ਲੁਧਿਆਣਾ

ਜਗਰਾਓ,10,ਮਾਰਚ (ਰਛਪਾਲ ਸਿੰਘ ਸੇਰਪੁਰੀ)-ਦਸਮ ਪਿਤਾ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੀ ਚਰਨ ਛੋਹ ਪ੍ਰਾਪਤ ਗੁਰਦੁਆਰਾ ਸ੍ਰੀ ਮੈਹਦੇਆਣਾ ਸਾਹਿਬ ਦੇ ਮੁੱਖ ਸੇਵਾਦਾਰ ਭਾਈ ਕੁਲਵੰਤ ਸਿੰਘ ਲੱਖਾ ਦੀ ਅਗਵਾਈ ਹੇਠ ਸਮੂਹ ਸੰਗਤਾ ਦੇ ਸਹਿਯੋਗ ਨਾਲ ਗੁਰਦੁਆਰਾ ਸਾਹਿਬ ਵਿਖੇ ਕਾਰ ਸੇਵਾ ਸੁਰੂ ਕੀਤੀ ਗਈ ਹੈ।ਇਸ ਮੌਕੇ ਗੱਲਬਾਤ ਕਰਦਿਆ ਭਾਈ ਕੁਲਵੰਤ ਸਿੰਘ ਲੱਖਾ ਨੇ ਕਿਹਾ ਕਿ ਗੁਰਦੁਆਰਾ ਸ੍ਰੀ ਮੈਹਦੇਆਣਾ ਸਾਹਿਬ ਦੇ ਮੁੱਖ ਗੇਟ ਤੋ ਲੈ ਕੇ ਪ੍ਰਕਰਮਾ ਵਿਚ,ਦੀਵਾਨ ਹਾਲ ਅਤੇ ਸਰੋਵਰ ਦੇ ਕਿਨਾਰਿਆ ਤੇ ਇੰਟਰਲੌਕ ਲਗਾ ਕੇ ਅਤੇ ਸਜਾਵਟੀ ਬੂਟੇ ਲਗਾਏ ਜਾ ਰਹੇ ਹਨ।ਜਿਸ ਨਾਲ ਗੁਰਦੁਆਰਾ ਸਾਹਿਬ ਦੀ ਸੁੰਦਰਾ ਵਿਚ ਹੋਰ ਵਾਧਾ ਹੋਵੇਗਾ।ਇਸ ਮੌਕੇ ਉਨ੍ਹਾ ਨਾਲ ਬਲਵੀਰ ਸਿੰਘ ਲੱਖਾ,ਗੁਰਮੀਤ ਸਿੰਘ ਲੱਖਾ,ਜਗਤਾਰ ਸਿੰਘ,ਜਸਵਿੰਦਰ ਸਿੰਘ,ਛਿੰਦਾ ਮੱਲ੍ਹਾ ਆਦਿ ਤੋ ਇਲਾਵਾ ਸੰਗਤਾ ਹਾਜਰ ਸਨ। 

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਅੱਜ ਪਿੰਡ ਗਾਲਿਬ ਰਣ ਸਿੰਘ ਵਿਖੇ ਗੁਰਦੁਆਰਾ ਦੇ ਪ੍ਰਧਾਨ ਸਰਤਾਜ ਸਿੰਘ ਦੇ ਗ੍ਰਹਿ ਵਿੱਚ ਸਾਬਕਾ ਵਿਧਇਕ ਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਮੀਤ ਪ੍ਰਧਾਨ ਸ੍ਰੀ ਐਸ.ਆਰ.ਕਲੇਰ ਤੇ ਕਮਲਜੀਤ ਸਿੰਘ ਮੱਲ੍ਹਾ 11ਮਾਰਚ ਨੂੰ ਲੁਧਿਆਣਾ ਵਿਖੇ ਕੀਤੀ ਜਾ ਰਹੀ ਲਈ ਵਰਕਰਾਂ ਅਤੇ ਅਹੁਦੇਦਾਰਾਂ ਨਾਲ ਮੀਟਿੰਗ ਕੀਤੀ ਗਈ।ਇਸ ਸਮੇ ਵੱਖ-ਵੱਖ ਆਗੂਆਂ ਨੇ ਦੱਸਿਆ ਕਿ ਹਲਕਾ ਇੰਚਾਰਜ ਦੀ ਅਗਵਾਈ ਹੇਠ ਨੌਜਵਾਨਾਂ ਵਿੱਚ ਯੂਥ ਰੈਲੀ 'ਚ ਸ਼ਾਮਲ ਹੋਣ ਲਈ ਭਾਰੀ ਉਤਸ਼ਾਹ ਹੈ।