ ਸਵਾਰ ਹੋ ਗਏ ਸਨ ਇੰਨਾ ਦੇ ਇਸ ਝੂਟੇ ਦਾ ਮੌਕੇ ਤੇ ਹੀ ਪਤਾ ਚੱਲਦਾ ਕਿ ਫਲਾਣਾ ਵੋਟਰ ਸਪੋਟਰ ਅਕਾਲੀ ਦਲ ਦਾ ਪੱਲਾ ਫੜ ਚੁੱਕਾ ਹੈ । ਲਗਾਤਾਰ ਕਾਂਗਰਸੀਆ ਦਾ ਆਪਣੀ ਪਾਰਟੀ ਛੱਡਕੇ ਅਕਾਲੀਦਲ ਵਿੱਚ ਜਾਣ ਦਾ ਮੁੱਖ ਕਾਰਣ ਸੀ ਕਿ ਉਹਨਾ ਨੂੰ ਲੱਗ ਰਿਹਾ ਸੀ ਕਿ ਆਉਂਦੀਆ ਲੋਕ ਸਭਾ ਚੋਣਾਂ ਦੌਰਾਨ ਵੀ ਹਰ ਪਾਸੇ ਵਿਜਯੀ ਰਿਹ ਚੁੱਕੀ ਅਕਾਲੀਦਲ ਹੀ ਆਪਣੇ ਨਾਮ ਦਾ ਝੰਡਾ ਗੱਡੇਗੀ। ਇਸੇ ਤਰਾਂ ਪੰਜਾਬ ਦੇ ਲੋਕ ਸਭਾ ਹਲਕਾ ਲੁਧਿਆਣਾ ਦੇ ਕਈ ਕਟੱੜ ਕਾਂਗਰਸੀਏ ਵੀ ਆਪਣੇ ਮਨ ਅੰਦਰ ਗਲਤ ਸੁੱਫਨੇ ਸੁਰਜੀਤ ਕਰਦੇ ਹੋਏ ਅਕਾਲੀਦਲ ਨੂੰ ਪੂਰੀ ਤਰਾਂ• ਸਮਰਪਿਤ ਹੋ ਗਏ ਸਨ ਕਿਉ ਕਿ ਉਹਨਾ ਨੂੰ ਲੱਗ ਰਿਹਾ ਸੀ ਕਿ ਇਹ ਸੀਟ ਇਸ ਵਾਰ ਪੱਕੀ ਅਕਾਲੀਦਲ ਦੀ ਝੋਲੀ ਪਏਗੀ ਜਿਸ ਕਾਰਣ ਜੇਕਰ ਅਸੀ ਕਾਂਗਰਸ ਵਿੱਚ ਹੀ ਰਹੇ ਤਾਂ ਸਾਡੇ ਕੰਮ ਨਹੀ ਹੋਣੇ । ਪਰ ਕਿਸੇ ਨੇ ਇਹ ਸੱਚ ਲਿਖਿਆ ਹੈ ਕਿ ਜਿਸ ਨੂੰ ਪ੍ਰਮਾਤਮਾ ਵਡਿਆਈ ਦੇਣੀ ਚਾਹੇ ਉਸ ਦੇ ਨਸੀਬ ਵਿੱਚ ਹੁੰਦੀ ਹੈ । 30 ਅਪ੍ਰੈਲ ਨੂੰ ਪਾਈਆਂ ਵੋਟਾ ਤੋਂ ਨਤੀਜੇ ਤੱਕ ਸਭ ਨੂੰ ਇਹ ਹੀ ਲੱਗ ਰਿਹਾ ਸੀ ਕਿ ਅਕਾਲੀ ਉਮੀਦਵਾਰ ਜਿੱਤ ਪ੍ਰਾਪਤ ਕਰੇਗਾ । ਪਰ ਜਦੋ ਨਤੀਜੇ ਦੀ 16 ਮਈ ਆਈ ਤਾਂ ਸਭ ਦੇ ਚਾਵਾਂ ਨੂੰ ਲਾਂਬੂੰ ਲੱਗ ਗਿਆ s9 ਜਿੱਤ ਉਸ ਉਮੀਦਵਾਰ ਦੀ ਹੋ ਗਈ ਜਿਸ ਨੂੰ ਸਾਡੇ ਵੋਟਰ ਵੀਰ ਸਭ ਤੋਂ ਮਾੜਾ ਸਮਝ ਰਹੇ ਸਨ । ਲੁਧਿਆਣਾ ਲੋਕ ਸਭਾ ਹਲਕਾ ਦੀ ਧਰਤੀ ਤੇ ਫਿਰ ਤੋਂ ਕਾਂਗਰਸੀ ਉਮੀਦਵਾਰ ਬਿੱਟੂ ਆ ਧਮਕਿਆਂ ਇੰਨਾ ਆਏ ਨਤੀਜਿਆ ਨੇ ਸਭ ਨੂੰ ਹੌਰ ਭੌਰ ਕਰ ਦਿੱਤਾ । ਅੱਜ ਕੱਲ ਉਹ ਕਾਂਗਰਸੀਏ ਜੋ ਕਿਸੇ ਸਮੇਂ ਭੱਵਿਖ ਨੂੰ ਭਾਫਦੇ ਹੋਏ ਅਕਾਲੀ ਦੇ ਵਿਹੜੇ ਜਾ ਕੁੱਦੇ ਸਨ ਅੱਜ ਆਪਣੇ ਆਪ ਨੂੰ ਅਧੂਰੇ -ਅਧੂਰੇ ਮਹਿਸ਼ੂਸ ਕਰ ਰਹੇ ਹਨ ਪਰ ਹੁਣ ਉਹ ਕਰ ਵੀ ਕੀ ਸਕਦੇ ਹਨ ਬਿੰਨਾ ਪਛਤਾਵੇਂ ਦੇ ਉਹਨਾ ਕੋਲ ਕੁੱਝ ਨਹੀ ਰਿਹਾ ।  ਅਕਾਲੀ ਬਣੇ ਸਭ ਵਰਕਰ ਹੁਣ ਵਿਟਰ-ਵਿਟਰ ਵੇਖ ਰਹੇ ਹਨ ਕਿ ਇਹ ਕੀ ਹੋ ਗਿਆ ਸਭ ਕੁੱਝ ਖਤਮ ਹੋ ਗਿਆ । ਹੁਣ ਕੀ ਕਰਾਂਗੇ ਨਾ ਅਸੀ ਉੱਧਰ ਦੇ ਰਹੇ ਨਾ ਇੱਧਰ ਦੇ ਇੰਨਾ ਨਾਲ ਤਾਂ ਉਹ ਗਈ ਕਿ ਅਸਮਾਨ ਤੋਂ ਡਿੱਗਿਆ ਖੰਜੂਰ ਤੇ ਲਟਕਿਆਂ”। ਇੱਥੇ ਹੀ ਬਸ ਨਹੀ  ਕਾਂਗਰਸ ਛੱਡਕੇ ਅਕਾਲੀਦਲ ਚ ਟਪਕੇ ਕਈ ਵੋਟਰ ਅਤੇ ਸਪੋਟਰ ਇੱਕ ਵਾਰ ਫੇਰ ਸਮਾ ਤਾਕਦੇ ਹੋਏ ਕਾਂਗਰਸ ਦੇ ਵਿਹੜੇ ਆਲੂਆਂ ਵਾਂਗ ਆ ਡਿੱਗੇ  ਜਿੰਨਾ ਨੂੰ ਅੱਜ ਕੱਲ ਸਭ ਕਾਂਗਰਸੀ ਲੀਡਰ ਜਿੱਥੇ ਚਾਹੇ ਉੱਥੇ ਵਰਤ ਰਹੇ ਹਨ ।
 

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਅੱਜ ਪਿੰਡ ਗਾਲਿਬ ਰਣ ਸਿੰਘ ਦੇ ਗੁਰਦੁਆਰਾ ਵਿਖੇ ਸਰਪੰਚ ਜਗਦੀਸ਼ ਚੰਦ ਤੇ ਸਮੂਹ ਪੰਚਾਇਤ ਤੇ ਗੁਰਦੁਆਰਾ ਪ੍ਰਬਧੰਕ ਕਮੇਟੀ ਨੇ ਉਘੇ ਸਮਾਜ ਸੇਵੀ ਮਾਸਟਰ ਲਖਵੀਰ ਸਿੰਘ ਕਨੇਡਾ ਅਤੇ ਉਨ੍ਹਾਂ ਦੀ ਧਰਮਪਤਨੀ ਮਾਸਟਰਨੀ ਬਲਵੰਤ ਕੌਰ ਕਨੇਡਾ ਨੂੰ ਪਿੰਡ ਵਿੱਚ ਕੀਤੀਆਂ ਚੰਗੀਆਂ ਸੇਵਾਵਾਂ ਬਦਲੇ ਸਨਮਨਾਇਤ ਕੀਤਾ ਗਿਆ।ਇਸ ਸਮੇ ਸਰਪੰਚ ਜਗਦੀਸ ਚੰਦ ਨੇ ਕਿਹਾ ਕਿ ਐਨ.ਆਰ.ਆਈ ਮਾਸਟਰ ਲਖਵੀਰ ਸਿੰਘ ਨੇ ਪਿੰਡ ਵਿੱਚ ਕਿਸੇ ਵੀ ਤਰ੍ਹਾਂ ਦਾ ਸਮਾਜ ਸੇਵੀ ਕੰਮ ਲਈ ਆਪਣਾ ਬਹੁਤ ਵੱਡਾ ਯੋਗਦਾਨ ਪਾਇਆ ਹੈ।ਉਨ੍ਹਾਂ ਕਿਹਾ ਕਿ ਮਾਸਟਰ ਜੀ ਵਲੋ ਸਕੂਲ ਨੂੰ ਵਰਦੀਆਂ ਦੇਣੀਆਂ,ਪਿੰਡ ਦੇ ਆਲੇ-ਦੁਆਲੇ ਪੋਦੇ ਲਗਾਉਣੇ,ਸਕੂਲ ਵਿੱਚ ਬੱਚਿਆਂ ਨੂੰ ਨਗਦ ਰਾਸ਼ੀ ਇਨਾਮ ਵਜੋ ਦੇਣੀ ਤੇ ਗਰੀਬਾਂ ਦੀ ਮਦਦ ਕਰਨੀ ਆਦਿ ਵਰਗੇ ਚੰਗੇ ਕੰਮ ਕੀਤੇ ਹਨ।ਇਸ ਸਮੇ ਮਾਸਟਰ ਲਖਵੀਰ ਸਿੰਘ ਨੇ ਕਿਹਾ ਕਿ ਮੈ ਆਉਣ ਵਾਲੇ ਸਮੇ ਵਿੱਚ ਵੀ ਸਮਾਜ ਸੇਵੀ ਕੰਮਾਂ ਵਿੱਚ ਆਪਣਾ ਯੋਗਦਾਨ ਪਾਉਦਾ ਰਹਾਂਗਾ ਤੇ ਮੈ ਸਮੂਹ ਪੰਚਾਇਤ ਤੇ ਨਗਰ ਨਿਵਾਸੀਆਂ ਦਾ ਹਮੇਸ਼ਾ ਰਿਣੀ ਰਹੇਗਾ।