ਅੱਜ ਚਿੰਤਾ ਦਾ ਵਿਸ਼ਾ

ਕੋਰੋਨਾ ਵਾਇਰਸ ਦੀ ਮਾਰ ਹੇਠ ਪੰਜਾਬ ਦਾ ਬਿਜ਼ਨਸ

ਮੈਂ ਅੱਜ ਗੱਲ ਕਰਨ ਜਾ ਰਿਹਾ ਹਾਂ ਪੰਜਾਬ ਅੰਦਰ ਏਸ਼ੀਆ ਦੀ ਸਭ ਤੋਂ ਵੱਡੀ ਸ਼ਰਾਬ ਬਣਾਉਣ ਵਾਲੀ ਫਿਕਟਰੀ ਦੀ...!

ਪਾਠਕਾਂ ਨੂੰ ਸ਼ੁਰੂ ਵਿੱਚ ਦੱਸ ਦਾ ਜਾਵਾ ਚਾਹੇ ਇਕ ਸਿੱਖ ਹੋਣ ਦੇ ਨਾਤੇ ਮੇਰਾ ਕੋਈ ਸਰੋ ਕਾਰ ਨਹੀਂ ਹੈ ਸ਼ਰਾਬ ਬਣਾਉਣ ਵਾਲਿਆ ਇਹਨਾਂ ਫੈਕਟਰੀਆਂ ਨਾਲ ਪਰ ਅੱਜ ਸਵਾਲ ਹੈ ਕੇ ਕਿਸ ਤਰਾਂ ਕੋਰੋਨਾ ਵਾਇਰਸ ਸਾਡੇ ਪੰਜਾਬ ਜਾ ਦੁਨੀਆ ਵਿਚ ਵਸਣ ਵਾਲੇ ਬਿਜਨਸ ਵਾਲੇ ਆਦਮੀਆਂ ਨੂੰ ਆਰਥਿਕ ਮੰਦੀ ਵੱਲ ਧੱਕ ਰਿਹਾ ਹੈ। ਬੇਨਤੀ ਕਰਨੀ ਚਾਹੁੰਦਾ ਹਾਂ ਸਰਕਾਰ ਇਹਨਾਂ ਵੱਲ ਤੋਰਨਤ ਧਿਆਨ ਦੇਵੇ ਨਹੀਂ ਤਾਂ ਲੱਖਾਂ ਲੋਕ ਬੇ ਘਰ ਹੋ ਜਾਣਗੇ।

ਬਨੂੜ ਵਿੱਚ 1989 ਵਿੱਚ ਸਥਾਪਿਤ ਹੋਈ ਏਸ਼ੀਆ ਦੀ ਸਭ ਤੋਂ ਵੱਡੀ ਚੰਡੀਗੜ੍ਹ ਡਿਸਟਿਲਰੀਜ਼ ਐਂਡ ਬੋਟਲਰਜ਼ ਨਾਂ ਦੀ ਸ਼ਰਾਬ ਫੈਕਟਰੀ ਲੌਕਡਾਊਨ ਹੋਣ ਮਗਰੋਂ ਬੰਦ ਪਈ ਹੈ। ਇਸ ਕਾਰਨ ਇਸ ਨਾਲ ਜੁੜੇ ਹਜ਼ਾਰਾਂ ਪਰਿਵਾਰਾਂ ਦੀ ਆਰਥਿਕਤਾ ਹਿੱਲ ਗਈ ਹੈ।
ਜਾਣਕਾਰੀ ਅਨੁਸਾਰ ਇੱਥੇ 20 ਤੋਂ ਵੱਧ ਬਰਾਂਡ ਅੰਗਰੇਜ਼ੀ ਸ਼ਰਾਬ ਅਤੇ ਅੱਠ ਦੇ ਕਰੀਬ ਕਿਸਮਾਂ ਦੀ ਦੇਸੀ ਸ਼ਰਾਬ ਬਣਦੀ ਹੈ। ਫੈਕਟਰੀ ’ਚੋਂ 2 ਲੱਖ ਦੇ ਕਰੀਬ ਪ੍ਰਤੀ ਮਹੀਨਾ ਦੇਸੀ ਸ਼ਰਾਬ ਦੀਆਂ ਪੇਟੀਆਂ ਪੰਜਾਬ ਵਿੱਚ ਸਪਲਾਈ ਹੁੰਦੀਆਂ ਹਨ। ਇੱਥੋਂ ਰੋਜ਼ਾਨਾ 15 ਹਜ਼ਾਰ ਤੋਂ ਵੱਧ ਅੰਗਰੇਜ਼ੀ ਸ਼ਰਾਬ ਦੀਆਂ ਪੇਟੀਆਂ ਪੰਜਾਬ, ਉਤਰਾਖੰਡ, ਜੰਮੂ-ਕਸ਼ਮੀਰ, ਚੰਡੀਗੜ੍ਹ, ਦਿੱਲੀ ਅਤੇ ਉੱਤਰ ਪ੍ਰਦੇਸ਼ ਜਾਂਦੀਆਂ ਹਨ। ਰੋਜ਼ਾਨਾ 3 ਲੱਖ 30 ਹਜ਼ਾਰ ਕਿਲੋਲਿਟਰ ਸਮਰੱਥਾ ਵਾਲੀ ਇਸ ਫੈਕਟਰੀ ਵਿੱਚ 2 ਲੱਖ 80 ਹਜ਼ਾਰ ਕਿਲੋਲਿਟਰ ਸਪਿਰਟ ਤਿਆਰ ਕੀਤੀ ਜਾਂਦੀ ਹੈ। ਜਿਸ ਵਿੱਚੋਂ ਇੱਕ ਲੱਖ ਕਿਲੋਲਿਟਰ ਤੋਂ ਵੱਧ ਸਪਿਰਟ ਹੋਰਨਾਂ ਡਿਸਟਿਲਰੀਜ਼ ਨੂੰ ਵੇਚੀ ਜਾਂਦੀ ਹੈ।
ਸ਼ਰਾਬ ਫੈਕਟਰੀ ਵਿੱਚ 8 ਮੈਗਾਵਾਟ ਦਾ ਆਪਣਾ ਬਿਜਲੀ ਉਤਪਾਦਨ ਹੈ ਤੇ ਇੱਥੋਂ ਪੰਜ ਮੈਗਾਵਾਟ ਦੇ ਕਰੀਬ ਰੋਜ਼ਾਨਾ ਬਿਜਲੀ ਪਾਵਰਕੌਮ ਨੂੰ ਦਿੱਤੀ ਜਾਂਦੀ ਹੈ। ਫੈਕਟਰੀ ਵਿੱਚ ਪੈਟਰੋਲ ਵਿੱਚ ਪੈਣ ਵਾਲਾ ਈਥਾਨੌਲ, ਮੁਰਗੀਆਂ ਤੇ ਪਸ਼ੂਆਂ ਦੀ ਫੀਡ ਵਿੱਚ ਵਰਤੀ ਜਾਣ ਵਾਲੀ ਡੀਡੀਜੀਐੱਸ, ਸੀਓ2 ਵੱਡੀ ਮਾਤਰਾ ਵਿੱਚ ਬਣਦੀ ਹੈ, ਜੋ ਉਪਰੋਕਤ ਰਾਜਾਂ ਤੋਂ ਇਲਾਵਾ ਸਮੁੱਚੇ ਭਾਰਤ ਵਿੱਚ ਵੀ ਜਾਂਦੀ ਹੈ। 23 ਮਾਰਚ ਨੂੰ ਹੋਏ ਲੌਕਡਾਊਨ ਮਗਰੋਂ ਸ਼ਰਾਬ ਫੈਕਟਰੀ ਨੂੰ ਤਾਲਾ ਲੱਗ ਗਿਆ, ਜਿਸ ਕਾਰਨ ਸਮੁੱਚਾ ਉਤਪਾਦਨ ਬੰਦ ਪਿਆ ਹੈ। ਫੈਕਟਰੀ ਨਾਲ ਜੁੜੇ ਹੋਏ ਮਜ਼ਦੂਰਾਂ ਨੂੰ ਫੈਕਟਰੀ ਵੱਲੋਂ ਤਨਖਾਹਾਂ ਅਤੇ ਰਾਸ਼ਨ ਖੁਦ ਮੁਹੱਈਆ ਕਰਾਇਆ ਗਿਆ ਹੈ ਪਰ ਟਰੱਕ ਅਤੇ ਟੈਂਕਰ ਚਾਲਕਾਂ ਨੂੰ ਇਸ ਦੀ ਭਾਰੀ ਮਾਰ ਪੈ ਰਹੀ ਹੈ।ਜੋ ਕੇੇ ਸਿੱਧੇ ਤੌਰ ਤੇ ਫਿਕਟਰੀ ਦੇ ਕਾਮੇ ਨਹੀਂ ਹਨ ਪਰ ਫਿਕਟਰੀ ਉਪਰ ਉਹਨਾ ਦਾ ਕੰਮ ਨਿਰਭਰ ਕਰਦਾ ਹੈ।ਬਨੂੜ ਟਰੱਕ ਯੂਨੀਅਨ ਦੇ ਪ੍ਰਧਾਨ ਸੋਨੀ ਸੰਧੂ ਨੇ ਦੱਸਿਆ ਕਿ ਉਨ੍ਹਾਂ ਦੀ ਯੂਨੀਅਨ ਵਿੱਚ 250 ਗੱਡੀਆਂ ਹਨ, ਜਿਨ੍ਹਾਂ ਨਾਲ ਇੱਕ ਹਜ਼ਾਰ ਦੇ ਕਰੀਬ ਪਰਿਵਾਰ ਜੁੜੇ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਯੂਨੀਅਨ ਸਿੱਧੇ ਤੌਰ ’ਤੇ ਸ਼ਰਾਬ ਫੈਕਟਰੀ ’ਤੇ ਹੀ ਨਿਰਭਰ ਹੈ। ਰੋਜ਼ਾਨਾ 25 ਤੋਂ 30 ਗੱਡੀਆਂ ਸਮੁੱਚੇ ਦੇਸ਼ ਵਿੱਚ ਸ਼ਰਾਬ ਤੇ ਹੋਰ ਵਸਤਾਂ ਸਪਲਾਈ ਕਰਦੀਆਂ ਸਨ ਤੇ ਹੁਣ ਤਾਲਾਬੰਦੀ ਕਾਰਨ ਇਹ ਟਰੱਕ ਵੀ ਬੰਦ ਹਨ।

ਸ਼ਰਾਬ ਫੈਕਟਰੀ ਦੇ ਜਨਰਲ ਮੈਨੇਜਰ ਪੁਸ਼ਪਿੰਦਰ ਸਿੰਘ ਨਾਲ ਸਥਿਤੀ ਦੀ ਜਾਣਕਾਰੀ ਲਈ ਸੰਪਰਕ ਕੀਤਾ ਤਾਂ ਉਹਨਾਂ ਨੇ ਦੱਸਿਆ ਕਿ ਲੌਕਡਾਊਨ ਕਾਰਨ ਫੈਕਟਰੀ ਨੂੰ ਆਰਥਿਕ ਤੌਰ ’ਤੇ ਭਾਰੀ ਘਾਟਾ ਪਿਆ ਹੈ। ਉਨ੍ਹਾਂ ਦੱਸਿਆ ਕਿ ਸ਼ਰਾਬ ਫੈਕਟਰੀ ਵੱਲੋਂ ਪੰਜਾਬ ਸਰਕਾਰ ਨੂੰ ਹਸਪਤਾਲਾਂ ਲਈ ਬਿਨਾਂ ਕਿਸੇ ਕੀਮਤ ਤੋਂ ਵੀਹ ਹਜ਼ਾਰ ਲਿਟਰ ਸੈਨੇਟਾਈਜ਼ਰ ਬਣਾ ਕੇ ਵੀ ਦਿੱਤਾ ਗਿਆ ਹੈ ਤੇ ਆਪਣੇ ਵਰਕਰਾਂ ਤੋਂ ਇਲਾਵਾ ਹੋਰਨਾਂ ਪਰਿਵਾਰਾਂ ਨੂੰ ਵੀ ਰਾਸ਼ਨ ਦਿੱਤਾ ਜਾ ਰਿਹਾ ਹੈ। ਉਨ੍ਹਾਂ ਫੈਕਟਰੀ ਬੰਦ ਹੋਣ ਕਾਰਨ ਟਰਾਂਸਪੋਰਟ ਸੈਕਟਰ ਦੀ ਆਰਥਿਕਤਾ ਨੂੰ ਨੁਕਸਾਨ ਪਹੁੰਚਣ ਦੀ ਪੁਸ਼ਟੀ ਕੀਤੀ ਹੈ।

ਹੁਣ ਸਵਾਲ ਇਥੇ ਆ ਕੇ ਖੜਦਾ ਹੈ ਜੇ ਇਹ ਕੰਮ ਮਹੀਨਾ ਹੋਰ ਨਾ ਚਲੇ ਫੇਰ ਇਸ ਫਿਕਟਰੀ ਨਾਲ ਜੁੜੇ ਲੋਕਾਂ ਦਾ ਕੀ ਬਣੇ ਗਾ ਇਸ ਬਾਰੇ ਹੁਣ ਹੀ ਧਿਆਨ ਦੇਣ ਦੀ ਲੋੜ ਹੈ ਨਾ ਕੇ ਬਾਅਦ ਵਿੱਚ ਜਦੋਂ ਇਸ ਤਰਾਂ ਦੇ ਬਿਜਨਸ ਅਦਾਰੇ ਬੰਦ ਹੋਣਗੇ ਫੇਰ ਭੁੱਖ ਮਾਰੀ ਸਾਡੇ ਪੱਲੇ ਰਹਿ ਜਾਵੇਗੀ। ਸਮੇ ਸਿਰ ਇਸ ਤੋਂ ਬਚਣ ਦੀ ਲੋੜ ..?

ਬਹੁਤ ਸਾਰੇ ਹੋਰ ਵੀ ਇਸ ਤਰਾਂ ਦੇ ਬਿਜਨਸ ਪੰਜਾਬ ਵਿਚ ਹਨ ਜਿਨ੍ਹਾਂ ਨਾਲ ਸੰਪਰਕ ਕੀਤਾ ਜਾ ਰਿਹਾ ਹੈ ਜਦੋ ਜਾਣਕਾਰੀ ਪ੍ਰਾਪਤ ਹੋਈ ਜਰੂਰ ਸਾਜੀ ਕਰਗਾ।..... ਅਮਨਜੀਤ ਸਿੰਘ ਖਹਿਰਾ

ਸੰਵਿਧਾਨ ਨਿਰਮਾਤਾ ਨੂੰ ਸਮਰਪਿਤ-✍️ਸਲੇਮਪੁਰੀ ਦੀ ਚੂੰਢੀ

ਸੰਵਿਧਾਨ ਨਿਰਮਾਤਾ ਨੂੰ ਸਮਰਪਿਤ-

ਸ਼ਰਧਾਂਜਲੀ!

ਅੱਜ ਭਾਰਤੀ ਸੰਵਿਧਾਨ ਦੇ ਨਿਰਮਾਤਾ ਬਾਬਾ ਸਾਹਿਬ ਡਾ: ਭੀਮ ਰਾਓ ਅੰਬੇਦਕਰ ਦਾ ਜਨਮ ਦਿਹਾੜਾ ਹੈ, ਜਿੰਨਾ ਨੇ ਸੰਵਿਧਾਨ ਦੀ ਸਿਰਜਣਾ ਕਰਨ ਤੋਂ ਪਹਿਲਾਂ ਸੰਸਾਰ ਦੇ ਬਹੁਤ ਸਾਰੇ ਦੇਸ਼ਾਂ ਦੇ ਵੱਖ ਵੱਖ ਪੱਖਾਂ ਦੇ ਹਾਲਾਤਾਂ ਦੀ ਸਮੀਖਿਆ ਕਰਨ ਦੇ ਨਾਲ-ਨਾਲ ਉਸ ਵੇਲੇ ਦੇ ਭਾਰਤ ਦੇ ਜਮੀਨੀ ਪੱਧਰ ਦੇ ਹਾਲਾਤਾਂ ਨਾਲ ਸਬੰਧਿਤ ਹਰ ਤਰ੍ਹਾਂ ਦੇ ਪਹਿਲੂਆਂ ਨੂੰ ਚੰਗੀ ਤਰ੍ਹਾਂ ਘੋਖਿਆ। ਭਾਰਤ ਦੇ ਹਾਲਾਤ ਦੂਜੇ ਦੇਸ਼ਾਂ ਦੇ ਮੁਕਾਬਲੇ ਬਿਲਕੁਲ ਵੱਖਰੇ ਸਨ, ਕਿਉਂਕਿ ਸੰਸਾਰ ਦੇ ਬਾਕੀ ਦੇਸ਼ਾਂ ਵਿਚ ਕੇਵਲ ਆਰਥਿਕ ਵਿਤਕਰੇ ਦੀ ਕੰਧ ਸੀ ਜਦੋਂ ਕਿ ਭਾਰਤ ਵਿਚ ਆਰਥਿਕ ਵਿਤਕਰੇ ਦੇ ਨਾਲ ਨਾਲ ਜਾਤੀਵਾਦ ਪ੍ਰਬੰਧ ਦਾ ਵਿਤਕਰਾ ਭਾਰੂ ਹੋਣ ਕਰਕੇ ਇਥੇ ਉੱਚ ਜਾਤੀ ਦੇ ਲੋਕਾਂ ਵਲੋਂ ਅਖੌਤੀ ਨੀਵੀਂ ਜਾਤੀ ਦੇ ਲੋਕਾਂ ਨਾਲ ਜਾਨਵਰਾਂ ਨਾਲੋਂ ਵੀ ਮਾੜਾ ਸਲੂਕ ਕੀਤਾ ਜਾਂਦਾ ਸੀ। ਕੁੱਤੇ ਅਤੇ ਹੋਰ ਜਾਨਵਰ ਛੱਪੜਾਂ ਵਿਚੋਂ ਲੰਘ ਸਕਦੇ ਸਨ ਪਰ ਦਲਿਤਾਂ ਨੂੰ ਉਥੋਂ ਪਾਣੀ ਪੀਣ ਦੀ ਵੀ ਮਨਾਹੀ ਸੀ। ਦੇਸ਼ ਵਿਚ ਮਨੂੰ ਵਿਧਾਨ ਲਾਗੂ ਹੋਣ ਕਰਕੇ ਔਰਤ ਜਾਤੀ ਉਪਰ ਵੀ ਬੇਹੱਦ ਬੰਦਸ਼ਾਂ ਲਾਗੂ ਸਨ ਅਤੇ ਔਰਤਾਂ ਨਾਲ ਵੀ ਦਲਿਤਾਂ ਵਾਂਗ ਵਿਤਕਰਾ ਜਾਰੀ ਸੀ। ਅਜਿਹੇ ਹਾਲਾਤਾਂ ਨਾਲ ਲੜਨ ਲਈ ਡਾ: ਅੰਬੇਦਕਰ ਇਕੱਲੇ ਸਨ, ਪਰ ਉਨ੍ਹਾਂ ਦਾ ਵਿਰੋਧ ਕਰਨ ਵਾਲੇ ਸਰਮਾਏਦਾਰਾਂ ਅਤੇ ਰਾਜਨੀਤੀ ਉਪਰ ਕਾਬਜ ਲੋਕਾਂ ਦੀ ਗਿਣਤੀ ਬਹੁਤ ਜਿਆਦਾ ਸੀ। ਡਾ: ਅੰਬੇਦਕਰ ਦੂਹਰੀ ਲੜਾਈ ਲੜਨ ਲਈ ਮਜਬੂਰ ਸਨ, ਜਿਥੇ ਉਨ੍ਹਾਂ ਨੂੰ ਦੇਸ਼ ਦੀ ਅਜਾਦੀ ਲਈ ਸੰਘਰਸ਼ ਕਰਨਾ ਪੈ ਰਿਹਾ ਸੀ ਉਥੇ ਉਨ੍ਹਾਂ ਨੂੰ ਦੇਸ਼ ਦੇ ਉਨ੍ਹਾਂ ਕਰੋੜਾਂ ਲੋਕਾਂ ਲਈ ਵੀ ਲੜਾਈ ਲੜਨੀ ਪੈ ਰਹੀ ਸੀ ਜਿੰਨਾ ਨੂੰ ਸਦੀਆਂ ਤੋਂ ਮਨੂੰਵਾਦੀਆਂ ਨੇ ਗੁਲਾਮ ਬਣਾ ਕੇ ਰੱਖਿਆ ਹੋਇਆ ਸੀ। ਉਨ੍ਹਾਂ ਨੇ ਹੁਣ ਦੇ ਖੁਦਗਰਜ਼ ਲੋਕਾਂ ਵਾਂਗੂੰ ਨਾ ਤਾਂ ਆਪਣੀਆਂ ਅੱਖਾਂ 'ਤੇ ਪੱਟੀ ਬੰਨ੍ਹ ਕੇ ਅਤੇ ਨਾ ਹੀ ਕੰਨਾਂ ਵਿਚ ਅਤੇ ਮੂੰਹ' ਤੇ ਉਂਗਲ ਕੇ ਰੱਖੀ ਹੋਈ ਸੀ । ਉਨ੍ਹਾਂ ਨੇ ਦੇਸ਼ ਦਾ ਸੰਵਿਧਾਨ ਲਿਖਣ ਸਮੇਂ ਦੇਸ਼ ਵਿਚ ਪੈਦਾ ਹੋਏ ਹਰ ਵਰਗ ਦੇ ਲੋਕਾਂ ਭਾਵੇਂ ਕੋਈ ਮਰਦ ਹੋਵੇ ਭਾਵੇਂ ਔਰਤ ਹੋਵੇ ਨੂੰ ਬਰਾਬਰਤਾ ਦਾ ਅਧਿਕਾਰ ਲੈ ਕੇ ਦਿੱਤਾ। ਕਿਸੇ ਇਕ ਧਰਮ ਦੀ ਥਾਂ ਸਾਰੇ ਧਰਮਾਂ ਨੂੰ ਬਰਾਬਰ ਰੱਖ ਕੇ ਦੇਸ਼ ਨੂੰ ਧਰਮ ਨਿਰਪੱਖ ਦੇਸ਼ ਦਾ ਦਰਜਾ ਦਿੱਤਾ। ਸੰਵਿਧਾਨ ਨੂੰ ਇਸ ਤਰ੍ਹਾਂ ਗੁੰਦਿਆ ਕਿ ਅਜਾਦੀ ਦੇ 73 ਸਾਲ ਬੀਤ ਜਾਣ ਦੇ ਬਾਵਜੂਦ ਵੀ ਭਾਰਤ ਦੀ ਏਕਤਾ ਅਤੇ ਅਖੰਡਤਾ ਬਰਕਰਾਰ ਹੈ ਜਦਕਿ ਸੰਸਾਰ ਦੇ ਬਹੁਤ ਸਾਰੇ ਦੇਸ਼ਾਂ ਦੇ ਬੁੱਧੀਜੀਵੀਆਂ ਅਤੇ ਰਾਜਨੀਤਕਾਂ ਦਾ ਕਹਿਣਾ ਸੀ ਕਿ ਭਾਰਤ ਅਜਾਦੀ ਤੋਂ ਬਾਅਦ ਜਲਦੀ ਹੀ ਖੇਰੂੰ ਖੇਰੂੰ ਹੋ ਜਾਵੇਗਾ ਕਿਉਂਕਿ ਭਾਰਤ ਵਿਚ ਹਜਾਰਾਂ ਜਾਤਾਂ-ਕੁਜਾਤਾਂ, ਫਿਰਕੇ, ਧਰਮਾਂ , ਬੋਲੀਆਂ, ਪਹਿਰਾਵਿਆਂ ਅਤੇ ਰਹਿਣ ਸਹਿਣ ਦੀਆਂ ਵੰਨਗੀਆਂ ਪਾਈਆਂ ਜਾ ਰਹੀਆਂ ਹਨ ਅਤੇ ਅਜਿਹੇ ਹਾਲਾਤਾਂ ਵਿੱਚ ਭਾਰਤ ਦਾ ਲੰਬਾ ਸਮਾਂ ਇਕੱਠੇ ਰਹਿਣਾ ਮੁਸ਼ਕਿਲ ਹੈ।

