ਲੁਧਿਆਣਾ

ਜਗਰਾਓਂ, 28 ਮਾਰਚ (ਰਛਪਾਲ ਸਿੰਘ ਸ਼ੇਰਪੁਰੀ)। ਪੰਜਾਬ ਸਰਕਾਰ ਨੂੰ ਚੋਣਾਂ ਦੋਰਾਨ ਕੀਤੇ ਵਾਅਦੇ ਯਾਦ ਕਰਵਾਉਣ ਲਈ ਪੇਂਡੂ ਮਜ਼ਦੂਰ ਯੂਨੀਅਨ ਵੱਲੋਂ ਰੋਸ ਮਾਰਚ ਕੱਢਿਆ ਗਿਆ। ਜੋ ਕਿ ਪਾਵਰਕਾਮ ਐਕਸੀਅਨ ਦੇ ਦਫਤਰ ਤੋਂ ਲੈ ਕੇ ਐੱਸਡੀਐੱਮ ਦਫਤਰ ਤੱਕ ਕੱਢਿਆ ਗਿਆ। ਇਸ ਮੋਕੇ ਸੰਬੋਧਨ ਕਰਦੇ ਹੋਏ ਜੱਥੇਬੰਦੀ ਦੇ ਜ਼ਿਲ੍ਹਾ ਪ੍ਰਧਾਨ ਅਵਤਾਰ ਸਿੰਘ ਰਸੂਲਪੁਰ, ਸੁਖਦੇਵ ਸਿੰਘ ਮਾਣੂੰਕੇ ਅਤੇ ਮਦਨ ਸਿੰਘ ਨੇ ਦੱਸਿਆ ਕਿ ਕੈਪਟਨ ਸਰਕਾਰ ਨੇ ਚੋਣ ਮੈਨੀਫੈਸਟੋ ਦੋਰਾਨ ਵਾਅਦਾ ਕੀਤਾ ਸੀ ਕਿ ਗਰੀਬਾਂ ਨੂੰ 10-10 ਮਰਲੇ ਦਾ ਪਲਾਟ, ਕਰਜਾ ਮੁਆਫੀ, ਆਟਾ ਦਾਲ ਸਕੀਮ, ਸ਼ਗਨ ਸਕੀਮ ਤਹਿਤ ਵਿਆਹ ਤੋਂ 10 ਦਿਨ ਪਹਿਲਾਂ ਰਾਸ਼ੀ ਦੇਣ ਅਤੇ ਪੈਨਸ਼ਨਾਂ 'ਚ ਵਾਧਾ ਕਰਕੇ ਪਹਿਲੀ ਤਰੀਖ ਨੂੰ ਜਾਰੀ ਕਰਨ ਦਾ ਵਾਅਦਾ ਕੀਤਾ ਸੀ, ਪਰ ਹਾਲੇ ਤੱਕ ਕੋਈ ਵੀ ਵਾਅਦਾ ਪੂਰਾ ਨਹੀਂ ਕੀਤਾ। ਉਨ੍ਹਾਂ ਮਜ਼ਦੂਰਾਂ ਨੂੰ ਮੰਗਾਂ ਦੀ ਪ੍ਰਾਪਤੀ ਲਈ ਤਿੱਖਾ ਸੰਘਰਸ਼ ਕਰਨ ਦਾ ਵੀ ਸੱਦਾ ਦਿੱਤਾ। ਇਸ ਮੋਕੇ ਹੋਰਨਾਂ ਤੋਂ ਇਲਾਵਾ ਗੁਰਚਰਨ ਸਿੰਘ, ਹਾਕਮ ਸਿੰਘ, ਨਿਰਮਲ ਸਿੰਘ, ਕਿਰਤੀ ਕਿਸਾਨ ਯੂਨਅਨ ਦੇ ਤਰਲੋਚਨ ਸਿੰਘ, ਕੁਲਵੰਤ ਸੋਨੀ, ਇਨਕਲਾਬੀ ਕੇਂਦਰ ਪੰਜਾਬ ਦੇ ਕੰਵਲਜੀਤ ਸਿੰਘ ਖੰਨਾ ਅਤੇ ਵਰਕਰ ਹਾਜ਼ਰ ਸਨ।