ਇਸ ਸਮੇ ਗੁਰਦੁਆਰਾ ਸਾਹਿਬ ਦੇ ਪ੍ਰਧਾਨ ਸਰਤਾਜ ਸਿੰਘ,ਨਿਰਮਲ ਸਿੰਘ,ਜਗਸੀਰ ਸਿੰਘ,ਰਣਜੀਤ ਸਿੰਘ,ਹਰਮਿੰਦਰ ਸਿੰਘ,ਜਸਵਿੰਦਰ ਸਿੰਘ(ਸਾਰੇ ਪੰਚ),ਪਧਾਨ ਜਸਵਿੰਦਰ ਸਿੰਘ,ਖਜਾਨਚੀ ਕੁਲਵਿੰਦਰ ਸਿੰਘ,ਚਮਕੋਰ ਸਿੰਘ ਕਨੇਡਾ,ਸੁਰਿਦਰਪਾਲ ਸਿੰਘ ਫੌਜੀ,ਜਸਵਿੰਦਰ ਸਿੰਘ ਆਦਿ ਹਾਜ਼ਰ ਸਨ।
 

ਲੁਧਿਆਣਾ--ਸੰਨ 1971 ਦੀ ਜੰਗ ਵਿਚ ਲਾਪਤਾ ਹੋਏ ਚੰਡੀਗੜ੍ਹ ਰੋਡ ਸਥਿਤ ਪਿੰਡ ਚੱਕ ਸਵਰਨ ਨਾਥ ਦੇ ਫਲਾਇਟ ਲੈਫਟੀਨੈਂਟ ਗੁਰਦੇਵ ਸਿੰਘ ਰਾਏ ਦਾ ਪਰਿਵਾਰ ਹਾਲੇ ਵੀ ਆਪਣੇ ‘ਅਭਿਨੰਦਨ’ ਦੀ ਉਡੀਕ ਕਰ ਰਿਹਾ ਹੈ। ਦੋ ਦਿਨ ਪਹਿਲਾਂ ਪਾਕਿਸਤਾਨ ਦੇ ਲੜਾਕੂ ਜਹਾਜ਼ ਨੂੰ ਖਦੇੜਦੇ ਹੋਏ ਪਾਕਿਸਤਾਨੀ ਸੈਨਾ ਦੀ ਹਿਰਾਸਤ ’ਚ ਪੁੱਜੇ ਵਿੰਗ ਕਮਾਂਡਰ ਅਭਿਨੰਦਨ ਦੀ ਰਿਹਾਈ ਤੋਂ ਬਾਅਦ ਇਸ ਪਰਿਵਾਰ ਦੀ ਵੀ ਆਸ ਜੱਗੀ ਹੈ ਕਿ ਸ਼ਾਇਦ ਸਰਕਾਰ ਉਨ੍ਹਾਂ ਦੇ ਪਰਿਵਾਰ ਦੀ ਸਾਰ ਲਵੇ। ਦਰਅਸਲ, ਪਿੰਡ ਚੱਕ ਸਵਰਨ ਨਾਥ ਦੇ ਫਲਾਈਟ ਲੈਫਟੀਨੈਂਟ, ਗੁਰਦੇਵ ਸਿੰਘ ਰਾਏ 1971 ਦੀ ਜੰਗ ’ਚ ਉਨ੍ਹਾਂ ਦੇ 54 ਕੈਦੀਆਂ ’ਚ ਸ਼ਾਮਲ ਹੈ, ਜਿਨ੍ਹਾਂ ਬਾਰੇ ’ਚ ਪਾਕਿਸਤਾਨ ਨੇ ਕਦੇ ਮੰਨਿਆ ਹੀ ਨਹੀਂ ਕਿ ਉਹ ਜੰਗਬੰਦੀ ਉਨ੍ਹਾਂ ਕੋਲ ਹੈ।
