ਲੁਧਿਆਣਾ

ਜਗਰਾਂਓ,31 ਦਸੰਬਰ (ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ) ਜਗਰਾਂਓ ਤਹਿਸੀਲ ਕੰਪਲੈਕਸ ਦੇ ਸਮੂਹ ਮੈਂਬਰਾਂ ਵੱਲੋਂ ਛੋਟੇ ਸਾਹਿਬਜਾਦਿਆਂ ਦੀ ਯਾਦ ਨੂੰ ਨਤਮਸਤਕ ਹੁੰਦਿਆਂ ਹਰੇਕ ਸਾਲ ਦੀ ਤਰਾਂ ਦੁੱਧ ਬਦਾਮਾਂ ਦਾ ਲੰਗਰ ਲਗਾਇਆ ਗਿਆ।ਇਸ ਮੌਕੇ ਸਫਾਈ ਕਰਮਚਾਰੀ ਕਮਿਸ਼ਨ ਦੇ ਚੇਅਰਮੈਨ ਗੇਜਾ ਰਾਮ ਨੇ ਸੰਗਤਾਂ ਨੂੰ ਸੇਵਾ ਕਰਦਿਆਂ ਕਿਹਾ ਕਿ ਦੁੱਧ ਦਾ ਲੰਗਰ ਲਗਾਉਣਾ ਇੱਕ ਸ਼ਲਾਘਾਯੋਗ ਕੰਮ ਹੈ।ਪ੍ਰਧਾਨ ਐਡਵੋਕੇਟ ਕੁਲਦੀਪ ਸਿੰਘ ਘਾਗੂ ਨੇ ਦੱਸਿਆ ਕਿ ਪਟਵਾਰੀਆਂ, ਕਾਨੂੰਗੋਆਂ, ਅਸਟਾਮ ਫਰੋਸ਼, ਡੀ.ਰਾਈਟਰ ਦੇ ਸਹਿਯੋਗ ਨਾਲ ਇਹ ਦੁੱਧ ਬਦਾਮਾਂ ਦਾ ਲੰਗਰ ਲਗਾਇਆ ਗਿਆ ਹੈ।ਇਸ ਮੌਕੇ ਐਸ.ਡੀ.ਐਮ. ਵਿਕਾਸ ਹੀਰਾ, ਤਹਿਸੀਲਦਾਰ ਮਨਮੋਹਣ ਕੋਸਿਕ, ਨਾਇਬ ਤਹਿਸੀਲਦਾਰ ਗੁਰਦੀਪ ਸਿੰਘ, ਐਡਵੋਕੇਟ ਮਨਮੋਹਣ ਕਤਿਆਲ, ਕੌਂਸਲਰ ਅਮਰਜੀਤ ਸਿੰਘ ਮਾਲਵਾ, ਕਾਨੂੰਗੋ ਜਗਤਾਰ ਸਿੰਘ, ਸੁਖਦੇਵ ਸਿੰਘ ਨੇ ਵੀ ਸੰਗਤਾਂ ਦੀ ਸੇਵਾ ਕੀਤੀ।

ਜਗਰਾਓਂ 30 ਦਸੰਬਰ (ਅਮਿਤ ਖੰਨਾ) ਪਿੰਡ ਚਚਰਾੜੀ ਤੋਂ ਰੂੰਮੀ ਤੱਕ ਇੱਕ ਕਰੋੜ ਤਿੰਨ ਲੱਖ ਰੁਪਏ ਦੀ ਲਾਗਤ ਨਾਲ 4 ਕਿਲੋਮੀਟਰ ਨਵੀਂ ਸੜਕ ਬਣਾਉਣ ਦਾ ਨੀਂਹ ਪੱਥਰ ਕੈਪਟਨ ਸੰਦੀਪ ਸਿੰਘ ਸੰਧੂ ਦੀ ਅਗਵਾਈ ਹੇਠ ਚੇਅਰਮੈਨ ਸਤਿੰਦਰਪਾਲ ਸਿੰਘ ਕਾਕਾ ਗਰੇਵਾਲ ਵੱਲੋਂ ਰੱਖਿਆ ਗਿਆ।