ਲੁਧਿਆਣਾ

ਅਸੀ ਨਹੀ ਮੰਨਦੇ ਹਵਾਰੇ ਨੂੰ ਸ੍ਰੀ ਅਕਾਲ ਤਖਤ ਸਾਹਿਬ ਦਾ ਜੱਥੇਦਾਰ - ਭਾਈ ਲ਼ਖਵਿੰਦਰ ਸਿੰਘ ਨਾਰੰਗਵਾਲ

ਚੰਡੀਗੜ੍ਹ (ਜਨ ਸ਼ਕਤੀ ਨਿਊਜ) ਸਾਬਕਾ ਮੁੱਖ ਮੰਤਰੀ ਪੰਜਾਬ ਬੇਅੰਤ ਸਿਓ ਕਰਤਲ ਕਾਂਡ ਚ ਚੰਡੀਗੜ੍ਹ ਦੀ ਬੁੜੈਲ ਜੇਲ੍ਹ ਚ ਬੰਦ ਸਿੰਘ ਭਾਈ ਲਖਵਿੰਦਰ ਸਿੰਘ ਨਾਰੰਗਵਾਲ, ਭਾਈ, ਜਗਤਾਰ ਸਿੰਘ ਤਾਰਾ, ਭਾਈ ਪਰਮਜੀਤ ਸਿੰਘ ਭਿਓਰਾ ਵੱਲੋਂ ਦਿੱਤਾ ਸੁਨੇਹਾ ਅਨੁਸਾਰ ਕਿ ਸਾਨੂੰ ਅਖਬਾਰ ਰਾਹੀ ਪਤਾ ਲੱਗਿਆ ਕਿ ਭਾਈ ਜਗਤਾਰ ਸਿੰਘ ਹਵਾਰਾ ਵੱਲੋਂ ਜੋ ਪੰਜ ਮੈਂਬਰੀ ਟੀਮ ਬਣਾਈ ਗਈ ਹੈ ਉਹਨਾ ਵੱਲੋਂ ਅਕਬਾਰਾਂ ਰਾਹੀ ਐਲਾਨ ਕੀਤਾ ਗਿਆ ਹੈ ਕਿ ਉਹ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਬੁੜੈਲ ਜੇਲ੍ਹ ਚੰਡੀਗੜ੍ਹ ਅੱਗੇ ਧਰਨਾ ਲਾਉਣਗੇ ਪਰ ਅਸੀ ਸਮੂਹ ਖਾਲਸਾ ਪੰਥ ਨੂੰ ਇਹ ਦੋਬਾਰਾ ਦੱਸਣਾ ਜ਼ਰੂਰੀ ਚਾਹੁੰਦਾ ਹਾਂ ਕਿ ਨਾ ਤਾਂ ਅਸੀ ਭਾਈ ਜਗਤਾਰ ਸਿੰਘ ਹਵਾਰਾ ਨੂੰ ਅਕਾਲ ਤਖਤ ਸਾਹਿਬ ਦਾ ਜੱਥੇਦਾਰ ਮੰਨਦੇ ਹਾਂ ਤੇ ਨਾ ੳਹਦੀ ਬਣਾਈ ਕਿਸੇ ਵੀ ਕਮੇਟੀ ਨੂੰ ਮਾਨਤਾ ਦਿੰਦੇ ਹਾਂ। ਇਕ ਸਾਡੀ ਟੀਮ ਦਾ ਮੈਂਬਰ ਹੋਣ ਦੇ ਨਾਤੇ ਉਹਦਾ ਸਤਿਕਾਰ ਕਰਦੇ ਹਾਂ। ਪਰ ਅਕਾਲ ਤਖਤ ਸਾਹਿਬ ਦੇ ਜੱਥੇਦਾਰ ਵਜੋਂ ਬਿਲਕੁਲ ਨਹੀ। ਕਮੇਟੀ ਦੇ ਮੈਂਬਰਾ ਦਾ ਅਸੀ ਨਿੱਜੀ ਤੌਰ ਤੇ ਉਨ੍ਹਾ ਦੀ ਕੁਰਬਾਨੀ ਦਾ ਪੂਰਾ ਸਤਿਕਾਰ ਕਰਦੇ ਹਾਂ, ਪਰ ਬੰਦੀ ਸਿੰਘਾ ਦੀ ਰਿਹਾਈ ਦੇ ਨਾਂਅ ਤੇ ਹੋ ਰਹੀ ਰਾਜਨੀਤੀ ਦਾ ਅਸੀ ਹਿੱਸਾ ਨਹੀ ਬਣਨਾ ਚਾਹੁੰਦੇ। ਅਸੀ ਸਾਫ ਤੇ ਸਪਸ਼ਟ ਲਫਜ਼ਾ 'ਚ ਇਹ ਕਮੇਟੀ ਨੂੰ ਕਹਿਣਾ ਚਾਹੁੰਦੇ ਹਾਂ ਕਿ ਉਹ ਸਾਡੀ ਰਿਹਾਈ ਜਾ ਪੈਰਵੀ ਲਈ ਕੋਈ ਖੇਚਲ ਨਾ ਕਰਨ।ਜੋ ਮੇਰੇ ਨਾਲ (ਜੰਗ ਸਿੰਘ) ਮੁਲਾਕਾਤ ਕੲਨ ਸਮੇਂ ਇਹ ਸੁਨੇਹਾ ਅਖਬਾਰਾ ਰਾਹੀ ਕੌਮ ਨੂੰ ਦੇਣ ਲਈ ਕਿਹਾ ਗਿਆ ਹੈ ਉਹ ਦਾਸ ਨੇ ਹੂ-ਬ-ਹੂ ਕੌਮ ਅੱਗੇ ਰੱਖ ਦਿੱਤਾ ਹੈ। ਇਹ ਬਿਆਨ ਭਾਈ ਭਵਨਦੀਪ ਸਿੰਘ ਲੁਧਿਆਣਾ ਨੇ ਪ੍ਰੈਸ ਨੂੰ ਜਾਰੀ ਕੀਤਾ। 

ਲੁਧਿਆਣਾ 4 ਮਾਰਚ  ( ਮਨਜਿੰਦਰ ਸਿੰਘ ਗਿੱਲ )—ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਆਗਮਨ ਪੁਰਬ ਨੂੰ ਸਮਰਪਿਤ ਸੁਲਤਾਨਪੁਰ ਸਾਹਿਬ ਤੋਂ ਆਰੰਭ ਹੋਈ ਯਾਤਰਾ ਦਾ 6 ਮਾਰਚ ਨੂੰ ਹਲਕਾ ਜਗਰਾਉਂ ਪਹੁੰਚਣ 'ਤੇ ਇਲਾਕੇ ਦੀ ਸੰਗਤ ਵੱਲੋਂ ਲੰਮੇ ਨਗਰ ਦੇ ਇਤਿਹਾਸਿਕ ਅਸਥਾਨ ਪੰਜੂਆਣਾ ਸਾਹਿਬ ਵਿਖੇ ਸਨਮਾਨ ਕੀਤਾ ਜਾਵੇਗਾ। ਇਹ ਜਾਣਕਾਰੀ ਹਲਕਾ ਸ਼੍ਰੋਮਣੀ ਕਮੇਟੀ ਮੈਂਬਰ ਭਾਈ ਗੁਰਚਰਨ ਸਿੰਘ ਗਰੇਵਾਲ ਨੇ ਯਾਤਰਾ ਸਬੰਧੀ ਪਿੰਡ ਵਾਰ ਮੀਟਿੰਗਾਂ ਦੌਰਾਨ ਸੰਗਤ ਨੂੰ ਸੰਬੋਧਨ ਹੁੰਦਿਆਂ ਦਿੱਤੀ। ਭਾਈ ਗਰੇਵਾਲ ਨੇ ਦੱÎਸਿਆ ਕਿ 6 ਮਾਰਚ ਨੂੰ ਸਵੇਰੇ 10 ਵਜੇ ਗੁਰਦੁਆਰਾ ਟਾਹਲੀਆਣਾ ਸਾਹਿਬ ਰਾਏਕੋਟ ਤੋਂ ਯਾਤਰਾ ਚੱਲੇਗੀ, ਜਿਹੜੀ ਕਿ ਬੱਸੀਆਂ, ਝੋਰੜਾਂ, ਜੱਟਪੁਰਾ ਤੋਂ ਬਾਅਦ ਹਲਕਾ ਜਗਰਾਉਂ ਦੇ ਨਗਰਾਂ ਲੰਮਾ, ਮਾਣੂੰਕੇ, ਦੇਹਡਕਾ, ਡੱਲਾ, ਕਾਉਂਕੇ ਤੋਂ ਬਾਅਦ ਗੁਰਦੁਆਰਾ ਗੁਰੂਸਰ ਪਾਤਸ਼ਾਹੀ ਛੇਵੀਂ ਵਿਖੇ ਪਹੁੰਚੇਗੀ। ਅਗਲੇ ਦਿਨ 7 ਮਾਰਚ ਨੂੰ ਸਵੇਰੇ 10 ਵਜੇ ਯਾਤਰਾ ਆਰੰਭ ਹੋ ਕੇ ਗੁਰਦੁਆਰਾ ਨਾਨਕਸਰ ਕਲੇਰਾਂ, ਗਾਲਿਬ, ਸ਼ੇਰਪੁਰਾ, ਸਵੱਦੀ ਖੁਰਦ, ਰਾਮਗੜ੍ਹ, ਲੀਲਾਂ, ਜੰਡੀ, ਬਰਸਾਲ ਤੋਂ ਬਾਅਦ ਹਲਕਾ ਦਾਖਾ ਦੇ ਪਿੰਡ ਬਿਰਕ, ਸਵੱਦੀ ਕਲਾਂ, ਤਲਵੰਡੀ ਤੋਂ ਇਲਾਵਾ ਮੰਡਿਆਣੀ ਗੁਰਦੁਆਰਾ ਮਸ਼ਕੀਆਣਾ ਸਾਹਿਬ ਮੁੱਲਾਂਪੁਰ ਵਿਸ਼ਰਾਮ ਕਰੇਗੀ। ਭਾਈ ਗਰੇਵਾਲ ਨੇ ਦੱਸਿਆ ਕਿ ਇਲਾਕੇ ਦੀਆਂ ਸੰਗਤਾਂ 'ਚ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਇਸ ਉਪਰਾਲੇ ਦਾ ਭਰਪੂਰ ਸਮਰਥਨ ਕੀਤਾ ਜਾ ਰਿਹਾ ਹੈ ਅਤੇ ਇਸ ਯਾਤਰਾ 'ਚ ਗੁਰੂ ਸਾਹਿਬਾਨ ਜੀ ਦੀਆਂ ਨਿਸ਼ਾਨੀਆਂ ਦੇ ਦਰਸ਼ਨਾਂ ਦੀ ਖਿੱਚ ਸੰਗਤਾਂ 'ਚ ਵੱਡੀ ਪੱਧਰ 'ਤੇ ਦਿਖਾਈ ਦੇ ਰਹੀ ਹੈ। ਅੱਜ ਭਾਈ ਗਰੇਵਾਲ ਦੇ ਸ਼੍ਰੋਮਣੀ ਕਮੇਟੀ ਦੇ ਪ੍ਰਚਾਰਕਾਂ ਦੇ ਨਾਲ ਕਾਉਂਕੇ, ਗੁਰੂਸਰ, ਡੱਲਾ, ਦੇਹੜਕਾ, ਮਾਣੂੰਕੇ, ਝੋਰੜਾਂ, ਲੰਮਾ ਜੱਟਪੁਰਾ ਪਿੰਡਾਂ ਦੀਆਂ ਸੰਸਥਾਵਾਂ ਨਾਲ ਦਿਨ-ਭਰ ਸੰਪਰਕ ਕੀਤਾ ਅਤੇ ਮੀਟਿੰਗਾਂ ਨੂੰ ਸੰਬੋਧਨ ਕੀਤਾ। ਇਸ ਦੇ ਨਾਲ-ਨਾਲ ਯਾਤਰਾ ਦੇ ਸਵਾਗਤ ਲਈ ਪ੍ਰਬੰਧਾਂ ਦਾ ਜਾਇਜ਼ਾ ਵੀ ਲਿਆ।

ਚੌਕੀਮਾਨ / 4 ਮਾਰਚ   (ਨਸੀਬ ਸਿੰਘ ਬਿਰਕ ) ਐਸ ਜੀ ਪੀ ਸੀ ਚੋਣਾਂ ਤੋਂ ਲੈਕੇ ਹੁਣ ਤੱਕ ਸਾਡੇ ਸੂਬੇ ਪੰਜਾਬ ਅੰਦਰ ਜਿੰਨੀਆ ਵੀ ਚੋਣਾਂ ਹੋਈਆ ਸਭ ਵਿੱਚ ਅਕਾਲੀ ਭਾਜਪਾ ਸਰਕਾਰ ਦੇ ਉਮੀਦਵਾਰਾ ਨੇ ਹੀ ਕਿਲ•ਾ ਸਰ ਕੀਤਾ ਹੈ । ਕਾਂਗਰਸ ਦਾ ਵਜੂਦ ਖਤਮ ਹੁੰਦਾ ਨਜਰ ਆ ਰਿਹਾ ਸੀ ਕਾਂਗਰਸ ਦਾ ਦਿਨ ਪ੍ਰਤੀ ਦਿਨ ਖਤਮ ਹੋਣਾ ਜਿੱਥੇ ਕਾਂਗਰਸ ਪਾਰਟੀ ਦੇ ਉੱਚ ਅਹੁਦੇਦਾਰਾ ਨੂੰ ਫਿਕਰ ਖੜਾ ਕਰ ਰਹੀ ਸੀ ਉੱਥੇ ਹੀ ਹੇਠਲੇ ਲੇਬਲ ਦੇ ਵੋਟਰਾ ਸਪੋਟਰਾ ਲਈ ਵੀ ਕਾਂਗਰਸ ਖਤਮ ਹੋਣਾ ਸਿਰਦਰਦੀ ਬਣਦਾ ਜਾਪ ਰਿਹਾ ਸੀ । ਕੌਮੀ ਪਾਰਟੀ ਕਾਂਗਰਸ ਨੂੰ ਖਤਮ ਹੁੰਦਾ ਵੇਖਕੇ ਆਪਣੇ ਆਪ ਨੂੰ ਕੱਟੜ ਕਾਂਗਰਸੀਏ ਅਖਵਾਉਣ ਵਾਲੇ ਕਈ ਕਾਂਗਰਸੀ ਲੀਡਰ ਅਤੇ ਵਰਕਰ ਅਕਾਲੀਆ ਨਾਲ ਅੰਦਰਖਾਤੇ ਗੁਪਤ ਗੂੰ ਕਰਕੇ ਅਕਾਲੀਦਲ ਦੇ ਬੇੜੇ ਵਿੱਚ ਸਵਾਰ ਹੋ ਗਏ ਸਨ ਇੰਨਾ ਦੇ ਇਸ ਝੂਟੇ ਦਾ ਮੌਕੇ ਤੇ ਹੀ ਪਤਾ ਚੱਲਦਾ ਕਿ ਫਲਾਣਾ ਵੋਟਰ ਸਪੋਟਰ ਅਕਾਲੀ ਦਲ ਦਾ ਪੱਲਾ ਫੜ ਚੁੱਕਾ ਹੈ । ਲਗਾਤਾਰ ਕਾਂਗਰਸੀਆ ਦਾ ਆਪਣੀ ਪਾਰਟੀ ਛੱਡਕੇ ਅਕਾਲੀਦਲ ਵਿੱਚ ਜਾਣ ਦਾ ਮੁੱਖ ਕਾਰਣ ਸੀ ਕਿ ਉਹਨਾ ਨੂੰ ਲੱਗ ਰਿਹਾ ਸੀ ਕਿ ਆਉਂਦੀਆ ਲੋਕ ਸਭਾ ਚੋਣਾਂ ਦੌਰਾਨ ਵੀ ਹਰ ਪਾਸੇ ਵਿਜਯੀ ਰਿਹ ਚੁੱਕੀ ਅਕਾਲੀਦਲ ਹੀ ਆਪਣੇ ਨਾਮ ਦਾ ਝੰਡਾ ਗੱਡੇਗੀ। ਇਸੇ ਤਰਾਂ ਪੰਜਾਬ ਦੇ ਲੋਕ ਸਭਾ ਹਲਕਾ ਲੁਧਿਆਣਾ ਦੇ ਕਈ ਕਟੱੜ ਕਾਂਗਰਸੀਏ ਵੀ ਆਪਣੇ ਮਨ ਅੰਦਰ ਗਲਤ ਸੁੱਫਨੇ ਸੁਰਜੀਤ ਕਰਦੇ ਹੋਏ ਅਕਾਲੀਦਲ ਨੂੰ ਪੂਰੀ ਤਰਾਂ• ਸਮਰਪਿਤ ਹੋ ਗਏ ਸਨ ਕਿਉ ਕਿ ਉਹਨਾ ਨੂੰ ਲੱਗ ਰਿਹਾ ਸੀ ਕਿ ਇਹ ਸੀਟ ਇਸ ਵਾਰ ਪੱਕੀ ਅਕਾਲੀਦਲ ਦੀ ਝੋਲੀ ਪਏਗੀ ਜਿਸ ਕਾਰਣ ਜੇਕਰ ਅਸੀ ਕਾਂਗਰਸ ਵਿੱਚ ਹੀ ਰਹੇ ਤਾਂ ਸਾਡੇ ਕੰਮ ਨਹੀ ਹੋਣੇ । ਪਰ ਕਿਸੇ ਨੇ ਇਹ ਸੱਚ ਲਿਖਿਆ ਹੈ ਕਿ ਜਿਸ ਨੂੰ ਪ੍ਰਮਾਤਮਾ ਵਡਿਆਈ ਦੇਣੀ ਚਾਹੇ ਉਸ ਦੇ ਨਸੀਬ ਵਿੱਚ ਹੁੰਦੀ ਹੈ । 30 ਅਪ੍ਰੈਲ ਨੂੰ ਪਾਈਆਂ ਵੋਟਾ ਤੋਂ ਨਤੀਜੇ ਤੱਕ ਸਭ ਨੂੰ ਇਹ ਹੀ ਲੱਗ ਰਿਹਾ ਸੀ ਕਿ ਅਕਾਲੀ ਉਮੀਦਵਾਰ ਜਿੱਤ ਪ੍ਰਾਪਤ ਕਰੇਗਾ । ਪਰ ਜਦੋ ਨਤੀਜੇ ਦੀ 16 ਮਈ ਆਈ ਤਾਂ ਸਭ ਦੇ ਚਾਵਾਂ ਨੂੰ ਲਾਂਬੂੰ ਲੱਗ ਗਿਆ s9 ਜਿੱਤ ਉਸ ਉਮੀਦਵਾਰ ਦੀ ਹੋ ਗਈ ਜਿਸ ਨੂੰ ਸਾਡੇ ਵੋਟਰ ਵੀਰ ਸਭ ਤੋਂ ਮਾੜਾ ਸਮਝ ਰਹੇ ਸਨ । ਲੁਧਿਆਣਾ ਲੋਕ ਸਭਾ ਹਲਕਾ ਦੀ ਧਰਤੀ ਤੇ ਫਿਰ ਤੋਂ ਕਾਂਗਰਸੀ ਉਮੀਦਵਾਰ ਬਿੱਟੂ ਆ ਧਮਕਿਆਂ ਇੰਨਾ ਆਏ ਨਤੀਜਿਆ ਨੇ ਸਭ ਨੂੰ ਹੌਰ ਭੌਰ ਕਰ ਦਿੱਤਾ । ਅੱਜ ਕੱਲ ਉਹ ਕਾਂਗਰਸੀਏ ਜੋ ਕਿਸੇ ਸਮੇਂ ਭੱਵਿਖ ਨੂੰ ਭਾਫਦੇ ਹੋਏ ਅਕਾਲੀ ਦੇ ਵਿਹੜੇ ਜਾ ਕੁੱਦੇ ਸਨ ਅੱਜ ਆਪਣੇ ਆਪ ਨੂੰ ਅਧੂਰੇ -ਅਧੂਰੇ ਮਹਿਸ਼ੂਸ ਕਰ ਰਹੇ ਹਨ ਪਰ ਹੁਣ ਉਹ ਕਰ ਵੀ ਕੀ ਸਕਦੇ ਹਨ ਬਿੰਨਾ ਪਛਤਾਵੇਂ ਦੇ ਉਹਨਾ ਕੋਲ ਕੁੱਝ ਨਹੀ ਰਿਹਾ ।  ਅਕਾਲੀ ਬਣੇ ਸਭ ਵਰਕਰ ਹੁਣ ਵਿਟਰ-ਵਿਟਰ ਵੇਖ ਰਹੇ ਹਨ ਕਿ ਇਹ ਕੀ ਹੋ ਗਿਆ ਸਭ ਕੁੱਝ ਖਤਮ ਹੋ ਗਿਆ । ਹੁਣ ਕੀ ਕਰਾਂਗੇ ਨਾ ਅਸੀ ਉੱਧਰ ਦੇ ਰਹੇ ਨਾ ਇੱਧਰ ਦੇ ਇੰਨਾ ਨਾਲ ਤਾਂ ਉਹ ਗਈ ਕਿ ਅਸਮਾਨ ਤੋਂ ਡਿੱਗਿਆ ਖੰਜੂਰ ਤੇ ਲਟਕਿਆਂ”। ਇੱਥੇ ਹੀ ਬਸ ਨਹੀ  ਕਾਂਗਰਸ ਛੱਡਕੇ ਅਕਾਲੀਦਲ ਚ ਟਪਕੇ ਕਈ ਵੋਟਰ ਅਤੇ ਸਪੋਟਰ ਇੱਕ ਵਾਰ ਫੇਰ ਸਮਾ ਤਾਕਦੇ ਹੋਏ ਕਾਂਗਰਸ ਦੇ ਵਿਹੜੇ ਆਲੂਆਂ ਵਾਂਗ ਆ ਡਿੱਗੇ  ਜਿੰਨਾ ਨੂੰ ਅੱਜ ਕੱਲ ਸਭ ਕਾਂਗਰਸੀ ਲੀਡਰ ਜਿੱਥੇ ਚਾਹੇ ਉੱਥੇ ਵਰਤ ਰਹੇ ਹਨ ।
 

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਅੱਜ ਪਿੰਡ ਗਾਲਿਬ ਰਣ ਸਿੰਘ ਦੇ ਗੁਰਦੁਆਰਾ ਵਿਖੇ ਸਰਪੰਚ ਜਗਦੀਸ਼ ਚੰਦ ਤੇ ਸਮੂਹ ਪੰਚਾਇਤ ਤੇ ਗੁਰਦੁਆਰਾ ਪ੍ਰਬਧੰਕ ਕਮੇਟੀ ਨੇ ਉਘੇ ਸਮਾਜ ਸੇਵੀ ਮਾਸਟਰ ਲਖਵੀਰ ਸਿੰਘ ਕਨੇਡਾ ਅਤੇ ਉਨ੍ਹਾਂ ਦੀ ਧਰਮਪਤਨੀ ਮਾਸਟਰਨੀ ਬਲਵੰਤ ਕੌਰ ਕਨੇਡਾ ਨੂੰ ਪਿੰਡ ਵਿੱਚ ਕੀਤੀਆਂ ਚੰਗੀਆਂ ਸੇਵਾਵਾਂ ਬਦਲੇ ਸਨਮਨਾਇਤ ਕੀਤਾ ਗਿਆ।ਇਸ ਸਮੇ ਸਰਪੰਚ ਜਗਦੀਸ ਚੰਦ ਨੇ ਕਿਹਾ ਕਿ ਐਨ.ਆਰ.ਆਈ ਮਾਸਟਰ ਲਖਵੀਰ ਸਿੰਘ ਨੇ ਪਿੰਡ ਵਿੱਚ ਕਿਸੇ ਵੀ ਤਰ੍ਹਾਂ ਦਾ ਸਮਾਜ ਸੇਵੀ ਕੰਮ ਲਈ ਆਪਣਾ ਬਹੁਤ ਵੱਡਾ ਯੋਗਦਾਨ ਪਾਇਆ ਹੈ।ਉਨ੍ਹਾਂ ਕਿਹਾ ਕਿ ਮਾਸਟਰ ਜੀ ਵਲੋ ਸਕੂਲ ਨੂੰ ਵਰਦੀਆਂ ਦੇਣੀਆਂ,ਪਿੰਡ ਦੇ ਆਲੇ-ਦੁਆਲੇ ਪੋਦੇ ਲਗਾਉਣੇ,ਸਕੂਲ ਵਿੱਚ ਬੱਚਿਆਂ ਨੂੰ ਨਗਦ ਰਾਸ਼ੀ ਇਨਾਮ ਵਜੋ ਦੇਣੀ ਤੇ ਗਰੀਬਾਂ ਦੀ ਮਦਦ ਕਰਨੀ ਆਦਿ ਵਰਗੇ ਚੰਗੇ ਕੰਮ ਕੀਤੇ ਹਨ।ਇਸ ਸਮੇ ਮਾਸਟਰ ਲਖਵੀਰ ਸਿੰਘ ਨੇ ਕਿਹਾ ਕਿ ਮੈ ਆਉਣ ਵਾਲੇ ਸਮੇ ਵਿੱਚ ਵੀ ਸਮਾਜ ਸੇਵੀ ਕੰਮਾਂ ਵਿੱਚ ਆਪਣਾ ਯੋਗਦਾਨ ਪਾਉਦਾ ਰਹਾਂਗਾ ਤੇ ਮੈ ਸਮੂਹ ਪੰਚਾਇਤ ਤੇ ਨਗਰ ਨਿਵਾਸੀਆਂ ਦਾ ਹਮੇਸ਼ਾ ਰਿਣੀ ਰਹੇਗਾ।ਇਸ ਸਮੇ ਗੁਰਦੁਆਰਾ ਸਾਹਿਬ ਦੇ ਪ੍ਰਧਾਨ ਸਰਤਾਜ ਸਿੰਘ,ਨਿਰਮਲ ਸਿੰਘ,ਜਗਸੀਰ ਸਿੰਘ,ਰਣਜੀਤ ਸਿੰਘ,ਹਰਮਿੰਦਰ ਸਿੰਘ,ਜਸਵਿੰਦਰ ਸਿੰਘ(ਸਾਰੇ ਪੰਚ),ਪਧਾਨ ਜਸਵਿੰਦਰ ਸਿੰਘ,ਖਜਾਨਚੀ ਕੁਲਵਿੰਦਰ ਸਿੰਘ,ਚਮਕੋਰ ਸਿੰਘ ਕਨੇਡਾ,ਸੁਰਿਦਰਪਾਲ ਸਿੰਘ ਫੌਜੀ,ਜਸਵਿੰਦਰ ਸਿੰਘ ਆਦਿ ਹਾਜ਼ਰ ਸਨ।