ਲੁਧਿਆਣਾ

ਕਿਸਾਨ ਸੰਘਰਸ਼ ਵਿਚ ਆਪਣਾ ਵਡਮੁੱਲਾ ਯੋਗਦਾਨ ਦੇਣ ਵਾਲੀਆਂ ਸ਼ਖ਼ਸੀਅਤਾਂ ਦਾ ਕੀਤਾ ਗਿਆ ਮਾਣ ਸਨਮਾਨ   

ਜਗਰਾਉਂ, 22  ਜਨਵਰੀ ( ਕੌਸ਼ਲ ਮੱਲਾਂ/  ਜਸਮੇਲ ਗ਼ਾਲਿਬ ) ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਵਲੋਂ ਅੱਜ ਇਤਿਹਾਸਕ ਪਿੰਡ ਦੇਹੜਕਾ ਵਿਖੇ ਗੁਰੂਦੁਆਰਾ ਬਾਬਾ ਫਤਿਹ ਸਿੰਘ ਵਿਖੇ ਕਿਸਾਨ ਅੰਦੋਲਨ ਦੀ ਜਿੱਤ ਦੀ ਖੁਸ਼ੀ ਚ ਅਖੰਡ ਪਾਠ ਸਾਹਿਬ ਦੇ ਭੋਗ ਪਾਉਣ ਉਪਰੰਤ ਸਨਮਾਨ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ। ਇਸ ਸਮਾਗਮ ਵਿੱਚ ਅਰਦਾਸ ਉਪਰੰਤ ਪਿੰਡ ਵਾਸੀਆਂ ਨਾਲ ਜਿੱਤ ਦੀ ਖੁਸ਼ੀ ਸਾਂਝੀ ਕਰਦਿਆਂ ਲੋਕ ਆਗੂ ਕੰਵਲਜੀਤ ਖੰਨਾ ਨੇ ਕਿਹਾ ਕਿ ਇਸ ਇਤਿਹਾਸਕ ਅੰਦੋਲਨ ਨੇ ਸਿਰਫ  ਭਾਜਪਾ ਦੀ ਮੋਦੀ ਹਕੂਮਤ ਦੀਆਂ ਹੀ ਨਹੀਂ ਗੋਡਨੀਆਂ ਲਵਾਈਆਂ ਸਗੋਂ ਸੰਸਾਰ ਭਰ ਦੇ ਕਿਰਤੀ ਲੋਕਾਂ ਦੇ ਦੁਸ਼ਮਣ ਵੱਡੇ ਦਿਓਕੱਦ ਕਾਰਪੋਰੇਟਾਂ ਨੂੰ ਭੂੰਜੇ ਸੁੱਟਿਆ ਹੈ। ਅਮਰੀਕਨ ਸਾਮਰਾਜ ਦੀ ਅਗਵਾਈ ਚ ਭਾਰਤ ਦੀ ਖੇਤੀ ਤੇ ਕਬਜਾ ਕਰਨ ਦੀ ਸਾਜਿਸ਼ , ਅੰਨੇ ਮੁਨਾਫੇ ਕਮਾਉਣ ਦੀ ਵਹਿਸ਼ੀ ਹਵਸ ਨਾਲ ਮੱਥਾ ਲਾਇਆ ਹੈ। ਆਜਾਦੀ ਤੋ ਪਹਿਲਾਂ ਇੰਗਲੈਂਡ ਦੀ ਅਗਵਾਈ ਚ ਦੇਸ਼ ਤੇ ਕਾਬਜ ਸਾਮਰਾਜ ਖਿਲਾਫ ਜੋ ਲੜਾਈ ਭਗਤ , ਸਰਾਭਿਆਂ ਨੇ ਲੜੀ ਸੀ, ਉਹੀ ਲੜਾਈ ਦੇਸ਼ ਦੇ ਕਿਸਾਨਾਂ ਅਤੇ ਲੋਕਾਂ ਨੇ 750 ਕੁਰਬਾਨੀਆਂ ਦੇ ਕੇ ਜਿੱਤੀ ਹੈ। ਸੰਸਾਰ ਬੈਂਕ ਅਤੇ ਕੌਮਾਂਤਰੀ ਮੁਦਰਾ ਫੰਡ ਰਾਹੀਂ ਸਾਡੇ ਦੇਸ਼ ਦੇ ਪੈਦਾਵਾਰੀ ਸਾਧਨਾਂ ਤੇ ਕਬਜਾ ਕਰਨ ਲਈ ਸੰਸਾਰ ਵਪਾਰ ਸੰਸਥਾਂ ਨਾਂ ਦੀ ਸਾਮਰਾਜੀ ਸੰਸਥਾਂ ਰਾਹੀ ਖੇਤੀ ਤੇ ਕਬਜਾ ਕਰਨ ਲਈ ਲਿਆਂਦੇ ਤਿੰਨ ਕਾਲੇ ਕਾਨੂੰਨ ਕਿਸਾਨੀ ਦੀ ਮੌਤ ਦਾ ਸਮਾਨ ਸਨ। ਇਨਾਂ ਕਾਲੇ ਕਨੂੰਨਾਂ ਨੂੰ ਵਾਪਸ ਕਰਾਉਣ ਤੋਂ ਬਾਅਦ ਸੰਸਾਰ ਵਪਾਰ ਸੰਸਥਾਂ ਚੋਂ ਦੇਸ਼ ਨੂੰ ਬਾਹਰ ਕਢਵਾਉਣ ਦੀ ਚੁਣੋਤੀ ਇਸ ਤੋਂ ਕਿਤੇ ਵੱਡੀ ਹੈ। ਇਸ ਸਮੇਂ ਅਪਣੇ ਸੰਬੋਧਨ ਚ ਬਲਾਕ ਪ੍ਰਧਾਨ ਜਗਤਾਰ ਸਿੰਘ ਦੇਹੜਕਾ ਨੇ ਕਿਹਾ ਕਿ ਐਮ ਐਸ ਪੀ ਤੇ ਸਰਕਾਰੀ ਖਰੀਦ ਦੀ ਗਰੰਟੀ ਹਾਸਲ ਕਰਨ,ਸਵਾਮੀਨਾਥਨ ਕਮਿਸ਼ਨ ਦੀ ਰਿਪੋਰਟ ਲਾਗੂ ਕਰਵਾਉਣ, ਨਵੀਂ ਖੇਤੀ ਨੀਤੀ ਦਾ ਨਿਰਮਾਣ ਕਰਵਾਉਣ,  ਹਰ ਕਿਸਮ ਦੇ ਕਰਜਿਆਂ ਤੇ ਲੀਕ ਮਰਵਾਉਣ ਤੇ ਹੋਰ ਮੰਨੀਆਂ ਮੰਗਾਂ ਲਾਗੂ ਕਰਵਾਉਣ ਲਈ ਕਿਸਾਨ ਸੰਘਰਸ਼ ਜਾਰੀ ਰੱਖਣਾ ਹੀ ਪਵੇਗਾ। ਓਨਾਂ ਕਿਹਾ ਕਿ ਵਿਧਾਨ ਸਭਾ ਚੋਣਾਂ ਚ ਆਪਾਂ ਧੜੇਬੰਦੀ ਤੋਂ ਪਾਸੇ ਰਹਿਣਾ ਹੈ ਤੇ ਕਿਸੇ ਵੀ ਵੋਟ ਪਾਰਟੀ ਦਾ ਸਮਰਥਨ ਨਹੀਂ ਕਰਨਾ ਹੈ। ਇਸ ਸਮੇਂ ਇੰਦਰਜੀਤ ਸਿੰਘ ਧਾਲੀਵਾਲ ਜਿਲਾ ਸਕੱਤਰ ਨੇ ਸੰਯੁਕਤ ਕਿਸਾਨ ਮੋਰਚੇ ਦੇ ਸੱਦੇ ਮੁਤਾਬਿਕ 31 ਜਨਵਰੀ ਨੂੰ ਮੋਦੀ ਸਰਕਾਰ ਦੀ ਅਰਥੀ ਫੂਕ ਕੇ ਵਾਦਾ ਖਿਲਾਫੀ ਦਿਵਸ ਮਨਾਉਣਾ ਹੈ। ਉਨਾਂ 17 ਜਥੇਬੰਦੀਆਂ ਵਲੋਂ ਕਾਤਲ ਡੀਐਸ ਪੀ ਗੁਰਿੰਦਰ ਬਲ ਦੀ ਗ੍ਰਿਫਤਾਰੀ ਖਿਲਾਫ 26 ਜਨਵਰੀ ਨੂੰ ਸਿਟੀ ਥਾਣਾ ਜਗਰਾਂਓ ਦੇ ਅਣਮਿੱਥੇ ਸਮੇਂ ਦੇ ਘਿਰਾਓ ਚ ਲੋਕਾਂ ਨੂੰ ਸ਼ਾਮਲ ਹੋਣ ਦੀ ਅਪੀਲ ਕੀਤੀ ।