ਹਲਕੇ ਦਾਖੇ ਦੇ 4 ਪਿੰਡਾਂ ਦੀ ਇਸ ਰਸਤੇ ਨੂੰ ਸੜਕ ਨੂੰ ਬਣਾਉਣ ਦੀ ਕਾਫੀ ਸਮੇਂ ਤੋਂ ਮੰਗ ਸੀ ਜੋ ਕਿ ਕੈਪਟਨ ਸੰਦੀਪ ਸਿੰਘ ਸੰਧੂ ਦੇ ਵਿਸ਼ੇਸ਼ ਯਤਨਾਂ ਸਦਕਾ ਮੰਜ਼ੂਰ ਹੋਈ।ਇਸ ਮੌਕੇ ਵਾਈਸ ਚੇਅਰਮੈਨ ਸਿਕੰਦਰ ਸਿੰਘ ਬਰਸਾਲ,ਸਰਪੰਚ ਦਲਜੀਤ ਸਿੰਘ ਚਚਰਾੜੀ,ਸਰਪੰਚ ਰਵਿੰਦਰ ਸਿੰਘ ਜੋਗਾ ਢੋਲਣ,ਸਰਪੰਚ ਕੁਲਦੀਪ ਸਿੰਘ ਰੂੰਮੀ,ਸਰਪੰਚ ਬਲਜਿੰਦਰ ਕੌਰ ਢੇਸੀ,ਡਾਇਰੈਕਟਰ ਜਸਮੇਲ ਸਿੰਘ ਸੇਲ੍ਹੀ ਛੱਜਾਵਾਲ,ਜੇ.ਈ ਪਰਮਿੰਦਰ ਸਿੰਘ ਢੋਲਣ,ਜਸਵੰਤ ਸਿੰਘ ਸੋਹੀਆਂ,ਕਰਨੈਲ ਸਿੰਘ ਸੁਪਰਡੈਂਟ,ਗੁਰਚਰਨ ਸਿੰਘ ਪ੍ਰਧਾਨ ਕੋਆਪਰੇਟਿਵ ਸੁਸਾਇਟੀ,ਪੰਚ ਬਲਵਿੰਦਰ ਸਿੰਘ,ਪੰਚ ਮਲਕੀਤ ਸਿੰਘ,ਪੰਚ ਜੋਗਿੰਦਰ ਸਿੰਘ ਨੰਬਰਦਾਰ,ਪੰਚ ਹਰਦਿਆਲ ਸਿੰਘ,ਪ੍ਰਧਾਨ ਕੈਪਟਨ ਨਿਰਮਲ ਸਿੰਘ,ਯੂਥ ਆਗੂ ਕੁਲਦੀਪ ਸਿੰਘ ਰੈਂਪੀ,ਸੁਖਵਿੰਦਰ ਸਿੰਘ ਕਾਕਾ ਹਾਕੀ ਕੋਚ,ਪੰਚ ਹਰਦੀਪ ਸਿੰਘ ਛੱਜਾਵਾਲ,ਪੰਚ ਗੁਰਮੀਤ ਸਿੰਘ,ਕਮਲਜੀਤ ਸਿੰਘ, ਹਰਭਜਨ ਸਿੰਘ,ਬੰਤ ਸਿੰਘ ਛੱਜਾਵਾਲ,ਪੰਚ ਗੁਰਮੀਤ ਸਿੰਘ ਮਿੰਟੂ ਰੂੰਮੀ,ਜਗਦੀਪ ਸਿੰਘ ਪ੍ਰਧਾਨ ਕੋਆਪਰੇਟਿਵ ਸੁਸਾਇਟੀ ਅਤੇ ਗੁਲਜ਼ਾਰ ਸਿੰਘ ਗਿੱਲ ਆਦਿ ਹਾਜ਼ਰ ਸਨ।

ਜਗਰਾਉਂ, 30 ਦਸੰਬਰ (ਮਨਜਿੰਦਰ ਗਿੱਲ  ) ਅੱਜ ਜਗਰਾਓ  ਵਿਚ ਐਸ ਡੀ ਐਮ ਦੇ ਦਫ਼ਤਰ  ਅੱਗੇ ਇਲਾਕੇ ਦੇ ਪੈਨਸ਼ਨਰਜ਼ ਨੇ ਵੱਡੀ ਗਿਣਤੀ ਵਿਚ ਇਕੱਠੇ ਹੋ ਕੇ ਆਪਣੀਆਂ ਮੰਗਾਂ ਨੂੰ  ਲੈਕੇ ਧਰਨਾ ਦਿੱਤਾ।ਪੰਜਾਬ ਸਰਕਾਰ ਵਲੋਂ ਤਨਖਾਹ ਕਮਿਸ਼ਨ  ਦੀ ਰਿਪੋਰਟ  ਨੂੰ  ਲਾਗੂ ਕਰਨ ਤੇ ਜੋ ਪੈਨਸ਼ਨਰਜ਼ ਨਾਲ ਜਿਆਦਤੀ ਕੀਤੀ ਜਾ ਰਹੀ ਹੈ ਉਸਦੀ ਸਖਤ ਸ਼ਬਦਾਂ  ਵਿਚ ਨਿਖੇਧੀ ਕੀਤੀ ਗਈ। ਸਰਕਾਰ ਵੱਲੋਂ 1-1- 2016 ਤੋਂ ਪਹਿਲਾਂ ਦੇ ਅਤੇ 1-1 -2016 ਤੋਂ ਬਾਅਦ  ਵਾਲੇ ਪੈਨਸ਼ਨਰਜ਼  ਦੀ ਤਨਖਾਹ  ਦੁਹਰਾਈ ਨੂੰ  ਬਹੁਤ ਹੀ ਗੁੰਝਲਦਾਰ  ਬਣਾਕੇ ਲਮਕਾਉਣ ਦੀ ਨੀਤੀ  ਬਣਾਈ ਗਈ ਹੈ ਜਿਸ ਨਾਲ ਪੈਨਸ਼ਨਰਜ਼ ਦੇ ਬਕਾਇਆਂ ਨੂੰ  ਲੰਮੇ ਸਮੇਂ ਤੱਕ  ਰੋਕਿਆ ਜਾ ਸਕੇਗਾ ਅਤੇ ਤਨਖ਼ਾਹਾਂ  ਵੀ ਪੂਰੀਆਂ ਨਹੀ ਦਿੱਤੀਆਂ ਜਾਣਗੀਆਂ। ਪੰਜਾਬ ਵਿਚੋਂ ਤਿੰਨ ਲੱਖ ਤੋਂ ਉਪਰ ਏ ਜੀ ਦਫ਼ਤਰ  ਨੂੰ ਭੇਜੇ ਗਏ ਕੇਸ ਕਈ ਸਾਲਾਂ ਤੱਕ ਵਾਪਸ ਨਹੀ ਆਉਣਗੇ ਅਤੇ ਡੀ ਏ ਵੀ ਪੂਰਾ ਨਹੀ ਦਿੱਤਾ ਜਾਵੇਗਾ। ਪੇ ਕਮਿਸ਼ਨ ਵਲੋਂ ਦਿੱਤੀ ਗਈ 2, 59 ਗੁਣਾਂਕ  ਨੂੰ  ਵੀ ਘਟਾਕੇ ਦਿੱਤਾ ਜਾ ਰਿਹਾ ਹੈ। ਇਹਨਾਂ ਪੈਨਸ਼ਨਰਜ਼ ਵਿਰੋਧੀ ਨੀਤੀਆਂ ਨੂੰ  ਬੁਲਾਰਿਆਂ ਨੇ ਜਲਦੀ ਹੱਲ ਕਰਨ ਦੀ ਮੰਗ ਕੀਤੀ ਜੇ ਸਰਕਾਰ ਨੇ ਹਲ ਨਾ ਕੀਤਾ ਤਾਂ ਚੋਣਾਂ ਵਿਚ ਇਸਦੇ ਗੰਭੀਰ  ਸਿੱਟੇ ਭੁਗਤਣੇ ਪੈਣਗੇ । ਧਰਨੇ ਵਿਚ ਪਹੁੰਚ  ਕੇ ਤਹਿਸੀਲਦਾਰ ਜਗਰਾਓ  ਨੇ ਮੰਗਪੱਤਰ ਪ੍ਰਾਪਤ  ਕੀਤਾ। ਪੈਨਸ਼ਨਰਜ਼ ਵਲੋਂ ਬੱਸ ਸਟੈਂਡ ਤੱਕ ਰੋਸ ਮੁਜ਼ਾਹਰਾ  ਕਰਕੇ ਆਪਣੇ ਗੁੱਸੇ  ਦਾ ਇਜ਼ਹਾਰ  ਵੀ ਕੀਤਾ ਗਿਆ।ਧਰਨੇ ਵਿੱਚ ਮਾਸਟਰ ਮਲਕੀਤ ਸਿੰਘ, ਅਸ਼ੋਕ ਕੁਮਾਰ  ਭੰਡਾਰੀ,ਅਵਤਾਰ ਸਿੰਘ, ਭੁਪਿੰਦਰ ਸਿੰਘ, ਚਮਕੌਰ ਸਿੰਘ  ਰੋਡਵੇਜ਼  ਆਗੂ ,ਹਰਭਜਨ ਸਿੰਘ ਨੇ ਸੰਬੋਧਨ  ਕੀਤਾ।