ਲੁਧਿਆਣਾ

ਜਗਰਾਉ 1 ਮਾਰਚ (ਅਮਿਤ ਖੰਨਾ)  ਜਗਰਾਉਂ ਦੀ ਮਸ਼ਹੂਰ ਸਮਾਜ ਸੇਵੀ ਸੰਸਥਾ  ਸ੍ਰੀ ਗੌਰੀ ਸ਼ੰਕਰ ਸੇਵਾ ਮੰਡਲ ਵਲੋਂ ਸ਼੍ਰੀ ਅਮਰਨਾਥ ਯਾਤਰਾ ਤੇ ਲਗਾਏ ਜਾਣ ਵਾਲੇ ਸਾਲਾਨਾ ਭੰਡਾਰੇ ਦੀ ਸ਼ੁਰੂਆਤ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ  ਹਵਨ ਯੱਗ ਨਾਲ ਕੀਤੀ ਗਈ ਇਸ ਸੰਬੰਧੀ ਜਾਣਕਾਰੀ ਸਾਂਝਾ ਕਰਦੇ ਹੋਏ ਪ੍ਰਧਾਨ ਵਿਵੇਕ ਗਰਗ ਅਤੇ   ਚੇਅਰਮੈਨ ਯੋਗਰਾਜ ਸ਼ਰਮਾ ਨੇ ਦੱਸਿਆ ਕਿ  ਕੋਰੋਨਾ ਮਹਾਂਮਾਰੀ ਕਾਰਨ ਸੰਸਥਾ ਵੱਲੋਂ ਦੋ ਸਾਲ ਭੰਡਾਰਾ ਭੰਡਾਰਾ ਨਹੀਂ ਲਗਾਇਆ ਜਾ ਸਕਿਆ , ਇਸ ਸਾਲ ਭੰਡਾਰਾ ਲੱਗਣ   ਦੀ ਉਮੀਦ ਜਾਗੀ ਹੈ ਜਿਸ ਕਾਰਨ  ਸਾਰੇ ਹੀ ਮੈਂਬਰਾਂ ਵਿੱਚ ਬਹੁਤ ਹੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ, ਉਨ੍ਹਾਂ ਦੱਸਿਆ ਕਿ ਅੱਜ ਦੇ ਹਵਨ ਯੱਗ ਵਿਚ  ਮੰਡਲ  ਦੇ ਕੈਸ਼ੀਅਰ ਵਰਿੰਦਰ ਗਰਗ ਸਚਿਨ ਲੂੰਬਾ ਸਕੱਤਰ ਗੋਪਾਲ ਸ਼ਰਮਾ ਫਾਊਂਡਰ ਮੈਂਬਰ ਅਸ਼ਵਨੀ ਕੁਮਾਰ ਲਾਲਾ  ਹੇਮਰਾਜ ਸਿੰਗਲਾ ਵਿਨੈ  ਗੌਰ ਸੰਜੀਵ ਮਲਹੋਤਰਾ ਸੁਖਦੀਪ ਨਾਹਰ   ਅਮਿਤ ਨਿਜਾਵਨ ਅਮਿਤ ਸ਼ਰਮਾ ਦੀਪਕ ਪਲਣ ਰਮਨ ਗੌਰ ਕਨ੍ਹੱਈਆ ਕੁਮਾਰ ਗੋਪੀ ਸ਼ਰਮਾ ਦੀਪਕ ਗੌਰ  ਜਗਦੀਸ਼ ਅਵਸਥੀ ਯੋਗੇਸ਼ ਸ਼ਰਮਾ ਚਰਨਜੀਤ ਸ਼ਰਮਾ ਮਨੀਸ਼  ਅੰਕੁਸ਼ ਗਰਗ  ਨੇ ਭਾਗ ਲਿਆ । ਉਨ੍ਹਾਂ ਦੱਸਿਆ ਕਿ ਸੰਸਥਾ ਵੱਲੋਂ ਭੰਡਾਰੇ ਦੀ ਰਵਾਇਤੀ ਸ਼ੁਰੂਆਤ ਹਵਨ ਯੱਗ ਨਾਲ ਹੀ ਸ਼ੁਰੂ ਹੋ ਜਾਂਦੀ ਹੈ  ਹੁਣ ਇੱਕ ਮੀਟਿੰਗ ਬੁਲਾਈ ਜਾਵੇਗੀ ਜਿਸ ਵਿਚ ਸ੍ਰੀ ਅਮਰਨਾਥ ਯਾਤਰਾ ਸ਼ੁਰੂ  ਹੋਣ ਦੇ ਨਾਲ ਹੀ ਭੰਡਾਰੇ ਨੂੰ ਵੀ ਸ਼ੁਰੂ ਕਰ ਦਿੱਤਾ ਜਾਵੇਗਾ ਜੋ ਸ਼ਿਵ ਇੱਛਾ ਤਕ ਚੱਲੇਗਾ । ਸੰਸਥਾ ਦੇ ਕੁਝ ਮੈਂਬਰ ਜਾ ਕੇ ਭੰਡਾਰਾ ਲਗਾਉਣ ਦਾ ਸਥਾਨ ਨਿਰਧਾਰਿਤ ਕਰਨ ਦੇ ਨਾਲ ਨਾਲ ਭੰਡਾਰੇ ਲਈ ਜੋ ਜੰਮੂ ਕਸ਼ਮੀਰ ਸਰਕਾਰ ਦੀਆਂ ਕਾਨੂੰਨੀ ਕਾਰਵਾਈਆਂ ਹਨ ਉਨ੍ਹਾਂ ਨੂੰ ਪੂਰਾ ਕਰਨਗੇ ਉਨ੍ਹਾਂ ਕਿਹਾ ਕਿ ਅਸੀਂ ਉਮੀਦ ਕਰਦੇ ਹਾਂ ਕਿ ਸੰਸਥਾ ਦੇ ਮੈਂਬਰਾਂ ਦੇ ਨਾਲ ਨਾਲ ਪੂਰਾ ਜਗਰਾਉਂ ਸ਼ਹਿਰ ਅਤੇ ਸਾਡੇ ਨਾਲ ਸੇਵਾ ਨਿਭਾਅ ਰਹੇ ਹੋਰ ਵੀ  ਸਤਿਕਾਰਯੋਗ  ਸੱਜਣ ਉਸੇ ਤਰ੍ਹਾਂ ਹੀ ਸਾਥ ਦੇਣਗੇ ਜਿਵੇਂ ਪਹਿਲਾਂ ਦਿੰਦੇ ਆ ਰਹੇ ਹਨ

ਜਗਰਾਉਂ 1 ਮਾਰਚ (ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ)ਅੱਜ ਪੁਰੇ ਦੇਸ਼ ਅੰਦਰ ਮਹਾਂ ਸ਼ਿਵਰਾਤਰੀ ਦਾ ਤਿਉਹਾਰ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ ਇਸ ਮੌਕੇ ਤੇ ਜਗਰਾਉਂ ਸਫਾਈ ਸੇਵਕ ਯੂਨੀਅਨ ਵੱਲੋਂ ਇਸ ਤਿਉਹਾਰ ਨੂੰ ਬੜੇ ਹੀ ਉਤਸ਼ਾਹ ਨਾਲ ਮਨਾਇਆ ਗਿਆ ਅਤੇ ਪੂਰੀਆਂ ਛੋਲੇ ਦਾ ਲੰਗਰ ਲਗਾਇਆ ਗਿਆ। ਇਸ ਲੰਗਰ ਵਿਚ ਸਮੂਹ ਸਫਾਈ ਸੇਵਕ ਯੂਨੀਅਨ ਵੱਲੋਂ ਵਧ ਕੇ ਚੜ ਕੇ ਹਿੱਸਾ ਪਾਇਆ ਤੇ ਆਪਣੇ ਹੱਥੀਂ ਸੇਵਾ ਵੀ ਕੀਤੀ ਗਈ। ਇਸ ਮੌਕੇ ਤੇ ਨਗਰ ਕੌਂਸਲ ਪ੍ਰਧਾਨ ਹਨ ਜੱਗਾ ਵਿਸ਼ੇਸ਼ ਤੌਰ ਤੇ ਪਹੁੰਚੇ,ਕੋਸਲਰ ਰਵਿੰਦਰ ਪਾਲ ਰਾਜੂ ਕਾਮਰੇਡ, ਜਗਜੀਤ ਸਿੰਘ ਜੱਗੀ,ਅਮਨ ਕਪੂਰ ਬੋਬੀ,ਰੋਕੀ ਗੋਇਲ, ਸਫਾਈ ਯੂਨੀਅਨ ਦੇ ਪ੍ਰਧਾਨ,ਗਵਰਧਨ ਰਾਮ, ਸੁਤੰਤਰ ਗਿੱਲ,ਪ੍ਰਦੀਪ ਕੁਮਾਰ,ਰਾਜ ਕੁਮਾਰ, ਰਜਿੰਦਰ ਕੁਮਾਰ, ਸੀਵਰੇਜ ਕਰਮਚਾਰੀ ਯੂਨੀਅਨ,ਰਾਜ ਕੁਮਾਰ ਲਖਵੀਰ ਸਿੰਘ,ਕਚੇ ਸਫਾਈ ਸੇਵਕ ਯੂਨੀਅਨ ਦੇ ਭੂਸ਼ਨ ਕੁਮਾਰ ਗਿਲ, ਸੁਖਵਿੰਦਰ ਸਿੰਘ, ਅਤੇ ਸਮੂਹ ਸਫਾਈ ਕਰਮਚਾਰੀ ਮੌਜੂਦ ਰਹੇ।

ਜਗਰਾਓ,ਹਠੂਰ,1,ਮਾਰਚ-(ਕੌਸ਼ਲ ਮੱਲ੍ਹਾ)-ਇਲਾਕੇ ਦੀ ਨਾਮਵਰ ਵਿੱਦਿਅਕ ਸੰਸਥਾ ਬੀ.ਬੀ.ਐੱਸ.ਬੀ ਕਾਨਵੈੱਟ ਸਕੂਲ ਸਿੱਧਵਾ ਬੇਟ ਦੀ ਪ੍ਰਬੰਧਕੀ ਕਮੇਟੀ ਦੀ ਅਗਵਾਈ ਹੇਠ ਸਕੂਲ ਵਿਖੇ ਸਲਾਨਾ ਇਨਾਮ ਵੰਡ ਸਮਾਗਮ ਕਰਵਾਇਆ ਗਿਆ।ਇਸ ਸਮਾਗਮ ਦੀ ਸ਼ੁਰੂਆਤ ਚੇਅਰਮੈਨ ਸਤੀਸ਼ ਕਾਲੜਾ, ਪ੍ਰਧਾਨ ਰਜਿੰਦਰ ਬਾਵਾ, ਵਾਈਸ ਚੇਅਰਮੈਨ ਹਰਕ੍ਰਿਸ਼ਨ ਭਗਵਾਨ ਦਾਸ ਬਾਵਾ, ਮੈਨੇਜਿੰਗ ਡਾਇਰੈਕਟਰ ਸ਼ਾਮ ਸੰੁਦਰ ਭਾਰਦਵਾਜ ਅਤੇ ਵਾਈਸ ਪ੍ਰੈਂਜੀਡੈਂਟ ਸ਼ਨੀ ਅਰੋੜਾ, ਡਾਇਰੈਕਟਰ ਰਾਜੀਵ ਸੱਗੜ,ਪ੍ਰਿੰਸੀਪਲ ਅਨੀਤਾ ਕੁਮਾਰੀ ਆਦਿ ਨੇ ਰੀਬਨ ਕੱਟ ਕੇ ਕੀਤੀ।ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਤਹਿਸੀਲਦਾਰ ਜਗਰਾਉਂ ਮਨਮੋਹਨ ਕੋਸ਼ਿਕ ਅਤੇ ਸ਼ੰੌ ਪ੍ਰਦੀਪ ਮਹਿੰਦਰਾ ਉਚੇਚੇ ਤੌਰ ਤੇ ਸਾਮਲ ਹੋਏ।ਇਸ ਮੌਕੇ ਪ੍ਰੋਗਰਾਮ ਦੀ ਸ਼ੁਰੂਆਤ ਆਏ ਹੋਏ ਮਹਿਮਾਨਾਂ, ਮੈਨੇਜਮੈਂਟ ਮੈਬਰਜ਼, ਸੂਸਮ ਕੌਸ਼ਿਕ, ਨਰੇਸ਼ ਵਰਮਾ,ਪ੍ਰਿੰਸੀਪਲ ਅਨੀਤਾ ਕੁਮਾਰੀ ਦੁਆਰਾ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਨੂੰ ਸ਼ਰਧਾਜਲੀ ਭੇਂਟ ਕਰਨ ਉਪਰੰਤ ਸ਼ਮ੍ਹਾਂ ਰੌਸ਼ਨ ਕਰਕੇ ਕੀਤੀ ਗਈ।ਸੁਰਆਤੀ ਰਸਮ ਤੋਂ ਬਾਅਦ ਪ੍ਰਮਾਤਮਾ ਦਾ ਆਸ਼ੀਰਵਾਦ ਲੈਂਦੇ ਹੋਏ ਬੱਚਿਆਂ ਦੁਆਰਾ ਬੜੀ ਸ਼ਰਧਾਂ ਤੇ ਭਾਵਨਾ ਨਾਲ ਸ਼ਬਦ ਗਾਇਨ ਅਤੇ ਗਣੇਸ਼ ਵੰਦਨਾ ਕਰਕੇ ਪ੍ਰੋਗਰਾਮ ਦਾ ਆਗਾਜ਼ ਕੀਤਾ ਗਿਆ।ਇਸ ਪ੍ਰੋਗਰਾਮ ਵਿੱਚ ਬੱਚਿਆਂ ਦੁਆਰਾ ਸੱਭਿਆਚਾਰ ਦੇ ਸਭ ਰੰਗਾਂ ਨੂੰ ਬਾਖੂਬੀ ਪੇਸ਼ ਕਰਦੇ ਹੋਏ ਔਰਤਾਂ ਦੀ ਬਹਾਦਰੀ ਦੀ ਪ੍ਰਤੀਕ-ਝਾਂਸੀ ਦੀ ਰਾਣੀ, ਸੋਸ਼ਲ ਮੀਡੀਆ (ਮੋਬਾਇਲ), ਕਦੇ ਨਾ ਹਾਰੋ, ਮੁਹਾਵਰੇ/ ਵਾਰਤਾਲਾਪ ਅਤੇ ਦੇਸ਼ ਭਗਤੀ ਦੀ ਮਾਈਮ ਆਦਿ ਪੇਸ਼ਕਾਰੀਆਂ ਨਾਲ ਸਮਾਜ ਦੇ ਲੋਕਾਂ ਨੂੰ ਸੁਚੱਜੇ ਸਮਾਜ ਨੂੰ ਸਿਰਜਣ ਦਾ ਸੁਨੇਹਾ ਦਿੱਤਾ ਗਿਆ।