ਲੁਧਿਆਣਾ

ਜਗਰਾਉਂ (ਐਸ ਪੀ ਬੌਬੀ) ਅੱਜ ਬਾਰ ਐਸੋਸੀਏਸ਼ਨ ਜਗਰਾਉਂ ਦੀ ਚੋਣ ਸਬੰਧੀ ਮੀਟਿੰਗ ਹੋਈ।ਜਿਸ ਵਿੱਚ ਚੋਣਾਂ ਸਬੰਧੀ ਰਿਟਾਰਨਿੰਗ ਅਫਸਰ ਐਡਵੋਕੇਟ ਜੋਰਾਵਰ ਸਿੰਘ ਵਿਰਕ, ਪ੍ਰਧਾਨ ਐਡਵੋਕੇਟ ਜੋਤੀ ਸਰੂਪ ਸਹਿਗਲ, ਸਹਾਇਕ ਆਰ ੳ ਐਡਵੋਕੇਟ ਮੁਖਤਿਆਰ ਸਿੰਘ ਗਰਚਾ ਅਤੇ ਵਾਈਸ ਪ੍ਰਧਾਨ ਐਡਵੋਕੇਟ ਵਰਿੰਦਰਪਾਲ ਕੌਰ ਸੰਧੂ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਚੋਣ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਬਾਰ ਐਸਸੋਸੀਏਸਨ ਦੀ ਚੋਣ ਮਾਨਯੋਗ ਬਾਰ ਐਸੋਸੀਏਸ਼ਨ ਪੰਜਾਬ ਅਤੇ ਹਰਿਆਣਾ ਦੀਆਂ ਹਦਾਇਤਾਂ ਅੁਨਸਾਰ ਇਹ ਚੋਣਾਂ 5 ਅਪ੍ਰੈਲ 2019 ਦਿਨ ਸੁੱਕਰਵਾਰ ਨੂੰ ਸਵੇਰੇ 10:00 ਵਜੇ ਤੋ ਲੈ ਕਿ ਸ਼ਾਮ 4:30 ਵਜੇ ਤੱਕ ਹੋਣਗੀਆਂ। ਚੋਣ ਪ੍ਰਕਿਿਰਆ ਇਸ ਤਰ੍ਹਾਂ ਹੈ ਕਿ 18 ਮਾਰਚ ਤੋਂ 26 ਮਾਰਚ ਤੱਕ ਚੋਣਾਂ ਸਬੰਧੀ ਕਾਗਜ ਭਰੇ ਜਾਣਗੇ ਤੇ 27 ਤੇ 28 ਮਾਰਚ ਨੂੰ ਕਾਗਜ ਵਪਿਸ ਲਏ ਜਾਣਗੇ।ਅਤੇ 5 ਅਪ੍ਰੈਲ ਨੂੰ ਵੋਟਾ ਪੈਣਗੀਆਂ।ਇਨਾਂ ਚੋਣਾਂ ਵਿੱਚ ਉਪ- ਪ੍ਰਧਾਨ ਦੀ ਚੋਣ ਐਡਵੋਕੇਟ ਵਿਕਰਮ ਬੇਰੀ ਲੜ ਰਹੇ ਹਨ ਜੋ ਕਿ ਪਹਿਲਾ ਵੀ ਬਾਰ ਐਸੋਸੀਏਸ਼ਨ ਵਿਚ ਸੈਕਟਰੀ ਦੀ ਸੇਵਾ ਨਿਭਾਅ ਚੁੱਕੇ ਹਨ।