ਜਗਰਾਓ,28,ਮਾਰਚ-(ਰਛਪਾਲ ਸਿੰਘ ਸੇਰਪੁਰੀ)-ਯੂਥ ਇੰਡੀਪੈਂਡੈਟ ਸਪੋਰਟਸ ਐਂਡ ਵੈਲਫੇਅਰ ਕਲੱਬ ਮੱਲ੍ਹਾ ਦੇ ਪ੍ਰਧਾਨ ਕੁਲਦੀਪ ਸਿੰਘ ਗੋਗਾ ਦੀ ਅਗਵਾਈ ਹੇਠ ਸਮੂਹ ਗ੍ਰਾਮ ਪੰਚਾਇਤ ਮੱਲ੍ਹਾ ਅਤੇ ਨਹਿਰੂ ਯੂਵਾ ਕੇਦਰ ਲੁਧਿਆਣਾ ਦੇ ਸਹਿਯੋਗ ਨਾਲ ਪਿੰਡ ਮੱਲ੍ਹਾ ਵਿਖੇ ਨਸ਼ਿਆ ਖਿਲਾਫ ਸੈਮੀਨਰ ਕਰਵਾਇਆ ਗਿਆ।ਇਸ ਸੈਮੀਨਾਰ ਵਿਚ ਸੇਵਾ ਮੁਕਤ ਐਸਐਮਓ ਡਾਕਟਰ ਰੂਪ ਦਾਸ ਬਾਵਾ,ਏਐਸਆਈ ਸੇਰ ਸਿੰਘ,ਸੋਲਜਰ ਅਕੈਡਮੀ ਰਾਏਕੋਟ ਦੇ ਇੰਸਟਕਟਰ ਨਰਿੰਦਰ ਸਿੰਘ,ਯੂਥ ਆਗੂ ਜਗਦੀਸ ਸਿੰਘ ਦੀਸਾ ਮੁੱਖ ਮਹਿਮਾਨ ਵਜੋ ਹਾਜਰ ਹੋਏ।ਇਸ ਮੌਕੇ ਸੰਬੋਧਨ ਕਰਦਿਆ ਮੁੱਖ ਮਹਿਮਾਨਾ ਨੇ ਵਾਰੋ-ਵਾਰੀ ਨਸ਼ਿਆ ਖਿਲਾਫ ਆਪਣੇ ਵਿਚਾਰ ਪੇਸ ਕਰਦਿਆ ਕਿਹਾ ਕਿ ਨਸੇ ਜਿਥੇ ਸਾਨੂੰ ਸਰੀਰਕ ਤੌਰ ਤੇ ਨਕਾਰਾ ਕਰਦੇ ਹਨ ਉੱਥੇ ਨਸਾ ਵਿਅਕਤੀ ਦਾ ਸਮਾਜ ਵਿਚ ਮਾਨ ਸਨਮਾਨ ਵੀ ਖਤਮ ਕਰ ਦਿੰਦਾ ਹਨ।ਉਨ੍ਹਾ ਕਿਹਾ ਕਿ ਨਸ਼ਾ ਛੱਡਣਾ ਕੋਈ ਵੱਡੀ ਗੱਲ ਨਹੀ ਸਿਰਫ ਨਸ਼ਾ ਛੱਡਣ ਵਾਲੇ ਵਿਅਕਤੀ ਨੂੰ ਖੁਦ ਦਿਮਾਗੀ ਤੌਰ ਤੇ ਤਿਆਰ ਹੋਣਾ ਚਾਦੀਹਾ ਹੈ ਤਾਂ ਹੀ ਨਸੇ ਦੇ ਕੋਹੜ ਨੂੰ ਛੱਡਿਆ ਜਾ ਸਕਦਾ ਹੈ।ਉਨ੍ਹਾ ਕਿਹਾ ਕਿ ਸਰਕਾਰ ਵੱਲੋ ਜਗ੍ਹਾ-ਜਗ੍ਹਾ ਨਸ਼ਾ ਛੜਾਊ ਸੈਟਰ ਖੋਲੇ ਗਏ ਹਨ ਜਿਸ ਵਿਚ ਮਰੀਜਾ ਦਾ ਫਰੀ ਇਲਾਜ ਹੋ ਰਿਹਾ ਹੈ।ਇਸ ਮੌਕੇ ਸਰਪੰਚ ਹਰਬੰਸ ਸਿੰਘ ਢਿੱਲੋ ਨੇ ਕਿਹਾ ਕਿ ਜੇਕਰ ਕੋਈ ਵੀ ਨੌਜਵਾਨ ਖੁਦ ਨਸ਼ਾ ਛੱਡਣਾ ਚਾਹੁੰਦਾ ਹੈ ਤਾਂ ਗ੍ਰਾਮ ਪੰਚਾਇਤ ਮੱਲ੍ਹਾ ਉਸ ਦਾ ਸਹਿਯੋਗ ਦੇਵੇਗੀ।