ਉਨਾਂ 21 ਜਨਵਰੀ ਦੀ ਬਰਨਾਲਾ ਰੈਲੀ ਚ ਵੱਡੀ ਗਿਣਤੀ ਚ ਸਾਰੇ ਪਿੰਡਾਂ ਦੀ ਸ਼ਾਨਦਾਰ ਸ਼ਮੂਲੀਅਤ ਤੇ ਕਿਸਾਨਾਂ ਮਜਦੂਰਾਂ ਦਾ ਧੰਨਵਾਦ ਕੀਤਾ।ਇਸ ਸਮੇਂ ਜਥੇਬੰਦੀ ਵਲੋਂ ਸੋ ਦੇ ਕਰੀਬ  ਸੰਘਰਸ਼ਸ਼ੀਲ ਸਖਸ਼ੀਅਤਾਂ ਨੂੰ ਸਿਰੋਪਾਓ ਅਤੇ ਯਾਦਗਾਰੀ ਸ਼ੀਲਡਾਂ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਸਮੇਂ ਪਿੰਡ ਇਕਾਈ ਪ੍ਰਧਾਨ ਸੁਖਦੇਵ ਸਿੰਘ ਖਹਿਰਾ,  ਸਕੱਤਰ ਬੇਅੰਤ ਸਿੰਘ,ਬਲਵੰਤ ਸਿੰਘ ਬਲੰਤੀ, ਗੁਰਬਚਨ ਸਿੰਘ ਧਾਲੀਵਾਲ, ਲਖਵੀਰ ਸਿੰਘ ਮਾਨੇਕਾ,ਕਰਮਜੀਤ ਸਿੰਘ ਸਰਪੰਚ, ਤਰਸੇਮ ਸਿੰਘ ਬੱਸੂਵਾਲ,   ਗੁਰਪ੍ਰੀਤ ਸਿੰਘ ਸਿਧਵਾਂ, ਮਨਦੀਪ ਸਿੰਘ ਭੰਮੀਪੁਰਾ, ਦੇਵਿੰਦਰ ਸਿੰਘ ਕਾਉਂਕੇ ਆਦਿ ਆਗੂ ਹਾਜ਼ਰ ਸਨ।  ਬਾਅਦ ਚ ਲੰਗਰ ਅਤੁੱਟ ਵਰਤਿਆ।

ਹਠੂਰ,21,ਜਨਵਰੀ-(ਕੌਸ਼ਲ ਮੱਲ੍ਹਾ)-ਵਿਧਾਨ ਸਭਾ ਹਲਕਾ ਜਗਰਾਓ ਤੋ ਸ਼੍ਰੋਮਣੀ ਅਕਾਲੀ ਦਲ(ਬਾਦਲ) ਅਤੇ ਬਸਪਾ ਗਠਜੋੜ ਦੇ ਸਾਝੇ ਉਮੀਦਵਾਰ ਸਾਬਕਾ ਵਿਧਾਇਕ ਐਸ ਆਰ ਕਲੇਰ ਨੇ ਅੱਜ ਅਖਾੜਾ,ਮਾਣੰਕੇ,ਲੱਖਾ,ਹਠੂਰ,ਚਕਰ,ਮੱਲ੍ਹਾ,ਰਸੂਲਪੁਰ ਆਦਿ ਪਿੰਡਾ ਦੇ ਲੋਕਾ ਨਾਲ ਨੁਕੜ ਮੀਟਿੰਗਾ ਕੀਤੀਆ।