ਇਸ ਮੌਕੇ ਐਡਵੋਕੇਟ ਰਾਜਿੰਦਰਪਾਲ ਚਾਹਿਲ, ਅਸ਼ਵਨੀ ਅਤਰੇ, ਨੀਰਜ ਸ਼ਰਮਾ, ਤਰੁਣ ਮਲਹੋਤਰਾ, ਹਰਕੀਰਤ ਤਲਵੰਡੀ, ਅਮਰਿੰਦਰ ਸਿੱਧੂ, ਪੰਕਜ ਢੰਡ, ਸਤਿੰਦਰ ਸਿੱਧੂ, ਜੋਗਿੰਦਰ ਗਿੱਲ, ਪਰਮਿੰਦਰਪਾਲ, ਕਮਿੱਕਰ ਸਿੰਘ, ਤਰਨ ਗਰੇਵਾਲ, ਲਕੇਸ਼ ਕੱਕੜ, ਇੰਦਰਪਾਲ, ਜਗਤਾਰ ਬਾਸੀ, ਕਰਮ ਸਿੱਧੂ, ਅਮਰ, ਸਿਕੰਦਰ ਚਾਹਲ, ਇਮਰੋਜ ਚਾਹਲ, ਮੂਨ ਝਾਂਜੀ, ਸਿਮਰਦੀਪ ਕੌਰ, ਪਰਮਿੰਦਰ ਬਾਜਵਾ, ਸੰਤੋਖ ਦਿਉਲ ਆਦਿ ਤੋ ਇਲਾਵਾ ਸਾਰੇ ਵਕੀਲ ਹਾਜਿਰ ਸਨ ।

ਜਗਰਾਉਂ, 14 ਮਾਰਚ ( ਮਨਜਿੰਦਰ ਗਿੱਲ )-ਪਿੱਛਲੇ ਦਿਨੀਂ ਸ਼੍ਰੋਮਣੀ ਅਕਾਲੀ ਦਲ ਦੇ ਜੱਥੇਬੰਦਕ ਵਿਕਾਸ ਦੇ ਸਮੇਂ ਸੰਘਰਸ਼ੀ ਆਗੂ ਸ਼੍ਰੋਮਣੀ ਕਮੇਟੀ ਮੈਂਬਰ ਭਾਈ ਗੁਰਚਰਨ ਸਿੰਘ ਗਰੇਵਾਲ ਨੂੰ ਅਕਾਲੀ ਦਲ ਦੀ ਰਾਜਸੀ ਮਾਮਲਿਆਂ ਦੀ ਅਹਿਮ ਕਮੇਟੀ 'ਚ ਜਗ੍ਹਾਂ ਦੇਣ 'ਤੇ ਭਾਈ ਗਰੇਵਾਲ ਨੇ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦਾ ਧੰਨਵਾਦ ਕੀਤਾ। ਭਾਈ ਗਰੇਵਾਲ ਨੇ ਪਾਰਟੀ ਦੇ ਮੁੱਖ ਦਫ਼ਤਰ ਚੰਡੀਗੜ੍ਹ ਵਿਖੇ ਸ. ਬਾਦਲ ਨੂੰ ਜਿੱਥੇ ਉਨ੍ਹਾਂ ਵੱਲੋਂਮੈਂਬਰ ਬਣਾਏ ਜਾਣ 'ਤੇ ਫੁੱਲਾਂ ਦਾ ਗੁਲਦਸਤਾਂ ਭੇਂਟ ਕਰਕੇ ਸਨਮਾਨਿਤ ਕੀਤਾ, ਉਥੇ ਉਨ੍ਹਾਂ ਵਿਸ਼ਵਾਸ ਦੁਆਇਆ ਕਿ ਉਹ ਪਾਰਟੀ ਵੱਲੋਂ ਦਿੱਤੀ ਜਿੰਮੇਵਾਰੀ ਨੂੰ ਪੂਰੀ ਤਨਦੇਹੀ ਨਾਲ ਨਿਭਾਉਣਗੇ ਅਤੇ ਪਾਰਟੀ ਦਾ ਮੁੱਢ ਪੰਥਕ ਏਜੰਡੇ 'ਤੇ ਪੂਰਾ ਪਹਿਰਾ ਦਿੰਦਿਆਂ ਦਿਨ-ਰਾਤ ਪਾਰਟੀ ਨੂੰ ਮਜ਼ਬੂਤ ਕਰਨਗੇ। ਉਨ੍ਹਾਂ ਵੱਲੋਂ ਨੌਜਵਾਨ ਵਰਗ ਨੂੰ ਪਾਰਟੀ ਨਾਲ ਜੋੜਨ ਦੀ ਮੁਹਿੰਮ ਨੂੰ ਜਾਰੀ ਰੱਖਿਆ ਜਾਵੇਗਾ। ਇਸ ਮੌਕੇ ਸ. ਬਾਦਲ ਨੇ ਉਨ੍ਹਾਂ ਨਾਲ ਅਗਾਮੀ ਲੋਕ ਸਭਾ ਚੋਣਾਂ ਸਬੰਧੀ ਵਿਚਾਰ ਵਟਾਂਦਰਾ ਕੀਤਾ ਅਤੇ ਉਨ੍ਹਾਂ ਦੀਆਂ ਡਿਊਟੀਆਂ ਬਾਰੇ ਜਾਣੂੰ ਕਰਵਾਇਆ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਜੀਵਨ ਧਵਨ, ਸੰਤਾ ਸਿੰਘ ਉਮੈਦਪੁਰੀ ਅਤੇ ਭੁਪਿੰਦਰ ਸਿੰਘ ਬਜ਼ੁਗੜ ਵੀ ਹਾਜ਼ਰ ਸਨ।

ਚੌਕੀਮਾਨ/ ਭੂੰਦੜੀ 14 ਮਾਰਚ (ਨਸੀਬ ਸਿੰਘ ਵਿਰਕ ) ਸਰਦਾਰੀਆਂ ਟ੍ਰੱਸਟ ਪੰਜਾਬ ਦੇ ਸੇਵਾਦਾਰ  ਹਰਪ੍ਰੀਤ ਸਿੰਘ ਸਿੱਧਵਾਂ ਅਤੇ ਨੋਜਵਾਨ ਸਭਾਂ ਦੇ ਮੈਂਬਰ ਜਗਦੀਪ ਸਿੰਘ ਬਾਵਾ ਨੇ  ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆਂ ਪਿਛਲੇ ਦਿਨੀ ਹੋਈਆਂ ਆਲ ਇੰਡੀਆ ਮਾਸਟਰ ਸਪੋਰਟਸ ਫੈਡਰੇਸ਼ਨ ਗੇਮਜ 2019 ਉਤਰਾਂਖੰਡ ਜਿਸ ਵਿੱਚ ਪੂਰੇ ਭਾਰਤ ਵਿੱਚੋ ਅਧਿਆਪਕਾਂ ਨੇ ਭਾਗ ਲਿਆ ਉਥੇ ਹੀ ਸਿੱਧਵਾਂ ਬੇਟ ਦੇ ਵਸਨੀਕ ਮਾਸਟਰ ਸ:ਰਜਿੰਦਰ ਸਿੰਘ ਨੇ ਵੀ ਹਿੱਸਾ ਲਿਆ ਜਿੱਥੇ ਮਾਸਟਰ ਜੀ  ਬਤੌਰ ਅਧਿਆਪਕ ਦੀ ਡਿਊਟੀ ਕਰ ਰਹੇ ਹਨ ਉਥੇ ਸਮਾਜ ਸੇਵਾ ਕੰਮਾਂ ਚ ਵੀ ਸਮੇ ਸਮੇ ਤੇ ਹਿੱਸਾ ਪਾਉਂਦੇ ਆ ਰਹੇ ਹਨ ਉਸ ਦੇ ਨਾਲ ਹੀ ਖੇਡਾਂ ਵਿੱਚੋ ਕਈ ਸਥਾਨ ਹਾਸਿਲ ਕਰ ਚੁੱਕੇ ਹਨ । ਪਿਛਲੇ ਸਮੇ ਦੌਰਾਨ ਆਲ ਇੰਡੀਆ ਮਾਸਟਰ ਸਪੋਰਟਸ ਫੈਡਰੇਸ਼ਨ ਗੇਮਜ 2019 ਵਿੱਚ ਹੈਮਰ ਥ੍ਰੋ ਵਿੱਚੋ ਪਹਿਲਾਂ ਸਥਾਨ ਪ੍ਰਾਪਤ ਕਰਕੇ ਆਪਣਾ ਅਤੇ ਆਪਣੇ ਨਗਰ ਸਿੱਧਵਾਂ ਬੇਟ ਅਤੇ ਇਲਾਕੇ ਦਾ ਨਾਮ ਰੋਸ਼ਨ ਕੀਤਾ। ਜਿੱਥੇ ਪਿੰਡ ਵਾਸੀਆਂ ਨੂੰ ਇਸ ਗੱਲ ਦਾ ਮਾਣ ਹੈ ਉਥੇ ਹੀ ਨਗਰ ਨਿਵਾਸੀਆਂ ਵੱਲੋਂ ਮਾਸਟਰ ਰਜਿੰਦਰ ਸਿੰਘ ਨੂੰ ਵਧਾਈਆਂ ਦਿੱਤੀਆਂ ਗਈਆਂ ਅਤੇ ਸਿੱਧਵਾਂ ਬੇਟ ਵਿੱਚ ਬਣੇ ਸਥਾਨਿਕ ਗੁਰਦੁਆਰਾ ਸਾਹਿਬ ਵਿੱਚ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਸਰਦਾਰੀਆਂ ਟ੍ਰੱਸਟ ਪੰਜਾਬ,ਨਗਰ ਵਿਕਾਸ ਨੋਜਵਾਨ ਸਭਾਂ ਸਿੱਧਵਾਂ ਬੇਟ ਅਤੇ ਸਮੁੱਚੇ ਨਗਰ ਨਿਵਾਸੀਆਂ ਵੱਲੋ ਮਾਸਟਰ ਰਜਿੰਦਰ ਸਿੰਘ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ ਉਹਨਾ ਨੇ ਇੱਥੇ ਇਹ ਵੀ ਕਿਹਾ ਮਾਸਟਰ ਜੀ ਨੇ ਇਹ ਪਹਿਲਾ ਸਥਾਨ ਪ੍ਰਾਪਤ ਕਰਕੇ ਸਿੱਧਵਾਂ ਬੇਟ ਇਲਾਕੇ ਦਾ ਨਾਮ ਅਤੇ ਲੁਧਿਆਣਾ ਜਿਲ੍ਹੇ ਦਾ ਨਾਮ ਭਾਰਤ ਦੇ ਨਕਸ਼ੇ ਤੇ ਰੋਸ਼ਨ ਕੀਤਾ ਹੈ ਸਾਨੂੰ ਮਾਣ ਹੈ ਮਾਸਟਰ ਜੀ ਸਿੱਧਵਾਂ ਬੇਟ ਦੇ ਵਸਨੀਕ ਹਨ । ਉਹਨਾ ਨੇ ਇਹ ਵੀ ਕਿਹਾ ਕੀ ਇੱਥੇ ਜਿਕਰਯੋਗ ਹੈ ਕੀ ਨਗਰ ਵਿੱਚ ਨਗਰ ਵਿਕਾਸ ਨੌਜਵਾਨ ਸਭਾਂ ਸਿੱਧਵਾਂ ਬੇਟ ਵੱਲੋ ਕੀਤੇ ਗਏ ਸਮਾਜ ਸੇਵਾ ਦੇ ਕੰਮ ਪਿੰਡ ਵਿੱਚ ਮੀਲ ਪੱਥਰ ਸਿੱਧ ਹੋਏ ਹਨ ਅਤੇ ਸਮਾਜ ਸੇਵਾ ਦੇ ਕੰਮ ਪਹਿਲਾ ਦੀ ਤਰਾ ਜਾਰੀ ਰਹਿਣਗੇ।ਇਸ ਮੌਕੇ ਗੁਰਦੁਆਰਾ ਕਮੇਟੀ ਦੇ ਪ੍ਰਧਾਨ ਕੈਪਟਨ ਜਸਵੰਤ ਸਿੰਘ,ਸਰਪੰਚ ਪਰਮਜੀਤ ਸਿੰਘ,ਸੁਖਦੇਵ ਸਿੰਘ ਬੋਪਾਰਾਏ,ਲਾਡੀ ਸਿੱਧੂ,ਹਰਵਿੰਦਰ ਸਿੰਘ ਸਿੱਧੂ,ਬਾਰਾਂ ਸਿੰਘ ਸਿੱਧੂ,ਗੁਲਜ਼ਾਰ ਸਿੰਘ ਸੰਧੂ,ਹਰਬੰਸ ਸਿੰਘ ਸਿੱਧੂ,ਹਰਪ੍ਰੀਤ ਸਿੰਘ,ਦਮਨਪ੍ਰੀਤ ਸਿੰਘ ਅਤੇ ਮੁਕੇਸ਼ ਕੁਮਾਰ ਆਦਿ ਮੌਜੂਦ ਸਨ