8 ਦਸੰਬਰ  ਨੂੰ  ਯੂ  ਟੀ ਮੁਲਾਜ਼ਮ ਅਤੇ ਪੈਨਸ਼ਨਰ  ਦੇ  ਸਾਂਝੇ ਸੰਘਰਸ਼  ਵਿਚ ਲਾਡੋਵਾਲ  ਟੋਲ ਪਲਾਜੇ ਤੇ ਦਿੱਤੇ ਜਾ ਰਹੇ ਸੜਕ ਜਾਮ ਵਿਚ ਸਾਮਲ ਹੋਣ ਦਾ ਫੈਸਲਾ ਕੀਤਾ ਗਿਆ। ਧਰਨੇ ਵਿੱਚ ਜੋਗਿੰਦਰ  ਅਜ਼ਾਦ,ਕੁਲਦੀਪ ਸਿੰਘ, ਜਗਦੀਸ਼  ਮਹਿਤਾ,ਜਸਵੰਤ ਸਿੰਘ  ਢਿਲੋਂ,ਹਰਬੰਸ ਲਾਲ,ਗੁਲਸ਼ਨ ਕੁਮਾਰ ਆਦਿ ਹਾਜਿਰ ਸਨ।

ਫੋਟੋ ; ਜਗਰਾਉਂ ਦੇ ਤਹਿਸੀਲਦਾਰ  ਮਨਮੋਹਨ ਕੌਸ਼ਕ ਧਰਨੇ ਵਿੱਚ ਪਹੁੰਚ ਕੇ ਮੰਗ ਪੱਤਰ ਪ੍ਰਾਪਤ ਕਰਦੇ ਹੋਏ  

ਜਗਰਾਓ,ਹਠੂਰ,29,ਦਸੰਬਰ-(ਕੌਸ਼ਲ ਮੱਲ੍ਹਾ)-ਅੱਜ ਕੁੱਲ ਹਿੰਦ ਖੇਤ ਮਜਦੂਰ ਯੂਨੀਅਨ ਪੰਜਾਬ ਦੇ ਪ੍ਰਧਾਨ ਰਾਮ ਸਿੰਘ ਨੂਰਪੁਰੀ ਅਤੇ ਸੂਬਾ ਜਨਰਲ ਸਕੱਤਰ ਲਾਲ ਸਿੰਘ ਧਨੌਲਾ ਦੇ ਦਿਸਾ ਨਿਰਦੇਸਾ ਅਨੁਸਾਰ ਪੰਜਾਬ ਦੇ ਡਿਪਟੀ ਕਮਿਸ਼ਨਰ,ਤਹਿਸੀਲਦਾਰਾ ਅਤੇ ਐਸ ਡੀ ਐਮ ਰਾਹੀ ਪੰਜਾਬ ਸਰਕਾਰ ਨੂੰ ਮਜਦੂਰਾ ਦੀਆ ਭਖਦੀਆ ਮੰਗਾ ਤੁਰੰਤ ਹੱਲ ਕਰਵਾਉਣ ਲਈ ਮੰਗ ਪੱਤਰ ਦਿੱਤੇ ਗਏ।ਇਸੇ ਲੜੀ ਤਹਿਤ ਅੱਜ ਤਹਿਸੀਲ ਜਗਰਾਓ ਦੇ ਸਕੱਤਰ ਕਾਮਰੇਡ ਪਾਲ ਸਿੰਘ ਭੰਮੀਪੁਰਾ ਅਤੇ ਹਲਕਾ ਪ੍ਰਧਾਨ ਕਾਮਰੇਡ ਹਾਕਮ ਸਿੰਘ ਡੱਲਾ ਦੀ ਅਗਵਾਈ ਹੇਠ ਬੱਸ ਸਟੈਡ ਜਗਰਾਓ ਵਿਖੇ ਪੰਜਾਬ ਸਰਕਾਰ ਖਿਲਾਫ ਰੋਸ ਪ੍ਰਦਰਸਨ ਕੀਤਾ ਗਿਆ।ਇਸ ਰੋਸ ਪ੍ਰਦਰਸਨ ਨੂੰ ਸੰਬੋਧਨ ਕਰਦਿਆ ਸਕੱਤਰ ਕਾਮਰੇਡ ਪਾਲ ਸਿੰਘ ਭੰਮੀਪੁਰਾ,ਹਲਕਾ ਪ੍ਰਧਾਨ ਕਾਮਰੇਡ ਹਾਕਮ ਸਿੰਘ ਡੱਲਾ ਅਤੇ ਪ੍ਰਧਾਨ ਸੁਖਦੀਪ ਸਿੰਘ ਗਾਲਿਬ ਕਲਾਂ ਨੇ ਕਿਹਾ ਕਿ ਜਦੋ ਤੋ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੇ ਸੂਬੇ ਦੀ ਵਾਗਡੋਰ ਸੰਭਾਲੀ ਹੈ ਤਾਂ ਸੂਬਾ ਵਾਸੀਆ ਨਾਲ ਅਨੇਕਾ ਵਾਅਦੇ ਕੀਤੇ।