ਲੁਧਿਆਣਾ

ਸ ਹਰਦਿਆਲ ਸਿੰਘ ਲਿੱਟ (ਦਿਆਲਾ)ਦੇ ਜਤਨਾਂ ਸਦਕਾ ਪਿੰਡ ਸਹੌਲ਼ੀ ਵਿਖੇ 20 ਦਿਨਾਂ ਦਾ ਪ੍ਰਇਮਰੀ ਸਕੂਲ ਦੇ ਬੱਚਿਆਂ ਨੂੰ ਵਿਰਸੇ ਅਤੇ ਕਲਚਰ ਸਬੰਧੀ ਜਾਗਰੂਕ ਕੈਂਪ ਲਾਇਆ ਗਿਆ

ਸੁਧਾਰ-(ਇਕਬਾਲ ਸਿੰਘ ਦੇਹਰਕਾ-ਮਨਜਿੰਦਰ ਗਿੱਲ) 20 ਦਿਨਾਂ ਦੇ ਕੈਪ ਦੁਰਾਨ ਬੱਚਿਆ ਨੂੰ ਭੰਗੜਾ, ਗਿੱਧਾ,ਗੀਤ ਅਤੇ ਹੋਰ ਬਹੁਤ ਸਾਰੀਆਂ ਕਲਾਵਾਂ ਦੀ ਟਰੇਨਿਗ ਦਿਤੀ ਗਈ।ਕੈਂਪ ਦੇ ਆਖਰੀ ਦਿਨ ਇਕ ਰੰਗਾਰੰਗ ਪ੍ਰੋਗਰਾਮ ਕੀਤਾ ਗਿਆ।ਜਿਸ ਪ੍ਰੋਗਰਾਮ ਦੁਰਾਨ ਸਾਲ ਵਿਚ ਸਕੂਲ ਵਿਚ ਮੱਲਾਂ ਮਾਰਨ ਵਾਲੇ ਬਚਿਆ ਨੂੰ ਸਨਮਾਨਤ ਵੀ ਕੀਤਾ ਗਿਆ।ਇਸ ਪ੍ਰੋਗਰਾਮ ਨੂੰ ਵੱਡੇ ਤੌਰ ਤੇ ਮਾਲੀ ਮਦਦ ਦੇਣ ਵਾਲੇ ਡਾ ਹਰਦਿਆਲ ਸਿੰਘ ਬਰਾੜ ਦੇ ਬੇਟੇ ਨੇ ਪ੍ਰੋਗਰਾਮ ਦਾ ਉਦਘਾਟਨ ਕੀਤਾ। ਉਸ ਸਮੇ ਪ ਬਾਵਾ ਸਿੰਘ ਸਾਬਕਾ ਉਪ ਚੇਅਰਮੈਨ ਘੱਟ ਗਿਣਤੀ ਕਮਿਸ਼ਨ ਭਾਰਤ ਸਰਕਾਰ ਨੇ ਮੁੱਖ ਮਹਿਮਾਨ ਦੇ ਤੌਰ ਤੇ ਸ਼ਿਰਕਤ ਕੀਤੀ ਅਤੇ ਓਹਨਾ ਨੇ ਆਪਣੇ ਸੰਬੋਧਨ ਵਿਚ ਇਲਾਕਾ ਵਸਿਆ ਨੂੰ ਬੱਚਿਆਂ ਨੂੰ ਵਿਰਸੇ ਨਾਲ ਜੋੜਨ ਦੇ ਜਤਨ ਕਰਨਵਾਲੀ ਦਾ ਸਹਿਯੋਗ ਦੇਣ ਦੀ ਬੇਨਤੀ ਕੀਤੀ ਜੋ ਕੇ ਸਮੇ ਦੀ ਮੁੱਖ ਲੋੜ ਹੈ ਦਸਿਆ।ਉਸ ਸਮੇ ਹਰਦਿਆਲ ਸਿੰਘ ਲਿੱਟ ਵਲੋਂ ਆਏ ਮਹਿੰਣਾ ਦਾ ਸੁਆਗਤ ਕੀਤਾ ਗਿਆ। ਸ ਅਮਨਜੀਤ ਸਿੰਘ ਖਹਿਰਾ, ਸ ਸੰਤੋਖ ਸਿੰਘ,ਸ ਬਰਾੜ ਵਲੋਂ ਵੀ ਆਪਣੇ ਵਿਚਾਰ ਸਾਜੇ ਕੀਤੇ ਗਏ।ਬਚਿਆ ਵਲੋਂ ਸਮਾਜਿਕ ਕ੍ਰਿਤੀਆਂ ਅਤੇ ਸਰਕਾਰ ਦੀਆਂ ਗਲਤ ਨੀਤੀਆਂ ਵਾਰੇ ਬਹੁਤ ਸਾਰੀਆਂ ਕੋਰੋਗ੍ਰਾਫੀ ਪੇਸ਼ ਕੀਤੀਆਂ ਗਈਆਂ।ਜਿਨ੍ਹਾਂ ਦੀ ਬਹੁਤ ਹੀ ਸਰਨਾ ਹੋਈ।ਹਿੰਸਾ ਲੈਣ ਵਾਲੇ ਬੱਚਿਆਂ ਅਤੇ ਪਤਵੰਤਿਆਂ ਦਾ ਮਾਣ ਸਨ ਮਾਣ ਵੀ ਕੀਤਾ ਗਿਆ।ਸਟੇਜ ਦੀ ਸੇਵਾ ਮੁੱਖ ਅਧਿਆਪਕ ਸ ਗੁਰਪ੍ਰੀਤ ਸਿੰਘ ਵਲੋਂ ਵੇਖੁਵੀ ਨਿਵਾਈ ਗਈ।

ਤੁਸੀਂ ਇਸ ਸਾਰੇ ਪ੍ਰੋਗਰਾਮ ਨੂੰ ਸਾਡੇ youtube channal ਤੇ ਦੇਖ ਸਕਦੇ ਹੋ ਜਿਸ ਦਾ link Jan Shakti News punjab ਹੈ

ਸਰਕਾਰੀ ਮਿਡਲ ਸਕੂਲ ਗੁਰੂਸਰ ਕਾਉਂਕੇ 'ਚ ਸੱਤਵੀ ਕਲਾਸ ਵਿੱਚੌ ਲੜਕੀ ਸੁੱਖਮਨ ਕੌਰ ਪਹਿਲੇ ਸਥਾਨ ਤੇ ਆਈ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਨੇੜਲੇ ਪਿੰਡ ਗੁਰੂਸਰ ਕਾਉਂਕੇ ਦੇ ਸਰਕਾਰੀ ਮਿਡਲ ਸਕੂਲ ਦਾ ਇਨਾਮ ਵੰਡ ਸਮਾਰੋਹ ਕਰਵਾਇਆ ਗਿਆ।ਇਸ ਸਮੇ ਬੱਚਿਆਂ ਨੇ ਰੰਗਾ=ਰੰਗ ਪੋ੍ਰਗਾਰਮ ਪੇਸ਼ ਕੀਤਾ ਗਿਆ।ਇਸ ਦੌਰਾਨ ਬੱਚਿਆਂ ਵਲੋ ਗੀਤ,ਕੋਰੀੳਗਾ੍ਰਫੀ,ਨਾਟਕ,ਗਿੱਧਾ ਤੇ ਭੰਗੜਾ ਪੇਸ਼ ਕੀਤਾ ਗਿਆ।ਇਸ ਮਿਡਲ ਸਕੂਲ ਦੇ ਸੱਤਵੀ ਕਲਾਸ ਨਤੀਜੇ ਵਿੱਚੌ ਲੜਕੀ ਸੁੱਖਮਨ ਕੌਰ ਨੇ 92% ਨੰਬਰ ਲੈ ਕੇ ਪਹਿਲੇ ਨੰਬਰ ਤੇ ਆਈ ਹੈ ਸਮਾਗਮ 'ਚ ਸਾਲਾਨਾ ਕਾਰਗੁਜ਼ਾਰੀ 'ਚ ਵਧੀਆ ਰਹਿਣ ਵਾਲੇ ਵਿਿਦਆਰਥੀਆਂ ਨੂੰ ਇਨਾਮ ਵੀ ਵੰਡੇ ਗਏ।ਇਸ ਸਮੇ ਪ੍ਰਿਸੀਪਲ ਮੈਡਮ ਜਸਵਿੰਦਰ ਕੌਰ, ਜਸਵਿੰਦਰ ਕੌਰ, ਮਾਸਟਰ ਜਰੈਨਲ ਸਿੰਘ,ਮਾਸਟਰ ਮਨਜੀਤ ਸਿੰਘ,ਅਮ੍ਰਿਤ ਸਿੰਘ ਅਤੇ ਸਮੂਹ ਪੰਚਾਇਤ ਹਾਜ਼ਰ ਸਨ।

ਬਾਰ ਐਸੋਸੀਏਸ਼ਨ ਚੋਣਾਂ ਵਿਚ ਪ੍ਰਧਾਨਗੀ ਦਾ ਤਾਜ ਐਡਵੋਕੇਟ ਗੁਰਤੇਜ ਸਿੰਘ ਗਿੱਲ ਦੇ ਸਿਰ ਸਜਿਆ

ਉਪ ਪ੍ਰਧਾਨ ਰਜਿੰਦਰ ਸਿੰਘ ਸੰਧੂ ਤੇ ਸੈਕਟਰੀ ਅਜੂ ਟੰਡਨ ਚੁਣੇ ਗਏ

ਜਗਰਾਂਉ-ਅਪ੍ਰੈਲ, ( ਮਨਜਿੰਦਰ ਗਿੱਲ )—ਬਾਰ ਐਸੋਸੀਏਸ਼ਨ ਜਗਰਾਓਂ ਦੇ ਪ੍ਰਧਾਨ, ਉਪ ਪ੍ਰਧਾਨ ਅਤੇ ਸੈਕਟਰੀ ਦੀ ਚੋਣ ਅੱਜ ਹੋਈ। ਜਿਸ ਵਿਚ ਕੁੱਲ 128 ਵਕੀਲਾਂ ਨੇ ਭਾਗ ਲਿਆ। ਇਸ ਚੋਣ ਵਿਚ ਪ੍ਰਧਾਨਗੀ ਦਾ ਤਾਜ ਐਡਵੋਕੇਟ ਗੁਰਤੇਜ ਸਿੰਘ ਗਿੱਲ ਦੇ ਸਿਰ ਸਜਿਆ ਅਤੇ ਉਪ ਪ੍ਰਧਾਨ ਰਜਿੰਦਰ ਸਿੰਘ ਸੰਧੂ ਤੇ ਸੈਕਟਰੀ ਅਜੂ ਟੰਡਨ ਚੁਣੇ ਗਏ। ਪ੍ਰਧਾਨਗੀ ਲਈ ਉਮੀਦਵਾਰ ਗੁਰਤੇਜ ਸਿੰਘ ਗਿੱਲ ਨੇ ਆਪਣੇ ਵਿਰੋਧੀ ਉਮੀਦਵਾਰ ਅਸ਼ਵਨੀ ਅਤਰੇ ਨੂੰ 27 ਵੋਟਾਂ ਦੇ ਭਾਰੀ ਅੰਤਰ ਨਾਲ ਹਰਾਇਆ। ਗੁਰਤੇਜ ਗਿੱਲ ਨੂੰ 128 ਵਿਚੋਂ 76 ਵੋਟ, ਅਸ਼ਵਨੀ ਅਤਰੇ ਨੂੰ 49 ਵੋਟ ਅਤੇ 3 ਵੋਟ ਰੱਦ ਕਰ ਦਿਤੇ ਗਏ। ਉਪ ਪ੍ਰਧਾਨ ਲਈ ਮੁਕਾਬਲਾ ਰਜਿੰਦਰ ਸਿੰਘ ਸੰਧੂ ਅਤੇ ਵਿਕਰਮ ਬੇਰੀ ਵਿਚ ਹੋਇਆ। ਜਿਸ ਵਿਚ ਰਜਿੰਦਰ ਸੰਧੂ ਨੂੰ 69 ਵੋਟ ਅਤੇ ਵਿਕਰਮ ਬੇਰੀ ਨੂੰ 57 ਵੋਟ ਮਿਲੇ ਇਨ੍ਹਾਂ ਦੇ 2 ਵੋਟ ਰੱਦ ਕਰ ਦਿਤੇ ਗਏ। ਇਸੇ ਤਰ੍ਹਾਂ ਸੈਕਟਰੀ ਦੇ ਅਹੁਦੇ ਲਈ ਅਜੂ ਟੰਡਨ ਅਤੇ ਵਿਵੇਕ ਭਾਰਦਵਾਜ ਵਿਚ ਮੁਕਾਬਲਾ ਹੋਇਆ। ਜਿਸ ਵਿਚ ਅਜੂ ਟੰਡਨ ਨੂੰ 64 ਅਤੇ ਵਿਵੇਕ ਭਾਰਦਵਾਜ ਨੂੰ 61 ਵੋਟ ਮਿਲੇ ਜਦੋਂ ਕਿ ਤਿੰਨ ਵੋਟ ਰੱਦ ਹੋ ਗਏ। ਇਨ੍ਹਾਂ ਚੋਣਾਂ ਤੋਂ ਪਹਿਲਾਂ ਹੀ ਐਗਜੇਕਿਟਵ ਮੈਂਬਰ ਲਈ ਖੜੇ ਦੋ ਉਮੀਦਵਾਰ ਅਸ਼ੀਸ਼ ਗੁਪਤਾ ਅਤੇ ਮੂਨ ਝਾਂਜੀ ਬਿਨਾਂ ਮੁਕਾਬਲਾ ਜੇਤੂ ਕਰਾਰ ਦੇ ਦਿਤੇ ਗਏ ਸਨ। ਚੋਣਾਂ ਵਿਚ ਜੋਗਿੰਦਰ ਸਿੰਹ ਵਿਰਕ ਨੇ ਆਰ. ਏ. ਅਤੇ ਨਵੀਨ ਗੁਪਤਾ, ਵਰਿੰਦਰ ਕੈਰ ਸੰਧੂ ਤੇ ਮੁਖਤਿਆਰ ਸਿੰਘ ਗਰਚਾ ਨੇ ਏ. ਆਰ. ਓ ਦੀ ਭੂਮਿਕਾ ਨਿਭਾਈ। ਬਾਰ ਐਸੋਸਿਏਸ਼ਨ ਦੀ ਨਵੀਂ ਚੁਣੀ ਗਈ ਟੀਮ ਦੇ ਪ੍ਰਧਾਨ ਗਪਰਤੇਜ ਸਿੰਘ ਗਿੱਲ ਨੇ ਐਸੋਸੀਏਸ਼ਨ ਨੂੰ ਭਰੋਸਾ ਦਿਤਾ ਕਿ ਉਹ ਬਿਨ੍ਹਾਂ ਕਿਸੇ ਪੱਖ ਪਾਤ ਤੋਂ ਬਾਰ ਦੀ ਭਲਾਈ ਲਈ ਕੰਮ ਕਰਨਗੇ ਅਤੇ ਸਾਰੇ ਮੈਂਬਰਾਂ ਨੂੰ ਨਾਲ ਲੈ ਕੇ ਚੱਲਣਗੇ। ਇਸ ਮੌਕੇ ਸੀਨੀਅਰ ਵਕੀਲ ਵਿਜੇ ਕੁਮਾਰ ਬਾਂਸਲ, ਰਘੁਵੀਰ ਸਿੰਘ ਤੂਰ, ਸੰਦੀਪ ਗੁਪਤਾ, ਸੁਭਾਸ਼ ਮਹੰਤ, ਅਮਰਜੀਤ ਸਿੰਘ ਲਾਂਬਾ, ਪਰਮ ਗਰੇਵਾਲ, ਵੀਰਪਾਲ ਕੌਰ, ਮਨਪ੍ਰੀਤ ਕੌਰ, ਮਨਜਿੰਦਰ ਕੌਰ ਸਮੇਤ ਬਾਰ ਐਸੋਸਿਏਸ਼ਨ ਦੋ ਅਹੁਦੇਦਾਰਾਂ ਅਤੇ ਮੈਂਬਰਾਂ ਨੇ ਨਵੀਂ ਚੁਣੀ ਗਈ ਟੀਮ ਨੂੰ ਵਧਾਈ ਦਿਤੀ।

ਦੇ ਗੱਫੇ ਲੈਣ ਵਾਲੇ ਪਿੰਡਾ ਨੂੰ ਕਾਂਗਰਸ ਰਾਜ ਚ ਨਸੀਬ ਹੋਈਆ ਚੁੱਟਕੀ ਭਰ ਗ੍ਰਾਂਟਾਂ

ਇੱਕੋਦਮ ਹੋਈ ਪਿੰਡਾਂ ਚ ਬਿੱਟੂ ਦੀ ਆਮਦ ਨੇ ਛੇੜੀ ਵੋਟਰਾਂ ਚ ਨਵੀਂ ਚਰਚਾ
* ਇਆਲੀ ਅੱਜ ਵੀ ਵਿਚਰ ਰਿਹਾ ਹੈ ਹਲਕੇ ਦਾਖਾ ਦੇ ਵੋਟਰ ਚ *

ਚੌਕੀਮਾਨ (ਨਸੀਬ ਸਿੰਘ ਵਿਰਕ) ਲੋਕ ਸਭਾ ਹਲਕਾ ਲੁਧਿਆਣੇ ਦੀ ਧਰਤੀ ਦਾ ਨਾਮੀ ਹਲਕਾ, ਹਲਕਾ ਦਾਖਾ ਜਿੱਥੇ ਪਿੱਛਲੇ ਸਾਲਾਂ ਦੌਰਾਨ ਹਲਕੇ ਦਾਖਾ ਦੇ ਸਾਬਕਾ ਵਿਧਾਇਕ ਸ: ਮਨਪ੍ਰੀਤ ਸਿੰਘ ਇਆਲੀ ਨੇ ਆਪਣੇ ਕਾਰਜ ਕਾਲ ਦੌਰਾਨ ਐਨੀਆ ਵੱਡੀਆ ਗ੍ਰਾਟਾਂ ਦੇ ਗੱਫੇ ਪਿੰਡਾ ਦੀਆ ਪੰਚਾਇਤਾ ਨੂੰ ਦਿੱਤੇ ਕਿ ਵੋਟਰ ਸ: ਮਨਪ੍ਰੀਤ ਸਿੰਘ ਇਆਂਲੀ ਨੂੰ ਗ੍ਰਾਟਾ ਦੇ ਜਾਦੂਗਰ ਦੇ ਨਾਲ ਨਾਲ ਵਿਕਾਸ ਪੁਰਸ਼ ਦੇ ਨਾਮ ਨਾਲ ਵੀ ਜਾਨਣ ਲੱਗੇ ,ਇਆਲੀ ਦੀਆਂ ਦਿੱਤੀਆਂ ਗ੍ਰਾਂਟਾ ਨਾਲ ਇਆਲੀ ਵੱਲੋਂ ਚਲਾਏ ਵਿਕਾਸ ਕਾਰਜਾ ਦੀ ਕਰੰਡੀ ਨਿਰਵਿਘਨ ਖੜਕਦੀ ਰਹਿੰਦੀ ਸੀ ਤਦ ਹੀ ਹਲਕਾ ਦਾਖਾ ਇੱਕ ਵੇਖਣਯੋਗ ਇਲਾਕਾ ਅਖਵਾਉਣ ਲੱਗਾ ਸੀ । ਪਰ ਕਾਂਗਰਸ ਸਰਕਾਰ ਦੇ ਰਾਜ ਭਾਗ ਸੰਭਾਲਣ ਤੋਂ ਕੁੱਝ ਸਮੇਂ ਬਾਅਦ ਹੀ ਹਰ ਪਾਸੇ ਹੀ ਹਹਾਕਾਰ ਮੱਚ ਗਈ ਸੀ । ਕਾਂਗਰਸ ਦੀ ਕਾਰਜਸ਼ੈਲੀ ਤੋਂ ਨਾ ਕੋਈ ਅਧਿਕਾਰੀ, ਨਾ ਕੋਈ ਗਰੀਬ ਅਤੇ ਨਾ ਕੋਈ ਅਫਸਰਸ਼ਾਹੀ ਖੁਸ਼ ਵੇਖੀ ਜਾ ਸਕਦੀ ਹੈ ਜਿੱਥੇ ਪੰਜਾਬ ਦੇ ਲੋਕਾਂ ਦਾ ਇਹ ਹਾਲ ਹੈ ਉੱਥੇ ਹੀ ਹਲਕੇ ਦਾਖੇ ਦੇ ਵਿਕਾਸ ਕਾਰਜਾ ਨੂੰ ਵੀ ਐਸੀਆਂ ਪੱਕੀਆਂ ਬਰੈਕਾ ਲੱਗੀਆਂ ਕਿ ਵਿਕਾਸ ਕਾਰਜਾ ਨੂੰ ਜਰ (ਜੰਗ) ਲੱਗ ਗਈ । ਹੁਣ ਚੋਣ ਸਰਗਮਰੀ ਦਾ ਮੌਸਮ ਭਖ ਰਿਹ ਹੈ ਜਿਸ ਵਿੱਚ ਹਰ ਸਿਆਸੀ ਲੀਡਰ ਆਪਣੀਆਂ ਰੋਟੀਆਂ ਸੇਕ ਕੇ ਮਜੇ ਨਾਲ ਚਬਾ ਰਿਹਾ ਹੈ ਇਸ ਤਰ੍ਹਾ ਸਿਆਸੀ ਰੋਟੀਆ ਸੇਕਣ ਚ ਲੋਕ ਸਭਾ ਹਲਕਾ ਲੁਧਿਆਣਾ ਦੇ ਕਾਂਗਰਸੀ ਉਮੀਦਵਾਰ ਰਵਨੀਤ ਸਿੰਘ ਬਿੱਟੂ ਵੀ ਆਪਣੀ ਟੀਮ ਸਮੇਤ ਰੋਟੀਆ ਸੇਕਣ ਚ ਪਹਿਲੇ ਸਥਾਨ ਤੇ ਵੇਖਿਆ ਜਾ ਸਕਦਾ ਹੈ ਅੱਜ ਕੱਲ ਸ੍ਰੀ ਰਵਨੀਤ ਬਿੱਟੂ ਆਪਣੀ ਵੋਟ ਬੈਂਕ ਨੂੰ ਮਜਬੂਤ ਕਰਨ ਲਈ ਵੱਡੀਆ ਗ੍ਰਾਟਾ ਪ੍ਰਾਪਤ ਕਰਨ ਵਾਲੇ ਹਲਕੇ ਦਾਖੇ ਦੇ ਪਿੰਡਾ ਨੂੰ ਚੁਟਕੀਆ ਨਾਲ ਛੋਟੀਆਂ-ਛੋਟੀਆਂ ਗ੍ਰਾਂਟਾ ਦੇਕੇ ਭਰਮਾਉਣ ਲੱਗੇ ਹਨ ,ਬਿੱਟੂ ਦੀਆਂ ਇਹ ਗ੍ਰਾਟਾ ਅੱਜ ਕੱਲ ਚਰਚਾ ਚ ਹਨ ਵੋਟਰਾ ਦਾ ਮੰਨਣਾ ਹੈ ਕਿ ਜਦੋ ਇਆਂਲੀ ਵੱਡੀਆ ਗ੍ਰਾਟਾ ਦੇ ਕੇ ਵਿਕਾਸ ਕਾਰਜ ਕਰਵਾਉਂਦਾ ਰਿਹਾ ਹੈ ਮੈਂਬਰ ਪਾਰਲੀਮੈਂਟ ਬਿੱਟੂ ਵੱਡੀਆਂ ਗਾਂ੍ਰਟਾ ਕਿਉ ਤਕਸੀਮ ਨਹੀ ਕਰ ਰਿਹਾ ,ਇੱਥੇ ਹੀ ਇਹ ਵੀ ਚਰਚਾ ਹੈ ਕਿ ਬਿੱਟੂ ਹੁਣ ਹੀ ਪਿੰਡਾਂ ਚ ਮੀਟਿੰਗਾਂ ਕਰਕੇ ਲੋਕ ਦੁੱਖ ਸੁਨਣ ਲਈ ਬੋਹੜਿਆ ਹੈ ਪਹਿਲਾ ਕਿੱਥੇ ਸੀ । ਬਿੱਟੂ ਦੀ ਹੁੰਦੀ ਇਹ ਚਰਚਾ ਸਾਫ ਦਰਸਾ ਰਹੀ ਹੈ ਕਿ ਲੋਕ ਸਭਾ ਚੋਣਾਂ ਚ ਵੋਟਰ ਕਿਸ ਪਾਸੇ ਭੁਗਣਤ ਲਈ ਪੱਬਾਂ ਭਾਰ ਹੋਏ ਬੈਠੇ ਹਨ ।

