ਲੁਧਿਆਣਾ

ਸਰਕਾਰ ਬਣਨ ਤੇ ਕਰਾਂਗੇ ਟੈਕਸ ਸਿਸਟਮ ਨੂੰ ਸੌਖਾ-ਬਿੱਟੂ

ਲੁਧਿਆਣਾ- ਅਪ੍ਰੈਲ ( ਇਕਬਾਲ ਸਿੰਘ ਦੇਹਰਕਾਂ )—ਲੁਧਿਆਣਾ ਲੋਕ ਸਭਾ ਹਲਕੇ ਤੋਂ ਕਾਂਗਰਸ ਦੇ ਉਮੀਦਵਾਰ ਰਵਨੀਤ ਸਿੰਘ ਬਿੱਟੂ ਨੇ ਕਿਹਾ ਕਿ ਮੋਦੀ ਸਰਕਾਰ ਨੇ ਨੋਟ ਬੰਦੀ ਅਤੇ ਜੀ ਅੈਸ ਟੀ ਵਰਗੇ ਤੁਗਲਕੀ ਫੈਸਲੇ ਕਰਕੇ ਦੇਸ਼ ਦੇ ਵਪਾਰ ਅਤੇ ਆਰਥਿਕਤਾ ਨੂੰ ਪੂਰੀ ਤਰ੍ਹਾਂ ਤਹਿਸ਼ ਨਹਿਸ਼ ਕਰ ਦਿਤਾ ਹੈ ਅਤੇ ਆਉਂਦੀਆਂ ਲੋਕ ਸਭਾ ਚੋਣਾਂ ਵਿਚ ਇਨ੍ਹਾਂ ਫੈਸਇਆਂ ਖਿਲਾਫ ਲੋਕ ਆਪਣਾ ਫਤਵਾ ਦੇਣ ਲਈ ਤਿਆਰ ਬੈਠੇ ਹਨ। ਹਲਕਾ ਲੁਧਿਆਣਾ ਕੇਂਦਰੀ ਦੇ ਵਾਰਡ ਨੰ. 58 ਦੇ ਕੌਂਸਲਰ ਰਾਜੇਸ਼ ਜੈਨ ਦੀ ਰਿਹਾਇਸ਼ ਤੇ ਭਾਜਪਾ ਨੂੰ ਛੱਡ ਕਾਂਗਰਸ ‘ਚ ਸ਼ਾਮਿਲ ਹੋਏ ਹਰਪ੍ਰੀਤ ਬਾਤੂ ਅਤੇ ਸਤਨਾਮ ਸਿੰਘ ਸੱਤੀ ਦਾ ਪਾਰਟੀ ਵਿੱਚ ਆਉਣ 'ਤੇ ਨਿੱਘਾ ਸਵਾਗਤ ਕੀਤਾ। ਇਸ ਮੌਕੇ ਵਿਧਾਇਕ ਸ਼੍ਰੀ ਸੁਰਿੰਦਰ ਡਾਵਰ ਸੰਜੇ ਤਲਵਾਰ , ਰਾਕੇਸ਼ ਪਾਂਡੇ, ਜ਼ਿਲ੍ਹਾ ਪ੍ਰਧਾਨ ਅਸ਼ਵਨੀ ਸ਼ਰਮਾਂ ਅਤੇ ਬਿੱਟੂ ਨਵਕਰ ਮੌਜੂਦ ਸਨ। ਇਸ ਸਮੇਂ ਆਯੋਜ਼ਤ ਇਕ ਚੋਣ ਸਭਾ ਨੂੰ ਸੰਬੋਧਨ ਕਰਦੇ ਸ. ਬਿੱਟੂ ਨੇ ਕਿਹਾ ਕਿ ਭਾਜਪਾ-ਅਕਾਲੀ ਦਲ ਨੇ ਇਨਾਂ ਚੋਣਾਂ ਵਿਚ ਕਾਲਾ ਧਨ, ਬੇਰੁਜ਼ਗਾਰੀ, ਤੇਜੀ ਨਾਲ ਵੱਧ ਰਹੀ ਮਹਿੰਗਾਈ ਅਤੇ ਹੋਰ ਸਾਰੇ ਜਨਤਕ ਮੁਦਿਆਂ ਤੋਂ ਪੂਰੀ ਤਰ੍ਹਾਂ ਕਿਨਾਰਾ ਕਰਕੇ ਲੋਕਾਂ ਨੂੰ ਗੁੰਮਰਾਹ ਕਰਨ ਲਈ ਭਾਰਤੀ ਫੌਜ ਦੀ ਬਹਾਦਰੀ ਦੀ ਗਲਤ ਵਰਤੋਂ ਕਰਕੇ ਵੋਟਾਂ ਬਟੋਰਨ ਲਈ ਰਾਸ਼ਟਰਵਾਦ, ਧਰਮ ਅਤੇ ਜਾਤੀਵਾਦ ਦਾ ਸਹਾਰਾ ਲਿਆ ਹੈ ਜੋ ਦੇਸ਼ ਅੰਦਰ ਆਪਸੀ ਭਾਈਚਾਰੇ ਅਤੇ ਸ਼ਾਂਤੀ ਲਈ ਵੱਡਾ ਖਤਰਾ ਸਾਬਿਤ ਹੋ ਸਕਦੈ। ਕਾਂਗਰਸ ਪਾਰਟੀ ਵਲੋ ਚੋਣ ਮੈਨੀਫੈਸਟੋ ਵਿਚ 25 ਕਰੋਡ਼ ਗਰੀਬ ਪਰਵਾਰਾਂ ਦੀ ਘੱਟੋ ਘੱਟ ਸਾਲਾਨਾ ਆਮਦਨ 72000 ਹਜਾਰ ਰੁਪਏ ਗਰੰਟੀ ਸਕੀਮ ਇਕ ਵੱਡਾ ਇਨਕਲਾਬੀ ਜਦਮ ਸਾਬਿਤ ਹੋਵੇਗੀ । ਉਨ੍ਹਾਂ ਕਿਹਾ ਕਿ ਮੋਦੀ ਸਰਕਾਰ ਨੇ ਵੱਡੇ ਘਰਾਣਿਆਂ ਦੇ ਸਾਢੇ ਤਿੰਨ ਲੱਖ ਕਰੋਡ਼ ਦੇ ਮਾੜੇ ਕਰਜੇ ਤਾਂ ਸਰਕਾਰੀ ਖਜ਼ਾਨੇ ਚੋਂ ਮੁਆਫ ਕਰ ਦਿਤੇ ਨੇ ਪਰ ਗਰੀਬ ਜਨਤਾ ਦੀ ਦਸ਼ਾ ਸੁਧਾਰਨ ਵਲ ਕੋਈ ਧਿਆਨ ਨਹੀਂ ਦਿਤਾ । ਉਨ੍ਹਾਂ ਕਿਹਾ ਕਿ ਸ਼ਹਿਰ ਅੰਦਰ ਬੈਂਸ ਭਰਾਵਾਂ ਨੂੰ ਦੋ ਵਾਰ ਜਿਤਾ ਕੇ ਵੱਡੀ ਗਲਤੀ ਹੋਈ ਹੈ ਕਿਉਂਕਿ ਇਨ੍ਹਾਂ ਦੇ ਝਗੜਾਲੂ ਰਵੱਈਏ ਕਾਰਨ ਇਨ੍ਹਾਂ ਦੇ ਹਲਕਿਆਂ ਦੀ ਹਾਲਤ ਨਰਕ ਦੇ ਸਾਮਾਨ ਹੋ ਗਈ ਹੈ ਅਤੇ ਅਕਾਲੀ ਸਰਕਾਰ ਵੀ ਮਾਫੀਆਂ ਰਾਹੀਂ ਲੁੱਟਣ ਤੋਂ ਸਿਵਾਏ ਜਨਤਾ ਦੀਆਂ ਮੁਸ਼ਕਲਾਂ ਹਲ ਕਰਨ ਵਿਚ ਪੂਰੀ ਤਰ੍ਹਾਂ ਨਾਕਾਮ ਰਹੀ ਸੀ। ਉਨਾ ਕਿਹਾ ਕਿ ਹੁਣ ਕਾਂਗਰਸ ਦੀ ਸਰਕਾਰ ਨੇ ਆਰਥਿਕ ਸਥਿਤੀ ਵਿਚ ਸੁਧਾਰ ਕਰਕੇ ਸ਼ਹਿਰਾਂ ਦੇ ਵਿਕਾਸ ਨੂੰ ਤੇਜ ਕਰਨ ਦਾ ਇਕ ਸ਼ਾਨਦਾਰ ਰੋਡਮੈਪ ਤਿਆਰ ਕੀਤਾ ਹੈ ਜਿਸ ਨਾਲ ਲੁਧਿਆਣਾ ਦੀ ਨੁਹਾਰ ਪੂਰੀ ਤਰ੍ਹਾਂ ਬਦਲੀ ਜਾਵੇਗੀ । ਉਨ੍ਹਾਂ ਕਿਹਾ ਪਿਛਲੇ ਪੰਜ ਸਾਲਾਂ ਦੌਰਾਨ ਲੋਕ ਸਭਾ ਵਿਚ ਉਨ੍ਹਾਂ ਨੇ ਪੰਜਾਬ ਦੇ ਸਾਰੇ ਮੈਂਬਰਾਂ ਨਾਲੋਂ ਵੱਧ 484 ਜਨਤਕ ਮੁੱਦੇ ਉਠਾਏ ਹਨ ਅਤੇ ਉਹ ਹਮੇਸ਼ਾਂ ਸ਼ਹਿਰ ਵਾਸੀਆਂ ਦੀਆਂ ਮੁਸ਼ਕਲਾਂ ਹੱਲ ਕਰਾਉਣ ਲਈ ਹਾਜਿਰ ਰਹੇ ਹਨ। ਉਨਾਂ ਵੋਟਰਾਂ ਨੂੰ ਅਪੀਲ ਕੀਤੀ ਕਿ ਉਨਾਂ ਦੀ ਕਾਰਗੁਜਾਰੀ ਨੂੰ ਮੁੱਖ ਰੱਖਦੇ ਇਕ ਮੌਕਾ ਹੋਰ ਦੇਣ ਤਾਂ ਕਿ ਸ਼ਹਿਰ ਦੇ ਵਿਕਾਸ ਅਧੂਰੇ ਪਏ ਕੰਮ ਮੁਕੰਮਲ ਕਰਾਏ ਜਾ ਸਕਣ। ਹਲਕਾ ਵਧਾਇਕ ਸੁਰਿੰਦਰ ਡਾਵਰ ਨੇ ਕਿਹਾ ਕਿ ਸ. ਬਿੱਟੂ ਨੇ ਸ਼ਹਿਰ ਦੇ ਵਿਕਾਸ ਲਈ ਹਮੇਸ਼ਾਂ ਕੇਂਦਰ ਅਤੇ ਪੰਜਾਬ ਸਰਕਾਰ ਤੋਂ ਵੱਧ ਤੋਂ ਵੱਧ ਫੰਡ ਜਾਰੀ ਕਰਾਉਣ ਲਈ ਉਪਰਾਲੇ ਕੀਤੇ ਹਨ ਉਨ੍ਹਾਂ ਦਾਅਵਾ ਕੀਤੇ ਕਿ ਇਨ੍ਹਾਂ ਚੋਣਾਂ ਵਿਚ ਵੀ ਸ. ਬਿੱਟੂ ਨੂੰ ਜਨਤਾ ਵੱਡੇ ਫਰਕ ਨਾਲ ਜਿਤਾਏਗੀ। ਸਮਾਗਮ ਨੂੰ ਹੋਰਨਾਂ ਤੋਂ ਇਲਾਵਾ ਕੌਂਸਲਰ ਅਨਿਲ ਮਲਹੋਤਰਾ ਵੀ ਹਾਜਿਰ ਸਨ। ਬਾਅਦ ਵਿਚ ਸ. ਬਿੱਟੂ ਅਤੇ ਦੂਜੇ ਨੇਤਾਵਾਂ ਨੇ ਵਾਰਡ ਨੰ. 51 ਵਿਚ ਇਕ ਭਰਵੀਂ ਚੋਣ ਸਭਾ ਨੂੰ ਸੰਬੋਧਨ ਕਰਦੇ ਵੋਟਰਾਂ ਨੂੰ ਦੇਸ਼ ਅਤੇ ਸੂਬੇ ਦੇ ਤੇਜ ਵਿਕਾਸ ਨੂੰ ਯਕੀਨੀ ਬਣਾਉਣ ਲਈ ਕਾਂਗਰਸ ਉਮੀਦਵਾਰ ਬਿਟੂ ਨੂੰ ਭਾਰੀ ਫਰਕ ਨਾਲ ਜਿਤਾਉਣ ਦੀ ਅਪੀਲ ਕੀਤੀ