ਸਮਾਗਮ ਵਿੱਚ ਵਿਿਦਆਰਥੀਆਂ ਵੱਲੋਂ ਪੇਸ਼ ਕੀਤੀ ਗਈ "ਕਾਰਗਿਲ" ਨਾਲ ਸੰਬੰਿਧਤ ਕੋਰੀਉਗ੍ਰਾਫੀ ਨੇ ਹਰ ਇੱਕ ਮਹਿਮਾਨ ਦੀਆਂ ਅੱਖਾਂ ਨਮ ਕਰ ਦਿੱਤੀਆਂ। ਵਿਿਦਆਰਥਣਾਂ ਵੱਲੋਂ ਪੇਸ਼ ਕੋਰੀਉਗ੍ਰਾਫੀ "ਲੱਠੇ ਦੀ ਚਾਦਰ", "ਬਾਬਲ ਮੇਰੀਆ ਗੱੁਡੀਆਂ", "ਹੀਲ ਦ ਵਰਲਡ", "ਪੰਡਿਤ ਜੀ", “ਲੇਜ਼ੀ ਡਾਂਸ”, ਰਾਜਸਥਾਨੀ ਫੋਕ ਡਾਂਸ” ਅਤੇ “ਬਾਗਬਾਨ” ਨੂੰ ਵੀ ਮਹਿਮਾਨਾਂ ਵੱਲੋਂ ਖੂਬ ਸਲਾਹਿਆ ਗਿਆ।ਇਸ ਮੌਕੇ ਬੱਚਿਆਂ ਦੇ ਮੰਨੋਰੰਜਨ ਪੇਸ਼ਕਾਰੀਆਂ ਤੋਂ ਬਿਨਾ ਇਸ ਸਮਾਰੋਹ ਵਿੱਚ ਆਏ ਵਿਸ਼ੇਸ ਮਹਿਮਾਨਾਂ ਵੱਲੋਂ ਪੜ੍ਹਾਈ, ਸੱਭਿਆਚਾਰ, ਖੇਡਾਂ ਅਤੇ ਹੋਰ ਖੇਤਰਾਂ ਵਿੱਚ ਮੱਲ੍ਹਾਂ ਮਾਰਨ ਵਾਲੇ ਲਗਭਗ 250 ਵਿਿਦਆਰਥੀਆਂ ਨੂੰ ਇਨਾਮ ਤਕਸੀਮ ਕਰਕੇ ਉਹਨਾਂ ਦੀ ਹੌਸਲਾ ਅਫਜਾਈ ਕੀਤੀ ਗਈ। ਸਮਾਗਮ ਦੇ ਵਿਸ਼ੇਸ਼ ਮਹਿਮਾਨ ਤਹਿਸੀਲਦਾਰ ਮਨਮੋਹਨ ਕੋਸ਼ਿਕ ਨੇ ਸਮਾਗਮ ਨੂੰ ਸੰਬੋਧਨ ਕਰਦੇ ਹੋਏ ਇਸ ਨੂੰ ਇੱਕ ਸਫਲ ਸੱਭਿਆਚਾਰ ਪ੍ਰੋਗਰਾਮ ਐਲਾਨਿਆ ਅਤੇ ਉਹਨਾਂ ਸਕੂਲ ਚੇਅਰਮੈਨ ਸ਼ਤੀਸ਼ ਕਾਲੜਾ ਅਤੇ ਪ੍ਰਿੰਸੀਪਲ ਅਨੀਤਾ ਕੁਮਾਰੀ ਨੂੰ ਸਫਲ ਸਮਾਰੋਹ ਦੀ ਵਧਾਈ ਵੀ ਦਿੱਤੀ ਅਤੇ ਉਹਨਾਂ ਸਭ ਬੱਚਿਆਂ ਦੀ ਵਧੀਆਂ ਕਾਰਜਗਾਰੀ ਤੇ ਵਧਾਈ ਵੀ ਦਿੱਤੀ।ਇਸ ਮੌਕੇ ਉਨ੍ਹਾ ਨਾਲ ਅਮਰਜੀਤ ਸਿੰਘ ਮੱਲੀ੍ਹ ਸਾਬਕਾ ਸਰਪੰਚ, ਬੂਟਾ ਸਿੰਘ ਮੱਲ੍ਹੀ ਸ਼ੇਖਦੌਲਤ,ਅਮਨਦੀਪ ਸਿੰਘ ਸ਼ੇਖਦੌਲਤ,ਗੁਰਨਾਮ ਸਿੰਘ ਸਰਪੰਚ ਬਸੈਮੀ, ਜਗਦੀਸ਼ ਸਿੰਘ ਬਸੈਮੀ, ਮਾਸਟਰ ਬਾਲ ਕਿਸ਼ਨ, ਸੁਖਜੀਵਨ ਸਿੰਘ ਦਿਓਲ, ਸ਼ਮਸ਼ੇਰ ਸਿੰਘ ਸਰਪੰਚ ਸਦਰਪੁਰਾ, ਨਰੇਸ਼ ਵਰਮਾ ਪ੍ਰਿੰਸੀਪਲ ਆਰ. ਕੇ. ਸਕੂਲ ਜਗਰਾਂਉ,ਕਰਮ ਸਿੰਘ ਸੰਧੂ,ਸੱਤਪਾਲ ਦੇਹੜਕਾ,ਕੰਚਨ ਗੁਪਤਾ,ਹੈਪੀ ਫਾਰਮਾਸਿਸਟ,ਸੰਗੀਤ ਬਾਲਾ,ਗੁਲਸ਼ਨ ਕਾਲੜਾ, ਅਵਤਾਰ ਸਿੰਘ ਕੈਂਥ,ਗਗਨਦੀਪ ਬਾਵਾ,ਉਰਮਿਲਾ ਦੇਵੀ,ਰਾਜ ਰਾਣੀ ਆਦਿ ਹਾਜਰ ਸਨ।ਅੰਤ ਵਿਚ ਚੇਅਰਮੈਂਨ ਸਤੀਸ਼ ਕਾਲੜਾ ਨੇ ਆਏ ਹੋਏ ਮਹਿਮਾਨਾ ਦਾ ਧੰਨਵਾਦ ਕੀਤਾ ਅਤੇ ਸਕੂਲ ਪ੍ਰਿੰਸੀਪਲ ਅਨੀਤਾ ਕੁੁਮਾਰੀ ਦੁਆਰਾ ਸਕੂਲ ਦੀ ਸਲਾਨਾ ਰਿਪੋਰਟ ਪੜ੍ਹੀ ਗਈ ਜਿਸ ਵਿੱਚ ਉਹਨਾਂ ਨੇ ਸਕੂਲ ਦੀਆਂ ਉਪਲਬਧੀਆਂ ੳੱੁਪਰ ਚਾਨਣਾ ਪਾਇਆ ਅਤੇ ਉਹਨਾਂ ਆਏੇ ਹੋਏ ਮਾਪਿਆਂ ਅਤੇ ਮਹਿਮਾਨਾਂ ਦਾ ਧੰਨਵਾਦ ਕੀਤਾ।ਇਸ ਪ੍ਰਕਾਰ ਇਹ ਸਮਾਗਮ ਦਰਸ਼ਕਾਂ ਦੇ ਦਿੱਲ੍ਹਾਂ ੳੱੁਪਰ ਆਪਣੀ ਅਮਿੱਟ ਛਾਪ ਛੱਡਦਾ ਹੋਇਆ ਸਪੰਨ ਹੋਇਆ।
ਫੋਟੋ ਕੈਪਸਨ:- ਤਹਿਸੀਲਦਾਰ ਜਗਰਾਉਂ ਮਨਮੋਹਨ ਕੋਸ਼ਿਕ ਨੂੰ ਸਨਮਾਨਿਤ ਕਰਦੀ ਹੋਈ ਸਕੂਲ ਦੀ ਪ੍ਰਬੰਧਕੀ ਕਮੇਟੀ

ਵੱਡੀ ਗਿਣਤੀ ਵਿਚ ਇਕੱਠੇ ਹੋਏ ਕਿਸਾਨ ਮਜ਼ਦੂਰ ਆਗੂਆਂ ਵੱਲੋਂ ਕਿਸਾਨਾਂ ਦੀ ਆਲੂਆਂ ਦੀ ਫਸਲ ਅਤੇ ਹੋਰ ਫ਼ਸਲਾਂ ਖ਼ਰਾਬ ਹੋਣ ਦਾ ਮੁਆਵਜ਼ਾ  ਕਿਸਾਨ ਅੰਦੋਲਨ ਨਾਲ ਸ਼ਹੀਦ ਹੋਏ ਕਿਸਾਨਾਂ ਦੇ ਪਰਿਵਾਰ ਲਈ ਨੌਕਰੀ ਅਤੇ ਮੁਆਵਜ਼ਾ ਦੇਣ ਦੀ ਕੀਤੀ ਮੰਗ