ਇਸ ਮੌਕੇ ਸਾਬਕਾ ਵਿਧਾਇਕ ਐਸ ਆਰ ਕਲੇਰ,ਸਾਬਕਾ ਵਿਧਾਇਕ ਭਾਗ ਸਿੰਘ ਮੱਲ੍ਹਾ,ਐਸ ਜੀ ਪੀ ਸੀ ਦੇ ਮੈਬਰ ਭਾਈ ਗੁਰਚਰਨ ਸਿੰਘ ਗਰੇਵਾਲ,ਮੈਬਰ ਪੀਏਸੀ ਕੰਵਲਜੀਤ ਸਿੰਘ ਮੱਲ੍ਹਾ,ਸਰਕਲ ਪ੍ਰਧਾਨ ਪ੍ਰਮਿੰਦਰ ਸਿੰਘ ਚੀਮਾ ਨੇ ਕਿਹਾ ਕਿ 2007 ਤੋ ਲੈ ਕੇ 2017 ਤੱਕ ਜੋ ਅਕਾਲੀ ਸਰਕਾਰ ਵੱਲੋ ਲੋਕ ਪੱਖੀ ਸਕੀਮਾ ਦਿੱਤੀਆ ਸਨ।ਉਹ ਸਕੀਮਾ ਕਾਗਰਸ ਸਰਕਾਰ ਨੇ ਆਪਣੇ ਰਾਜ ਦੌਰਾਨ ਬੰਦ ਕਰ ਦਿੱਤੀਆ ਹਨ।ਉਨ੍ਹਾ ਕਿਹਾ ਕਿ ਇਹ ਬੰਦ ਕੀਤੀਆ ਸਕੀਮਾ ਨੂੰ ਸੂਬੇ ਵਿਚ ਅਕਾਲੀ ਸਰਕਾਰ ਬਣਨ ਤੇ ਦੁਆਰਾ ਚਾਲੂ ਕੀਤਾ ਜਾਵੇਗਾ।ਉਨ੍ਹਾ ਕਿਹਾ ਕਿ ਪੰਜਾਬ ਦੇ ਲੋਕ ਹੁਣ ਸੂਬੇ ਵਿਚ ਸ਼੍ਰੋਮਣੀ ਅਕਾਲੀ ਦਲ(ਬਾਦਲ) ਅਤੇ ਬਸਪਾ ਗਠਜੋੜ ਦੀ ਸਰਕਾਰ ਬਣਾਉਣ ਲਈ ਉਤਾਵਲੇ ਹਨ।ਇਸ ਮੌਕੇ ਪਿੰਡ ਮੱਲ੍ਹਾ ਦੀ ਪੰਚ ਅਮਰਜੀਤ ਕੌਰ ਆਪਣੇ ਸੈਕੜੈ ਸਮਰਥਕਾ ਨਾਲ ਕਾਗਰਸ ਦਾ ਪੱਲਾ ਛੱਡ ਕੇ ਸ੍ਰੋਮਣੀ ਅਕਾਲੀ ਦਲ (ਬਾਦਲ) ਪਾਰਟੀ ਵਿਚ ਸਾਮਲ ਹੋਏ।ਇਸ ਮੌਕੇ ਐਸ ਆਰ ਕਲੇਰ ਨੇ ਅਕਾਲੀ ਦਲ (ਬਾਦਲ) ਪਾਰਟੀ ਵਿਚ ਸਾਮਲ ਹੋਏ ਸਮੂਹ ਆਗੂਆ ਨੂੰ ਸਿਰਪਾਓ ਦੇ ਕੇ ਸਨਮਾਨਿਤ ਕੀਤਾ ਅਤੇ ਕਿਹਾ ਕਿ ਹਰ ਵਿਅਕਤੀ ਨੂੰ ਪਾਰਟੀ ਵੱਲੋ ਪੂਰਾ ਮਾਣ ਸਨਮਾਨ ਦਿੱਤਾ ਜਾਵੇਗਾਂ।ਇਸ ਮੌਕੇ ਇਲਾਕੇ ਦੇ ਪਿੰਡਾ ਵਿਚ ਉਮੀਦਵਾਰ ਸਾਬਕਾ ਵਿਧਾਇਕ ਐਸ ਆਰ ਕਲੇਰ ਅਤੇ ਉਨ੍ਹਾ ਨਾਲ ਆਏ ਆਗੂਆ ਨੂੰ ਸਿਰਪਾਓ ਦੇ ਕੇ ਵਿਸ਼ੇਸ ਤੌਰ ਤੇ ਸਨਮਾਨਿਤ ਕੀਤਾ ।