ਲੁਧਿਆਣਾ

ਭਰੂਣ ਹੱਤਿਆ ਕਰਨ ਵਾਲਿਆਂ ਖਿਲਾਫ ਹੋਵੇ ਕਤਲ ਦਾ ਪਰਚਾ ਦਰਜ-ਬਾਵਾ,ਦਾਖਾ

11 ਜਨਵਰੀ ਨੂੰ ਧੀਆਂ ਦੇ 26 ਵੇਂ ਲੋਹੜੀ ਮੇਲੇ ਤੇ ਜਗਰਾਉਂ ਤੋਂ ਜਾਵੇਗਾ ਕਾਫਲਾ
ਜਗਰਾਓਂ/ਲੁਧਿਆਣਾ, ਜਨਵਰੀ 2020- (ਮਨਜਿੰਦਰ ਗਿੱਲ )-

ਮਾਲਵਾ ਸੱਭਿਆਚਾਰਕ ਮੰਚ ਪੰਜਾਬ ਦੇ ਚੇਅਰਮੈਨ ਕ੍ਰਿਸ਼ਨ ਕੁਮਾਰ ਬਾਵਾ ਨੇ 11 ਜਨਵਰੀ ਨੂੰ ਪੰਜਾਬੀ ਭਵਨ ਲੁਧਿਆਣਾ ਵਿਖੇ ਕਰਵਾਏ ਜਾ ਰਹੇ ਧੀਆਂ ਦੇ 26 ਵੇਂ ਲੋਹੜੀ ਮੇਲੇ ਸਬੰਧੀ ਮੀਟਿੰਗ ਕੀਤੀ। ਜਿਸ ਵਿੱਚ ਮੁੱਖ ਤੋਰ ਤੇ ਮੰਚ ਦੇ ਸਰਪ੍ਰਸਤ ਅਤੇ ਸਾਬਕਾ ਮੰਤਰੀ ਮਲਕੀਤ ਸਿੰਘ ਦਾਖਾ ਹਾਜਿਰ ਸਨ। ਇਸ ਸਮੇਂ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਸਾਬਕਾ ਮੰਤਰੀ ਦਾਖਾ ਅਤੇ ਚੇਅਰਮੈਨ ਬਾਵਾ ਨੇ ਕਿਹਾ ਕਿ ਪੁਰਾਤਨ ਸਮੇਂ ਵਿੱਚ ਲੜਕੀਆਂ ਨੂੰ ਗਲਾ ਘੁੱਟ ਕੇ ਮਾਰ ਦਿੱਤਾ ਜਾਂਦਾ ਸੀ ਤੇ ਕਹਿ ਦਿੱਤਾ ਜਾਂਦਾ ਸੀ ਗੁੜ ਖਾਈ ਪੂਣੀ ਕੱਤੀ,ਆਪ ਨਾ ਆਈ ਵੀਰੇ ਨੂੰ ਘੱਤੀ। ਉਨਾਂ ਕਿਹਾ ਕਿ ਅਜੋਕੇ ਸਮੇਂ ਵਿੱਚ ਅਜਿਹੀਆਂ ਮਸ਼ੀਨਾ ਬਣ ਗਈਆਂ ਹਨ ਜੋ ਪੇਟ ਵਿੱਚ ਹੀ ਭਰੂਣ ਨੂੰ ਖਤਮ ਕਰ ਦਿੰਦੀਆਂ ਹਨ। ਉਨਾਂ ਭਰੂਣ ਹੱਤਿਆ ਕਰਨ ਵਾਲੇ ਡਾਕਟਰਾਂ ਤੇ ਮਾਪਿਆਂ ਖਿਲਾਫ ਕਤਲ ਦਾ ਪਰਚਾ ਦਰਜ ਕਰਨ ਦੀ ਮੰਗ ਕੀਤੀ,ਤਾਂ ਜੋ ਬਿਗੜਦੇ ਜਾ ਰਹੇ ਲਿੰਗ ਅਨੁਪਾਤ ਠੀਕ ਕੀਤਾ ਜਾ ਸਕੇ। ਉਨਾਂ ਦੱਸਿਆ ਕਿ ਮੇਲੇ ਵਿੱਚ ਵੱਖ-ਵੱਖ ਖੇਤਰਾਂ 'ਚ ਨਾਮਣਾ ਖੱਟਣ ਵਾਲੀਆਂ 7 ਸਖਸ਼ੀਅਤਾਂ ਨੂੰ ਗੋਲਡ ਮੈਡਲ ਪਾ ਕੇ ਜਿੱਥੇ ਸਨਮਾਨਿਤ ਕੀਤਾ ਜਾਵੇਗਾ,ਉੱਥੇ 31 ਨਵ-ਜੰਮੀਆਂ ਬੱਚੀਆਂ ਨੂੰ ਸ਼ਗਨ, ਸੂਟ, ਖਿੰਡੋਣੇ ਦਿੱਤੇ ਜਾਣਗੇ ਅਤੇ ਦਰਸ਼ਕਾਂ ਨੂੰ ਰਿਊੜੀ-ਮੂੰਗਫਲੀ ਵੰਡੀ ਜਾਵੇਗੀ। ਮੇਲੇ ਵਿੱਚ ਸੂਫੀ ਗਾਇਕੀ ਦੀ ਦੁਨੀਆਂ ਦੇ ਪ੍ਰਮੁੱਖ ਗਾਇਕ ਕੰਵਰ ਗਰੇਵਾਲ, ਸੁਖਵਿੰਦਰ ਸੁੱਖੀ, ਸੁਰਿੰਦਰ ਛਿੰਦਾ, ਪਾਲੀ ਦੇਤਵਾਲੀਆ ਤੇ ਰਵਿੰਦਰ ਗਰੇਵਾਲ ਆਪਣੇ ਗੀਤਾਂ ਨਾਲ ਲੋਕਾਂ ਦਾ ਮਨੋਰੰਜਨ ਕਰਨਗੇਂ। ਇਸ ਮੋਕੇ ਬਲਾਕ ਸੰਮਤੀ ਮੈਂਬਰ ਸਤਿੰਦਰਪਾਲ ਸਿੰਘ ਕਾਕਾ ਗਰੇਵਾਲ, ਕੌਂਸਲਰ ਕਰਮਜੀਤ ਸਿੰਘ ਕੈਂਥ, ਸਾਬਕਾ ਕੌਂਸਲਰ ਰਵਿੰਦਰ ਸੱਭਰਵਾਲ ਨੀਟਾ, ਕਮਲਜੀਤ ਸਿੰਘ ਬਿੱਟੂ, ਪ੍ਰਿੰਸੀਪਲ ਬਲਦੇਵ ਬਾਵਾ, ਐਡਵੋਕੇਟ ਸਸਪਾਲ ਸਿੰਘ ਸੰਮੀ, ਕੁਲਦੀਪ ਸਿੰਘ ਕੈਲੇ ਆਦਿ ਹਾਜਿਰ ਸਨ।

