ਅੰਤਰਰਾਸ਼ਟਰੀ

ਵਾਸ਼ਿੰਗਟਨ, 23 ਅਗਸਤ (ਏਜੰਸੀ ) ਅਮਰੀਕੀ ਸਿੱਖ ਸੰਸਥਾ ‘ਯੂਨਾਈਟਿਡ ਸਿੱਖਸ’ ਨੇ ਇੱਕ ਬਿਆਨ ਰਾਹੀਂ  ਦਾਅਵਾ ਕੀਤਾ ਹੈ ਕਿ ਕਾਬੁਲ ਦੇ ਗੁਰਦੁਆਰਾ ‘ਕਰਤੇ ਪਰਵਾਨ’ ਵਿੱਚ ਪਨਾਹ ਲਈ ਬੈਠੇ 260 ਤੋਂ ਵੱਧ ਅਫ਼ਗ਼ਾਨ ਸਿੱਖਾਂ ਨੂੰ ਅਫ਼ਗ਼ਾਨਿਸਤਾਨ ਤੋਂ ਸੁਰੱਖਿਅਤ ਬਾਹਰ ਨਿਕਲਣ ਲਈ ਮਦਦ ਦੀ ਉਡੀਕ ਹੈ। ਸੰਸਥਾ ਨੇ ਇਕ ਬਿਆਨ ਵਿੱਚ ਕਿਹਾ ਕਿ ਕਾਬੁਲ ਦੇ ਇਸ ਗੁਰਦੁਆਰੇ ਵਿੱਚ 260 ਤੋਂ ਵੱਧ ਅਫ਼ਗਾਨ ਸਿੱਖ ਨਾਗਰਿਕ ਮੌਜੂਦ ਹਨ, ਜਿਨ੍ਹਾਂ ਵਿੱਚ ਔਰਤਾਂ ਤੇ 50 ਤੋਂ ਵੱਧ ਬੱਚੇ ਵੀ ਸ਼ਾਮਲ ਹਨ। ਇਨ੍ਹਾਂ ਵਿੱਚ ਤਿੰਨ ਨਵਜੰਮੇ ਵੀ ਹਨ ਤੇ ਇਕ ਬੱਚੇ ਨੇ ਤਾਂ ਸ਼ਨਿੱਚਰਵਾਰ ਨੂੰ ਹੀ ਜਨਮ ਲਿਆ ਹੈ। ਚੇਤੇ ਰਹੇ ਕਿ ਭਾਰਤ ਤੋਂ ਛੁੱਟ ਕਿਸੇ ਵੀ ਹੋਰ ਮੁਲਕ ਨੇ ਅਜੇ ਤੱਕ ਅਫ਼ਗ਼ਾਨ ਸਿੱਖਾਂ ਦੀ ਬਾਂਹ ਨਹੀਂ ਫੜੀ। ਯੂਨਾਈਟਿਡ ਸਿੱਖਸ ਨੇ ਕਿਹਾ, ‘‘ਅਸੀਂ ਅਮਰੀਕਾ, ਕੈਨੇਡਾ, ਪਾਕਿਸਤਾਨ, ਆਸਟਰੇਲੀਆ, ਨਿਊਜ਼ੀਲੈਂਡ, ਤਾਜੀਕਿਸਤਾਨ, ਇਰਾਨ ਤੇ ਯੂਕੇ ਸਮੇਤ ਕੁਝ ਹੋਰਨਾਂ ਦੇ ਸੰਪਰਕ ਵਿੱਚ ਹਾਂ। ਇਸੇ ਤਰ੍ਹਾਂ ਕੌਮਾਂਤਰੀ ਏਡ ਏਜੰਸੀਆਂ ਤੇ ਗੈਰਸਰਕਾਰੀ ਜਥੇਬੰਦੀਆਂ (ਐੱਨਜੀਓਜ਼) ਨਾਲ ਵੀ ਰਾਬਤ ਕਰਨ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ ਤਾਂ ਕਿ ਅਫ਼ਗਾਨਿਸਤਾਨ ਵਿੱਚ ਰਾਹਤ ਕਾਰਜ ਯਕੀਨੀ ਬਣਾਏ ਜਾ ਸਕਣ। ਅਮਰੀਕੀ ਸੰਸਥਾ ਮੁਤਾਬਕ ਗੁਰਦੁਆਰਾ ਕਰਤੇ ਪਰਵਾਨ ਤੋਂ ਕਾਬੁਲ ਦੇ ਕੌਮਾਂਤਰੀ ਹਵਾਈ ਅੱਡੇ ਤੱਕ ਦਾ ਫ਼ਾਸਲਾ 10 ਕਿਲੋਮੀਟਰ ਦਾ ਹੈ, ਪਰ ਰਸਤੇ ਵਿੱਚ ਤਾਲਿਬਾਨ ਲੜਾਕਿਆਂ ਵੱਲੋਂ ਲਾਏ ਨਾਕੇ ਸਭ ਤੋਂ ਵੱਡੀ ਚੁਣੌਤੀ ਹੈ। ਗੁਰਦੁਆਰੇ ’ਚ ਪਨਾਹ ਲਈ ਬੈਠੇ ਜਲਾਲਾਬਾਦ ਨਾਲ ਸਬੰਧਤ ਸੁਰਬੀਰ ਸਿੰਘ ਨੇ ਕਿਹਾ, ‘‘ਅਸੀਂ ਹਵਾਈ ਅੱਡੇ ’ਤੇ ਜਾਣ ਲਈ ਤਿਆਰ ਹਾਂ, ਪਰ ਸਾਨੂੰ ਡਰ ਹੈ ਕਿ ਕਿਤੇ ਕਾਬੁਲ ਹਵਾਈ ਅੱਡੇ ’ਤੇ ਉਡਾਣਾਂ ਰੱਦ ਨਾ ਹੋ ਜਾਣ। ਕਿਉਂਕਿ ਔਰਤਾਂ, ਬੱਚਿਆਂ, ਬਜ਼ੁਰਗਾਂ ਤੇ ਬਾਲਾਂ ਨੂੰ ਮੁਲਕ ’ਚੋਂ ਬਾਹਰ ਕੱਢਣ ਦਾ ਇਹੀ ਸਾਡੇ ਕੋਲ ਇਕ ਮੌਕਾ ਹੋਵੇਗਾ। ਇਕ ਵਾਰੀ ਮੌਜੂਦਾ ਹੁਕਮਰਾਨਾਂ (ਤਾਲਿਬਾਨ) ਨੇ ਪੂਰੇ ਮੁਲਕ ’ਤੇ ਕਬਜ਼ਾ ਕਰ ਲਿਆ, ਇਹ ਸਾਡੇ ਭਾਈਚਾਰੇ ਦਾ ਅੰਤ ਹੋਵੇਗਾ।’’

ਇਟਲੀ ( 16 ਅਗਸਤ ) ਸਾਹਿਤ ਸੁਰ ਸੰਗਮ ਸਭਾ ਇਟਲੀ ਵੱਲੋਂ ਜ਼ੂਮ ਦੇ ਬੋਹੜ ਉੱਪਰ ਸਭਾ ਦੇ ਪ੍ਰਧਾਂਨ ਬਲਵਿੰਦਰ ਸਿੰਘ ਚਾਹਲ ਦੀ ਪ੍ਰਧਾਂਨਗੀ ਹੇਠ ਨਿਰਵੈਲ ਸਿੰਘ ਢਿੱਲੋਂ ਦੇ ਗੀਤਾਂ ਉੱਪਰ ਚਰਚਾ ਕਰਨ ਹਿੱਤ ਆਨਲਾਈਨ ਸਮਾਗਮ ਕੀਤਾ ਗਿਆ। ਸਭਾ ਦੇ ਮੰਚ ਸੰਚਾਲਕ ਦਲਜਿੰਦਰ ਰਹਿਲ ਨੇ ਸ਼ੁਰੂਆਤ ਕਰਦਿਆਂ ਉੱਪ ਪ੍ਰਧਾਨ ਰਾਣਾ ਅਠੌਲਾ ਨੂੰ ਸੱਦਾ ਦਿੱਤਾ। ਜਿਹਨਾਂ ਨੇ ਨਿਰਵੈਲ ਸਿੰਘ ਢਿੱਲੋਂ ਨੂੰ ਸਮਰਪਿਤ ਭਾਵਪੂਰਤ ਸ਼ੇਅਰ ਦੁਆਰਾ ਬੜੇ ਸੁੰਦਰ ਸ਼ਬਦਾਂ ਵਿੱਚ ਸ਼ੁਰੂਆਤ ਕੀਤੀ। ਇਸ ਤੋਂ ਬਾਅਦ ਬਲਵਿੰਦਰ ਸਿੰਘ ਚਾਹਲ ਨੇ ਨਿਰਵੈਲ ਸਿੰਘ ਢਿੱਲੋਂ ਬਾਰੇ ਬੋਲਦੇ ਹੋਏ ਉਹਨਾਂ ਦੇ ਸਾਹਿਤਕ ਜੀਵਨ ਅਤੇ ਸ਼਼ਖਸੀਅਤ ਤੇ ਚਾਨਣਾ ਪਾਇਆ। ਇਸ ਤੋਂ ਬਾਅਦ ਬਿੰਦਰ ਕੋਲੀਆਂਵਾਲ ਨੇ ਨਿਰਵੈਲ ਸਿੰਘ ਢਿੱਲੋਂ ਦੇ ਗੀਤਕਾਰੀ ਸਫਰ ਅਤੇ ਸਭਾ ਵਿੱਚ ਆਮਦ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਸਾਂਝੀ ਕੀਤੀ। ਪੰਜਾਬੀ ਲੋਕ ਗਾਇਕ ਗੁਰਮੀਤ ਮੀਤ ਜੀ ਨੇ ਜਿੱਥੇ ਉਹਨਾਂ ਦਾ ਲਿਖਿਆ ਗੀਤ ਗਾ ਕੇ ਸੁਣਾਇਆ ਉੱਥੇ ਇਹ ਵੀ ਦੱਸਿਆ ਕਿ ਨਿਰਵੈਲ ਸਿੰਘ ਢਿੱਲੋਂ ਨੇ “ਰੁੱਖ, ਕੁੱਖ ਤੇ ਪਾਣੀ” ਗੀਤ ਦੁਆਰਾ ਆਪਣੀ ਪਰਪੱਕ ਗੀਤਕਾਰੀ, ਆਪਣੀ ਉੱਚੂ ਸੁੱਚੀ ਸੋਚ ਅਤੇ ਸਮਾਜ ਪ੍ਰਤੀ ਜਿ਼ਮੇਵਾਰੀ ਦਾ ਅਹਿਸਾਸ ਕਰਵਾਇਆ ਹੈ। ਇਸ ਤੋਂ ਬਾਅਦ ਪੰਜਾਬੀ ਗਾਇਕ ਬਲਵੀਰ ਸ਼ੇਰਪੁਰੀ ਨੇ ਨਿਰਵੈਲ ਸਿੰਘ ਢਿੱਲੋਂ ਦੇ ਗੀਤ ਖਾਲਸਾ ਪੰਥ, ਪਵਿੱਤਰ ਕਾਲੀ ਵੇਂਈ, ਪੈਸਾ ਪੈਸਾ, ਜੁੱਗ ਜੁੱਗ ਜੀੳ, ਧੀਆਂ ਅਤੇ ਹੋਰ ਕਈ ਗੀਤਾਂ ਨੂੰ ਸਭ ਨਾਲ ਸਾਂਝਾ ਕੀਤਾ ਅਤੇ ਦੱਸਿਆ ਕਿ ਢਿੱਲੋਂ ਸਾਹਿਬ ਸਦਾ ਹੀ ਸਾਫ ਸੁਥਰੀ ਗੀਤਕਾਰੀ ਅਤੇ ਗਾਇਕੀ ਦੇ ਹੱਕ ਵਿੱਚ ਰਹੇ ਹਨ। ਪ੍ਰੋ: ਜਸਪਾਲ ਸਿੰਘ ਇਟਲੀ ਨੇ ਵੀ ਇਸ ਸਮੇਂ ਬੋਲਦੇ ਨਿਰਵੈਲ ਸਿੰਘ ਢਿੱਲੋਂ ਦੀ ਵਿਲੱਖਣ ਗੀਤਕਾਰੀ ਦੀ ਪ੍ਰੋੜਤਾ ਕੀਤੀ ਅਤੇ ਅਜਿਹੀ ਸੋਚ ਦੇ ਪਹਿਰਾ ਦੇਣ ਲਈ ਉਹਨਾਂ ਦਾ ਖਾਸ ਤੌਰ ਤੇ ਧੰਨਵਾਦ ਵੀ ਕੀਤਾ। ਗੀਤਕਾਰ ਸਿੱਕੀ ਝੱਜੀ ਪਿੰਡ ਵਾਲਾ ਨੇ ਨਿਰਵੈਲ ਸਿੰਘ ਢਿੱਲੋਂ ਦੇ ਗੀਤਾਂ ਬਾਰੇ ਬੋਲਦੇ ਹੋਏ ਕਿਹਾ ਕਿ ਢਿੱਲੋਂ ਸਾਹਿਬ ਦੇ ਗੀਤ ਸਮਾਜ ਲਈ ਇੱਕ ਚੰਗਾ ਸੁਨੇਹਾ ਹਨ। ਦਲਜਿੰਦਰ ਰਹਿਲ ਨੇ ਕਿਹਾ ਕਿ ਬੇਸ਼ੱਕ ਨਿਰਵੈਲ ਸਿੰਘ ਢਿੱਲੋਂ ਕਮਰਸ਼ੀਅਲ ਗੀਤਕਾਰ ਨਹੀਂ ਹੈ। ਪਰ ਜੋ ਸੁਨੇਹਾ ਉਹ ਸਮਾਜ ਲਈ ਦੇ ਰਹੇ ਹਨ ਉਹ ਇੱਕ ਸਮਰੱਥ ਗੀਤਕਾਰ ਹੀ ਦੇ ਸਕਦਾ ਹੈ।ਨਿਰਵੈਲ ਸਿੰਘ ਢਿਲੋਂ ਨੇ ਇਸ ਸਮਾਗਮ ਲਈ ਸਭਾ ਦਾ ਧੰਨਵਾਦ ਕਰਦਿਆਂ ਭਵਿੱਖ ਵਿੱਚ ਵੀ ਸਾਫ ਸੁਥਰੀ ਤੇ ਸਮਾਜਿਕ ਸੇਧ ਵਾਲੀ ਗੀਤਕਾਰੀ ਦੀ ਵਚਨਬੱਧਤਾ ਦੁਹਰਾਈ, ਅੰਤ ਵਿੱਚ ਬਲਵਿੰਦਰ ਸਿੰਘ ਚਾਹਲ ਨੇ ਸਭ ਦਾ ਜਿੱਥੇ ਧੰਨਵਾਦ ਕੀਤਾ ਉੱਥੇ ਨਿਰਵੈਲ ਸਿੰਘ ਢਿੱਲੋਂ ਬਾਰੇ ਕਿਹਾ ਕਿ ਅਜਿਹੇ ਪਰਿਵਾਰਕ, ਸਭਿਆਚਾਰਕ ਅਤੇ ਸਮਾਜਿਕ ਵਿਸਿ਼ਆਂ ਉੱਪਰ ਲਿਖੇ ਨਿਰਵੈਲ ਸਿੰਘ ਢਿੱਲੋਂ ਦੇ ਗੀਤਾਂ ਬਾਰੇ ਗੱਲਬਾਤ ਕਰਦਿਆਂ ਅਸੀਂ ਆਪਣੇ ਨੂੰ ਮਾਣ ਮੱਤਾ ਮਹਿਸੂਸ ਕਰਦੇ ਹਾਂ। ਦਲਜਿੰਦਰ ਰਹਿਲ ਦੀ ਸੰਚਾਲਨਾ ਬਲਾਂਕਮਾਲ ਸੀ ਜਿਸ ਵਿੱਚ ਉਹ ਆਪਣੇ ਪ੍ਰਭਾਵਸ਼ਾਲੀ ਸ਼ਾਇਰਾਨਾ ਅੰਦਾਜ਼ ਵਿੱਚ ਸਭ ਨੂੰ ਪ੍ਰਭਾਵਿਤ ਕਰਨ ਵਿੱਚ ਸਫਲ ਰਹੇ।