ਸਾਬਕਾ ਵਿਧਾਇਕ ਸ੍ਰੀ ਐਸ ਆਰ ਕਲੇਰ ਕੀਤੀ ਮੀਟਿੰਗ

ਚੌਕੀਮਾਨ/ਸਵੱਦੀ ਕਲਾਂ (ਬਲਜਿੰਦਰ ਸਿੰਘ ਵਿਰਕ,ਨਸੀਬ ਸਿੰਘ ਵਿਰਕ) ਹਲਕਾ ਜਗਰਾਉ ਦੇ ਸਰਹੱਦੀ ਪਿੰਡ ਸੰਗਤਪੁਰਾ (ਢੈਪਈ ) ਚ ਅੱਜ ਟਰੱਕ ਯੂਨੀਅਨ ਪ੍ਰਧਾਨ ਜਗਰਾਉ ਬਿੰਦਰ ਮਨੀਲਾ ਦੀ ਸਰਪ੍ਰਸਤੀ ਹੇਠ ਮੀਟਿੰਗ ਕੀਤੀ ਗਈ । ਜਿਸ ਵਿੱਚ ਸਾਬਕਾ ਵਿਧਾਇਕ ਸ੍ਰੀ ਐਸ ਆਰ ਕਲੇਰ ਹਲਕਾ ਜਗਰਾਉ ਨੇ ਯੂਥ ਅਕਾਲੀ ਆਗੂ ਕੰਮਲਜੀਤ ਸਿੰਘ ਮੱਲਾਂ, ਚੇਅਰਮੈਨ ਦੀਦਾਰ ਸਿੰਘ ਮਲਕ ਸਮੇਤ ਦਸਤਕ ਦਿੰਦੇ ਹੋਏ ਸ਼੍ਰੋਮਣੀ ਅਕਾਲੀਦਲ ਬਾਦਲ ਦੇ ਸੂਝਵਾਨ ਸਮਰਥਕਾ ਨੂੰ ਸੰਬੋਧਤ ਕਰਦੇ ਹੋਏ ਅਪੀਲ ਕੀਤੀ ਕਿ 12 ਅਪ੍ਰੈਲ ਨੂੰ ਸ਼੍ਰੋਮਣੀ ਅਕਾਲੀਦਲ ਬਾਦਲ ਦੇ ਸਾਬਕਾ ਉਪ ਮੰਤਰੀ ਸ: ਸੁਖਬੀਰ ਸਿੰਘ ਬਾਦਲ ਜਗਰਾਉ ਦੀ ਪਸ਼ੂ ਮੰਡੀ ਚ ਪਾਰਟੀ ਦੇ ਵਫਾਦਾਰ ਸਿਪਾਹੀਆ ਦੇ ਸਨਮੁੱਖ ਹੋਕੇ ਆਪਣੇ ਵਿਚਾਰ ਸ਼ਾਂਝੇ ਕਰਨਗੇ ਇਸੇ ਲਈ ਅਸੀ ਉਸ ਦਿਨ ਵੱਡੀ ਗਿਣਤੀ ਚ ਇੱਕਤਰ ਹੋਕੇ ਉਹਨਾ ਦੇ ਵਿਚਾਰ ਸੁਣਦੇ ਹੋਏ ਵਿਰੋਧੀਧਿਰਾ ਦੇ ਮਨਾ ਚ ਪਲ ਰਹੇ ਗਲਤ ਭੁਲੇਖੇ ਵੀ ਦੂਰ ਕਰ ਦੇਵਾਂਗੇ । ਇਸ ਸਮੇਂ ਉੱਘੇ ਸਮਾਜਸੇਵੀ ਅਤੇ ਪ੍ਰਧਾਨ ਬਿੰਦਰ ਮਨੀਲਾ ਅਤੇ ਸਰਪੰਚ ਬੀਬੀ ਪਲਵਿੰਦਰ ਕੌਰ ਸਿੱਧੂ ਨੇ ਵੀ ਆਈ ਸਮੁੱਚੀ ਲੀਡਰਸਿੱਪ ਨੂੰ ਪੂਰਨ ਵਿਸਵਾਸ ਦਵਾਉਂਦੇ ਹੋਏ ਕਿਹਾ ਕਿ ਮੇਰੇ ਨਗਰ ਚੋਂ ਮੇਰੇ ਸਤਿਕਾਰਯੋਗ ਵੋਟਰ ਵੱਡੀ ਗਿਣਤੀ ਚ ਹਾਜਰੀ ਭਰਨ ਲਈ ਟਰੈਕਟਰ ਟਰਾਲੀਆਂ ਤੇ ਚਾਲੇ ਪਾਉਂਦੇ ਹੋਏ ਜਗਰਾਉ ਪਹੁੰਚਣਗੇ । ਇਸ ਸਮੇਂ ਇੰਨਾ ਦੇ ਨਾਲ ਪੰਚ ਗੁਰਜੀਤ ਸਿੰਘ , ਪੰਚ ਰਾਗਾ ਸਿੰਘ, ਪੰਚ ਨਵਜੋਤ ਕੌਰ, ਪੰਚ ਸੰਦੀਪ ਸਿੰਘ , ਪੰਚ ਨਸੀਬ ਕੌਰ , ਪੰਚ ਹਰਪਾਲ ਕੌਰ , ਸਾਬਕਾ ਸਰਪੰਚ ਸੁਰਜੀਤ ਸਿੰਘ , ਸਾਬਕਾ ਪੰਚ ਜਗਜੀਤ ਸਿੰਘ , ਸੁਲਤਾਨ ਸਿੰਘ , ਭਗਵੰਤ ਸਿੰਘ , ਦੀਦਾਰ ਸਿੰਘ , ਰਾਜਿੰਦਰ ਸਿੰਘ , ਗੁਰਦੇਵ ਸਿੰਘ , ਮਨਪ੍ਰੀਤ ਸਿੰਘ , ਸੰਪੂਰਨ ਸਿੰਘ , ਰਾਜਵਿੰਦਰ ਸਿੰਘ , ਜਗਮੇਲ ਸਿੰਘ , ਰਾਜਾ ਸਿੱਧੂ , ਹੈਪੀ ਭੱਠੇ ਵਾਲਾ , ਬੂਟਾ ਸਿੰਘ , ਦਿਆ ਸਿੰਘ ਆਦਿ ਹਾਜਰ ਸਨ ।