ਉਨ੍ਹਾ ਕਿਹਾ ਕਿ ਸੂਬਾ ਸਰਕਾਰ ਘਰ-ਘਰ ਨੌਕਰੀ ਦੇਣੀ,ਗਰੀਬਾ ਨੂੰ ਦਸ-ਦਸ ਮਰਲੇ ਦੇ ਪਲਾਟ ਦੇਣੇ,ਕੱਟੀਆ ਹੋਈਆ ਬੁਢਾਪਾ ਪੈਨਸਨਾ ਤੁਰੰਤ ਚਾਲੂ ਕਰਨੀਆ ਆਦਿ ਵਾਅਦਿਆ ਨੂੰ ਅਮਲੀ ਜਾਮਾ ਨਹੀ ਪਹਿਨਾਇਆ।ਜਿਸ ਕਰਕੇ ਸੂਬੇ ਦੇ ਲੋਕ ਪੰਜਾਬ ਸਰਕਾਰ ਅਤੇ ਕੇਂਦਰ ਸਰਕਾਰ ਤੋ ਡਾਹਢੇ ਪ੍ਰੇਸਾਨ ਹਨ।ਇਸ ਮੌਕੇ ਉਨ੍ਹਾ ਵਿਕਾਸ ਹੀਰਾ ਐਸ ਡੀ ਜਗਰਾਓ ਰਾਹੀ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੂੰ ਮੰਗ ਪੱਤਰ ਭੇਜਿਆ।ਉਨ੍ਹਾ ਪੰਜਾਬ ਸਰਕਾਰ ਨੂੰ ਚਿਤਾਵਨੀ ਦਿੱਤੀ ਕਿ ਜੇਕਰ ਸੂਬਾ ਸਰਕਾਰ ਸਾਡੀਆ ਮੰਗਾ ਜਲਦੀ ਨਹੀ ਮੰਨਦੀ ਤਾਂ ਪੰਜਾਬ ਦੇ ਮਜਦੂਰ ਸੜਕ ਤੇ ਰੋਸ ਪ੍ਰਦਰਸਨ ਕਰਨ ਲਈ ਮਜਬੂਰ ਹੋਣਗੇ।ਇਸ ਮੌਕੇ ਉਨ੍ਹਾ ਨਾਲ ਹਲਕਾ ਪ੍ਰਧਾਨ ਹਾਕਮ ਸਿੰਘ ਡੱਲਾ,ਪਾਲ ਸਿੰਘ ਭੰਮੀਪੁਰਾ ਕਲਾਂ,ਸੁਖਦੀਪ ਸਿੰਘ ਗਾਲਿਬ,ਗੁਰਬਖਸ ਸਿੰਘ,ਗੁਰਜੰਟ ਸਿੰਘ,ਜਗਤਾਰ ਸਿੰਘ,ਸਤਨਾਮ ਸਿੰਘ,ਚਮਨ ਸਿੰਘ ਬਾਗੀਆ ਖੁਰਦ,ਜਸਵੀਰ ਸਿੰਘ ਸਿੱਧਵਾ ਕਲਾਂ,ਗੁਰਮੁੱਖ ਸਿੰਘ ਬਾਘੀਆ ਖੁਰਦ,ਗੁਰਚਰਨ ਸਿੰਘ ਸਿੱਧਵਾ ਕਲਾਂ,ਛਿੰਦਾ ਸਿੰਘ ਸਿੱਧਵਾ ਕਲਾਂ,ਜੱਟੂ ਗਿੱਲ,ਦਵਿੰਦਰਪਾਲ ਸਰਮਾਂ,ਗੁਰਮੇਲ ਸਿੰਘ ਆਦਿ ਹਾਜ਼ਰ ਸਨ।
ਫੋਟੋ ਕੈਪਸਨ:- ਵਿਕਾਸ ਹੀਰਾ ਐਸ ਡੀ ਜਗਰਾਓ ਨੂੰ ਮੰਗ ਪੱਤਰ ਦਿੰਦੇ ਹੋਏ ਕਾਮਰੇਡ ਪਾਲ ਸਿੰਘ ਭੰਮੀਪੁਰਾ,ਹਾਕਮ ਸਿੰਘ ਅਤੇ ਹੋਏ ।