 ਪਾਕਿਸਤਾਨ ਦੇ ਕਈ ਸ਼ਹਿਰ ਪਿਛਲੇ ਕਈ ਦਿਨਾਂ ਤੋਂ ਪਾਣੀ-ਪਾਣੀ ਨੂੰ ਮੁਹਤਾਜ ਹੋ ਰਹੇ ਹਨ। ਕਈ ਸ਼ਹਿਰਾਂ ’ਚ ਰਹਿਣ ਵਾਲੇ ਲੋਕਾਂ ਨੂੰ ਜ਼ਰੂਰਤ ਦੇ ਹਿਸਾਬ ਨਾਲ ਪਾਣੀ ਨਹੀਂ ਮਿਲ ਰਿਹਾ। ਸਰਕਾਰ ਨੇ ਨੈਸ਼ਨਲ ਅਸੈਂਬਲੀ ’ਚ ਇਸ ਨੂੰ ਲੈ ਕੇ ਜੋ ਅੰਕੜੇ ਪੇਸ਼ ਕੀਤੇ ਹਨ ਉਹ ਵੀ ਇਸ ਦੀ ਗਵਾਹੀ ਦੇ ਰਹੇ ਹਨ। ਪਾਕਿਸਤਾਨ ਦੇ ਵਿਗਿਆਨ ਤਕਨੀਕ ਮੰਤਰੀ ਸ਼ਿਬਲੀ ਫਰਾਜ ਨੇ ਸਰਕਾਰ ਵੱਲੋ ਸਦਨ ’ਚ ਇਹ ਅੰਕੜੇ ਪੇਸ਼ ਕੀਤੇ ਹਨ। ਸਰਕਾਰ ਵੱਲੋ ਇਹ ਅੰਕੜੇ ਉਨ੍ਹਾਂ ਸਵਾਲਾਂ ਦੇ ਜਵਾਬਾਂ ’ਚ ਪੇਸ਼ ਕੀਤੇ ਹਨ ਜਿਸ ’ਚ ਸਰਕਾਰ ’ਤੇ ਕਈ ਸ਼ਹਿਰਾਂ ਨੂੰ ਪਾਣੀ ਦੀ ਉੱਚ ਮਾਤਰਾ ਮੁਹੱਈਆ ਨਾ ਕਰਵਾਉਣ ਦਾ ਦੋਸ਼ ਲਗਾਇਆ ਗਿਆ ਸੀ। ਵਿਰੋਧੀ ਧਿਰ ਦੇ ਸਵਾਲਾਂ ਦੇ ਜਵਾਬ ’ਚ ਸਰਕਾਰ ਦੁਆਰਾ ਪੇਸ਼ ਅੰਕੜਿਆਂ ਅਨੁਸਾਰ 29 ਸ਼ਹਿਰਾਂ ਦੇ ਅੰਡਰਗ੍ਰਾਊਂਡ ਵਾਟਰ ਦੀ ਪਾਕਿਸਤਾਨ ਕੌਂਸਲ ਆਫ਼ ਰਿਸਰਚ ਆਫ ਵਾਟਰ ਰਿਸੋਸੀਸੇਜ ਦੁਆਰਾ ਜਾਂਚ ਕੀਤੀ ਗਈ ਹੈ। ਇਸ ਜਾਂਚ ਦੀ ਰਿਪੋਰਟ ਬੇਹੱਦ ਹੈਰਾਨੀਜਨਕ ਹੈ। ਇਸ ’ਚ ਕਿਹਾ ਗਿਆ ਹੈ ਕਿ ਜਾਂਚ ਦੌਰਾਨ 29 ’ਚੋ 20 ਸ਼ਹਿਰਾਂ ’ਚ ਵੱਖ-ਵੱਖ ਸਰੋਤਾਂ ਤੋਂ ਲਏ ਗਏ ਕਰੀਬ 50 ਫੀਸਦੀ ਪਾਣੀ ਨੂੰ ਇਸਤਾਮਲ ਦੇ ਕਾਬਿਲ ਨਹੀਂ ਪਾਇਆ ਗਿਆ। PCRWR ਨੇ ਆਪਣੀ ਰਿਰਪੋਰਟ ’ਚ ਕਿਹਾ ਹੈ ਕਿ ਦੇਸ਼ ਤਿੰਨ ਸ਼ਹਿਰ ਜਿਸ ’ਚ ਸਿੰਧ ਤੇ ਗਿਲਗਿਟ ਦੇ ਮੀਰਪੁਰਖਾਸ, ਸ਼ਹਿਰ ਬੇਨਜੀਰਬਾਦ ਸ਼ਾਮਲ ਹਨ, ਮੈਂ 100 ਫੀਸਦੀ ਪਾਣੀ ਪੀਣ ਲਈ ਅਸੁਰੱਖਿਅਤ ਹੈ। ਇਸ ਦੇ ਇਲਾਵਾ ਸਿਆਲਕੋਟ ਦੇ ਕਰੀਬ ਨੌ ਸਰੋਤਾਂ ਤੋਂ ਲਏ ਗਏ ਪਾਣੀ ਦੇ ਨਮੂਨੇ ਪੀਣ ਦੇ ਲਿਹਾਜ ਨਾਲ ਪੂਰੀ ਤਰ੍ਹਾਂ ਨਾਲ ਸੁਰੱਖਿਅਤ ਪਾਏ ਗਏ ਹਨ। ਏਸ਼ੀਆ ਦੇ ਇਸ ਹਿੱਸੇ ਵਿੱਚ ਬਸੇ  ਲੋਕਾਂ ਨੂੰ ਅੱਜ ਵਿਚਾਰ ਲੈਣਾ ਚਾਹੀਦਾ ਹੈ ਕਿ ਜੇਕਰ ਇਹ ਪਾਣੀ ਦੀ ਕਿੱਲਤ ਇਸ ਤਰ੍ਹਾਂ ਹੀ ਵਧਦੀ ਗਈ ਤਾਂ ਦੱਸ ਪੰਦਰਾਂ ਸਾਲ ਤੋਂ ਬਾਅਦ  ਸ਼ਾਇਦ   ਇਸ ਧਰਤੀ ਉੱਪਰ ਆਪਣੇ ਜੀਵਨ ਨੂੰ ਜਿਉਣਾ ਬਹੁਤ ਕਠਨ ਹੋ ਜਾਵੇਗਾ ।ਜੇ ਗੱਲ ਕਰੀਏ ਤਾਂ ਚੜ੍ਹਦੇ ਪੰਜਾਬ ਰਾਜਸਥਾਨ ਵਿਚ ਪਹਿਲਾਂ ਹੀ ਪਾਣੀ ਦੀ ਬਹੁਤ ਵੱਡੀ ਕਿੱਲਤ ਅਤੇ ਪਾਣੀ ਦੇ ਮਨੁੱਖ ਦੇ ਯੋਗ ਨਾ ਹੋਣਾ ਬਹੁਤ ਵੱਡੀ ਤਬਾਹੀ ਦਾ ਕਾਰਨ ਬਣਦਾ ਜਾ ਰਿਹਾ ਹੈ । ਅਫ਼ਸੋਸ ਦੀ ਗੱਲ ਹੈ ਕਿ ਸਰਕਾਰਾਂ ਵੱਲੋਂ ਕੀਤੇ ਜਾ ਰਹੇ ਵਸੀਲੇ 0% ਸਾਬਤ ਹੋ ਰਹੇ ਹਨ  ।   ਅਮਨਜੀਤ ਸਿੰਘ ਖਹਿਰਾ    

ਵੁਹਾਨ ਲੈਬ ਤੋਂ ਹੀ ਲੀਕ ਹੋਇਆ ਸੀ ਕੋਰੋਨਾ, ਅਮਰੀਕੀ ਖੁਫ਼ੀਆ ਏਜੰਸੀਆਂ ਦੇ ਹੱਥ ਲੱਗਾ ਚੀਨ ਦੀ ਲੈਬ ਦਾ ਡਾਟਾ

ਵਾਸ਼ਿੰਗਟਨ (ਜਨ ਸ਼ਕਤੀ ਨਿਊਜ਼ ਬਿਊਰੋ  ) : ਕੋਵਿਡ-19 ਮਹਾਮਾਰੀ ਦੇ ਪੈਦਾ ਹੋਣ ਦਾ ਸਰੋਤ ਲੱਭਣ 'ਚ ਲੱਗੀਆਂ ਅਮਰੀਕੀ ਖ਼ੁਫ਼ੀਆ ਏਜੰਸੀਆਂ ਨੂੰ ਅਜਿਹਾ ਜੈਨੇਟਿਕ ਡਾਟਾ ਮਿਲਿਆ ਹੈ ਜਿਸ ਨਾਲ ਕੋਰੋਨਾ ਵਾਇਰਸ ਦੇ ਚੀਨ ਦੀ ਵੁਹਾਨ ਲੈਬ 'ਚ ਪੈਦਾ ਹੋਣ ਤੇ ਉੱਥੋਂ ਬਾਹਰ ਆਉਣ ਦੀ ਸ਼ੰਕਾ ਦੀ ਪੁਸ਼ਟੀ ਹੋ ਰਹੀ ਹੈ। ਅਮਰੀਕੀ ਦਾਅਵਿਆਂ ਦਰਮਿਆਨ ਵਿਸ਼ਵ ਸਿਹਤ ਸੰਗਠਨ (ਡਬਲਿਊਐੱਚਓ) ਨੇ ਚੀਨ ਨੂੰ ਨਵੀਂ ਜਾਂਚ ਪ੍ਰਕਿਰਿਆ 'ਚ ਸਹਿਯੋਗ ਕਰਨ ਦੀ ਅਪੀਲ ਕੀਤੀ ਹੈ। ਜਦਕਿ ਚੀਨ ਨੇ ਡਬਲਿਊਐੱਚਓ ਨੂੰ ਕੋਰੋਨਾ ਵਾਇਰਸ ਦੇ ਕਿਸੇ ਹੋਰ ਦੇਸ਼ 'ਚ ਪੈਦਾ ਹੋਣ ਦੀ ਸੰਭਾਵਨਾ 'ਤੇ ਜਾਂਚ ਕਰਨ ਲਈ ਕਿਹਾ ਹੈ।