ਨਗਰ ਕੌਸਲ ਜਗਰਾਉਂ 'ਚ ਭਿ੍ਸ਼ਟਾਚਾਰ ਦੀ ਚਰਚਾ ਤੋਂ ਬਾਅਦ ਈ.ਓ. ਦਾ ਤਬਾਦਲਾ

ਜਗਰਾਉਂ,ਲੁਧਿਆਣਾ, ਜਨਵਰੀ 2020-(ਮਨਜਿੰਦਰ ਗਿੱਲ )-

ਭਿ੍ਸ਼ਟਾਚਾਰ ਕਾਰਨ ਚਰਚਿਤ ਨਗਰ ਕੌਸਲ ਦੇ ਇਕ ਅਧਿਕਾਰੀ ਦਾ ਅੱਜ ਦੇਰ ਸ਼ਾਮ ਇਥੋਂ ਤਬਾਦਲਾ ਕਰ ਦਿੱਤਾ ਗਿਆ | ਭਾਵੇਂ ਜਗਰਾਉਂ ਦੀ ਨਗਰ ਕੌਾਸਲ ਸਮੇਤ ਪੰਚਾਇਤੀ ਵਿਭਾਗ 'ਚ ਵੀ ਸਰਕਾਰੀ ਗ੍ਰਾਂਟਾਂ ਨੂੰ ਸਿੱਧੇ ਤੌਰ ਕਮਿਸ਼ਨ ਦੇ ਰੂਪ 'ਚ ਲਾਏ ਜਾ ਰਹੇ ਰਗੜੇ ਦੀ ਇਸ ਇਲਾਕੇ 'ਚ ਪਿਛਲੇ ਕਈ ਦਿਨਾਂ ਤੋਂ ਚਰਚਾ ਚੱਲ ਆ ਰਹੀ ਸੀ ਤੇ ਇਸ ਮੁੱਦੇ ਨੂੰ ਲੈ ਕੇ ਕੌਸਲਰ ਅਮਨਜੀਤ ਸਿੰਘ ਖਹਿਰਾ ਵਲੋਂ ਰੋਸ ਵਜੋਂ ਆਪਣਾ ਅਸਤੀਫ਼ਾ ਵੀ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਭੇਜ ਦਿੱਤਾ ਗਿਆ ਸੀ | ਇਸ ਮੁੱਦੇ 'ਤੇ ਕੌਸਲਰ ਨੇ ਜਿੱਥੇ ਨਗਰ ਕੌਸਲ ਦੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਨੂੰ ਭਿ੍ਸ਼ਟਾਚਾਰ ਕਾਰਨ ਨਿਸ਼ਾਨਾ ਬਣਾਇਆ ਸੀ ਉੱਥੇ ਪੰਚਾਇਤੀ ਵਿਭਾਗ ਦੇ ਬੀ.ਡੀ.ਪੀ.ਓ. 'ਤੇ ਵੀ ਹਲਕੇ ਦੇ ਪਿੰਡਾਂ ਦੇ ਵਿਕਾਸ ਲਈ ਆਉਂਦੀਆਂ ਗ੍ਰਾਂਟਾਂ 'ਚੋਂ ਕਮਿਸ਼ਨ ਲੈ ਕੇ ਅੱਗੇ ਭਿ੍ਸ਼ਟ ਸੈਕਟਰੀਆਂ ਨੂੰ ਸਰਕਾਰੀ ਗ੍ਰਾਂਟਾਂ ਨੂੰ ਹੜੱਪਣ ਦਾ ਠੇਕਾ ਦੇ ਦੇਣ ਤੱਕ ਦੇ ਦੋਸ਼ ਲਗਾਏ ਸਨ | ਅਕਾਲੀ ਕੌਸਲਰ ਅਮਨਜੀਤ ਸਿੰਘ ਖਹਿਰਾ ਦੇ ਅਸਤੀਫ਼ੇ ਤੋਂ ਪਹਿਲਾਂ ਵੀ ਮੀਡੀਏ 'ਚ ਭਿ੍ਸ਼ਟਾਚਾਰ ਦਾ ਮੁੱਦਾ ਉਠਣ ਤੋਂ ਬਾਅਦ ਕਈ ਇਨਕਲਾਬੀ ਆਗੂਆਂ ਨੇ ਵੀ ਇਨ੍ਹਾਂ ਭਿ੍ਸ਼ਟ ਅਧਿਕਾਰੀਆਂ ਵਿਰੁੱਧ ਸੰਘਰਸ਼ ਛੇੜਨ ਦੀ ਚਿਤਾਵਨੀ ਦਿੱਤੀ ਸੀ | ਚਰਚਿਤ ਨਗਰ ਕੌਸਲ ਦੇ ਈ.ਓ. ਸੁਖਦੇਵ ਸਿੰਘ ਰੰਧਾਵਾ ਦੀ ਬਦਲੀ ਦਾ ਹੁਕਮ ਜਾਰੀ ਹੁੰਦਿਆਂ ਹੀ ਅੱਜ ਇਹ ਖ਼ਬਰ ਇਕਦਮ ਜਗਰਾਉਂ 'ਚ ਚੁਫੇਰੇ ਫੈਲ ਗਈ ਤੇ ਇਹ ਵੀ ਪਤਾ ਲੱਗਾ ਹੈ ਕਿ ਇਸ ਅਧਿਕਾਰੀ ਨੂੰ ਇਥੋਂ ਬਦਲ ਕੇ ਵਿਭਾਗ ਦੇ ਦਫ਼ਤਰ ਚੰਡੀਗੜ੍ਹ ਬੁਲਾ ਲਿਆ ਗਿਆ ਹੈ | ਬਦਲੀ ਤੋਂ ਬਾਅਦ ਭਿ੍ਸ਼ਟਾਚਾਰ ਦਾ ਮੁੱਦਾ ਉਠਾਉਣ ਵਾਲੇ ਕੌਸਲਰ ਅਮਨਜੀਤ ਸਿੰਘ ਖਹਿਰਾ ਤੇ ਕੌਸਲਰ ਦਵਿੰਦਰਜੀਤ ਸਿੰਘ ਸਿੱਧੂ ਨੇ ਕਿਹਾ ਕਿ ਇਸ ਅਧਿਕਾਰੀ ਦੇ ਤਬਾਦਲੇ ਦੇ ਨਾਲ-ਨਾਲ ਸਰਕਾਰ ਨੂੰ ਨਗਰ ਕੌਸਲ ਜਗਰਾਉਂ 'ਚੋਂ ਭਿ੍ਸ਼ਟਾਚਾਰ ਨੂੰ ਜੜੋਂ ਖਤਮ ਕਰਨ ਲਈ ਇਕ ਜੁੰਡਲੀ ਨੂੰ ਤੋੜਨ ਦੀ ਲੋੜ ਹੈ |

ਬਿਜਲੀ ਦਰਾਂ 'ਚ 36 ਪੈਸੇ ਯੂਨਿਟ ਕੀਤੇ ਵਾਧੇ ਵਿਰੱੁਧ ਆਮ ਆਦਮੀ ਪਾਰਟੀ 7 ਜਨਵਰੀ ਨੂੰ ਕੈਪਟਨ ਦੀ ਕੋਠੀ ਦਾ ਘਿਰਾੳ:ਵਿਧਾਇਕ ਮਾਣੰੂਕੇ

ਜਗਰਾਓਂ/ਲੁਧਿਆਣਾ,ਜਨਵਰੀ 2020-(ਜਸਮੇਲ ਗਾਲਿਬ/ਮਨਜਿੰਦਰ ਗਿੱਲ )-

ਪੰਜਾਬ ਸਰਕਾਰ ਵਲੋ ਬਿਜਲੀ ਬਿੱਲਾਂ ਵਿੱਚ ਭਾਰੀ ਵਾਧਾ ਕਰ ਕੇ ਆਮ ਲੋਕਾਂ ਤੇ ਵੱਡਾ ਬੋਜ ਪਾ ਦਿੱਤਾ। ਸਰਕਾਰ ਦੇ ਇਸ ਫੈਸਲੇ ਵਿਰੱੁਧ ਆਮ ਆਦਮੀ ਪਾਰਟੀ ਵੱਲੋ ਰੋਸ ਪ੍ਰਗਟ ਕੀਤਾ ਜਾ ਰਿਹਾ ਹੈ ਆਪ ਪਾਰਟੀ ਵਲੋ 7 ਜਨਵਰੀ ਨੂੰ ਮੱੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਕੋਠੀ ਦਾ ਘਿਰਾੳ ਕੀਤਾ ਜਾ ਰਿਹਾ ਹੈ।ਇੰਨ੍ਹਾਂ ਸਬਦਾਂ ਦਾ ਪ੍ਰਗਾਟਾਵਾ ਵਿਰੋਧੀ ਦਿਰ ਦੀ ਉਪ ਨੇਤਾ ਅਤੇ ਹਲਕਾ ਜਗਰਾਉ ਦੀ ਵਿਧਾਇਕ ਬੀਬੀ ਸਰਬਜੀਤ ਕੌਰ ਮਾਣੰੂਕੇ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕੀਤੇ।ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਜਦੋ ਵੀ ਆਪਣੇ ਮੈਨੀਫੈਸਟੋ 'ਚ ਆਮ ਲੋਕਾਂ ਅਤੇ ਵਪਾਰਕ ਖਪਤਕਾਰਾਂ ਲਈ ਸਸਤੀ ਬਿਜਲੀ ਦੇਣ ਦਾ ਵਾਅਦਾ ਕੀਤਾ ਸੀ ਪਰ ਸਰਕਾਰ ਨੇ ਚੋਣ ਮੈਨੀਫੈਸਟੋ 'ਚ ਕੀਤੇ ਵਾਅਦੇ ਤਾਂ ਕੀ ਪੂਰੇ ਕਰਨੇ ਸੀ ਸਗੋ ਲੋਕਾਂ ਦੀਆਂ ਸਾਰੀਆਂ ਸੂਹਲਤਾਂ ਖੋਹਣ ਜਾ ਰਹੀ ਹੈ।ਸਾਰੇ ਤੋ ਮਹਿੰਗੀ ਬਿਜਲੀ ਪੰਜਾਬ ਵਿੱਚ ਦਿੱਤੀ ਜਾ ਰਹੀ ਲੋਕਾਂ ਤੇ ਹੋਰ 36 ਪੈਸੇ ਬਿਜਲੀ ਮਹਿੰਗੀ ਹੋਣ ਨਾਲ ਹੋਰ ਆਰਥਿਕ ਬੋਝ ਪਾਇਆ ਜਾ ਰਿਹਾ ਹੈ।ਸਾਡੀ ਸਰਕਾਰ ਤੋ ਮੰਗ ਹੈ ਕਿ ਆਮ ਗਰੀਬ ਲੋਕਾਂ ਸਸਤੀ ਬਿਜਲੀ ਦਿੱਤੀ ਜਾਵੇ ਜਦੋਕਿ ਸਰਕਾਰ ਖੁਦ ਬਿਜਲੀ ਤਿਆਰ ਕਰ ਰਹੀ ਹੈ ਜੇਕਰ ਸਰਕਾਰ ਨੇ ਵਾਧਾ ਵਾਪਸ ਨਾ ਲਿਆ ਆਪ ਪਾਰਟੀ ਸੂਬਾ ਪ੍ਰਧਾਨ ਭਗਵੰਤ ਮਾਨ ਦੀ ਅਗਵਾਈ ਵਿੱਚ ਮੱੁਖ ਮੰਤਰੀ ਕੈਪਟਨ ਦੀ ਕੋਠੀ ਦਾ ਘਿਰਾਉ ਕਰੇਗੀ

ਸਪਰਿੰਗ ਡਿਊ ਪਬਲਿਕ ਸਕੂਲ ਦਾ ਸਾਲਾਨਾ ਸਮਾਗਮ ਸਰਗਮਂ ਨੇਪਰੇ ਚੜਿਆ

ਜਗਰਾਓਂ,ਲੁਧਿਆਣਾ, ਜਨਵਰੀ 2020- (ਰਾਣਾ ਸੇਖਦੌਲਤ)