ਇਸ ਮੌਕੇ ਉਨ੍ਹਾ ਨਾਲ ਸਰਕਲ ਮੱਲ੍ਹਾ ਦੇ ਪ੍ਰਧਾਨ ਪ੍ਰਮਿੰਦਰ ਸਿੰਘ ਚੀਮਾ,ਜਸਵੀਰ ਸਿੰਘ ਦੇਹੜਕਾ,ਸਾਬਕਾ ਚੇਅਰਮੈਨ ਚੰਦ ਸਿੰਘ ਡੱਲਾ,ਸਰਕਲ ਪ੍ਰਧਾਨ ਮਲਕੀਤ ਸਿੰਘ ਹਠੂਰ,ਸਰਕਲ ਯੂਥ ਪ੍ਰਧਾਨ ਜਗਦੀਸ ਸਿੰਘ ਦੀਸ਼ਾ,ਬੀ ਸੀ ਵਿੰਗ ਦੇ ਪ੍ਰਧਾਨ ਪਰਮਿੰਦਰ ਸਿੰਘ ਕੰਬੋ,ਪ੍ਰਿਤਪਾਲ ਸਿੰਘ,ਜਿਲ੍ਹਾ ਸਕੱਤਰ ਅਮਨਦੀਪ ਸਿੰਘ ਸੇਖੋਂ,ਪ੍ਰਧਾਨ ਜਗਦੀਸ ਸਿੰਘ ਮਾਣੰੂਕੇ, ਪ੍ਰਧਾਨ ਅਮਰਜੀਤ ਸਿੰਘ ਰਸੂਲਪੁਰ,ਸੂਬਾ ਜਨਰਲ ਸਕੱਤਰ ਪ੍ਰਧਾਨ ਸੰਦੀਪ ਸਿੰਘ ਮੱਲ੍ਹਾ,ਡਾਇਰੈਕਟਰ ਬਲਜੀਤ ਸਿੰਘ ਹਠੂਰ,ਯੂਥ ਵਿੰਗ ਦੇ ਸੀਨੀਅਰ ਮੀਤ ਪ੍ਰਧਾਨ ਸੁਖਦੀਪ ਸਿੰਘ ਨੀਟੂ ਰਸੂਲਪੁਰ,ਯੂਥ ਆਗੂ ਰਾਮ ਸਿੰਘ ਸਰਾਂ,ਜਸਪਾਲ ਸਿੰਘ ਮੱਲ੍ਹਾ,ਜੋਤੀ ਧਾਲੀਵਾਲ,ਯੂਥ ਪ੍ਰਧਾਨ ਸਰਗਨ ਸਿੰਘ ਰਸੂਲਪੁਰ,ਬੰਟੀ ਹਠੂਰ,ਸੁਖਦੀਪ ਸਿੰਘ ਰਸੂਲਪੁਰ,ਸਾਬਕਾ ਸਰਪੰਚ ਜੋਗਿੰਦਰ ਸਿੰਘ ਰਸੂਲਪੁਰ,ਸਾਬਕਾ ਸਰਪੰਚ ਸੇਰ ਸਿੰਘ ਰਸੂਲਪੁਰ,ਕਰਮਜੀਤ ਸਿੰਘ ਹਠੂਰ,ਸਰਪੰਚ ਗੁਰਦੀਪ ਸਿੰਘ ਨਵਾਂ ਡੱਲਾ, ਸੁਦਾਗਰ ਸਿੰਘ ਰਸੂਲਪੁਰ ਆਦਿ ਹਾਜ਼ਰ ਸਨ।
 ਫੋਟੋ ਕੈਪਸਨ:- ਉਮੀਦਵਾਰ ਸਾਬਕਾ ਵਿਧਾਇਕ ਐਸ ਆਰ ਕਲੇਰ ਨੂੰ ਸਨਮਾਨਿਤ ਕਰਦੇ ਹੋਏ ਪਿੰਡ ਮੱਲ੍ਹਾ ਵਾਸੀ।

ਜਗਰਾਓਂ 21 ਜਨਵਰੀ (ਅਮਿਤ ਖੰਨਾ)-ਆੜ੍ਹਤੀਆ ਐਸੋਸੀਏਸ਼ਨ ਜਗਰਾਓਂ ਵੱਲੋਂ ਸਿਵਲ ਹਸਪਤਾਲ ਦੇ ਸਹਿਯੋਗ ਨਾਲ ਇਲਾਕੇ ਦੇ ਸਮੂਹ ਆੜ੍ਹਤੀਆਂ, ਲੇਖਾਕਾਰਾਂ, ਗੱਲਾ ਮਜ਼ਦੂਰਾਂ ਲਈ 24 ਜਨਵਰੀ ਨੂੰ ਕੋਰੋਨਾ ਵੈਕਸੀਨੇਸ਼ਨ ਕੈਂਪ ਲਗਾਇਆ ਜਾ ਰਿਹਾ ਹੈ। ਇਸ ਸਬੰਧੀ ਪ੍ਰਧਾਨ ਕਨ੍ਹੱਈਆ ਗੁਪਤਾ ਬਾਂਕਾ ਨੇ ਦੱਸਿਆ ਇਹ ਕੈਂਪ 24 ਜਨਵਰੀ ਨੂੰ ਸਵੇਰੇ 10 ਤੋਂ ਦੁਪਹਿਰ 2 