ਇਸ ਮੌਕੇ ਬੀਤੇ ਮਹੀਨੇ ਪੰਜਾਬ ਦੀਆ ਸਮੂਹ ਯੂਨੀਵਰਸਿਟੀ ਦੀਆ ਪੰਜਾਬ ਪੱਧਰੀ ਖੇਡਾ ਵਿਚੋ ਪਿੰਡ ਮੱਲ੍ਹਾ ਦੀ ਜੰਮਪਲ ਵੀਰਪਾਲ ਕੌਰ ਨੇ ਹਾਈ ਜੰਪ ਵਿਚੋ ਪਹਿਲਾ ਸਥਾਨ ਪਾਪਤ ਕਰਕੇ ਸੋਨੇ ਦਾ ਤਗਮਾ ਜਿੱਤਿਆ ਅਤੇ ਲੌਗ ਜੰਪ ਵਿਚੋ ਚਾਦੀ ਦਾ ਤਗਮਾ ਜਿੱਤਣ ਵਾਲੀ ਖਿਡਾਰਨ ਨੂੰ ਨਛੱਤਰ ਸਿੰਘ ਕੈਨੇਡਾ ਵੱਲੋ 3100 ਰੁਪਏ, ਗ੍ਰਾਮ ਪੰਚਾਇਤ ਮੱਲ੍ਹਾ ਵੱਲੋ 5100 ਰੁਪਏ ਅਤੇ ਕਲੱਬ ਵੱਲੋ ਸਨਮਾਨ ਚਿੰਨ ਦੇ ਕੇ ਵਿਸ਼ੇਸ ਤੌਰ ਤੇ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਸਮਾਜ ਸੇਵਕ ਨਛੱਤਰ ਸਿੰਘ ਕੈਨੇਡੀਅਨ ਨੇ ਕਿਹਾ ਕਿ ਬਹੁਤ ਖੁਸੀ ਦੀ ਗੱਲ ਹੈ ਕਿ ਸਾਡੇ ਪਿੰਡ ਦੀ ਧੀ ਨੇ ਪਿੰਡ ਮੱਲ੍ਹਾ ਦਾ ਨਾਮ ਰੋਸਨ ਕੀਤਾ ਹੈ।ਇਸ ਮੌਕੇ ਸਟੇਜ ਸਕੱਤਰ ਦੀ ਭੂਮਿਕਾ ਮਾਸਟਰ ਸਰਬਜੀਤ ਸਿੰਘ ਨੇ ਨਿਭਾਈ।ਅੰਤ ਵਿਚ ਸਰਪੰਚ ਹਰਬੰਸ ਸਿੰਘ ਢਿੱਲੋ ਨੇ ਸਮੂਹ ਮਹਿਮਾਨਾ ਅਤੇ ਪਿੰਡ ਵਾਸੀਆ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਉਨ੍ਹਾ ਨਾਲ ਨਛੱਤਰ ਸਿੰਘ ਸਰਾਂ,ਪੰਚ ਜਗਦੀਸ ਸਿੰਘ,ਪੰਚ ਜਗਜੀਤ ਸਿੰਘ ਖੇਲਾ, ਪੰਚ ਗੁਰਮੇਲ ਸਿੰਘ, ਜਸਵਿੰਦਰ ਸਿੰਘ, ਨਰਿੰਦਰ ਸਿੰਘ, ਰਾਮ ਸਿੰਘ ਸਰਾਂ,ਵਿੱਕੀ ਮੱਲ੍ਹਾ,ਲਖਵੀਰ ਸਿੰਘ ਆਦਿ ਤੋ ਇਲਾਵਾ ਵੱਡੀ ਗਿਣਤੀ ਵਿਚ ਪਿੰਡ ਵਾਸੀ ਹਾਜਰ ਸਨ।
 