ਜਗਰਾਂਉਂ ਦੇ ਸਪਰਿੰਗ ਡਿਊ ਪਬਲਿਕ ਸਕੂਲ ਦਾ ਸਾਲਾਨਾ ਸਮਾਗਮ ਅਤੇ ਸੱਭਿਆਚਾਰਕ ਪੋਗਰਾਮ ਨੂੰ ਸਫਲਤਾ ਪੂਰਵਕ ਨੇਪਰੇ ਹੋਇਆ।ਇਸ ਸਮਾਗਮ ਦੀ ਸ਼ੁਰੂਆਤ ਅਕਾਲ ਪੁਰਖ ਦੇ ਸ਼ੁਕਰਾਨੇ ਵਜੋਂ ਸ਼ਬਦ ਉਚਾਰਨ ਨਾਲ ਕੀਤੀ ਗਈ।ਇਸ ਤੋਂ ਬਾਅਦ ਪ੍ਰਿੰਸੀਪਲ ਨਵਨੀਤ ਚੌਹਾਨ ਨੇ ਆਏ ਹੋਏ ਸਾਰੇ ਮਹਿਮਾਨਾਂ ਅਤੇ ਮਾਤਾ ਪਿਤਾ ਸਾਹਿਬਾਨ ਨੂੰ ਜੀ ਆਇਆਂ ਆਖਿਆ ਅਤੇ ਸਮਾਗਮ ਦੇ ਉਦੇਸ਼ ਬਾਰੇ ਦੱਸਿਆ।ਨਰਸਰੀ, ਐਲ.ਕੇ.ਜੀ ਅਤੇ ਯੂ.ਕੇ.ਜੀ ਦੇ ਵਿਦਿਆਰਥੀਆਂ ਵਲੋਂ ਰੰਗਾਂ-ਰੰਗ ਸੱਭਿਆਚਾਰਕ ਡਾਂਸ ਪੇਸ਼ ਕੀਤਾ ਗਿਆ।ਕਲਾਸ ਪਹਿਲੀ ਅਤੇ ਦੂਸਰੀ ਦੇ ਵਿਦਿਆਰਥੀਆਂ ਨੇ ਆਪਣੀ ਪੇਸ਼ਕਾਰੀ ਨਾਲ ਸਾਰਿਆਂ ਦਾ ਮਨ ਮੋਹ ਲਿਆ।ਤੀਸਰੀ ਅਤੇ ਚੌਥੀ ਕਲਾਸ ਦੇ ਬੱਚਿਆਂ ਵਲੋਂ ਆਪਣੀ ਇਵੈਂਟ ਰਾਹੀ ਸਕੂਲ ਅਤੇ ਸਿੱਖਿਆ ਦੇ ਮਹੱਤਵ ਬਾਰੇ ਦੱਸਿਆ ਗਿਆ।ਇਸ ਤਂੋ ਇਲਾਵਾ ਵਿਦਿਆਰਥੀਆਂ ਰਾਂਹੀ ਸਮਾਜਿਕ ਕੁਰੀਤੀਆਂ ਉਪਰ ਵੀ ਪੇਸ਼ਕਾਰੀ ਕੀਤੀ ਗਈ।ਪਾਣੀ ਬਚਾਉ ਲਈ, ਪੰਜਾਬੀ ਬੋਲੀ ਦਾ ਮਾਣ ਵਧਾਉਣ ਲਈ ਅਤੇ ਦੇਸ਼ਗਤੀ ਦੀਆਂ ਕੋਰੀਓ“ਗ੍ਰਾਫੀਆਂ ਰਾਹੀ ਬੱਚਿਆਂ ਨੇ ਸਮਾਜਿਕ ਸੁਨੇਹੇ ਵੀ ਦਿੱਤੇ।ਇਸ ਦੇ ਨਾਲ ਹੀ ਜਿਹਨਾਂ ਵਿਦਿਆਰਥੀਆਂ ਨੇ 12ਵੀਂ ਅਤੇ 10ਵੀਂ ਦੇ ਬੋਰਡ ਇਮਤਿਹਾਨਾਂ ਵਿੱਚ ਵਧੀਆਂ ਨੰਬਰ ਹਾਸਿਲ ਕੀਤੇ ਸਨ ਉਹਨਾਂ ਨੂੰ ਸਨਮਾਨਿਤ ਕੀਤਾ ਗਿਆ।ਇਹਨਾਂ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਦਾ ਸਨਮਾਨ ਮਲਕੀਤ ਸਿੰਘ ਦਾਖਾ ਚੇਅਰਮੈਨ ਜਿਲ੍ਹਾ ਯੋਜਨਾ ਬੋਰਡ, ਕ੍ਰਿਸ਼ਨ ਕੁਮਾਰ ਬਾਵਾ ਚੇਅਰਮੈਨ PSID, ਐਸ.ਆਰ.ਕਲੇਰ ਸਾਬਕਾ ਐਮ.ਐਲ.ਏ ਜਗਰਾਂਉ, ਬਲਜਿੰਦਰ ਸਿੰਘ ਐਸ.ਡੀ.ਐਮ ਜਗਰਾਉਂ, ਮਨਮੋਹਨ ਕੁਮਾਰ ਕੌਸ਼ਕ ਤਹਿਸੀਲਦਾਰ ਜਗਰਾਂਉ, ਸਕੂਲ ਦੀ ਪ੍ਰਬੰਧਕੀ ਕਮੇਟੀ ਦੇ ਪ੍ਰਧਾਨ ਮਨਜੋਤ ਕੁਮਾਰ, ਚੇਅਰਮੈਨ ਬਲਦੇਵ ਬਾਵਾ, ਮੈਨੇਜਿੰਗ ਡਾਇਰੈਕਟਰ ਸੁਖਵਿੰਦਰ ਸਿੰਘ ਛਾਬੜਾ, ਵਾਇਸ ਪ੍ਰਿੰਸੀਪਲ ਬੇਅੰਤ ਕੁਮਾਰ ਮੈਨੇਜਰ ਮਨਦੀਪ ਚੌਹਾਨ ਵਲੋਂ ਕੀਤਾ ਗਿਆ।ਜਗਰਾਂਉ ਤਹਿਸੀਲ ਵਿੱਚ ਪਹਿਲੇ ਨੰਬਰ ਤੇ ਆਉਣ ਵਾਲੀ 12ਵੀਂ ਦੀ ਵਿਦਿਆਰਥਣ ਕੋਮਲਪ੍ਰੀਤ ਕੌਰ ਨੂੰ ਖਾਸ ਤੌਰ ਤੇ ਸਨਮਾਨਿਤ ਕੀਤਾ ਗਿਆ। ਸਤਿੰਦਰਪਾਲ ਸਿੰਘ ਗਰੇਵਾਲ, ਡੀ.ਐਸ.ਪੀ ਬੁਲੰਦ ਸਿੰਘ, ਰਾਜਵੀਰ ਸਿੰਘ ਐਸ.ਪੀ.ਡੀ, ਕਿਰਨ ਓਬਰਾਏ, ਗਗਨ ਬਾਵਾ ਆਦਿ ਮਹਿਮਾਨਾਂ ਦਾ ਖਾਸ ਤੌਰ ਤੇ ਸਨਮਾਨ ਕੀਤਾ ਗਿਆ। ਇਸ ਤੋ ਇਲਾਵਾ ਇਲਾਕੇ ਦੀਆਂ ਹੋਰ ਕਈ ਮਾਨਯੋਗ ਸਖਸੀਅਤਾ ਵੀ ਹਾਜਿਂਰ ਸਨ।ਅੰਤ ਵਿੱਚ ਪ੍ਰਬੰਧਕੀ ਕਮੇਟੀ ਅਤੇ ਆਏ ਮਹਿਮਾਨਾ ਵਲੋ ਸਕੂਲ ਦੇ ਸਟਾਫ ਅਤੇ ਅਧਿਆਪਕ ਸਹਿਬਾਨਾ ਨੂੰ ਵੀ ਸਨਮਾਨਿਤ ਕੀਤਾ ਗਿਆ।ਅੰਤ ਵਿੱਚ ਵਾਇਸ ਪ੍ਰਿੰਸੀਪਲ ਬੇਅੰਤ ਕੁਮਾਰ ਬਾਵਾ ਨੇ ਆਏ ਮਹਿਮਾਨਾ ਅਤੇ ਮਾਤਾ ਪਿਤਾ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਤੇ ਸਕੂਲ ਸਟਾਫ ਵਲੋ ਮੈਡਮ ਬਲਜੀਤ ਕੌਰ, ਅੰਜੂ ਬਾਲਾ, ਲਖਵੀਰ ਸਿੰਘ ਸੰਧੂ, ਲਖਵੀਰ ਸਿੰਘ ਉੱਪਲ, ਜਗਦੀਪ ਸਿੰਘ, ਦੀਪਕ ਚੌਧਰੀ, ਨੀਤੂ, ਸਤਿੰਦਰਪਾਲ ਕੌਰ, ਸ. ਰਵਿੰਦਰ ਸਿੰਘ, ਆਦਿ ਸਮੂਹ ਸਟਾਫ ਹਾਂਿਰ ਸਨ।ਆਏ ਮਹਿਮਾਨਾਂ ਅਤੇ ਮਾਤਾ ਪਿਤਾ ਸਾਹਿਬਾਨਾਂ ਵਲੋ ਸਕੂਲ ਦੇ ਸਾਲਾਨਾ ਸਮਾਗਮ ਲਈ ਪਬੰਧਕੀ ਕਮੇਟੀ ਪ੍ਰਿੰਸੀਪਲ ਅਤੇ ਸਟਾਫ ਨੂੰ ਵਧਾਈ ਦਿੱਤੀ।