ਵਜੇ ਤਕ ਸਥਾਨਕ ਪੁਰਾਣੀ ਦਾਣਾ ਮੰਡੀ ਧਰਮਸ਼ਾਲਾ 'ਚ ਲਗਾਇਆ ਜਾਵੇਗਾ। ਇਸ ਕੈਂਪ 'ਚ 15 ਤੋਂ 18 ਸਾਲ ਵਰਗ, 18 ਤੋਂ ਉਪਰਲੇ ਵਰਗ ਨੂੰ ਪਹਿਲੀ ਤੇ ਦੂਜੀ ਡੋਜ਼ ਤੇ ਜਿਨ੍ਹਾਂ ਦੇ ਦੋਵੇਂ ਟੀਕੇ ਲੱਗਿਆਂ 9 ਮਹੀਨੇ ਹੋ ਗਏ, ਉਨ੍ਹਾਂ ਨੂੰ ਬੂਸਟਰ ਡੋਜ਼ ਲਗਾਈ ਜਾਵੇਗੀ।

ਜਗਰਾਓਂ 21 ਨਵੰਬਰ (ਅਮਿਤ ਖੰਨਾ) ਸਰਵਹਿੱਤਕਾਰੀ ਸਿੱਖਿਆ ਸਮਿਤੀ ਪੰਜਾਬ ਦੁਆਰਾ ਆਯੋਜਿਤ ਮੋਗਾ ਸੰਕੁਲ ਦੇ ਸਮਰਪਣ ਸੰਬੰਧਿਤ ਬੈਠਕ ਸੰਪੂਰਨ ਹੋਈ। ਬੈਠਕ ਦੀ ਸ਼ੁਰੁਆਤ ਸ੍ਰੀਮਤੀ ਸਤੀਸ਼ ਗੁਪਤਾ ਸਰਵਹਿਤਕਾਰੀ ਵਿਿਦਆ ਮੰਦਰ ਸੀਨੀਅਰ ਸੈਕੰਡਰੀ ਸਕੂਲ ਜਗਰਾਉ ਦੇ ਪ੍ਰਿੰਸੀਪਲ ਸ੍ਰੀਮਤੀ ਨੀਲੂ ਨਰੂਲਾ ਜੀ ਨੇ ਗਾਇਤ੍ਰੀ ਮੰਤਰ ਦੁਆਰਾ ਕੀਤੀ। ਉਪਰੰਤ ਪ੍ਰਾਂਤ ਪ੍ਰਮੁੱਖ ਸ੍ਰੀ ਭਾਨੂੰ ਪ੍ਰਤਾਪ ਜੀ ਨੇ ਸਮਰਪਨ ਸਬੰਧੀ ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਕਿਹਾ ਕਿ ਸਮਰਪਣ ਦਾ ਭਾਵ ਹਰ ਮਨੁੱਖ ਦੇ ਹਿਰਦੇ ਵਿਚ ਹੋਣਾ ਚਾਹੀਦਾ ਹੈ। ਫਿਰ ਜਮਾਤ 10ਵੀਂ ਦੀ ਵਿਿਦਆਰਥਣ ਜੈਸਮੀਨ ਨੇ ਸਮਰਪਣ ਸਬੰਧੀ ਆਪਣੇ ਵਿਚਾਰ ਪੇਸ਼ ਕਰਦਿਆਂ ਕਿਹਾ ਕਿ ਸਮਰਪਨ ਪ੍ਰਤੀ ਸਾਡੇ ਮਨ ਵਿੱਚ ਸ਼ਰਧਾ ਹੋਣੀ ਚਾਹੀਦੀ ਹੈ। ਜਦੋਂ ਮੇਰੇ ਮਨ ਵਿੱਚ ਸਮਰਪਣ ਪ੍ਰਤੀ ਸਪੱਸ਼ਟੀਕਰਨ ਹੋ ਗਿਆ ਤਾਂ ਮੈਂ ਆਪਣੇ ਰਿਸ਼ਤੇਦਾਰਾਂ, ਦੋਸਤ ਸਹੇਲੀਆਂ, ਆਂਢ-ਗੁਆਂਢ ਗਈ ਤੇ ਸਮਰਪਣ ਪ੍ਰਤੀ ਜਾਣਕਾਰੀ ਦੇ ਕੇ ਰਾਸ਼ੀ ਇਕੱਠੀ ਕੀਤੀ। ਜਦੋਂ ਅਸੀ ਕਿੰਨੇ ਲੋੜਵੰਦਾਂ ਦੀ ਲੋੜ ਪੂਰੀ ਕਰਦੇ ਹਾਂ ਤਾਂ ਉਸ ਵਿੱਚ ਸਾਨੂੰ ਜੋ ਖੁਸ਼ੀ ਮਿਲਦੀ ਹੈ ਉਸਦਾ ਅਸੀਂ ਅੰਦਾਜ਼ਾ ਵੀ ਨਹੀਂ ਲਗਾ ਸਕਦੇ।