ਹਾਲੇ ਇਹ ਸਪਸ਼ਟ ਨਹੀਂ ਹੋ ਸਕਿਆ ਹੈ ਕਿ ਅਮਰੀਕੀ ਖ਼ੁਫ਼ੀਆ ਏਜੰਸੀਆਂ ਨੇ ਵੁਹਾਨ ਲੈਬ ਨਾਲ ਸਬੰਧਤ ਡਾਟਾ ਕਿੱਥੋਂ ਪ੍ਰਰਾਪਤ ਕੀਤਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਡਾਟਾ ਕਲਾਊਡ ਅਧਾਰਤ ਸਰਵਰ ਨੈੱਟਵਰਕ ਰਾਹੀਂ ਅਮਰੀਕੀ ਏਜੰਸੀਆਂ ਨੂੰ ਪ੍ਰਰਾਪਤ ਹੋਇਆ ਜਾਂ ਵੁਹਾਨ ਲੈਬ ਦਾ ਡਾਟਾ ਹੈਕ ਕੀਤਾ ਗਿਆ। ਸੀਐੱਨਐੱਨ ਦੇ ਸੂਤਰਾਂ ਦੇ ਹਵਾਲੇ ਨਾਲ ਇਸ ਸੰਭਾਵਨਾ 'ਤੇ ਰੋਸ਼ਨੀ ਪਾਈ ਹੈ। ਅਮਰੀਕੀ ਪ੍ਰਸ਼ਾਸਨ ਦੇ ਜ਼ਿਆਦਾਤਰ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਕੋਵਿਡ ਮਹਾਮਾਰੀ ਵੁਹਾਨ ਲੈਬ 'ਚੋਂ ਨਿਕਲੀ ਹੈ। ਪਰ ਚੀਨ ਸਰਕਾਰ ਇਸ ਸ਼ੰਕਾ ਨੂੰ ਸਵੀਕਾਰ ਕਰਨ ਲਈ ਬਿਲਕੁਲ ਤਿਆਰ ਨਹੀਂ ਹੈ। ਆਈਏਐੱਨਐੱਸ ਮੁਤਾਬਕ ਉਹ ਕੋਵਿਡ ਦੇ ਚੀਨ 'ਚ ਪੈਦਾ ਹੋਣ ਦੀ ਸੱਚਾਈ ਨੂੰ ਨਕਾਰਦੇ ਹੋਏ ਹੋਰਨਾਂ ਦੇਸ਼ਾਂ ਵੱਲ ਉਂਗਲੀ ਚੁੱਕ ਰਹੀ ਹੈ। ਚੀਨ ਡਬਲਿਊਐੱਚਓ ਤੋਂ ਮੰਗ ਕਰ ਰਿਹਾ ਹੈ ਕਿ ਕੋਰੋਨਾ ਵਾਇਰਸ ਹੋਰ ਦੇਸ਼ 'ਚ ਪੈਦਾ ਹੋਣ ਦੀ ਜਾਂਚ ਕੀਤੀ ਜਾਵੇ। ਇਸ ਸਿਲਸਿਲੇ 'ਚ ਉਹ ਵੱਖ-ਵੱਖ ਦੇਸ਼ਾਂ 'ਚ ਪੈਦਾ ਹੋ ਰਹੇ ਕੋਰੋਨਾ ਵਾਇਰਸ ਦੇ ਨਵੇਂ ਵੇਰੀਐਂਟ ਦਾ ਉਦਾਹਰਣ ਵੀ ਦੇ ਰਿਹਾ ਹੈ।

ਇਸ ਦੌਰਾਨ ਡਬਲਿਊਐੱਚਓ ਨੇ ਚੀਨ ਨੂੰ ਕਿਹਾ ਹੈ ਕਿ ਉਹ ਸੰਗਠਨ ਦੀ ਦੂਜੇ ਪੜਾਅ ਦੀ ਜਾਂਚ ਪ੍ਰਕਿਰਿਆ 'ਚ ਸਹਿਯੋਗ ਕਰੇ ਤੇ ਜਾਂਚ ਦਲ ਨੂੰ ਚੀਨ ਆਉਣ ਦੀ ਇਜਾਜ਼ਤ ਦੇਵੇ। ਡਬਲਿਊਐੱਚਓ ਦਾ ਇਹ ਬਿਆਨ ਉਦੋਂ ਆਇਆ ਹੈ ਜਦੋਂ ਟੈਕਸਾਸ ਤੋਂ ਰਿਪਬਲਿਕਨ ਸੈਨੇਟਰ ਮਾਈਕਲ ਮੈੱਕੌਲ ਨੇ ਕਿਹਾ ਹੈ ਕਿ ਉਨ੍ਹਾਂ ਕੋਲ ਵੁਹਾਨ ਲੈਬ 'ਚ ਨਵਾਂ ਕੋਰੋਨਾ ਵਾਇਰਸ ਵਿਕਸਤ ਕੀਤੇ ਜਾਣ ਤੇ ਉਸ ਦੇ ਲੈਬ ਤੋਂ ਬਾਹਰ ਆਉਣ ਦੇ ਸਬੂਤ ਹਨ। ਕੋਰੋਨਾ ਵਾਇਰਸ ਨੂੰ ਮਨੁੱਖੀ ਸਰੀਰ ਲਈ ਜ਼ਿਆਦਾ ਘਾਤਕ ਬਣਾਉਣ ਦੀ ਵਰਤੋਂ ਵੁਹਾਨ ਲੈਬ 'ਚ 2005 ਤੋਂ ਚੱਲ ਰਹੀ ਸੀ, 2016 'ਚ ਇਹ ਪ੍ਰਯੋਗ ਪੂਰਾ ਹੋਇਆ ਸੀ। ਅਮਰੀਕੀ ਖ਼ੁਫ਼ੀਆ ਏਜੰਸੀਆਂ ਦੀ ਜਾਂਚ ਵੀ ਇਸੇ ਤਰ੍ਹਾਂ ਦੇ ਸੰਕੇਤ ਦੇ ਰਹੀ ਹੈ। ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਦੇ ਹੁਕਮਾਂ 'ਤੇ ਹੋਰ ਰਹੀ ਜਾਂਚ ਦਾ ਫੋਕਸ ਹੁਣ ਇਸ ਗੱਲ 'ਤੇ ਹੈ ਕਿ ਵੁਹਾਨ ਲੈਬ ਤੋਂ ਵਾਇਰਸ ਦਾ ਬਾਹਰ ਆਉਣਾ ਇਕ ਹਾਦਸਾ ਸੀ ਜਾਂ ਉਸ ਨੂੰ ਸਾਜ਼ਿਸ਼ ਤਹਿਤ ਬਾਹਰ ਲਿਆ ਕੇ ਫੈਲਾਇਆ ਗਿਆ।

ਬਿੰਦਰ ਕੋਲੀਆਂ ਵਾਲ ਦੇ ਨਾਵਲ "ਉਸ ਪਾਰ ਜ਼ਿੰਦਗੀ" ਤੇ ਹੋਈ ਨਿੱਠ ਕੇ ਵਿਚਾਰ ਚਰਚਾ

ਇਟਲੀ - 10 ਜੁਲਾਈ (ਜਨ ਸ਼ਕਤੀ ਨਿਊਜ਼ ਬਿਊਰੋ ) 

ਪਿਛਲੇ ਦਿਨੀਂ ਸਾਹਿਤ ਸੁਰ ਸੰਗਮ ਸਭਾ ਇਟਲੀ ਵਲੋਂ ਬਿੰਦਰ ਕੋਲੀਆਂ ਵਾਲ ਦੇ ਨਾਵਲ "ਉਸ ਪਾਰ ਜ਼ਿੰਦਗੀ" ਤੇ ਵਿਚਾਰ ਚਰਚਾ ਦਾ ਆਯੋਜਨ ਕੀਤਾ ਗਿਆ ਜਿਸ ਦੀ ਪ੍ਰਧਾਨਗੀ ਸਭਾ ਦੇ ਪ੍ਰਧਾਨ ਬਲਵਿੰਦਰ ਸਿੰਘ ਚਾਹਲ ਵਲੋਂ ਕੀਤੀ ਗਈ ਜਿਸ ਵਿਚ ਡਾ ਆਸਾ ਸਿੰਘ ਘੁੰਮਣ ਪ੍ਰਧਾਨ ਸਿਰਜਣਾ ਕੇਂਦਰ ਕਪੂਰਥਲਾ ਵਿਸ਼ੇਸ ਮਹਿਮਾਨ ਵਜੋਂ ਹਾਜ਼ਿਰ ਹੋਏ।ਡਾ ਭੁਪਿੰਦਰ ਕੌਰ, ਮੋਹਨ ਸਿੰਘ ਮੋਤੀ, ਪ੍ਰੋ ਸੁਖਪਾਲ ਸਿੰਘ ਥਿੰਦ ਅਤੇ ਸਭਾ ਦੇ ਮੈਂਬਰ ਵਿਸ਼ੇਸ ਤੌਰ ਤੇ ਹਾਜਰ ਹੋਏ। 

‌ਸਮਾਗਮ ਦੀ ਸ਼ੁਰੂਆਤ ਸਭਾ ਦੇ ਮੀਤ ਪ੍ਰਧਾਨ ਰਾਣਾ ਅਠੌਲਾ ਵਲੋਂ ਬਿੰਦਰ ਕੋਲੀਆਂ ਵਾਲ ਦੇ ਸਾਹਿਤਿਕ ਸਫਰ ਦਾ ਕਾਵਿਕ ਰੇਖਾ ਚਿੱਤਰ ਉਚਾਰਨ ਕਰਦਿਆਂ ਕੀਤੀ ਗਈ ਉਪਰੰਤ ਬਲਵਿੰਦਰ ਸਿੰਘ ਚਾਹਲ ਵਲੋਂ ਸਾਰੇ ਦੋਸਤਾਂ ਮਿਤਰਾਂ ਤੇ ਸਾਮਿਲ ਸਨਮਾਨਯੋਗ ਸ਼ਖਸੀਅਤਾਂ ਨੂੰ ਜੀ ਆਇਆਂ ਆਖਦਿਆਂ ਬਿੰਦਰ ਦੀ ਸਾਹਿਤਿਕ ਸਿਰਜਣਾ ਤੇ ਉਸ ਦੀ ਸ਼ਖਸੀਅਤ ਵਾਰੇ ਵਿਚਾਰ ਸਾਂਝੇ ਕੀਤੇ। ਵਿਚਾਰ ਚਰਚਾ ਵੇਲੇ ਬੁਲਾਰਿਆਂ ਵਿੱਚ ਸਭ ਤੋਂ ਪਹਿਲਾਂ ਡਾ ਭੁਪਿੰਦਰ ਕੌਰ (ਮੁੱਖੀ ਪੰਜਾਬੀ ਵਿਭਾਗ, ਹਿੰਦੂ ਕੰਨਿਆ ਕਾਲਜ ਕਪੂਰਥਲਾ) ਵਲੋਂ ਬਿੰਦਰ ਨੂੰ ਇਸ ਨਾਵਲ ਲਈ ਵਧਾਈ ਦਿੰਦਿਆਂ ਕਿਹਾ ਕਿ ਬਿੰਦਰ ਧਰਤੀ ਨਾਲ ਜੁੜਿਆ ਮਾਨਵਬਾਦੀ ਗਲਪਕਾਰ ਹੈ ਜੋ ਸਮੁੰਦਰੋਂ ਪਾਰ ਰਹਿੰਦੀਆਂ ਵੀ ਅਪਣੀ ਬੋਲੀ, ਵਿਰਾਸਤ, ਲੋਕ ਤੇ ਉਨਾ ਦੇ ਦੁੱਖ ਸੁੱਖ ਦਾ ਸਾਂਝੀਦਾਰ ਹੈ ਇਹੋ ਕਾਰਨ ਹੈ ਕਿ ਇਟਲੀ ਵਿਚ ਰਹਿੰਦਿਆਂ ਵੀ ਉਹ ਪੰਜਾਬ ਤੋਂ ਅਮਰੀਕਾ ਜਾਣ ਲਈ ਚੁਣੇ ਗਏ ਗੈਰ ਕਾਨੂੰਨੀ ਢੰਗ ਤਰੀਕਿਆਂ ਦੇ ਸਫ਼ਰ ਨੂੰ ਨਾਵਲੀ ਵਿਰਤਾਂਤ ਦੇਣ ਵਿੱਚ ਕਾਮਯਾਬ ਰਿਹਾ ਹੈ। ਚਰਚਾ ਦੀ ਲੜੀ ਨੂੰ ਅੱਗੇ ਤੋਰਦਿਆਂ ਮੋਹਣ ਸਿੰਘ ਮੋਤੀ (ਦਿੱਲੀ) ਨੇ ਨਾਵਲ ਦੀ ਕਹਾਣੀ ਨੂੰ ਕੇਂਦਰ ਵਿੱਚ ਰੱਖਦਿਆਂ ਇਸ ਵਿਚਲੇ ਸਫਰ ਦੇ ਦੁੱਖ ਦਰਦ, ਘਟਨਾਵਾ, ਮੁਸੀਬਤਾਂ ਤੇ ਭਾਵਾਂ ਦਾ ਜ਼ਿਕਰ ਕਰਦਿਆਂ ਲੇਖਕ ਨੂੰ ਵਧਾਈ ਦਿੰਦਿਆਂ ਕੁੱਝ ਸਵਾਲ ਵੀ ਖੜੇ ਕੀਤ। ਪ੍ਰੋ ਸੁਖਪਾਲ ਸਿੰਘ ਥਿੰਦ (ਮੁਖੀ ਪੰਜਾਬੀ ਵਿਭਾਗ ਡਾ ਭੀਮ ਰਾਓ ਅੰਬੇਡਕਰ ਸਰਕਾਰੀ ਕਾਲਜ ਜਲੰਧਰ) ਨੇ ਇਸ ਵਿਚਾਰ ਚਰਚਾ ਨੂੰ ਸਿਖਰ ਵੱਲ ਲਿਜਾਂਦਿਆਂ ਪਰਤ ਦਰ ਪਰਤ ਨਾਵਲ ਦੀ ਕਹਾਣੀ ਇਸ ਵਿਚਲੇ ਸਫਰ, ਵਿਧਾ ਵਿਧਾਨ, ਵਰਤਾਰਾ, ਸਮਾ - ਸਥਾਨ ਤੇ ਕਾਰਜ਼ ਖੇਤਰ ਤੇ ਨਿੱਠ ਕੇ ਗੱਲ ਕਰਦਿਆਂ ਲੇਖਕ ਨੂੰ ਵਧਾਈ ਦੇ ਨਾਲ ਨਾਲ ਬਹੁਤ ਸਾਰੇ ਸੁਝਾਅ ਵੀ ਦਿੱਤੇ। ਸਾਰੀ ਵਿਚਾਰ ਚਰਚਾ ਉਤੇ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਲ ਹੋਏ ਡਾ ਆਸਾ ਸਿੰਘ ਘੁੰਮਣ ਹੁਰਾਂ ਵਿਸਥਾਰ ਵਿੱਚ ਗੱਲ ਕਰਦਿਆਂ ਬਿੰਦਰ ਕੋਲੀਆਂ ਵਾਲ ਸਮੇਤ ਸਾਹਿਤ ਸੁਰ ਸੰਗਮ ਸਭਾ ਇਟਲੀ ਨੂੰ ਵੀ ਅਜਿਹੇ ਉਚੇਚੇ ਤੇ ਸਾਰਥਿਕ ਉਪਰਾਲਿਆਂ ਲਈ ਵਧਾਈ ਦਿੱਤੀ। ਅੰਤ ਵਿੱਚ ਬਿੰਦਰ ਕੋਲੀਆਂ ਵਾਲ ਨੇ ਇਸ ਵਿਚਾਰ ਚਰਚਾ ਤੇ ਤਸੱਲੀ ਪ੍ਰਗਟ ਕਰਦਿਆਂ ਭਵਿੱਖ ਵਿੱਚ ਹੋਰ ਵੀ ਸੁਚੇਤ ਰਹਿ ਕੇ ਸਾਹਿਤ ਪ੍ਰਤੀ ਨਿਰੰਤਰ ਕਾਰਜ਼ ਸ਼ੀਲ ਰਹਿਣ ਦਾ ਵਾਅਦਾ ਕੀਤਾ ਤੇ ਪ੍ਰੋ ਜਸਪਾਲ ਸਿੰਘ ਇਟਲੀ ਵਲੋਂ ਇਸ ਆਨਲਾਈਨ ਸਮਾਗਮ ਵਿੱਚ ਸ਼ਾਮਿਲ ਸਾਰੇ ਦੋਸਤਾਂ ਮਿਤਰਾਂ ਤੇ ਸਨਮਾਨਯੋਗ ਸ਼ਖਸੀਅਤਾਂ ਦਾ ਧੰਨਵਾਦ ਕਰਦਿਆਂ ਵਿਚਾਰ ਚਰਚਾ ਤੇ ਤਸੱਲੀ ਪ੍ਰਗਟਾਉਂਦਿਆਂ ਸਭਾ ਨੂੰ ਅਜਿਹੇ ਕਰਜ਼ਾ ਲਈ ਵਧਾਈ ਦਿੱਤੀ। ਇਸ ਚਰਚਾ ਵਿੱਚ ਹੋਰਨਾਂ ਤੋਂ ਇਲਾਵਾ ਮੈਡਮ ਪ੍ਰੋਮਿਲਾ ਅਰੋੜਾ, ਰਤਨ ਜੀ, ਲਾਲ ਸਿੰਘ, ਸੁਰਿੰਦਰ ਸਿੰਘ ਨੇਕੀ, ਸਹਿਬਾਜ ਖਾਨ, ਪ੍ਰਤਾਪ ਸਿੰਘ ਰੰਧਾਵਾ, ਆਸ਼ੂ ਕੁਮਾਰ, ਵਾਸਦੇਵ ਇਟਲੀ, ਯਾਦਵਿੰਦਰ ਸਿੰਘ ਬਾਗੀ ਇਟਲੀ, ਨਿਰਵੈਲ ਸਿੰਘ ਢਿਲੋਂ ਇਟਲੀ ਤੇ ਸਿੱਕੀ ਝੱਜੀ ਝੱਜੀ ਪਿੰਡ ਵਾਲਾ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਹੋਏ। ਸਾਰੇ ਸਮਾਗਮ ਦੀ ਸੰਚਾਲਨਾ ਦਲਜਿੰਦਰ ਰਹਿਲ ਵਲੋਂ ਬਹੁਤ ਪ੍ਰਭਾਵਸ਼ਾਲੀ ਤੇ ਨਿਯਮਤ ਰੂਪ ਵਿੱਚ ਕੀਤੀ ਗਈ।