ਸਰਕਾਰੀ ਹਾਈ ਸਕੂਲ ਸੰਗਤਪੁਰਾ (ਢੈਪਈ ) ਵਿਖੇ ਇਨਾਮ ਵੰਡ ਸਮਾਰੋਹ ਕਰਵਾਇਆਂ ਗਿਆ

ਚੌਕੀਮਾਨ/ਸਵੱਦੀ ਕਲਾਂ (ਨਸੀਬ ਸਿੰਘ ਵਿਰਕ/ ਬਲਜਿੰਦਰ ਸਿੰਘ ਵਿਰਕ) ਇੱਥੋ ਨੇੜਲੇ ਪਿੰਡ ਸੰਗਤਪੁਰਾ (ਢੈਪਈ) ਦੇ ਸਰਕਾਰੀ ਹਾਈ ਸਕੂਲ ਚ ਸਲਾਨਾ ਇਨਾਮ ਵੰਡ ਸਮਾਰੋਹ ਕਰਵਾਇਆ ਗਿਆ । ਇਸ ਸਮਾਗਮ ਵਿੱਚ ਸਰਪੰਚ ਪਲਵਿੰਦਰ ਕੌਰ ਸਿੱਧੂ ਅਤੇ ਪ੍ਰਧਾਨ ਬਿੰਦਰ ਮਨੀਲਾ ਨੇ ਮੁੱਖ ਮਹਿਮਾਨ ਵਜੋਂ ਸਿਰਕਤ ਕੀਤੀ । ਇਸ ਮੌਕੇ ਨੌਵੀਂ ਜਮਾਤ ਦੀ ਵਿਦਿਆਰਥਣ ਬ੍ਰਹਮਜੋਤ ਕੌਰ ਨੇ ਆਪਣੇ ਅੰਗਰੇਜੀ ਭਾਸਣ ਵਿੱਚ ਹਾਜਰੀਨ ਨੂੰ ਜੀ ਆਇਆ ਆਖਦੇ ਹੋਏ ਸਵਾਗਤ ਕੀਤਾ । ਇਸ ਸਮਾਰੋਹ ਦੌਰਾਨ ਸਕੂਲ ਦੇ ਬੱਚਿਆ ਵੱਲੋਂ ਧਾਰਮਿਕ ਸ਼ਬਦ ਗਾਇਨ ਕਰਕੇ ਸਮਾਗਮ ਦਾ ਅਗਾਜ ਕੀਤਾ ਅਤੇ ਰੱਬ ਰੂਪੀ ਬੱਚਿਆ ਵੱਲੋਂ ਰੰਗਾ ਰੰਗ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ । ਇਸ ਤੋਂ ਇਲਾਵਾ ਬੱਚਿਆ ਵੱਲੋਂ ਗੀਤ, ਕੋਰੀਓੁਗ੍ਰਾਫੀ ,ਕਵੀਸ਼ਰੀ , ਨਾਟਕ , ਗਿੱਧਾ ਅਤੇ ਭੰਗੜਾ ਪੇਸ਼ ਕੀਤਾ ਗਿਆ। ਇਸ ਸਮੇਂ ਪ੍ਰਧਾਨ ਅਤੇ ਉੱਘੇ ਸਮਾਜਸੇਵੀ ਬਿੰਦਰ ਮਨੀਲਾ ਨੇ ਇੱਕਤਰ ਹੋਏ ਨਗਰ ਵਾਸੀਆ ਨੂੰ ਅਤੇ ਸਕੂਲ ਸਟਾਫ ਨੂੰ ਹਰ ਸੰਭਣ ਸਹਾਇਤਾ ਦੇਣ ਅਤੇ ਅਧਿਆਪਕਾ ਦੀ ਘਾਟ ਨੂੰ ਆਪਣੇ ਪੱਧਰ ਤੇ ਪੂਰਾ ਕਰਨ ਦਾ ਭਰੋਸਾ ਦਵਾਇਆ । ਸਮਾਗਮ ਦੌਰਾਨ ਸਲਾਨਾ ਕਾਰਗੁਜਾਰੀ ਚ ਵਧੀਆ ਰਹਿਣ ਵਾਲੇ ਵਿਦਿਆਰਥੀਆ ਅਤੇ ਬਲਾਕ ਪੱਧਰ ਤੇ ਭਾਗ ਲੈਣ ਵਾਲੇ ਬੱਚਿਆ ਨੂੰ ਇਨਾਮ ਵੰਡਦੇ ਹੋਏ ਨਵੇਂ ਦਾਖਲ ਹੋਏ ਵਿਦਿਆਰਥੀਆ ਨੂੰ ਵੀ ਸਨਮਾਨਿਤ ਕੀਤਾ ਗਿਆ । ਇਸ ਮੌਕੇ ਸਮੂਹ ਐਸ ਐਮ ਸੀ ਮੈਂਬਰ ਸਾਬਕਾ ਗ੍ਰਾਮ ਪੰਚਾਇਤ ,ਮੌਜੂਦਾ ਗ੍ਰਾਮ ਪੰਚਾਇਤ ਅਤੇ ਦਾਨੀ ਸੱਜਣਾਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ । ਇਸ ਸਮਾਗਮ ਦੌਰਾਨ ਸਟੇਜ਼ ਸੈਕਟਰੀ ਦੀ ਭੂਮਿਕਾ ਮਾ ਜਸਮੇਲ ਸਿੰਘ ਜੱਸੋਵਾਲ ਨੇ ਬਾਖੂਬੀ ਨਿਭਾਈ । ਇਸ ਸਮਾਗਮ ਵਿੱਚ ਰਾਗਾ ਸਿੰਘ , ਸੰਦੀਪ ਸਿੰਘ , ਹਰਪਾਲ ਕੌਰ , ਨਵਜੋਤ ਕੌਰ , ਨਸੀਬ ਕੌਰ (ਸਾਰੇ ਪੰਚ ), ਸਰਬਣ ਸਿੰਘ , ਜਗਜੀਤ ਸਿੰਘ , ਜਸਵੀਰ ਕੌਰ , ਸੂਬੇਦਾਰ ਬਲਦੇਵ ਸਿੰਘ , ਸਾਬਕਾ ਸਰਪੰਚ ਗੁਰਜੀਤ ਸਿੰਘ , ਕਾਹਨ ਸਿੰਘ , ਜਗਰਾਜ ਸਿੰਘ , ਗੁਰਸ਼ਰਨ ਸਿੰਘ ,ਦੀਦਾਰ ਸਿੰਘ ,ਜਸਮਿੰਦਰ ਸਿੰਘ , ਅੰਮ੍ਰਿਤਪਾਲ ਸਿੰਘ , ਜਸਮੇਲ ਸਿੰਘ , ਮਨਦੀਪ ਸਿੰਘ , ਸੁਖਵਿੰਦਰ ਸਿੰਘ , ਸਰਬਜੀਤ ਕੌਰ , ਕਿਰਨਜੀਤ ਕੌਰ ਆਦਿ ਨੇ ਵੀ ਹਾਜਰੀ ਲਗਵਾਈ ।

ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਗ੍ਰੇਟ ਬਾਰ ਬ੍ਰਮਿੰਘਮ ਦਾ ਸ਼ਾਨਦਾਰ ਉਦਘਾਟਨ