ਹੌਜਰੀ ਨਾਲ ਸੰਬੰਧਤ ਸਿਲਾਈ ਮਸ਼ੀਨ ਆਪਰੇਟਰ ਦੀ ਦਿੱਤੀ ਜਾਇਆ ਕਰੇਗੀ ਸਿਖ਼ਲਾਈ

ਜ਼ਿਲਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਖੁੱਲਿਆ ਡੀ. ਆਰ. ਡੀ. ਏ. ਹੁਨਰ ਵਿਕਾਸ ਕੇਂਦਰ ਵਿੱਚ ਨਵੇਂ ਬੈਚ ਦੀ ਸ਼ੁਰੂਆਤ

ਲੁਧਿਆਣਾ, ਜਨਵਰੀ 2020-( ਸਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ )-
ਪੰਜਾਬ ਸਰਕਾਰ ਵੱਲੋਂ ਸੂਬੇ ਦੇ ਨੌਜਵਾਨਾਂ ਨੂੰ ਹੁਨਰਮੰਦ ਕਰਨ ਲਈ ਸ਼ੁਰੂ ਕੀਤੇ ਗਏ ਉਪਰਾਲਿਆਂ ਅਧੀਨ ਜ਼ਿਲਾ ਲੁਧਿਆਣਾ ਦੇ ਜ਼ਿਲਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਡੀ. ਆਰ. ਡੀ. ਏ. ਹੁਨਰ ਵਿਕਾਸ ਕੇਂਦਰ ਖੋਲਿਆ ਗਿਆ ਹੈ। ਜਿਸ ਵਿੱਚ ਕੱਪੜਾ ਉਦਯੋਗ ਨਾਲ ਸੰਬੰਧਤ ਸਿਖ਼ਲਾਈ ਕਰਵਾਈ ਜਾਂਦੀ ਹੈ। ਇਸ ਕੇਂਦਰ ਵਿੱਚ ਅੱਜ ਅਗਲੇ ਬੈਚ ਦੀ ਸ਼ੁਰੂਆਤ ਵਧੀਕ ਡਿਪਟੀ ਕਮਿਸ਼ਨਰ (ਵ) ਸ੍ਰੀਮਤੀ ਅੰਮ੍ਰਿਤ ਸਿੰਘ ਨੇ ਕਰਵਾਈ। ਇਸ ਮੌਕੇ ਉਨਾਂ ਨਾਲ ਸਹਾਇਕ ਪ੍ਰੋਜੈਕਟ ਅਧਿਕਾਰੀ ਸ੍ਰ. ਅਵਤਾਰ ਸਿੰਘ ਵੀ ਸਨ। ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਸ੍ਰੀਮਤੀ ਸਿੰਘ ਨੇ ਦੱਸਿਆ ਕਿ ਇਸ ਹੁਨਰ ਵਿਕਾਸ ਕੇਂਦਰ ਵਿੱਚ 18-40 ਸਾਲ ਤੱਕ ਦੇ ਲੜਕੇ ਅਤੇ ਲੜਕੀਆਂ ਕੱਪੜਾ (ਹੌਜਰੀ) ਉਦਯੋਗ ਨਾਲ ਸੰਬੰਧਤ ਸਿਲਾਈ ਮਸ਼ੀਨ ਆਪਰੇਟਰ ਦੀ ਸਿਖ਼ਲਾਈ ਪ੍ਰਾਪਤ ਕਰ ਸਕਣਗੇ। ਇਸ ਕੋਰਸ ਲਈ ਉਮੀਦਵਾਰ ਦੀ ਯੋਗਤਾ 5ਵੀਂ ਪਾਸ ਹੋਣੀ ਜ਼ਰੂਰੀ ਹੈ। ਕੁੱਲ 4 ਮਹੀਨੇ (300 ਘੰਟੇ) ਦੇ ਇਸ ਕੋਰਸ ਲਈ 60 ਸੀਟਾਂ ਰੱਖੀਆਂ ਗਈਆਂ ਹਨ। ਸਿੱਖਿਆਰਥੀਆਂ ਨੂੰ ਸਿਖ਼ਲਾਈ ਹਾਈਟੈੱਕ ਮਸ਼ੀਨਾਂ ਨਾਲ ਦਿੱਤੀ ਜਾਵੇਗੀ। ਇਹ ਮਸ਼ੀਨਾਂ ਸਨਅਤਾਂ ਨੂੰ ਹੁਨਰਮੰਦ ਕਾਮਿਆਂ ਦੀ ਲੋੜ ਨੂੰ ਧਿਆਨ ਵਿੱਚ ਰੱਖਕੇ ਆਧੁਨਿਕ ਤਰੀਕੇ ਦੀਆਂ ਖਰੀਦੀਆਂ ਗਈਆਂ ਹਨ। ਸ੍ਰੀਮਤੀ ਸਿੰਘ ਨੇ ਦੱਸਿਆ ਕਿ ਇਸ ਸੈਂਟਰ ਵਿੱਚ ਰੋਜ਼ਾਨਾ ਸਵੇਰੇ 10 ਵਜੇ ਤੋਂ ਦੁਪਹਿਰ 1 ਵਜੇ ਤੱਕ ਅਤੇ ਦੁਪਹਿਰ 2 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਬੈਚ ਲਗਾਏ ਜਾ ਰਹੇ ਹਨ। ਇਹ ਕੋਰਸ ਜ਼ਿਲਾ ਪ੍ਰਬੰਧਕੀ ਕੰਪਲੈਕਸ ਦੇ ਸੁਵਿਧਾ ਸੈਂਟਰ ਸਥਿਤ ਹਾਲ ਨੰਬਰ-4 ਵਿੱਚ ਕਰਵਾਇਆ ਜਾਵੇਗਾ। ਕੋਰਸ ਦੌਰਾਨ 3 ਮਹੀਨੇ ਦੀ ਸਿਖ਼ਲਾਈ ਕੇਂਦਰ ਵਿੱਚ ਦਿੱਤੀ ਜਾਵੇਗੀ, ਜਦਕਿ ਇੱਕ ਮਹੀਨੇ ਦੀ ਪ੍ਰੈਕਟੀਕਲ ਸਿਖ਼ਲਾਈ ਹੌਜਰੀ ਸਨਅਤਾਂ ਵਿੱਚ ਕਰਵਾਈ ਜਾਵੇਗੀ। ਉਨਾਂ ਦੱਸਿਆ ਕਿ ਇਹ ਕੋਰਸ ਅਨੁਸੂਚਿਤ ਜਾਤੀ ਦੇ ਵਿਦਿਆਰਥੀਆਂ ਲਈ ਬਿਲਕੁਲ ਮੁਫ਼ਤ ਹੈ, ਜਦਕਿ ਪੱਛੜੀਆਂ/ਜਨਰਲ ਸ਼੍ਰੇਣੀਆਂ ਦੇ ਬੀ. ਪੀ. ਐੱਲ. ਸਿਖਿਆਰਥੀਆਂ ਲਈ ਫੀਸ 200 ਰੁਪਏ ਪ੍ਰਤੀ ਮਹੀਨਾ, ਪੱਛੜੀਆਂ ਸ਼੍ਰੇਣੀਆਂ ਦੇ ਸਿੱਖਿਆਰਥੀਆਂ ਲਈ 400 ਰੁਪਏ ਪ੍ਰਤੀ ਮਹੀਨਾ ਅਤੇ ਜਨਰਲ ਸ਼੍ਰੇਣੀਆਂ ਦੇ ਸਿੱਖਿਆਰਥੀਆਂ ਲਈ ਫੀਸ 500 ਰੁਪਏ ਪ੍ਰਤੀ ਮਹੀਨਾ ਹੈ। ਸਿਖ਼ਲਾਈ ਕਰਨ ਉਪਰੰਤ ਸਿੱਖਿਆਰਥੀਆਂ ਨੂੰ ਪਹਿਲੇ ਦਿਨ ਤੋਂ ਘੱਟ ਤੋਂ ਘੱਟ 8500 ਰੁਪਏ ਪ੍ਰਤੀ ਮਹੀਨਾ ਤਨਖ਼ਾਹ ਮਿਲਣ ਲੱਗ ਜਾਂਦੀ ਹੈ, ਜੋ ਕਿ ਤਜ਼ਰਬੇ ਨਾਲ ਵਧਦੀ ਜਾਵੇਗੀ। ਸਹਾਇਕ ਪ੍ਰੋਜੈਕਟ ਅਧਿਕਾਰੀ ਅਵਤਾਰ ਸਿੰਘ ਨੇ ਦੱਸਿਆ ਕਿ ਇਸ ਕੋਰਸ ਦੌਰਾਨ ਸਿੱਖਿਆਰਥੀਆਂ ਨੂੰ ਕਿੱਤੇ ਪ੍ਰਤੀ ਉਤਸ਼ਾਹਿਤ ਕਰਨ ਲਈ ਲੋਕਲ ਇੰਡਸਟਰੀ ਦਾ ਦੌਰਾ (ਵਿਜ਼ਿਟ) ਵੀ ਕਰਵਾਇਆ ਜਾਵੇਗਾ। ਕੋਰਸ ਪੂਰਾ ਹੋਣ ਉਪਰੰਤ ਸਰਟੀਫਿਕੇਟ ਜਾਰੀ ਕੀਤਾ ਜਾਵੇਗਾ। ਸਫ਼ਲ ਰਹੇ ਸਿੱਖਿਆਰਥੀਆਂ ਨੂੰ ਉਨਾਂ ਦੀ ਇੱਛਾ ਅਨੁਸਾਰ ਲੋਕਲ ਇੰਡਸਟਰੀ ਵਿੱਚ ਨੌਕਰੀ ਦਿਵਾਉਣ ਲਈ ਜ਼ਿਲਾ ਪ੍ਰਸਾਸ਼ਨ ਵੱਲੋਂ ਉਪਰਾਲੇ ਵੀ ਕੀਤੇ ਜਾਣਗੇ। ਉਨਾਂ ਨੇ ਕਿਹਾ ਕਿ ਇਛੁੱਕ ਉਮੀਦਵਾਰ ਵਧੇਰੀ ਜਾਣਕਾਰੀ ਲਈ ਦਫ਼ਤਰ ਡਿਪਟੀ ਕਮਿਸ਼ਨਰ (ਵ), ਲੁਧਿਆਣਾ ਵਿਖੇ ਵੀ ਸੰਪਰਕ ਕਰਨ ਅਤੇ ਇਸ ਕੇਂਦਰ ਦਾ ਲਾਭ ਲੈਣ ਕਿਉਂਕਿ ਸਿਲਾਈ ਮਸ਼ੀਨ ਆਪਰੇਟਰਾਂ ਦੀ ਹੌਜਰੀ ਸਨਅਤਾਂ ਵਿੱਚ ਭਾਰੀ ਮੰਗ ਹੈ। ਇਸ ਉਪਰੰਤ ਵਧੀਕ ਡਿਪਟੀ ਕਮਿਸ਼ਨਰ ਨੇ ਜ਼ਿਲਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਮੰਦਬੁੱਧੀ ਬੱਚਿਆਂ ਵੱਲੋਂ ਚਲਾਈ ਜਾ ਰਹੀ ਸਸ਼ਕਤ ਕੰਟੀਨ ਦਾ ਵੀ ਦੌਰਾ ਕੀਤਾ। ਇਸ ਮੌਕੇ ਬੱਚਿਆਂ ਵੱਲੋਂ ਤਿਆਰ ਵੱਖ-ਵੱਖ ਖਾਧ ਪਦਾਰਥਾਂ ਦੀ ਤਾਰੀਫ਼ ਕਰਦਿਆਂ ਸ੍ਰੀਮਤੀ ਸਿੰਘ ਨੇ ਭਰੋਸਾ ਦਿੱਤਾ ਕਿ ਬੱਚਿਆਂ ਨੂੰ ਇਹ ਕੰਟੀਨ ਚਲਾਉਣ ਲਈ ਜ਼ਿਲਾ ਪ੍ਰਸਾਸ਼ਨ ਵੱਲੋਂ ਪੂਰਨ ਸਹਿਯੋਗ ਜਾਰੀ ਰਹੇਗਾ।