ਜਿਸ ਤਰ੍ਹਾਂ ਅੱਜ ਚਾਰੇ ਪਾਸੇ ਫੈਲੇ ਕੋਰੋਨਾ ਵਾਇਰਸ ਨੂੰ ਖਤਮ ਕਰਨ ਲਈ ਸਾਰੇ ਸੰਸਾਰ ਦੀਆਂ ਸਰਕਾਰਾਂ ਸੰਘਰਸ਼ ਕਰ ਰਹੀਆਂ ਹਨ ਉਸੇ ਤਰ੍ਹਾਂ ਹੀ ਡਾ: ਅੰਬੇਦਕਰ ਨੇ ਭਾਰਤ ਵਿਚ ਸਦੀਆਂ ਤੋਂ ਫੈਲੇ ਖਤਰਨਾਕ ਜਾਤ-ਪਾਤ ਦੇ ਵਾਇਰਸ ਨੂੰ ਖਤਮ ਲਈ ਅਤੇ ਦੇਸ਼ ਵਿਚ ਸਮਾਜਿਕ, ਆਰਥਿਕ, ਧਾਰਮਿਕ ਅਤੇ ਰਾਜਨੀਤਿਕ ਬਰਾਬਰਤਾ ਕਾਇਮ ਕਰਨ ਲਈ ਜਿੰਦਗੀ ਭਰ ਜਹਿਦੋ-ਜਹਿਦ ਕੀਤੀ। ਇਸ ਲਈ ਅੱਜ ਦੇ ਸਮੂਹ ਦੇਸ਼ ਵਾਸੀਆਂ ਦਾ ਫਰਜ ਬਣਦਾ ਹੈ ਕਿ ਮਹਾਨ ਬੁੱਧੀਜੀਵੀ, ਰਾਜਸੀ ਆਗੂ, ਅਰਥ-ਸ਼ਾਸਤਰੀ, ਸਮਾਜਿਕ ਵਿਗਿਆਨੀ ਅਤੇ ਦੇਸ਼ ਦੇ ਰਹਿਬਰ ਦੇ ਜਨਮ ਦਿਹਾੜੇ 'ਤੇ ਦੀਪ ਮਾਲਾ ਕਰਕੇ ਦੇਸ਼ ਨੂੰ ਹਰ ਪੱਖੋਂ ਮਜ਼ਬੂਤ ਕਰਨ ਦਾ ਪ੍ਰਣ ਲੈਣ। ਡਾ: ਅੰਬੇਦਕਰ ਨੂੰ ਸੱਚੀ ਸ਼ਰਧਾਂਜਲੀ ਹੋਵੇਗੀ ਕਿ ਦੇਸ਼ ਵਿੱਚ ਫੈਲੇ ਨਾਮੁਰਾਦ ਕੋਰੋਨਾ ਵਾਇਰਸ ਨੂੰ ਖਤਮ ਕਰਨ ਲਈ ਸਰਕਾਰ ਅਤੇ ਡਾਕਟਰਾਂ ਵਲੋਂ ਦਿੱਤੀਆਂ ਜਾ ਰਹੀਆਂ ਹਿਦਾਇਤਾਂ ਅਤੇ ਸਾਵਧਾਨੀਆਂ ਦੀ ਪਾਲਣਾ ਕਰੀਏ ਕਿਉਂਕਿ ਇਸੇ ਵਿੱਚ ਹੀ ਦੇਸ਼ ਅਤੇ ਦੇਸ਼ ਦੇ ਲੋਕਾਂ ਦਾ ਭਲਾ ਹੈ। ਅਜਾਦੀ ਲੰਬੇ ਸੰਘਰਸ਼ ਤੋਂ ਬਾਅਦ ਪ੍ਰਾਪਤ ਹੋਈ ਹੈ ਇਸ ਲਈ ਇਸ ਨੂੰ ਬਰਕਰਾਰ ਰੱਖਣਾ ਹੁਣ ਸਾਡਾ ਫਰਜ ਬਣਦਾ ਹੈ।

-ਸੁਖਦੇਵ ਸਲੇਮਪੁਰੀ

09780620233

14 ਅਪਰੈਲ, 2020

ਜਾਂਮਬਾਜ਼ ਭਾਰਤ ਮਾਤਾ ਦੇ ਸਪੁੱਤਰ ਏ ਐਸ ਆਈ ਸ਼੍ਰੀ ਹਰਜੀਤ ਸਿੰਘ ਜੀ ਦੀ ਬਹਾਦਰੀ

ਮੈਂ ਪੀ ਜੀ ਆਈ ਦੇ ਡਾਕਟਰ ਸਾਹਿਬਾਨਾ ਦਾ ਅਪਣੀ ਰੂਹ ਤੋਂ ਧੰਨਵਾਦ ਕਰਦਾ ਹੈ ਜਿਨਹਾ ਨੇ ਜਾਂਮਬਾਜ਼ ਭਾਰਤ ਮਾਤਾ ਦੇ ਸਪੁੱਤਰ ਏ ਐਸ ਆਈ ਸ਼੍ਰੀ ਹਰਜੀਤ ਸਿੰਘ ਜੀ ਦਾ ਵੱਢਿਆ ਹੋਇਆ ਹੱਥ ਜੋੜਨ ਵਾਸਤੇ 7-30 ਘੰਟੇ ਦਾ ਲੰਬਾ ਅਪ੍ਰੇਸ਼ਨ ਕਿਤਾ ਅਤੇ ਪੀ ਜੀ ਆਈ ਦੇ ਡਾਕਟਰ ਸਾਹਿਬਾਨ ਥਾਣੇਦਾਰ ਸਾਹਿਬ ਦਾ ਵੱਢਿਆ ਹੋਇਆ ਹੱਥ ਨੂੰ ਜੋੜਨ ਵਿੱਚ ਕਾਮਯਾਬ ਹੋਏ ਹਨ, ਮੈਂ ਇੱਥੇ ਪੰਜਾਬ ਸਰਕਾਰ ਦੇ ਮੁੱਖੀ, ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਜੀ ਅਤੇ ਭਾਰਤ ਦੇ ਪ੍ਰਧਾਨ ਮੰਤਰੀ ਸ਼੍ਰੀ ਨਾਰਿੰਦਰ ਮੋਦੀ ਜੀ ਤੋਂ ਇਹ ਮੰਗ ਕਰਦਾ ਹਾਂ, ਕੀ, ਇਸ ਭਾਰਤ ਮਾਤਾ ਦੇ ਸਪੁੱਤਰ ਜਾਂਬਾਜ਼ ਥਾਣੇਦਾਰ ਸਰਦਾਰ ਹਰਜੀਤ ਸਿੰਘ ਜੀ ਦਾ ਸਨਮਾਨ ਕਿੱਤਾ ਜਾਵੇ ਅਤੇ ਉਨ੍ਹਾਂ ਨੂੰ ਮੋਟੀ ਰਕਮ ਦਿੱਤੀ ਜਾਵੇ, ਤਾਂ ਕਿ, ਸਾਡੇ ਇਹਨਾਂ ਦੇਸ਼ ਭਗਤ ਜਵਾਨਾਂ ਦਾ ਹੋਰ ਹੌਂਸਲਾ ਵਧਦਾ ਰਹੇ, ਸਾਰਾ ਹਿੰਦੋਸਤਾਨ ਥਾਣੇਦਾਰ ਸ਼੍ਰੀ ਹਰਜੀਤ ਸਿੰਘ ਜੀ ਵਰਗੇ ਜਵਾਨਾਂ ਨਾਲ ਖੜਾ ਹੈ, ਮੈਂ ਇੱਥੇ ਆਪਣੀ ਬਿੱਤੇ ਹੋਏ ਅਤੀਤ ਦੀ ਗੱਲ ਜਰੂਰ ਕਰਾਂਗਾ, ਮੇਰੇ ਪਿਤਾ ਜੀ ਸ਼੍ਰੀ ਪੰਡਿਤ ਧਰਮ ਪਾਲ ਭਟਾਰਾ ਜੀ ਵੀ ਪੰਜਾਬ ਪੁਲਿਸ ਦੇ ਜਵਾਨ ਰਹੇ ਹਨ, ਅਸੀਂ ਉਹਨਾਂ ਨਾਲ ਸਾਹਨੇਵਾਲ ਵੀ ਰਹੇ ਹਾਂ, ਮੈਂ ਉਸ ਵਕਤ ਚੌਥੀ ਕਲਾਸ ਵਿੱਚ ਪੜਦਾ ਸੀ, ਅਸੀਂ ਪੁਲਿਸ ਕੁਵਾਟਰਾ ਵਿੱਚ ਰਹਿੰਦੇ ਸੀ, ਮੈਂ ਰੇਲਵੇ ਦੀਆਂ ਲਾਈਨਾਂ ਨੂੰ ਪਾਰ ਕਰਕੇ ਸਾਹਨੇਵਾਲ ਦਾ ਸਾਰਾ ਬਾਜਾਰ ਪਾਰ ਕਰਕੇ ਆਖਰੀ ਵਿੱਚ ਮੇਰਾ ਖਬੇ ਹੱਥ ਸਕੂਲ ਹੁੰਦਾ ਸੀ, ਅਤੇ ਸੱਜੇ ਹੱਥ ਬਹੁਤ ਬਡਾ ਪਿਪਲ ਦਾ ਦਰਖਤ ਹੁੰਦਾ ਸੀ, ਜਿਸ ਦੇ ਚਾਰੇ ਪਾਸੇ ਇਟਾ ਦਾ ਚੌਤਰਾਂ ਬਨੇਆ ਹੁੰਦਾ ਸੀ, ਜਿਸ ਉਪਰ ਲੋਕ ਬੈਠੇ ਹੁੰਦੇ ਸੀ, ਉਸ ਸਕੂਲ ਵਿੱਚ ਮੈਂ ਹਰ ਰੋਜ ਪੜਨ ਜਾਂਦਾ ਸੀ, ਉਹਨਾਂ ਦਿਨਾਂ ਵਿੱਚ ਮੇਰੇ ਪਿਤਾ ਜੀ ਘਰ ਆਕੇ ਮੇਰੀ ਮਾੱਂ ਨੂੰ ਕਹਿੰਦੇ ਹੁੰਦੇ, ਬਂਤ ਜਿਸ ਮਾਸਟਰ ਕਿਸ਼ਨ ਸਿੰਘ ਜੀ ਕੋਲ ਅਪਣਾ ਰਮੇਸ਼ ਪੜਦਾ ਹੈ ਉਸ ਮਾਸਟਰ ਜੀ ਦਾ ਮੁੰਡਾ ਧਰਮਿੰਦਰ ਬੂਬੰਈ ਏਕਟਰ ਬਨ ਗਿਆ ਹੈ, ਉਹਨਾਂ ਦਿਨਾ ਵਿੱਚ ਡਾਕੂਆਂ ਦੀ ਭਰਮਾਰ ਸੀ, ਮੇਰੇ ਪਿਤਾ ਜੀ ਦਾ ਕੱਦ 6 ਫੁੱਟ ਤੋਂ ਜਾਈਦਾ ਸੀ, ਉਹਨਾ ਦੀ ਸੇਹਤ ਪਹਿਲਵਾਨ ਦਾਰਾ ਸਿੰਘ ਵਾਂਗੂੰ ਸੀ, ਇੱਕ ਦਿਨ ਸਾਹਨੇਵਾਲ ਦੇ ਕੋਲ ਪਿੰਡ ਪੱਧੀ ਵਿੱਚ ਥਾਣਾ ਸਾਹਨੇਵਾਲ ਦੀ ਪੁਲਿਸ ਪਾਰਟੀ ਦਾ ਡਾਕੂਆਂ ਨਾਲ ਮੁਕਾਬਲਾ ਹੋਇਆ, ਤਾਂ ਮੇਰੇ ਬਾਪੂ ਜੀ ਨੇ ਡੰਗਰਾਂ ਵਾਲੇ ਬਾੜੇ ਦੇ ਵਿੱਚ ਕੰਡਿਆਂ ਵਾਲੇ ਚਾਫੇਆਂ ਦੇ ਉਪਰ ਦੀ ਛਲਾਂਗ ਮਾਰਕੇ ਇੱਕ ਡਾਕੂ ਨੂੰ ਜਫਾ ਪਾਕੇ ਫੜ ਲਿਤਾ ਮੇਰੇ ਪਿਤਾ ਜੀ ਦਾ ਡਾਕੂ ਨਾਲ ਗੂਥਮਗੂਥਾ ਹੁੰਦੀਆਂ ਮੇਰੇ ਪਿਤਾ ਜੀ ਦੇ ਕੰਨ ਵਿੱਚ ਇੱਕ ਖੰਜਗਜੂਰਾ ਵੜ ਗਿਆ ਸੀ, ਮੇਰੇ ਪਿਤਾ ਜੀ ਕੰਨ ਦੇ ਦਰਦ ਦੀ ਪਰਵਾਹ ਨਾ ਕਰਦੇ ਹੋਏ ਡਾਕੂ ਨੂੰ ਆਪਣੇ ਜਫੇ ਵਿੱਚ ਦਬਾਈ ਰਖਿਆ ਸੀ, ਫਿਰ ਪੁਲਿਸ ਪਾਰਟੀ ਡਾਕੂ ਨੂੰ ਸਾਹਨੇਵਾਲ ਥਾਣਾ ਵਿੱਚ ਲੈ ਆਈ ਅਤੇ ਸਾਰਾ ਸ਼ਹਿਰ ਊਸ ਡਾਕੂ ਨੂੰ ਦੇਖਣ ਲਈ ਆਇਆ, ਅਸੀਂ ਵੀ ਉਸ ਵਕਤ ਛੋਟੇ ਛੋਟੇ ਸਾਰੇ ਬੱਚੇ ਆਪਣੀਆਂ ਆਪਣੀਆਂ ਮਾੱਂਵਾਂ ਨਾਲ ਇਹ ਨਜਾਰਾ ਦੇਖਣ ਨੂੰ ਗਏ, ਤਾਂ ੳਥੇ ਉਸ ਵਕਤ ਸਾਹਨੇਵਾਲ ਥਾਣੇ ਦੇ ਬਾਹਰ ਲੋਕਾਂ ਦੇ ਬਡੇ ਇਕੱਠ ਨੂੰ ਬਡੇ ਅਫਸਰਾਂ ਨੇ ਸਬੋਧਨ ਕਿੱਤਾ ਅਤੇ ਇਹ ਸਾਰਾ ਵਰਤਾਂਤ ਡਾਕੂ ਨੂੰ ਫੜਨ ਦਾ ਲੋਕਾਂ ਨੂੰ ਸੁਣਿਆ ਅਤੇ ਮੇਰੇ ਪਿਤਾ ਜੀ ਦੇ ਗੱਲ ਵਿੱਚ ਫੁੱਲਾਂ ਦੇ ਹਾਰ ਪਾਕੇ ਡੋਲ ਬਜਾਕੇ ਜਸ਼ਨ ਮਨਾਇਆ ਗਿਆ ਅਤੇ ਮੇਰੇ ਪਿਤਾ ਜੀ ਨੂੰ ਹੋਲਦਾਰ ਬਨਾਉਣ ਦਾ ਐਲਾਨ ਕਿਤਾ ਗਿਆ, ਫੇਰ ਮੇਰੇ ਪਿਤਾ ਜੀ ਨੇ ਡਾਕਟਰ ਕੋਲ ਜਾਕੇ ਭੜੋਲੇ ਵਾਗੂੰ ਸੁਜੇ ਹੋਏ ਕੰਨ ਵਿਚੋਂ ਖੰਜਖਜੂਰਾ ਨੂੰ ਮੋਚਨੇ ਨਾਲ ਪਟ ਪਟ ਕੇ ਕਡਾਈਆ, ਅਤੇ ਡਾਕਟਰ ਸਾਹਿਬ ਜੀ ਤੋਂ ਦਵਾਈ ਲਿੱਤੀ, ਇਹ ਸੱਭ ਕੁੱਝ ਮੈਂ ਖੁਦ ਦੇਖਿਆ ਸੁਣਿਆ ਸੀ, ਫਿਰ ਤਿੰਨਾਂ ਦਿਨਾਂ ਬਾਅਦ ਮੇਰੇ ਪਿਤਾ ਜੀ ਨੂੰ ਮੇਰੇ ਸੰਸਾਰ ਵਾਸੀੳ ਤੁਹਾਨੂੰ ਦਸਦਾ ਹਾਂ ਕਿ ਇਨਾਮ ਮਿਲਿਆ, ਉਹਨਾਂ ਨੂੰ ਹੋਲਦਾਰ ਤਾਂ ਕਿ ਬਨਾਉਣਾ ਸੀ, ਉਲਟਾ ਪੁਲਿਸ ਲਾਈਨ ਹਾਜਰ ਲੁਧਿਆਣਾ ਭੇਜ ਦਿੱਤਾ ਗਿਆ, ਅਤੇ ਹੋਲਦਾਰ ਉਸ ਵਕਤ ਦੇ ਕਿਸੇ ਅਫਸਰ ਦੇ ਚਹੇਤੇ ਨੂੰ ਬਨਾ ਦਿੱਤਾ ਗਿਆ, ਮੈਨੂੰ ਚੰਗੀ ਤਰ੍ਹਾਂ ਪਤਾ ਉਸ ਵਕਤ ਮੇਰੇ ਮਾੱਂ ਬਾਪ ਅਤੇ ਸਾਡੇ ਕੁਵਾਟਰਾ ਵਿੱਚ ਰਹਿੰਦੇ ਸਾਡੇ ਪੜੋਸੀ ਅਤੇ ਥਾਣਾ ਸਾਹਨੇਵਾਲ ਦਾ ਥਾਣੇਦਾਰ ਕਾਫੀ ਦੁੱਖੀ ਹੋਏ ਸਨ, ਵਿਰ ਸਾਨੂੰ ਮੇਰੇ ਦਾਦਾ ਜੀ ਪੰਡਿਤ ਮੇਹਰ ਚੰਦ ਭਟਾਰਾ ਜੀ ਉਟਾਲਾ ਵਾਲੇ ਸਾਨੂੰ ਮੰਡੀ ਐਹਮਿਦਗੜ ਲੈਕੇ ਆ ਗਏ, ਮੈਂ ਸੋਚਦਾ ਹਾਂ ,ਕਿ, ਅਗਰ ਉਸ ਵਕਤ ਮੀਡੀਆ ਅੱਜ ਜਿਨਾਂ ਮਜਬੂਤ ਹੁੰਦਾ ਤਾਂ ਉਸ ਵਕਤ ਮੇਰੇ ਪਿਤਾ ਜੀ ਨੂੰ ਅਤੇ ਸਾਨੂੰ ਵੀ ਇਨਸਾਫ ਮਿਲਦਾ, ਉਹ ਇੱਕ ਸਾਲ ਮੇਰੀ ਪੜ੍ਹਾਈ ਦਾ ਮਾਰਿਆ ਗਿਆ ਸੀ, ਮੈਂ ਬਹੁਤ ਚੰਗੀ ਤਰਾਹ ਨਾਲ ਜਾਣਦਾ ਹਾਂ ਕਿ, ਦੇਸ਼ ਦੇ ਦੇਸ਼ ਭਗਤ ਜਵਾਨਾ ਦਾ ਕਿ ਜਜਬਾ ਹੁੰਦਾ ਹੈ, ਮੈਂਨੂੰ ਮੁਆਫ ਕਰਨਾ ਮੈਂ ਇਸ ਆਪਣੀ ਹੱਡ ਬੀਤੀ ਆਤਮ ਕਥਾ ਨੂੰ ਵਿਸਥਾਰ ਵਿਚ ਲੈਕੇ ਗਿਆ ਪਰ ਮੇਰੇ ਲਈ ਇਹ ਤੁਹਾਨੂੰ ਦਸਨਾ ਬਹੁਤ ਜਰੂਰੀ ਸੀ, ਚੰਗਾ ਭਾਈ ਜਿਉਂਦੇ ਵੱਸਦੇ ਰਹੋ,,, ਦਾਸ,,, ਪੰਡਿਤ ਰਮੇਸ਼ ਕੁਮਾਰ ਭਟਾਰਾ ਬਰਨਾਲਾ ਜੱਥੇਬੰਦ ਸਕੱਤਰ ਪੰਜਾਬ ਪ੍ਰਦੇਸ਼ ਕਾਂਗਰਸ ਪਾਰਟੀ 9815318924*