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ,ਗੁਰਦੇਵ ਗਾਲਿਬ)ਕਾਂਗਰਸ ਪਾਰਟੀ ਲੋਕ ਸਭਾ ਚੋਣਾਂ 'ਚ ਭਾਰੀ ਬਹੁਮਤ ਨਾਲ ਜਿੱਤ ਪ੍ਰਾਪਤ ਕਰੇਗੀ ਅਤੇ ਕੇਂਦਰ 'ਚ ਰਾਹੁਲ ਗਾਂਧੀ ਦੀ ਅਗਵਾਈ ਹੇਠ ਸਰਕਾਰ ਬਣਾਏਗੀ।ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਪੰਜਾਬ ਸੱਕਤਰ ਇੰਡੀਅਨ ਨੈਸ਼ਨਲ ਕਾਂਗਰਸ ਮਹਿਲਾ ਬ੍ਰਿਗੇਡ ਸ੍ਰੀਮਤੀ ਛਿੰਦਰਪਾਲ ਕੌਰ ਗਾਲਿਬ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਪ੍ਰਗਟ ਕੀਤੇ।ਉਨ੍ਹਾਂ ਕਿਹਾ ਕਿ ਮੁੱਖ ਮੰਤਰੀ ਕੈਂਪਟਨ ਅਮਰਿੰਦਰ ਸਿੰਘ ਨੇ ਲੋਕਾਂ ਨਾਲ ਕੀਤੇ ਚੋਣ ਵਾਅਦੇ ਪੂਰੇ ਕੀਤੇ ਹਨ ਅਤੇ ਪੰਜਾਬ ਦੇ ਲੋਕ ਜਾਣਦੇ ਹਨ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਹੀ ਲੋਕਾਂ ਦੇ ਮਸਲੇ ਹੱਲ ਕਰ ਸਕਦੇ ਹਨ।ਉਨ੍ਹਾਂ ਕਿਹਾ ਕਿ ਮੱੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ 'ਚ ਚੱਲ ਰਹੀ ਕਾਂਗਰਸ ਦੀ ਸਰਕਾਰ ਦੇ ਕੰਮਾਂ ਤੋ ਸੂਬੇ ਦੇ ਲੋਕ ਬੇਹੱਦ ਖੁਸ਼ ਹਨ ਜਿਸ ਕਰ ਕੇ ਸੂਬੇ ਅੰਦਰ ਕਾਂਗਰਸ ਪਾਰਟੀ ਦੀ ਸਾਰੀਆਂ ਸੀਟਾਂ ਤੇ ਇਤਿਹਾਸਕ ਜਿੱਤ ਹੋਵੇਗੀ।ਇਸ ਸਮੇ ਬੀਬੀ ਗਾਲਿਬ ਨੇ ਕਿਹਾ ਕਿ ਜੋ ਲੋਕ ਕਦੇ ਵੀ ਇਤਹਾਸ 'ਚ ਭੱੁਲਣ ਵਾਲੇ ਨਹੀ ਹਨ ਤੇ ਇਸ ਦਾ ਖਮਿਆਜ਼ਾ ਭਾਜਪਾ ਨੂੰ 19 ਮਈ ਨੂੰ ਹੋ ਰਹੀਆਂ ਲੋਕ ਸਭਾ ਚੋਣਾਂ 'ਚ ਭੁਗਤਣਾ ਪਵੇਗਾ।