ਲਾਪਤਾ ਭਾਰਤੀ ਹਵਾਈ ਸੈਨਾ ਦੇ ਜਵਾਨ ਗੁਰਦੇਵ ਦੇ ਪਰਿਵਾਰ ਵਾਲਿਆਂ ਨੇ ਦੱਸਿਆ ਕਿ ਗੁਰਦੇਵ ਸਿੰਘ 1965 ’ਚ ਏਅਰਫੋਰਸ ’ਚ ਭਰਤੀ ਹੋਇਆ ਸੀ। 1971 ਦੀ ਜੰਗ ’ਚ ਉਸ ਨੂੰ ਪਹਿਲਾਂ 3 ਤੇ ਫਿਰ 5 ਪੰਜ ਦਸੰਬਰ ਨੂੰ ਦੁਸ਼ਮਣ ਦੇ ਟਿਕਾਣੇ ਖਤਮ ਕਰਨ ਦਾ ਨਿਸ਼ਾਨਾ ਦਿੱਤਾ ਗਿਆ। ਪੰਜ ਦਸੰਬਰ ਨੂੰ ਉਸ ਨੇ ਰਾਡਾਰ ਤਾਂ ਨਸ਼ਟ ਕਰ ਦਿੱਤੇ, ਪਰ ਬਾਅਦ ’ਚ ਉਸ ਦਾ ਹੈਡਕੁਆਰਟਰ ਨਾਲ ਸੰਪਰਕ ਟੁੱਟ ਗਿਆ। ਪਹਿਲਾਂ ਉਸ ਨੂੰ ਲਾਪਤਾ ਮੰਨਿਆ ਗਿਆ, ਫਿਰ 25 ਜਨਵਰੀ 1974 ਨੂੰ ਏਅਰ ਚੀਫ਼ ਮਾਰਸ਼ਲ ਓ.ਪੀ. ਮਹਿਰਾ ਦੇ ਦਫ਼ਤਰ ਤੋਂ ਗੁਰਦੇਵ ਦੇ ਪਿਤਾ ਨੂੰ ਸੂਚਨਾ ਦਿੱਤੀ ਗਈ ਕਿ ਉਨ੍ਹਾਂ ਦੇ ਲੜਕੇ ਨੂੰ ਸ਼ਹੀਦੀ ਮਗਰੋਂ ਰਾਸ਼ਟਰਪਤੀ ਵੱਲੋਂ ਵੀਰ ਚੱਕਰ ਦਿੱਤਾ ਗਿਆ ਹੈ, ਪਰ ਪਰਿਵਾਰ ਨੇ ਕਦੇ ਉਸ ਨੂੰ ਮ੍ਰਿਤਕ ਮੰਨਿਆ ਹੀ ਨਹੀਂ।
ਉਨ੍ਹਾਂ ਦੇ ਭਤੀਜੇ ਸੁਖਕੁੰਵਰ ਸਿੰਘ ਨੇ ਦੱਸਿਆ 1982 ’ਚ ਦਿੱਲੀ ਤੋਂ ਇੱਕ ਅਖਬਾਰ ’ਚ ਖਬਰ ਪ੍ਰਕਾਸ਼ਿਤ ਹੋਈ, ਜਿਸ ’ਚ ਪਾਕਿ ਜੇਲ੍ਹ ’ਚ ਹੋਰ ਕੈਦੀਆਂ ਸਮੇਤ ਗੁਰਦੇਵ ਦੇ ਵੀ ਬੰਦ ਹੋਣ ਦਾ ਜ਼ਿਕਰ ਸੀ। 1988 ’ਚ ਕੋਟ ਲਖਪੱਤ ਰਾਏ ਜੇਲ੍ਹ ਤੋਂ ਰਿਹਾਅ ਹੋ ਕੇ ਆਏ ਕੈਦੀ ਮੁਖਤਿਆਰ ਸਿੰਘ ਨੇ ਉੱਥੇ ਗੁਰਦੇਵ ਸਿੰਘ ਦੇ ਹੋਣ ਦੀ ਗ਼ੱਲ ਕਹੀ। ਗੁਰਦੇਵ ਦੀ ਭੈਣ ਨੇ ਲੰਦਨ ਦੇ ਇੱਕ ਟੀਵੀ ਚੈਨਲ ’ਤੇ ਅੰਤਰਰਾਸ਼ਟਰੀ ਮਨੁੱਖੀ ਅਧਿਕਾਰ ਸੰਸਥਾ ਦੀ ਇੱਕ ਡਾਕੂਮੈਂਟਰੀ ਦੇਖੀ, ਜਿਸ ’ਚ ਉਸ ਦਾ ਭਰਾ ਗੁਰਦੇਵ ਸਿੰਘ ਵੀ ਸੀ। ਉਸ ਦੇ ਬਾਅਦ ਉਨ੍ਹਾਂ ਨੇ ਉਦੋਂ ਦੇ ਵਿਦੇਸ਼ ਮੰਤਰੀ ਨਟਵਰ ਲਾਲ ਰਾਹੀਂ ਦਬਾਅ ਬਣਾ ਕੇ ਅੰਤਰ ਰਾਸ਼ਟਰੀ ਮਨੁੱਖ ਅਧਿਕਾਰ ਸੰਸਥਾ ਤੋਂ ਜੇਲ੍ਹ ’ਚ ਚੈਕਿੰਗ ਕਰਾਈ ਪਰ ਉੱਥੇ ਗੁਰਦੇਵ ਨਹੀਂ ਮਿਲਿਆ।
ਪਰਿਵਾਰ ਦੇ ਅਨੁਸਾਰ ਕੈਦੀਆਂ ਦੇ ਆਪਣੀਆਂ ਜੇਲ੍ਹਾਂ ’ਚ ਨਾ ਹੋਣ ਦਾ ਦਾਅਵਾ ਕਰਨ ਵਾਲੀ ਪਾਕਿ ਸਰਕਾਰ ਨੂੰ ਪੋਲ ਖੁੱਲ੍ਹ ਜਾਣ ਦਾ ਸ਼ੱਕ ਸੀ, ਇਸ ਲਈ ਉਸ ਨੇ ਭਿਣਕ ਲੱਗਣ ’ਤੇ ਚੈਕਿੰਗ ਤੋਂ ਪਹਿਲਾਂ ਗੁਰਦੇਵ ਨੂੰ ਇੱਧਰ ਉਧਰ ਕਰ ਦਿੱਤਾ ਸੀ। ਪਾਕਿਸਤਾਨ ਦੀ ਕੋਟ ਲਖਪਤ ਰਾਏ ਜੇਲ੍ਹ ’ਚੋਂ ਰਿਹਾਅ ਹੋਏ ਕੈਦੀ ਵੀ ਗੁਰਦੇਵ ਦੇ ਉੱਥੋਂ ਹੋਣ ਦੀ ਹਾਮੀ ਭਰ ਚੁੱਕੇ ਹਨ। ਪਰਿਵਾਰ ਨੂੰ ਆਪਣੇ ਦਾਅਵਿਆਂ ’ਤੇ ਇੰਨਾ ਯਕੀਨ ਹੈ ਕਿ ਜਦੋਂ ਲੁਧਿਆਣਾ ’ਚ ਗੁਰਦੇਵ ਦੀ ਯਾਦ ’ਚ ਬੁੱਤ ਲਗਾਉਣ ਦੀ ਗ਼ੱਲ ਉਠੀ ਤਾਂ ਉਸ ਦੀ ਮਾਂ ਰਣਜੀਤ ਕੌਰ ਨੇ ਇਹ ਕਹਿ ਕੇ ਮਨ੍ਹਾਂ ਕਰ ਦਿੱਤਾ ਸੀ ਕਿ ਉਹ ਆਪਣੇ ਜਿੰਦਾ ਲੜਕੇ ਦਾ ਬੁੱਤ ਨਹੀਂ ਲਵਾਏਗੀ।