ਕਿਵੇਂ ਪੋਸਟ ਨਚਦੇ ਟੱਪਦੇ ਦੀ ਪਾਵਾਂ

ਮੇਰੇ ਸਤਿਕਾਰ ਯੋਗ ਮੇਰੇ ਹਮ ਵਤਨੋਂ ਰਾਮ ਰਾਮ ਜੀ ਸਤਿ ਸ਼੍ਰੀ ਅਕਾਲ ਜੀ,

ਮੈਂ ਸਵੇਰ ਦਾ ਹੁਣ ਤੱਕ ਸੋਚਦਾ ਰਿਹਾ ਕਿ, ਮੈਂ ਅੱਜ ਵਿਸਾਖੀ ਦੇ ਪਵਿੱਤਰ ਦਿਹਾੜੇ ਕਿਵੇਂ ਪੋਸਟ ਨਚਦੇ ਟੱਪਦੇ ਦੀ ਪਾਵਾਂ, ਉਹ ਦਿਨ 13 ਅਪ੍ਰੈਲ 1919 ਦਾ ਜਲਿਆਂ ਵਾਲਾ ਬਾਗ ਅਮ੍ਰਿਤਸਰ, ਦਾ ਸਾਕਾ ਕਿਨਾ ਭਿਆਨਕ ਹੋਵੇਗਾ, ਜਿਸਦਾ ਅਸਰ ਅਮਰ ਸ਼ਹੀਦ ਸਰਦਾਰ ਉਧਮ ਸਿੰਘ ਸੁਨਾਮ ਤੇ ਪਿਆ ਸੀ, ਜਿਸਨੇ 21 ਸਾਲ ਬਾਅਦ ਬਦਲਾ ਲਿਤਾ, ਉਸ ਤੋਂ ਪਹਿਲਾਂ ਅੱਜ ਦੇ ਹੀ ਦਿਨ 350 ਸਾਲ ਪਹਿਲਾਂ ਆਪਣੇ ਦਸਮ ਗੁਰੂ ਦਸਮੇਸ਼ ਪਿਤਾ ਜੀ ਸ਼੍ਰੀ ਕਲਗੀਧਰ ਸੱਚੇ ਪਾਤਸ਼ਾਹ ਉਚ ਦਾ ਪੀਰ ਸਰਬੰਸ ਦਾਣੀ ਪਰਮ ਪਿਤਾ ਗੁਰੂ ਗੋਬਿੰਦ ਰਾਏ ਜੀ ਨੇ ਹਿੰਦੂ ਧਰਮ ਦੀ ਰਖਿਆ ਖਾਤਰ ਇੱਕ ਫੋਜ ਤਿਆਰ ਕਿਤੀ, ਪਹਿਲਾਂ ਪੰਜ ਪਿਆਰੇ ਸਾਜੇ ਫਿਰ ਆਪ ਉਹਨਾਂ ਪੰਜ ਪਿਆਰੇਆ ਨੂੰ ਅਪਣੇ ਸ਼ਿਸ਼ ਸੇਵਕ ਬਨਾਕੇ ਉਹਨਾਂ ਤੋਂ ਖੰਡੇ ਬਾਟੇ ਦਾ ਅਮ੍ਰਿਤ ਛੱਕਕੇ ਅਤੇ ਛਕਾਕੇ ਆਪ ਖੁਦ ਗੁਰੂ ਗੋਬਿੰਦ ਰਾਏ ਤੋਂ ਗੁਰੂ ਗੋਬਿੰਦ ਸਿੰਘ ਬਨੇ, ਪੰਜ ਪਿਆਰੇ ਵੀ ਅਲੱਗ ਅਲੱਗ ਧਰਮਾਂ ਵਿੱਚੋਂ ਲੈਕੇ ਬਨਾਏ, ਫਿਰ ਗੁਰੂ ਜੀ ਨੇ ਉਹਨਾਂ ਪੰਜ ਪਿਆਰੇਆ ਨੂੰ ਸੱਭ ਤੋਂ ਬਡਾ ਮਨਿਆ, ਇਸ ਤਰ੍ਹਾਂ ਦਸ਼ਮੇਸ਼ ਪਿਤਾ ਜੀ ਨੇ ਦੁਨੀਆਂ ਵਿੱਚ ਸਿੱਖ ਕੌਮ ਦੀ ਰਚਨਾ ਕਿੱਤੀ ਸੀ,ਮੈਂ ਇੱਥੇ ਇੱਕ ਗੱਲ ਬੜੀ ਸਪਸ਼ਟ ਕਰਦਾ ਹਾਂ ਕਿ, ਅਗਰ ਉਸ ਵਕਤ ਇਹ ਨਾ ਹੋਇਆ ਹੁੰਦਾ ਤਾਂ ਅੱਜ ਹਿੰਦੁਸਤਾਨ ਦੀ ਸ਼ਕਲ ਅਤੇ ਅਕੱਲ ਕਿ ਹੋਣੀ ਸੀ, ਇਹ ਸਾਰੀ ਦੁਨੀਆਂ ਤੋ ਛੁਪਿਆ ਨਹੀਂ ਹੈ, ਉਸ ਤੋ ਬਾਅਦ ਇਹ ਕਹਿਆ ਜਾਂਦਾ ਸੀ, ਕਿ, *ਆਏਂ ਨੇ ਨਹਿੰਗ ਬੂਹਾ ਖੋਲਦੇ ਨੀਸ਼ਗ* *ਪਰ ਕੱਲ ਸਨੋਰ ਪਟਿਆਲਾ ਵਾਲੀ ਘਟਨਾ ਨੇ ਮੇਰਾ ਲੂਹਲੰਡਾ ਹੀਲਾ ਦਿੱਤਾ ਅਤੇ ਮੇਰੀ ਰੂਹ ਕੰਬ ਗਈ, ਮੈਂ ਅਤੇ ਆਪ ਸਾਰੇ ਸਮਝਦਾ ਹਾਂ ਕਿ, ਹੁਣ ਵਾਲੇ ਦਿਨ ਵੀ ਸੰਸਾਰ ਵਿੱਚ ਬਹੁਤ ਬਹੁਤ ਭਿਆਨਕ ਹਨ, ਹੁਣ ਮੈਂਨੂੰ ਇਹ ਕਹਿਣ ਵਿੱਚ ਕੋਈ ਝਿੱਝਕ ਨਹੀਂ ਹੈ, ਕਿ, ਮੈਂ ਸਮਝਦਾ ਹਾਂ ਇਸ ਵਕਤ ਦੁਨੀਆਂ ਦਾ ਇੱਕੋ ਇੱਕ ਦੁਸ਼ਮਣ ਹੈ, ਉਹ ਹੈ ਦੇਸ਼ ਚੀਨ, ਜਿਸ ਨੂੰ ਸਾਡਾ ਮੀਡੀਆ ਚੀਨ ਨੂੰ ਡਰੈਗਨ ਕਹਿੰਦਾ ਸੀ, ਊਹ ਸਹੀ ਸਾਬਤ ਹੋਇਆ ਹੈ, ਚੀਨ ਦੇਸ਼ ਦੀ ਗਰਦਾਰਿ ਕਰਕੇ ਭਾਰਤ ਦੇਸ਼ ਦੇ ਪਹਿਲੇ ਪ੍ਰਧਾਨ ਮੰਤਰੀ ਪੰਡਿਤ ਜਵਾਹਰ ਲਾਲ ਨਹਿਰੂ ਜੀ ਦੀ ਮੋਤ ਹੋਈ, ਪੰਡਿਤ ਜੀ ਨੇ ਚੀਨੀ ਭਾਰਤੀ ਭਾਈ ਭਾਈ ਦਾ ਨਾਰਾ ਦਿੱਤਾ, ਸੰਸਾਰ ਨੂੰ ਪੰਡਿਤ ਜੀ ਨੇ ਪੰਜ ਸ਼ੀਲ ਦਾ ਜੀਉ ਅਤੇ ਜੀਨਦੀੳ ਦਾ ਸਿਧਾਂਤ ਦਿੱਤਾ ਲੇਕਿਨ ਚੀਨ ਨੇ ਭਾਰਤ ਦੇਸ਼ ਦੀ ਜਨਤਾ ਨਾਲ ਵਿਸ਼ਵਾਸਘਾਤ ਕਿੱਤਾ ਪਹਿਲਾਂ ਮਾਨ ਸਰੋਵਰ ਕੈਲਾਸ਼ ਪਰਵੱਤ ਅਤੇ ਤਿੱਬਤ ਤੇ ਕਬਜਾ ਕਿਤਾ ਭਾਰਤ ਦੀ ਲੱਖਾਂ ਹੈਕਟਰ ਜਮੀਨ ਤੇ ਕਬੱਜਾ ਕਿਤਾ, ਅਤੇ ਹੁਣ ਵੀ ਉਸਦੀ ਨਜਰ ਭਾਰਤ ਦੇ ਹੋਰ ਬਹੁਤ ਇਲਾਕਿਆਂ ਤੇ ਹੈ, ਅੱਜ ਚੀਨ ਦੀਆਂ ਭੈੜੀਆਂ ਸ਼ਰਾਰਤਾ ਅਤੇ ਸ਼ੈਤਾਨੀ ਦਿਮਾਗ ਕਰਕੇ ਅੱਜ ਸਾਰੇ ਸੰਸਾਰ ਵਿੱਚ ਡਰ, ਭੈ, ਦਾ ਮਾਹੌਲ ਹੈ, ਹਜਾਰਾਂ ਲੋਕ ਮਰ ਰਹੇ ਹਨ, ਇਸ ਕਰਕੇ ਅੱਜ ਮੇਰਾ ਕੋਈ ਵੈਸਾਖੀ ਦੀ ਖੁਸ਼ੀ ਵਿੱਚ ਨਚਨ ਟਪਨ ਦੀ ਪੋਸਟ ਪਾਉਣ ਨੂੰ ਦਿਲ ਨਹੀਂ ਕਿਤਾ, ਆਖਰੀ ਵਿੱਚ ਮੈਂ ਪਰਮਪਿਤਾ ਸ਼੍ਰੀ ਰਾਮ ਜੀ, ਸ਼੍ਰੀ ਵਾਹਿਗੁਰੂ ਜੀ ਨੂੰ ਇਹ ਹੀ ਅਰਦਾਸ ਕਰਦਾ ਹਾਂ, ਕਿ, ਹੇ ਸਾਡੇ ਪ੍ਰਭੁ ਸ਼੍ਰੀ ਰਾਮ ਜੀ, ਦਸਮੇਸ਼ ਪਿਤਾ ਕਲਗੀਧਰ ਪਾਤਸ਼ਾਹ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਸਾਡੇ ਹਾਜੂਰ ਹੁਣ ਸੰਸਾਰ ਵਿੱਚ ਆਉ ਅਤੇ ਹੇਵਾਨੀਅਤ ਨਾਲ ਭਰੇ ਹੋਏ ਦੇਸ਼ ਚੀਨ ਨੂੰ ਅਤੇ ਇਸਦੇ ਛੱਡੇ ਹੋਏ ਨਾਮੁਰਾਦ ਜਾਣ ਲੇਵਾ ਕੋਰੋਨਾ ਵਾਰਿਸ ਤੋਂ ਖੋਫ ਖਾਦੀ ਦੁਨੀਆਂ ਨੂੰ ਬਚਾੳ ਮੇਰੇ ਪ੍ਰਮਪਿਤਾ ਜੀ, ਸਾਡੀ ਭੁੱਲਚੁੱਕ ਨੂੰ ਮੁਆਫ਼ ਕਰੋ ਜੀ, ਅਰਦਾਸ ਕਰਦਾ, ਮੈਂ ਹਾਂ ਤੁਹਾਡਾ ਭਗਤ, ਦਾਸ, ਪੰਡਿਤ ਰਮੇਸ਼ ਕੁਮਾਰ ਭਟਾਰਾ ਬਰਨਾਲਾ ਪੰਜਾਬ ਇੰਡੀਆ 9815318924*

ਕੁਦਰਤੀ ਇਲਾਜ ਪ੍ਣਾਲੀ ਦੇ ਮਾਹਿਰ

ਡਾਂ.ਮਨਦੀਪ ਸਿੰਘ ਸਰਾਂ ਵੱਲੋਂ ਤੁਹਾਡੀ ਅਤੇ ਤੁਹਾਡੇ ਪਰਿਵਾਰ ਦੀ ਸੁਰੱਖਿਆਂ ਲਈ ਕੁਝ ਜਰੂਰੀ ਸੁਝਾਅ
ਬੱਚਿਆਂ ਅਤੇ ਬਜੁਰਗਾ ਦਾ ਖਾਂਸ ਧਿਆਨ ਰੱਖੋ! ਸਾਫ ਸਫਾਈ ਦਾ ਧਿਆਨ ਰੱਖਿਆ ਜਾਵੇ ਜਿਵੇਂਕਿ ਸਰੀਰ ਦੀ ਸਫਾਈ,ਕਪੜਿਆ ਦੀ ਸਫਾਈ,ਘਰ ਦੀ ਸਫਾਈ,ਹੱਥਾਂ ਨੂੰ ਵਾਰ ਵਾਰ ਸਾਫ ਕਰੋ ਅਤੇੋ ਆਲੇ ਦੁਆਲੇ ਦੀ ਸਫਾਈ ਤੁਹਾਡੇ ਤੰਦਰੁਸਤ ਰਹਿਣ ਲਈ ਬਹੁਤ ਜਰੂਰੀ ਹੈ !
1. ਭੋਜਨ ਚੰਗੀ ਤਰਾਂ ਚਬਾਕੇ ਖਾਉ !
2. ਦਿਨ ਵਿੱਚ 8 ਤੋਂ 10 ਗਲਾਂਸ ਗਰਮ ਪਾਣੀ ਪੀਉ !
3. ਗੋਲਗੱਪੇੋ ,ਫਾਸਟ ਫੂਡ,ਕੋਲਡ ਡਰਿੱਕ , ਇਸਕਰੀਮ, ਠੰਡਾ ਪਾਣੀ ਅਤੇ ਫਰਿਜ ਵਿੱਚ ਰੱਖੀਆਂ ਚੀਜਾਂ ਦੀ ਵਰਤੋਂ ਬੰਦ ਕਰ ਦਿਉ !
4.ਖਾਣਾ ਖਾਣ ਵੇਲੇ ਮਨ ਖੁਸ ਅਤੇ ਸੰਤੁਸਟ ਰੱਖੋ !
5. ਭੋਜਨ ਉਸ ਵੇਲੇ ਤੱਕ ਨਾ ਲਉ ਜਦੋਂ ਤੱਕ ਪੂਰੀ ਚੰਗੀ ਤਰਾਂ ਭੁੱਖ ਨਾ ਲੱਗੇ !
6. ਭੋਜਨ ਚੰਗੀ ਤਰਾਂ ਪਕਾਕੇ ਹੀ ਖਾਓੁ !
7. ਸਵੇਰ ਦਾ ਖਾਣਾ 7 ਤੋਂ 9 ਵਜੇ ਵਿੱਚ, ਦੁਪਹਿਰ ਦਾ ਖਾਣਾ 1 ਤੋਂ 3 ਵਜੇ , ਰਾਤ ਦਾ ਖਾਣਾ 6 ਤੋਂ 8 ਵਜੇ ਵਿੱਚ ਲਉਂ !
8. ਭੋਜਨ ਵਿਚਕਾਰ ਦੀ ਪਾਣੀ ਦੀ ਵਰਤੋਂ ਨਾ ਕਰੋ ! ਭੋਜਨ ਤੋਂ ਅੱਧਾ ਘੰਟਾ ਬਾਅਦ ਕੋਸਾ ਪਾਣੀ ਪੀਉ ! ਗਰਮ ਖਾਣ ਤੋਂ ਬਾਅਦ ਠੰਡਾ ਪਾਣੀ ਪੀਣਾ ਸੇਹਤ ਲਈ ਹਾਨੀਕਾਰਕ ਹੈ !
9. ਰਾਤ ਦਾ ਖਾਣਾ ਸੌਣ ਤੋਂ 2 ਤੋਂ ਤਿੰਨ ਘੰਟੇ ਪਹਿਲਾ ਖਾਉ !
10.ਫਲ ਅਤੇ ਸਬਜੀਆਂ ਦੀ ਵਰਤੋਂ ਜਿਆਦਾ ਕਰੋ , ਫਲ ਸਬਜੀ ਲੈਣ ਤੋਂ ਬਾਅਦ ਕੁਝ ਟਾਇਮ ਨਮਕ ਵਾਲੇ ਪਾਣੀ ਵਿੱਚ ਭਿਉਂਕੇ ਹੀ ਵਰਤੋਂ ਵਿੱਚ ਲਿਆਉ !
11. ਘਰ ਵਿੱਚ ਹਲਕੀ ਕਸਰਤ ਅਤੇ ਯੋਗ ਆਸਣ ਕਰੋ !
12. ਡਰ ਸਾਡੇ ਸਰੀਰ ਦੀ ਰੋਗਾਂ ਨਾਲ ਲੜਨ ਦੀ ਸਕਤੀ ਨੂੰ ਘਟਾਉਦਾ ਹੈ ਡਰ ਤੋਂ ਦੂਰ ਰਹੋ !
13. ਦੁੱਖ, ਟੈਨਸਨ, ਗੁੱਸਾ ਅਤੇ ਟਿਹਦੀ ਕਲਾਂ ਵੱਲ ਸੋਚਣਾ ਸੇਹਤ ਦੇ ਦੁਸਮਣ ਹਨ ਇਨਾਂ ਤੋਂ ਬਚੋ !
14. ਏਸੀ ਦੀ ਵਰਤੋਂ ਘੱਟ ਕਰੋ ਜਿਆਦਾ ਕੁਦਰਤੀ ਹਵਾ ਲਵੋ !
15.ਕੁਝ ਟਾਇਮ ਧੁੱਪ ਵਿੱਚ ਬੈਠੋ !
16. ਦਿਨ ਵਿੱਚ ਇੱਕ ਵਾਰ ਗਰਮ ਪਾਣੀ ਵਿੱਚ ਨਮਕ ਪਾਕੇ ਗਰਾਰੇ ਕਰੋ !
17. ਦਿਨ ਵਿੱਚ ਇੱਕ ਵਾਰ ਸਵੇਰੇ ਖਾਲੀ ਪੇਟ ਵੀਟ ਗਰਾਂਸ ਜੂਸ 20 ਤੋਂ 30 ਮਲ ਵਰਤੋਂ ਇਹ ਤੁਹਾਡੀ ਬਿਮਾਰੀਆਂ ਨਾਲ ਲੜਨ ਦੀ ਸਕਤੀ ਵਧਾਉਦਾ ਹੈ !
18. ਸਾਮ 5 ਵਜੇ ਤੋਂ ਬਾਅਦ ਕਫ ਵਧਾਉਣ ਵਾਲੀਆਂ ਚੀਜਾਂ ਦੀ ਵਰਤੋਂ ਬੰਦ ਕਰ ਦਿਉ ਦਹੀ ਲੱਸੀ ਦੀ ਵਰਤੋਂ ਵੀ ਸਾਮ 5 ਵਜੇ ਤੋਂ ਬਾਅਦ ਨਾ ਕਰੋ !
19. ਨੱਕ ਵਿੱਚ ਰਾਤ ਨੂੰ ਸਾਉਣ ਵੇਲੇ ਦੇਸੀ ਘਿਉ ਦੀ 1-1 ਬੂੰਦ ਪਾਉ ਘਿਉ ਮੱਝਾਂ ,ਗਾਵਾਂ ਦੋਨਾਂ ਦਾ ਹੀ ਵਰਤ ਸਕਦੇ ਹੋ !
20. ਸੁੰਢ,ਕਾਲੀ ਮਿਰਚ,ਦਾਲਚੀਨੀ,ਤੁਲਸੀ ਪੱਤੇ,ਅੱਧਰਕ ਅਤੇ ਲੋੜ ਅਨੁਸਾਰ ਗੁੜ ਅਤੇ ਦੁੱਧ ਪਾਕੇ ਦਿਨ ਵਿੱਚ 2 ਵਾਰ ਚਾਹ ਬਣਾਕੇ ਪੀਉ !
21.ਰਾਤ ਦੇ ਟਾਇਮ ਗਰਮ ਦੁੱਧ ਵਿੱਚ ਅੱਧਾ ਚਮਚਾ ਹਲਦੀ ਅਤੇ ਅੱਧਾ ਚਮਚ ਦੇਸੀ ਘਿਉ ਪਾਕੇ ਪੀਉ ਉਸ ਤੋਂ ਬਾਅਦ 2 ਘੰਟੇ ਕੁਝ ਖਾਂਣਾ ਨੀ !
22.ਮੁਲੱਠੀ ,ਧਨੀਆ ,ਲਸਣ,ਜੀਰਾਂ,ਹਲਦੀ ,ਪਿਆਜ ਦੀ ਵਰਤੋ. ਦਾਲ ਸਬਜੀ ਵਿੱਚ ਮਸਾਲੇ ਤੋਰ ਤੇ ਹਰ ਰੋਜ ਕਰੋ !
23.ਜੇ ਤੁਹਾਨੂੰ ਖੰਗ ਦੀ ਦਿੱਕਤ ਆਉਂਦੀ ਹੈ, ਤਾਂ 1 ਚਮਚਾ ਸਹਿਦ ਵਿੱਚ ਅੱਧਾ ਚਮਚ ਅੱਧਰਕ ਦਾ ਰਸ ਮਲਾਕੇ ਕੋਸਾਂ ਕਰਕੇ ਅੱਧਾ-ਅੱਧਾ ਚਮਚ ਦਿਨ ਵਿੱਚ ਤਿੰਨ ਵਾਰ ਲਉ !
24. ਬੁਖਾਰ ਹੋਣ ਤੇ ਗਲੋਅ ,ਤੁਲਸੀ ਪੱਤੇ, ਜਵੈਨ, ਅਤੇ ਹਲਦੀ ਮਿਕਸ ਕਰਕੇ ਪਾਣੀ ਵਿੱਚ ਉਬਾਲ ਕੇ ਦਿਨ ਵਿੱਚ ਤਿੰਨ ਤੋਂ ਚਾਰ ਵਾਰ ਲਉਂ !
25. ਘਰ ਨੂੰ ਹਰ ਤਰਾਂ ਦੇ ਵਾਇਰਸ ਮੁਕਤ ਰੱਖਣ ਲਈ ਕਪੂਰ,ਨਿੰਮ ਦੇ ਪੱਤੇ ਅਤੇ ਸੁੱਧ ਗੰਧਕ ਮਿਕਸ ਕਰਕੇ ਗੋਹੇ ਦੀ ਪਾਂਥੀ ਨੂੰ ਜਲਾਕੇ ਉਸ ਉਪਰ ਤਿੰਨੇ ਚੀਜਾਂ ਮਿਕਸ ਕਰਕੇ ਪਾਕੇ ਸਾਰੇ ਘਰ ਵਿੱਚ ਧੂਣੀ ਦਿਉ,ਧੂਣੀ ਦੇਕੇ ਘਰ ਦੇ ਸਾਰੇ ਦਰਵਾਂਜੇ ਕੁਝ ਟਾਇਮ ਲਈ ਬੰਦ ਕਰ ਦਿਉ ! ਤੁਹਾਡਾ ਘਰ 24 ਘੰਟਿਆ ਲਈ ਵਾਇਰਸ ਮੁਕਤ ਰਹੇਗਾ ਦਿਨ ਵਿੱਚ ਇੱਕ ਵਾਰ ਧੂਣੀ ਦਿਉ !
26.ਜਿਆਦਾ ਦਰਦਾਂ ਤੇ ਵਰਤੀਆ ਜਾਣ ਵਾਲੀਆ ਅੰਗਰੇਜੀ ਦਿਵਾਈਆਂ ਦੀ ਵਰਤੋਂ ਨਾ ਕਰੋ ਇਹ ਤੁਹਾਡੇ ੀਮਮੁਨੲ ਸੇਸਟੲਮ ਨੂੰ ਵੀਕ ਕਰਦੀਆ ਹਨ !
ਕੁਦਰਤੀ ਇਲਾਜ ਪ੍ਣਾਲੀ ਅਪਣਾਉ ਜਦੋਂ ਮਨੁੱਖ ਨੂੰ ਕੁਦਰਤ ਨੇ ਪੈਦਾ ਕੀਤਾ ਹਰੇਕ ਇਲਾਜ ਦੀ ਜੜੀ ਬੂਟੀ ਵੀ ਨਾਲ ਹੀ ਪੈਦਾਂ ਕੀਤੀ ਹਰ ਇੱਕ ਰੋਗ ਦਾ ਕੁਦਰਤੀ ਇਲਾਜ ਪ੍ਣਾਲੀ ਵਿੱਚ ਜੜ ਤੋਂ ਇਲਾਜ ਹੈ ਸਾਡੀ 5000 ਸਾਲ ਪੁਰਾਣੀ ਨੁਕਸਾਨ ਰਹਿਤ ਇਲਾਜ ਪ੍ਣਾਲੀ ਅਪਣਾਉ ਤੰਦਰੁਸਤ ਹੋ ਜਾਉ !

This man is incredible✍️Amanjit Singh Khaira

Boris Johnson

This man is incredible

Forget your personal political views.

He is seriously ill with coronavirus, he still clapped for our frontline workers.

His pregnant girlfriend has the virus, he must be terrified, admitted to hospital for oxygen and Yet all you see is a man trying to save us. Trying to save the NHS, save lives.still trying to protect a country who doesn’t protect itself. This man is suffering, he is HUMAN, he could die.

This man he has had a ridiculous amount of abuse when we should be clapping for him alongside frontline workers.

He’s kept wages being paid, he’s trying his best.

Get well soon Boris.. We request everyone let's pray for him .. Jan Shakti News Punjab ✍️Amanjit Singh Khaira

7 ਅਪ੍ਰੈਲ – ਵਿਸ਼ਵ ਸਿਹਤ ਦਿਵਸ ਤੇ ਵਿਸ਼ੇਸ਼ ✍️ਗੋਬਿੰਦਰ ਸਿੰਘ ਢੀਂਡਸਾ

ਹਰ ਸਾਲ 7 ਅਪ੍ਰੈਲ ਨੂੰ ਵਿਸ਼ਵ ਸਿਹਤ ਦਿਵਸ ਦੇ ਰੂਪ ਵਿੱਚ ਮਨਾਇਆ ਜਾਂਦਾ ਹੈ ਅਤੇ ਲੋਕਾਂ ਨੂੰ ਸਿਹਤ ਪ੍ਰਤੀ ਜਾਗਰੂਕ ਕਰਨ ਸੰਬੰਧੀ ਵੱਖੋ ਵੱਖਰੇ ਪ੍ਰੋਗਰਾਮ ਉਲੀਕੇ ਜਾਂਦੇ ਹਨ। ਵਿਸ਼ਵ ਸਿਹਤ ਸੰਗਠਨ (ਡਬਲਿਯੂ.ਐੱਚ.ਓ.) ਦਾ ਮੁੱਖ ਦਫ਼ਤਰ ਸਵਿਟਜਰਲੈਂਡ ਦੇ ਜਿਨੇਵਾ ਸ਼ਹਿਰ ਵਿੱਚ ਸਥਿਤ ਹੈ ਅਤੇ ਇਸਦਾ ਮੁੱਖ ਮੰਤਵ ਦੁਨੀਆਂ ਭਰ ਦੇ ਲੋਕਾਂ ਦੇ ਸਿਹਤ ਪੱਧਰ ਨੂੰ ਉੱਚਾ ਰੱਖਣਾ ਹੈ। ਵਿਸ਼ਵ ਸਿਹਤ ਸੰਗਠਨ ਦੁਆਰਾ ਜਿਨੇਵਾ ਵਿਖੇ ਸਾਲ 1948 ਵਿੱਚ ਪਹਿਲੀ ਵਾਰ ਵਿਸ਼ਵ ਸਿਹਤ ਸਭਾ ਰੱਖੀ ਗਈ ਜਿੱਥੇ 7 ਅਪ੍ਰੈਲ ਨੂੰ ਸਲਾਨਾ ਤੌਰ ਤੇ ਵਿਸ਼ਵ ਸਿਹਤ ਦਿਵਸ ਦੇ ਰੂਪ ਵਿੱਚ ਮਨਾਉਣ ਲਈ ਫੈਸਲਾ ਕੀਤਾ ਗਿਆ। ਸਾਲ 1950 ਵਿੱਚ ਪਹਿਲੀ ਵਾਰ ਵਿਸ਼ਵ ਸਿਹਤ ਦਿਵਸ ਮਨਾਇਆ ਗਿਆ ਅਤੇ ਉਸ ਸਮੇਂ ਇਸ ਦਾ ਵਿਸ਼ਾ ‘ਆਪਣੀਆਂ ਸਿਹਤ ਸੇਵਾਵਾਂ ਨੂੰ ਜਾਣੋ’ ਸੀ। ਇਸ ਵਰ੍ਹੇ ਵਿਸ਼ਵ ਸਿਹਤ ਦਿਵਸ ਦਾ ਮੁੱਖ ਵਿਸ਼ਾ ‘ਨਰਸਾਂ ਅਤੇ ਦਾਈਆਂ ਦਾ ਸਮਰਥਨ ਕਰੋ’ ਹੈ।

ਸਿਹਤ ਪ੍ਰਤੀ ਸੰਜੀਦਗੀ ਜ਼ਰੂਰੀ ਹੈ, ਨਹੀਂ ਫਿਰ ਥੌੜੀ ਜਿਹੀ ਲਾਪਰਵਾਹੀ ਤੁਹਾਨੂੰ ਰੋਗੀ ਕਰਨ ਲਈ ਬਹੁਤ ਹੈ। ਤਾਜ਼ਾ ਘਟਨਾਕ੍ਰਮ ਤੋਂ ਸਭ ਜਾਣੂ ਹਨ ਅਤੇ ਦੁਨੀਆਂ ਦੇ ਤਕਰੀਬਨ 200 ਦੇਸ਼ ਕਰੋਨਾ ਮਹਾਂਮਾਰੀ ਨਾਲ ਜੂਝ ਰਹੇ ਹਨ। ਇਸ ਮਹਾਂਮਾਰੀ ਨੇ ਸੰਸਾਰ ਦੇ ਕਈ ਦੇਸ਼ਾਂ ਨੂੰ ਲੌਕਡਾਇਨ ਕਰਨ ਲਈ ਮਜ਼ਬੂਰ ਕਰ ਦਿੱਤਾ ਹੈ। 5 ਅਪ੍ਰੈਲ 2020 ਦੇ ਸਵੇਰ ਤੱਕ ਦੇ ਅੰਕੜਿਆਂ ਤੱਕ ਦੁਨੀਆਂ ਭਰ ਵਿੱਚ ਕੋਰੋਨਾ ਵਾਇਰਸ ਦੇ 12,03,140 ਮਾਮਲੇ ਸਾਹਮਏ ਆਏ, ਜਿਨ੍ਹਾਂ ਵਿੱਚੋਂ 64,744 ਮੌਤਾਂ ਹੋ ਚੁੱਕੀਆਂ ਹਨ ਅਤੇ 2,46,760 ਮਰੀਜ ਠੀਕ ਹੋ ਚੁੱਕੇ ਹਨ। ਯੂ.ਐੱਸ.ਏ., ਸਪੇਨ, ਇਟਲੀ, ਜਰਮਨੀ, ਫਰਾਂਸ, ਚੀਨ, ਇਰਾਨ ਅਤੇ ਯੂ.ਕੇ. ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਏ ਹਨ।ਭਾਰਤ ਵਿੱਚ 3588 ਮਾਮਲੇ ਸਾਹਮਣੇ ਆਏ ਹਨ ਅਤੇ 99 ਮੌਤਾਂ ਹੋ ਚੁੱਕੀਆਂ ਹਨ ਅਤੇ 229 ਮਰੀਜ ਠੀਕ ਹੋ ਚੁੱਕੇ ਹਨ ਅਤੇ ਪੰਜਾਬ ਵਿੱਚ 67 ਮਾਮਲੇ ਸਾਹਮਣੇ ਆਏ ਜਿਨ੍ਹਾਂ ਵਿੱਚੋਂ ਪੰਜ ਮੌਤਾਂ ਹੋ ਚੁੱਕੀਆਂ ਹਨ।

ਕੋਰੋਨਾ ਵਾਇਰਸ ਸੰਕ੍ਰਮਿਤ ਵਿਅਕਤੀ ਤੋਂ ਦੂਜੇ ਵਿਅਕਤੀ ਤੱਕ ਕਈ ਤਰੀਕਿਆਂ ਨਾਲ ਫੈਲ ਸਕਦਾ ਹੈ ਜਿਵੇਂ ਕਿ ਨਿੱਜੀ ਵਿਅਕਤੀਗਤ ਛੂਹਣ, ਖੰਘਣ ਸਮੇਂ ਲਾਪਰਵਾਹੀ ਆਦਿ। ਕਿਸੇ ਸੰਕ੍ਰਮਿਤ ਵਸਤੂ ਜਾਂ ਸਤਹਿ ਨੂੰ ਛੂਹਣਾ ਅਤੇ ਫਿਰ ਬਿਨ੍ਹਾਂ ਹੱਥ ਧੋਏ ਆਪਣੀਆਂ ਅੱਖਾਂ, ਨੱਕ ਜਾਂ ਮੂੰਹ ਨੂੰ ਛੂਹਣਾ ਕੋਰੋਨਾ ਵਾਇਰਸ ਨੂੰ ਸਿੱਧਾ ਸੱਦਾ ਸਾਬਿਤ ਹੋ ਸਕਦਾ ਹੈ।

ਕੋਰੋਨਾ ਵਾਇਰਸ ਤੋਂ ਬਚਣ ਲਈ ਜ਼ਰੂਰੀ ਹੈ ਕਿ ਸਮੇਂ ਸਮੇਂ ਤੇ ਆਪਣੇ ਹੱਥਾਂ ਨੂੰ ਸਾਬਣ ਅਤੇ ਪਾਣੀ ਨਾਲ ਚੰਗੀ ਤਰ੍ਹਾਂ ਧੋਣਾ ਚਾਹੀਦਾ ਹੈ ਅਤੇ ਹੱਥਾਂ ਦੀ ਸਫ਼ਾਈ ਤੋਂ ਬਿਨ੍ਹਾਂ ਅੱਖਾਂ, ਨੱਕ ਜਾਂ ਮੂੰਹ ਨੂੰ ਸਿੱਧਾ ਹੀ ਨਹੀਂ ਛੂਹਣਾ ਚਾਹੀਦਾ। ਖੰਘਦੇ ਸਮੇਂ ਮੂੰਹ ਉੱਤੇ ਰੁਮਾਲ ਜਾਂ ਟੀਸ਼ੂ ਪੇਪਰ ਆਦਿ ਦੀ ਵਰਤੋਂ ਕਰਨੀ ਚਾਹੀਦੀ ਹੈ ਅਤੇ ਦੂਸ਼ਿਤ ਰੁਮਾਲ ਜਾਂ ਟੀਸ਼ੂ ਪੇਪਰ ਦੀ ਦੁਬਾਰਾ ਵਰਤੋਂ ਨਹੀਂ ਕਰਨੀ ਚਾਹੀਦੀ।ਟੀਸ਼ੂ ਪੇਪਰ ਜਾਂ ਰੁਮਾਲ ਦੀ ਥਾਂ ਕੁਹਣੀ ਦਾ ਵੀ ਇਸਤੇਮਾਲ ਕੀਤਾ ਜਾ ਸਕਦਾ ਹੈ। ਕੋਰੋਨਾ ਵਾਇਰਸ ਤੋਂ ਪੀੜਤ ਵਿਅਕਤੀ ਦੇ ਸੰਪਰਕ ਵਿੱਚ ਆਉਣ ਤੋਂ ਬਚਣਾ ਚਾਹੀਦਾ ਹੈ।

ਵਿਗਿਆਨੀਆਂ ਅਨੁਸਾਰ ਕੋਰੋਨਾ ਵਾਇਰਸ ਸਰੀਰ ਵਿੱਚ ਪਹੁੰਚਣ ਤੇ ਫੇਫੜਿਆਂ ਨੂੰ ਸੰਕ੍ਰਮਿਤ ਕਰਦਾ ਹੈ। ਇਸ ਕਰਕੇ ਹੀ ਸਭ ਤੋਂ ਪਹਿਲਾਂ ਬੁਖਾਰ, ਫਿਰ ਸੁੱਕੀ ਖੰਘ ਅਤੇ ਬਾਦ ਵਿੱਚ ਸਾਹ ਲੈਣ ਵਿੱਚ ਸਮੱਸਿਆ ਹੋ ਸਕਦੀ ਹੈ। ਸਾਧਾਰਣ ਤੌਰ ਤੇ ਲੱਛਣ ਨਜ਼ਰ ਆਉਣ ਵਿੱਚ ਪੰਜ ਦਿਨ ਲੱਗਦੇ ਹਨ ਪਰੰਤੂ ਕੁਝ ਵਿਅਕਤੀਆਂ ਵਿੱਚ ਇਸਦੇ ਲੱਛਣ ਬਹੁਤ ਦੇਰ ਨਾਲ ਵੀ ਨਜ਼ਰ ਆ ਸਕਦੇ ਹਨ। ਵਿਸ਼ਵ ਸਿਹਤ ਸੰਗਠਨ ਅਨੁਸਾਰ ਵਾਇਰਸ ਦੇ ਸਰੀਰ ਵਿੱਚ ਪਹੁੰਚਣ ਅਤੇ ਲੱਛਣ ਨਜ਼ਰੀਂ ਆਉਣ ਵਿੱਚ 14 ਦਿਨਾਂ ਦਾ ਸਮਾਂ ਲੱਗ ਸਕਦਾ ਹੈ ਪਰੰਤੂ ਕੁਝ ਵਿਗਿਆਨੀਆਂ ਦਾ ਮੰਨਣਾ ਹੈ ਕਿ ਇਹ ਸਮਾਂ 24 ਦਿਨਾਂ ਦਾ ਵੀ ਹੋ ਸਕਦਾ ਹੈ। ਬੀਮਾਰੀ ਦੇ ਸ਼ੁਰੂਆਤੀ ਲੱਛਣ ਠੰਡ ਅਤੇ ਫਲੂ ਨਾਲ ਮਿਲਦੇ ਜੁਲਦੇ ਹਨ ਜਿਸ ਕਰਕੇ ਕੋਈ ਵੀ ਸੁਖਾਲਿਆਂ ਹੀ ਉਲਝ ਸਕਦਾ ਹੈ। ਕੋਰੋਨਾ ਵਾਇਰਸ ਦੇ ਲੱਛਣ ਨਜ਼ਰੀਂ ਆਉਣ ਤੇ ਨੇੜਲੀਆਂ ਸਿਹਤ ਸੇਵਾਵਾਂ ਨਾਲ ਰਾਬਤਾ ਕਾਇਮ ਕਰਨਾ ਚਾਹੀਦਾ ਹੈ।

ਸਮੇਂ ਦੀ ਜ਼ਰੂਰਤ ਹੈ ਕਿ ਸਿਹਤ ਸਬੰਧੀ ਮਾਮਲਿਆਂ ਪ੍ਰਤੀ ਜਿੱਥੇ ਸਰਕਾਰਾਂ ਨੂੰ ਹੋਰ ਵਧੇਰਾ ਸੰਜੀਦਗੀ ਨਾਲ ਧਿਆਨ ਦੇਣ ਦੀ ਲੋੜ ਹੈ ਉੱਥੇ ਹੀ ਆਮ ਲੋਕਾਂ ਨੂੰ ਵੀ ਆਪਣੀ ਸਿਹਤਯਾਬੀ ਲਈ ਆਪਣੀਆਂ ਮਾੜੀਆਂ ਆਦਤਾਂ ਵਿੱਚ ਲੋੜੀਂਦੇ ਸੁਧਾਰ ਕਰਕੇ ਇੱਕ ਤੰਦਰੁਸਤ ਸਰੀਰ ਦਾ ਮਾਲਕ ਹੋਣ ਦੇ ਸੁਭਾਅ ਨੂੰ ਆਪਣੀਆਂ ਆਦਤਾਂ ਵਿੱਚ ਸ਼ੁਮਾਰ ਕਰਨਾ ਚਾਹੀਦਾ ਹੈ।

ਗੋਬਿੰਦਰ ਸਿੰਘ ਢੀਂਡਸਾ

ਪਿੰਡ ਤੇ ਡਾਕ. ਬਰੜ੍ਹਵਾਲ (ਧੂਰੀ)

ਜ਼ਿਲ੍ਹਾ ਸੰਗਰੂਰ (ਪੰਜਾਬ)

ਈਮੇਲ- bardwal.gobinder@gmail.com

ਸਲੇਮਪੁਰੀ ਦੀ ਚੂੰਢੀ ✍️ਸੁਖਦੇਵ ਸਲੇਮਪੁਰੀ

ਖਾਮੋਸ਼ ਪਰ ਉਦਾਸ ਨਹੀਂ!

ਆਹ! ਮੇਰੇ ਪਿੰਡ ਦੇ ਖੇਤ ਹਨ, ਜਿਨ੍ਹਾਂ ਵਿਚ ਖੜੀਆਂ ਕਣਕਾਂ ਵਿਸਾਖੀ ਦੀ ਉਡੀਕ ਵਿਚ ਹੌਲੀ ਹੌਲੀ ਆਪਣੇ ਸਿਰ ਉਪਰ ਸੋਨੇ ਰੰਗੀ ਚੁੰਨੀ ਤਾਣਦੀਆਂ ਹੋਈਆਂ ਸੁਨੇਹਾ ਦੇ ਰਹੀਆਂ ਹਨ ਕਿ 'ਐ ਮਨੁੱਖ ਹਰ ਕਾਲੀ ਡਰਾਉਣੀ ਰਾਤ ਤੋਂ ਬਾਅਦ ਸੂਰਜ ਆਪਣੀਆਂ ਸੁਨਹਿਰੀਆਂ ਕਿਰਨਾਂ ਨਾਲ ਦਿਨ ਵੀ ਚੜਾਉੰਦਾ ਹੈ, ਇਸ ਲਈ ਤੂੰ ਵੀ ਉਦਾਸ ਨਾ ਹੋ, ਮੁਸੀਬਤਾਂ ਦਾ ਜਿਹੜਾ ਪਹਾੜ ਤੇਰੇ 'ਤੇ ਟੁੱਟਿਆ ਹੈ, ਜਲਦੀ ਖਤਮ ਹੋ ਜਾਵੇਗਾ, ਅਸੀਂ ਵੀ ਤਾਂ ਤੇਰੀ ਉਡੀਕ ਵਿਚ ਖਾਮੋਸ਼ ਹਾਂ, ਪਰ ਉਦਾਸ ਨਹੀਂ, ਅਸੀਂ ਵੀ ਤਾਂ ਆਪਣੀ ਜਿੰਦਗੀ ਬਚਾਉਣ ਲਈ ਤਰ੍ਹਾਂ-ਤਰ੍ਹਾਂ ਦੀਆਂ ਮੁਸੀਬਤਾਂ ਕਦੀ ਜਹਿਰੀਲੀਆਂ ਖਾਦਾਂ ਅਤੇ ਕਦੀ ਕੀੜੇ ਮਾਰ ਦਵਾਈਆਂ ਵਿਚੋਂ ਦੀ ਲੰਘਦੀਆਂ ਰਹੀਆਂ ਹਾਂ, ਭੁੱਖੀਆਂ, ਪਿਆਸੀਆਂ ਰਹਿਕੇ ਵੀ ਦਿਨ ਕੱਟੇ ਪਰ ਅਡੋਲ ਖੜੀਆਂ ਰਹੀਆਂ, ਦਿਲ ਨਹੀਂ ਛੱਡਿਆ, ਤੂੰ ਵੀ ਹੌਸਲਾ ਰੱਖ ਚੰਗੇ ਦਿਨ ਆਉਣਗੇ! '

-ਸੁਖਦੇਵ ਸਲੇਮਪੁਰੀ

ਸਲੇਮਪੁਰੀ ਦੇ ਹੰਝੂ ✍️ਸੁਖਦੇਵ ਸਲੇਮਪੁਰੀ

ਸਲੇਮਪੁਰੀ ਦੇ ਹੰਝੂ-

ਸਿਵੇ ਵੀ ਬੇ-ਮੁੱਖ ਹੋ ਗਏ ਨੇ ਲਾਸ਼ਾਂ ਵੇਖਕੇ!

ਕਿੰਨ੍ਹਾ ਦਰਦਨਾਕ ਸਮਾਂ ਆ ਗਿਆ ਹੈ ਅੱਜ ਸਿਵੇ ਵੀ ਲਾਸ਼ਾਂ ਵੇਖਕੇ ਬੇ-ਮੁੱਖ ਹੋ ਗਏ ਹਨ। ਸਵਰਗਵਾਸੀ ਭਾਈ ਨਿਰਮਲ ਸਿੰਘ ਖਾਲਸਾ ਜਿਨ੍ਹਾਂ ਦੇ ਨਾਂ ਦਾ ਸੰਸਾਰ ਵਿੱਚ ਡੰਕਾ ਵੱਜਦਾ ਸੀ ਦਾ ਅੰਤਿਮ ਸਸਕਾਰ ਕਰਨ ਤੋਂ ਰੋਕਣ ਲਈ ਪਿੰਡ ਵੇਰਕਾ ਦੇ ਲੋਕਾਂ ਨੇ ਸਿਵਿਆਂ ਵਾਲੀ ਥਾਂ 'ਤੇ ਨਾਕਾਬੰਦੀ ਕੀਤੀ ਹੋਈ ਹੈ। ਸਾਨੂੰ ਚਿੱਤ ਚੇਤੇ ਵੀ ਨਹੀਂ ਸੀ ਕਿ ਆਹ ਦਿਨ ਵੀ ਸਾਨੂੰ ਜਿੰਦਗੀ ਵਿੱਚ ਵੇਖਣੇ ਪੈਣੇ ਸਨ ਜਦੋਂ ਲਾਸ਼ਾਂ ਨੂੰ ਵੇਖ ਕੇ ਸਿਵਿਆਂ ਨੇ ਵੀ ਬੂਹੇ ਭੇੜ ਲੈਣੇ ਹਨ। ਭਾਈ ਨਿਰਮਲ ਸਿੰਘ ਖਾਲਸਾ ਨੇ ਅੱਜ ਤੜਕ ਸਵੇਰੇ ਨਾ-ਮੁਰਾਦ ਬਿਮਾਰੀ ਕੋਰੋਨਾ ਵਾਇਰਸ ਦੀ ਲਪੇਟ ਵਿਚ ਆਉਣ ਕਰਕੇ ਆਪਣੇ ਸੁਆਸ ਪੂਰੇ ਕਰ ਲਏ ਸਨ।

ਸੁਖਦੇਵ ਸਲੇਮਪੁਰੀ

09780620233

ਕਰੋਨਾ ਵਾਇਰਸ ਅਤੇ ਪੰਜਾਬੀ ਲੋਕ✍️ ਅਮਨਜੀਤ ਸਿੰਘ ਖਹਿਰਾ

ਕਰੋਨਾ ਵਾਇਰਸ ਅਤੇ ਪੰਜਾਬੀ ਲੋਕ

ਮੈਂ ਕਿਸੇ ਵੀ ਪਾਰਟੀ ਜਾਂ ਲੀਡਰ ਦੀ ਸੁਪੋਰਟ ਨਹੀਂ ਕਰ ਰਿਹਾ,ਪਰ ਮੌਜੂਦਾ ਸਮੇਂ ਦੀ ਨਜ਼ਾਕਤ ਨੂੰ ਦੇਖਦਿਆਂ ਸਰਕਾਰਾਂ ਵੱਲੋ ਜਨਤਾ ਕਰਫਿਊ ਦਾ ਲਿਆ ਗਿਆ ਫੈਸਲਾ ਮੇਰੇ ਅਨੁਸਾਰ ਜਨਤਾ ਦੀ ਭਲਾਈ ਲਈ ਲਿਆ ਗਿਆ ਬਿਲਕੁਲ ਸਹੀ ਫੈਸਲਾ ਹੈ ਅਤੇ ਮੈਂ ਇਸਦਾ ਸਮੱਰਥਨ ਕਰਦਾ ਹਾਂ। ਇਸ ਫੈਸਲੇ ਦਾ ਬਹੁਤ ਲੋਕ ਵਿਰੋਧ ਵੀ ਕਰ ਰਹੇ ਹਨ ਅਤੇ ਆਖਦੇ ਹਨ ਸਰਕਾਰਾਂ ਨੂੰ ਇਸ ਦੀ ਰੋਕਥਾਮ ਕਰਨ ਲਈ ਕਦਮ ਪੁੱਟਣੇ ਚਾਹੀਦੇ ਹਨ ਨਾ ਕਿ ਅਜਿਹੇ ਫੈਸਲੇ ਲੈਣੇ ਚਾਹੀਦੇ ਹਨ । ਪਰ ਮੈਨੂੰ ਇਹ ਸਮਝ ਨਹੀਂ ਆ ਰਹੀ ਕਿ ਉਹ ਕਦਮ ਕਿਹੜੇ ਹਨ ਜੋ ਸਾਡੇ ਤੋਂ 100 ਸਾਲ ਅੱਗੇ ਜਾ ਰਹੇ ਅਤੇ ਸਾਡੀ ਆਰਥਿਕਤਾ ਤੋਂ ਕਿਤੇ ਮਜਬੂਤ ਆਰਥਿਕਤਾ ਵਾਲੇ ਦੇਸ਼ ਵੀ ਇਸ ਖ਼ਤਰਨਾਕ ਕਰੋਨਾ ਵਾਇਰਸ ਦੀ ਰੋਕਥਾਮ ਲਈ ਨਹੀਂ ਪੁੱਟ ਸਕੇ ਅਤੇ ਇਸ ਅੱਗੇ ਆਪਣੇ ਗੋਡੇ ਟੇਕ ਗਏ।ਚੀਨ ਦੇ ਵੂਹਾਨ ਸਹਿਰ ਵਿੱਚੋਂ ਉੱਠਿਆ ਇਹ ਕਰੋਨਾ ਵਾਇਰਸ ਅੱਜ 180 ਦੇਸ਼ਾਂ ਦੇ 3 ਲੱਖ ਤੋਂ ਵੱਧ ਲੋਕਾਂ ਨੂੰ ਆਪਣੀ ਲਪੇਟ ਵਿੱਚ ਲੈ ਚੁੱਕਾ ਹੈ ,ਪਰ ਅਜੇ ਤੱਕ ਕੋਈ ਵੀ ਦੇਸ਼ ਇਸ ਦੀ ਵੈਕਸੀਨ ਦੀ ਖੋਜ ਨਹੀਂ ਕਰ ਸਕਿਆ ਅਤੇ ਜੇਕਰ ਖੋਜ਼ ਹੁੰਦੀ ਵੀ ਹੈ ਤਾਂ ਹੋ ਸਕਦਾ ਹੈ ਪ੍ਰੀਖਣ ਕਰਦੇ ਕਿੰਨੇ ਮਹੀਨੇ ਲੱਗ ਜਾਣ। ਪਰ ਸਾਡੇ ਭਾਰਤੀ ਖਾਸ ਕਰਕੇ ਪੰਜਾਬੀ ਪਤਾ ਨਹੀਂ ਕਿਹੜੇ ਕਦਮਾਂ ਦੀ ਗੱਲ ਕਰ ਰਹੇ ਹਨ ਜੋ ਇਹ ਡਬਲਿਪ ਮੁਲਕ ਨਹੀਂ ਦੇਖ ਸਕੇ ਜਾਂ ਸਾਡੀ ਆਹ ਫ਼ਿਤਰਤ ਹੀ ਕਿ ਅਸੀਂ ਹਮੇਸ਼ਾ ਨੁਕਤਾਚੀਨੀ ਹੀ ਕਰਨੀ ਹੈ । ਸੋਚਣ ਵਾਲੀ ਗੱਲ ਹੈ ਕਿ ਚੀਨ ਵਿੱਚ ਪਿਛਲੇ ਸਮੇਂ ਤੋਂ ਹੁਣ ਕੋਈ ਨਵਾਂ ਮਰੀਜ਼ ਸਾਹਮਣੇ ਨਹੀਂ ਆਇਆ,ਓਥੇ ਇੱਕ ਕਰੋਨਾ ਹਸਪਤਾਲ ਬੰਦ ਹੋ ਗਿਆ ਅਤੇ ਚੀਨ ਦੀ ਜ਼ਿੰਦਗੀ ਹੌਲੀ-ਹੌਲੀ ਲੀਹ ਤੇ ਆ ਰਹੀ ਹੈ।ਪਰ ਇਹ ਸਭ ਕਿਵੇਂ ਹੋਇਆ ਜਦਕਿ ਇਹ ਸਭ ਦੀ ਸ਼ੁਰੂਆਤ ਹੀ ਚੀਨ ਤੋਂ ਹੋਈ ਸੀ।ਇਸ ਦਾ ਸਭ ਤੋਂ ਵੱਡਾ ਇਲਾਜ ਸਿਰਫ਼ ਨਾਕ-ਡਾਊਨ ਹੀ ਹੈ, ਜਿਸਦਾ ਚੀਨ ਨੂੰ ਬਹੁਤ ਵੱਡੇ ਜਾਨੀ ਅਤੇ ਮਾਲੀ ਨੁਕਸਾਨ ਤੋਂ ਬਾਅਦ ਪਤਾ ਲੱਗਾ । ਪਰ ਸਾਡੀਆਂ ਸਰਕਾਰਾਂ ਨੇ ਇਹ ਕਦਮ ਪਹਿਲਾਂ ਪੁੱਟ ਲਏ ਤਾਂ ਸਾਡੇ ਸਮਝਦਾਰ ਲੋਕ ਨਿਯਮਾਂ ਦੀ ਪਾਲਣਾ ਕਰਨ ਦੀ ਥਾਂ ਸਰਕਾਰਾਂ ਦੀ ਨਿੰਦਿਆ ਕਰਨ ਲੱਗ ਪਏ। ਇਹ ਗੱਲ ਸਹੀ ਹੈ ਕਿ ਗਰੀਬ ਲੋਕਾਂ ਦੀ ਜਿੰਦਗੀ ਹਰ ਰੋਜ ਕਮਾਈ ਅਤੇ ਖਾਂਦੀ ਵਾਲੀ ਹੈ ਪਰ ਜੇ ਦੇਖਿਆ ਜਾਵੇ ਕਿ ਮੀਂਹ-ਹਨੇਰੀ ਦੇ ਦੌਰਾਨ ਵੀ ਘਰ ਬੈਠ ਕੇ ਖਾਂਦੇ ਹਾਂ ਤਾਂ ਇਹਨਾਂ ਕੁਝ ਦਿਨਾਂ ਨਾਲ ਕੁਝ ਨਹੀਂ ਹੁੰਦਾ। ਜੇਕਰ ਤੰਦਰੁਸਤ ਅਤੇ ਜਿਉਂਦੇ ਰਹੇ ਤਾਂ ਬਥੇਰਾ ਕਮਾ ਸਕਦੇ ਹਾਂ ਜੇਕਰ ਕਮਾਉਣ ਵਾਲਾ ਹੀ ਨਾ ਰਿਹਾ ਤਾਂ ਫਿਰ ਕੀ ਹੋਵੇਗਾ? ਸੋ ਮੇਰੀ ਬੇਨਤੀ ਹੈ ਇਹਨਾਂ ਸਿਆਣੀ ਸੋਚ ਵਾਲੇ ਲੋਕਾਂ ਨੂੰ ਕਿ ਅਲੋਚਨਾ ਕਰਨ ਦੀ ਥਾਂ ਨਿਯਮਾਂ ਦੀ ਪਾਲਣਾ ਕਰਕੇ ਆਪਣੀ ਅਤੇ ਦੂਜਿਆਂ ਦੀ ਜਿੰਦਗੀ ਦਾ ਖਿਆਲ ਰੱਖ ਕੇ ਕੁਝ ਦਿਨ ਆਪਣੇ ਪਰਿਵਾਰ ਨਾਲ ਸਮਾਂ ਬਿਤਾਉਣ ਵੱਲ ਧਿਆਨ ਦੇਵੋ ਅਤੇ ਮੋਬਾਈਲ ਦੀ ਦੁਨੀਆਂ ਤੋਂ ਬਾਹਰ ਆ ਕੇ ਦੇਖੋ ਕਿ ਪਰਿਵਾਰ ਦੇ ਦੂਜੇ ਮੈਂਬਰ ਕਿੰਨੇ ਚੰਗੇ ਹਨ। ਯਾਦ ਰੱਖੋ ਕਿ ਕਰੋਨਾ ਵਾਇਰਸ ਆਪਣੇ ਆਪ ਤੁਹਾਡੇ ਘਰ ਨਹੀਂ ਆਵੇਗਾ ਬਲਕਿ ਤੁਸੀ ਬਾਹਰ ਨਿਕਲ ਕੇ ਉਸਨੂੰ ਆਪ ਘਰ ਲੇ ਕੇ ਆਵੋਗੇ ਅਤੇ ਆਪਣੇ ਪਰਿਵਾਰ ਅਤੇ ਸਮਾਜ ਲਈ ਖਤਰੇ ਦੀ ਘੰਟੀ ਵਜਾਓਗੇ। ਆਓ ਇਸ ਵਾਇਰਸ ਦੀ ਚੇਨ ਤੋੜ ਕੇ ਆਪਣੇ ਆਪ ਅਤੇ ਦੂਸਰਿਆਂ ਨੂੰ ਸੇਫ ਰੱਖੀਏ। ਅੱਜ ਜੇ ਤੁਸੀਂ ਆਪਣੇ ਆਪ ਨੂੰ ਬਚਾਓ ਗੇ ਤਾਂ ਦੂਜੇ ਨੂੰ ਵੀ ਬਚਾ ਲਵੋਗੇ।

✍️ ਅਮਨਜੀਤ ਸਿੰਘ ਖਹਿਰਾ

ਸ਼ਾਬਾਸ਼!✍️ਸੁਖਦੇਵ ਸਲੇਮਪੁਰੀ

ਸ਼ਾਬਾਸ਼!