ਵੋਟਰ ਜਾਗਰੂਕਤਾ ਸੰਬੰਧੀ ਸਾਈਕਲ ਰੈਲੀ ਦਾ ਆਯੋਜਨ

ਜਗਰਾਂਉ -ਅਪ੍ਰੈੱਲ ( ਮਨਜਿੰਦਰ ਗਿੱਲ )—ਭਾਰਤੀ ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ 'ਤੇ ਵੋਟਾਂ ਦਾ ਤਿਉਹਾਰ ਪ੍ਰੋਗਰਾਮ ਤਹਿਤ ਵੋਟਰਾਂ ਨੂੰ ਵੋਟ ਪਾਉਣ ਦੇ ਅਧਿਕਾਰ ਬਾਰੇ ਜਾਗਰੂਕ ਕਰਨ ਲਈ ਅੱਜ ਸਾਈਕਲ ਰੈਲੀ ਕੱਢੀ ਗਈ। ਇਹ ਸਾਈਕਲ ਰੈਲੀ ਦਫ਼ਤਰ ਉਪ ਮੰਡਲ ਮੈਜਿਸਟਰੇਟ, ਜਗਰਾਉਂ ਤੋਂ ਸ਼ੁਰੂ ਹੋਈ, ਜੋ ਸ਼ਹਿਰ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਦੀ ਹੁੰਦੀ ਹੋਈ ਵਾਪਸ ਦਫ਼ਤਰ ਉਪ ਮੰਡਲ ਮੈਜਿਸਟਰੇਟ, ਜਗਰਾਉਂ ਵਿਖੇ ਸਮਾਪਤ ਹੋਈ। ਰੈਲੀ ਸ਼ੁਰੂ ਹੋਣ ਤੋਂ ਪਹਿਲਾਂ ਡਾ: ਬਲਜਿੰਦਰ ਸਿੰਘ ਢਿੱਲੋਂ ਸਹਾਇਕ ਰਿਟਰਨਿੰਗ ਅਫ਼ਸਰ, ਲੋਕ ਸਭਾ ਹਲਕਾ ਲੁਧਿਆਣਾ-ਕਮ-ਉਪ ਮੰਡਲ ਮੈਜਿਸਟਰੇਟ, ਜਗਰਾਉਂ ਨੇ ਵੱਖ-ਵੱਖ ਮਹਿਕਮਿਆਂ ਤੋਂ ਆਏ ਸਰਕਾਰੀ ਅਧਿਕਾਰੀ/ਕਰਮਚਾਰੀਆਂ, ਸਮਾਜਿਕ ਜਥੇਬੰਦੀਆਂ, ਸਕੂਲਾਂ ਦੇ ਵਿਦਿਆਰਥੀਆਂ ਦਾ ਰੈਲੀ ਵਿੱਚ ਸ਼ਾਮਿਲ ਹੋਣ 'ਤੇ ਜੀ ਆਇਆ ਆਖਿਆ। ਡਾ: ਢਿੱਲੋਂ ਨੇ ਕਿਹਾ ਕਿ ਸਾਡਾ ਸਾਰਿਆਂ ਦਾ ਫਰਜ਼ ਬਣਦਾ ਹੈ ਕਿ ਅਸੀਂ 19 ਮਈ 2019 ਨੂੰ ਬਿਨਾਂ ਕਿਸੇ ਡਰ, ਭੈ, ਲਾਲਚ ਦੇ ਆਪਣੇ ਵੋਟ ਦੇ ਹੱਕ ਦਾ ਇਸਤੇਮਾਲ ਕਰੀਏ। ਉਨਾਂ ਕਿਹਾ ਕਿ ਪ੍ਰਸ਼ਾਸਨ ਵੱਲੋਂ ਦਿਵਿਆਂਗ ਅਤੇ ਬਜੁਰਗ ਵੋਟਰਾਂ ਦੀਆਂ ਵੋਟਾਂ ਪਵਾਉਣ ਲਈ ਖਾਸ ਪ੍ਰਬੰਧ ਕੀਤੇ ਜਾ ਰਹੇ ਹਨ ਅਤੇ ਔਰਤਾਂ ਨੂੰ ਵੀ ਵੱਧ ਤੋਂ ਵੱਧ ਗਿਣਤੀ ਵਿੱਚ ਵੋਟਾਂ ਪਾਉਣ ਲਈ ਪ੍ਰੇਰਿਆ ਜਾ ਰਿਹਾ ਹੈ। ਇਸ ਮੌਕੇ ਡਾ: ਢਿੱਲੋਂ ਨੇ ਹਾਜ਼ਰੀਨ ਨੂੰ ਵੋਟ ਪ੍ਰਣ ਦੀ ਸਹੁੰ ਵੀ ਚੁਕਾਈ ਕਿ ਭਾਰਤ ਦੇ ਨਾਗਰਿਕ ਲੋਕਤੰਤਰ ਵਿੱਚ ਵਿਸ਼ਵਾਸ਼ ਰੱਖਦੇ ਹੋਏ ਪ੍ਰਣ ਕਰਦੇ ਹਾਂ ਕਿ ਅਸੀਂ ਆਪਣੇ ਦੇਸ਼ ਦੀਆਂ ਲੋਕਤਾਂਤਰਿਕ ਪਰੰਪਰਾਵਾਂ ਨੂੰ ਬਣਾਈ ਰੱਖਾਂਗੇ ਅਤੇ ਸੁਤੰਤਰ, ਨਿਰਪੱਖ ਅਤੇ ਸ਼ਾਂਤੀਪੂਰਨ ਚੋਣ ਦੀ ਗਰਿਮਾ ਨੂੰ ਬਰਕਰਾਰ ਰੱਖਦੇ ਹੋਏ, ਨਿਡਰ ਹੋ ਕੇ, ਧਰਮ, ਵਰਗ, ਜਾਤੀ, ਸਮੁਦਾਇ, ਭਾਸ਼ਾ ਜਾਂ ਹੋਰ ਕਿਸੇ ਵੀ ਲਾਲਚ ਦੇ ਪ੍ਰਭਾਵ ਤੋਂ ਬਿਨਾਂ ਚੋਣਾਂ ਵਿੱਚ ਆਪਣੇ ਵੋਟ ਦੇ ਹੱਕ ਦਾ ਇਸਤੇਮਾਲ ਕਰਾਂਗੇ। ਰੈਲੀ ਦੌਰਾਨ ਸਕੂਲਾਂ ਦੇ ਵਿਦਿਆਰਥੀਆਂ ਵੱਲੋਂ ਵੋਟਰਾਂ ਨੂੰ ਵੋਟ ਪਾਉਣ ਨੂੰ ਦਰਸਾਉਂਦੇ ਸਲੋਗਨ ਲਿਖ ਕੇ ਆਪਣੇ ਸਾਈਕਲਾਂ 'ਤੇ ਲਗਾਏ ਹੋਏ ਸਨ।

ਸਿਮਰਨਜੀਤ ਕੌਰ ਨੇ ਫਿਰ ਚਮਕਾਇਆ ਚਕਰ ਦਾ ਨਾਮ

ਲੁਧਿਆਣਾ-(ਮਨਜਿੰਦਰ ਗਿੱਲ)-ਸੀਨੀਅਰ ਵਿਸ਼ਵ ਬਾਕਸਿੰਗ ਚੈਂਪੀਅਨਸ਼ਿਪ ਵਿੱਚੋਂ ਕਾਂਸੀ ਦਾ ਤਗਮਾ ਜੇਤੂ ਸਿਮਰਨਜੀਤ ਕੌਰ ਨੇ ਥਾਈਲੈਂਡ ਵਿਖੇ ਹੋਈ ਏਸ਼ੀਅਨ ਬਾਕਸਿੰਗ ਚੈਪੀਅਨਸ਼ਿਪ ਵਿੱਚੋਂ ਸਿਲਵਰ ਮੈਡਲ ਜਿੱਤ ਕੇ ਚਕਰ ਦਾ ਨਾਮ ਰੌਸ਼ਨ ਕੀਤਾ।ਲੁਧਿਆਣੇ ਜਿਲੇ ਦੇ ਇਸ ਖੂਬਸੂਰਤ ਲੀਡ ਦਾ ਹੈ ਖੂਬਸੂਰਤ ਇਤਿਹਾਸ। ਪਿੰਡ ਵਾਸੀਆਂ ਵਲੋਂ ਜਦੋ ਤੋਂ ਅਕਾਡਮੀ ਬਨਾਈ ਗਈ ਹੈ ਬਹੁਤ ਸਾਰੇ ਮੈਡਲ ਇਸ ਪਿੰਡ ਦੀ ਝੋਲੀ ਪਏ ਹਨ ਅੱਜ ਫੇਰ ਬੀਬੀ ਸਿਮਰਨ ਜੀਤ ਕੌਰ ਨੇ ਪਿੰਡ ਅਤੇ ਇਲਾਕਾ ਵਾਸੀਆਂ ਦਾ ਸਿਰ ਫਖਰ ਨਾਲ ਉਚਾ ਕੀਤਾ ਹੈ।ਇਸ ਸਭ ਦੀ ਜਾਣਕਾਰੀ ਸ ਬਲਵੰਤ ਸਿੰਘ ਸਿੱਧੂ ਨੇ ਸਾਡੇ ਨਾਲ ਸਾਜੀ ਕੀਤੀ ਅਤੇ ਸਮੂਹ ਖੇਡ ਪ੍ਰੇਮੀਆਂ ਨੂੰ ਬਹੁਤ ਬਹੁਤ ਮੁਬਾਰਕਾਂ ਵੀ ਦਿੱਤੀਆਂ।

ਆਪ ਉਮੀਦਵਾਰ ਪੋ੍ਰ: ਤੇਜਪਾਲ ਸਿੰਘ ਗਿੱਲ ਨੇ ਵੱਖ-ਵੱਖ ਪਿੰਡਾ ਦਾ ਕੀਤਾ ਦੌਰਾ,ਅਕਾਲੀ ਤੇ ਕਾਂਗਰਸੀ ਅਪਾਸ ਵਿਚ ਮਿਲੇ ਹੋਏ ਹਨ:ਵਿਧਾਇਕ ਮਾਣੰੂਕੇ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਆਪ ਪਾਰਟੀ ਦੇ ਲੋਕ ਸਭਾ ਹਲਕਾ ਲੁਧਿਆਣਾ ਦੇ ਉਮੀਦਵਾਰ ਪੋ੍ਰ. ਤੇਜਪਾਲ ਸਿੰਘ ਗਿੱਲ ਨੇ ਵੱਖ-ਵੱਖ ਪਿੰਡਾਂ ਤਹਿਤ ਪਿੰਡ ਕਾਉਂਕੇ ਕਲਾਂ,ਡਾਗੀਆਂ,ਕੋਠੇ ਰਾਹਲਾਂ,ਆਦਿ ਦੌਰਾ ਕੀਤਾ।ਇਸ ਸਮੇ ਹਲਕਾ ਵਿਧਾਇਕ ਬੀਬੀ ਸਰਵਜੀਤ ਕੌਰ ਮਾਣੰੂਕੇ ਨੇ ਸ਼ਹਿਰ ਤੇ ਵੱਖ-ਵੱਖ ਪਿੰਡਾਂ ਵਿੱਚ ਮੀਟਿੰਗਾਂ ਕੀਤੀਆਂ ਗਈਆਂ।ਵਿਧਾਇਕ ਮਾਣੰੂਕੇ ਨੇ ਕਿਹਾ ਕਿ ਪੋ੍ਰ: ਤੇਜਪਾਲ ਸਿੰਘ ਗਿੱਲ ਇੱਕ ਇਮਨਦਾਰ,ਪੜੇ੍ਹ ਲਿਖੇ,ਮਿਹਨਤੀ,ਨੌਜਵਾਨ,ਸਝੂਵਾਨ ਆਗੂ ਹਨ ਇਸ ਸਾਡੇ ਲਈ ਸੁਨਿਹਰੀ ਮੌਕਾ ਹੈ ਕਿ ਅਸੀ ਸਾਰੇ ਏਕਤਾ ਦਾ ਸਬੂਤ ਦਿੰਦਿਆਂ ਹੋਏ 19 ਮਈ ਨੂੰ ਆਪਣੀ ਇੱਕ ਇੱਕ ਕੀਮਤੀ ਵੋਟ ਚੋਣ ਨਿਸਾਨ ਝਾੜੂ ਦੇ ਲਗਾਕੇ ਪੋ੍ਰ: ਤੇਜਪਾਲ ਸਿੰਘ ਗਿੱਲ ਨੂੰ ਕਾਮਯਾਬ ਕਰਨ।ਵਿਧਾਇਕ ਨੇ ਕਿਹਾ ਕਿ ਕਾਂਗਰਸ ਤੇ ਅਕਾਲੀ ਆਪਸ ਵਿਚ ਇੱਕਠੇ ਹਨ ਤੇ ਹਰ ਵਾਰ ਲੋਕ ਨੂੰ ਮੂਰਖ ਬਣਾਉਦੇ ਹਨ ਜਦੋ ਵੀ ਅਕਾਲੀ ਪਿੰਡਾਂ ਵਿੱਚ ਜਾਦੇ ਹਨ ਤਾਂ ਕਾਲੀ ਝੰਡੀਆਂ ਦਾ ਸਹਮਾਣਾ ਕਰਨ ਪੈਦਾਂ ਹੈ।ਲੋਕਾਂ ਨੂੰ ਕਾਂਗਰਸ ਤੇ ਅਕਾਲੀ ਪਾਰਟੀ ਤੇ ਕੋਈ ਵੀ ਵਿਸਵਾਸ਼ ਨਹੀ ਰਿਹਾ ਕਿਉਕਿ ਇਹਨਾਂ ਨੇ 10 ਸਾਲਾਂ ਵਿੱਚ ਤੇ ਕੈਪਟਨ ਨੇ 2ਸਾਲਾਂ ਵਿੱਚ ਹਲਕੇ ਵਿਕਾਸ ਵੱਲ ਕੋਈ ਵੀ ਧਿੳਾਂਨ ਨਹੀ ਦਿੱਤਾ।ਇਸ ਸਮੇ ਗੋਪੀ ਸ਼ਰਮਾ,ਨਿੱਕਾ ਗਾਲਿਬ,ਅਮਰਦੀਪ ਸਿੰਘ,ਜਸਪਾਲ ਸਿੱਧਵਾਂ,ਅਮਨ ਮਹਿਤਾ.ਕੁਲਦੀਪ ਸਿੰਘ ਘਾਗੂ,ਧਰਮਿੰਦਰ ਸਿੰਘ ਆਦਿ ਹਾਜ਼ਰ ਸਨ।

ਇਲਾਹਬਾਦ ਬੈਂਕ ਦੇ 155 ਸਾਲ ਪੂਰੇ ਹੋਣ ਤੇ ਮਨਾਇਆ ਸਮਾਗਮ

ਚੌਕੀਮਾਨ 25 ਅਪ੍ਰੈਲ (ਨਸੀਬ ਸਿੰਘ ਵਿਰਕ) ਇਲਾਹਾਬਾਦ ਬੈਂਕ ਹੰਬੜਾ ਦੇ 155 ਸਾਲ ਪੂਰੇ ਹੋਣ ਤੇ ਇਲਾਕੇ ਦੇ ਪੱਤਵੰਤਿਆ ਵੱਲੋਂ ਸਮੂਹ ਸਟਾਫ ਨੂੰ ਵਧਾਈ ਦਿੰਦੇ ਹੋਏ ਕੇਕ ਕੱਟਿਆ ਗਿਆ । ਇਸ ਸਮੇਂ ਪ੍ਰਧਾਨ ਕੁਲਦੀਪ ਸਿੰਘ ਸਲੇਮਪੁਰਾ ਨੇ ਪੱਤਰਕਾਰਾਂ ਦੇ ਰੁਬਰੂ ਹੁੰਦੇ ਹੋਏ ਕਿਹਾ ਕਿ ਇਸ ਬੈਂਕ ਦੇ ਇਮਾਨਦਾਰ ਅਤੇ ਮਿਹਨਤੀ ਸਟਾਫ ਕਰਕੇ ਇਸ ਬੈਂਕ ਚ ਖਾਤਾ ਲਾਭਪਾਤਰੀਆ ਦੀ ਕੋਈ ਕਮੀ ਨਹੀ ਹੈ ਇਸ ਬੈਂਕ ਨੁੰ ਇੱਥੇ ਖੁਲ੍ਹਿਆ 155 ਸਾਲ ਹੋ ਗਏ ਹਨ ਜਿਸ ਦੀ ਖੁਸ਼ੀ ਚ ਇਲਾਕਾ ਨਿਵਾਸੀਆ ਨੇ ਜਨਮ ਦਿਨ ਵਜੋ ਕੇਕ ਕੱਟਕੇ ਖੁਸ਼ੀ ਮਨਾਈ ।

