ਲੁਧਿਆਣਾ

ਲੁਧਿਆਣਾ,  ਸਨਅਤੀ ਸ਼ਹਿਰ ਦੇ ਚੰਡੀਗੜ੍ਹ ਰੋਡ ਸਥਿਤ ਫੋਰਟਿਸ ਹਸਪਤਾਲ ਨੇੜੇ ਐਨਐਚ ਇੰਟਰਨੈਸ਼ਨਲ ਫੈਕਟਰੀ ’ਚ ਅੱਜ ਸਵੇਰੇ ਅਚਾਨਕ ਅੱਗ ਲੱਗ ਗਈ। ਆਸਪਾਸ ਦੇ ਲੋਕਾਂ ਨੇ ਅੱਗ ’ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕੀਤੀ, ਪਰ ਉਹ ਕਾਮਯਾਬ ਨਹੀਂ ਹੋ ਸਕੇ। ਚੋਣਾਂ ਕਾਰਨ ਸੀਆਰਪੀਐਫ਼ ਦੇ ਨਾਕੇ ’ਤੇ ਖੜ੍ਹੇ ਸੀਆਰਪੀਐਫ਼ ਦੇ ਮੁਲਾਜ਼ਮ ਵੀ ਪੁਲੀਸ ਨਾਲ ਉੱਥੇ ਪੁੱਜ ਗਏ ਅਤੇ ਬਚਾਅ ਕਾਰਜ ’ਚ ਲੱਗ ਗਏ। ਅੱਗ ਲੱਗਣ ਦੀ ਸੂਚਨਾ ਮਿਲਦਿਆਂ ਹੀ ਫਾਇਰ ਬ੍ਰਿਗੇਡ ਦੀਆਂ 22 ਗੱਡੀਆਂ ਮੌਕੇ ’ਤੇ ਪੁੱਜ ਗਈਆਂ ਜਿਨ੍ਹਾਂ ਨੇ ਅੱਗ ਨੂੰ ਕਾਬੂ ਕੀਤਾ। ਹਾਲੇ ਤੱਕ ਦੀ ਜਾਂਚ ’ਚ ਇਹੀ ਪਤਾ ਲੱਗਿਆ ਹੈ ਕਿ ਅੱਗ ਸ਼ਾਰਟ ਸਰਕਟ ਕਾਰਨ ਲੱਗੀ ਸੀ। ਅੱਗ ਲੱਗਣ ਦੇ ਕਾਰਨ ਫੈਕਟਰੀ ’ਚ ਪਈਆਂ ਮਸ਼ੀਨਾਂ ਤੇ ਲੱਖਾਂ ਰੁਪਏ ਦਾ ਧਾਗਾ ਸੜ ਕੇ ਸੁਆਹ ਹੋ ਗਿਆ।
ਇਸ ਸਬੰਧੀ ਫੈਕਟਰੀ ਮਾਲਕ ਸਾਜਨ ਨੇ ਦੱਸਿਆ ਕਿ ਫੈਕਟਰੀ ’ਚ ਤਿੰਨ ਮਸ਼ੀਨਾਂ ਲੱਗੀਆਂ ਹਨ, ਜਿੱਥੋਂ ਧਾਗਾ ਤਿਆਰ ਕੀਤਾ ਜਾਂਦਾ ਹੈ। ਫੈਕਟਰੀ ’ਚ ਘਟਨਾ ਦੇ ਸਮੇਂ ਤਿੰਨ ਤੋਂ ਚਾਰ ਵਰਕਰ ਹੀ ਕੰਮ ਕਰ ਰਹੇ ਸਨ। ਸਵੇਰੇ ਸਾਢੇ 9 ਵਜੇ ਇੱਕ ਵਾਰ ਲਾਈਟ ਚਲੀ ਗਈ। ਜਦੋਂ ਲਾਈਟ ਆਈ ਤਾਂ ਤਾਰ ਵਿੱਚੋਂ ਚੰਗਿਆੜੀ ਨਿਕਲੀ ਤੇ ਧਾਗੇ ’ਤੇ ਜਾ ਡਿੱਗੀ, ਜਿਸ ਨਾਲ ਅੱਗ ਲੱਗ ਗਈ। ਤੇਜ਼ ਹਵਾ ਕਾਰਨ ਕੁੱਝ ਹੀ ਸਮੇਂ ਵਿੱਚ ਅੱਗ ਜ਼ਿਆਦਾ ਫੈਲ ਗਈ। ਅੱਗ ’ਚੋਂ ਧੂੰਆ ਨਿਕਲਦਾ ਦੇਖ ਕੇ ਬਾਹਰ ਨਾਕੇ ’ਤੇ ਖੜ੍ਹੇ ਸੀਆਰਪੀਐਫ਼ ਦੇ ਮੁਲਾਜ਼ਮ ਅੰਦਰ ਚਲੇ ਗਏ। ਉਨ੍ਹਾਂ ਮਜ਼ਦੂਰਾਂ ਨੂੰ ਬਾਹਰ ਕੱਢ ਕੇ ਉਨ੍ਹਾਂ ਨਾਲ ਅੱਗ ’ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕੀਤੀ, ਪਰ ਉਹ ਕਾਮਯਾਬ ਨਹੀਂ ਹੋ ਸਕੇ। ਅੱਗ ਕਾਰਨ ਫੈਕਟਰੀ ਦੇ ਕੁਝ ਹਿੱਸੇ ਦੀ ਛੱਤ ਵੀ ਡਿੱਗ ਗਈ। ਅੱਗ ਲੱਗਣ ਨਾਲ ਆਸਪਾਸ ਦੀਆਂ ਫੈਕਟਰੀਆਂ ਦਾ ਵੀ ਸਾਮਾਨ ਕੰਧਾਂ ਦੇ ਨਾਲੋਂ ਹਟਵਾ ਦਿੱਤਾ ਸੀ। ਸੂਚਨਾ ਮਿਲਣ ਤੋਂ ਬਾਅਦ ਅੱਗ ਬੁਝਾਊ ਅਮਲੇ ਦੀਆਂ ਗੱਡੀਆਂ ਮੌਕੇ ’ਤੇ ਪੁੱਜ ਗਈਆਂ ਜਿਨ੍ਹਾਂ ਨੇ ਤੁਰੰਤ ਰਾਹਤ ਕਾਰਜ ਸ਼ੁਰੂ ਕਰ ਦਿੱਤੇ। ਤਿੰਨ ਘੰਟੇ ਦੀ ਮਿਹਨਤ ਤੋਂ ਬਾਅਦ ਅੱਗ ’ਤੇ ਕਾਬੂ ਪਾਇਆ ਗਿਆ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾਂ ਪੂਰਬ ਅਤੇ ਖਾਲਸਾ ਦੇ ਸਾਜਨਾ ਦਿਵਸ ਨੂੰ ਸਮਰਪਿਤ ਸਲਾਨਾ ਗੁਰੂ ਕੇ ਲੰਗਰ 12 ਤੋ ਲੈ ਕੇ 14 ਅਪੈ੍ਰਲ ਤੱਕ ਤਖਤ ਸ਼੍ਰੀ ਦਮਦਮਾ ਸਾਹਿਬ ਸਜਾਏ ਜਾ ਰਹੇ ਹਨ।ਇਸ ਪੋ੍ਰਗਾਰਮ ਦੀ ਜਾਣਕਾਰੀ ਭਾਈ ਬਲਵਿੰਦਰ ਸਿੰਘ ਗਾਲਿਬ ਵਾਲਿਆਂ ਨੇ ਪੱਤਰਕਾਰ ਨੂੰ ਦਿੱਤੀ।