ਇਟਲੀ : 14 ਜੂਨ

ਗੁੱਜਰਾਂਵਾਲਾ ਗੁਰੂ ਨਾਨਕ ਖਾਲਸਾ ਕਾਲਜ ਲੁਧਿਆਣਾ ਦੇ ਪੋਸਟ ਗ੍ਰੈਜੁਏਟ   ਪੰਜਾਬੀ ਵਿਭਾਗ ਤੇ ਪਰਵਾਸੀ ਸਾਹਿਤ ਅਧਿਐਨ ਕੇਂਦਰ ਵੱਲੋਂ  ਸਾਹਿਤ ਸੁਰ ਸੰਗਮ ਸਭਾ ਇਟਲੀ ਦੇ ਸਹਿਯੋਗ ਨਾਲ ਯੂਰਪੀ ਪੰਜਾਬੀ ਕਵਿਤਾ ਬਾਰੇ ਵਿਚਾਰ ਚਰਚਾ ਤੇ ਕਵੀ ਦਰਬਾਰ ਕਰਵਾਇਆ ਗਿਆ । ਇਸ ਕਵੀ ਦਰਬਾਰ ਦੀ ਪ੍ਰਧਾਨਗੀ ਪੰਜਾਬੀ ਸਾਹਿਤ ਅਕੈਡਮੀ ਦੇ ਸਾਬਕਾ ਪ੍ਰਧਾਨ ਪ੍ਰੋ. ਗੁਰਭਜਨ ਗਿੱਲ ਵਲੋਂ ਕੀਤੀ ਗਈ ।  ਆਰੰਭ ਵਿੱਚ ਡਾ.ਸ.ਪ. ਸਿੰਘ ,ਸਾਬਕਾ ਵਾਈਸ ਚਾਂਸਲਰ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਤੇ ਮਾਨਯੋਗ ਪ੍ਰਧਾਨ ਗੁੱਜਰਾਂਵਾਲਾ ਐਜੂਕੇਸ਼ਨਲ ਕੌਂਸਲ  ਨੇ ਇਸ ਕਵੀ ਦਰਬਾਰ   ਵਿੱਚ ਸ਼ਿਰਕਤ ਕਰ ਰਹੇ ਵਿਦਵਾਨਾਂ ,ਕਵੀਆਂ ਤੇ ਸਰੋਤਿਆਂ ਨੂੰ ਰਸਮੀ ਤੌਰ ਤੇ ਜੀ ਆਇਆਂ ਆਖਿਆ ।  ਉਨ੍ਹਾਂ ਨੇ ਵਿਚਾਰ ਸਾਂਝੇ ਕਰਦੇ ਹੋਏ ਕਿਹਾ ਕਿ ਪਹਿਲਾਂ ਯੂਰਪ ਵਿਚ ਇੰਗਲੈਂਡ ਹੀ ਪਰਵਾਸੀ ਸਾਹਿਤ ਸਿਰਜਣਾ ਦਾ ਕੇਂਦਰ ਸੀ  ਪਰ ਹੁਣ ਜਰਮਨੀ, ਬੈਲਜੀਅਮ , ਪੁਰਤਗਾਲ, ਇਟਲੀ, ਗਰੀਸ ਤੇ ਹੋਰ ਮੁਲਕਾਂ ਵਿੱਚ ਵੀ ਸਾਹਿਤ ਰਚਿਆ ਜਾਣ ਲੱਗਾ ਹੈ  ਤੇ ਪਰਵਾਸੀ ਸਾਹਿਤ ਕੇਂਦਰ ਇਨ੍ਹਾਂ ਮੁਲਕਾਂ ਵਿੱਚ ਰਚੇ ਜਾ ਰਹੇ ਸਾਹਿਤ ਨੂੰ ਗੌਲਣ ਲਈ ਵਚਨਬੱਧ ਹੈ  ।

ਇਸ ਕਵੀ ਦਰਬਾਰ ਦੀ ਸਹਿਯੋਗੀ ਧਿਰ ਸਾਹਿਤ ਸੁਰ ਸੰਗਮ ਸਭਾ ਇਟਲੀ  ਦੇ ਪ੍ਰਧਾਨ ਸਰਦਾਰ ਬਲਵਿੰਦਰ ਸਿੰਘ ਚਾਹਲ ਨੇ ਵੀ ਇਸ ਮੌਕੇ ਸਭ ਲਈ ਸਵਾਗਤੀ ਸ਼ਬਦ ਕਹੇ । ਉਨ੍ਹਾਂ ਨੇ ਸਾਹਿਤ ਸੁਰ ਸੰਗਮ ਸਭਾ ਇਟਲੀ ਦੀਆਂ ਸਾਹਿਤਕ ਤੇ ਸੱਭਿਆਚਾਰਕ ਸਰਗਰਮੀਆਂ ਤੋਂ ਵੀ ਸਰੋਤਿਆਂ ਨੂੰ ਜਾਣੂ ਕਰਵਾਇਆ  ।ਕਵੀ ਦਰਬਾਰ ਤੋਂ ਪਹਿਲਾਂ ਵਿਚਾਰ ਚਰਚਾ ਵਿੱਚ   ਡਾ:  ਰਣਜੀਤ ਧੀਰ (ਪ੍ਰਸਿੱਧ ਲੇਖਕ ਤੇ ਸਿੱਖਿਆ ਸ਼ਾਸਤਰੀ, ਬਰਤਾਨੀਆ) ਡਾ. ਦਵਿੰਦਰ ਕੌਰ( ਪ੍ਰੋ. ਵੁਲਵਰਹੈਂਪਟਨ ਕਾਲਜ, ਬਰਤਾਨੀਆ) ਤੇ ਕੇਹਰ ਸ਼ਰੀਫ (ਲੇਖਕ ਜਰਮਨੀ)   ਨੇ ਵਿਸ਼ੇਸ਼ ਮਹਿਮਾਨਾਂ ਵਜੋਂ ਸ਼ਿਰਕਤ ਕਰਕੇ  ਆਪਣੇ ਵਿਚਾਰ ਸਾਂਝੇ ਕੀਤੇ । 

ਡਾ: ਰਣਜੀਤ ਧੀਰ ਨੇ ਆਪਣੇ ਭਾਸ਼ਣ ਵਿਚ ਇੰਗਲੈਂਡ ਵਿਚ ਪਰਵਾਸੀ ਪੰਜਾਬੀ ਸਾਹਿਤ ਦੇ ਇਤਹਾਸ  ਤੇ ਭਵਿੱਖ ਸਬੰਧੀ ਵਿਚਾਰ ਚਰਚਾ ਕੀਤੀ ।  ਡਾ. ਦਵਿੰਦਰ ਕੌਰ ਨੇ ਪਰਵਾਸੀ ਪੰਜਾਬੀ ਸਾਹਿਤ ਦੇ ਮੂਲ ਮੁੱਦਿਆਂ ਤੇ ਗੱਲਬਾਤ ਕਰਦੇ ਹੋਏ ਨਵੀਂ ਪੀਡ਼੍ਹੀ ਨੂੰ  ਦਰਪੇਸ਼ ਚੁਣੌਤੀਆਂ ਦੀ ਗੱਲ ਕੀਤੀ । ਉਨ੍ਹਾਂ ਨੇ  ਪੰਜਾਬ ਦੇ ਵਿਦਿਆਰਥੀ ਵਰਗ ਦਾ ਵੱਡੀ ਪੱਧਰ ਤੇ ਪਰਵਾਸ ਧਾਰਨ ਕਰਨ ਦੇ ਕਾਰਨਾਂ ਤੇ ਵੀ ਚਾਨਣਾ ਪਾਇਆ।  ਉਨ੍ਹਾਂ ਨੇ ਕਿਹਾ ਕਿ ਪੰਜਾਬੀ ਔਰਤ ਪਰਵਾਸ ਧਾਰਨ ਕਰਨ ਤੋਂ ਬਾਅਦ ਮਰਦ ਨਾਲੋਂ ਵਧੇਰੇ ਖੁਸ਼ ਹੈ  ਕਿਉਂਕਿ ਇਨ੍ਹਾਂ ਮੁਲਕਾਂ ਨੇ ਔਰਤ ਨੂੰ ਆਜ਼ਾਦੀ ਦਿੱਤੀ ਹੈ ,ਆਪਣੇ ਪੈਰਾਂ ਤੇ ਖੜ੍ਹੇ ਹੋਣ ਲਈ ਮਰਦ ਦੇ ਬਰਾਬਰ ਮੌਕਾ ਦਿੱਤਾ ਹੈ   । ਕੇਹਰ ਸ਼ਰੀਫ ਨੇ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਜਰਮਨ ਵਿੱਚ  ਪੰਜਾਬੀ ਸਾਹਿਤ ਦੀ ਸਥਿਤੀ ਨੂੰ ਸਪਸ਼ਟ ਕੀਤਾ ।  ਇਸ ਤੋਂ ਬਾਅਦ ਯੂਰਪ ਦੇ ਵੱਖ ਵੱਖ ਮੁਲਕਾਂ ਤੋਂ ਸ਼ਿਰਕਤ ਕਰ ਰਹੇ ਕਵੀਆਂ ਨੇ ਆਪਣੀਆਂ ਕਵਿਤਾਵਾਂ ਸਰੋਤਿਆਂ ਨਾਲ ਸਾਂਝੀਆਂ ਕੀਤੀਆਂ , ਜਿਨ੍ਹਾਂ ਵਿੱਚ    ਦਲਜਿੰਦਰ ਰਹਿਲ,ਰਾਣਾ ਅਠੌਲਾ ਤੇ ਸਿੱਕੀ ਝੱਜੀ ਪਿੰਡ ਵਾਲਾ ਇਟਲੀ , ਕੁਲਵੰਤ ਕੌਰ ਢਿੱਲੋਂ , ਹਰਜਿੰਦਰ ਸਿੰਘ ਸੰਧੂ , ਰੂਪ ਦਵਿੰਦਰ ਕੌਰ, ਮਨਜੀਤ ਕੌਰ ਪੱਡਾ,ਬਰਤਾਨੀਆ, ਅਮਜਦ ਅਲੀ ਆਰਫੀ ਤੇ ਨੀਲੂ ਜਰਮਨੀ,ਜੀਤ ਸੁਰਜੀਤ ਬੈਲਜੀਅਮ,, ਗੁਰਪ੍ਰੀਤ ਕੌਰ ਗਾਇਦੂ ਗਰੀਸ, ਮਨਜੀਤ ਕੌਰ ਪੱਡਾ ,ਦੁੱਖਭੰਜਨ ਰੰਧਾਵਾ ਪੁਰਤਗਾਲ ਦੇ ਨਾਮ ਵਿਸ਼ੇਸ਼  ਤੌਰ ਤੇ ਵਰਣਨਯੋਗ ਹਨ ।   