ਬ੍ਰਮਿੰਘਮ- ਅਪ੍ਰੈਲ ( ਗਿਆਨੀ ਰਵਿੰਦਰਪਾਲ ਸਿੰਘ )- ਸ੍ਰੀ ਗੁਰੂ ਸਿੰਘ ਸਭਾ ਗੁਰਦੁਆਰਾ ਗ੍ਰੇਟ ਬਾਰ, ਬ੍ਰਮਿੰਘਮ ਦੀ ਨਵੀਂ ਇਮਾਰਤ ਦਾ ਉਦਘਾਟਨੀ ਸਮਾਗਮ ਕਰਵਾਇਆ ਗਿਆ | ਇਸ ਮੌਕੇ ਸ੍ਰੀ ਅਖੰਡ ਪਾਠ ਦੇ ਭੋਗ ਉਪਰੰਤ ਦੀਵਾਨ ਸਜਾਏ ਗਏ, ਜਿਸ ਦੌਰਾਨ ਸਥਾਨਕ ਅਤੇ ਬਾਹਰੋਂ ਆਏ ਕੀਰਤਨੀ ਜਥਿਆਂ ਨੇ ਹਾਜ਼ਰੀ ਭਰੀ | ਗੁਰੂ ਘਰ ਦੇ ਸੇਵਾਦਾਰਾਂ ਨੇ ਸਪੱਸ਼ਟ ਕੀਤਾ ਕਿ ਗੁਰੂ ਘਰ ਵਿਖੇ ਪੰਥ ਪ੍ਰਵਾਣਿਤ ਰਹਿਤ ਮਰਿਆਦਾ ਚੱਲੇਗੀ ਅਤੇ ਗੁਰੂ ਘਰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਨੂੰ ਸਮਰਪਿਤ ਹੋਵੇਗਾ | ਸਿੰਘ ਸਭਾ ਡਰਬੀ ਦੇ ਜਨਰਲ ਸਕੱਤਰ ਸ: ਰਾਜਿੰਦਰ ਸਿੰਘ ਪੁਰੇਵਾਲ ਨੇ ਪੰਥਕ ਏਕਤਾ ਸਬੰਧੀ ਵਿਚਾਰ ਸਾਂਝੇ ਕਰਦਿਆਂ ਕਿਹਾ ਸਾਨੂੰ ਇਕ ਦੂਜੇ ਦੇ ਵਿਚਾਰਾਂ ਦੀ ਕਦਰ ਕਰਨੀ ਚਾਹੀਦੀ ਹੈ ਤੇ ਹਰੇਕ ਸੰਸਥਾ ਦਾ ਸਤਿਕਾਰ ਕਰਨਾ ਚਾਹੀਦਾ ਹੈ | ਸ੍ਰੀ ਗੁਰੂ ਸਿੰਘ ਸਭਾ ਡਰਬੀ ਦੇ ਪ੍ਰਧਾਨ ਭਾਈ ਰਘਬੀਰ ਸਿੰਘ ਤੱਘੜ ਅਤੇ ਸ: ਰਾਜਿੰਦਰ ਸਿੰਘ ਪੁਰੇਵਾਲ ਨੇ ਗੁਰੂ ਘਰ ਦੇ ਨਵੇਂ ਸੇਵਾਦਾਰਾਂ ਨੂੰ ਜ਼ਿੰਮੇਵਾਰੀ ਲਈ ਜੈਕਾਰਿਆਂ ਦੀ ਗੂੰਜ ਵਿੱਚ ਸੰਗਤਾਂ ਨੇ ਪ੍ਰਵਾਨਗੀ ਦਿੱਤੀ | ਅਖੰਡ ਕੀਰਤਨੀ ਜਥਾ ਯੂ. ਕੇ. ਦੇ ਜਥੇਦਾਰ ਭਾਈ ਰਘਬੀਰ ਸਿੰਘ ਨੇ ਜਥੇਦਾਰ ਬਲਬੀਰ ਸਿੰਘ ਨੂੰ ਮੁੱਖ ਸੇਵਾਦਾਰ ਵਜੋਂ ਸਿਰੋਪਾਓ ਦੇ ਕੇ ਸਨਮਾਨ ਕੀਤਾ | ਭਾਈ ਬਲਬੀਰ ਸਿੰਘ ਜਥੇਦਾਰ, ਭਾਈ ਜੋਗਾ ਸਿੰਘ ਮੀਤ ਜਥੇਦਾਰ, ਭਾਈ ਜਗਜੀਤ ਸਿੰਘ ਜਨਰਲ ਸਕੱਤਰ, ਭਾਈ ਦੁਪਿੰਦਰਜੀਤ ਸਿੰਘ ਖ਼ਜ਼ਾਨਚੀ ਅਤੇ ਭਾਈ ਕੁਲਦੀਪ ਸਿੰਘ ਨੂੰ ਸਟੇਜ ਸਕੱਤਰ ਦੀ ਸੇਵਾ ਸੌਾਪੀ ਗਈ | ਸਮਾਗਮ ਦੌਰਾਨ ਯੂ. ਕੇ. ਅਤੇ ਯੂਰਪ ਤੋਂ ਪਹੁੰਚੇ ਗੁਰੂ ਘਰਾਂ ਅਤੇ ਪੰਥਕ ਸੰਸਥਾਵਾਂ ਦੇ ਨੁਮਾਇੰਦਿਆਂ ਨੇ ਮੁਬਾਰਕਬਾਦ ਦਿੱਤੀ | ਪ੍ਰਬੰਧਕ ਕਮੇਟੀ ਵਲੋਂ ਗੁਰੂ ਨਾਨਕ ਗੁਰਦੁਆਰਾ ਸੈਜਲੀ ਸਟਰੀਟ ਟਰੱਸਟ ਅਤੇ ਹੋਰ ਸਮੂਹ ਗੁਰੂ ਘਰਾਂ ਦੇ ਸੇਵਾਦਾਰਾਂ, ਵੱਖ-ਵੱਖ ਸੇਵਾਵਾਂ ਕਰਨ ਵਾਲੇ ਸੇਵਾਦਾਰਾਂ ਭਾਈ ਜਸਪਾਲ ਸਿੰਘ ਨਿੱਝਰ, ਭਾਈ ਜਗਤਾਰ ਸਿੰਘ ਗਿੱਲ, ਭਾਈ ਗੁਰਿੰਦਰ ਸਿੰਘ ਜੋਸਨ, ਸ: ਜਗਤਾਰ ਸਿੰਘ ਗਿੱਲ, ਸ: ਤਰਸੇਮ ਸਿੰਘ ਦਿਓਲ ਦਾ ਗੁਰੂ ਘਰ ਦੀ ਸੇਵਾ ਲਈ ਹਾਰਦਿਕ ਧੰਨਵਾਦ ਕੀਤਾ |
ਇਸ ਮੌਕੇ ਰਾਮਗੜ੍ਹੀਆ ਗੁਰਦੁਆਰਾ ਬ੍ਰਮਿੰਘਮ ਦੇ ਨੁਮਾਇੰਦੇ ਸ: ਪਿਆਰਾ ਸਿੰਘ ਭੋਗਲ, ਸਤਿਕਾਰ ਕਮੇਟੀ ਦੇ ਭਾਈ ਮਨਵੀਰ ਸਿੰਘ, ਸਿੱਖ ਸੈਂਟਰ ਫਰੈਂਕਫੋਰਟ (ਜਰਮਨੀ) ਤੋਂ ਭਾਈ ਗੁਰਚਰਨ ਸਿੰਘ ਗੁਰਾਇਆਂ, ਸਿੱਖ ਕੌਾਸਲ ਯੂ. ਕੇ. ਦੇ ਸਾਬਕਾ ਸੈਕਟਰੀ ਜਨਰਲ ਸ: ਜਗਤਾਰ ਸਿੰਘ ਗਿੱਲ, ਪੰਥਕ ਵਿਦਵਾਨ ਜਥੇਦਾਰ ਮਹਿੰਦਰ ਸਿੰਘ ਖਹਿਰਾ, ਗੁਰੂ ਨਾਨਕ ਗੁਰਦੁਆਰਾ ਸਮੈਦਿਕ ਦੇ ਸਾਬਕਾ ਪ੍ਰਧਾਨ ਸ: ਤਰਸੇਮ ਸਿੰਘ ਛੋਕਰ, ਸ: ਅਵਤਾਰ ਸਿੰਘ ਖਾਲਸਾ, ਵਰਲਡ ਸਿੱਖ ਪਾਰਲੀਮੈਂਟ ਦੇ ਭਾਈ ਮਨਪ੍ਰੀਤ ਸਿੰਘ, ਗੁਰਦੁਆਰਾ ਕੌਸਲ ਵੁਲਵਰਹੈਂਪਟਨ ਦੇ ਡਾ: ਸਾਧੂ ਸਿੰਘ, ਗੁਰੂ ਨਾਨਕ ਸਤਿਸੰਗ ਗੁਰਦੁਆਰਾ ਕੈਨਕ ਰੋਡ ਵੁਲਵਰਹੈਂਪਟਨ ਤੋਂ ਭਾਈ ਗੁਰਮੀਤ ਸਿੰਘ, ਸ਼੍ਰੋਮਣੀ ਅਕਾਲੀ ਦਲ ਯੂ. ਕੇ. ਰਜਿਸਟਰਡ ਦੇ ਸ: ਕੁਲਵੰਤ ਸਿੰਘ ਮੁਠੱਡਾ, ਸਿੱਖ ਰਿਲੀਫ਼ ਦੇ ਭਾਈ ਬਲਬੀਰ ਸਿੰਘ ਬੈਂਸ, ਪੰਥ ਦੇ ਉਘੇ ਵਿਦਵਾਨ ਭਾਈ ਜੋਗਿੰਦਰ ਸਿੰਘ ਲੈਸਟਰ ਵਾਲੇ, ਡਾ: ਦਲਜੀਤ ਸਿੰਘ ਵਿਰਕ, ਭਾਈ ਮੇਜਰ ਸਿੰਘ, ਭਾਈ ਮਲਕੀਤ ਸਿੰਘ, ਕੌਸਲਰ ਗੁਰਦਿਆਲ ਸਿੰਘ ਅਟਵਾਲ, ਸ਼੍ਰੋਮਣੀ ਅਕਾਲੀ ਦਲ ਯੂਨਾਈਟਿਡ ਭਾਈ ਬਲਵਿੰਦਰ ਸਿੰਘ ਢਿੱਲੋਂ, ਭਾਈ ਨਿਰਮਲਜੀਤ ਸਿੰਘ ਸਲੋਹ, ਭਾਈ ਨਿਰਮਲ ਸਿੰਘ ਹਡਰਸਫੀਲਡ ਅਤੇ ਭਾਈ ਇੰਦਰ ਸਿੰਘ ਸੋਹਲ ਦੇ ਇਲਾਵਾ ਯੂ. ਕੇ. ਭਰ ਤੋਂ ਹੋਰ ਬਹੁਤ ਸਾਰੀਆਂ ਅਹਿਮ ਸ਼ਖਸੀਅਤਾਂ ਨੇ ਹਾਜ਼ਰੀ ਭਰੀ |