ਪੰਜਾਬ ਵਿੱਚ ਕੋਰੋਨਾ ਵਾਇਰਸ ਨੂੰ ਸਾਹ ਲੈਣਾ ਹੋਇਆ ਔਖਾ।
ਪੰਜਾਬ ਸਰਕਾਰ ਦੇ ਸਿਹਤ ਵਿਭਾਗ ਦੇ ਸਿਹਤ ਬੁਲੇਟਿਨ ਦੌਰਾਨ ਸੂਬੇ ਵਿਚ ਕੋਰੋਨਾ ਵਾਇਰਸ ਤੋਂ ਪੀੜ੍ਹਤ ਨਾਲ ਸਬੰਧਿਤ ਹੁਣ ਤਕ ਕੋਈ ਵੀ ਨਵਾਂ ਮਾਮਲਾ ਸਾਹਮਣੇ ਨਹੀਂ ਆਇਆ।
✍️ਸੁਖਦੇਵ ਸਲੇਮਪੁਰੀ

ਸਰਾਪ ਬਨਾਮ ਵਰਦਾਨ!✍️ਸਲੇਮਪੁਰੀ ਦੀ ਚੂੰਢੀ -

ਸਰਾਪ ਬਨਾਮ ਵਰਦਾਨ!

ਆਮ ਤੌਰ 'ਤੇ ਸਰਕਾਰੀ ਹਸਪਤਾਲਾਂ ਨੂੰ ਨਿੰਦਣ ਤੋਂ ਸਿਵਾਏ ਸਮਾਜ ਕੋਲ ਕੋਈ ਵੀ ਕੰਮ ਨਹੀਂ ਹੈ। ਸਮਾਜ ਦੇ ਅਮੀਰਾਂ ਸਮੇਤ ਮੱਧ ਵਰਗੀ ਅਤੇ ਖਾਂਦੇ ਪੀਂਦੇ ਲੋਕ ਤਾਂ ਸਰਕਾਰੀ ਹਸਪਤਾਲਾਂ ਦਾ ਨਾਂ ਸੁਣਦਿਆਂ ਹੀ ਨੱਕ ਬੁੱਲ੍ਹ ਚੜਾਉਣ ਲੱਗ ਜਾਂਦੇ ਹਨ। ਖਾਂਦੇ ਪੀਂਦੇ ਪਰਿਵਾਰਾਂ ਦੇ ਮੂੰਹੋਂ ਤਾਂ ਅਕਸਰ ਇਹ ਸ਼ਬਦ ਹੀ ਨਿਕਲਦਾ ਹੈ ਕਿ ਇਹ ਤਾਂ ਗਰੀਬਾਂ ਦੇ ਹਸਪਤਾਲ ਹਨ, ਪਰ ਅੱਜ ਉਨ੍ਹਾਂ ਲੋਕਾਂ ਲਈ ਇਹ ਹਸਪਤਾਲ ਵਰਦਾਨ ਬਣ ਰਹੇ ਹਨ, ਜਿਹੜੇ ਇਨ੍ਹਾਂ ਦੇ ਕੋਲੋਂ ਲੰਘਣਾ ਵੀ ਕਦੀ ਮੁਨਾਸਿਬ ਵੀ ਨਹੀਂ ਸੀ ਸਮਝਦੇ, ਕਿਉਂਕਿ ਬਹੁਤੇ ਨਿੱਜੀ ਹਸਪਤਾਲਾਂ ਨੇ ਤਾਂ ਆਪਣੇ ਬੂਹੇ ਭੇੜ ਕੇ ਬਾਹਰ ਲਿਖ ਦਿੱਤਾ ਹੈ ਕਿ 'ਜਿਹੜੇ ਮਰੀਜ਼ਾਂ ਨੂੰ ਖੰਘ, ਜੁਕਾਮ, ਬੁਖਾਰ ਅਤੇ ਹੱਡ ਭੰਨਣੀ ਦੀ ਸ਼ਿਕਾਇਤ ਹੈ, ਉਹ ਸਰਕਾਰੀ ਹਸਪਤਾਲ ਜਾਣ' ਸਦਕੇ ਜਾਈਏ! ਇਹੋ ਜਿਹੇ ਨਿੱਜੀ ਹਸਪਤਾਲਾਂ ਦੇ ਪ੍ਰਬੰਧਕਾਂ ਤੋਂ, ਜਿਹੜੇ ਕ੍ਰੀਮ ਖਾਣ ਲਈ ਹੀ ਲੋਕਾਂ ਦਾ ਗਲ ਘੁੱਟ ਦੇ ਰਹੇ ਹਨ ਅਤੇ ਜਦੋਂ ਹੁਣ ਦੇਸ਼ ਉਪਰ ਭੀੜ ਬਣੀ ਤਾਂ ਬੂਹੇ ਭੇੜ ਲਏ ਹਨ। ਅੱਜ ਸਰਕਾਰੀ ਹਸਪਤਾਲਾਂ ਨੇ ਹੀ ਕੋਰੋਨਾ ਸਮੇਤ ਹਰ ਬਿਮਾਰੀ ਤੋਂ ਪੀੜਤ ਹਰ ਵਰਗ ਦੇ ਲੋਕਾਂ ਦੀ ਬਾਂਹ ਫੜੀ ਹੈ। ਵਰ੍ਹਦੀ ਅੱਗ ਵਿੱਚ ਸਰਕਾਰੀ ਹਸਪਤਾਲਾਂ ਦੇ ਸਿਹਤ ਕਾਮੇ ਜਾਨ ਤਲੀ 'ਤੇ ਰੱਖ ਕੇ ਦੂਜਿਆਂ ਦੀ ਜਾਨ ਬਚਾਉਣ ਵਿੱਚ ਜੁੱਟ ਗਏ ਹਨ। ਅੱਜ ਉਨ੍ਹਾਂ ਲੋਕਾਂ ਦੇ ਮੂੰਹ' ਤੇ ਕੱਸ ਕੇ ਚਪੇੜ ਵੱਜੀ ਹੈ ਜਿਹੜੇ ਲੋਕ ਹੁਣ ਤੱਕ ਸਰਕਾਰੀ ਹਸਪਤਾਲਾਂ ਨੂੰ 'ਸਰਾਪ' ਹੀ ਸਮਝਦੇ ਰਹੇ ਹਨ। ਅਮੀਰਾਂ ਨੂੰ ਅੱਜ ਇਸ ਗੱਲ ਦੀ ਵੀ ਸਮਝ ਆ ਗਈ ਹੋਣੀ ਹੈ ਕਿ ਸਮਾਜ ਦੇ ਆਮ ਲੋਕਾਂ ਦਾ ਸਿੱਧੇ ਅਤੇ ਅਸਿੱਧੇ ਤੌਰ ਤੇ ਖੂਨ ਚੂਸਕੇ ਇਕੱਠੀ ਕੀਤੀ ਅੰਨ੍ਹੀ ਮਾਇਆ ਨੂੰ ਐਵੇਂ ਆਪਣੇ ਐਸ਼ੋ-ਆਰਾਮ ਲਈ ਖਰਚਦੇ ਰਹੇ ਹਨ ਜਾਂ ਫਿਰ ਆਪਣੇ ਪਾਪਾਂ ਨੂੰ ਧੋਣ ਅਤੇ ਹੇਰਾਫੇਰੀ ਨਾਲ ਇਕੱਠੀ ਕੀਤੀ ਮਾਇਆ ਦਾ ਦਸਵੰਦ ਸਰਕਾਰੀ ਹਸਪਤਾਲਾਂ ਅਤੇ ਸਕੂਲਾਂ /ਕਾਲਜਾਂ ਉਪਰ ਖਰਚਣ ਦੀ ਬਜਾਏ ਧਾਰਮਿਕ ਸਥਾਨਾਂ ਵਿਚ ਮਹਿੰਗੇ ਪੱਥਰ ਲਗਵਾਉਣ ਲਈ ਖਰਚ ਕਰਦੇ ਰਹੇ ਹਨ। ਅਮੀਰ ਅੱਜ ਇਹ ਵੀ ਸਮਝ ਗਏ ਹੋਣਗੇ ਕਿ ਜਦੋਂ ਸਮਾਜ ਉੱਪਰ ਮੁਸੀਬਤਾਂ ਦਾ ਵੱਡਾ ਪਹਾੜ ਆਣ ਡਿੱਗ ਪਿਆ ਹੈ ਤਾਂ ਧਾਰਮਿਕ ਸਥਾਨਾਂ ਦੇ ਬੂਹੇ ਵੀ ਬੰਦ ਹੋ ਗਏ ਹਨ ਜਦ ਕਿ ਉਨ੍ਹਾਂ ਦੀ ਜਾਨ ਬਚਾਉਣ ਲਈ ਇਸ ਵੇਲੇ ਕੇਵਲ ਤੇ ਕੇਵਲ ਹਸਪਤਾਲਾਂ ਦੇ ਬੂਹੇ ਖੁੱਲ੍ਹੇ ਹਨ।
ਸਲਾਮ! ਸਰਕਾਰੀ ਹਸਪਤਾਲਾਂ ਨੂੰ!
ਸਲਾਮ! ਸਰਕਾਰੀ ਡਾਕਟਰਾਂ ਨੂੰ!
ਸਲਾਮ! ਸਰਕਾਰੀ ਨਰਸਾਂ ਨੂੰ!
ਸਲਾਮ! ਸਰਕਾਰੀ ਪੈਰਾ-ਮੈਡੀਕਲ ਸਟਾਫ ਨੂੰ!
-ਸੁਖਦੇਵ ਸਲੇਮਪੁਰੀ
09780620233

ਆਂਡੇ 'ਚ ਸੁਰੱਖਿਅਤ ਬੱਚਾ ਬਾਹਰ ਆਵੇਗਾ!✍️ ਸਲੇਮਪੁਰੀ ਦੀ ਚੂੰਢੀ -

ਆਂਡੇ 'ਚ ਸੁਰੱਖਿਅਤ ਬੱਚਾ ਬਾਹਰ ਆਵੇਗਾ!

ਕੁਦਰਤ ਦੇ ਨਿਯਮਾਂ ਮੁਤਾਬਿਕ 21 ਦਿਨਾਂ ਬਾਅਦ ਆਂਡੇ 'ਚੋਂ ਸੁਰੱਖਿਅਤ ਬੱਚੇ ਬਾਹਰ ਆਉਣ ਦੀ ਸੰਭਾਵਨਾ ਹੁੰਦੀ ਹੈ। ਜਦੋਂ ਅਸੀਂ ਬੱਚੇ ਕਢਵਾਉਣ ਲਈ ਕੁੜਕ ਮੁਰਗੀ ਥੱਲੇ ਆਂਡੇ ਰੱਖਦੇ (ਸੇਣਾ) ਹਾਂ ਤਾਂ 21ਦਿਨਾਂ ਬਾਅਦ ਆਂਡਿਆਂ ਵਿਚੋਂ ਬੱਚੇ ਬਾਹਰ ਆ ਜਾਂਦੇ ਹਨ। ਕੁੜਕ ਮੁਰਗੀ 21 ਦਿਨਾਂ ਤੱਕ ਖੁੱਡੇ ਵਿਚੋਂ ਬਾਹਰ ਨਹੀਂ ਨਿਕਲਦੀ ਅਤੇ ਆਪਣੇ ਬੱਚਿਆਂ ਨੂੰ ਸੁਰੱਖਿਅਤ ਜਨਮ ਦੇਣ ਲਈ ਹਰ ਵੇਲੇ ਉਪਰ ਬੈਠੀ ਰਹਿੰਦੀ ਹੈ ਅਤੇ ਇਥੋਂ ਤਕ ਕਿ ਕਿਸੇ ਹੋਰ ਮੁਰਗੀ/ਮਰਗੇ ਨੂੰ ਹੀ ਨਹੀਂ ਬਲਕਿ ਕਿਸੇ ਮਨੁੱਖ ਨੂੰ ਵੀ ਨੇੜੇ ਨਹੀਂ ਲੱਗਣ ਦਿੰਦੀ। ਜੇ ਕੋਈ ਨੇੜੇ ਆਉਣ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਉਸ ਦੇ ਠੁੰਗਾਂ ਮਾਰਦੀ ਹੈ ਤਾਂ ਜੋ ਕੋਈ ਵੀ ਆਂਡਿਆਂ ਨੂੰ ਛੂਹ ਨਾ ਸਕੇ। ਜਨੌਰ ਹੋਣ ਦੇ ਬਾਵਜੂਦ ਮੁਰਗੀ ਦੇ ਦਿਮਾਗ ਵਿਚ ਇਕ ਗੱਲ ਬਹਿ ਜਾਂਦੀ ਹੈ ਕਿ ਜੇ ਕੋਈ ਆਂਡਿਆਂ ਨੂੰ ਛੂਹੇਗਾ ਤਾਂ ਸੁਰੱਖਿਅਤ ਬੱਚੇ ਨਹੀ ਨਿਕਲਣਗੇ, ਇਸ ਲਈ ਉਹ 21 ਦਿਨ ਤੱਕ ਨਾਲ ਦਿਆਂ ਕੋਲੋਂ ਦੂਰੀ ਬਣਾ ਕੇ ਰੱਖਦੀ ਹੈ। ਇਸ ਲਈ ਸਮੁੱਚੇ ਦੇਸ਼ ਵਾਸੀਆਂ ਨੂੰ ਕੁੜਕ ਮੁਰਗੀ ਤੋਂ ਸਿੱਖਿਆ ਲੈਂਦਿਆਂ 21 ਦਿਨ ਆਪਣੀ, ਆਪਣੇ ਪਰਿਵਾਰ, ਸਮਾਜ ਅਤੇ ਦੇਸ਼ ਦੀ ਸੁਰੱਖਿਆ ਲਈ ਮੁਰਗੀ ਵਾਂਗੂੰ ਆਪਣਾ ਆਲਣਾ (ਘਰ) ਨਹੀਂ ਛੱਡਣਾ ਚਾਹੀਦਾ। ਸੁਣਿਆ ਹੈ ਕਿ ਜੇ ਕੁੜਕ ਮੁਰਗੀ ਥੱਲੇ ਰੱਖੇ ਆਂਡਿਆਂ ਨੂੰ ਕੋਈ ਬਿਗਾਨਾ ਛੂਹ ਦੇਵੇ ਤਾਂ ਆਂਡੇ ਗਲ ਜਾਂਦੇ ਹਨ। ਇਸ ਲਈ ਆਪਣੇ ਆਪ ਨੂੰ, ਪਰਿਵਾਰ ਨੂੰ, ਸਮਾਜ ਨੂੰ ਅਤੇ ਦੇਸ਼ ਨੂੰ ਗਲਣ ਤੋਂ ਬਚਾਉਣ ਲਈ ਮੁਰਗੀ ਤੋਂ ਸੇਧ ਲੈਂਦਿਆਂ ਸਰਕਾਰ ਅਤੇ ਡਾਕਟਰਾਂ ਦੀ ਦਿੱਤੀ ਸਲਾਹ ਨੂੰ ਪੱਲੇ ਬੰਨ੍ਹ ਕੇ ਰੱਖਣ ਵਿਚ ਹੀ ਭਲਾ ਹੈ।ਜੇ ਅਸੀਂ ਗੱਲ ਮੰਨ ਲਈ ਤਾਂ 21ਦਿਨਾਂ ਬਾਅਦ ਭਾਰਤ ਮਾਂ ਦੇ ਸਾਰੇ ਬੱਚੇ ਆਲਣਿਆਂ 'ਚੋ ਸਰੱਖਿਅਤ ਬਾਹਰ ਆਉਣ ਦੀ ਸੰਭਾਵਨਾ ਹੈ।
✍️ ਸੁਖਦੇਵ ਸਲੇਮਪੁਰੀ

ਜਾਨ ਹੈ ਤਾਂ ਜਹਾਨ ਹੈ!✍️ਸਲੇਮਪੁਰੀ ਦੀ ਚੂੰਢੀ -

ਜਾਨ ਹੈ ਤਾਂ ਜਹਾਨ ਹੈ!

' ਸਿਆਣੇ ਦਾ ਕਿਹਾ ਅਤੇ ਔਲੇ ਦਾ ਖਾਧਾ ਬਾਅਦ ਵਿਚ ਸੁਆਦ ਦਿੰਦੇ ਹਨ ' ਇਹ ਕਹਾਵਤ ਭਾਵੇਂ 10-12 ਸ਼ਬਦਾਂ ਦੀ ਹੈ ਪਰ ਸਮਾਜ ਲਈ ਬਹੁਤ ਵੱਡੀ ਇੱਕ ਰਾਹ ਦਿਸੇਰੀ ਅਤੇ ਚਾਨਣ ਮੁਨਾਰੇ ਵਾਲੀ ਕਹਾਵਤ ਹੈ, ਜਿਸ ਨੂੰ ਜਿਹੜੇ ਮਨੁੱਖ ਆਪਣੀ ਜਿੰਦਗੀ ਵਿੱਚ ਢਾਲ ਕੇ ਚੱਲਦੇ ਹਨ, ਜਲਦੀ ਕਰਕੇ ਮਾਰ ਨਹੀਂ ਖਾਂਦੇ ।ਅੱਜ ਇਸ ਕਹਾਵਤ ਦੀ ਹਰੇਕ ਮਨੁੱਖ ਲਈ ਬਹੁਤ ਮਹੱਤਤਾ ਹੈ। ਪੰਜਾਬ ਸਰਕਾਰ ਵਲੋਂ ਨਾਮੁਰਾਦ ਰੋਗ ਕੋਰੋਨਾ ਵਾਇਰਸ ਨੂੰ ਨੱਥ ਪਾਉਣ ਲਈ ਦੇਸ਼ ਭਰ ਵਿਚ ਸਭ ਤੋਂ ਪਹਿਲਾਂ ਪਹਿਲ ਕਦਮੀ ਕਰਦਿਆਂ ਲਾਕ-ਡਾਊਨ ਤੋਂ ਬਾਅਦ ਕਰਫਿਊ ਲਗਾ ਦਿੱਤਾ ਹੈ, ਜੋ ਇਕ ਬਹੁਤ ਹੀ ਸ਼ਲਾਘਾਯੋਗ ਕਦਮ ਹੈ। ਇਸ ਲਈ ਸਾਨੂੰ ਬਿਨਾਂ ਕਿਸੇ ਦੇਰੀ ਤੋਂ ਕਾਨੂੰਨ ਦੀ ਇੰਨ ਬਿੰਨ ਪਾਲਣਾ ਕਰਨੀ ਚਾਹੀਦੀ ਹੈ, ਨਹੀਂ ਤਾਂ ਸਾਨੂੰ ਇਟਲੀ ਵਾਂਗੂੰ ਇਸ ਰੋਗ ਨਾਲ ਪੈਦਾ ਹੋਣ ਵਾਲੀ ਭਿਆਨਕ ਮਹਾਮਾਰੀ ਨਾਲ ਨਜਿੱਠਣ ਲਈ ਮਜਬੂਰ ਹੋਣਾ ਪਵੇਗਾ, ਪਰ ਸਾਡੇ ਤੋਂ ਨਜਿੱਠਿਆ ਨਹੀਂ ਜਾਣਾ ਕਿਉਂਕਿ ਹਾਲਾਤ ਬਦ ਤੋਂ ਬਦਤਰ ਹੋ ਜਾਣਗੇ।

ਸੱਚ ਤਾਂ ਇਹ ਹੈ ਕਿ ' ਜੇ ਜਾਨ ਹੈ ਤਾਂ ਜਹਾਨ ਹੈ', ਜਾਣੀ ਕਿ ਜੇ ਅਸੀਂ ਜਿਉਂਦੇ ਹੀ ਨਾ ਰਹੇ ਤਾਂ ਸੰਸਾਰ ਹੀ ਨਹੀਂ ਰਹੇਗਾ।

ਬਾਂਸ ਹੋਵੇਗਾ ਤਾਂ ਬਾਂਸੁਰੀ ਵੱਜੇਗੀ। ਮਨੁੱਖਾਂ ਨਾਲ ਪਰਿਵਾਰ, ਪਰਿਵਾਰ ਨਾਲ ਘਰ, ਘਰਾਂ ਨਾਲ ਸਮਾਜ, ਸਮਾਜ ਨਾਲ ਦੇਸ਼ ਅਤੇ ਦੇਸ਼ਾਂ ਦੇ ਸਮੂਹ ਨਾਲ ਸੰਸਾਰ ਬਣਦਾ ਹੈ। ਇਸ ਤਰ੍ਹਾਂ ਹਰ ਮਨੁੱਖ ਸੰਸਾਰ ਹੈ। ਹਰ ਮਨੁੱਖ ਦਾ ਇਖਲਾਕੀ ਫਰਜ ਬਣਦਾ ਹੈ ਕਿ ਉਹ ਸੰਸਾਰ ਦੀ ਹੋਂਦ ਨੂੰ ਬਚਾਉਣ ਲਈ ਜਾਗਰੂਕ ਹੋਵੇ।

ਇਸ ਲਈ ਸਰਕਾਰ ਅਤੇ ਡਾਕਟਰਾਂ ਦੀ ਕਹੀ ਗੱਲ ਉਪਰ ਪਹਿਰਾ ਦਿੰਦੇ ਹੋਏ ਆਪਣੇ ਘਰਾਂ ਵਿਚ ਰਹਿਣਾ ਚਾਹੀਦਾ ਹੈ । ਸਾਡੀ ਜਾਨ ਦੀ ਸੁਰੱਖਿਆ ਲਈ 4 ਪੱਪੇ ਜਿਸ ਵਿਚ ਪ੍ਰਸ਼ਾਸਨ, ਪੱਟੀ ਚਿੱਟੀ (ਡਾਕਟਰ ਅਤੇ ਨਰਸਾਂ) ਪੁਲਿਸ ਅਤੇ ਪ੍ਰੈਸ ਸ਼ਾਮਲ ਹਨ, ਆਪਣੀ ਜਾਨ ਤਲੀ ' ਤੇ ਰੱਖ ਕੇ ਪਹਿਰੇਦਾਰ ਬਣਕੇ ਖੜੇ ਹਨ। ਕੋਰੋਨਾ ਵਾਇਰਸ ਨਾਲ ਸਬੰਧਿਤ ਯੁੱਧ ਲੰਬਾ ਸਮਾਂ ਵੀ ਚੱਲ ਸਕਦਾ ਹੈ, ਪਰ ਜੇ ਅਸੀਂ ਸਰਕਾਰ ਅਤੇ ਡਾਕਟਰਾਂ ਦੀ ਗੱਲ ਨੂੰ ਆਪਣੇ ਜਿਹਨ ਵਿਚ ਬੈਠਾਕੇ ਚੱਲਾਂਗੇ ਤਾਂ ਜਲਦੀ ਹੀ ਜਿੱਤ ਪ੍ਰਾਪਤ ਕਰ ਲਵਾਂਗੇ ਅਤੇ ਸੰਸਾਰ ਦਾ ਅੰਗ ਬਣੇ ਰਹਾਂਗੇ।