ਇਸ ਮੌਕੇ ਕਲੇਰ ਜੀ ਨੇ ਕਿਹਾ ਕਿ 11 ਮਾਰਚ ਨੂੰ ਸਵੇਰੇ 9 ਵਜੇ ਪਸੂ ਮੰਡੀ ਕੋਲੋ ਵੱਡੀ ਗਿਣਤੀ ਵਿੱਚ ਨੌਜਵਾਨਾਂ ਦਾ ਵੱਡਾ ਕਾਫਲਾ ਰਵਾਨਾ ਹੋਵੇਗਾ ਤੇ ਅੱਜ ਤੋ ਇਸ ਯੂਥ ਰੈਲੀ ਦੇ ਸਬੰਧ ਵਿੱਚ ਵੱਖ-ਵੱਖ ਪਿੰਡਾਂ ਦੇ ਆਗੂਆਂ ਦੀਆਂ ਡਿਊਟੀਆਂ ਲਾਈਆਂ ਗਈਆਂ ਹਨ।ਐਸ.ਆਰ.ਕਲੇਰ ਦੇ ਪਿੰਡ ਅਮਰਗ੍ਹੜ ਕਲੇਰ,ਗਾਲਿਬ ਕਲਾਂ,ਗਾਲਿਬ ਰਣ ਸਿੰਘ,ਗਾਲਿਬ ਖੁਰਦ,ਫਹਿਤਗ੍ਹੜ ਸਿਵੀਆਂ,ਸ਼ੇਖਦੌਲਤ,ਲੀਲਾਂ ਆਦਿ ਵਰਕਰਾਂ ਨਾਲ ਮੀਟਿੰਗਾਂ ਕੀਤੀਆਂ।ਇਸ ਸਮੇ ਕੁਲਵਿੰਦਰ ਸਿੰਘ ਖਜ਼ਾਨਚੀ,ਹਰਬੰਸ ਸਿੰਘ,ਸੁਰਜੀਤ ਸਿੰਘ,ਮਹਿੰਦਰ ਸਿੰਘ,ਭੀਮਾ,ਸੁਰਿੰਦਰ ਸਿੰਘ ਬੰਬੇ,ਸਾਬਕਾ ਸਰਪੰਚ ਜਸਦੇਵ ਸਿੰਘ,ਪਿੰਦਾ ਗਾਲਿਬ ਕਲਾਂ ਆਦਿ ਵਰਕਰ ਹਾਜ਼ਰ ਸਨ।

ਲੁਧਿਆਣਾ,  ਮਾਰਚ ਪਿੰਡ ਨੂਰਵਾਲਾ ’ਚ ਅੱਜ ਸਵੇਰੇ ਇੱਕ ਨੌਜਵਾਨ ਨੇ ਆਪਣੇ ਘਰ ਦੇ ਬਾਹਰ ਬੈਠ ਕੇ ਅਖਬਾਰ ਪੜ੍ਹ ਰਹੇ ਜ਼ਿਮੀਂਦਾਰ ਬਲਬੀਰ ਸਿੰਘ (72) ’ਤੇ ਗੋਲੀਆਂ ਚਲਾਈਆਂ। ਇਸ ਦੌਰਾਨ ਤਿੰਨ ਗ਼ੋਲੀਆਂ ਤਾਂ ਖਾਲੀ ਗਈਆਂ ਪਰ ਚੌਥੀ ਗ਼ੋਲੀ ਬਲਬੀਰ ਦੇ ਜਬਾੜੇ ’ਚ ਲੱਗੀ ਜਿਸ ਨਾਲ ਉਹ ਗੰਭੀਰ ਜ਼ਖਮੀ ਹੋ ਗਿਆ। ਉਸ ਨੂੰ ਡੀਐਮਸੀ ਹਸਪਤਾਲ ਭਰਤੀ ਕਰਵਾਇਆ ਗਿਆ ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਗੋਲੀ ਚਲਾਉਣ ਵਾਲੇ ਨੌਜਵਾਨ ਖਿਲਾਫ਼ ਇਲਾਕੇ ਦੇ ਲੋਕਾਂ ਨੇ ਬੁੱਧਵਾਰ ਰਾਤ ਨੂੰ ਥਾਣਾ ਮੇਹਰਬਾਨ ’ਚ ਸ਼ਿਕਾਇਤ ਦਿੱਤੀ ਸੀ ਕਿ ਉਹ ਹਵਾਈ ਫਾਇਰ ਕਰਕੇ ਇਲਾਕੇ ’ਚ ਦਹਿਸ਼ਤ ਫੈਲਾਉਂਦਾ ਹੈ। ਇਸ ਤੋਂ ਬਾਅਦ ਅੱਜ ਸਵੇਰੇ ਥਾਣਾ ਮੇਹਰਬਾਨ ਤੋਂ ਪੁਲੀਸ ਦਾ ਮੁਲਾਜ਼ਮ ਜਾਂਚ ਲਈ ਪੁੱਜਿਆ ਪਰ ਕਾਰਵਾਈ ਕੀਤੇ ਬਿਨਾਂ ਹੀ ਵਾਪਸ ਚਲਾ ਗਿਆ। ਲੋਕਾਂ ਨੇ ਗੋਲੀ ਚੱਲਣ ਤੋਂ ਬਾਅਦ ਉਸ ਨੂੰ ਫੋਨ ਵੀ ਕੀਤਾ ਪਰ ਉਹ ਵਾਪਸ ਆਉਣ ਦੀ ਬਜਾਏ ਥਾਣੇ ਤੋਂ ਹੋਰ ਫੋਰਸ ਲੈਣ ਚਲਾ ਗਿਆ। ਇੰਨੇ ’ਚ ਮੁਲਜ਼ਮ ਉਥੋਂ ਫ਼ਰਾਰ ਹੋ ਗਿਆ। ਇਸ ਤੋਂ ਬਾਅਦ ਪੁਲੀਸ ਦੇ ਉਚ ਅਧਿਕਾਰੀ ਪੁੱਜੇ ਜਿਸ ਤੋਂ ਬਾਅਦ ਜਸਦੇਵ ਸਿੰਘ ਉਰਫ਼ ਡੀਸੀ ਖਿਲਾਫ਼ ਕੇਸ ਦਰਜ ਕਰ ਲਿਆ ਗਿਆ। ਪੁਲੀਸ ਨੇ ਮ੍ਰਿਤਕ ਬਲਵੀਰ ਸਿੰਘ ਦੀ ਲਾਸ਼ ਪੋਸਟਮਾਰਟਮ ਲਈ ਭੇਜ ਦਿੱਤੀ ਹੈ। ਮ੍ਰਿਤਕ ਦੇ ਚਚੇਰੇ ਭਰਾ ਦਲਜੀਤ ਸਿੰਘ ਨੇ ਦੱਸਿਆ ਕਿ ਪਿੰਡ ਵਾਸੀਆਂ ਨੇ ਉਨ੍ਹਾਂ ਦੇ ਭਤੀਜੇ ਰੁਪਿੰਦਰ ਨੂੰ ਸਰਬਸੰਮਤੀ ਨਾਲ ਪਿੰਡ ਦਾ ਸਰਪੰਚ ਚੁਣਿਆ ਸੀ ਪਰ ਉਨ੍ਹਾਂ ਦਾ ਗੁਆਂਢੀ ਜਗਦੇਵ ਸਿੰਘ ਉਰਫ਼ ਡੀਸੀ ਇਸੇ ਗੱਲ ਦੀ ਰੰਜਿਸ਼ ਰੱਖਦਾ ਸੀ। ਉਸ ਨੇ ਦੋਸ਼ ਲਾਇਆ ਕਿ ਪੁਲੀਸ ਮੁਲਾਜ਼ਮ ਦੀ ਲਾਪ੍ਰਵਾਹੀ ਕਾਰਨ ਇਹ ਘਟਨਾ ਵਾਪਰੀ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ,ਗੁਰਦੇਵ ਗਾਲਿਬ)ਸ੍ਰੀ ਗੁਰੂ ਨਾਨਕ ਦੇਵ ਜੀ ਮਹਾਰਜ ਜੀ ਦੇ 550ਵੇਂ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਸੁਲਤਾਨਪੁਰ ਲੋਧੀ ਦੀ ਪਵਿੱਤਰ ਧਰਤੀ ਤੋਂ 7 ਜਨਵਰੀ ਨੂੰ ਸ਼ੁਰੂ ਹੋਈ ਸ਼ਬਦ ਗੁਰੂ ਯਾਤਰਾ ਦਾ ਅੱਜ ਪਿੰਡ ਗਾਲਿਬ ਕਲ਼ਾਂ ਵਿਖੇ ਪੁੱਜਣ ਤੇ ਸੰਗਤਾਂ ਦੁਆਰਾ ਸ਼ਾਨਦਾਰ ਸੁਆਗਤ ਕੀਤਾ ਗਿਆ ।