ਪ੍ਰੋ. ਗੁਰਭਜਨ ਗਿੱਲ ਨੇ ਆਪਣਾ ਪ੍ਰਧਾਨਗੀ ਭਾਸ਼ਣ ਸਾਂਝੇ ਕਰਦੇ ਹੋਏ ਕਿਹਾ  ਕਿ ਸਮਾਗਮ ਦੇ ਪ੍ਰਬੰਧਕਾਂ ਦਾ  ਧੰਨਵਾਦੀ ਹਾਂ ਜੋ  ਵੱਖ ਵੱਖ   ਮੁਲਕਾਂ 'ਚ ਰਚੇ  ਜਾ ਰਹੇ ਸਾਹਿਤ ਨੂੰ ਆਧਾਰ ਬਣਾ ਕੇ ਵਿਚਾਰ ਵਟਾਂਦਰੇ ਲਈ  ਹਮੇਸ਼ਾਂ ਯਤਨਸ਼ੀਲ  ਰਹਿੰਦੇ ਹਨ।ਉਨ੍ਹਾਂ ਕਿਹਾ ਕਿ ਸਾਰੇ ਕਵੀਆਂ ਨੇ ਮੌਜੂਦਾ ਸਮੇਂ ਦੇ ਚਲੰਤ ਮਸਲਿਆਂ ਨੂੰ ਆਪਣੀਆਂ ਕਵਿਤਾਵਾਂ  ਦਾ ਆਧਾਰ ਬਣਾਇਆ ਹੈ । ਉਨ੍ਹਾਂ ਪਾਕਿਸਤਾਨ ਵਿਚ ਪੰਜਾਬੀ ਭਾਸ਼ਾ ਦੀ ਸਥਿਤੀ ਬਾਰੇ  ਵੀ ਗੱਲਬਾਤ ਕੀਤੀ ਤੇ ਦੱਸਿਆ ਕਿ ਪਾਕਿਸਤਾਨੀ ਪੰਜਾਬ ਚ ਸਕੂਲ ਪੱਧਰ ਤੇ ਪੰਜਾਬੀ ਭਾਸ਼ਾ ਦੀ ਪੜ੍ਹਾਈ ਨਾ ਹੋਣਾ ਮੰਦਭਾਗਾ ਹੈ ਜਦ ਕਿ ਭਾਰਤੀ ਪੰਜਾਬ ਚ ਪਰਿਵਾਰ, ਵਪਾਰ ਤੇ ਰੁਜ਼ਗਾਰ ਤੋਂ ਇਲਾਵਾ ਸਰਕਾਰ ਦੀ ਅਲਗਰਜ਼ੀ ਵੀ ਮੁਜਰਮਾਨਾ ਹੈ।ਉਨ੍ਹਾਂ ਬਦੇਸ਼ਾਂ ਚ ਮਾਤ ਭਾਸ਼ਾ ਦੀ ਮਹੱਤਤਾ ਤੋਂ ਸਰੋਤਿਆਂ ਨੂੰ ਜਾਣੂ ਕਰਵਾਇਆ   । ਪਾਕਿਸਤਾਨ ਦੇ ਪ੍ਰਸਿੱਧ ਨਾਵਲਕਾਰ ਸ੍ਵ. ਸਲੀਮ ਖਾਂ ਗਿੰਮੀ ਦੀ ਬੇਟੀ ਤੇ ਟੀ ਵੀ ਪ੍ਰੋਗਰਾਮ ਨਿਰਮਾਤਾ ਸ਼ਗੁਫ਼ਤਾ ਗਿੰਮੀ ਲੋਧੀ ਲੰਡਨ ਨੇ ਵੀ ਪੂਰੇ ਸਮਾਗਮ ਚ ਭਾਗ ਲਿਆ। ਅਖੀਰ 'ਚ ਪ੍ਰਿੰਸੀਪਲ ਡਾ. ਅਰਵਿੰਦਰ ਸਿੰਘ ਭੱਲਾ ਨੇ ਹਿੱਸਾ ਲੈਣ ਵਾਲਿਆਂ ਦਾ ਰਸਮੀ ਤੌਰ ਤੇ ਧੰਨਵਾਦ ਕੀਤਾ । ਇਸ ਕਵੀ ਦਰਬਾਰ ਦਾ ਸੰਚਾਲਨ ਪ੍ਰੋ ਸ਼ਰਨਜੀਤ ਕੌਰ ਵਲੋਂ  ਕੀਤਾ ਗਿਆ ।ਪੰਜਾਬੀ ਵਿਭਾਗ ਦੇ ਮੁਖੀ ਡਾ. ਭੁਪਿੰਦਰ ਸਿੰਘ ਡਾ. ਗੁਰਪ੍ਰੀਤ ਸਿੰਘ, ਡਾ. ਹਰਪ੍ਰੀਤ ਸਿੰਘ ਦੁਆ,ਡਾ. ਤਜਿੰਦਰ ਕੌਰ  ਅਤੇ ਡਾ: ਦਲੀਪ ਸਿੰਘ ਤੇ ਰਾਜਿੰਦਰ ਸਿੰਘ ਸੰਧੂ ਤੋਂ ਇਲਾਵਾ ਵੱਖ ਵੱਖ ਵਿਭਾਗਾਂ  ਦੇ ਅਧਿਆਪਕ ਸਾਹਿਬਾਨ ਵਿਸ਼ੇਸ਼ ਤੌਰ ਤੇ ਹਾਜ਼ਰੀ ਭਰੀ।

ਲੰਡਨ,  (ਰਾਜਵੀਰ ਸਮਰਾ )-ਟਰੂਡੋ ਕੈਥਡਰਲ ਕਾਰਨੀਵਾਲ ਵਿਖੇ ਯੂ.ਕੇ. ਵਿਚ ਜੀ-7 ਸੰਮੇਲਨ ਨੂੰ ਲੈ ਕੇ ਚੱਲ ਰਹੀ ਪ੍ਰਕਿਰਿਆਵਾਂ ਦੇ ਹਿੱਸੇ ਵਜੋਂ ਸਰਬ ਧਰਮ ਸੰਮੇਲਨ ਕਰਵਾਇਆ ਗਿਆ | ਕੌਫੋਡ ਵਲੋਂ ਕਰਵਾਏ ਗਏ ਇਸ ਸਰਬ ਧਰਮ ਸੰਮੇਲਨ 'ਚ ਯੂ.ਕੇ. ਦੇ ਇਸਾਈ, ਸਿੱਖ, ਹਿੰਦੂ, ਮੁਸਲਿਮ ਅਤੇ ਹੋਰ ਧਰਮਾਂ ਦੇ ਨੁਮਾਇੰਦਿਆਂ ਨੇ ਹਿੱਸਾ ਲਿਆ | ਇਸ 'ਚ ਸਿੱਖ ਫੈਡਰੇਸ਼ਨ ਯੂ.ਕੇ. ਨੂੰ ਵੀ ਸੱਦਾ ਦਿੱਤਾ ਗਿਆ ਸੀ, ਜਿਸ ਵਲੋਂ ਗਿਆਨੀ ਸੁਖਜੀਵਨ ਸਿੰਘ ਨੇ ਉਕਤ ਸੰਮੇਲਨ 'ਚ ਹਿੱਸਾ ਲੈਂਦਿਆਂ ਮੌਜੂਦਾ ਵਿਸ਼ਵ ਸਮੱਸਿਆਵਾਂ ਨੂੰ ਸਿੱਖ ਫ਼ਲਸਫ਼ੇ ਅਤੇ ਗੁਰੂ ਸਾਹਿਬਾਨਾਂ ਦੀਆਂ ਸਿੱਖਿਆਵਾਂ ਅਨੁਸਾਰ ਹੱਲ ਕਰਨ ਦੀ ਵਕਾਲਤ ਕੀਤੀ | ਉਨ੍ਹਾਂ ਇਸ ਮੌਕੇ ਮਨੁੱਖੀ ਕਦਰਾਂ ਕੀਮਤਾਂ ਦੀ ਰਾਖੀ ਲਈ ਅਤੇ ਵਾਤਾਵਰਣ ਪ੍ਰਤੀ ਗੁਰੂ ਨਾਨਕ ਦੇਵ ਜੀ ਦੇ ਫ਼ਲਸਫ਼ੇ ਅਤੇ ਗੁਰੂ ਸਾਹਿਬ ਦੇ ਉਪਦੇਸ਼ਾਂ ਤੋਂ ਸਿੱਖਿਆ ਲੈਣ ਲਈ ਕਿਹਾ |ਉਨ੍ਹਾਂ ਕਿਹਾ ਕਿ ਜਿਸ ਤਰ੍ਹਾਂ ਗ਼ਰੀਬ ਦੇਸ਼ਾਂ ਦਾ ਕਰਜ਼ਾ ਮੁਆਫ਼ ਕਰਨ ਅਤੇ ਵਾਤਾਵਰਨ ਦੀ ਸਾਂਭ ਸੰਭਾਲ ਸਮੇਤ ਕਈ ਅਹਿਮ ਮੁੱਦਿਆਂ ਦੇ ਹੱਲ ਲਈ ਵਿਸ਼ਵ ਦੇ ਤਾਕਤਵਰ ਦੇਸ਼ਾਂ ਦੀਆਂ ਸਰਕਾਰਾਂ ਅੱਗੇ ਆ ਰਹੀਆਂ ਹਨ, ਇਨ੍ਹਾਂ ਯਤਨਾਂ ਪਿੱਛੇ ਕੋਈ ਸੁਆਰਥ ਜਾਂ ਉਨ੍ਹਾਂ ਦੇਸ਼ਾਂ ਤੋਂ ਕੋਈ ਲਾਭ ਲੈਣ ਦੀ ਮਨਸ਼ਾ ਨਹੀਂ ਹੋਣੀ ਚਾਹੀਦੀ |

ਸਖ਼ਤ ਸੁਰੱਖਿਆ ਪ੍ਰਬੰਧਾਂ ਹੇਠ ਦਰਬਾਰ ਸਾਹਿਬ 'ਚ ਸਮਾਗਮ ਹੋਇਆ, ਹੱਥਾਂ 'ਚ ਨਜ਼ਰ ਆਏ ਖ਼ਾਲਿਸਤਾਨੀ ਬੈਨਰ

ਖਾਲਿਸਤਾਨ ਜ਼ਿੰਦਾਬਾਦ ਦੇ ਲੱਗੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੇ ਜ਼ੋਰਾਂ ਸ਼ੋਰਾਂ ਨਾਲ ਨਾਅਰੇ  

ਜੂਨ 1984 ਵਿੱਚ ਸ੍ਰੀ ਹਰਿਮੰਦਰ ਸਾਹਿਬ ਤੇ ਸ੍ਰੀ ਅਕਾਲ ਤਖ਼ਤ ਸਾਹਿਬ 'ਤੇ ਹੋਏ ਫ਼ੌਜੀ ਹਮਲੇ ਦੇ ਘੱਲੂਘਾਰਾ ਦਿਹਾੜੇ ਨੂੰ ਛੇ ਜੂਨ ਨੂੰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਿਖੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਮਨਾਇਆ ਜਾਂਦਾ ਹੈ। ਇਸ ਮੌਕੇ ਵੱਖ-ਵੱਖ ਸਿੱਖ ਜਥੇਬੰਦੀਆਂ ਦੇ ਆਗੂ ਤੇ ਸੰਗਤਾਂ ਇਕੱਤਰ ਹੁੰਦੀਆਂ ਹਨ। ਸ੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ ਉਪਰੰਤ ਕੀਰਤਨ ਅਤੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਵੱਲੋਂ ਪੜ੍ਹਿਆ ਜਾਂਦਾ ਸੰਦੇਸ਼ ਦੁਨੀਆ ਭਰ ਵਿੱਚ ਵਸਦਾ ਸਿੱਖ ਬੜੇ ਧਿਆਨ ਦੇ ਨਾਲ ਸੁਣਦਾ ਹੈ। ਕਈ ਗਰਮ ਖ਼ਿਆਲੀਆਂ ਦੇ ਹੱਥਾਂ 'ਚ 'ਖ਼ਾਲਿਸਤਾਨ ਜ਼ਿੰਦਾਬਾਦ' ਤੇ 'ਖ਼ਾਲਿਸਤਾਨ ਸਾਡਾ ਹੱਕ ਹੈ' ਲਿਖੇ ਬੈਨਰ ਨਜ਼ਰ ਆਏ ਹਨ। ਪਿਛਲੇ ਕੁਝ ਸਾਲਾਂ ਤੋਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਿਖੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਬੰਧਕ ਅਤੇ ਗਰਮ ਖਿਆਲੀਆਂ ਦੀ ਕੁਝ ਸਿੰਘਾਂ ਨਾਲ ਇਸ ਦਿਹਾੜੇ ਨੂੰ ਮਨਾਉਣ ਲਈ ਹੱਥੋਪਾਈ ਹੁੰਦੀ ਹੈ। ਪੁਲਿਸ ਪ੍ਰਸ਼ਾਸਨ ਵੱਲੋਂ ਇਸ ਦਿਹਾੜੇ ਨੂੰ ਮਨਾਉਣ ਮੌਕੇ ਕੋਈ ਅਣਸੁਖਾਵੀਂ ਘਟਨਾ ਨਾ ਵਾਪਰੇ ਇਸ ਲਈ ਵੱਡੀ ਤਾਦਾਦ 'ਚ ਸਾਦੇ ਕੱਪੜਿਆਂ ਵਿਚ ਸੁਰੱਖਿਆ ਬਲ ਲਗਾਇਆ ਜਾਂਦਾ ਹੈ ਇਸ ਮੌਕੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਨੇ ਸੰਗਤ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਇਸ ਘੱਲੂਘਾਰੇ ਦਿਵਸ ਨੂੰ ਸਾਨੂੰ ਕਦੀ ਵੀ ਆਪ੍ਰੇਸ਼ਨ ਬਲਿਊ ਸਟਾਰ ਦੀ ਬਰਸੀ ਨਹੀਂ ਕਹਿਣਾ ਚਾਹੀਦਾ ਅਤੇ ਇਸ ਨੂੰ ਸਿਰਫ਼  ਘੱਲੂਘਾਰਾ ਦਿਵਸ ਹੀ ਕਹਿਣਾ ਚਾਹੀਦਾ ਹੈ  

Facebook Link : https://fb.watch/5YBW3hw1Z9/

ਵੇਂ ਵਪਾਰਕ ਨਿਵੇਸ਼ ਸੌਦੇ  ਨਾਲ ਯੂਕੇ ਚ  6,500 ਤੋਂ ਵੱਧ ਨੌਕਰੀਆਂ ਪੈਦਾ ਕਰੇਂਗਾ 

ਲੰਡਨ  4 ਮਈ 2021,( ਗਿਆਨੀ ਅਮਰੀਕ ਸਿੰਘ ਰਠੌਰ/ ਗਿਆਨੀ ਰਵਿੰਦਰਪਾਲ ਸਿੰਘ)-  

ਅੱਜ (ਮੰਗਲਵਾਰ 4 ਮਈ 2021) ਨੂੰ ਪ੍ਰਧਾਨ ਮੰਤਰੀ ਵੱਲੋਂ ਐਲਾਨੇ ਗਏ ਯੂਕੇ-ਭਾਰਤ ਵਪਾਰ ਅਤੇ ਨਿਵੇਸ਼ ਦੇ £1 ਬਿਲੀਅਨ ਦੀ ਬਦੌਲਤ ਯੂਕੇ ਦੇ ਆਲੇ-ਦੁਆਲੇ 6,500 ਤੋਂ ਵੱਧ ਨਵੀਆਂ ਨੌਕਰੀਆਂ ਪੈਦਾ ਕੀਤੀਆਂ ਜਾਣਗੀਆਂ।

ਇਸ ਪੈਕੇਜ ਵਿੱਚ ਯੂਕੇ ਵਿੱਚ ਨਵੇਂ ਭਾਰਤੀ ਨਿਵੇਸ਼ £533 ਮਿਲੀਅਨ ਤੋਂ ਵੱਧ ਹਨ, ਜਿਸ ਨਾਲ ਸਿਹਤ ਅਤੇ ਤਕਨਾਲੋਜੀ ਵਰਗੇ ਮਹੱਤਵਪੂਰਨ ਅਤੇ ਵਧਰਹੇ ਖੇਤਰਾਂ ਵਿੱਚ 6,000 ਤੋਂ ਵੱਧ ਨੌਕਰੀਆਂ ਪੈਦਾ ਹੋਣ ਦੀ ਉਮੀਦ ਹੈ।

ਇਸ ਵਿੱਚ ਯੂਕੇ ਵਿੱਚ ਸੀਰਮ ਇੰਸਟੀਚਿਊਟ ਆਫ ਇੰਡੀਆ ਦੁਆਰਾ ਆਪਣੇ ਵੈਕਸੀਨ ਕਾਰੋਬਾਰ ਵਿੱਚ £240 ਮਿਲੀਅਨ ਨਿਵੇਸ਼ ਅਤੇ ਇੱਕ ਨਵਾਂ ਵਿਕਰੀ ਦਫਤਰ ਸ਼ਾਮਲ ਹੈ ਜੋ ਵੱਡੀ ਗਿਣਤੀ ਵਿੱਚ ਨੌਕਰੀਆਂ ਪੈਦਾ ਕਰੇਗਾ। ਵਿਕਰੀ ਦਫਤਰ ਤੋਂ 1 ਬਿਲੀਅਨ ਡਾਲਰ ਤੋਂ ਵੱਧ ਦਾ ਨਵਾਂ ਕਾਰੋਬਾਰ ਪੈਦਾ ਕਰਨ ਦੀ ਉਮੀਦ ਹੈ, ਜਿਸ ਵਿੱਚੋਂ £200 ਮਿਲੀਅਨ ਯੂਕੇ ਵਿੱਚ ਨਿਵੇਸ਼ ਕੀਤਾ ਜਾਵੇਗਾ। ਸੀਰਮ ਦਾ ਨਿਵੇਸ਼ ਕਲੀਨਿਕੀ ਪਰਖਾਂ, ਖੋਜ ਅਤੇ ਵਿਕਾਸ ਅਤੇ ਸੰਭਵ ਤੌਰ 'ਤੇ ਟੀਕਿਆਂ ਦੇ ਨਿਰਮਾਣ ਵਿੱਚ ਸਹਾਇਤਾ ਕਰੇਗਾ। 

ਇਹ ਯੂਕੇ ਅਤੇ ਦੁਨੀਆ ਨੂੰ ਕੋਰੋਨਾਵਾਇਰਸ ਮਹਾਂਮਾਰੀ ਅਤੇ ਹੋਰ ਘਾਤਕ ਬਿਮਾਰੀਆਂ ਨੂੰ ਹਰਾਉਣ ਵਿੱਚ ਮਦਦ ਕਰੇਗਾ। ਸੀਰਮ ਨੇ ਕੋਡੇਗੇਨਿਕਸ ਆਈਐੱਨਸੀ ਦੀ ਭਾਈਵਾਲੀ ਵਿੱਚ ਕੋਰੋਨਾਵਾਇਰਸ ਵਾਸਤੇ ਇੱਕ-ਖੁਰਾਕ ਨੱਕ ਦੀ ਵੈਕਸੀਨ ਦੇ ਯੂਕੇ ਵਿੱਚ ਪਹਿਲੇ ਪੜਾਅ ਦੇ ਅਜ਼ਮਾਇਸ਼ਾਂ ਸ਼ੁਰੂ ਕਰ ਦਿੱਤੀਆਂ ਹਨ।

ਟਿਸ਼ ਕਾਰੋਬਾਰਾਂ ਨੇ £446 ਮਿਲੀਅਨ ਤੋਂ ਵੱਧ ਕੀਮਤ ਵਾਲੇ ਭਾਰਤ ਨਾਲ ਨਵੇਂ ਨਿਰਯਾਤ ਸੌਦੇ ਵੀ ਹਾਸਲ ਕੀਤੇ ਹਨ, ਜੋ ਯੂਕੇ ਦੇ ਵਿਕਾਸ ਨੂੰ ਅੱਗੇ ਵਧਾਏਗਾ ਅਤੇ 400 ਤੋਂ ਵੱਧ ਬ੍ਰਿਟਿਸ਼ ਨੌਕਰੀਆਂ ਪੈਦਾ ਕਰੇਗਾ। ਇਸ ਵਿੱਚ ਸੀਐਮਆਰ ਸਰਜੀਕਲ ਆਪਣੀ ਅਗਲੀ ਪੀੜ੍ਹੀ ਦੇ 'ਵਰਸੀਅਸ' ਸਰਜੀਕਲ ਰੋਬੋਟਿਕ ਸਿਸਟਮ ਦਾ ਨਿਰਯਾਤ ਕਰਨਾ ਸ਼ਾਮਲ ਹੈ ਜੋ ਸਰਜਨਾਂ ਨੂੰ ਭਾਰਤ ਦੇ ਹਸਪਤਾਲਾਂ ਵਿੱਚ ਸ਼ੁਰੂ ਕੀਤੀ ਜਾ ਰਹੀ ਘੱਟੋ ਘੱਟ ਪਹੁੰਚ ਸਰਜਰੀ ਕਰਨ ਵਿੱਚ ਮਦਦ ਕਰਦਾ ਹੈ। ਇਹ ਨਿਰਯਾਤ ਸੌਦਾ 200 ਮਿਲੀਅਨ ਪੌਂਡ ਦਾ ਹੈ ਅਤੇ ਇਸ ਦੇ ਨਤੀਜੇ ਵਜੋਂ ਯੂਕੇ ਵਿੱਚ 100 ਨਵੀਆਂ ਨੌਕਰੀਆਂ ਪੈਦਾ ਹੋਣਗੀਆਂ।

ਅੱਜ ਦੁਪਹਿਰ ਪ੍ਰਧਾਨ ਮੰਤਰੀ ਵਪਾਰ, ਸਿਹਤ, ਜਲਵਾਯੂ ਅਤੇ ਰੱਖਿਆ ਵਿੱਚ ਬ੍ਰਿਟੇਨ ਅਤੇ ਭਾਰਤ ਦਰਮਿਆਨ ਡੂੰਘੇ ਸਬੰਧਾਂ 'ਤੇ ਸਹਿਮਤ ਹੋਣ ਲਈ ਪ੍ਰਧਾਨ ਮੰਤਰੀ ਮੋਦੀ ਨਾਲ ਇੱਕ ਵਰਚੁਅਲ ਮੀਟਿੰਗ ਕਰਨਗੇ।

ਇਸ ਵਿੱਚ ਇੱਕ ਵਧੀ ਹੋਈ ਵਪਾਰ ਭਾਈਵਾਲੀ ਨਾਲ ਸਹਿਮਤ ਹੋਣਾ ਸ਼ਾਮਲ ਹੈ। ਇਹ ਭਾਈਵਾਲੀ ਬ੍ਰਿਟੇਨ ਵਿੱਚ ਨਿਵੇਸ਼ ਕਰਨ ਵਾਲੇ ਭਾਰਤ ਅਤੇ ਭਾਰਤੀ ਕਾਰੋਬਾਰਾਂ ਨੂੰ ਨਿਰਯਾਤ ਕਰਨ ਵਾਲੇ ਬ੍ਰਿਟਿਸ਼ ਕਾਰੋਬਾਰਾਂ ਲਈ ਨਵੇਂ ਮੌਕਿਆਂ ਨੂੰ ਖੋਲ੍ਹੇਗੀ

ਬ੍ਰਿਟੇਨ ਅਤੇ ਭਾਰਤ ਦਰਮਿਆਨ ਵਪਾਰ ਦੀ ਕੀਮਤ ਪਹਿਲਾਂ ਹੀ ਲਗਭਗ £23 ਬਿਲੀਅਨ ਪ੍ਰਤੀ ਸਾਲ ਹੈ, ਜੋ ਪੰਜ ਮਿਲੀਅਨ ਤੋਂ ਵੱਧ ਨੌਕਰੀਆਂ ਦਾ ਸਮਰਥਨ ਕਰਦਾ ਹੈ। ਪਿਛਲੇ ਹਫਤੇ ਪ੍ਰਧਾਨ ਮੰਤਰੀ ਨੇ ਬ੍ਰਿਟੇਨ ਅਤੇ ਭਾਰਤ ਦਰਮਿਆਨ ਆਰਥਿਕ ਸਬੰਧਾਂ ਦੇ ਵਧਦੇ ਮਹੱਤਵ ਬਾਰੇ ਵਿਚਾਰ-ਵਟਾਂਦਰਾ ਕਰਨ ਲਈ ਕੰਪਨੀਆਂ ਇੰਫੋਸਿਸ ਅਤੇ ਐਚਸੀਐਲ ਦੇ ਭਾਰਤੀ ਕਾਰੋਬਾਰੀ ਨੇਤਾਵਾਂ ਨਾਲ ਗੱਲ ਕੀਤੀ ਸੀ

ਬ੍ਰਿਟੇਨ-ਭਾਰਤ ਕਾਰੋਬਾਰੀ ਭਾਈਚਾਰੇ ਨੇ ਭਾਰਤ ਦੇ ਕੋਰੋਨਾਵਾਇਰਸ ਵਾਧੇ ਦੇ ਜਵਾਬ ਵਿੱਚ ਪਿਛਲੇ ਹਫਤੇ ਦੌਰਾਨ ਆਪਣੀ ਤਾਕਤ ਦਾ ਪ੍ਰਦਰਸ਼ਨ ਕੀਤਾ ਹੈ। ਬ੍ਰਿਟਿਸ਼ ਏਸ਼ੀਅਨ ਟਰੱਸਟ ਨੇ ਆਪਣੀ ਐਮਰਜੈਂਸੀ ਅਪੀਲ ਰਾਹੀਂ ਪਿਛਲੇ ਹਫਤੇ ਵਿੱਚ £16 ਲੱਖ ਤੋਂ ਵੱਧ ਇਕੱਠੇ ਕੀਤੇ ਹਨ ਅਤੇ ਬ੍ਰਿਟੇਨ ਦੇ ਕਾਰੋਬਾਰੀ ਨੇਤਾਵਾਂ ਨੇ ਭਾਰਤੀ ਹਾਈ ਕਮਿਸ਼ਨ ਦੀ ਅਹਿਮ ਸਾਜ਼ੋ-ਸਾਮਾਨ ਦੀ ਬੇਨਤੀ ਦੇ ਜਵਾਬ ਵਿੱਚ ਲਾਮਬੰਦ ਕੀਤਾ ਹੈ।