 ਜਗਰਾਉਂ,28 ਫ਼ਰਵਰੀ (ਮਨਜਿੰਦਰ ਗਿੱਲ ) ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਵਲੋਂ ਅੱਜ ਸਥਾਨਕ ਵਧੀਕ ਡਿਪਟੀ ਕਮਿਸ਼ਨਰ ਮੈਡਮ ਨਯਨ ਜੱਸਲ ਅਤੇ ਐਸ ਡੀ ਐਮ ਜਗਰਾਂਓ ਸ਼੍ਰੀ ਵਿਕਾਸ ਹੀਰਾ ਦੇ ਦਫਤਰਾਂ ਅਗੇਂ ਰੋਹ ਭਰਪੂਰ ਰੋਸ ਧਰਨੇ ਦੇ ਕੇ ਲਿਖਤੀ ਮੰਗ ਪੱਤਰ ਪੇਸ਼ ਕੀਤੇ ਗਏ। ਮਹਿੰਦਰ ਸਿੰਘ ਕਮਾਲਪੁਰਾ ਜਿਲਾ ਪ੍ਰਧਾਨ ਦੀ ਅਗਵਾਈ ਚ ਦਿਤੇ ਇਨਾਂ  ਧਰਨਿਆਂ ਰਾਹੀ ਦੋਹਾਂ ਅਧਿਕਾਰੀਆਂ ਤੋਂ ਮੰਗ ਕੀਤੀ ਗਈ ਕਿ ਬੀਤੇ ਦਿਨਾਂ ਚ ਇਲਾਕੇ ਭਰ ਚ ਫਸਲਾਂ  ਵਿਸ਼ੇਸ਼ਕਰ ਆਲੂਆਂ ਦੇ ਖਰਾਬੇ ਦਾ ਮੁਆਵਜਾ ਪੀੜਤ ਕਿਸਾਨਾਂ ਨੂੰ ਜਲਦੀ ਦਿੱਤਾ ਜਾਵੇ। ਕਿਸਾਨ ਅੰਦੋਲਨ ਦੋਰਾਨ ਸ਼ਹੀਦ ਹੋਏ ਕਿਸਾਨਾਂ ਦੇ ਵਾਰਸਾਂ ਨੂੰ ਸਰਕਾਰੀ ਨੌਕਰੀ ਵਿਸ਼ੇਸ਼ਕਰ ਜਗਰਾਂਓ ਵਾਸੀ ਗੁਰਪ੍ਰੀਤ ਸਿੰਘ ਦੇ ਦੁੱਖੀ ਪਰਿਵਾਰ ਨੂੰ ਪੰਜ ਲੱਖ ਰੁਪਏ ਦਾ ਚੈਕ ਸਮੇਤ ਨੌਕਰੀ ਦਿੱਤੀ ਜਾਵੇ।ਇਸ ਸਮੇਂ ਪੇਸ਼ ਕੀਤੇ ਗਏ ਮੰਗ ਪੱਤਰ ਰਾਹੀਂ ਪ੍ਰਸਾਸ਼ਨ ਤੋਂ ਇਲਾਕੇ ਭਰ ਚ ਲਾਵਾਰਿਸ ਪਸ਼ੂਆਂ ਦੀ ਸੰਭਾਲ ਲਈ ਯੋਗ ਪ੍ਰਬੰਧ ਕੀਤੇ ਜਾਣਦੀ ਮੰਗ ਕੀਤੀ ਗਈ। ਮੰਗ ਪੱਤਰ ਚ ਦਰਜ ਕੀਤਾ ਗਿਆ ਕਿ ਲਾਵਾਰਿਸ ਪਸ਼ੂ ਪਿੰਡਾਂ ਚ ਫਸਲਾਂ ਦਾ ਭਾਰੀ ਨੁਕਸਾਨ ਕਰ ਰਹੇ ਹਨ ਅਤੇ ਸੜਕੀ ਹਾਦਸਿਆਂ ਚ ਕੀਮਤੀ ਜਾਨਾਂ ਜਾ ਰਹੀਆਂ ਹਨ।  ਜਿਲਾ ਸਕੱਤਰ ਇੰਦਰਜੀਤ ਸਿੰਘ ਧਾਲੀਵਾਲ ਨੇ ਦੱਸਿਆ ਕਿ ਇਨਾਂ ਮੰਗਾਂ ਦੀ ਪਹਿਲ ਦੇ ਆਧਾਰ ਤੇ ਪੂਰਤੀ ਨਾ ਹੋਣ ਦੀ ਸੂਰਤ ਚ ਇਨਾਂ ਅਧਿਕਾਰੀਆਂ ਦੇ ਦਫਤਰਾਂ ਅੱਗੇ ਪੱਕੇ ਧਰਨੇ ਲਗਾਏ ਜਾਣਗੇ।ਉਨਾਂ ਕਿਹਾ ਕਿ ਜਥੇਬੰਦੀ ਦੇ ਦਬਾਅ ਕਾਰਨ ਆਲੂਆਂ ਦੇ ਨੁਕਸਾਨ ਦੀ ਗਿਰਦਾਵਰੀ ਹੋ ਚੁੱਕੀ ਹੈ ਪਰ ਮੁਆਵਜੇ ਦੀ ਰਿਪੋਰਟ ਸਿਫਾਰਸ਼ ਸਹਿਤ ਸਬੰਧਤ ਅਧਿਕਾਰੀਆਂ ਨੂੰ ਅਜੇ ਤਕ ਨਹੀਂ ਭੇਜੀ ਗਈ।ਉਨਾਂ ਪੰਜਾਬ ਸਰਕਾਰ ਤੋਂ ਜਲਦੀ ਮੁਆਵਜਾ ਦਿਵਾਉਣ ਦੀ ਮੰਗ ਕੀਤੀ।ਸ਼ਹੀਦ ਪਰਿਵਾਰ ਮੰਗ ਪੁਰਤੀ ਨਾ ਹੋਣ ਕਾਰਨ ਬਿਲਕ ਰਹੇ ਹਨ। ਲਾਵਾਰਿਸ ਪਸ਼ੂਆਂ ਦੀ ਸੰਭਾਲ ਨੂੰ ਲੈ ਕੇ ਅਨੇਕਾਂ ਵਾਰ ਧਰਨੇ ਲਗਾਏ ਜਾ ਚੁੱਕੇ ਹਨ ਪਰ ਪਰਨਾਲਾ ਓਥੇ ਦਾ ਉਥੇ ਹੀ ਹੈ।ਅੱਜ ਦੇ ਇਸ ਧਰਨੇ ਚ  ਗੁਰਪ੍ਰੀਤ ਸਿੰਘ ਸਿਧਵਾਂ, ਜਗਤਾਰ ਸਿੰਘ ਦੇਹੜਕਾ,ਧਰਮ ਸਿੰਘ ਸੂਜਾਪੁਰ, ਬਲਦੇਵ ਸਿੰਘ ਸੰਧੂ ਮਾਣੂਕੇ, ਠਾਣਾ ਸਿੰਘ ਸੂਜਾਪੁਰ,  ਹਾਕਮ ਸਿੰਘ ਬਿੰਜਲ, ਦੇਵਿੰਦਰ ਸਿੰਘ ਗਾਲਬ , ਹਰਚੰਦ ਸਿੰਘ ਢੌਲਣ,  ਹਰਬੰਸ ਸਿੰਘ ਬਾਰਦੇਕੇ, ਬਲਬੀਰ ਸਿੰਘ ਅਗਵਾੜ ਲੋਪੋ,  ਜਗਜੀਤ ਸਿੰਘ ਕਲੇਰ, ਪਰਮਜੀਤ ਸਿੰਘ ਸੱਵਦੀ,ਜਗਦੀਪ ਸਿੰਘ ਕੋਠੇ ਖੰਜੂਰਾਂ, ਅਜਾਇਬ ਸਿੰਘ ਕੋਠੇ ਸ਼ੇਰਜੰਗ,  ਮਦਨ ਸਿੰਘ ਆਦਿ ਹਾਜਰ ਸਨ।