ਚੌਕੀਮਾਨ 27 ਮਾਰਚ (ਨਸੀਬ ਸਿੰਘ ਵਿਰਕ )  ਹਲਕਾ ਦਾਖਾ ਦੇ ਸਾਬਕਾ ਵਿਧਾਇਕ ਸ: ਮਨਪ੍ਰੀਤ ਸਿੰਘ ਇਆਲੀ  ਜਿੰਨਾ ਨੇ  ਵਿਧਾਇਕ ਦੀ ਕੁਰਸੀ  ਤੇ ਬੈਠਣ ਤੋਂ ਪਹਿਲਾ ਜਿਲ਼੍ਹਾ ਪ੍ਰੀਸ਼ਦ  ਚੇਅਰਮੈਨ ਲੁਧਿਆਣਾ ਦੀ ਕੁਰਸੀ ਤੇ ਬੈਠਕੇ  ਹਲਕੇ ਦਾਖੇ ਦੇ ਵੋਟਰਾਂ ਦੀ ਐਸੀ ਕਦਰ ਕੀਤੀ ਹਲਕੇ ਦਾਖੇ ਦੇ ਪਿੰਡਾ ਚ ਕਰੋੜਾ ਦੀਆ ਗਾਂ੍ਰਟਾ  ਨਾਲ ਵਿਕਾਸ ਕਾਰਜ ਆਰੰਭ ਹੋਏ  ,ਇੰਨਾ ਨਿਰਵਿਘਨ ਚੱਲਦੇ ਵਿਕਾਸ ਕਾਰਜਾ ਨੇ  ਇਆਲੀ ਦੀ ਐਸੀ ਬੱਲੇ ਬੱਲੇ ਕਰਵਾਈ ਕਿ  ਹਲਕੇ ਦਾਖੇ ਦੇ ਲੋਕ ਇਆਲੀ ਨੂੰ ਵਿਧਾਇਕ ਬਣਾਉਣ ਦੀ ਚਾਹਤ ਦਰਸਾਉਣ ਲੱਗੇ ਅਤੇ ਸਭ ਨੇ  ਵਿਧਾਨ ਸਭਾ ਵੋਟਾਂ ਚ  ਇਆਲੀ ਨੂੰ ਵੱਡੀ ਗਿਣਤੀ ਚ ਵੋਟਾਂ ਪਾਕੇ  ਵਿਧਾਇਕ ਦਾ ਰੁਤਬਾ ਦੇਣ ਦੇ ਨਾਲ ਨਾਲ  ਵਿਕਾਸ ਪੁਰਸ਼ ਦਾ ਮਾਣ ਵੀ ਬਕਸਿਆ ।  ਪਰ ਜਦੋ ਹਲਕੇ ਦਾਖੇ ਦੇ ਲੋਕਾਂ ਦਾ  ਇਆਲੀ ਨੂੰ  ਵਿਧਾਇਕ ਬਣਕੇ  ਸੇਵਾ ਕਰਨ ਦਾ ਮੌਕਾ ਮਿਲਿਆ ਤਾਂ ਉਸ ਨੇ  ਰਿਕਾਡ ਤੋੜ ਵਿਕਾਸ ਕਰਵਾਉਂਦੇ ਹੋਏ  ਆਪਣਾ ਨਾਮ ਸੁਨਹਿਰੀ ਅੱਖਰਾਂ ਚ ਦਰਜ ਕਰਵਾਇਆ  । ਪਰ ਇਸ ਬਾਰ ਹੋਈਆ ਵਿਧਾਨ ਸਭਾ ਚੋਣਾਂ ਚ ਹਲਕੇ ਦਾਖੇ  ਦੇ ਭਟਕੇ ਲੋਕਾਂ ਨੇ ਇਆਲੀ ਨੂੰ ਨਕਾਰ ਤਾਂ ਲਿਆ ਪਰ ਅੱਜ ਉਹ ਆਪਣੀ ਗਲਤੀ ਨੂੰ ਵਾਰ ਵਾਰ ਦੁਹਰਾ ਰਹੇ ਹਨ ਕਿ ਅਸੀ ਜੋ ਕੀਤਾ ਗਲਤ ਕੀਤਾ ਅਸੀ ਲੋਕਾ ਦਾ ਮਸੀਹਾ ,ਵਿਕਾਸ ਪੁਰਸ਼ ਇਆਲੀ ਗਵਾ ਲਿਆ ਜਿਸ ਦੀ ਘਾਟ ਕਾਰਣ  ਅੱਜ ਵਿਕਾਸ ਕਾਰਜ ਥੰਮੇ ਪਏ ਨੇ ,ਹੁਣ ਸਭ ਨੂੰ ਪਤਾ ਏ ਕਿ  ਇਆਲੀ ਨੇ ਤਾਂ ਹੁਣ ਵਿਧਾਨ ਸਭਾ ਚੋਣਾ ਚ ਮੁੜ ਆਉਣ ਹੀ ਹੈ ਪਰ ਹੁਣ ਸਭ ਨੂੰ ਆਸ ਦੀ  ਇਹ ਕਿਰਨ ਲੱਗ ਰਹੀ ਹੈ ਕਿ ਆਉਣ ਵਾਲਾ ਜਿਲ੍ਹਾ ਪ੍ਰੀਸ਼ਦ ਚੇਅਰਮੈਂਨ ਹੀ ਕੁੱਝ ਕਰੇਗਾ ।  ਲੋਕ ਚਰਚਾ ਇਹ ਵੀ ਹੈ ਕਿ ਜਿਸ ਤਰਾਂ ਇਆਲੀ ਨੇ ਗ੍ਰਾਂਟਾ ਦੇ ਗੱਫੇ ਦੇਕੇ  ਵਿਕਾਸ ਕਰਵਾਏ ਸਨ ਉਸ ਤਰਾਂ ਨਵਾਂ ਚੈਅਰਮੈਨ ਵੀ ਕਰੇਗਾ ਜਾਂ ਬਾਕੀ ਚੇਅਰਮੈਨਾ ਦੀ ਤਰ੍ਹਾ ਹੀ ਗੋਗਲੂਆਂ ਤੋਂ ਮਿੱਟੀ ਝਾੜਕੇ ਸਮਾ ਬਤੀਤ ਕਰੇਗਾ । ਜਿੱਥੇ ਕਦੇ ਵਿਧਾਇਕ ਅਤੇ ਚੇਅਰਮੈਨ ਜਿਲ੍ਹਾ ਪ੍ਰੀਸ਼ਦ ਰਿਹ ਚੁੱਕੇ ਇਆਲੀ ਨੇ ਜਾਦੂ ਦੀ ਛੜੀ ਚਲਾਉਂਦੇ ਹੋਏ ਕਰੋੜਾ ਦੀਆਂ ਗ੍ਰਾਂਟਾਂ  ਦੇ ਗੱਫੇ ਤਕਸੀਮ ਕੀਤੇ ਸਨ ਅੱਜ ਉੱਥੇ ਕਾਂਗਰਸੀ ਲੀਡਰ   ਚੁਟਕੀਆ ਨਾਲ ਸਾਰ ਕੇ ਵੋਟਰਾਂ ਦੇ ਮਨਾ ਨੂੰ ਮੋਹਣ ਨੂੰ ਫਿਰਦੇ ਹਨ  ਪਰ ਹਲਕੇ ਦਾਖੇ ਦੇ ਵੋਟਰ ਹੁਣ ਸ਼ੂਝਵਾਨ ਹੋ ਚੁੱਕੇ ਹਨ ਹਲਕਾ ਦਾਖਾ ਦੇ ਮੌਜੂਦਾ ਵਿਧਾਇਕ ਸ ਹਰਵਿੰਦਰ ਸਿੰਘ ਫੂਲਕਾ ਸਾਹਿਬ ਦੇ ਧੋਖੇ ਨੇ ਵੋਟਰਾ ਨੂੰ ਐਨਾ ਡਰਾ ਦਿੱਤਾ ਹੈ ਕਿ ਉਹ  ਹੁਣ ਫੂਕ ਫੂਕ ਕੇ ਪੈਰ ਧਰ ਰਹੇ ਹਨ ।