ਮੋਬਾਇਲ ਮੈਡੀਕਲ ਯੂਨਿਟ ਰਾਹੀ ਪਿੰਡਾਂ ਵਿੱਚ ਸਿਹਤ ਸਹੂਲਤਾਂ ਮੁਹੱਈਆ ਕਰਵਾਈਆ ਜਾਣਗੀਆ - ਸਿਵਲ ਸਰਜਨ

ਲੁਧਿਆਣਾ, ਜਨਵਰੀ 2020-( ਸਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ )-

ਪੰਜਾਬ ਸਰਕਾਰ ਦੇ ਸਿਹਤ ਵਿਭਾਗ ਵੱਲੋ ਸੂਬੇ ਦੇ ਦੂਰ ਦਰਾਜ ਖੇਤਰਾਂ ਵਿੱਚ ਵਧੀਆ ਸਿਹਤ ਸਹੂਲਤਾਂ ਮੁਹੱਈਆ ਕਰਵਾਉਣ ਲਈ ਮੋਬਾਇਲ ਮੈਡੀਕਲ ਯੂਨਿਟ ਦਾ ਟੂਰ ਪ੍ਰੋਗਰਾਮ ਜਾਰੀ ਕੀਤਾ ਗਿਆ ਹੈ। ਜਿਸ ਤਹਿਤ ਦਫਤਰ ਸਿਵਲ ਸਰਜਨ ਲੁਧਿਆਣਾ ਵੱਲੋਂ ਮਹੀਨਾ ਜਨਵਰੀ 2020, ਫਰਵਰੀ 2020, ਮਾਰਚ 2020 ਦੌਰਾਨ ਬਲਾਕ ਪੱਖੋਵਾਲ, ਸਿਧਵਾਬੇਟ, ਸਾਹਨੇਵਾਲ ਅਤੇ ਕੂਮਕਲਾ ਅਧੀਨ ਪੈਦੇ ਦੂਰ-ਦੁਰਾਡੇ ਦੇ ਪਿੰਡਾਂ ਵਿੱਚ ਲੋਕਾਂ ਨੂੰ ਸਿਹਤ ਸਹੂਲਤਾਂ ਮੁਹੱਈਆ ਕਰਵਾਈਆਂ ਜਾਣਗੀਆਂ। ਇਸ ਸਬੰਧ ਵਿੱਚ ਸਿਵਲ ਸਰਜਨ ਲੁਧਿਆਣਾ ਰਾਜੇਸ਼ ਕੁਮਾਰ ਬੱਗਾ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਮੈਡੀਕਲ ਮੋਬਾਇਲ ਯੂਨਿਟ ਵੱਲੋ ਕਮਿਊਨਟੀ ਹੈਲਥ ਸੈਂਟਰ ਅਨੁਸਾਰ ਪਿੰਡਾਂ ਦਾ ਦੌਰਾ ਕਰਕੇ ਸਿਹਤ ਸਹੂਲਤਾਂ ਮੁਹੱਈਆ ਕਰਵਾਈਆਂ ਜਾਂਦੀਆਂ ਹਨ। ਇਸ ਸਬੰਧੀ ਹੋਰ ਜਾਣਕਾਰੀ ਦਿੰਦੇ ਹੋਏ ਸਿਵਲ ਸਰਜਨ ਲੁਧਿਆਣਾ ਵੱਲੋ ਦੱਸਿਆ ਗਿਆ ਕਿ ਐਮਐਮਯੂ ਬਲਾਕ ਪੱਖੋਵਾਲ ਦੇ ਪਿੰਡਾਂ ਵਿੱਚ 06 ਜਨਵਰੀ ਨੂੰ ਪਮਾਲੀ, 7 ਜਨਵਰੀ ਨੂੰ ਸਹਿਜ਼ਾਦ, 8 ਜਨਵਰੀ ਨੂੰ ਦੂਲੋਂ ਖੁਰਦ, 9 ਜਨਵਰੀ ਨੂੰ ਢੇਅਪੀ, 10 ਜਨਵਰੀ ਨੂੰ ਚਮਿੰਡਾ ਵਿਖੇ ਅਤੇ ਅਰਬਨ ਏਰੀਆ ਬਲਾਕ ਸਾਹਨੇਵਾਲ ਅਤੇ ਕੂਮਕਲਾ ਦੇ ਪਿੰਡਾਂ ਵਿੱਚ 13 ਜਨਵਰੀ ਨੂੰ ਡਾਬਾ, 14 ਜਨਵਰੀ ਨੂੰ ਢੰਡਾਰੀ, 15 ਜਨਵਰੀ ਨੂੰ ਬੁਲਾਰਾ, 16 ਜਨਵਰੀ ਨੂੰ ਕਾਕੋਵਾਲ, 17 ਜਨਵਰੀ ਨੂੰ ਖਾਸੀ ਕਲਾਂ ਅਤੇ 20 ਜਨਵਰੀ ਨੂੰ ਨੂਰਵਾਲਾ ਵਿਖੇ ਅਤੇ ਬਲਾਕ ਸਿਧਵਾਂ ਬੇਟ ਦੇ ਪਿੰਡਾਂ ਵਿੱਚ 21 ਜਨਵਰੀ ਨੂੰ ਭੱਠਾ ਧੂਹਾ, 22 ਜਨਵਰੀ ਨੂੰ ਬਲੀਪੁਰ ਕਲਾਂ, 23 ਜਨਵਰੀ ਨੂੰ ਆਲੀਵਾਲ, 24 ਜਨਵਰੀ ਨੂੰ ਪੁੜੈਣ, 27 ਜਨਵਰੀ ਨੂੰ ਕੋਟਮਾਨਾਂ, 28 ਜਨਵਰੀ ਨੂੰ ਗੋਰਸੀਆਂ ਮੱਖਣ, 29 ਜਨਵਰੀ ਨੂੰ ਤਲਵਾੜਾ, 30 ਜਨਵਰੀ ਨੂੰ ਭੈਣੀ ਅਰਾਈਆਂ, 31 ਜਨਵਰੀ ਨੂੰ ਖੁਰਸ਼ੈਦਪੁਰਾ ਅਤੇ ਬਲਾਕ ਪੱਖੋਵਾਲ ਦੇ ਪਿੰਡਾਂ ਵਿੱਚ 03 ਫਰਵਰੀ ਨੂੰ ਆਸੀ ਕਲਾਂ, 4 ਫਰਵਰੀ ਨੂੰ ਬੀਲਾ, 5 ਫਰਵਰੀ ਨੂੰ ਲੋਹਗੜ੍ਹ, 6 ਫਰਵਰੀ ਨੂੰ ਰੰਗੂਵਾਲ, 7 ਫਰਵਰੀ ਨੂੰ ਧੂਰਕੋਟ, 10 ਫਰਵਰੀ ਨੂੰ ਮਿੰਨੀ ਛਪਾਰ ਅਤੇ ਅਰਬਨ ਏਰੀਆ ਬਲਾਕ ਸਾਹਨੇਵਾਲ ਅਤੇ ਕੂਮਕਲਾ ਦੇ ਪਿੰਡਾਂ ਵਿੱਚ 11 ਫਰਵਰੀ ਨੂੰ ਢੰਡਾਰੀ, 12 ਫਰਵਰੀ ਨੂੰ ਸ਼ੇਰਪੁਰ, 13 ਫਰਵਰੀ ਨੂੰ ਬੁਲਾਰਾ, 14 ਫਰਵਰੀ ਨੂੰ ਡਾਬਾ, 17 ਫਰਵਰੀ ਨੂੰ ਖਵਾਜਕਾ 18 ਫਰਵਰੀ ਨੂੰ ਕਾਕੋਵਾਲ, 19 ਫਰਵਰੀ ਨੂੰ ਭੱਟੀਆਂ, 20 ਫਰਵਰੀ ਨੂੰ ਨੂਰਵਾਲਾ ਅਤੇ ਬਲਾਕ ਸਿਧਵਾਂ ਬੇਟ ਦੇ ਪਿੰਡਾਂ ਵਿੱਚ 24 ਫਰਵਰੀ ਨੂੰ ਪਰਜੀਆਂ ਬਿਹਾਰੀਪੁਰ, 25 ਫਰਵਰੀ ਨੂੰ ਸ਼ੇਰੇਵਾਲ, 26 ਫਰਵਰੀ ਨੂੰ ਜਨੇਤਪੁਰਾ, 27 ਫਰਵਰੀ ਨੂੰ ਫਤਿਹਗੜ੍ਹ ਸੀਵੀਆਂ, 28 ਫਰਵਰੀ ਨੂੰ ਗਾਲਿਬ ਰਨ ਸਿੰਘ, ਵਿਖੇ ਅਤੇ ਬਲਾਕ ਪੱਖੋਵਾਲ ਦੇ ਪਿੰਡਾਂ ਵਿੱਚ 2 ਮਾਰਚ ਨੂੰ ਮਹੇਰਨਾ ਕਲਾਂ, 3 ਮਾਰਚ ਨੂੰ ਬ੍ਰਹਮਪੁਰ, 4 ਮਾਰਚ ਨੂੰ ਜੰਡ, 5 ਮਾਰਚ ਨੂੰ ਨੰਗਲ ਖੁਰਦ, 6 ਮਾਰਚ ਨੂੰ ਨੰਗਲ ਕਲਾਂ, 9 ਮਾਰਚ ਨੂੰ ਡਾਂਗੋਂ ਵਿਖੇ ਅਤੇ ਅਰਬਨ ਏਰੀਆ ਬਲਾਕ ਸਾਹਨੇਵਾਲ ਅਤੇ ਕੂਮਕਲਾ ਦੇ ਪਿੰਡਾਂ ਵਿੱਚ 11 ਮਾਰਚ ਨੂੰ ਡਾਬਾ, 12 ਮਾਰਚ ਨੂੰ ਬੁਲਾਰਾ, 13 ਮਾਰਚ ਨੂੰ ਲੁਹਾਰਾ, 16 ਮਾਰਚ ਨੂੰ ਕਾਕੋਵਾਲ, 17 ਮਾਰਚ ਨੂੰ ਖਵਾਜਕੇ, 18 ਮਾਰਚ ਨੂੰ ਖਾਸੀ ਕਲਾਂ, 19 ਮਾਰਚ ਨੂੰ ਜੱਸੀਆਂ, 20 ਮਾਰਚ ਨੂੰ ਨੂਰਵਾਲਾ ਵਿਖੇ ਅਤੇ ਬਲਾਕ ਸਿਧਵਾਂ ਬੇਟ ਦੇ ਪਿੰਡਾਂ ਵਿੱਚ 23 ਮਾਰਚ ਨੂੰ ਜੰਡੀ, 24 ਮਾਰਚ ਨੂੰ ਸੰਗਤਪੁਰਾ, 25 ਮਾਰਚ ਨੂੰ ਬਰਸਾਲ, 26 ਮਾਰਚ ਨੂੰ ਢੱਟ, 27 ਮਾਰਚ ਨੂੰ ਮੰਡਿਆਣੀ, 30 ਮਾਰਚ ਨੂੰ ਤਲਵੰਡੀ ਖੁਰਦ ਅਤੇ 31 ਮਾਰਚ ਨੂੰ ਧੋਥੜ ਦੇ ਦੇ ਵੱਖ-ਵੱਖ ਪਿੰਡਾਂ ਦਾ ਦੌਰਾ ਕਰਕੇ ਪਿੰਡ ਵਾਸੀਆ ਨੂੰ ਮੁਢਲੀਆਂ ਸਿਹਤ ਸਹੂਲਤਾਂ ਪ੍ਰਦਾਨ ਕਰੇਗੀ। ਉਨ੍ਹਾਂ ਦੱਸਿਆ ਕਿ ਕਿਸੇ ਵੀ ਬੀਮਾਰੀ ਤੋ ਪੀੜਤ ਵਿਅਕਤੀ ਜਿੰਨਾ ਦਾ ਇਲਾਜ ਐਮਐਮਯੂ ਵਿੱਚ ਉਪਲੱਬਧ ਨਹੀ ਹੋਵੇਗਾ ਉਹਨਾ ਨੂੰ ਨੇੜਲੀਆਂ ਸਿਹਤ ਸੰਸਥਾਵਾ ਵਿੱਚ ਇਲਾਜ ਲਈ ਰੈਫਰ ਕੀਤਾ ਜਾਵੇਗਾ। ਐਮਐਮਯੂ ਦੇ ਸਬੰਧ ਵਿੱਚ ਸਬੰਧਤ ਇਲਾਕਿਆ ਦੀਆਂ ਏਐਨਐਮ ਅਤੇ ਆਸ਼ਾ ਵਰਕਰਾਂ ਦੁਆਰਾ ਦੋ ਦਿਨ ਪਹਿਲਾਂ ਅਗੇਤਾ ਪ੍ਰਚਾਰ ਕੀਤਾ ਜਾਵੇਗਾ ਤਾਂ ਜੋ ਵੱਧ ਤੋ ਵੱਧ ਲੋਕ ਇਹਨਾਂ ਸੇਵਾਵਾਂ ਦਾ ਲਾਭ ਲੈ ਸਕਣ। ਉਨ੍ਹਾਂ ਵੱਲੋ ਇਹ ਵੀ ਦੱਸਿਆ ਗਿਆ ਕਿ ਮੋਬਾਇਲ ਮੈਡੀਕਲ ਯੂਨਿਟ ਹਰ ਸ਼ਨੀਵਾਰ ਨੂੰ ਕੇਂਦਰੀ ਸੁਧਾਰ ਘਰ ਵਿੱਚ ਆਪਣੀਆਂ ਸੇਵਾਵਾਂ ਦੇਵੇਗੀ।

ਸਲੇਮਪੁਰੀ ਦੀ ਚੂੰਢੀ - ਬੋਲੀਆਂ

ਬੋਲੀਆਂ

ਅਕਾਲੀ ਦਲ ਦਾ ਸਿੰਘਾਸਨ ਹਿੱਲਿਆ,

'ਬਾਬਾ 'ਬੈਠਾ ਚੁੱਪ ਵੱਟ ਕੇ!

ਚੁੱਕ ਫੀਤਾ ਸ਼ੁਰੂ ਕੀਤੀ ਮਿਣਤੀ,

'ਢੀਂਡਸੇ ' ਨੇ ਕੰਧ ਕੱਢਣੀ।

ਮੇਰੇ 'ਪੁੱਤ' ਦੀ ਚੱਲੂ ਸਰਦਾਰੀ,

ਮੈਨੂੰ ਕਹਿੰਦੇ 'ਬਾਬਾ ਬੋਹੜ 'ਨੇ।

ਮੰਜੀ ਚੁੱਕ ਕੇ ' ਮਝੈਲ' ਹੋਏ ਵੱਖਰੇ,

ਆਪੇ ਕਹਿੰਦੇ 'ਛੰਨ' ਪਾ ਲਾਂਗੇ।

ਸਾਲਾ ' ਪੁੱਤ ' ਦਾ ਕਰੂ ਥਾਣੇਦਾਰੀ,

ਲੰਘੂ ਕਿਹੜਾ ਧੌਣ ਚੁੱਕ ਕੇ।

ਸਾਰੀ ਉਮਰ ਲੰਘਾਲੀ ਮੌਜਾਂ ਮਾਣ ਕੇ,

ਬੁਢਾਪੇ 'ਚ ਜਮੀਰ ਜਾਗ ਪਈ।

' ਭਤੀਜਾ 'ਛੱਡ ਕੇ ਕਾਂਗਰਸੀ ਬਣਿਆ,

ਤਾਇਆ ਜੀ ਨੂੰ ਫਿਰੇ ਕੋਸਦਾ।

' ਬਾਬਾ ' ਮਾਰਦਾ ਪੱਟਾਂ 'ਤੇ ਥਾਪੀਆਂ,

ਪਿੱਠ ' ਦਿੱਲੀ 'ਨਾਲ ਲੱਗਦੀ!

ਤਿੱਖੀ ਠੰਢ ਨੇ ਪੰਜਾਬ ਸਾਰਾ ਠਾਰਿਆ,

ਭੱਠੀ ਵਾਂਗੂੰ ਅਕਾਲੀ ਮੱਘਦੇ !