ਅੱਜ ਸਹਿਮਤ ਭਾਈਵਾਲੀ 2030 ਤੱਕ ਬ੍ਰਿਟੇਨ-ਭਾਰਤ ਵਪਾਰ ਦੇ ਮੁੱਲ ਨੂੰ ਦੁੱਗਣਾ ਕਰਨ ਦੀ ਇੱਛਾ ਤੈਅ ਕਰੇਗੀ ਅਤੇ ਇੱਕ ਵਿਆਪਕ ਮੁਕਤ ਵਪਾਰ ਸਮਝੌਤੇ ਲਈ ਕੰਮ ਸ਼ੁਰੂ ਕਰਨ ਦੇ ਸਾਡੇ ਸਾਂਝੇ ਇਰਾਦੇ ਦਾ ਐਲਾਨ ਕਰੇਗੀ। ਲਗਭਗ 14 ਬਿਲੀਅਨ ਲੋਕਾਂ ਦੇ ਨਾਲ, ਭਾਰਤ ਦੀ ਆਬਾਦੀ ਯੂਰਪੀ ਸੰਘ ਅਤੇ ਅਮਰੀਕਾ ਨਾਲੋਂ ਵੱਡੀ ਹੈ ਅਤੇ ਹੁਣ ਤੱਕ ਦਾ ਸਭ ਤੋਂ ਵੱਡਾ ਬਾਜ਼ਾਰ ਯੂਕੇ ਨੇ ਹੁਣ ਤੱਕ ਦੇ ਵਪਾਰ ਸਮਝੌਤੇ 'ਤੇ ਗੱਲਬਾਤ ਕਰਨ ਲਈ ਵਚਨਬੱਧਤਾ ਪ੍ਰਗਟਾਈ ਹੈ।

ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਨੇ ਕਿਹਾ ਕਿ

ਬ੍ਰਿਟੇਨ-ਭਾਰਤ ਸਬੰਧਾਂ ਦੇ ਹਰ ਪਹਿਲੂ ਦੀ ਤਰ੍ਹਾਂ ਸਾਡੇ ਦੇਸ਼ਾਂ ਦਰਮਿਆਨ ਆਰਥਿਕ ਸਬੰਧ ਸਾਡੇ ਲੋਕਾਂ ਨੂੰ ਮਜ਼ਬੂਤ ਅਤੇ ਸੁਰੱਖਿਅਤ ਬਣਾਉਂਦੇ ਹਨ। ਅੱਜ ਅਸੀਂ ਜਿਨ੍ਹਾਂ 6,500 ਤੋਂ ਵੱਧ ਨੌਕਰੀਆਂ ਦਾ ਐਲਾਨ ਕੀਤਾ ਹੈ, ਉਨ੍ਹਾਂ ਵਿੱਚੋਂ ਹਰੇਕ ਪਰਿਵਾਰਾਂ ਅਤੇ ਭਾਈਚਾਰਿਆਂ ਨੂੰ ਕੋਰੋਨਾਵਾਇਰਸ ਤੋਂ ਵਾਪਸ ਆਉਣ ਅਤੇ ਬ੍ਰਿਟਿਸ਼ ਅਤੇ ਭਾਰਤੀ ਅਰਥਵਿਵਸਥਾਵਾਂ ਨੂੰ ਹੁਲਾਰਾ ਦੇਣ ਵਿੱਚ ਮਦਦ ਕਰੇਗਾ।

ਆਉਣ ਵਾਲੇ ਦਹਾਕੇ ਵਿੱਚ, ਅੱਜ ਦਸਤਖਤ ਕੀਤੀ ਗਈ ਨਵੀਂ ਭਾਈਵਾਲੀ ਅਤੇ ਇੱਕ ਵਿਆਪਕ ਮੁਕਤ ਵਪਾਰ ਸਮਝੌਤੇ ਦੀ ਮਦਦ ਨਾਲ, ਅਸੀਂ ਭਾਰਤ ਨਾਲ ਆਪਣੀ ਵਪਾਰਕ ਭਾਈਵਾਲੀ ਦੇ ਮੁੱਲ ਨੂੰ ਦੁੱਗਣਾ ਕਰਾਂਗੇ ਅਤੇ ਆਪਣੇ ਦੋਹਾਂ ਦੇਸ਼ਾਂ ਦਰਮਿਆਨ ਸਬੰਧਾਂ ਨੂੰ ਨਵੀਆਂ ਉਚਾਈਆਂ 'ਤੇ ਲੈ ਜਾਵਾਂਗੇ।

ਅੱਜ ਸਹਿਮਤ ਹੋਈ ਵਧੀ ਹੋਈ ਵਪਾਰ ਭਾਈਵਾਲੀ ਭਾਰਤ ਵਿੱਚ ਭੋਜਨ ਅਤੇ ਪੀਣ, ਜੀਵਨ ਵਿਗਿਆਨ ਅਤੇ ਸੇਵਾ ਖੇਤਰ ਸਮੇਤ ਉਦਯੋਗਾਂ ਵਿੱਚ ਬ੍ਰਿਟਿਸ਼ ਕਾਰੋਬਾਰਾਂ ਲਈ ਤੁਰੰਤ ਮੌਕੇ ਪੈਦਾ ਕਰਦੀ ਹੈ। ਫਲਾਂ ਅਤੇ ਡਾਕਟਰੀ ਉਪਕਰਣਾਂ 'ਤੇ ਗੈਰ-ਟੈਰਿਫ ਰੁਕਾਵਟਾਂ ਨੂੰ ਘੱਟ ਕੀਤਾ ਜਾਵੇਗਾ – ਬ੍ਰਿਟਿਸ਼ ਕਾਰੋਬਾਰਾਂ ਨੂੰ ਆਪਣੇ ਉਤਪਾਦਾਂ ਦਾ ਵਧੇਰੇ ਨਿਰਯਾਤ ਭਾਰਤ ਨੂੰ ਕਰਨ ਅਤੇ ਯੂਕੇ ਦੇ ਵਿਕਾਸ ਅਤੇ ਨੌਕਰੀਆਂ ਨੂੰ ਵਧਾਉਣ ਦੀ ਆਗਿਆ ਦੇਣਾ।

ਇਹ ਦੋਵਾਂ ਧਿਰਾਂ ਨੂੰ ਤੁਰੰਤ ਬਾਜ਼ਾਰ ਪਹੁੰਚ ਰੁਕਾਵਟਾਂ ਨੂੰ ਹੱਲ ਕਰਨ ਦੇ ਨਾਲ-ਨਾਲ ਹੋਰ ਮੌਕਿਆਂ ਦੀ ਭਾਲ ਜਾਰੀ ਰੱਖਣ ਲਈ ਵੀ ਵਚਨਬੱਧ ਹੈ ਕਿਉਂਕਿ ਅਸੀਂ ਐਫਟੀਏ ਬਾਰੇ ਗੱਲਬਾਤ ਕਰਦੇ ਹਾਂ, ਜਿਸ ਨਾਲ ਦੋਵਾਂ ਦੇਸ਼ਾਂ ਦੇ ਕਾਰੋਬਾਰਾਂ ਅਤੇ ਖਪਤਕਾਰਾਂ ਨੂੰ ਲਾਭ ਹੁੰਦਾ ਹੈ

ਭਵਿੱਖ ਦਾ ਬ੍ਰਿਟੇਨ-ਭਾਰਤ ਵਪਾਰ ਸਮਝੌਤਾ ਲੱਖਾਂ ਨੌਕਰੀਆਂ ਦਾ ਸਮਰਥਨ ਕਰੇਗਾ ਅਤੇ ਵਿਸਕੀ 'ਤੇ 150% ਤੱਕ ਅਤੇ ਆਟੋਮੋਟਿਵਾਂ ਦੇ ਨਾਲ-ਨਾਲ ਹੋਰ ਬ੍ਰਿਟਿਸ਼ ਉਤਪਾਦਾਂ 'ਤੇ 125% ਤੱਕ ਦੇ ਮੌਜੂਦਾ ਟੈਰਿਫਾਂ ਨੂੰ ਸੰਭਾਵਿਤ ਤੌਰ 'ਤੇ ਘਟਾ ਕੇ ਜਾਂ ਹਟਾ ਕੇ ਯੂਕੇ ਅਤੇ ਭਾਰਤ ਦੋਵਾਂ ਦੀਆਂ ਅਰਥਵਿਵਸਥਾਵਾਂ ਨੂੰ ਹੁਲਾਰਾ ਦੇਵੇਗਾ। ਇਹ ਬ੍ਰਿਟਿਸ਼ ਸੇਵਾਵਾਂ ਲਈ ਵੀ ਵੱਡੇ ਲਾਭ ਪੈਦਾ ਕਰੇਗਾ - ਭਾਰਤ ਦੀ ਸਭ ਤੋਂ ਤੇਜ਼ੀ ਨਾਲ ਵੱਧ ਰਹੀ ਦਰਾਮਦ ਵਿੱਚੋਂ 4 ਆਈਪੀ ਅਤੇ ਦੂਰਸੰਚਾਰ ਵਰਗੀਆਂ ਸੇਵਾਵਾਂ ਲਈ ਹਨ।

ਹੋਰ ਜਾਣਕਾਰੀ

ਅੱਜ ਐਲਾਨੇ ਗਏ ਨਵੇਂ ਭਾਰਤੀ ਨਿਵੇਸ਼ ਸੌਦੇ ਇਹ ਹਨ ਕਿ

ਇੰਫੋਸਿਸ – ਯੂਕੇ ਚ   1000 ਨੌਕਰੀਆਂ ਪੈਦਾ ਕਰਨਾ
ਐਚਸੀਐਲ ਟੈਕਨੋਲੋਜੀਜ਼ – ਯੂਕੇ ਚ   1000 ਨੌਕਰੀਆਂ ਪੈਦਾ ਕਰਨਾ
ਐਮਪਾਸਿਸ – £35 ਮਿਲੀਆਂਨ, ਯੂਕੇ ਚ 1000 ਨੌਕਰੀਆਂ ਪੈਦਾ ਕਰਨਾ
ਸਵਾਲ-ਅਮੀਰ ਸਿਰਜਣਾਵਾਂ – £54 ਮਿਲੀਅਨ  ਯੂਕੇ ਚ   667 ਨੌਕਰੀਆਂ ਪੈਦਾ ਕਰਨਾ
ਵਿਪਰੋ – £16 ਮਿਲੀਅਨ  , ਯੂਕੇ ਚ   500 ਨੌਕਰੀਆਂ ਪੈਦਾ ਕਰਨਾ
ਆਈ2 ਐਗਰੋ – £30 ਮਿਲੀਅਨ  , ਯੂਕੇ ਚ   465 ਨੌਕਰੀਆਂ ਪੈਦਾ ਕਰ ਰਿਹਾ ਹੈ

ਮਾਸਟੇਕ – ਯੂਕੇ ਚ  357 ਨੌਕਰੀਆਂ ਪੈਦਾ ਕਰਨਾ
ਸਟਰਲਾਈਟ ਟੈਕਨੋਲੋਜੀਜ਼ – £15 ਮਿਲੀਅਨ  , ਯੂਕੇ ਚ  150 ਨੌਕਰੀਆਂ ਪੈਦਾ ਕਰ ਦੀਆਂ ਹਨ
ਗਲੋਬਲ ਜੀਨ ਕਾਰਪ – £59 ਮਿਲੀਅਨ  , ਯੂਕੇ ਚ   110 ਨੌਕਰੀਆਂ ਪੈਦਾ ਕਰਨਾ
ਐਸਐਨਵੀਏ ਵੈਂਚਰਜ਼ – £10 ਮਿਲੀਅਨ  , ਯੂਕੇ ਚ   200 ਨੌਕਰੀਆਂ ਪੈਦਾ ਕਰਨਾ
ਸੀਰਮ ਇੰਸਟੀਚਿਊਟ – £240 ਮਿਲੀਅਨ  
ਸਕਿੱਲਮਾਈਨ – £11 ਮਿਲੀਅਨ   ਯੂਕੇ ਚ   100 ਨੌਕਰੀਆਂ ਪੈਦਾ ਕਰਨਾ
ਸੀਟੀਆਰਐਲਐਸ ਡਾਟਾ ਸੈਂਟਰ – £10 ਮਿਲੀਅਨ  , ਯੂਕੇ ਚ  100 ਨੌਕਰੀਆਂ ਪੈਦਾ ਕਰਨਾ
ਕਿਊ ਪ੍ਰੋਸੈਸਿੰਗ ਸੇਵਾਵਾਂ – £10 ਮਿਲੀਅਨ   ਯੂਕੇ ਚ  100 ਨੌਕਰੀਆਂ ਪੈਦਾ ਕਰਨਾ
ਕ੍ਰੋਨ ਸਿਸਟਮਜ਼ – £20  ਮਿਲੀਅਨ   , ਯੂਕੇ ਚ   100 ਨੌਕਰੀਆਂ ਪੈਦਾ ਕਰਨਾ
ਟੀਵੀਐਸ ਮੋਟਰਜ਼-ਨੌਰਟਨ – ਯੂਕੇ ਚ   89 ਨੌਕਰੀਆਂ ਪੈਦਾ ਕਰਨਾ
ਪ੍ਰਾਈਮ ਫੋਕਸ ਟੈਕਨੋਲੋਜੀਜ਼ – ਯੂਕੇ ਚ   70 ਨੌਕਰੀਆਂ ਪੈਦਾ ਕਰਨਾ