ਪਿੰਡ ਹੀਰਾ ਦੇ ਹਾਈ ਸਕੂਲ ਦੇ ਨਾਮ ’ਚ ਵੀ ਫਲਾਈਟ ਲੈਫਟੀਨੈਂਟ ਜੀ.ਐਸ ਰਾਏ ਦੇ ਨਾਲ ਮੈਮੋਰੀਅਲ ਸ਼ਬਦ ਨਹੀਂ ਲਿਖਿਆ ਹੋਇਆ। ਲੜਕੇ ਨੂੰ ਵਾਪਸ ਲਿਆ ਗ਼ਲੇ ਲਾਉਣ ਦੀ ਆਸ ’ਚ ਗੁਰਦੇਵ ਸਿੰਘ ਦੇ ਪਿਤਾ ਕਿਰਪਾਲ ਸਿੰਘ ਤੇ ਮਾਂ ਰਣਜੀਤ ਕੌਰ ਦੁਨੀਆਂ ਤੋਂ ਰੁਖਸਤ ਵਿਦਾ ਹੋ ਗਏ। ਭਰਾ ਸੁਖਦੇਵ ਸਿੰਘ ਵੀ ਆਪਣੇ ਭਰਾ ਦੇ ਲਈ ਸਰਕਾਰਾਂ ਦੇ ਅੱਗੇ ਗ਼ੁਹਾਰ ਲਾਉਂਦਾ ਲਾਉਂਦਾ ਦੁਨੀਆਂ ਤੋਂ ਚਲਾ ਗਿਆ। ਭਤੀਜੇ ਸੁਖਕੁੰਵਰ ਸਿੰਘ ਨੇ ਲੰਬੀ ਲੜਾਈ ਦੇ ਬਾਅਦ ਆਸ ਗਵਾ ਦਿੱਤੀ ਹੈ ਕਿ ਕਦੇ ਉਹ ਆਪਣੇ ਚਾਚੇ ਨੂੰ ਦੇਖ ਪਾਵੇਗਾ, ਪਰ ਸੁਖਕੁੰਵਰ ਅੱਜ ਵੀ ਉਨ੍ਹਾਂ ਨੂੰ ਮ੍ਰਿਤਕ ਮੰਨਣ ਨੂੰ ਰਾਜ਼ੀ ਨਹੀਂ ਹੈ। ਉਹ ਕਹਿੰਦੇ ਹਨ ਕਿ ਬੇਸ਼ੱਕ ਕਾਫ਼ੀ ਸਮਾਂ ਬੀਤ ਚੁੱਕਿਆ ਹੈ, ਪਰ ਦਿਲ ਅੱਜ ਵੀ ਉਨ੍ਹਾਂ ਨੂੰ ਮ੍ਰਿਤਕ ਮੰਨਣ ਨੂੰ ਰਾਜ਼ੀ ਨਹੀਂ ਹੈ। ਇੱਥੇ ਇਹ ਵੀ ਲੱਗਦਾ ਹੈ ਕਿ ਅੱਜ ਵੀ ਉਹ ਪਾਕਿਸਤਾਨ ਦੀ ਕਿਸੇ ਜੇਲ੍ਹ ’ਚ ਬੰਦ ਹੋਣਗੇ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਲੋਕ ਸਭਾ ਚੋਣਾਂ ਦਾ ਪ੍ਰਚਾਰ ਦਾ ਆਗਾਜ਼ ਕਰਨ ਲਈ 7 ਮਾਰਚ ਨੂੰ ਆਲ ਇੰਡੀਆ ਕਾਂਗਰਸ ਦੇ ਪ੍ਰਧਾਨ ਰਾਹੁਲ ਗਾਂਧੀ ਪੰਜਾਬ ਦੇ ਪਿੰਡ ਕਿਲੀ ਚਾਹਲਾਂ ਵਿੱਚ ਪਹੁੰਚ ਰਹੇ ਹਨ।ਪਿੰਡ ਕਿਲੀ ਚਾਹਲਾਂ ਜਿਥੇ ਪਹਿਲਾਂ ਵੀ ਵੱਡੀਆਂ ਰਾਜਨੀਤਕ ਰੈਲੀਆਂ ਹੁ ਚੱੁਕੀਆਂ ਹਨ।