-ਸੁਖਦੇਵ ਸਲੇਮਪੁਰੀ

ਇਲਾਜ ਨਾਲੋਂ ਪਰਹੇਜ਼ ਚੰਗਾ! ਨੋਵਲ ਕੋਰੋਨਾ ਵਾਇਰਸ ✍️ਗੋਬਿੰਦਰ ਸਿੰਘ ਢੀਂਡਸਾ

ਇਲਾਜ ਨਾਲੋਂ ਪਰਹੇਜ਼ ਚੰਗਾ! ਨੋਵਲ ਕੋਰੋਨਾ ਵਾਇਰਸ
ਦੁਨੀਆਂ ਨੋਵਲ ਕੋਰੋਨਾ ਵਾਇਰਸ (ਕੋਵਿਡ 19) ਨਾਂ ਦੀ ਮਹਾਂਮਾਰੀ ਨਾਲ ਜੂਝ ਰਹੀ ਹੈ ਜਿਸ ਦੀ ਸ਼ੁਰੂਆਤ ਚੀਨ ਦੇ ਵੂਹਾਨ ਸ਼ਹਿਰ ਤੋਂ ਹੋਈ।
ਮਾਰਚ 22, 2020 (7 ਵਜੇ ਸਵੇਰੇ) ਤੱਕ ਦੇ ਤਾਜ਼ਾ ਅੰਕੜਿਆਂ ਅਨੁਸਾਰ ਦੁਨੀਆਂ ਦੇ 188 ਦੇਸ਼ਾਂ ਵਿੱਚ ਕੋਰੋਨਾ ਵਾਇਰਸ ਪੈਰ ਪਸਾਰ ਚੁੱਕਾ
ਹੈ ਅਤੇ ਤਕਰੀਬਨ 308,564 ਮਾਮਲੇ ਸਾਹਮਣੇ ਆਏ ਹਨ ਅਤੇ 95,829 ਮਰੀਜ਼ ਠੀਕ ਹੋ ਗਏ ਹਨ ਅਤੇ 13069 ਮੌਤਾਂ ਹੋ ਚੁੱਕੀਆਂ ਹਨ।
ਕੋਰੋਨਾ ਵਾਇਰਸ ਨਾਲ ਮਰਨ ਵਾਲਿਆਂ ਵਿੱਚ ਜ਼ਿਆਦਾਤਰ ਵਡੇਰੀ ਉਮਰ ਦੇ ਲੋਕਾਂ ਦੀ ਗਿਣਤੀ ਹੈ। ਕੋਰੋਨਾ ਵਾਇਰਸ ਦੇ ਮਾਮਲੇ ਸਭ ਤੋਂ
ਜ਼ਿਆਦਾ ਚੀਨ ਵਿੱਚ ਆਏ ਹਨ ਅਤੇ ਸਭ ਤੋਂ ਜ਼ਿਆਦਾ ਮੌਤਾਂ 4,825 ਇਟਲੀ ਵਿੱਚ ਹੋਈਆਂ ਹਨ। ਭਾਰਤ ਵਿੱਚ 332 ਮਾਮਲੇ ਸਾਹਮਏ ਆਏ
ਹਨ ਅਤੇ 5 ਮੌਤਾਂ ਹੋ ਚੁੱਕੀਆਂ ਹਨ ਜਦਕਿ 24 ਮਰੀਜ਼ ਠੀਕ ਹੋ ਚੁੱਕੇ ਹਨ। ਕੋਰੋਨਾ ਵਾਇਰਸ ਨਾਲ ਭਾਰਤ ਵਿੱਚ ਪਹਿਲੀ ਮੌਤ ਉੱਤਰੀ
ਕਰਨਾਟਕ ਦੇ ਕਲਬੁਰਗੀ ਸ਼ਹਿਰ ਵਿੱਚ 76 ਸਾਲਾ ਵਿਅਕਤੀ ਦੀ ਹੋਈ ਜੋ ਕਿ ਸਾਊਦੀ ਅਰਬ ਵਿੱਚੋਂ ਧਾਰਮਿਕ ਯਾਤਰਾ ਕਰਕੇ ਆਇਆ ਸੀ।
ਤਾਜ਼ਾ ਅੰਕੜਿਆਂ ਅਨੁਸਾਰ ਪੰਜਾਬ ਵਿੱਚ ਕੁੱਲ 14 ਮਰੀਜ਼ਾਂ ਦੀ ਪੁਸ਼ਟੀ ਹੋ ਗਈ ਹੈ ਜਿਸ ਵਿੱਚੋਂ ਇੱਕ ਮਰੀਜ਼ ਦੀ ਮੌਤ ਹੋ ਚੁੱਕੀ ਹੈ।
ਕੋਰੋਨਾ ਵਾਇਰਸ ਸੰਕ੍ਰਮਿਤ ਵਿਅਕਤੀ ਤੋਂ ਦੂਜੇ ਵਿਅਕਤੀ ਤੱਕ ਕਈ ਤਰੀਕਿਆਂ ਨਾਲ ਫੈਲ ਸਕਦਾ ਹੈ ਜਿਵੇਂ ਕਿ ਨਿੱਜੀ ਵਿਅਕਤੀਗਤ ਛੂਹਣ,
ਖੰਘਣ ਸਮੇਂ ਲਾਪਰਵਾਹੀ ਆਦਿ। ਕਿਸੇ ਸੰਕ੍ਰਮਿਤ ਵਸਤੂ ਜਾਂ ਸਤਹਿ ਨੂੰ ਛੂਹਣਾ ਅਤੇ ਫਿਰ ਬਿਨ੍ਹਾਂ ਹੱਥ ਧੋਏ ਆਪਣੀਆਂ ਅੱਖਾਂ, ਨੱਕ ਜਾਂ ਮੂੰਹ ਨੂੰ
ਛੂਹਣਾ ਕੋਰੋਨਾ ਵਾਇਰਸ ਨੂੰ ਸਿੱਧਾ ਸੱਦਾ ਸਾਬਿਤ ਹੋ ਸਕਦਾ ਹੈ।
ਕੋਰੋਨਾ ਵਾਇਰਸ ਤੋਂ ਬਚਣ ਲਈ ਜ਼ਰੂਰੀ ਹੈ ਕਿ ਸਮੇਂ ਸਮੇਂ ਤੇ ਆਪਣੇ ਹੱਥਾਂ ਨੂੰ ਸਾਬਣ ਅਤੇ ਪਾਣੀ ਨਾਲ ਚੰਗੀ ਤਰ੍ਹਾਂ ਧੋਣਾ ਚਾਹੀਦਾ ਹੈ ਅਤੇ ਹੱਥਾਂ
ਦੀ ਸਫ਼ਾਈ ਤੋਂ ਬਿਨ੍ਹਾਂ ਅੱਖਾਂ, ਨੱਕ ਜਾਂ ਮੂੰਹ ਨੂੰ ਸਿੱਧਾ ਹੀ ਨਹੀਂ ਛੂਹਣਾ ਚਾਹੀਦਾ। ਖੰਘਦੇ ਸਮੇਂ ਮੂੰਹ ਉੱਤੇ ਰੁਮਾਲ ਜਾਂ ਟੀਸ਼ੂ ਪੇਪਰ ਆਦਿ ਦੀ ਵਰਤੋਂ
ਕਰਨੀ ਚਾਹੀਦੀ ਹੈ ਅਤੇ ਦੂਸ਼ਿਤ ਰੁਮਾਲ ਜਾਂ ਟੀਸ਼ੂ ਪੇਪਰ ਦੀ ਦੁਬਾਰਾ ਵਰਤੋਂ ਨਹੀਂ ਕਰਨੀ ਚਾਹੀਦੀ।ਟੀਸ਼ੂ ਪੇਪਰ ਜਾਂ ਰੁਮਾਲ ਦੀ ਥਾਂ ਕੁਹਣੀ ਦਾ
ਵੀ ਇਸਤੇਮਾਲ ਕੀਤਾ ਜਾ ਸਕਦਾ ਹੈ। ਕੋਰੋਨਾ ਵਾਇਰਸ ਤੋਂ ਪੀੜਤ ਵਿਅਕਤੀ ਦੇ ਸੰਪਰਕ ਵਿੱਚ ਆਉਣ ਤੋਂ ਬਚਣਾ ਚਾਹੀਦਾ ਹੈ।
ਵਿਗਿਆਨੀਆਂ ਅਨੁਸਾਰ ਕੋਰੋਨਾ ਵਾਇਰਸ ਸਰੀਰ ਵਿੱਚ ਪਹੁੰਚਣ ਤੇ ਫੇਫੜਿਆਂ ਨੂੰ ਸੰਕ੍ਰਮਿਤ ਕਰਦਾ ਹੈ। ਇਸ ਕਰਕੇ ਹੀ ਸਭ ਤੋਂ ਪਹਿਲਾਂ ਬੁਖਾਰ,
ਫਿਰ ਸੁੱਖੀ ਖੰਘ ਅਤੇ ਬਾਦ ਵਿੱਚ ਸਾਹ ਲੈਣ ਵਿੱਚ ਸਮੱਸਿਆ ਹੋ ਸਕਦੀ ਹੈ। ਸਾਧਾਰਣ ਤੌਰ ਤੇ ਲੱਛਣ ਨਜ਼ਰ ਆਉਣ ਵਿੱਚ ਪੰਜ ਦਿਨ ਲੱਗਦੇ ਹਨ
ਪਰੰਤੂ ਕੁਝ ਵਿਅਕਤੀਆਂ ਵਿੱਚ ਇਸਦੇ ਲੱਛਣ ਬਹੁਤ ਦੇਰ ਨਾਲ ਵੀ ਨਜ਼ਰ ਆ ਸਕਦੇ ਹਨ। ਵਿਸ਼ਵ ਸਿਹਤ ਸੰਗਠਨ ਅਨੁਸਾਰ ਵਾਇਰਸ ਦੇ
ਸਰੀਰ ਵਿੱਚ ਪਹੁੰਚਣ ਅਤੇ ਲੱਛਣ ਨਜ਼ਰੀਂ ਆਉਣ ਵਿੱਚ 14 ਦਿਨਾਂ ਦਾ ਸਮਾਂ ਲੱਗ ਸਕਦਾ ਹੈ ਪਰੰਤੂ ਕੁਝ ਵਿਗਿਆਨੀਆਂ ਦਾ ਮੰਨਣਾ ਹੈ ਕਿ
ਇਹ ਸਮਾਂ 24 ਦਿਨਾਂ ਦਾ ਵੀ ਹੋ ਸਕਦਾ ਹੈ। ਬੀਮਾਰੀ ਦੇ ਸ਼ੁਰੂਆਤੀ ਲੱਛਣ ਠੰਡ ਅਤੇ ਫਲੂ ਨਾਲ ਮਿਲਦੇ ਜੁਲਦੇ ਹਨ ਜਿਸ ਕਰਕੇ ਕੋਈ ਵੀ
ਸੁਖਾਲਿਆਂ ਹੀ ਉਲਝ ਸਕਦਾ ਹੈ। ਕੋਰੋਨਾ ਵਾਇਰਸ ਦੇ ਲੱਛਣ ਨਜ਼ਰੀਂ ਆਉਣ ਤੇ ਨੇੜਲੀਆਂ ਸਿਹਤ ਸੇਵਾਵਾਂ ਨਾਲ ਰਾਬਤਾ ਕਾਇਮ ਕਰਨਾ
ਚਾਹੀਦਾ ਹੈ।
ਪ੍ਰਸ਼ਾਸਨ ਨੇ ਲੋਕਾਂ ਨੂੰ ਜਨਤਕ ਥਾਵਾਂ ਅਤੇ ਸਮਾਗਮਾਂ ਵਿੱਚ ਭਾਰੀ ਇਕੱਠ ਨਾਂਹ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ ਅਤੇ ਲੋਕਾਂ ਨੂੰ ਵੱਖੇ ਵੱਖਰੇ ਢੰਗਾਂ
ਨਾਲ ਜਾਗਰੂਕ ਕੀਤਾ ਜਾ ਰਿਹਾ ਹੈ। 15 ਜਨਵਰੀ ਤੋਂ ਬਾਅਦ ਪ੍ਰਭਾਵਿਤ ਦੇਸ਼ਾਂ ਤੋਂ ਆਉਣ ਵਾਲੇ ਲੋਕਾਂ ਦੁਆਰਾ ਪ੍ਰਸ਼ਾਸਨ ਨੂੰ ਪੂਰਾ ਸਹਿਯੋਗ
ਕਰਨਾ ਚਾਹੀਦਾ ਹੈ ਅਤੇ 2019-NCoV ਦਾ ਟੈਸਟ ਜ਼ਰੂਰ ਕਰਵਾਉਣਾ ਚਾਹੀਦਾ ਹੈ ਤਾਂ ਜੋ ਕੋਰੋਨਾ ਤੋਂ ਜੰਗ ਜਿੱਤੀ ਜਾ ਸਕੇ।
ਭਾਰਤੀ ਸਮਾਜ ਦਾ ਦੁਖਾਂਤ ਹੀ ਹੈ ਕਿ ਜਿੱਥੇ ਹੋਰ ਦੇਸ਼ਾਂ ਵਿੱਚ ਇਸ ਸੰਵੇਦਨਸ਼ੀਲ ਸਮੇਂ ਦੌਰਾਨ ਹਰ ਕੋਈ ਆਪਣੇ ਦੇਸ਼ ਨਾਲ ਮੋਢੇ ਨਾਲ ਮੋਢਾ
ਲਾਈ ਖੜ੍ਹਾ ਹੈ ਉੱਥੇ ਹੀ ਮੀਡੀਆ ਦਾ ਇੱਕ ਹਿੱਸਾ ਸਾਡੇ ਨਿਊਜ਼ ਚੈੱਨਲ ਸਾਰਥਿਕ ਸੂਚਨਾ ਤੋਂ ਵੱਧ ਲੋਕਾਂ ਨੂੰ ਡਰਾਉਂਦੇ ਜਾਪ ਰਹੇ ਹਨ। ਇਸ
ਵਕਤੀ ਮਾਰ ਸਮੇਂ ਜ਼ਿਆਦਾਤਰ ਕੈਮਿਸਟ ਲੋਕਾਂ ਦੀ ਮਜ਼ਬੂਰੀ ਦਾ ਫਾਇਦਾ ਚੁੱਕਦਿਆਂ ਆਪਣਾ ਮੁਨਾਫ਼ਾ ਕਮਾਉਣ ਅਤੇ ਸ਼ੋਸ਼ਲ ਮੀਡੀਆ
ਪ੍ਰਮਾਣਿਕ ਤੱਥਾਂ ਤੋਂ ਕਿਤੇ ਵੱਧ ਵੱਖੋ ਵੱਖਰੀਆਂ ਤੱਤਹੀਣ ਅਫ਼ਵਾਹਾਂ ਫੈਲਾਉਣ ਵਿੱਚ ਰੁੱਝਿਆ ਹੋਇਆ ਹੈ ਤੇ ਆਮ ਲੋਕ ਸਹਿਮੇ ਹੋਏ, ਭੰਬਲਭੂਸੇ
ਵਿੱਚ ਹਨ ਕੀ ਕਰਨ ਤੇ ਕੀ ਨਾਂਹ।
ਵਕਤ ਦੀ ਨਜ਼ਾਕਤ ਹੈ ਕਿ ਅਫ਼ਵਾਹਾਂ ਤੋਂ ਸੁਚੇਤ ਹੁੰਦਿਆਂ ਸਹਿਜਤਾ ਨਾਲ ਸਥਿਤੀ ਦੀ ਗੰਭੀਰਤਾ ਨੂੰ ਸਮਝਦਿਆਂ ਪਰਹੇਜ਼ਾਂ ਨੂੰ ਅਮਲੀ ਰੂਪ ਦਈਏ
ਤਾਂ ਜੋ ਦੁਨੀਆਂ ਵਿੱਚ ਮਹਾਂਮਾਰੀ ਬਣ ਫੈਲੇ ਕੋਰੋਨਾ ਵਾਇਰਸ ਤੋਂ ਬਚਿਆ ਜਾ ਸਕੇ।
ਗੋਬਿੰਦਰ ਸਿੰਘ ਢੀਂਡਸਾ
ਪਿੰਡ ਤੇ ਡਾਕ. ਬਰੜ੍ਹਵਾਲ (ਧੂਰੀ)
ਜ਼ਿਲ੍ਹਾ ਸੰਗਰੂਰ (ਪੰਜਾਬ)

ਈਮੇਲ- bardwal.gobinder@gmail.com

ਹਸਪਤਾਲ ਬਨਾਮ ਰੱਬ ਦਾ ਘਰ!✍️ਸਲੇਮਪੁਰੀ ਦੀ ਚੂੰਢੀ

ਹਸਪਤਾਲ ਬਨਾਮ ਰੱਬ ਦਾ ਘਰ!

ਸੰਸਾਰ ਵਿੱਚ ਫੈਲੇ ਨਾਮੁਰਾਦ ਰੋਗ ਕੋਰੋਨਾ ਵਾਇਰਸ ਨੇ ਜਿਥੇ ਸਮੁੱਚੇ ਸੰਸਾਰ ਖਾਸ ਕਰਕੇ ਭਾਰਤ ਦੇ ਲੋਕਾਂ ਨੂੰ ਆਪਣੇ ਦਿਮਾਗ ਉਪਰ ਪਏ ਅੰਧਵਿਸ਼ਵਾਸਾਂ ਅਤੇ ਵਹਿਮਾਂ ਭਰਮਾਂ ਦੇ ਪਰਦੇ ਨੂੰ ਉਤਾਰ ਕੇ ਵਿਗਿਆਨਿਕ ਸੋਚ ਦੇ ਧਾਰਨੀ ਬਣਨ ਲਈ ਜਾਗਰੂਕ ਕੀਤਾ ਹੈ, ਉਥੇ ਮਨੁੱਖ ਦੁਆਰਾ ਬਣਾਏ ਰੱਬ ਦੇ ਘਰਾਂ ਪ੍ਰਤੀ ਅੰਨ੍ਹੀ ਸ਼ਰਧਾ ਨੂੰ ਵੀ ਝੰਜੋੜ ਕੇ ਰੱਖ ਦਿੱਤਾ ਹੈ। ਅਸੀਂ ' ਧਰਮ ਨੂੰ ਖਤਰਾ' ਦੀ ਆੜ ਹੇਠ ਸੜਕਾਂ, ਪੁੱਲਾਂ ਦੇ ਉਤੇ /ਥੱਲੇ, ਸਰਕਾਰੀ ਪਾਰਕਾਂ, ਸਰਕਾਰੀ ਜਮੀਨਾਂ ਅਤੇ ਝਗੜੇ ਵਾਲੀਆਂ ਥਾਵਾਂ 'ਤੇ ਰਾਤੋ-ਰਾਤ ਰੱਬ ਦਾ ਘਰ ਉਸਾਰ ਕੇ ਬੈਠ ਜਾਂਦੇ ਹਨ। ਰੱਬ ਦਾ ਘਰ ਉਸਾਰਨ 'ਤੇ ਰੋਕਣ ਲਈ ਆਮ ਅਤੇ ਪੁਲਿਸ ਪ੍ਰਸ਼ਾਸ਼ਨ ਚੁੱਪੀ ਧਾਰ ਲੈਂਦਾ ਹੈ। ਥਾਂ ਥਾਂ 'ਤੇ ਰੱਬ ਦਾ ਘਰ ਉਸਾਰਨ ਪਿਛੇ ਦੇਸ਼ ਦੇ ਨੇਤਾਵਾਂ ਅਤੇ ਸ਼ੈਤਾਨ ਲੋਕਾਂ ਦਾ ਹੱਥ ਹੁੰਦਾ ਹੈ, ਜਿਹੜੇ ਲੋਕਾਂ ਨੂੰ ਧਰਮ ਅਤੇ ਰੱਬ ਦੇ ਨਾਉਂ 'ਤੇ ਉਲਝਾਕੇ ਆਪਣਾ ਉੱਲੂ ਸਿੱਧਾ ਰੱਖਦੇ ਹਨ।

ਖੈਰ, ਗੱਲ ਕੋਰੋਨਾ ਵਾਇਰਸ ਦੀ ਚੱਲ ਰਹੀ ਹੈ ਕਿ ਜਿਹੜੇ ਰੱਬ ਦੇ ਘਰਾਂ ਵਿਚ ਜਾ ਕੇ ਅਸੀਂ ਆਪਣੀ ਅਤੇ ਆਪਣੇ ਪਰਿਵਾਰ ਲਈ ਸਰੀਰਕ ਅਤੇ ਮਾਨਸਿਕ ਸਿਹਤਮੰਦੀ ਅਤੇ ਲੰਬੀ ਉਮਰ ਦੀ ਕਾਮਨਾ ਕਰਦੇ ਹਾਂ, ਅੱਜ ਉਨ੍ਹਾਂ ਰੱਬ ਦੇ ਘਰਾਂ ਨੂੰ ਕੋਰੋਨਾ ਨੇ ਤਾਲੇ ਲਗਵਾ ਕੇ ਰੱਖ ਦਿੱਤੇ ਹਨ। ਰੱਬ ਦੇ ਘਰਾਂ ਵਿਚ ਪਈਆਂ ਮੂਰਤੀਆਂ ਦੇ ਮੂੰਹਾਂ ਉਪਰ ਵੀ ਪੱਟੀਆਂ ਬੰਨ੍ਹ ਕੇ ਰੱਖ ਦਿੱਤੀਆਂ ਹਨ, ਉਹ ਤਾਂ ਪਹਿਲਾਂ ਵੀ ਚੁੱਪ ਹੀ ਸਨ।

ਰੱਬ ਦੇ ਘਰਾਂ ਵਿਚ ਬੈਠੇ ਰੱਬ ਨੂੰ ਮਿਲਾਉਣ ਵਾਲੇ ਵੀ ਆਪਣੇ ਭਗਤਾਂ ਨੂੰ ਦੂਰ ਹੋ ਗੱਲ ਕਰਨ ਲਈ ਆਖ ਰਹੇ ਹਨ।

ਸਾਡੇ ਦੇਸ਼ ਵਿਚ ਇਸ ਵੇਲੇ ਜਿੰਨੇ ਰੱਬ ਦੇ ਘਰ ਹਨ, ਦੇ ਮੁਕਾਬਲੇ ਹਸਪਤਾਲਾਂ ਦੀ ਗਿਣਤੀ ਆਟੇ ਵਿਚ ਲੂਣ ਸਮਾਨ ਵੀ ਨਹੀਂ। ਅੱਜ ਦੇਸ਼ ਦੇ ਲੋਕਾਂ ਦਾ ਮੂੰਹ ਰੱਬ ਦੇ ਘਰਾਂ ਵਲ ਨਹੀਂ ਬਲਕਿ ਹਸਪਤਾਲਾਂ ਵਲ ਹੈ। ਅੱਜ ਦੇਸ਼ ਦੇ ਲੋਕ ਇਸ ਗੱਲ ਨੂੰ ਲੈ ਕੇ ਸੋਚਣ ਲਈ ਮਜਬੂਰ ਹਨ ਕਿ ਦੇਸ਼ ਨੂੰ ਰੱਬ ਦੇ ਘਰਾਂ ਦੀ ਨਹੀਂ ਬਲਕਿ ਹਸਪਤਾਲਾਂ ਦੀ ਲੋੜ ਹੈ। ਸਮਾਜ ਦੇ ਉਹ ਲੋਕ ਜਿਹੜੇ ਬੇਈਮਾਨੀ ਨਾਲ ਪੈਸੇ ਕਮਾਉਂਦੇ ਹਨ, ਉਹ ਰੱਬ ਨੂੰ ਖੁਸ਼ ਕਰਨ ਲਈ ਬੇਈਮਾਨੀ ਨਾਲ ਕੀਤੀ ਕਮਾਈ ਦਾ ਕੁੱਝ ਹਿੱਸਾ ਜਾਂ ਦਸਵੰਧ ਹਸਪਤਾਲਾਂ/ਸਕੂਲਾਂ ਉਪਰ ਖਰਚ ਕਰਨ ਦੀ ਬਜਾਏ ਰੱਬ ਦੇ ਘਰ ਨੂੰ ਦਾਨ ਕਰ ਕੇ ਖੁਸ਼ ਹੋ ਜਾਂਦੇ ਹਨ, ਪਰ ਅੱਜ ਉਨ੍ਹਾਂ ਲੋਕਾਂ ਨੂੰ ਵੀ ਗਿਆਨ ਹੋ ਜਾਣਾ ਚਾਹੀਦਾ ਹੈ ਕਿ ਦੇਸ਼ ਵਿਚ ਰੱਬ ਦੇ ਘਰਾਂ ਦੀ ਬਜਾਏ ਹਸਪਤਾਲਾਂ ਦੀ ਲੋੜ ਹੈ। ਅੱਜ ਕੋਰੋਨਾ ਵਾਇਰਸ ਤੋਂ ਬਚਾਉਣ ਲਈ ਡਾਕਟਰ ਅਤੇ ਨਰਸਾਂ ਅੱਗੇ ਆਏ ਹਨ, ਰੱਬ ਨਾਲ ਗੱਲਾਂ ਕਰਵਾਉਣ ਵਾਲੇ ਸਾਰੇ ਭਗਤ ਖੁਦ ਆਪਣੀ ਖੈਰ ਲੱਭਦੇ ਹੋਏ ਆਮ ਲੋਕਾਂ ਤੋਂ ਬੇਮੁੱਖ ਹੋ ਗਏ ਹਨ। ਰੱਬ ਦਾ ਘਰ ਪਾਖੰਡੀਆਂ ਵਲੋਂ ਲੋਕਾਂ ਨੂੰ ਮੂਰਖ ਬਣਾ ਕੇ ਲੁੱਟਣ ਦਾ ਇਕ ਵੱਡਾ ਸਾਧਨ ਹੈ। ਅੱਜ ਸਾਡੀ ਜਾਨ ਬਚਾਉਣ ਲਈ 'ਰੱਬ ਦਾ ਘਰ' ਨਹੀਂ ਬਲਕਿ ਡਾਕਟਰੀ-ਵਿਗਿਆਨ ਦੇ ਅਧਾਰਿਤ ਸਥਾਪਿਤ 'ਹਸਪਤਾਲ' ਹੀ ਕੰਮ ਆ ਰਹੇ ਹਨ।

-ਸੁਖਦੇਵ ਸਲੇਮਪੁਰੀ

09780620233

ਤੀਜਾ ਸੰਸਾਰ ਯੁੱਧ! ✍️ਸਲੇਮਪੁਰੀ ਦੀ ਚੂੰਢੀ

ਤੀਜਾ ਸੰਸਾਰ ਯੁੱਧ!

ਸੰਸਾਰ ਉਪਰ ਕਬਜ਼ਾ ਕਰਨ ਲਈ ਸੰਸਾਰ ਦੇ ਵੱਖ ਵੱਖ ਦੇਸ਼ਾਂ ਵਿਚਾਲੇ ਹੁਣ ਤੱਕ ਦੋ ਮਹਾਯੁੱਧ ਸੈਨਿਕਾਂ ਦੁਆਰਾ ਲੜੇ ਜਾ ਚੁੱਕੇ ਹਨ। ਇੰਨਾਂ ਮਹਾਯੁੱਧਾਂ ਦੌਰਾਨ ਸੰਸਾਰ ਭਰ ਵਿੱਚ ਲੱਖਾਂ ਲੋਕਾਂ ਨੂੰ ਆਪਣੀ ਜਾਨ ਗੁਆਉਣੀ ਪਈ ਸੀ, ਪਰ ਇਸ ਵੇਲੇ ਸੰਸਾਰ ਵਿੱਚ 'ਕੋਰੋਨਾ ਵਾਇਰਸ' ਨਾਲ ਸਬੰਧਿਤ ਜਿਹੜਾ ਤੀਜਾ ਮਹਾਯੁੱਧ ਛਿੜਿਆ ਹੈ, ਇਹ ਪਹਿਲੇ ਦੋਵੇਂ ਮਹਾਯੁੱਧਾਂ ਦੇ ਮੁਕਾਬਲੇ ਕਈ ਗੁਣਾਂ ਬਹੁਤ ਵੱਡਾ ਹਾਨੀਕਾਰਕ ਜਾਨ ਲੇਵਾ ਯੁੱਧ ਹੈ, ਜਿਹੜਾ ਸੈਨਿਕ ਨਹੀਂ ਬਲਕਿ ਨਰਸਾਂ ਅਤੇ ਡਾਕਟਰਾਂ ਦੁਆਰਾ ਬਿਨਾਂ ਹਥਿਆਰਾਂ ਤੋਂ ਆਪਣੇ ਆਪ ਨੂੰ ਜੋਖਮ ਵਿਚ ਵਿੱਚ ਪਾ ਕੇ ਹੌਸਲਾ ਨਾਲ ਲੜਿਆ ਜਾ ਰਿਹਾ ਹੈ। ਇਸ ਵੇਲੇ ਡਾਕਟਰ ਅਤੇ ਨਰਸਾਂ ਆਪਣੇ ਆਪ ਅਤੇ ਪਰਿਵਾਰਕ ਮੈਂਬਰਾਂ ਦੀ ਪ੍ਰਵਾਹ ਕੀਤੇ ਬਿਨਾਂ ਹਸਪਤਾਲਾਂ ਵਿਚ ਇਸ ਤਰ੍ਹਾਂ ਡੱਟਕੇ ਖੜੋਤੇ ਹਨ, ਜਿਵੇਂ ਕੋਈ ਇਮਾਨਦਾਰ ਵਰਦੀਧਾਰੀ ਸੈਨਿਕ ਸਰਹੱਦ ਉਪਰ ਖੜ ਕੇ ਦੇਸ਼ ਦੀ ਰਾਖੀ ਕਰਨ ਲਈ ਪਹਿਰਾ ਦਿੰਦਾ ਹੈ। ਡਾਕਟਰਾਂ ਅਤੇ ਨਰਸਿੰਗ ਸਟਾਫ ਤੋਂ ਬਿਨਾਂ ਸੱਭ ਲੋਕ ਆਪਣੇ ਘਰਾਂ ਵਿਚ ਬੈਠੇ ਹਨ। ਸੰਸਾਰ ਅਤੇ ਦੇਸ਼ ਵਿੱਚ ਪਈ ਬਿਪਤਾ ਲਈ ਸੇਵਾਵਾਂ ਨਿਭਾਅ ਰਹੇ ਡਾਕਟਰਾਂ ਅਤੇ ਨਰਸਿੰਗ ਸਟਾਫ ਨੂੰ ਦਿਲ ਦੀਆਂ ਗਹਿਰਾਈਆਂ 'ਚੋਂ ਸਲਾਮ!

ਇਥੇ ਮੈਂ ਦੇਸ਼ ਦੇ ਸਮੂਹ ਲੋਕਾਂ ਨੂੰ ਅਪੀਲ ਕਰਦਾ ਹਾਂ ਕਿ ਉਹ ਕੋਰੋਨਾ ਵਾਇਰਸ ਨੂੰ ਲੈ ਕੇ ਝੇਡਾਂ ਕਰਨ ਦੀ ਬਜਾਏ ਸੰਸਾਰ ਸਿਹਤ ਸੰਗਠਨ, ਭਾਰਤ ਸਰਕਾਰ ਅਤੇ ਡਾਕਟਰਾਂ ਵੱਲੋਂ ਦਿੱਤੀਆਂ ਹਿਦਾਇਤਾਂ ਦੀ ਇੰਨ ਬਿੰਨ ਪਾਲਣਾ ਕਰਨ ਤਾਂ ਜੋ ਦੇਸ਼ ' ਤੇ ਪਈ ਬਿਪਤਾ ਨਾਲ ਨਜਿੱਠਿਆ ਜਾ ਸਕੇ। ਜੇ ਕੋਰੋਨਾ ਵਾਇਰਸ ਦੀ ਤਾਣੀ ਉਲਝ ਗਈ ਤਾਂ ਇਥੇ ਲਾਸ਼ਾਂ ਚੁੱਕਣ ਲਈ ਕੋਈ ਬੰਦਾ ਨਹੀਂ ਮਿਲਣਾ।

ਮੈਂ ਇਥੇ ਧਾਰਮਿਕ ਸਥਾਨਾਂ ਦੇ ਪ੍ਰਬੰਧਕਾਂ ਨੂੰ ਇਹ ਵੀ ਅਪੀਲ ਕਰਦਾ ਹਾਂ ਕਿ ਹਾਲ ਦੀ ਘੜੀ ਸਥਿਤੀ ਕਾਬੂ ਹੇਠ ਹੈ, ਜੇਕਰ ਸਰਕਾਰ ਨੂੰ ਸਥਿਤੀ ਉਪਰ ਕਾਬੂ ਪਾ ਕੇ ਰੱਖਣ ਲਈ ਲੋਕਾਂ ਨੂੰ ਲੰਬਾ ਸਮਾਂ ਘਰਾਂ ਵਿੱਚ ਰਹਿਣ ਲਈ ਕਿਹਾ ਗਿਆ ਹੈ ਤਾਂ ਗਰੀਬ ਲੋਕਾਂ, ਦਿਹਾੜੀਦਾਰਾਂ, ਰੋਜ ਦੀ ਕਮਾਕੇ ਖਾਣ ਵਾਲਿਆਂ ਲਈ ਰੋਟੀ ਪਾਣੀ ਲਈ ਬਿਨਾਂ ਕਿਸੇ ਧਰਮ, ਜਾਤ ਪਾਤ, ਕਬੀਲਿਆਂ ਅਤੇ ਪਹਿਲਾਂ ਹੋਈਆਂ ਲੜਾਈਆਂ ਝਗੜਿਆਂ ਤੋਂ ਉੁੱਪਰ ਉਠਕੇ ਅੱਗੇ ਆਉਣਾ ਚਾਹੀਦਾ ਹੈ।ਆਮ ਲੋਕਾਂ ਦੀ ਬਾਂਹ ਫੜਨੀ ਚਾਹੀਦੀ ਹੈ, ਕਿਉਂਕਿ ਹੁਣ ' ਸੋਨੇ ਦੀ ਚਿੜੀ' ਭਾਰਤ ਨੂੰ ਬਚਾਉਣਾ ਸਮੇਂ ਦੀ ਮੁੱਖ ਲੋੜ ਹੈ। ਸੋਨੇ ਦੀ ਚਿੜੀ ਜਿਸਦੇ ਪਹਿਲਾਂ ਵਿਦੇਸ਼ੀਆਂ ਨੇ ਅਤੇ ਹੁਣ ਅਖੌਤੀ ਦੇਸ਼ ਭਗਤਾਂ ਨੇ ਖੰਭ ਪੁੱਟਣੇ ਸ਼ੁਰੂ ਕੀਤੇ ਹੋਏ ਹਨ, ਦੀ ਜਾਨ ਬਚਾਉਣ ਲਈ ਹਰੇਕ ਦੇਸ਼ ਪ੍ਰੇਮੀ ਨੂੰ ਅੱਗੇ ਆਉਣਾ ਚਾਹੀਦਾ ਹੈ, ਕਿਉਂਕਿ ਸਮਾਜ ਅਤੇ ਦੇਸ਼ ਦੀ ਸੇਵਾ ਹੀ ਸੱਭ ਤੋਂ ਵੱਡੀ ਸੇਵਾ ਹੈ।

-ਸੁਖਦੇਵ ਸਲੇਮਪੁਰੀ

ਕੋਰੋਨਾ ਵਾਇਰਸ ਬਨਾਮ ਹਵਨ!

ਸਾਡੇ ਦੇਸ਼ ਵਿਚ ਜਦੋਂ ਵੀ ਕੋਈ ਬਿਮਾਰੀ ਫੈਲਦੀ ਹੈ ਜਾਂ ਕੋਈ ਮਾੜੀ ਘਟਨਾ ਵਾਪਰਦੀ ਹੈ ਤਾਂ ਅਸੀਂ ਬਿਮਾਰੀਆਂ ਅਤੇ ਮਾੜੀਆਂ ਘਟਨਾਵਾਂ ਤੋਂ ਬਚਾਅ ਕਰਨ ਲਈ ਉਸਦੇ ਕਾਰਨਾਂ ਨੂੰ ਲੱਭਣ ਦੀ ਬਜਾਏ ਕਾਲਪਨਿਕ ਦੇਵੀ ਦੇਵਤਿਆਂ ਦੀ ਕਿਸੇ ਗੱਲ ਤੋਂ ਹੋਈ ਨਿਰਾਜਗੀ ਮੰਨਦੇ ਅੰਧ-ਵਿਸ਼ਵਾਸ਼ਾਂ ਦੀ ਘੁੰਮਣ-ਘੇਰੀ ਵਿਚ ਫਸ ਜਾਂਦੇ ਹਾਂ।

ਇਸ ਵੇਲੇ ਸਮੁੱਚਾ ਸੰਸਾਰ ਨਾਮੁਰਾਦ ਬੀਮਾਰੀ ਕੋਰੋਨਾ ਵਾਇਰਸ ਦੀ ਲਪੇਟ ਵਿਚ ਆ ਚੁੱਕਿਆ ਹੈ, ਜਿਸ ਕਰਕੇ ਚਾਰ ਚੁਫੇਰੇ ਸਹਿਮ ਦਾ ਮਾਹੌਲ ਬਣਿਆ ਹੋਇਆ ਹੈ। ਇਸ ਬਿਮਾਰੀ ਤੋਂ ਬਚਾਓ ਲਈ ਸੰਸਾਰ ਸਿਹਤ ਸੰਗਠਨ ਵਲੋਂ ਹਰ ਰੋਜ ਅਗਵਾਈ ਲੀਹਾਂ ਪ੍ਰਦਾਨ ਕੀਤੀਆਂ ਜਾ ਰਹੀਆਂ ਹਨ, ਜਦੋਂ ਕਿ ਭਾਰਤ ਸਰਕਾਰ ਸਮੇਤ ਦੇਸ਼ ਦੀਆਂ ਸਾਰੀਆਂ ਸੂਬਾ ਸਰਕਾਰਾਂ ਵਲੋਂ ਵਰਤੀਆਂ ਜਾਣ ਵਾਲੀਆਂ ਸਾਰੀਆਂ ਸਾਵਧਾਨੀਆਂ ਦਾ ਵੱਡੀ ਪੱਧਰ 'ਤੇ ਪ੍ਰਚਾਰ ਕੀਤਾ ਜਾ ਰਿਹਾ ਹੈ ਪ੍ਰੰਤੂ ਬਹੁਤ ਹੀ ਅਫਸੋਸ ਦੀ ਗੱਲ ਹੈ ਕਿ ਸਾਡੇ ਸਮਾਜ ਦੇ ਲੋਕ ਵਰਤੀਆਂ ਜਾਣ ਵਾਲੀਆਂ ਸਾਵਧਾਨੀਆਂ ਦੀ ਥਾਂ 'ਤੇ ਅੰਧ - ਵਿਸ਼ਵਾਸ਼ਾਂ ਦੇ ਰਸਤੇ 'ਤੇ ਤੁਰ ਪਏ ਹਨ। ਬਾਬਿਆਂ ਵਲੋਂ 'ਰੱਖ' ਦੇ ਨਾਉਂ 'ਤੇ ਧਾਗੇ ਤਵੀਤਾਂ ਅਤੇ ਹੱਥੌਲੇ ਕਰਨ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ ਹੈ। ਲੁਧਿਆਣਾ ਸ਼ਹਿਰ ਵਿੱਚ ਇਸ ਵਾਇਰਸ ਤੋਂ ਬਚਾਓ ਲਈ 'ਹਵਨ' ਕੀਤੇ ਜਾ ਰਹੇ ਹਨ।

ਦੂਸਰੇ ਪਾਸੇ ਇਸ ਵਾਇਰਸ ਦਾ ਲਾਭ ਉਠਾਉਣ ਲਈ ਵਪਾਰੀਆਂ ਵਲੋਂ ਮਹਿੰਗੇ ਭਾਅ 'ਤੇ ਮਾਸਕ ਅਤੇ ਸੈਨੇਟਾਈਜਰ ਵੇਚਿਆ ਜਾ ਰਿਹਾ। ਇਥੇ ਹੀ ਬਸ ਨਹੀਂ ਕਈ ਲਾਲਚ ਵੱਸ ਵਪਾਰੀਆਂ ਨੇ ਨਕਲੀ ਸੈਨੇਟਾਈਜਰ ਬਣਾਕੇ ਵੇਚਣਾ ਸ਼ੁਰੂ ਕਰ ਦਿੱਤਾ ਹੈ, ਸ਼ਾਇਦ ਉਹ ਇਸ ਗੱਲ ਤੋਂ ਬੇਖਬਰ ਹਨ ਕਿ ਉਹ ਤਾਂ ਹਰ ਪ੍ਰਕਾਰ ਦੀ ਬਿਮਾਰੀ ਦੀ ਪਹੁੰਚ ਤੋਂ ਦੂਰ ਹਨ।

ਕੋਰੋਨਾ ਵਾਇਰਸ ਸਬੰਧੀ ਏਮਜ ਨਵੀਂ ਦਿੱਲੀ ਦੇ ਨਿਰਦੇਸ਼ਕ ਨੇ ਸਪੱਸ਼ਟ ਕੀਤਾ ਕਿ ਇਸ ਬਿਮਾਰੀ ਤੋਂ ਘਬਰਾਉਣ ਦੀ ਕੋਈ ਲੋੜ ਨਹੀਂ ਬਲਕਿ ਸਾਵਧਾਨੀ ਵਰਤਣ ਦੀ ਲੋੜ ਹੈ। ਉਨ੍ਹਾਂ ਦੱਸਿਆ ਕਿ ਜਿਹੜੇ ਵਿਅਕਤੀ ਤੰਦਰੁਸਤ ਹਨ, ਉਨ੍ਹਾਂ ਨੂੰ ਮਾਸਕ ਵਰਤਣ ਦੀ ਲੋੜ ਨਹੀਂ ਹੈ ਜਦਕਿ ਉਹ ਵਿਅਕਤੀ ਜਿਹੜੇ ਖੰਘ ਅਤੇ ਜੁਕਾਮ ਜਾਂ ਕਿਸੇ ਬਿਮਾਰੀ ਤੋਂ ਪੀੜਤ ਹਨ ਨੂੰ ਮਾਸਕ ਵਰਤਣ ਦੀ ਲੋੜ ਹੈ ਅਤੇ ਜਾਂ ਫਿਰ ਉਨਾਂ ਲੋਕਾਂ ਨੂੰ ਐਨ - 95 ਮਾਸਕ ਦੀ ਲੋੜ ਹੈ ਜਿਹੜੇ ਸਿਹਤ ਕੇਂਦਰਾਂ ਵਿਚ ਕੋਰੋਨਾ ਵਾਇਰਸ ਤੋਂ ਪ੍ਰਭਾਵਿਤ ਮਰੀਜ਼ਾਂ ਦਾ ਇਲਾਜ ਕਰ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਇਹ ਵਾਇਰਸ ਹਵਾ ਨਾਲ ਨਹੀਂ ਫੈਲਦਾ, ਇਸ ਤੋਂ ਬਚਾਅ ਲਈ ਹੱਥਾਂ ਨੂੰ ਸਾਫ ਰੱਖਣਾ ਬਹੁਤ ਜਰੂਰੀ ਹੈ। ਉਨ੍ਹਾਂ ਇਹ ਵੀ ਸਪੱਸ਼ਟ ਕੀਤਾ ਕਿ ਇਸ ਵਾਇਰਸ ਦਾ ਠੰਢ ਅਤੇ ਗਰਮ ਮੌਸਮ ਨਾਲ ਵੀ ਕੋਈ ਖਾਸ ਸਬੰਧ ਨਹੀਂ ਹੈ ਅਤੇ ਨਾ ਹੀ ਮਾਸਾਹਾਰੀ ਭੋਜਨ ਅਤੇ ਸ਼ਰਾਬ ਦੀ ਵਰਤੋਂ ਨਾਲ ਸਬੰਧ ਹੈ, ਕੇਵਲ ਤੇ ਕੇਵਲ ਸਾਵਧਾਨੀਆਂ ਵਰਤਣੀਆਂ ਹੀ ਬਚਾਅ ਹੈ।ਇਸ ਵਾਇਰਸ ਤੋਂ ਬਚਾਅ ਲਈ ਜਿੱਥੇ ਹੱਥਾਂ ਦੀ ਸਫਾਈ ਬਹੁਤ ਜਰੂਰੀ ਹੈ, ਉਥੇ ਦਿਲ ਅਤੇ ਦਿਮਾਗ ਦੇ ਅੰਦਰ ਬੇਈਮਾਨੀ ਦੇ ਵਾਇਰਸ ਕੱਢਣ ਲਈ ਇਮਾਨਦਾਰੀ ਦੇ ਉੱਤਮ ਦਰਜੇ ਦੇ ਸੈਨੇਟਾਈਜਰ ਦੀ ਵਰਤੋਂ ਕਰਨ ਲਈ ਹਰੇਕ ਭਾਰਤੀ ਨੂੰ ਬਹੁਤ ਲੋੜ ਹੈ।

-ਸੁਖਦੇਵ ਸਲੇਮਪੁਰੀ

14 ਮਾਰਚ - ਸਿੱਖ ਵਾਤਾਵਰਣ ਦਿਵਸ ✍️ ਮਾਸਟਰ ਹਰਨਰਾਇਣ ਸਿੰਘ ਮੱਲੇਆਣਾ

14 ਮਾਰਚ ਨੂੰ - ਸਿੱਖ ਕੌਮ 10ਵਾ ਸਾਲਾਨਾ ਸਿੱਖ ਵਾਤਾਵਰਣ ਦਿਵਸ ਵਿਸ਼ਵ ਪੱਧਰ 'ਤੇ ਮਨਾ ਰਹੀ ਹੈ।

ਸਿੱਖ ਕੈਲੰਡਰ ਵਿਚ, ਚੇਤ ੧ - ਇਹ ਦਿਨ ਸਾਲ ਦਾ ਪਹਿਲਾ ਦਿਨ ਵੀ ਹੈ ਅਤੇ 7 ਵੇਂ ਗੁਰੂ, ਗੁਰੂ ਹਰਿਰਾਇ ਜੀ ਦੇ ਗੁਰਗੱਦੀ ਦਿਵਸ ਵਜੋਂ ਵੀ ਮਨਾਇਆ ਜਾਂਦਾ ਹੈ, ਜਿਹਨਾਂ ਨੇ ਕੁਦਰਤ ਅਤੇ ਜੀਵ ਜੰਤੂਆਂ ਪ੍ਰਤੀ ਡੂੰਘੀ ਸੰਵੇਦਨਸ਼ੀਲਤਾ ਅਤੇ ਪਿਆਰ ਸਿਖਾਉਣ ਵਾਲੇ ਸ਼ਖ਼ਸੀਅਤ ਵਜੋਂ ਯਾਦ ਕੀਤਾ ਜਾਂਦਾ ਹੈ।

ਇਸ ਦਿਨ ਨੂੰ ਮਨਾਉਣ ਲਈ ਕੁਝ ਲਾਭਕਾਰੀ ਕੁਦਰਤ ਪ੍ਰਤੀ ਤਰੀਕੇ ਹਨ -

ਇਹ 7 ਤਰੀਕੇ ਹਨ .....

1. ਕੁਦਰਤ ਸੰਬੰਧੀ ਗੁਰਬਾਣੀ ਕੀਰਤਨ ਦਰਬਾਰ/ ਕਥਾ ਆਯੋਜਿਤ ਕਰੋ

2. ਰੁੱਖ / ਪਵਿੱਤਰ ਜੰਗਲ ਲਗਾਓ

3. ਜੈਵਿਕ ਲੰਗਰ ਦਾ ਪ੍ਰਬੰਧ ਕਰੋ

4. ਪਲਾਸਟਿਕ ਦੀ ਵਰਤੋਂ ਘਟਾਓ

5. ਐਲਈਡੀ ਲਾਈਟਾਂ ਅਤੇ ਸੋਲਰ ਊਰਜਾ ਦੀ ਵਰਤੋਂ ਸ਼ੁਰੂ ਕਰੋ

6. ਕੁਦਰਤ ਚ ਸੈਰ / ਸਾਈਕਲ ਰੈਲੀ ਦਾ ਆਯੋਜਨ ਕਰੋ

7. ਪਾਣੀ ਬਚਾਓ ਅਤੇ ਵਗਦੀਆਂ ਟੂਟੀਆਂ ਦੀ ਮੁਰੰਮਤ ਕਰੋ

ਆਓ ਸਾਰੇ ਧਰਤ ਮਾਤਾ ਦੀ ਸੇਵਾ ਕਰੀਏ!