ਭਾਈ ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਇਹ ਲੰਗਰ ਨਾਨਕਸਰ ਕਲੇਰਾਂ,ਗਾਲਿਬ ਕਲਾਂ,ਗਾਲਿਬ ਖੁਰਦ,ਫਤਿਹਗੜ੍ਹ ਸਿਵੀਆਂ,ਸ਼ੇਖਦੋਲਤ,ਸ਼ੇਰਪੁਰ ਖੁਰਦ,ਰਾਮਗੜ੍ਹ ਭੱੁਲਰ,ਬੋਦਲਵਾਲਾ,ਕੋਠੇ ਚੱਕ ਅਤੇ ਦੇਸ਼-ਵਿਦੇਸ਼ ਦੀਆਂ ਸੰਗਤਾਂ ਦੇ ਸਹਿਯੋਗ ਨਾਲ ਲਗਾਇਆ ਜਾ ਰਿਹਾ ਹੈ।ਇਸ ਸਮੇ ਸੰਗਤਾਂ ਨੇ ਦੱਸਿਆ ਕਿ ਖਾਲਸਾ ਪੰਥ ਦੇ ਸਾਜਨਾ ਦਿਵਸ ਤੇ ਅਸੀ ਸਾਰੀਆਂ ਸੰਗਤਾਂ ਪਿਆਰ ਤੇ ਸ਼ਰਧਾ ਨਾਲ ਲੰਗਰਾਂ ਦੀ ਸੇਵਾ ਕਰ ਗਈਆਂ।ਇਸ ਸਮੇ ਭਾਈ ਬਲਵਿੰਦਰ ਸਿੰਘ ਗਾਲਿਬ ਨੇ ਕਿਹਾ ਸਾਨੂੰ ਜਿਹੜੇ ਪਿੰਡਾਂ ਨੇ ਸਹਿਯੋਗ ਦਿੱਤਾ ਅਸ਼ੀ ਉਨ੍ਹਾਂ ਦਾ ਬਹੁਤ-ਬਹੁਤ ਧੰਨਵਾਦ ਕਰਦੇ ਹਾਂ।

ਜਗਰਾਓਂ- ਅਪ੍ਰੈਲ( ਮਨਜਿੰਦਰ ਗਿੱਲ)—ਸਮਾਜ ਸੇਵੀ ਸੰਸਥਾ ਲੋਕ ਲੋਕ ਸੇਵਾ ਸੁਸਾਇਟੀ ਵੱਲੋਂ 20ਵਾਂ ਸਮੂਹਿਕ ਕੰਨਿਆ ਦਾਨ ਮਹਾਂ ਯੱਗ  ਸਨਮਤੀ ਵਿਮਲ ਜੈਨ ਸੀਨੀਅਰ ਸੈਕੰਡਰੀ ਸਕੂਲ ਦੇ ਮਾਤਰੀ ਸੇਵਾ ਸੰਘ ਹਾਲ ਵਿਖੇ ਸੰਤ ਮਹਾਂਪੁਰਸ਼ਾਂ ਤੇ ਦਾਨੀ ਸੱਜਣਾਂ ਦੇ ਭਰਪੂਰ ਸਹਿਯੋਗ ਸਦਕਾ ਕਰਵਾਇਆ ਗਿਆ। ਲੋਕ ਸੇਵਾ ਸੁਸਾਇਟੀ ਦੇ ਚੇਅਰਮੈਨ ਗੁਲਸ਼ਨ ਅਰੋੜਾ, ਪ੍ਰਧਾਨ ਮਨੋਜ ਗਰਗ, ਸੈਕਟਰੀ ਪ੍ਰਿੰਸੀਪਲ ਚਰਨਜੀਤ ਸਿੰਘ ਭੰਡਾਰੀ, ਕੈਸ਼ੀਅਰ ਕੰਵਲ ਕੱਕੜ, ਪ੍ਰੋਜੈਕਟ ਕੈਸ਼ੀਅਰ ਰਾਜੀਵ ਗੁਪਤਾ, ਪੀਆਰਓ ਕੁਲਭੂਸ਼ਨ ਗੁਪਤਾ, ਪ੍ਰੋਜੈਕਟ ਚੇਅਰਮੈਨ ਵਿਨੋਦ ਬਾਂਸਲ ਤੇ ਵਾਈਸ ਚੇਅਰਮੈਨ ਸੁਖਜਿੰਦਰ ਸਿੰਘ ਢਿੱਲੋਂ ਨੇ ਦੱਸਿਆ ਕਿ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਪਵਿੱਤਰ ਹਾਜ਼ਰੀ ਵਿਚ 20ਵੇਂ ਸਮੂਹਿਕ ਕੰਨਿਆ ਦਾਨ ਮਹਾਂ ਯੱਗ 'ਚ 6 ਜ਼ਰੂਰਤਮੰਦ ਪਰਿਵਾਰਾਂ ਦੀਆਂ ਲੜਕੀਆਂ ਦੇ ਵਿਆਹ ਪੂਰੇ ਧਾਰਮਿਕ ਰੀਤੀ ਰਿਵਾਜਾਂ ਅਨੁਸਾਰ ਕਰਵਾਏ ਗਏ। ਸਮਾਗਮ 'ਚ ਵਿਧਾਇਕਾ ਸਰਵਜੀਤ ਕੌਰ ਮਾਣੂੰਕੇ, ਸਾਬਕਾ ਵਿਧਾਇਕ ਐੱਸਆਰ ਕਲੇਰ, ਮੇਜਰ ਸਿੰਘ ਭੈਣੀ ਪ੍ਰਦੇਸ ਜਨਰਲ ਸਕੱਤਰ ਕਾਂਗਰਸ, ਅਕਾਲੀ ਦਲ ਦੇ ਜਥੇਬੰਦਕ ਸਕੱਤਰ ਕਮਲਜੀਤ ਸਿੰਘ ਮੱਲ੍ਹਾ,  ਕਮਿੱਕਰ ਸਿੰਘ ਜੰਡੀ ਯੂਐੱਸਏ, ਗੁਰਮੇਲ ਸਿੰਘ ਆੜ੍ਹਤੀਆ ਝੋਰੜਾਂ ਤੇ ਬੂਟਾ ਸਿੰਘ ਹਾਂਸ, ਸਨਮਤੀ ਮਾਤਰੀ ਸੰਘ ਦੀ ਪ੍ਰਧਾਨ ਕਾਂਤਾ ਰਾਣੀ ਸਿੰਗਲਾ, ਵਿਕਰਮਜੀਤ ਢੰਡ ਪਟਵਾਰੀ, ਐੱਨ ਆਰ ਆਈ ਸੁਰਜੀਤ ਸਿੰਘ ਯੂ ਕੇ ਆਦਿ ਇਲਾਕੇ ਦੀ ਸਨਮਾਨਯੋਗ ਸ਼ਖ਼ਸੀਅਤਾਂ ਨੇ ਵਿਸ਼ੇਸ਼ ਸ਼ਮੂਲੀਅਤ ਕਰਦਿਆਂ ਸੁਸਾਇਟੀ ਵੱਲੋਂ ਸਮਾਜ ਸੇਵਾ ਦੇ ਕੀਤੇ ਜਾ ਰਹੇ ਕੰਮਾਂ ਦੀ ਭਰਪੂਰ ਸ਼ਲਾਘਾ ਕਰਦਿਆਂ ਜਿੱਥੇ ਸੁਸਾਇਟੀ ਨੂੰ ਹਰੇਕ ਪ੍ਰਕਾਰ ਦਾ ਸਹਿਯੋਗ ਦੇਣ ਦਾ ਵਾਅਦਾ ਕੀਤਾ ਉੱਥੇ ਨਵ ਵਿਆਹੇ ਜੋੜਿਆਂ ਨੂੰ ਸ਼ੁੱਭਕਾਮਨਾਵਾਂ ਵੀ ਦਿੱਤੀਆਂ। ਅਨੰਦ ਕਾਰਜਾਂ ਦੀ ਅਹਿਮ ਰਸਮ ਨੂੰ ਭਾਈ ਹਰਮੀਤ ਸਿੰਘ ਨੇ ਅਦਾ ਕਰਦਿਆਂ ਸਰਬੱਤ ਦੇ ਭਲੇ ਲਈ ਅਰਦਾਸ ਵੀ ਕੀਤੀ। ਸੁਸਾਇਟੀ ਵੱਲੋਂ ਹਰੇਕ ਲੜਕੀ ਨੂੰ ਦਾਨ ਦੇ ਰੂਪ ਵਿਚ ਘਰੇਲੂ ਵਰਤੋਂ ਵਿਚ ਆਉਣ ਵਾਲਾ ਸਮਾਨ, ਜਿਊਲਰੀ ਸੈੱਟ, ਮੇਕ-ਅਪ ਕਿੱਟ, ਬਾਲਟੀ, ਟੱਬ, ਵਾਟਰ ਕੂਲਰ, ਦੀਵਾਰ ਘੜੀ, ਲੜਕੇ ਤੇ ਲੜਕੀ ਲਈ ਵੱਖਰੀ ਵੱਖਰੀ ਘੜੀ ਅਤੇ ਇਕ ਪੈਡਸਟਲ ਫੇਨ ਵੀ ਦਿੱਤਾ ਗਿਆ ਤਾਂ ਕਿ ਉਨ੍ਹਾਂ ਦੀ ਗ੍ਰਹਿਸਤੀ ਠੀਕ ਠਾਕ ਚੱਲ ਸਕੇ। ਸਮਾਗਮ ਵਿਚ ਮੰਚ ਸੰਚਾਲਨ \ਪ੍ਰਵੀਨ ਜੈਨ ਨੇ ਕਰਦਿਆਂ ਸੁਸਾਇਟੀ ਵੱਲੋਂ ਕੀਤੇ ਜਾਂਦੇ ਸਮਾਜ ਸੇਵੀ ਕੰਮਾਂ ਦੀ ਜਾਣਕਾਰੀ ਦਿੱਤੀ। ਸਮਾਗਮ ਵਿਚ ਸਰਜੀਵਨ ਗੁਪਤਾ, ਡਾ. ਭਾਰਤ ਭੂਸ਼ਨ ਬਾਂਸਲ, ਦਰਸ਼ਨ ਜੁਨੇਜਾ, ਡੀ ਕੇ ਸ਼ਰਮਾ, ਡਾ. ਗੁਰਦਰਸ਼ਨ ਮਿੱਤਲ, ਡਾ. ਗੁਰਸੇਵਕ ਸਿੰਘ, ਇਕਬਾਲ ਸਿੰਘ ਕਟਾਰੀਆ, ਜਸਵੰਤ ਸਿੰਘ, ਜਤਿੰਦਰ ਮਲਹੋਤਰਾ, ਜਤਿੰਦਰ ਸਿੰਘ ਓਬਰਾਏ, ਮਦਨ ਲਾਲ ਅਰੋੜਾ, ਮਦਨ ਲਾਲ ਬੈਂਬੀ, ਕਪਿਲ ਸ਼ਰਮਾ, ਮੁਕੇਸ਼ ਗੁਪਤਾ, ਨੀਰਜ ਮਿੱਤਲ, ਪ੍ਰਮੋਦ ਸਿੰਗਲਾ, ਪ੍ਰਸ਼ੋਤਮ ਅਗਰਵਾਲ, ਪ੍ਰਵੀਨ ਮਿੱਤਲ, ਰਾਜਿੰਦਰ ਗੋਇਲ, ਰਾਕੇਸ਼ ਸਿੰਗਲਾ, ਰਵਿੰਦਰ ਸਿੰਘ ਵਰਮਾ, ਰੀਤੂ ਰਾਜ, ਮਨੋਹਰ ਸਿੰਘ ਟੱਕਰ, ਸੰਦੀਪ ਮਿੱਤਲ, ਸੰਜੇ ਬਾਂਸਲ, ਸੰਜੀਵ ਚੋਪੜਾ, ਸੁਖਦੇਵ ਗਰਗ, ਰਿਸ਼ੀ ਸਿੰਗਲਾ, ਨਰੇਸ਼ ਸ਼ਰਮਾ, ਡਾ. ਵਿਵੇਕ ਗੋਇਲ, ਯੋਗਰਾਜ ਗੋਇਲ, ਵਿਕਾਸ ਕਪੂਰ ਸਮੇਤ ਸੁਸਾਇਟੀ ਦੇ ਸਮੂਹ ਮੈਂਬਰ ਤੇ ਉਨ੍ਹਾਂ ਦੇ ਪਰਿਵਾਰਿਕ ਮੈਂਬਰ, ਇਸ ਮੌਕੇ ਰਣਜੀਤ ਸਿੰਘ ਡੱਲਾ, ਜਰਨੈਲ ਸਿੰਘ ਜੋਧਾਂ, ਜਗਰੂਪ ਸਿੰਘ ਕਿੱਲੀ ਚਾਹਲਾਂ, ਇੰਦਰਪਾਲ ਸਿੰਘ ਸ਼ੇਰਪੁਰੀਆਂ, ਰਾਮ ਸਿੰਘ, ਗੁਰਜੀਤ ਸਿੰਘ ਕੈਲਪੁਰ, ਜੱਗਾ ਸਿੰਘ ਜਗਰਾਓਂ, ਪਰਮਜੀਤ ਸਿੰਘ ਲੁਧਿਆਣਾ, ਇੰਦਰਜੀਤ ਸਿੰਘ ਮਲਕ, ਗੁਰਿੰਦਰ ਸਿੰਘ, ਦਲੇਰ ਸਿੰਘ ਲੁਧਿਆਣਾ, ਅਮਰਜੀਤ ਸਿੰਘ  ਵੀ ਹਾਜ਼ਰ ਸਨ।

ਜਗਰਾਓਂ-(ਅਕਸ ਸਹਿਜਪਾਲ)- ਦਿਨ ਦਿਹਾੜੇ ਕਰੀਬ 2 ਵਜੇ ਜੀ ਟੀ ਰੋਡ ਜਗਰਾਓਂ ਸ਼ੇਰਪੁਰ ਚੋਕ (ਜੋ ਕੇ ਬਹੁਤ ਹੀ ਭੀੜ ਵਾਲਾ ਏਰੀਆ ਹੈ ) ਵਿਖੇ 2 ਮੋਟਰਸਾਈਕਲ ਸਵਾਰ 6 ਵਿਅਕਤੀਆਂ ਜਿਨ੍ਹਾਂ ਵਿਚ ਤਿੰਨ ਨਕਾਬ ਪੋਸ ਸਨ ਨੇ ਇਕ ਮੋਟਰਸਾਈਕਲ ਸਵਾਰ ਜਿਸ ਦਾ ਨਾਂ ਚਰਨਜੀਤ ਸਿੰਘ ਹੈ ਨੂੰ ਰੋਕ ਕੇ ਉਸ ਤੋਂ 1300 ਰੁਪਏ ਨਗਤ ਆਏ 2 ਮੋਬਾਈਲ ਫੋਨ ਖੋ ਲਏ ਏਟ ਫਰਾਰ ਹੋ ਗਏ। ਜਿਸ ਦੀ ਚਰਨਜੀਤ ਸਿੰਘ ਵਲੋਂ ਪੁਲਿਸ ਚੌਂਕੀ ਪਸੂ ਮੰਡੀ ਨੂੰ ਰਿਪੋਟ ਲਿਖ ਵਾ ਦਿਤੀ ਗਈ ਹੈ ਏਟ ਏ ਐਸ ਆਈ ਗੁਰਦੀਪ ਸਿੰਘ ਵਲੋਂ ਪੀੜਤ ਨੂੰ ਭਰੋਸਾ ਦੁਵਾਈਆਂ ਗਿਆ ਕਿ ਦੋਸ਼ੀਆ ਨੂੰ ਜਲਦ ਗਿਰਫ਼ਤਾਰ ਕਰ ਲਿਆ ਜਾਵੇ ਗਾ। ਦਿਨ ਦਿਹਾੜੇ ਇਸ ਤਰਾਂ  ਦੀਆਂ ਘਟਨਾਵਾਂ ਲੋਕ ਵਿਚ ਸਾਹਿਮ ਦਾ ਮਹੌਲ ਬਣਾ ਰਹੀਆਂ ਹਨ।