ਦੇਰ ਸ਼ਾਮ ਪਿੰਡ ਕਿਲੀ ਚਾਹਲਾਂ ਵਿਖੇ ਰੈਲੀ ਦੇ ਆਯੋਜਨ ਨੂੰ ਲੈ ਕੇ ਪੰਜਾਬ ਪ੍ਰਦੇਸ਼ ਕਾਂਗਰਸ ਦੇ ਸੂਬਾ ਪ੍ਰਧਾਨ ਸੁਨੀਲ ਜਾਖੜ ਤੇ ਮੱੁਖੀ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ੳਐਸਡੀ ਕੈਪਟਨ ਸੰਦੀਪ ਸਿੰਘ ਸੰਧੂ ਨੇ ਜਗਰਾਉ ਤੇ ਮੋਗਾ ਦੀ ਕਾਂਗਰਸੀ ਲੀਡਰਸ਼ਿਪ ਨਾਲ ਦੌਰਾ ਕੀਤਾ।ਇਸ ਦੌਰੇ ਦੌਰਾਨ ਸਮੂਹ ਲੀਡਰਸ਼ਿਪ ਨੂੰ ਦੱਸਿਆ ਕਿ ਪਾਰਟੀ ਵੱਲੋ ਪੰਜਾਬ ਦੀਆਂ ਸਾਰੀਆਂ ਸੀਟਾਂ ਜਿਤਾਉਣ ਦੀ ਜ਼ਿੰਮੇਵਾਰੀ ਲੱਗੀ ਹੈ।ਇਸੇ ਜ਼ਿੰਮੇਵਾਰੀ ਨੂੰ ਤਨਦੇਹੀ ਨਾਲ ਨਿਭਾਉਣ ਦਾ ਸਮਾ ਆ ਗਿਆ ਹੈ।ਉਨ੍ਹਾਂ ਦੱਸਿਆ ਕਿ ਪਿੰਡ ਕਿਲੀ ਚਾਹਲਾਂ ਦੀ ਇਤਿਹਾਸਕ ਰੈਲੀ ;ਚ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਤੇ ਸੀਨੀਅਰ ਲੀਡਰਸ਼ਿਪ ਲੋਕ ਸਭ ਚੋਣਾਂ ਦਾ ਆਗਾਜ਼ ਕਰਨਗੇ।ਉਨ੍ਹਾਂ ਸਮੂਹ ਲੀਡਰਸ਼ਿਪ ਨੂੰ ਇਸ ਰੈਲੀ ਦੀ ਕਾਮਯਾਬੀ ਲਈ ਦਿਨ-ਰਾਤ ਇਕ ਕਰਨ ਦੀ ਅਪੀਲ ਕੀਤੀ।ਇਸ ਮੌਕੇ ਵਿਧਾਇਕ ਦਰਸ਼ਨ ਸਿੰਘ ਬਰਾੜ,ਵਿਧਾਇਕ ਹਰਜੋਤ ਕਮਲ,ਸਤਿੰਦਰਪਾਲ ਸਿੰਘ ਕਾਕਾ ਗਰੇਵਾਲ,ਪ੍ਰਸ਼ੋਤਮ ਲਾਲ ਖਲੀਫਾ,ਸਰਪੰਚ ਜਗਦੀਸ਼ ਚੰਦ ਸ਼ਰਮਾ,ਸਰਪੰਚ ਸਿੰਕਦਰ ਸਿੰੰਘ,ਸਰਪੰਚ ਗੁਰਪੀਤ ਸਿੰਘ ਪੀਤਾ,ਆਦਿ ਹਾਜ਼ਰ ਸਨ।