ਰੂਟ ਮੋਬਾਈਲ – £20 ਮਿਲੀਅਨ  , ਯੂਕੇ ਚ   50 ਨੌਕਰੀਆਂ ਪੈਦਾ ਕਰਨਾ

ਗੋਇਲਾ ਬਟਰ ਚਿਕਨ – £3 ਮਿਲੀਅਨ  , ਯੂਕੇ ਚ   40 ਨੌਕਰੀਆਂ ਪੈਦਾ ਕਰਨਾ
ਅੱਜ ਐਲਾਨੇ ਗਏ ਨਵੇਂ ਯੂਕੇ ਨਿਰਯਾਤ ਸੌਦੇ ਇਹ ਹਨ ਕਿ

ਮਾਰਨਿੰਗਸਾਈਡ ਫਾਰਮਾਸਿਊਟੀਕਲਜ਼ ਨਵੇਂ ਫਾਰਮਾ ਉਤਪਾਦਾਂ ਦੀ ਖੋਜ, ਵਿਕਾਸ ਅਤੇ ਜੂੰਆਂ ਲਗਾਉਣ
ਪੌਲੀਮੇਟੀਰੀਆ ਦੀ ਬਾਇਓਟ੍ਰਾਂਸਫਾਰਮੇਸ਼ਨ ਤਕਨਾਲੋਜੀ, ਜੋ ਅਗਲੇ ਪੰਜ ਸਾਲਾਂ ਵਿੱਚ ਯੂਕੇ ਦੇ ਨਿਰਯਾਤ ਵਿੱਚ £75 ਮਿਲੀਅਨ  ਦੇ ਸੌਦੇ ਵਿੱਚ ਪਲਾਸਟਿਕ ਨੂੰ ਪੂਰੀ ਤਰ੍ਹਾਂ ਬਾਇਓ-ਡੀਗ੍ਰੇਡੇਬਲ ਬਣਨ ਦੇ ਯੋਗ ਬਣਾਉਂਦੀ ਹੈ

ਸੀਐਮਆਰ ਸਰਜੀਕਲ – ਯੂਕੇ ਚ   100 ਨਵੀਆਂ ਨੌਕਰੀਆਂ ਪੈਦਾ ਕਰਨ ਲਈ £200 ਮਿਲੀਅਨ  ਦੇ ਸੌਦੇ

ਕਲਾਊਡਪੈਡ – ਨਾਜ਼ੁਕ ਹਾਰਡਵੇਅਰ ਅਤੇ ਸਾਫਟਵੇਅਰ ਬੇਸਪੋਕ ਡੇਟਾ ਸੈਂਟਰ, £15 ਮਿਲੀਅਨ  ਦਾ ਸੌਦਾ
ਵਿਡ੍ਰੋਨਾ ਡਰੋਨ ਸਰਵੇਖਣ ਉਪਕਰਣ ਅਤੇ ਏਆਈ ਤਕਨਾਲੋਜੀ
ਕੇਆਈਜੀਜੀ ਪ੍ਰਣਾਲੀਆਂ – ਬਿਜਲੀ ਵੰਡ ਕੰਪਨੀਆਂ ਲਈ ਸਮਾਰਟ ਮੀਟਰ ਟੈਸਟ ਬੈਂਚ
ਸੈਨਕੋਨੋਡ – ਯੂਕੇ ਚ   30 ਨਵੀਆਂ ਨੌਕਰੀਆਂ ਪੈਦਾ ਕਰਨ ਲਈ £18 ਮਿਲੀਅਨ  ਦੇ ਸੌਦੇ
ਗੋਜ਼ੀਰੋ ਮੋਬਿਲਿਟੀ – ਈ-ਸਾਈਕਲਾਂ ਲਈ £32 ਮਿਲੀਅਨ   ਦਾ ਸੌਦਾ
ਐਗਵੇਸਟੋ – £3 ਮਿਲੀਅਨ   ਦਾ ਸੌਦਾ
ਭਾਰਤ ਵਿੱਚ ਮੁੜ-ਵੋਲੂਲਟ ਦਾ ਵਿਸਤਾਰ, ਯੂਕੇ ਚ   60 ਨੌਕਰੀਆਂ ਪੈਦਾ ਕਰਨਾ
ਸੀਡੀਈ ਏਸ਼ੀਆ – £500,000 ਦਾ ਸੌਦਾ

ਬਾਇਓ ਪ੍ਰੋਡਕਟਸ ਲੈਬਾਰਟਰੀ – ਬਾਇਓਫਾਰਮਾਸਿਊਟੀਕਲ ਨੇ ਦੁਰਲੱਭ ਖੂਨ ਵਗਣ ਦੇ ਵਿਕਾਰਾਂ ਲਈ ਉਤਪਾਦ ਤਿਆਰ ਕੀਤੇ, £62 ਮਿਲੀਆਂ   ਦਾ ਸੌਦਾ
ਕਾਵਲੀ ਬ੍ਰਿਟਿਸ਼ ਵੀਡੀਓ ਗੇਮ ਨਿਰਮਾਤਾ ਦਾ ਭਾਰਤ ਵਿੱਚ ਵਿਸਤਾਰ ਯੂਕੇ ਚ 25 ਨਵੀਆਂ ਨੌਕਰੀਆਂ ਪੈਦਾ ਕਰ ਰਿਹਾ ਹੈ
ਸ਼ਾਰਟਸ ਟੀਵੀ ਡਿਜੀਟਲ ਮਨੋਰੰਜਨ ਪਲੇਟਫਾਰਮ – £8  ਮਿਲੀਅਨ   ਦੇ ਨਿਰਯਾਤ ਦੀ ਭਵਿੱਖਬਾਣੀ ਕਰਨਾ
ਕਲੈਂਸੀ ਗਲੋਬਲ – ਇੱਕ ਵਨ ਇਵੋਲਪਡ ਈਕੋਸਿਸਟਮ – £25ਮਿਲੀਆਂ    ਦਾ ਸੌਦਾ
ਐਸਟਰੋਪੋਲ – ਵਿਨਾਇਲ, ਗੈਰ-ਵਿਨਾਇਲ ਅਤੇ ਸੰਬੰਧਿਤ ਯੋਜਕ ਉਦਯੋਗਾਂ ਲਈ ਰੰਗ ਅਤੇ ਯੋਜਕ ਹੱਲ, £12 ਮਿਲੀਆਂ  ਦੇ ਸੌਦੇ

ਸਰਕਾਸੇ – ਸੌਦੇ ਦੀ ਕੀਮਤ £149 ਮਿਲੀਅਨ  ਹੈ, ਜਿਸ ਨਾਲ ਯੂਕੇ ਦੀਆਂ 100 ਨਵੀਆਂ ਨੌਕਰੀਆਂ ਪੈਦਾ ਹੋ ਦੀਆਂ ਹਨ
ਓਕਸਵੈਂਟ – £20 ਮਿਲੀਅਨ   ਦਾ ਸੌਦਾ
ਈਗਲ ਜੀਨੋਮਿਕਸ – £12 ਮਿਲੀਅਨ   ਦਾ ਸੌਦਾ, ਯੂਕੇ ਦੀਆਂ 165 ਨੌਕਰੀਆਂ ਪੈਦਾ ਕਰਨਾ
ਬੀਪੀ – ਇੰਫੋਸਿਸ ਦੇ ਭਾਰਤ ਭਰ ਦੇ 11 ਕੈਂਪਸਾਂ ਨੂੰ ਡੀਕਾਰਬੋਨਾਈਜ਼ ਕਰਨ ਲਈ ਇੰਫੋਸਿਸ ਨਾਲ ਭਾਈਵਾਲੀ
ਵਧੀ ਹੋਈ ਵਪਾਰ ਭਾਈਵਾਲੀ ਦੁਆਰਾ ਸੰਬੋਧਿਤ ਵਪਾਰਕ ਰੁਕਾਵਟਾਂ ਵਿੱਚ ਸ਼ਾਮਲ ਹਨ।
 

ਬ੍ਰਿਟੇਨ ਭਰ ਵਿੱਚ ਫਲ ਉਤਪਾਦਕਾਂ ਨੂੰ ਪਹਿਲੀ ਵਾਰ ਬ੍ਰਿਟਿਸ਼ ਸੇਬ, ਨਾਸ਼ਪਾਤੀ ਅਤੇ ਕੁਇੰਸ ਨੂੰ ਭਾਰਤ ਨੂੰ ਨਿਰਯਾਤ ਕਰਨ ਦੇ ਯੋਗ ਬਣਾਉਣ ਲਈ ਪਾਬੰਦੀਆਂ ਹਟਾਉਣਾ
ਭਾਰਤ ਵਿੱਚ ਯੂਕੇ ਸਰਟੀਫਿਕੇਟਜ਼ ਆਫ ਫ੍ਰੀ ਸੇਲ ਦੀ ਸਵੀਕ੍ਰਿਤੀ ਰਾਹੀਂ ਡਾਕਟਰੀ ਉਪਕਰਣਾਂ ਲਈ ਬਿਹਤਰ ਪਹੁੰਚ ਹਾਸਲ ਕੀਤੀ, ਜਿਸ ਨਾਲ ਭਾਰਤੀ ਬਾਜ਼ਾਰ ਨੂੰ ਨਿਰਯਾਤ ਕਰਨ ਤੋਂ ਪਹਿਲਾਂ ਯੂਕੇ ਦੇ ਮੈਡੀਕਲ ਉਪਕਰਣਾਂ ਦੀ ਵਾਧੂ ਮਾਨਤਾ ਦੀ ਲੋੜ ਨੂੰ ਹਟਾ ਦਿੱਤਾ ਗਿਆ।

ਵਿਦਿਅਕ ਸੇਵਾਵਾਂ ਵਿਚ ਸਹਿਕਾਰਤਾ ਨੂੰ ਡੂੰਘਾ ਕਰਨ ਅਤੇ ਯੂਕੇ ਦੀਆਂ ਉੱਚ ਸਿੱਖਿਆ ਯੋਗਤਾਵਾਂ ਦੀ ਮਾਨਤਾ 'ਤੇ ਕੰਮ ਨੂੰ ਅੰਤਮ ਰੂਪ ਦੇਣ ਦੀ ਵਚਨਬੱਧਤਾ, ਜੋ ਕਿ ਯੂਕੇ ਅਤੇ ਭਾਰਤ ਵਿਚ ਵਿਦਿਆਰਥੀਆਂ ਦੇ ਪ੍ਰਵਾਹ, ਹੁਨਰਾਂ ਦੇ ਤਬਾਦਲੇ ਅਤੇ ਗਿਆਨ ਦੀ ਵੰਡ ਵਿਚ ਵਾਧਾ ਨੂੰ ਉਤਸ਼ਾਹਤ ਕਰੇਗੀ.
ਭਾਰਤੀ ਕਾਨੂੰਨੀ ਸੇਵਾਵਾਂ ਦੇ ਖੇਤਰ ਵਿਚ ਰੁਕਾਵਟਾਂ ਨੂੰ ਦੂਰ ਕਰਨ ਲਈ ਕੰਮ ਕਰਨ ਦੀ ਵਚਨਬੱਧਤਾ ਜੋ ਯੂਕੇ ਦੇ ਵਕੀਲਾਂ ਨੂੰ ਭਾਰਤ ਵਿਚ ਅੰਤਰਰਾਸ਼ਟਰੀ ਅਤੇ ਵਿਦੇਸ਼ੀ ਕਾਨੂੰਨਾਂ ਦਾ ਅਭਿਆਸ ਕਰਨ ਤੋਂ ਰੋਕਦੀ ਹੈ, ਇਹ ਕਦਮ ਹੈ ਜੋ ਬ੍ਰਿਟੇਨ ਦੀਆਂ ਕਾਨੂੰਨੀ ਸੇਵਾਵਾਂ ਦੇ ਨਿਰਯਾਤ ਅਤੇ ਭਾਰਤ ਤੋਂ ਯੂਕੇ ਕਾਨੂੰਨੀ ਸੇਵਾਵਾਂ ਦੇ ਆਯਾਤ ਵਿਚ ਮਹੱਤਵਪੂਰਣ ਵਾਧਾ ਕਰ ਸਕਦਾ ਹੈ.

ਯੂਕੇ ਦੀਆਂ exports, additional500 additional ਤੋਂ ਵਧੇਰੇ ਨੌਕਰੀਆਂ ਅਤੇ trade 1 ਬਿਲੀਅਨ ਨਵੇਂ ਵਪਾਰ ਦਾ ਇਹ ਅੰਕੜਾ ਡੀਆਈਟੀ ਅਧਿਕਾਰੀਆਂ ਦੀ ਵਿਆਪਕ ਰੁਝੇਵਿਆਂ ਤੋਂ ਬਾਅਦ ਕੰਪਨੀ ਦੀਆਂ ਵਚਨਬੱਧਤਾਵਾਂ ਅਤੇ ਯੂਕੇ-ਇੰਡੀਆ ਨਿਰਯਾਤ ਅਤੇ ਨਿਵੇਸ਼ਾਂ ਦੇ ਅਨੁਮਾਨਾਂ ਤੇ ਅਧਾਰਤ ਹੈ।