ਮਾਸਟਰ ਹਰਨਰਾਇਣ ਸਿੰਘ ਮੱਲੇਆਣਾ

14 ਮਾਰਚ 1 ਚੇਤ ਸਿੱਖ ਵਾਤਾਵਰਨ ਅਤੇ ਸਾਲ ਦਾ ਪਹਿਲਾ ਦਿਨ ✍️ ਮਾਸਟਰ ਹਰਨਰਾਇਣ ਸਿੰਘ ਮੱਲੇਆਣਾ

ਕੁਦਰਤ ਪ੍ਰੇਮੀ “ਵੈਦਾਂ ਦੇ ਵੈਦ” ਧੰਨ ਧੰਨ ਸ਼੍ਰੀ ਗੁਰੂ ਹਰਿ ਰਾਇ ਸਾਹਿਬ ਜੀ

ਸਿੱਖ ਧਰਮ ਦੇ ਗੁਰੂਆਂ ਵਲੋਂ ਮਨੱੁਖੀ ਆਤਮਾ ਦੇ ਭਲੇ ਲਈ ਜੋ ਵਿਚਾਰਧਾਰਾ ਦਿੱਤੀ ਗਈ ਹੈ ਉਹ ਸਰਲਤਾ, ਸਹਿਜਤਾ ਅਤੇ ਸਮਾਜਿਕਤਾ ਦੇ ਕਾਫੀ ਨੇੜੇ ਹੈ । ਗੁਰੂ ਨਾਨਕ ਦੇਵ ਜੀ ਵਲੋਂ ਪ੍ਰਚਾਰੀ ਅਤੇ ਪ੍ਰਸਾਰੀ ਗਈ ਵਿਚਾਰਧਾਰਾ ਨੂੰ ਅਪਣਾ ਕੇ ਕੋਈ ਵੀ ਵਿਅਕਤੀ ਜਿੱਥੇ ਸਮਾਜਿਕ ਜਿੰੰਮੇਵਾਰੀਆਂ ਨੂੰ ਸਫਲਤਾ ਪੂਰਵਕ ਨਿਭਾ ਸਕਦਾ ਹੈ ਉੱਥੇ ਪਰਮਪਿਤਾ ਦੀ ਨੇੜਤਾ ਦਾ ਨਿੱਘ ਵੀ ਮਾਣ ਸਕਦਾ ਹੈ। ਗੁਰੂ ਸਾਹਿਬ ਵਲੋ ਬਖਸ਼ੀ ਵਿਚਾਰਧਾਰਾ ਬਿਲਕੁਲ ਉੱਚੀ ਤੇ ਸੁੱਚੀ ਹੈ ਤੇ ਧਰਮ ਵਿਚਲੇ ਕਰਮ ਕਾਂਡੀ ਵਿਵਹਾਰ ਨੂੰ ਰੱਦ ਕਰਕੇ ਨਿਰੋਲ ਪ੍ਰੁੇਮ ਪੂਰਵਕ ਵਿਧਾਨ ਦਾ ਪੱਖ ਪੂਰਦੀ ਅਤੇ ਪਹਿਰੇਦਾਰੀ ਕਰਦੀ ਹੈ। ਇਸ ਪਹਿਰੇਦਾਰੀ ਲਈ ਸਤਵੇਂ ਨਾਨਕ ਸਾਹਿਬ ਸ਼੍ਰੀ ਗੁਰੂ ਹਰਿ ਰਾਇ ਸਾਹਿਬ ਜੀ ਦਾ ਨਾਮ ਧੰਨਤਾ ਯੋਗ ਹੈ ।
   ਸ਼੍ਰੀ ਗੁਰੂ ਰਹਿ ਰਾਇ ਸਾਹਿਬ ਜੀ ਦਾ ਜਨਮ 16 ਜਨਵਰੀ 1630 ਈਸਵੀ ਨੂੰ ਸ੍ਰੀ ਗੁਰੂ ਹਰਿ ਗੋਬਿੰਦ ਸਾਹਿਬ ਜੀ ਦੇ ਵੱਡੇ ਸਪੱੁਤਰ ਬਾਬਾ ਗੁਰਦਿੱਤਾ ਜੀ ਦੇ ਗ੍ਰਹਿ ਵਿਖੇ ਮਾਤਾ ਨਿਹਾਲ ਕੌਰ ਦੇ ਕੁੱਖੋਂ ਕੀਰਤ ਪੁਰ ਸਾਹਿਬ ਵਿਖੇ ਹੋਇਆ । ਛੋਟੀ ਉਮਰ ਦੇ ਵਿੱਚ ਆਪ ਜੀ ਦੇ ਪਿਤਾ ਬਾਬਾ ਗੁਰਦਿੱਤਾ ਜੀ ਗੁਰਪੁਰੀ ਪਿਆਨਾ ਕਰ ਗਏ। ਆਪ ਜੀ ਦਾ ਮੁਢਲਾ ਜੀਵਨ ਕੀਰਤ ਪੁਰ ਸਾਹਿਬ ਵਿਖੇ ਬੀਤਿਆ। ਆਪ ਜੀ ਨੇ ਪ੍ਰਾਇਮਰੀ ਸਿੱਖਿਆ ਭਾਈ ਦਰਗਾਹ ਮੱਲ ਤੋਂ ਹਾਸਲ ਕੀਤੀ ਅਤੇ ਸ਼ਸਤਰ ਕਲਾ ਭਾਈ ਬਿਧੀ ਚੰਦ ਜੀ ਤੋਂ ਗ੍ਰਹਿਣ ਕੀਤੀ।
   ਧੰਨ ਧੰਨ ਸ਼੍ਰੀ ਗੁਰੂ ਹਰਿ ਰਾਇ ਸਾਹਿਬ ਜੀ ਜਿੱਥੇ ਹੋਰ ਸਾਰੇ ਉੱਚ ਆਤਮਿਕ ਗੁਣਾਂ ਦੇ ਮਾਲਕ ਬਲਵਾਨ ਤੇ ਬੀਰਤਾ ਦੇ ਪੰੁਜ ਸਨ ਉੱਥੇ ਹਿਰਦੇ ਦੀ ਕੋਮਲਤਾ ਕਰਕੇ ਵੀ ਪ੍ਰਸਿਧ ਸਨ। ਬਾਗ਼ ਵਿਚ ਸੈਰ ਕਰਦਿਆਂ ਆਪ ਜੀ ਦੇ ਚੋਲੇ ਨਾਲ ਗੁਲਾਬ ਦਾ ਫੁੱਲ ਟੱੁਟ ਜਾਣ ਅਤੇ ਆਪ ਜੀ ਦੇ ਵੈਰਾਗਵਾਨ ਹੋ ਜਾਣ ਦੀ ਵਾਰਤਾ,ਉਹਨਾਂ ਦੇ ਜੀਵਨ ਦੀ ਇਕ ਅਭੱੁਲ ਤੇ ਪੱਥ ਪਰਦਰਸਕ ਘਟਨਾ ਹੈ । ਉਸ ਸਮੇਂ ਧੰਨ ਧੰਨ ਸ਼੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਦਾ ਆਪ ਨੂੰ ਇਹ ਕਹਿਣਾ ਕਿ ਅਜਿਹਾ ਜਾਮਾ ਪਾਈਏ ਜੋ ਕਿ ਫੈਲ ਕੇ ਕੋਮਲ ਵਸਤਾਂ ਨੂੰ ਹਾਨੀ ਪਹੁੰਚਾ ਸਕਦਾ ਹੋਵੇ ਤਾਂ ਉਸ ਨੂੰ ਸੰਭਾਲ ਕੇ ਰਖਣ ਦੀ ਲੋੜ ਹੁੰਦੀ ਹੈ । ਉਪਦੇਸ਼ ਬੜਾ ਸ਼ਪਸਟ ਸੀ ਕਿ ਜੇ ਜਿੰਮੇਵਾਰੀ ਵੱਡੀ ਚੱੁਕ ਲਈਏ ਤਾਂ ਤਾਕਤ ਦੀ ਵਰਤੋਂ ਸੋਚ ਸਮਝ ਕੇ ਕਰਨੀ ਚਾਹੀਦੀ ਹੈ ।
ਛੇਵੇਂ ਪਾਤਿਸ਼ਾਹ ਸ਼੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਦੇ 3 ਮਾਰਚ 1644 ਈ. ਨੂੰ ਐਤਵਾਰ ਵਾਲੇ ਦਿਨ ਜੋਤੀਜੋਤ ਸਮਾ ਗਏ। ਇਸ ਤੋਂ ਪਹਿਲਾਂ ਹੀ ਉਨਾਂ੍ਹ ਨੇ ਗੁਰਿਆਈ ਦੀ ਜਿੰਮੇਵਾਰੀ ਸੋਂਪ ਦਿੱਤੀ ਪਰ ਨਾਲ ਹੀ ਹੁਕਮ ਵੀ ਕੀਤਾ ਕਿ ਫੌਜ ਰਖਣੀ ਹੈ ਪਰ ਲੜਨਾ ਨਹੀਂ ਹੈ ਸੋ 2200 ਸੂਰਵੀਰ ਹਮੇਸ਼ ਆਪ ਜੀ ਦੇ ਹਮਰਕਾਬ ਰਹੇ। ਔਰੰਗਜੇਬ ਨੇ ਗੁਰੂ ਜੀ ਨੂੰ ਦਿੱਲੀ ਆਉਣ ਲਈ ਸੱਦਾ ਪੱਤਰ ਭੇਜਿਆ ਗੁਰੂ ਜੀ ਨੇ ਨਾਂਹ ਕਰ ਦਿੱਤੀ । ਉਸ ਨੇ ਲਾਹੌਰ ਦੇ ਗਵਰਨਰ ਖਲੀਰ ਖਾਨ ਨੂੰ ਗੁਰੂ ਜੀ ਤੇ ਸਿਖਾਂ ਨਾਲ ਨਿਪਟਣ ਦਾ ਹੁਕਮ ਦਿੱਤਾ। ਉਸ ਨੇ 10000 ਘੋੜ ਸਵਾਰ ਦੇ ਕੇ ਜਾਲਿਮ ਖਾਨ ਨੂੰ ਕੀਰਤਨ ਪੁਰ ਤੇ ਹਮਲਾ ਕਰਨ ਲਈ ਭੇਜਿਆ ਉਸ ਦੀ ਰਸਤੇ ਵਿਚ ਹੀ ਮੋਤ ਹੋ ਗਈ ਤੇ ਫੌਜ ਵਾਪਿਸ ਮੁੜ ਆਈ । ਫਿਰ ਗਵਰਨਰ ਨੇ ਕੰਧਾਰ ਦੇ ਜਰਨੈਲ ਖਾਨ ਨੂੰ ਭੇਜਿਆ। ਉਸ ਦੇ ਦੁਸ਼ਮਣਾਂ ਨੇ ਕਰਤਾਰ ਵਿਚ ਰਾਤ ਸੁਤਿਆਂ ਪਿਆ ਹੀ ਮਾਰ ਸੁੱਟਿਆ। ਤੀਜੀ ਵਾਰ ਲਾਹੌਰ ਦੇ ਗਵਰਨਰ ਨੇ ਸਹਾਰਨਪੁਰ ਦੇ ਨਾਹਰ ਖਾਨ ਨੂੰ ਕੀਰਤਪੁਰ ਉਪਰ ਚੜਾਈ ਕਰਨ ਲਈ ਭੇਜਿਆ ਉਸ ਦੀ ਫੌਜ ਤੁਰੀ ਤਾਂ ਹੈਜੇ ਦੀ ਬਿਮਾਰੀ ਫੈਲੀ ਹੋਈ ਹੋਣ ਕਰਕੇ, ਬਹੁਤੇ ਸਾਰੇ ਫੋਜੀ ਮਾਰੇ ਗਏ ਬਾਕੀ ਫੌਜੀਆਂ ਨੇ ਗੁਰੂ ਜੀ ਤੇ ਚੜਾਈ ਕਰਨ ਤੋਂ ਨਾਂਹ ਕਰ ਦਿੱਤੀ। ਉਨਾਂ੍ਹ ਸੁਣ ਲਿਆ ਸੀ ਜੋ ਛੇਵੇਂ ਪਾਤਿਸਾਹ ਗੁਰੂ ਹਰਿਗੋਬਿੰਦ ਜੀ ਨੇ ਹੁਕਮ ਕੀਤਾ ਸੀ ਕਿ ਜੇ ਕੋਈ ਗੁਰੂ ਹਰਿ ਰਾਏ ਤੇ ਹਮਲਾ ਕਰੇਗਾ ਤਾਂ ਉਸ ਦਾ ਰਸਤੇ ਵਿਚ ਹੀ ਨਾਸ਼ ਹੋ ਜਾਵੇਗਾ।
   ਕੀਰਤਪੁਰ ਸਾਹਿਬ ਵਿਖੇ ਗੁਰੂ ਜੀ ਨੇ ਇਕ ਵੱਡਾ ਦਵਾਖਾਨਾ ਖੋਲ੍ਹਿਆ ਜਿਸ ਵਿਚ ਚੰਗੇ ਵੈਦ ਰੱਖੇ । ਦੇਸ਼ ਭਰ ਵਿੱਚੋਂ ਯੋਗ ਦਵਾਈਆ ਮੰਗਵਾ ਕੇ ਹਰੇਕ ਲੋੜ ਵੰਦ ਦਾ ਇਲਾਜ ਮੁਫਤ ਕੀਤਾ ਜਾਂਦਾ। ਔਰੰਗਜੇਬ ਨੇ ਦਾਰਾ ਸਿਕੋਹ ਨੂੰ ਮਾਰਨ ਲਈ ਲਾਂਗਰੀ ਰਾਹੀਂ ਸ਼ੇਰ ਦੀ ਮੁੱਛ ਦਾ ਵਾਲ ਖਾਣੇ ਵਿਚ ਖੁਆ ਦਿਤਾ ਉਸ ਦੇ ਪੇਟ ਵਿਚ ਅੰਤਾ ਦੀ ਪੀੜ ਹੋਈ । ਸ਼ਾਹੀ ਹਕੀਮਾਂ ਨੇ ਇਲਾਜ ਕੀਤਾ ਪਰ ਉਹ ਅਸਫਲ ਰਹੇ। ਫਿਰ ਸ਼ਾਹ ਜਹਾਂ ਨੂੰ ਸਲਾਹ ਦਿੱਤੀ ਕਿ ਕੀਰਤ ਪੁਰ ਸਾਹਿਬ ਤੋਂ ਦਵਾਈ ਮਗਵਾਈ ਜਾਵੇ। ਪਰ ਸ਼ਾਹ ਜਹਾਂ ਦਾ ਕਹਿਣਾ ਸੀ ਮੈਂ ਤਾਂ ਉਨਾਂ੍ਹ ਦੇ ਵਿਰੁਧ ਫੌਜ਼ਾ ਭੇਜਦਾ ਰਿਹਾਂ ਉਨਾਂ੍ਹ ਤੋਂ ਦਵਾਈ ਕਿਵੇਂ ਮੰਗਾਂ ? ਪੀਰ ਹਸਨਅਲੀ ਨੇ ਕਿਹਾ ਕਿ ਗੁਰੂਨਾਨਕ ਦਾ ਘਰ ਕਿਸੇ ਨਾਲ ਵੈਰ ਨਹੀਂ ਉਹ ਸਦਾ ਹੀ ਦੂਜੇ ਦਾ ਭਲਾ ਲੋਚਦੇ ਹਨ । ਸ਼ਾਹ ਜਹਾਂ ਨੇ ਇਕ ਨੇਕ ਤੇ ਖਾਸ ਪੁਰਸ਼ ਰਾਂਹੀ ਇਕ ਬੇਨਤੀ ਲਿਖ ਕੇ ਭੇਜੀ। ਗੁਰੂ ਜੀ ਨੇ ਢੁਕਵੀਂ ਦਵਾਈ ਦਿੱਤੀ । ਦਾਰਾ ਸਿਕੋਹ ਦੀ ਪੇਟ ਦਾ ਰੋਗ ਠੀਕ ਹੋ ਗਿਆ ਉਹ ਆਪ ਕਈ ਭੇਟਾਵਾਂ ਲੈ ਕੇ ਗੁਰੂ ਜੀ ਕੋਲ ਕੀਰਤ ਪੁਰ ਗਿਆ ਤੇ ਦਿਲੋਂ ਧੰਨਵਾਦ ਕੀਤਾ। ਇਸੇ ਤਰਾਂ੍ਹ ਕੁਠਾਰ ਦੇ ਰਾਜੇ ਰਣਜੀਤ ਨੂੰ ਝੋਲੇ ਦਾ ਰੋਗ ਹੋਇਆ ਤੇ ਕੋਈ ਇਲਾਜ ਸਫਲ ਨਾ ਹੋਇਆ । ਗੁਰੂ ਜੀ ਨੇ ਉਸ ਨੂੰ ਵੀ ਯੋਗ ਢੰਗ ਨਾਲ ਦਵਾਈ ਦਿੱਤੀ ਤੇ ਬਖਸ਼ਸ ਕੀਤੀ ‘ਸਤਿਨਾਮ ਦਾ ਜਾਪ ਜਪਣ ਦੀ ਪ੍ਰੇਰਣਾ ਕੀਤੀ’। ਰਾਣੀ ਲੰਗਰ ਦੀ ਸੇਵਾ ਕਰਦੀ ਜੂਠੇ ਭਾਂਡੇ ਮਾਂਜਦੀ ਤੇ ਸਦਾ ਸਤਿਨਾਮ ਦਾ ਜਾਪ ਕਰਦੀ ਕੁਝ ਦਿਨਾਂ੍ਹ ਵਿਚ ਰੋਗ ਦੂਰ ਹੋ ਗਿਆ ਤੇ ਸਿਹਤਮੰਦ ਰਾਜਾ ਵਾਪਿਸ ਚਲਾ ਗਿਆ। ਗੁਰੂ ਜੀ ਦੇ ਬਚਨ ਪ੍ਰਭੂ ਅੱਗੇ ਸਨ ਫਿਰ ਬਹੁਤ ਸਾਰੇ ਗੁਰਦਵਾਰਿਆਂ ਵਿਚ ਵੀ ਦਵਾਖਾਨੇ ਖੋਲ੍ਹੇ ਦੇ ਲੋੜਵੰਦਾ ਨੂੰ ਵੈਦ ਯੋਗ ਦਵਾਈ ਦਿੰਦੇ ਸਨ ਕਿਸੇ ਤੋਂ ਵੀ ਕੋਈ ਕੀਮਤ ਨਹੀਂ ਲਈ ਜਾਂਦੀ ਸੀ ।
ਗੁਰੂ ਜੀ ਦਾ ਫੁਲਾਂ ਨਾਲ ਬਹੁਤ ਪਿਆਰ ਸੀ ਆਪ ਜੀ ਨੇ 52 ਬਾਗ ਲਗਵਾਏ । ਮਾਲੀ ਰੱਖੇ । ਦੂਰ ਤੋਂ ਬੀਜ ਮੰਗਵਾ ਕੇ ਕੀਰਤ ਪੁਰ ਨੂੰ ਬਾਗਾ ਦੀ ਹਰਿਆਵਲ ਤੇ ਫੁੱਲਾਂ ਨਾਲ ਸਜਾਇਆ ਜੋ ਮਾਲੀ ਸੁੰਦਰ ਫੱੁਲ ਪੈਦਾ ਕਰਦਾ ਉਸ ਨੁੰ ਇਨਾਮ ਦਿੰਦੇ, ਆਪ ਹਰ ਰੋਜ ਬਾਗਾ ਵਿਚ ਜਾਂਦੇ ਸਨ।
ਗੁਰੂ ਜੀ ਸ਼ਿਕਾਰ ਕਰਨ ਜਾਂਦੇ ਤਾਂ ਉਹਨਾਂ ਦੀ ਇਹੀ ਕੋਸ਼ਿਸ ਹੁੰਦੀ ਸੀ ਕਿ ਸ਼ਿਕਾਰ ਨੁੰ ਜਿਉਂਦਾ ਪਕੜ ਕੇ ਲੈ ਆਈਏ ਤੇ ਰੱਖ ਵਿਚ ਸਿਖਲਾਈ ਕਰਵਾ ਕੇ ‘ਚਿੜੀਆ ਘਰ’ ਵਾਂਗੂ ਪਾਲਦੇ ਸਨ। ਸੂਰ , ਹਿਰਨ, ਬਘਿਆੜ ਤੇ ਸ਼ਹੇ ਇਕੋ ਥਾਂ ਰਹਿੰਦੇ ਤੇ ਇਕੱਠੇ ਪਾਣੀ ਪੀਂਦੇ । ਇਸ ਮਹਾਨ ਸੁੰਦਰ ਰੱਖ ਦੇ ਪੰਛੀ ਉਡਾਰੀਆਂ ਵੀ ਲਾਉਂਦੇ ਤੇ ਪਸ਼ੁ ਵੀ ਖੁਸੀ ਵਿਚ ਫਿਰਦੇ ਦੂਰ-ਦੂਰ ਤੋਂ ਲੋਕ ਇਸ ਕੌਤਕ ਰਾਹੀਂ ਕੀਤੀ ਸੇਵਾ ਦੇਖਣ ਲਈ ਆਉਂਦੇ।
ਆਪ ਜੀ ਨੇ ਗੁਰੂ ਕੇ ਲੰਗਰ ਦੀ ਮਰਯਾਦਾ ਨੂੰ ਸਿੱਖਾ ਦੇ ਘਰਾ ਤੱਕ ਪਹੁੰਚਾਇਆ ਅਤੇ ਇਸ ਨੂੰ ਸਿੱਖ ਦੀ ਰਹਿਣੀ ਦਾ ਇਕ ਅਹਿਮ ਅੰਗ ਦੱਸਿਆ ਮਾਲਵੇ ਦੇ ਇਲਾਕੇ ਵਿੱਚ ਕਾਲ ਪੈ ਗਿਆ ਕਈ ਜਾਨ ਭੁੱਖ ਦੀ ਤਣਾਅ ਕਾਰਣ ਉੱਠ ਗਏ, ਗੁਰੂ ਜੀ ਨੇ ਹੁਕਮ ਦਿੱਤਾ ਕਿ ਪਹਿਲੇ ਲੋੜਵੰਦ ਭੁੱਖਿਆ ਨੂੰ ਪ੍ਰਸ਼ਾਦਾ ਛਕਾਉ, ਦਿਲੋਂ ਹੋ ਕੇ ਸੇਵਾ ਕਰੋ ਤੇ ਫੇਰ ਆਪ ਖਾਓ।
ਆਪ ਜੀ ਨੇ ਜੀਵਨ ਵਿਚ ਮਹਾਨ, ਅਦੁੱਤੀ ਤੇ ਚਮਤਕਾਰੀ ਘਟਨਾ ਉਸ ਵੇਲੇ ਵਾਪਰੀ ਜਦ ਆਪ ਜੀ ਨੇ ਆਪਣੇ ਵੱਡੇ ਸਾਹਿਬ ਜਾਦੇ, ਰਾਮ ਰਾਏ ਨੂੰ ਬਾਦਸ਼ਾਹ ਦੀ ਖੁਸ਼ਮਦ ਵਿੱਚ ਆਏ, ਜਾਣਦਿਆ ਬੁਝਦਿਆ, ਗੁਰਬਾਣੀ ਦਾ ਇਕ ਸ਼ਬਦ ਮੁਸਲਮਾਨ ਦੀ ਖਾਂ ਬੇਈਮਾਨ ਬਦਲਣ ਕਰਦੇ। ਮੂੰਹ ਨਾ ਲਾਇਆ ਅਤੇ ਸਦਾ ਲਈ ਤਿਆਗ ਦਿੱਤਾ।ਅਸੂਲ ਪਿੱਛੇ ਪੁੱਤਰ ਨੂੰ ਤਿਆਗ ਦੇਣਾ ਤੇ ਸਚਿਆਈ ਨੂੰ ਪਾਲਣਾ ਗੁਰੂ ਜੀ ਦੀ ਮਹਾਨ ਸੇਵਾ ਹੈ।
ਗੁਰੂ ਹਰਿ ਰਾਇ ਸਾਹਿਬ ਨੇ ਆਪਣੇ ਜੀਵਨ ਕਾਲ ਵਿਚ ਮਾਝੇ,ਮਾਲਵੇ ਤੇ ਦੁਆਬੇ ਵਿਚ ਸਿੱਖੀ ਦੇ ਪਰਚਾਰ ਲਈ ਕਈ ਦੌਰੇ ਕੀਤੇ ਅਤੇ ਸਿੱਖ ਮੱਤ ਦੇ ਪ੍ਰਚਾਰ ਲਈ ਪਰਚਾਰਕ ਬਾਹਰ ਭੇਜੇ। ਆਪਣ ਅੰਤਿਮ ਸਮਾਂ ਨੇੜੇ ਆਇਆ ਗੁਰੂ ਜੀ ਨੇ ਗਰਿਆਈ ਛੋਟੇ ਸਾਹਿਬਜਾਦੇ ਸ੍ਰੀ ਗੁਰੂ ਹਰਿਿਕ੍ਰਸਨ ਸਾਹਿਬ ਜੀ ਨੂੰ ਸੌਂਪ ਦਿੱਤੀ ਤੇ ਆਪ ਅਕਤੂਬਰ 1661 ਇ. ਨੂੰ ਆਪ ਕੀਰਤ ਪੁਰ ਸਾਹਿਬ ਵਿਖੇ ਜੋਤੀ ਜੋਤ ਸਮਾ ਗਏ।ਅੱਜ ਦੇ ਸਮੇਂ ਦੀ ਮੁੱਖ ਲੋੜ ਪਦਾਰਥਵਾਦ ਤੋਂ ਮੁੜਨਾ ਕੁਦਰਤ ਨਾਲ ਜੁੜਨਾ ਹੈ। ਕੰਕਰੀਟ ਤੋਂ ਕੁਦਰਤ ਵੱਲ ਮੁੜ ਕੇ ਪ੍ਰਮਾਤਮਾ ਦੀਆ ਖੁਸ਼ੀਆ ਪ੍ਰਾਪਤ ਕਰ ਸਕਦੇ ਹਾਂ। ਇਸ ਕਾਰਜ ਵਿੱਚ ਹੀ ਕੌਮ ਦੀ ਚੜ੍ਹਦੀ ਕਲਾ ਦਾ ਭੇਤ ਛੁਪਿਆ ਹੋਇਆ ਹੈ।