ਲਾਪਤਾ ਨੌਜਵਾਨ ਦੀ ਗਲੀ-ਸੜੀ ਲਾਸ ਮਿਲੀ

ਬੀਤੀ 6 ਮਾਰਚ ਨੂੰ ਪਿੰਡ ਮੱਲ੍ਹਾ ਦਾ ਇੱਕ ਨੌਜਵਾਨ ਸੋਨੀ ਸਿੰਘ (27)ਆਪਣੇ ਘਰੋ ਸਾਮ ਵੇਲੇ ਅਚਾਨਿਕ ਲਾਪਤਾ ਹੋ ਗਿਆ ਸੀ।ਜਿਸ ਦੀ ਸੂਚਨਾ ਲਾਪਤਾ ਹੋਏ ਨੌਜਵਾਨ ਸੋਨੀ ਸਿੰਘ ਦੇ ਪਿਤਾ ਭਜਨ ਸਿੰਘ ਨੇ ਦੂਜੇ ਦਿਨ ਗ੍ਰਾਮ ਪੰਚਾਇਤ ਮੱਲ੍ਹਾ ਨੂੰ ਨਾਲ ਲੈ ਕੇ ਥਾਣਾ ਹਠੂਰ ਵਿਖੇ ਲਿਖਤੀ ਦਰਖਾਸਤ ਦਿੱਤੀ ਤਾ ਪਰਿਵਾਰਕ ਮੈਬਰ ਅਤੇ ਹਠੂਰ ਪੁਲਿਸ ਉਸੇ ਦਿਨ ਤੋ ਹੀ ਲਾਪਤਾ ਹੋਏ ਨੌਜਵਾਨ ਸੋਨੀ ਸਿੰਘ ਦੀ ਪੜਤਾਲ ਕਰ ਰਹੀ ਸੀ ਜਿਸ ਦੀ ਗਲੀ-ਸੜੀ ਲਾਸ ਪੁਲਿਸ ਥਾਣਾ ਸਮਾਲਸਰ (ਮੋਗਾ) ਦੇ ਨੇੜਿਓ ਲੰਘਦੀ ਨਹਿਰ ਵਿਚੋ ਮਿਲੀ ਹੈ।ਇਸ ਸਬੰਧੀ ਮ੍ਰਿਤਕ ਨੌਜਵਾਨ ਦੀ ਮਾਤਾ ਪ੍ਰੀਤਮ ਕੌਰ ਪਤਨੀ ਭਜਨ ਸਿੰਘ ਨੇ ਦੱਸਿਆ ਕਿ ਸਾਡੇ ਪਰਿਵਾਰਕ ਮੈਬਰ ਅਤੇ ਰਿਸਤੇਦਾਰ ਲਾਪਤਾ ਹੋਏ ਸੋਨੀ ਸਿੰਘ ਦੀ ਨਹਿਰਾ ਵਿਚੋ ਪਿਛਲੇ ਕਈ ਦਿਨਾ ਤੋ ਤਲਾਸ ਕਰ ਰਹੇ ਸਨ ਤਾਂ ਬੀਤੀ ਰਾਤ ਜਦੋ ਪਰਿਵਾਰਕ ਮੈਬਰ ਸੋਨੀ ਸਿੰਘ ਦੀਆ ਫੋਟੋਆ ਲੈ ਕੇ ਨਹਿਰ ਤੇ ਬਣੇ ਬਿਜਲੀ ਗਰਿੱਡ ਅਤੇ ਪੁਲਿਸ ਥਾਣਾ ਸਮਾਲਸਰ ਵਿਖੇ ਪੁੱਜੇ ਤਾ ਸਮਾਲਸਰ ਪੁਲਿਸ ਨੇ ਫੋਟੋ ਦੇਖ ਕੇ ਦੱਸਿਆ ਕਿ ਸਾਨੂੰ 31 ਮਾਰਚ ਨੂੰ ਇੱਕ 26-27 ਸਾਲਾ ਨੌਜਵਾਨ ਦੀ ਲਾਸ ਮਿਲੀ ਸੀ।ਜਿਸ ਦਾ ਕਤਲ ਕਰਕੇ ਮੂੰਹ ਅਤੇ ਲੱਤਾ-ਬਾਹਾ ਨੂੰ ਅੱਗ ਨਾਲ ਸਾੜ ਕੇ ਨਹਿਰ ਵਿਚ ਸੁੱਟਿਆ ਜਾਪਦਾ ਸੀ ਅਤੇ ਅਸੀ ਪੰਜਾਬ ਦੇ ਸਾਰੇ ਪੁਲਿਸ ਥਾਣਿਆ ਨੂੰ ਲਵਾਰਿਸ ਲਾਸ ਬਾਰੇ ਸੂਚਨਾ ਵੀ ਦਿੱਤੀ ਅਤੇ ਤਿੰਨ ਦਿਨ ਲਵਾਰਸ ਲਾਸ ਨੂੰ ਸਨਾਖਤ ਲਈ ਮੋਗਾ ਦੇ ਸਰਕਾਰੀ ਹਸਪਤਾਲ ਵਿਚ ਰੱਖਿਆ ਅਤੇ ਚਾਰ ਅਪ੍ਰੈਲ ਨੂੰ ਇਸ ਅਣਪਛਾਤੀ ਲਾਸ ਦਾ ਸਰਕਾਰੀ ਹਸਪਤਾਲ ਮੋਗਾ ਤੋ ਪੋਸਟਮਾਰਟਮ ਕਰਕੇ ਮੋਗਾ ਵਿਖੇ ਹੀ ਅੰਤਮ ਸੰਸਕਾਰ ਕਰ ਦਿੱਤਾ ਹੈ ਅਤੇ ਤੁਸੀ ਮ੍ਰਿਤਕ ਸੋਨੀ ਸਿੰਘ ਦੀਆ ਅਸਤੀਆ ਲੈ ਜਾਓ।ਮ੍ਰਿਤਕ ਦੀ ਮਾਤਾ ਪ੍ਰੀਤਮ ਕੌਰ ਦਾ ਕਹਿਣਾ ਹੈ ਕਿ ਜੇਕਰ ਹਠੂਰ ਪੁਲਿਸ ਸਾਨੂੰ 31 ਮਾਰਚ ਨੂੰ ਸੂਚਿਤ ਕਰਦੀ ਕਿ ਥਾਣਾ ਸਮਾਲਸਰ ਵਿਖੇ ਇੱਕ ਲਵਾਰਸ ਲਾਸ ਮਿਲੀ ਹੈ ਤਾਂ ਮੈ ਆਪਣੇ ਪੁੱਤ ਦੀ ਲਾਸ ਨੂੰ ਆਖਰੀ ਵਾਰ ਦੇਖ ਤਾ ਲੈਦੀ ਅਤੇ ਸਾਡੇ ਜਾਣ ਤੋ ਦੋ ਘੰਟੇ ਪਹਿਲਾ ਹੀ ਲਵਾਰਿਸ ਲਾਸ ਦਾ ਅੰਤਿਮ ਸਸਕਾਰ ਕਰ ਦਿੱਤਾ ਸੀ।ਇਸ ਸਬੰਧੀ ਜਦੋ ਪੁਲਿਸ ਥਾਣਾ ਹਠੂਰ ਦੇ ਇੰਚਾਰਜ ਸਿਮਰਜੀਤ ਸਿੰਘ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾ ਕਿਹਾ ਕਿ ਪੁਲਿਸ ਥਾਣਾ ਸਮਾਲਸਰ ਨੂੰ ਇੱਕ ਅਣਪਛਾਤੀ ਲਾਸ ਮਿਲੀ ਹੈ।ਜਿਸ ਦਾ ਅੰਤਿਮ ਸਸਕਾਰ ਕਰ ਦਿੱਤਾ ਹੈ।ਲਾਸ ਦਾ ਡੀ ਐਨ ਏ ਟੈਸਟ ਕਰਨ ਤੋ ਬਾਅਦ ਹੀ ਪਤਾ ਲੱਗੇਗਾ ਕਿ ਲਾਸ ਕਿਸ ਵਿਅਕਤੀ ਦੀ ਸੀ।ਉਨ੍ਹਾ ਕਿਹਾ ਕਿ ਲਾਪਤਾ ਹੋਏ ਨੌਜਵਾਨ ਦੇ ਪਿਤਾ ਭਜਨ ਸਿੰਘ ਪੁੱਤਰ ਮੁਨਸਾ ਸਿੰਘ ਦੇ ਬਿਆਨਾ ਦੇ ਅਧਾਰ ਤੇ ਜਸਪਾਲ ਸਿੰਘ ਪੁੱਤਰ ਰੂਪ ਸਿੰਘ,ਅਮਰਜੀਤ ਕੌਰ ਉਰਫ ਭੋਲੀ ਪਤਨੀ ਜਸਪਾਲ ਸਿੰਘ ਅਤੇ ਜਸਵਿੰਦਰ ਸਿੰਘ ਉਰਫ ਅਮਨਾ ਪੁੱਤਰ ਜਸਪਾਲ ਸਿੰਘ ਵਾਸੀ ਮੱਲ੍ਹਾ ਦੇ ਖਿਲਾਫ ਧਾਰਾ 364,302,201,34 ਤਹਿਤ ਮੁਕੱਦਮਾ ਨੂੰ 34 ਦਰਜ ਕਰ ਲਿਆ ਹੈ ਅਤੇ ਅਗਲੀ ਪੜਤਾਲ ਜਾਰੀ ਹੈ।