ਫਿਰ ਮਾਨਯੋਗ ਸ੍ਰੀ ਰਾਜਿੰਦਰ ਕੁਮਾਰ ਜੀ ਨੇ ਵੱਖ-ਵੱਖ ਉਦਾਹਰਨਾਂ ਦੇ ਕੇ ਸਮਰਪਣ ਬਾਰੇ ਆਪਣੇ ਵਿਚਾਰ ਪੇਸ਼ ਕਰਦਿਆਂ ਕਿਹਾ ਕਿ ਜਿਸ ਤਰ੍ਹਾਂ ਕੁਦਰਤ ਵੱਲੋਂ ਸਾਨੂੰ ਸਾਰੀਆਂ ਨਿਆਮਤਾਂ ਮਿਲੀਆਂ ਹੋਈਆਂ ਹਨ ਉਸੇ ਤਰ੍ਹਾਂ ਹੀ ਸਾਨੂੰ ਵੀ ਇਸ ਪ੍ਰਤੀ ਆਪਣੇ ਫਰਜ਼ ਪੂਰੇ ਕਰਨੇ ਚਾਹੀਦੇ ਹਨ। ਸਾਨੂੰ ਵੀ ਆਪਣੀ ਕਮਾਈ ਵਿੱਚੋਂ ਦਸਵੰਧ ਕੱਢਣਾ ਚਾਹੀਦਾ ਹੈ ਉਸ ਨਾਲ ਕਿਸੇ ਲੋੜਵੰਦ ਦੀ ਸਹਾਇਤਾ ਕਰਨੀ ਚਾਹੀਦੀ ਹੈ। ਇਸ ਨਾਲ ਮਨ ਨੂੰ ਸ਼ਾਂਤੀ ਮਿਲਦੀ ਹੈ ਤੇ ਦੁਆਵਾਂ ਵੀ ਮਿਲਦੀਆਂ ਹਨ। ਇਸ ਲਈ ਹਰ ਇਨਸਾਨ ਵਿਚ ਸਮਰਪਣ ਦੀ ਭਾਵਨਾ ਹੋਣੀ ਚਾਹੀਦੀ ਹੈ।ਬੈਠਕ ਵਿਚ ਉੱਤਰ ਖੇਤਰ ਦੇ ਪ੍ਰਚਾਰ-ਪ੍ਰਸਾਰ ਪ੍ਰਮੁੱਖ ਸ੍ਰੀ ਰਾਜਿੰਦਰ ਕੁਮਾਰ ਜੀ, ਲੁਧਿਆਣਾ ਵਿਭਾਗ ਦੇ ਵਿਭਾਗ ਪਾਲਕ ਸ੍ਰੀ ਨਵਦੀਪ ਸ਼ੇਖਰ ਜੀ, ਮੋਗਾ ਸੰਕੁਲ ਦੇ 7 ਵਿੱਦਿਆ ਮੰਦਿਰਾਂ ਦੇ ਪ੍ਰਿੰਸੀਪਲ, ਅਧਿਆਪਕ, ਛਾਤਰ, ਪੂਰਵ ਛਾਤਰ ਸ਼ਾਮਲ ਸਨ।ਵਿਭਾਗ ਸਚਿਵ ਸ੍ਰੀ ਬੁਧੀਆ ਰਾਮ ਜੀ ਨੇ ਬੈਠਕ ਵਿਚ ਹਾਜ਼ਰ ਸਭ ਦਾ ਧੰਨਵਾਦ ਕੀਤਾ।ਅੰਤ ਵਿੱਚ ਮੋਗਾ ਸਕੂਲ ਦੇ ਪ੍ਰਿੰਸੀਪਲ ਸ੍ਰੀਮਤੀ ਪੂਨਮ ਗੋਇਲ ਜੀ ਨੇ ਸੁਖ਼ਨਾ ਮੰਤਰ ਨਾਲ ਬੈਠਕ ਦੇ ਪਹਿਲੇ ਸਤਰ ਦਾ ਸਮਾਪਨ ਕੀਤਾ।