ਦਸਤਾਰ ਕੱਪ ਫਾਈਨਲ ਮੁਕਾਬਲਾ 28 ਅਪ੍ਰੈਲ ਨੂੰ:- ਸਿੱਧਵਾਂ

ਦਸਤਾਰ ਕੱਪ ਸਮਰਾਲਾ ਜਿੱਤਣ ਵਾਲੇ ਦਾ ਹੋਵੇਗਾ ਮੋਟਰਸਾਈਕਲ ਨਾਲ ਸਨਮਾਨ

ਚੌਕੀਮਾਨ 25 ਅਪ੍ਰੈਲ (ਨਸੀਬ ਸਿੰਘ ਵਿਰਕ) ਖਾਲਸਾ ਸਾਜਨਾ ਦਿਵਸ ਅਤੇ ਦਸਤਾਰ ਦਿਵਸ ਨੂੰ ਸਮਰਪਿਤ ਕੌਮ ਦੀਆਂ ਸਿਰਮੌਰ ਜਥੇਬੰਦੀਆਂ ਭਾਈ ਮਰਦਾਨਾ ਜੀ ਚੈਰੀਟੇਬਲ ਸੁਸਾਇਟੀ ਅਤੇ ਸਰਦਾਰੀਆਂ ਟ੍ਰੱਸਟ ਪੰਜਾਬ ਵੱਲੋਂ ਪੱਗਾਂ ਵਾਲਾ ਪੰਜਾਬ ਸਿਰਜਣ ਲਈ ਜੋ ਪਿਛਲੇ 15 ਸਾਲਾਂ ਤੋਂ ਪੰਜਾਬ ਅਤੇ ਨਾਲ ਦੇ ਸੂਬਿਆਂ ਵਿੱਚ ਲਗਤਾਰ ਦਸਤਾਰ ਸਿਖਲਾਈ ਕੈਂਪ ਅਤੇ ਦਸਤਾਰ ਮੁਕਾਬਲੇ ਕਰਵਾਏ ਜਾਦੇ ਹਨ ਉਸ ਲੜੀ ਤਹਿਤ ਜਿਲਾ ਲੁਧਿਆਣਾ ਸਮਰਾਲਾ ਵਿੱਚ ਦਸਤਾਰ ਕੱਪ 2019 ਕਰਵਾਇਆ ਜਾ ਰਿਹਾ ਜਿਸ ਦੇ ਐਡੀਸ਼ਨ ਸਫਲਤਾਪੂਰਵਕ ਸੰਪੰਨ ਹੋ ਚੱਕੇ ਹਨ ਸਰਦਾਰੀਆਂ ਟ੍ਰੱਸਟ ਪੰਜਾਬ ਦੇ ਚੇਅਰਮੈਨ ਭਾਈ ਸਤਨਾਮ ਸਿੰਘ ਦਬੜੀਖਾਨਾ ਜੀ ਯੋਗ ਅਗਵਾਈ ਹੇਠਾ ਤਿਆਰੀਆਂ ਜ਼ੋਰਾਂ ਤੇ ਚੱਲ ਰਹੀਆਂ ਹਨ ਟ੍ਰੱਸਟ ਦੇ ਸੇਵਾਦਾਰ ਭਾਈ ਹਰਪ੍ਰੀਤ ਸਿੰਘ ਸਿੱਧਵਾਂ ਅਤੇ ਭਾਈ ਮਰਦਾਨਾ ਜੀ ਚੈਰੀਟੇਬਲ ਸੁਸਾਇਟੀ ਦੇ ਮੈਂਬਰਾਂ ਨੇ ਗੱਲਬਾਤ ਕਰਦਿਆਂ ਦੱਸਿਆਂ ਸਾਰੇ ਐਡੀਸ਼ਨਾ ਵਿੱਚ ਨੌਜਵਾਨਾਂ ਵਿੱਚ ਬਹੁਤ ਉਤਸ਼ਾਹ ਦੇਖਣ ਨੂੰ ਮਿਲਿਆ ਹਜਾਰਾ ਦੀ ਗਿਣਤੀ ਵਿੱਚ ਬੱਚਿਆਂ ਨੇ ਭਾਗ ਲਿਆ ਐਡੀਸ਼ਨਾ ਵਿੱਚ ਚੁਣੇ ਗਏ ਬੱਚਿਆਂ ਨੂੰ ਸੈਮੀਫਾਈਨਲ ਦੇ ਕਾਰਡ ਦਿੱਤੇ ਗਏ,ਪੰਜਾਬ ਜਵਾਨੀ ਨੂੰ ਨਸ਼ਿਆਂ ਅਤੇ ਪਤਿਤਪੁਣੇ ਤੋਂ ਬਚਾਉਣ ਲਈ ਦੋਵੇਂ ਜਥੇਬੰਦੀਆਂ ਮਿਲ ਕੇ ਵੱਡੇ ਪੱਧਰ ਤੇ ਦਸਤਾਰ ਕੱਪ ਕਰਵਾ ਰਹੀਆ ਹਨ ਜਿਸ ਵਿੱਚ ਉੱਘੇ ਸਿੱਖ ਲੀਡਰ ਸ. ਜਸਪਾਲ ਸਿੰਘ ਹੇਰਾਂ ਅਤੇ ਸ.ਪਰਮਪਾਲ ਸਿੰਘ ਜੀ ਮੁੱਖ ਮਹਿਮਾਨ ਦੇ ਤੌਰ ਤੇ ਸ਼ਿਰਕਤ ਕਰਨਗੇ ਅਤੇ ਇਸ ਸਮਾਗਮ ਵਿੱਚ ਉੱਘੇ ਸਮਾਜ ਸੇਵੀਆਂ ਦਾ ਵੀ ਵਿਸ਼ੇਸ਼ ਤੌਰ ਤੇ ਸਨਮਾਨ ਕੀਤਾ ਜਾਵੇਗਾ। ਇਸ ਕੱਪ ਵਿੱਚ ਸੀਨੀਅਰ ਗਰੁੱਪ ਨੂੰ ਪਹਿਲਾ ਇਨਾਮ ਜੇਤੂ ਨੌਜਵਾਨ ਨੂੰ ਜਿੱਥੇ ਮੋਟਰਸਾਈਕਲ ਨਾਲ ਸਨਮਾਨਿਤ ਕੀਤਾ ਜਾਵੇਗਾ ਦੂਸਰੇ ਨੰ ਤੇ ਆਉਣ ਵਾਲੇ ਨੋਜਵਾਨ ਨੂੰ 21 ਹਜਾਰ ਅਤੇ ਤੀਸਰੇ ਸਥਾਨ ਤੇ ਆਉਣ ਵਾਲੇ ਨੌਜਵਾਨ ਨੂੰ 11 ਹਜਾਰ ਅਤੇ ਇਸੇ ਤਰਾ ਜੂਨੀਅਰ ਗਰੁੱਪ ਦੇ ਨੌਜਵਾਨਾਂ ਨੂੰ 11000,7100,5100 ਦੇ ਨਗਦ ਇਨਾਮ ਅਤੇ ਇਸਦੇ ਨਾਲ ਹੋਰ ਦਿਲ ਖਿੱਚਵੇ ਇਨਾਮ ਦਿੱਤੇ ਜਾਣਗੇ ਉੱਥੇ ਪੰਜਾਬ ਭਰ ਤੋਂ ਆਏ ਕੋਚਾਂ ਦੀ ਵੀ ਵੱਡੇ ਇਨਾਮਾਂ ਨਾਲ ਹੌਸਲਾ ਅਫ਼ਜ਼ਾਈ ਕੀਤੀ ਜਾਵੇਗੀ, ਤਾਂ ਜੋ ਨੌਜਵਾਨਾਂ ਨੂੰ ਸੋਹਣੀਆਂ ਦਸਤਾਰਾਂ ਸਜਾਉਣ ਲਈ ਪ੍ਰੇਰਿਤ ਕੀਤਾ ਜਾ ਸਕੇ ।ਉਨ੍ਹਾਂ ਕਿਹਾ ਕਿ ਦਸਤਾਰ ਕੱਪ ਕਰਵਾਉਣ ਦਾ ਮੁੱਖ ਮਕਸਦ ਪਤਿਤ ਹੋ ਚੁੱਕੇ ਨੌਜਵਾਨਾਂ ਨੂੰ ਪ੍ਰੇਰਿਤ ਕਰਕੇ ਮੁੜ ਤੋਂ ਗੁਰਸਿੱਖੀ ਨਾਲ ਜੋੜਨਾ ਅਤੇ ਸਿੱਖੀ ਨੂੰ ਪ੍ਰਫੁੱਲਤ ਕਰਨਾ ਹੈ । ਦੋਵੇ ਜਥੇਬੰਦੀਆਂ ਵੱਲੋ ਸਾਂਝੇ ਤੌਰ ਤੇ ਪਹਿਲਾ ਉਪਰਾਲਾ ਖਾਲਸਾ ਸਾਜਨਾ ਦਿਵਸ ਅਤੇ ਦਸਤਾਰ ਦਿਵਸ ਨੂੰ ਸਮਰਪਿਤ ਦਸਤਾਰ ਕੱਪ ਕਰਵਾਉਣਾ ਹੈ । ਨੌਜਵਾਨਾਂ ਨੂੰ ਇਸ ਦਸਤਾਰ ਕੱਪ ਵਿੱਚ ਵੱਡੀ ਗਿਣਤੀ ਵਿੱਚ ਪਹੁੰਚਣ ਦੀ ਅਪੀਲ ਕੀਤੀ ਜਾਂਦੀ ਹੈ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਵੀ ਇਨ੍ਹਾਂ ਜਥੇਬੰਦੀਆਂ ਨੇ ਹਜ਼ਾਰਾਂ ਨੌਜਵਾਨਾਂ ਨੂੰ ਜੋ ਕਿ ਕ੍ਰੀਤੀਆਂ ਦੇ ਰਾਹ ਪੈ ਚੁੱਕੇ ਸਨ,ਪਤਿਤਪੁਣੇ ਵੱਲ ਜਾ ਚੁੱਕੇ ਸਨ,ਉਨ੍ਹਾਂ ਨੂੰ ਮੁੜ ਤੋਂ ਗੁਰਸਿੱਖੀ ਨਾਲ ਜੋੜਿਆ ਹੈ ।ਉਨ੍ਹਾਂ ਕਿਹਾ ਖਾਲਸਾ ਸਾਜਨਾ ਦਿਵਸ ਅਤੇ ਦਸਤਾਰ ਦਿਵਸ ਨੂੰ ਸਮਰਪਿਤ ਅਸੀਂ ਹਰ ਸਾਲ ਵੱਡੇ ਤੋਂ ਵੱਡੇ ਇਨਾਮ ਲੈ ਕੇ ਆ ਰਹੇ ਹਾਂ ਤਾਂ ਜੋ ਪ੍ਰੇਰਤ ਹੋ ਕੇ ਨੌਜਵਾਨ ਪੀੜ੍ਹੀ ਦਸਤਾਰ ਸਜਾਉਣੀ ਸ਼ੁਰੂ ਕਰੇ । ਇਸ ਦਸਤਾਰ ਕੱਪ ਵਿੱਚ ਪੰਜਾਬ ਹੀ ਨਹੀਂ, ਬਲਕਿ ਪੂਰੇ ਭਾਰਤ ਦੇ ਵਿੱਚੋਂ ਨਾਮਵਾਰ ਦਸਤਾਰ ਕੋਚ ਪਹੁੰਚ ਰਹੇ ਹਨ ਜਿਨ੍ਹਾਂ ਦੀ ਦੇਖ ਰੇਖ ਦੇ ਵਿੱਚ ਹੀ ਇਹ ਦਸਤਾਰ ਕੱਪ ਸਫਲਤਾਪੂਰਕ ਕਰਵਾਇਆ ਜਾਵੇਗਾ।ਉਨ੍ਹਾਂ ਕਿਹਾ ਕਿ ਇਸ ਦਸਤਾਰ ਕੱਪ ਵਿੱਚ ਸਿਰਫ ਨਵੇਂ ਨੌਜਵਾਨ ਹੀ ਹਿੱਸਾ ਲੈ ਸਕਣਗੇ ਨਾ ਕਿ ਪਿਛਲੇ ਮੁਕਾਬਲਿਆਂ ਵਿੱਚ ਦਸਤਾਰ ਜੇਤੂ ਨੌਜਵਾਨ ।ਸਾਰੇ ਵਰਗਾਂ ਦੇ ਪਹਿਲਾਂ ਵੱਖੋ ਵੱਖਰੇ ਦਸਤਾਰ ਮੁਕਾਬਲੇ ਕਰਵਾਏ ਜਾਣਗੇ। ਬੱਚੇ 28 ਅਪ੍ਰੈਲ ਨੂੰ 9:30 ਵਜੇ ਸੁਭ੍ਹਾ ਪਹੁੰਚ ਜਾਣ ਸਮੂਹ ਸਿੱਖ ਜਥੇਬੰਦੀਆਂ ਅਤੇ ਸਮੁੱਚੇ ਨੌਜਵਾਨ ਵੀਰਾਂ ਨੂੰ ਇਸ ਦਸਤਾਰ ਕੱਪ ਵਿੱਚ ਪਹੁੰਚਣ ਦੀ ਅਪੀਲ ਕੀਤੀ ਜਾਦੀ ਹੈ ਇਸ ਪ੍ਰੋਗਰਾਮ ਦੀ ਸਟੇਜ ਦੀ ਕਾਰਵਾਈ 28 ਅਪ੍ਰੈਲ ਸ਼ਾਮ 5:00 ਵਜੇ ਸ਼ੁਰੂ ਹੋਵੇਗੀ। ਇਸ ਮੋਕੇ ਜਗਰਾਜ ਸਿੰਘ ਢੱਡਰੀਆਂ,ਅੰਤਰਜੋਤ ਸਿੰਘ,ਗੁਰਪ੍ਰੀਤ ਸਿੰਘ ਜੰਡੂ,ਕਰਮਜੀਤ ਸਿੰਘ ਫਰੀਦਕੋਟ,ਜਸਪ੍ਰੀਤ ਸਿੰਘ ਦੁੱਗਾ,ਹਰਜਿੰਦਰ ਸਿੰਘ ਰੋਮਾਣਾ, ਨਵਜੋਤ ਸਿੰਘ ਸ਼ੈਰੀ,ਕੁਲਵੀਰ ਸਿੰਘ ਲਂਬੜਾ,ਰਣਜੀਤ ਸਿੰਘ,ਪ੍ਰੀਤ ਸਿੰਘ ਸੋਢੀ,ਅਮਰਜੀਤ ਸਿੰਘ ਆਦਿ ਮੌਜੂਦ ਸਨ