ਲੁਧਿਆਣਾ, ਮਾਰਚ ਇਥੇ ਫੋਕਲ ਪੁਆਇੰਟ ਇਲਾਕੇ ਦੇ ਈਸ਼ਵਰ ਨਗਰ ਵਿੱਚ ਇਕੋ ਵਿਹੜੇ ਵਿੱਚ ਰਹਿੰਦੇ ਫੈਕਟਰੀ ਕਾਮੇ ਨੇ ਪੰਜ ਸਾਲਾ ਨਾਬਾਲਗ ਬੱਚੀ ਨਾਲ ਜਬਰ-ਜਨਾਹ ਮਗਰੋਂ ਗਲਾ ਘੁੱਟ ਕੇ ਉਹਦੀ ਹੱਤਿਆ ਕਰ ਦਿੱਤੀ। ਪੁਲੀਸ ਨੇ ਅਰਵਿੰਦ ਨਾਂ ਦੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ, ਜੋ ਪੀੜਤ ਬੱਚੀ ਦੇ ਗੁਆਂਢ ਵਿੱਚ ਹੀ ਰਹਿੰਦਾ ਸੀ। ਪੁਲੀਸ ਨੇ ਬੱਚੀ ਦੇ ਪਿਤਾ ਦੇ ਬਿਆਨਾਂ ’ਤੇ ਮੁਲਜ਼ਮ ਖ਼ਿਲਾਫ਼ ਕੇਸ ਦਰਜ ਕਰਨ ਮਗਰੋਂ ਲਾਸ਼ ਪੋਸਟ ਮਾਰਟਮ ਲਈ ਸਥਾਨਕ ਸਿਵਲ ਹਸਪਤਾਲ ਭੇਜ ਦਿੱਤੀ ਹੈ। ਜਾਣਕਾਰੀ ਅਨੁਸਾਰ ਮੁਲਜ਼ਮ ਅਰਵਿੰਦ ਫੋਕਲ ਪੁਆਇੰਟ ਵਿੱਚ ਵੀ ਕਿਸੇ ਫੈਕਟਰੀ ਵਿੱਚ ਕੰਮ ਕਰਦਾ ਹੈ। ਸ਼ਾਮ ਸੱਤ ਵਜੇ ਦੇ ਕਰੀਬ ਉਹ ਕੰਮ ਤੋਂ ਵਾਪਸ ਆਇਆ ਤਾਂ ਬੱਚੀ ਆਪਣੇ ਘਰ ਦੇ ਨੇੜੇ ਖੇਡ ਰਹੀ ਸੀ। ਮੁਲਜ਼ਮ ਬੱਚੀ ਨੂੰ ਕਿਸੇ ਬਹਾਨੇ ਪਹਿਲੀ ਮੰਜ਼ਿਲ ਸਥਿਤ ਆਪਣੇ ਕਮਰੇ ਵਿੱਚ ਲੈ ਗਿਆ। ਇਥੇ ਜਬਰਜਨਾਹ ਦੌਰਾਨ ਬੱਚੀ ਨੇ ਜਦੋਂ ਰੌਲਾ ਪਾਇਆ ਤਾਂ ਮੁਲਜ਼ਮ ਡਰ ਗਿਆ ਤੇ ਉਸ ਨੇ ਬੱਚੀ ਨੂੰ ਚੁੱਪ ਕਰਾਉਣ ਦੇ ਇਰਾਦੇ ਨਾਲ ਉਹਦਾ ਗਲਾ ਘੁੱਟ ਦਿੱਤਾ। ਕਤਲ ਮਗਰੋਂ ਮੁਲਜ਼ਮ ਨੇ ਫਰਾਰ ਹੋਣ ਦਾ ਯਤਨ ਕੀਤਾ, ਪਰ ਬੱਚੀ ਦਾ ਰੌਲਾ ਸੁਣ ਕੇ ਸਾਂਝੇ ਵਿਹੜੇ ਵਿੱਚ ਇਕੱਠੇ ਹੋਏ ਲੋਕਾਂ ਨੇ ਮੁਲਜ਼ਮ ਨੂੰ ਕਾਬੂ ਕਰ ਲਿਆ। ਜਾਣਕਾਰੀ ਅਨੁਸਾਰ ਨਾਬਾਲਗ ਬੱਚੀ ਘਰ ਵਿੱਚ ਇਕੱਲੀ ਸੀ ਤੇ ਉਹਦੇ ਮਾਪੇ ਕੰਮ ’ਤੇ ਗਏ ਹੋਏ ਸਨ।