ਦੂਜੇ ਸਤਰ ਵਿੱਚ, ਸ਼੍ਰੀ ਸਤਪਾਲ ਅਰੋੜਾ ਨੇ ਸਮਰਪਣ ਬਾਰੇ ਵਿਚਾਰ ਪੇਸ਼ ਕਰਦਿਆਂ ਕਿਹਾ ਕਿ ਆਪਣੇ ਮਨ ਨੂੰ ਸਮਰਪਣ ਕਰਨਾ, ਆਪਣੀਆਂ ਇੱਛਾਵਾਂ ਨੂੰ ਤਿਆਗਣਾ ਹੀ ਸਮਰਪਣ ਹੈ। ਸ਼੍ਰੀ ਨਵਦੀਪ ਸ਼ੇਖਰ ਜੀ ਨੇ ਸਮਰਪਣ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਕਿਹਾ ਕਿ ਸਮਾਜ ਲਈ ਸਮਰਪਣ ਕਰਨਾ ਤੇ ਇੱਕ ਵਿਅਕਤੀ ਨੂੰ ਆਤਮ-ਨਿਰਭਰ ਬਣਾਉਣਾ ਹੀ ਸੱਚ ਵਿੱਚ ਸਮਰਪਣ ਹੁੰਦਾ ਹੈ।ਬੈਠਕ ਵਿੱਚ ਦੀਦੀ ਮੀਨੂੰ ਜੀ ਨੇ ਸਮਰਪਣ ਬਾਰੇ ਆਪਣੇ ਵਿਚਾਰ ਪੇਸ਼ ਕਰਦਿਆਂ ਕਿਹਾ ਸਮਰਪਣ ਲਈ ਦੀਦਿਆਂ ਦੀਆਂ ਟੋਲੀਆਂ ਬਣਾ ਕੇ ਪ੍ਰਬੰਧ ਸਮਿਤੀ ਦੇ ਘਰ ਅਤੇ ਸਥਾਨਕ ਮਾਨਯੋਗ ਮੈਂਬਰਾਂ ਦੇ ਘਰ ਜਾਂਦੇ ਹਨ, ਜੋ ਕਿ ਇੱਕ ਵਧੀਆ ਉਪਰਾਲਾ ਹੈ। ਸਾਡੇ ਸਕੂਲ ਦੇ ਸੰਰਖਿਅਕ ਸ਼੍ਰੀ ਬਲਰਾਜ ਕ੍ਰਿਸ਼ਨ ਗੁਪਤਾ ਜੀ ਜੋ US1 ਨਿਵਾਸੀ ਹਨ ਤਾਂ ਉਹ ਵੀ ਹਰ ਸਾਲ ਸਲਾਨਾ ਸਮਰਪਣ 31000/- ਭੇਜ ਰਹੇ ਹਨ ਜੋ ਕਿ ਬਹੁਤ ਹੀ ਕਾਬਿਲ ਏ ਤਾਰੀਫ਼ ਉਪਰਾਲਾ ਹੈ।ਦੀਦੀ ਸ਼ਿਫਾਲੀ ਨੇ ਸਮਰਪਣ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਦੱਸਿਆ ਕਿ ਅਸੀਂ ਆਪਣੇ ਜਨਮ ਦਿਨ ਜਾਂ ਵਿਆਹ ਦੀ ਵਰੇਗੰਢ ਮੌਕੇ ਤੇ ਕੁਝ ਯੋਗਦਾਨ ਸਮਰਪਣ ਵਜੋਂ ਜ਼ਰੂਰ ਦੇਵਾਂਗੇ, ਤਾਂ ਜੋ ਜਰੂਰਤਮੰਦ ਬੱਚਿਆਂ ਦੀ ਸਹਾਇਤਾ ਕੀਤੀ ਜਾਵੇ।ਅੰਤ ਵਿੱਚ ਮੋਗਾ ਸਕੂਲ ਦੇ ਪ੍ਰਿੰਸੀਪਲ ਸ਼੍ਰੀਮਤੀ ਪੂਨਮ ਗੋਇਲ ਜੀ ਨੇ ਸੁਖ਼ਨਾ ਮੰਤਰ ਨਾਲ ਇਸ ਸਤਰ ਦਾ ਸਮਾਪਨ ਕੀਤਾ।