ਆਲ ਪੰਜਾਬ ਆਂਗਣਵਾੜੀ ਮੁਲਾਜਮ ਯੂਨੀਅਨ ਵੱਲੋਂ ਧਰਨਾ 28 ਅਪ੍ਰੈਲ ਅਤੇ 1 ਮਈ ਨੂੰ -ਮਨਜੀਤ ਕੌਰ ਢਿੱਲੋਂ ਬਰਸਾਲ

ਚੌਕੀਮਾਨ/ ਸਵੱਦੀ ਕਲਾਂ 25 ਅਪ੍ਰੈਲ (ਨਸੀਬ ਸਿੰਘ ਵਿਰਕ,ਬਲਜਿੰਦਰ ਸਿੰਘ ਵਿਰਕ) ਆਲ ਪੰਜਾਬ ਆਂਗਣਵਾੜੀ ਮੁਲਾਜਮ ਯੂਨੀਅਨ ਵੱਲੋਂ ਪੰਜਾਬ ਸਰਕਾਰ ਦੀਆਂ ਮਾੜੀਆਂ ਨੀਤੀਆ ਖਿਲਾਫ 28 ਅਪ੍ਰੈਲ ਨੂੰ ਸਮਾਜਿਕ ਸੁਰਾਖਿਆ ਇਸਤਰੀ ਅਤੇ ਬਾਲ ਵਿਕਾਸ ਵਿਭਾਗ ਪੰਜਾਬ ਦੀ ਮੰਤਰੀ ਮੈਡਮ ਅਰੁਣਾ ਚੌਧਰੀ ਦੇ ਹਲਕੇ ਦੀਨਾ ਨਗਰ ਚ ਅਤੇ 1 ਮਈ ਨੂੰ ਵਿੱਤ ਮੰਤਰੀ ਪੰਜਾਬ ਮਨਪ੍ਰੀਤ ਸਿੰਘ ਬਾਦਲ ਦੇ ਹਲਕੇ ਬਠਿੰਡਾ ਵਿਖੇ ਸੂਬਾ ਪੱਧਰੀ ਰੋਸ਼ ਪ੍ਰਦਰਸ਼ਨ ਕਰਕੇ ਰੋਸ ਮਾਰਚ ਕੀਤਾ ਜਾਵੇਗਾ ਤਾਂਕਿ ਜੱਗ ਜਨਨੀ ਨਾਲ ਹੁਮਦੀ ਵਧੀਕੀ ਤੋਂ ਜਾਣੂ ਕੁੰਭ ਕਰਨੀ ਨੀਂਦ ਸੁੱਤੀ ਪਈ ਸਰਕਾਰ ਨੂੰ ਜਗਾਇਆ ਜਾ ਸਕੇ ਅਤੇ ਸਾਨੂੰ ਸਾਡੇ ਹੱਕ ਮਿਲ ਸਕਣ ਇੰਨਾ ਸਬਦਾ ਦਾ ਪ੍ਰਗਟਾਵਾ ਬਲਾਕ ਸਿੱਧਵਾ ਬੇਟ ਪ੍ਰਧਾਨ ਬੀਬੀ ਮਨਜੀਤ ਕੌਰ ਢਿੱਲੋਂ ਬਰਸਾਲ ਨੇ ਪੱਤਰਕਾਰਾਂ ਦੇ ਸਨਮੁੱਖ ਹੋਕੇ ਪ੍ਰੈਸ਼ ਨੋਟ ਜਾਰੀ ਕਰਦੇ ਕੀਤਾ । ਇਸ ਸਮੇਂ ਉਹਨਾ ਦੱਸਿਆ ਕਿ ਉਕਤ ਫੈਸਲਾ ਸੂਬਾ ਕਮੇਟੀ ਨੇ ਯੂਨੀਅਨ ਦੀ ਕੌਮੀ ਪ੍ਰਧਾਨ ਹਰਗੋਬਿੰਦ ਕੌਰ ਦੀ ਅਗਵਾਈ ਹੇਠ ਕੀਤੀ ਗਈ ਮੀਟਿੰਗ ਵਿੱਚ ਲਿਆ ਗਿਆ ਕਿਉ ਕਿ ਸੂਬੇ ਭਰ ਦੀਆ 54000 ਆਂਗਣਵਾੜੀ ਵਰਕਰਾ ਹੈਲਪਰਾਂ ਦਾ ਕੇਂਦਰ ਸਰਕਾਰ ਵੱਲੋਂ ਵਧਾਇਆਂ ਗਿਆਂ ਮਾਣਭੱਤਾ ਪੰਜਾਬ ਸਰਕਾਰ ਰੱਖੀ ਬੈਠੀ ਹੈ । ਇਸ ਮੌਕੇ ਉਹਨਾ ਕਿਹਾ ਕਿ ਅਕਤੂਬਰ 2018 ਦੌਰਾਨ ਕੇਂਦਰ ਸਰਕਾਰ ਵਰਕਰਾਂ ਅਤੇ ਹੈਲਪਰਾਂ ਦਾ 1500 ਸੌ ਰੁਪਏ ਅਤੇ 750 ਸੌ ਰੁਪਏ ਵਧਾਇਆ ਸੀ ਇਹ ਪੈਸਾ ਕੇਂਦਰ ਸਰਕਾਰ ਨੇ ਪੰਜਾਬ ਸਰਕਾਰ ਨੂੰ ਭੇਜ ਦਿੱਤਾ ਹੈ ਪਰ ਪੰਜਾਬ ਸਰਕਾਰ ਇਸ ਦੇ ਕੁੰਡਲੀ ਮਾਰੀ ਬੈਠੀ ਹੈ ਜਿਸ ਕਰਕੇ ਯੂਨੀਅਨ ਨੂੰ ਆਪਣੇ ਹੱਕ ਲੈਣ ਲਈ ਸੰਘਰਸ ਦਾ ਵਿਗਲ ਵਜਾਉਣਾ ਪਿਆ ਹੈ । ਇਸ ਸਮੇਨ ਉਹਨਾ ਕਿਹਾ ਕਿ ਜੇਕਰ ਸਰਕਾਰ ਦੇ ਸਾਡੀਆਂ ਮੰਗਾਂ ਵੱਲ ਧਿਆਨ ਨਾ ਦਿੱਤਾ ਤਾਂ ਇਸ ਵਾਰ ਹੋਣ ਵਾਲੀਆ ਚੋਣਾਂ ਚ ਅਸੀ ਡਟਵਾਂ ਵਿਰੋਧ ਕਰਾਂਗੀਆ ਜਿਸ ਵਿੱਚ ਪੰਜਾਬ ਭਰ ਦੀਆ ਆਂਗਣਵਾੜੀ ਵਰਕਰਾ / ਹੈਲਪਰਾਂ ਸਮੂਲੀਅਤ ਕਰਨਗੀਆਂ ।

ਗੁਰੂ ਹਰਿਗੋਬਿੰਦ ਪਬਲਿਕ ਸੀ.ਸੈ.ਸਕੂਲ, ਸਿਧਵਾਂ ਖੁਰਦ ਵਿਖੇ ਫਲਾਂ ਦੀ ਮਹੱਤਤਾ ਦਰਸਾਉਂਦਾ “ਫਰੂਟ ਐਕਟਿਿਵਟੀ ਡੇਅ” ਮਨਾਇਆ ਗਿਆ

ਜਗਰਾਉ 24 ਅ੍ਰਪੈਲ (ਰਛਪਾਲ ਸਿੰਘ ਸ਼ੇਰਪੁਰੀ ) ਅੱਜ ਸਕੂਲ ਦੇ ਸਤਿਕਾਰਯੋਗ ਪ੍ਰਿੰਸੀਪਲ ਸ਼੍ਰੀ ਪਵਨ ਸੂਦ ਦੀ ਅਗਵਾਈ ਹੇਠ ਯੂ.ਕੇ.ਜੀ ਜਮਾਤ ਦੇ ਬੱਚਿਆਂ ਨੂੰ ਅਲੱਗ-ਅਲੱਗ ਫਲਾਂ ਦੇ ਗੁਣਾਂ ਬਾਰੇ ਜਾਣਕਾਰੀ ਦਿੱਤੀ ਗਈ ਅਤੇ ਫਲ ਖਾਣ ਦੀ ਮਹੱਤਤਾ ਬਾਰੇ ਜਾਣਕਾਰੀ ਦਿੰਦਿਆਂ ਚਾਨਣਾ ਪਾਇਆ ਗਿਆ।‘ਫਰੂਟ ਐਕਟਿਿਵਟੀ’ ਦੇ ਨਾਮ ਹੇਠ ਕਰਵਾਏ ਇਸ ਪ੍ਰੋਗਰਾਮ ਵਿੱਚ ਸਾਰੇ ਬੱਚਿਆ ਨੇ ਬਹੁਤ ਹੀ ਦਿਲਚਸਪੀ ਨਾਲ ਭਾਗ ਲਿਆ। ਕਲਾਸ ਇੰਚਾਰਜਾਂ ਨੇ ਬੜੀ ਮਿਹਨਤ ਨਾਲ ਸਾਰੇ ਬੱਚਿਆਂ ਨੂੰ ਵੱਖ-ਵੱਖ ਫਲਾਂ ਦੀ ਪਛਾਣ ਕਰਵਾਈ ਅਤੇ ਰੋਜ ਫਲ ਖਾਣ ਦੀ ਪ੍ਰੇਰਨਾ ਦਿੱਤੀ।ਸਕੂਲ ਦੇ ਛੋਟੇ ਛੋਟੇ ਬੱਚਿਆਂ ਨੇ ਅਧਿਆਪਕਾਂ ਦੀ ਹਾਜਰੀ ਵਿੱਚ ਰਸਭਰੇ ਅਤੇ ਮਿੱਠੇ ਫਲਾਂ ਦਾ ਅਨੰਦ ਮਾਣਿਆ।ਅੰਤ ਵਿੱਚ ਪ੍ਰਿੰ. ਸ਼੍ਰੀ ਪਵਨ ਸੂਦ ਨੇ ਦੱਸਿਆ ਕਿ ਸਕੂਲ ਵਿੱਚ ਇਸ ਤਰਾਂ ਦੇ ਸੰਖੇਪ ਪਰੰਤੂ ਮਹੱਤਤਾ ਭਰਭੂਰ ਸਮਾਗਮ ਬੱਚਿਆਂ ਦੀਆਂ ਉਸਾਰੂ ਰੁਚੀਆਂ ਵਿੱਚ ਵਾਧਾ ਕਰਦੇ ਹਨ ਭਵਿੱਖ ਵਿੱਚ ਵੀ ਸਕੂਲ਼ ਵਿੱਚ ਬੱਚਿਆਂ ਨੂੰ ਜਾਗਰੂਕ ਕਰਦੀਆਂ ਸਰਗਰਮੀਆਂ ਜਾਰੀ ਰਹਿਣਗੀਆਂ।