ਡਾ ਮੁਹੰਮਦ ਵਲੋਂ ਲੰਗਰ ਸੇਵਾ

ਜਗਰਾਓਂ-(ਮਨਜਿੰਦਰ ਗਿੱਲ)- ਹਰੇਕ ਸਾਲ ਦੀ ਤਰਾਂ ਅੱਜ ਫੇਰ ਡਾ ਮੁਹੰਮਦ ਵਲੋਂ ਗੋਲਡਨ ਬਾਗ ਵਿਖੇ ਲੰਗਰ ਦੀ ਸੇਵਾ ਕੀਤੀ ਗਈ। ਜਿਸ ਵਿਚ ਜਗਰਾਓਂ ਦੇ ਆਲੇ ਦੁਆਲੇ ਦੇ ਵੱਡੀ ਗਿਣਤੀ ਵਿਚ ਬੱਚਿਆਂ ਨੇ ਲੰਗਰ ਦਾ ਖ਼ੂਬ ਅਨੰਦ ਮਾਣਿਆ। ਉਸ ਸਮੇ ਡਾਕਟਰ ਢੇ ਪਰਿਵਾਰ ਵਲੋਂ ਬਚਿਆ ਨਾਲ ਦੁਪਹਿਰ ਦੀ ਨਿਵਾਜ ਪੜ੍ਹ ਕੇ ਵਿਸ਼ਵ ਸ਼ਾਂਤੀ ਦੀ ਪ੍ਰਾਰਥਨਾ ਕੀਤੀ ਗਈ।ਉਸ ਸਮੇ ਜਨ ਸਕਤੀ ਮੀਡੀਆ ਦੇ ਬਾਨੀ ਸ ਅਮਨਜੀਤ ਸਿੰਘ ਖਹਿਰਾ ਨੇ ਵੀ ਸ਼ਿਰਕਤ ਕੀਤੀ ਅਤੇ ਡਾਕਟਰ ਸਾਹਿਬ ਨੂੰ ਆਪਣੇ ਦਸਵੰਦ ਦੀ ਯੋਗ ਵਰਤੋਂ ਲਈ ਵਧਾਇਆ ਦਿਤੀਆਂ।ਉਸ ਸਮੇ ਓਥੇ ਮੁਹਲਾ ਵਸਿਆ ਨੇ ਵੱਡੀ ਗਿਣਤੀ ਵਿਚ ਹਿੰਸਾ ਲਿਆ।

ਮਨੀ ਗਰਗ ਕਾਂਗਰਸ ਸ਼ੋਸ਼ਲ ਮੀਡੀਆ ਸੈਲ਼ ਜਗਰਾਉਂ ਹਲਕੇ ਦੇ ਕੋਆਰਡੀਨੇਟਰ ਨਿਯੁਕਤ

ਜਗਰਾਉਂ ( ਮਨਜਿੰਦਰ ਗਿੱਲ ) ਜ਼ਿਲ੍ਹਾਂ ਕਾਂਗਰਸ ਲੁਧਿਆਣਾ ਦਿਹਾਤੀ ਦੇ ਸੀਨੀਅਰ ਉਪ ਪ੍ਰਧਾਨ ਸੁਰੇਸ਼ ਗਰਗ ਦੇ ਹੋਣਹਾਰ ਸਪੁੱਤਰ ਮਨੀ ਗਰਗ ਨੂੰ ਕਾਂਗਰਸ ਸ਼ੋਸ਼ਲ ਮੀਡੀਆ ਸੈਲ਼ ਦੇ ਸੂਬਾ ਕੋਆਰਡੀਨੇਟਰ ਜਸਕਰਨ ਸਿੰਘ ਕਾਹਲੋ ਨੇ ਹਲਕਾ ਜਗਰਾਉਂ ਦਾ ਸ਼ੋਸ਼ਲ ਮੀਡੀਆ ਸੈਲ਼ ਕੋਆਰਡੀਨੇਟਰ ਨਿਯੁਕਤ ਕੀਤਾ ਹੈ ।ਮਨੀ ਗਰਗ ਨੂੰ ਸ਼ੋਸ਼ਲ ਮੀਡੀਆ ਸੈਲ਼ ਜਗਰਾਉਂ ਹਲਕੇ ਦਾ ਕੋਆਰਡੀਨੇਟਰ ਨਿਯੁਕਤ ਕਰਨ ਤੇ ਸਮੁੱਚੀ ਕਾਂਗਰਸ ਹਾਈਕਮਾਂਡ , ਮੈਂਬਰ ਪਾਰਲੀਮੈਂਟ ਲੁਧਿਆਣਾ ਸ: ਰਵਨੀਤ ਸਿੰਘ ਬਿੱਟੂ , ਸੂਬਾ ਕੋਆਰਡੀਨੇਟਰ ਜਸਕਰਨ ਸਿੰਘ ਕਾਹਲੋ , ਸਾਬਕਾ ਮੰਤਰੀ ਪੰਜਾਬ ਸ: ਮਲਕੀਤ ਸਿੰਘ ਦਾਖਾਂ , ਸੂਬਾ ਜਨਰਲ ਸਕੱਤਰ ਕਾਂਗਰਸ ਸ: ਮੇਜਰ ਸਿੰਘ ਭੈਣੀ , ਜਿਲ੍ਹਾਂ ਪ੍ਰਧਾਨ ਲੁਧਿਆਣਾ ਦਿਹਾਤੀ ਸੋਨੀ ਗਾਲਿਬ , ਜਿਲ੍ਹਾਂ ਪ੍ਰਧਾਨ ਯੂਥ ਕਾਂਗਰਸ ਰਾਜੀਵ ਰਾਜਾ, ਸੂਬਾ ਸਕੱਤਰ ਕਾਂਗਰਸ ਕਾਕਾ ਗਰੇਵਾਲ ਦਾ ਧੰਨਵਾਦ ਕਰਦੇ ਹੋਏ ਜੀਵਨ ਸਿੰਘ ਬਾਘੀਆ ( ਮੈਂਬਰ ਬਲਾਕ ਸੰਮਤੀ) , ਜਗਜੀਤ ਸਿੰਘ ਤਿਹਾੜਾ ( ਮੈਂਬਰ ਬਲਾਕ ਸੰਮਤੀ) , ਵਰਕਪਾਲ ਲੀਲਾਂ , ਜੋਗਿੰਦਰ ਸਿੰਘ ਮਲਸੀਹਾਂ , ਰਣਜੀਤ ਸੋਢੀਵਾਲ , ਜਤਿੰਦਰ ਸਿੰਘ ਸ਼ੁਫੀਪੁਰਾ , ਗੁਰਮੀਤ ਅੱਬੁਪੁਰਾ , ਸਾਬਕਾ ਸਰਪੰਚ ਪ੍ਰੀਤਮ ਸਿੰਘ , ਮਲਕੀਹ ਪੋਲਾ , ਪਰਮਿੰਦਰ ਟੂਸਾ , ਅਮਰਦੀਪ ਪੱਤੀ ਮੁਲਤਾਨੀ , ਜਸਵੀਰ ਪਰਜ਼ੀਆਂ , ਨਾਹਰ ਕੰਨੀਆ , ਯੂਥ ਪ੍ਰਧਾਨ ਸਾਜਨ ਮਲਹੋਤਰਾ , ਹੈਰੀ ਮਲਹੋਤਰਾ , ਹੈਰੀ ਹਠੂਰ , ਪ੍ਰਲਾਥ ਸਿੰਗਲਾ , ਜੋਧਾ ਪਹਿਲਵਾਨ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਵਿੱਚ ਹੀ ਹਰ ਮਿਹਨਤੀ ਵਰਕਰ ਨੂੰ ਸਨਮਾਨ ਮਿਲਦਾ ਹੈ , ਉਹਨਾਂ ਨੇ ਕਿਹਾ ਕਿ ਮਨੀ ਗਰਗ ਦੀ ਯੋਗ ਅਗਵਾਈ ਹੇਠ ਸ਼ੋਸ਼ਲ ਮੀਡੀਆ ਰਾਹੀ ਕਾਂਗਰਸ ਪਾਰਟੀ ਦੀ ਨੀਤੀਆਂ ਦੀ ਪਹੁੰਚ ਘਰ – ਘਰ ਕੀਤੀ ਜਾਵੇਗੀ ।