ਕਾਂਗਰਸ ਸਰਕਾਰ ਦੇ ਆਗੂਆਂ ਦੀਆਂ ਬਾਗੀ ਸੁਰਾਂ ਨੇ ਸਪੱਸਟ ਕਰ ਦਿੱਤਾ ਕਿ ਸਰਕਾਰ ਆਪਣੀ ਭਰੋਸੇਯੋਗਤਾਂ ਗੁਆ ਚੱੁਕੀ ਹੈ –ਆਗੂ

ਕਾਉਂਕੇ ਕਲਾਂ, 3 ਜਨਵਰੀ ( ਜਸਵੰਤ ਸਿੰਘ ਸਹੋਤਾ/ਮਨਜਿੰਦਰ ਗਿੱਲ)-ਪੰਚਾਇਤੀ ਜਮੀਨਾ ਦੀ ਵਿਕਰੀ ਸਬੰਧੀ ਸੂਬੇ ਦੀ ਕਾਗਰਸ ਸਰਕਾਰ ਵੱਲੋ ਲਏ ਫੈਸਲੇ ਦਾ ਸਰਕਾਰ ਦੇ ਆਪਣੇ ਹੀ ਸੀਨੀਅਰ ਆਗੂਆਂ ਵੱਲੋ ਵਿਰੋਧ ਕਰਨਾ ਸਾਬਿਤ ਕਰਦਾ ਹੈ ਕਿ ਸਰਕਾਰ ਆਪਣੀ ਲੋਕਾ ਵਿੱਚੋ ਭਰੋਸੇਯੋਗਤਾਂ ਗੁਆ ਚੱੁਕੀ ਹੈ ਤੇ ਪਾਰਟੀ ਦੇ ਆਪਣੇ ਵਰਕਰ ਹੀ ਸਰਕਾਰੀ ਨੀਤੀਆਂ ਤੋ ਦੁੱਖੀ ਹਨ।ਇਹ ਟਿੱਪਣੀ ਅੱਜ ਜਗਰਾਓ ਹਲਕੇ ਦੇ ਪਿੰਡ ਕਾਉਂਕੇ ਕਲਾਂ ਦੇ ਯੂਥ ਅਕਾਲੀ ਦਲ ਦੇ ਸੀਨੀਅਰ ਵਰਕਰ ਗੁਰਪ੍ਰੀਤ ਸਿੰਘ ਗੋਪੀ ਕਾਉਂਕੇ ਨੇ ਕਰਦਿਆ ਕਿਹਾ ਕਿ ਪਹਿਲੇ ਦਿਨ ਹੀ ਸਰਕਾਰ ਦੇ ਪੰਚਾਇਤੀ ਜਮੀਨ ਦੀ ਵਿਕਰੀ ਦੇ ਫੈਸਲੇ ਦਾ ਵਿਰੋਧ ਹੋਣਾ ਸੁਰੂ ਹੋ ਗਿਆ ਸੀ ਤੇ ਵਿਰੋਧੀ ਪਾਰਟੀਆਂ ਤੋ ਇਲਾਵਾ ਸਰਕਾਰ ਦੇ ਆਪਣੇ ਹੀ ਵਿਧਾਇਕ ਪ੍ਰਗਟ ਸਿੰਘ ਤੋ ਬਾਅਦ ਰਾਜ ਸਭਾ ਮੈਂਬਰ ਸਮਸੇਰ ਸਿੰਘ ਦੂਲੋ ਵੱਲੋ ਵੀ ਸਰਕਾਰ ਦੇ ਇਸ ਫੈਸਲੇ ਖਿਲਾਫ ਆਪਣੀ ਭੜਾਸ ਕੱਢਦਿਆਂ ਇਸ ਫੈਸਲੇ ਨੂੰ ਲੋਕ ਮਾਰੂ ਦੱਸਿਆਂ।ਆਗੂ ਨੇ ਕਿਹਾ ਕਿ ਮਹਿੰਗੀਆ ਪੰਚਾਇਤੀ ਜਮੀਨਾਂ ਸਸਤੇ ਮੱੁਲ ਤੇ ਉਦਯੋਗਾਂ ਨੂੰ ਬੇਚਣਾ ਕਿਸੇ ਵੀ ਤਰਾਂ ਵਾਜਿਬ ਨਹੀ ਹੈ ਤੇ ਇਸ ਸਬੰਧੀ ਅਕਾਲੀ ਦਲ ਪਹਿਲਾ ਹੀ ਇਸ ਫੈਸਲੇ ਦਾ ਵਿਰੋਧ ਕਰ ਚੱੁਕਾ ਹੈ।ਇਸ ਸਮੇ ਉਨਾ ਸਰਕਾਰ ਵੱਲੋ ਬਿਜਲੀ ਰੇਟਾ ਵਿੱਚ ਕੀਤੇ ਅਥਾਹ ਵਾਧੇ ਤੋ ਬਾਅਦ ਬੱਸ ਕਿਰਾਏ ਵਿੱਚ ਕੀਤੇ ਵਾਧੇ ਦੀ ਵੀ ਨਿਖੇਧੀ ਕਰਦਿਆ ਕਿਹਾ ਕਿ ਸਰਕਾਰ ਦੇ ਇੰਨਾਂ ਲੋਕ ਮਾਰੂ ਕਦਮਾਂ ਨੇ ਸੂਬੇ ਦੀ ਜਨਤਾ ਦਾ ਆਰਥਿਕ ਬਜਟ ਹਿਲਾ ਕੇ ਰੱਖ ਦਿੱਤਾ ਹੈ।ਉਨਾ ਕਿਹਾ ਕਿ ਕਿਸਾਨ ਖੁਦਕਸੀਆ ਕਰ ਰਹੇ ਹਨ,ਨੌਜਵਾਨ ਬੇਰੁਜਗਾਰੀ ਦਾ ਸੰਤਾਪ ਭੋਗ ਰਹੇ ਹਨ,ਗਰੀਬ ਵਰਗ ਨੂੰ ਬਣਦਾ ਲਾਭ ਤੇ ਇਨਸਾਫ ਨਹੀ ਮਿਲ ਰਿਹਾ,ਜਾਰੀ ਸੂਹਲਤਾਂ ਤੇ ਰੋਕ ਲਾਈ ਜਾ ਰਹੀ ਹੈ,ਸਰਕਾਰੀ ਕਰਮਚਾਰੀਆਂ ਨੂੰ ਤਨਖਾਹ ਨਹੀ ਮਿਲ ਰਹੀ ਸਮੇਤ ਹੋਰਨਾ ਘਟੀਆਂ ਪੱਧਰ ਦੀਆ ਨੀਤੀਆਂ ਕਾਰਨ ਪੰਜਾਬ ਵਿੱਚ ਕਿਸੇ ਵੀ ਲਾਭਕਾਰੀ ਨਿਵੇਸ ਦੀ ਕੋਈ ਉਮੀਦ ਨਹੀ ਹੈ।

ਬੱਚਿਆਂ ਦੀਆਂ ਸਕੂਲੀ ਛੁਟੀਆਂ ਵਿਚ ਕੀਤਾ ਜਾਵੇ ਵਾਧਾ- ਗਿੱਲ

ਕਾਉਂਕੇ ਕਲਾਂ 3ਜਨਵਰੀ (ਜਸਵੰਤ ਸਿੰਘ ਸਹੋਤਾ/ਮਨਜਿੰਦਰ ਗਿੱਲ)-ਆਈ-ਜੋਨ ਕੰਪਿਊਟਰ ਇੰਸਟੀਚਿਊਟ ਅਗਵਾੜ ਲੋਪੋ ਦੇ ਐਮ.ਡੀ.ਬਲਵਿੰਦਰ ਸਿੰਘ ਗਿੱਲ ਨੇ ਮੰਗ ਕੀਤੀ ਕਿ ਪੈ ਰਹੀ ਠੰਡ ਨੂੰ ਮੁਖ ਰੱਖਦਿਆਂ ਸਕੂਲੀ ਬੱਚਿਆਂ ਦੀਆ ਛੁੱਟੀਆਂ ਵਿਚ ਵਾਧਾ ਕੀਤਾ ਜਾਵੇ।ਗਿੱਲ ਨੇ ਕਿਹਾ ਹੱਢ ਚੀਰਵੀਂ ਸੀਤ ਲਹਿਰ ਦੌਰਾਨ ਪੈ ਰਹੀ ਠੰਡ ਨੇ ਪਿਛਲੇ ਸਾਲਾਂ ਦਾ ਰਿਕਾਰਡ ਤੋੜ ਦਿੱਤਾ ਹੈ ਤੇ ਪੈ ਰਹੀ ਠੰਡ ਨੂੰ ਸਹਾਰਨਾ ਬੱਚਿਆਂ ਤੇ ਬਜੁਰਗਾਂ ਲਈ ਔਖਾ ਹੈ।ਉਨਾ ਕਿਹਾ ਕਿ ਪੈ ਰਹੀ ਠੰਡ ਕਾਰਨ ਲੋਕਾ ਨੂੰ ਘਰ ਵਿਚ ਰਹਿਣ ਦੀ ਨਸੀਹਤ ਦਿੱਤੀ ਜਾਂਦੀ ਹੈ ਜਿਸ ਲਈ ਪੰਜਾਬ ਸਰਕਾਰ ਨੂੰ ਚਾਹੀਦਾ ਹੈ ਕਿ ਮੌਸਮ ਦੇ ਬਦਲਣ ਤੱਕ ਬੱਚਿਆਂ ਦੀਆਂ ਛੁੱਟੀਆਂ ਵਿੱਚ ਵਾਧਾ ਕੀਤਾ ਜਾਵੇ।