ਪ੍ਰਧਾਨ ਅਵਤਾਰ ਸਿੰਘ ਬਿੱਲਾ ਹਠੂਰ ਕਾਂਗਰਸ ਪਾਰਟੀ ਵਿੱਚ ਸ਼ਮਾਲ ਹੋਏ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਅੱਜ ਜਗਰਾਉ ਤੋ ਕਾਂਗਰਸ ਪਾਰਟੀ ਵੱਡੀ ਨੂੰ ਕਾਮਯਾਬੀ ਮਿਲੀ ਜਦੋ ਪ੍ਰਧਾਨ ਅਵਤਾਰ ਸਿੰਘ ਬਿੱਲਾ ਕਾਂਗਰਸ ਪਾਰਟੀ ਵਿੱਚ ਸ਼ਾਮਲ ਹੋ ਗਏਹਨ।ਬਿੱਲਾ ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਟਿਕਟ ਨਾ ਮਿਲਣ ਕਾਰਨ ਨਰਾਜ਼ ਸਨ ਤੇ 2017 ਵਿੱਚ ਅਵਤਾਰ ਸਿੰਘ ਬਿੱਲਾ ਨੇ ਆਜ਼ਾਦ ਤੌਰ ਤੇ ਚੋਣ ਲੜੀ ਸੀ।ਇਸ ਸਮੇ ਪ੍ਰਧਾਨ ਬਿੱਲਾ ਨੇ ਕਿਹਾ ਕਿ ਅਸੀ ਆਪਣੇ ਵਰਕਰਾਂ ਦਾ ਵੱਡਾ ਇੱਕਠ ਕਰਕੇ ਰਵਨੀਤ ਸਿੰਘ ਬਿੱਟੂ ਨੂੰ ਤੀਜੀ ਵਾਰ ਜਿਤਾਉਣਾ ਲਈ ਘਰ-ਘਰ ਜਾ ਕੇ ਵੋਟਰਾਂ ਨਾਲ ਰਾਬਤਾ ਕਾਇਮ ਕਰ ਕੇ ਤੇ ਕਾਂਗਰਸ ਸਰਕਾਰ ਦੀਆ ਨੀਤੀਆਂ ਤੋ ਜਾਣੂ ਕਰਵਾਇਆਂ ਜਾਵੇਗਾ।ਇਸ ਸਮੇ ਅਵਤਾਰ ਸਿੰਘ ਬਿੱਲਾ ਨੇ ਕਿਹਾ ਕਿ ਸ੍ਰੀ ਰਾਹੁਲ ਗਾਂਧੀ ਨੂੰ ਦੇਸ਼ ਦਾ ਪ੍ਰਧਾਨ ਮੰਤਰੀ ਚੁਣਨ ਲਈ ਮੈਂਬਰ ਪਾਰਲੀਮੈਂਟ ਦੀ ਚੋਣ ਲੜ ਰਹੇ ਰਵਨੀਤ ਸਿੰਘ ਬਿੱਟੂ ਨੂੰ ਵੋਟ ਪਾਈ ਜਾਵੇ।ਇਸ ਸਮੇ ਪ੍ਰਧਾਨ ਕਿਰਨਜੀਤ ਸੋਨੀ ਗਾਲਿਬ,ਸਾਬਕਾ ਪ੍ਰਧਾਨ ਗੁਰਦੇਵ ਸਿੰਘ ਲਾਪਰਾਂ,ਸਾਬਕਾ ਐਮ.ਪੀ ਅਮਰੀਕ ਸਿੰਘ ਆਲੀਵਾਲ,ਅਮਰਨਾਥ ਕਲਿਆਣ ਆਦਿ ਹਾਜ਼ਰ ਸਨ।

ਗਾਲਿਬ ਕਲਾਂ 'ਚ ਸਾਬਕਾ ਵਿਧਾਇਕ ਕਲੇਰ ਵਲੋ ਅਕਾਲੀ ਆਗੂਆਂ ਨਾਲ ਮੀਟਿੰਗ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਹਲਕਾ ਜਗਰਾਉ ਦੇ ਪਿੰਡ ਗਾਲਿਬ ਕਲਾਂ ਵਿਖੇ ਸਾਬਕਾ ਵਿਧਾਇਕ ਐਸ.ਆਰ.ਕਲੇਰ ਵਲੋ ਮੀਟਿੰਗ ਕੀਤੀ ਗਈ।ਇਸ ਮੌਕੇ ਉਨ੍ਹਾਂ ਪਿੰਡ ਦੇ ਅਕਾਲੀ ਆਗੂਆਂ ਨਾਲ ਪਾਰਟੀ ਦੇ ਉਮੀਦਵਾਰ ਮਹੇਸ਼ਇੰਦਰ ਸਿੰਗ ਗਰੇਵਾਲ ਵਲੋ ਪਿੰਡ ਗਾਲਿਬ ਕਲਾਂ ਦੇ ਦੌਰੇ ਦੇ ਸਬੰਧ ਵਿਚ ਵਿਚਾਰ ਚਰਚਾ ਕੀਤੀ ਅਤੇ ਅਕਾਲੀ-ਭਾਜਪਾ ਦੇ ਸਾਂਝੇ ਉਮੀਦਵਾਰ ਸ.ਗਰੇਵਾਲ ਦੀ ਚੋਣ ਮੁਹਿੰਮ ਬਾਰੇ ਪਿੰਡ ਵਾਸੀਆਂ ਤੋ ਸੁਆਝ ਹਾਸਲ ਕੀਤੇ।ਉਨ੍ਹਾਂ ਇਸ ਮੀਟਿੰਗ ਦੌਰਾਨ ਅਗਲੇ ਦਿਨੀ ਮਹੇਸ਼ਇੰਦਰ ਸਿੰਘ ਗਰੇਵਾਲ ਦੇ ਚੋਣ ਦੋਰੇ ਮੌਕੇ ਵਡਾ ਇੱਕਠ ਕਰਨ ਦੀ ਅਪੀਲ ਕੀਤੀ।ਇਸ ਸਮੇ ਸਾਬਾਕਾ ਚੇਅਰਮੈਨ ਕਮਲਜੀਤ ਸਿੰਘ ਮੱਲਾ,ਸਾਬਾਕਾ ਜ਼ਿਲ੍ਹਾ ਪ੍ਰਸ਼ਿਦ ਮੈਂਬਰ,ਪ੍ਰਧਾਨ ਗੁਰਦਿਆਲ ਸਿੰਘ,ਸਾਬਕਾ ਸਰਪੰਚ ਬਲਦੇਵ ਸਿੰਘ,ਜਥੇਦਾਰ ਗੁਰਦੇਵ ਸਿੰਘ,ਭਾਈ ਸਰਤਾਜ ਸਿੰਘ ਗਾਲਿਬ ਰਣ ਸਿੰਘ,ਮਾਸਟਰ ਵਰਿਆਮ ਸਿੰਘ,ਜਸਵੰਤ ਸਿੰਘ ਜੱਥੇਦਾਰ ਆਦਿ ਹਾਜ਼ਰ ਸਨ।