ਸ਼ਬਦ ਗੁਰੂ ਯਾਤਰਾ ਦਾ ਪਿੰਡ ਗਾਲਿਬ ਕਲਾਂ ਪੁੱਜਣ ਤੇ ਸੰਗਤਾਂ ਨੇ ਪਲਕੀ ਸਾਹਿਬ ਜਿਸ ਵਿੱਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ,ਬਿਰਾਜਮਾਨ ਸਨ ਤੋਂ ਇਲਾਵਾ ਗੁਰੂ ਸਹਿਬਾਨ ਦੇ ਸ਼ਸ਼ਤਰਾਂ ਵਾਲੀ ਬੱਸ ਉੱਪਰ ਗੁਲਾਬ ਦੇ ਫੁੱਲਾਂ ਦੀ ਵਰਖਾ ਕਰਦਿਆਂ ਸੁਆਗਤ ਕੀਤਾ ਅਤੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਮਹਾਰਾਜ ਨੂੰ ਸੁੰਦਰ ਰੁਮਾਲੇ ਭੇਂਟ ਕੀਤੇ ਗਏ।ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਮਜਾਰਾਜ ਦੀ ਮਹਾਰਾਜ ਦੀ ਰਹਿਨਰੁਮਾਈ ਹੇਠ ਇਸ ਯਾਤਰਾ ਦੀ ਅਗਵਾਈ ਕਰ ਰਹੇ ਪੰਜ ਪਿਆਰੇ ਸਹਿਬਾਨਾਂ ਨੂੰ  ਸਮੂਹ ਪੰਚਾਇਤ ਤੇ ਲੋਕਲ ਗੁਰੂਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਸਿਰੋਪਾੳ ਨਾਲ ਸਨਮਾਨਿਤ ਕੀਤਾ ਗਿਆ। ਸੰਗਤਾਂ ਸ਼ਬਦ ਗੁਰੂ ਯਾਤਰਾ ਦੇ ਨਾਲ ਚੱਲ ਰਹੀਆਂ ਸਨ।ਇਸ ਦੀ ਅਗਵਾਈ ਸ਼੍ਰੋਮਣੀ ਕਮੇਟੀ ਮੈਂਬਰ ਭਾਈ ਗੁਰਚਰਨ ਸਿੰਘ ਗਰੇਵਾਲ ਕਰ ਰਹੇ ਹਨ।ਇਹ ਸ਼ਬਦ ਗੁਰੂ ਯਾਤਰਾ ਪਿੰਡ ਸ਼ੇਰਪੁਰਾਂ ਕਲ਼ਾਂ, ਸੱਵਦੀ,ਰਮਗ੍ਹੜ ਭੁਲਰ,ਲੀਲਾਂ ਮੇਘ ਸਿੰਘ,ਆਦਿ ਪਿੰਡਾਂ ਵਿੱਚ ਵੀ ਗਈ।ਹਰ ਪਿੰਡ ਵਿੱਚ ਸੰਗਤਾਂ ਵਲੋ ਲੱਡੂ,ਕੇਲੇ,ਸੰਤਰਾਂ,ਬਿਸਕੁਟ,ਚਾਹ ਦੇ ਲੰਗਰ ਵੀ ਲਗਾਏ ਗਏ।ਇਸ ਸਮੇ ਜਨ ਸ਼ਕਤੀ ਸੰਪਦਾਕ ਅਮਨਜੀਤ ਸਿੰਘ ਖੈਹਰਾ,ਸਾਬਕਾ ਜਿਲ੍ਹਾ ਪ੍ਰਸ਼ਿਦ ਮੈਬਰ ਪ੍ਰਿਤਪਾਲ ਸਿੰਘ,ਜੱਥੇਦਾਰ ਬਲਦੇਵ ਸਿੰਘ,ਮਨਦੀਪ ਸਿੰਘ ਬਿੱਟੂ,ਗੁਰਦਿਆਲ ਸਿੰਘ ਪੰਚ,ਜਸਵੰਤ ਸਿੰਘ ਗਰੇਵਾਲ,ਗੁਰਦੇਵ ਸਿੰਘ ਖੇਲਾ,ਬਲਦੇਵ ਸਿੰਘ ਦਿਉਲ,ਆਦਿ ਪੰਚ,ਸਰਪੰਚ ਤੇ ਸੰਗਤਾਂ ਹਾਜ਼ਰ ਸਨ।