ਲ ਰਹੀ ਸੀਤ ਲਹਿਰ ਕਾਰਨ ਪਾਰਾ ਪੱੁਜਾ 4 ਡਿਗਰੀ ,ਮਜਦੂਰਾਂ ਲਈ ਰੋਟੀ ਦਾ ਵਸੀਲਾ ਬਨਾਉਣ ਲਈ ਠੰਡ ਬਣੀ ਮੁਸੀਬਤ,ਕਣਕ ਦੀ ਫਸਲ ਲਈ ਠੰਡ ਲਾਹੇਵੰਦ

ਕਾਉਕੇ ਕਲਾਂ, 3 ਜਨਵਰੀ (ਜਸਵੰਤ ਸਿੰਘ ਸਹੋਤਾ/ਮਨਜਿੰਦਰ ਗਿੱਲ)-ਦੇਸ ਭਰ ਵਿੱਚ ਪੈ ਰਹੀ ਭਿਆਨਕ ਸੀਤ ਲਹਿਰ ਕਾਰਨ ਠੰਡ ਨੇ ਪੂਰੀ ਤਰਾਂ ਮਨੱੁਖੀ ਜੀਵਨ ਪ੍ਰਭਾਵਿਤ ਕਰ ਕੇ ਰੱਖ ਦਿੱਤਾ ਹੈ।ਅੱਜ ਪਿੰਡ ਕਾਉਂਕੇ ਕਲ਼ਾਂ ਵਿੱਚ ਠੰਡ ਕਾਰਨ ਪਾਰਾ 4 ਡਿਗਰੀ ਤੱਕ ਪਹੁੰਚ ਚੱੁਕਾ ਹੈ ਜਦਕਿ ਭਵਿੱਖਬਾਣੀ ਅਨੁਸਾਰ ਪੈ ਰਹੀ ਠੰਡ ਵਿੱਚ ਅਜੇ ਕੋਈ ਗਿਰਾਵਟ ਆਉਣ ਦੀ ਕੋਈ ਉਮੀਦ ਨਹੀ ਹੈ।ਪੇਡੂ ਖੇਤਰਾਂ ਵਿੱਚ ਸੀਤ ਲਹਿਰ ਦਾ ਭਾਰੀ ਅਸਰ ਵੇਖਣ ਨੂੰ ਮਿਲ ਰਿਹਾ ਹੈ।ਲੋਕ ਘਰਾਂ ਵਿੱਚ ਹੀ ਰਹਿਣ ਨੂੰ ਮਜਬੂਰ ਹਨ ਜਦਕਿ ਦੁਕਾਨਦਾਰਾਂ ਦਾ ਕੰਮ ਪੂਰੀ ਮੰਦੀ ਨਾਲ ਚੱਲ ਰਿਹਾ ਹੈ।ਬਹੁਤੇ ਦੁਕਾਨਦਾਰ ਤੇ ਪੇਂਡੂ ਵਸਨੀਕ ਦੁਕਾਨਾਂ ਜਾਂ ਘਰਾਂ ਨੇੜੇ ਅੱਗ ਛੇਕਣ ਲਈ ਮਜਬੂਰ ਹਨ।ਡਾਕਟਰਾਂ ਦੀਆਂ ਦੁਕਾਨਾਂ ਤੇ ਮਰੀਜਾਂ ਦੀ ਗਿਣਤੀ ਵਿੱਚ ਚੋਖਾ ਵਾਧਾ ਦਿਸ ਰਿਹਾ ਹੈ ਜਿਸ ਦਾ ਕਾਰਨ ਵਧੇਰੇ ਠੰਡ ਕਾਰਨ ਜੁਕਾਮ,ਖੰਗ,ਤੇ ਬੁਖਾਰ ਆਦਿ ਦੀਆਂ ਬਿਮਾਰੀਆਂ ਦਾ ਲੋਕ ਸਿਕਾਰ ਹੋ ਰਹੇ ਹਨ।ਸਰਦੀਆਂ ਦੀਆਂ ਮਿਲੀਆਂ ਛੱੁਟੀਆਂ ਹੋਣ ਦੇ ਬਾਵਜੂਦ ਵੀ ਬੱਚੇ ਆਪਣੇ ਕਿਸੇ ਰਿਸਤੇਦਾਰੀ ਵਿੱਚ ਜਾਣ ਦੀ ਥਾਂ ਆਪਣੇ ਘਰਾਂ ਵਿੱਚ ਹੀ ਰਹਿਣ ਨੂੰ ਮਜਬੂਰ ਹਨ ਜਿਸ ਕਾਰਨ ਉਹਨਾ ਦੀਆਂ ਸਰਦੀਆਂ ਦੀਆਂ ਛੱੁਟੀਆਂ ਦਾ ਸਵਾਦ ਫਿੱਕਾ ਪੈ ਰਿਹਾ ਹੈ।ਪੂਰੇ ਦਿਨ ਭਰ ਸੂਰਜ ਦੇ ਦਰਸਨ ਨਾ ਹੋਣ ਕਾਰਨ ਵਿਜੀਬਿਲਟੀ ਕਾਫੀ ਘੱਟ ਗਈ ਹੈ ਤੇ ਸਵੇਰੇ ਸਾਮ ਸੀਤ ਲਹਿਰ ਦੇ ਨਾਲ ਨਾਲ ਧੁੰਦ ਦਾ ਕਹਿਰ ਵੀ ਵਧ ਰਿਹਾ ਹੈ।ਧੁੰਦ ਤੇ ਸੀਤ ਲਹਿਰ ਦੇ ਕਾਰਨ ਅਨੇਕਾ ਹਾਦਸੇ ਵੀ ਹੋ ਰਹੇ ਹਨ ਜਿਸ ਨੂੰ ਮੱੁਖ ਰੱਖਦਿਆਂ ਮਾਹਿਰਾਂ ਵੱਲੋ ਜਿਆਦਾਤਾਰ ਲੋਕਾ ਨੂੰ ਦਿਨ ਵੇਲੇ ਹੀ ਸਫਰ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ ਜਾਂ ਫਿਰ ਪੂਰੀ ਸਾਵਧਾਨੀ ਜਾਂ ਪੂਰੀ ਲੋੜ ਸਮੇ ਜਾ ਜਿਆਦਾ ਸਮਾਂ ਘਰਾਂ ਵਿੱਚ ਹੀ ਰਹਿਣ ਦੀ ਸਲਾਹ ਦਿੱਤੀ ਜਾ ਰਹੀ ਹੈ।ਪੂਰਾਂ ਦਿਨ ਪੇਂਡੂ ਖੇਤਰਾਂ ਵਿੱਚ ਛੰਨਾਟਾ ਛਾਇਆ ਰਹਿੰਦਾ ਹੈ।ਠੰਡ ਕਾਰਨ ਰੋਜਮਰਾ ਜਿੰਦਗੀ ਨੂੰ ਬਰੇਕ ਲੱਗ ਗਈ ਹੈ ਜਿਸ ਕਾਰਨ ਬਹੁਤੇ ਪੇਂਡੂ ਮਜਦੂਰ ਕਾਮੇ ਨਿੱਤ ਦਿਨ ਕੰਮ ਧੰਦਾ ਕਰਕੇ ਦੋ ਡੰਗ ਦੀ ਰੋਟੀ ਦਾ ਵਸੀਲਾ ਬਨਾਉਣ ਤੋ ਵੀ ਮੁਥਾਜ ਹੋ ਕੇ ਰਹਿ ਗਏ ਹਨ।ਪੈ ਰਹੀ ਠੰਡ ਕਾਰਨ ਕੰਮਕਾਜ ਠੱਪ ਹੋ ਗਏ ਹਨ ਜਿਸ ਕਾਰਨ ਦਿਹਾੜੀਦਾਰ ਕਾਮੇ ਘਰਾਂ ਵਿੱਚ ਰਹਿਣ ਲਈ ਹੀ ਮਜਬੂਰ ਹਨ।ਪੈ ਰਹੀ ਠੰਡ ਕਿਸਾਨਾ ਦੀਆ ਫਸਲਾ ਲਈ ਲਾਹੇਵੰਦ ਵੀ ਸਾਬਿਤ ਹੋ ਰਹੀ ਤੇ ਇਸ ਵਾਰ ਬੀਜੀ ਕਣਕ ਦੀ ਫਸਲ ਲਈ ਠੰਡ ਲਾਹੇਵੰਦ ਹੁੰਦੀ ਹੈ ਜਿਸ ਕਾਰਨ ਕਣਕ ਦੀ ਫਸਲ ਦਾ ਝਾੜ ਵੱਧ ਨਿਕਲਦਾ ਹੈ।ਹੋਰਨਾਂ ਫਸਲਾ ਬਰਸੀਮ ,ਸਰੋਂ ਲਈ ਵੀ ਠੰਡ ਲਾਭਦਾਇਕ ਹੈ ਜਦਕਿ ਆਲੂ ਤੇ ਸਬਜੀਆਂ ਦੀ ਫਸਲ ਨੂੰ ਵੱਧ ਠੰਢ ਨੁਕਸਾਨ ਪਹੁੰਚਾ ਸਕਦੀ ਹੈ।ਬੇੱਸਕ ਦੁਪਹਿਰ ਵੇਲੇ ਕੁਝ ਸਮੇ ਲਈ ਸੂਰਜ ਦੇ ਨਿਕਲਣ ਨਾਲ ਲੋਕਾ ਦੇ ਚੇਹਰੇ ਤੇ ਰੌਣਕ ਵੇਖਣ ਨੂੰ ਮਿਲੀ ।